رواية حيادر الراء . الفصل الرابع وثلاثون 34 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

ريم :- مرحبـا أني الدكتورة ريم

ريتاج :- مرحبتين أني ريتاج

ريم :- أهلًا وسهلاً حبـيبتي

سلمت عليه والتفتت لحيادر وكالت :- أهلًا دكتور

حمحم وكـال :-  أهلًا .

التفتت الرجال الي وكال :- السلام عليكم

ريتاج :- وعليـكم السـلام

تُميم :- تفضلوا راح تخلصوها أهلًا وهلاً

ريم :- يله يمعـودين

صعدنة فوك وياهم رحنة للمكتب قريت المكتوب فوك الغُرفة :- " مكتب المُهندس الكيميائي تُميم "

دخلنة المـكتب كعـدنة وكالت ريم :- شـنو تشربون ؟

حيدر :- كهوة سادة

ريم :- وأنتِ ريتـاج ؟

ريتاج  :- بكيفج حبيبي اي شي

ريم :- ثـواني

راحت وره ثواني رجعت كعدت على الكُرسي وكالت :- اي كتور حيادر ما عرفتنة على ريتاج الحلوة ؟

حيدر :- حبـيبتي

عدلت كـعدتها محت أبتسامتها وجـاوبت :- واو حبيبـتك لو خطيبتك ؟

التفت باوع عليه نوب كال :- تكدرين تكولين روحي الي ما اكدر اعيش بدونها .

أبتسمـت وكال تُميم :- هيجـتو المشـاعر يمعودين

ريم :- ههههه تُميم اكُعد راحة

تُميم :- ههههههههه

ضحكو واحنة مجرد دانبتسم شويه وأجت بنية قدمت النه وطلعت وكالت ريم :- تفضلوا الف عافية مقدمًا

حيدر :- شكُرًا

أبتسمت وجاوبت وكالت :- لا شُكرًا على واجب

لاحضـت أسلوبها ما شاء الله احـترام ولباقة بالكلام حتى اخوهـا نفس الشي حتى ارتاحيـت بالكلام وياها والكـعدة ضل تُميم يسولف وي حيادر وأني وياها ساكتين شويـه وانتبهت عليه وكالت :- اي ست ريتاج ماكُلتي النا شنو مكمـلة ؟

ريتاج :- تاركة حبيبتي أني

ريم :- ليش الدراسـة گُلش حلوة للبنـية

ريتاج :- سبب شخصي

ريم :- العفـو

ريتاج :- لا عادي ماكو مُشكلة

أبتسمت وكـالت :- شلون تعارفتوا أنتِ ودكتـور حيدر توقعت بالجامعة
ريـتاج :- لا مو بالجامـعة صدفة

ريم :- احلى شي الصدفة گُلش أحُب الصدف أني

ريتاج :- وأني بعـد وياج

شويه وأجت نفس البنية قدمت النا كيك وببسي حيادر اكل شوية وهاهية وأني هم ما كلت هواي وجهت سؤال ريم لحيادر وكالت :- شگد وترجع لمصر ؟

حيدر :- تقريبًا بقالي ١٨ يوم وأرجـع

ريم :- أرجع وياك بس اقدم الاستمارة مال النقل وأرجع للعراق

حيدر :- تنتقليـن ؟

تُميم :- اي راح تروح كم شهر وانقلها هُنا وبعدين ترجع

حيدر :- ليـش ؟

ريم :- أفضل

أبتسم حيـادر مرت ساعة انتهى الاجـتماع مالت حيادر وتُميم قبل لا يـكومون باوعتلي ريـم وكالت :- ريتاج انطيني تلفـونج انقلح رقمي إذا مـاكو مانع لإن حبيتج

ريتاج :- حبيبتي أنتِ لا عادي شنو السالفة والله أني هم

كلت هيـج وانطيتها تلفـوني مرت عشر دقائق ورجـعتة وكالت :- سميت رقمي يمـج my friend

ريتاج :- تشرفت بيج حبيبتي

ريم :- حيـاتي أنتِ

حيدر :- يله نترخص احنه يابه

تُمتم :- وين يابـة شنو شفنة مـنكم

حيدر :- غير مره ان شاء الله

تُميم :- تـعزمونة ؟

حيدر :- ميخالف يابة سهلة على هاي

تُميم :- هههههه كفـو

سلمنة عليهم وطلعنة صعدنة بالسيارة لوحتلي ريم ولوحتلها بأيدي وحرك حيادر السيارة شويه وكتلة :- متعارفين بالجامعة هُناك ليش ما كتلي عليها ؟

- ما ردتـج تضوجين فَ جبـت اليوم وياي حتى تتعـارفن سوه والعين أفضل من السمع

أبتسمت اله وكلت :- لا عادي ليش اضوج أعرفك شنو أنتَ وأكيد ما تنطي مجال لاي بنية ولا تباوع لاي بنية وأني متأكدة من هذه الشي وثاقة ثقة عمياء

- هنـيالي بيـج يا بويه
- وهنيالي بيك حييـيادر

ضحك وسكتنة وشوية وصلنة للبيت نزلنة اخذنة حواء وحركنة السيارة باوعت حواء على حيادر وكالت :- شعجب ما تأخرتوا ؟

حيدر :- ما تأخرنـة !

حواء :- اي

ريتاج :- حـواء يا ما تأخرنة غير سـاعتين ضلينة

حواء :- ها مادري جنت نايمة مر الوقت بسرعة لعد

سكتت وره شويه كالت :- اي رتوج سولفيلي منو ما منو قابلتو ؟

ريتاج :- دكتوره ريم ومُهندس تُميم حبيت دكتورة ريم هواي لطيفة

سولفت الها على ريم والمُقابلة كُلها وكالت :- حبيييت

وصلنة للبيت أول ما وصلنة نزلنة ودخلنة المطبخ وكالت حواء :- راسي يأذيني

حيدر :- شنو شبـيج ؟

حواء :- مادري والله هسه أنام ويروح

كالت هـيج وصعدت ركض ليفـوك باوعلي حيـادر وأبتسم وكال :- عندي موضوع ويـاج من تخـلصين صعديلي

- شنو هوَ ؟
- من تصعدين تعرفين
- ماشي

صـعد شربت مي وصـعدت وراه دخلت غُرفة حواء لكـيتها داتمشط باوعلي وابتسمت رحـت طلعت ملابس نزلت جـوه سبحت وصعدت مشـطت شعري مر وقت أذن أذان المُغـرب نزلت توضـيت وصعدت فرشت السجادة وبديت اصلي كمـلت خلصت وطلعت من غُرفة حـواء توجهت لغُرفة حيدر

دكيت الباب ودخلت لكيتة دايشرب كهوة شافني وكال :- هلاً بويه تعالي كعدي هُنا

- كملت صلاة ؟
- اي يا عيني

- تقبل الله
- منا ومنج

قدم الي الفنجان مال الكهوة وكالي :- تردين ؟

- اي

شربـت منها شويه طعمها طـيب بس مُره جان صـافن عليه باوعت عليه وكتله :- طيبة گُلش بس مُره لـيش ؟

- بس هسه صارت حلوة

عرفـت مقصـدة قبل لايكول بس سـئلته وكتله :- شلون ؟

- من حلاُه شفايفج

الخجـل سيطر عليه غيرت الموضـوع رسًا وكتله :- همم بس طيـبة شلون مسوية ؟

عدل كعدته وجاوب :- سر المهنة يابه

- يعني ما تعلمـني ؟

- لا ، اسويلج اي بس اعلمج لا

- اي وقـت ؟

- اي وقت حتى لو بالخمسة بالستة الصبُح تجين وتدكين بابي وتكعديني مُجرد ما أشوف واصبح بوجهج الحلو اكوم اسوي الچ اطيب كهوة مُره واحليها بشفايفج

ضحكـت وكتله :- حييييادر

- عيناه أنتِ

داريـد اجاوبة دخلت حـواء شافتنة كاعدين وكالت :- أعتذر خويه كطـعت عليك اللحظة الرومانـسية بس محتاجة رتـوج وياي بالعشة

حيدر :- اخذيها خيتي

حواء :- شلـون أخ كفو

ريتاج :- مو عندك سالفة وياي ؟

حيدر :- ميخـالف غير مرة

حواء :- يله رتوجااااتي تعالي وياي دانسوي عشه

ريتاج :- جيـت حبيبتي

طلعنة من غُرفة حيادر ونزلنة نسوي عشة ونسولف انتبهت على حواء كُل شوي صافنة بفد مُكان اخر شي كُلتها :- شبيج تتصفنين

حواء :- هاا لا ماكو شي بس دافكر اكُل لحيدر يوديني للمستشفى علمود صفحتي

ما اقتنعت بس جاوبتها وكلت :- بعدها تأذيج

- لا انكطـع الالم صارلة وقت
- اي حتـى لو انكطع خـلي يوديج ونتأكد
- هوَ هم كُلـت أني هيج

تعشينة وكملنة وصعدت فوك اتصلت على أمي جاوبتني وسلمت عليها وكلت :- شوكت يجي حسون باجر ؟

أمي :- بكيـفج

ريتاج :- خلي يجي باليل

امي :- اشوف خـاف عنده طلعـة شي اتصل عليج واكُلج

ريتاج :- ميخالف يُمه

سلمـت عليها ودمـعت عيني لإن راح اروح باجر راح ارجـع وأبتعد عن حيادر وما أعرف كم سنة ويرجـع رحـت صعدت فوك دخلت لغُرفة حيادر بدون ما ادك الباب دخلت وباوعت عليه مـتمدد وبأيده التلفون وأيد وره راسه

رفع رأسه وانتبة عليه باوع على وجهي وطفر وكال :- شبيج حبيبتي منو مضوجج ليش داتبجين ؟

- ما باجيـة حيادر
- لعد شبيهن عُيونج الحلوات

- من وراك أنتَ
- أني شـسويت بويه ؟

مسحت عُيوني وكتله :- لإن راح تسافر وبعد هواي يله تجي وأني باجر راح اروح للبيت

- يا روحي على هاي
- اي عليها تـتوقع سهله

- ريتاجة

- عيني
- تعالي كعدي هُنا

مشيت وراه كعد بالكاع وتربع وكعدت كدامه وكال :- فُستقي ليش داتنزل دمعتج بهاي السرعة ؟

- الك .

- حتى لو الي ما أريد دمعتج تنزل لاتخليها تنزل بسرعة خليها صعبة ما تنزل بسهولة حتى لو جانت دمعة وحدة دمعتج غالية فُساتق أنتِ قوية صدكيني وثقي بكلامي المره الالف راح تعدي هاي السنوات على خير الي داسوي علمودج وعلمودي أحبچ اني وما أريد اي أذيه الچ

دمعت وكتله :- داتبـجيني بكلامـك

- بالعكس داقويج داشيل اي فكرة سلبية داخلج اتمنى ادخل لعقلج الباطن واملي طاقه من طاقتي الايجابية تردين طاقتي انطيها الچ گُلشي يجرالچ فُستقة والخلقج

مسحت دموعي وكال :- اتمنى اكدر إلمسچ وامسح دموعچ هذن

أبتسمت وكال :- دموعج دايحركني من داشوفن على خدج وما أسوي شي

ضليت اطكـطك باصابيعي وكال :- أحُب گُلشي بيچ صـدكيني أني ما مرتاح هُناك وهم متعـذب حالي من حالج وداعت عُيونج الحلوة هاي

- أعرفك يا روحي أعرفك أني هاهية يله بعد ما ابجي لخاطرك

- هُيامي أنتِ
- حـيادر
- عيناه

- أنتَ مو دكتور ؟
- اي يا روحي دكتورج اني
- افحص نبضي لعد

- هههههه من جـبتي هاي الدروب فُستق ؟
- من يمك تعلمتهن درب درب
- ههههه

- روحي لبسي مُحرم الصلاة وتعالي
- ماشي

رحت لبسـت محرم صلاة ورجعت دخـلت باوع عليه وكال :- شكد حلو عليج الحجـاب

دنكت خجلانة منه رحت كعدت كدا خذه أيدي وبدأ يحسب خلص وكال :- الحمدُلله زين ، ماخذة علاجج ؟

- اي
- عـوافي

سحب أيدي راد يبوسها سحبتها سحب تنهيدة وكال :- أحبچ هُيامي

- أحبك حيـادري ، يله راح اروح أنـام
- نوم العافيـة

أبتسمت وطلعت من الغُرفة ورحت نمت كعدت على صلاة الفجر نزلت توضيت وصعدت شغلت ضوه الغُرفة فرشت السجادة صليت وكملت داريد أكوم دخل حيادر

باوع عليه وكال :- اقري سـورة البقرة وسورة يس زينـات ذن ميخلن طاقة سلبية وتفكيـر سلبي

- من عُيوني
- سالمات يبعد اليدك باليسرة

كـال هيج وأبتسم وطلع رحت خـذت قرآن فتحتة قريت السـورتين كاملات وصدقت بسـت القرآن وسديتة رحـت نمت كعدت الصبُح نزلـت محد كاعد حتى حواء عفتها فوك نايمـة

رحت غسلت ورجعت للمطبخ شربت العلاج وخليت القوري على النار التفتت على حركة من وراي لكيتها حواء باوعت عليه وكالت ؛- صباح الخير داده

- صبـاح النور

التفتت باوعت على الطباخ نوب باوعت عليه :- شاطرة شاطرة مو بأيدج

- ههههه دروحي غـسلي وتعالي حضري الريـوك والبيض وطلعيـلي الزعـتر

- صااااار تمونين

غسلت ورجعت حضرنة الريوك سوه نزل حيـدر مـن فوك باوع علينه وكـال :- صباح الخير يابه

- صباح النور

راح غـسل ورجعت كعدو البقـية تريكنة وخلصنة سمعـنة أذان الظهر توضيت وصعـدت فوك صليت وسمعت هـوسة كملت صلاة ونزلت لكيت أسماء وحليم وبنتـهم جايين سلمت عليهم وخـذت رواسن لاعبتها شويه كامت تبجي

انطيتها لأمها وصعدت فوك لكيت رسالة من أمي فتحتهن جانت كاتبة :- " ريتاجة بنتي حُسين يجي بالسبعة "

- ماشي يعيُوني

نزلت صحت حواء صعدتلي وكالت :- ها راح ترحين ؟

- اي
- لاااااا صدُك هيَ شنو ماطـولتي ؟

- نجبي عيني ، وين ملابسي غاسلتهن
- اي هسه انزل اجيبهن

نزلـت وره دقايق صعدتلي خلت المـلابس بالكاع وكعدت ويـاي ترتيبهن بالجنطة وكـالت :- راح أشتاقلكم سوه

- أني الاكثر
- اهو ضوجة راح تصير

- تصـدكين أني أكثر ضـايجة وداعتج
- أعرفج دادة قـابل جديدة

أبتسمت وكملت ترتيب الملابس طلعت ملابس الطلعة وحضرتهم وطلعت من الغُرفة ردت اروح لغُرفة حيدر لاكتني أسماء من صعدت شافتني :- شلونج عُمري شلون صرتي ؟

ريتاج :- الحمدُلله أسـئل علـيج

أسماء :- فدوة اروحلج

أبتسـمت وراحت دخلت غرفتها ونزلت جـوه أني مر الوقت ومر اليوم وصارت بالسبـعة وأجه حُسين دخل من باب المطـبخ وهوَ داينزع حذائك باوع علـيه وكال :- مي خيتي

- صار

انطيتـة مي شربه وأجه حـضني وبـاس رأسي :- مشتاقلج عين الشمس

- وأني هم ، يله ادخُل

داحجـي وانتبهت على اصـابيع أيده مابيهن التچبير بـاوعت عليه :- الحمدُلله شااايل التـچبير ؟؟

- اي الحمدُلله

- ان شاء الله بعد ما تشـوف هاي الاشـياء الي عشناها كُلها

- ان شاء الله

كال هيج ودخلنـة سوه للصالة سلم على الكُل وكعـد ضل يسولف وياهم كمنة أني وحواء للمطـبخ نحضر للعشة نزل حـيدر من فوك وكال وهوَ دايلبس جاكيت :- راح اجـيب عشه من بره لاتسوون شي

طلع ورحت وكعدت يم حُسين وهوَ دايسولف وي عمو مرت ساعة تعشينة وكملنة وباوع عليه حُسين وكال :- يله ريتاجه كومي حضري نفسج

بعدني ما ناطـقة كال حيدر :- يمعـووود شنو شفنة منك أبقى

حُسين :- وداعتك ضلعي مستعجل غير مره أجي وابات يمكم أني والوالدة

حيدر :- نطلبـك جيه ؟

حُسين :- غالي والطلب رخيص

حيدر :- حبيبي

كمت حضرت وكملت مرت ساعة وكملت طلعت الحذاء مسحتة ولبستة سويت شعري كعكه ورشيت عطر وطلعت من الغُرفة توجهت لغُرفة حيادر دخلت لكيتة ماكو

شفت دفتر وقلم على الميز خذتهن وكتبت :- " أحبك حيادر بالك على نفسك بغيابي و ان شاء الله نتشاوف مره ثانية قبل لا تروح أحبك هواي "

كتبت جواها فُستقة خليتها فوك الدفتر وكلبتها رسمت قلب الحُب وخليت القلم فوك الورقة وطلعت من الغُرفة ونزلت جوه تلكاني حُسين وكال :-روحي عيني طلعي صعدي بالسيارة

- مـاشي

سلمت عليهم كُلهم اخر شي حيادر باوع عليه مسح وجه بأيده وصعد انقهرت عليه عرفت على شنو ضاج سلم حُسين وطلعنة صعدنة السيارة شوية ووصلنة للبيت نزلنة تلكاني أمي حضنتها وحصنتني قوي وكالت :- يُمه بنيتي يُمه شگد مشتاقتلج يا روحي

ريتاج :- فدوة الچ شعندي غيرج

رحت على أبوي حضنته وكال :- ريتاجه العزيزة احس سنين ماكو بالبيت مو كم يوم

أمي :- اي والله

ريتاج :- أوي فدوة الكم

كملـت سلامي وياهم خلصت وصـعدت سبحت وبدلت ونزلت جوه كعدنة وضلـينة نسولف

....

مرت ايام عاديه خلت من الاحداث بيوم جنت كاعدة داتريك وأمي دانتظف فوك راسي صحت بأسمها وكالت :- هاا ؟

آيريم :- شنو اخـبار مؤمل مايجي يـخطب ؟

أمي :- أنتِ تردي ؟

آيريم :- لا

أمي :- لعد بعد شكو داتلغين

آيريم :- شنو السالفه مُحرد سؤال

ماجاوبتني شويه وكلت : والله مشتاقة لآسر

أمي :- يولي هذه

آيريم :- لاتحجين عليه عوفي خلصان من عدنه على الأقل

أمي :- ما اتـقبلة

آيريم :- كُتلچ تقبلي ؟

أمي :- لا

آيريم :- لعد هاهية أسُكتي

كمـت من عدها غسلت الاماعين ورحـت لغُرفتي طلعت التـلفون واتصلت عليه جاوب بتعب وكال :- ها خيتي

آيريم :- شبي صـوتك ؟

آسر :- انسي من التعب

آيريم :- تعـب شنو ؟

آسر :- الطب صعب آيريم وداعتج

آيريم :- أنتَ كدها صدكني

آسر :- من حظي

آيريم : يا كافي آسر شنو السالفـة

آسر : سكتنة ، يله راح اروح أقره وانام

آيريم : براحتـك خوية

سلم وراح وأني هم رحت نمت

....

مر عشـر أيام وبيوم جان حيادر يمـنه جاي هوَ وحُسين يرديـون يطلعون دخل حيادر للمطبـخ حمحم وكال :- ريتاج أريد كلينكس بللي وانطي الي

ريتاج :- شتسوي بي ؟

حيدر :- أريده داريد امسح الحذاء

دخل حُسين وكتله :- لحظة خويه

كلت هيـج خله أيده على وجه وانـداريت خذت الكلينكس بللتة وانـطيتة اله وكال حُسين :- شوكت طيارتك ؟

كال وهوَ دايمسح حذائه :- بعدلها أسبوع

حُسين :- اجي ويـاك

حيدر :- هلا بيك آسر مشتاقلك هُناك

حُسين :- حبيبي شگد مشـتاقلة بالعباس هواي

حيدر :- والله هوَ هم كالي سلملي عليه

حُسين :- الله يسلمه شوكت يرجع ؟

كام خله الكلينكس على الميز وباوع عليه وكال :- مايرجع اله يتخرج

حُسين :- شعجب ؟

حيدر :- احسن النه يمعود أني هم راح اخذلي ثلاث سنوات أربعة يله ارجع بعد

حُسين :- ليش يمعوديـن هم نريد نشوفكم

حيدر :- أفضل يابه

كال هـيج وسكت حُسين وطلعو رحـت صعدت فوك باوعت على تلفوني دايرن وصامت رفعتة شفتة ريم داتتصل أستـغربت بس ثلاث مرات اتصلت عليه بهاي الفترة القبـل هاي رفعت التلفون وجاوبتها وكلت :- أهلًا حبيبتي

ريم :- أهلا يا روحي

سلمت عليها وكملت وكالت :- عازمتج اليوم على طلعة

ريتاج :- حياتي ما أعرف شنو اكُلج بس ميخالف اكُل لأمي واشوف

ريم :- على راحتـج إذا قبلوا أني اجي للبيـت اخذج بس دليـني الموقع

ريتاج :- لا شنو السالفة اخلي أخوي يجيبني

ريم :- لا ريتاج ما اقبلها منـج

لحت عليه وقبلت دزيت العنوان بالضبط وراحت ونزلت لأمي كعدت يمها وكلت :- يُمه عادي اسئلچ سؤال ؟

- سئلي يا روحـي

- عادي اطلع وي صديقتي

- يا صـديقة من شوكت عندج صـديقات أنتِ ؟

- تعرفت عليها قبل أسبوع هيج

- منين ووين تشتغل لا ؟

- شنو السالفة يُمه

- غير أعرف بنتي يا نـوع مصادقة ؟

- طالبة طب مرحلة ثانية أسمها ريم

- منين تعـرفتي عليها ؟

- اخوها صديق حيدر اخو حواء وأجت ومن جنت يمهم حيدر عزم صديقة وهيَ أجت هم وتعارفنة

- يعرفها حيدر ؟

- لا يُمه بس يعرف اخوها

- ما تتطلعيـن

- يااا ليييش ؟

- شنو معـرفني شبيها مابيها لبنيـة

- شبيها يُمه والله بنيه لطيفة وحبابة ودكتورة جدًا لطيفة صدكيني

- اي عود اشوفها واحكـم تتطلعين او لا

- يا عود شنو اكُللها تعالي بس أمي تشوفج ونوب اقرر اطلع لو لا

- ما كلت هيج

- لعد ؟

- بدلي وكملي وتـجي واشوفها إذا ارتاحـيت الها تطلعـين وإذا لا ما رتاحيت الها اكُللها صارت شغلة ماتطلـع واريدها وياي

- ليش تخافين عليه ؟

- شداتحجبن ريتاجة طبعا اخاف شعندي غيرج اأني كم بنيه عندي

- عُمريييي هسه اكُل الها تجي ؟

- اي

- تمام

كالـت هيچ وصعدت فوك اتصلت عليها مـاكو ثواني وجاوبتني وكالت :- قبلت ؟

- اي

- الحمدُلله وأخيرًا راح أتعرف عليج گُلش زين وأنتِ هم

ضحكت وكالت :- يله حبيبتي روحي كملي من اطلع اتصل عليج

- تمـام عُمري

سلمت وراحت رحت حضرت ملابسي مال الطلعة قبل لا اللبس تذكرت أبوي وأخوي نزلت لأمي وكلت الها :- يُمه بابا وحُسين ما يدرون راح اطلع وحدي ؟

- اعرفهم رضـاهم من رضاي إذا شي قـابلة بي أني هاهية

- ماشي يله صاعدة

طلـعت ملابس جديدة لبستهم شسورت شـعري لبست الساعة والسنسال خليت عطر ومكياج جدًا خفيف كمـلت وطلعت حذائي مسـحتة وجهزتة انفتح الباب ودخلت أمي

- ريتاجة متأكدة اخوها يعرف حيدر لإن أني أثق بحيدر وشنو يختار

- اي ماما وداعـتج
- هاهيـة

ضلت تباوع عليه شويه وسئلتني :- منين الچ ذن ؟

- شنو ؟
- هذه السنسـال والساعة ؟

- مالات حواء
- ليش تاخذيهـن ؟

- هيَ انطتهم الي ماتريـدهم عندها هواي
- خوش

كالت هيج ونزلت سمعت تلفوني يرن باوعت للاسم ريم فتحت الخط واجاني صوتها :- حبيبتي كملتي ؟

- اي
- يله طالعة أني مسـافة الطريق وأني يمج
- تمام حياتـي

مر الوقت واجاني اتصال منها فتحتة وكالت :- بابكم يا لون ؟

- أسود
- فتـحي الباب وطلعي
- ثواني

كتمت الصوت ونزلت شافتني أمي :- ها ريتاجه

- بالباب

كلت هيج وطلعت فتحت الباب ومديت رأسي وكالت :- مداشوفج ؟

- بالباب أني
- دقيقة حبيبتي يُمكن ذاك البيت

كالت هيج ثواني وسيارة سودة عالية طبكت بالباب انسد الاتصال ونزلت من السيارة واتوجهت بأتجاهي دخلنه للبيت باوستني وسلمت علينه :- شنو هذه الجمال منين جايبتة

ريتاج :- عُمري

أمي :- تفضلي

ريم :- زاد فضـلج

دخلت كعدت ضلينه نسولف وأمي مللتها بالاسئلة اخر شي كالت الها :- متزوجة ؟

ريم :- ههههه لا خـالة يا زواج

أمي :- شبيج تخبلين والف رجال يتمناج

ريم :- بعـد مو هسه والله

احس أمي نوعًا  ما مارتاحت الها اخر شي كالت ريم :- يله نطلع ؟

ضحكت وكتلها بشقة :- اخذي الموافقة من أمي

ريم :- خالة بعدج ما ثاقة بيه افا اسئلي حيدر علينه اخوي تُميم يعرفة

أمي :- أعـرفة خالة كم سـاعة وترجعن ؟

ريم :- هسه الساعة بالخمسة بثمانية ريتاج يمج

أمي :- ميخـالف

ريم :- حبيبتي خالتي أبوسج أبوسج

راحت باست أمي من راسها وكالت :- يله ريتاج

ريتاج :- بس الـبس حذائي تكرميـن واجي

ريم :- تمام راح انتظرج بالسيارة

ريتاج :- ماشي

صعدت فوك حسيت صارت نغزة بگلبي فكرت وكلت :- ريم ما صارلي هواي من تعارفت عليها ليش داريد اصادقها بهاي السرعة داحس شي يدفعني علمود اصادق هاي لبنية

كملت حذائي واتذكرت حيادر ما كتله كبل اتصلت على حيادر دقائق رفعة وكال :- ها هُيامي

- هلاً حـياتي شوكت ترجعون
- بعد مو هسه لـيش بويه ؟

- مو راح اطلـع أني
- وين ؟

- دكتورة ريـم عزمتني
- شنووو ؟

صاح بيه نوب صاح بأسمي وكال

....
يتبع ⬅️ - البارت الرابع والثلاثين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.