رواية حيادر الراء . الفصل السابع 7 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

أجه باتجاهي سـريع وسحبني وحُضني وسكت :- هدني أريد أروح رجعني

- شو أسكتي بويه
- ليش أنتَ وري وراي ؟

- فستق بعـدين راح تعرفين
- أني مو فستق عندي أسم ريتاج

بعدني عن حُضنة وأيده حاوطت وجهي :- لا بويه فستق أنتِ ريتاجه

- رجعني
- أريد احجي ويـاج
- خايفه منك حيدر

- شو بله عيدي
- شنو !
- أسمي

- شبي ؟
- عيـدي ريتاجه
- عوفني ورجعني أريـد ارجع

- إذا اعوفج هسه توعديني راح تسمعين الي بكلبي بيوم من الأيام ؟

- وشـنو الي بكلبك ؟
- وعديني

- ما اوعد بشي ما أعرفه رجعني حواء ضلت وحدها

- ريـتاجه باوعيلي

- ما اباوع ويله رجعني ألف مره كتلك رجعني

- وراح تضلين منـا لباجر اله توعديني
- وراح تـرجعني إذا أوعدك ؟
- وعيونج

- عوف عُيوني ترجعني لو لا ؟ !!
- وعيونج يا فستقه
- تره ماحب هاي الدروب مال معجبين

شـو هذا طكها ضحكة قوية :- تره ما كلتلك نُكتة

- احلى نُكتة
- يله رجعني خايفة منك

- لاتخافيـن مني ريتاجه ما أذيج أأمن مُكان الج هوه أني فستقه أطمئني

- رجعني
- وعديني
- رجعني

- وعديني اخر كلام فستق ما اضمنلج شـنو يصير بعدين

- شنو يصير ؟
- يعني مستعدة

خفت خـاف يسوي شي يضربني او يكتلني :- لا لا يله وعد

- فستقه
- قصدك ريتاج
- تؤ فستق أنت ِ

- لااا مو فستق يله مو وعدتـك رجعني

- عندي شرط

كمت وكلت :- مو جنك تمـاديت هواي رجعني حواء وحدها

- كعدي وسمعيني

- ياربي صـبرك أحجي أسمعك
- أريد نصير أصـدقاء عادي !

- شنوووو ؟؟؟
- أصدقاء فساتق أصدقاء

- أخاف منك شلون تريد نصير أصـدقاء !!
- لاتخافيـن شنو أخوف أني ؟

- تصرفاتك حيدر

- احلى حيدر سمعتها بحـياتي حبيت أسمي بالعباس أبو فاضل

- لاتغير الموضوع يعني هيه هاي تصرفات تجيني بنصاص الليالي لو حابسني هنا ومدري شنو !!

- خلي نصير أصـدقاء اوعدج راح اغير تصرفاتي وياج فستق

- بطل هذه الدلع .
- صار فستق .

- يله نصير أصـدقاء بس رجعني رأسي بده يأذيني

ماحس اله طفر من مُكانة :- شبيج بويه شنو يأذيج داتشوفين صح عيونج مغوشة داتشوفيني واضح لو مغوش ؟

- لا لا واضـح ولله بس يله رجعني
- يله نطلع

طلعنة وشافتنة حواء وعاطت :- حييييييييييدر

- صووتج حواء أجينة

فتح باب السياره وكبت حواء علينة بالأسئلة :- شسووووالج رتوج وأنت حيدر أني الك حرامات الكفو الصرفتهن عليك تحبسني بالسيارة وتروح .

ماحسيـنة اله كامت تبجي :- لييش عفتوني حـيدر لو صاير شي عليه والسيارة مقفولـة وين أروح  خذت رتوج ورحت وأني مثل الاطرش بالزفة هُنا بقيتوني أربعين دقيقة أربعين حيدر من الملل حسبتهن دقيقة دقيقة

- كافي يا روحي أنتِ لاتبجين حواء

- رتوج ولله ضل بالي يمج ألف فكره اجت ببالي وأستغفر الله أكـول لا أخوي مو من هذا النوع ليش حيدر ليش

- كافي يا روح حيدر كافي خيتي هاي رتوج يمج اسئليها

- ما اسئل حيدر اله هيه تحجيلي صح مرات اسئل هواي أني والح بس ولله مو فضوليـة صحت رتوج علمود تتونس يومـين يمي لو علمود تاخذها وتحبسها بالبيت وتقفل السيارة عليه

- شو تعالي خلي احضنج
- خفت عليج اعذريني ماكدرت أساعدج .
- عادي يا بعد عيوني

- چا وأني ؟
- شنـو چا وأني !

- إذا حواء يبعد عيونج چا وأني
- وتالي وي سوالف المعجبين

- هلو هلو يـمعودين أني هُنا وأنتَ حيدر كول أختي كاعدة يمنة
- وشمسوي هسه أني اله احجـي بالقلم العريض

- لا يله اسكت لاتخزينة

حرك السياره واندار عليه :- بعده رأسـج اذا بعده أمشي نروح للمستشفى

حواء :- شبي ؟

ريتاج :- لا ميحتاج هوه صداع عادي

حيدر :- متأكده فستق ؟

حواء :- هلوووووو هاي شنو مطوره الأمور صـاير بيها فستق وجوز ولو

حيدر :- چا شعدنة غير فستقه بويه

حواء :- ماشاءالله راح تجيب محل المكسرات كُله

حيدر :- بالضبط

ديسولفون وأني بس أسـمعهم اندار عليه :- متأكده ريتاجه !

- إي

وره ما سئلني شويه وشغل أغنيه مـجنوني وكالت حواء :- هم هاي الأغُنية شوكت تمل منها !!

- أمل منج وهاي الأغُنية ما امل منها

- اوووي داده

وصلنة للبيت ونزلنة التفت عليه :- فستقه اذا رأسج يأذيج اصعديلي

حواء :- شنو المُناسبة تصعدلك !

حيدر :- حوواء
حواء :- سكتنة

حيدر :- ماشي فستق ؟

ريتاج :- لا مو ماشي شعندي صاعدتلك

حيدر :- انعدت البنية شكول عليج حووواء يله حواء هيه يمج أنتِ صعديلي

حواء :- ديله خوش عود

حواء :- ياااا حيدر نسيت اجيب فستق صلب من بره

حيدر :- ساعه السوده الي عفت بيها الصندوق بالمجر

حواء :- شمدريك .

حيدر : الغُرفة شبر شبر حافظها تتوقعين ماراح أعرف

حواء : يُمه منك

خلينة الأكل على الميز وصعدنة وي حيدر وراح ضحكت حواء وكالت :- يله تعالي

- ويـن ؟
- دتعالي هسه

- سترك يا ربي ما وراج بس المصايب
- تعالي ندخل لغُرفة حليم نطلع البلايستيشن

- لا بربج كولي غيرها يمعودة اخر شي تودينـة بداهية ستري علينة

- ولله ندخل نجيبه ونطلع .
- بابا ناس مزوجين شعدنه ندخل الهم
- لا حامل ميصير يتقرب عليها يله ندخل

- عزه العزاج على كـولت امج يمفلوكه شمعرفج بهاي السوالف ؟

- وأنتِ هم شمعرفج !
- أني اسئلج مو أنتِ

- عوفج من هاي السـوالف تعالي نُدخل يله
- هسه تطلع إلنا أسماء

- ريتاج اذا ما اطللع الج گلب ثاني أني مو حواء داده أمشي

دخلت حواء على اطراف اصـابيعها الحمدُلله جانو نايمين عفتها ونزلت بالمطبخ وره دقايـق أجت :- جبناها وأجت ويانه أني اعلمج ليش نزلتيلو كاعد حليم عليمن اشمر الجريمه غير عليج

- شنو أني حايط انصيص 

- أمشي يله نلعب قبل لاتكعد أمي
- يله يمفلوكة
- بربج لاتجلبين بيها رتـوج

- ماجلب بس يله أمشي اكُلج نسوي أكل ؟

- بغُرفة حيدر أكو جبس يمكن أثنين تروحين أنتِ تجيبيهن

- لا يمه شيصعدني نوب لغرفه حيدر لا لا عيني ما أصعد

- هسه شكنالج يا روحـي يله يله رتوج

- شعندي صاعدة بنصاص الليالي لغُرفة رجال حواء بله شافتني أسماء او حليم شيكولون عليه لاتصيرين غبية هاي المره وفكري بيها لانطمس بيها

- ولله تفكرين زييين رتوج ما عرفتج
- نجبي ويله صعدي أنتِ

صعدت حواء شويه وأجت :- ولج كاعد وسامعنة من جنه نحجي كدام غُرفة حليم عزه العزاني وين اضم وجهي بعد

- مشكلتج حبيبي وين الجبس
- كُلتله ريتاج تـريد جبس

- عابتلج اي ولله أمشي أمشي نلعب راح تكعد امج للصلاة

رحنه لعبنه ضلينه للأربعة ونص وكالت حواء :- نعست أمشي نرجعة للغُرفة

- لا عليج الله كولي أشاقة
- دمشي قبل لايكعدون

- بالعباس مو صـاحية
- أعترف داده بس أمشينة

خذنه البلايستيشن وصعدنة لاكانه حيدر على الدرج :- حواء ريتاجه شتسون هُنا !

حواء :- هيه كالتلي ضايجة طلعي البلايستيشن

ريتاج :- أي أي أني

حيدر :-  اعرفج مو أنتِ بويه المهم صعدنة لغرفتي

حواء :- ليش

حيدر :- حووواء

حواء :- ماشي يله بكيفك أروح انام

ريتاج :- وأني أروح اصلي

حواء :- يله تصبحون على خير

- وأنتِ بخير

راحت حواء ضلينه أني وحيدر وسئلني :- نصلي سوه

- شلون يـصير ؟

- يصير يصير راح أصعد اجيب سجادة الصلاة على ما تتوضين سبقني بالصالة

صعد راح رحت توضيـت وحضرت السجادة :- جيتج باعيلي لازم تبعدين سجادتج شويه بعد

بعدها هوه ورتبها كال :- يله خلي نصلي

صـلينة سويه كملنة والتفت عليه كال :- رفعي أيدج وادعي يصير الي بكلبج

رفعتها وهوه رفعها أني دعيت الصحة والعافية ونزلتها وهوه طول وراي بهواي يله نزلها :- شعجب شو ما طولتي ؟

- ماعندي شي دعيـت الصحة والعافية
- أرجعي ارفـعي أيدج
- ليش ؟

- أرجعي بويه أريد اكون بدعائج أني وأدعي يصير الي بكلبي بيوم من الأيام

- شنـو الي بكلبك ؟
- راح تعرفينه بيوم من الأيام .. فستقه !

- ها
- أريد اكون بدعائج نهاية كُل صلاة ؟
- ماشي

- ولله !
- اي لعد ليـش !
- هنيالي ولله يله شـو أسمعج

رفعت أديه وبديت ادعيلة خلصت :- الحمدُلله راح انذكر بدعائج فستقه لاتنسيني أبدًا

- ماشي حيدر

سمعته كال "قره عين حيدر أنتِ " بصوت ناصي وهامس أكيد توقع ماسمعتة :- يله فستقه كومي نامي

- مُمكن سؤال حيدر ليش داتهتم بيه رغم عرفتني شي مايقارب سته اشهر أعتقد ؟

- فستق مو وعدتيني راح تسمعين الي بكلبي بيوم

- اي !
- و اي چا هاهيه كُلشي بوكتـة حلو يله كومي نامي

- وأنت راح تبقى
- اي عندي أمتحانات نهائي أريد اقره
- ماشي تصبح على خير

- راح اصبح على الخير شخصياً
- كلت شي !
- اي كلتلج أجمعين

عفته بالصالة ورحت لغُرفة حواء لكيتها نايمة وفارشة الي رحت نمت بالفراش كعدت الصبُح على حواء تكعد بيه :- عيني كومي داده كومي

- شششتردين خليني نايمة
- أريد افصل على طولج شو دكومي

كومتني ورحت أغسل صاحت :- يمعوووودين كومو الريوك راح يبرد يبوووووو

ام حواء :- لمن تصرخين من الصبُح خيرچ منو مات

حواء :- يا يُمه غير من ثمانية أني اكعد بيكم من راح حيدر يمتحن

ام حواء :- أنتِ سويتيله ريوك  ؟

حواء :- اي عيني چا شبيـه هنه بيضات طكيتهن اله وانطيتهن

ريتاج :- معدله مو عمه

ام حواء :- اي سوده عليه

حواء :- لعد شبيه ماتكُليلي حتى يحقلي الزواج

حليم :- هاي منو يحقلها الزواج ؟

حواء :- أمي

كالتها وطفرت وره أمها :- جذب جذب مايحقلي يُمه اشاقه مو

ام حواء :- اي تشاقه تشاقه

دك هورن بالباب :- اجه أخوج كومي فتحي

حواء :- كـومي رتوج

ام حواء :- رتوج شعليها كومي أنتِ

حواء :- كمت كمت يبوووو

ام حواء : صوتج يمفلوكه أسماء وين

حليم :- نايمة

ام حواء :- كالو حامل بس مو لهدرجه يا يُمه

حليم :- هسه أكعدها

راح حليم يكعد مرته دخلو حواء وحيدر :- هلأ يُمه شلونك بالامتحان

حيدر :- الحمدُلله

حواء :- رتوج يله تريكي وراج غسـل الاماعين

ام حواء :- عوفي لبنية شناقصج أنتِ هوه غسل اماعين

حواء :- اوي داده ما تغسـليهن لعد

ام حواء :- أدب سزز أني اعلمج

ريتاج :- يله خلـصنة كومي غسليهن

حواء : - رتوج أنتِ غسليهن حبابه

حيدر :- حووواء

حواء : كعدي واستراحي رتوج صدك جذب أني اغسلهن نمونة

ريتاج :- يُمه يُمه راح أصعـد فوك اصلي

ام حواء :- دتعلمي منها

حواء :- غيـر مره عود

ريتاج :- منو ينصحني على الحجاب وهوه مايصلي ؟

حواء :- أبوي روحي صلي عيني وأني أروح اكمل تنظيف

ريتاج :- رايحة

توضيت وصعدت دخلت غُرفة حواء طلعت السجادة وأندك الباب :- منو ؟

حيدر :- أني

- أدخل
- صليتي ؟
- لا بعدني

- نصلي سويه ؟
- بكيفك

- يله بويه أني أروح اصلي وأنتِ ابدي ولا تنسيني فستقه

حركت اله راسي بقبول وراح رحت صليت وكملت ودعيتلة لفيت السجادة ورحت نمت كعدت على حواء تكعد بيه باوعت على الساعة بالسته نزلت جوه للمطبخ وحيدر دايسوي زلاطة التفت عليه

- عرفت حواء راح تكعدج سويتلج زلاطه
- ميحتاج أعرف اسويها
- ميخالف

كملها وكال :- ألف عافيه مقدما

- يعافيك

صعد كملت وغسلت الاماعين وصعدت لكيت حواء داترتب الملابس : همزين اجيتي تعالي كملي بدالي أروح أسبح

راحت تسبح دارتب بالملابس ودخلت عليه أسماء :- حواء اريد قلم حمره وردي

شافتني وكالـت :- عبالي حواء وينها حواء

- راحت تسبـح
- ها ماشي راح اخذ قلم حمره من تجي كليلها

خذت وراحت كملت ونزلت شفت أبو حواء بملابسة العسكرية ديسولف وي ام حواء شافني وكال :- منو هاي ؟

ام حواء :- ريتاجه بنت بت أخوي

ريتاج :- اهلاً عمو

أبو حواء :- بيچ بنتي

كالها وراح لغرفته ينام صار المغرب رحت صليت وحيدر ماكو مدري شعجب ماكل تعالي نصلي سوه صار العشه تعشينه وكملنة

غسلنة الاماعين وصعـدت طلعت ملابس عريضة وسبحت طلعت كملت مشطت شعري ونزلت لحواء :- همزين اجيتي قبل ثواني بده مسلسـل تركي تعالي نشوفة سوه هاي أسماء صعدت لرجلها

- يله هوه باجر ورايحه خلي اباوع وياج
- يولي لاتذكريني اريد انسه

شفنه المسلسل كملنا وصعدنة نمت كعـدت على صلاه الفجر نزلت اتوضى باب المطبخ مفتوح رحت اسـده شفت حيدر بره كاعد شافني اشـرلي براسة اجي يُمه بارد الجو كتفت ايديه ورحـت

- تعالي هُنا بويه

رحت يُمه شفت أيده مجروحه :- ياا هاي شنو شلون نجـرحت !!!

- ميهم فستقه جرح خفيف
- يا خفيف حيدر

مسمعته رحت جبت العلبة الطبية الي بيها ديتول وغيره انطيتها اله وكلتة :- هاك يله عقمها وسويها

- ماكدر ريتاجه أيد وحده ماتصفك

- اسـويه أني ؟
- چا يله

كملتها رحت رجعت العلبة ورجعتلة :- يله أمشي نصلي

- تعـالي

رحت يمه لفيت أيدية علمود ادفيهن شويه وسحـب أيدية وحضنهن بأيدية وكال :- ادفيج بنار كلبي اذا تبرد أيديج .

....
يتبع ⬅️ - البارت السابع -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.