رواية حيادر الراء . الفصل الثامن 8 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

رحت يمه لفيت أيدية علمود ادفيهن شويه وسحـب أيدية وحضنهن بأيدية وكال :- ادفيج بنار كلبي اذا تبرد أيديج .

صفنت على كلامة وسحبـت أيدية :- ليش يا بويه ؟

- أمشي حيدر نكوم نصلي

- فستق
- ها

بـ تنهيدة :- باجر راح تروحين ؟

- أي
- أبقي هُنا ريتـاجه !

- مايصير حيدر
- ليش يا عُيون حيدر

- مو كتلك بطل هاي السـوالف مال المعجبين

بأبتسامة :- لا مابطلهن .

- ليش بله ماتبطلـهن صفتك شنو ؟ !!
- ريتاجه لاتحجين هالشكل
- ليش ؟

- عوفي السالفة أمشي صلي 
- حيدر كُلي شنو الي بكلبك ؟
- مو وكتة بويه أمشي صلي أنتِ

- وأنتَ ؟
- ماكدر أتـوضى .. وجرحي ؟
- ماشي

كام ولزم أيدي ودخلنة جوه راح صعد فوك جاب سجادة :- فستقه صلي على مالتي السجادة اليوم !

- ليـش ؟

- عوفي الليش بس علمود أضل اصلي بيها أني من ترحين

- هالكد راح تحُـب هاي السجادة ؟

باوع عليه وكال :- فوك ماتتصورين فساتق

باوعت عـليه وره شوية نزلت عيني وبـديت اصلي خلصت :- ادعيلي مو تنـسين فستقه

- ولله إسمي ريتاج
- ولله التحلفيـن بي فستقه أنتِ
- ليش الفستـق بالذات ؟

- بعدين راح تعرفين عندي شغلة وياج

صـعد فوك ونزل وبأيده قرآن كعد يمي :- ريتاجه عـادي نقره قرآن سويه

سكتت شويه وكال :- فستق لاترفضين !

- لا عـادي مابيها شي يله

فتح القرآن وطلع سوره البقره قرينة وكملنة وسد القرآن خذه أيدية مسح عليهن :- يله بويه چا ماتنامين لو تردين نكمل قرآن بعد ؟

- لا أصلًا نعست
- يله كومي نامـي وتصبحين على خير
- أجمعين .

كتلة هيج وصعدت نمت كعدت على صوت حواء :- كومي رتوج ساعة ثمانية

- شعـندي كاعدة من ثمانية ولج

- شو دكومي تره راح ترجعين العصر المفروض من الستة اكعدج

- ولج شعـندي شو وخري خلي أكمل نومتي

سحبت الغطه وكالت :- رتوووج كومي يله داده جبت كيمر عرب من فلوسي علمودج

- يا صدك تحجين لمن جبتي يمعودة

- جذب مو أني حيدرنا الكفو جابة علمودج باعي ريتاج شوفي شكد شخصيه مهمه عدنه أنتِ

- غصباً عليكم حبيبي
- مو وجه نعـمة يله كومي داده

كمت وياها نزلنه جوه البيت هدوء ومحد كاعد :- سوي الجاي رتوج على ما احضرالريوك هاي أسماء شوكت تكعُد وتحس بالمسؤلية مادري

- لاتحجيـن على الأبنية حامل عذروها

- ولچ خطيه أمي داتعتمد عليها عود وأني داخذ شغلها كُله

- ميخالف حواء وره الحمـل قسمي النتظيف
- ننتظر ونشـوف تاليها
- عفية عفية

كملت الجاي راحت حواء تكعدهم نزلو حليم وأسماء صبحو علينة وأجوي حواء وأمها وأبوها :- بابا هذه الأسبوع لاتنزل بي عليك الله

أبو حواء :- بنتي شنو أسوي غير واجبـات عندي كُله بمناطق صعبـة اذا ما اجي يخبصوني بالاسلكلي ميصير اله ألتزم

ام حواء :- تدير بالك هناك ماريد يجي يوم ويدزولي رجليك وحد وأيديك وحد

أبو حواء :- بيش طالبتني يا مـره كولي يالله

حواء :- رتوج غسليلي الاماعين أخر مره

بعدني ما حاجيه كالت ام حواء :- ريتاجه نسـيت اكُلج البارحة خابرني حُسين كال اجي الظهر من ارجع من الجامعة اخذها

حواء :- ياااا يُمه شنو ليش ما جلبتي بيها

أبو حواء :- چا تردين تبقيهـا يمج للدوم يا يابه

حواء :- غير أشتاقلها ولله

ام حواء :- عود هم اخذيلـج يومين يمها وتعالي

طفرت حواء وكالت :- يُمممه أحبچ والحُسين

كملنة ريوك وداغسل ويه حواء الاماعين ودخل حيدر :- يالله .. حـواء مي

انطتة حواء كلاص مي  باوع عليه وصعد فوك صار الظهر سوت غده حواء وصاحتلي :- رتوج تعالي تغدي يولي

- جـاية جـاية

تغديت وكملت وصعدت فوك ابدل :- بالعباس أشوف الي يوم وأجي بي

- دريت ولله يله كـملت أمشي ننزل

نزلت وأجت ام حواء وكالت :- ريتاجه حُسين خابرني كال عندي محاضره إضافية وما اكدر أجي حتى باليل لان عنده طلعة

حواء :- أي أي خلي تبـقا اليوم

ام حواء :- يُمه من هاي البنية حيدر كال أني اوصلها

على حجي ام حواء نزل حيدر من الـدرج وكال :- يله أمشي

ريتاج :- جاية

بوستهن وطلعت وحواء بالكوة هدتنـي ردت اكعُد ليوره صاحني وكال :- تعالي هنا فستق

- ليش
- بدون ليش تعالي

صعـدت كعدت يمه شغل أُغنية مجنوني :- داحسـك مهووس بهاي الأُغنية

- إحساسج صح .
- ولو اتدخلت بس ليش ؟

- ريتاجه شنو أتفاقـنة ؟
- شنو !

- مو أتفقنة بيوم تسمعيني
- أي !

- أي چا هاهيـة
- ليش كلما اسئلك تكلي راح تسمـعيني بيوم

- لان كله مرتبط بموضوع واحد
- هُنا السالفة

- أي فستق

شويه وكال :- راح أشتاقلج

أستغربـت :- لاتشتاقلي !

- مو بأيدي
- لعد

- ****** يشتاق .
- الساااانك

- شبي !
- سكتة

- يله نسكتة الخاطرج
- عفية

وصلنة للبيت نزل دخل وياي أني دخلت وكلت :- أني اجييييت يُمه

- يُمه فدوه شو تعالـي

حضنتني وباستني :- شوفي الكيكة بالفرن سويتها علمودج

- اويلي اكول شنو هاي الريحـة الطيبة

سلم حيدر على أمي وطلع وأني كمت شفت الكيكة وطلعتها :- عاشت أيدج

- يله روحي بدلي ونزلي ناكُل
- ماشي يا روحـي أبوي وين ؟
- بعـده ما جاي

- ها ماشي انطيني تلفونج
- تلكي بالغُرفة

رحت خذتة وصعـدت فتحت الانستكرام لكيت حواء دازتلي مسج :- اشتاقييييتلج داده

- أني هم يبعد روحي ولله تعالي بهذه الاسبوع يمنة

- هوه أشوف الي يوم واجيج ما اصـبُر بعد

- يُمه يُمه منج بعد ماتصبر أدري حبيبج أني

- حبيبي بيش كيلو اذا يجـي بالعباس أعز منه أنتِ

- نعيش ونشوف عُيوني

- اي داده يله أروح أني باليل اذا صارلي مجال اخابرج

- ماشي

سلمت وراحت رحت كعـدت يم أمي :- شعجب حُسين ما أجه ؟

- مايلحك معزوم يم اصدقائة
- ها ماشي

- راح أكُل من الكيكة
- أكلي عوافي راح أشـر الملابس وأجيج

- عوفيهن يُمه أني اشرهن
- هنه قطعتين أني اشرهن كملي أكلج

كصيت الكيكة خليتها بالماعون وصعدت أجانـي اشعار على الإنستكرام فتحتة جان طلب غلست عليـه وكمت نمت

كعدت على صلاة المغرب نزلت اتوضى وصعدت اصلي وتذكرت حيدر ودعيتله نزلت لكيت امي كاعده :- صح النوم

رحت بستها وكالتلي :- هم راسج يأذيج ؟

- لا قليل صداع خفيف مو قوي كُلش
- من يأذيج قوي كليلي مو تنسين

- صار
- شنسوي عـشه اليوم ؟

- حسين كال اني اجي اطلعكم تتعشون كلشي لاتسون
- شوكت يجي

- نص ساعـة بالهواي اذا تردين حضري نفسج
- ماشي

كمت بدلت ونزلت لكيتة جاي طلعنة طلعة عـادية ورجعنة دخلنة للبيت لكينة أبوي جاي كتلة :- هلا بابا

أبو حُسين :- هلا يـابه هلا عيني

ريتاج :- يا روحي يا أبويه شلون مشتاقتلك

ام حُسين :- واحنـة شنو موقعنة

حُسين :- مبتدأ وخبر

ضـحكنة ومر الوقـت صار اليل صـعدت فوك تمددت وخليـت الهيدفون بأذاني شغلت الأُغنية وغمضت اتأمل كلماتها تذكرت حيدر من يسمعها ياترى شنو وره هاي الأُغنية صار فضول قـوي عندي لليوم الي يجي ويحجيلي گُلشي بي

خلصت الأُغنية نزلت شربت مي وصعدت نمت كعدت على صلاه نزلت أريد اتوضى سمعت حركة رحت للصالة جان حيدر يريد يفتح الباب شافني من وره الباب فتحه و أجه بأتجاهي

- أشتاقيتلج بويه

- حيدر شجابك شلون تفوت !!!

- أشتياقي جابني الج فستق أعرف هيج وكت تكعدين للصلاة وأجيتج

- حـيدر روح أرجع لا اهلي يكعدون وتسويـلي مُصيبة

- فستقه تعبان .

كال هيج وأجه سريع بأتجاهي وسحبني وحضني بادلته الحضن أستغرب مني وكال

....
يتبع ⬅️ - البارت الثامن -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.