رواية حيادر الراء . الفصل السادس والعشرون 26 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

- لا مُستحيل بويه بالخارج شنووو دارسة طب ونوب بالخارج لا لا ما تصرفلي أبدًا هيج وهاي زين إذا قبلت

أبوي :- تقبـل ما تقبل مُشكلتـك بورقة وحدة اكـدر اي جامعـة عسكرية ما تستـقبلك

استغربنة من تصرف أبوي گُلش وليش دايجبر حيادرنا علمود ما يدخل عسكرية ويريدة يدخل طب نطقت أمي وكالت :- لييييش ماتخلي يدخل صخام شعليك بمستقبلة أنتَ هوَ واعي ويحدد الي يريدة ليش تجير وليدي على مهنة ما يريدها ؟؟؟؟

أبوي :- اني أبو وأعـرف بي وباليعحبني ويـن يدخُل يدخُل اكُله يدخل طب هاهيـة يدخُل اكُله يـدرس بالخارج هاهيـة يدرس بالخـارج

اباوع على حيدرنا صاير كُتلة من الاعصاب على يا ساعة ينفجر علينه اخر شي نطق وكال :- لااااااا مو أعرف بيه بس داتعاديننننني أنتَ شنو السبب الي يخليك ترفض ادخل عسكرية

أبوي :- أنتَ تـعرف شي وأني أعـرف شي وهاهية انهـي ما أريد اسمع صوتـك

كال هاي الكلمات وكام أبوي صعد فوك ركض حيدرنا للمطبخ ضلينة بالصالة أحنا ما حسينة اله على صوت كزاز طفرنه كُلنة باوعنة على باب المطبخ مكسورة الجامة مالتة وبيها دم وحيدرنا ماكو

لطمت أمي صاحت وكالت :- ما ناوووويـة تخلص هاي الليلـة على خير أمان أبنك هذه أبببببنك لحمـك ودمك ليش داتسـوي بي هييييييج خلي يدخُل صخام لطـام عزه

حليم :- يُمه كافي طبـة مرض مايـسمع كلام أبو

أمي :- سوده عليه حيدره كُلهن عليييك الدهر واهلك

كمت ابـجي على حالنة بسكتة حليم وأسماء سمـعو صوت بتهم تبجي صـعدو لغرفتهم كعدت أمي بالكاع وكالت :- هاج تلـفوني خابـري على صديقة

انطتني تلفونها دورت بالارقام على آسر ماكو والدموع بعيني ادور وادور ماكو وينة اخر شي رحت على الاتصالات الأخيرة لكيته واتصلت عليه ضل يرن انطيته لـ امي وكالت :- أنتِ احجي وياه مابيه

جـاوب واجه صوتـه وكال :- آهلًا خـالتي

حرت شنو احجي وياه وبشنو اكُله بلعت شهكتي وكلت :- اهلا خويه حيدرنا يمك ؟

آسر :- العفو أُختي حسـبالي خالتي

حواء :- ما صار شي بس كُلي اخوية يمك ؟

آسر :- لا طلع قبل سـاعة اجـه الكم لو لا ؟

حواء :- اي اجه وصار حجي بين أبوي وهوَ وكسر جام المطبخ وجرح نفسه وطلع

آسر :- لا اله الا الله

شهكت وكلت :- اذا اجه يمك فدوه كُله يرجع للبيت أمي تخربطت وراه

آسر :- صار أُختي ميخالف

سلم وسد الاتصال رحت سولفت لأمي وكالت :- سنديني خلي أروح للغُرفة ضلي انتظري حيدره

- صـار

دخلتها للغُرفة تمددت وغطيتها وطلعت للصالة شفت تلفوني على الميز خذتة ضليت اباوع للساعة وانتظر جيه أخوي رجعت بجيت تذكرت رتوج ما تدري فتحت التلفون واتصلت عليها وكلت الها

- رتوووج حيدرنااااااااا

- شنووو شبي ؟

- تعـارك وي أبوي وطلـع

- حواء شنو تعارك شنو طلع ليش تعارك شنو صاير ؟

- أبوي ما قبـل يدخل عسـكرية يريد يدخلـة طب وهوَ ما قابـل رافض رفضًا قطعي تعاركو وطـلع وبعد ما راجـع لحد ألان

- حوااااء وين طلع دخيلج لاتخفوفيني

بجيت وكتلها :- جان فرحـان أبوي كسر فرحتـة لو تشوفي من شـاف المُعدل مالته سجد سجدة شطـولها

سمعت صوتها وهيه تبجي :- حواء فدوة راح اسده واخابر عليه بلكت يجاوبني فدوة اذا رجع كُليلي

- من عيـني ولله

سدتة وضليت انتظر مرت ساعة سمعت أذان الفجر كمت توضيت وطلعت السجاده فرشتها وصليت صلاة الصبُح كملت ودعيت لحيدرنا ولرتوج ما يستاهلون ابد ولله العظيم

بدت افكر ببالي أني ما كلـت لرتوج حيدرج راح يـسافر حيدرنا ما يصبر على فراك وجه فُستقه فُستقه هم ماتكـدر شلون بيهم ذول الإثنـين يا رب لا سنة ولا سنتين خمس سنيـن شيخلصهن الهم

دافكر وانفتح باب المطبخ بهدوء كمت طفرت شفته حيدرنا وكلت :- الحمدُلله رجعت

سكت وره دقايق دخل للصالة وكعد وكالي :- منو مخابر على آسر ؟

- أمي

- وين أبوي ؟

- نـايم

- أمي شبيها ؟

- نقهرت عليك

- لاتنقهرون عليه ما أحُب نظرة اللطف او الخوف اتجاهي من عين احد

باوعت على أيـده وكتله :- لاتخليـها هيج تنـزف

- ما يهمكم

- حيادرنا عليك بعزيز گلبك لاتسوي هيج وياي لو وي أمي مامتعودين على هذه اسلوبك فدوة

حرك راسه بمعنى اي :- انطـيك الحق تتعامل وي أبـوي او حليم هيج بس ما انطيك الحق إذا جان عليـه او على أمي

حرك أيده طلع صورة صغيرة باوع عليها ونوب ضمها بالجيب ذب تنهيدة وكال :- كسرتوني بيوم فرحتي كسرتكم يا هلي جبيرة .

كال هاي الكلمات وصعد فوك ضجت عليه ما شايفينة بهيج وضع أبدًا يارب هون عليه ما يستاهل كلت هيج وكمت صعدت للغُرفة نمت

كعدت الصبح الساعة بالتسعة نزلت جوه غسلت ودخلت المطبخ سمعت حركة بالصالة رحت دخلت الصالة شفته حيدرنا ويدخن !!!

سئلته وكتله :- هاي من شـوكت تدخـن ؟

- من أمس
- من أمس ؟
- اي تعالي اريد احجي وياج

كعدت يمه ولكيـت أيده ملفلفة بگـلبي كلت الحمـدُلله ما عافها بلكـت تطيب قبل لا رتوج تُعرف :- اي كول أسمعك

- شوفي حواء لاتكولين اي شي لفُستق

- ليش ؟

- بدون ليش

- اي نسـيت كمل

طلع جكارة ثانية دخنها وسحب نفس منها وكال :- ولا تكليلها راح يسافر وبالخارج

- بس أني كتـلها

- شنو كتيلها ؟

- كتلها أبوي راح يخلي يدخل طب

- بس !

- اي بـس

- ما جبتي طاري السفر ؟

- لا

- زين لحظة اني ما احجي وأمي اذا حجت الها او حجت لام حُسين ؟

- أني احجـي وي أمي

- وحليم واسماء ؟

- مايحجون .

- وسالفة التدخـين الجديـدة ؟

- اتركها وإذا اتركها كُله لخاطر فُستق لان ما تحب ريحة التدخين

- ان شاء الله تصفة

- آمين خيتي كومي حضري الريوك قبل لايكعدون

- صار

كمت احضر الريوك على ما كعدو كعدنه كُلنة على الميز نتريك الوضع هدوء بس رواسن بجت شويه وسكتت بعد مده نطق حيدرنا وكال :- أني اقبل اسافر

حليم :- لك كفوووو أخـوي

حيدر :- منك اي أبوي شوكت الطيارة

ابوي :- متأكـد ؟

حيدر :- وبكامل قواي العقلية

ابوي :- تمام لعد انـطيني شهر ونص اضبـط الك گُلشي

حيدر :- بس هوَ باقي شهرين على الدوام ؟

أبوي :- اي !

حيدر :- لا هاهية

أمي :- متأكد حيـدره ؟

حيدر :- اي يُمه

أمي :- يبعد عافـية أُمك اكُلك ايدك كُل شـوي داويها مو تنسه

حيدر :- ميخالف .

التقت عليه وكال :- شويه وجيبي الي مي للصالة

حواء :- صـار

تريكت وكملت كمت خذت كلاص مي ورحت اله جان دايباوع على صورة بأيده من اجيت ضمها وخذه المي وكتله :- متأكد راح تسافر ؟

- اي

- شعـجب !

- آسر راح يسافر وياي

- شقررتـو ؟

- طب عام جان رايد طب اسنان بس لأن راح أدخُل عام هوَ هم

- وتعـوف فُستق ؟

كلت هيج وخله اصبعة على حلكة بمعنى هُس وكتله  :- ماشي يله كايمة

حرك راسـة ورجعت للمطـبخ وسمعت أبوي دايسـولف وي أمي :- ما بقى شي راح انـزل للواجب

- شكد تطول هاي النزلة ؟
- حسب

ضلو يحجـون شويه وكامو عزلت المطـبخ وصعدت فوك مريـت من غُرفتة حليم وسمعتهم يحجـون هوه وأسماء :- مداشوفج تشتغلين حتى تتعبين ؟

أسماء :- ولله اتعب من الشغل والتنظيف

حليم :- شنو لعـد أُختي ما تتعب أمي ما تتعـب لو بس أنتِ ؟

أسماء :- شبيك وياي اليوم كالب وجهك عليه

حليم :- تنزلين تشتـغلين حالج حالهـن

أسماء :- داكُلك اتعب

حليم :- أستـغفرك ربي ماكو شغل ما يتـعب داشـوف أمي ساكتتلج بس مصـختيها گُلش

ردت اروح أرجع بس بقيت اتسمع عليهم :- يله حبيبي يله حياتي أنتَ اشتغل ميخالف

حليم :- حـالج حاـلهن ؟

أسماء :- صار بس لا تكلب وجهك هذه الحلو عليه يا حياتي

ضلو يتـغزلون رحت لغُرفتي طلعـت ملابس ودخـلت أسبح

....

بعد اتصال حواء ضليت بقلق على حيادر حاولت اتصل بي ماكو مدايجاوب اشتاقيت اله أريد ابارك اله شنو صار بي أريد أعرف وأعرف حواء إذا اتصل بيها ما تنطيني كامل الاخبار

سمعـت أذان صلاة الظهر كمت توضـيت وصعدت اصلي كـملت وطلعت القرآن قريـت جزء كامل وقريت سورة البـقرة وكملت دعيت لحياـدر و ان شاء الله هوَ بخير

خلصت لفيت السجادة وكملت كمت اتصفح بالتلفون دخلت على رقم حيادر بين اتصل وما اتصل اخر شي اتصلت ماكو دقايق وجاوب اجاني صوته وكال  :- هلا بويه هلا هُيامي

- حيييادر لـيش ماكو بالـي يمـك من البارحـة ؟

- فُستقي حبيبتي سمعتي من حواء مو ؟

- اي

سحب نفس وكال :- اي صارت مُشكلة وما ردت اضوجج وياي

- حـيادر شنو هذه الحجي شـنو متريد تضـوجني ضوجتـك من ضوجتي وفرحتـك من فرحتـي تمام ؟

- أحبچ كُل يوم داتكبرين بنظري بتفكيرج الي يعجبني دائمًا وگُلشي بيج

- حيدري وأني بعد أحبك والف مبروك للنجاح ولهذه المُعدل الحلو مثلك

رجع سحب نفس وكال :- ريتاجي .

- كـول يا روحي

- ما راح أدخُل عسكرية حيدرج ما راح يدخل عسكرية ما راح يلبس الملابس العسكرية

- حـيادر

- عيناه ابويه

سكتت وره شويه كتله :- أنتَ بغُرفتـك صـح ؟

- اي حبيبي
- جيب القرآن
- لحظة

راح ورجع وكال :- جبتة

- افتح سوره البقرة و اقره آيه ٢١٦ .

- لحظة فساتق ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ﴾

- شفـت الطمأنينة بهاي الآيه الكريـمة شفت الفرق بين الي نـريدك احنه والي يريدة النا رب العـالمين يجوز أنتَ تحب العسكـرية بس ربك مايريـد تدخُل لأن شر الك لا سـامح الله

او يجوز تصـير بي أشياء ما تريدهـا تصير بحيـاتك ركز على نهايـة الآيه اللهُ يعلمُ وأنتُم لاتعلمُون بينـما أنتَ ماتريد الطـب وتكرهة بس هوَ خـير الك عرفت حيـادر ؟

سكت وره فتره كال :- شنو مسوي أني بحياتي علمود الله يدزلي هيج اشخاص مثلج ومثل آسر ؟

- يا عُمري أنتَ المُهم لاتضـوج نفسك ضل فرحان بمُعـدلك والطب شي حلو وأني أحُب الطـب بكُل انواعـة وفروعـة وگُلشي بي

- ما دام أنتِ تحبي خلاص هاهية أني هم راح احاول أحُبه مثلج شُغاف گلبي

- أحبك حـيادر

كال هيج وسلم عليه وراح بعدها مر شهر ونص وأني وحيادر على تواصل دائمًا هوَ يخابر عليه ويلح أنتِ بخير شلون صحتج شلونج وهيج مر هذه الشهر ونص

كاعديـن الظهرية ملتميـن أني وحُسين وأبوي وأمي وكـالت أمي :- اليوم نروح لعـمتي حُسين توديني ؟

حُسين :- شوكت ؟

أمي :- نروح العصر ونجي باليل

حُسين :- سهلة

ريتاج :- وأني ؟

أمي :- شتسويين نروح ونرجع ما نبات

ريتاج :- ميخالف ضايجة

أمي :- خـوش كومي حـضري نفسج لان تطـولين يله تكمليـن بس تكمـلين نطلع

ريتاج :- ماشي

كمت حضـرت نفسي وكملت على السـريع وعفت شعري ماشسـورتة سويتة كبة ولفيتـة كملت لبست الحـذاء ونزلت لكيت أمي مكمـلة كال حُسين :- يله يله أمي يله أُختي يله أبوي يله عمي

ريتاج :- ها ها منو بعد ؟

حُسين :- ها بس انتو يله امشو صعدو

صعدنة ومشت السيارة وكالت أمي :- شبيك شارب ؟

حُسين :- اي مكثـر بيرة شويه

أمي :- مكثر وشويه

ريتاج :- مفتهمنـة هسه شنو مكـثر لو شويه

حُسين :- بين عليه الشرب مو ههههه ؟

ضحكنة وكالت أمي :- دهر طـرك

حُسين :- هوَ طارني الدهر يا يُمه

أمي :- ما تكُلي شبيك جنـك ارملة وجهـك يتلاطم

حُسين :- رجلي مات

ريتاج : وين بالانفجار ؟

حُسين :- اي

ريتاج :- هههههه

وصـلنة ونزلنة دكينـة الباب طلع النه حليم سـلم علينه ودخلنة جـوه وحُسين بقه يدخُل السيـارة دخلنة بالصـالة لكينه أسمـاء وعمتي وحـواء كاعـدات داياكُلن كعـك وجاي

طفرت حواء تسلم علينه سلمنة وكعدنة وكالت عمتي :- كومي أسماء احمي الجاي خاف بارد وجيبي كعك وياج

ملاحظة:- أم حيدر أسميها عمتي على تسمية أُمي لأن عمتها .

أسماء :- صار

كامـت أسماء ضلينة نـسولف شويه واجت أسمـاء وصبت النا جـاي شربناه ومر الوقت وكـالت حواء :- تعـالي رتوج فوك

- جاية

صعدنـة دخلنة غُـرفتها وكتلـها :- حيادر وينه ماهوَ ؟

- بغُرفتة
- راح أروح اله

حركت راسهـا بس ضايجة ما أعـرف ليش غلست وطلـعت من الغُرفة وتقدمت لغُرفتة دكيـت الباب واجانـي صوته وكال :- دُخلي

دخلت أول ما دخلت اجه نظري على جنط سفر أستغربت وهوَ باوع عليه وكال :- هلا بويه هلا ريتاجي

- هلا بيك حبيبي

تقدمت يمه وكتله :- بس شنو هاي الجنط ؟

- جنـط سفر
- ادري سفر أعرفها بس بغُرفتـك ؟
- تعـالي كعـدي هُنا

رحت كعدت يمه وهوَ يرتب بالجنط كتله :- اي سولف

- بـاعي فُستقي راح اكُلج شي بس لاتنصدميـن

- كول خوفتني

- راح أسافر للخارج أدرس أكمل الجامعة و أرجع

- شنـوووو !!!

- قُره عيني أنتِ باعي

- صـدُك داتحجي ؟

- بويه بس باوعيلي خلي اشبع من هاي العُيون قبل لا أسافر

- هم جـاب طاري السفر
- هسه شو باوعيلي
- وبـاوعت شنو صـار !

- غير ردتلي العافية باعي قُره عيني هنه خمس سنوات أكملهُن و ارجعلج قابل شكد خمسة وداعت هالعُيون .

- خمـس سنوووات لا لا أكيد داتشاقـة وياي عليك العبـاس صـدُك تحجي ؟

- أي بالعباس التحلفين بي فساتق عبالج هينات عليه بويه والله خمس سنوات راح ياخذن العافية مني

- يعني باوع خـمس سنوات راح تروح للخارج راح تكمل دراسـة وتاخذ الشهادة وتجي يعني بـس ؟

- أي
- خمس سنوات ؟

- أي
- حييييييييدر

- عيناه

دمعـت عيني بس ما بجيت وكتله :- شلـون راح تعوفني ؟

كام وكف راح للباب قفله ورجع :- الله شاهد عليه مو هينات تتوقعين أني من أبتعد عنج سهلة ومحمد مو سهلة

- حييادر خمس سنين خمسة ؟
- ادري يا بويه كُليلي شنو أسوي ؟
- تجي كُل شهر ؟

- ما اكـدر كُل شهر وعُيونج

- شلوووون لعد
- كُل سنة ؟
- كُل سننننة حيييادر بربك

ذب تنهيده وكال :- أنتِ تتوقعيـن أني اكدر إذا ما اشوفج لچ احـس يومي ناقص من دونج إذا كلـمة ما حجيت وياج كيـف إذا سنة او خمس سنيـن فُستق ؟

دمعت عيني وكتله :- شلون لعد بس كُلي وفهمنـي !!

- نتحـمل
- ما اتحمـل

صفن على وجهي وكال :- لاتنزلين دمعج ريتاجي أريدج قوية علمود من اسافر اسافر مطمئن

- ما اكدر حـيدر .

- تكُليلي حيدر ليش يا بويه زعلتي ثقي بالله مو بأيدي لو بأيدي شي ما أقصر

دنكت راسي وحجيت :- راح تُعوفني خمـس سنين افرض سنـة زين كُل خمس سـنوات جيه يعني خمس جييييات حيـادر خمسة ؟

- وداعت معزتج عندي وداعت عُيونج لعايش الهن مو هينات عليه يا هُيامي

- راح تروح ببلد غـريب لا أعرف شنو كلت لا أعـرف أنتَ بخير ولا تكُلي اراسلج مراسلة ما تـطمنىي عليك إذا مو عين بعيـن اشوفك ما اقتنع بشي حيـادر

بدا يطكطك أصابعة وكال :- اخذج وياي ؟

- حـيادر مو وكت شقـاك زين لحظة لحظة بله تزوجـت ؟

- شوف يالكائنات

- أعتذر ما اكـدر انتظرك أني خـمس سنين هاي إذا ما حـبيت هُناك بالجامعة نوب دولة غريبـة

- هيج تتوقعين مني ؟

- گُلشي اتوقع إذا راح تضل هُناك خمس سنين

- يا طلابة الخمس سنين لاتحجين هيج بويه من أوعد أوعد ماخلف بشي

ذب تنهيده وكال :- حيدرج كد الكلام وكد الحجاية إذا حجاها داطمنج بكلامي بويه أنتِ من حبيتي حيدره ما خسرتي لان راح يصير أيدج اليسره ثقي بالله

سمـعت كلامة وكُل حجـاية حجاها وكتلة :- اكوم اطلع أني

- تطلعين وزعلانة مني ؟

- روح سـافر وأدخُل جامعة وحب الك وحـدة مناك وتزوجو ما افيدك أني إذا اهـلي زوجـوني

- ريتاجه لخاطر الله مو لخاطري لاتزيديها عليه ولا تكسريني أكثر

مسحت عُيوني وكتله :- افتح الـباب أريد اطـلع

- ما افتح
- افتح
- ما افتح

- بغـلاتي عندك افتح البـاب وخليني انزل قبـل لا تكبر السالفـة

بدون ماحجة شي راح فتح الباب ورجع كعد يم جنط للسفر يرتب بملابسة عفتة وطلعت نزلت ورحت كعدت يم أمي لكيت حواء وأسماء يسولفن

خذتني صفـنتي وبالي يمه ليش سويت هيج المـفروض أوكف وياه مو ضده بس ليش راح يـروح خمس سنيـن مو سهـلات نزتني حواء من صـفنتي :- شبيج داده

- لا ما بيه شي بس وجع قليل براسي
- قوي ؟
- لا لا خفيف لاتهتمين

حركت راسها وانـدارت راحت للمطبـخ وره شويه رجعـت وكالتلـي :- رتوج وين جنطـتج

- مادري يُمكن بقت فوك
- ماشي

راحـت وره نص ساعة رجـعت انطتني الجنـطة وكالت :- شبيكم ؟

- منو
- أبوي  منو غير أنتِ وحيدرنا يعني منو

- ما بينـه
- لعد شبي عـصبي

سويت حركة ما أعرف بأكتافي وكالت :- خوش داده هسه تعالي نحضر سويه للعشة

كمنة نسوي عشـة وكلت الـها :- عمو ويـن ؟

- يا عمو ؟
- أبوكم

- نازل للواجـب ليش ؟
- هيج

سكتنة وكملنة وصحنة الهم اجو بس حيادر ما اجه وعمتي كالت :- حيدر وينه ليش مايتعشة ؟

حواء :- طلع قبل العشـة هوَ وحُسين

عمتي :- وين ؟

حواء :- مادري يُمكن يتعشـون بره وي صديقهم لان سمـعتة يخابر

تعشينة وكملنة وقت واجه حُسين وكال :- يله يُمه

كال هيـج وكمت رحت صعدت لغُرفة حـواء عدلت نفسي على المـراية وطلعت من الغُرفة اجت نظـري على غُرفة حيدر مفتـوح بابها بس تخطيتها ونزلـت

سلمنة وطلعنة وكالت أمي :- اوكف يم محلات حلويات بطريقك خلي نشتري

حُسين :- اله تقطوني يعـني ما ترتاحـون

أمي :- لا ما نرتاح

حُسين :- اعرفكم ولله يا رب عينك على حُسين

كال هيـج أخوي بس حسيتها من كُل كلبه دايخـلق جو النه بس مو على بعضـة مو نفس كُل مره ليـش شنو صاير وياه معقولة هم يحُب ؟

نزتني أمي من صفنتي وكالت :- تعالي تنزلين ويانه ؟

- لا يُمه نزلو إنتوا جيـبو وتعالو
- شبيج راسـج يأذيج

- لا يُمه ما بيه

- عليـج الله
- اي ولله

كلت هيج ورحو يشترون صفنت على الشارع وتذكرت حيادر شلون راح يسافر ويعوفني شلون راح يكدر إذا يكدر هوَ أني ما اكدر

زين وإذا سافر شنو راح يصير يجوز يحب اله وحدة هنُاك وتغرية ويرجع بس لا حيادر ما يسويها وثاقة بي يا رب ما تنكسر هاي الثقة بيوم

رجـعو أمي وحُسين وجايبين وياهم حـلويات وكال حُسين :- ريـتاجه شفت الحلاوة السوريـة وجبتها الج اعـرفج تفقدين عليها

- ياااا صدُك شكد أحبك اني أخوي الغالي

- بعد روحي وجـروحي يا عين الشـمس كم أُخت عندي أني ؟

- بس أني

- اي اعيـش وادللج

- ليش داحس عندك مصلحة وياي ؟

- هههههه لا بعد أخـوج گُلشي ماعـندي

- هههه ان شاء الله يطلع هيج

وصلنة للبيت نزلـنة ودخلنة أول ما دخلـت كلت لحُسيـن :- وييين الحـلاوة حسـون ؟

- بالسيارة هسه اجيبها

راح جابـها وانطاها الي وصعد فوك طلـعتها كلت شويه ورجعتها ضميتها ورحت صعـدت فوك ابدل بدلت وكـملت ونزلت جوه شفنه فلم وخلص رحنة صعدنة ننام وكـال حُسين :- عندي موضـوع وياج الصبُح

- احجي هسه ؟
- لا الصبُح يله تصبحين على خير
- اجمعين

رحـت لغُرفتي تلفوني اليوم ما شفـتة رحت للجنطة فتحتها وطلعت التـلفون وشفـت ورقة صـغيرة بصف العـطر خذتها وفتـحتها وقريـت المكتـوب بيها

- حركتي گلبي بنار صارتلج دفوُ بيوم

....
يتبع ⬅️ - البارت السادس والعشرين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.