رواية حيادر الراء . الفصل الخامس والعشرون 25 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

حسيتة جمد بمُكانة وره وقت طويل كال :- شنو كلتي فستقه ؟

- ما كـلت شي

- فُستق تحبيني ريتاجي يا حبيبي أنتِ تحبيني ؟

أشر على گلبي وكال :- يعني كلبج هذه يحبني شو كوليها مره ثانية لان مداصدك

- أحبك حيـدرا وهواي

- بوييييه احلى لحظة بحياتي كُلها ما عايش هيج أني بحلم خاف ما أريد أگعد ما أريد اصحى أريد اوقف هذه الوقت على هاي اللحظة ريتاجي شلووون ؟؟

يحجي بحـماس على لهفـة طريقة كـلامة تغيـرت لهفتـة :- حيادر خلي ندخل قـبل لا يگعد احد

- لا لا ما أريد ندخل أريد اضمج بگلبي بعُيوني بضلوعي بعقلي أريد عُيوني تشوفج بس أنتِ العالم فارغ بس أنتِ كدامي أحبچ أني ثقي بكلامي راح تلكيني يمج قبل لا تحتاجيني راح أحبچ راح احتويج أنتِ بس محد يسوة غيرج يا قُره عيني أنتِ

اخر شي كال :- ريتـاجي ؟

- عينـي

- ببببويه شلون عين رصاصة مو عين بالله

أبتسمت وكتله :- كول شنو ردت تحجي ؟

- كولي حيدري ؟

- حـيدري

- حيدرج راح يفرشلج على الكاع ورد يا وُردتي .

سكتت لان ما أعرف شلون اغازلـة وهوه دايطـلع غزل ولا يخلص ولا ينـتهي أبدًا شـويه وطلع تلفـون كتب شي ورجعـة وكال :- يله فستقي ندخل ؟

- شكتبت ؟
- تاريخ

- تاريـخ شنو ؟
- اعترافج الي بويه

باوعت اله بنظرة مطولهة :- أحب هاي النظرة بعيونج

- يا نظرة ؟
- هاي
- ليش ؟

- بصراحة اني ما أحب كلمة ليش من اي احد بس اليش مالتج تخليني ما اكول او انطق كلمة بدون ليش فَ راح اجاوبج

سحب نفس :- هاي النظرة جنت حاس بيها من زمان نظرة الحُب عرفتها من عينج من تباوعين الي بس جنت منتظر اعترافج الي

سكتت وره شـويه وكتله :- اكُلك حيـادر

- عيناه كولي

- اعذرني ما أعرف اتغـزل بيك لان ما أعـرف اي شي من كلمات الغزل بس حياتي وحبيبي وعُمري وروحي

- گُلش كافيات
- راح اتعلم منك غزل واتغزل بيك
- عادي جعل محد يتغزل بيه غيرج

أبتسمت وكال :- يله حبيـبتي ندخل ؟

- اي

دخلنة وهوه راح للصالة وأني صعدت فوك الحمدُلله محد كاعد دخلت الغُرفة لكيت حواء نايمة وأني هم رحت نمت كعدنة الصبح باوعت مالكيت حواء نزلت جوه لكيتهم دايتريكون رحت غسلت ودخلت للمطبخ

كلهم كاعدين على الـميز حيادر وحسين ماكـو صبحت عليهـم وكعدت يم حواء وشـاورتها وكتلها :- شلون صرتي ؟

- زيـنه الحمدُلله

تريكت خلصوا وكامو وأني بعدني داتريك دخلو حُسين وحيادر من باب المطبخ يضحكون وكال حُسين :- اعزمنة على حسابك

حيدر :- تدللـون يابه

حُسين :- بعد روحي شـوكت يجي هوَ ؟

حيدر : ما كلي أني راح اكله عازمك غدة لو عشة يضرب السادس بعرض الحايط ويجي

حُسين :- ههههه ويريـد يطلـع طب عام هالرجال

ما منتبهين عليه دايسولفون شافني حُسين :- صباح الخيير عين الشمس

ريتاج :- صـباح النور حسون متريكين

حُسين :- اي والف عافية

ريتاج :- على كلبـك

كعدو على الميز ورجعو يسولفون كال حيادر :- هوَ يريد يقنعني ادخل طب عام واني داقنعة يدخل عسكرية

حُسين :- لو معدلي الخـايس زين جان دخلت عسـكرية بس أني سختت هواي بالسـادس عمي انـتو زين داشوفكـم ممقصرين

حيدر :- لو ما حلمي العسكرية يا سادس يا بطيخ

حُسين :- لا ضل هيح احسن الك ولله احسن ما تخلصها كدمورنك مثلي

ضحكنـة ورجعو يسـولفون مر وقت و كـامو راحو بالصالة كمـلت ريوك وكمت غسـلت الاماعين ورحت كعـدت يمهم بالصالة وكـالو العصر يرجعون ضجـت گُلش لان بعد هواي وقت يله نـتشاوف أني وحيادربلـكت اقنع أمي هم ناخـذ النا يومين هُناك ونرجـع ونضل هيج لمن الله يـفرجها

صافنة ودافكر شيصير لكيت حيادر يباوع عليه ومبتسم اشرتلة براسي يشيل عينه وهوه ولا يمه صخام الصخمني هسه يحس حُسين لو تحس أمي وتصير ملاطم خلي اكوم احسن الي

ردت اكوم صـحتني حواء من صفنتي وكـالت :- شبيـج صافنـة ووجهج اصفر بشنو داتفـكرين ؟؟

- لا ماكو شي بس هيج صار فلم براسي
- عوفي الفلم عندي موضوع وياج
- أي كولي ؟

- لا عوفي من أرجـع و أخابرج إذا كـدرت ماريد اسـولف بأستـعجال هسه

- مو تنسين
- لا

تغدينـة وخلصنة غسلنة الاماعين ورحنة كعدنة بالصـالة وكام حيادر دخل المطبخ مرت خمس دقـايق وكمت لغرفتي أول ما دخـلت لكيتة واكـف وبأيده جنسيتي

تفاجئت وكتله :- يا شدسوي هُنا وليش بأيدك جنسيتي ؟

- داشوف جمالج حتى بالجنسية حلوة

- جمال عُيونك هذه حيادر

- دخيلك ربي وتكول ما اعرف اتغزل بيك لعد هذه أمان الدايتغزل بيه

ضحـكنة ونزلنة مر الوقـت وراحو دخـلت البيت الدنيا ظـهر شگد ضـوجة لا حواء لا حيادر لو رايـحة وياهم ابقى كم يوم وارجـع بس يله ما مقسوم

رجعـت البيت هدوء صـعدت فوك سبحت ونمت كعـدت المُغرب نزلت توضيت وصـعدت اصلي كملت وكـمت لتلفوني شفت حيادر مراسلني كاتب
:- " قُره عيني ولچ اشتاقيتلج شنو أنتِ دخيل محمد "

- أني هم اشـتاقيتلك هواي
- بس مو أكثـر من شوگي

تذكرت اغنيتنة وره شويه دزيتلة :- اكُلك شي ؟

- كولي بويه
- أغُنية مجنوني

- شبيها هاي الأغُنية الحلوة
- ليش تحبها أنتَ وعدتني تسولفلي بيوم من الايام

- اي عيني
- اي سولفلي لعد

- تتذكرين بيوم العرس
- اي

- حلو وتتـذكرين أول مره رجـعتگم للبيت باليل والدنيـا بيها نسمـة هوه باردة بيـوم الي رجعتگم بي بالزفـة بيومها مشغـل الراديو وطلعـت أول أغُنية هيَ مجنـوني بوكتها أول مره اسمعـها وجنتي أنتِ موجودة وصـرت كُل ما اسمع هاي الأغُنية تذكرني بيـج بحيث صرت يومية اسمعهـا كُل ما اشتـاق الچ

ضليت أقره واعيد بالكلام وره شويه دزيت :- حلوة قصة الأغُنية

- وحـلوة بدايه قصتنـة احنه
- گُلش حـيادر

- كولي حيادري حيدري

- حيـادري وعـشقي
- يا بعـدهم كلهم أنتِ

سكتت وره شويه دز :- يله بويه راح أروح اكمل قراءة أسب أبو القراءة التبعدني عنچ

- يله تهـون تهـون ما تضل
- ان شاء الله

صاحت الي أمي ورحت نزلت تعشينة وكملنة وغسلت الاماعين ورحت للصالة لكيتهم ملتمين دايسولفون كعدت اسولف وياهم وتذكرت حواء لاخابرتني ولا كلتلي على الموضوع يله هيَ بكيفها

مرت الايام مرت الاشـهر الي ان قربت أمتحـانات حيادر بيوم جـانت الدنيا الصبُح خـابرت عليه رفع الخـط وجاوبني :- هلا بويه روح گلبي انتِ

- حييادر بالي يمك قربت امتحاناتك ما باقي الها اقل الأسبوع

- خلي تقرب أني اريدها اريد اخلص صار الي سنة لا ليلي ليل ولا نهاري نهار

- تُخلص حيـادر ولله ما تضـل وتذكر كلامـي وان شاء الله تطـلع مُعدل حلو ويدخلك العسكـرية

- الله يسمع منج فُستق لا تنسيني بدعواتج

دعيت اله بگلبي وكتله :- بكُل وكت دا ادعيـلك ما ناسيتـك أبدًا يا روحي

- عيناي أنتِ بس اخلص امتحانات أجيب حواء والوالدة ونجي عليكم

- اي عليك الله حـيادر گُلش مشتاقتلكـم

- صار يا شُغاف گلبي

سلـمت عليه وراح يكـمل قراءة ونزلـت ورحت يم أمي لكيـتها داتطبخ للغدة وكتلها :- يُمه ضوجـة خلي نروح يـم عمه ؟

- أني هم افكراروح هُناك
- صدُك خلي العصر نروح ؟

- ميخـالف العصر نروح

- لعد اروح أحضر ملابسي واسبح
- روحي يُمه

أذن آذان الظهر وصـليت وكملت ودخلت أسـبح طلعت نزلـت اتغدة لكيت حُسـين راجع وكـالت أمي :- تاخذنـة العصر يم عمـتي ؟

حُسين :- مالي خلك

ريتاج :- عليك الله ولله ضوجة والبيت يخنك

حُسين :- يله أكمل غدة وانام وكعدوني العصر اخذكم وأرجع

أمي :- ميخالف

تغدينة وكملنة وغسلت الاماعين وعزلت البيت وصعدت فوك جهزت ملابس الطلعة كيلوت أسود وقميص أبيض طلعت سنسال الفستق والساعة الهدية ولبستهم گُلش حلوات سويه كملت ورحت شسورت شعري

اجاني صـوت مسج من تلفوني ما اهتـميت رجعت كملت شـعري سويت كيرلي خفيـف من جوة كملت طلعـت حذاء كعب طولة مُناسـب لونة ذهبي مكياج ماخـليت ولا ردت اخلي خليت عُطر

ورحت شلت تلفوني شفت المسج منه ما رديت لان إذا حجيت وياه مُمكن اكُله راح نجي بس لا أريده يتفاجأ من يشوفنة جايين وخاصًا أني

كملـت ونزلت لكيت أمي مكمـلة وحُسين هم شـافتني أمي وكالت :- شنو هاي النزاكة الـحلوة ؟

حُسين :- يا نزاكه هاي ما اشوفها ؟

ريتاج :- نـزاكة جُدك هاي

حسين :- ههههه يله امشو صعدو

صعدنة بالسـيارة مسافة الطريق ووصـلنة نزلنة ودكينة البـاب ودخلنة طلعت النا حـواء تركض وكالت :- يا هلا هاي منـو اجانة حي الله من جـانا

ريتاج :- هلا هلا بيج

سلمنـة عليها ودخلـت جـوه وحُسين كال :- وين حيدر وين حليم ؟

حواء :- حليم راح يودي مرتة لاهلها وحيدرنا بالمعهد

حسين :- لعد يله اكـوم ارجع أني

رجع حُسين ورجعنة أني وحواء بالصالة شويه وكمنة صعدنة فوك لغرفتها :- ولچ شنو هاي الفخامة شنو هذه اللون طالعة طالبة جامعية ابقي لاتبدلين ملابسج خلي يجي حيدرنا علمود يشوف هاي الفخامة الي يمج

- هههههه يا فـخامة هوه قميص أبيض وكيـلوت أسود
- والسنسال عينـي والساعة والكـعب والكيرلي

ضلينة نسولف الى ان سمعنة الهورن :- اججججه انزلي أنتِ فتحي

- لا لا مـاريد أنزل

- ولچ يُمه عاينيني غير حبيبج ؟

- صوووتج لاتسمعنـة أمي تسويها كربلاء عليـه أنتِ انزلي فتحي

- نازلة نازلة شوفي شنو راح اسوي

كالت هيج ونزلت مر وقت تقريبا خمس دقايق

....

نزلت أفتح الباب أول مانزلت شفت كعب رتوج يم الباب خذيتة ودخلت المطبخ وشمرتة جوه الكاونتر

رحـت افتح الباب فتـحتة أول ما دخل السيارة شاف شحاطـة ام حُسين وكال بأبتسامة :- منو جـاي ؟

- محد بس ام حُسين
- بس ؟

- اي بس
- وفُستق ؟

- ما اجت
- شعجب !

- ولله ما أعـرف

غير ملامح وجه وطلع الكتب من السيارة ودخل للمطبخ شرب كلاص مي ودخل للصالة كعد وسلم على أمها وأني خذت الكعب ورحت صعدت فوك

أجت حـواء تركض وكالت :- تعالي اوكفـي هُنا علمود أول ما يصـعد يشوفج

- حووواء
- ماكو لا حواء ولا بطيخ كومي كومي داده

جرتني ووكفـتني بالممر وكالت :- ابقي انتظـري من تسمـعين خطوات صيري جنـج تردين تنـزلين

ردت احجي وكالت :- اش رتوج اش لاتحجين شي اروح انزل أني

ضـليت ربع ساعة واكفة اخر شي سـمعت خطوات مشي كلت بگـلبي هسه تطلع عمتـي لو أمي دخلت غُرفة حـواء وسديت الباب سـمعت صوت غُرفة باب حيدر عرفتـة حيادر فتحت بـاب الغُرفة وتوجهت لغُرفتة أول ما فـتحتها لكيته متـربع والكتب بأيده

رفع راسة باوع عليه شويه وكام وضحك وكال :- فُستقي ؟

- اي فُستقك

أجه بأتجاهي وكال :- مشتاقلج

- وأني بعـد

- هسه شلون اصبر نفسي وما احضنج كُل هذه الاشتياق ؟

- حـيادر

- عيناه تعالي نكعد

كعدنة يم الكتب والاقلام وكال :- فُستق ولابس سنسال فُستق هنيال السنسال

- ليـش ؟

- هنيييييالة

سكتت بمعنى ما فهمت شي وكال :- ريتاجي

- كول يا عيني

- ليش ساكتة ؟

- ما أعرف اتـغزل وأنت داتتغزل بيه بس مـا اعرف ارد عـلى هيج كلام حلو

- ههههههه يا بويه كلامي حلو ؟

- اي

ضـحك وكتله :- ولله ما أعـرف حتى من يلتـقون العـشاق بعد مُده أني شايفة بالمسسلسلات هذه يركض منا وهيَ تركـض منا ويتحاضـنون

- لعد ليش خلي نسوي مثلهم
- لا عيني لا

- داشـاقة ها !
- أدري يله راح أنـزل

- ويييين بعدني ما شبعت منج
- اقره امتحانك صدُك شنو أول يوم امتحان ؟

- اسلامية
- سهلة

- اي سهلة گُلش

كمـت وكفت سويت اله حركة بأيدي بيبـاي رحت لغُرفة حواء بـدلت ونزلت جوه يم حواء ضلينـة نسولف على ما اجه الليل اجـه حليم وجايب عشة تعشينة وكملنة صـارت الساعة بالعشرة كمت صـعدت فوك تمددت وضليت اتصفح بالتلـفون

ماحسيت على نفسي نايمة كعدت الساعة بثلاثة باليل لكيت حواء واكفه يم الباب وداتحجي :- لا ولله نايمة ما بيها شي

حيدر :- خاف راسـها يأذيها وما كـالت ؟

حواء :- مابيها شي لايضل بالك

حيدر :- اذا تكعد كُلي الها خلـي تجي احجي وياها 

حواء :- ميخالف

سدت البـاب واجت تمددت يمي مر الوقـت تقريبا نص ساعة كمت لكيتها نايمة رحت طلعـت بره الغُرفة ودخلت غُرفة حيـادر بهدوء

أول ما شافني فز وكال :- بيج شي ليش نمتي من وكت ؟

- لا مابيـة بس جنت نعسانـة ونمت

- حسبالي بيج شي حتى من قريت ما ركزت

شفتك خايف عليه ويحجي بقلق وكتلة :- أحبك أني

أبتسم ابتسامة من الأذن للأذن وكال :- رغم سمعتها كم مره منج بس كُل مره نفس الاحساس وحسبالك أول مره اسمعها منج شُغاف گلبي أنتِ

ضليت اطكطـك بأصابيـع ايديه وكتله :- وحتى أحُب هاي الكلـمات الغزلية منك

- وبعد ؟
- گُلشي حيادري

- گُلشي ؟

- اي حيـادر أحبك واحُب كُلشي منك
- لچ أنتِ مثل التامور

أستغربت من كلمة التامور وكتله :- وشنو هذه التامور ؟

- هذه الي يحيط الكلب وما يخلي يتحرك

- شنو اسمة ؟

- غشاء التامور بالعامية

- وأني مـثلة ؟

- اي التامور أنتِ

ضلينه نسولف شويه وكالي :- يله كومي نامي

- اي ولله نعسـت

- لعد ليش ما تحجين يا عيني

- باجر وراجعين حتى لو نعست ميخالف أريد اخلص هذه اليوم وياك

- ليش بس يوم واحد تبقون ؟

- مـادري ولله

ذب تنهيده وكال :- يله الله كريم تصبحين على خير فُستق

- أنتَ الخـير بذاتة
- يبعد عيـناي

أبتسمت وطلعت بره دخلت غُرفة حواء ونمت كعدت الصبح ونزلت جوه لكيتهم دايحضرون الريوك بس حيادر ماكو سئلت حواء :- حيادر وين ؟

- راح للمعـهد الصبُح
- يروح الصبُح ويرجـع العصر ؟
- اي مـرات المُغرب

تريكنة وكملنة مر الوقت بسرعج وأجه العصر واجة حُسين ورحت فتحت الباب دخل :- وين حيدر ؟

- راح بالمعـهد

- وأنتِ شمدريج ؟

- حـواء كالت

- يله حضرو نفسكم رنص ساعة أريد كاملين أريد أرجع علمود اطلع

- ماشي

صعدت فوك حضرت نفسي وبدلت وكملت واجت حواء وكالت :- راح تصييير ضوجة

- اي عفيـة
- عود نجيكـم

- ونضل هيج يا أحنا جاين عليكم يا إنتوا جايين علينه
- ههههههه

كملـت ونزلنة سلمنة عليهم وطلعـنة شويه ووصلنة البيـت ضوجة آذن أذان المُغرب كمت صليـت

مرت الايام مرت امتحانات وخلصت حسبالك امتحاناتي أني مو امتحانتة هوهَ هاي الفتره كُلها أني بقلق خابرتة مره وحدة وبعد كمت أسمع أخبارة من حواء

اجه يوم النتائج كاعـدة العصريـة وخابرتني حواء :- بدون رسميات داده ما احبهن

- يله احجي
- اليوم نتائج حيدرنا
- لا عليج الله

- شبيج على كيـفج عبالك النتائج نتائجج
- ولج خايفـة عليه خطية تعب هـواي ولله
- اي ولله

- إذا طلعو النتائج عليج الله كُليلي
- صار داده من عيني يله رايحة
- الله وياج

اجه حُسين المُغرب جايب عشه وكال :- وين الابتوب !

ريتاج :- ليش ؟

حسين :- نتائج حيـدر وآسر طلعـن

أمي :- يا رب ان شاء الله ناجحين ومُعدلاتهم عالية

حُسين :- ان شاء الله كومي عين الشمس جيبي الابتوب

طفرت بدون كلمة حتى ماحجيت شي كدامهم خاف يشكون اكو شي سكتت وكمت خذت الابتوب ونزلت ربع ساعة ضل حُسين يدور كالت أمي :- كومي صبي العشة بين ما يجي ابوج

- صـار

كمت طفرت حضرت الاماعين وصبيت العشة ودخل ابوي :- الله يساعدك

أبوي :- حبيـبتي بنيتي

نطيتك كلاص مي شرب وراح يغسل صبيت العشة وسمعت صاح حُسين وكال :- لكم ابطاااااااال ولله شنوووو عقلكم هذه

دخلت للصالة عليهم وكتله :- ها بشـر شكد مُعدلاتهـم ؟

حُسين :- الحيادر ١٠٠٪؜ وآسر ٩٧٪؜

ما اكول فرحـت لا طـرت من الفرح كتـله :- مبروك الهم ثمـرة تعبهم

حُسين :- اي بالعباس شكد تعبو هذول الاثنين

أمي :- خلي اخـابر عمـتي ابارك الهـا

رحت صعدت فوك خابرت حواء .ماجاوبت نزلت وكتلهم :- تعالو الاكل راح يبرد

تعشـينة وكملنة غـسل الاماعين وصعدت فـوك طلعت ملابس ودخلت سبحت
وطلعت مشطـت شعري ورحـت خابرت حواء رسًا جاوبتنـي وكالت :- ولج مُعععدلة ١٠٠ رتوج ١٠٠ وذاك الواحد ٩٧

- الف الف مبروك يا روحي
- يبارك بيج يولي

طكتها هلوهوله وكتلها :- طرشتيني

- ولج فرحانة فرحانة اله ولله من الفرح حتى بجي بجيت

- حبيـبتي

سلمت وراحت اتصلت عليه ما يجاوب أريد ابارك اله گلبي يمه بس كلت ميخالف يجوز مشغول بشي اكيد بس يفرغ يخابرني

مـرن ساعات وهوَ ماكو اتصـلت عليه أكثر من ثلاث مرات بس مـاكو كلت باليل يجـوز يخابرني

....

من بعد استلام نتائج حيدرنا كاعدين بالصالة مجتمعين داناكل كيك دخل علينه أبوي بملابسة العسكرية

سلمـنة عليه وكالعادة يـسولف النا شنو صار بنزلتة ما صـار وكنالة على معدل حيدرنا اخـر شي سكتنـة وكال :- اي دكتور حيـدر شوكت تسـافر كُلي علمو احجز الك الطـيارة

حيدر :- دكتور ؟

تفاجئنا من أبوي حيـدرنا مقرر يدخل عسكـرية دكتور شـنو كال أبوي :- اي دكتور بيـها شي ؟

حيدر :- لا أبدًا ما بيها شي تعرفني أريد أدخُل عسكرية ؟

ابوي :- عسكريـة !!

حيدر :- اي طبعاً و اكولها بكُل فخر عسكرية يا بويه

أبوي :- تقبل ما تقـبل مُشكلتك هـاي

حيدر :- طبعًا ما أقبل

أبوي :- لا تقبل أعُـرف شغلي اني

كام حيدر طلع بره وركع باب المطبخ  حيل كالت أمي :- على كيفك يا رجال ما تشوفة فرحان كومي يالفلوكة وره اخوج شوفي

حواء :- صـار

كمت وره سمعتة يخابر يكول :- لك دكتوووور شنو آسر اعقلها أنتَ شي ما يدخل العقل مُستحيل اروح طبية لا آسر لا .. جايك

ردت أرجـع لاكوني حليم واسماء سئلو على الوضـع وجاوبتهم راحو للصالة ورحـت وراهم وكالت أمي :- ها شبي ؟

حواء :- راح لصديقة

امي :- جيبي التلفون اخابرة

رحت جبت التلفون دكت على صديقك ولا جاوب وكال :- اهلا خاله تفصلي

أمي :- دير بـالك على حيـدر فدوه يُمه

آسر :- دللي خاله اغسلة واعشي وانومة الولي اله من ينام بعد شتردين يالغالية اكو أحسن من هيج لا ولله

ضحكت أني وكـالت أمي :- لاتشاقـة وياي شقاك ماصخ

آسر :- عادي شكو بيها اخليله ملح

أمي راح تطلـعلك من التلفون وهوَ يحـشش اخر شي كالتـله :- كُله يرجع للبيت لا يبٰات يمك

آسر :- شبي بيتي يجكجك لاتخافين ما يجكجكك لدكتوركم

سدته وكال حليم :- هذه كُل عقله مايريد يدخل طب ؟

أسماء :- متبطر على النعمة

شبيها هاي جاوبتـها وكتلها :- أسماء لاتدخـلين عوفينة بضيـمنة روحي لبتج

حليم : حووواء ؟

حواء :- تره ما حجـيت شي !

حليم :- سكتي

سكتت وضٰلو يسولفون وأبوي ما يقبل يدخل عسكرية قافـل وأمي تحاول ويا بلكت يرضـة وما قبل أبدًا يدخل عسـكرية ليش معاند أبوي ما نعـرف تعشينة وكملنة وكالت أمي :- ضمي اله عشه لا يجـي جوعان سودة عليه ما فرح

- صار

غسـلت الاماعين ورحت كعـدت يمهم صارت الساعة بالوحـدة ونص انفتح باب الصالة ودخل حـيدرنا وكال :- أفضل المـوت ولا أدخُل طب

أبوي :- هواي تجاوزت أنتَ تكسر كلامي شنو ؟

- أبوي بس فهمني وكلي طـب شنووو أساسًا أني مقرر اطلع عسكريـة ويني وي الطب بعيدين بويه وداعتك.

- حيدر ابني هذه العندي وهذا الموجود غير شي أنهي
- أبوي صدُك تحجي ؟

- أبن الـ***** شايفني مشـاقي وياك قبل كلت طب يعني طب هنه خمس سنـوات فتح غمض بالخارج يخلصن لاتسـويها ماصخة أفهههم ما أريد أدخلك بالمجـال الداخلة أني

- لا مُستحيل بويه بالخارج شنووو !

....

كاعدة بالغُرفة انتظـر اتصال من حيادر خذت الهـيدفون ونزلت جوه فتحت الثلاجة خذت تفاحـة اكلتها شغلت الأغُنية وضليـت اسمع بيها خلصت وصـعدت فوك

أول ما صعدت اجاني اتصال من حواء گُلش فرحت جاوبت وسمعت صوت عيطتها وصاحت :- رتوووج حيدرنااااااااا

....
يتبع ⬅️ - البارت الخامس والعشرين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.