رواية حيادر الراء . الفصل الخامس وثلاثون 35 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

صاح بيه نوب صاح بأسمي وكال :- هُياااامي ؟

سـده وره شويه دز رسالة على الواتسـاب كاتب :- وين تتطلعيـن ، حُسين يمي ماكدر احجي اتصـال دزيلي مـسجات

- وي ريم عازمتني
- وين عازمتج ؟

- ما أعرف يمكن على مطـعم شي
- بـس هيَ مو ؟

- اي حيادر
- وتُميم ؟

- لا حيـادر محد جاي بس هيَ
- عشر دقائق واتصـل عليج بس اشـوف الي فرصة

- ماشي

نزلـت سلمت على أمي وطلـعت بره شفت سيـارتها لوحتلي بأيدها رحت من الباب الثـاني فتحتة وصعدت أول ما صعـدت كال :- شنو هذه عطرج شگد طيب

- حياتي كدامج
- تسلمين گلبي

حركـت السيارة وره وقت اتـصل حيادر فتحـتة وكلت :- هلا حياتي

التفتت عليه ريم ورجعت كملت سياقة جاوب حيادر وكال :- وين أنتَ صوت سيارة ؟

- طلعـت أني
- صبـرك ربي

كال هيج نوب كال :- ماشي حبيبتي راح أرجع يم حُسين أني من ترجعين اتصلي عليه رسًا فُستق اياج تنسين

- ميخـالف من عيني
- فدوات لعينـج

كلت هيج وسلمنة وراح الطريق هدوء شويه وفتحت موضوع وكالت :- شنو رأيج بالاعجاب من طرف واحد ؟

أستغربـت من سؤالها وجاوبتها :- بـادري بمشاعرج

- لا متفيد مبادرتي بشي لاتقدم ولا تأخر

- شلون عرفتـي مشاعرج مُجرد أعجاب فقط احـتمال حُب ؟

- لا أعجاب بس ما اريدها تتحول حُب إذا حبيت مُستحيل اتخلى حتى لو الشخص اتخلى عليه ابقى احاول واحاول علمود احصل الي أريده أبدًا مو بسهولة ريتاج

- طيب انتظـري للشخص احتمـال يحبج او مُعجب بيـج ؟

- يصدني مُجرد ما احجي وياه

- شـنو يقرب الچ ولو تدخـلت بخصوصيتج

- لا بالعكس أني أريد افضفض الچ أنتِ

- عـيني

- المُهم ، وياي بالجامعة

انقهرت عليـها وهيَ داتسولفلي حسيت موقفـها صعب ومشاعرها بعد اصعب فَ جاوبتها :- داتشـوفي يعني بالدوام يومية ؟

- اي يومية دامنع نفسي من أنُ اقابلة او اشوفة او اروحلك من أني بالدوام بس ما اكدر مشاعري وگلبي يسيطرن عليه

- رييم أبدًا لاتستخـدمين گلبج وخاصةً بهـيج مواقف استخـدمي عقلج دائمًا

- صدكيني مو بأيدي ما اكدر ريتاج ما اكدر اتحكم بي

- تخسـرين دائمًا .

- لا ريتاج بعدج ما تعرفين ريم ما تخسر بأي شي

سكتنة ووكفت السـيارة كدام مطعم صفتها على صفحـة فتحت باب السيارة وكـالت :- يله ننزل حبيبتي

نزلنة سوه قفلتها السيارة ومشينة دخلنة المطعم دخلنه وكعدنه على الميز وره شويه أجه النادل وكالت :- شنو تطلبين ؟

- اي شي

حجت وياه وطلبت على ذوقها راح النادل وكالت :- عادي اسئلج سؤال ؟

- اي عـادي حبيبي

- يما أنُ احنى صرنة صديقات وهاي شوفي أني دائمًا أحُب افضفض لصديقاتي ويسمعني واسمعهن فَ عادي إذا بيوم من الايام حبيتي تفضفضين الي اهلاً بيج

- حبيبتي
- عُمري

أجه النادل خله الأكل على الميز وراح ضلينه ناكل ونسولف وكالت :- كم اخ اخُت عندج ؟

- بس أني وأخوي ماعنـدي أخُت

- اصيرلج اخُت

- ههههه تسـلمين

- عُمري ، ليش تاركة الدراسة ؟

- من جـنت صغيرة تقريباً أول متوسـط من تركت بوكتها أبوي خاف عليه لإن كثر الخطف بالمنطقة وراه أسبوع شلنـة منها وانتقلنة لمنطقة جديدة حاول أبوي وأني يرجعـوني بس جنت ارفـض خوفًا

- إذا اجتج فرصة تدرسين حاليًا ترجعين ؟

- حاليًا لا بالمُستقبـل اي

- هممممم

اجه ببـالي سؤال وسئلتها وكلت :- شعـجب درستي بالخارج ؟

- حلمي طب عام فَ من طلعت مُعدل قليل ماينقبل بالعراق اقترحت على أبوي أنُ اسافر اكمل بالخارج بالبداية رفض بعدين لا اقتنع لمصلحتي

- منو نصـحج بالدراسة بمصر ؟
- أخـوي

- كم اخ واخُت عنـدج ؟
- اثنين كبار متـزوجات واخ واحد

- الله يحفظهم
- حبيبتي ، أنتِ أخوج شنو يدرس ؟

- لغة إنكليزية
- جيد

خلصنة أكُل وكـالت :- تعالي ناخذ كم صـورة للذكرة عادي لو لا ؟

- لا عادي حبيبتي شنو السالفة

خذنه كم صـورة وبتلفوني هم شويـه وكالت :- يله نطلع لو بعد وكت ؟

- بكيفج
- نضل شويه نسولف وراها نطلع
- عادي فتحي موضوع خلي نسولف بي

كلت هيچ رسًا سئلتني وكالت :- الحُب

- عادي

- طيـب خلي اسئل كم سؤال بمـا أنُ أنتِ عندج حبيب

- تفضـلي سئلي ؟

- شنو رأيج بمـوضوع الخيانة ؟

- الخيانة ؟

- اي بيها شي

- لا عـادي

- تفضلي جـاوبي

- ليش الخيانة أني ثاقة ومتفاهمة وياه

- مو شرط يجـوز منج الخـيانة تجي من الرجال

- مو كُل اصابيعج سوه بنظري لا ماتجي داشوف الحُب والاهتمام الي دايقدمهن الي بعيونة واضحات عن نفسي داحجي مو بشُكل عام

- فرضًا لكيتي بنية بحياتة داخلة ؟

- ما اتوقع يسويها ثاقة بي

- لا تنطيـن كُل ثقتج انصحـج نصيحة صديقـة او اخُت

- احترم نصيحتج بس داكُلج احنه واحد ثاق بالثاني ومُستحيل أوي لو هوَ نخون هاي الثقة الي بيناتنة

- هممم جيد اشجـع العلاقـة القوية أني

كالت وسكتت باوعت على الساعه طلعت العلاج من الجنطة خذت من كُل علاج حباية خذت البطل الي على الميز كملت وكالت :- صحة

- حبيبتي
- علاج شـنو ؟

- لگلبي

- شنو شـبي گلبج مريضة بالقـلب ؟
- اي

باوعتلي بأستغراب وكالت :- شنو السبب سولفيلي ؟

- حـادث سيارة
- حادث سيـارة ؟
- اي وصار عندي تـسلُخ بالشريان الابهر

فتحت عيونها وكالت :- يااا حبيبتي الصحة والعافية قبل شگد ؟

- ما صـارلي هواي
- شلون عالجوا بأنبـوب تركيب صح ؟

- اي
- شو بله اشـوف العلاج ؟

طلعت العلاج من الجنطة وانطيتها الها قرتة وكالت :- عندج مرض ثاني ؟

- مثل شنو ؟
- يعني مرض ثـاني غير الي بالگلب ؟

- اي

- شـنو ؟
- صداع نـصفي

أستغربت وكالت :- كُل هاي الامرض بيج يا روحي بعدج صغيرة

- حبيبتي حكم ربج قابـل بأيدي
- عُمـري

كالت هيج وانطتني العلاج ضميتة نوب كالت :- يله نكوم ؟

- يله حبيبتي

كمنة انطينج الحساب وطلعنة ورحنة صعدنة بالسيارة أول ما صعدنة :- كلتي أخوج لغة انكليزية ؟

- اي نعـم
- يا مرحلة يا جامعـة ؟
- دايطبق مرحـلة رابعة جامعة ****

- حلو خوش جامعة رحت الها زيارة كم مره لإن عندي كم صديقة بيها

سكتت أني وبعـدها شويه ووصلنه وكـفت السيارة كبال بيتنـه باوعت عليه وكالت :- گُلش حلوة الـطلعة وياج ان شاء الله نعيدها بيوم من الايام

- ان شاء الله حبيبتي

سلمـت ونزلت من السـيارة لوحتلي بأيدها وكالت :- وصـليلي سلامي للوالدة

- من عيني

حركت السـيارة وراحت دكيت الـباب شويه وانفتح صار بوجـهي حُسين :- ضل بالي يـمج

- جيت لا يضل بالكم

- عود كبرتي وصـرتي تطلعين وحدج وراح تصـير كُله طلعات وهيـج يابه

- لعد وحد

- شوكت مايعجبج طلعي كم اخُت عندي أني

أبتسمت ودخلنة لاكتني أمي وأبوي كاعد على صفحة وكالت أمي :- تأخرتي

حُسين :- تره ما نتـأخر بس إنتوا عبالكم متأخريـن والله بالطلعة بسرعة يمُر الوقٰت

ريتاج :- صحيح كلامة

أبوي :- عود صارت تطلـع مثل حُسين وواحد يشـجع بالثاني

حُسين :- اي يابه لعد وحد غير ريتاجه هاي وندللها

ضـحكو وصعدت فوك ابدل مـلابسي لكيت اتصال من حـيادر دخلت الواتساب ودزيتـلة :- رجعت يا روحي

عفت التلفون ورحت غسلت وبدلت وتوضيت وصليت وكملت وكملت رحت للتلفون لكيته داز :- طولتي

- وداعتـك ما طولت حـبيبي

كلت هيج واتصل عليه فتحت خط وكال :- وداعتج يا فُستقة طولتي

- اوكي هاهيـة طولت
- بيـج شي ؟
- لا

سكت وكلت :- إنتو شوكت رجعتوا ؟

- قبـلج
- أعـرف قبلي حبيبي داقصـد شوكت ؟
- قبلج بسـاعة هيج بويه

سولفنة شوية وراح نزلت جوه وضليت اسولف وياهم

....

كعـدت المُغرب على هوسة ونزلـت جوه لكيت أمي بالمطـبخ داتطبخ دخلت للصالة بدون ما اسـئل لكيت خالتي ومؤمـل وخواتة الصـغار جايين باوعت عليه خالتـي وكالت :- هلا آيريم

- هلا خالة

سـلام بارد جدًا باوع عليـه مؤمل وكال :- السلام لله

آيريم :- ما يشرفني اسلم عليك

كلت هيج وكمـت دخلت للمطبخ باوعتـلي أمي وكالت :- شبييييج ليش هيج يبقى تعامـلج وي الناس

آيريم :- والله داعامل الناس حسب مُعاملتهم وياي كيفي

سكتـت شويه وكالت :- تعالي سـاعديني بالعشة

- هاي شنو شوكت تطلبين المساعدة مني ؟
- بله كلام زايد

- اصلي واخـابر أخوي واجيـج

- لعد مكملة إذا على هذه الحجي
- لا

توضيـت وصعدت فوك صليت وكـملت خذت التلفون اتـصلت على آسر جاوبني وكتلـه :- سلام خويه

- سلام يا قمر ازيك

كال هيـج وطكيتها بضحكة وأريد أسكت ماكو نـوب كال :- يا قمر ايه الي قلتـوا انا ؟

رجعت ضحكت نوب كتله :- شبيك خويه نكلبت مصري ؟

- لعد أرجـع عراقي ؟

- ايييييييي هذه يلوكلك

- بعد چبدي

- شنو الاخبار يمك جامعتكم أنتَ مصر الإسكندرية

- كُلهم بخـير اله أني

- شبيك وجهك يتلاطم مابي كُل شوفة

- هذه الجمـال كُله ومابي كُل شوفة هوَ غـير المصريات كاتلات نفسـهن عليه لإن عراقي وحلو وشـعري إندومي

- اكُلك دكتور آسر مو جنها حمت الدنيا ؟

- لا يا بعد چبدي أبدًا ما حاميـة

- اي مبين والله

سمـعت صحيت أمي سلمت عـليه وسديتة ونزلت جوه باوعت عليه وكـالت :- حضري الاماعين علمود اصب

كمت بدون كلام ولا مقدمات حضرت وياها كملنة وصبينة العشة رحنة قدمناه بالاستقبال بدينة نتعشة طول وقت العشة ومؤمل يباوع عليه وأني متجاهلتة وكأنما محد موجود هُنا

كملـنة رحت لميت الاماعين وغسلتهم وصـعدت فوك شفت مسجات على تلفوني فتحـته جان آسر داز صور وفيديوهـات آسمي بالانكليزي وبالعربي وحرفي كاتبـهم على البحر شفتهن ودزيتله

- الله آسر شكد حلوووات عاشت أيدك

گُلش فرحت من شفتهن رحت خليـت صورة خلفيه تلفوني ودز :- حبيت افرحـج وأني نازل على البـحر

- الله وتذكرتني
- شعندي غيرج بهاي الدنيا خيتي

ذب تنهيـدة وكتله :- أني وياك طول العُمـر راح نضل سوه

- واشك حلكة الي يفرقنة
- وأني وياك
- كفو

سلم وراح تمـددت ونمت كعدت باليل ما أعرف بيش الساعة البيت هدوء نزلت للمطبـخ اشرب مي توجهت فتحت الثلاجـة اخذ مي حسيت احد وراي التفتت شفـت مؤمل :- شنو تريد أنت متستحي على نفسـك ؟

- أريدج

- طول ما أنتَ ماعنـدك كرامة أني ما أريـدك

- شبية أني لإن أحبچ داتسوين هيج اشو حتى أمج كُتلها ماريد اجبرها على شي خليها برضاتها

- ما عـاش الي يجبرني على شي أني مـا اريدة

- آيريم شنو تردين بالضبط والله تعبت وأني داركض وراج

- بدال ما تركـض وراي اركض وره مُستقـبلك

كلت هيج وما انطيتة مجال يرد ورحت صعدت قفلت الغُرفة ونمت

....

كعـدت الصبح على اتصال من حـواء فتحتة وكالت :- صباح الخـير رتوج

- صباح النور شعجب متصلة من الصبُح ؟
- يا صبُح الساعة بـ١١ ونص

بعدت التلفون شفـت الساعة وكتلـها :- اي صحيح كـولي شنو تردين ؟

- البارحة وين جنتي ؟

- ليش طلعت وي الدكـتورة ريم ؟

- وحدج ؟

- اي شكو بيها ؟

- لا مابيها بس مستغربة

- من شنو مستغربة ؟

- لا ماكو شي المهم باجر الصبُح حيدرنا يوديني للدكتورة حجز اليوم عند دكتورة

- ليش بيـج شي ؟

- غير صفحتي اكُلج رتوج شاربة شي البارحه أنتِ ؟

- يوو ناسـية والله اي وبعـد

- ويروح على الدكاترة الي سوولج العملية يستفسر منهم

- بـس ؟

- اي بس ، اكُلج ؟

- كـولي

- رحتي للدكتور أول ما رجعتي من عدنة صح ؟

- اي مو كتلـج وكلت لحيـادر

- اي هوَ داتذكر عبالي ما رايحة كلت نروح سوه اليوم

- لا رحـت

سلمنة وراحت سدت الاتصال ورحت دزيت لحيادر :- صباح الخير حبيبي

نزلت جـوه اغسل لميت أمي كاعدة تـتريك شافتني وكالت :- صباح الخـير يُمه

- صباح النور يُم

رحت غـسلت ورجعت للمطبخ :- شـغلي الصوبة إذا بردانة وخـلي عليها القوري

- صار

سويـت مثل ما كلتلي وكمـلت رحت طلعت بيـض من الثلاجة طكيتة بالدهن فتحت الكاونـتر طلعت علبه الزعـتر مابيها باوعت على أمي وكالت :- خلص يا روحـي من أروح للاسـواق اجيبلج وياي

- فدوة الچ

خلصت وكعدت كدامها اتريك اجه مسچ على تلفوني رفعتة شفنة من حيادر كاتب :- شلونج فُستق ؟

- زينة يا عُيوني لايضل بالك

انتبهـت على أمي تباوع عليه كتمت التـلفون وعفتة وكملت ريوك خلصت وشلت الامـاعين خليتهن على السنـك غسلتهن وسمعت الأذان توضـيت وصعـدت فوك

أول ماصعـدت دزيت فتحت التلفون شفت حيادر داز :- " مبقة كم يوم وأرجع صح راح ادزلج هاي الرسالة من وكت لان كُل مشاعري بيها ما أعرف إذا راح اشوفج مره ثانية او لا أحُب اطمنج كُل وقت وكُل أني ساعة ويوم وسنة أنُ أني يمج وأبدًا ما اعوفج فُستقي

وين ما رحت وين ما شمرتني هاي الدنيا أول كتف الچ تستندين عليه اني من بعد اهلج أكيد ريتاجه أنتِ صدفتي الحلوة أنتِ عوضتيني عن گُلشي مُر صار بحياتي تعويضي الرباني أنتِ "

قريت الكلام دمعـت بس مسحت دمعتي ودزيتـله ڤويز :- " وأنتِ گُلشي حلو صار بحـياتي يا أول حُب حياتي من حـبيتك عرفت معنى الحُب صدكني حيادر صح صغـيرة اني بس حُبي الك دايُكبر وياي داتحتـويني أنتَ اريدك وياي للشيب حيـادر ان شاء الله نشيب سـوه وحبنة يُكبر سوه ويانة أحبك هواي أني

دزيتله قلوب لون اخضر ورحت طلعت السجادة صليت وكملت قريت قرآن خلصت كمت للتلفون مابي شي عفته ونزلت تغدينة وخلصن صارت الساعه بـ٢ وأجه حُسين اول ما دخلت كال :- " I am tired "

ريتاج :- شـنو يعني ؟

حُسين :- أني تعبااااان تعبباان

أمي : افتهـمنه شبيك تصـيح

حُسين :- يُم الطلاب تعبوني هاي عود بس داطبق

ريتاج :- يله عقبـال تدرس وتـستمر

حُسين :- غير اتخبل ومحمد

ضحـكنة وراح غسل وأتغده

....

مر اليوم عادي ردت اصعد أنام دخلت على غُرفة حيدرنا وكتله :- باجر الصبُح مو ؟

- اي
- نروح بيس الـساعة ؟

- بالسـبعة هيج
- ماشي

كلت هيچ وطلعت من الغُرفة وقتت التلفون ورحت نمت كعدت الساعة بالستة طلعت نزلت غسلت ودكيت باب غُرفة حيدر اجاني صوته وكال :- كاعد خيتي روحي حضري نفسج

- ماشي

رحت حضرت بدلت وكملت ونزلت جوه لكيتة دايشرب مي باوعلي وكال :- روحي صعدي بالسيارة

صعدنه وكبل للدكتورة نزلنة ودخلنة كنالها هيج وهيج وخذت تحليل وره وقت هواي طلع التحليل صاحتلنة ورحنة وكالت :- عندج مشاكُل بالكلية اليمنى وعندج حصو

كالت هيج وانطتني علاج استمر عليه وراجعلها بعد مُده كمنة طلعنة من العيادة واتوجهنة للمُستشفى الي سوت العملية بيها رتوج ساعة ووصلنة صف السيارة حيدر ودخلنة للمُستشفى سئلنة عن الدكاترة الي سوو العملية بس أثنين مدومين اليوم

حواء :- بس أثـنين ؟

حيدر :- عادي يابه أني بس اسئل وأستفسر لا أكثر

حواء :- تمـام

حيدر :- هوَ شنو أسمه الدكتور ؟

حواء :- واحد اسـمه *** وواحد *** والثـالث ناسيتة

حيدر :- تمام يابه

صعدنه للطابـق الثاني رحنة للغُرفة دكيـنة الباب وسمعنه صوت :- تفضل

حيدر :- السلام عليگكم
الدكتور :- أهلًا وعليكم السلام

كعدنة على الكراسي جانو اكو دكاترة أربعة بالغُرفة ودكتورتين باوع الدكتور على حيدر وكال :- اي تفضلي

حيدر :- أريد استفسار بخصوص الحـادث الي صار قبل مُده والمريضة ريتاج كريـم

التفت صديقة وكال :- ريتاج كريم الي عندها تسلُخ بالشريان الابهر ؟

حيدر :- اي بالضـبط

الدكتور :- شنو تقربلها ؟

حيدر :- حبيبتي

الدكتور :- شنو أسمك ؟

حيدر :- حيدر أمان

أبتسم الدكتور وكال :- أنت طالب طب الي داتدرس بالخارج ؟

حيدر :- اي نعم تعرفني لو شنو ؟

الدكتور :- لا بس المريضة من هيَ بالبنچ ذكرت اسمك أكثر من مره

يُمه بگلبي گلت بس لا يكلج تجاوزت عليك كال حيدر :- اي نعم أني

الدكتور الثاني : أهلًا بيك أنتَ من جماعتنة على الرأس

حيدر :- بيـك أكثـر حبيبي المُهم ، أريد أعرف گُلشي عن التسلُخ ويُمكن أن يؤثر على الصـداع النصـفي للرأس لو لا

الدكتور :- التسلُخ بشكُل عام خطر جدًا واله سلبيات بالمستقبل خاصةَ للإناث أكثر

حيدر :- وشنو سلبياتـة بالمُستقبل ؟

الدكتور :- بالحمل جدًا خطر يُمكن يضيق الأنبوب الي بالشريان الأبهر بالولادة

حيدر :- تسريب الـدم من الشريـان ؟

الدكتور :- احتمال

ضلو يسـولفون طلع ورقة وبدأ يـشرح اله الخطورات خلـصنة وكمنة وكال :- جدًا اسف خـذت من وقتكم

الدكتور :- لا ولو من جماعتنة أنتَ بعيونة نخليك

حيدر :- تسـلم حبيبي

مد أيده يـسلم سلم عليهم كُلهم وطلعنة نزلنة وطلـعنة من المُستشفى صـعدنة السيارة وحـرك وكال :- بعُيوني اضمهـا والخالق

- الله يجمعكم بالحلال ان شاء الله
- آمين خيتي الله يسمع منج

سكتت بعـد وصلنة للبيت ونزلنـة ودخلنه للبيت تلكونة أمي وأسـماء وحليم وسولفنـة الهم الصار كملت وصعدت فوك ابـدل لكيت مُكالمة فائتة من داليا بنت الشـيخ

رحت بدلت وكملت كعدت ورجعت اتصلت عليها أول ما اتصلت جاوبت وكالت :- هلأ حبيبه شلونكم ؟

سـئلت على رتوج واهلها سلمـنة وكملنة وكـالت :- اتصل عليـها مغلق ليش ؟

حواء :- بدلت رقمها ريتاج

داليا :- انطيني رقمها الـجديد ورقم أمها هم أريده نسلم عليـهن

أستغربت گُلش من كالت هيج رسًا اجت ببالي موضوع الخطوبة صحتني من صفنتي وكالت :- الو تسمعيني

- اي داده دقـيقة

رحت طلعت رقمهن ورديتة الها سلمت وراحت نزلت جوه يم أمي لكيتها داتصلي صلاة الظهر توضيت وصعدت اصلي

....

صـارت الدنيا العصر جنه كاعدين يم الصـوبة أني وحُسين رن تلفوني رقم غريب تفاجئـت منه جاوبت واجـاني صوت بنية وكالت :- الو السلام عليكم عرفتيـني ؟

ريتاج :- هلأ حبيبتي وعليكم السلام لا ولا صغرًا بيج

ضحكت وكالت :- أني دالـيا بنت الشيـخ

ريتاج :- هلأ حياتي

داليا :- شلـونكم شـخبارك بس ردت احفـظ رقمج يمي

ريتاج :- حياتي بخير إنتوا شلونكم الشيخ الوالدة ؟

انتبه عليه حُسين وكـالت بصـوت خافت :- منو ؟

بعدت التلفون وسديت السماعة :- بنت الشيخ

رجعت وجـاوبتني :- نسئل عليكـم والله أني والوالدة نـريد نجيكم

ريتاج :- أهلًا وسهلاً عُمري

داليا :- ان شاء الله نتفـق وياكم على يـوم

ريتاج :- كُل الهلا

كلت هيج وسلمـت وراحت سديـتة وكال حُسـين :- يجون ؟

ريتاج :- اي

حُسين :- شعـدهم ؟

ريتاج :- والله ما أعرف

حُسين :- خطابة يجـوز

ريتاج :- المن ؟

حُسين :- الي يخطبوني المن غيـر الچ

ريتاج :- شنو شمدريك ؟

حُسين :- هيَ غير مبينـة ذيج ويـنها

ريتاج :- شنو عرفني أني خلي اكوم اسولف لأمي ولأبوي

كمت للمطبخ أمي داتطبخ وأبوي كاعد بالمطبخ :- اكللكم سالفة

سولفت الهم من البداية للنهاية وكال أبوي :- لا يجون

أمي :- شنو السـالفة شنو نكُللهـم للناس ؟

أبوي :- ما ننطي احنه

أمي :- الله كريم المرة أول مره تـجينة شنو نكُللها لاتجـون هم زحمة

حُسين :- لا يابه زحمة من يجون عود أمي تكللهم باحترام عيني ما ننطي احنه البنيج بعدها صغيرة هسه ومن هاي السوالف

أمي :- عفيه هوَ هيج قابل افشـلهم زحمة يا كـريم

أبوي :- الله كريم يا مرة

ريتاج :- هوَ منو كال خـطابة يجوز تريـد تسير علينه

أبوي :- لا بابا لا يا عيني ماتعرفين بهاي السوالف ريتاجه

حُسين :- مبينة وواضـحة مثل وضوح الشـمس عيني

أمي :- صح

سوالف شـويه وكالت أمي :- أبو الانكلـيزي كوم جيب النه صمون

حُسين :- تدللون على أبو الانكليزي يابه حيهم

طلع حسين دايروح يجيب صمون اجتني رسالة من حواء كاتبه بيها  :- " وين أنتِ "

- جوه ليـش ؟
- صـعدي فوك عنـدي سالفة وياج

صعدت فوك خابرتني وكالت رسًا :- انطيت رقمج لبنت الشيييييخ ورقم أمج هم الظهر

- هااااي أنتِ منطيتـة وأني اكول منـين جابتة هذه رقمي جـديد

- اي اي أني خابرتج لو لا ؟

- اي صخـام خابرتـني

- شنو رادت ؟

سولفت الها كُل الصـار وكالت :- اي الحمدُلله يعـني ما ينطـي أبوج ؟

- لا

داسـولف وياها سمعت صـوت مسج على الرقـم وكتلها :- دقيقة حواء اجتني رسـالة

- منين ؟
- صبري يُمكن من حيادر

دخلت للمسـجات وباوعت هذه رقم غـريب وكتلها :- لا مو حـيادر هذه على الرقم

- لعد منو ؟

ماجاوبتها ودخـلت للمسج كلام طـويل قريت أول بداية :- " ريتاج أني أحبچ ثقي بيه من يوم الشفتچ بي وصورتج مجاي تروح من بالي حبيتج من اليوم الشفتچ بي وأنتِ بعقلي وأني

....
يتبع ⬅️ - البارت الخامس والثلاثين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.