رواية حيادر الراء . الفصل التاسع 9 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

كال هيج وأجه سريع بأتجاهي وسحبني وحضني بادلته الحضن أستغرب مني وكال :- معقوله فستق !!!

- شنو
- بادلتيني !!!!

كتلة بتحذير :- روح أرجـع حيدر

صفن بوجهي شويـه طلع وسد البيبان وراه رجعـت اتوضى وفكرت معقولة حبن لا أستغفر الله بس كلامه وأفعالـة هاي كُلش كافي علمود يثبت لعد مايعترف اذا يحب راح يخلصها سوالف مال مُعجبيـن

توضيت وصعدت صليت وقريت قرآن دعيتله ولميت السجاده رجعت نمت كعدت الصبُح ساعة ثمانية نزلت شفت حُسين شافني وسئلني :- ريتاجه هم داتشمين عطر رجالي غريب لو بس أني ؟

- هاا مادري يـجوز عطر أبوي
- تؤ وأني ما اخلي هيـج وهذه عطر جديد

- ولله ماعرف يا خوي
- المهم سويلي ريوك أريد اطلع تأخرت على الدوام

سويتله ريوك تريك وطلع سـديت البـاب ورجعت للمطبخ لكيت أمي كاعدة :- صباح الخير

صبحت عليها وتريكنة وكملنة ونظفنة مر الوقت صار العصر جنت كاعدة وكالت أمي :- ريتاجه راح نروح للأمام الكاظم باليل ترحين ويانة ؟

- أنتِ ويامن ؟
- أني وحُسين و أبـوج

- ماعرف ولله بس اطلع راسي يأذيني
- أدري بيج أبقي هُنا اني ادعيلج

- اقريـلي الزياره

- تدللين نامي على مانرجع كاعدة أنتِ ولاتسوين عشه أحنا نجيبلج ويانة

- ماشي يُمـه

- هسه تعالي قلمي وياي الباميـة اخلصها واجمدها قبل لانروح

- جيت

وأني داثرم البامية نشكت أيدي شك خفيف من يم اصبعي الإبهام :- شجاج غير تنتبهين

- يُمه خيولي جرح صغير

كملنة البامية سويه صار الليل وأجو حسين وأبوي لكو أمي مكملة نفسها وصوني على نفسي وطلعو قفلت البيبان كُلش زين

وصعدت أريد أنام رحت للمجـر طلعت الهيدفون سمعـت الأُغنية خلصت طفيتها رحت طلعت لزكة مال جروح لزكت اصبعي بيها

من الملل شغلت التلفزيون ضليت اباوع ما احس اله الباب انفتح شفته حيدر تفاجئت :- حيييدر شتسوي هُنا وشلون فتت ؟؟

أجه راد يُحضني دفعتة وكلتلة :- شلـون داتفوت أنتَ !!!!

انتبه على أصبعي وكال بخوف :- شبي أصبعج ؟

- حيييدر فهمني شلون داتدخـل أنتَ بله اهلي موجودين تريد تسويلي مُصيبه أنننننتَ ؟

ما اهتم لكلامـي راح جاب ديتول ولاصقة جروح من الكاونتر :- لا وتندل الاماكُن ما شاءالله حييييدر فهمني !!

- لاتصيحين بس تعالي أسوي الجرح

- حيدر مو طلقة هيه وثاني شي كُلي شلـون داتفـوت للبيت ؟

- عندي نُسخ مُفاتيح .

- شنوووو صدُك تحجـي منو انطاهن الك ؟

- أني طلعتهن محد انطاني يا عُيوني بس تعالي

سحبني وكعدني فتح لاصـق الجـروح القديم :- فساتق لاتحجين بصوت عالـي

- ليش ؟
- بدون ليش حبيبي .

- حبيبي !!!!
- العفو بويه مامتقـصد

- حيدر بيك شي ؟
- شبيه فستق

- شنو لاتحجين بـصوت عالي شنو أني طلعتهن زين اوكف لحظة سؤال

باس أصبعي :- جواب

- ليش هيج داتتصـرف وياي ما أعنيلك شي أني ؟

- تعنيلي وهواي بمرور الوقت راح تعرفين عوفيها للوقت

طفرت من يمه وكلت :- حيدر أني أعتذر كوم اطلـع من البيت وبعد لاتجيني اله اذا عُنـدك جواب لكل سؤال عندي

- فستقه شو باوعيلي
- حيييييدر اطلع

- فستق اقبليني بحياتج فسـتق احنى مو أصدقاء ليش داتتصـرفين هيج وياي ؟

- حييدر اطلع البيت فارغ واني أخاف

- لاتخافين مني أني راح إطلع بس قبلي الطلب مالتـي

- ياطلب حيدر ؟

- على الانستكرام يا روحـه

- ماشي أقبل بس يله روح إطلع

- قبل لاروح اريد أسمعج شي

- وهوه ؟

فتح تلفونـة شغل أُغنية مجنوني كعدنة إثنينة سحب أيدي وبده يمسح على اصبعي المجروح بهدوء واحنى دانستمـع للأُغنية خلصت الأُغنية :- ريتاجه احب هاي الأُغنية حفضيها بتلفونج وسمعيها دائما

- ليش ؟
- بدون ليش 

سحب أيدي راد يبـوس أصبعي سحبتها باوع عليه وطلع رحت باوعت وراه سيارته الحمدلله مو بصف البيت بعيدة جانت لوحـلي بأيده بيبايعزه العزاني يبووو سديت البـاب ودخلت جوه ركض

صعدت فوك فتحت التلفون دخلت على الانستكرام قبلت الطلب وشمرت التلفون وره تقريباً خمس دقائق أجه مسج شلت التلفون وفتحتة جان هوه داز :- قُره عيني أنتِ

- قُره عـينك !

- أي ونظرها وبؤبؤها وقرنيتها وقزحيتها وبياضُها

- شوكـت لحكت اصير ذن كُلهن ؟

- من يوم الي شفتج بي 

سكـت شويه ودز :- فستق !

- ها
- يصير أخطفج
- لا

- ومن أخطفج قابل راح اكُلج قبـل لا أخطفج لا طبعًا ما اكُلج هيج

- لا ولله
- وعيونج

سكت هم رجع دز :- بوسيلي أصبعـج

- شبيه اله مخبلة
- لعد أجي أني
- حييدر

- قُره عينه لحيـدر
- بطل سوالف
- أبد

شفتها ورحت نمت ما أعرف شكد مر من الوقت وكعدت نزلت شـرربت مي واني داشرب دخلو أمي وأبوي وأخوي باوع الي حُسين وكال :- لك هلا عين الشمس مُكان فارغ

- هلا هلا بيكم زياره مقبولة

أمي :- دعيتلج وقريت الزياره الج

ريتاج - فدوه يا عُمري دعيتي للصـداع مال راسي ؟

أمي :- اي لعد شلون انساه

أبوي :- حتى بجي بجـت بابا اكللها أمشي نرجع تكلي ريتاجه ما دعيت الها احس مقصرة كوه شلعتها من الأمام وجبتها هُنا

حُسين : وفرتلج السوك فر هاي لريتاجه وهاي لريتاجه واني أبن البطه السوده حتى مسبحه ما اشترتلي

رحت حضنـتها وبستها وكلت :- يا عيني الله يحفظـج الي

- ويحفظج جبت الج سجاده جديدة ومسبحه وقرآن

- نوب تعرفنـي شنو الأحبة يالله فدوه للأمهات

- كم بنية عندي أني

- خطيه حُسين يـكول ما شتريتيلي

- لا يمعودة أكُلة اشتريلك يكلي لا يُمه مايحتاج اذا يعجبني شي اشتري أني

ضحكت وكلت :- جبتيلي عشـه داشم ريحه اكُل

- شلون انساج قبل لا ناكُل جبتلج

بستها وبديـت اكُل واندك الباب :- كومي ريتاجه شوفي منو

- صار يُمه

كمت صحت من وره البـاب :- منو ؟

- أني مُلهم خيتي حُسين موجود ؟

فتحت الباب مديـت بس رأسي شو هذه باوع عليه وطبك حواجبة :- صيحيلي حُسين بله زحمة

سديت الباب ورجعت حتى ما رديتله الجواب ودخلت وكالت أمي :- ها منو ؟

- صديق حُسين هذا طلعتلة هسه شـنو يكول عليه روحي أنتِ كليله صديقك بالبـاب

رحت اكمل الأكل طلع حُسين شويه ورجع خلصت أكُل وكمت نظفت البيت وعزلته رحت للصالة شفتهم كاعديـن :- تردون اسويلگم شامية

حُسين :- أي ريتاجه بربـج

ريتاج :- تدلل

كمت للمطبخ سويت شاميـة ورجعتلهم :- عوافي شكد صارله الفلم ؟

- ساعه

كعدت يمهم خلص ورحت خذت التلفون وصعدت فوك ضليـت اتصفح بي
مرت ساعهة ونزلت أشرب مي شربت

وصعدت فتت من يم غُرفة حسين سمعته يكول :- ملهم وداعتك أني مالي علاقه بالبنية زميلة حالها حال البنات لا لا وداعتك ضلع هوه هم هيج أسمع من حلك الولد يله تصبح على خير

سداه ورجع نام رجعـت لغرفتي وأني ممفتهمة شي الأعرفة من أجه مُلهم اليوم راد حُسين زين يا بنية يا زميلة غلسـت ونمت

كُلعاده كعدت لصلاة الفجر نزلت اتوضى و أشوف حيدر بباب الصالة منتظرني همست اله :- شداتسوي هُناااااا !!

- صدكيني ما اكدر يوم ما أشوفج بي .

كال هاي الكلمات وحضني دفعتة وكلت :- وخررر

- ليش يا عيني أنتِ ريتاجه ليش هالكد ما تحبيني ؟ !!

سكتت شال أيدي وباس أصبعي وخله أيدي على خشمـة سحب نفس قوي :- جُكارة أني ؟

- داتعاطاچ بويه

- ليش أني مُخدرات حتى تتعاطى ؟

- اقوه منها فساتق اقوه

- حيدر

- يا قُره عينه لحيدر كولي

- أنتَ تحبني ؟

....
يتبع ⬅️ - البارت التاسع -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.