رواية حيادر الراء . الفصل السادس وأربعون 46 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

حسـيت رجفة صارت بجـسمي نزلت نظـرتي بخجل ورفـعتها باوعت بعينه وغمضت حـسيت ببوسة قوية على شـفايفي غمضت عـيني وبعدها وقـت حسيته تبـعد فتحت عُيوني

وشفـته يباوع على وجهي حـضني حضنه كسر ضـلوعي بيها وكال :- فُستق طعـمهن فُستق

- حيادر داتخجلني
- وخجلي غير يلوگلج يا بويه

ندك عليـنه الباب واجانه صـوت حواء وهيَ تكول :- يمعـوووودين يله نريد ناخـذلكم كم صـورة

- اي يااابه اي

عدلنة نفـسنة وفتحنة الباب وطلعنـة طشو چُكلـيت فوك راسنة وهلاهل رحنه كعدنة بالكـوشة لبسني الذهب وباس رأسـي صورتنة حـواء من كُل الجهات بس حواء اشـيل أيدي الكاهـا تصورني

حواء :- أول ما أرجع ادزهن الچ كُلهن

ريتاج :- تمـام

باوع عليه حيادر وشويه وطلع بره ضلو يركصون ويهوسون بره ويضربون طلق وأني ضليت كاعدة وحواء كبالي تصور بيه صورتني وي أمي ووي أمها خلصت

وشـويه واجت بنية مرتبـة تسلم عليه حضـنتني وباستـني وكالت :- : هلأ ريتاج حبيبـتي بالعافية شايفة كُل الخـير ان شاء الله أني أخُـت آسر

كالت هيج وأبتسمت عرفتها حبيبة حُسين هاي وكتلها :- هلأ بيج يا روحي الله يبارك بيج يوم الالچ

آيريم :- حيـاتي

كالت هيج وراحت اجت حواء وأمها والبنات سلمو عليه وراحو طلعو ضلن بس خالاتي وعمامي خلصت الحفلة طفت الاغاني أمي كمت بدلت ورحت لتلفوني دزيت لحيادر :- حبيبي بس تفرغ راسلني

وره وقـت نزلت جوه لكيتهم كُلهـم رايحين كعدت بالصـالة دخل حُسين وابتسامتـة من الأذن للأذن بـاوع عليه ورفع حاجـبة وراح صعد عرفتة شايف آيـريم شوية ونزل ضـل يسولف وي أبوي واجـت أمي تسولف وياهم

رحت صعدت فوك لكيت حيادر مراسلني وكاتب :- فُستق ما خلوني اشبع من الفُستقات أريد اجي باجر اجي لو لا ؟

- حـيادر حبيبي هلأ بـيك بكُل وقت بعـد وشوكت مـا تجي

شويه واتصل عليه فتحت خط وكال :- يعني ترديني اجي ؟

- گُلش أريـدك
- ان شاء الله بـعد كُل يومـية يمكم
- على راسـي

....

جان آسر يحجي وي حُسين وأني بالسيارة اباوع الهم ربع ساعة سلم عليه واجه صعد السيارة وأني اباوع على حُسين وهوَ دايباوع عليه أبتسمت وحرك آسر السيارة

آسر :- اذبج يمـهم وأني ارجـع للبيت

آيريم :- لا ادخُل وياي

آسر : شنو أسـوي ؟

آيريم :- هيج

آسر :- مـاكو هيج آيريم ، بيت خـالتج أم مؤمل بعدهم بـبيتهم ما شالوا ؟

آيريم :- لا ليش ؟

آسر :- بـدون ليش

حرك راسه بخفة وأبتسم خد واحد وسكت وره خمس دقائق كال :- مُشتاق لمؤمل عاجبني اروح اشوفه گُلش

دار وجـه عليه غمز ورجع أستـغربت أول تالي آسـر يشتاق لذاك الحيوان عرفت اكو شـي بس ما كتله أبدًا شـنو غلست وصلنه للـبيت وكفت كبال الباب نزلنـي ودخلت للبيت وراح حرك السـيارة

دخلت جوه شفت أبوي موجود سلمت رد السلام ورحت صعدت فوك بدلت ملابسي وغسلت وجهي وتوضيت وبديت اصلي

....

كـعدت الصبُح دزيت لحيادر ودزيـتله :- هلأ حبيبي صـباح الخير

دزيتها ونزلت محد كاعد وُحسين بالدوام وأبوي بالشغل غلست وجهي ورحت للمطبخ سويت الريوك اجاني مسج على تلفوني فتحته جان من حيادر كاتب :- صباحج فُستق فُستقاتي

- فـدوة
- لعُيـونج

تذكرت حساب التيك توك أريد انشر صور الخطوبة بي فه كتلة :- اكُلك حبيبي

- كـولي عيـناي

- سويت حساب تيك توك ونشرت محادثاتنة ترندات وهيج شي

- وصعـد ؟
- اي

- بس الفيديوهات لو الحساب هم ؟
- بس الفيديوهات

- حـذفي حبيبتي مايصـعد ويضوجج
- لا حيادر عـادي ما مهمتمه للحـساب

- لعد شنو فُستق
- شوف راح انطيك اليوزر واقره التعليقات

- ما عـندي تيك توك ريـتاجة
- نزله علـمودي ؟

- صار

راح وأنـي رحت كـملت الريوك وكعدت أمـي وكالت :- صـباح الخير

- صباح النور يا روحي

راحت غسـلت واجت صبيت الريـوك ودانتريك ودز حيـادر مسج فتحته كاتب :- شـفت التعليقات مابـيهن شي بويه

- حيادر من الأخير يا حبيبي أريد انشر صور الخطوبة اغطي ايدينه ووجهنه بس اطلع البدله والقاط مالتك وهاهيَ

- لا قُره عـيني ماكو هـيج شي

- حيييادر عليك الله والله هواي بنات طالبين هذه الشي وخاصةً أني ما راح انشر شي يبين

- حبيبتي ما راح تتحـملين الانتقـادات أعرفج
- لا عـادي وداعتـك

- بويـه بس غطيها گُلـش زين ولو أعـرفج أني
- تـمام حبيبي من عُيوني

دزيتها وأمي صاحتلي علمود اكمل تنظيف رحت كملت تنظيف مر الوقت صار اليل كملت عشه وصعدت فوك تمددت ضليت اكلب بالتلفون شويت ورحت اتصلت على حيادر :- هلأ هُيامي

- هلأ بيـك يا عشقي حـيادري تعـال باجر
- ها فُسـتق اشتاقيتي الـي ؟

- گُلش

- بعدچبـدي ان شاء الله باجـر أني يمكم
- تمـام حبيبي

راح وأني ضليت اتصفح شويه وجهزت صور الخطوبة ونشرتهن بالتيك توك نزلت شربت مي وصعدت نمت كعدت الصبُح نزلت لكيت أمي كاعدة تريكتنه ومر الوقت صار العصر رتبت البيت وكملت

أمي :- كـومي على السريع رتبي نفـسج ع مايجـي الولد يشـوفج هيج

ريتاج :- يُمه عادي

أمي :- لا مو عـادي كومي على ما أسـوي العصير

ريتاج : كايمة كايمة حبيبتي

كمت لبـست تراك عريض خليـت مسكارة وخليت روج شسـورت شعري على السريع سـمعت رن تلفوني رحت شـفته من حيادر جاوبت وكال :- بالطـريق بويه

- كُل الهلأ بيك اخليك على راسي والله
- هاي شنو الكلام الحلو ؟

- اغركك كلام حلو
- يااا بوويه جايج أريد فعل هم

سمعـت ضحكتة وسد الاتصال مر الـوقت وسمعت هورن بالبـاب نزلت جوه راح حُسين دايفتـح الباب فتح الباب ودخـلو سلم حيادر ردو السـلام ابويه وحُسين وأمي

ضلو يحجون شويه وجهزت الكلاصات والكيك وخذت الصينية ورحت دخلت وسلمت عليهم قدمت الهم رجعت الصينية للمطبخ ورجعت كعدت يمهم باوعت بصف حيادر جانت علاكة كارتون وبوكية ورد

أبتسمـت وباوع عليه ورجعلي الابتسـامة كام أبوي دخل المـطبخ باوعت وراه ضلوا بس حُسـين وأني دايـسولفون اشتغل تلـفوني من مسـج خذته جان من حيـادر باوعـت عليه :- عُيونج بس الي بـويه ، باوعيلي بس أني أريد اشبع من عُيونج الخـذن كُل حيلي

قريت مسج وره مسج وباوعت عليه ضليت صافنة مده لا تقل عن الخمس دقائق شويه وكالت أمي :- يله حُسين نكوم يُمه

حُسين :- ليـش ؟

أمي :- خلي يتعرف الرجال على مرته شويه

حمحم حُسيـن وضحك حـيادر وكال :- اي ليـش لا

كامو طلعو أمي وحُسين وسدت الباب أمي وأبتسمت كمت ورحت يمه حضنتة وبادلتة الحضُن وشد عليه دفنت راسي بركبتج باس شعري لاحضت عطره مال قبل سنين لهسه موجود ودايخلي منه

اخذ أيـديه وخلاهن على خشـمة سحب نفس گُلش طـويل وكال :-مخدراتي صاير بيهـن مفـعول

- ههههههه شلون يعني
- صايرة مخدرات اصلية يا بويه
- هممم

أبتسـم خد واحد وكال :- يله تامـور گلبي شوفيـني فعلج لو بـس كلام

أحس خجلت بس تشجعت وسحبت ايديه منه بست كُل ايديه اثنينهن من داخلهم ومن خارجهم باوعت على وجه غمضت عيني وطبعت بوسة سريعة ووخرت

ضحـك وكال :- رغم سـريعة بس بيـها طعم

- حييييييادر
- ههههه يا عيناه لحيادر يا بويه

....

خصـلت صلاه المُغرب وسمعـت رنه اتصال رحـت خذت تلفوني شفته من آسر فتحته واجاني صـوته وكال آسر : سمعي آيريم سمـعي خيتي منو ضيفنـة لليوم

بعدني ما راده وسمعت صرخة رجال :- ااااااخ

- آسـر منو هذه وشنـو هذه الـصراخ ؟
- بس هـدوء أريد منج لاااا حـتى التلفون اسـده ومحمد

كال هيج بصوت عالي وبعدها سكتت وسمعتة دايحجي :- ثاري لو بعد ألف سنة أني اخذه اخذه لو بالشرق أنتَ وبالغرب أني اخذه اخذه واطلعة من حلكك يا العار لك انت عار على هذه المجتمع ههههههههه

ضـحك وكال :- هاي الكم سنـة الخلصتهن بالخـارج بيك خير خلـص مثلهن ولو كُل خـير مابيك تتسبـع على النسـوان

ركزت على كلمة تتسبع على النسوان واتذكرت كلام آسر قبل كم يوم من سئل على مؤمل رسًا اجه ببالي مؤمل وكتلة :- آسر فدوة عوفة لاتوصخ ايديك بي راح بطريقه والله وما يمي أبدًا

آسر :- كلت سـكتي ؟

مؤمل :- الله شاهد من اخر اتصال منك عفتها بطريقها والله

آسر :- لك حـيوان لا تضل تتـوسل لا انهـيك هُناااا

كال هيج وسمعت صوت ضربة وصياح واشياء تكسرت وقت وانسد الاتصال بوجهي رجعت اتصل علي ماكو جواب ضل كلبي يلوب عليه خاف يسوي شي ويدخل السجن لا سامح الله

....

ضلينه نسولف شـويه واجاه اتـصال قريت الأسم آسـر فتحـه وجاوب وكال :- ها ضلـع ؟ هسه شنو داتسوي ؟ عليك الحُسيـن !! لا هاهيَ جايـك

سده بوجه وباوع عليه وكال :- فُستق آسر لازم اروح اله

- شنـو شبي ؟
- أني اسـولف الچ بعدين
- تمام هاهيَ روح لحـك عليه

باسني بخدي بوسة سريعة وكام صاح :- حُسيييين

حُسين :- ها حـبيبي

دخل حُسين وكاله حيدر :- تجي وياي ؟

حُسين :- ويـن ؟

حيدر :- تعال بره اسولف الك

حُسين :- اسبـقني جايـك

طلعو وأني رحت للمطبخ شافتني أمي وسئلتني وكالت :- شنو شكو

- ما أعـرف صديقهـم مدري شبي
- متأكـدة ؟
- اي يُمـه

بقت بالمطبخ ترتب رحت للبوكية وللعلاكج فتحت العلاكة لكيت كارتونة تلفون مُغلفة فتحتها شفت ورقة صغيرة مكتوب بيها :- " شُغافة لگلبي أنتِ "

أبتسمـت وفتحت الكارتونة جـان ايفون ١١ شغـلتة رسًا اشتغل مـكملة هوَ ومنزل بي الواتـساب والانـستقرام عفته ورحت على بـوكية الورد شميتهم جان ورد جـوري لميتهم وخليـتهم بالعلاكة

رحت للمطبخ شوفت التلفون لأمي وكالت :- بالعافية يا روحي

- عُمـري

....

صارت الساعة بالعشرة كاعدة واتصل عليه آسر جاوبته وكال :- خيتي راح اجي أخذج

- ويـن آسر ؟
- راح تعـرفين حضري نـفسج على السـريع

كال هيج وسده بوجهي نزلت لأمي على السريع شفتها كاعدة بالصالة وكتلها :- يُمه راح يجي آسر ياخذني نطلع شويه ونرجع

- خـاف تطولون
- لا ما نطول على الـسريع

- هـاهيَ
- يعـني اروح وياه ؟

- اي لعـد ليش
- تمام يله كايمـة احضر

كمت لبست ملابس على السريع مر الوقت اجه آسر نزلت فتحت الباب البره وسديته رحت صعدت بالسيارة وكتله :- آسر شكو اليوم ؟

- صـبر يابـه

سكتت وحرك السيارة مرت نص ساعة ووصلنه كبال بيته نزلنة ودخلنة دخلت الصالة وشفت حُسين وزوج ريتاج تفاجئت باوعلي حُسين وعلى وجه علامات تساؤل

آسر :- تعـالي وراي

آيريم :- شنو شكو وراك آسر صدُك داتحجي جبتني مناك لهنا وأني گُلشي مامفتهمة وكله بعدين بعدين

آسر :- مؤمل جـوه

آيريم :- وشنو اسويله صخام ؟؟

آسر :- آيرييييم لاتـخبليني دخلي اخـذي ثارج علمود افكه ويويـلي الچلب

آيريم :- ثار شنوو ؟

آسر :- أستغـفر الله ربي تره أعـرف گُلشي لا عبـالج گُلشي ما أعرف

باوعت على حُسين طابك حواجبة ومامفتهم السالفة وزوج ريتاج مچتف أيدي وصافن باوعت لآسر وكتله :- ادخل جوه

آسر :- يـله

دخلنه جوه شفت مؤمل كاعد على الكرسي ويمه هوسه ومشبك ايديه وجروح على أيدي وبس الحمدُلله ما بي شي لا نوب يروح يشتكي على آسر

باوع علـيه آسر وانطاني سـلاح بأيدي وكال :- يله صـوبي برجلة بسيطة گُلـش

آيريم :- صدُك تحجي ؟؟؟

آسر :- اي وداعتـج يله أعرفـج قويه

مؤمل :- آيريم تذكري بيوم حبيتج ، لاتسويها

شو هذه كـال هيج دخل حُسيـن ضربه بوكس علـى وجه آسر باوع عليه متفـاجئ وكـله حُسين :- هذه الحـيوان شنو عنده هُنا ؟

آسر :- شبيك حُسين ؟

رد عليه آسر بلعت ريگي وحُسين راح يفضحني وكاله حُسين :- آسر صدُك تحجي أنتَ مخلي بأيد البنيه سلاح وتعالي صوبيه كُل عقلك ؟

بعده ما مجاوبة ودخل زوج ريتاج وكال :- وييين تسولفون أنتوا وانت آسر عوفه هذه النذل وخلي يولي

آسر :- لا والله ما أعـوف

بعد اخذ وعطى من زوج ريتاج ومن حُسين ومن آسر فك ايديه وطلعه للشارع وحجه بأذانه شي وطلع مؤمل دخل آسر وسد الباب

آيريم :- آسـر أريد أرجـع

آسر :- ماترجعين خلي يرجعون الولد تباتين هُنا

آيريم :- ما أريد ابـات أريد أرجـع

آسر : آيريم خيتي فدوة اروحلج لاتعاندين خلي تمر هاي الليله بسلام ، وخلي ندخل جوه

ئفئـفت ودخلنة جوه جـانو كاعدين حُسـين وحيدر وحُسين مـبين من وجه عـصبي ونوب بس لا زعل عـليه وحيدر كاعد بصـفة يحرك برجـله حجو بيـناتهم وأني رحت دخـلت المطبخ شربـت مي وضلـيت شويه الى ان راحو رحت للصـالة باوعت

دخل آسر وكعد وكتله :- منين عرفت وأنتَ هُناك ؟

- أعـرف خيتي الجوه الكاـع اعرفه شنو أـني تطكطكون عليه ذني وتتوقعون ما أعـرف ؟

سكتت وبعد ما حجيت شي

....

كملت عشه وصعدت فوك شربت علاجي وكعدت داتصفح بالتلفون الجديد واجاني اتصال من حيادر على تلفوني القديم فتحته وكال :- أعتذر بويه طلعت بسرعة

- لاتعـتذر حبيبي مايـحتاج
- حياتي أنتِ باجر جايكـم نطلع

- بـس أني ويـاك ؟
- اي يا قُره عـيني

- تمـام بيش السـاعة ؟
- بثلاثة بالاربـعة

سولفنة شويه ورحت نمت كعدت الصبُح تريكت ومر الوقت اتصل عليه حيادر وكال :- حضري نفسج راح اطلع من البيت

- تـمام حبيبي كـايمة

غلقتة ورحت احضر نفسي كملت ولبست الساعة والسنسال والخاتم وخليت عطر وخليت مكياج قليل شويه وسمعت صوته جوه واعتقد حُسين دايسلم عليه كملت ونزلت

ضل تـقريبًا ربع سـاعة وباوع عليه وكـال وكال :- يله بـويه

- تمـام

رحت وطلعنة بره صعدت ليكدام وهوَ سلم على حُسين واجه صعد أول ما صعد كال :- الله الله الله

أبتسمـت وكلـت :- ها حبـيبي شكو ؟

- فُستق أنتِ فُستق

بعـدني ممجاوبة ولزم أيـدي سحبها وباسـها وباس باطنها وحرك الـسيارة وكتله :- وين راح نـروح

- اجيبلج بوكية ورد ونتعشى ونرجع
- حياتي حيادر مو كافي ورد ههههههه
- بعدج مشايفة شي اغرگج ورد فُستقة

ضـحكت واشتغلت أُغنـية شويه نصاها وكـالي :- شُغافي إذا أكُلـج على شي تسـوينة ؟

- أكيد شنو هوَ ياروحي ؟
- تمام ، أريدج تلبسين حجاب وبس

- بـس ؟
- اي وهاهيَ

- صار
- والله ؟

- اي وداعتـك حبيبي عـادي مابيـها شي
- يا روح روحـي أنتِ خلـصن كلمات الغزل گدامـج ولچ فُستق

كال هيج وخذت ايده وبستها گُلش قوي ضحك وشويه وصلنه كدام محل ورود وكال :- ابقي بالسيارج نص ساعج واجيج

- تمـام

نص ساعة ورجع وصعد وبأيده بوكية وردات گُلش جبيرة باوعت عليه وكتله :- حيادر البارحة جبت بوكية

- لو كُل سـاعة هم عـادي
- أحـبك
- أحبچ فُستقي

مر الوقت ورحنة تعشينج ورجعنة للبيت وكف المُغرب السيارة كدام البيت وكال :- المرة الجاية أكو حجاب ؟

- من عُيـوني
- فدوة اروحلهن تعالي ننزل يله
- تنـزل وياي ؟
- اي أريـد أحـضنج واروح

نزلنة سوية فتحت الباب دخلنه بالطارمة سد الباب وحضني بادلته الحضن بكُل حُب تبعد حضن وجهي بأيديه وكال :- احس من دالزمج دالطخج

- ليـش ؟
- من الترافـة يا بويه من التـرافة

كال هيج وخرت أيديه من وجهي وخذتهم أني وبستهم وكتله :- حيادري ليش هيج تنحبني كُل هذه الحُب من أول ما شفتني

- تعـالي ندخل بالحـديقة خلي اجـاوب

دخلنة بالحديقة كعدنج على المرجوحج وكال :- فُستق أول ما شفتج جنتي صغيرة

- بعـرس حليم ؟
- چؤ
- لعد شـوكت ؟

أبتسم وكال :- جنت تقريبًا صف رابع ابتدائي اي فَ جانت والدتج تجي يم والدتي جنه ننجمع سوه ونلعب أنتِ وأني وحواء وحليم وحُسين وبعد هم اكو اطفال ويانة جنتي أنتِ تلعبين بس وياي اتذكر جنت اخاف عليج منهم

كُل ما تلعبين وياهم واتذكر مره حواء كتلتجزكمت احجي عليها أني لإن ما قبلت عليها وهواي سوالف اتذكر المُهم اجت فتره انقطعتو علينه أنتوا كمتو ما تجون أبدًا بين اشهر واشهر سئلت الوالده عليكم كالت صاير سوء

فهم بيناتنة وتصالحتوا بس كطعتو بينه المهم مرت السنوات صار عرس حليم بهاي السنوات أني مو ناسيج بس جنتي تجين على بالي مو كَ حُب لا كَ فضول ردت أعرف شلون صاير شكلج وأنتِ جبيرة بس والطفلة الي جنت العب وياها شلون صارت

- ومن شفتنـي بعرس حليـم عرفـتني ؟

- نوعًا ما ، بس تذكرت ملامحج من جنه صغار من شفتج رسًا تذكرت الطفلة الي جنه نلعب وياها بهاي اللحظة ردت أعرف منو أنتِ نفسج الطلفة لو غيرها علمود ما اضيعج واخسرج مره ثانية ضليت وراج الى ان

عرفت أنتِ نفسها الطفلج وعرفت جنت فرحان بس ما ابين الچ اله وره ثلاث اشهر كمت افكر بيج حبيتج بس جنت مراهق بالحُب كبرت ووعيت أنُ أني جان تصرفي غلط وياج لمن اجيج الفجر واحضنج وأنتِ محرمة

عليه ومن حقج جنتي ترفضيني وتصديني وندمان أني هسه والله عاقبني بهاي السنوات الي خلصتهن بالخارج وتعذبت واشتاگيت وأنتِ بعيده عني عرفت هذه عقاب وامتحان رب العالمين

- يعنـي مو أول شـوفه شفتني بالـعرس مال حليم ؟
- لا مـو أول
- زين أنـي ليش ما اتذكر من جنت العـب ويـاك ؟

- جنتي صغيرة فُستق گُلش نسيت كُل الذكريات بس ذكرياتي وياچ لحد ألان ما ناسيهن ذكرج ذكرة

خـذه ايديه شابكـهم بأيده وكال :- وهـسه أنتِ حلالي ونكدر نـكول شبه حُب طفـولتي وصبرت ونـهاية هذه الـصبر گُلش حلوة

حضنته وكتله :- ياروحي أنتَ

بادلني الحضـن وشوىيه واتبـعد وكال :- يله بويه راح أرجـع أني

- راح اشتاقلك
- شوكت ما ترديني يمج أني تامور گلبي

أبتسـم الي وراح صعـد السيارة ونزل البـوكية وانطاه الي وكال :- الورد للـورد

أبتسمت وراح صعد السيارة وحركها سديت الباب ودخلت جوه صعدت فوك بدلت ونزلت

....

رجعت ثاني يوم للبيت جنت كاعدة اتصلت على حُسين رفضة بوجهي اتصلت مره ثانية جاوب وكتلة :- حُسين وينك من البارحة يا روحي ؟

- موجـود
- لعد ليـش مداتـجاوبني ؟

- جنت عصبي وإذا اتصلتي عليه وجاوبتج وأني عصبي راح ارد عليج وراح ازعجج بردودي وكلامي وما اقبلها على نفسي آيريماتي

- افتهمـت سالفة مؤمل ؟
- اي غـيري السـالفة حبيبي
- تمـام

سولفنه شويه وراح نام وأني هم نمت

....

كاعـدة بغرفتي السـاعة بالوحـدة داتصفح التـلفون اجاني مـسج على الرسائل من رقـم غـريب

فتحته وقريت :- اتمنى الچ كُل الخير وان شاء الله تنسعدين بحياتج ويه دكتور حيدر أني

....
يتبع ⬅️ - البارت السادس والاربعين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.