رواية حيادر الراء . الفصل الثاني 2 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

الى مطار بغداد الساعه 4:00 صباحًا
....

صليت وكملت وطلعت اتجهت للمطار لبلـد غريب ناس غُربة شلون راح أعيش حيـاتي مبتعد عن وطني وعـن اهلي وعـن الي مخلي بحياتي طعم ومحليها مثل الفستق

رن تلفوني رفعتك باوعت عليه الفستق جاوبت :- ها بويه ها يا وطني أنتِ

- حيدري اذا رحت هسه شوكت راح ترجع

- حبيبي مو كتلج

- بس هواي شهر حيـدري يعني كُل شهر مره ميصير هيج

- يا قُره عيني أفضل من ما خمس سنين كُلها ما اجي

- غير تروح روحـي مني

- أسم الله ريتاجه فستق روحي اذا تحبيني اريدج تديرين بالج على روحج وتاخذين علاجج على الوقت ضبط

- من عيني حيدر والله راح ابـقى انتظرك بكُل يـوم بكُل ساعه بكُل شهر بكُل سنه من عُمري

- أحبچ  راح اتصل بيج اول ما اوصل اشتري خط

- فعل نت حيـدري .

- من عيني

- ابوسها لعينك أني يله حبيبي درب السلام ان شاء الله أنتبه لروحك ومثل ما كتلك

- صار يا روح گلبي أستودعَتج الرحمن بويه .

- بالسلامـة

تمشيت بالمطار وسمعت رنه المطار والمناداة الخطوط الجوية العراقية للطيران و المتوجة رحلتنا الى الرجاء محاضرات مسافرينة الكرام و التوجة الى الطائرة عبر البوابة رقم ٤٢ .

توجهـت للطائره و مستقبلي المجهول !

....

- الحاضر 2016 -

كعدت على صوت منبه أذان الفجر رحت غسلت وتوضيت وفرشت سجادتي طلعت القرآن قريت صفحتين وكملت صلاة ورجعت نمت.

كعدت الصبح الساعة تسعة ونص نزلت جوه لكيت أمي كاعدة :- صباح الخير يُمه

- صباح النور يبعد أمج تريكي ماطول الچاي حار

حركت راسي يقبول ورحت اتريك حميت الخبزه ع الصوبة سئلتني أمي :- اكُلج يُمه اليوم ترحين للحنة ؟

- اي يُمه عادي ضوجة أريد اطلع

- سوده عليه يله كملي ريوك وصلي وصعدي حضري روحج على ما اكمل تنظيف

كملت الريوك شلت الصينية وديتها بالمطبخ رحـت صعدت أذن أذان الظهر صليت وقريت صفحتين قرآن كملـت ورحت لملابسي طلعت بينصل ماروني رهمت ويا ستـرة سودة جلد لبست وياه كلاو اسود خليت حمره جريت كُحله مسكرت رموشي ونزلت

- ها يُمه كملتي
- اي أمي كملت شوفي شكلي حلو !

- عين البارده عليج يُمه
- فدوه أروح وين حُسين شـو بعده ما جاي ؟
- راح للاسواق على جية

اجه حُسين حرك السياره وطلعنة شوية ووصلنه كبال قاعة منظرها حلو من كدام اطار ابيض واسود واضوية ذهبية گُلش حلوة التفتت على امي

- يُمه قبل لا نطلع أريد اخذ صور هُنا !
- ماشي يُمه

دخلنه ممر جبير بأخر الممر تصير كوشة گُلش مرتبة وحلوه و اكو طبلات وكراسي مرتبيهن بالوان الكوشة

- اكُلج يُمه شـو فارغة ؟
- هسه يجون الناس

- منو يجي من كرايبنة ؟
- نسوان خوالج يُمكن وخوالج
- ها ماشي .

اقل الساعة وكامـت تجي الناس وره ساعة اجو العرسان يخبلون گُلش الله يهنيهم ويديمهم لبعض للأبد بدلتها العروس گُلش بسيطـة لونها وردي وصخ وطويلـة من وره والعريس لابس قاط  كُحلي وحـذاء ابيض بلون الرباط

كعدو بالكوشة وتوجهت الاضوية فوكاهم برز جمالهم ربع ساعة شغلو العاب نارية كامو العرسان صاروا بالنص شغلو اغنية عبد المجيد مليون عام

كاموا يركصون ع الاغنيه ويتمايلون وياها سئلت أمي :- مـزوجين عن حُب لو تقليدي ؟

- عن حُب بنيتي بقه مصُر على الابنية رغم ابوها رافضة ويرجع عليها لمن وافق ابوها ذبح ذبيحة شكبرها

- شكد حلويـن اسئلج سؤال يُمه ؟
- سئلي

- حلو الزواج الي على حُب ؟

- بعدج صـغيرة ريتاجه من تكبرين راح تُعرفين شنو الحُب الله كريم بنيتي .

عجبني كلام أمي يا ترى هم تقبل احب من اكبر نفضت افكاري ورددت الله كريم .

- أمي نطيني تلفونج أصور بي
- فتحي الجنطة و أخـذي

خذتة ورحت كعدت قريب عليهم وبديت اصورهم جان اكو زاوية مال تصوير كُلش حلوه  كُلت خلي اروح اخذ كم صوره يمها صورت كم صوره وأجت بنيه لطيفه .

- يحلوه شنو أسمج ؟
- ريتاج

- ها رتوج عادي تاخذيلي كم صورة من ايدج ؟
- عادي حبيبي

انطتني تلفونها جان اخضر وبي نصف تفاحة من وره وصغير صورتها وشافتهن :- بعد بس فيديو اذا تكدرين .

- عادي حبيبتي شنو السالفة

البنيه گُلش حلوه شعرها گُلش طويل وفوك شعرها قراصة ناعمة وبيها شذر :- يروحي شُكرًا كُلش حلوات عاشت ايدج .

- و ايدج ادللي .

راحت البنية رجعت يم أمي :- يُمه تعرفين ذيج لبنيه ؟

- ياهيه يُمه ؟
- الي شعرها طويل ولابسة زيتوني

- ما اعرفها يمه يجوز كرايب العروس
- ماشي يمه أروح اغسل قبل لا يقدمون الكيك
- لاتطولين بنيتي

رحت غسلت وعدلت شعري ورجعت جانو مقدمين الكيك :- الحنه راح تطول يُمه خلي نرجع راسي دايأذيني من الهوسة

- بس اخابر أخوج .

خابرت حُسين وكال :- هياتني قريب مسافة الطريق وأني يمكم

- ماشي وليدي

اجه حسين كال أني بالباب مال القاعة رحنة باركنك للعرسان وطلعنة
صعدنه بالسيارة ومشت :- يُمه نسـيت اخذ صور بباب القاعة

- على باجر إذا ترحين أخذي
- متعشين يمه لو لا ؟
- لا وليدي

- حُسيـن عليك العباس گُلش جوعانة .

- يا يوم شبعتي أنتِ الله يعينة الي ياخذج اربعة وعشرين ساعه خطية موديج لهذا المطعم جايبك من ذاك المطعم .

- اي لعد مُشكلتة يتحملني وغصـبًا عليه

- يُمه هذه النسيب ما رايد روحه بالعباس عايف بنات العالم كُلها يجي لريتاجه .

- اخذه السـواد عيونه لعد

- هوه بس فلوس الأكل راح يكسرعلى المهر ويكُلة اني اغلى منك

- يُمه يُمه شنو كالولـك عليه كرشي متر ليكدام الحمدُلله والشكر ربي

ضحكنة وصلنه كبال مطعم ونزلنه صعدنة بلطابق الفوك فارغ بي عائله وحده واحنه الثانيه :- شتطلبون .

- اي شي ابني
- أني اريد لفة كـص ويها لبن
- أوامر ثانية !

- لا هاهية و اريد وياها ماعون مقبلات
- خلي اروح اجيب قبل لا تجيبين المطعم كُله هُنا

راح حُسيـن التفتت على أمي وكلت :- منو هاي الي خابرتيها ؟

- عمتي تكول باجر الزفة تطلع من وكت فَ تعالن من وكت

- شتكولين اروح هم لو لا ؟
- بكيـفج يُمه

كلت اروح أساسًا أني حياتي نفس الروتين فَ أغير شوي اجه حُسين خله الأكل على الميز وراح جاب لبن و ٢ قواطي سڤن :- شلون كعدة

- صرفو صرفو و تهنو وأكلو بفلوسي
- شلون عندي مخابيل اني

- الحمدُلله والشكر لو منج أبوس ايدي وجه وكفه يومية الصبح قبل الريوك واحمد الله و اشُكره واذا تطور الامور أسجد سجده شطولها لإن عندي هيج ولد وبنية

- الحمدِلله الف مـره
- بخيله ليش ما تسويهن الفيـن ثلاثة

- لا حُسين اله أمي خط احمر

- عوفي الخط الاحمر وكومو خلي نطلع ماطول كملنة

- أمي بيش الساعة هسه ؟

- ثمانيه ونص
- صايره الصلاه

كملنة اكل وطلعنة وصلنة البيت دخلنة حُسين صف السيارة وردد :- دخلو راح ابقى اغسل السياره وادخل ريتاجه طلعي الزاهي وخلي بره بين ما اروح اجيب سفنجات

رحت للمطبخ طلعت الزاهي ووديته صعـدت فوك بدلت ملابسي نزلت توضيت وصعدت حضرت السجـادة وطلعت القرآن كملت قريت صفحتين وخلصت

نزلت جوه لكيت امي بعدها داتصلي كملت وكالت :- ريتاجه طلعي اللحم من المجمدة أريد اسوي سمبوسة

- ليش مو مـتعشين !
- عشة لأبوج على جيه
- صار

طلعت اللحم نكعتة بمي حار يموع اجت أمي لفت السمبوسة حمت الزيت وكلتها حضرت زلاطه عـصرت عليها ليمونة كلت منها شويه وخليتها بكاسات بهاي الأثناء دخل ابوي

- الله يساعدك حچي
- ويساعدكم أبويه

- ويساعدك يله يا روحي العشه حـار كمل وتعال تعشه سويتلك عشه احنه متعشين

راح أبوي يغسل كمل واجه تعشة أبوي وكمل غسلت الاماعين كلت الامي :- يُمه راح أصعد انام راسي يأذيني

- شـربي بندول
- لا هسه أنام يروح تصبحـون على خير
- أجمعين

صعدت وفرشت قريت دعاء ونمت كعدت على صلاه الفجر صليت وقريت قرآن ونمت كعدت الصبح على ريحه الچاي المُهيل :- صباح الخير

- صـباح النور
- يمه جوعانة گُلش اريد بيض عيون
- هاي سويت قبل ثواني

- أريد زعتر اخلي فوكاها
- شوفي بالكاونتر

نزلت زعتر خليت فوك البيضـة كلتها وكملت غسلت الاماعين ورتبت البيت ورحـت لامي :- بيش الساعة نطلع ؟

- كدامج ساعتين
- ماشي حبيبتي

رحت صـعدت فوك فتحت الكنتور طلعت تنوره سمائي مزكزكة وطلعت قميص أبيض شال أبيض وحذاء ازرق لفيت الشال بس خليته على شعري وشمرتة وعفت نص شعري طالع طلعت حُمره ترابي خليت خفيف جريت كُحلة مسكرت رموشي ونزلت البس الحـذاء جوه

- ها كملتي يُمه
- أي ريتاجه يله نطلع

أجه حُسين وطلعنة وصـلنة كبال القاعة جانت اكو فرقة مـوسيقية منسيقن كُلهن قمصـان احمر دخلنة جوه جانو كلهم موجودين أقل العـشر دقائق دخلو العرسان دخوليتهم حلوه أجو جماعة العريـس شالو على أكتافهم و افترو بي القاعه كُلها

خذت التلفون من امي وصورتهم رحت تمشيت الممر وطلعت بره سيارات محد يشوف صورت كبال القاعة رجعت دخلت القاعة

جان بنهاية الممر أكو رجال تمشيت ردت أعبره ناداني صفن على وجهي شويه وكال :- بويه شتسوين هنا ؟

- مـنوو أنتَ ؟
- حيدر روحي رجعي

....
يتبع ⬅️ - البارت الثاني -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.