رواية حيادر الراء . الفصل الثالث 3 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

- حيدر روحي رجعي 
- وين أرجع ؟

ما جاوبني دك تلفونة رفعه جاوب :- ها أخوي

التفت اشـر الي براسة وأيده ادخل جوه وطلع بره القاعـة

رجعت دخلـت و كعدت يم أمي جان لبسه گُلش مرتب هاينك أسود أبو الرقبة وستـرة كابوي بيجي ما بيها اردان وبلطلون أسود أما الحـذاء ما انتبهت

غلست على الموضوع وركزت على يومي باوعت على العروس حاضنة أمها وداتبجي أجه أخوها هم حضنها أخر شي اجه العريس سلم على أبوها وباسة من راسة لزم أيد العروس وطلعو وكبت الهلاهل

أجت البنية الي خذت اله صـور قبل :- رتوج تعالي

- هلا عيني

- حبيبي وبيج تاخذيلي صور بسرعة عادي أمس گُلش عجبني

- عادي حبيبي صدُك جذب تعالي

اخـذت تلفونها صورتها صورتين ثلاثة :- تسلم هاي الأيد الحلـوه تعالي اخذ وياج

- حبيبي دللي

مكلت شي خـذت كم صورة وياي وكالت :- رتوج عندج انستكرام ادزهن الج

- شنو انستكرام
- برنامج تواصل أجتماعي
- ها أي عند أمي

- هاج لعد هذه اليوزر حفضي يمج

حفضت اليوزر يمي وكتلها :- يله خلي نطلع

- اكُلج شـو صارت سنطه بس لا طلعو
- ما اعرف نطلع ونشوف

طلعنه متوجهين لسيارات :- بعدهم ممحركين .

- عبالي نسونه

سمعت أحد دايناديها :- حواء تعالي وينج

- جايه أخـوي

لوحتلي بأيدها وراحت رحت صعدت بالسيـارة الي بيها أمي :- رتوجه يُمه وين جنتي ؟

- جنت أصور وي حـواء
- حواء بنت عمتي ؟
- اي يمه تعرفيها !

- أعرفها شلون ما أعرفها غير بنت عمتي بس ولا عرفتها الـبارحة صايره حلوه حتى من سلمت عليه

- اي گُلش حلوه اخر مره شفتها يُمكن من هيه صغيرة هسه هم ماعرفتها حالج

بدأ راسي يأذيني من الهوسة أقل هوسة يسـطرني وصلنه نزلو كبال الفندق هوسو بالشارع شويه وركصـو ودخلو للفندق بالصالة هم خذولهم هوسة الولد والبنـات تهلل

صعدو العرسان للغُرفة طلعنة صعدنة السيارت ورجعنة للقاعه بعدين كلمن رجع ضلينة بس احنة وعائلة العريس مدري جانو شديطلعون من القاعة

- خابري على حُسين أشو طول يُمه
- خابرت عليه ماكو مدايجاوب
- شنو وينة راح نضل بالشارع اليوم !

طلعت حواء من القاعة وأجت بأتجاهنة :- خاله ورتوج ليش واكفات هُنا !

- منتظرين حُسين ولله
- ليش وينه ؟
- بعده ما جاي

- واخليج توكفين هُنا لا خاله تعالي أخوي يرجعكم شنو السالفه

- لا بنيتي خـاف يجي وما يلكانة

- دزيله مسج وهوه اذا يفتح التلفون يعرف تعالي داده يله يله

بعد ما كدرنة نكُللها لا رحنة صعدنة وكالت :- هسه تجـي أمي راح تجيب كم غـرض وترجع

خليت رأسي على جامة السيارة ونسائم الهوى البارد دا تدخل من الباب مال السيارة المفتوح

اجت أم حواء شافتنة وكالت :- هلا عمه هلا

- هلا يبعد عمتج

شـويه وأجه أبو السترة البيجي هذه حييدر يعني هذا حيدر أبو الستره البيجي يصير أخ هالبنية حواء ما استوعبت لان ماكو شبه بينهم أبد

خله الغراض بالصندوق مال السياره و أجه صعد وطبك الباب وباوع على أمي وردد :- السلام علـ

بعده ممكمل اجـت نضراتة شبه عليه ورجـع اندار راسه بسرعه وردد :- أحم السلام عليكم بويه

وشغل السياره وحركنة أمي وعمتها سولفن شـويه على سوالف العرس وسكتن

- رتوج أول مترجعين دزيلي مسج ادزلج الصور
- من عيني حبيبتي

سكتنة صار الطريق هدوء وبارد فجأه اشتغلـت اغُنيه على راديو أو مسجل السيارة "عيشني ليله بكلبك"

ركزت على ألحـان الأغُنيه وحفظتها بداخلي گُلش حبيـت الأغُنيه كلت بس ارجع للبيت اخزنهـا بتلفون أمي

أقل الربع ساعة وصلنة للبيت تمنيت تخلص الأغُنيه يله نرجع سلمت اني وفتحت باب البيت ودخلت بقت أمي شويه ودخلت وراي صعدت غيرت ملابسي ونزلت رحت يم أمي

- وين حُسين شو ماكو

- روحي شوفي بالصاله بسابع نومة خطية والتلفون أكيد صامت

- خطية تعبان يله شنو راح نسوي عشه ؟
- طلعت الباكله راح اسوي عليها تمن

- گُلش طيبة أروح أصلي و أجي اسوي الزلاطة

توضيت وصعدت صلـيت خلصت ورحـت طلعت ورقة وقلم كتبت يوزرها لا أنسه ضميت الورقة بالمجر ونزلـت

سويت زلاطة عصرت عليها ليمون خليت عليها فلفل قليل وقدمتها بالسفره أجه أبوي 

- الله يساعدك
- ويساعدج حبيبتي .

راح غسل و اجه يتعشه :- شنو هذا التمن الطيب عاشت ايدج افنان

- وأنت العايش يبعد عُمري

حُسين :- ابد مو طيب ريتاجه أريد بعد ماعون هذا خلص

- مو داتكول مو طيب !
- تؤ تؤ أبد بس صُبي الي ماعون بعد

رحت صبيتله ماعون ووديتة كملو شلت الاماعين ورحت غسلتهم وكملت رحت يمهم شفتهم دايباعون فيلم "Titanic" گُلش أحُب هذه الفلم والمُفضل عندي لو أشوفة ألف مره ما راح أمل منه

شفتهم مندمجين رحت للمطبخ طلعت بذور الذرة سويت شاميـة ووديتها الهم  وكالت أمي :- عاشت أيدج شلون صار رأسج ريتاجه

- لا زين خف شوي
- اذا يأذيج شربي بندول
- صار

خلص الفلم وكلت الأمي :- أمي وين تلفونج ؟

- شوفي على الكاونتر خليتـة على الشحن
- ماشي تصبحون على خير يُمه
- أجمعين ريتاجه

رحـت خذت التلفون وصعدت فتحت اليوتيوب بحثت على أسم الاغنيه نزلتها على ما تتنزل رحت فتحت المجر طلعت هيدفون خليته بأذاني سمعتها وركزت بكلماتها كلمة كلمة خلصت

ورحت نزلت الانستكرام وسويت حساب سجلته بأسمي ردت أرسل حواء كلت خاف نايمه البنيه ساعه بالوحده ونص .

عفتهـا ونمت كعدت على صلاه الفجـر نزلت توضيـت وشفت من شباك المطبخ الباب البره شويه مفتوح منو فتحه وشعـجب محد سده وره ! .

غلست على الموضوع ورحت اسده شفت بزون أبيض طفرت وعبرت من الباب رددت "بسم الله" سلامٌ قولا من ربً رحيم .

سديت الباب رجعت صعدت صليت وقريت صفحتين قرآن كملت ورحت نمت بـداخلي شي ما مطمئن غلست عليه ونمت كعدت الصبح ساعه ثمانيـة ونص محد كاعد جان غسلت

ورحت شغلت الصوبة صعدت فوك فتحت المجر طلعت الهيدفون ونزلت طلعت الأغنيه كعدت كبال الصوبة لميت رجليه لصدري لفيت اديه على رجليه ورجعت رأسي على الحايط غمضت عيني والهوى البارد يدخل من باب المطبخ

كلعادة ركزت بكلـمات الأغُنيه للمره الثالثة خلصت كمت خليت التلفون على الشحن وكمت طلعت البيض طكيته بالزيت عزلـت من البيض الي فتحت باب الكاونتر طلعت الزعتر رشيت زعتر على البيض مالتي

حميت خبز على الصوبة خلصت رحت اكعدهم لكيت امي كاعده داتغسل :- صباح الخير

- صباح النور

كال أبوي :- صباح العسل يا نظر عيني

- يله سويتلكم ريوك تعالو ما طول حار لا يبـرد
- شعجب كاعدة من وكت

- فزيت الصبُح وبعد ما أجاني نوم

- لحكتي على حُسين أني من التعب نسيت روحي حتى وليدي خطية ملابسه ما كويتهم ويُمكن راح بدون ريوك

لا متريك ورايح لان أكو اماعين جانو على السنك :- سوده عليه

امي دائما تكعد قبل حُسين تسويلة ريوك وتحضرلة ملابسة وتكويهم وتحضرله حـذاء وتحضر اله أكل وتنطي فلوس ودائمـا يرجعهن ويكللها صغير اني تنطيني فلوس الـمفروض اني انطيج يا أمي ومن يرجع من الجامعة يرجعهم الها

كملو ريوك نظفت المطبخ وغسلت الاماعين صعدت صليت قريت قرآن ونزلت شغلت ماطور المي وغسلت الحوش كملت ورحت يم أمي لكيتها نايمة

صعدت رتبت الغُرفة وخذتلي نومة

....

- امي خلي نطلع اليوم

- منو موجود ويطلعنة أشو حليم ويم عروستة وحيدر طالع

- حيدرنا الكفو شوكت يجي ؟

- العصـر يُمكن
- يله انتظر شعندي غيره أخوي أبو الوكفات

كمت و اجاني مسج على الانستكرام فتحت المسج جانت رتوج دازتلي :-هلا حبيبي شلونج اني ريتاجه

- هلاوات حبيبه بخير الحمدُلله انتو شلونكم
- يا روحي دوم الحمدُلله

- هذا حسابج رتوج مو ؟
- اي هذه مالتي سويته جديد

- ماشي حبيبي راح ادزلج الصور ثواني
- على راحتج

دزيتلها الصور وسلمت وراحت انتظرت العصر واجه حيدر رحت اله :- شلون عندي أخو اني سند ولله سند

- يا الله كولي من الأخير شعندج

- حتى لواكة ما لحكت اتلوك المُهم بعد روحي تعرفني حيدرنا الكفو من الأخير نريد نطلع تعرف انت ضوجه وهيج

- أمس جنتي بعرس شوكت لحكتي تضوجين يا بويه !

- ولله ضوجه عليك الله بس هاي المره

- أمري لـ الله  يله الچ نصف ساعة

- شنو نصف ساعه شنو تكفيني بس الشال اضل بي ساعتين يله أخوي الكفو سويهن ساعة

- ساعة يله
- بعد ما بيها مجال
- لا .

- أبد منا منا
- لو كايمه جـان هسه مخلصين
- كايمة بالحسين

رحت كلت الامي حضري روحج راح نطلع بسرعه رحت صعدت وسريع للكنتور طلعت بنطلون ثلجي ويا كوت طويل رصاصي لفيت الشال الأسود خليت خليت مكياج خفيف ونزلت طلعت حذاء اسود رحت الأمي لكيتها مخلصة

- يله وينه حيدر
- راح اصعد اصيح اله

رحت صعدت :- خوي الكفو أبن الكفو وينك

- و أبو فاضل دريت كفو اذا كملتن  يله نطلـع

رحنه صعدنه بالسياره :- يمه يمه جبتي فلوس هواي مو

- غير الميه إلف ماجبت شي

- مايكفني ملابس حبشكلات يله ما احتاج عندي أخو وسند هسه يورق

- اشتعل جدي بالحسين دريت أني خوش أخو وسند

- هنه ميه ورق وانطيهن لأمي وهاهيه

طلع محفضته و ماعرف شكد انطه الأمي شويه وشغل أغُنيه مجنوني

- حيدرنا عادي اسئلك سؤال لان بعد ما اكدر الزم فضولي أكثر من هيج

- سئلي سئلي
- ليش دائما تشغل هاي الأغنيه !

- احبها
- ها ها جنه جديده راح تدخل للبيت !
- تؤ .

سكتنة شوية ووكفنة كبال سوق بغداد الجديده :- الجن ساعتين ويصيرن ثلاثه وتخلصن وتجن بهذه المكان واني راح أقفل السياره و اروح ادخن اركيله

- سمعتي حووواء !!
- سمعت سمعت
- يله لعد

رحت تبعدنة ودخلنـة بالسوك وكلت الامي :- يُمه شنو يكفن ثلاث ساعات ؟

- يكفن لعد شعدنة هم عرس هذا ذاك اليوم وطولتيلج خمس ساعات هاي المره لا حتى حيل ما بيه

- صار صار اهم شي الحيل ما يروح وشدي حيلج راح افرفرج السوك كُله اليوم

- دخيلك يا علي

رحنه تسوكنـة ملابس وحبشكلات هواي وكالت أمي :- بعد ما بيه حيل اتصلي على أخوج خلي يجي هنا بدايه السوك ويشيل العلاليك

- صار يُمه

طلعت تلفوني من الجن واباوع على الساعة :- تدرين شكد صارلنة !

- شكد ؟
- عزه العزاني ثلاث ساعات ونصف
- مشكلتج اتصلي اتصلي

اتصلت على حيدر وصاح :- ها بويييه شو ماكو صارلي نصف ساعه هنا

- تعال احنه هنا بدايه السوك مابينه نشيل العلاليك
- جاي

اجه حيدر شال العلاليك خلاهن بالصندوق وصعدنه شويه وكلت :- حيدر حيدر

- كولي
- اطبك النه على مطعم جوعانه

كالت أمي :- أشو تغديتي و أجيتي

- حقها تجوع نهضمن ام السعرات بهذا المشي الي مشيتو

- وها اها بعد أنتَ تعرف يله حيدرنا يله الكفو مالتنا لحظه راح أسجل بصف اسمك بتلفوني حيدرنا الغالي والكفو مسوي مزج يعني هم غالي وهم كفو

- والنعم منـج

نزلنة كبال مطعم دخلنة وكعدنة على الميز :- راح انزل نفرين كباب

- بعد روحي شكد تعرفني بدون ما اطلب

نزل حيدر واجه هوه والكرسون خلو الأكل على الميز وكعد حيدر

- هجمو هجمو بعد روحي لا تستحون
- عيني مستحين منج
- اويلي يابه

خلصنه أكل ونزلنـة طلعنة بره تمشينة صارت غروب وكال حيدر :- يله هم ياله نرجع

- عليك الله بس ازبري وهاهية وبعد اسد حلكي ولا افتحة

كالت أمي :- يُمه يُمه منج راح نفلس

- هوه ازبري شطلبت اصلًا بطلت ماريد

حيدر :- أمشي أمشي

وكفنه يم مرطبات كعدنه ع الميز اني طلبت ازبري وامي ما طلبت شي طلعت التلفون صـورت الازبري ورجعتـة بالجنطة وحيدر طلع بره ينتضرنة خلصت وكلت الأمي

- اغسل و اجي

رحت غسلت أيدي وعدلت شالي ورجعت :- يله نطلع أمي

طلعنة وصعدنـة بالسياره وحركنـة و مثل كُل مره حيدر مشغل نفس الأغُنيه ردت اطلع تلفوني اخذ ستوريات مالكيت الجنطة كلت يله يجوز ويه العلاليك

وصلنة للبيت دخلنة العلاليك صعد حـيدر يقره و أني صعدت العلاليك والملابس فوك طشرتهن وبديت اكدرهـن كملت كدرتهن كلهن عزلتهن بالكنتور وضميتهن

عزلت الغراض ولميت العلاليـك بس ما شفت الجنطة كمت ادور عليها ما لكيتهـا

نزلت اسئل أمي :- أمي الجنطـة عندج مالتي ؟

- لا يمه يا جنطة !
- جنطتي مـدري وينها تلفوني بيها

- دوريها خاف مخليتها على الكاونتر بغرفتي شوفي وين .

رحت ادور كلبت البيت گلاب ما لكيتها عـزه العزاني وينها

صعدت لحيدر اسئله :- حيـدر شفت جنطتي لونها رصاصي

- لا ما شفت أي جنطة ليش وينها ؟
- دادور عليها هسه الكاها بالبيت

صخام الصخمني أكيد نسيتها يم المرطبات رحت الأمي :- يُمه ما لكيتها الجنطه دورت البيت كلبته من فوك ليجوه ماكو فـص ملح وذاب

- وين تروح قابل أكيد بالبيت يجوز بصندوق السياره
- هسه اسئل حيدر وأشوف

رحت لحيدر مره ثانية :- حيدر الجنطة ماكو يجوز بصندوق السياره

- لحظه .

نزلنه أني وحيدر فتح صندوق السياره كلبناه گلاب هم مـاكو فتشنـة السياره جوه الكشن ماكو ومـاكو غيرها أكيد ناسيتة

- حيدر يُمكن نسيتها
- وييين !
- يم المرطبات

- لا بربج !!
- وداعت أمي
- شنو بالجنطة هوه ؟

- تلفوني والجنسيـة وفلوس وبعد ما ادري
- بي تلفونج !!!! .

- أي
- بي رمز ؟
- لا

- صدك تحجين !
- حيدر بي صوري وصور البنات

- حواء وصورج الي ماليـة التلفون وصدُك وهذيج لبنية !!!!

- يابنيـة حيدر ؟

....
يتبع ⬅️ - البارت الثالث -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.