رواية حيادر الراء . الفصل الثاني عشر 12 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

كلت هيج أجه لوه أذاني :- هسه اكلج ليش منووووو داخل للبيت من جنه طالعين ؟؟؟؟؟؟؟

- منو حُسين محـد داخل

بس كلت هيج أجتني ضربة على وجهي ماحسيت اله نازل دم من خشمي فجأة رأسي صار بي ألم قوي وبعد ماشفت شي نطقت وكلت :- حُسين

وبعد ماحست على نفس اله وأني بالمستـشفى فتحـت عيني كلعاده اضوية الغُرفة طافيـة

كلت بصوت ناصي :- ليش اضوية الغُرفة طافية

حيدر :- فستقه كعدتي يا روحـي ؟

أحس رأسي راح ينفجر من كد الألم الي بي :- شجاااابك انتَ روح وحل عني لاتسويلي مُشكلة ثانية

حسيـت أيدي سحبها وخلها على خشمة سـحب نفس قوي وكال :- هديتي حيلي كُله

غمضت عيني بألم وهم بعد ماحسيت بشي كعدت مره ثانية ماعرف شكد الوقت والمستشفى هدوء تذكرت أخر شي جان حيدرهُنا معقولة تخيلت

لا مُستحيل جان هُنا متأكدة حـاولت أكوم ماكدرت تحسست وجهي وانتبـهت على خشمي عليه لاصق جروح

هاي ليش اني موجوده هُنا رددت "يا علي" أريد اتذكر ليش أني هُنا اخر شي من فتحت لحُسين الباب جان عصبي وبعدها اي اي تذكرت سئلني على يوم الطلعة

أحس ألم براسي قوي أنفتح الباب مال الغُرفة على كيف غمضت عيني واجاني صوته :- فستقي شوكت تكعدين اشتاقيت لعيونج

سمعت صوته وكلت بكلبي أهلي ويـن ليش محد دايجي عليه بس حٰيادر
معقولة درو حيدر الي أجه وشمروني عليه لا مُستحيل اهلي ما يسووها :- حيادر

أجه بأتجاهي سريع حسيته صار قريب مني گُلش عيناي عيناي كعدتي شو باوعيلي :- حيادر أهلي وين !!!

- بره كاعدين

- انتَ شلووون دخلت أرجع حيادر

- لاتصيحين فستق قبل ثواني دخلت من شفت محد أكو بالممر لاتخافين أني موجود بحياتج فساتق وعيونج ما أخليج تتاذين أو أسببلچ أذه ثاني بعد

يحجي بلهفه عبالك صار اله سنين ما شايفني ومحـاجي وياي بديت أسئله وهوه يجاوب :- شكد صارلي هنا ؟

- 14 ساعة و 20 دقيقه .
- شغل الأضويه گُلشي مداشوف

- مو زين على عيونـج ولا راسـج
- ليش !

- فستق بدون ليش
- أكيد عرفت بالصار أبد بعد لاتفكر تجي للبيت

- لا تخافين گُلشي تمـام
- شنو تمام شلون !

- فستقي مو شغلج
- حيييادر شسويت

- لاتصيييحين
- اطلع بره

سحب أيدي باس باطنها وره وقت بعدها :- مره تايهة بالمنطقة وأجت سئلت دكت بابنة طلعت أني فتحتة بس مادخلت واذا تريد حُسين شوف الكامرات الي بالمنطقة بس لاتخافين أي كامره راح يشوفها مشفرات گُلهن شفرتهن أني هذه الي راح تكولينة لحُسين أذا سئل هوه ما صدك بالبداية بس هسه لا مقتنع أبد لاتخافين

- لحظة لحظة أنتَ شلون وصلت للكامرات وشلون كلت لحُسين وشلون دريييت ؟ !!

- مو شغلج ريتاجي

- ماشي مو شغلي بس روح اطلع لايجون ويدفونهةـة هُنا بالمستشفى

- اذا واحد بصف الثاني هاهية قابل شرايد أني

-  تطلـع لو أطلع روحك هُنا !!

- عنيفة

مارديت سكت وره شويه كال :- يله تدلل فستقه شعدنـة غيرها قُره العين هاي بويييياي

طلع بدون ما يلتفت رجعت لهدوئي الغُرفة ضلمة زين ليش هواي تساؤلات برأسي بس أي جواب ماكو لا اي سؤال عندي ليش خفت عليه ليشزماخليتة يبقى علمود يجون ويشوفوه وهوه الي داخل ليشش خفت عليه ليش ليش

لزمت رأسي بأيدية ضغط عليه أريد الوجع يروح ماكو مدايروح صيحـت وكلت :- ليييششششش

أنفتح الباب دخلت أمي وياها مُمرضة :- هُسسس ريتاجه لاتصيحين

- ليشششش يمه ليشش ما أصيح ليييششش !!!!!

أجت يمي المُمرضة سحبت أيدي ضربت أبره بالمغذي وره وقت غمضت بعد ماحسيت على شي كعدت على لمسات أخوي حسين يمسح على أيديه وصوته بي عبره وحنيه بالبدايـة عبالي حيدر من وضحت الرؤية عندي شفتة حُسين على ثواني وأصيح بأسمه الحمدلله

- حُسين ؟
- أسف أني وداعت غلاتج عندي مو قصـدي أذيج
- ليش ما ثقيـت بيه ليش تسرعت ؟

- عذريني حالة عصبية فهميني السالفة أكثر ريتاجه لان اني بدوامه حاليًا

فهمتة مثل ما كالي حيدر وأدعي بكلبي بلكت يقتنـع لان ساعتها لو عرف ماعرف شيصير بيه أني وحيـادر هم رغم حُسين مو سهل الاقتناع ويحاول بالشي أكثر من مرة

دنك باس كصتي وأعتذر من جديد :- أروح استفسر من الدكتورة وأرجعلج

- لحظة اوكف وين أمي ليش ماكو ؟
- بالبيت تنتظرنـة
- ماشي

طلع رجعت أني احاول أكوم حاولت أكثر من مرة والحمدُلله كمت طلعت بالباب وره وقت شفت حُسين جاي بأتجاهي أجه :- يله نروح ؟

- لا بس أريد اغسل بس ما اندل
- لحظة اصيح المُمرضة وياج

راح صاح المُمرضة واجوي :- تفضلي حبيبتي

ريتاج :- زاد فضـلج

ابتسمتلي وأجت سندتني تذكرت حواء أخر شي كالتلي صفحتي تأذيني كلت بس أرجع اخابرها رحت غسلت وجهي وأيدية ورجعتني شافني حُسين :- يله ريتاچه أمشي

طلعنة بره التفت حُسين :- ريتاجه ابقي هُنا هسه شـويه وراجع

- لاتطول حُسين

هز براسة وراح دقايق ورجع :- جبتلج ذن على الـسريع على غير مره اطلعج

- عادي

داشوف أخوي يحـاول ويريد يعتذر مني بكُل الطرق معقـولة هيج غلاتي عنده زين ليش ضربني بدون مايسمـع مني زين لحظة من وين سمـع احد داخل للبيت وشلون عرف راح أتخبل من التفكير

رحت صعدت بالسيارة مسافة الطريق وصلنة للبيت تفاجئت سيارة حيادر بالباب شعندة هذا نزلنه من السيارة ودخلت جوة تلكتني حواء وحضنتني

- ولچ الحمدُلله على السـلامة 
- الله يسلمج حبيبي

سلمت عليهم كُلهم ودخلت دخلنة كعدنة بالصالة وره شويه دخل حيادر وكال :- الحمدُلله على السلامه خيتي

- خـيتي !!

صفنت وكلت معقولة هذا حيادرأنتبهت على حُسين واكف شويه بعيد كتلة
:- الله يسلمك خويه

باوعلي وأبتـسم خله أيده على شواربة على أسـاس يعدل بيهن هوه أصلا ديخفي أبتسامتة

- حواء كومي نصعد ليفوك عندي شغله وياج
- سبقيني جاية

صعدت فوك وره شويه دخلت حـواء :- ها ؟

- شبيج ؟
- شبيه !

- اخر اتصال منج تدكين وتلطـمين من صفحتج اكو شي ؟

- راح الألم انسي

- صدُك تحجيين حواء شنسـة شفتي وضعج أنتِ ؟

- رتوج حبابة انسي واسكتي

- أستغفرك ربي منيـن بله الألم ؟
- منا

أشرتلي على كلياتها وكلت الها :- الكليى !

- اي يولي
- من شوكـت هذا الألم ؟

- من ضربني حليم بده عندي
- ضربج حليم شوكت ضاربج ؟

- سالفـة قديمة
- قبل شكد ؟

- قبل هواي گُلش
- ليش ساكتة عليه ؟

- احسه عـادي وما اريد اقلقهم

- اوف منج شربي مي هواي وأذا زاد الوجع بمرور الوقت تره أني أكُل الحيادر عليج

- حيادر !!
- اقصـد حيدر

- يله ننزل راح يصير الغدة
- نزلي أنتِ اني اسبح وانزل

- مـاشي

نزلت وسبحت على السريع ونزلـت شفتهم دايصبون غده رحت اساعدهن بأشياء خفيفة وكالت حواء :- راح نبات عيني

- صدُك
- وداعتـج
- همزييين

بدينة نتغده وكُل ما اشيل عيني حيادر صافن عليه لو بأيده يجي يكعُد بصفي كملنة شلنة الاماعين وغسلناهم صعدنة أني وحواء فوك ونمنة

كعدت المُغرب نزلت اتوضى علمود أصلي وأصـلي الطلب لان صارلي يوم ممصلية توضيت وكملت ردت اصعـد اجاني صـوت حيادر وحجه بصوت ناصي :- أوكفي

التفت عليه وكتله :- ها !

- أريد سجادة اصلي واذا سجادتج بعد احسن .

- ليش ؟

- بيه عطرج احلى شي من أسجد عليها أنتِ تدرين سجادتي لحد ألان ما غاسلها !!

- لا أصلي بيهـا وأنزلها الك .

- منتظرج

صـعدت فوك حواء بعدها نايمة صفنت حسيـت على نفسي داكسر خاطرة وهاي مو أول مره أعُرفة يحبني ودايحاول هواي علمودي وأني بكُل بساطة أجاوبة ببرود شكد أنانية بس مُشكلتة شنو اليمنعة يتعرف

صليت وكملت طلعت القرآن أقره سوره البقرة كعدت حواء صفنت عليه وره شويه باوعت عليه وكالت :- أحُب القريبين من رب العالمين أحس الله يحبهم وديقربهم أله

- لعد ليش متصـلين وتصيرين مثلهم ؟

- ما أكدر رتوج كُل ما اريد اصلي وأستمر أرجع و أكطعها حيدرنا هواي ينصحني وأصلي ونوب أكطع

- حواء تدرين الله يكرهـج ؟

كتلها هيج علمود تصلي ونحاول بلكت ولعلى وسعت عيونها وباوعتلي :- صدُك زين ليش ؟

- هسه اكُلج ليش بكُل بساطة الصلاة شنو الصلاة لقاء وي رب العالمين الله الي يحبهم دايخليهم يتقربون منه ومن عبادتـة والي يكرهم مايريد أي لقاء وياهم فهمتي لو لا حواء

- رتوج أريد أستمر

- أني وياج وراح أخليـج تستمرين كومي صلي هسه

نزلت توضت وصعدت بدت تصلي على سجادتي كملت :- راحه نفسيه ولله

- شفـتي ؟

أبتسمت وحضنتني وراحت نزلت لميت السجادة ونزلتها لحيادر لكيتها كاعدة يمه :- وهاي رتوج الي خلتني أصلي ولو أنتَ هم ما قصرت بالمحاضرات

باوع عليـه وأبتسم أنطيتة السجادة كام يصـلي رحت للمطبخ شفت أمي :- يُمه شنسوي عـشه ؟

- حُسين طالع راح يجيب ويا من بره

مر وقت أجه حُسين خله العلاليك على الكـاونتر وكال :- يله صبـو عشه أروح اغسل وأجي

قبل لا يروح التفت عليه وكالي :- ريتاجه جبتلج كص

ريتاج :- فدوه

حواء :- كفو تو

ريتاج :- شـنو ؟

حواء :- اقصد الكفو الثاني

ضحكت وبدينه نصب تعشيـنة وكملنة مر الوقت صعدت فوك ونمـت من التعب ما كعدت اله لأذان الفجر نزلـت جوه رحت داريد اتوضى

شفت المرجوحة الي بالحديقه تتحرك طلعت من المطبـخ أستغربت ورحت لكيتـة حيادر أشرلي أجي ردت أرجـع بس كلت خطية

رحت يمه كعدت أخذ أيديه وباسهن وسحـب نفس سحبتهـن من أيده ولا حجه حرف أحس ألم قليل براسي كتله :- حيادر أمشي ندخل جوه رأسي دايأذيني

- أريد أخطي خطـوه وحده ليكدام وأكـلج شي

أستغربت جانت نبره صـوتة كُلش جدية :- كول أسمعك

- نظر عينه لحيادر أنتِ بويه ريتاجه أني

....
يتبع ⬅️ - البارت الحادي عشر -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.