رواية حيادر الراء . الفصل الثالث عشر 13 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

- نظر عينه لحيادر أنتِ بويه ريتاجه أني أريد اكُلج على موضوع لان ماريد اضمه بعد أكثر عليج

- كول أسمعـك ؟

شفنه ضوه المطبـخ أشتغل كتلة :- هاي أمي يُمكن كعـدت تتوضى راح أدخـل أني

- وكلامي ريتاجه !

- بكُل وقـت أسمعك

- وأني بكُل وقت راح أكون موجود علمود تسمعيني

بأبتسامـة :- لاتدخل هسه نص ساعـة هيج وادخل

- أمري ونزليلي سجادتج من تخلصين

- ميخالـف

صار عندي فضول أسمع اله معقولة راد يعترف نفضت افكاري ودخلت سئلتني امي :- طالعة بره !

- يُمه تأكدت من الباب خـاف مفتوح
- ماشي

توضت وراحت للغرفة توضيت وصعدت صليت كملت ومرت ربع ساعه نزلت اله السجادة بالصالة شغلت الضوه شفتة خليت اله السجادة على التُخم

وصعدت نـمت كعدت الصبُح من وكت ساعة تسعـة نزلت ولكيت حيدر وحُسين كاعدين ديسولفون :- صباح الخير

ردو الصباح عفتهم وصعدت فوك اكعد بحواء كعدت وكالت :- اهو اليوم نروح صدُك إذا اكُول لامج تقبل نجيبج ويانة ؟

- لا ماعتقد تقبل أمس مريضـة أني
- معليج أني اقنعـها

- أنتِ وشطارتج
- يمي يله ننزل

نزلنة جوه لكيت امي وام حواء كاعدات كمت داحضـر الريوك حضرت الاجبان وطكيـت البيض عـزلت الي خليت عليها زعتـر باوعت على حيادر لكيته ديباوع علية سويتلك حركة بحواجبي أبتسم

حيدر :- حُسين بعدها اللغة الانكليزية حلوه ؟

حُسين :- تخبل شنو تـريد تدخل انكليزية ؟

حيدر :- لا طبعًا ما أريد انكليزية اذا مو عسكرية هاهية .

حُسين :- Good .

شويه وحواء سئلتني :- شبيج داده

ريتاج :- مابيـة شي

أمي :- شبيها

ريتاج :- ولله مابيـة شي داتخيل مـدري شبيك من وره اسئلتكم

حواء :- على كيفج شنكالج هسه أحنه

ريتاج :- شبيـة أني أعرف نفسي مريضة ومتأكده بس شنو المرض ماعرفة وأعرفه يخـص رأسي

حيدر :- شقيقة .

كُلها التفت على حيدر :- أني وحواء نعرف شبيها ليش دانضم عليها أكثر يجي يوم وتعرف

ريتاج :- شنووو !

ام حواء :- حييييدر

أمي :- يُمه فدوة أبقي على نفس هدوئج

ريتاج :- لاتخافون باقيه أساسًا أعـرف أني

كُلها احسها بوجها تساؤلات :- بس الي مستغربتة أكثر ليش ضميتو عليه مو بهاي الخطورة هوه

أمي :- لا ديري بالج تستهانيـن بي !!!

سكتت بعد وسكتو همه هم شويه حيدر وحسين طلعو أبد ماشلت بگلبي الهم ما أعرف ليش لان أحبهم كُلهم أساسًا لو مخايفين عليه ما ضمو عليه ف عذرتهم

صعدت فوك أسبح طلعـت من الحمام شفت حواء داتصـلي :- يارب بعد ما أريدج اتركيـها لاتفكرين أبد

خلصت صلاه وجاوبتني :- لا أبد صدُك قنعت أمج

- مُستحـيل !
- غير قدراتي العظيمـة

أجت حضنتني وكالت :- حضري ملابسج وره الغده نرجع

هزيت الها رأسي راحـت نزلت رجعت احضر ملابسي أجـه مسج على تلفون أمي

فتحتها شفت حيادر دزالي مسج :- ريتاجه

- ها ؟

- ماضجتي من تصرفي ردت تسمعين مني أبدًا ما حبيت تسمعين من غيري

- لا ماضـجت
- متأكدة !
- اي حـيادر

سكت وره شويه دز :- ضلي كولي حيادر أبد لاتسميني مثل البقية

- تفـرق ؟

- هواي أحُب هذه الأسم خاصًا من شخص عزيز على گلبي

- يعني نكول أني عزيزه عليك

- هووواي .

بعد مادزيـت شي وره خمـس دقايـق دز :- يعني متأكدة ماضجتي مني ؟

- أي

- ميـخالف حتى لو ضـايجة اليوم أطلعج وي حواء و أراضيج

- خاف تسوي بينة مثل ذاك اليوم ؟

- لا لا وعيونج فستـقه

- ماشي

صاحت أمي على الغده عفتة ونزلت تغدينـة وكملنه وصعدنة فوك نبدل :- حواء تعالي سرحيلي شـعري

- ليش حلو هيج

- لا مو حلو بي كسره قليلـة من اطلع دائما اسرحة

- صدُك أنتِ شوكت تتحجبين ؟

- الله كريم

- خليتيني أصلي لازم اخليج تتحجبين مو اليوم باجر

- ان شاء الله

كملنة ونزلنة سلمنـة على أمي وصعدنة بالسيارة وكالت حواء :- خلي نتعشة بره اليوم مابيـك أسوي عشـة يله حيدرنا الكفو عليك الله

حيدر :- ميخالف

نص ساعـة نزلنـة تعشينـة وكملنـة ورجعنـة صعدنة بالسيارة مسافة الطريق ووصلنة نزلنه أني وحواء أستغربت ما تلكتنه أسماء سئلت حواء :- شو ماكو أسماء

- يم اهلها راحت أمشي نصعد فوك

صعدنـة بدلت ملابـسي لبست بيت :- شعجـب تلبسين كُله عريض

- ماحب الضيك يقيدني وأستحي منه

- اي عفيـة أني هم اموت منه دائما اشتري أكبر من قياسي

- مثلي

سمعنة صـوت الأذان رحنة صلينة وكمـلنة وكالت حواء :- خلي أروح لحيدرنا أكله يجيب حلويات

- عاجبني أسوي كيكة
- سويها بالكاكاو
- ميخالف

صعدت حواء اني هم رحت أشوف الثلاجة طلعت غراض الكيكة بقة بس بيض وكاكاو ماكو نزل حيدر وحواء حيدر طلع بره وحواء أجت يمي وكتلها :- اكُلج ماعدنـة لا بيض ولا كاكاو

- روحي لحيدر راح يطلع 

رحـت لحيادر جان يريد يطلع صـحت اله والتفت الي :- أوكف حيادر

- عيناه

- أريد أسوي كيكة وماعندهة لا بـيض ولا كاكاو

صفن بوجهي شويه وكال :- ماترهم وداعتج

- شنو !

- كيك ياكُل كيك

خجلت وكتله :- بطل سوالف المعجبين

- تطورو بويه ما بقو معجبين صارو من الهائمين

سويت حركة بحواجبي وضحك وراح رجعـت دخلت لحواء شويه ورجع دخل حيدر وبأيـدة علاليك خلاهن على الميز وصعد فوك بدينة أني وحواء نسوي بالكيكة وكالت حواء :- راح اخليها بالفرن وأروح ادخل اسبح وأنتِ ذوبي الكاكاو

- صار

راحت حواء تسبح نزل حٰيادر من فوك وأشرلي أجي كتله :- ما أجي

تقرب ونزل يمي :- يله تعالي يا عيني

- شعنـدي أصعد
- لعد تعالي بـره نكعد

رحنة وكعدنة :- يله أحجي اريد أرجع خاف تطلع حواء واني مموجودة

- على كيفج كلمة كلمة مارايـد شي بس أريدج يمي

باوعتله وكلت :- راح أرجع لعد

هزلي راسة دخـلت وره شويـه هم دخل وصعد فـوك رحت أشوف الكيكة مره عشر دقايق وطلعت حواء من الحمام

دانسوالف وما نحس أله نركع الباب مال الحوش ونضربت طلقه صرخنـة وطلعنه نشوف منو وشفنه زلم تقريبا بيهم ١٢ واحد لابسين عسكري

نزل حيدر من فوك سريع صيح علينة وكال :- لحد تطللللع

رحنة وره حيدر وكالت حواء :- راح أدخل جوه اني ما اطلع

طلعت وره حيدر أني باوع العسكري عليه حيدر مامنتبـة لان صايرة وراه نوب باوع على حيدر وكال :- أنتَ أبن الضابط أمان ؟

- أي نعم منو أنتَ ومنو سمحلك تدخل هالشكل ؟

- الله جابك يله شبابنه الطيبة أخذوهم اعزائي

....
يتبع ⬅️ - البارت الثاني عشر -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.