رواية حيادر الراء . الفصل الحادي وثلاثون 31 - بقلم ريتاجة .

روايتي حيادر الراء .

اريد تصويتاتكمَ الحلوه وتعليقات بين  الفقرات لان نقراهن كُلهن .

....

- حُسسسسسييييين لاتموووووت فدددوة

دخلو أثنين دكاترة وكال دكتور :- لاتصيحين لاتصحين

ريتاج :- دكتوووور أخوي وييينه حُسين وينه ؟؟

الدكتور :- عايٰش والله بس مايكدر يدخُـل لأن أنتِ بالعناية المركزة

ريتاج :- جذابيييين أريييييدة أرييييد اشوفة

رأسـي يأذيني لزمـتة بأثنين أيديه وكاـل الدكتور :- لاتلزميـن راسج دكتور إبره

ريتاج :- لاتضربوني إبره فدوة أريد اشوف أخوي بس اشوفة والله بس اشوفة

ما ردلي جـواب جاب إبره ضـربها بالمغُذي باوعت على أيـدي سحبت الكانيولا من أيـدي باوع عليه وكال :- هاي شسوووويتي صُدك تحجين ؟

باوعت على ايدي انترست دم أجه دكتور بأتجاهي ولزمها ضغط على مُكان الإبره وجعني گلبي لزمتة بأيدي اليمنى رفع أيدي اليسرة ليفوك وكال :- ما يصير تسوين هيج قبل كم ساعات طلعتي من عملية فوق الكبرى

ريتاج :- أريد اشـوف اخوي ؟ !!

اندار الدكتور وباوع على الدكتور الي وراه وكال :- لبسو المريض حُسين كريم سكراب وجيبو

حرك رأسه وطلع من الغُرفة صـاح الدكتور مُمرضة وكاللها :- نيو كانيولا

المُمرضة :- ثواني

طلعت وباوع عليه وكال :- قبل ساعـات جنتي تـضحكين وتسولفيـن شصارلج

أستغربت شوكت ضاحكة أني وكتله :- أني ؟

الدكتور :- اي أنتِ

ريتاج :- لا ما ضاحكة

راد يجـاوبني ودخلت المُمرضة وبأيدهـا الكانيولا أجت بأتجـاهي مسحت الدم بالقطن وشكلت الكانيـولا وطلعت باوع عليه الدكـتور وكال بضحكة :- لا تخافين ريتاج كريم نحفظ اسرار المرضى احنه

ما افتهمت قصدة ردت اجاوبة واندك الباب ودخل الدكتور وياه حُسين لابس ملابس مرضى ومغطين شعرة واصابيعة مجبريها ومخلي أيده على گلبة وأول ما شفته صحت :- حُسسسسين

أجه بأتجـاهي وطلعو الدكاتـرة وكال :- خيتي الغالية الي خبصـت نفسها عليه والله عـايش وداعت غلاتج عنـدي اروحلج فدوة والحمدُلله على سلامتج

أجه باس راسي وكعد على الكرسي كبالي وكال :- عذريني خيتي سببتلج اذه بس ما جان بقصدي تصرفت بتهور

- مايهمني حُسين اهـم شي احنه بخير شـلون صرت أنتَ ؟

- الحمدُلله

- شلون الناس الباقية ؟

- يا نـاس ؟

- الي تضررو بالحادث

- البقية بخـير واحد منهم مات

شهكت وكتله :- الله يرحمة شلون راح ندفع فصل احنه لو شنو ؟

- الله كريـم خوية لاتشغلين بالج بهيـج مواضيع أني وأبوي نحلهـا منتظرين طلعتج من المُستشفى بسلامـة

- شلون حُسيين شلون

- هُسس شنو كـلت أني

- وين أمي ؟

- بره مايخـلوها تدخُل أني وبالكوه

- مشتاقتلگم

- احـنه الأكثر بس منتظرين طلعتـج

- ليش مايصير اطلع هسه ؟

- ميقبلون لان قبل سـاعة طلعتي من العمليـة وخطرة ونقـلولج دم

- منو نقل الي ؟

- الوالـدة

- أوي فدوة

- ومنتظـرين شي علمود يتأكدون منه

- شنو هوَ ؟

- ما أعرف وداعتج

فقدت تلفوني وحيادر وكتله :- صدُك حُسين وين تلفوني ؟

- تلفشن راحـن التلفونات ضـلت تلفونات

- أرييدة ؟

- بس تصيرين زيـنه الج مني تلفون أبو التفاحة اخر اصـدار

كال هيج واندك الباب دخلت المُمرضة وكالت :- وقت علاجج ريتاج كريم صح ؟

- اي نعم

باسني من راسي حُسين وأبتسملي وطلع انطتني المُمرضة العلاج شربتهن ونمت

....

كعدت الساعة سته ونص الصبح أول ما كعدت دزيت لحواء :- حواء اذا شفتي المسج اتصلي عليه

دزيتـها وكمت غسلت ورحت للمطبـخ خليت أربع بيضات ورحـت لغُرفة آسر ديت الباب وكتله :- كوووووم يمعود

- مابيه ادوام ماعندي شي الييوم
- دكوم أني عندي عرض تقديمي اليوم

- اهو جاي يله
- اتمنى يوم تكعد قبلي أنتَ

- لاتتمنى مايتحقق
- دكوم كوم

- خمس دقائق

كال هيج ورحت رجعت للمطبخ حضرت الريوك وكعد آسر غسل وجه وكمنة نتريك وكال :- شلون راح تأدي السمنار ؟

- عـادي

- كدام أساتذة الجامعة والمشرفين والمساعدين وأعضاء لجنه المناقشة

- اي عـادي هنَ عشر أسئلة

- أني بس اوكف كدام المايك اخرب ضحك عود باوع عليه من تأدي گُلشي ما سوي بس اسوي حركات بوجهي اخليك تضحك

- عاقل مخـبل اباوع على وجهـك

- هههههه يمعود اشاقة حفظت اسئلتهم ؟

- أكيد

- سهلة لو صعبة ؟

- ما بيهـا شي نظرتهم عليه طـالب يقدم عرض تقديمي عـادي فَ اسئلتهم جدًا سهلة

- خذت فكرة عن الموضوع عن الخامتة او المقدمة

- أكيد طلعت وبحـث

- عفيه عليييك

كملنة ورحـت بدلت كملت ورحـت لآسر أول ما شافني كال :- الله هاي شنو طالع عـريس

- تمام مو ؟
- مفيش شك ميه على ميه

أبتسمت وكتله :- يله كمل أخـوي علمود نطلع

- يدلل ضلعي

مر وقت وكـمل آسر قفلتة الشقة وطلعنة تمشيـنة للجامعة ووصلنة دخلنة سلمو علينه الاصـدقاء ورحنة للقاعة بدت المحاضـرة الاولى خلصناها وطلعنة دخلنه السنتـر 

كملنة ورحنة دخلنة القاعة بدت المحاضرة الثانية خلصت صارت الساعة بالوحدة طلعنة للقاعة الي بيها أسوي العرض التقديمي دخلت سلمت عليهم وكعدت باوعت عليهم كُلهم موجودين الاصدقاء والي اعرفهم والي ما اعرفهم

صار هدوء ودخـل الاستاذ والتفت آسـر وكال :- بالنهاية عـود اشكرني

- هوَ أنتَ شنو سويت علمود اشكُرك

- هسه بالجـذب شبيك يمعود علمود انفـخ ريشاتي كدام الجمـاعة

- تدلل يابه

- بعدچبدي

لقى التحيه الدكتور والمُقدمة وكال :- دكتور حيدر أمان

حيدر :- نعم

صفكو وكمت لقيت التحية الهم وبلشت بالمقدمة بكُل سرور اديت العرض والاستاذة يسئلون واجاوبهم كملت وكلت بالاخير

حيدر :- بالنهايه احُب اكول اسأل الله العلي العظيم ان نكون وفقنا لتوضيح كُل ما هوَ غير واضح في المسألة التي تم تناولها في هذه الموضوع

احُب اشكُر كُل الموجودين هُنا واشكُر حضورهم الأستاذة والمشرفين والمساعدين جميعًا وشكُر خاص لصديقي الي ساعدني بهذه  العرض التقديمي آسر احمد كُل الشكُر الك دكتور آسر

لقيت كم كلمة بالأخيـر خلصت صفكو الي ونزلـت رحت كعـدت بمُكاني كام واحد من الاساتذة الموجـودين توجه للمايـك وكال آسر :- لك شنوووو هاي أنتَ ؟؟؟

- حبيبي
- عظيم عظيم عشت بالله
- العظمة لله

طلع تلفونـة وكال :- شوف هذه التـصوير

- صورتني ؟
- اي

شفته وخلـص وكتله :- عاشت ايدك

- حبيبي

خلص العـرض توجهنة بره القاعة اجه صديقنٰة صادق وكال :- حيييدر أيه داه أيه داه بجـد أنتَ تحفة

- حبيبي تسلم

اجو الاصـدقاء كُلهم شكروني على الاداء وطلعـو اخر شي كال آسر :-تعال ضلعي خلي نـروح للسنتر

- أمشي

رحت تمشينة للسنتر شوية واجاني اتصال من حواء رفضته ودزيت الها :-" بالجامعة أني ما اكدر احجي وياج شلون صارت فُستق بعد العملية طمنيني عليها ان شاء الله خير "

دزيت الها وره دقائق جاوبتني :- لا لا بخير الحمدُلله صحت

- شوكت تطـلع ؟
- بعد عشر ايـام

- عشرة ؟
- اي

- ليش ميطلعـوها على حسابهم ؟
- مادري يُمكن سمـعت هيج شي من جنت يمهم

- هم اكو نتائج وره العملية ؟
- مثل شنو

- ما أعـرف داسئل اكو سلبيات ؟
- اي كالو الدكاترة من طلعـو نتأكد من شي

- شنو هوَ ؟
- ما أعرف والله

- تمـام
- من ترجـع من الدوام اتصل عليه

- اكو شي ؟
- لا ماكو بس اتصل عليه اكُلك بشي

- ميخالف ابويه

سلمـت عليها وراحت باوعـت على آسر لكيتة ديباوع بغير أتجاه :- وين داتباوع ؟

اشرلي اسكت سكتت وره تقريبًا عشر دقائق أجت ريم بأتجاهنا وكفت يمنة وكالت :- آهلًا دكتور حيدر عادي اكعُد ؟

حيدر :- تفضلي

ريم :- طبعًا اباركـلك على هذه الانجاز والعرض الـتقديمي الجميل وان شاء الله النجاح والتفـوفيق بالبدايـة

حيدر :- جزيل الشكُر

ريم :- گُلش حلو الاداء خاصـةً التركيز على موضـيع مُهمة كبداية الك جدًا مُمتازة واباركلك مـرة ثانية على هذه التقديم

حيدر :- جدًا شكرًا ما توقعت ينال اعجابكم حرفيًا فاجئتوني

ريم :- لا ولو دكتـور

التفتت على آسر وسئلته ريم :- صحيح ساعدته دكتور حيدر جدًا ذكي ما اتوقع بهاي المواضيع يطلب مساعدة

آسر :- كم موضـوع انطرح وساعدتـة بي لا اكثر

ريم :- مُنتاز

آسر :- شُكرًا دكتورة ريـم

ريم :- ولو ، اترخص أني اتمنى اكون خفيفة ظل عليكم

آسر :- لا ولو

كالت هيج وكامت راحت التفت عليه آسر وكال :- بالقرآن ما اعرف ارد

حيدر :- اعلمـك أني

آسر :- اويلي جعل محد غيرك يعلمني

حيدر :- حبيبي يدلل علينـة أبن احمد

آسر :- انسلك أحمد

سكتنة وكمـنة خلص الدوام ورجعنة للشقـة وكال آسر :- شوكت تـروح تحجز الطيارة ؟

- ما أعرف يُمكن باجر
- اي تره ما بقالك كم يوم السبت واليوم أربعاء

- مو هذه السبـت الي وراه
- اي اعرف

كملنة وسوه عشة آسر وكعدنة نتعشة وكال آسر :- أريد اشتري لابتوب گُلش محتاجة

- لابتوب مالتي بالعـراق ذكرتني بي
- انطيـك تجيبلي من العراق ؟

- لاتحجيني آسر
- هُنا غالي ويعرفوني عراقي ويقطوني بكم جنية

- ميخـالف اجيب الك أني من العراق
- اعرفك كفو ماتقصـر خوي

كملنة عشة سمعنة أذان المُغرب صلينة وكملنة وكمنة نقرة

....
- بعد مرور اسبوع -

دخلت عليه المُمرضة وكـالت :- الحمدُلله على السـلامة حبيبتي ماتشوفين شر بعد

ريتاج :- الله يسلمج راح اطلع مو ؟

المُمرضة :- اي كومي كُلهم بره ينتظرونج

طلعتني من الغُرفة تلكتني أمي حضنتها وبست راسها وكالت :- يُمه بنيتي راح ترجع للبيت اظلم البيت بدونج بالحُسين

ريتاج :- يا روحي فدوة

شفت أبوي هم اجه حضني وكال :- الف الحمدُلله على السلامة يا بنتي

ريتاج :- الله يسلمـك بابا

حُسين :- فدوة لهذه الطول عيين الشمس

باس رأسي وكال :- كُل جرح اعوضة الچ بيوم وكُل وجع صارلج

ريتاج :- خجلتني حسوون

حُسين :- بعد روحي يله امشونة

ريتاج :- سيارتنة مو تفلشـت يا سيارة راح نرجع ؟

حسين :- غير سيارتي صالحها الغالي تاج راسي

باوعت على أبـوي وكتلة :- صلحتهااااا يابه ؟

أبوي :- اي

نزلنة وصـعدنة بالسيارة مشينة وأجه بـبالي حيادر ياترى عرف هسه اكيد غير حواء اخته فَ لازم تكُله مشـتاقتلة اعتقد بس كم يـوم ويجي شووكت يجي ما متعلمه هيج مسـافة الطريق ووصلنة للبيـت نزلنة ودخلت البيت اول مانزلت تلكتني حواء تفـاجئت بوجودهـا بالبيت

حواء :- يمااي طلعتي الف الحمدُلله على السلامة ولج اشتاقيتلج داده موت مووووت

ريتاج :- الله يسلمـج أني الاكثر يا بعد عـيني انطيني مجال

حواء : هههههههه

....
- بعد مرور يومين -

كعدت على أذان المُغرب وكمـت توضـيت وكمت اصلي كـملت وصفنت داتصير نـغزات بگلبي من اتحرك غلست واتذكرت حـيادر بس مرة وحدة تواصلت ويـاه من تلفون حواء وكال السبت أجي واليوم جمعـة يعني باجر راح أموت من الاشتيـاق أني شلون متحملة كُل هذه الاشتياق لهسه

رحت طلعت القرآن رجعت من البدايه اقرة لإن ما اعرف اصلي بدون ما اقرة حتى لو صفحة وحدة كملتها ونزلت يم أمي ضلينة نسولف شويه وأجه حُسين

دخل المطبخ وكال :- روحـي للسيارة أكو بيها علاكـة روحي جيبيها

- ماشي
- هاج السويج

شمر السـويج الي خذتة ورحت للسيـارة فتحتها طلعت العـلاكة ورجعت
دخلت للمطبـخ أول ما دخلت انطـيته العلاكة رجعها الي وكال :- لا مو الي الچ فتحيهـا

- شنو بيها ؟
- دفتحيها

فتحتها جانـت كارتونة مغلفة باوعـت عليه وكتله :- شنو هاي ؟

حُسين :- فتحيها وتعرفين شنو

أبوي :- موبـايل يُمكن

أمي :- يُمكن

فتحتة الغـلاف شفت الغلاف موبايل وعليه تفاحة بـاوعت عليه بحماس وكتلة :- اييييفون ؟؟؟

حُسين :- اي بالعافية تستاهلين عين الشمس هذه تعويض على السويتة بيج ولو ذره كدام السويتة بيج

ريتاج :- لانحجي هيـج أنتَ أخويه

أبوي وأمي :- بالعافية ريتاجه

ريتاج : الله يعـافيكم

فتحتة وشفت التلفون وكتله :- يا مُوديل هذه ؟

حُسين :- وعدتـج اخر مُوديل

ريتاج :- شنو أسمة ؟

حُسين :- اكس ماكس وبي شـريحة جديدة

ريتاج :- فدوة يجنن

ضـليت اكلب بي ضلو يسولفون بخـصوص الفصل الي فصلو عفتـهم وصعـدت فوك أول ما صعدت نزلت الواتـساب نفتح سجلت برقمي الجديد دخلت رقم حـيادر الدولي بالتلفون وسجلتـة حرف حاء بالانكليزي ودزيـتلة :- حييادر حبيبي أني فُستق وهذه تلفوني الجديد ورقمي الجديد

يُمكن دقائق ودز :- يا روحه لحيادر

- شوكت تجي مو راح اموت ؟

- باجر أني يمج كملت جنط السفر داطلع بيهن لباب الشقة

دزلي فـيديو وهوَ دايطلع بيـهن وكال :- شوفي يا بويه

- بيش الساعة راح تطلع ؟
- ساعة وأني بالمطار

- وشكد الوقـت وأنتَ هُنا ببغداد ؟
- ساعتيـن هُيامي

- راح اتعشى وأنام علمود اكعد الصبح أنتَ راجع
- لو تدرين شكد مشتاك لوجهج ريتاجي

- أني الأكثر حـيادري هواي وفوك ما تتصـور
- يله راجع باجر وراح نكعُد سوه واشـبع نظر بيج

- أحبك أني
- وأني بعد ، فستقي شربتي علاجج ؟

- اي حيادر
- يا بويه عيناه انتِ

سلمنة وراح هوَ صار وقت العشة كملنة وتعشينة وحُسين بقى بالصالة يباوع على البلازمه كمت فوك لغُرفتي شربت علاج وتمددت ونمت

....

صار وقت السفـر مالتي بدالت وكملت وأجه عليـه آسر وكال :- راح اشتاقلك بالله

- عشرين يوم وراجع
- شلون اخلصهن وحشة بدوك ضلعي

- يخلصـن حبيبي ، اكُلك
- كول

- بيتك ببغداد بعده فارغ ؟
- اي ليش

- بدون ليـش جاوب ؟
- نسيت ، اي فارغ هوَ محد يدخلة

- انطيني مفاتيحة جايبهن وياك أكيد
- اي جبتهن

- جيبهـن يله قبل لا اطلع مابقى وقـت هم ياله اطلع من الاسكندرية ووصل للقـاهرة

راح ورجع وره شويه اجاني انطاني المفتاح وكال :- هاك هذه مفتاح البيت وكُل الغرف البيت بيتك گُلشي تسوي بي اقبل بي اني سوي بدون تردد ولا تفكر بيه أبدًا أني وياك واحد

- تسلم خوي
- تدلل يابه

سلمت عليك وودعتة وأتجهت للقاهرة مسافة ساعتين ووصلت للقاهرة واتجهت للمطار دخلت وانتظرت وقت رحلتي ربع ساعة ونادت المناده فتشو الجنطة كملو خذتها وطلعت للطيارة دخلت الطيا وكعدت صليت على محمد وانطلقت الطيارة بينه

نصف ساعـة وسمعت مناده بأسمي التفت على يميني جـانت دكتورة ريم تفاجئت هاي شـنو جابها بالطيارة هم :- أهلًا دكتور حيدر شنو هاي الصدفة

حيدر :- اهلاً دكتوره ريم

ريم :- عطلتك صـادفت وي عطلتي واو شي حلو

حيدر :- عفوًا ؟

ريم : داشاقة شكلك ما تحب الشقة

حيدر :- لا بس ما أحُب الغرباء تطوخ ميانتهم وياي

ريم :- غرباء ؟

حيدر :- اي نعم .

ريم :- راح تصـير نصف سنة نُعرف بعـض مو مال غرباء دكتور حيدر

حيدر :- دكتورة

بعدني مامكمـل الكلام وكالت :- لا تناديني دكتـورة صيح الي بأسمي عادي ماكو اي اشكال

حيدر :- عفوًا بس ليش المقاطعة بالكلام ؟

ريم :- أعتذر على هذه التـصرف بس أني أبدًا ما أحُب اصدقائـي ينادوني دكتورهة ريم بس اسم عادي ماكو مانع

حيدر :- سبق وأن كلت غرباء ؟

ريم :- دكتـور حيدر

حيدر :- نعم !

ريم :- نكدر نكون اصـدقاء أني وياك ونطـوي صفحة الغرباء ؟

....

كاعدة وحدي بالبيت ما اسمع اله دفرة الباب البره رجع مره ثانية سمعت دفره اقوى ندفر باب المطبخ دخلت أمي وكالت :- سمعي آيريم تتزوجين أبن أُختي لا ولله حسابج وياي عسير ثم عسير

آيريم :- ههههه عسير نعناع

خذت من الكاونتر چفچير وأجت بأتجاهي وكالت :- تصرفاتج هاي ماتعجبني

آيريم :- اوكفي لحظة اغيرها

سويت حركة مثل تعديل الياقة مال القميص وكلت :- اوي مامااااا صار اني قابلة على هذه أبن أُختج

أجت بأتجـاهي ضربتني على راسي بالچفچير أجـذب اذا كلت ما يأذيني بس احسه اخترق راسي لزمـت أذاني جريت ايدها ودفعتـها وكالت :- باجر جاي السيد اتمنى من الله ما توافقين

آيريم :- صار شي ثاني ؟

أمي :- ولي عن خلقتي خلقتج جايفه مثل أخوج

رحت للصالة وشغلت لبلازمه وكلت بگلبي :- تروحين فدوة لآسر يلي ماتجيبين ربع حنيتة

أجت كعـدت يمي كعدت وكلت الها :- عود هاي ليـش القساوج بگلبج وبكلب أحمد ؟

امي :- لاتكولين أحمد

آيريم :- أحمد أحمد أحمد صار شي طبعًا لا

سكتت وكتلها :- اي ما جاوبتيني ؟

أمي :- ربيت هيج أني

آيريم :- هههههه طبعًا عاشت أيدج لإن ربيتي وحدة نچرة هاي أول شي ثاني شي اكدر اتجاوز عليج وأني كدامج وعين بعين شفتي هاي لبنية الي ربيتيها وطلعتي عينها وطبعًا هذه الشي الوحيد الي حابتة الباقي علامة أكس ماي MOM

أمي :- هههههههه بنـتي عادي أمون عليج

آيريم :- أبن أُختج المصون شوكت يجي يخطب ؟

أمي :- باجر السـاعة بالتسعة الصبُح

آيريم :- stop stop طالعين تهريب ههههه

سكتت وكتلها :- ليش ؟

أمي :- يعـقد عليج وتسـافرون سوه وتقيمون

آيريم :- ماخذة موافقة أحمد ؟

أمي :- أبـوج ، اي طبعًا

آيريم :- مسوية عليه اتفاق ههههه

كمت صـعدت فوك وكلت بگلبي :- تحـلمون والله

قفلت باب الغُرفة طلعت تلفوني اتـصلت على آسر رفعة وكال :- صوت العافية خيتي كولي

آيريم :- آسر الغـالي أخوي مشتـاقتلك السند أنتَ

آسر :- كولي ياخوية صاير شي

سولفتلة الـسالفة وكال :- آيريم أُختي

آيريم :- عيني

آسر :- أكو مفـتاح بيتي بالحديقة مالتكم تحـت السندانة مالت الـورد الجوري مدفون

آيريم :- شوف شوف المخططات من الشخص الصح اي يا عيني اندل كول

سمعت صوت جـوه ما اهتميت سمعت آسر كال :- وروحـي للبيت وابقي بي

آيريم :- واذا آجو ؟

آسر :- ما يجون لهـذه البيت محـد يندلة بيتي

آيريم :- شلوووون أخ عندي أني يحفظك الله الي

آسر : ويحفـظج خيتي بالج على نفـسج

آيريم :- ما طلبت شي بسيط هذه تعرفني أكيد ميحتاج ادير بالي على نفسي

آسر :- اعرفج ما يحتاج اوصي أُخت أخوج

آيريم :- أُخت الغالي قصدك

آسر : بالضـبط

تذكرت شغله وكتله :- اكو فلوس بالبيت ؟

آسر :- اكو بس ٨٠٠ الف ضامهـن اني تلكيهن بالصندوك ومفتـاح الصندوك بالسطح جـوه الكاشية الي تصير بالزاوية صـبيتها أني بس انتِ فلشيها ورتبيهـا أكيد ما اوصيج

آيريم :- عد عينك

آسر :- وإذا تحتاجين مبلغ بسيط مصرف تلكين بالمجر الي بغرفتج تمام

آيريم :- تمام

سلمت عليه ورحت نزلت للحديقـة خذت المفتاح ورحت لغُرفة أمي لكـيتها نايمه كـلت الحمدُلله ما شافتني رحت صـعدت وضميت المفتاح ونمت كعدت الساعه بالستة الصبح فتحت الشبـاك وباوعت للسماء زين بعد الجو دايريد يكشف

رحت غسلت بدلت ملابسي لبست ملابس طلعة ونزلت على كيفي فتحت الباب وطلعت على كيف طلعت للشارع العام أجرت تكسي ودليتة المُكان ساعة ووصلنة فتحت جنطتي انطيتة الفلوس اله وراح هاي المنطقة هادئة دائما گُلش ماهتميت رحت فتحت الباب ودخلت للبيت

دخلت رحت لغُرفتي بدلت ونمت

....

كعدت الصبُح الساعة بثمانية نزلت جوه لكيت حُسين كاعد دايكلب بالتلفون باوعت عليه وكلت :- شوكت تفك التجبير مال اصابيعك ؟

- مو هسه يحتـاج الهن وقـت

كمت احضر ريوك شويه وسمعت صوت حسين وكال :- انطيني تلفونج ريتاجه

....
يتبع ⬅️ - البارت الواحد والثلاثين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.