رواية حيادر الراء . الفصل الثلاثون 30 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

....

- ريتااااااااااجه نزلي رااااااااسسج

نـزلت رأسي سمعت هورنات قويـة إخترقت طبلة أذاني ثـواني واصطدم بعدها رأسي بـشي قوي گُلش حسيت طلعـت حرارة قوية من راسـي نكلبت السيارة خليت أيـدي على رأسي نضربت ضـربة على صدري بقـوه ورجعت ليورة أقوه وأريد أستـوعب شنو صار

بس وعيت على نفسي وره دقائق بين ما السيارة خذت موقعها من الحادث بين الواقع والحلم اسمع اصوات ناس وهوسة واني ما أكدر اشيل نفسي اصبعي ما اكدر احركة واحس شي مخترق رأسي والناس اصواتهم تعلى

- عوائـل بالسيارااااات يا ناااس
- السيـارات راااااااح تحترك طلـعوووووهم

- نادي عليااااا مظهر العجائب
- يااااااااااعلي

ناديـت ياعلي وياهم وبعدهـا سمعت أخر كلام مُمكن اسمـعة وأني بهذه الوضع ما أعـرف إذا جان واقع او حلم او شي ثاني ما أعـرف شكد مر الوقت ما أعرف وين هسٰه أني صحيت واسمع كلام :- " مُستحييييل نكدر نسوي الها عملية وهيَ بهذه الوضع مُستحييييل نفقدها جدًا خطرة أخطر ضربات مضروبة الي هيَ على الرأس و على القلب "

- دكتورررررر ماااات
- إنا لله وإنا إليه راجعون

- دخلو البقييييية سريييييع الاطباء ويييين ؟؟
- كم شخص كُلهم ؟

- ٨ اشخاص وطفلة متضـررين فقدنة شخص منهم
- كم سيـارة ؟

- ٣ سيارات بالحادث
- لا إله إلا الله

حُسسسيين لاا أخوي كلت هيج حسيت لساني نطق هاي الكلمات بس لا گلبي الي نطقهم ما اكدر اتحكم بجسمي يون عليه من كُل ماخية وما أعرف مو دايحجي أتوقع أكـثر من شخص ما أعرف شلـون أريد احرك أيديه رجلية ما داكدر شـلون احجي بس حاسة السٰمع داسمع

ثواني وأجه وجع قوي براسي من كد قوتة حسيت داشوف اشياء غريبة ما قاومت واستسلمت للوجع الي براسي بعدها ما حسيت ب أي شي

....

كعـدت المُغرب على صوت أغـاني فتحت تلفوني لكيـت فُستق دازتلي :- صدُك حيييادر ما باقي شي وتجي

- اي يا هيُامي اقل الاسبوعين وأني يمج

دزيتـها وكمت دخلت للمطبـخ لكيت آسر مشغل أغـاني ولابس صدرية مال طبخ ولازم الچفچـير بأيده ويلعب چوبي باوعـت عليه وكتله :- كووووم وقت صلاه صلي وطفـي الأغـاني

- أني انتهيت ومحمد
- خيرك ؟
- تعبت تعبت أريد رجل

- ايا ادب سزز كوم شـلون صدق سوء
- ها أني صـديق سوء
- لعـد أبوي

- شو كوم صلي واقره قرآن وبعدين تعال كلي صديق سوء

كمت توضيت وفرشت السجادة صليت وكملت وكمت للتلفون ماكو اي مسچ من فُستق دزيت الها :- " من تكعدين من النوم جاوبيني "

دزيت الها وصاحني آسر :- تعاااااال اتعشه يمعود ورانة حساب وكتاب

- جايـك

رحنة تعشينة كملنة وكام آسر غسل الاماعين وأني رحت للغُرفة كمل وأجه وراي وكال :- باجر عدنة اخلاقيات الطب

- اي

- الله وكيلك أني الزم المريض اشكة نصين اخلاقيات شنو

- لا يمعـود مو لهدرجـة

- ولله اطلع بي قهر الخمس سنوات كُلها اكلك لك ها لمن دارس خمس سنوات لأمي لو لاحمد

- لا لاحمد

- انسلك أحمد اي ولله على هذه الضيم

ضلـينة نسولف مر الوقت صـارت الساعة بالوحدة باليل كـمت دخلت للغُرفة أول ما دخلت خـذت التلفون باوعت عليه هم ولا مسج :- شعـجب فساتـق ما تطول هيـج دائما ترد عليه اتصـلت عليها ماكو فصل

رحت دزيت لحواء :- حواء خويه كاعدة

انتظرتها وره ربع سـاعة دزت :- اي حـيدرنا كول

- شوكت اخر مره حجيتي وي فُستق ؟
- صار هواي ليش صاير شي ؟

- مدا تجـاوبني
- اتصلت عليها ؟

- اي ماكو فصل أول ما اتصلت شو اتصلي على الرقم شنو يطلعلج ؟

....

كالي حيدر اتصلي على الرقم أول ما كالي هيج رحت اتصلت على رقمها أول ما اتصلت طلعلي الرقم مغلق

خفت ورحت دزيت لحيدر وكتله :- ماكو دايطلع مُغلق

- ولله ؟

- وداعتك خوية

- فُستق أبدًا ما تغلقة حـواء مُستحيل صاير شي اتصلي على أمـها وشوفي شكو

- حيدرنا الساعة بالوحدة هسه نايمين خليها على الصبُح

- تمام حواء

....

سديتة منـها ورحت تمددت ونمت كعـدت على أذان الفجر رحت اتوضى ورجعت للغُرفة باوعـت على تلفوني ماكو اي مسج دزيت الها :- " إذا كعدتي تصلين وشفتي مسجاتي دزيلي مسج بويه "

كمـلت ودعيت الها بصـلاتي ولميت السجـادة ورجعت نمت كعدت الصبُح أول ما كعدت رحت دزيـت لحواء :- " صباح الخير حواء إذا كعدتي اتصلي على أُم حُسين وشوفي شكو ماكو كُليلها ضل بالي على ريتاجه اتصل عليها ويطلع مُغلق وشوفي شنو تكلچ ورجعيلي جواب بأسرع وقت ابويه "

دزيت الها وطلعت غسلت ورحت للمطبخ

....

كعدت الصبُح الساعة بالتسعة رحت للتلفون لكيت مسج من حيدرنا الساعة بالستة الصبُح دازه ودزيتلة :- صباح النور بس أغسل واتريك واتصل صار

دزيـت هيج ونزلت غسـلت وكمت احضـر للريوك شويه وكعدت اسماء واجتني وكـالت :- خلي يمج رواسن بس اغسل وأجي اسوي الريوك أني

خلتها يمي وكامت ضليت العب وياها كعدت أمي واجت أسماء حضرت الريوك وتريكنة وكملنة وكمت نظفنة البيت أني وأسماء

مر الوقت وكملنـة ورحـت صعدت فوك اجاني مـسج من حـيدرنا فتحتة حان كاتب :- يله خويه ما اتصلتي على ام حُسين

- راح اتصل هسه

أول ما دزيـت دز :- استعـجلي حواء

- دقائق

دزيتـلة ورحت اتصـلت على ام حُسين يرن يرن ومـاكو اتصلت أربع مرات ونفس الشي رحت لحيدرنا ودزيـت اله :- اكُلك بس يرن ماكو جواب

- رجعي اتصلي

- اتصلت أربع مرات حيـدر وبس يرن ماكـو اي جواب

- شو اتصلي عليه

أول ما دز هيج اتصـلت عليه فتح خط وكال :- حـواء أخر رسالة من ريتاجه من أمس العـصر ولهسه ماكو اي شي منـها بالعادة تدزلي دائمًا وإذا تعرفني مشغول ما تـدزلي اي شـي وبس ادز تجاوبني أبدًا وا تطول هيج

كمل وكتله :- ان شاء الله ما بيهم شي حيدرنا ماكو شي قابل شنو يصير

- شقيقتها حواء لو صـاير عليهم شي

- لا ان شاء الله ماكو راح أروح لأمي اخليها تروح الهم واجي اكُلك

- عفيـه عليج

- يله خوية مع السلامة

- في أمان الله

سديته ونزلت لأمي وكتلها :- يُمه ولچ عجوزت

- كولي خـيرج

- رتوج ممراسلتني من أمس المُغرب وادز الها ماكو واتصلت عليها مُغلق وهيَ أبدًا ما تغلقة واتصلت على أمها وهم ماكو روحي الهم وشوفي

- جيبي موبايلـي اتصل عليهم

- ما يجاوبون

- دجيبي

رحت جبت الها التلفون وخذته مني اتصلت على أم حُسين تقريبًا خمس مرات وماكو اخر شي كتلها :- اتصلي على أبو حُسين اخر حل احسن ما انضل بقلق فدوة يُمه

- دقيقة لاتلبكيـن

اتصلت على أبو حُسين أول اتصال ما جاوب الثاني هم ما جاوب بس يرن الثالث فتح خط وسمعنه صوت :- الو

أشـترت عليها تفتـح مكبر الصوت فتـح مكبر الصوت وكـالت :- الو السلام عليكـم أبو حُسين

هوسة الاتصال وعام وناس دعيت بگلبي ماكو شي يارب جاوب صوت شاب وكال :- الو منو وياي أني مو أبو حُسين

كـلت بگلبي الله الي يستر وكـالت أمي :- منو بله زحمة وين أبو حُسين ؟

- هذه أبو حُسين بس ما يكدر يجاوب
- ليش ومنو أنتَ ؟
- أني أبن اخوه

طفـرت أمي وكالت :- ليش صـاير شي ؟

- أبنه وبنته سوو حادث أمس على الخط السريع واثنينهم بالعناية المركزة

سمعت هيج لو كُل جسمي رجـف اباوع على أمي تـريد تنطق الكلمة الولد ضل يكول :- الو الو الو

وره خمس دقائق حجت كلمة وكالتله :- يا مُستشفى ؟

- مُستشفى

سدتة بوجه وصاحت :- كوووومي حواء عباتي بسرعة سودة بوجهي سودة عليه

طفـرت أني وكمت جبت عبـاتين وشالات لبست الـشال ونزلت لبست أمي الشال والعـباه على السريع و اجت أسماء وكالت :- خير عمه صاير شي ؟

أمي :- حليييييم وييين صخام ؟

أسماء :- طالع من الظهـر ليش عمه خوفتيني

باوعت عليـه وكالت :- حوواء شكو

طلعت أمي للـباب وكتلها :- ما أعـرف ولله هسه اجانة خـبر رتوج وحُسين مسوين حادث

شهكت وأني طلعت وكلت الها :- ديري بالج على البيت

بعدها ممـجاوبة خليت عباتي فوك راسي وركـضت وره أمي لكيتها واكفة بالباب وعُيونها مدمعـة شافتني وكـالت :- أمشي نأجر يالمفلوكة

سكتت ما جاوبتها الي بيها مكفيها أجرنه تكسي وكبل للمُستشفى أول ما دخلنة شفنة الناس هواي شنو هاي شجابهم ذول شافت أني دكتور وكالتله :- الله يخليك دكتور أمس صاير حادث ونقلو أثنين شباب هُنا بنيه وولد ؟

- اهلا اي فوك بالطابق الثالث نقلو كُل المرضى الي تضررو بالحادث مال أمس

ما جاوبتة أمي وراحت كبل للمصعد باوعت عليه وكتله :- شُكرًا

ما سمـعت شنو كال ورحت اركض وره أمي صـعدنة بالمصعد وادعي يكونون بخـير يارب دخلنة الطابـق الثالث شفنة أبو حُسين ويمـه مره واثنين ولد وكاعد على الـكرسي راحت اله أمي تركض كعدنة يمه وكالت أمي :- شنو صاير يا أبو حُسين

جاوبنة بصوت خافت وكال :- مصيبة وكعت على رأسي

بجينة وكالتله أمي :- يا ستـار يا ربي شنو صـاير دخيلك يا علي أم ريـتاجه وييين ؟

ما جاوبها وكالت المرة الي واكفة يمه تصير عمه ريتاج : صعد الضغط وانطوها مهدئات ونايمة بالغُرفة وحُسين وريتاجه من الحادث ونقلوهم للمُستشفى باليل

أمي :- هاي كُله صـاير أمس وأني ما ادري شـوكت شلون صار الحادث وشلونهم زينين ؟

عمتهم :- سيارة حُسين سرعتها عالية ومكلوبة ومتضررة سيارتين وياها

شهكت أمي وكالت :- دخـيلك ربي شلونهم شلون البقية ؟

عمتهم :- واحد ميت من هذه الحادث وأثنين ما متضررين ذاك الضرر الطفلة وابوها وريتاج واخوها بالعناية المركزة همه والبقية وحُسين بغيبوبة وريتاجه هم والبقية واحد منهم داخل غيبوبة

أريد استوعب شنو جاي تحجي رسًا قاطعتها وكتلها

حواء :- وين غرفهم؟

اشرت على ممر وكـالت :- بـذاك الممر غُرفة ريتاج الثـانية وحُسين الخامسة

رحت الهم وأمي بقت بعدني ما داخلة الممر دك تلفوني باوعت عليه حيدرنا دايتصل مسحت وجهي بحيرة وكلت :- هسه شنو اكُله أني فُستقتك بالعناية المركزة لو شنو

عفتـة يرن ورحت وكفت كبـال غُرفة رتوج باوعت عليهـا من وره الجامة الغُرفة ضلـمة گُلشي ما أشوف شلون هسه رحـت تمشيت لغُرفة حُسين بس باوعت عليـه قشعر جسمي من الأجـهزة الي داير مداير جسمة

رددت بگلبي :- يارب لطفًا بيهم

جهـاز القلب على صفحه اصـابيع ايديه مجبريها رأسة مـشدود حلكة بي صوندة صدرة مشـدود بشي أبيض ومغطين نصـف جسمة بشي أزرق

وخرت من يمه مسحت وجهي من شكلة وصفنت رتوج هسه شنو حالها دافكر ورجع حيدر اتصل عليه باوعت على الاسم وكلت :- شكُلة هسسسه شكُلة

فتحت خـط وكال :- حووواء صدُك تحـجين وينج ؟

- بالمُستشفى

سكت وره دقائق كال :- شنو صـاير ؟

- حُسين مسوي حادث وويا رتوج واثنينهم بالعناية المركزة

سكت وقت طـويل وراها كال :- لااا حواء

....
- بعد مرور يومان -

فتحت عيني بتثاقل واحس جسمي مقيد من أي حركة ووجع بكُل جسمي لا لا لا ما بيه شي أني وحُسين ما بي شي لا فتحت عيني الغُرفة ضلمة وصحت :- حُسييييييييين ويييييينك

أريد افتـح عُيوني بكُل وضوح بس غـواش والغُرفة كُلها ضلمة شلت نفسي بكوة اتلـمس ايديه راسي داتلمس أشياء غريبـة أريد اتـحرك اكو اشياء على جسمي صـحت :- حُسسييين وييينك جاوب علييييه

سمعت انفتح الباب وصوت خشن كال :- إبره بالوريييد بسرعة

- حاضـر دكتور

سمعت هاي الاصوات وصحت :- منوو موجود حُسين وييينه أخوي وييينه جاوببببوني ؟

محد جـاوب انضربت ابره بأيدي شلت ايـدي شل واسمع صـوت عياط بره وصوت يمي خـافت گُلش :- الإصابة جدًا خطـرة دانسوي الي عليـنة والباقي يم الله

بعدها ما حسيت ب أي شي

....

كعدت من النوم رساً اتصلت الاتصال الأول ماكو الاتصال الثاني يله جاوبت وكتلها :- من أول اتصال وجاوبي ليش تخليلني بقلق شلون صارت گلبي يمها حُسين شلون صار شلون صاروا ؟

سكتت وره شـويه جاوبت وكالت :- هوسة مداسـمع شي

- نزلي وطلعي برة

وره وقت كالت :- ها حيدرنا

- شلون صارو بشريني صحو لو لا ؟

- لا زينين صـحت رتوج

- الف الحمدُلله والشكُر ، وشكالو الاطباء ؟

- حالتها خطـرة داينطوها أدويه وابر علمـود ما يصير اي تـورم بالدماغ

- إله إلا الله إله إلا الله وحُسيين ؟؟

- حُسين بعـده عنده تمزقات بالدمـاغ

سكتت وره شويه كلت :- لا إله إله الله حواء اي شي يصير طمنيني عليهم ولله گلبي يمهم تمر هاي الأيام وأني يمكم ان شاء الله

سديته واجاني آسر وكال :- شلون صـارت روحك شلون صـار صديقنة ؟

- اثنينهم نفس الشي

- استلك واشتعل واحـترك أحمد مااا يسفروهم ؟

- خليه سكته آسر وداعتك حيل مابيه نهد حيلي

سكت وره شويه كال :- تـداوم اليوم لو لا ؟

- لا

- راح يصيـرلك يومين يمعوود

- ويعني خلي يصير أسبوع

- كوم ضلعي كوم ولله بالجامعـة افتر وحدي لأن أنتَ مو وياي

- ما اكدر وداعتك ما اركز ب أي شي تفكيري كُله يمهم

- حقك يله ان شاء الله يكونون بأحسن حال

- الله يسمع منك

كام يسـوي ريوك كمل وصـاح الي تريكنة وكملنة بـدل وطلع للدوام وأني ضليت بقلق قراءة ما اكدر اقره سمعـت أذان الظهر وكمت اتوضى

....

كعدت أول ما فتحت عيني اجه على بالي أخوي حُسين رغم الوجع والالم بيه من كُل مُكان بجسمي وخاصةً من جه گلبي اكو نغزات قوية صحت :- منوووو موجووود ؟

دخلو اطـباء على صوتي واجه واحـد بصفي وكال :- ريـتاج كريم شنو تحسين شنو كُليلي بالحـرف الواحد اكو شي داياذيج من جه القلـب  ؟

ما جاوبته وكتله :- أخوي حُسين وينه دكتووور ؟

الدكتور :- زين أخوج تحسـن كُليلي أنتِ بشنو تحسين ؟

ريتاج :- يعني ما مات ؟

الدكتور :- لا أسم الله دانعالجة

ما صدكته باوعت عليه وصحت :- لا أنتَ داتجذب علييييه أميييييييي ويييين أبووووي وييين بالفاتحة مووووو بالفااااتحة ؟؟

الدكتور :- اضربها إبره بالوريد وخـلي ندخلها مباشـرةً للعملية دكتور

أني وين احجي وهمه وين دايحجون تجاهلني الدكتور وجاوبه وكال :- عدها تسلُخ بالشريان الابهر

- طُعم شـبكي داخل وعائي وبأنبـوب ويتغطى التمزق
- الابهررر هذه مو إي شريان

معقولة الأطباء دايسولفون يم المريض ويسولفون عن حالتة أني ويييين ؟

- سهلة سهلة ان شاء الله اضربـها إبره وخلي ندخلها
- لا دكتور خطـرة گُلش نضل على الادوية
- نضل على الادوية صدُك داتـحجي ؟؟

ضلون يسولفون بالإنكليزي ودايسولفون تسلُخ وما أعرف شنو لزمت گلبي بقوة وصحت :- رااااح اموووت

- لغُرفة العلميـات بسرعة وراية وراقبوا ضغط الدم ومُعدل التنفـس سريع سريع

اجه واحد بصفي وكال :- دكتور اضرب الابره بالمغذي ؟

- لا بالوريـد

ضرب الابره بالكانيولا غمضت عيني واسمعهم يحجون :- نستئصل أكبر جزء من الابهر الصاعد ونسد القناة الي تمزقت بين الطبقتين الوسطى والخارجية من جدار الابهر

ثكلت عيني كمت ما اسمعهم بتركيز گُلش استسلمت وبعدها ما سمعت اي شي

....

جنت كاعدة يم أُم رتوج جانت رافعة ايديها وتدعي أثناء ما تدعي طلعو رتوج من غُرفة العناية المركزة اجه الدكتور بأتجاهنه :- راح ندخلها لغُرفة العمليات تتراوح مُده عمليتها من ٣ - ٦ ساعات

أمها :- ليييش دكـتور شصار على بنتي ؟

الدكتور :- مثل ما كلتلكم التسلُخ لازم نعالجة بأسرع وقت لاتخافون ان شاء الله ماكو اي شي خطر نريد دعواتكم النا والبنتكم في أمان الله

كال هـيج وراح رجعنة كعدنة خابرت أمي وطمـنتها كملت منها تبعدت من أمها ورحـت شويه على صفحة خابرت حيدرنا أول ما جـاوب كُتله :- راح يدخلوها عمليات

- شنو عمليات شنو ؟

- الأبهر مالتها متمزق وراح يدخلـوها ويسدون هذه التمـزق ما أعرف شنو

سكت وره ثواني سد التلفون وراح حقه كلت هيج رجعت يم أمها مالكيتها كمت اكيد يم حُسين راحت أول ما دخلت غُرفة حُسين شافني عدل كعدتة وكالي

- كلاص مي من يمج بله زحمـة
- لا شنـو السالفة عادي

انطيتة اله وخلص وكتله :- الف عافية الحمدُلله على السلامة

- الله يسلمج شلون صـارت ريتاجه الوالـدة وين ؟

- ما ادري هوَ أني جيت هُنا عبالي موجودة ورتوج دخلوها عمليها وعمليتها تطول

- يعني رجعـت صحت ؟
- اي

- عملية شنو التسلُخ مو ؟
- اي

- ان شاء الله خير

- بعدها ممقتنعـة عايش أنتَ والدكاترة مـدا يقبلون يدخُل احد عليـها بالعناية

سحب نفس وكال :- لا إله الا الله

- ماكو شي ان شاء الله تهـون
- الله يسمع مـنج

-  يله كايمة أني خاف ازعجنـاك اعذرني
- لا يمعودة شنو السـالفة

أبتسمت اله وطلعت بالممر كعدت

....

بالدوام وخـابرتني حواء أول ما كالتلي راح يسـوولها عملية سديتة منها و رحت لدكـتور زين بالجامعة دكيت الباب وكال :- تفضل خُش

دخلت وكعدت على الكرسي وكتله :- أني طالب طب عام عراقي مرحلة اولى أريد كم أستفسار من عندك

- ايـوا في أيه ؟

- عندي شخص بالعراق سووه حادث سيارة قبل دقائق دخلو عملية تسلُخ الشريان الابهر

- الشريان الأورطـي ؟
- اي نعم

- الصـاعد ام النازل ؟
- الصاعد

سكت طلع ورقة وكالي :- التمزق بالشريان الابهر الصاعد جدًا خطر في محتملات أنُ بيدخلوا عشان أنُ بعالجوا التمزق وبيستئصلوا أكبر جزء من الشريان الصاعد

- دكتور إذا تسـوي العملية زين ما بيها خطر ؟
- ما بعطيش ضمـان أنا فقط في نسبة قليلة

سكت وكتب بالورقة وره شويه كال :- التسلُخ او انفصال طبقات الشريان الأورطي عن بعضهما البعض مما تؤدي إلي دخول الدم ما بين طبقات جدار الشريان وانفصالها

- كيـف يعالجوا ؟

- ايوا طبعًا في الجراحة بيتركب الصمام الجديد داخل الطعُم

- الي هوَ الأنبوب الاصـطناعي ؟
- هوَ داه

خلص وسلمت عليه وطلعت وأني حاير  هاي عمليه بالقلب مو شويه شوكت يخلص هذه الاسبوع على خير واخلص رحت كعدت بالسنتر وره نص ساعة اجاني آسر وكال :- دورت عليك الجامعة كُلها ما لكيتك وين جنت ؟

- يم الدكتـور

انتبة عليه وكالي :- شبيك شو مو على بعضك ؟

- دخلوها عـملية خايف عليها آسر خـايف

- لا تخاف يمعود ان شاء الله قوية هيَ وراح تتعدة هاي المرحلة مثل مادخلت بيت مجرمين وهيَ ماتدري هذه بيت مجرمين وطلعت منه راح تطلع من هاي العملية واقوى

- الله يسـمع منك
- حُسين شلونة

- حسين زين الحمدُلله
- بطل ولله ابو الكدمورنك مشتاقلة گُلش هذه الخايس

- هههه كوم راح تـبدي محاضرة
- يله بعدچبدي

كمنة دانريد نطلع أجت مجموعة بنات واثنين شباب وياهن سلمو عليه ودخلو وراهم أجت ريم بأتجاهي أبتسمت وكالت :- اهلاً دكتور حيدر

- اهلاً
- عندك عرض تقديمي باجر الساعة بالوحدة ؟
- اي شنو عرفج ؟

ابتسمت وكالت :- عادي مو شغلة سرية هيَ المهم قبل الساعة الوحدة تلكاني بالقاعة اشاهدة

باوعت على آسر ضـحك ودار وجه باوعت عليها وكلت الها :- تشرفت بحظورج اكيـد وهسه اروح عندي محاضـرة مُهمة

- تفضل دكتورنا

سوتلي مجـال ومشينة اني وآسر باوع عليـه اسر وكتله :- هاي شمدريها عندك باجر سمنـار ؟

- اكيد تدور وراي

- لو أعرف شنو عدهـا وياك  يمعودة تعالي الي هذه عـاشك ومحد تحلالة أني شاب رقيق أحتاج شـويه حنان ورقم غفران

دخلنه القاعه وبالي يم فُستق وادعي ربي تكون بخير وتنجح العملية

....

مرت الثـلاث ساعة وطلعت رتوج من العمـليات أول ما طلعت ركضنة اني وأمهـا الها مغطين جسـمها كُله وبس راسها مبيـن

دخلوها بالعناية المركزة ورتبو الاجهزة ودكتورة لبستها ملابس مال مرضى زرق ونوب رجعو يمها الدكاترة ثلاث دكاترة وأثنين ممرضين ضلينه نباوع عليهم من وره الجامة وامها تدعي وتبحي ضلت ربع ساعة وراحت كعدت بالممر

ضـليت يمها اباوع وادعي أريدها تكعُد ما أعـرف شكد مر من الوقت وقت طويل واخر شي فتحـت عيونها وشالت ايدها بثقل وكالت :- دكتوووور ليش فتحت گلبي بس لا لكيت حيادر بي دكتوووور

ضحكو الي يمها وجاوب الدكتور وكاللها :- لا الله يشهد گُلشي ما شفت حتى ظل حيادر ما شفت

ضـحكت وعرفت هاي أثار البنچ وكـالت :- أنتَ مزقت گلبي مووو ليـش مزقتة ؟

الدكتور :- غير علمودج يا عيني

ريتاج :- خليتوووو أنبوب بگلبي إنتوا خليتوو انبوب بگلبي

ضلو يضحكون الدكاترة على سوالفها وأني هم وهمزين أمها ما جانت موجودة لو جانت موجودة وسمعت هذه جان دخلتلها وهيَ بالعناية المركزة

ريتاج :- حيييادر نذذذذل

الدكتور :- ليش نذل لا غير بالگلب هذه

ريتاج :- دكتورر سـافر لمصر وعـافني سافر

الدكتور :- ليش سافر ؟

ريتاج : يدرسسسسس طب عاااام ههههه راح يصير دكتور مثلگم وهم يمزق كلوب الناس تمزق مثلگم

ضحكوا الدكاترة وأني لو اضحك لو ابجي مسحت دموعي وضحكت وياهم اخر شي كالت :- الله لوووو هوه هسه متخرج جان هوه خله الانبوب بگلبي موو انتو

الدكتور :- لا ريتـاج كريم شبينه احنه يا عيني ما عـجبناج؟

ريتاج :- لاااااا وجعتو گلبي

الدكتور الثاني :- شبينه غير نطيـناج اقوة تخدير

ريتاج :- جذب ؟

الدكتور الثاني :- وداعت حيـادر

ريتاج :- لاااااا هذذذذذه ماااالتي

الدكتور :- عـوفو مالتها يمعووودين لحد يتقرب مـنه لاتصيحين ريتاج مو زين على راسج ما صـار هواي من طلعتي من

بعده ما مكمل الدكتور وكالت :- الله ذكرتني بيييييي من حضني وكالي لاتصيحين ريتاجه

ضلو يضـحكون وكالت :- صدُك وييينه هوَ ليش ما اجه ؟

الدكتور :- غير بمصر الرجال دايدرس علمودج

ريتاج :- شكد حييييوان

الدكتور :- لاا لا

ضـحكوا وطلعو شافوني واجو بأتجاهي :- نحجت العـملية الحمُدلله الفضل لله بقت عدنه شغلـة وحدة نتأكد منها وتاخذ عشر ايـام وتطلع من للمستشفى

حواء :- ما بيها اي خطورة هسه ؟

الدكتور :- حاليـا لا

حواء :- حاليا !

الدكتور :- اي

حواء :- تمام دكتور شُكرًا

كلت هيج وأبتـسم وراح الدكتـور ورجعت كعدت لأمها

....

فتحت عُيوني بثكل أول ما فتحتهن بغواش عرفت ازدواجية الرؤية هاي تذكرت الحادث من أول بداية لهاي النقطة وصحت :- حسسسسسييييين لاتموووووت فدددوة

....
يتبع ⬅️ - البارت الثلاثين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.