رواية هيلانه الاسر الفصل الحادي عشر 11 - بقلم زهور الـ سلطان

هيلانه الاسر

زهور الـ سلطان

لاتنسون التصويت و كثروو تعليقات بين الفقرات يهمني
رايكم

.
.

مدينتي كبيره المتاها و حوشها
بشر
غيومها سوداء من شده
السخط
يسفكون الدماء يقتلون الابرياء يقدسون
الخطئ
حريتي مسلوبه اعيش في قفص
الجنات
اما ان للحريه ان تفتعل و تغلق ابواب
الاحتكار
للكاتبه
.
.

هيلانه

كعدت اباوع للفراغ و بالي بغير مكان حسيت بالباب
انفتح مهتميت عبالي وحده من البنات مرت ساعه
ساكنه من الوقت و هادئه بغرابه ستغربت ليش لباب

منسد لحد الان گمت من مكاني طلعت من الغرفه شفته
نفسه الخطفني ممتد على كرويته و ذراعه على عيونه و بالثانيه كامش سلاح قلصت عيوني و حجيت بگلبي ...

شلون الكرويته متحمله ثقله و حجمه رجليه رافعهن و طالعات من كرويته راجيهن على ميز بصفها ..... رجعت نضري لجهه الثانيه الباب مفتوح للنص مقافله ابتسمت

فرح حسيت الفرج اجاني بس سرعان ما وگفت خفت يكون متقصد يسوي هيج حرت بين اطلع لو ابقى تقربت من الباب و سمعت اصوات خارج الغرفه رجعت للغرفه و

اني حاطه ايدي على گلبي مرت كم يوم بالنهار اطلع اشوف
الاكل مااخذ منه شي رغم جوع اكل معتدتي بس نفسي
ما متقبله شي دائما اشوف لعبه الشطرنج افكر شيسوي

بيها يعني يلعب وحده الخبل بس لگيت نفسي ما اعرفلها فبديت اجرب احرك بالبيادق وحدي لحد مگلت لسما تعلمني لان ردت شي يسليني هنا فسما تبرعت تعلمني

باليل بين فتره و الثانيه تكرر الفعل مالته يجي ينام على كرويته لو  يا خذ فراش من الغرفه البصف غرفتي حجتلي عنها سما سالتها اول مره اجيت بيها شفت عرفتين فحبيت

اعرف شنو بيها من باب الفضول جاوبتني و كالت مخزن فهو مرات يجيب منه حتى ينام عليه بااخر مره شفته نايم
مثل اول مره على كرويته قميصه مفتوح و صدره عاري

تقاسيم عضلاته و لياقته تجذب النظر ضربت على راسي
اوعي نفسي لان باوعتله لدقايق بدون ما انتبه ايده على
عيونه و صوت انفاسه مسموع بكل الغرفه احيانا ينام و

يقفل الباب و مرات ينسى او يمكن متعمد يبقي لتفتت شفته مفتوح مشيت على اطراف رجليه و وصلت يم لباب
لتفت اله بعده على وضعه ممتحرك  كملت طريقي وطلعت

من الغرفه مقابيلها جان شباك جبير الدرجه مالي جهه
الحايط تقريبا و الجو مظلم عرفت الوقت ليل قطرات
من المطر تضرب على شباك بغزاره نزلت بمهل على

الدرجات واني ما اسمع صوت للبنات كملت خطواتي
بحذر صارن كدامي غرفتين وحده طلعت منها سما
اول مره و الثانيه النغلقت عليه اني و الخبل الخسيس

غرفت البنات مسدوده و ثانيه مفتوحه للنص خفت
امر و يشوفني تنفست الصعداء كلت بداخلي هي
الواحد كم مره يعيش اعبر و الرب وياي تحركت بمهل

الا و دكات كلبي احسها وصلت لكل الساكنين بالبنايه
بعد متخطيت الغرفتين صار كدامي صاله جبيره بس
فارغه من الاثاث المطبخ مفتوح عليها اكو ميز طويل

صاير كفرق او حاجز بيناتهن و بنهايه الصاله باب رحت
فتحته بكل مهلي الخوف و رهبه ردتت بكلبي ياامنا
العذراء ساعديني و كوني معي ...... صار صوت صرير

خفيف من فتحت الباب جفلني بالحضتها و رغم الجو
بارد حسيت بحراره بكل جسمي طلعت من المكان شفت
شرفه او بلكونه صايره بجانب الايمن للبنايه و يمتد

منها درج طويل يوصل للارضيه رفعت نضري شفت
نهايات اشجار ادركت اني بداخل بستان او غابه مكان
مليئ بالاشجار الواضحه امامي بسسب الضوء المتسلط

عليهن من الاضويه البيت خليت رجلي على درج جان كله
قاعدته حجريه و مامتساويه ماكدر استند على المحجر
ولا على الحايط لان يزلكن  و حتى البايات مليانات مي

واني حافيه كعدت ولزمت الحديد حيل و بديت انزل
درجه درجه و بكل مهل بسبب زخات المطر السريعه
تبللت حيل رجلي اذتني لان يدخل بيها حجار كل شويه

اغمض عيني متالمه الا ان وصلت الاخر بايه و كفت
محتاره وين اروح ويا اتجاه المطر قوي بحياتي كلها
مشفت هيج عاصفه بس مره و بوقتها يمي بابا و مارين

امشي بخطوات محتاره رفعت بنطروني للركبه و دخلت
للبستان بعد ساعه المطر صار بس نقاط ملابسي تطينت
اطرافي ما حس بيهن من البروده امشي و دموعي ماليه

و جهي حرت وين اروح و بيا اتجاه الضوه بده يطلع تعبت
بس خفت اوكف و يلكوني مشيت بطريق مستقيمه لحد
ما انتبهت على بعد مسافه نهايه للبستان و سيارات تمشي

بسرعه جبيره صرت اركض حتى اوصل بس فجاه و بدون
وعي مني وكعت بسبب صخره كدامي عطت بصوت عالي
بس بسرعه خليت ايدي على حلكي اكتم صوتي و شهكاتي

رجلي صار توجعني و دم ينزل منها بشكل فضيع سندت
نفسي خليت ايدي على شجره و حاولت اكوم و فعلا
نجحت رفعت انظاري اباوع للطريق بس شفت شي

على بعد خطوات قليله مني ذئب جبير حجمه هائل
فروه بلون رمادي و يباوع عليه بترقب بلعت ريك منه
هو عوه بصوت عالي ...... و اني حتى صوتي ختفى

ماريد اموت هيج بمكان مجهول و من قبل كائن متوحش
و اني بهذا تفكيري سمعت صوت قريب عليه نفسهها بحت
صوته غمضت عيوني بيأس عرفت لگوني .... طلع من ورا

شجره باوعلي بخزره عاگد حواجبه و بيده سلاح رعبتني
تقدم بهدوء للذئب مسح على فروته و الحيرني الذئب
مكيف و فرحان نگلب بزونه بريئه .....
حجه بصوت مستفز .... كورو عرفتك شتميت دم
فاسد ......

عافه و تقرب مني لزمني من تيشبرتي و رفعني اله
الاسر _ شلون تجرئين تشردين يا بربـ...***

بقيت ساكته مجاوبته محسيت الى براشدي قوي و گعني
للكاع جان بيها طين ملئ شعري نهضمت حيل بس سكتت و ما بجيت
الاسر _ اني اعلمج اعرف شلون اربيج

هيلانه _ مربايه احسن منك واحد نذل
عضيت على شفتي بقهر هذا الكلام دار بعقلي بدون وعي
مني حجيته بصوت عالي ...... اجه يمي رفعني من ملابسي

و حجه بصوت جهوري .... گدامي تسرسحي منين ما طلعتي ...... و كفت بمكاني مرديت
الاسر _ مسمعيييين

وكعت دمعه حايره من عيني و رديت عليه
هيلانه _ وكعت ووو ووو هذا

الاسر _ احجي عدل

هيلانه _ تأذت رجلي مااكدر اتحرك

فشرر و كفر بصوت عالي ... درت و جهي استغفر و هو كمل كلامه

الاسر _ .........***و تريدين اصير حمال الخلفوج و شيلج تحملي نتائج السويتي و تحركيي

برطمت شفايفي بقهر و صرت اتحرك شويه شويه بس
حسيت رجلي نشلت من البرد و الوجع الذئب يمشي يمه
و كل شويه ملتفت اليه يباوعلي بعدين يزمجر و يرجع

يدور وجهه خررب حضي حتى ذئب عليه نوب .....
امشي و رجف من الوجع بكل عضامي و عطس بكل
شته اني اصير مقابيل الصوبه ناقصني بس احضنها

و هسه روحي ترجفف اكثر من اديه لتفتلي شافني بعيده
عنه بمسافه اجه يمشي بغضب و شرار يطاير من عيونه
لزم كتفي حيل حسيت نمرد من قوه شده عليه ....

حجيت بضعف
هيلانه _ داتأذيني

دفعني بنتره و صك على سنونه و رد _ مشايفه شي
صدگي و يلا ولي گدامي

ستمرينه نمشي و اني اسحل بروحي و ابجي يعيط بيه
يريدني اسكت بس اني ازيد و ابجي اكثر ما طولنا وصرنا كدام البيت و كفت متعجبه لان ضليت بالبستان لوقت

طويل مو مثله لان يعرف الطريق بسرعه ختصره
كملت طروصلت للدرج افكر شلون اصعد و هو ورايه و اني
بتفكيري حسيت باديد تلتف على خصري قربني عليه
كمشت ايده الي محاوطتني و ابعد بيها ......

هيلانه _ وخرررررر 

صوتج .. كالها و بده يصعد الدرج و اني اريد التمص
من ببن اديه شعور بالقرف اقوى من الم البيه كمل درج
تركني و فتح الباب و كف يباوعلي ...... بمعنى ادخلي

دخلت و هو دفعني من ضهري حتى اتحرك التاذت رجلي
اكثررر صرختت اخخ .... و كتم صوتي بقبضه ايده من حرگت گلبي عضيت باطن ايده و بقوه فلت ايده مني

الاسر _ خررب نجلبتي

هيلانه _ لا تقترب مني مشيت و لتفتت عليه هو عگد حواجبه وجهه غيم اكثر من قبل و مشه وراي جان اكو واحد كاعد على طاوله بالمطبخ و هو مطل على صاله

يمه ريد مدري دُريد و بيداء تسوي ريوك مجان بينهم
سلام بس و گف بدون ميحجي الرجال صارت عيونه
عليه يباوعلي بنضرات مقرفه قرب مني الاسر و گال

بهمس ..... _ تحركي للغرفه
فعلا تحركت لان لعبت روحي من النضرات التوجهت
عليه بعدني معابره العكسه الي يمي الصاله سمعت نفس الرجال يحجي بتعجب و ابتسامه مقرفه على وجهه

_ و اخيرااا شفناك طالع ويحلوه ولا جايبها لهنا

الاسر _ لا تاكل تبن

_ هسه شحجاجي ههههههههه اعرف بيك صاير تخاف من
الحرام اذا خلص عقدك وياها اني موجود

الاسر _ دُريددددد سكته الصاحبك

دُريد _ حير بطحشكك و نسوواانك عووف ريسسس لتحجاجي

حجه بضحكه غريبه كأن بدون وعي يحجي  ....
_ شبيكم سوگ سرايه بعده جديد و ابيعها هنا لو انقلها لسوريا نستفاد من لحمها

سمعت صوت رجه قويه و ضربه و صرخه بيداء جمد الدم
بعروگي شنووو يبيعي يا سراياا هاي ركضت قبل لا يجي
و صعدت حتى جرحي نسيته دخلت للغرفه صرت ادور

على قماشه الفها على جرحي بس ملگيت تعبت و رحت
للغرفه متديت و غطيت نفسي باللحاف و ادعي كون ميصعد و لا اشوفه مرت دقايق وسمعت طبگه الباب

القويه سويت نفسي ميته مو نايمه من الخوف حسيت
بي دخل للغرفه صوت خطواته واضحه بس ماصار شي
بقيت على وضعي ثواني و رفعت الغطه شفته واكف

بالباب مكتف اديه عضيت شفتي من الفشله و رجعت
غطيت روحي ماطال الوقت نرفع الديباج عني رجعت ليورا صرخت بوجههه

هيلانه _ شدسوووي

قربت مني حيل و مد ايده لرگبتي خنگني حيل الهوى
ضاع عليه و هو مستمر يضغط عليها غمضت عيوني بألم
حسيت بنفسي نتهيت بس سرعان ما عافني شهگت بقوه
اسحب نفس قوي .....

الاسر _ لتسويها بعد و تتحركين لان تودعين رجليج

رديت بدموع
هيلانه _ ررر رجعني الاهلي 

الاسر _  خر*** بهلج و ابوج الكو*** حيوانه

هيلانه _ شمسووويتلك اني

باوعلي ثواني بترقب
الاسىر _ سؤالين جوابهن يوديج البغداد
باوعت بي كمل كلامه .... وين رحتي من طلعتي من بغداد

هيلانه _ لدير ......

الاسر _ بسبب لينا جابر و بان

هيلانه _ لا

الاسر _ لاحضتي شي غريب بالقصر

هيلانه _ شاحنات نقل و صناديق جبيره
هز راسه بتفهم ..... اردفت راح ترجعني لبغداد

الاسر _ جؤؤ مو هسه من تتعليمن تجاوبين بدون جذب

هيلانه _ انت كلت ارجعج ليش تصير مو كدها لحجايتك
كتلك الاعرف بييي عافني و طلع سد باب الغرفه و سمعت طكت المفاتيح حيلي باد كمت من مكاني بفزع ضربت

بقوه على الباب و اعيط بس ماكو فايده
واحددد جذاااب ساافل حرگلي گلبي لو اگدرلك
جان ملخته بيدي

ضربت على الباب بقوه و اني اردد

_ مستقوييي عليه الحقيرررر

رجعت لفراشي و اني دموعي تهل بغزاره على خدودي
رغم سهرانه صار يومين بس نوم محاربني تعبانه و هلكانه
بس ما بيه انام ولا بيه ابقى گاعده مسحت دموعي بقسوه

من على وجهي و اني ادعي على الاسر بردت حيل صرت ارجف و سن يطك بسن ازيد من الصبح لفلفت نفسي باللحاف بقوه حتى ادفئ شويه  لحد متعبت و غفيت

بدون ماحس ما اعرف شكد طولت نومتي كعدت على
من حسيت شي يتحرك على وجهي فتحت عيوني بثقل واحس بيهن جمر يحركني حيل شفته هو دفعت ايده

من وجهبيي ردت احجي بس لساني ثگيل كوه جمعت
كلامي و حجيت بگثل ..... ايددك

الاسر _ كافي هييدي ولجج خلشوف شبيج

هيلانه _ مابيهه شيي بس روح عني الجذاب

الاسر _ طفييييي عنااادججج ماريد اسمعلج حس
خنست ورا ما عاط ....

غمضت عيوني و سمعت صوت سما

سما _ هذولي لاصقات

الاسر _  الكمادات احسن

سما _ نفس شي و دُريد حيجي و كتله على علاج

الاسر _ زين

نجريت من اديه فتحت عيوني شفته يريد يگومني دفعته
مكدرت اوزن نفسي رجعت وكعت على جربايه بجيت و اني مهضومه و طنگرت حيل رجع شالني دخلني الحمام

نزلني حاوطني و راسي طخ بي تقريبا اوصل جوه صدره
رافعني عن الگاع بمسافه صغيره كل مااحرك رجلي
ستحيت من الموقف و جهي صخن اكثر و خرت راسي

رجعه بيده مگدرت اقاوم واني تعبانه فتح المي غسل
وجهي و اني شهك بقوه بسبب بروده المي بعدين غسل اديه و رجع شالني اخذني للغرفه مدني على جربايه

لميت روحي بشكل جنين و رجفت صرت اردد احجي
بهمس .... و اگوله بردانه هو مسمع يمكن لان كعد قريب مني و دنگ راسه سمعني جاب للحاف ثاني وغطاني بيهن
ثنينهن حط لاصقه على گصتي تلمستها و ردت اشيلها عصر

ايدي و نتر امبعدها

الاسر _ لا تلعبيين
سكتت عنه و اني اخزر بي رفع حاجبه و ابتسم بستهزاء ..... نفتح الباب دخلت سما انطت العلاج
وراحت و خر غطا عن وجهي

الاسر _ اشربي علاج

هيلانه _ ماريد

باوعلي بخزره _ غصبنن عليج يلاا ورااي شغل

هيلانه _ متوليي روحه بلاا رجعه كول امين

عاط بصوت حسيته الاسر _ جيبولها زقنبووووت
تاكل قبل لتاخذ علاج

ما تاخرت سما  جابت طبله صغيره و بيها صينيه
خلتها قريب منه و طلعت اني غطيت و جهي و نداريت
لجهه ثانيه نفخخ بجزع الدوشگ نزل من جهه ثانيه

عرفته رجع كعد يمي بقيت دايره و جهيي هو كعدني
صرت اتلاوه وياه و اني جسمي نحلان استسلمت اله
و كعدت النومه بطرف عيني كل مااغمض عيوني يضرب

خدي باطراف اصابعه افز اخر شي ضربته بعكسي بطنه
كرصني بزندي حيل بجيت بصوت عالي مسكتت ابدد
و كل تهديده ما فاد اخر شي سد حلگي و باوع بعيوني

و هو عاگد حواجبه سويت مثل و حاول اخزره بنفس
الطريقه مد ايده عصر جهه حاجبي الايمن بين اصابيعه
الابهام .... و الوسطى _  نزلييي حاجبججج بر**

دردت و جهي بغير جهه سوالي لفهة و قربها من حلگي
سديته و اخذتها منه اخذت عضه صغيره لعبت روحي
بلگوه بلعتها و متقيئت للاسف جان تلفت ملابس

رجعت خليتها بالماعون
الاسر _ اشوه اله تكميلها

هيلانه _ مو طيبه ماريد
اخذ نفس احسه ديصبر بروحه العينتين... رجعت كملت ...
_ و ااا انت روح خلي سماا تجي

الاسر _ تعلميني انتي بعدين تخلين البنت و تكتيلها وين تگدرلج

هيلانه _ لعد بس انت تستقوي عليه

الاسر _ اسكتي و اكلي  .... كالها و هو يقرب خاشوكه من شوربه صدكيت حلگي حيل هو ما هتم دخل الخاشوكه حسيت راح تنكسر اسنادي فتحت حلگي و كلتها صرت

ابجي ماريد هو گاعد وراي و اني گدامه و مقربني على كتفه بجهه اليمنه ....

الاسر _ تدرين ما اعوفجج اذا متاكلينها فصيري حبابه

هيلانه _ ماريدد

نترت ايدي الي بقبضته و شمرت الخاشوكه سكت
عني اخذ خاشوكه ثانيه و عصر فگي حيلل بيده
راح جبريني اغير اسلوبي لتعاندين محد يخسر
غيرج

بعد اصابيعه القذره عن فكي كمشته متوجعه
هيلانه معليكك اني مو بلعبه حتى اخسر او افوز

الاسر _ الحياه بكبرها لعبه
سكت ما جاوبني و جبرني اكمل الشوربه جاب العلاج
و خلاه گدامي
_ تعرفين تشربين لوو

رفعت عيني اله بخزره و الادويه عباره عن شرابات
و اني اكرهم

هيلانه _ اريد اشرب مي

غلس مجاوبني رجعت حجيت ...... افتحهن صلبات

الاسر _ افتحهن ليش لا
فتحاهن جان اخذ الاول و خليت قطره بالخاشوكه
و شربتها رفعلي حاجبه ماراضي  ...... مهتميت شربت الثاني هم بس الثالث مر شربته و صرت ادردم

هيلانه _ هسهههه انت شعليك مو خاطفني امرض اموت جايبلي علاج يلعب النفس مثل خلقتك

الاسر _ نامي

هيلانه _ وخر مني اول شي

رد بنتره
الاسر  _ لا تتحركين اربطججج و الخلفج

هيلانه _ حيوووانه عندككك اني

جاوبني برود ...... _ يي

خليت راسي على مخده و درت وجهيي دموعي ينزلن
حارات على و جهيي حسيت العلاج ما فادني بشي
حسيت بي شال للحاف حتى يرجع يغطيني بس

مارجعه فزيت من حسيت بااديه كامشه رجلي فزيت
بوجع قوي شفت منضرهن و شهگت جان لونها ازرق
معرف اخضر بيها خطوط دم  و منفوخه بفضاعه .......

.
.
مارين

مكدرت اتحكم بنفسي و بألم راسي مثل النبض
او دمام يدك بيهه و جهي كمت ما احس بي نشل
حسيت بديه تشيلني فتحت عيوني بثقل مشفت شي
كل شي مغوشش

..... هيلااااانه لحگيلي مدااا شوووف شييي يربي

ايمن _ كافي كافي هسه اخذج لطبيب

خليت ايدي تحاوط رگبته و دفنت و جهي بركبته
نزل بيه ما ادري شگال الخاله بس حسيت بشال
انحط على راسي و طلع بيه صعدت خاله و اني خليت

راسي بحضنها ضلت تمسدليا و تقرا ايات و ايمن
ساق بسرعه ما اعرف شكد بقى بس وصلنا
بسرعه ...... نزلت خاله و اني عدلت كعدتي

لزمت راسي حتى ما ادوخ نفتح الباب و سحبتي
من ايدي استندت عليه بعدنه باب المستشفى
جابولي سديه متديت بيها و دخلوني بغرفه

لونها الابيض الناصع زعجبني و صار الدمام
البراسي يوجعني اكثر اجتي ممرضه ضربتني
ابره بالمغذي و بعد محسيت على شي ......

فتحت عيوني بتعب على صوت الدكتور و ايمن
انتبهولي  كعدت

..... الحمدالله على سلامتج

مارين _ رديت بهدوء  الله يسلمك دكتور

..... لتفت وجهه كلامه الايمن
خلي ترتاح و جيبوها لغرفتي منتضركم كالها و طلع
باوعلي ايمن

ايمن _ شون صرتي
سكتت عنه مجاوبت و عكست انظاري لجهه الثانيه  هو طلع و سد الباب بقوه لزمت ورا شويه اجتني خاله وجهه
اصفر و بس تسأل و اني كلمه اجاوب وكلمه اسكت الا ان

تعبت و نمت فتره گعدت لگيتها بالكرسي المقابيلي
من شافتني صحيت اجتي يمي تطمن عليه
لجين _ شلون صرتي ماما

مارين _ الحمدالله احسن

لجين _ بعده راسج يأذيج

مارين _ يي شويه

لجين _ بيج حيل تتحركين لو تبقين هنايه

مارين _ لا عادي بس ساعديني شويه
ساعدتني خاله اعدل كعدتي رتبت شعري و ملابسي
لان متخربطات و گومتني گدرت اسند روحي و امشي
و طلعنه شفت ايمن  ساند ظهره بالحايط  و مدنگ يشعل

جگارته عافتني خاله وراحت تحاجي التفت يباوعلي
غيرت انظاري لجهه ثانيه شفت بنات ثنين يباوعله
اكلنه بعيونهن بعدين لتفتلي خزرتهن عصبني و هو

اكيد فرحات يباوعن بي اااف مارين شعليج اصحي
عنفسج  تقدمت صرت قريبه على خاله 

لجبن _ يلا ماما دنروح لغرفه الدكتور يطمنه
مشيت وياها و دخلنا اله بدون ممنتضر

سلموا و رد السلام اندارلي ابتسم بوجهيي و گالي
تفضلي گعدت بكرسي مقابيله

سأل عن اسمي جاوبته رد عليه

شنو هذا الاسم الحلو يلا بابا ركزي وياي گوليلي شنو
الاعراض العندج و من يمته

جاوبته
مارين _ من زمان راسي يصير بي وجع بس خفيف
و يخلص من اخذ بندول

متوسطه انتي

لا دكتور طالبه سادس علمي

ابتسم وجاوب ..... صراحه مميين ان شاء الله بتوفيق ....
زين من درسين ساعات طويله يأذيج

شكرا ، يي نعم دكتور بس هسه حتلو معندي يبقى يوجعني

منين

اشرتله على جهه التأذيني و كلت .... يصير مثل الدمام او نبض كلش قوي بهايه الجهه و ماگدر اتحمله حتى المسكن ميفيد

هز راسه بتفهم و رجع سألني ... الضوء تتحسسين منه
لو طبيعي ميأثر

يي كلشش يأثر عليه و تغوش عيوني اخلص و قتي
بظلام و گوه اتحمل اخلص وقت دراستي

لتفت يباوع الخاله و ايمن
_ داء شقيقه احد من افراد العائله عنده

توني اجاوب بلا .... بس سبقني ايمن

ايمن _ نعم دكتور والدها

صفنت متغاجئه اول مره اعرف هيج شي ممنتبهه 
_ يي هذا السبب وراثي و انتي متعرضتله

لجين _ زين يمة الة علاج نگدر نساعدها بي

_ لا حچيه هو مرض علاجه الوحيد المسكنات و الوقايه

ايمن _ اله اعراض معينه

_ يي نعم هو اعتلال صحي يكون سببه الاقوى الوراثه
بنسبه كبيره و نفسي يعاني المريض الم نصفي يدوم
ساعات او ايام يتابعها غثيان و تحسس للضوء و صوت
العالي بالتالي لا يستطيع المريض الاستمرار بنشاطاته

مارين _ دكتور خاف ممكن يقوى ويصير من جانبين مو نصفي

_  شوفي بنتي ، لا فااغلب الاحيان يكون المرض مصابين بنصفي

مارين _ دكتور كلت ماكو علاج زين اكو امور تقلل منها

_ اكيد الحاله نفسيه الاكتئاب البكاء كلها تسبب
الصداع بتالي تهيج الشقيقه ابتعدي عن هاي الامور
و خلي بالمقدمه صحتج اما باقي الامور همليها حفاظا

على صحتح و حاولي تركزين بتقلبات الجو التجئي
الى دفئ شديد خاصه الفتره الجايه لان البرد يساعد
بشكل كبير تهيج الشقيقه و رياح القويه او كل تغيرات
بدراجات الحراره

و طبعا  الاطعمه من مستخلصات الحليب مثل
الاجبان الگيمر و هيج و القهوه ابتعدي عنها بشكل
جبير لان بتالي تسبب صداع شديد الج على العكس

من الناس اليخف صداعهم بسبب القهوه و ايضا
الحلويات عامل اساسي بتولد الصداع و هالشي عام
لان ايضا كثره الحلى حتى للاصحاء يسبب الم شديد

و صداع اضافه راح اكتبلج مهدئات و مسكنات عسى
و لعل تقل عندج بنسبه كبيره

مارين _ دكتور شلون اعرف الشقيقه حتبدي لو راح يكون
المها مفاجئ

_ لا اكو امور راح تصير قبل التهيج بيوم ابساعات و هي

خدر بجوانب الوجه او جانب واحد فقط
تيبس عضله الرقبه بشكل ملحوض

رغبه بتناول نوع معين من الاطعمه
فقدان مؤقت للرؤيه

الحساسيه من الضوء او الاصوات
الامساك

صعوبه بالتحدث او تركيز مع الطرف المقابل
تغيرات بالمزاج

العطش المستمر و رغبه شديده بشرب الماء
ووغيرها من الاعراض

سكتنا و اني الافكار السوداويه جتاحت عقلي و فكري
خوفي شديد من هالمرض هذا بعز تفكيري صارت بالي هيلانه

مارين _ دكتور عني اخت تؤم ممكن هم تكون مصابه بي

_ احتمال قوي بنسبه 60% و بنفس الوقت غير
مشروط لان تراكيب الوظيفيه مو بضروري تكون
مطابقه ........

طلعنه و احنا ساكتين صعدنه بالسياره و ايمن راح يجيب
العلاج خاله گعدت تصبر بيه و تطمني بس بالي مو وياها
رجع صعد ورا ربع ساعه و اخذنا للبيت الهدوء ساد على

المكان الا ان وصلنه نزلت قبلهم دگيت الباب فتحليا
ازاد و اني مشيت سريع ردت اصعد قبل لا يجون و گفني
صوت امير

تعالي مارين لا صعدين رجعت بخطواتي ساكته ما حجيت
شي دخلت خاله و صارو يتناقشون حجتلهم كل شي

رد ازاد بتحسف _ اخخ جنت خايف منها

امير _ گولو ياالله لا تسونها ضلمه بوجها

گام من مكانه ثنى رجله على الگاع و صار مقابيلي
باس راسي بهدوء و حجه بحنيته المتعوده عليها
....... شوفي مارين انتي بس اسمعي كلام الدكتور و ابتعدي عن كل المسببات و صدگي مراح تتأذين بشكل جبير و تقل نوبات ...... هزيت راسي بتفهم

مارين _ يي اعرف بس هسه تعبانه عادي اصعد

امير _ لا طبعا اول شي اكلي بعدين  .... سالتو عن هيلانه

مارين _ يي و گال احتمال 

هز راسه بأسف و طلع من الصاله ..... بقيت جوه

تعشيت وياهم و صعدت الغرفتي نمت بملابسي من تعب
مرت الايام هادئه بيتنه راسي على مهدئات قل الالمها

خاله صارت تبينلي اني احسن من ايمن و الف من يتمناني
بسبب قرب خطوبته وراح نروح الميسان رجعت ذاكرتي
القبل سنتين و نص بوقتها جنت ناجحه للرابع اعدادي
اول مره خطبني بيها ايمن

ايمن اذه خاله و اخوانه بشكل جبير بالفتره ذيج بسبب
خطيبته السافرت و ياابن عمتها و فصخت خطوبتهم
خاله صارت تگول خلصنه من الاحزاب و صارولي احزاب

داخلين هو يغلس عنها وين ميشوف تالين لو هيلانه
يداهر وياهن و صار البيت كله يشوف دم سنونه
ميشوف ايمن الوحيده الي ما يتطاول عليها بالكلام

او يزعجها اني فبيوم مجتمعين بالصاله اني و البنات
و عمو يسولف واامير و ازاد  ويخاله و ايمن يباوع للاخبار اني انظاري كلها عليه جنت احب و جوده و شوفته و كل

ما واحد يجيب طاريه ابتسم مثل الهبله فهو شمر الريمونت من ايده و گعد عدل تحمحم و حچه

ايمن _ ولو راح اقاطعكم بس رجائا عندي
كلام رايدكم تسمعونه

فؤاد _ يي بويه گول

ازاد _ غردد ايموني

ايمن باوع بطرف عينه الازاد و رجع باوع العمو

ايمن _ شوف بويه اني رايد ازوج و اريدكم تخطبولي

باوعوله متفاجئين
فؤاد _ صدگ تحجي

لجين _ يمة مو علمود تنسى شي دمر بنت عالم و ياك

امير _ صحيح انت ما لازم تورط وحده وياك وتوك
طالع من علاقه فاشله

ايمن _ بس شوفو الي راح اخطبها مو غريبه يعني
و مگابلتكم تگدرون تسحبونها مني اذا شفتوني اخذ ايد
رجل ادرررييي شبيكم منصدمين

فؤاد _ و منو هاي

ايمن _ بنت اخوك ... و اشر عليه غطيت بهدومي من الفشله و شرددتت اسرعع من بيب بيب للمطبخ و اصواتهم
توصلني

ازاد  _ جان طگيتكم بحچايه شكبرها بس احتراما للگاعدين نـ....

امير _ انجب

ازاد _ هو نجبيت

فؤاد _ ما انطي بنت اخوي الك

ايمن _ ليش

فؤاد _ لان مهتلف ما امن بيك و ماصار فتره من
فاصخ و فيوزاتك طابگات و صغيره وانت شايب

ازاد _ يابه اذا ايموني شايب انت وين جماعتك

فؤاد _ دگوممم ولككك ازااااد

ضحكوووو الكل على مناگرهم و سدو سالفه ايمن
بس مدام الوضع رجع فتح الموضوع من شافوا مصر
فتحو الموضوع وياي ولان جنت صغيره و ما اعرف

خليت القرار بيدهم بس گالولي لازم اسلم واني
جنسيتي مكتوب مسلمه بس بالوقت العشت بي
ويامي ما همها جناسينه قربتنه من المسيحيه

هي وبابا و اگعين بمشاكل دائما بسبب هذا لشي
الخاطئ السوته و المايجوز احنه والدنا مسلم
وامنه اسلمت من تزوجته بس ما تركت الكنائس

و لا طبقت شي من الاسلام و بسبب تواجد بابا
القليل مجان يعرف هي تاخذنا وياها للكنائس
و نادرا من يسألنا وين تروحون بغيابي و نجاوبه

يرجعون يتعاركون و هي تكله اخر مره بس ما تكون
اخر مره ... و ستمر الوضع الا ان اجينه عشنه ويخاله
و عرفتنا على الدين الاسلامي صار اقرب الا روحي

بس قناعتي و عقلي ماراضي بالفكره بس قل بيوم
خطوبتي گالو لازم اترك كل شي يخص المسيحيه
و فعلا اسلمت بس صرت اتاثر احيانا بهيلانه

لان هي هم حايره بين الاديان و ستمر الوضع
الحد ما تعرفت على اخويه و گلي راح ناقش
موضوع الدين حتى هيلانه و انتي تتعرفون

على طريق الصحيح بعد خطوبتنا ما صار شي
غير ان ايمن يتعامل وياي بجفائ و نادرا ما
يحجي وياي و يكرهني بااسمي من يگول مري

اتصلنا بتالين حتى تجي و كل شي جان تمام لحد ما
اجه يوم وصولها و اجلت جيتها و محد گال السبب
اتصلت بيه كم مره تسأل عني و تگول مخبصوه
باامتحاناتي  ......

داومت و البنات جانو منتضريني سلمن عليه بشوق و سألني عن صحتي و سبب غايبي جاوبتهن بختصار
حاولن يطمنني بس خوفي جان اكبر من مجردكلمات
..... فجاه اجن اربع بنات من غير شعبه يباوعن النه

لمى _ خير بنات

... منو بيجن اخت هيلانه

مارين _ اني

.... صدوگ ليش اختج مداوم

اريج _ وين تعرفينها

..... منعرفها بس جانت تخلي روحها بكل سالفه تخصني

زينب _ قصدح جانت متخليجن تتنمر مخوفتجن

..... لا مو هيج هسه متكولين وين

مريم _ انقلت
اول ما نطقت مريم هن ماتن ضحكك

.... عمتيي المديره و تكول ممنقوله

حجتها بصوت عالي و البنات بساحه سمعن و صارن
يتهامسن

گامت لمى و مريم  و اريج صارن يتعاركن وياهن

مريم _ شنو قصدجج

.... واضح القصد يجوز مسويه سالفه مو زينه
ردت الثانيه

.... اني ما رتاحيتلها من البدايه

اريج _ اكلي خر*** حيوانه هيلانه اشرف منجن

لمى _ واليطعن بالناس ويدور وراهم بي كل البله

هجمت گرايب المديره على اريج و صار تغلط

اريج _ اذا مااشمرجن من المدرسه اني مو اريج

.... لا عبالج تخوفينه بااخوج و صارت دفع بااريج
و المكاتل صار ما تعرف من يا جهه لزمت راسي بوجع

ماتحملت الصار زينب عاطت بيهن
_ بنااات لتهيجون وجعع راسها كافي

بهاي الاثناء اجت المديره اخذتنه كلنا محاجت
اريج و بنت اخوها صارت تتهمني غالطه عليهن

فبدت ترزل بيه

اريج _ ست عفوا بس فتون هي الي تجاوزت على بنت عمي و سآلي البنات

گامت المديره تخوزر بس ماردت على اريج حتى
لا تتفاشل وي بسيل ......

المديره _ انطيني رقم واحد من اهلج

اريج _ ست مداعي تقلقينهم بسيل على جيه

المديره _ بس مو ولي امرها

اريج  _ امها و ابوها واختها مسافرين فمااعتقد اكو اشكال

صفنت بكلام اريج الواثق تباوع للمديره و البنات
بنضرات غيض و بودها تشرب من دمهن
اني ما عرفت ادافع عن نفسي مثل مدافعتلي

ما طال الوقت بدرس الثاني المديره دزت علينه
الباب جان مفتوح دگته اريج و دخلت و اني واگفه
اباوع المديره گاعده بمكانها و بسيل گاعد مقابيلها

عتخم و مخلي رجل على رجل لا بس كوت بيجي
و تيشيرت مغطي رگبته بعدت انضاري سلمت
و گعدت افرك بااصابيعي متوتره

اريج حجت الي گالته فتون هو هز راسه و باوع
للمديره بفتور

بسيل _ باجر اجيلهن نقل

.... لا استاذ اقل من الشهر و يطلعن ما يصير

حجه بحزم و الغضب واضح بصوته
بسيل _ زين بس ماريد اسمع تجاوز على بنت عمي
او اختي

..... ان شاء الله

گالها وطلع كلامه و شدته وياها عبالك هو المدير
مو هيه مديرتنه مو جبيره حيل نهايه الثلاثين بس
اكبر من بسيل

مارين _ ارتاحيتي

اريج _ شويه ابالي اروح اطلع بروحهن صدگ تعالي راح تجين لميسان

مارين _  يمكن و اني ما راغبه الروحه اخاف اصلا
اواجهم او اشوفه يزوج و يعقد و اني اتفرج

اريج _ تفرجي هسه حتى لا تضلين حزينه دوم لاتنسين
الكتئاب يأديج بعدين اني فرحانه عرفت عماتي مختاراتله
حيه العشيره و بعدين امي متشوقه تشوفج

مارين _ منو 
و اني هم مشوقه اشوفها

اريج _ اسمها حنان تصير گرايب زوجه عمو احسان

مارين _ خاف تعذب خاله

اريج _ لا يمعوده محد يعذبها غير تالين تطلع بروحها
و حنان يي هيه راح تكرها بعيشته  ..... متشوقه
حضرت ملابس طگ بالگاع

مارين _ اني حتجيبلي تالين

اربج _ ادري لان نسقت وياجن اخر مره خابرتها

مارين _ ههههههههه تمام

اريج _ دضحكي ولج هي دنيا خلصانه

خلصت الفرصه و بدرس الاحياء دخل استاذ عمر وهو لابس قاط سمائي و قميص ابيض وربطه حمره مزغرفه بخطوط سوداء اكثر استاذ مرن و يتقبل الشقه و يغير جو .....

..... السلامن عليجن

ضحكن البنات و ردن ..... عليكم السلام

...... شلونجن امورجن

ميساء ... هاي شنو استاذ طالع

... اخبل ادري

ميساء _ قصدي طالع جنك قلم جاف

البنات ....  هههههههههه

لا اشاقه طالع حلو استاذ

.... ادري جا تعلميني ... شلونها الثقه
ميساء دائما تشاقه ويالاساتذه و يعرفون طبعها
فما يااخذون عليها نضره هي حبابه و شاطره

بالنصف الاول شرح النا الفصل الاول و الثاني و الرابع

و من بدايه الدوام هو غايب بسبب ظرف و تاخرنا يلا بدينه بالفصل الثالث

.....  يلا شنو تحضيرنه

بتول _ التكاثر باليوغلينا و الفطريات

..... سهله هسه نضحك عليهن و نطفر
رسم اليوغلينا و شرحها

ميساء _ استاذ جنها فلفله

مريم _ لا عنجاصه

...... اسمها عنياصه

البنات ..... شنو هاايي ههههههه

..... لا هي گرايب العنجاصه ..... كملنا شرح و طلع
و هيج كملنا محاضراتنه

طلعت برا مقرره اتمشى للبيت ... سمعت اسمي
نداريت شفتهن لمى و اريج

مارين _ ها شبيجن تتركضن اخذن نفس

لمى _ مو صوجج جينا نلحگج

مارين _ ليش

اربج _ مساع گلتي اريد اقلام مشينه للمكتبه

مارين _ تمام  .... مشيت وياهن شترينه و ذكرت
اول مره شفت بيها استاذ بسيل هنا و من صار الحادث
خوف هيلانه عليه طلعنه من المحل راجعين للمدرسه

مارين _ شعجب ما جابج بسيل

اريج _ اصلا طلع من الدرس الرابع راح ارجع ويخط
مريم هزيت راسي بتفهم ....

لمى _ اني هاي الايام افضل اتمشى ترجعين
وياي

مارين _ يي

اريج _ راح اشوفلنا خط اني وياجن لا تنسين
گلتي البرد يأثر على شقيقه انتبهي ....

كملت طريقي للبيت اني و لمى گالتلي راح تمرلي باجر
و راحت اني دخلت للبيت كالعاده هادئ  بهل وقت
تغديت .... دخلت خاله للمطبخ و هي لازمه راسها
و اضح عليها الوجع

مارين _ شبيج خاله

لجبن _ يوم الضعط هلكني و حتى العلاج مدايفيد

مارين _ اسويلج ليمون

لجين _ يي والله

كمت عصرتلها ليمونه و خففتها بمي شويه و انطيتها
شويه صارت احسن
_ من يجي ازاد گوليله يجيك ضغطج

سندتها اخذتها للغرفه و رسلت رساله الازاد
حتى من يجي يقيسه الها رجعت للمطبخ
غسلت المواعين الزايده و رتب كل شي

صعدت سبحت وغيرت ملابسي بشي خفيف
لزمت تلفوني شفت رسائل من اخويه و تالين
يطمئنون بيها عليه جاوبتهم بااختصار عن

وضعي هو جان قلق حيل بس عنده انذار و ميگدر
يجي و يگول حتى ميس مشايفها هالفتره
طفيت الضوه حتى انام .... بعدني توني غافيه فزيت

عدگه الباب گمت و اني روحي طالعه من عيني ورايحه
للصين عگوله ازاد .... فتحت و شفته مقابيلي

حجيت برود و صوتي كله نعاس
مارين _ رايد شي

جاوبني بأنزعاج
ايمن _ خاتون ناسيه علاجج

لا اراديا ضربت على كصتي
مارين _ يووووه زين گتلي شكرا

ايمن _ عفوا ..... رفعت راسي شفت نضراته
و باوعت روحي شلابسه بسرعه سديت الباب
لان ما وياه امان وصرت اسب بنفسي على ثول

لابسه ثوب نوم قصيرفوگ الركبه .....
لفيت نفسي و نمت گعدت قبل المغرب نزلت
ساعدتهم شويه بالعشه جايبين جاهز بس حضرت

مقبلات و طمئنيت على خاله و صعدت ادرس
ثاني يوم الصبح جهزت نفسي گعدت انتضر ....
للسبعه ونص نزل امير

امير _ صباح الخير مارينه اوصلج

مارين _ صباح النور لا شكرا بس اريد اتمشه

امير _ مزين البرد عليج

مارين _ بس هالمره و راح اصعد بخط ويااريج

امير _ براحتج
طلع ورا دقايق ندگ رحت شفتها لمى و اريج تفاجئت سلمت عليهن و طلعنه سألت

مارين _ اريج شسوين هنا

اريج _ هههههه شبيج مصدومه

مارين _ لان ادري مساكنه بهالمنطقه

اريج _ البارحه جنت يم صديقتي قبل اسبوعين
انتقلت يمكم و البارحه انتفقت ويلمى نمر بيج

مارين _ شوفتكم فرحتني
ابتسمن و كملنا مشي  طلعنه من فرعنه اجتي سياره بااتجاهنه مباشره لمى صارت وراي

اريج _ شبيح يمعوده

لمى _ توني ضربت سياارته

مارين _ ليش

لمى _  بعدين فدوه اسكتن

ابو السياره عكس گدامنا بقوه بحيث التراب مله
وجوهنانزل جامه السياره صرت اكح و اريج طلعت
مي حتى اشرب

لمى _ شبيككك انت تخبلت

شربت مي و رجعنه لفتنه جهه سياره
اريج _ عزااا شسوي هنا

وجهه كلامه الاريح
_ يول شبيج تعزين من الصبح منتقلين من منطقتكم

اريج _ لا بس جنت بيت صديقتي

_ بيها الخير

اريج _ يلاا مرخصتك

_ تجين اوصلج ...

لتفتتلي و اني مخنوگه هزت راسها بقبول
مارين _ روحي انتي ميرضون

لمى _ ولا اني

اريج _ صدگي محد راح يحجي

مارين _ امير و لا عمو يقبلون

من گلتها نزل نظاراته باوعلي و رجع باوع لاريج
لحت اريج عليه حيل فصعدنه اني و لمى ورا و اريج
يمه اني صايره ورا الكرسي الكاعد عليه

اريج _ شنو تسوي بغداد

_ صار يومين هين و اليوم متواعد ويه الاثول ازاد و تاهت عليه و تلفونو مغلق رفع صوته و هو يگول و اكووو ناس غارو من سيارتي و ضربوها ....

لمى _ ايعع عباله بس هو عنده

اريج _ هدوو شبيكم برووق كافي

_ اصغر اخوتج دلعيني لا اهفج هسه

اريج _ هههههههه

_ بس دليني وين صاير المدرسه
عضيت شفتي بقهر عرفته واحد من اولاد عمي
دلته اريج على المدرسه و كل شويه رايح من
فرع بعيد و ترجع تعلمه و نضارتهه اله بحماس

كأن ممصدگه دشوفه الا ان و صلنا للمدرسه
سألت اريج عن منو هذا بس تهربت من السؤال و اخر
شي گالت صديق الولد سكتت عنها و هيج مرت ايام
الدوام اجرتنه خط و خلصت فتره الدوام عطلت

قبلهم لان اني اگدر اضبط المواد بالبيت و ضامنه
دخولي بسيل گال لتشيلين هم الدخول خاف يعاندن
بيه و تالين متركتني ابد هي و امير صار يدرسني بكل

اجازه اله و كل مره يشوفني گاعده بضلمه يشغل الضوه
و يبقى يحجي بمواضيع مختلفه يطلعني من كئابي بيوم
سختت طول اليوم و بليل نزلت للصاله اباوع لفلم اكشن

كل لقطاته توتر صرت اگوم وافتر دخل عليه امير و اني
بهاي الحاله باوعلي ماراضي شبيج تفترين و تعصرين
بااصابيعج راح يتكسرن

جاوبته برائه _ مو من اطگگهن ارتاح

امير _ مابي راحه هذا شي

مارين _ شلون

امير _ اولا تخلي شخصيتج ضعيفه امام المقابل
بتالي هي ناتجه عن هووس ملاحضج تسوي من
تتوترين يدل ايضا على خوف و توتر

مارين _ صحيح من اتوتر اسوي

امير _ يي حاولي تبتعدين يسبب خلل بااربطه
المفاصل

هزيت راسي بتفهم و صعد  .....

و بعد ايام صار موعد روحتنه لميسان

.
.

اتمنى تكون قراءة ممتعه عزيزاتي الفيروزات
اعذروني تاخرت و المشاغل كثيره

لطلعون من دون تصويت حبيباتي

احبكم

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد