رواية هيلانه الاسر الفصل الثاني عشر 12 - بقلم زهور الـ سلطان

مساء الخير فيروزاتي

هيلانه الاسر

زهور الـ سلطان

لاتنسون التصويت و متابعه الحسابي يحلوات اكو منكم طلبو اشباه ابطال شتكولون يمتى انزلهم
.
.
يا قلبي
وان هوى دق بابك  لا تتمردى

الى العقل
عد وقت المشتكى

لما تصبح  ساحتاً للاذئ
اتعجبك تلك همسات الزائفه

كن حكيماً كن حليماً
لا تغرك لوجوه الباسمه
للكاتبه
.
.
هيلانه

مارجعه فزيت من حسيت بااديه كامشه رجلي فزيت
بوجع قوي شفت منضرهن و شهگت جان لونها ازرق
معرف اخضر بيها خطوط دم و منفوخه بفضاعه

شافها و طلع .... عطت من كل گلبي و صرا اناشغ
مثل الطفله دقايق و رجع دخل و ايده بجيوبه
يباوع بكل دم بارد نرفزني

هيلانه _ واحد نگس لتباوعلي

هو بسرعه تقدم خله كف ايده على حلگي و باوعلي بخزره

الاسر _ اشش حجايه زايده رجلج اگطعها و اخليها بيدج

هزيت راسي بخوف عافني و طلع اني بقيت اباوع
للجرح و صرت اناشغ مثل الطفله و الخوف ملئ
گلبي

رجع دخل و بيده سجينه و معقمات صرخت فزع ولميت
نفسي احتضنها

هيلانه _ شدسوووي

الاسر _ الي شوفيه

هيلانه _ عفيه روح مبيه شي الرب عليه

الاسر _ لا حول الله ياربي

تقرب من جربايه مد ايده
سحبني من رجلي السليمه بأيده متديت حاولت اگول
بس اجه عليه لزمني من كتفي يثبتني على الفراش

هيلانه _ ايددك عووفني
بنص توتري و خوفي من وضعنا المشبوه

وخر ايده ثانيه ابتسم تك خد و ثواني و بكل سرعه
خله شي على انفي خنگني بي فقدت الوعي

گعدت ورا فتره و اني خامله و مابيه اگوم تذكرت اخر
شي صار رفعت الغطه عني شفت رجلي مضمده گمت تحركت بشقه مجان موجود و ستمر بعدم جيته جرحي بمرور الايام طاب و سما تعقمه الي بس بقه اثر قوي

ايامي تمر و اني بين هاي الحيطان خنگه و غربه
تاكل بروحي ويكل ساعه و كل دقيقه الاسر ما رجع
من اخر مره عساه لا رجع بس احيانا اتراجع عن دعوتي

اله خوف من الاسمه درُيد صعدت يمي سما هي صاحبه
بشره حنطيه و عيون سوده وجها شكله بيضوي تقريبا شعرها الاسود يوصل لكتفها طويله شويه سمنها حلو مو
مليانه لدرجه كبيره اجت گعدت مقابيلي

ابتسمت و حچت
سما _ اليوم ضاربتها صفنات

هيلانه _ مدكوليلي شگدر اسوي غيرها
قهقهت بخفه عليه كملت كلامي
_ متنزليني يمج

سما _ اخاف يطلبوج

بتعجب
هيلانه _ اكل اني !!!

عبست وجهه و هزت راسها بقبول
سما _ يي كل شي يسمى انثى بنظرهم هو فريسهه

هيلانه _ حتى انتن ؟

سما _ قصدج اني و بيداء و رؤى و بلقيس

هيلانه _ يي

كمشت كتفها بأيدها ثانيه كأنها تعانق نفسها عيونها
ما اجتي بعيوني و توترت
_ ليش متوتره

سما _ اااا لاا يمعوده ليش اتوتر بس دافكر

هيلانه _ بشنو

سما _ شلون احجيلج

هيلانه _ احجي اني افهم

سما _ ماريد اوعيج بس شوفي
تعرفين اكو علاقه تصير بين رجل و المراة

هيلانه _ قصدج علاقه حب

سما _ لا بعيدا عن الحب هي علاقات زوجيه بس زائفه

هيلانه _ شلون زائفه

سما _ يعني مبنيه على اتفاقيه و مصالح و
يمارسون امور محرمه

هيلانه _ شلون محرمه و هم مزوجين

سما _ كتلج زائفه يعني مجرد ما يدفعلها فلوس
تعيش وياها لفتره تعيشها و تتقبل تعنيف

هيلانه _ اووووع الله يبعدنا كله علمود كم فلس
وشلون يگدرن يتحملن الاهانه

سما _ مازوخيات

هيلانه _ شنو يعني

بلعت ريگها و ردت .....
سما _ هن الي يرضن بالاهانه بعلاقاتهن ابسط
شي ممكن اكوله

هيلانه _ اوكي ، بس شوفي يعني انتن هم تسون هيج

سما _ بالقيس سوتها و قنعتنه راح نربح من هاي العقود
زائفه قتنعت رؤى هم اني و بيداء بعدنا درُيد عنهن و گال ممنوع تحجن او يصير بينجن حديث وياهن

هيلانه _ بس هو مو خوش واحد عاار راد يأذيني

سكتت مجاوبتني ......

رجعت سألتها

هيلانه _ ومنين يجبون البنات ؟

سما _ ما اعرف عوفينا من هالموضوع تلعبيين

هيلانه _ يي طبعا ...

سما _ هههه گومي
رحنا على ميز و گعدنا

هيلانه _ شوفي اذا فزت تسويلي شي طيب اكله تلفت
معدتي من سوب بيداء

سما _ هههههه اوكي

بديت احرك بهورساتي ههههه حبيت اسميهم هشكل
و كل مره اگولها سما تتخبل عليه

_ يلا ام هورسات حركي

بدينه نلعب بجديه صرت اماطل بالعب و ابعد بالملك
العينتين احمي بي عنها و مركزه لحد مسمعتها گالت

_ كش مات
طنگرت و گمت للغرفه عطت

_ سمااااا رايده اناام

_ ههههههههههه اوكي

بقيت بفراشي و اني حافضه كل زوايه المكان و كل
شي بي صرت اناقش نفسي و افكاري السوداويه
تزيد لليل صعدتلي سما اول مفتحت الباب گالت

_ تنزلين

رديت بسرعه
_ يي اكيد

_ تعالي مدام دريد طالع

نزلنا گعدنا بغرفتها جانت بس هي محضره نواشف
كباب عروگ و كبه برغل محبيتها و مقبلات

_ عاشت ايدج

_ الف عافيه

_ وين بيداء

_ عدها شغل

اكلنا و خلصنا صرت الملم و ياها بقينه ساعتين جوه
بس ساكتين ندگ باب الغرفه فتحته صار بوجهي

خزرني و لتفت يباوع سما

حجه بحده
درُيد _ شسوي هاي هنا

سما _ بس جبتها تگعد يمي

عاط عليها
درُيد _ واذااا اجهه ابو حرب شتگوليله

طقطقت اصابها و صارت تفرك بايدها بتوتر
دنگت راسها و ردت
سما _ اسفه ما تتكرر

رجع باوعلي
درُيد _ لو اعرف شعاجبه للاسر بيج اشو عيونج
حتى فص بياض مبيها حول

هيلانه _ حول و لازايغه

درُيد _ شقصدج

هيلانه _ سلامه فهمك

رفع ايده بحركه و هو مكورها

_ جرب تمدها اكسرلك ياها

_ صلفه

_ هسهههه و خررر حقيرررر

ابتسم بأستهزاء
ورد و هو يقرب مني
_ واذا ما وخرت

سما _ دريد

خليت ايدي گدام وجهي و گلت اول شي اجه بالي
هيلانه _ اگول لصديقك للاسر اذا تلمسني

خزرني و حجه بعصبيه ...
درُيد _ لو مو هو الخاطفج جان گلت حقها تتحامى بي

_ احسن منك هسه و خررر اريد اعبر

_ اعبري الشرسه

مريت من يمهم و رجعت فوگ و اني ايدي على گلبي
خفت منه حيل مااعرف شلون گدرت ابقى و اگفه
نتبهت على ايدي ترجف بدون سيطره خفت لتبقى

ترعش و بمرور يومين بقيت فوگ مستغربه شلون
هددته بالاسر سما قلت جياتها الي رتبت نفس
احاول اخلي اليوم يمر حتى اتعب ورجع انام
ماعرفت الساعه شگد خلصت كل شي

ووجيت تربعت بصاله لابسه ثوب من سما جديد
طويل حيل جان اكصه صار يوصلي لجوه ركبتي
شعري مفتوح رافعته بطريقه بسيطه و لوحه

شطرنج گدامي و صافنه بجهتين العب جان اسمع
طبگه الباب .......

سماااا تعالي كملي العب دخت و حدي ... مجاوبتي
رفعت راسي شفت رجال لابس ملابس سوداء و شعره
مصفر تقريبا و مدنگ ينزع بسطاله نرعبت منو هذا

رفع راسه جانت لحيه طويله على ووجهه اول مره
اشوف هيج شي خفت ....

_ انتتتت شسوييي هناااا اطلععععع

مرد عليه تحرك بهدوء ينزع بحذائه كمل و عدل و كفته
تقدم بتجاهي جان لابس ملابس اقل مايقال عنها مهترئه
و شماغ على راسه

رفعت اصبع شهاده بتاجاهه وگلت بتهديد

هيلانه _ ايااااك تفكرررر تقرب مني

رد برود
الاسر _ شبيج ؟؟

هيلانه _ ها

الاسر _ ولهدا شبيج جوعرين ؟

هيلانه _ هذا انت

الاسر _ مصدومه شنو شتاقيتيلي

هيلانه _ ايععع ششتاقلك مصدگ نفسك

الاسر _ شبيج بويه

هيلانه _ لا تگول بويه مبيه شي عبالي فطست شرجعكك

تحرك من يمي متد على كرويته
الاسر _ خفت عليج تتخبلين وحدج گلت اجي اونسج تونسيني

هيلانه _ دولي فايخ
گلتها و درت وجهي امشي

الاسر _ وين موليه

رجعت لتفتت
هيلانه _ لعبت روحي منك

الاسر _ دتعالييييي اخخخخ الله هسه من زينج

هيلانه _ مرض شرايد و طبعا شوفني شحلاتي مو مثلك

عض على شفته و كفه جو راسه مستند راسه عليها

الاسر _ بهاي صدگتي صدگ متعوبه لملامح بس بعدج تردين عافيه العليل

توترت بعد كلامه و درت وجهي اروح
هو تحمحم و گال كأت يريد يغير الموضوع

الاسر _ رجلج طابت

هيلانه _ لا متانيتك

الاسر _ شياطيني راكدات ليش تنهضيهن

هيلانه _ هو انت شيطان

الاسر _ متوسيلج حسنه و تسبحيني

متت ستحيت من گالها باوعت بجهته و عطت

_ تخببببلتتت شبيك تگولي هيج

_ يي صحيح انتم ما عدكم لا حسنه و لاسيئه

_ منين عرفت اني مسيحيه

_ اعرف

_ شفت صليبي

سكتت مجاوبني دخلت للغرفه و خفت انام
ويدخل و خفت اقفله للباب ما اعرف شگد صار
الوقت بس سمعت خطواته بالشقه و كل حركه
يعيط و يسب و اشكالل ما اعرف شيصبرني و ياه

فتح باب الغرفه

_ نايمه المسعده

_ اوووف كون اطفي عيونج جنهن قرقوز

تنهد رجع گال بهمس .....
_ بس عاجباتني

حجيت بگلبي و سممم شبي هذا

بقه يفتح بالكناتير اكو مقفولات فسمعت طگت القفل
مبين ديفتح

_ يي يدواعش انتو تعشعشون بگاعي ما بالهين يلـ*****

_ منو ذولي هنوب

كل شويه و سبباهم اخر شي سمعت صوت اتصال مقطع
كل شويه و يصير و شوشه ذكرت الافلام و صوت لاسلكي

حجيه كله بالانگليزي

و اني من شطارتي كلمه افهمها و عشره لا كلامه
بعيد عن الفهم بس بااخر شي رجع يحجي عربي

_ راح اطلع دريد المنطقه راح تنكشف

_ لا تاكل تبن اهتم بشغلك

_ لا ابن الكلب الامير جرذ شويه سم و اسحله انقلهم اله
صار يصيحح بااسمي اكثر من حرسه

_ لا

_ يي

_ ابو هرير بريرر المهم اريده ينذبح

عزااا طلع يذبح و مجرم مو بس خاطف
سلم على الي جان يحجي وياه

ووعلى صوته جفلني
الاسر _ التصنت حرام اهووو شحجي اني نسيت
ما يمكم حرام

خفت منه هذا شلون عرف شهالفشله هسه عباله
اهتم للي دايحجي عت الفطه بقوه و عطت بوجهه

_ شنوووو من كائن يحجي براسي و يقلي
التسمع حرام

_ لتعليين صوتج

_ بكيفي

فتح الجرار طلع منها حبوب و طلع من الغرفه اني وراه
و گفت باب الغرفه هو لبس حذائه و اخذ بطل مي شرب
الحبوب بيهن بقيت مفهيه اكثر من ثنين بنفس الوقت

_ يمته ترجعني

_ حسب يمته ما اخلص شغلي

_ شعليه بشغلك

_ قصدي شغلي وياج بعدني
مراده طلع و سد للباب

عطت .... متصيرلككك جاااره حقيررررر

_ اكليييي نعل و اسكتي لا شمرج لچلبي و هو جوعان

سكتت عنه من ذكرت نضرات الذئب اليه عزاا شون
خاف غير شي ممعقوله الشفته بالبستان يطلع چلب

ستمر الهدوء الغريب الحد اليوم الصعدولي بي سما
و درُيد ........

.
.
تالين

نمت وتقريبا خمس
ساعات كعدت عل صوت دكه تلفوني شلته جان رقم
غريب فتحت الخط و عيوني كل شويه اغمضهن بنعاس

و همست و صوتي كله بحه نوم .... الوو

بس ماكو رد ......
عدلت كعدتي و تحمحمت اعدل صوتي بقيت
اسمع حركه بس ماكو صوت غلقت الاتصال ثواني
و رجع اتصل

رديت بعصبيه

تالين _ ازااد اذا طلعت انت احرگ عيادتك

صهيب _ عيني الحراگه ....

تالين _صهيب

صهيب _ عيناه

تالين _ انت كل يوم برقم وليش مرديت من البدايه

صهيب _ وجج غير صوتج يجيب التايهة و حگ ابو حزامين

ستحيت منه بقيت ساكته رجع حجه

خشن صوته و حجه بجديه ....
صهيب _ تالين اطلعي من العماره بسرعه

تالين _ ليش

صهيب _ حياتج بخطر اكثر من ما تصورين

تالين _ اطلع هيج زين و اغراضي وليشش بخطر

صهيب _ خرـ*** بروح بجساار العار اگلها هيج تگول
اغراضي اهم شي المستمسكات جيبيهن و طلعي جايج
بس حاولي طلعين بهدوء لا ثيرين شبهه

تالين _ يجوز انت الخطر شلون اجيك

صهيب _ نعم الله بويه بس استعجلي بأمانه الله

نغلقت المكالمه ،يياااا بس لا زعل يمكن خربط برقم
منيلي اعداء حتى حياتي بخطر

و بنفس الثانيه اتصل امير ....

جاوبته رد بخوف

_ تولي

_ ها اموري

حجه بسرعه و باارتباك
_ تاالين اطلعي من العماره بسرعه فدوه لگلبج

گمت ادور على جنطتي و احجي وياه

_ بسس ليشش خووفتوني

_ معوووده مو وقتها اطلعيي و اني دزيتلج
حمايتي واحد من الضباط لتلحگين هيلانه وواني
گلبي خلصان

شلت جنطه المستمسكات خليتها بيدي و سألت

_ و ليش قابل اني و زيره لو عندي منصب ليش
ديصير هيج

_ بسببنه مااگدر اشرح اكثر راح اتصل بجماعه و ارجعلج

غلقه و اني اخذت ستره و بنطلون جينز لبسته و لبست
تيشيرت و فوگه ستره گصيفه لونها زيتوني لميت شعري
اخذت الجنطه و طلعت قويت نفسي بس اني من داخل

ارجف و خايفه من الديصير صرت گدام المصعد ردت
افتحه بس منفتح عرفت بي ناس گلبي و گفت اله شويه
بس لا اجوي فكرت ارجع للشقه بس تراجعت مده اليصار

ثواني ابداخلي صار كأنما ساعات ، اخر حل گدامي هو
الدرج الاحتياط گضيت المقبض الباب و ادعي بداخلي
ادعي يكون فتوح غمضت عيوني و گلت ' بسم الله

و جان مفتوح دخلت نزلت من الدرج مو اقل خوف
الاضواء خافته المكان اشبه بفلم مرعب كل صوت يهتز
صار بأذني فجاه سمعت صوت خطوات جايه نحوي

صرختت بخوف و نداريت اركضض ارجع لفوگ ....
بس و گفني صوته

صهيب _ صحووه

وكفت بمكاني مباشره گعدت و اني ايدي على گلبي
صرت الهث بطريقه مستمره بسبب الهبطه ركض
يمي كنبص رفع وجهي بيده يمسح بدمع المجمع بعيني

_ يابه اروح نذر الج بويه كل شي و لادمعين ليش
جيتي من هالطريق ووهو محد يستعمله

مجاوبته كتفيت بسكوت حاوط امتوني من ورا بااديه
و گومني نزلنه من على درج بهدوء طلعني من العماره
صعدنا سياره الوضع بالموصل مخربط الناس تگول

الحدود خطره و بيها ارهاب جيش يگول مجرد امور
عاديه الكل مخلي گلبه بين اديه هالفتره بقينه اني
و صهيب بسياره طفر يخابر و يحجي بجديه حتى

صوت الطرف الثاني سمعته و كل شويه يگول حاضر
سيدي باوعت على انظاره وين متوجهه و ركزت شفتهم
اربع زلم ملثمين وواكفين سوه و فجاه بدو يدخلون البنايه

شكلهم صخم و مخيف صلعان و اشكالهم تسبب الخوف

حجيت بهدوء و اني سانده راسي على الكشن هذولي
الي اجوي يخطفوني

هز راسه بـ يي و نزل
_ وين رايح

رجع لتفتلي
_ لتخافين بس ما اتاخر

_ لتروح بعديين امير گال راح يجون حمايه و ضابط

_ هو لهيج لازم اروح

_ خاف يأذوك

_ اذا بقيتي تخافين عليه هيج عندي استعداد اروحلهم
بدون سلاح

_ صهههيييب مو وقتك

سد الباب وراح ورا شويه هم اجتي سيارتين بس مشفت
منو نزل منها لان راحو من جانب الثاني مو گدام عيوني
خفت لا صاير شي على صهيب اتصلت بي و بأمير اكثر

من مره بس مدايجاوبون اخر شي صهيب غلق تلفونه
خفت اكثر و صرت الوب اريد اطلع حركت مقبض الباب
بس منفتح عرفته قافل السياره عليه

وصلتني رساله من امير يطمني بيها كأن يعرف
كل ديصير و مو بعيد منا

نص ساعه و نفتحت باب سياره صعد و عطت بي

_ وييين جنتتت و گفتلي گلبي

شخص عيونه عليه بنضرات معرفت افسرهن
_ انتي ليش اتصلتي

_ اطمئن عليك

عض شفته بقهر و رد
_ اول تالي ما اكتم صوت ، شدهتني عيونج الخايفه

بقيت مفهيه عليه معرفت اجاوبه هو هم سكت شويه
و لفتت اله

_ اخذني لخوالي

_ خطر عليج

سكتت عنه دگ تلفونه و رفضه ربع ساعه نفس رقم
يدگ و هو مجاهل اخر شي جاوب

_ ها

_ يي

_ شتريدين

_ جاي

غلق المكالمه و شد قبضته على الستيرن حسته خلص
انكسر بيده عبرنه شوارع العامه و راح منطقه ريفيه
خفف سرعته من صرنا گدام سيطره رفع جامتي و طلع

شفته انطاهم هويته و الموجودين تكاتلو بسلام وياه
غريب وين يعرفوه مركزت بالموضوع رجع صعد
بس قلل سرعته

فجاه لتفتت على سؤاله
_ تالين منو جابلج باقه ورد

رفعت كتفي و رديت
_ ما اعرف

هز راسه بجود بس دمارته المميزه الفوگ حاجبه
الايسر بينت و هذا دليل العصبيته و ثاني مره اشوفها
الاولى اول مره شفته بيها جان معصب على رسيل

و اني اباوعله نتبهت قميصه الاسود بي فتحه من زنده
و صايره ناطع سوادها اكثر من كل القميص شفت

خفت ليكون بي شي

مديت ايدي لمستها صارت بيه بقه دم

لتفتلي متفاجئ

_ عزاااا العزاني صهيبب شنو هالدم ايدك شبيها

_ هيج ماكو شي

_ لا عليك الله

_ جرح سطحي لتخافين

_ روح للطبيب بسرعه

_ و شنو يگدر يسوي

تالين _ يعالجها

حجه بجديه و بحماس
صهيب _ لا يمعوده بس شويه تعقيم و تبوسيها
.... صوفر و كمل طب طابت ....

_ مو صوجك وااااحد ميستحي

_ صحيح

_ و بلااا اخلااق

_ ما جذبتي بس للمعلومه كلها تحلف باخلاقي بس
اخر فتره انتي خربيتها بكل مره تجين بالي

_ و دينيييي الاهلي

_ اجيبج لحضني

_ اهووووووووو

_ و جعووووو

درت و جهي و اني ميته من لسانه الفالت
و گف السياره گدام بيت طابقين بنائه قديم ستغربت
شجابنه هنا نزل و اني وراه و عيوني تتجول بالمكان الواضح عليه القدم فتح الباب

_ تفضلي

فتت گدامه اباوع بأرجاء البيت المهتري على طگگتنه
طلعت بنيه شابه شعرها حني جوه اذنها و سمراء لون
بشرتها فاتن لابسه دشداشه كصيفه حيل و على جسمها
مريول طعمام و بيدها كفكير

همست تسلم عليه بوستني و صوتها جان رقيق درجه حسيت نفسي ابو طارق مسؤول عن مولده منطقتنه

.... هاي حياتي تفضلي رتاحي

تقربت من صهيب الي عيونه تباوع بكل مكان اله
بيه صفنت اذا عنده حبيبه و بنيه بهذا جمال ليش
يمثل بخوفه و غيرته و قربه المفرط

متحملت ابقى يمهم تحركت عن المدخل
و بعده صاله  صغيره  مفروشه  گعدت بيها و عيني
على الباب منتضره يدخلون و حراره بگلبي ما عرفت
تفسيرها اجتي دخلت للغرفه جابتلي مخده

_خليها ورا ظهرج لا تنتلفين

_ شكرا

_ تدللين

_ جابتلي مي و عصير و ترخصت تكمل الغده

_ عادي حبيبتي جان جيت يمج بس تعبانه

_ حقج

_ راحت هي و بعد ربع ساعه دخل صهيب عليه

_ بعدج هنا

_ ها قطعت خلوتك

_ هههههه ترجعينها عليه ؟؟

_ عشتوو

_ قصدي روحي رتاحي
سكتت عنه گمت من مكاني

_ وين رايححهه
مجاوبته دخلت للمطبخ شفتها تفتح بالفرن انتبهتلي

ابتسمت و گالت
_ محتاحه شي

_ ممكن مكان اكدر ارتاح بي

_ حبيتتي تدللين بس دنااكل و نامي هسه تعالي
عرفيني عليج ابتسمت بظرافه و قلصت عيونها
السوداء بطريقه حلوه عصرت ايدي بقوه و گوه
فلتت منها ورا الغده

_ دخلتني بغرفه بطابق الثاني اتصلت باامير
الف مره گوه رد

_انتتتت بس فهمني غير اخوووويه شون تأمني
ويه الغريب

_ سوالج شيي

_ لااا بسسس الوضع ما ينطاق

_ حبيبتي تعرفين بيه مااكدر اطلع من بغداد الا باامر من الواء  و العقاب المخالفه نقل مااگدر اجي

_ حبيبي اموري ماقصدد عليك على البقيه ايمن و ازاد

_ و الله يا خيتي ذوله ضاربيني عرض الحايط
و يتصرفون بكيفهم مالهم شور مااگدر ادزج وياهم
صدگي صهيب ما يأذيج اني مأمن بي و باجر لو لبعده
انتي بغداد و اعذريني ما اجيتج بنفسي

ندمت لان حاجيته و هو تعبان لا تعتذر اموري خلص
ولا يمهمك

سلمت عليه و سديته متديت نمت و ما صحيت
الا بوقت متاخر من الليل

11:30م نزلت لان عطشت المكان جان هادئ
الابواب كلها مسدوده حرت وينه باب المطبخ
رجعت و گفت يم الباب رئيسي اذكر من وين
طلعت البنيه ..... تذكرت الغرفه اليسار فتحتها
فعلا جانت مطبخ شفت قوري شاي حميته
فتحت ثلاجه طلعت علبه جبن و گعدت اكل

و افكر شنو نوع العلاقه البينهم و اندب بحضي
الي خله بداخلي اعجاب ناحيته لتفتتت على سده
الباب

جان هو مرتجي على الباب و شعره نازل عيونه العسلي
غامق بس هسه صايرات بني قاتم شرااييين عينه حمر
بارزات على البياض كمل طريقه سحب كرسي من على
طاوله و گعد لملمت الباقي من الاكل رجعته للحافضه

و غسلت كوب شاي و تقدمت اطلع من يمه و هو ستغل
الفرصه سحبني من خصري و صرت بحضنه دفعته اريد
يتحرك ماكو تبسمر بمكانه

لتفتت اله مطنگره
  تالين _ عوووفني

مهتم بقى على هدوئه وجهه مدفون بشعري
_ انت متخاف

صهيب _ منين

تالين _ هايه تگعد

صهيب _ قصدج فرح

تالين _مو مهم

صهيب _ يي شبيها

تالين _ متروحلها و تعوفني تعبت واريد اروح

صهيب _ هسه اروحلها لتخافين

صكيت على اسناتي ورديت بغضب
تالين _ شعليه حتى اخاف

رجع همس بأذني
_ الورد من التوگفين ويا كل مره

_ هو انت ليش تحسسني شايفني الف مره وياه هي وحده

_ بس انتي ما واكفه وياه مره وحده

_ معليك

_ مجاوبتي

_ يي منه و قررت من اوصل البغداد ابلغهم بقبولي زواج
و هسه .....

رفعت راسي اباوع بعينه رفعت رجلي و ضربته باارخص بااصابع رجله عافني و اني طگبتها ركضه سديت الباب  ليفوگ و اني مبتسمه باانتصار

ثاني يوم گعدت من وكت دخلت الحمام غسلت وجهي
طلعت متوجهه للمطبخ شفتها تقلي بيض

تالين _ صباح الخير

فرح _ صباح النور

تفضلي ...

گعدت مقابيلها عدلت گدلتها و گالت

فرح _ البارحه ملحگنه نتعرف هوبي گلي اعوفج ترتاحين

سم بگلب هوبي
تالين _ عمري اني تالين من بغداد و طالبه هنا

فرح _ شرفت و اني فرح من بابل و جيت هنا بشغل
و تعرفت على هوبي اوووف متصورين البارحه شگد
غرتت منج

_ عليمن ... گلتها و اني اشرب مي

_ غير جايه ويزوجي بس هسه مرتاحتلج ما اعرف ليش

_ گوه بلعته و ما غصيت

ابتسمت مجامله و سكتت لو تدري شيسوي زوجها
من حركات تخليلي سم .... طلعت من يمي و رجعت
بعد نص ساعه جانت لابسه نفنوف بسيط بس نازك

_ حبيبتي اعذريني ما اگدر ابقى لان المدير صارم
و ميقبل

_ اخذي راحتج عادي

طلعت و اني ذبيت نفس بتعب افكاري تتراطم براسي
و حايره شسوي گمت اغسل بالمواعين الريوگ

واحجي عليها بگلبي
دگوليي ضيفه شون اكربها و غسل الگلاص بقوه

فجاة ظهري نطخ بشي صلب دادور وجهي اله شفت
بين احضانه راسي مقابيل صدره الي نبضاته مو مستقره
تفاحت ادم الي تحركت اكثر من مره اجه بالي شي بس
رجعت لتفتت وجهت انضاري للادين الي صارن فوگ اديه

دنگ همس بأذني .... على گيفج راح ينكسر بين اديج

تنفرزا دفعته مني
تالين _ و هسه انت خايف لينكسر

صهيب _ لا اخاف تنجرحين

_ هه انت بذات متخاف و خصوصا عليه

_ باوعلي كأنما فاهم اليدور براسي تراجع ليورا

_ و هو يگول

_ جرح صغير احسن طعنه

_ مرتك العينتين.... ليش متجيبها لبغداد

_ منو گال هي مرتي

_ هي

_ هز راسه بتفهم

و اني صفنت بالي گال ... منو گال هي مرتي

_ احس بالج شطح رجعي لهنا يبوي المراة زوجتي

باوعتله بطرف عيني و گلت
_ شوكت تااخذني الاهلي

_ لما اطيب انتي حتى مفكرتي تعقمينها

_ مو ممرضه وين المعقمات

_ اشرلي على الخانه وهو يگول

_ صحيح تبيعين ادويه

طلعتهن من الخانه هو جان لا بس ديشيرت ردانه
قصيره بس رفعته شويه توترت من قربه
بديت افتح بالفاف

_ ابيع ادويه ليش احسك مستهزء

صهيب _ اخاف يبيعونج

رفعت انظاري اله مستغربه .. بقى مركز بعيوني و كمل

يشتبهون عبالها .. مضاد حيوي

تالين _ صهههيييب

صهيب _ مهجه عيونه ؟

تالين _ اكررهك جلمد

نصه راسه كملت تعقيم الجرح شلون مكان لفيته
وردت افلت و قبل لااطلع

صهيب _ باجر نرجع

هزيت راسي و صعدت مر اليوم و اني فوگ حتى من اجتني احتجيت بألم براسي انطتني علاج و اكل بس
منزلت لثاني يوم ندگ الباب جان صهيب زلت وياه

و سلمت عليها رجعنه و طريق متعب و احنه ساكتين
حاول يداهرني بس مجاوبته ليش يمرر المواقف هيج
بكل سهوله و يريد اتعامل وياه بكل ود و هو مزوج

وصلت البغداد و اني اگول بداخلي صهيب فصل
و ورقه لازم تنطوي من حياتي استقبلوني اهلي بطريقه جميله حاولو ينسوني الصار و ضجت على مارين لان

ذبلانه شويه......بقينه يومين خلصتهن بين عائلتي
و صديقتي رسيل و باجر رايحين لميسان و اني
مقهوره  ممقتنعه بكل الموضوع خصوصا لان
اريج گالتلي على العروس المختاريها وحده  .......

يتبع ....👿♟️

.
.
اتمنى الكم قرائه ممتعه
البارت احداثها قليله نهيتهن بارت واحد لان من البارت جاي تبدي الاحداث القويه

تابعو حسابي و علقواا بين كل الفقرات و تصويت

احبكم

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد