رواية هيلانه الاسر الفصل الثامن والعشرون 28 - بقلم زهور الـ سلطان

هيلانه الاسر

زهور الـ سلطان

مهم لا تنسون التصويت و التعليق
مهممم جدا
جان المفرووووض ينزل كل البارت الاخير مثل
موعدتكم بس حاولت انشر ماكو فايده

فقسمته استمحكم عذراً
.

شلون بيه هيج اظل جمرة على جمرة
سوالف تمر بهالگلب
صرت مثل الطير الحمام المنذبح
افرفح على روحي مدري على السنين
جلبت بيها بشجرهم و امنت
بقلمي 

.
تالين

الحياة صعبه و الاصعب منها هو خوفنه على احبائنه
الي صارو يوگعون على سواتر الشرف الدواعش كثرو
و نتشرو كأانتشار السرطان بجسم يأكل كل شيئ
سليم و يذب الانسان غلف ....

ممكن اگدر اتخطى الايام الصعبه الخلصتها بهشيم
( حافة ) الموت بداعش او ممكن اتعود على گعدتي بهالكرسي البارد بس بسس اخويه اه شگد تمنيت

اشوفه مزوج كل مره اشوف جهال ابن عمي سامح
زينب و فرات او كل جاهل اتمنى يجي اليوم و اشوف
اخواني مستقريين بحياتهم و خاصه امير انتضرت
اشوف عنده اطفال و يصيحولي تالين و ما أقبل بأاسم
عمه للاسف

تنهدت بحسره للاسف بقيت عايشه لهلحضه مرت ايام على وجودي بالبيت المكان ساكن كأن

بيت مهجور ما وطئته ارواح ....

أمي مگبالتني ليل ونهار جسمي تجي نوبات من
الهلع اصير ارجف بدون ماحس على نفسي حرارتي
تنزل و تصعد بدون كل اسباب أزاد تارك عياته و ساكن

البيت كل الوقت يمي خاف اتخربط و مارين صار
اربع ايام ضبط بغرفتها أزاد گال مريضه الشقيقه
گابه عليها و متگدر حتى تحچي شي ....

كل هذا و اني ما انطي ردة فعل الشي بس ساكته
و استمع الهم بهدوء جهازي غلقته و رسيل تجي يمي
تواسيني بعض الكلمات .... لي منتهيه صلاحية تقبلي

الهن حتى صهيب متجيبلي طاريه و لا اني سألت عنه
كل فكري يم بابا و ايمن منزلو دوم على الاقل بابا شفته
بس ايمن اريد اشوفه و اشووف امير بي !

كل هذا و اني ما مستعوعبه شي او بلاحرى ما اريد
استوعب او اصدگ لحد ملتمو اهلي .....

لحد معادو العزاء على گلبي و روحي من وصلنا
للنجف حسيت انضربت مي حار مو بارد و ندار
على روحي

هذا مو مكانه ليش اني اتنفس و هو لا

رنت بأذني كلمات الملا
يمة ذكريني من تمر زفه شباب .....

اني امك و بنتك اني راح اذكرك دوم ابويه
تمنيت اگدر امشي و غرگ روحي بالتراب المتروس
عطره .....

بس عجزي طوى حتى علگلبي و نشر شيبات الحزن
بروحي

رحنه زرنه بجيت من كل گلبي و اني كامشه شباك
المرقد بكل حيلي

دموعي توگع عشره عشره فرفحت بلحضتها
و دعيت اتشافى بجاهك عند الله يا امير المؤمنين
يا علي يا علي يا علي ......
ماريد أأذي أمي اكثر من هيج و لا أريد اصير عاله
على شخص حتلو اهلي و لو كل اهلي راحو جو تربان
السلام ......

شويه لمن طلعت كل البگلبي سحبتني مارين طلعتني
من بين الزحام النسوان الإعداد كل شويه تزيد

همست بيني و بين نفسي ما حسبتها تسمعني
تالين _ تعبت حيل

مارين_ حتى اني ان شاء الله تكف عنه دار السلام
ما ريد ازفلها واحد جديد

عرفت تقصد على بارق ووضعه الحرج محد حچه

گدامي بس اصواتهم جانت مسموعه و هم يسولفون
عليه و أزاد شرحلهم حالته گال

أزاد _ رجله متأذيه
و خاصرته داير مداير تلفانه بس الأذى ما وصل
لكليته و ثنين من اصابعه الخنصر و الي يمهه
من ايده اليسرى و غير التشوهات و الحروق بسبب
الشضايه ....

الساعة بالخمسه الفجر دخلو عليهم الدواعش و هو
مراسل حربي جان المفروض يتراجع قبل الهجوم
لان اجاه امر بس بسبب قطع الاتصالات الصار

ما وصله شي و كتلوو عدد جبير من الجنود منهم
التمثل بيهم و هو جان واگع بين المئات مغمى عليه
لل 9 الصبح هو ينزف هو و بعد جماعه من المنتسبين

نقلوهم بطيرات و أزاد وصله خبر ولان يعرف بارق
وين بضبط مخابرين عليه

گدر يدخلهم واحد من اصدقاء ابويه قبل لا توصل
الطيارات اجه الاسعاف سيارات لا وحدة و لا ثنين

طلعوهم من الجنط او اشبه بجياسه منضرهن مرهب
للقلب و العين

يگول أزاد :
رغم شغلي بالطب و دراستي الصارلها سنين بس
ما گدرت ابقى واگف على حيلي و اني اشوف

ملامح واضحه و جسم ضايع حسيت راح انفجع
مرة ثانيه و هالشي ما اگدرله بعد رغم كل شي

نغمى عليه ربع ساعة تقريبا من گعدت چانو مخليني
يم بارق على جهه گاعد و بيدي مغذي ضحكت على

روحي هرجت العالم و هم ملتهين ......

.
مارين

رجعنه من الزيارة و كل واحد بينه راح الغرفته
كل واحد بينه همه أصعب من الثاني اخذت علاجي
و گعدت على فراشي افكر شوكت نگدر نرتاح من

كل الديصير .....
باوعت تلفوني رن بأاشعار فتحته شفت رسائل من
أزاد بسرعه دخلت على محادثتنه من قريتها نخمش
گلبي بنفس الدقيقة اذا مو الثانية دگيت عليه و هو رد

مارين _ الووو ازااد صدگ تحچي شبي بارق

أزاد _ ما بي شي صار وقت عمليته

_ اله بالبصرة مو اني اريد تشوفه فدوه الله يخليك

_ باجر امر عليج الصبح هم اخذ تالين للطبيب و هم
تشوفين اخوج لدگوليلها معايزه

_ لا مچبت طاري

_ تصبحين على خير

_ و انت من اهله

ثاني فعلا مشينه احنه ال ثلاثه أزاد حددلي مكان الغرفة
مال بارق و هو مبلغ الدكتور و سمح ادخل اشوفه .....
حتى أحمد نازل ادور عليه بعيوني اگول هيه تشوفه بس

ماكو ضليت وحدي و هو راح وي تالين يشوف صحتها ...
لبست ملابس المخصصه و كمام و دخلت يمه فزت
كل روح بيه و اني اشوف اخويه الغرفه ضواها خافت
و هو منين ما چان ملفوف

رجليه المجبسه بطنه الي ملفوفه بطبقاتت من البلاستر
و ايده بمعنى الكلمه كل شي جان بي مالوم ( متأذي )
فتح عيونه بطئ و باوع عيونه بحلقهن وصار يباوع

بأ اتجاهي تقريت من يمه بست راسه و اني اهمس
الحمدالله على السلامة غمض عيونه بمهل و رجع
فتحهن ....

ضغطت على اديه حيل أحاول امنع نفسي من الانهيار
بس ما طولت ثواني و عيوني خانني و سال دمعي
بغزازره

همس و صوته مبحوح و ضعيف
بارق _ ل اا لالا تبچچيننن

كمشت كف ايده على كيف مگدرت اتحگم بنفسي فصل عمي طلعت مني شهگات و اني ارد

مارين _ خايفه عليك

بارق _ شش ششبيهه مگبل ( على فراش الموت ) مثلاً ؟

مارين _ ااسسسمم الله لتحچي هيج والله داموت
عبالك بس احنه بالعراق ليش كلكم داتتأذون

_ يول يستاهل

_ بس اريدك ترجع من البصرة و انت ما بيك شي
فدوة اريد اعيش وياكم بس والله ما ريد شي اكثر

_ اباوع عليه دايحرك شفايفه يريد ينطق بس انفتح
علينه الباب

أحمد _ هاا خونه

گمت بسرعه حضنته بادلني
مارين _ شلونك

أحمد _ بشوفتج صرت بخير
بعدت عنه و ضربت صدرة بقوة

مارين _ دگول خل اشووف اختيي يوممين صااار ناززل

أحمد _ غير ملتهي وي العمدة
ها شلون صرت

بارق _ احسسن احسسن

احمد _ باجر الصبح يلا نتوكل للبصرة

ماريت _ اجي وياكم

أحمد _ وازتچ بنص المستشفى ضلي هين و أنلصمي

تنهدت سكاته و بگلبي گلت
اثبتوو على للهجه

شويه و انتلهت الاحمد اشرلي اطلع هستوني داگوم
جان يحجي بارق رافض طلعتنه

بارق _ وين

أحمد _ اخاف راسك يرجع يأذيك نطلع افضل

بارق _ كل شي ما بيه ابقوا لا تصير حنين
حچاها و غمض عيونه

أحمد _ گالها ابو المثل لا تسوي خير الشر ما يگربلك
اضحكي ليش ضامتها

ابتسمت بوجهه و لتفتت فتحت
جنطتي جان بيها كلينكس صرت امسح على وجهه

عكف وجهه و مزعوج بس اني ستمريت مسحت
وجهه رگبته لا بيهن عرگ حرصت ما اقرب من الحروق
بعدها رطبت اكلينكس غيره و مسحت أجزاء اديه السليمه

عفته و رحت گعدت يم سحب راسي خلاني جوه
ذراعه

مارين _ ميس ليش مجبتوهه خطيه

احمد _ تجي وي جدي

_ و اروى وين

_ بغداد

_ بغدادد ليش مشفتها

_ لا موجوده حتى بالفاتحه بس يمكن اجت بس نص ساعة
وي عمتها لان بتها مريضه

_ محد گلي أصلا

_ يلاا خيرها بغيرها

_ هممم ، شبيها بتها

_ جفاف بالكلية و هسه على العلاجات هم بيهه بخت بالشفاعات طلعو من تكريت لو ما تهجرو جان الله
يعلم بحالنه .....

_ الحمدالله و الله گلبي ميتحمل ديرو بالكم على نفسكم
و خطيه متستاهل بنتها

_ الله يشافيها

_ ان شاء الله اگولك هي بس بنيه عندها

_ لا قدودي قمر ههههه  و حياوي يحيى
شبيج عابسه اتشوفيهم يمعودة و تشبعين

_ لمعت عيوني بدمع و اني اباوعله

_ يمته اشوفهم يمته نجتمع بمكان واحد مو كافي تبهذل

_ بس يرجع بسلامه بارق نگعد بالبيت الي شوفتج اياه

_ والله

_ و داعتج

_ حبيبي انت
فزيت و اني اسمع صوته 

بارق _ و انه شني

أحمد _ يول حتى بهاي صاير شريچتي

بارق _ طاح حضك

أحمد _ و المطي عـ....

قاطعه و هو يگول
بارق _ شنوو

أحمد _ ماااااكووو شي داگول مطيحين حضي بالواجبات

سكت بارق و على شفته ابتسامه بوجع مبين على
ملامحه ....

قربت منه بست راسه و رديت

مارين _ ابونا برووق

أحمد _ ها شتريد بعد رقتك مرمر

اكتفى يباوع النه
و هذا كافي بنسبه الي

لشويه و دخلت تالين شافت بارق نايم

و سلمت على أحمد و طلعنا
والسكوت سيد المكان محد بينه عنده واهس
يحچي شي بس بداخلي أمل يرجعلي اخويه سالم

قطع هدوئنا أزاد و هو يگول

أزاد _ تنزلن تتغدن

تالين _ ما اشتهي

مارين _ حتى اني

راح اجيبلكم لغات من تشتهون تاكلون......
ركن السيارة و نزل
لتفت على تالين

مارين _ شلونج شگلل الطبيب

تالين _ كل خير لازم تروح هالفتره علمود تمارين كم يوم
و اگدر تحرگ

_ اخبار تريح الگلب

تنهدت بحسره
_ شيريحح الگلب بعد متگليلي

رفعت اكتافي و عبست شفتي يحركه سريعه
بمعنى ما اعرف ....

ورا ربع الساعه صعد أزاد و هو محمل علاليگ
الريحة مال الاكل ملت السيارة ، ورا فترة مو
طويلة وصلنا للبيت و احنه شوية و نسيحح

من الحر عدالك الشمس عدها فد عداوات ويانه
لاگتنه خالتي و هي تسأل شنو صار و شلونه بارق
گعد يمها حچيتلها و تالين هم حچت الي گاله الدكتور

لليل دخلت للغرفه شفت تالين نايمه و بصفها خاله
و أزاد فوگ بغرفه امير شگد چنت اخاف قبل امشي
بالبيت وحدي بس هسه ما عاد تفرق عندي ....

مرن كم يوم تالين صارت تروح بيهن الدكتور مرات
هي و خاله و اذا مگدرت ادز على رسيل و هي متقصر
بدت تحرك اصابعها طمنها و گال معدل شفائها جان
ممتاز بالنسبة الكثير من المعاقيين المؤقت اكو يطولون

شهور و بارق سوه العمليه الحمدالله نجحت فرفح
گلبي من الفرحه عليه و منتضره جيته كامشه مفاتيح البيت الي سلماني اياهن أزاد قبل ليروح و گلي بس ابلغج تروحين تنظفين البيت ......

.
تالين

مر كم يوم و رحت للطبيب اني و أزاد و مارين
هي اجت ويانه علمود بارق بس ما حبيت ادخل
و حچي شي دخلنه الدكتور و أزاد شرح حالتي

انطاه الفحوصات القديمة جددلياهه و بشرني
بأن راح امشي طبيعي بس أحتاج تحفيز فيزيائي

الدكتور _ جيد خلال فتره قصيرة تمشين افضل من قبل

أزاد _ يعني مراح تسبب اضرار او جوانب سلبيه مستقبلا

الدكتور _ لا بس تلتزم بالعلاج و توكلوا اموركم طيبه ....

أزاد _ رحم الله والديك دكتور

الدكتور _ والديك بالرحمه تفضلوا احذوا راحتكم ...

طلعني من يمالدكتور و چان ناوي يرجعني السيارة

تالين _ ترا اعرف بحاله بارق اريد اشوفه

وگف يباوعلي ثواني و حسيت الرفض من عيونه
بس ما گال شي و اخذني الغرفته شفته نايم
گلبي وجعني عليه ميستاهل شكله يكسر .....

طلعنه من المستشفى و مرت ايام اروح بيها اني
و امي لو رسيل لان احس مارين تعبانة فأدز
عليها و نروح للطبيب تحسنت حالتي و صرت

اگدر احرك أطراف رجليه و بيوم طالعه وي
رسيل بجلساتي الاخيرة البارحه گالتلي صهيب
راجع بلحضتها جنت رايده اعاتبها لان ضمت عليه

شغله بس تراجعت اجه بالي هو محذرها متگولي
ما سألت شي عنه و لا هو أتصل بيه

رسيل _ دانحمس بالحر يوميه يراد تعويض

تالين _ عشتوو لتصيرين مثل أزاد گلي مثل حجايتج

_ ههههه و شگلتيله

_ عود انشل و اعوضك

_ اسمم الله عاب حلگج اليلزگ شلون تگولين هشگل

_ اشاقه ويااه بعدين ليش هيج تفرعنتي عليه من هسه
بايعتني

_ شنو من هسه اسكتي لج

_ سكتنه عيني رسليه

_ تتغدين

_ انتي جوعانه يووو نسيت هو انتي يمتة مجعتي

_ نززول عليج هيج اني اكوله و ما اعرف

_ هزيت راسي بتأكيد
يي و اكثر همينه

وصلنه قريب على الشارع العام ابتعد عني و هي تگول
ااجر سيارة و أجي بعدها مرايحه بعيد لتفتت هي على
صوت هورن قوي مال سيارة

اجتي رسيل بأاتجاهي تباوعلي و عيونها كلها رجاء

رسيل _ نروح وي صهيب

هزيت راسي بقبول مشينه السيارة فتحتلي الباب
و سندتني اني كمشت بأايدي الخ الباب و دخلت السيارة
اجتي عينه بعيني يباوعلي من المراية الگدامه

دنگت راسي بدون ما احچي اجتي رسيل صعدت من
الجهه الثانية ساق بيننه لحد موصلنه قريب لبيتهم

لحضه صهيب اريد اجيب كم شغله عادي توگف

وگف سيارته
صهيب _ انه انزل اكتبيهن

طلعت ورقه ملاحضات كتبت بيها و انطته

نزل من السيارة ما تأخر و رجع فتح الباب وخله
علاگه و خلاها بحضن رسيل و رجع لمكانه

فتحت وحده منهن
رسيل _ شوفي وصيلتلج شي

تالين _ مجوعانه

بس وحده اكليها
انطتني شكرلمه و خلتها داخل كلينكس و انطتني
اياهه ابتسمت بوجهه تعرفني أحبها ساق صهيب
و وصلها هي بالبدايه انتظرها تنزل بعدها تفتح بالباب
طلع راسه من الجامه

صهيب _ عمريلي نرگيله عما أجي

رسيل _ تدلل

دخلت للبيت و هو تحرك شويه مسافه عن البيت
و انتهت السيارة وگفت محچة شي و اني هماتين
رحجيت راسي على الجامه صرت اباوع على الاطفال

يلعبون برائة و بسعادة ضحكاتهم صادقه جدا
رجعني منضرهم الايام طفولتي چنت انتظر
العصرية بحماس حتى اطلع وي أزاد رغم اكبر منين

بسنوات بس اروح وين ميروح هو بحيث ماكو مشكلة
لو عركات مال جهال اني مداخله بيها و امير هو
ايمن و أدم و بعد عندهم اصدقاء جان يستحي من

كميه المشاكل النجيبهه اله اني و أزاد و ميفيد بينه
شي ههه قطع خلوني صوت جداحته و هو يشغلهاا
للمره الألف على التوالي .....

صهيب _ البقيه بحياتج

عبست و رديت
تالين _ ما باقي بحياتي شي

صهيب _ الله يرحمه صيري قويه الحياة تحتاج شخص قوي

تالين _ راح سبب قوتي تنهدت و اردفت مكمله
تعبانه من تمارين عادي توصلني بسرعه

ما حچه شي شويه و نزل ستغربت شعنده اباوع راح
للمحل و رجع بأ اتجاه السيارة الجام مضلل فجنت تراقب
كل تحركاته .....

نداريت للباب الثاني نفتح باوعت بتفاجئ

تالين _ ها صهيب

صهيب _ ها

_ ارجع مكانك

_ نحجي شويه ؟
اول مكال هيج دگ تلفوني فتحت الجنطه اخذته

_ الو ها ماما
يي خلصنه
ما تاخر بطريق لتخافين
اوكي مع السلامة

سديته و رجعت التفتت اله فاتح الباب على حيله
و يباوعلي

تالين _ بخصوص شنو نحچي

صهيب _ باجر ارجع التحق

_ تروح و ترجع بسلامه

_ ها هيج ....  ماحسيت غير دخل السيارة و سد الباب
توترت حيل من المسافه الصغيره الاحنه بيها

تالين _ لصير ادبسزز ارجع مكانك

صهيب _ ليش شمسوي يما

تالين _ ممسووي بسسس انزل والله عيب عليك

صهيب _ ليسمعج ميگول قبل كم اسبوع مچلبه بحضني

حسيت وجهي دخن من العصبيه و الخجل
بس مسگتت الة
تالين _ يعني بتليت على عمري أصلا مچنت مركزه بأافعالي

رفع حاجب واحد ووجهه معبس
صهيب _ شهاللسان المعذرب حبيبتي استمري

باوعتله صفح و نداريت اباوع من الجامه ناس
تروح و تجي شوكت اگدر امشي

حسيت بكف ايده البارد فوگ كف ايدي مرفعت
راسي ابد بس بقيت اباوع لتقاسيم ايده الي
أثر تراب و السلاح و التعب مخلي بصماته بيها

ضغط على ايدي رفعت راسي بقى يباوع لعيوني
تنهدت و گال بهدوء
صهيب _ هلا برداد روحي شلونج

تالين _ ارد اموت !

صهيب _ كم مرة گلت اني لا تبچين

تالين _ بكيفي يعني

صهيب _ تلوة و حگ ربج مدوهن ما اندل دربي و ميت تعب دموعچ تهد حيلي اكثر من هذا كله

تالين _ لعد شسويي داارتاح هشكل

صهيب _ باوعيلي تلوة

نداريت عليه اباوع لشكله التعبان بقرب الاول مرة احس
بي متلعثم و مجاي يجمع كلام دايگوله

_ صهيب وصلني للبيت وانت هم ترجع ترتاح

_ ليش تلحين برجعه ليش

_ موو اشوفك شكلك تعبان وهم غصيت بهاللحجايه يلا
گلتاا وهمم تلتحق باجر

صهيب _ شبيج

تالين _ خايفه

صهيب _ منين ؟ ليش سكتي
ما حسيت غير أطراف اصابعه جوه فكي
رفع راسي و خله عيونه تلتقي

صهيب_  شنو تخافين مني و انه احسب الف حساب الكل
نظراتي الچ

_ مو هشكل

_ لعد

_ خايفه عليك

_ بااعيلي صدددقة شلوون خجلت

_ ما خجلت

_ دباعي لوجهجج شوون صارر شدعوه هيج احمر يصير

_ احمم يي خلصص فهمنه

_ باوع الابدي و رجع باوعلي

_ بعدج تحبيينها مثل قبل

_ شنو هي

صهيب _ الشكرلمه

تالين _ يي احبهااا ، بسس وين تعرف رسيل گالتلك هم

صهيب _ يي يمكن ، اكلج

تالين _ گول

صهيب _ الله خلقچ سعادة ميلوگ الوجهج الضاوي حزن

تالين _ يا سعادة الظلت بعد اخويه

صهيب _ انه متاكد امير لو يشوف السواد الجوة عيونج
راح يزعل منج اذكري بدعاء اذكري بموقف حلو
هو شهيد يلوگ لهله يتباهون بي ....

تالين _ اني أحاول بس غصه بگلبي مجاي تروح اتمنى
يدگ الباب و يدخل النه بأي ثانيه رغم گاعده
اغلب بوقتي بغرفه ماما بسسس نفس شي اشوفه
ا
بكل ركن بيها صوته و نصايحه رزايله كل شي
مجاي اگدر ما اسهر طول الليل اقنع نفسي اكون
أقوى حتى ما اشوف الحزن بعيون امي ابقى افكر

بأامير و شلون غصه ترگ بگلوبنه ... لو اخويه ايمن
الي من جيت ليهسه مشايفته و بابا بس مره
حتى انت هام گلبي و خايفه عليك

صهيب _ طلعي البگلبج صحوتي لا تچودري الحزن بيج

تالين _ شگول يعني تدري حتى بسالفه الخطف
احس بنضرات ماما انتهام و شك و كل شويه تسألني
شي يأذيني

صهيب _ فهمت .... تحملي مدام انتي تعرفين نفسج زين

تالين _ اخاف يچذبوني
حتى امير مموجود يدافعلي

صهيب _ انه وين رحت اصدگج حتلو گلتي شفتلي
فايله طايره

تالين _ هي هيج گالوهااا

صهيب _ معليج شگالو اهم شي اني واثق بيج
صحوتي

ابتسمت بهدوء قابلني بأابستامه مثلها و فجأة رفع
ايدي باسها و فتح الباب نزل بقيت كامشه باطن
ايدي و ميته خجل منه

شفته رجع سيارة ليورى ما حجيت عگت حاجبي
و اني اشوفه گدام بيتهم

نزل و دگ الباب طلعتله رسيل بعدها بملابسها
حاجه وياهه و شكله عصب

رجعو صعدو السيارة

صهيب _ شسوي بالبيت

رسيل _ غير أمي

صهيب _ يي فهمنه ما يصير نوعوفها بيتنه و احنه طالعين

رسيل _ عيب هالحجي كافي

صهيب _ هو خلصتها عيب صهيب عيب صهيب موتتت اليكرفه و ترتاحون منه

عصرني گلببي و همست اسم الله

رسيل _ شجاك

صهيب _ والله على ساعه دفان علراسي و عود
ابچو عليه و رشو مي ورد و گولو شلعنه گلبه

سكتت رسيل و نداريت تباع لطريق و هو يستغفر
وصلنه لبيتنه رادت تنزل سحب راسها باسه

صهيب _ آسف مو قصدي

ردت بهدوء و مبينه الضوجه بصوتها ما حجيت شي
لان هم اخوان بينهم

رسيل _ اعرف

صهيب _ اطلبيني عشه نجيب من المطعم مطبخين

رسيل _ هسه تمام  هههه

ابتسمت على سوالفهم ندار يباوعلي و غمز

دنگت راسي و ساعدتني رسيل انزل

رسيل _ شبي وجههج شنو صخنتي

عززاا بعينك هسه شگلها اخوج خجلني

تالين _ م م مبيهه

.
مارين

گعدت اسگي الوردات الي بالحديقه و تالين گدامي
كالعادة صافنه و كل شويه و متنهده بحسرة

دگ تلفونها فتحت الخط عرفته ازاد من خلال حديثهم
اخر شي مدت ايدها بأ اتجاهي

تالين _ هذا ازاد ديگول اتصل عليها و ماكوو

مارين _ يا تلفون فوگ نطينيا
هلو شلونك ازاد

أزاد _ الحمدالله مرمر اگلج

_ گول

_ اتصلت بسيل اليوم باليل يجيج يا خذج للبيت
رتبي غرفه البارق اهم شي خاف نجي من وكت
و الباقي على راحتج الصبح تجي وياج اروى و تساعدج

_ بارق خلصت عمليته الثاانيه شلونه شلون صار

_ الحمدالله هو اصر يترك المستشفى كادر طبي راح
يشرف عليه كل يوم يجي انتفق بسيل وياهم

_ ليشش اذا احسله بالمستشفى ليش ميتحمل

_ ما نگدر نگد نفهم بي

_ ان شاء الله خير

_ بوجودكم يالله مع السلاامة

سد التلفون و اني رجعته التالين

تالين _ شگال

حچيتلها كل شي ....

_ انتي هم حتعوفين البيت اووف شنوو هاي واحد ورا
الخ نسحبتو

مارين _ تعرفين علمود بارق حروح

تالين _ متاكدة حتسقرين بي سكتت ثواني و رجعت مكمله
بدتها هيلانه امير هسه انتي تنهدت و كملت 
على الاقل بكلي انتي طلعين و تكونين سعيدة هذا شي
مريح

مارين _ لتگولين هيج حتلو اروح ارجع ما اگدر اعوفج انتي و خاله

تالين _ عمري مرمر

طلعت من البيت شفت بسيل واگف گدام سيارته
جان مسرح شعره بطريقه حلوه و مرجعه ليورا
هو شعره ناعم و اسود فيلوگ و حتى ملابسه

جانت انيقه رغم بس قميص ابيض سكرافه
بي و بنطلون نيلي و هذا اكثر لون يلبسه
و ينسق بي لابس نضارات طبيه شفافه .....

توقعت جيته هاي من دروسه الخصوصي
قربت من يمه و سلمت ......

مارين _ مساء الخير اسـ.....ااا بسيل

بسيل _ مساء النور
صعدت السيارة و سألني
شلونج مارين

_ الحمدالله انتو شلونكم

_ والله نحمد الله بخير و اريج خلصت امتحاناتها

_ بتوفيق ان شاء الله

_ يوم الج

_ شكرا

_ سكتنه شويه و رجع سألني

_ مارين قبل وين جنتي ساكنه قبل بيت عمي فؤاد

_ وي امي و بابا

_ اعرففف بس اقصد محل سكنكم

_ بالعـ......

هز راسه بقبول وسكت ستغربت سؤاله بس مخليت
ابالي

وصلت للبيت هو نزل ويايه انطيته المفتاح عاد اخذاه
و فتحتلي البوب و بقى بالحديقه و اني دخلت للبيت

مثل ما تركته ممتغير شي بس بي ترابه يراد اگلبه
علبطانه حتى يصير نضيف فكرت منو احسن شي
اخليها غرفه البارق اكو غرفتين بالبطابق الاول

وحده قريبه عن المطبخ و الثانية لا ليغاد من الدرج
الداخلي فكرت هي انسب اله بديت ادور على ادوات
تنظيف و لگيت بوحده من خانات للمطبخ رجعت

أرتب بيها جبت سطله مي و مسحت الارضية و المي الزايده طلعت من الغرفه للحمام الداخلي جبت مرشه
و نضفت الجام و الخشب غيرت اغطيه الجربايه و خليت

القديمات بالغساله نشفتهن و شريتهن بمنور الداخلي
ما بقيت شي زايد رجعت لبست ردائي و ملابسي انتلفن
كلش .... طلعت ملگيت بسيل قفلت كل البوب

فتحت باب الشارع شويه و باوعت شفته يخابر يروح
و يرجع وجهه وايده الثانية قابضه وشاد عليها بقوة
رجعت يدين الباب شورطني وياه اني

ربع ساعه أو أقل دخل بس هادئ و تعابير وجهه كلها
مدل على عصبيته الي جانت قبل شويه .....

بسيل _ خلصتي

مارين _ يي

بسيل _ يلاا نروح

طلعت و هو ورايه طول الطريق احنه ساكنين وصلنه
للبيت دانزل بس التفتت الصوته

مارين _ نعم

بسيل _ نعم الله ضلوعج

_ ليش تحجي هيج

_ شحاچي

_ ها لا ماكو شي

هز رائع بقبول و گال
_ اريج راح تجي وياج باجر امرلج من وكت

_ تمام شكرا دانتعبك

_ راحه تعبكم عمي

_ باي

نزلت من السيارة متململه و تعبانة دگيت الباب اكثر من
مره يلاا اجتي خاله فتحته

سألتني شسويت جاوبتها بختصار و دخلت للصاله
باوعت الدرج

شگد ما بيه حيل اصعد
رجعت لتفتت الخالتي
خاله أنام يمكم

لجين _ تعالي ماما

دخلت للغرفة دحست روحي يم تالين و نمت

تالين _ ماريين ماريين

مارين _ هممم

_ اگعدييي

_ هسههه بس شويه

_ لج اجتي اريج تگول بقيها نايمه اعرف شلون اگعدها

گمزت بسرعهه بست تالين
_ شككدد احبج اني بنت عمج تعنففف بيه يمته مرادتك
تگعدني طلع نغمه عاليه و تخلي تلفونها على اذني

_ هههههههه مع للاسف مخليتها تسويها

_ عابت

_ نروح يمهم تگومين اساعدج

_ لا اگدر

اباوع التالين صارت تمشي احسن من قبل بس تستند
على عكاز فتره الطبيب گال و تركه و تمشي طبيعي

رحنه المطبخ شفت اريج واگفه تگلي و تفترر

دغتني تالين بعكسي لتفتت الها

مارين _ ها

تالين _ اكلج احنه يمته نتعلم نطبخ

مارين _ اشش لتفشلينه على اساس انتي تعرفين تعلمتي

تالين _ يي غير هيج انجلط

مارين _ ههههههه

تالين _ ماارين شمت ريحه الاكل وجتي

اريج _ لجججج شلووونججج

مارين _ تماممم شبيج تعيطين

اريج _ متحمسههه تذوقن

تالين _ خبااال اننطيني اضوگ

اريج _ ايددج ايددج لا

مارين _ يووو هي وحدة

اريج _ و لانص

مارين _ خاله وين

اريج _ يم بسيل بالاستقبال

باوع مگليه كباب عروگ و سالگه بيض و توست محمصته

مارين _ شوكت لحگتي

اريج _ من زمان جيت بس انتي تنبل شنسويلج

مارين _ جه بارق بعده

اريج _ لا بعده تعالو نتريگ قبل لا توصل اختج الجبيره للبيت و تلگه الباب مقفول احلفلج تكسره

مارين _ امعوودات لا تخوفوني منها ما عايزه

تالين _ اروى حبابه

مارين _ أذكر گلتي على اروى حبابه و تالي حسيتها حتموتني

تالين _ بس حبابه

مارين _ ييي
نروح نگوللهم الاكل جهز

اريج _ مداعي بسيل اكل وي ماما و خاله ما تشتهي

مارين _ تمام

خلصنه اكل و غسلت المواعيين و بدلت شي عسريع
تراك مال بيت فضفاض يساعدني اتحرك بأريحيه
طلعنه من البيت صار گدامي بسيل لابس بنطلون

اسود و تيشيرت اخضر ..... بسيل ناعم موضخم
حيل هو و أزاد يشابهون بهالشي ... 

صبحت عليه و دخلت السيارة اريج گاعدة يمه
و اني ليورا اخرتنه الازدحامات الي ما اعرف شوكت

تخلص ......
ووصلنه للبيت لمحت مراة گاعدة على البايات
گدام البيت و يمهاا جهال ثنين لابسه عبايه و مغطيه
وجهه بس عيونها ظاهرات تباوع للجهال بيهن

ستحيت منها حرت شلون انزل و اسلم عليها ..... 

غمضت عيوني اخذت نفس طويل و زفرته انتبهت البسيل
جانت عيونه بتجاهي و بسرعه رجع يباوع لگدام ما اعرف
يمكن متوهمه او صدفه شعنده وياي قابل

نزلنه من سيارة

اروى _ زعم ما رگدتو بالبيت چم ساعة بعد

بسيل _ ههههه ازدحامات والله

باوعت الاريج و گالت
اروى _ گربي

شووو ميلن لحد تحابب ( تباوس ) گدام الخَّلگ ( الناس )

اروى _ صاير عمارچي

بسيل _ يي هو كلمن يرد اصله لهله
يلاا تفضلو

بقى بسيل برا يبوس بجهال و اريج فاتت سالمه للبيت بقيت اني و اروى بالكراج

باوعتلي من فوك ليجوى

اروى _ تعرفيني منو

مارين _ يي

اروى _ عجل ظلي اعرفيني من بعيد لبعيد
بس ماريد بينه حچايه

من صدمتبي ما عرفت شگول بسس شي بداخلي
تووقع ردة الفعل هاي و ستوعبها بسرعة

دخل بسيل للبيت وگف بالباب و انتگ

بسيل _ ميخالف طبيعي ردة فعلها

مارين _ عادي مو زعلانه

بسيل _ احممم من تكملون خل اريج ترمش عليه

مارين _ اوكي

سد الباب و اني اباوع جهال يباوعون بالحديقه بستغراب
قريت من يمهم بحماس

مارين _ يمههه فدوةة شهجمال هذا
شسمج

يحيى _ قدووددي

فدوه للبنات احچي و ابوس بيها و هي تتمضحك
خجلاته

_ انت شسمك

_ حياوي
عمري تخبلون

_ انتي اثمجج

_ مارين

يحيى _ مااارا

مارين _ مرمر

قمر _ ململ

مارين _ اوويييي شنوو هاي راح اكلچ

اروى _ يحيىىى يجييبب يسررر و تعال

گمت متململه لازم تطلعلي سالفه عوجه خاف عايزه
شهالضيمم

دخلت نضفته اني و اريج الطابق الفوگ

اريج _ هاي غرفه بارق

مارين _ لا

_ ها تمام
هم حاچتج شي شياتين

_ يول لو بيدها تدفني بأرضي هذا الحسيته بنضراتها

_ دخيلك ياربي

_ يي والله دخيلك

خلصت تنظيف و صارت ساعه بل ٢
يلاا نزلنا شفنه بسيل جاي و جايب غدة

اريج _ شنوو الغدة

اروى _ برگرر

اريج _ بالحمزة اني امووووت على اخوووي

بسيل _ لگفتي طين

اروى _ واضح ههههههههه

اريج _ خووو انطيت بيه امدحني على الاقل 

بسيل _ عاشت ايدكم البيت يلمع

اروى _ غدي جان كله تربان زين و لحگنه النظفه قبل جيتهم العصر يووصلون

بسيل _ لا

مارين _ ليش كل شويه براي بارق بي شي

اروى _ اسم الله تفاولين على اخوي بيش اطلبي

مارين _ ممتفاوله

_ ياا بنات اهدوو هاي انتي الجبيره اروى

_ اني اگدر اسوي كل شي وحدي اتو زتيتوها بوجهي

_ عيب هالحچي

گمت بدون ما اكل شي و گعدت بغرفه لحد مخلصو
اكل و اجتي اريج گالت راح نرجع لبست على السريع
طلعت من البيت انتبهت الاروى تتمشى الظاهر بيتها
قريب منا .....

صعدت للسيارة و صلنا للبيت بألف يا علي حسيت
الطريق شبعده من التعب الحصلته اليوم اخذت علاجي
اول موصلت و شفت تالين نايمه حچيت وي خاله شويه

و راسلت ازاد شفت البنات مريم و لمى مراسلاتي مجاوبتهن
گلت لمن اگعد تمددت و اجتي ابالي هيلانه الاتمنى
اروح ادورها و اشوفها وين حل حلم عنها يرعبني اكثر
من الثاني شكد قصرت وياهه بس الدنيا ما انطتني

مجال إفهم شي  و صدگ ذبيتها نومه لليل يلاا فتحت عيوني نزلت لجوى سمعت صوت بالمطبخ باوعت من بعيد بسرعه

شفت ايمن و تالين و خاله الظاهر توه نازل رجعت ادراجي
صليت صلاة المغرب و العشاء ..... ذكرت ناسيه الظهر
خليتهن قضى اعوضهن باجر .....

.

تالين

أمي راحت للصالة تريد تقرا قرأن و اني بقيت احوص
لا اني نايمه و مرتاحه و لا گاعدة فكرت أتصل بي
اكثر من مرة بس جنت مترددة فما گدرت و بين

افكاري هاي حسيت تلفوني يهتز بيدي رفعته شفت
رقم غريب عرفته الا بسرعه رديت عليه

اسمع صوت انفاسه بس مدايحچي شي .....

تالين _ نمت مساع ؟؟؟

جاوبني بصوت متشحرج واضح توه گاعد
صهيب _ يي

_ اجاي تسوي

_ انرگل

_ ترا ميصير مو زينه على صحتك

_ لو تعرفين بقيه الضباط وين جان بستي ايدج وجه وگفه

_ قصدك بسواتر

_ لا اقصد النازلين

_ وين

_ احم احمم يم نسوانهم

_ يي عود ازوج و صير مثلهم داروح انام مع السلامه
سديته بعدني ممطفيه التلفون و ايدي صارت تهزز
من الرسائل

فتحتهن دااقراهن اتصل
لمن قربت الدگه تنهتي جاوبته

_ ها

صهيب _ شلون تسدينه !!!

تالين _ اكو دائرة حمره ضغطتها جان ينسد

صهيب _ صلفه معذربه

تالين _ شو ما خذ راحتك تغلط

_ شبيج نغثيتي من جبت طاري النسوان
ما تريدين اجيبج يمي

_ شووف هذا بطران

_ ليش

_ اني ما ازوج و حتلو زوجت لازم يعيش ويانه
اريد ابقى وي امي

_ ها حلو گعيدي

_ ليحبني كل شي يصير

_ عوود تبسمر

_ عوود لا

_ عوود احبج

عووود اااااا

شگلت الصوت يگطع ما اسمع

_ ليش

_ يمكن الشكبه ضعيفه

_ ترا عالخط

_ ها

_ تالين

_ اذا اخطبج بعد شهرين تقبلين

_ لا

_ السبب

_ وضعي ما يسمحلي افرح بشي

_ نگيني فرح !!! لسنينچ و شوفي

_ ما اريد اقهرك اني

_ مدامج موجوده كل قهر بروح ينشال

_ ليش انه

_ گايلها لان گلبي يريدج

_ بس گلبك

_ لا ، انتي اول شي و اخر شي ينتفق عليه عگلي و گلبي

_ صهيب جاي تسوي

_ اشتغل

_ بشنو

_ اراويج
افتحي كاميرا
فتحتها و غلقتها من جهتي

و هو شاشته ضلمه شويه و رفع الگاميرا مقربها على وجهه
تأمليني

تالين _ لا واثق من نفسك

صهيب _ اعجبج بثقه

تالين _ هم زين ازرگ

صهيب _ يول تتنمرين عليه شحلاته الاسمر

تالين _ منو گال شحلاته

صهيب _ كلها تگول بعدين من بياض اهلج تحجين
عليه

تالين _ هم حلوين

صهيب _ ترا اني هم اسمر حلو و عيوني متروسه شعر
لعيونج المودوخني لونهن

تالين _ الله

صهيب _ عجبج

تالين _ يي
و بگلبي كملت هو اكو شي ميعجبني بيك

رفع تلفون اكثر وخلاه على رف بعيد عنه بمسافه
جان لابس تيشيرت لونها اصفر و شعره مبعثر
واگع على عيونه بطريقه جميله صاير جذاب الخبيث
گدامه مسدسات و ادوات وياه ما اعرفهن شنو 

صهيب _ ليش مطفيه الكاميرا

تالين _ شنو ليش

_ شنو ستحيتي من شعرج وياي

_ عوف سالفه شعري لا تدخل بيها رجاءاً
مو الشمس المشرقى تطلع

_ عادي بعد يومين اصبح بيها عوديني من هسه

تالين _ منو گلك اقبل بيك

صهيب _ تصرفاتك يرداد روحي و مهجهه العين

تالين _ صوتك حلو حتى بلكلام العادي عبالك اغنيه

صهيب _ كلماتي حلوات مو ملحنهن انتي فيصير الدفو

تالين _ تخليني مصدر الكل شي هههههه

صهيب _ مصدري انتي يا بعد امي

تالين _ ميصير تگول هيج ماكو شي بعد الام

صهيب _ اني ما عندي ام تلوة !

تالين _ لعد .....

قاطعني فجاة و هو يكول مشدد بكل احرفه
صهيب _ ما عندي شي غ ي ر چ ن ا ن ت ي و ر س ي ل
عُلم ؟

تالين _ و ينفذ !

صهيب _ طبعاً

_ هههه

_ صدقه الهضحكه المداينتها

_ نزول عليك

_ اكمل شغلي لو اجي اشفطچ

_ شنوو هالمصطلحات

_ بعدج صغيره من اعلمج على سوالف العيب اعملج
هذني هم

_ و اذا عيب شلون تسولفهن

_ هو حلاتهن لان بيني و بينچ اسويچ منحرفه اخخ

_ يااا

_ اروح اني قبل لا اجفص

_ ههههههه تصبح على خير

_ و انتي من اهله بويه

_ انتبه النفسك

_ حاضر

_ لا تسوي مشاكل مثل هالمرة

_ توبه ماما تالين ما اعيدها

_ لتسوي روحك فقير و القط ياكل عشاك

_ لا افرك حلكه و تشبع عيونه ليباوع لعشاي و اني
فقير بس يمج اذا ملاحظة طبعا

_ يي كولشش واضح

_ بعد يراد شهاد اشوفلج رسيل

_ و تصير شهد شاهد من اهلها

_ طبعا

_ جلمد

_ جرحه ودواه

تالين _ هم ليش يخطفون و يسون هشكل

صهيب _ منو هم

تالين _ داعش تعرف عبالي اني اسوء وحدة مرت عليها
ايام داعش بس من اجيت و سمعت باليزيديات
و المسيح يذبحون و ينتهكون بدم بارد

صهيب _ كلاب سأبه نذبحهم و ناخذ شويه من حگ الماتو

تالين _ زين هم شنو

صهيب _ كملي

تالين _ ليش على راياتهم اسم الله و الرسول يعني هم
مسلمين لو شنو

صهيب _ باوعي الزمن رجع يرورا كل شي يسونه البشر يغطون
افعالهم برب العالمين و الرسول هم مو مسلمين و لا يم
الاسلام و اكيد عدهم طرق تنويم مغناطيسي

تالين _ شلون يعني

صهيب _ من يخطفون شاب و يعجبهم يردونه وياهم راح يأثرون
على عقله اما بتشويه صورة الاسلام اليعرفه لو يقنعونه
بالرغد الي راح يعيشه بجنه لو منهم اطم روحي ركن
بنار جبير عليهم أصلا

تالين _ شنو يستفادون

صهيب _ يحتلون ابالهم نخليهم يوصلون لبغداد و كربلاء و نجف و نينوى و الانبار

تالين _ ذني اهم محافظات بالعراق 

صهيب _ متشوفين طبوو من صلاح الدين و الانبار نيتهم گشره بس الة انفين حضهم

تالين _ و الناس معتبرتهم مسلمين لو كفار

صهيب _ الاغلب و الراح للحشد و المخلي الله بين عيونه
گال كافر افعاله مو يم الدين

و الكم واحد اليگدر بحركم يا هو الجان و يقنعهم
بسوء بكم كلمه هذوله نص يگول شيعه شلون
شيعه و هم جايين أصلا يهدمون المراقد
و نص يگول سنه شلون سنه و هم جاي يدافعون
على العراق ويانه هذا طرف ثالث نجس حشاج

_ و شنو سالفه المرتدين

_ منين سمعتيها

_ منهم بيوم الي نخطفنه

_ هم السنه و الشيعه الروافض

_ و شمعنى مرتدين

_ لان مسمعو كلامهم و بعتبار ساندو الروافض فرتدو
بنظرهم .....

_ مستحيل يكونون مسلمين على الشفته
تخيل السيارة تمشي و شمروو طفل متت بهاللحضه

_ اسم الله عليج راح طير بجنه لتخافين عليه

_ حروح أنام كمل شغلك

_ شبيج كل شويه و متحسره وجهي يجيب الضوجه

_ لاااا تعرف مو بسببك بس مترتاح اذا متحچي

_ صايرة تعرفيني تطور جديد صحوتي

_ يووووه جلمد شبيك

_ هاااااا هاااا شمسوي

_ ممسووي شي يلاا باي

_ لا تگولين باي لا الزگج بـ

_ بشنو

_ اباوع شغل جگارته اخذذ نفس طويل بحيث وصلها
للنص بسحبه و زفر الدخان من خشمه

_ بعدين اكلج

_ هممم نعست

_ يي نامي

_ اسد الاتصال

_ لا بقي مفتوح و نامي

_ و الرصيد

_ عود من اشكيلج عبيلي رصيد

_ عضيت شفتي هسه اني شعليه بالرصيد

_ ترا نايمه يم أمي و اذا اگوللها متصل بيه بهيج وقت
تطردني من البيت

_ والله احسن تخفف عليه الوالدة

_ هههههههه

_ اروح فدوووة و نذر

_ الضحكه وحدة بالي .... تدرين الشكرلمه مالتج
اطيب من الباقيات ليش

_ مافهمت

_ نسيتي شي بالسيارة

_ عزاااا شلون تاكلها انت راح تجلطني سوالفك

_ هههههههه

بقى شويه يحجي وياي و غلق الكاميرا و صار
يحجي بنعاس و يغفي لحد منام غلقت الاتصال
و اني هماتين نمت

مرن كم يوم صهيب يتصل بيه أحيانا يبقى يتلو
قرأن خاصه سورة يس صرت ادمنها بصوته ليل
صار يخلص بحب عكس النهار

احس بي بكئابه كلش جبيرة
افكر شلون راح نرجع مثل قبل اذا حتى مارين
راح تطلع من البيت كل شويه وگالت قابل دوم

و اني ورا طلعتها شيرجعها خاصه بيوم الي اجه
بي ايمن

چنت بالمطبخ مثل كل يوم عادي سمعت الباب يدگ
راحت ماما فتحته و اني بقيت امكانية شويه و دخلت
للمطبخ  ......

تالين _ منو اجه

ردت ببتسامه
لجين _ ايمن

گمت مستنده على العكاز وگفت باب المطبخ اباوعله يغسل
برجليه و بعدين شعره رفع راسه باوعلي

جان وجهه مو اسمر صاير اسود لحيته السودة المرسومه
تارسها شيب شوكت كبر ايمن هلگد

اجه بأاتجاهي حضني حيل بادلته و دموعي صارن
يوگعن بدون موعد .....

بعد عني مسحح عيوني المغورگات وگال

ايمن _ اخخ الله شگد مشتاگ الريحه أمي
لتارستج ترس

سحبني و گعدني يمه ماما جابتله مي شرب شوية
و صارت تجهزله عشه

و هو يسأل بيه عن صحتي و شگال الطبيب
يعني يعرف بيه هنا

تالين _ مشتاقتلكم

ايمن _ حتى اني خل ترتاح و نروحله متفقين

مسحت دموعي بكف ايدي و هزيت راسي بقبول

بقى گاعد اكل شويه و اني تعبت من العلاج

ايمن _ روحي نامي شويه و أجي يمج

مشيت مستنده على العگازه توني طالعه من المطبخ
حسيتها انسحبت مني و حاوط متوني بذراعه و مشاني
للغرفه نمت بالفراش باس راسي و طلع و اني بمكاني

سمعت صوت حسرته گطعت گلبي ......

مرت ساعه أو اكثر و اني بين النايمه و الگاعدة
و صوتت صرخه مارين ترس مسامعي .....

لجين _ الله يسترنه شهالصوت

يتبع 😈🎭♟️......

البارت الاخير كامل بس الواتباد مجاي ينشرر 

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد