رواية هيلانه الاسر الفصل السابع والعشرون 27 - بقلم زهور الـ سلطان

هيلانه الاسر

زهور الـ سلطان

مهم التصويت ، المتابعة

.
افا تعوفني بديره جذو ؟
وانا وحگ عينك شما يذكرونك
شكو بهالروح يتلعثم

لـ الجلمد

.

شمروك ما چنك ولف
ربعك مناجل يا ترف

لـ الاسر

.
ادم

اقتحمنه المكان عسريع

بس كل شخص بينه نفاجئ واحدنه نصدم
اكثر من الثاني

شفنه بنيه خلتنه نرجع بخطواتنه ظن منه انها شبح
امراة شفافه جدا

الصار هي خافت و رجعت ليورا بسرعه و حچت بتعلثم
و عينها علينه و على ملابسنه

.... انتو جيش

لتفتت اباوع الرائد اليباوعلي و رجع انظاره
منها وحرك راسه بقبول

.. الحمدالله انكم جيتو قاعدين نموت هينا

لهجتهه مكسره و شكلها غريب هم كل توقعاتي
انها ايزيديه

ليث _ شسوين هنا و منو وياج

.... بنات كثار هينا جابونا التنظيم لكن وقت صار
هجوم تركونا و طلعو

ليث _ كم وحده

..... ٦بس الباقي كانو انتحاريات

دخلنا لجوه البيت البنات مجتمعات

مؤيد _ دخيل محمد هاي نساوين بشر مثل الباقي

ادم _ انجب انت دومك فاك حلگك

ليث _ اششش اني احجي بعد

ادم _ ازمال شكو تحجي انت

بعد جدالات انتهت بسكوتهم دخلنا انه و رائد
البنات بغرفه و انطيتكم اكل و قفلت الباب

مؤيد _ شكو قافل الباب عليهن

ياسر _ صحيح خطيه

ليث _ كلوبكم المرهفه هاي طفوها و نامو

اباوع الياسر و مؤيد ذبحو روحهم على الدخله
گعد ليث باب الغرفه و بيدو سلاحه

ليث _ الزلمه يكرب اله ارجعه زحفاً زحفاً

مؤيد _ ابوو حرب سكت زلمتك

ادم _ الزلم تسكت بكيفها و تحجي بكيفها
مو بمزاج احد

سليم _ دشوفوو الضيم
الفتنه على صوت سليم ووجهه كله ابيض

ليث _ هاي عصاره مشگ مو

سليم _ شتفتهم واحد عربچي

ليث _ و ابوك الچايچي اصله فرنسي

ادم _ كافي بس تهذرون احجولكم حجايات سنعه

ياسر _ سليم شمخلي الوجهك

سليم _ هاي خلطات طن لكيت بالمطبخ هالگول
النساوين هالكد تبرگ بالشمال ثاري لبخهن اصلي

ليث _ وجهك چته چوب محترك ما تغير شي
ضحكو و سليم توجه بغضب لرائد صحت بيهم

ادم _ كافي البقيه وين ميدخلون

سليم _ الفريق الثاني بطرمه و الباقيين حراسه و صهيب
صعد بااسطح يگول اراقب هناك فعفنا براحته

ليث _ صدك شبي هالولد ما عاجبني وضعه

ياسر _ هو يمته فهمنا اربع و عشرين ساعه ساكت
اعرف شلون عايش ما يزهك

ادم _ شلكم يمه حياته و هو الحر بيها

ضحك الكب و رد
مؤيد _ خايفيين على صاحبنه

ادم _ لتخافون عليه خلي كلمن بروحه
ليث لو احد گرب للغرفه ارمي عليه لا تردك ايدك

ليث _ غير تأمر سيدي

مؤيد _ نرجع و الي حچي وي المسؤول

سليم _ يي تعارك وياهم كلهم ليش مو اني القائد
و ذبلك دمعتين اظمنلك عفطههه منه تردك لهلك

ياسر _ كافي سليم حير بخلطاتك

سليم _ هو هم هيج

عفتهم صعدت للسطح شفت صهيب مرتچي
على الحايط و عينه عسمه و صوت ترتيله و تلاوته
يوديك الدوامه خشوع

عفته يكمل براحته بنص ساعه كمل و جر حسرات
وحده اقوى من القبلها

ادم _ صهباان

صهيب _ ها

_ لكك دگليي تحيه ، وينها حراستك

_ علجايات ابو الخوه ،

_ شبيك گالب ووجهكك وجهه العنزه

_ مابيه شي

_ دحچي

_ افكر ليش مستشهد حالي حال
ليش ما نفقدت مثل غالب و سعد
لو استشهد مثل عبد القادر حيان اميررر اخخ
رفيچي

گعدت بصفه و رجيت راسي عالحايط
_ عارات ، تجينه للامير و حيان

_ و الله شتاگيتلهم

_ حتى انه

_ حتى اختي صرت اخاف افتح مكالمه و احجي وياهه

سكتت مارديت عليه و هو كمل
صهيب _ شوكت نموت

ادم _ صهيب صاير شي ؟

صهيب _ هو طبيعي الشلل المؤقت هيج يطول

ادم _ يي جدا

صهيب _ لا تكلي جدا و جدا اريد حجايه افهمها

ادم _ اصابتها مأثره على نقاط معينه بفقراتها سببلها
هاالعوق توقع مني هذا احتمال غير شي بس
اقل خطوره اكيد

صهيب _ و الله ما اعرف شسوي من حيره لحيره
العمر گضه بينه

ادم _ تذكر و انت بالمرحله الاولى سافرت
بالسنه الرجعت بيها انه للعراق

صهيب _ يي شلون انسه
من وكتها عفت كل شي
وقدمت عالضباط و الاستخبارات
جنت اريد اصير مثل ايمن

ادم _ و امير ما قبل

صهيب _ اميررررر
تل كلبي تل من الراح والعكل طاش
كلمن فكد محبوب مااظن بعد عاش

ادم _ اشوه ليفگد محبوب اني فاگد اخو

صهيب _ اخخخ الله منين ما انجيبهه سوده

طبطت على متنه و رديت
ادم _ ماكو شي يابه تصفى

صهيب _ ادم انت تعرف صار قبل ما اريده ينعاد ما اريد
شي ياما تعبت مرات و مرات محد رحم بيه
لو ما اختي يمكن ما اظل عايش لليووم

اخخخ يا صاحبي گاعد اموت لحد من اظل اهمس
وگول چا وانه وحد

ادم _ اصبر اصبر الضعف مو النه

صهيب _ مليت شيبت قوتي احتاج عكازه محد يحس
بيه انتو تعرفون الاصهب و انه الجلمد

ادم _ ههه هاي جديده

صهيب _ يي

ادم _ يلاا يالجلمد لا تكدسهن علكلبك و يصير مالوم
اكثر

صهيب _ شلونك انت احسن مني

ادم _ لا والله مثلك و ازيد
انه مبيوع سد بـ سد

صهيب _ هه مبيوع يي والله

اريد اكبر كم سنه و ازوج منتضر اعيش بزري
حياة ما عشتها اني و اشوفهم يضحكولي مو
يرعبون
مسح وجهه بكف ايده و باوع لبعيد تخيل لو
استشهد ابقى اذكرني دوم يمكن محد غيرك
انت و امير و ايمن و ليث و ادريس و حيان

ادم _ خمس اشخاص يقرولك الفاتحه طب گبل بجنه

صهيب _ على اساس انتو شوو ياهووو شوو كلكم بهايم

ادم _ لا يابهيم يا ملزگ

باوعلي بنضره سريعه و رجع يباوع لبعيد
صهيب _ لخاطر الله شكلت ااروحك من حلقت شعرك كله

ادم _ طاح من ضيمكم غير يلاا انزل وياي

صهيب _ روح انت اريد ابقى وحدي

ادم _ ياخيي

صهيب _ لتخاف الوحده الماذبحتك ما تموتني
بس اكو شعور مرعب البيوت الگدامنه الله اليستر
صار بيها حتى تكون موحشه من بعيد بشكل مرعب

ادم _ الدار لو غابو اهلها صارت تطرد بشر

صهيب _ قصدك وحشتها تطرد اليباوعولها

ادم _ يي
انزل لا تلبگ وحدك

صهيب _ مو هسه البگ بعد وكت

ادم _ طمئنتني يا ابا قريضه ....
العراق مو اول مره يمر بأزمه بس هاي سوده

صهيب _ راحت رواحتنه و احنه لهرنه شوكت
نحررر المناطق ما بقى شي ما بقىىى

ادم _ شذنب الي تعلمو بكم يوم يشيلون السلاح
و تسألهم ليش تطوعت يگلك اريد اروح شهيد

صهيب _ تضيع الناس بلايه ايات ﷲ لو ما
السستناني جا داعش طبو للبيوت

ادم _ الجهاد الكفائي فرج للعراق و ظلم للارواح

صهيب _ صحيح بس اليبرد الگلب حتى السنه
تطوعو شكد ما تضيك بيهم تلكاهم سويه يحاربون

ادم _ الفترة الكضيتها وي داعش اول سؤال
يسالونه انت سني لو شيعي مرتد لو رافضي

صهيب _ ثنينهم يتكتلون وين الفرق

ادم _ صحيح ثنينهم يتكتلون لكن لو ضربو
احد وصلوه للموت و يدرون بي شيعي يعوفونه
يتعذب لما يموت لو يعالجونه حتى يرجع للتعذيب

صهيب _ و اذا سني

ادم _ يكتلونه على اساس موت رحيم
ذاك يكولون عووفو رافضي يتعذب
و هذا لا يكتلونه بساعته ......

صهيب _ رب العالمين يريد كيدهم بنحرهم المسلته
مالتهم تخلص

ادم _ الله يسمع منك

صهيب _ يلاا سيدي انزل يمهم

ادم _ نازل اذا اتاخر بعد الكه ليث معتدي عليهم

صهيب _ ههههه يسويها الاغم و يبرد گلبي بمؤيد
و جريذي الوراه

ادم _ يلاا جذاب بغداد مو تتاخر

صهيب _ مشكور ابو الخوه

ادم _ اقل واجب حبيبي

گمت من يمه نزلت اباوع ليث نايم و هو منتجي
على الباب البقيه طالعين عفته و بقيت وي
الحرس للصبح و اجتي سياره اخذت
البنات و نزل منها عمر و ايده صارت زينه يكدر

يحركها ووياه سالم وجوههم متعوبه و كلها رماد

ليث _ شبيكم عارات شوو وجوهكم ما طمن

سليم _ شكلهم معلوسين الجماعه

سالم _ اجينه نموت الله لا يطيكم

ليث _ احنه شعلينينننههه

ادم _ شصاير عمر احجي

عمر سيدي البارحه طلعتو گدامنه و احنه مثل
ما وصيتنه رحنه للمخيمات و سلمنه الامانه#
و انطونه الاضباره

وي طلعتنه حيل دخلت مره ملثمه ووياهه فرخ

دگول طيررر من الجنه من حلاته

المهم ما قصرو اخوتنه بالحراسه طب دخلوها بعدنه
بدايه المخيم و يصيرلك ذاك الانفجار اليشگ الگلب

لو تسمعون صرخات
الاطفال الاحتركو بسباره الانفجرت
يمها النكسه خلشوف ياجنه تريد تدخلها

سالم _ ااااخوان بجيت الدم الشفته امس اكثر دم
خوفني نزل بلايه ذنب وادم بالخيام شارده شكوو طببهم

ادم _ مو مخيم رئيسي

سالم _ لا جانو يجمعون حتى ينقلوهم

سليم _ حسبي الله ونعم الوكيل

ليث _ شفت عمر هاي لان كل ما اشوفك اكلك الله
و اهل البيت يحفضوك رجعت عايش بو كايلك
ابو بكر هسه انت موذر

ياسر _ شهالطائفيه

ليث _ يمعودد الوادم متواكله ظلت على كلامي صار طائفي

سليم _ وين صفين عنك هو دواك وعد الله شفاك

هههههههه

ليث _ مال هسه اطيحلي بچم واحد من هذوله
لبغوله

ادم _ يي والله اله نسوي طشارهم ماله والي
لتفتت على عمر و سالم

ادم _ الحمدالله على سلامتكم صناگرنه

.
هيلانه

هيلانه _ اسر

الاسر _ سمي

_ تاخرنا يمته نوصل

_ لحي بعد لحيي

_ هي بس مرتين سألتك شدعوه

شال تلفونه يباوع بالوقت و رجع يباوع لطريق
لازم الاستيرن بقوه

_ ٢٠ مره بساعه وحده والله نشميه حمدي ربج صبرت
عليج القنقينه

_ يا صدك

_ منعولك يشيطان

غمضت عيوني حتى ارجع انام و همست
لتنعل روحك هنوب تختفي

الاسر _ هلااااااال لا تشوفيني مطول خلگي وياج ادفنج
هنا

هيلانه _ عادي هو الغرگان يخاف من المطر

بعدين مگلت شي هو انت شيطان
گلبك اسود من الفحم

الاسر _ اني گلبي چان ابيض

فتحت عيوني و عدلت گعدتي
هيلانه _ يي بعدين معجبك لون و صبغته عالموديل

الاسر _ لا بطريقه هو الگلب اببض
بس الناس صارت تدخله بقنادرها

هيلانه _ هاهاها

الاسر _ موصيچ ضحكين

هيلانه _ شسالفتك انت سوالفك تعلب النفس مثل

_ خلقتك قديمات غيري

_ انام احسلي

_ تسوين فضل

نمت تقريبا ربع ساعه و فزيت على صوت هورنات
قوي

_ اباوع للطريق ترابه غبره مينشاف شي

_ شديصير

_ حادث منشاة و سيارتين

اباوع قريبه منه نزل عترابي وداسس بريكك حيل

لهثتت بقوة نن الخوف نزل من سياره
و اني تبعته من الرعبه اول مره يصير
هيج شي گدامي بدون وعي رحت يم

هيلانه _ عفيه اخذني الهم عايشه ما اريد
اموت بدون ما اشوفهم

مووو دااااحجييي وياااك

خله ايد على حلگي فتحت عيوني متغاجئئه
من حركته ثواني و عضيتته بكل قوتي

دفعني بقوه وعاط
الاسر _ اخخخ خرببب يومج العرمه

هيلانه _ دير بالك تقرب مني بعد

قرب مني يومي و هو عيونه شايطات بسخط
دمغني براسيي بقوه و صعد لسيارة

اباوعلته و ماصعدت

هيلانه _ ليشش تضربنييي ليششش ايدك چنها طابوگه
الاصلععععع

ابرود طلع راسه من شباك السيارة وگال
الاسر _ عاجبج تبقين بالهيمه بطريقه

تعصبت و ضربتتت السيارة بقوه برجلي و اني ارد
هيلانه _ حقيررر اخخ رجلي المكسوووره يمههه

نزل هو بسرعه باوع لسيارة و زفر انفاسه

الاسر _ الحمدالله السيارة مبيها شخطط جان
عفتج هنا و ستويتها عليج ضلمه عجه عليجج

_ والله حقيررررر

بدون ميرد عليه بقى ساكت و اني هم ما سويت
شي كليي توتر من الحادث الكدامي و منظر السيارات
الي صارن علب معفوسه يرهب

وكف سيارتنه اباوع هم مو بغدادي

اريد بغدادي يمته نوصالها شتاقيت اشتم هوى
اهلي يشاركوني بي

ما حسيت غير شي صار عليه من ورا فزيت
بسرعه نداريت شفتها ستره جيش بس سوده
و احضر بيها و لون ثالث حنطي طويله حيل

هيلانه _ المن هاي

الاسر _ البسيها

هيلانه _ ليش

الاسر _ البسي

_ ماريد

_ ابقي هيج لليل بطريقه

حاولت افتج الباب افتتحح افتتحه
اضرب بي و كامشه مقبض الباب بقوه
يجبرني استسلم لبستها و نزلت و اول

ما ردت انزعها عاط بيه جفلني
_ انزعيها عوووفج بالسريع فنه اليلكاج

_ يموووت يتكهرررب اذا ميهددد

_ تتنصعقق اذا متعانددد

سكتنه ثنينه اخر شي رجعني للسياره
و حرك بيه صرنا بمكان صحراوي

و اكو دبابات جبيره بالطرق و كم سياره
قلال طياره هيليكوبتر بالجو يدت تتحرك

نزل من سياره طلع من جيبه بطاقه بعده
ممنطي ايها اشرله يدخل خمس دقايق و رجع
تعالي انزلي

اباوع اكو ثنين بنات يبچن وراهن اشخاص هم
جيش بس لبسهم يختلف مشايفته دخلو البنات

اشرلي الاسر اجي يمه الدنيا ركضت و گال

_ تحركي بربج انحمست

_ اكو اصلع يطلع لشمس بصلعته

زفر انفاسه بغضب و ابتعد ماشي من يمي
تحركنه الغير مكان جان كل شي ترابي وصحراوي اله النمشي عليه بي خشب

جان مكان بي سيارات اكثر اشرلي على السياره
فتحح السياره صعدت و قبل لا ينزل اندار

صعد السيارة ساق مره لخ انتبهت اكو
نساوين دخلن و ملابسهن جيش بهاللحضه
تمنيت اكون مثلهن عل الاقل اعرف ادافع عن نفسي

قاطع سهوتي صوته و هو يگول

الاسر _ هلال النتفه

تنسين كل شي صار وياج اصلا اسمي مجبين طاري

رديت برود
هيلانه _ ما الوث مسامعهم بيك

_ امكانيات يا الهي ياالله اشوفج بعدين هلال اهم شي
لا تنسين اسرج

غمضت عيوني صار گداني موقف صار بصغري

_ قبل سنوات شنوو جانت علاقتك بعائله عمو فؤاد

_ ما عندي شي وياهم ، ليش

_ دگولي هلال و هسه اسرج سامعتهن احس
شنو معناها

_ معناهه انتي حصتي بنت فراس

_ جج ضحكتني

_ راح تشوفين

_ الموت اقرب مني

_ و اني اعشق البعيد الصعب اروحله متعني
بيدقِ لا تنسين اللعب

_ ليش ناوي تخطفني بعد

_ شكو بيها

_ الرب يشفيك يا مريض

_ بس لا تقصدين اليسوع

_ لا و حتلو و واذا

_ بطلو كلاواتكم ثانيا انتي مسلمه شلشتيني بكلمه الرب

_ كلمن حر بعقيدته ممكن اكو مسيحيه بس ما اقتل
و لا اخطف

_ شقصدج

_ انت افهم الوحدك ، وين ما خذني بهالصحراء

_ نتفسحح

_ مستفز

_ صحيح ، راح ترجعين وي منتسبين نازلين للبغداد

_ يي

_ راح يوصلونج لهلچ

_ هيج بدون مقدمات

_ شلون يعني

_ انزل كول جنت خاطفهه و رجعتها
شكد حقير انت شلون اروح الهم وحدي

غمض عيونه كأن يحاول تجاهل كلامي
شو انزلييي بس عرفتيي تجيين الديلارا الكح**

نزلت واني دمعه واكفه بطرف عيني اباوع اله
بخزره و هو يقابلني بنضره تخوف اكثر بس ما هتميت
و ما مطمئنه اروح وي ناس ما اعرفهم على الاقل

عدو تعرفه احسن من صديق تجهله
دوم جان ايمن يگول هشكل

ما مشينه بس عشر دقايق و سيارة جانت جبيره
صعدت لكدام بصف السايق وجان رجال جبير
بعمر عمو فؤاد تقريبا

و ٣ شباب ورا و كلامهم كله مأاسي عن مواقف
صارت بيهم حتى ما كالو اكو انسان عده مشاعر
وياهم هفففف ......

مرت سيارة من يم الاسر
رفع حاجبه و ابتسامه صفره حقيره مرسومه
على وجهه ما فهمت شنو تعتي بس رعبتني ....

و الامنيه التمنيتها جانت ما اشوفه بعد ....

مر الوقت و الطريق طويل الحد ما انتهت اللافته
طويله عريضه مكتوب بيها

بغداد

وصلنا البغدادي و دار سلامِ روحي
بعد كل الصار
صرت واثقه بس هنايه الامان الوحيد

اخذوني بطرق و مناطق تختلف واثقه
ما جنت عايشه بيها بس ما حچيت توقعت
بيت واحد من الي ويايه

بس فجاة وكف السيارة و لتفتلي يلاا عمو هذا
هو بيتكم انزلي

_ لا عمو البيت هنا

_ ابو حرب انطاني العنوان ما اينطي شي غلط بنتي

نزلت واني رجليه طكطك وحده بالثانيه اباوع
عالبيت الي اشرلي عليه

فجاة سمعت صوت سيارة نداريت شفتها
داتبتعد عني

جتاحت حواسي رعشه بروده رغم الجو مو بارد
فرحانه بودي ادنك و ابوس الكاع ابوس كل شبر
بغدادي .....

اكة ناس صارت تمر تباوعلي بغرابه حقهم
شكلي متاكده يثير شبهتهم و نوب الوحدي

حرت بين ااجر سيارة لمنطقتنه القديمه لو ادك
الباب

ليش كله مره هيج يصير

من طلعتني امي من بيتنه ما رجعتله
بقيت بيت عمو فؤاد
و هسه هم بسببها طلعت من بيت عمو
رجعت البيت ثاني و ما اعرف البي

راسي راح ينفجر من كميه الافكار الجتاحتني

تنهدت و گلت بداخلي شيريد يصير بعد ....
اباوع للبيت من فوك ايجوه ابيض و شبابيكه
فضيه الشمس ضاربتهن و مطلعه لمعه غريبه
بيهن .....

باب لونه اسود ....

فرفعت راسي بحيره ما اكدر ادك الجرس
بعيد عني نقطته

دكيت الباب مرة مرتين ثلاثه

هلكد ملگاكم لچمني
هلي ياريتني راده محمله
بتابوت ولا اخباركم لذبحتني

انتظرت دقايق معدوده چان يجيني صوت
ناعم ما عرفته شنو

انفتح الباب جان ولد صغير تقريبا عمره ٥ سنوات
و بنيه وراهه لازمه مميه و اصغر منه

رجعت لورا مستغربه اصلا حايره شگول لتفتت
لشارع فارغ يصوصي ما بي بشر بس سيارات تمر

توني داسأله

اجاني صوتها صوت الي شريكتي بلولادة

مارين _ حياوي منو بالباب

لتفت الطفل الداخل البيت وگال
يحيى _ خالتو هاي بنيه غريبه

بعدني واكفه بالباب وحسيت روحي هبله بكل
معاني الكلمه

خوف رعبه من الخذلان

اجاني صوتها وهي گدام

منوو ...اول مجت عينها بعيني شهگ مخليه
ايدها گدام حلگها و همست

_ هيلللله

بساعتها ركضضت عليهاا حضنتها حيلل
و هي بادلتني بنفس القوة

مشاعر غريبه واجهتها بهاللحضات جنت
متمنيه ما تخلص

اسمع اصوات وضحكات حوليه بس ما رفعت
راسي ابد

لحد منجريت منها

ازاد _ دعووفيها النه حصه

سحبني و عرفته من صوته ازاد
عيوني ما تشوف شي من الدمع المجمع بيها

حن الحمام لهله يابه

مارين _ هيلانه مداصدك هاي صاير بيج

گومني من الگاع و مارين صارت گدامي اديهه
حاضنه وجهي

بعددد طوايف هلي مشتاقتلج

گالتها وحضنتي مره ثانيه غمضت عيوني
حاسه بالامان و دفو ترس روحي و گلبي

ازاد _ ادخلن الشمس حمستنه

مارين _ فوتيي يلاا

ازاد _ ميسسسسس وينچ

دخلت لصاله جبيره گعدت على الكرويته
السؤال العالگ بلعومي هسه گدرت اساله

هيلانه _ شنو هذا البيت خاله و تالين وين

واحد باوع بالخ و رجعو يناظروني

ازاد _ ارتاحي هسه دانفهم منج شبي حالج مگلوب

ميسسس

حسيت هالاسم مو غريب على مسامعي ابد
صحيح ذكرت اسم اختي هذا
شسوي هنا
منو الاطفال الي بالباب

راحت مارين جيبلي مي و اني عيوني بدون
اسباب صارت تكت دموعي اباوع الازاد متغير

عن قبل يباوعلي بنضرات تحاول طمني

فجاة دخلت وحده للغرفه بنيه طويله رفيعه
ملامحها تشبه ملامحي عيون سود شفايف
منتفخه بس خشمي اصغر من خشمها ....
شعرها بسواد شعري طويل واصل فوك خصرها

حسيتها مستغربه ثواني

مارين _ مياس هايه هيلانه

باوعتلي مصدومه ما اعرف ليش بس احساسي
يكلي بسبب شكلي المو نظامي .....

او يمكن خجل من السنين و الاسباب التافهه
السببت تفريقنه

اجت عليه حضنتني ساكته و همست قريب مني

ميس _ الحمدالله عسلامتج

بدون ما ارد عليها متديت بحضن مارين

ازاد گال عوفوها هسه رايح اجيب امي
بهاللحضه طمئنيت لان اجتي افكار براسي
و خوف على ماما لجين

ميس گعدت الطفلين ما نعتهم من اللعب او الضوضاء
اشش راح تجي امك حياوي و خالو بارق
اذا مگعدت عاقل تعرف شسوي هيه

بس گالت هيج ذكرت كل شي صار قبل لا اروح
لديلارا وذكرت عندي اخوه

يعني هايه وحده منهم هذولي اني خالتهم
فجاة اجه بالي احمد و اعرف هو عسكري

ذكرت كل الاسمعه عن الرمي و القصف خطف
ذبح جماعي للمنتسبين

خفت اسال

اريد اعرف اخبارهم

ايمن امير اخويه هم .....

عدلت اتجاه نومتي اباوع لمارين

وجهاا شاحب بقوه و جوه عيونها اسود
تباوع بوجهي عيونها دامعه

انتبهت عليهن لابسات اسود

بعدت عن حضنها و دموعي صارت توكع
على خدودي بغزاره

وحده حضنت الثانيه و احنه نبجي بهدوء و برود
قاتل .....

ميس _ هيلانه گومي غسلي و البسي شي نظيف
مارين مشوفين شكلها تعبان مو تبجين بوجههاا

مارين _ مو بيدي هيله احجيلي صاير وياج ماما معذبتج
هشكل ....

ميس _ مرمررر كافي عوفيها ترتاح

مارين _ اووووف ميااسس

ميس _ هيلانه تصعدين ليفوك تسبحين لو هنايه
اكو حمام داخلي بغرفه بارق

هيلانه _ ما اكدر اصعد

ميس _ تمام دخليها للحمام هسه اجيبلج ملابس و منشفه

هزيت راسي بقبول و مشتني مارين للغرفه و اني اعرج
هي تمشي كدامي و اني اباوعها بشغف ما مستوعبه

شلون اجتمعو بعد 18 سنه اكعد بيت بي اخوه
و اخوات ليش مو قبل ليشش هسه

يعني اني جنت مشكله عاقتهم لو سبب تعاسته
الناس لي داير مدايري

ليش احس بنقثص بنفسي و غربه ما حسيت بيها
حتى و اني بين سما ( الله يرحمها ) و الاسر و درُيد

نعصر گلبي وكفت بمكاني متبسره وايدي على گلبي

ندارت مارين عليه و حچت بخوف و هي ساندتني

مارين _ شبيجج هيلانه

هيلانه _ مابيه

مارين _ نامي ارتاحي و بعدين اسبحي

هيلانه _ لا هسه

اخذتني للغرفه جانت عباره عن ادويه و علاجات
تنهدت بحسره و مابيه خلك حتى اسال

دخلت الحمام جان بي بانيو و جهه دوش دخلت
مارين فتحت المي ترست البانيو لحد منترس

وگالت اسبحي ارتاحي طلعت هي و اني
نزعت الستره الي انطاني ايها الاسر .....

كلبي حاقد عليه بشكل يتخطى كل معاني الحقد
بالعالم

ندگ الباب غطيت جسمي بالمي حيل
شفت ميس اجت خلتلي الملابس و طلعت بهدوء
بقيت وقت طويل ....

كملت نشفت و لبست دشداشه قماشها قطني
اجت فيت وي طولي

طلعت من الحمام فزيت و اني اشوف واحد نايم
بلجربايه على ظهره .....

اديه طالعه من الغطه و كلهه اشياء تشبه الحروق
مكان الجلد متكع سواده ناطلع الاثر

و كان يون بالم بصوت ناصي
ووجهه هم بي بكصته تحديدا

طلعت من الغرفه هو هذا بارق سؤال دار بيني وبين
نفسي

توني طالعه من الغرفه صارت بوجهيي تالين

تالين _ هيللللل

حضنتني و صارت تبوس بوجهي بشغف

اوووف يمههه ردت روحييي

بادلتها الحضن بچيت من حسيت بشهكاتها

لجين _ هيلانه ماما

رفعت راسي اباوع شدني صوت خاله

بعدت عني تالين و هي بعدها تبجي و حضنتني
خاله هنا بدت شهگاتي و دموعي و كل طاقتي

تتبخر و اني اشوف شكلها التعبان بقيت حاضنتها
و ابجي لفتره طويله

بعدتها عني ميس

عمه ليصعد ضغطج مره ثانيه فدوه اروحلج

بنيتي شلونج شتاقيتلج صاير بيج يا بعد حيلي

شتاقيتلج اني اكثر و الرب

بعدت عني تمسح بدموعها انتهت مارين و تالين
يبجون و كل وحده بجهه و شفت بنت شابه بيدها

نفسه الطفله
من انتبهتلي اباوع عليها گامت من مكانها بوستني
و تحمدتلي على السلامه

لجين _ هيلانه هاي اروى اختج الجبيره

بقيت ساكته مصارت عندي كل رده فعل

حضرو السفره بس ما اكلت وياهم مشيت
للغرفه مره ثانيه

اباوع من بعيد گعد عيونه تباوع لسگف
رجعت مره ثانيه شفت مارين اجتي وراي

هيلانه _ نعسانه

تعال نصعد صعدت وياهه على كيف بسبب الم
رجلي جان الطابق الثاني كامل صاله جبيره فارغه

و ثلاث غرف دخلتني الغرفه بالنص جان ترتيبها
نازك و اللوانها بناتيه كصبغ و افراش لو الكنتور
الابيض .... و الجربايه

متديت و دخلت خاله للغرفه ابتسمت بتعب
توني داكول المارين تجيبها اليه

متدت يمي و اني نمت بأامان بعد اشهر
كم ساعه وگعدت فازه من حلم مرعب ما اذكره

شنو بس اعرف رعبني تلمست وجهي عرگان
ايدي اليسره منمله بطريقه مؤلمه

خاله مجانت موجوده بس مارين الي بدت تفرك
بعينها

مارين _ شتاقيت اكعد واول شي ابدي بي هو انتي
يبقى يومي سعيد كله

ما اعرف ليش و شلون بس نطقت كلام جارح بوجهه
حسيت نفسي فقدت روحي بهاللحضات
هيلانه _ على اساس هسه انتي عايشه بكتئاب

مارين _ شبيج هيلانه ليش تحجين هشكل والله بدونج
ماكو شي يسوى

هيلانه _ اسكتي عني فدوه راسي ياذيني

حچتها وصوتها مخنوگ
مارين _ تمام براحتج

ورا شويه دخلت تالين للغرفه بيدها سراحيه مي
بعدهي بالبا و گالت
تالين _ عود جايه اگعدكم هيله تنزلين يم بارق خطيه
يسأل عليج و اريج هم اجتي

هيلانه _ ليش منو بارق

مارين _ اخونه

هيلانه _ ما اعرفه ما عندي اخوان غيرجج رجاء لا تحجين
شي بعد اوكي .....

عافت تالين سراحيه المي على ميز المرايه هو و
تلفونها اجت سحبت مارين من يمي

تالين _ عوفيها ترتاح مارين بعدين نجي و نفهم

مارين _ هسه لازم افهم هيلانه فدوه لا تحجين وياي هيج بعد

هيلانه _ طلعييي ماريد احجييي وي واحدددد افهمووووو

عطت بصوت عالي واني كامشه شعري بطريقه عنيفه
ما حسيت غير ادين اروى طوقني

اروى _ بسم الله شسويتن للبت

مارين _ هي گعدت منفعله

هيلانه _ وخررييي عنييي منوو انني و تجيسيني ......

.

من البارتات الاخيرة

فورا عمليه حالتها ما تسمح تبقى لساعه بعد

دكتور ما بيها شي البارحه

نسوي اجرائات كامله حالتها مو مستقره و نبضها
ضعيف احتماليه نجاح العمليه قليله

يعنييي تموتت

ادعولها الله يشافيها

الله و اكبر ما نطلع من فاينه ندخل بالارهب منها

.

ما افرط بيهن بعد اعذرني مالكم مراة يمي

.

الحگييي ولججج يمصگوعه

ها

يول ابو السيارة الحلوة هين شكلج راح تنخطبين

.

متاكده هذا مصير حياة مو لعبه

موافقه

.

مهم جدا اقرو كل شي "

تتوقعون ترجع الحياة طبيعيه بعد
اجتماع النشمينه با اهلها ؟؟؟

شنو سبب حب صهيب لتلوة

مارين هل راح تلغي الحب من حياتها
و تكمل طبيعي لو اكو طرف جديد

ادم راح يكف ايده و حقده عن اولاد فراس

فراس وين

امور نعرفها قريبا .....

و هم الاحداث تاخذ مجرى اخر
بدايه جديده لبطلاتي القويات

اسفه فيروزاتي جنت مجهزه البارت من ايام
بس خارج اراتي تاخر لحد هسه
قرائة ممتعه

بعد ما اضربكمم بوريي 😂😂😂
اتمنى تسون الي راح اكوللمم عليه

يهمني رايكم جدا اريد تعلقون
بكل الفقرات

و ترجعون للمقتطفات اول شي ناشرته
بروايه اريد تفجرووو تصويت
و تعليقات

حتى تراون الجدد الجمال المنتضرهم

و لان بعد بارتين و تنزل مقتطفات جديده

ما معقول ننزل و ماكو تفاعل على الاول

شكرا الكم و الدعمكم الي

احبكم خيرات الله 💋💄

سالتوني عن القناة و البوت

ابحثو عنها بهذا المعرف

zuhor_hela

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد