رواية هيلانه الاسر الفصل الرابع 4 - بقلم زهور الـ سلطان

هيلانه الاسر

زهور الـ سلطان

لا تنسون التصويت و انطوني رايكم بالبارت

____________

هيلانه

انا الـغريبه بين ناسها ..
انا تلك القويه اليائسه ...
انا الجامحه المتمرده..
امراة بابليه عميقه..
مسلوبه الاراده ..
متسرعه و صعبه المراس..

الاسر

اسركي انا هيلانتي...
قيودكِ بين يدي...
انا تلك العاصفه التي بداخلك..
انا ضلكي او امالك..
اميرتي الفيروزيه..
دائما انا معكِ..

بقلمي : زهور الـ سلطان

Back to the past
العوده بالوقت

هيلانه

اني من ام مسيحيه من دهوك و اب مسلم
من الجنوب ما صرت مسلمه بسبب
اغلب وقتنا جان وي امي فهي علمتنه
وصرنه مثلها ماما و بابا حبو بعض وتزوجو
وعشنه بغداد بعيد عن كل اقاربهم
رغم اهل بابا ما جانت عاجبتهم الفكره

جانو رافضين يتزوج امي بسبب مشاكل
ماعرفها لان عمو فؤاد ولا مره حجالي عنه
بس خاله عرفت منها القليل عن بداياتهم
واني بعمر 14 سنه جانت حياتي شبه هادئه
بين ماما و بابا واختي وعيت و بديت اركز
بالي يصير وياي بسبب تصرفات ماما ما جانت
تحبنه مثل بابا و تعاملنا بنوع من القسوه كل

مره تصير بينهم مشكله تاذيني او تاذي
مارين او تحرمنا من روحه للمدرسه دائما
افكر ليش امي مو مثل امهات صديقاتي يعاملوهن
مثل الاشياء الثمينه ابد ما تسمعنه كلمه حلو احسها
فاقده لا احساسها كدامنا عدنا ام مو امنه و لا شوي

رحمه بگلبها النا و لا شي من الحب على اطفالها كل
شي يبدو مظلم رغم هذا الشي من يجي بابا يتعارك
وياهه و يهددها باخذنا و يرجعها الاهلها اني ولا
مره شفت عائلاتهم بس اخت امي خاله لجين
جانت تجي هواي مرات حبابه ونحبها

اكثر من ماما ... هي الوحيده الي شفناها خلق هذا شي
بداخلي فضول من صغر دائما احاول اسمع شي عن اهلي
وصديقاتي شجعوني على هاي الفكره بنفس الوقت و لا
مره سمعت شي ....... بيوم بابا كاعد يشرب شاي و ماما

يمه و مارين نايمه و اني ادرس صدفه رفعت راسي
وشفت ورقه ما جان بالي شي شلتها بدون ماشوفها
وخليتها بكتابي و رحت نمت و بعد ايام صادف بابا
موجود جيت اني و مارين عليه علمود يدرسنا

هيلانه _ بابا اشرحلنا رياضيات

_ تعالن خلشوف و ينه الموضوع ... و هيله روحي كولي
الامج تسوي چاي ... رحت ورجعت يمه بده يشرحلنا
اجت امي و انطت ال بابا ستكانه و كعدت يمنه و كالت

_ عليمن متعب نفسك و ادرسهن
سكت بابا ما رد عليها .. بقى يدرسنه الى ان كملنا من كمت
عفنا كل شي يمهم و اخذت مارين و رحنا نلعب اني و مارين
بالحديقه شوي وعلت اصواتهم ما هتمينا لان صرنا متعودين
بس فجاة سمعت صوت بابا يصيحني باوعت ال مارين
وكالت راح اجي وياج لتخافين دخلنا للبيت جان بابا وحده
ماما ما موجوده رفع راسه باوعلي وكال

_ هيله بابا هاي صوره منيلج

_ يا صوره بابا

_ هاي

_ شفتها نفس الورقه الي جانت بكاتبي كتله

_ و الرب بابا ما فتحتها شفتها هنا و خليتها بكتابي

_ هايهيه تعالن يمي ..

_ مارين هيلانه مضطر اروح حاولو تجنبون عصبيه
امكم ماشي

_ ماشي بابا... و كالت مارين

_ بس اني اخاف اخذنا وياك

_ رايح ارتب و ضعي و اجي اخذكم لتخافون.. حجينا بنفس الوقت

_ منتضريك .. باسنه و اخذ اغراضه و دك الباب
غرفه امي ماردت تنهد وراح .... من يومها بابا ما رجع
و بعد اسبوع من عياط امي وضربها الاتفه الاسباب
و جان ما بيدي شي اسوي كاعدين نتغده و وكع اكل
على ملابسي لان ما كدر اتحكم باصابعي عدل بسبب
السعه الي خلتها امي بايدي من دافعت على مارين و مجنت اقبل توكلني ..... من شافت ملابسي كالت روحي غسليهم هسه

_ بس ما اكدر

_ بس تعرفين ضمين صور الابوج و تستريله

_ ماعرف عن شنو تحجين ماما

_ ولي من خلقتي هيلانه ...بعياط
كمت و اجت وراي مارين .... بقينا وحده تصبر بثانيه
و نتامل جية بابا النا ..... بليل دخلت الغرفتنا و كالت
باجر نسافر للشمال نشوف اهلي حضرن نفسجن
هيلانه _ و بابا

_ اذا يريد يجي ياخذكم ... حجتها و طلعت
اخذنا جنطه وخلينا ملابس و اشياء نحبها و مارين
بدت تخلي هدايا تحبهم

_ مارين حبيبتي ليش كل هذا مراح نبقى هناك

_ هيلانه احبهم اخاف يبقن و يضيعن

_ سوي الي يعجبج

_ زعلتي مني ..

_ لا ليش تحجين هيج

_ انتي ما ترضين او كلچ و ما تنامين يمي
حجتها و بجت.. رحت حضنتها

_ شعندي غيرچ بس افكر بابا ما زعلانه عليج

_ هو يحبنا ما يعوفنا بس عنده شغل

_ اعرف .. يلا تعالي نام
ثاني يوم طلعنا من الصبح و فرحانين وصعدنا
بسياره جانت كدام باب بيتنه بس ختفت
هاي الفرحه من شفت ماما تنطي فلوس للسايق
وتكله و صلهن النفس العنوان و نطيك القسم الثاني
و من نحجي و ياها ما ترد بقينا نبجي و احنا نشوف

سياره تاخذنا بعيد عن بيتنا ... الى ان وصلنه كدام فرع
وكف سياره و نزلنه و كال تعالو امشن وياي اشرت
ال مارين حتى نركض بس هو جان اسرع و كض ايد
مارين و كفت و كلت عوف ايدها راح نجي وياك
عاف ايدها و صارت كدامه مشينه مسافه قليله

وكف كدام بيت جبير و فخم دك الباب و كال انتظرو
هنا ... دار وجهه و مشه ورا ثواني نفتح الباي وجانت
خاله لجين بسرعه ركضت الها اني و مارين حضناهه
نلتمس الحنان منها و بقينه نبجي شوي و بعدتنا عن
حضنها و كالت بخوف شبيجن يمه صاير شي امجن
وين تعالن و ياي دخلنا و جان اكو ولد شاب كاعد
بالطبخ باوع الخاله و كال
ازاد_ يمه اني طالع

خاله لجين _ روح الله وياك
كعدتنا بغرفه و جابتنه اكل و مي و كالت يلا اكلن
حتى تحجلي
هيلانه _ خاله ما اريد اكل ماما........... حجيتلها كل الصار
هي كل شوي و تلطم على خدها او تعض صبعها باسف
شوي راحت و رجعت لا بسه عبايتها كالتلي ابقن بغرفتي

اروح اشوف شصاير و اجي راحت خالتي .. و احنا ملينه
و نمنا ورا فتره كعدت عطشانه .... بقيت استذكر و اكول اني وين بعدين ضربت راسي و طلعت من الغرفه و اني
احجي وي نفسي بس فجاه نركعت بشي صلب عبالي حايط

_ اوووف شنو سالفه ثولي اليوم حتى الحايط ماسلم

_ منو الحايط بويه
رفعت راسي و رمشت اكثر من مره

_ اا.. اني شسمه هذا اسفه ما دري بيك

_ اخذي نفس لا تختنكين... بعدين ماذكر فؤاد عنده بنت

_ لا اني بنت فراس
باوعلي بصدمه ... بعدين عگد حواجبه ورجع
شعره لورا بيده وكال

_ اشو ابوج املح عليمن طالعه

_ بابا حلو بعدين جمال تركه الك عمو

_ لسانج اطول منج ... بعدين منو هذا عمو

_ انت

_ يا بويه .. وخري خلروح حتى ما طلع
سوالف فراس بيج

_ تعرف وينه

_ بجهنم الحمره

_ وين هاي

_ معليج

_ الرب عليك كولي

_ بس لاا مسيحيه هم

_ يي
_ من تجي خالتج اساليها عن جهنم ...
طلع من المطبخ بعدين رجع كم خطوه و كال

_ شسمج ؟

_ هيلانه

دنگ المستواي قرب ايده من شعري
وهمس وهو يخلي ورا اذني
_ هلال شعرج سواده زايد
عن المعقول ... سكتت بعدين اردفت

_ وانت شنو اسمك ؟

_ اسرج هلال

_ اسري!!

هز راسه بقبول و اشر بيده بمعنى باي و طلع و اني
ما هتميت بس بقت بالي كلمه اسرج و هلال كلته
اسمي هيلانه معقوله مسمع زين و منو هذا يجوز
ابن خاله لجين شربت مي و رجعت و لليل اجتي
خاله و كالت
خاله لجين _ امجن تعبانه و راحت يم
اخوالجن ترتاح و لان طريق طويله بقيتن يمي

هيلانه _ و بابا

خاله لجبن_ مسافر عنده شغل ... تبقون يمي لمن
تنحل الامور

مارين _ اخذيني يمها ما ريد ابقى بعيده قربت
منها خاله و حضنتها و سكتت مارين وشبه اقتنعت
بالبقاء مسكت صليبي و دعيت الرب يحميهم و يرجعهم النه مرت الايام و السنين و اني و اختي ساكنين وي
خاله و تعرفت على كل اولاد عمو فؤاد الا
الشخص الي شفته باليوم الي اجيت بس ما حجيت
توقعت جان صديق ازاد او امير او ايمن .... عشنه
وياهم و جان كل مره نسال خاله عن امي تكول ما تكدر
تجي وضلينا..حياتنا صارت سعيده ظاهرا بس تبقى غصه
اهلنا الي ما يكلفون نفسهم بسؤال علينا تحز بخاطرنا

Back to the future

طلعت من الحمام و اني الف بشعري بالمنشفه باوعت
لكيت مارين بسابع نومه تنهدت و اني اكعد يمها
سندت راسي على المخده و طفيت الضوه ضليت
اباوع على الفراغ و دموع تنزل وحاول اكتم
شهكاتي و حزني... ليش ماما عافتنه و
راحت تشوف حياتها بعيد عنه و بابا الى جنت
اظن احسن و احن منها بس نفس الشي ...

هلي يمن عفتوني اتعثر
وگوم استند على خيبات
و رجع اوگع وانهض بروحي
يمن مركب بالبحر ما مال
يمن كتلوني واني الضنه
الماينمل هليتكم انا ....

بقلمي زهور الـ سلطان

دخلنا البيت وجان صوت عمو فؤاد و خاله عالي باوعت
ال مارين و ركضت اشوف شنو صار .......تفاجئت من
سمعت نقاشهم

لجين _ فؤاد سد الموضوع مستحيل اتركهن
يروحن بهالسهوله

فؤاد _ استوعبي امهن هي الي طالبت بيهن لازم يدرون
مو من حقنا نمنعهن

لجين _ وين جانت عنهن عشتو ورا سنين تذكرتهن

هيلانه _ شنو صاير
لتفتلولي باوعلي عمو فؤاد و كال تعالي بويه يمي
خليت جنطتي بالكاع و مشيت يمه و كعدت على تخم

فؤاد _ شوفي بويه امج بيتكم القديم و تريد تشوفجن
قاطعته مارين و هي تكول

مارين _ نرجع نعيش سوه

فؤاد _ مادري بويه .. روحو شوفوها و يصير خير

لجين _ ما ترجعن وياهه لا تريد تسافر

هيلانه _ لعد ماما لجين ماريد اروح اني ما مستعده
اشوفها كم ساعه طبيعي و انسى شلون دزتنه لهنا
ودارت وجه وراحت وهم تريد تسويها مره ثانيه

مارين اذا تريدين روحي انتي ... كلتها وصعدت
اجت وراي مارين بدون ما تحجي شي عفتها ودخلت
اسبح مرت الايام بين الدوام و البيت ومحد جاب
طاري هذا الموضوع علمود ما يزعلونه بس قبل
نصف السنه بااسبوع  ........
_____________________
.
.
ادم

جاي تحجي ودخل عمي فؤاد باوعلها بغضب وكال
_ياسمين تعالي محتاجج ... وانت نام وراك دوام
بعد ممنوع توصل للكيعان وطلع....
ماحصلت الي اريده تركوني بحيرتي وراحو كمت

قفلت الباب و سحبت الجربايه طلعت خزنتي
الصغيره فتحتها و اخذت اعز اشيائي صليب كيلان
و جريت حسره على اصدقائي الراحو بدون سبب
و ضاع خبرهم من يوم الحريق ..... رجعت كلشي
المكانه وكعدت ادرس مرت ايام شبه هادئه لان
عمي فراس كثرت روحاته لبغداد و زادت مشاكله هو
و زوجته سناء و اصواتهم تملي البيت

و كل يوم زعله مختلفه بارق و احمد ما عندي علاقه
بيهم لان عائله فراس كلها ما طيقها بس مرات استغرب
فراس ابوهم لان يختلفون منه و اروى الي شايفه
نفسها على البيت كله و تحجي بتعالي نسخه امها

ميس نادرا اسمع صوتها دائما تدرس و من شافتني
ارفض ادرسها ما تحجي بس ضل منتضره ايمن لمن
يجي و يدرسها اما عمي احسان زادت عركاته هو وعمي
فؤاد يريد حصته تكبر يوصله كل شهر خير من الله بس

طماع و ما يملي عينه شي .... بهاي الفتره جنت عازم
ادخل العسكريه .... زادت اوضاع البلد سوء و دخول
امريكا و الاوضاع سياسيه كلها جانت خطره ابويه صگر فجاة كطع جياته اليه بعد ما جان يجيني لبيت عمي فؤاد

ويجنب شوفه فراس و احسان او جدي و رافض يكلي سبب و باخر مره اجه ويا رجال غريب و انطاني اوراق
كلي ابصم عليهن و انطه الـ عمي فؤاد نسخه و للرجال
نسخه ثانيه و سلم عليه و حضني حيل و جانت اول
مره يسويها من فتره طويله بادلته و كال انت صرت
رجال و اكدر اعتمد عليك تعال اعرفك على شخص
يسندك بكل حياتك طلع صوره لطفلين سوه رفعت
راسي و كتله

ادم_ يابه من ذوله

صگر _ اخوانك.... باوعتله بصدمه

ادم _ شلون يعني امي موجوده

صگر _ راح احجيلك بس لا تقاطعني بويه ..... من ولدتك
امك ورا سنتين او اكثر زادت مشاكل بيت جدك و امك
كدامي بدت تذبل دزيتها يم خالك يعقوب و بعد شهرين
رحت اشوفها جانت مريضه كلش و تعاركت ويخالك بس

كالي هي جانت ماتقبل تروح .... ركضت بيها من طبيب
للثاني و ما جانت معروفه علتها قررت اسافر وخذها وياي
وانت صغير روحتك تاثر و اهلي ما اريد ابقيك يمهم
امنتك يم خالك و دبرت رحله و دفعتلهم حتى اكدر اسافر

وفعلا سافرت بدت امك تشفى بس هم لازم تبقى اكثر و بهاي الفتره  زاد وضع العراق سوء ما اكدر ابعد عمي
ما يكدر يغطي اكثر عفت امك هناك يم عائله صديقي
و رجعت للعراق و كل مره انوي اسافر زيد المشاكل
قررت اروح اجيبه و نرجع نعيش سوه بس رحت
ههههههههه .... باوعت له و بتسمت من ضحك رغم
احس بنار بصدري امي موجوده بالغربه و اني هنا
اردف ورجع يكمل

_ لكيت بيدها طفل و جان نسخه منك
باوعتله بصدمه

_ لهسبب تسغنيت عني ؟

_ لا بويه لا تفكر هيج

_ و شنو سميته

_ بسيل ..... بقيت يمهم وقت طويل و رتتبت الرجعتنه
وثاني يوم طلعنا و جانت الروحه مشبوهه من وصلت
للمكان بقيت اكثر من ساعه انتظر يكمل العدد اجه صديقي
و علامات تعب على وجهه كال لا تروح ابد وياهم اكو عصابه جوه و خلايه ارهابيه ارجع وياي و فعلا رجعت

لليل طلعت و سمعت كل الي راحو نقتلو ... رجعت
للبيت صليت ركعتين الوجه الله و اني خايف اخسرهم
انت من جهه و امك و اخوك رجعت ورا يومين و حدي
اني بين فتره و فتره اروحلهم يعرفك هم بسيل عمره 16
و اريج 8 روحلهم من تستقر و عيش وياهم كون سند الهم

راح تعتقد اني تخليت عنك او السالفه ما تقنعك بس هذا
الي صار قرب مني حضني و خله صوره ييدي و ورقه
بيها تفاصيل و عناوين و اسماء اشخاص .....
و قبل ليروح كتله هم روحي و راح اهتم بيهم بس ارجع

علمود اريج ما تعاني مثلي ابتسم بدون ميرد و راح
و بعد اسبوع تحديدا  اختفى الرئيس صدام حسين
والقى جورج بوش خطابه وحدثت الكثير من الاشتباكات بين القوات العسكريه و الامريكيه و ادت خساره الالاف من

العراقيين و عدد قليل من الامريكيين وبدء القصف
لمحاولات قتل الرئيس صدام حسين التي ادت بالفشل
عانت بغداد من أضرار جسيمة في البنية التحتية المدنية، الاقتصاد، إرثها الثقافي، جراء قصفها وغزوها بالإضافة
لعمليات السلب والحرق و ايام مرعبه مرت على العراق
و في ليله سوداء مضلمه و صل خبر استشهاد ابي
جان خبر كاسر لكلبي و تبخر كل شي مني ايام طول

و اني حالتي نفسيه تسوء اكثر و اكثر عمامي الي كل
واحد بيهم لا هي بنفسه فراس الي يريد يطلع البغداد
و جدي مانعه حسان الي منتضر الاوضاع تهدء ويطالب
بالفلوس مرض عمه ياسمين الى زاد بهاي الفتره
و عمي فؤاد نسىه امر زوجته الي بغداد و نشغل بيها

و الاوضاع سيئه ما يكدر يرجع يسافر و ياخذها
ايمن و امير الي معتكفين و حالتهم اسوء من حالتي
ملازمه جدي للفراش و حزنه كل الامور تفككت بهاي
الفتره و حسمت قراري بالاتحاق بالجيش من اطمئن
على عمتي ياسمين بس ورا شهرين ونص دك الباب
نفس الرجال الي جان وي والدي بيوم الوقعت الاوراق.....
.
.

يتبع .....

هيلانه راح تقبل تواجه امها لو لعنادها رايي ثاني

______________________

اتمنى عجبكم البارت
لتنسون التصويت

احبكم

الباقيات الصالحات

سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد