رواية هيلانه الاسر الفصل الثالث 3 - بقلم زهور الـ سلطان

هيلانه الاسر

بقلمي : زهور الـ سلطان

نجمه و كملو قراءه

ميسان  2000_ 2001

.
.

ادم

فتحت عيوني وغلقتهن بسرعه شمس قويه مخترقه
شباك غرفتي تنهدت بضيق راجي يخلص هذا اليوم
على خير عدلت فراشي وغيرت ملابسي وفكرت ما

انزل وانتضر ايمن و امير لان مااتحمل كلامهم
المفروض اليوم ارتاح لان عطله بس ماعدهم
شي اسمه رحمه

وتراجعت عن الفكره وطلعت من غرفتي الي اشبه
بالمخزن وباوعت على كل البواب الي تودي الغرف
ساكنين بيهة ناس هذا مو مكانهم ولا من حقهم
يگعدون ويتواجدون بي نزلت توجهت للمطبخ

شفت بعضهم مجتمع على سفره صبحت وردت
اطلع قبل لااسمع شي وتبدي سيرتهم الماتخلص
بس قبل لااوصل للباب سمعت
صوت عمي احسان وهو يكول

حسان : ليش متاخر شنو تريد كلشي يجيك جاهز
اخر مره اشوفك كاعد هيج وقت

ادم بهدوء : بس بعد وقت ساعه 7

حسان : لاتجادل حتى لا
شوف شي ميعجبك وانت اعرف بقصدي

ام ايمن : خويه ابو رائد على كيفك ويا هو منتضر
ايمن و امير و مثل ماكال بعد وقت ياريت تحاسب
رائد على سهره ولهسه مجاي

ام رائد : على كيفج لدافعين ترا ماعنده شي بعده
ورائد شاب ومن حقه يتاخر وهو مايتحاسب
ابن الخير لتنسين

ام ايمن : مادافع حتى احصل شي هذا الحق ولاتنسين
هذا الخير المن

ساكت اباوع على نقاشاتهم المتكرره شوي و زاد
عدد الي يحجون واحد يرفع والثاني يكبس
وبس مره عمي ام ايمن الي احن من الكل دافع عني
سكتو كلهم لمن حجه جدي

الشيخ داود : مو عيب تتجادلون كل يوم ماتملون من
هاي السيره وانت
كالها سكت وهو يباوعلي كمل ابن ارتال
الكافره اطلع برا انتضرهم يجون وروح لا بارك الله
بيك يالقتام

ادم : جدي اني ابن صگر داود وامي ارتال مو
كافرا كافي تكول هيج كل ما تشوفني

بعد ماكلت كلامي دخل عمي فراس وتوجه ناحيتي
ماحسيت الا وهو يرفعني
من ياخه قميصي بقوه ويكول

فراس : انت شلون بيك ما تتادب يعني شلون
جادل الاكبر منك لو جلدك يحكك
كالها وبتسم وهو يباوعلي قابلته بنضره خوف
واني اذكر اخر مره ضرباني بيها الاثار ما متغير شي
منها

حسان : اي عفيه ارجع عيد تربيته ال****

بده عمي فراس يسحبني كدام انظار الكل
ورى وجدي ساكت مانطق ابد
بس حسان يحرض بي اكثر طلعني من البيت واخذني
المكان يخلون بي الاحصنه وجان وقت طلعتهن فالمكان
فارغ واني احاول ابعد عنه هو يقوي قبضته اكثر وصلني

النهاية هذا الاصطبل واخذ بيده شي مثل الصوط
وصار يجلدني شاغت روحي وصرخت
حسيت العالم كله سمعها بهاي الاثناء نفتح باب
الاصطبل ودخل ايمن وبعد عمه وهو محترگ كلبه على
ادم

_ عميي شهالوليه ابعد  كافي جدي يصيحلك بسرعه

_ ماشي راح ابعد بس مو لان ابوي راد بس مزاج وانت وهو
يباوع الادم نتبه على نفسك كلش زين
دار وجهة ومشه لتفت ايمن الي وكال يلا راح اساعدك
نروح لان جذبت عليه من كتله على جدي لايرجعنه
وانت شسويت مو كتلك اتجاهل كلامهم طلعني وصلنا
يم النهر مكانه المفضل وراح جاب قطعه قماش وخلاها بالمي ......
وبده يمسح جروحي الي ضلت تحركني بقوة ياوعلي
وكال

_شسويت هالمره.. حجيتله الي صار....
دمغني براسي وكال ولك خوش رد بس لاتعيدها لان تعرفهم
ينتضرون عليك الزله ....صفنت بكلامه وكتله ليش اني
شمسويلهم

_عوفك من هذا الحجي ومشينا الامي اكيد بالها يمن
ساعدني اكوم وستندت عليه و رجعنا عالبيت اول
ماوصلت صارت بوجهي مرت عمي ام ايمن لجتني
تبجي وحضنتني وتكول

_ يمه تحمل لو بيدي اخذك ونطلع من هذا البيت
بتعدت وكلت بنتره وغضب شنو لي لازم اتحمله ليش شصاير شمسوي اني فهميني باوعتلي بحيره
_ ايمن اخذه واصعد قبل لا يجون

_ اذا ما تحجين اعوف البيت و ما تلكولي اثر

_ يمه اني افهمك بس اصعد ارتاح من اخلص
الي بيدي اجي افهمك يلا ايمن صعده .....
ستسلمت و صعدت ويا وكبل نمت لان مابيه حيل
اسوي شي ثاني .... بعد فتره كعدت على صوت
امير وهو يكول تمبل خو ما تنبل كوم يلا فتحت

عيوني واني مصدع وكوه افتحهن مليت من ملحته
وكتله جاي وراك استغفرت وكمت ... سبحت بالحمام
الي بطابق الثاني ونزلنا اني وامير وعيوني دور على
مرت عمي رحت للمطبخ نسوان اعمامي جانو

موجودات اباوع عليهن يباوعلي و يحجن بصوت اقرب للهمس فرحانات بليصير وياي وهذا الي محيرني و ما مخليني اركز بحياتي طلبت منها تجي وفعلا صعدت
وياي وكعدت على فراشي وكالت تعال يمه ادم رحت
يمها خلت راسي على رجلها وبدت تحجي

_ ابوك صكر جان ايده اليمين مال عمه شيخ ناهي
سواه مسؤول عن الاراض و كلشي يخصه و صكر
كل شهر يبدي ينطي حصص الاهله وعمامه والكل
مستقر و بالديوان كلمته وحده محد يرده و شيخ

گله مرتك من بنياتي بس بيوم تغير الوضع وجت
اخت شيخ و بناتها الاثنين و هنا تغيرت هواي امور
وحده منها علاقه الشيخ و صگر لان هو راد .....
جاي تحجي ودخل عمي فؤاد باوعلها بغضب وكال

_ياسمين تعالي محتاجج ... وانت نام وراك دوام
بعد ممنوع توصل للكيعان وطلع....
ماحصلت الي اريده تركوني بحيرتي وراحو

اني ادم صگر داود ابن شيوخ عمري 18 سنه بعد سنه نولدت بشمال  حياتي بالجنوب جانت كم سنه ما تنعد

عشت وياخوالي وهم مسيح عيشه
لا باسبيها ابوي جان يجيني بين فتره وفتره وطالب
منهم ما اختلط بديانتهم بس رغم هذا جنت اروح

للكنسيه وعندي اصدقاء التقي بيهم نادرا امي
ماعرف شي عنها او ما حجولي جنت مكتئب
و ما العب وي الي بعمري احس بغربه لان بدون
اهلي و لا ام تهتم بيه

تعلمت كلشي من خالي ابرام عاملني بكل حب
اكثر من اولاده واحيانا يقسي عليه بس كلشي
لمصلحتي بس فجاة تغيرت حياتي من اجه جدي
بيوم جنت راجع من الدوام دخلت للبيت ستقبلوني
و جان تعابير وجهم ما طمن و جنت خايف اسال
باوعت الخالي الجبير لي اشرلي اقرب منه جله صوته
وكال

_ ادم جدك جاي حتى يشوفك
تفاجئت ورديت

_ شجاي تكول خالي جدي مو توفى قبل سنه

_ لا هذا ابو صگر ابوك

_ بس.....

_ لا بس و لا شي روح شوفه مراح يصير شي
واحنا يمكك .....دخلت لمكان معزوله عن بيت
اشبه بالديوان بس مو جبير صار بوجهي رجال على
راسه غتره و على كتفه خاچيه (بشت رجالي)
ملامحه حاده و عيونه مضلمه باوعت لجهه الثانيه

جانو اربع اشخاص وياه خفت من منضرهم احس
نضراتهم وحدها تريد تقتلني فجاة صارت ايد على
كتفي رفعت راسي جان خالي ابرام اخذت نفس
شجعت وكلت السلام عليكم
_ والله وتعرف تسلم
عرفت كال هيج يقصد اخوالي.... رجع كال

الشيخ داود  _ انت ابن صگر

_ اي

الجد _ حضر نفسك حتى ترد الاهلك وناسك

_ ماريد اعوف هذا البيت هم اهلي ... حجه واحد من
الي جاين ويا

فراس _ انت شلون تتجرء اجادل جدك .... واحنا دربنا
طويله وجينا لبيت كفار وكف خالي الجبير يعقوب

يعقوب _ فراس انت كاعد بيتي فتحترمنا وابن اختي
اني ما مقصر ويا بشي خليبقى

الجد _ اسكت فراس ..... ابو ابراهيم احنا جايين تاخذه
ماجينه نطلب منكم

يعقوب _ الدرب خطره باليل اطلعو صبح بين ما اروح
لمدير مدرسته اخلي يسويلي اوراقه لان اهم شي
دراسته

الجد _ يصير خير بويه نبقى هنا لباجر بقيت كاعد يمهم الفتره ..... صار العشه و خوالي طلعو يجبو صار وقت
الصلاه و اني هنا غافلت الكل وطلعت من البيت ركضت
للبستان و صوت الحيونات جان قريب مني بس ركضت بدون ما التفت حتى وصلتت للكنيسه و شفت جاد و
كيلان فكرت اني ما راح اشوفهم تقهرني هواي
تفاجئو من شافوني

جاد _ كيلان هذا ادم لو اتخيل

كيلان _ والرب هو هههههههه شعجب ذكرتنا

ادم _ اني راح ارجع للجنوب وردت اشوفكم
قبلها

جاد _ ليش ترجع وياهم ابقى هنا

ادم _ ارجع لاتخافون راح اجزعهم مني

كيلان _ ادم معليك بجاد روح وياهم وعيش وي ابوك
احسن من الحزن الانته بي

ادم _هه هو حتى ماكلف على نفسه يجي يشوفني

كيلان _ يجوز ما گدر

ادم _ ماعرف

جاد _ تعالو ناكل لا ضلون واكفين ترا اخلصه
ضحكنا ورحنا وراه بقيت وياهم الفتره طويله
وجان يوم حلو بسس كلشي ختلف من كال كيلان
اهلك اجو كلهم جاي يصلون

_ اروح وياهم اني
گامو حضنوني وصوني انتبه النفسي وما انساهم

_ جااد كافي ما حب الوداع

_ هههههههههه تمام اروح اشوف بابا افاغريوس
وجيبلك شي واجي ما اتاخر طلع جاد باوعلي
كيلان و نزع قلاته و كالي لازم تجي مره ثانيه
حتى تنطيني صليبي بتسمت بوجهه و جانت
هاي اخر مره ابتسم ..... طلع كيلان وهو يكول

_ اروح اشوف جاد وجي
اباوع على بستان وكلت اتمشى بي شويه ورجع
واني امشي تقريبا ربع ساعه مر بدت صير ريحه
غريبه بجو ردت اتبعها بس بكل مكان اكو ركضت
راجع للكنيسه و........
_______
.
.
هيلانه

كاعده على جربايتي وسانده نفسي وافكر
بالاحداث الغريبه الي صارت اليوم وتتردد
بالي كلمه ليش خالتي تفاجئت بااستاذ بسيل
و ليش ازاد ساعدني وصعد مارين ورجع الغرفته اليوم .....طلعنا من المستشفى صعدنا السياره
كتله بااسم المنطقه ونشغلت بمارين  انتبهت السياره

وكفت رفعت راسي للجامه شفت طابكها مقابيل بيتنه نصدمت شلون عرف عنوانه بهاي الدقه ردت اسال بس شفت خالتي وازاد بلباب اجوني خايفين بس من انتبهو لوجوداستاذ بسيل حسيتهم نصدمو باوعت خالتي الازاد

و هو تقدم سند مارين ودخلت وياه للبيت وخلها بغرفه
خالتي و راح صعد الغرفته هذا شبي ...... رجعت اشوف خالتي الي ستغربت ما دخلت طلعت للكراج لكيتها واكفه بالباب وتريد تسده انتبهتلي واني بسرعه سالتني

_ شصار يمه و شبيها مارين

_ ادخلي يمها هسه احجيلج بس اجيبلها مي
دخلت جبت مي ورجعت للغرفه لكيت مارين كاعده
انطيته الها و حجيت كل الي صار ويانه ضربت على
وهي كل شويه وتضرب خدها

خاله لجين_ عزا العزاجن كله من وراي اسمع كلامج
وما اجرت خط بعد ممنوع المشي مفهوم

هيلانه_ مثل ما تريدين خاله بس اعصايج

مارين _ هيله اريد علاج راسي يأذيني

خاله لجين _ لا يمه اكلي و اخذي علاج حتى لا تتاذين
لحكين هيله ...... كامت للمطبخ رحت وراها حضرنا
الاكل رحت دكيت الباب على ازاد وكتله تعال تغده

_ ثواني وانزل
عفته ورجعت للغرفه رتبت السفره و لتمينا ناكل
بعد ما خلصنا و مارين اخذت علاجها سويت شاي
ونطيته الهم وجان سؤال يتردد بالي

هيلانه _ خاله ليش حسيت بيج تفاجئتي من شفتي
الشخص الي وصلنا

ازاد _ صدك شلون عرفتي

هيلانه _ هو استاذننا الجديد وصدفه جان موجود وقت
الي صار هز راسه وسكت

خاله لجين _ اعرفه بسيل من زمان من وقت طفولته
كالتها وكامت للغرفه و ازاد طلع صعدت فوك باجر
جمعه فما راح اقرا شفت غرفت ازاد البومه مفتوحه
دخلت توجهت على كنتوره و اخذت كم بلوزه عجبتني
و طلعت منتصره ومر باقي اليوم بين مارين و تنضيف
ماكو شي جديد ...... ثاني يوم
كاعدين و مسوين عصرونيه و خاله سالت ازاد اول
مره تحجي هيج كدامنا

خاله لجين _ ابوك ما كال شوكت ينزل

ازاد _ باجر ان شاء الله

خاله لجين _ واخوانك
باوعنالها مصدومين اول مره تسال عن اولاد عمو فؤاد
من فتره طويله

.... شبيكم تباوعولي هيج كلت شي غلط

ازاد _ احمم لا يوم عادي امير يجي وي ابويه
بس ايمن عنده شغل يكمله و يجي
من ذكر اسمه ايمن ضجت من يجي اتقيد شايف
نفسه عدالك بس هو موجود بالعالم اوويي و ليش افكر

بي خالتي بدت تجهز اكلات يحبوهه وحتى ما تتعب
باجر رحت يم مارين شفتها نايمه بستها وغطيتها
وطلعت لغرفتنا سبحت ولبست بلوزه ازاد
وبعدني مانازله وصاحح من غرفته

ازاد _ هيلللللللللانه ملابسي وين .... فتح الباب وشافني

هيلانه _ يمههههه .... كلتها وركضت طلعت للكراج
شفت خالتي كاعده صرت وراهه وكلت خاله عفيه
راح يكتلني و ما مسويه شي

خاله لجين _ شبيك وياهه ازاد

ازاد _ يمه كم مره كلتلها لتاخذين من ملابسي

هيلانه _ اووي هي بلوزه شبيك اناني

خاله لجين _ لج لتاخذين منه قبل لا تكولليه
باوعت عليها  بنضرات بريئه وكلت

هيلانه _ صار خاله اصلا لان عجبني اخذته
بس هو بسرعه عصب عليه.... بقه ازاد يباوع عليه

خاله لجين _ اخذيهن يمه وانت ازاد لا تحجي وياها
مركت من يمه وباوعتله بانتصار وشمرت شعري بغرور

ازاد _ مالج جاره ابد ههههههههه
ضحكت ورحت اكمل دروسي وراها نمت ....ثاني يوم كعدنا رتبنا نفسنه و البيت و جهزنا الغده وي خالتي
وساعه 11 ظهر دخل عمو فؤاد و امير عمره 33
مامزوج و ما كدر عمو يقنعه دمه خفيف و يطلعنا
هو ازاد دائما و يشاقه ويانا عكس اخوه العگره ايمن

اذا ضحكنا بصوت عالي يكلب البيت علينا ويضل
يخوزر ..... سلمنا عليهم و كعدو يمنه شوي و استاذن
امير وصعد الغرفته مقابيل غرفه ازاد صايره وغرفتنا
مقابيلها غرفه ايمن وغرفه خاله جوه ...خلص اليوم
بهدوء وباجر دوام راجعت دروسي اني و مارين
ونمنا و كعدنا بنشاط من غير العاده وهيج استمر
اسبوعين بين دوام و البيت طبيعي بس بعدها
صباحا
كعدتني مارين باعجوبه و غيرنا ملابسنا و نزلنا

خاله لجين _ مارين هيلانه تريكتو خليوصلكم ازاد

_ اي خاله
نزل ازاد بكل اناقته ... هو اصغر من امير
عمره 28 طبيب اسنان و مهتم بنفسه دائما يسافر
تواجده قليل ... و قبل سنوات خطب بس فركش
الخطوبه فجاة بعد ما كان سعيد بيها ورفض بعدها زواج
.... وصلنا للمدرسه ونطانه مصروف وقبل لا ننزل صفت

سياره استاذ بسيل كدامنا ازاد كال بسرعه نزلن
نزلت مارين واني الفضول شتغل عندي فنزلت وكلتلها
هسه اجي فاكو سياره  قريبه علسياره ازاد صرت بينها
وبين حايط المدرسه علمود اسمع ورضي فضولي رفعت راسي شوي شفت ازاد نزل وصار كدام بسيل والي سمعته بعد ما سلمو

بسيل _ المكان خطر دكتور .. شعجب ما سافرت

ازاد _ مو اني الي اخاف استاذ .. عندي اشغال اهم
من السفر

بسيل _ عموما بس حبيت اكلك علمود تنتبه

ازاد _ ماتقصر بس اعرف شغلي مع سلامه

ستغربت نبرتهم الي مليانه بالاستهزاء من بعض
ورحت من ورا سياره و صرت امشي وي البنات
ودخلت للمدرسه مالحكت احجي وي البنات صار
درس اول درس هو عربي و بعدها اجه استاذ بسيل
شرحه جان سلس وسهل فهمت عليه كلش و بعدها
صارت فرصه طلعنا للكافتريا شترينا اكل وكعدنا

ناكل ونصنف عالرايح و جاي و بس مارين و زينب
ماراضيات اني ولمى و مريم نشكل عصابه تخاف
منها كل البنات ههههههه .... دك جرس و بعدها رجعنا
للصف وهيج خلص اليوم طلعنا ننتضر ازاد او امير
لان بعدهم ما لا كين شخص ياامنون بي يوصلنا
صار اكثر من نص ساعه ما جاي احد

هيلانه _ مارين يلا نمشي تاخرو

مارين _ اخاف نترزل

هيلانه _ بدت المنطقه تفرغ و شمس تكتل امشي....
وبطريقنه للبيت فجاه وكفت سياره جبيره و مضلله
يمنه عرفتها المن فتح جامه وكال بصوته الخشن
اصعدو

هيلانه .... مارين _ هلا ايمن شلونك

ايمن _ هلا
كالها ورجع يسوق هو هذا طبعه ما ستغربنا وكف سياره
ونزلنا فتح الباب و دخلنا بعدنا بالكراج و نسمع صوت
صياح عمو فؤاد وخاله ركضنا نشوف شجاي يصير
وستغربت من السمعته ووو ......
.
.
.
.
___________________

اتمنى ستمتعتو بقراءه البارت اشوفكم
على خير

احبكم خيرات الله

الباقيات الصالحات

سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد