رواية هيلانه الاسر الفصل الثالث عشر 13 - بقلم زهور الـ سلطان

هيلانه الاسر

زهور الـ سلطان

لاتنسون التصويت و متابعه للحساب ووعلقوا تعليقات
حلوه مثلكم فيروزاتي
.
.
تنبيه

البارتات تحسونها قليله الكلمات بس هو هذا الحد
الي مفروض اتوقف منه تاخيري بسبب وضعي
الدراسي

تنبيه

اذا اشوفكم متفاعلين بالبارت انزللكم اشباه الابطال

اعذروني حبيباتي بس الوضع ميسمح و البطله
نقلها للحداث بصعوبه بسبب وضعها نفسي الرجع
تأزم بسبب تذكر الاحداث راح تمر بصعوبه عليها

تنبيه

لاعبالكم اتاخر عمدا بس هي هاي القصه الحقيقيه
احداثها لازم دقيقه مو اكتب براحتي و شكرا لتفهمكم
.
.
ياارضي لقد اغتالكي
من يدعون بأانهم ابنائك
ياارضي لقد سلبكي
من يدعون بأانهم حماتك

ياارضي وقد مليتي بدماء
محبيك اما ان لكي ان
تدمري الفجار و ترتقي بمن
يجعل الموت فداء لكي غايه
للكاتبه ......
.
.
هيلانه

ايام مرهقه تمر مثل عجوز اهلكها زمن
فتستمر بالسير بين غرف بيتها ببطئ
فتظن انها نصف ساعه و هو نصف النهار

شنو مغزه وجودي سؤال دائما ينطرح
بعقلي و ما عندي جوابه اصوات انغجارات
مدويهة تملئ المكان قريبه لدرجه اظنها

على بعد خطوات منه .... بيوم گاعده
اني و سما تشرحلي عن انواع المعقمات
و الجروح و كيف نداويها و تشرح اليه

بمجسم اله تفاصيل انسان عادي

هيلانه _ شنو استفاد من تعليمج الي

سما _ لازم تتعلمين متعرفين شيجي بعدين

هيلانه _ سما فدوه بس كولي شنو سبب صوت
التفجير اذني راحت من الصوت

سما _ ماكو شي

هيلانه _ و الرب ما اكول شي تعرفيني انتي

سما _ هاي ليالي السقوط

هيلانه _ سقوط شنو

سما _ الموصل و العراق تقريبا

هيلانه _ خوفتيني فهميني صاير

سما _ تنظيم ارهابي فجر اغلب الاماكن بسبب الحرب
البينه و بين الجيش العراقي مو قريب منه بس
صوت مدوي

هيلانه _ ارهااب يعني شكد عددهم

سما _ جبيرررر حيل احتلوو الموصل كلها من الجهه الثانيه

توترت و جاوبت بخوف
سما _ لا كل العراق بخطر شهداء خسر العراق اكثر من
ما تتخيلين .... معسكر تدريب كامل نقتل بمجزره

هيلانه _ خطيه يا معسكر هذا

سما _ سامعه بسبايكر

هيلانه _ يي القاعده الجويه ابن عمي واحد من ضباط
المسؤولين

طقطقت اصابيعها واني جاوبتها بخوف
_ شبيهههمممم

_ انذبحو

هيلانه _ لاااااااااا لتگووووللييييهااا مستحيللل
بجيت فزع و هي حضنتني تحاول تهديني بس
اني تهسترت بزايد و ابجي خفت على الباقيين
_ فدوووه سماااا ووالانبار هم خطر

دنگت راسها و جاوبت بخوف
سما _ للاسف يي

_ اخوويهه هناااك ياااربي راح اموووت

_ اهدئي يروحي كافي و الله مو كلها بخطر اذا ضابط
مو شرط نذبح يجوز هرب فدوه اخذي نفسس هيلااانه
بس اهدئي نزلت هي و اني بقيت بمكاني روحي

راحت متت بدمي الوب ما اعرف شسوي احساسي
صعب ينوصف ولد عمي الي عشت احلى ايامي وياهم
عمو المارفضلي طلب اخويه سند الوحيد الممكن يدومنا

و مطمئنه حتى لو تكون نهايتي بهذا المكان هو ميعوف
مارين تنهدت و اني حسره شكبرها بگلبي و ختنگت صعدتلي سما تركض بيدها كوب مي شربتني ياهة

و هديت شويه بعد يومين من هذا اليوم و اني ماحاطه بحلگي شي حتى مي گوه اشرب طاقتي خلصت و گومتي صعبت صراع بعقلي و بروحي خوف من الشر المحيط بهذا

المكان الطابق الجوه فرغ و ناس طلعت ... و بعد ايام
صادف الثلاثاء سمعت عيااط قوي جوه رجليه ما حملني
گوه تحركت خفت لايكون التنظيم الحجتلي عنه سما

فتحت الباب و نزلت صرت قريبه على الصاله شفته سما تبجي بسكوت دريد مكتف اديه و يباوع اله عرفته من ضخامة اكتافه و صوته لابس بدي اسود ردنه قصيره
عضلات ايده بارزه نهايه ردنه و بيده اليسار مرسوم عليها

شي بلون الاسود زغرفه غريبه عيون و نسر ماعرف صقر
و بدال البؤبؤء رمز عباره عن 2T3 جفلت على صوته من عاط عليها جواه بيداء مرميه على الگاع تترجى المسامحه

و هو نازل عليها سب و دفرات و يصرخ بحرگه
الاسر _ ناويه تروحين للتنظيم

بيداء _ لاا صدگني بس عبالي منا اگدر اطلع

الاسر _ ضحكككككين على منوو ولجج بربو..***

دريد _ مو گتلك شكيت بيها تجمع معلومات

الاسر _ عباااالجج يطگولجج تحيهه لو نطيتيهم معلووومات عليه كلبه

دريد _×وين لگيتها

الاسر _ برجعتي تمشي بطريق معسكرهم بكل رحابه گ.......***

مسحت الدم من انفها جمعت قوتها و گامت و هي
تنتفض و تصرخ
بيداء _ يي جا خلوني اطلع بدال البهذله ووالخدمه هاي يجوز كلامهم عن الدين صحيحح

الاسر _ و خرها من وجهييي ولككك تقدم دريد سحبها و هي تعيط بوجهه و تحاول تفك روحها منه جان يندار يباوع السما
_ شكووو ترجججفين تستاهل

مجان يشوفوني لان صاير بجهه بعيده عنهم و هو حاير
بمشاكله او يمكن انتبهلي ... صعدت على سريع حتى لا
يشوفني بعد ساعتين تقرببا صعدت سما يمي سألتها كأن
ما اعرف شي

هيلانه _ شنو صوت العياط الصار

سما _ بيداء

_ شبيها

تنهدت و گالت
_ رادت تخبر عن مكان الاسر و دريد

_ ليش شتستفاد

_ عبالها راح تكون الها مكانه عند دواعش من تبلغ عليهم

_ ليش هو شنو شغلهم

_ ما اعرف

_ صار جوه ؟

حجتلي كل اليصار بوجودي و بعدها كملت الصار
من رجع دريد

سويتلهم شاي و هم گعدو على ميز يتنافشون

الاسر _بقيتلها اثر

دريد _ موصيمن انت ؟ صحيح شنو موقغكم بالمعسكر

_ سيئ جماعتنه الاكثريه لزمو و نقتلو اكو كحـ***
يضحكن عليهم بداخل المعسكر و ياخذون مهلوس

_ و شيصير

_ يذبحون بنومهم لو يحرگوهم بتيزاب

_ يعني ما سيطرنه بكل مقراتهم

_ اكو مقرات تهدمت داخليا بسبب الامير انقتلو
ثنين زمايل و احدهم نقتل و نغتصبم بنته

_ شوكت اروح للانبار

_ لا ابقى هنا

_ ليش مستهزء بيه خو اسلمكم رتبتي بعد شكو

_ ليش تستط*** يا ****** حيوان غير خايفين عليك

_ قصدك تريدون خططي

_ هاي وظيفتك العراق محتاجك تخطيطك

_ م. مقداد عرف بموقعي

_ استشهد

_ لا ياربي

_ شبيك نخلست هي هيج صارت اسرع من شربت ماي

_ بس عالاقل تاثر الميت مو عصفور

_ ما عاد يفرق بالعراق افهمو

هيلانه _ بس هيج صار

سما _ يي

_ يعني هم بالجيش لو لا

رفعت اكتافها بمعنى ما اعرف و راحت بقيت بحيره
قبل فتره سمعته يحجي بذبح و القتل هسه شي يختلف
و الرب حرت الوقت يمر تمنيته يصعد حتى اسئله عنهم

هو يعرف بابه يجوز يعرف عمو فؤاد هم بنص تفكيري
غفيت على القنفه .... لحد مگعدت على صوت حركه بالغرفه فتحت عيوني بتعب شفته گاعد على الجربايه

و گدامه اوراق تاسره المكان و لابتوبين بقيت هادئه
محجيت شي و مابيه اجادله ستمر يشتغل ساعات
ممتتاليه اخر شي عاف البيده طگطگ رقبته و اصابيعه

فرك وجهه بقوه لم كل شي خلاه بجنطه ظهر امدت
على الفراش على بطنه رجله رغم الجربايه واسعه بس
رجله طلعت منها هو بسرعه عتكف على نفسه الجو بارد

الغرفه صليلها يطگ بالعضم نايمه بلايه غطه و هو هم
استحي اگوم نزلت عيوني شفت سترته بقت عيوني عليها
بس ما ريد انام بيها بقيت هيج لحد منمت بس مطولت

گعدت مفزوعه العرق ماليني واثقه حلمت بشي بس
نمحى من ذاكرتي افرك على صدري احاول اهدي وضعي
شفته مموجود بالغرفه طلعت من غرفتي شفته گاعد

بالاستقبال يباوع علفراغ انتبهلي اباوعله

الاسر _ تعالي

هيلانه _ ماريد

_ اجي اني

تذكرت وضع ببداء بلعت ريگ و جيت گدامه گعدت
بمسافه بعيده

_ شبيج مخلوسه ؟

_ حلمت

_ بشنو

_ ما اعرف

_ من نومج الزايد .... احتمال ترجعون البغداد

ابتسمت بفرح
_ صدگ

ما اكد كلامه كتفى بسكوت

الاسر _ بس لا تضنين راح اطلع من حياتج
انتي اي وحده من التؤم ؟

هيلانه _ شعليك

_ سهل اعرف من سما

_ ما راح تگولك

_ تراهنين

_ شراح تستفاد من تعرف

الاسر _ انتي هيل ؟

هيلانه _ هيلانه قصدك

_ عوفي اسم فراس ***** على جهه

_ لا تفشر على بابا

_ ح******* ن****** بأبوج هيج احسن الج

_ قذر

_ وحده قرجه شيترجى منج

_ شنو هاي نوب

_ شعليج بويه

_ لتگول بويه

_ هيلي ؟

رديت بأنزعاج
_ نعم

_ احب اتركلج تذكار

_ ماريد منك شي

_ بس اني اريد

گام من مكانه تقرب مني رجعت ليورا حتى اركض
بس ملحگت ... وگف گدامي يمنعني

_ انت شوكت تصير بشر
بس گلت هيج ضربني راشدي قوي حسيت وجهي نشل
وگعت مگدرت اگوم صار فوگي صرت بين اديه .... خفت صرت الهث بستمرار كأني راكضه لمسافه طويله حجيت
بشكل متقطع

هيلانه _كم ... م م مره اگول ل ل لت لتلمسني

الاسر _ عدتيها اكثر من مره دليل ما يهمني كلامج

هيلانه _ دليل انك ماتفهم

الاسر _ يعني

هيلانه _ الحليم تكفيه اشاره

لوه ذراعي ورا ظهري بجيت بقهر ورهبه لم اديه
سوه و ربطهن بقوه ما عرفتوبشنو مد ايده على
رگبتي من ورا فجاة سحب تيشرتي انشگ

صرخت خله ايده على حلگي يمنع صوتي يطلع
شگها من جانب كتفي الايسر لمسه بأيده الخشنه
البارده حجه بصوت متغير و صوته اقرب للهمس

الاسر _ ما تستحقين مخدر
مالحگت استوعب كلامه و حسيت بشي اخترق كتفي
بعد ايده عني حلگي ستمر باليسوي ما هتم صرخاتي
صرت اتوسل بي يعوفني لاكن بدون جدوى تركني

بعد ربع ساعه و گام ما تاخر و سمعت طبگه الباب
تعلن خروجه حيلي باد وراح مابيه اگوم و حس بشي
ينزل على رگبتي مديت ايدي اله و شفته دم تهتسرت

من احاول ارفع نفسي بس بدون جدوى لحد مداخ راسي
و گعت مغمي عليه گعدت تعبانه و بنفس مكاني حتلو
ميته محد يعرف بيه سندت نفسي على الگاع گومت

نفسي مشيت للحمام سديت الباب

فتحت أزرار القميص و نزعته باوع للمرايه الگدامي
نداريت اشوف شسوه بكتفي بس مابين شي من الدم
اخذت فتحت الدوش المي بارد مو دافي رغم هذا

دخلت بي غسل الدم فكرت رگبتي بقوه كأني انتقم من
نفسي بسبب اظافري طويله رگبتي صارت خريطه من
الخرمشه السويتها رجعت انداريت الدم راح تقريبا

بس ترك ورا اثر جبير نفسس وشمه بس ليشش بقيت
اباوع على ظهري مندهشه على تحملي و مستغربه من نفسي ليشش ممتت معقوله هالالم و الاثر بسيطط

خاله متخليني استعمل السچين حتى لا تنجرح ايدي
وتأذه لعد و هذا رفعت انظاري لوجهي ادموعي حتى
محسيت بروحي ابچي اثار راشدي صاير لونها اصفر

الم حاد لزمت جهه گلبي حيل و صرت ابجي وأون من
وجع گلبي ... الباب اندگ مفتحته ستمر يندگ كل شويه

سما _ هيلانه اني سما افتحي الباب

اخذت منشفه من زاويه غطيت جسمي فتحت الباب
ساكته صارت تحچي وياي و اني مجاوبها گبل رحت
للغرفه تحت انظارهه اخذت ملابس من الجايبتلي ياهن

لبستهن و رحت تمددت هي بس تحاول تقنعي احجيلي
كلمه بس شعور بداخلي ما راضي برود صابني و سيطر
عليه غمضت عيوني امثل النوم راحت سما و نتهت هاي

الساعات و اني عيوني مشايفه النوم ستمر و ضعي على
نفس المنوال و اكل شي بسبط بس حتى تروح عني سما
و ماتلح وياي ..... الحد مااجه يوم عرفت في ما بعد انه

بعد سيطره قوات داعش على المناطق الحيويه منها
الشبكات التلفزيونه و مراكز المدينه و تدمير الذي الحق
ظرر واسع بالمباني السكنيه و دفن اغلب الناس تحت

انقاظها اصبحت الموصل تحت رايه الشر و الكفر و بين
يدي وحوش احاطو نفسهم و غاياتهم بأسم الاسلام
و بدأو بنشر الرعب بين الاقوام

في احد اليالي الممله گاعده گدامي الشطرنج و افكر
بالعبه الحياة اشعر اني احد البيادق التي تحاصرها الخساره و الموت من كل الجهات لاكن انتظر فرصه

لكي استطيع تحرك بنجاح و اقلب طاوله على كل
الاطراف قطعت سلسله افكاري دخول سما و دريد
بشكل مفاجئ

سما _ بسرعه گومي هيلانه راح نطلع

بقيت اباوعلهم بجمود
صرخ بيه دريد .... و هو يگول
موووو وقتها البسن هاي

جانت عبايه و نقاب
سما التنظيم قريب منه هيلانه بسرعه

فزعت و گمت ساعدتني سما بالبس
نزلنه البيت جان هدوء دريد لزم شي دائري
خلاه بيده و مسدس شكله يخوف بيده الثانيه

سما _ عوف الرمانه عندي

دريد _ لا

سما _ فدوه دريد

خلاها بيدها و اشر بيده نطلع وراه
اخذنه من الجهه الثانيه الجنت بيها اول مره جيت
هنا نزلنا الدرج و مامشه طول لان البيبان كلها غرف
راح من اتجاه جوه درج جان باب طلعنه منه صار

گدامنه الذئب خفت وحتميت ورا سما بس هو مشه
يم دريد و صارو گدامنه يمشون دغيت سما اندارت تباوعلي

هيلانه _ اكلج احنا صدك طالعين منقبات ويانه ذئب و شخص بيده سلاح احسني بفلم

سما _ لو ما عيب وزحمه من ظروفنا جان هلهلت هسه ذكرتي تنطقين بعدين صدك لابسين نقاب

هيلانه _ على ساعه اطيح على وجهي

سما _ تستاهلين بعدين الويانه هاسكي مو ذئب

هيلانه _ شنوه الهاسكي

سما _ من انواع الكلاب

دريد _ تحركننن

جفلنه و صرنا نمشي وراه ساعه بقينه نمشي الهاسكي
وگف ......

دريد گال ....
دريد _ ملك الموت يحوم علينه

دريد طلعنه منا

استحي اطلب من اهل البيت يطلعونه منا صوت مدوي
صار صرخنه بفزعع و خووف اندارينه نباوع جان مكانه
جاي الصوت قريب منه .......

دريد _ اتحركنن لازم نوصل للجيش العراقي ....

و فعلا كملنه مشينا اني وياهم ابتسم دريد لتفتنه
گال دبابه جيشنا هاي سما انتي ما سويتي شي غلط
ابد غلطج بس مكان عيشتج ادعي نطلع بسلامه

سما صارت تردد بكلمه يارب يامجيب يا مخلص
الطفل من بين مشيمه ودم اجعل بيننا و بين اعدائنا
سد و اغشي ابصارهم عنا

حفظتها بگد ما كررتها

فعلا عدينه المنطقه الي دريد گال خطره و موتنا
بيها طلعنه المنطقه بعيده التعب بين عليه عطشت
رجليه ماعادن يحملني فجاة صار رمي قريب
ما نعرف منين يجينا صرخت متفاجئه من الرصاص
ترس جسم الهاسكي و طلعو من ورانا ........

.
.

مارين

باجر نروح گلبي مقبوض و ممرتاحه تالين
رجعت من سوگ هي و رسيل الي اخذها ازاد
يوصلها جنت بالمطبخ كملت العشه اجتي هي
سحلتني فجاة

تالين _ اتحركيي يمعووده

مارين _ مالي خلك اصعد

تالين _ مو على مزاججج مرمر

لجين _ شبيكم بنات اصواتكم عاليه

لجونه حبيبتي هيج سلامتج

صعدتني لفوك و جابت الابتوب مالها شتغلت بي
ثواني و طلعت اريج عالشاشه

اريج _ هلو يحلوات

مارين _ اكلجن مارتاحيت الهذا الاجتماع اطلع و اخذو راحتكم

تالين _ دتعالييي

زمخت بيه لتفتت لها رفعت حاجبي

مارين _ لتعيطين راسي يأذيني

تالين _ لتتنعوصين اوكي خيتوو الصاكه

اريج _ مارين اگعدي تويتي راح ينتحر من الحماس

تالين _ شوفيها حتخبلني

اريج _ دشوفي

مارين _ يلاا تويتي راوينه

كامت تالين للكنتور طلعت من كيس طويل
مارين شنو هذا

تالين _ اصبري

فتحته و طلع فستان طويل صفني جان لونه زيتوني
ارداناته طويله و شفافه صدره مفتوح و مزين بكرستالات
بيضه و بي حزام ناعم خصره ضيق و من جوه واسع

صوفرت اريج و طيرت الانوثه جان صوتها اعلى من ازاد

حجت تالين بحماس
تالين _ شنو رايجن

اريج _ حلو

مارين _ مو جبتي ملابس وياج

تالين _ هذا الج

مارين _ اليي لااا ماريد

تالين _ انجبي وجج طلعيين صكصووكااايه بي
و من هسه ماريد ادموع و لا زعل و الي باعج بيعي
و لتفتين وراه

اريج _ تنطي مواعض و تحتاج النصحيه

تالين _ انجبي انتي الثانيهة

تالين _ رتبي نفسج لادموع و لازعل رايحين مناسبه
بيت جدي اول مره تروحيله المكان مليان حيايه و عقارب

اريج _ و سحالي بكل الانواع حبيتي اما تكونين قويه لو تبقين گاعده

تالين _ سمعت بيبي طالبه تشوف بارق و فدوى اخوانج يعني

اريج _ صدك مو جدي طاردهم بااخر مره

تالين _ مااعرف بس سمعت هيج

مارين _عزاا شنو طاردهم اخاف يسويها وياي هم

تالين _ ميگدر لان احنا وياج انتي منه و طردج يعني طردنه

دمعت عيني من كلامهه و هم خايفه انحط بموقف ما اكدرله ... ضربت اريج على كصتها و هي تكول توني اكول بدون ادموع

مارين _ تاثررر شبيكككوم

تالين _ اوووي اسكتي ضوجتني

بقينه وحده ترفع و ثانيه تكبس لحد ما ندگ الباب
تالين سدت الاتصال و اني گمت افتح الباب طلع بوجهي
عمو فؤاد

ابتسمت و سلمت عليه

مارين _ شلونك عمو

فؤاد_ بنيتي الحمدالله
حضني و خلاني جوه ذراعه و دخل للغرفه ....
تكتفت تالين باانزعاج و تباوع علينه

تالين _ اني موجوده مشوفوني

ضحك عمو بصوت عالي بسبب نضراتهه
فؤاد_ ابويه مارينه تنزلينه اذا اعوفج يمها هسه تذبحج

گامت تالين من مكانها حضنت عمو من جهه لخ و تگول

تالين _ ما غرت لا تفتهمون غلط

فؤاد _ واضحح

تالين _ دحقي هو ابويه و ابوكي كوي (تره)

فؤاد _ صايره موصليه

تالين _ شعدالكم

بقى عمو يسولف ويانه و يگول لا لتالين ما تسوي مشاكل
و تتجاهل الي يزعجوها

تالين _ شكرا بابا طلعتني ام مشاكل

فؤاد _ لا بويه هم يبدون بس انتي كبري عقلج و قابلي جاهل بتجاهل

فؤاد _ مارين

مارين _ نعم عمو

فؤاد _ ما جنت اخذجن البيت جدكم حفاظا على
مشاعركم و خليت حاجز بينكم و بين كل ازعاج بس صارت ولازم تروحين

سكتت كتفيت بهزت راسي
فؤاد _ هسه انزلي وياي اخوج وصل يمكن

گمزت گبل و گلت

مارين _ صدگ

ابتسم و هز راسه

اني بسرعه نزلت و شفت باب الاستقبال مسدود فتحته
على سريع و دخلت .... شفت اخويه بس شكله تعبان مو
مثل قبل شعره محلقه صاير شبه اصلع و باقي بس شاربه

الكثيف و بجهه الثانيه امير و ايمن ما هميت گبل رگضت
عليه حضنته بقوه بادلاني بااقوى منها صارت دموعي تنزل
بغزاره كأني اريد گلبي يبرد بس دينزل عليه جمر اكثر

احمد _ اش بويه شنو هالدموع هايه

حجيت و اني ابجي و اشهگ
مارين _ ليش تكرهني و الله ما عليه بطلعه هيلانه

اديه تحركت على شعري يمسد عليه باسني بگصتي
_ روح اخوج من يگدر يكرهج بس ولدد للل اووواادم
ساگمينه صار 45 يوم بواجب واحد

_ الله يساعدك حبيبي

گعدت و اني حاضنه ايده و متمسكه بيها كأن اريد
اوصل الحضن هيلانه بقربي منه

لتفتت شفت ايمن گاعد يباوع النه من اجتي عينه
بعيني اندار يباوع غير جهه

دخل عمو راح اخويه باسه براسه و سلم عليه

گعدو سلفو بوضع العراق و السياسه لحد ما مرت
ساعة و نص ...

احمد _ مرخصتك عمي لازم اروح

فؤاد _ بات هنا يم اختك

_ لا اعذرني عندي شغل و اضبارات لازم اكملهن بالبيت
و راح اخذها وياي

_ شلون حجي هذا رايدين ناخذها للبيت جدها

_ اعرف عمي و اني راح اجي وياهه لاتخاف
و محتاج مستمسكات البنات و جناسينهن

بقى عمو يحجي وياه لتفتلي و هو يگول

_ تروحين

_ يي بس اجيب اغراضي

_ منتضرج

صعدت ليفوگ لميت شعري شلون مكان و بقيت بيجامتي
لبست فوگها رداء من تالين و اخذت جنطتي و طلعت و هي
تگول

تالين_ عفيه عليج من و افقتي تروحين خلي يحترك شويه

احب دفاعها عني دائما تريديني قويه ما عدالك تحجي
عن اخوها اخذت اغرضي جنطتين حجمهن وسط نزلتهن
وياي سلمت عليه و رجعت ليفوگ و اني سلمت على خاله
و عمو و امير و گتله يسلملي على ازاد

ضحك ووگال

امير _ هو باجر شوفينه

مارين _ حتى لو

طلعت كل هذا تحت انظار ايمن ما اعرف اذا راح يهتم
اول يتأثر بس شعور بداخلي يگول مو مهم احساسه
طلعت و اني ايدي بكف اخويه متأمله ان نبقى سويه

طول العمر و نجتمع بهيلانه و الباقين صعدت و يسوق
بطئ

احمد _ مارينه

لتفت عليهه

_ ها

_ شلونه وضعج راسج بعده صداع

_ لا مرتاحه و اخذ ادويه لتخاف

_ اتنمى اشيله عنج وينج وين الوجع

_ لا تگول هيج عادي اتحمل

_ انتي و بارق ورثتوها

_ ها بارق بي شقيقه

_ يي

_ عندك صوره اله

_ ليش

_ اريد اشوفه

_ عند ميس نروح و تراويج

_ هو يروح الميس

_ يي صار سنتين يروح الها للجامعه بدون علم
جدي لان مارضي عليه و اخر مره وصل طرده

_ خطيه

ستمرينه ساكتين و گف گدام محل نزل دخل بي
و بعد ربع ساعه طلع مسوگ .... وصلنه للبيت
جان بيت مساحته متجاوز ٣٠٠ صغير بنسبه
البيت عمو فؤاد بس حلو مرتب حديقه بي من
جانبين دخلت للبيت هو راح سبح

و اني صرت استكشف بي جان عباره عن استقبال
جبيره و صاله و مطبخ و حمام و غرفتين مقفولات
بطابق الاول الثاني بي ثلاث غرف نزلت بطلعته من
الحمام لابس تراك

و ينشف بشعره ابستم بشوفتي
احمد _ عجبج البيت

مارين _ يي حلو ليش متسكن بي و تصير قريب مني

_ اذا العراق وضعه هدء بالحدود انقل البغداد

_ مساع ليش طلبت اوراقنه و جناسي ؟

_ علمود البيت

_ شبي

_ هيج ما بي شي راح اجيب المسواگ اسويلنه شي ناكله

اجه سوه نفسه مخلمه و شاي اني اكلت حلويات لحد متعبنه صعد هو فتح وحده من الغرف گالي هاي مالتج

ابتسم و عيوني احسها تلمع من الفرح ... الغرفه جان تصميمها نازك لونها ابيض و بيجي و بيها حمام داخلي
مو جبيره حيل بس نازكه جربايه مالنفر و يمه ميز

دراسه و كرسي الالوان متناسقه مريحه للعين نادريت
حضنته

_ شكرا حبيبي

_ تدللين

باوعتله و جاوبت بنبره حزن
_ الغرفه الثانيه لهيلانه

ابتسلملي وجاوب
_ الها و هي و ميس

_ ههههههه اوكي

_ ليش ضحكتي

_ تخيلت عياطهن و محد تريد الثانيه

_ ههههههه لا مو بكيفهن غصب عليهن يريدن

_ تصبحين على خير

_ تصبح على خير

راح الغرفته الي بينها و بين غرفتي غرفه هيلانه و ميس
باليل صار صوت قوي على شباك فزيت جانت تمطر خاف
من صوت الرعيده ما اتحملها مباشره اخذت تلفوني شغلت

الضوه توجهت الغرفته دگيت الباب و دخلت جان بعده لابس بجامعه التراك و شورت داخلي و يشرب جگاير
اول مشافني طفاها و گام

احمد _ محتاجه شي مارينه

مارين _ جج بس جيت يمك اخاف انام وحدي

_ بس لا تخافين من صوت الگراگيع

_ شنو

_ هههههههه قصدي الرعد

_ لا ماخاف
ويحجايتي صار صوت عالي رأسن عطت و ركضت يمه

_ لا واضحه شجاعتج حبيبتي

_ كافي فهمنه

_ هههههههههه

_ لتضحكك

_ صار يولو تعالي نومج مديت انام و هو يمي ركى ظهره
على مخدات و صار يمسد على شعري الحد مغفيت

ثاني يوم گعدني الصبح و نزل گمت سبحت بغرفتي
طلعت ملابسي المحضرتهن فستان ابيض بي ورد ناعم بالون الاصفر شال لبسته بأهمال و نزلت شفته محضر
ريوگ ضحكت و باوعت بي

_ هنيالها زوجتك

عدل ياخه قميصه و رفع حاجبه بغرور
_ شعدالج لعد ادللها بس كون تجي

_ ههههههه نخطبلك نسمه ؟

_ لا ماعندي شي وياهه الناس البالي ما يحسون

_ منو همه

_ مو مهم بعدين اكلج هسه كملي اكل خلصنا و هو بده
يقفل بالبيت اخذ الجنط و صعدنا بسياره راسلت
تالين و اريج عرفتهن طالعات قبلنه ام اريج ما تجي

مسافره حسب مگالت اريج .... اخذت الطريق نايمه
گعدني و هو شابع عليه تنكيت

_ دهاج ماي منوم لو سياره

_ ادووخ شبيكك

_ اووووي ادووخين

_ عزااا شلون تغير صوتك

_ ههههههه اسرار

اخذنا طريق مناگل على اتفه الاسباب و هو يحاول
يضحكني و اني فرحانه بي نزل جاب غده بقيت
اسوي لفات كباب صغار و نطي هو يباوعلي ما مقتنع
بحجم الفه

_ مو جنها صغيره

_ اني هم هيج اكول انطيني اصغرها

_ انجبي ولج جاهل گدامجج

_ هههههه يي لتغص

_ اشمرج من سياره هسه

_ هههههههه لا حباب

مرت ساعات طويله ممتعه دخلنا لميسان المدينه
حلوه شوارعها مو مثل بغداد بس ما اعرف ليش
حبيتها ممكن لان ابويه عاش بيها دخل المنطقه

بيوتها راقيه و جبيره و گف گدام بيت يعادل اربع بيوت
سويه بي بيبان ثنين واحد جبير حيل و ثاني صغير

دگ هورن مرتين طلع رجال جبير و بيده سلاح
فتح الباب كله دخلت سيارتنه بالگراج و صفاها يم
سيارات ثنين وحده لعمو فؤاد و الثانيه سياره احدث

من سياراتهم بقيت صافنه تحت تأثير الدهشه دمغني
براسي باوعت عليه

_ شبيج صافنه

_ هيج بس استحي خلي نرجع حباب

_ ههههههه ولج شبيج راح لونج ماخدج للمشرحه

_ يمكن

_ ههههه لا بضمانتي طلعين سالمه بس گولي ياالله

_ بگلبي ادعي تعدي على خير نزلنه من السياره طلع
شاب بعمر

سامح _ يااهلااا

واحد كمش ايد الثاني تضاربو كتف بكتف و سلموا سلام
حار ندار يباوع عليه

سامح _ شني زوجت بسر جنت شاك بيك تسويها
ولج ميس الحگي لاخيج

احمد _ لا تاكل نعل رضيعتي (اختي) هاي

سامح _ اگول العماره لايوم شمسها مختفيه طلعت يمنه

ابتسمت مستحيه احجي

احمد _ كافي سامح راح ادفرك

سامح _ ادخلي خويه قصدديي تفضل ابن عمي العزيز

باوعله بطرف عينه و دخلنه بجهه مطبخ جبير واسع
حيل و اني عبالي ماكو اكبر من مطبخها الخاله جانن
ثنين بنات يشتغلن ماسلمن ولا شي يمكن عاملات

حتى شكلهن مو عراقيات كملنه مشي طلعنه من المطبخ
الصاله جبيره حيل بنائها فخم و الاثاث كله ذهبي تحس
نفسك بمسلسل خليجي الحلقه الخامسه عزاا شجاي افكر

و گف باوع بالاسمه سامح

احمد _ جدي وين

سامح _ بديوان يم عمي فؤاد

احمد _ امشينه يمه

مارين _ وين عايفني

احمد _ تلگين البنات موجودات عيب احدر وياج البنوات جوه

و صدگ اجتي اريج تفاجئت بينه و عينها على
الي من شافها تغيرت ملامحهة للجمود ابتسامته اختفت
عافنه و دخلت وياهه صرت ورها واني اشوف تجمع

سكاني فضيع حسيتني كائن فضائي الطمني خاله
و تالين ثنينهن يباوعلي مبتسمات بطمئنينه قدمتني
خاله الهم سلمت و صاحتني مره جبيره بالعمر مبين
عليها الوقار فكها بي لون اخضر (دكه)

_ تعالي حبوبه

باوعت باريج تأشرلي بعينها اتقدم
_ رحت واني ساكته المره گالت

_ تعالي احبنج

فهميت عليها لمن صاحت اريج

اريج _ قصدها تبوسج جان ودي اكوم ادوس بطنها على هاي الفشله

بستها و هي بقت تبجي و جيب طاري بابا اخر شي
مسحت دموعهه بشيلتها

و كالت

_ شلونج حبوبه ولج لجينه البنيه صفره ماتوكلينها

لجين _ ههههه لا عمه بس شويه مريضه هالفتره

جيبولها حليب دواب انكبرها يا چا ياهو ياخذج حبوبه
و انتي حتى معصعصه و حتى سديرج نتشه ماكو عزااا وين اطم روحي البنات ماعرفهن بس ماتن من الضحك بعدني ما مكمله سلامي

على البقيه دخل ........
.
.
اتمنى الكم قرائه ممتعه
لا تنسون تدعموني بتصويت حبيباتي

احبكم

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد