رواية هيلانه الاسر الفصل العشرون 20 - بقلم زهور الـ سلطان

هيلانه الاسر

زهور الـ سلطان

لا تنسون تعليقاتكم على كل فقره و تابعوني فيروزاتي

.

يا نهر دجلة هل شممت روائحاً...
من تلكم الأجساد فاحت حالهم
يانهر دجلة ما علاقة ما جرى؟...
بالثورة الغبراء في صحرائهم!؟
وهل سمعتم ثورة قامت بما...
فَعَلَ الوحوشُ بقتلهم أبنائهم!؟

لـ امير
.
مارين

سمعت صوت بچي و صياح ستغربت هالشي
بعدين اجه بالي انو جيرانه هم اجه خبر

حزين الهم هذا هو حال العراق هسه
تگعد تاني موتك و حياتك و ما تعرف
منو اصعب من الخ ......

رجيت راسي على المرجوحه و دفعت نفسي

صرت اهمس بـ كل شي جان ربيع ليش فجاة اجه
الخريف و قتل فحوه ربيعنا و ذبل خضار رواحنه

تنهدت بحزن بقيت انتظر
مرت ساعه و اني بمكاني حسيت نفسي
دا اسمع صوت احمد

كمت من مكاني بساع و تمشيت بممر الحديقه
الاصوات كثرت عرفتهم اجوي

مديت شويه راسي لكيت ناس موجودين
ما اعرفهم و عمامي و كوومه رياجيل داخله

طالعه من البيت رجعت للحديقه ليورا و فتحت
الباب الداخلي على الصاله مو دائما نستعمله بس

ضطريت افتحه عيون النسوان صارت عليه
فأني سويت نفسي طبيعي رغم الحرج من

نظراتهن تداريت سديت الباب
و صرت اسمع صوت بيبي و عماتي يدكن و يلطمن
ركضت لباب الكيلدور
و صوت البجي عله من دخلت خالتي عباره عن

قطعه تراب وجهه الابيض تحسه قطعه
سوده مسلوبه منها الروح ركضت عليها
اسندها و دموعي تنزل عشره عشره

معرفت شحجي وياهه لان اني محتاجه
مواسات .....

دخلت هي لغرفتها و رجعت لبيبي الصاحتني
جبتلها علاجها و ميس راحت تساعد خاله لجين

اخذت علاجها و من خلصت وگعت دمعه من
عينها مسحتها بشيلتها

الشيخه وضحه _ صيحولي رائد اريد اطلع يمها

مارين _ كلها زلم برا منو تطلع بيبي

_ شمالچن ما دبرن حاجه شوفيلجج فريخ عليه

رحت دزت جاهل على رائد بربع ساعه يلاا اجه

رائد _ ها جده محتاجه شي

الشيخه وضحه _ جبتوه

دنگ راسه و ردت
رائد _ يي والله بس لو شوفين الوادم محد يعرف
الثاني كل يشوفنه يكول هنيالكم على الاقل
لكيتو

_ سوده على عمرج يوضحه بيه و لا بيك جده
شو ناوشوني عباتي
يمه طلعني اشوف اخيك

نزلت دموع رائد بس بسرعه دار وجهه و مسحه بالغتره
رائد _ لا يمة ششوفين دخيل ربج

_ لا تموتوني انتم شو وخر عبالي بيك فايده

ماربن _ بيبي اطلع وياج بس اجيب العبي

الشيخه وضحه _ بساعج روحي غاد تلكينهه بغرفه فؤاد

طگيتها ركضه الغرفه عمو فؤاد جبت عباتين
وحده مال بيبي و ثانيه من عبايات خاله

لبستها عمياوي و نوب صارت تسحل ورايه

طلعنه اني و بيتي بنص الزلم بالي مو وي كل
احد حتى ما انتبهت الشي بس كامشه بيبي

طلعنه لباب للشارع اسمع هوساتهم مخلينن الكاع
تهتز من گمزاتهم و كل هوسه تگطع الگلب

دخلو امير راعي البيت و شمعته النطقت جان
بصندوگ خشب رعش جسمي من شفته

بارد عليك و صغير و اظلم
ملفوف بغطاء البين بعلم العراق

اول مطرحوه ذبيت نفسي عليه
و تهسترت بوقتها بجيت و لطمت و ما اذكر

شسويت موقفي جان صعب

بيبي تگول

الشيخه وضحه _ يمه صحبانك هنا اليله يزفوك

نكسر گلبي و هاجن عليه جروح من اسهام
العدو

الناس طلعت و الكراج فرغ بي بس اهلي

مارين _ عوووفني فدوووه گوله يگعدددد

حسيت بشخص يسحبني شفته اخويه
حضنته حيل و هو بادلني
اناشغ بحضنه و اعيط و هو حاضني حيل
بس يريد يهديني

لتفتت على مكانه و ردت ارجع بس مكدرت
افلت ادينه مني

بساعتها دخل ايمن ضيم حاله و شكله مخبوص
فات مثل الاعصار يركض
كلش عبالك يضرب بالگاع بخطواته السريعه

حضن تابوت امير بقوه و يصرخخخ
ياااااا خوويه ليش هيج تعااقبني
اميررر تروح وحنه مزاعلين
اخخخ بويه انت اخذت روحي وياك

تقدم عمو فؤاد و ازاد و صارو كلهم
يبجون عليه

و اني ابجي على صوت بچيهم

هوسات اصدقائهم البره علت الباب نصه مفتوح جان
انتبهت اجو ناس لا بسين ملابس جيش

احمد _ ادخلي جوه

مارين _ ما تاخذونه يبقى هنا مو

احمد _ اخخ بويه فوتي هسه

دخلني من جهه المطبخ گوه عليه روحي فرفحت
شمالهم وياي اريده احضنه اشوف وجهه
لباب المطبخ لاكتني رسيل هاجن وجع راسي
اكثر حضنتها حيل و صرت ابجي من كل و گلبي

ابجي و كل اليشوفني يبچي وياي كل الي موجودين
نهارو اكثر
و نفسياتنه تعبت صخنت حيل و راسي گب عليه

اخذتني ميس للمطبخ و جبتلي مهدئاتي
طرحت يمي و كعدت تهدي بيه

دخلن اريج و رسيل گبالني ساكتات
و دموعهن تحچي

مارين _ اخخخ گلبي يوجعني

اريج _ سوده بوجهي مارينه

رسيل _ كافي تسوين بروحج هيج
اخذي علاجج و صعدي ارتاحي

مارين _ ما اريد ارتاح عساني ما ارتاحيت محترگ
گلبي ليش ما تفهوني ليش محد حاس بيه

ميس _ حبيبتي مارينه شوفـ.....

قاطعتها و اني اگول

مارين _ لااا تگوليين حبيبتي لحد يحبني
كل اليحبوني يروحون فدووه لتحبونيي

ميس _ لا ابدد ماكوو هيج شي يعمري انتي
اني يمج عمري كله تلگيني يمج
سند و قوه الج امچ قبل اختچ

اخذت علبوه الكبسول حتى اخذ حبه
دخلن حنان و وهج و تماره و عمه اسماء

اسماء _ يمصگوعه شمالج تلوعين عالولد
فضحتينه گدام نسوان

اريج _ يعني تضحكك يا عمه غير تعبر عن حزنها

اسماء _ تعبر عن حزنها ماكو وحده ما سالت هاي
مرته هاي خطيبته

وهج _ محد ستوعبت انتي طليقه اخوه

حنان _ سويتي عين عليج عبالهن شو شعدج وياه

ميس _ شعلينه بالناس اذا ما ترحم الميت

اريج _ عجيب عمه شبيج حالج حال ذنيي

عطت بيهن حتى بعد ميحجن من كيفهن
مارين _ ابجي اصرخخ عسماا شكيت ثوبي عليه
ابن عمي هو لا طليقه و لا خطيبه هو اخويه

اعزه اكثر من روحي شايفيننن هاي روحيي
لو يگلولي ناخذها و نرجعه جان رخصتله

اسماء _ لسان الدلاله كصي عااد ندري بنت منو انتي
بس لا تمصخيهااا

ميس _ جررربي تندگين بيه اخلي اخواني يشوفون
دبره وي رجلج حتى تفكين ياخه عني

وهج _ تزامط با اخونها عبالك بس هي عدها

مارين  _ بسسس بسس اخوانه زلم ينشد
بيها الظهر مو مهتلفين و بيئه

اريج _ كاافي مارين ارتاحي

ميس _ كافي عمه احترمي وجودج بفاتحه ابن اخوج
و سكتيهن

اسماء _ شحاركك گلبي غير ابن اخويه راح و هو مامحصل
شي لا مرية ذكره و لا ابن يشيل اسمه

گمتت على حيلي واني منتفضه
ماين _ لا محصل سمعين صوت الناس البرى
ما هوسو و لا بچو عن فراغ زلم حيده
بس يعرفون منو فكدو و راح يبقى عايش
بگلوبهم .....

حسيت روحي هلكت من التعب ما بيه اتحمل
حجايه بعد

مارين _ ميس اريد اصعد

ساعدتني اگوم ستندت عليها و اخذتني لغرفتنه
انطتني منوم يلاا كدرت انام

بيومها راحو للنجف بس الزلم

و اني رغم المنوم گوه نمت گعدت بليل اول
عصوت بچي بالغرفه كمزت شفتها ميس
باوعت على الساعه جانت ١١ بليل

مارين _ شبيج

لتفتت عليه و شكلها جفلت من صوتي
ميس _ مابيه حبيبتي كملي نومتج

_ صاريلج شي احد محاجيج

_ لا مابيه شي حبيبتي و هسه يجن
البنات يمنه ماگلتيلي شلون صرتي

_ احسن ، يا بنات قصدج

_ رسيل و اريج

عبالي جذب بس شويه و اجن نصدمت من رسيل

مارين _ راح تباتين يمنه

رسيل _ يي ماكو ترحيب

مارين _ هلا بيح حبيبتي الغرفه غرفتج بس
كوللي شبيها الاخت

اريج _ كولي شصاير ستحيت اسالج مساعه

ميس _ اليوم ورا العشه صار موقف وياي قهرني

مارين  _ يي حجيه

ميس _ اووف منج مارين

رائد

اريج _ شبي اريد التفاصيل اخيتييي اهم شي التفاصيل

واكفه عسنگي اغسل مواعين ورا العشه و كلهن
راحن من يمي و اريج راحت تجيب ملابسها
بسيل يريد يسافر يم الامهم ....
و حيبقيها هنا لان عمه ارتال مسافره .....
وادم ملتحق ....

دخل رائد للمطبخ اتكه على الباب جان لابس دشداشه
سوده و بيده مسبحته و على راسه الغتره وجهه
الحنطاوي صايره سمره حيل و عيونه ذبلانه

رجعت عيوني على المواعين و سديت المي

ميس _ محتاج شي

رائد _ لا بويه شحتاج و انتي كدام عيوني

ابتسمت رغم الحزن البكلبي هالكلام جنت دوم
اسمعه منه من بدايه طفولتي

_ اصبلك چاي خادر توني سويته

_ صبي

دخل اخذ كرسي من يم الطاوله و رچاه على سنگ
انطيته الكوب لان ميحب يشرب بستكان وهو اخذه

مني على سكته .... و اني هم محجيت بعد وياه
خفت تجي وحده منهم و البيت شاعل نار ما ناقص

سمعت صوت الجداحه عرفت حيدخن و ستغربت
هو يعرف بيه اختنگ و اتنگ من ريحه الدخان ليش
يدخن يمي .....

رائد _ احممم ميس

ميس _ ها

_ ترجعين ويانه ؟

_ يمته

_ بدايه الاسبوع الجاي

_ خاف بارق ميقبل

اخذ نفس من جگارته وباوع عليه بنضره معرفت
افسرها

رائد _ من يمته صار كلام بارق هو التمشين بي

سكتت ما عرفت شنو اگوله  ضرب على الميز و
اردف مكمل

من جنتي تريدين طلعين لمن تگولين

رتبكت بس جاوبته
ميس _ لك لو لجدي

رائد _ و من تمرضين منو يبقى سهران عليج

ميس _ انت

_ منو قدملج حتى داومين و منووو و منووو
ما اعددد شي عليج مو بعد هذيج السنين الاكلت

من عمري تجين تكوليلي بارق
محد مسؤول عليج غيري و لا حتى ابوج

ميس _ لا تقارن نفسك بيهم يبقون اهلي من يكلولي
شي لازم اسويه

و انتت

رائد _ اني شنو

ميس _ لازم تلتفت الوتين الي دائما عند اخوالها
راح تنسى وجودكم اصلا

_ لا تدخلين بوضوع بنتي مياس

_ و انت لا تدخل بيه ابو وتين

_ وين الجانت تگلي بابا ؟ حرام عليج

_ كل شي صار قبل لتزوج

_ يعني مشكلتج زواجيي

_ لاا تفهمني غلط ما عندي مشكله بشي يخصك
مو يبقى بالك كلام جدو مال النهوه

_ وصلتج الاخبار عموما لا تخافين مراح اخذج

_ ليش تحجيهة و كأنك مان عليه ترى هي
مو بكيفك عندي ما ازوج طول عمري و لا اكمل
حياتي بيت بي وهج و عمه سناء

رائد _ ميسسس

ميس _ ها ابن عمي

_ الزمي حددجج من يمته صرتي تجاوزين

_ ما متجاوزه والله بس جاي اوضحلك

_ ههه صحيح انتي هسه ابالج بس غزوان
شريد اكول مثلا

_ لااا ما بالي احد بكيفك اذا تريد تصدك بسوالف
و....

قاطعنه دخول وهج

وهج _ هااا حياتي انت هنا شكلك تعبان تجي تغسل

رائد _ لشوي

وهج _ خابرتني امي سوده عليه وتين فحطانه بچي
لان مشايفتك هاي الايام

اخذ رشفه من شايه و رد عليها برود

رائد _ نرجع و اجيبها للبيت و اخر مره دزينها الامج

وهج _ ليشش تعرف بيه مشغوله

رائد _ من كثرت جهالج تنشغلين

وهج _ براحتك جيبها شريد اگول بعد كلامك ابو بيتي

شال رائد الكوب و تقدم خلاه بين اديه بدون
ميباوعلي و طلع

وهج _ شذبيتييي عليه سم ولج

ميس _ فدوه وخري عن وجهي ما عايزتج

وهج _ عفت الكلاص عسنگي و تقدمت حتى اطلع
جان تدفعني من كتفيي

ميس _ اخخ شكوو شبيجج

خزرتني و هي تگول
وهج _ اهجم الدنيا على راسج يالحربايه
اخلي اخويه يسوي وياج اسوايه ما تتخيلينها
اذا ما كطعتي علاقتج برجلي

ميس _ اخر مره تهدديني مو بيت جدي حتى اخاف منج
اگلهم لخواني و لو الرائد و يعرف يصرف وياج

وهج _ ههههه على صور لقائاتج وي اخويه ماظن تگدرين
تفكين حلگج الحلو بكلمه مع السلامه

رسيل _ و هسه انتي خايفه من تهديداتهه

ميس _ يي

مارين _ اختي الجبيره بس و الله ما عندج
رد شافي و شي يدل على كبرتج

ميس _ تريديني اتعارك وياهه

اريج _ صحيح لتقيت بهيلانه فتره قصيره
بس و اثقه لو موجوده تسحلج وهج كدام
البيت كله

مارين _ ابصملج بالعشره

اريج _ يي تعاركي شكو بيها باقيه ام شعر برتقالي
تبهذل بيج هي و اخوها ابو راس مدحوس
بطيتييي چبديييي خايبيه

ميس _ شسوي فهموني

رسيل _ لا تگابليها بالوجه الخايف صيري مره حوك
تگدرين فركين حلگها لو فكرت تحجي

اريج _ الله عليج رسيل حجيج مضبوط
صدككك رسيلووو شعندج وي ازاد

ترددت و گالت

رسيل _ ها شكوو قاابل شعندي

ميس _ هههههه و خدودج النصبغن شاهدات

رسيل _ و الله ما سويت شي انه

اريج _ عزاا احجيلي ما سمعت شي اصلا بسرعه رجعت
للبيت

وحده من كرابتكم الاسمها ميقات اجت كالت

ميقات _ مرخصتج حبيبتي

اريج _ حبتها حيه

ميقات _ خلي اكمل

اريج _ تكلمي اختاااه

كالت
ميقات _  عادي تشريلي ثوبي بالبراني

رسيل _ عادي انطيني انطتني السله

رحت للحديقة الورا و طرحت السله
رفعت التورج اشوف وين الحبل انتبهت على
ازاد گاعد بالمصطبه و ايده على راسه .....

فكرت اروح بس لكيت نفسي دااسال بي

رسيل _ ازاد بيك شي

مارد عليه خفت لا بي شي

تقدمت اكثر اباوع عليه

_ ازاد

رفع عيني التعبانه عليه و باوع بيه
و هو ساكت ارتبكت ما عرفت شسوي ...
لو شلون اتلافه الموضوع

داكله البقيه بحياتك بس مو گادره و الله

رفع ايده و كمش ايدي تفاجئت منه و قبل لا
ارد سحبني عليه و حاوط بطني بذراعه

حضني و خله راسه على معدتي حسيتها نخبصت
هي و صار بطني حار

خليت ايدي على كتفه دابعده بس هو حيل متمسك
بيه

رسيل _ الله يرحمه و العوض بيكم

رد عليه و صوته كله خنگه

ازاد _ شفايده العمر اليطول و اني بديه دفنت روحي

هو حيل حنين رسيل و يحبنه كلنه كون التراب
طمني گبله

شهگ و رجع يحجي
چنت خايف شگله لو رجع و سألني عن تالين
اكثر من خوفي من و الدي هسه حاير

شگل التالين من ترجع و حتى هيلانه
هن يحبنه و قريبات عليه شلون احط عيوني بعيونهن

رسيل _ مو ذنبك هذا

ازاد _ لا ذنبي و اني احفر اله

_ لا تصعبها على نفسك

_ هي صعبهة منين ما جبتها

_ العوض بيكم هو راح بطل

_ راح اقدم على الحشد

طار گلبي من گالها

_ لا فدوه يا حشد ازاد امك ما اشوف حالها

_ القدمو مو احسن مني

_ ازاد فدوه فكر لا تخسر كل شي

_ ما عندي شي اخسره رسيل

_ و امك و ابوك و تالين و التؤام

_ اخخخ رسيللل شايغه روحييي على اخوي

_ الله ينتقم منهم

_ اريد اذبحه بيدي للسواهه

_ عدنه رب عادل هو راح ينتقم .....

_ صحيح

سكتتنه شويه و هسه حسيت بالوضع الجنت
بي بعدتت عنه و هو فلتني بسرعه

دنگ و گال
ازاد _ اسف بدون قصد

تالين _ عاادي م م مصااار صار شي

درت وجهييي و مشيت بدون مالتفتت دگات گلبي
قرن الف بوقتها

اريج _ شتكولن يسويها

مارين _ اموت روحي ما ناقصه وجع

ميس _ عوفي طاري الموت يالبومه ما يروح الله يهدي

رسيل _ الله يسمع منج .....

تمددت بفراشي و صارت الفكار تتتاطح
بعقلي معقوله يسويها و يعوفنه هم

مگدرت ارجع انام فكرت اروح لغرفه امير

اريج _ مرمر وين رايحه

مارين _ شويه و اجي لا يظل بالج

اريج _ براحتج حبيبتي

طلعت رايحه لغرفه امير فتحت باب الغرفه
عكيف دخلت للغرفه و قفلت الباب فتحت

الباب و اني اگول هفففف حيل ضجت ليشش
ظلمه مو عفت الضوه شغال

علگت الضوه الغرفه جانت مهوسه و الفراش
ما مرتب حتى اكو ريحه بالغرفه تختلف

رتبت كل شي بمكانه ..... عاد هيج يلاا ارتاحيت

فتحت خانه من الكنتور اخذت منها مخده و بطانيه
و نمت بلگاع

هيج يلاا گدرت اغمض عيوني

كفختني ريحه تختلف فتحت عيوني و صرت اباوع
لسگف جاني شعور خوف من الراح يصير بعد اتمنى

كل شي يخلص و بعد محد يروح من حياتي جريت نفس
و اني احس الهوى ضايق عليه گمت من مكاني

وكفت كدام ميز التواليت اخذت عطر من مالاته
و رشيت بالمطبخ منو چان هنايه و مخربط الغرفه

باوعت لوجهي و مديت ايدي اتحسس مكان
البثور العشوئيه لي بوجهي دائما ميگلي بابا

رب العالمين يميز الناس باشياء حلوه و انتي
خله نجوم بوجهج

شتاقيتلك امير اتمنى لو يرجع الوقت
جان انتبهت عليك ......

رجعت نمت فزيت ٦ الصبح
حچيت بصوت مسموع

شنوو هاي بعد وكت اريد ارجع انام
هفففف
فكرت الملم فراشي و ارجع يم البنات

حتى لا تنقلق عليه ميس مره لخ
عاد گمت لميت الفراش و رجعته للكنتور

و رحت لميز التواليت اباوع بالمرايه
ستغربت من المنضر لتفتت بسرعه

جان ازاد و ايمن نايمين على الجربايه
عبست و گلبي عبس قبل شفايفي

شكلهم يقهر و هم يدورون ريحته
بمكان نومه

خاله دائما تگول

ايمن اكبر ولد فؤاد بس بالجنسيه
امير دائما ماخذ هالدور بأفعاله

و ايمن راضي بهالشي و معترف بي

اباوع الازاد محتكف على نفسه بسبب
البروده المكيف

و ايمن من الطرف ليغاد نايم عكس منطي
وجهه على الحايط و ايده ثانيها و مخليها
على وجهه

ازاد رفيع بس مو درجه جبيره و طويل عكس
امير و ايمن ضخام اكثر منه

يمكن لان جانت الغرفه ضلمه منتبهو عليه
هم زين گعدت قبل ميس لو اجت اكيد متخليني
اجي مره لخ هنايه

ردت اطلع بس ما اعرف ليش رجعت فتحت الكنتور
و طلعت بطانيه غير النمت بيها و غطيتهم بيها

اول ملغطه صار على ايمن جفل و گعد و عيونه
اجتي عليه و رجع دنگ

مارين _ اااسفههه اسفه فززتك

ايمن _ منايم اصلا

مارين _ هااا ماشيي لعد اني حروح

ايمن _ الله وياج

عفتهم و طلعت من الغرفه ركض

بنفس اليوم تعاركت وياي حنان كم
مره على اساس افتر و تغار على زوجها

عجيب امرها غير اني ساكنه وياه
بس فرحتني بيبي من سكتتها ......

حيمر اسبوع ......

و البيت بده يفرغ عمو فؤاد ما گعد
بالبيت يجي يشوف بيبي و خاله لجين و يروح بقى ٣

ايام و رجع التحق و اخويه مالحكت اشوفه
اريج كعدت يمنه و صارت تدرس و اني

احس عقلي ما يستوعب شي فعفت الدراسه
و اگول لنفسي ايام و ارجعلها لازم احقق

حلمي و اسوي كل شي تمنته هيلانه
و راده منه امير ......

زينب صديقتي اجتني امس صادف خميسه
الاول رزلتني من عرفت مدااراجع و زعلت عليه

وعدتها بس ارتاح كم يوم علمتني اصلي
و ميس گالتلي اسمعي قرأن حتى تتعلمين تلفضينه
وراحت وي بيت جدي لان عدها تطبيق بالمستشفى

تريد تكمله و ينقلها سامح لبغداد بطلب من بارق .....

اليوم قبل الغده اجه عمو وگال راح نروح للنجف

جهزنه رواحتنه و ما اخذنه شي ويانه

و قبل لا نطلع

لجين _ جبتن محارمكم بنات

مارين _ يا هستوني ذكرت اجيبهم و لحگكم

هم طلعو و اني جبت محرمين مال صلاه و قرأنين
صغار و طلعت صعدت وياهم ورا گاعده اني و اريج

و ازاد يسوق

لتفتت على بيتنه وشفت القطعه سوده
و بيها صوره امير فطرت گلبي الف فطره

الكل شافني بالغت بنهياري عليه
بس محد يحس بيه اني عتبرته خيمه

كل مره يگول بيها خويه لو عيوني الج
ابدي اطير من فرحتي تنهدت بحسره

وخليت راسي على الجامه

خاله و عمو بسياره ايمن صعدو

خلصتها لا اني نايمه و لا اني گاعده

ازاد _ مارين راسج خليه على كتف اريج

مارين _ ليش

_ ادوخين راسج لتصفطي على الحايط

_ ماشي

.... بعد طريق متعب و طويل بنسبه الي ....
رجعت نفسي ليورا و سندت راسي على

الكشن و غمضت عيوني ... 

بين الحلم و الواقع مرني طيف اختي

هيلانه جانت بمكان اظلم و نار داير مدايرها
و هي تبچي و تغطي بجسمها العاري و الخوف

كاتلها و ترعش ...

اصيحح باسمها و ما تسمعنييي

اريج _ مااااارين اگعدييي شبيج

فتحت عيوني و اني اگول هيلانه

_ حلم خيه هاج اشربي مي

شفت ازاد موكف السياره انطوني ماي
و اني ارجف خايفه

ازاد _ تنزلين شمين هوى

مارين _ لاا ميحتاج
كلتها و حضنتي اريج و بقت تمسح على
كتفي تحاول تهديني

دمعه و صلت طرف عيني و ماراضيه توكع هيلانه
شبيها

اباوع للطريق واصلين النجف

اني جايه قبل بس هاي المره جان شكلها
احلى ..... اجه بيها اموري

و صلنا البوابه جبيره مكتوب عليها وادي السلام
فزعت و اني اشوفها وگلبي دگ بخووفه

مارين _ شنوو هاي اريج

اريج _ قبور

ازاد _ بنياتنه

_ ها

ازاد _ گولن السلام عليكم يا اهل القبور

_ ماشي

گلناها اني و اريج

عبرنه المقبره و صلنه المكان شلون المهجور
صفينه السياره و عمي صف سيارته ورانا

نزلنه كلنا ازاد و عمي گدامنه ايمن يمشي على
جهه و مدنگ احسه بغير عالم

تمشينه و عبرنه شارع عام و دخلنه بسوگ صغيرر
و منه دخلنه لوحده من جنات رب العالمين بس
بالارض صابت جسمي قشعريره و دموعي

نزلن لوحدهن حرت شگول

بس لگلته
اعذرني يا امير المؤمنين جان بظهر جنسيتي مكتوب
عني مسلمه بس ما عرفت الدين و لا شويه

و لا طبقته اعذرني يا امير المؤمنين كون وجهيي
عند الله طالبه المغفره على كل ايامي و ساعات
عمري يارب بحق علي عندك رجعلي اختي

و طلع اخواني منها بخير و سلامه احمي ولد اعمامي
و عمي طلع الشر من وطنه يارب ....

ما حسيت غير اريج لزمتني اشرت على مكان نگعد
بي وگعدنه عمي و الولد راحو جابونه لفات و مي
محد بينه اكلت

لجين _ اكلي يمة لا يهيج راسج

مارين _ خاله ما اشتهي

لجين _ ميخالف حتلو شويه

اريج _ اكلي مرمر

مارين _ و انتي هم اكلي

اريج _ تمام

اكلنه اني و اريج و ردنه نغسل اخذتنه خالتي
الحمامات خاصه بالنساء و كالت النه نتوضه
حتى نصلي بالضريح

توضينه و نزعنا حجاباتنه لبسنه المحرم ( رداء الصلاة )
و دخلنه للضريح جانت الناس مو كثيرين خفيفه

دخلنا للمكان المزار و صرت ابچي و اني كامشه
الشباك بكل قوتي و لساني يلج بدعاء بحرمه للامير
و حفظ عائلتي و تيسير حياتي

ابا الحسنين ناخيتك عليك السيده زينب (ع)
لا تردني ....

خلصنه زياره و گعدنه بمكان مثل الجامع اخذنه
كتب و بدينه نقرا ادعيه الزياره و صلينه

و بقينه هنايه بالساعتين و كثر

بعدها رمشو علينه فطلعنه
لاگونه

مارين _ قبل الله زيارتكم عمو

فؤاد _ يتقبل اعمالج ابويه

طلعنه و رجعنه من نفس المكان و صعدنه بالسياره
رجعنه من مكان المقبره

هم گلنا نفس الكلمه العلمانه اياهه ازاد و ايه الكرسي
اني حافضتها من الوقت العلمتني ميس السوره

و مشينه بطريق مختلف دخلنه المقبره ثانيه
وكف سيارة و ندار علينه

ازاد _ تنزلن لو تخافن

حچينا سويه
_ ننزل

لجين _ باوعتنه خالتي يمة ما بقيتن

مارين _ عادي خاله وياكم

مشو گدامنه و اريج هم تحركت اني دنگت اعدل قيطان
الحذاء و هم مدبرتها خليتهن شلون مكان و گمت

صار ايمن بوجهي جفلتت
مارين _ يمةةة

ايمن _ شبيج يمعوده

مارين _ خوفتني

ايمن _ تعاي لا تبقين ورانه
گالها و مشه گدامي

تحركت وراه ووصلنه لوين مكان بعيد تعبت و حسيت
بخوفه من المكان

بعدين تذكرت امير موجود بي بعد ليش هالخوف

وصلنه لاگتنه صورته الجبيره يم المكان

المتوسد بيه هنا رجعنه لنقطه الصفر
شهكاتنه لا ارادياً بدت تتعاله

ايمن نسانه كلنه و راح يسرع بخواته
تمدد وي الگبر و شابكه و يبجي و مخلي

راسه على التراب فجعتني روحي

صاح ازاد بساعتها

ازاد _ اخخ اميررر شگالتلك روحك من عفتنه

عمي عيونه حممر دم و حسيتها راح يوگع علينه

راح گعد من جهه ثانيه و گال بصوت مبحوح

فؤاد _ لو شفت امك گللها ابوي ما چان گاصد يخون
عهده و امانته

بويه ما عرفت ابقيك يمي اخخ

خاله دموعها تجري

و اني و اريج من مسافه بسيطه واگفين

طلعت قران و صرت اقرا و اريج هم و خاله

بقينه يمه بالساعات
و عمي گال لا يصير مغرب ما يصلح و لبنيات ويانه

رشت خاله عليه المي و مشينه

انتبهت ايمن مو ويانه

مارين _ عمو و ايمن

فؤاد _ خليه بويه هو يجي

مارين _ عمو روحو انتو اني الحگكم

فؤاد _ بويه شتلحگين وين تندلين الدرب بعد

مارين _ عادي ابقى ارجع وي ايمن بس انطيه قران خليه
يقرا

ابقي عمي
فؤاد _ ازاد انت روح لخو....

عمو لتفتت شاف ازاد و خاله ديمشون متقدمين
علينه

غمض عيونه ثواني و رد

فؤاد _ روحي بويه 

مشه عمو وياه اريح و اني رجعت بخطواتي الايمن

هو متربع و دشداشته السوده صارت قطعه تراب
و غترته هم

گلت بصوت هامس
_ ايمن

رد  بصوت متشحرج و مهضوم عبالك ينازع بروحه
حتى ما بنهار

ايمن _ خير

مارين _ انت بس گعدت عاد تجي تقرا قران مو احسن

ايمن _ امير كل مره نتمرض بيها يلزم القران و يبقى
يرتل يگول كتاب الله احسن من كل طبيب

مارين _ اذكر و يحب يقرا ادعيه و خاصه دعاء الندبه

ايمن _ بس هسه شيفيدن و شيردن يطيبن لو قريتهن

مارين _ استغفرالله بيهن رحمه اله غير

استغفرالله .... سكت و بعدين رجع گال

ايمن _ امير راح مني و هو زعلان اريده يرجع
حتى اعتذر منه حتى بحلمي مالحگت اعاتبه

مارين _ انت متحلم بي

هز راسه بقبول 

مارين _ و اني هم بس جان سعيد و فرحان بمكانه

ايمن _ صحيح ووجهه يضحك للهوى
اخخ بحلمي اجه يسألني على تالين
من سألت عنها صدموني وهم يگولون ماهي

مارين _ كلنه مفجوعين بيها

ايمن _ ربي رحمتك شلون بيه شلون اردها

تنهدت بحسره حسيتها طالعه من كل وگلبه
و رفع ايده انتبهت عليه يريد يمسح
ثوبه راد يمسح عيونه صحت بيه بسرعه

مارين _ لاا لحضه ايمن

نزل ايده و باوعلي برود وعيونه كتل حمره
وگال ها

مارين _ اكمام دشداشه كلياتها تراب

طلعتله جفيتي باوع بيها و رجع باوع بيه

قدمت ايدي اكثر منه بمعنى اخذها

هو اخذها مسح وجهه و رجع

اخذ القران من ايدي و بده يقرا بنص الساعه
گام و اني هم گمت وراه

رجعنه و النهار بده يبتعد و يحل بداله الغروب
بدايه اليل

رجعنه للسياره بعدهم منتضرينه
كلمن صعد و رجعنه للامام بس وگفت سيارتنه

مكان يختلف مثل الكراج و هم جابونه عشه
اكلت كم لگمه و دخلت للجامع صليت

و اندعيت بعدها زرت النعاس اكل عيوني
اريج تربعي خلي انام على رجلج

بس تعالي لمكان على الطرف حتى اسند ظهري
اشرنه الخاله على المكان الراح نبقى بي

هي هزت راسها و احنه رحنه
سندت اريج بظهرها على الحايط و اني نمت على
رجلها

مارين _ اريجج

اريج _ ها

_ استاذ بسيل شعجب ما اخذج وياه

_ يعرف عندي مراجعه و ماما مريضه
و يحتاجلها مداره و خاصه هالفتره

_ شنو بيها امج

_ مرض مزمن اسم الله عليج عوفي طاريه

_ الله يشفيها

_ امين حبيبتي

مارين _ صحيح شنو جانت القرابه بين امهاتنه
احنه و انتي و تالين

اريج _ خاله لجين و ارتال الي هي امي اخوات
بس مو نفس الام بنفس الوقت امي تربت
عند ام خاله ام لجين

_ و امي شتقربلهن
بنت عمهن بس اهلها متوفين

_ فتربت وي ارتال و لجين مثل الاخوات

_ عدهم اخوان

_ يي عدهم ....

_ اريج تعرفين سبب الخله ماما قاسيه مو نفس خاله
لجين و امج مثل متگولين هي حبابه

_ ما اعرف علاقتنه مو قويه وياهم

_ و ابائنه اخوان

_ يي

_ عائله غريبه

_ لا بس صدفه

_ يي صحيح

_ زين ليش محد تشوف الثانيه و لايحنن
على بعض مع انو اخوات

_ و الله ما جابتلي امي طاري او سببب مقنع

تثاوبت و گلتلها حنام شويه و گعديني

_ نامي حبيبتي

نمت عبالك قتيله ما گعدت اله على صوت
خاله گوه فتحت

عيوني و تربعت اباوعلهن

لجين _ يلا ماما فؤاد اتصل عليه

مارين _ خاله بس شويه شويه

لجين _ ربع ساعه و ارجعي نامي

مارين _ ماريدد

اريج _ ياا هاي شجاج وج يلاا
كسرتيني و رجلي خذرت من كد ماكعدت
و نوب گعدتي تبچين تحركي تحركي

گعدت بصعوبه اخذونه للفندق و من الصبح
رجعنه ....

بعد اسبوعيين اريج تقرا و اني گدامي الدفتر
و اكتب كل الصار بالايام الفاتت خلصت و عفت

القلم شفت اريج تحوص واضحه نيتها
سدت كتابها و گامت

اريج _ يماااااااايي شهالمللل و العباسسس مو ملازم دهرر

مارين _ شبيج تعيططين

اريج _ ملتهيه تكتبت بقصتها هي و روميو متگومين
تقرييين

مارين _ عايفه روووميووو الج يالثوله

اريج _ المعصعه

مارين _ ام كفشه

اريج _ هذاا شعرر كيرليي طبيعييي بس وين تفهمين
بالذوق

مارين _ ذهههبب اني خصلاتيي ذهببب

اريج _ اوووي سوندس و شبيج تجرين بالكلمه جررر

مارين _ انعرف

ضحكنه على خبالنه و رجعت اريج تگول
اريج _ اكلج صحيح خل اسخت براسج

مارين _ سختي

اريج _ صار اسبوعيين كل ما اسالج ليش
ذاك اليوم بالنجف من عفنه ايمن وحده
ليش رجعتيله

دنگت راسي صرت اشخبط بالورقه

مارين _ متعوفين اذا ما احجيلج فأسمعي
ما اعرف بس بيومها ما انتبهت التصرفي
و ثاني شغله رغم كل شي اني ما اكره ايمن
بس طاب خاطري من حبي اله

اريج _ فهمتج تريدين ترجعينه ابن عمج و تصرفين
عادي

مارين _ يي وهم ماريد اصير السبب و يحقدون عليه
اخواني اكثر

اريج _ على طاريهم ماكو خبر عليهم حتى ايمن
البارحه نزل

هزيت راسي باسى
مارين _ لا بس احمد نزل بيوم الفاتحه و بس

اريج _ الله يردهم بالسلامه

مارين _ امين

مارين _ اسويلج شي تشربيه وياي

اريج _ عصير برتقال

مارين _ اوكي

طلعت من الغرفه و نزلت مريت بخاله لگيتها
نايمه

رحت للمطبخ حضرت كل شي للعصير شكر
و مي و كشرت برتقال و ليمون

بساعتها سمعت صوت من الديوان الي محد
يدخله بالعاده

بعدين ذكرت ايمن موجود

صوته جان مسموع عالي و كله بحه غريبه
تحس من الحزن صوته شحرج  و تغير

مو بس صوته ايمن اول ما اجه تفاجئت و اني
اشوف شيبات متفرقات براسه هيح

لعد گلبه شنو صارله.....

سمعته يگوول

ديني حلاتك حلو الرسوم...
بلكي انعشك دنيانا مظاهر

اظل كاظم وصبري وياي مكظوم...
لوما هالخشب جوه الاظافر

اهن كاسين بهن كاس مسموم...
خاف اغلط وبالمسموم اكاسر

بعنه البيت ريت البيت مهجوم....
وريت اكثر بعد من هالخساير

تحب انت اللعب والكبر ملموم ...
شلون تحملت وشلون صابر؟

وليش من الهوى يابوي محروم ..
.ونسمات الهوى تطيب الخاطر

من هو ؟ الشوفك صور المعدوم...
وليش تعلكَت ياشاب ......

يقرا وصوته مهضوم و حنين
وصل لهذا البيت و صار يتمت وي روحه
بس اخر شي سمعته

وعصافير الحزن تگضي البيادر

مسحت دموعي الما اعرف شوكت يبطلن
يوگعن غصب عني

و رجعت بسرعه و گعدت اجهز بالعصير
لحد مخلصته بالربع ساعه فجنت متوجهه

اطلع من المطبخ جاان اسمعع صووته

لحضهه اريج

.

ازاد

( الاحداث بهاي الفقره وصلت من ازاد و صديق امير
مصطفى )

نزل الخبر مثل الصاعقه على راسي
حسيت الارض فترت بيه و عيوني شاطن من الحرگه

ما عرفت شسوي لو وين اروح چني نسيت
كل شي بس اريد احرك السياره تيهت

دربي شنو نزلت من السياره و سديتها
و گفت بنص الطريق اوگف تكسيي

اول واحد وگف عليه صعدت وياهه

نزلني يم المركز گتله ينتضرني

وصلتت يمهم چانو مخبوصين

النقيب من شافني حار شيگلي
گوه اخذت منهم حچايه الدواعش مسيطرين
على القاعده و كل الجوه رهائن عدهم

من طلعت سمعت كم ملازم يگول
اكو قاده و مدربين شاردين قبل الهجوم

دعيت ربي يكون اخوي منهم
رجعتت للسيارة وكتله يرجعني لنفس
المنطقه الچنت بيها وصلني و انطيته كروته

وراح صعدت سيارتي و بقيت بمكاني
لليل حركت وصلت للبيت رحت لغرفتي

جفاني النوم و تفكير نخر مخي ودي بس
الضوه يطلع

و اول ما طلع ضوه و غبشه طلعت اسأل
عنهم .....

للظهر و اني بس افتر عيوني اوجعني من الحرگه
فريت سيارتي راجع للبيت دگ تلفوني برقم

زيد العامري

شعنده داگ عليه هذا هو وقتك

رفضته مرتين و كملت طريقي
لحد مصرت قريب على منطقتنه نزلت اشتري
جگاير و رجعت للسياره

تلفوني دك بشعار فتحته وجانت رساله و صوره
فتحتت عيوني بوسعها و اني اشوف صورته

صرختتت بهستيريه و انييييي اضرربب
الستيرين

_ لااااااااا هذاااااا مووووو اميررررررر موووو اخويييي

لا ياربي لا تفجعني بي اخذذذ رووحيي بمچانه

عصرني گلبي و بهتتت كل رده فعل ختفتت
مني

بنفس اللحضه دگ تلفوني رقم مارين

رديت عليها و عرفت امي متخربطه
وصلت للبيت و عرفت و اصلهم خبر

حرت اطبط عليهن لو على روحي

نكسر ظهري

مرتت يووومين سووود

و بعدهاا رحنه نجيبه جدي رفض يندفن بمقبره
جماعيه ما طوله ما موذر لو مختفي لازم نشيعه

طلعنه من الصبح و ايمن اخابره ما احصله لحد ما
دخلنه الانبار هو دره بالخبر و نشخطط بلحضتهاا

عاااط بيه عياااط يمكن المعسكر ماله كله سمعه
و نزلوه

من وصلنه لهناك ما جانت عوائل كثير جايه
بعدهه الناس لو مصدومه لو صدك ما واصلها
علم .. .... اخذونه لمكانه دخلت بس اني و ابويه

حتى جدي ما دخل
مخلينه بكيس

جنت ما مستوعب و لامصدگ لحد لحضه
لشفته بيهااا وگعت من طولي عليه شبكته ودي
احطه بنص گلبييي بدال التراب

_ ليشش خويه جسمك باارد منوو مشوه ملامحك
ميخالف امير حبيبي هي اصلا هاي مو نهايه

_ انت راح تعيش احسن حبيبي اخويه

_ بسس ليشش هيج بساع غدروو بيك
و عفتني ليشش اميرر ابويه انت فدوه فتح

عيونك اميرررررر اگعدددد لااا تروووح
بهالطريقه خويه عمت عيني عليك .....
ابن امي انت

گوه سحبني ابويه عنه المنهار مو اقل مني
امي شافت بس طرف وجههه وتخربططت

وگوه صحيناهه هنا روحه تحوم يمنه
امير ابويه انت ليش رحت عني
موگلت اني سند الكم
مو تگول شما تكبرون صغار بعيني
بعمري ما حسيت ايمن چبيرنه انت دوم
ماخذ مكانه و كافي علينه

شلت عضيدي ابن امي وي ابويه و ابن عمي
رائد و رجعنه بي البغداد

تلكونه اهلنه بهوساتهم و مهاويلهم
التابوت دخل للبيت و هو بي

ما حسلك غير جده و مارين طلعوه
يمنه نهيار مارين گدامي

اخوها سحبها تفاجئت بوجوده بس عرفت
سامع بالخبر ونازل

و شويه و دخل علينه ايمن

لي خله الوادم ترجع تهوس وهي كافضه تريد
ترد

نهيارنه خلاني ادرگ
هو ما مات امير راح ايضل ويانه عايش
بيَنه و بيِنه

بعدين ردينه للنجف و هلت التراب عليه
چن هاملها على روحي

ستمرت ايام الفاتحه و اني الچنت شايلها
بسبب دواماتهم

لحد اسبوع الوادم كفضت من بيتنه

ابوي و ايمن شالو الدنيا و ركعوها على راسي
حملوني مسؤوليت تالين اكثر من ما اني محمل
نفسي الذنب

بس عندي احساس هي بخير و تمنيت ما يخيب
وياي هالمره

و بنفس اليوم قررنا نروح للنجف

و رحنه هناك كتشفنه رواحتنه اول مشفنه
مكانه عبالك هستوه الخبر من وصل .....

و من بعد هذا اليوم زعزعت امور العراق
اسوء و اسوء مرر شهررر و ايام الرعب ما
تركتنه

و بيوم ساعه ٩ بليل يوم اربعاء ندگ الباب
كلش قوي

طلعت و اني بداخلي خوفه ما اريد ابينها
لمي و لا كل انسان لان الرجال لازم يكون
مصدر طمئنان العائلته لو شافو مهزوز هم شحالهم

فتحت الباب و تفاجئت صار بوجهي مصطفى
صديق امير صار بالسنه ما شايفه  .....
گعد ضيفته بس ما شرب شي

مصطفى _ صدك تكسر ضهري هالچلمه

باوعت عليه ما فاهم قصده

_ البقيه بحياتكم

ازاد _ حياتك الباقيه

مصطفى _ ازاد الولد و ايمن وين

_ بالدوام

_ جنت بالبصره بسبب حاله ابوي و البارحه سمعت
وجيت طاير صدكني مفجوع عليه گلبي

_ شنسوي هذا امر الله

_و الله ياخويه اني امير اله دين جبير برگبتي
لو ما حمايته جا ما طلعت من سبايكر

فزيت من سمعت حجايته گبل 
_ سالته شصار هناك

اسمع خويه ....

طلع مصطفى سيارته گدام بيت عائله الداود ودگ
على صديقه امير بل اربع مرات يلا طلع

امير رفيجي من ايام الاعداديه علاقتي طيبه
و قويه وياه

من فتره اسبوع طكونه بأمر نبقى بالمعسكر
التاجي

بس هو حسب علاقته بالنقيب و الواء
نزلت اسبوع حضرت عمليه والدي

كلاته جانت تعبانات حيل و لازمهن
غسل و اني ابنه لوحيد فمجان عندي

حل غير استعين بصديقي...

اباوعله اجه وگعد يمي

مصطفى _ اهلهل شويه عليك وينك هيجي اخرتنه

امير _ و عليكم السلام

_ يشيخ ما صار ساعتين اني متغدي يمك

_ ميخالف تصرفاتك تخلي ناس تگول هذا منيله
ذوق

_ يمعوود هو لو عندي ذوق چا ما عرفتك

_ تسلم الله يخليك سيد

_ ويخليك حبيب .... ما تصور شگد فرحت من طلع
اسمي بهاي القاعده

_ الله يتمم فرحتك خويه

_ ههههههه ترا هي كم سنه و صير حتى اعلى من رتبتك

_ مو مهم شكد نجمات تشيل ع چتافك الاهم
تعرف شلون تسخر مكانتك حتى تنجز شي لبلدك

_ يي والله سيدي حجيك صحيح هسه البلد كله
مهزوز وصوج من الكراسي و المعشعشين بيها

_ صفاوي لا تگول سيدي هنا

_ هههههه صدگني گلتها حتى اتعود

_ صفنت شويه و گتله

_ اگلك ابو حيدرة

_ها

_ شعجب الوالد ما زوجك انت و ايمن هسه يلاا
نفكت جبسته

_ههههههه اني هم نفكت بس يراد تخطيط و شغل
عدل يلاا اظمن السلاًم الاسري لزواجي

_ خربب يومك حتى بهاي تخطط ههههه

_چا شلون

_ و بعدك تكتب ابيات فصيحه

_ يي بعدني و الله حچي معدل تذكر ايام قبل

_ يي طبعا اذكر وين اكو احلى منها

ذب حسره و رد عليه
_ يي و الله شفايتلي لو نرجع قبل

ستمرو بطريقهم لحد ما صار المغرب و امير سمع
صوت الاذان

امير _ ياريت لو نصلي هسه

مصطفى _ نتسلب لو وگفنه بالحدود

_ اعرف كمل دربك

_ هذا هو .....

و فعلا كملو طريقهم و صلو المحافظه
تحدديدا

مصطفى _ الصحراء بهاليل تخوف حتى تگطلع الخلفه

امير _ هههههههه افا شايف حتى تخاف

_ يمعود الظلمه ماوياها شقه شايف عراقنه شلون
ماشيه اموره هالفتره

_ ليش هو يمته عراقنه صفت اموره من حرب ايران للحصار للمريكان للطائفيه و ما زلنا حاول ما تستغرب و خلي كل شي وارد

_ يي هو كل شي وارد صحيح كلامك ابو حيدرة

نلزو بالمعسكر امير گالي اغير ملابسي و ارجعلك
دخل الكرفانه و ربع ساعه و طلعلي بكل هيبته

امير _ بعدك منتضرني

مصطفى _ هو اني اگدر اتحرك بدونك حياتووو و غمزتله

_ صاقط اثگل شويه

_ بعمرك شفت صاقط ثگل هسه شسوي

_ راويني عرض جتافك و امشي گدامي يلااا

_ على كيفك بويه ماشين

اخذني ورحنا المكان بي كرفانات او

ثاني يوم نزلنه عتدريب طبيعي رغم التعب

الوجبه قليله حتى نحافظ على لياقتنه و سعرات
مايدرون بيه يوميه اصحن ماعونين تشريب

ضجت من الوضع و تعب اجه امير يمي

امير _ ها شوضعك ابو شباب

مصطفى _ ياوضع طلعني منا

ضحك بقوه و گال

_ تتعود يخوي مو فردنوب ناوي على طلعه

_ و الله يا صاحبي ما مطمن حتى مشتاگ لبوي
ماراضي عليه من قدمت على سبايكر
و تعرف هو جثير زعله ثگيل

_ عمي ابو مصطفى يريدك وياه دوم ما عنده
غيرك

_ عمك ابو مصطفى خايف لا استشهد و منو يبقالهم

_ الله موجود ان شاء الله تردلهم بسلامه

_ اكو غمامه بگلبي دگلي ما ترجع

_ يا خي استهدييي بالله هو تدريب

_ ما منتبه الجماعتك هاي اليومين يترابدون

سكت ما رد عليه كملت كلامي

مصطفى _ تعرف اكوو فدد واحد يگول

امير _ شيگول بلاا

مصطفى _ واحد منهم مارد ثاريه استشهد

_ شحلاتهه شهاده وين تتحصل

_ كلنا نتمناهه بس ياخي گلوب اهلنه ما تعتاز لوعات
بعد و خاصه اني خايف عليهم و على اخواتي البنات
تعرف سالفه العماله ما توكل خبز

_الله كريم صفاوي شدد حيلك و كمل تدريباتك

و ستمرت تدريباتنه بشكل روتيني

لحد ما بعد ايام گعدنه و نريد ضابط يجينه ماكو
اختلفو شباب قسم گال نروح نشوف و قسم
گالو ننتضر

بيهم يعرفون اني عندي علاقه وي واحد من الضباط
فدزوني

ما گلت لا رحت للمكان الي يگعدون بي
بساعتها مچان اكو حراس على الباب

تقدمت حتى ادخللهم و اني متردد و گلبي حيل
مقبوض من الوضع

سمعت صوت و مجادلات جثيره و حچي

عن مسؤوولين و عن وزراء بدوله
( تجنب للمشاكل بدون ذكر اسماء )

الاول _ ما علينه يجون يروحون راح ننسحب من القاعده
تجون ويانه لو نتوكل

الثاني _  شنو هالحجي مع احترامي الك سيدي بس غلط

امير  _  صحيح سيدي بأعتبار احنه نبيع العراق

الرابع _ هاي مو من شيمنه دحگو شلون نرتاح بعدها

الاول _ قابل احنه راح نكون وياهم

الخامس _ چا شلون سيدي خلي نطلعهم ويانه

السادس _ يابه تصير شكوك و احنه نتضررر نروح هسه
و الباقي على الدوله

الثاني _ يا دوله سيدي مو احنه خط الدفاع عن الوطن
نروح و نعوف متدربين اغلبهم ما يعرفون شي

الرابع _ كضبه السلاح ما ضبطوها

امير _ يي و الله

الاول _ شي راجعلكم اني منسحب و بكيفه اليجي

امير _ روحو اني ما ارجع وياكم

...... و لا اني

..... و شتگولون للوادم البرى

امير _ نگلهم هجو قبل لا تصيبكم الصايبه

...... اميرررر اكضب روحك مو لجل ابوك رتبتو
و حمايتو وراه كلت اصير شريف المناضل

امير _ شدخل و الدي اني احچي عن ذاتي

..... خلي ذاتك ينفعك لو اجو هنا عليك

...... اعقلوها گواو**** چلاب يجون يچلچلون
على ولدنه گلبي ما ينطيني

....... عوف گلبك يوديك النحرك لو مشيت وراه

الاول _ صحيح شباب اخذوها بالمنطق اجتنه اوامر
من فوگ بالانسحاب

..... من فوگ السطح

...... سخيف مو وقتك يلاا شباب اطلعونه

هم جثيرين و صوت نقاشم حاد

من سمعت كلامهم گبل ركضت خبيت روحي
بعيد عن انظارهم كلهم راحو حتى امير

ما فهمت شي بذاك الوكت
نطرت امير يرجع لان ما ضني بي يسويها و يشرد
و يعوفنه

و المن يبيعونه و شني الاوامر لخلتهم ينسحبون

راسي نترس اسئله

رجعت للشباب و غلست عن كل شي

اليسألني اكله ما اعرف شوف بنفسك

صدك راحو و رجعو يحجون

....  لگو*** ولا گوا*** ويانه

.... شنييي عايفينه كم امر و رايحين

...... يولدددد اكووو طرگاعه لازم

و الحجي و المتاقشات طالت واحد يكبس
و الثاني ير

بس العرفنا منهم ما لازم نطلع من المعسكر

انلخينه و توترنه صحيح كبار واعيين بس
اجتنه اومامر ما نعوف المعسكر

و اني اصلا ما فهمت حوارهم القصير جيت
متاخر

يومين و احنه نفس الحاله ركضنه على محزن
الاكل و كسرنه بابه و گدرنه ناكل بوقتها

شلنه اسحله و احنه اغلبنه ما ضابطين الرمي
بيوم بليل رحت ورا الكرفانات اني و ثنين من

الشباب منطقه ورا معسكرنه تقريبا ما تبعد عن
جثير

و كعدت على صخر و طلعت باكيت جكاير
لگيته عند واحد من الول

انطيت الشباب كلمن ثنين و الباقي گعدت
ادخنه

چنه ساكتين محد بينه فتح موضوع

و اني مشغول فكري
جثير شباب بينه مسلم و بينه لا
من شته المحافضات و اغلبهم جنوب

بيدي سلاح و اني اعرفله لان من عادات
اهلنه ما يعوفون ولدهم بدون ما يكضب

السلاح و يگولون ما يحمله اله الزلمه النشمي
بس هسه صارت ياهو يجي يهوبز بي

_ ابو شباب

مصطفى _ امرني

_ ما يامر عليك ظالم ترجعنه

مصطفى _ روحو انتم سبگوني اني اخلص تدخين و ارجع

_ نبقى يمك

مصطفى _ لا شلقصه ارتاحو ما اتاخر

_ براحتك اخوي

_ فيمالا

مصطفى _ الله وياكم

سحگت الباكيت كله دخنته
و عيوني دور على المكان الظلام الدامس البي

بعد مشوار گمت ارد ارجع
تمشيت لحد ما صرت قريب عليهم و حتى حسهم
اسمعه

طلع بوجهيي ٩ شباب

ستغربت شعدهمم

فباوعولي ما هتموم كملو طريقهم

مصطفى _ وين رايحين

_ طالعين من المعسكر

مصطفى _ تخبلتو و الاوامر

رد عليه واحد ثاني
_ شوف سيد اني احترمك بس اذا جبتلي طاري الاوامر
نتخارب

مصطفى _ غير افهم

_ انت ما شفت الوضع الغريب

_ احس بأي ثانيه نتواجه وي خطر مانگدرله
و الباقيين ما يقتنعون

مصطفى _ تدرون شلون اني اجي وياكم اصبرولي الم غراضي

لميت جنطتي و اغراضي بربع ساعه

بس المكان يصوي ( فارغ ) معقوله هالكد الناس
صار ما يتأمنلها

عجيب حتى ملحكتهم بقيت بمكاني اقليه الشاب
طلعو بدون علم

اني هم گلت بيني وبين روحي اطلع وين ما وصلت
اخذت جنطه ظهري و طلعت من ورا المعسكر حسيت
اامنلي منا

وصدك مشيت و ليل مجلجل بعده ليل صيف بعد

ما حسيت غير ضوه بعيد چنه ضوه سياره رتبكت
و رحت ركض

اخبي روحي بمكان و سلاحي
بين اديه چانت السياره وحده نزل وبيده مسدس
و الثانيه تورج يضوي بيه

عاد هنا طلعت بوجهه

مصطفى _ اوگفف

هو ما سوه شي بقى واكف بمكانه و نزع الغتره
الي على وجهه

نصدمت و اني اشوف الحمايه مالته

غالب ....

غالب _ مصطفىى تعال بسرعه

مصطفى _ ياخيي شني السالفه وين اختفيتو شجاي يصير

تجاهل كلامي و گال
غالب _ مصطفى تعرف امير وين

مصطفى _ شجاي تگول طلع قبل يومين تقريبا من المعسكر وي الضباط

غالب _ خرررب بالگو*** المنـ...**

مصطفى _ فهمني غالب صاير

امجد اخذ مصطفى و رجع بسياره

امجد _ سيدي وين تريد

غالب _ ما ارجع بلايه امير المخبل اكيد شو سوو بي
الفاسدين يعني انت شفته من راح وياهم

مصطفى _ يي متاكد و كتله السمعته منهم

هو صفگ بديه و عااط
غالب _ اكيد عارضهم رادو يفلشوه
مصطفى ارجع وي امجد هو يفهمك بالطريق

امجد _ انت صدك تحجي تريد تبقى سايرتك
وجيت وياك حتى نرد بأمير

فجاة صار صوت بالاسلكي العند امجد

الصوت يگطع بس الفهمته واحد گال اطلعو من المنطقه

امجد _ لا يالحمزززه الطلاب راح يروحون بيهاا
غااالب ارجع مو هاي گدامك الولد گال ما موجود

غالب _ عوفني بمهمتي امجد لا تعرضلي اكو بالي فكره
لازم اسويها

امجد _ اخذ السياره

غالب _ لا راح اطلع من غير قضاء اني رايح بجهه الجنوب
اكو اصفالي بتدبيره المهم اني مارد لاهلي اذا
ما سويت الوصاني بيه امير

امجد _ ارجع انت غالب مو ثنينكم تروحون

غالب _ يابه لو صار ورحنه گول لصاحبنه چانو ابطال رفاگتك

امجد _ مودع باالله ارجع هاا

غالب _ ان شاااء الله

راح غالب و رشاش على متنه بقيت صافن

مصطفى _ هاي شجاي يصير امجد بروح ابيك

امجد _ ادخل و اني افهمك

صعدت السياره مشه بينه مسافه قليله و نزلنه
صرنه نمشي بوقتها لاگتنه بيوم مهجوره ما عرفت

تابعه الياناحيه لان اني جديد بالمحافظه عاد
بتنه هناك جوع و العطش اخذ من حيلنه بتنه

بي ليله و طلعنه 
امجد  طمني وگال قربنه نوصل
المكان اسمه قضاء العلم بوقتها ما چانو داعش

مسيطرين عليه و بي قبائل من الجبور
عاد قبل لا نوصلهم بليله تقريبا

و على اطرف نهر دجله لن نشوفلك ثنين دمهم للهامه
امجد خله سلاحه على وجوهم

و هم رجعو ليورا هم ضنو احنه جياين عليهم
واحنه ضنه نفسه عليهم

عاد شفتهم تعبانين و دم من الهامه لجدم

امجد اسالهم هم منين

عاد هنا سألهم

امجد _ شبيكك تزرز بعيوننكك بسرعه كولو انتو منو

جابر _ خويه احنه من مقر ..... چنه بعمليه و بطريق
اخذونه قصبن عليه للقصور الرئاسيه و كدرت
اطلع منها

الثاني رد بتعب حيل
_ و اني من السبايكر و اخذونه هم للقصور صدام
حسين و كدرت اطلع عدل
جيش الاسلامي و اكو عشاير وياهم

جابر _ فدوه خويه دربي ما اشوفه من وجع الصايبني
فقراتي من طيحه ما اظن يحملني بعد

امجد خله سلاحه بيدي و راح سند الولد
مشينه من ورا گصب و مثل الزوره مكان غميج

و ريحته تعط
بقيت مصدوم من الگاله الولد و ردت بس اوصل
حتى افهم صار وياهم

و من بعد تعب مشي و گوه قنعنه الولد اسمه
جابر من اهل واسط

گوه قنعناه يكمل يلوج ويون بسبب ألمه
و الثاني دم تارس راسه بس متحمل

و صدگ گدرنه بعون الله و اهل البيت
نطلع لقضاء علم هناك ستقبلونه الجيش

الصرت اكرهم اشوف العمه و لا هم
امجد خلص كل اجرائاته وياهم و خلانه

نطلع من المركز رجعنه للمستشفى
و الولد هم تحت اشراف اطباء

عفت امجد وي جابر و رحت للثاني
شفت جرحه معقم

گعدت گدامه وگلت

مصطفى _ الحمدالله عالسلامه

_ الله يسلمكم

مصطفى _ تگدر تحجيلي الصار وياكم و الشباب
الباقين وين

_ شحچي ما تگولي اني شفت ملك الموت بهاي
عيني اريد اطلع منا قبل لا يسيطرون على
المكان هم

_ بس گلي الشباب صار بيهم

_ على الاغلب ستشهدو

گمت من الصدمه و رحت وگفت گباله

_ عليك الحسين ياهوووو يكتل هالگد زلم

_ هو قبل الحسين ما رحمو بحاله وحال عياله
تريد يوكف بعينهم شي بعد السفله

_ يعني هم استهدفو الشيعه

_ لااا بس السني و مثل ما گالو المردين ذوله
ينقلون گبل اعدام صحيح بس رحيم

بسسس اخخخ من الشيعه الروافض يصگونه
رصاصه يظل يتولدن من الوجع منا لمن يموت

لو ليطلب ماي يشبعونه ضرب و دگ منا لمن
يسلم

مصطفى _ الله اكبر

دمعه تايهه طاحت من عيني متعيني يي والله
باعونه لداعش شرفاااء و قاااده العراااق

_ اخخ الله شبيدي بس اريد اطلع منا و شوف
ابني بلكي يطلع صوت رصاص و صرخات
من اذني و يحل بدالهن صوته .......

مصطفى _ و الله ياخويه هذا الصار

ازاد يعني امير رافض يكون وياهم متخلصين منه

مصطفى _ الله العالم بس هذا الاستنتجته من كلام غالب
الله يرحمه او الله يحمي و يرجعه سالم الاهله

ازاد _ ما كتلك غير لخوف على غيرك خويه اخخ امير
سويت بيناا .....

ضربت ايد بأيد وگلت
طلع مصطفى من بيتنه و اني صعدت لغرفتي
و بالي فكره الالتحاق وي الحشد شمالني گاعد

على الاقل اكون من الفريق الطبي  .....

" بعدنه بكل غبشه بكل مسيه ننطر ترد لينه يمن طاريك
چنحسچه دواوين ، يليلوذ البخت تحت چلماته الحنان  "
بقلمي

.

امير جان وي شهداء الابطال بمجزره سبايكر
جان مثال للتضحيه دائما جان يقدم الناس

و الاشخاص اليحبهم على نفسه سواء بحياته
او بمشاعره

اتمنى نقلت عنه صوره حلوه تبقى بذاكرتكم
من بين شخصيات كلها اكثر شخصيه جانت

بيها روح حلوه

و بنهايه احنه موقف و ذكرى بقلوب محبينه ....

مارين بالبدايه رفضت نكتب كل شي
محتفضه بي الامير بس عاد قتنعت بشفاعات
لان معتبره هو ذكرى و شي خاص بيها

بس امير راح يبقى ذكره ينعاد
بين طيات الروايه

التقيكم ببارت اخر في يوم اخر

احتاج تصويتات تزيد مو علمود
شي بس تقدير التعب وقتي
ضيق مو باخله عليكم بالبارتات

راعوه بنجمه الموجوده كدامكم اعرف
بيكم ما تقصرون جميلاتي

البارت ماعرف شنو مشكلته وياي كتبه مرتين للنص و ينحذف

اشوفكم بخير و امان دمتم بحفظ الرحمن فيروزاتي

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد