رواية هيلانه الاسر الفصل الحادي والعشرون 21 - بقلم زهور الـ سلطان

هيلانه الاسر

زهور الـ سلطان

لا تنسون التصويت علقو بين الفقرات فيروزاتي

.

شجره الزقوم و ثمارها المشؤمه
يملئ المكان فحيح الافاعي المريب
ايخطئ بني ادم من جديد
ام في الامر حكمه و امر مريب

هيلانه

فتحت عيوني و اني اتاوه بألم احس عظامي
كلها مكسره و ريگي ناشف

برردد غريب و قشعريره صابت كل جسمي
تلمست نفسي و صؤت اسال بغرابه

ليش كل عظمه
بيه تون و تتحتضر وحدتهن اكثر من الخ

ثبتت ديناتي على جربايه حاولت
اعدل نفسي

گمت بكل هدوء لحد مگعدت
حسيت ظهري طگطگ

عطتت بألم مدتت جسمي مره لخ مو گادره اتحرك

جرجف مغطايه بي بهمال الكزاز كله ملموم

انتبهت ايدي ملفوفه بقماشه سوده

اباوع اديه كلها بقع خضره و بنفسجيه
و رجلي نفس الشي

كل هالضرب و مامتت كل هالضرب و اني فاقده

فجاة اجت گدامي مشاهد من الي صار وياي
دك گلبي بخوووف گمت من الجربايه بساع

الالم نساني اسأل نفسي ليش جنت عاريـ**
جسمي النحيل ليش مبي شي يغطيه

رجعت انظاري على الفراش شهگت بصدمه
و اني اشوفه كله دم

اباوع لنفسي و اسألها

ليششش نااازفهه تهسترتتت من البچي و صرت
اضرب بوجهييي بجنون

ليشش مممتت ليشش ليشش بعدني عايششه
علىى شنووو بعدنييييي

رفعتت راسيي و عطت

يااااربيييي فدوه مالي طاقه و لا روح تحمل بعد

كمشت ايدي عكيف و بنفس الثانيه غمضت عيني
متألمه بساعتها فقدت و اني امسح على جسمي

متقززه من روحي انشغ بالبچي و امسح
على جسمي

ميروووح ليشششش مدااايختتفي

رجعت ابچي و انحب و اني كارهتني

اخخ يا هيل محطه للچمات صار گلبچ

افتح الباب و اني شگت و بساع جريت
الجرجف ذبيته على جسمي

جانت مراة مبوشايه باوعتلي بلا مبالاة
و اني مفجوعه روحي

هيلانه _ فدوه ساعديني شسووييي ما اعرف شسوووي

.... باوعتلي بطرف عينها و گالت

هيلانه _ تعالي للحمام

لفيت جسمي عدل و مديت راسي من الباب
جان الحمام بصف الغرفه عافتني و راحت

دخلت للحمام ريحته حيل تكشش
فتحت الدوش المي بارد حيل ثلجج

حضنت نفسي بسرعه بسبب الرعشه
الاجتاحتني كارهه روحي

و الاثار التارسه جسمي المي صار يوكع
على راسي و بين رجفاتي همست بتعب

ماما شگد مرمرتيني المن جبتيني لدنيا بس
لو اعرف شنو الحليب لرضعته منج زمهرير ؟

غمضت عيوني و صرت اغسل ايديه و كل
جسمي بقوه اريد الاحساس الحقير يروح مني

تذكرت صوته و هو يگول

ارسلوكي لي من حور العين
كيف و انتي امراة عاديه
ماذا ستبدو نسائي في الجنه

هزيت راسي بغضب كان مصدق نفسه نجس
مثله يكدر يوكف كدام باب الجنه رمشة عين .....

بطني صارت تتگطع حسيت رحمي راح ينفجر
من گد الالم الصابني .....

اول مطلعت من الحمام رجعت بسرعه بتجاه
للغرفه وكفت كدام الباب افكر بحيره شلون ارجع

ادخلها و اني طلعت روحي بيها ......
فززني صوتها القوي ام العبيد

.... تعاليي

.... اديشككك وقحه و حيوانه

هيلانه _ انتن الحيوانات

..... تفووووو عليكي شووو عاهـ**

دارد عليها بس تقدمت عليه وحده ثانيه
صفكتني راشدي وگعت بالكاع لاحول و لا قوة عندي

لججج شلون تفشلينا گدام الامير

گالتها و ضربتني بالسوط البيدها شاغت
روحيي فرفحتتت تفرفححح

و هي تضربني بحي الله مكان

معلمه تعيشي ضراب السخن الياخذها شو ئاويه

نغزتلي ليلتي معو اليوم ما رح يجي للبيت

فاجرة كان يجيب ان تفرحي بأن الامير قبل بكي

تسمع حجيهن و تزيد الضرب احس جسمي خدر
من الضرب للدرجه صرت ما حس بشي

تفت عليه و طلعت هي و باقي الشيطانات مثل

بقيت وقت طويل مرميه بالكاع ما اكدر احرك شي
من جسمي ساكنه بمكاني دموعي بين حين و حين

تملئ وجنتاي ما اعرف ليش ما يكفي دموع
ما يجفن و اخلص

بعد ساعات مرت گدرت اسند نفسي ما كدرت
اتحرك لمكان بعيد بس سندت ظهري على الحايط
الي بصف الباب

ايدي و رجلي يصلن عليه هلگد ما ضغطت عليهن
بالفتره المضت ماضن يرجعن يلتئمن من جديد

تنهدت و اني اضرب راسي بالحايط
اجت عيوني على جربايه جان شي يلمع جوه

بدابتها بشفاعات گدرت اوصل يمها سندت
نفسي بايدي السلميه وكمت دنگت جوه جربايه

و مثل محسيت گلادتي امانه سما
صرت اجرر حسرات عليها هاي هم راحت بدون
سبب الناس المثالين غايه وجودهم بالحياة

هو ان يتركون اثر تكدر تكمل حياتك بي ..... ذ
بقيت بهالشكل الثاني يوم شفت الضوه بين
بالغرفه السوده هاي

النوم جفى و طار عن عيوني
حسيت احد ديفتح الباب

صوت خرخشه مفاتحيح صار
غمضت عيوني بقوه و ادعي بداخلي

ما تكون الجنيه الضربتني البارحه
انفتح الباب و حسيت احد گعد يمي

تمنيت عيني تجمد بهاللحضه صارت
تهزز و تتحرك مكدرت ابقيها مفتوحه

صار گدامي وحده منهن وجهه مغطيته
بالبوشايه

صديت انظاري عنها و رجعت ليورا

سمعت صوت تنهيدتها

.... اني مثلج

وگعت دمعه من عيني و رديت عليه و الغصه تارسه
حنجرتي
هيلانه _ شلون مثلي

.... جيتو بالقوة الهذا البيت جبرو ابويه يتخلى عني
و ينطيني ههه لشي اشبه بالقربان يعتبرونا النساء
اشيا رخيصه و راحه الهم

_ و ابوج نطاج

.... اعترض و ما كان بمزاجو زتوو ابويه من الطابق ٣
و جرجروني وياهم ووصرت هوني ( هنا )

بقيت يومين شفت العجب منهن يعلمن الاسلام
للصغيرات بشكل مو صحيح

هيلانه _ و شلون نبقى اكو طريقه نكدر نتهزم بيها

..... طبعا جربتها و حرقتلي ظهري ام العبيد
حاولي تتاقلمي لان ماكو طلعه من هالمكان
اغشعي قالولي بنات جو من غير معسكر
ان هالجحش الاسمو الامير اسوء واحد
بالمنطقه المحتليها

هيلانه _ شلون تريديني ابقى ساكته فدوه شوفيلي
سم لو شي اكدر اتخلص من حياتي بيه

..... ما يجوز قتل النفس

هيلانه _ نفسيي اليه اني راح اتحاسب

..... غلط النفس امانه عطاهه رب العالمين
تخونين الامانه و تاذيها

هيلانه _ شسوووي متگوليلي

..... ماكو حل غير تصبري و الامير سمعت من وحده
فيهم اقرب جيه اله بعد ايام يعني مو هاليومين
ارتاحي فيهم

هيلانه _ عليجج الله طلعيني منا فدوه حتى لو تكتلني تحرقني

.... صدقيني صعبه

هيلانه _ ميخالف اني ادبر روحي بس خل اطلع داموت والله

..... اعذريني

عافتني وطلعت و اني صافنه و مستغربه الاوضاع
الي تسوء اكثر و كثر تريد مني اتقبل حياة مثل هايه

لا اني اقتلكم كلكم بدون بدم بارد يا حيوواناتت
بقيت على وضعي هذا لثاني يوم دخل وحده تخلي 
اكل ترجعله تلگاه نفسه

لليل دخلن بنات الشيطانه

حجت وحده منهن

.... يا بنت يجب ان تستهدي باالله لا يجوز ما تمنعي نفسك
من العيش

يااا عيششه هايه گلت بگلبي و اباوعلهن ساكته

.... يجب ان تجهزي نفسك ربما قد يصل الامير غدا

دگ قلبي بخووف ماريد يجي كاافي ما تحمل بعد

طلعن من الغرفه و گمت وراهن شايطه روحي
اريد اطلع بس مگرتلهن دفعنيي عن الباب بسرعه

و رجعن قفلنه  عطت بصوت عالي

الله ياخذچن افتححححن الباااااب
الله يرحگمممم الله لا ينطيكم

صرتت ادعيي من كل و گلبي عليهم

دكيت على الباب بجنون بس و لا كأن اكو
احد يسمع

اصواتهن قريبه من الغرفه و مسموعه

.... مو يقولو الامير تصوب
لا تناظرون الحارس هو الي دز الخبر 

..... ليست اول مره انها الثالثه سينجوو منها

..... بس هالمرة مهمه قويه راح تنرفع رايتنه بكل
المحافظه

..... سننجح الله مع مجاهدينا

..... فعلا

صوتهن صار بعيد گلبي راح وي كلماتهن ان شاء الله
يموتون ما يعودلهم اثر ......

اباوع لدشداشه الدزنها كشت روحي اللبسها بقيت
بملابسي

بطني رجعت توجعني اقوى من البارحه الم بحياتي
ما شفته احسها تگطعت و احس بحرار ه بيها تموت

وجهي يتعرق كل خمس ثواني و امسحه
لليل الباب نفتح همين طار گلبي عدالي هو

بس طلعتلي نفس البنيه الاجتي الصبح
سدت الباب على كيف و ا جت يمي

.... حليمه

هيلانه _ نعم

.... انتي ترجيتيني اطلعلكي معي و انا قررت
اساعدكي بشي

لمعن عيوني بفرح
_ شنوو

.... اخذي المفتاح باب الغرفي يكون مفتوح اهربي لما
تسمعين عياط

_ ليش

..... وصلت لهم اخبار ان الجيش ما خذو و لو يقولون
مصوب و هو بالمستشفى ياخذ سم اليقتلوو

_ ما فهمت

..... لو مات راح تصير كل الموجودات سبايا مره ثانيا
لغيرو حسب ما فهمت

_ و انتي شنو راح سوين

..... احرق البيت بلي فيه

_ و اني

_ شغلي عقلج و طلعي روحك يكفي ساعدكي

طلعت و اني صرت اروح يمنه و ارجع يسرى
شلون اطلع وهنه كثار مو مال يغفلن كلهن

لليل صارت هوسه كلش قويه جوه عبالك يمي
اصواتهم مو واضحه لان كلهه بنفس للوقت تحجي

اخذت دفتري ضميته و فتحت باب الغرفه بكل
مهلي جان الطابق فارغ محد طالع و الغرف مسدوده

و ربحه غريبه بالمكان وكفت بنهايه الدرج شفت ٦
منهن منقبات و البقيه مموجودات التفتت اباوع للغرف

الورايه بخوف صرت اتخيلهن بكل مكان
الي جوه ختفن عن انظاري صرت ما اشوفهن

مطال الهدوء هواي سمعت عيطه وحده منهن
فجاة اجتي مثل غيمه بس الفرق هايه غيمه

شؤم و دخان فتحت عيوني باوسعها من ميزت الريحه
راشه المكان نفط ..... ثوانيي و ما حسس غير كبت

النار من كل الجهاات نزلت اركض و الي جوه
هم يركضن يطلعن و قبل لا اطل الهب سدد عليه
طريق الطلعه

گلبي نقبض حرتت منين اطلع مشيت بغير اتجاه
و الهوى صار يخنگ صار گدامي باب ثاني بنهايه

البيت صرت اسعل بقوه بسبب الدخانه عيوني
راحن من الحراره حسيت روحي اسمع اسمي

_ هيلااان هيلاااان

داريد اعيططط و اگول اني هنا

بس ماگدرت ماماااا گدرت انطقق شي
نخسرت وقتها فقدت قدرتي على الكلام

اختفى صوتي

نحرق بالنار قبلي الناررر الي راح توصل الجسمي

خليت ايدي على الحايط و حاولت اگوم و گدرت

لحد موصلت للباب

تفيت دم من حلگي تلمست سنوني خفت وگعن
ورا هالضربه اباوع للمرايه

و بچيت بقهر و اني اشوف تگع الحزام على كل
جسمي

فتحت عيوني على اوسعها و اني اشوف
النار دخلت من الباب ودخان ترس ريتي
لحضات مرت كأن ساعات ضاق نفسي

و عيوني غلقتهن من الحراره ما بقيت
ثواني و غمضت عيوني و على شفتي

ابتسامه نصر تگول خلصت من الموت
رايده اعيش لكن عند خالفي .....

صرت بين النايمهة و الصاحيه صرت اسمع اصوات
بنات يطلبن مساعده ببنهن صوت .....

هيلااااانه ساعدنيينييي هيلاااانه

مارين همست اسمها بضعغف و حسيت روحي
نشلت من الارض الحارقه

جان لابس ملابس سوده و خوذه على راسه

سحبني خلاني اوگف و شالني على ظهره

عطتتت بقوه و اضرب بكتفهه اختييي اختييي
اريددد اطلعههااا عوفنيييي عليك الله عوووفني

ماريننننن
بچبت بقوه على صوتي الي مداگدر اتحكم بي

بتعدنه عن البنايه الي صارت فحم اباوع على سيارات
٤ جبيره لونها اسود وحده بيجي جبيره حيل

_ سيدييي بسسسرعه

_ تحركووو
اول محچه صارت نغزه بگلبي و همست بتعب
بيني وبين نفسي هذا الاسر لو صرت اتخيل اباوع

جنود و ناس هوايه موجودين صرت اتلفتت متمنيه
اشوف عمو لو امير او اخويه بيهن

صوت الرصاص ترس الجوو
و اني متمسكه بالي شايلني تمسكت بي كأنه
الخيط الفاصل بين موتي و حياتي

صوووت صار اعلى و صفييررر صار بأذنييي بسبب
القنابل الي صوتها مدوي بس بعيده غوشتتت عيوني
و اني نايمه

على ظهر شخص ما اعرفه بس هو حامي  .......

ما اعرف شگد طال الوقت يلا كدرت افتح عيوني
حسيت راسي نمل و بي خدر فضيع ما گدرت اشيله

جنت بغرفه و تقريبا ظلمه بس ضوه تيبلام شغال
مكدرت اسوي شي غير ارجع انام

فزيت و اني ارجف من البرد حسيت بايد دافيه
تتلمس وجناتي

فتحت عيوني بتعب جان هو سبب تعبي كله

جفلت اول مشفته و اني احاول اگوم بس
ايديه ما ساعدني وحده شاغت روحي من

حركتها لان بيها كانيولا و الخ بيها لافها اليه
قيد حوصتي و محاولاتي و رجعني للفراش

دموعي صارن يوگعن بغزاره حچيت و اني صوتي
بالشفاعات يلاا يطلع

هيلانه _ ليشش معغتنييي احترگ ليشش

الاسر _ اشش شلون اخليج شلون !!!

هيلانه _ جذاااب كله من وراك الله لا يطيك دمرتني انت
دمرتني

الاسر _ باوعلي ساكتت و اني روحي محترگه

نترت وعطت
هيلانه _ طلعنيي مناا اريد اختي

الاسر _ كافي لا تحجين مو زين على صوتج

_ يطبني مرضضض كون و اخلص ما عليك
شالووو صووتي و شووفيي وخلصوني من شكلك
گول امين

_ اسكتي

_ خدي الايمن ليش ثگيل

بلع ريقه و باوع بي
الاسر _ مبي شي بس لاحته النار فعقمته حتى لا يلتهب

ضحكت بستهزاء
هيلانه _ ههه و تشوه يعني يلاا هي بقت عليه

_ يطيب والله

_ اريد اختي

_ كم يوم و ودج الها

هيلانه _ شبعت من كلامك بس حجي بسسسس
عطت بقوه وصوتي متشحرج حسيت بحرگة
بالعومي

خله كف ايده بوجهيي وهمسس
الاسر _ اخرر مره هلال تعيطين ترا صوووتج يروووح
فهمتي

وخر و اني همست
_ معليك

_ ماشي ما عليه نشوف

_ الله ياخذك يا حقير اكرهك

_ شعور متبادل

_ رجعنييي

الاسر _ بس طيب ايدج اخذججج و العبااس
علعلتي گلبي والله

هيلانه _ منيلك گلب واحد بلايه احساس

الاسر _ صحيح ما جذبتي

هيلانه _ هسه روح ماريد اشوف وجهك عادي

_ اجيبلج اكل و تاخذين علاج

_ ما اشتهي

_ براحتج

_اسررر سماااا كلتها و سكتتت

هو همس
_  الله يرحمها

رفعت راسي اباوعله
_ وين عرفت و دُريدد تعرف وينه

_ يي موجود طلعته

تنفست براحه مديت ايدي البيها كانيولا على رگبتي
گلادتي ما موجوده

_ گلادتيي اسرر وين

_ موجوده
مد ايده بجيب بنطلونه و طلعها خلاها على الميز
البصف الجربايه

هو مشه للكنتور طلع ملفات بيها بال ١٠٠٠ ورقه
و لابتوب و گعد بالگاع يم جربايه انتچه على جربايه
ثاني رجليه و يكتب و يرجع ليورا

صرت اباوعله شلون مركز الحد مغفيت من تعب .......

.

ادم

انا ابن الجاد اهله بساعه الملگه انا الماوفه ويا خله

بميادين الحرب عقولنه تنشغل بتخطيط للفوز

و قلوبنه تنبض خشيه على الناس

فماذا لو كان هؤلاء الناس هم القرب لما يجعلنا متيمين

طلعت من يم قسور و اني شايط اريد فين حضهم
الزگان حشه خلگ الله موش اوادم

طلعت من الغرفه و من المكان كله محترگه روحي
على صاحبي و على روحي ....

طلعت لساحه اباوع للاراضي لگدامنه بجهه الغرب
كلها قنابل مزروعه بجوه الارض المكان خطير

اجو ثنين من جماعتهم صارو يتناقشون وياي
و اني بالي مو يمهم ابد نگلعو من يمي و مشيت

انتبهت النسوان مبوشايات عيوني صارت دور على
عيونها بين كل الناس و گدرت اشوفها

جانت تباوع بكل اتجاه و بكل زاويه من المكان
كأن دور على شي .....

اخذوها و صعدو السيارة تمنيت تگعد بالمقدمه
حتى تشوفني و فعلاً بهاللحضه صار الردته

اجتي عينها بعيني شكلها نحلان حيل و مهدود
بس عيونها ما اغلط بيهن شكلها يگطع نياط الگلب

بسببي هي هنا لازم اطلعها لو كلفني عمري

خلصت شغلي و قرب الليل

طلعت من المعسكر و اني اعرف بيته اميرهم الگو**
يبعد مسافه قليله

لاگوني اثنين منهم الدواعش عدهم مهمه استطلاع
مشيت وياهم لحد ما صرنا بنفس الشارع المتوجهله

ادم _ هنا مكان الامير

.... اجل

سلاحي الي على كتفي خليته بين اديه
ادم _ اسمعو

..... ماذا

ادم _ هناك صوت قريب منا

..... ماذا سيكون بالتاكيد هم مجاهدين

ادم _ و اذا لم يكونو كذالك

باوع واحد بالثاني اتفقنا نتفرق صرت وحدي ركبت
الكاتم

غمضت عيوني لبرهه و صرت اهمس
_ بيا علي يالحاضر  بكل شده

و مشيت وراهم شفت بس واحد صرت اتلفتت
اسال روحي الكلب الثاني وين

نيشنت على الكدامي و صوبته براسه
بعدني ما لتفتت حتى اشوف الثاني تفاجئت

بنغزه بضهري من سلاحه

.... يا كلب يا خائن
ارفع ايدكك قلتتت ارفعها

.... ما لا تعرف ان الامير غير مكانه

صفنت متفاجئ و دگ البين ضلوعي الخوف
الاول مره بحياتي من بعد الماضي

فلتت سلاحي و رفعت ايدي
نداريت عليه و هو موجه سلاحه

..... تشاااهد على روحك يا كلب

گالها و رصاصتين من سلاحه خترقن الهوى و نبتن
بجسمي

وگعت على اثرها و هو يضحك بستهزاء و يفتر
عليه شفته ندار و دنگ ياخذ سلاحي بسرعه گمت

سحبت مسدسي من جوه البسطال و ترست راسه
طلق الفشگ صار بفلس اخذت سلاحي و فلتت من

يمهم صوت صار اكيد راح يجون زفرت انفاسي بتعب
لو مو درع الواقي جان صرت تراب .....

وياريت صرت شلون اوصل الهاااا شلوووووون

ليش الدنيا ما نعدلت وياي لا بصباي و لا بكبري
دوم معلعله و شادهتني وياهه

رجعت للمعسكر بصعوبه و حتى ما اثير شبهاتهم
دخلت الغرفتي و شفت زلمنه يشتغلون
وي التجار راح يكونون مسؤولين عن تهريب قسور  .....

.

البارت القادم ما يتاخر 11 ينزل ان شاء الله
او غداً صباحاً
بس اذا اشوفكم متفاعلين بي حبيباتي 

سويت البارت قصير حتى اگدر
اخلي هيلانه موجوده بالبارت القادم هم
و تقرون اكثر جميلاتي

احبكم خيرااات الله 😍❤️

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد