هيلانه الاسر الفصل التاسع وثلاثون 39 - بقلم زهور ال سلطان

#هيلانه الاسر
بين لفحات أُوَرا و الزَّمْهَريرُ

بقلمِ زهور السلطان
مهم" لا تنسون التصويت و المتابعة فيروزاتي

ملاحظة " بالاخير راح تلگون رسالة خاصه مني
الكم مهمه اقروها

ملاحظة " مثل متعرفون قسور نفسه دريد لكن
هيلانه متسمي قسور لهذا ابقى اكتب دريد بعد
لتگولولي ليش اوكي لان ما اريد اخربطكم مثل
الاسر ساعة اكتب أدم ساعة الاسر لان جان شخصية
مبهة بس مدام عرفتو توضحت الامور اوكي ......
بس بداية البارت كتبت قسور حتى تفهمون الموضوع

.

جدران من الزجاج
ملجئ من الوهام
قد لا ينتهي الهذيان
فازهاري باتت بذبول
و شمس تلهب قلبي قبل المغيب
.

هيلانه

رجعت للبيت و اني اقدم رجل و ارجع الثانية عقلي
صارت بي دوامه من الشك و الخوف و اني اذكر
كلامه ......

قسور _ تزوجيني

هيلانه _ ششداتخربط انتت

_ مثل مسمعتي

صرت ارد و اني انتفظ من العصبية
_ الظاهر اكوو خلل بعقلك صار من ورا ابطالتك مو

_ كيفچ بالاخير انتي حره و القرار الچ

_ انتت من كل عقلك افكر او أقبل انييي صحح
چنت بس اريد اعرف منو الاسر لان اكو شك
بداخلي بس بعد كل المريت بي و السمعته منك
ما يهمني ابد بس اطلع من حياتي

_ ليش خفتي هه

_ احس بالقذارة بمجرد واگف گدامي تطلب مني اتزوجك !
صدگ تحجي

رفع حاجبة و باوعلي بحدة مو راضي بكلامي باوعلي ثواني و رد بكل برود .....
_ هالشي مراح يضر او ينفع شخص غيرج

_ شلون يعني

ايڤان راجع البغداد هو و امچ

_ خليرجعون شعليه اني مراح اخاف منها بعد

_'الاعرفة انتي عأساس متزوجتة چنتي ، هيج موصله الاهلج

_ منووو گلك

_ اختج الامي

_ شهالجذب اختي وين تعرف امك أصلا

_ ميهم اسأليها

_ اذا سمعوا بيچ مزوجه أكيد راح تخرب كل خططهم

_ مستحيل ازوجك شيريد يصير خلي يصير

_ اما تجين وياي لو تروحين وي امچ صدگي ماكو خيار ثالث

عافني و راح وصلت البيت و اني كل جسمي يرجف
دخلت سلمت گووة و قربت للدرج هستوني كمشت
المحجر سمعت صوت بارق و هو يعيط بأاسمي

رجعت كم خطوة و دخلت الغرفته چان گاعد على
جربايته و عيونه عليه يباوعلي بخزره بلعت ريگي
و خفت من نظراته حسيت يعرف وين چنت

وگفت گدامه و اني مالي عين اباوع بوجهه

بارق _ هيلااانه

هيلانه _ ه هااا اا

_ وين چنتي ليش صار يومين مترجعين بالخط

_ ممووو ارجع وي صديقاتي و هو يتأخر

_ اشش لچذبين قبل نص ساعة من الرجعه يوگف گدام
باب المدرسة منبهه الف مرة ما راح ادقق هالمرة بعد ممنوع ترجعين وي كل صديقة مفهوووم لو اعيد ؟

_ تماممم مااا اعيدها
تقدمت عليه چان گاعد على الكرسي من گتله هشكل
رخه جسمه و باوع تلفونه تقدمت عليه دنگت بسته براسه
هو رفع راسه متفاجئ بيه بسرعة رجعت بخطواتي و طلعت ما اعرف ليش سويت هيج بس ارتاح من اشوفه

صعدت الدرج على كيفي أحاول اوازن نفسي حتى لا اوگع تجاهلت صوت ميس و هي تحجي وياي و دخلت للغرفة

ركضت لفراشي و ضميت وجهي بالمخدة وصرت ابچي طلعت وجع ساكن بداخلي صار ايام و ليالي و غصه جبيرة بصدري منو راح يتفهم وصعب عليه هواية تنهدت بحسرة

و رفعت ايدي اباوع الآثار البيها و محاولة انتحاري
الفاشله بقى اثرها بشكل قوي ياريت ميته و مدفونه
اني و هالخذلان الداحس بي فتحت ايدي بعد ما جنت
قابضتها و اجتي عيوني على اصابعي و أثر الچگارة

احسه تعمد يحرگني بأاصابعي حتى يجي بالي
ميعرف كل ما يمر طيفة بعقلي أكره روحي اكثر
و اكثر حسيت بعجز و ما عندي طاقة افكر بسرعة

اخذت تلفوني شفتها داگه عليه اربع مرات مو من عادتها
چاتصلت بغيد دگ مرتين بالثالثة ردت

غيد _ الوووو

هيلانه _ الو هلو غيد شلونج

_ لج حقيرهه فحطتي گلبي الصغير و هو ينتظرج

_ هههههه اسفة تاخرت عليج

_ عبالي خطفج سوالج شي عزههه

_ لتخافين مسوى شي بسسس

_ لا تبسبسين توني مخصله مناگر وي الأخ و مالي مزاج

_ ههههه يمته متعاركتي ويا انتي

_ يي عفية اضحكي شوية الدنيا ما تسوى شكو صوتج
يرجف ولج احجي

گعدت اسولف الها كل شي صار و هي ساكته ما قاطعتني
_ ها غيد تسمعيني ؟

_ شراح تسوين !

_ ما اعرف عققلي ممتتشتت

_ راح ترجعين النقطة الصفر اذا خفتي مرة ثانية من جهه امچ تجي و تگول عنچ خطيبة ذاك الحقير و اذا اعترضتي على كلامها راح تكول الحقيقية و انتي شردتي منها

_ هذا الي خايفة منه ما اريد ارجع وحدي غيد اخواني لو
عرفو برأيج راح يبقون يتعاملون وياي بحرص و لين لو كل شي يتبخر احجيلج شغله تريحني

_ ما اعرف بسس الموضوع غريب ليش طلب منج هيج
احس مصلحه خاطر مكان ابن سما

_ حتى اني هشكل اتوقع مو معقول خطفوني هو و صديقة
و هسه خايف عليه من ايفان

_ خليني افكر لحضه .... سكتت ثواني و اردفت بصوت عالي باااعي مو گلتي مره حبسج بالغرفة و بقى يسألج عن المكان الجنتي بي اقصد بيت امج

_ صحيح

_ يي هاي هي لعد عندة فد عداوة وي ايفان مدري بعران

_ ههههههه مو وقتج

_ دسكتي خايبة و ركزي بكلامي

_ كلامج مبي شي غلط لان سمعتهم يحجون عن بيع
و تمويل عصابات ما اعرف شنو اسلحه او هيج شي

_ هاااا شفتي حليناها

_ شلون

_ انتي استخدمي حتى تعرفين مكان الاسر حتى من تگولين الاخوانج راح ياخذون حقج على الأقل اذا مو من داعش منه

_ صحيح چنت افكر هشكل بس هسه خايفة عليهم منه

_ لتخافين حبي مردتي گلبي بهالخوف استغلي و هو حتلو
رايد يستغلج علمود يوصل الايفان عسى ما ينحره انتي
المرتاحه هذا رأيي

_ ما اعرف شنو اگلج تعرفيني اثق بكلامج

_ فكري زين اروح ارد على ختيبي شتاقلي الظاهر باي

_ باي

شمرت التلفون على جهه بعدني هستوني مخليه راسي
ع المخدة ندگ الباب گمت فتحته ووگفت بسرعة من
مريت گدام المراية لسه مامبدلة شكوللهن هسه

فتحت شوية من الباب چانت ميس عفت الباب و رجعت
و هي دخلت وراية

ميس _ يا هاي ليش لسه بملابسج

هيلانه _ غفيت ملحگت ابدل

_ ها اوكي اكولج

_ گولي

_ بدلي على سريع و نزلي بدون عناد

_ ليش !

_ مو اروى اجت من يم عيالها و شكلها متعاركه وياهم
اجتي بس ترزل فحتى تسلمين انزلي

_ وجهجج أصفر و تحجين بخوف عبالك شو شكو

_ يول الا اكلج طبو داعش يلا تخافين هههههه

اول محجت هيج شهكت و تحولت نظراتي الخوف و هي
هماتين

ميس _ اااسف هيلة خوفتج ما أدري هيج ما تحبين طاريهم اعذريني

هديت نفسي و جاوبت بلگوات ... مصار شي

_ بدلي بلا راح انزل

رديت بسرعة ... لاااا

_ شكو

هيلانه _ ابدل بالحمام و ارجع انتظريني

_ تمام خيه ننتظر

اخذت منشفة و بجامة خفيفة ، دخلت للحمام
غسلت وجهي و بدلت ،طلعت شفتها منتضرتني
نزلنه سوه وحصلنه رزالة من اروى يلا تعشينه

هيلانه _ الاكل طيب

ميس _ اكلي و انتي ساكته

ميس _ اروى شبيج ترا خوفتينه

عضت على اصبعها و حجت بغضب مكبوت ... دخلي يجي ابو يحيى اذا اروح يم عجوز البين هاي اطلع طايحة حظ

مارين _ ليش شسوت

اروى _ تعايرني و تحجي عليه لان اني اصريت نعوف البيت و نجي البغداد قبل لا نتكتل و هاي تگلي عفت
الداري بسبج لان ردتي تأخذين راحتج رايحة جاية
لهلج شكلهم ما يشوفوها الاخبار استغفرالله

ميس _ عادي يمعودة خلي تحجي شيريد يصير

اروى _ ما احب انغث خوش

ميس _ اوووي لا تخوزرين

اروى _ وسم اكلن و انتن ساكتات

مارين _ اروى طبعا حلوة و هي معصبه

هيلانه _ و خدودها حمر

ميس _ و عيونها تلمع و كذا

اروى _ ناصبات عليه الحقيرات
انتبهنه عليها بتسمت و دنگت تاكل خاف تضحك و تروح
هيبه العصبية

كملنا و شربنه شاي و صعد للغرفة بقيت سهرانه
للفجر عيوني نمسح شي اسمه نوم لحد مطلع الضوة
نمت مثل القتيلة ورى شكم ساعة گعدتني اروى

و مارين ما فاد عافني و رجعت نمت نومه عميقة لل ١
الظهر گمت على حيلي اباوع بالمراية شعري طايل شوية
و ما اعرف ليش مو ناعم مثل قبل احسه خشن مدري

هو هيج لو اهمالي هذا حتى ما لميته عفته على هالوضعية
نزلت و اني ع درج باوعت الرجلية البجامة وحدة صاعدة
و الثانية نازلة شعجب البيت هدوء

دخلت للصالة بارق وحدة فتت من يمة و هو عاط

بارق _ هاي شبيج

تفاجئت و اني اباوع عليه گتله بهدوء
هيلانه _ شبية

_ الكهرباء طاگة براسج ولج ؟

كمشت شعري و باوعتله بغيض
_ شعري حلو لتحجي عليه

_ خوش راح احجي عليج ولج هاي دگه تسوينها اكلچ
لا تعوفين الخط تغيبين عناد يعني

_ مو هيج اخذتني النومه

_ و التاخذة النومة يبقى لل ١

_ لا چنت گاعدة

_ واضح من بجامتج عبالك متعاركه وي الفراش

_ اگولك شنوو السالفة شبعتني تصنيف

_ تستاهلين التلفون ينشحن بغرفتي بعد و التلفزيون
ينسد على وقت نشوف شلون تاخذج النومه

_ ياااا مسهرت عليهن

_ عجل ؟

_ افكر و مگدرت أنام بس ولا كمشت التلفون احم
بس كم مره اشوف الوقت

_ كتيلي يلا هالمرة سماح

_ اخت رماح

_ ههههههههه

_ البيت ليش هدوء

_ اروى اخذت البنات و راحن يم خالتچ

_ بيها شي

_ لا ما أعتقد

_ اوكي ، جوعان اسويلك شي تاكله

_ خلي نطلب مو احسن

_ يي والله على الأقل ما يصير احراج

_ هههه وليش يصير احراج

_ أقوى شي اسوي لفة جبن

_ عفية بنيتي

_ تدلل باباتي

على وگفتنه ودگ الباب ركضت افتحه سمعت صوته
و هو يگول .... نزلي البجامعه ولجج عدلتهن و رتبت
شعري عسريع

هيلانه_ منو

.... اني

سمعت صوت اريج فتحت الباب دخلت و دخل وراها
بسيل صفنت بوجهه ستحيت أصلا محاجية ويا شي

بسيل _ تستقبلون ضيوف لا

هيلانه _ تفضلو

بسيل _ هههه لا رايح اجيت اسلم الامانه ساعة و أجي گولي البارق الحجز كامل

هيلانه _ اوكي

طلع سديت الباب وراه و اريج وراي تسأل ليش البيت
هدوء

اريج _ البنات مموجودات

بارق _ ها هيلة منو اجة

دخلت باوعلي بعدين باوع الاريج سلمت عليه و كتلة الي وصاني بي بسيل و رحت للمطبخ

_ تجين وياي اريج
_ جاية
_ شبيج اكلتي الولد بعيونج
_ اني لا يمته
_ مدام هيج خلينه نصعد
_ هيلانه
_ ها
_ عادي تصعدين قبلي شوية
باوعتلها شكلها مو طبيعي
_ اكلج قلقتيني شصاير
دنگت و ردت عليه بهمس
_ اريد احجي وي بارق
_ تمام راح اصعد اخذي راحتج
بسرعة حضنتني وصارت تبوس بيه
_ وخرري ولج
_ احبج
_ راح اغير رأيي
_ لااا كل شي و لا رأيج روحي هسه
_ تمام هههه

.

اريج

هيلانه صعدت و اني نزعت العباية الخليجة لابسة
بنطرون و قميص مفتوح جواه تيشيرت يوصلن
فوگ الركبه عفت جنطتي فوک و نزلت وصلت

دخلت للصالة شفته گاعد على الكرسي المتحرك
و مندار للجهه الثانية يباوع على التلفزيون تنهدت
بضيق لازم يسمعني هالمره

اريج _ بارق
لتفتت شوية باوعلي و رجع بكل برود اندار
_ ليش هيچ وياي شسويت اني

بارق _ خير شنو تريدين

_ اريد تسمعني

_ احچي

تحركت رحت گعدت گدامه على القنفة و صرت افرك
بيدي بقوة

_ انت ليش تخليت عني مو گتلي راح تبقى وياي دوم

_ هذا الحچي قبل اريج

_ بس بنسبه الية مو قبل بارق

_ احسن شي تبعدين عني مثل ما اني بعيد عنچ

_ حرام عليك گلبي يوجعني

_ سلامته ... سكت ثواني و رجع همس لگلبچ

_ صديق أدم خطبني البارحة

ردت عليه بزمخه
_ شسوي اباركلج يعني

_ كاافي عوف البرود طول عمرك تگلي انتي الي حتى
جدو هيج گال و...

قاطعني وكال بعصبية
_ و انتي صغيره گالها ، قبل فترة ما جاب طارينه سوة
گال الاحمد

_ بس اني اريدك انت

_ شسوين بواحد عاجز

_ انت مو عاجز راح تتعالج و تشافة سنة سنتين عشرة

_ شلفايده

_ اهم شي انت گدامي ودا تتنفس

_ تكدرين تشيليني او توصليني للحمام تگدرين تسهرين
كل الليل على أوقات العلاج و المسكنات

_ يي

_ سكتي اريچ رحمة الربج

_ هسه شنو ، لا تبقى ساكت

دار وجهه عني الغير جهه متت من الحرگة مالت گلبي
شهالذلة مسحت دموعي و ردت اطلع بس وگفني صوته

بارق _ اخذيني للغرفة

بلعت ريگي تقدمت آلة حركت الكرسي جان
ثگيل و هو ابد مساعدني مديت راسي صار گدام
وجهه وگلت .... تره ايدك ما بيها شي لو ساعدتني
شوية اذا مبسمر روحك هالگد وين اگدرلك اني

دار وجهه لجهه الثانية و اسمعه يستغفر
رجعت حركت الكرسي هم مگدرت
عاد هنا هو تدخل و مشه بالكرسي للغرفة و اني وراه

اريج _ يي شنو ردت مني

ندار عليه ورفع حاجبه و رد بستنكار
بارق _ سلامتچ

_ ها يعني اروح هسه

_ لا لحضه

ابتسمت عرفت صار عنده فضول ع الخطبني بس ميگدر يسأل .... ليش لا

_ منو هذا الخطبج

رديت واحد من اصـ....
قاطعني و هو يگول

_ ندري بس منو

_ شمدريني

_ وين شايفج حتى خطبج

_ هم ما اعرف

_ اريجججج

_ ها اسمه غيث يمكن حسب ما أذكر

_ خوش ، شكو تتبسمين

_ هيج مو يمك

حجة و حسيت بصوته نبره استهزاء .... عجل يمن ؟

_ لددقق بارق

_ وافقي عليه الله يوفقج

نغزني گلبي من گالها و گلت و اني مهضومه منه
_ انت شبيك ما عندك گلب حجر ليش مدا تحس بيه

_ ما عندي منو گلج عندي اهتمي بحياتج و عوفيني
فهمني

_ لا ماااا فهمتتتتت
ااانتتتتت لان مريض داتحجي هيج بس تطيب يرجع
كل شي المكانه

دفعني عنه بقوة درجه رجعت ليروى ووگعت ودموعي
ما وگفن

_ منو گلج اذا اتعالج ارجع الج

جمدت بمكاني من گال هشكل و حسيت خلص
ما عاد اكو فايدة للحجي عفته ، وطلعت صعدت
ليفوگ هيلانه سألتني شصاير محجيت شي كتفيت

بدموعي الصارت تنزل بغزارة من و اني صغيرة
أسمع جدو يگول راح ازوج بارق اريج من هالكلمات
نطبع بعقلي هو الية صحيح ما اشوفة غير كل كم سنة

و صحيح علاقتة بأ اخوية أدم ابد مو حلوة بس چان
عندي أمل يحبني مثل ما اني أحبه مسحت دموعي
لمن سمعت صوت مارين أكيد البنات اجوي غسلت

وجهي و اني راسمة ابتسامه مصطنعة علية نزلت
سلمت عليهم و گعدت ، ورا ساعة اجة بسيل و بارق
گعد يمة انتبهت عليه مباوع حتى بجهتي و يحجي
عادي و لا كأنما صار شي صرت احسب الثواني
و انتظر ارجع للبيت

.
هيلانه

مرت ايام دائما تالين و اريج يجون لهنا و هم احس
بداخلي فراغ لان قرب سفر بارق و رائد تكفل يروح
وياه الي مضوجنه احتمال جبير يبقى بالسنة هناك
عما يتعالج بالكامل

بيوم اجتي تالين هي و خالة گعدنه سوية بعدين
عفنه خاله لجين يم بارق و اروى و احنه صعدنه
لغرفتي حسينه تالين متوترة و تريد تحجي شي

اكلج تالين صار ساعة تضربين صفنات متحجين
شي

تالين _ ها مو شوفو جدو چان عدنه من دره بأايمن نازل اجة

هيلانه _ و شيريد الشايب كونترول

ميس _ ههههه شنو هاللقب

هيلانه _ مو يريد يتحكم بكيفة عبالك جهاز تحكم و انتو روبوتات

مارين _ خرررب المعنى عميق

ميس _ يووو خل نسمع شعنده

تالين _ يريد يكمل سالفة ايمن

ميس _ يي و شصار

تالين _ الخميس الجاي راح يجيبها بدون زفةة و لا شي مجرد يا خذها من بيتهم للصالون و يسوي عزيمة الاهلها

ضحكت بأاستهزاء و گلت
هيلانه _ بالخير عليه

ميس _ شوف هاي اذا بقت مدنگه و ضايجة عليه ادفرها

تالين _ عوفيها براحتها

ميس _ معليج بكل الي دايصير مارين ربج يكتبلج الاحسن
منه

تالين _ مو زعلانه و لا مهتمه بنات تخطيت هالموضوع صدگوني

ميس _ هذا الي تريدة احنه اهم شي راحتج

صرنه نحجي و كل وحدة تكبس و الثانية ترفع

تالين _ اكلجن يمكن بيوم العزيمه أجي لهنا مالي خلگ يدوخ راسي ع شي ما يسوى

ميس _ هو صدگ ميسوى بس عيب يگولون مرت ابو متريد بنتها تشتغل و هالسوالف هاي

تالين _ وووف

جبهاي گعدتنه و نفتح الباب و دخلت اروى
اروى _ الحگييي ولججج يمصگوعه

هيلانه _ ها

اروى _ يول ابو السيارة الحلوة هين شكلج راح تنخطبين

دگ براسي ناقوس الخطر توني داگول دريد
بس تلاحگت روحي سكتت و هي فاتحه الحلگ

ميس _ السالفة و انتن بالدوام بس مقبلت احجيلچن

مارين _ شكو صاير

ميس _ مساع ام قسور اجتي و صارت تحجي مواضيع
خطوبة ما خطوبة و منو الجبيرة اكو محجوزة

تالين _ تشوف النبض

اروى _ بضبط

ميس _ و هسه منو اجة اروى

اروى _ هو و ابوه و بعد ما اعرف

مارين _ زين منو گلج هيلانه

توترت شوية و جاوبت
اروى _ مو هي دائما تگلي اختچ البلگة محد بلگة غيرها

تالين _ هالگد هيلانه بيضة

ميس _ اشو اشوفة طبيعي

اروى _ يمعودات حتى نصعه السمار رايحه
هو طبيعي بس مو كلش وهم سمران شوية فشوفتهم تختلف لان انتي عيونج متعودة

تالين _ اكلجن البت ساكته لا يصير بيها شي

مارين _ هيلانه

همست .... ها

اروى _ ما بيها شي انچبن و تعالن نسوي الضياقة

ما اقتنعت لكلام اروى
حسيت وجع بگلبي زواج ما اريد ازوج مو فوگاها
دريد عزهههه منين اجتني هالمصيبة هاي نزلن
لجوه و اني بقيت فوگ مارين حاولت تحجي وياي

بس ما ركزت وياهه و هي ما ضغطت عليه اخذت
تلفوني وكعدت اراسل غيد

هيلانه _ غيد الحگي

غيد _ شكووو

_ لج اجوي اهله سواها صدگ

_ فكرتي بكلامي الي كل يوم اعيدة الج

_ اخاف اروح فرحانه انو اني راح استغله بس
يصيرلي العكس

_ انتي مو يتيمة و مثل ما سولفتيلي اخوج و ابن عمج
يحبونج فااكيد من تروحين تلتجئين الهم راح يسندوچ

_ افكر احجي الحقيقية هسه

_ ثول الاسر متعرفي حالياً شلون تحجين ع الأقل من
تعرفي و تكولليلهم راح يدورن شنو سبب حقدة ع ابوج
فهمتي

_ فهمت راح اسويها الله يستر من الجاي

بقت تحجي و اني طلعت من المحادثة و رحت للانستا
دخلت ع محادثتي وي زينب شفتها رادة ع آخر رسالة
الية رجعت كتبتلها

هيلانه _ زينب اذا صرنه بين خيارين سعادتنه
لو سعادة الأشخاص الي نحبهم و بكل مره نختار
تضحي باانفسنا هالشي صحيح لو لا
انتظرت ساعة تقريبا يلا جابوتني
زينب _ شي صحيح يسمونه فوز بأاقل الخسائر
و غلط لان احنه الضحية شنو ذنبنة بس ليش هالسؤال
هيلانه _ هيج حبيت اسألج
زينب _ اوكي

عفت التلفون و رحت نمت ثاني يوم مر دوام عادي
و بليل دز عليه بارق

هيلانه _ ردتني

بارق _ تعالي شلونج اليوم

_ الحمدالله هو المفروض اني اسأل عنك

_ عادي يابه ماكو فرق ، تعالي اگعدي

ابتسمت و رحت گعدت گدامه
_ تعرفين اني بعد فترة راح اسافر

_ يي .... گلتها و دنگت راسي

_ رفعي راسچ احاچبج

رفعته و هو گال
_ بعدني ما فاهم منچن شي و جاي تنخطبن مني

حسيت وجهي حترگ مو بس حمر من الخجل
_ اكو صديق قديم كلش و عزيز بنفس الوقت
خطبج مني أكيد گالتلج اروى مو

اروى _ يي كلتلها

بارق _ انتي شنو رأيج
صحيح توج طالعة من علاقة فاشلة و كله بسببنه
بدرجة الاولى عاد هسه مدامنه موجودين ماكو
هيج اسباب و أمور شتگولين

هيلانه _ ها بكيفكم

_ لا يابه هي لو يي لو لا

_ ما اعرف

_ فكري عما يجي أحمد هم ناخذ رأية لا يتخبل علينه
روحي ارتاحي

گمت من يمة و اني اطگطگ فوكاها گلت الغيد اريد
اگول الحقيقة الاخوية هو اني ساكته و ارجف ......
خلص اسبوع هادئ كل شخص بينه غارق بحياته

البارحة خميس تزوج ايمن خلص مارين طول اليوم
تشتغل و تلعب وي قمر و يحيى احسهه تحاول تهرب
من الواقع ، ميس تخلصها صفنات من ترجع من الدوام

اروى ملتهيه بجهالها و بارق و بزوجها الي بين فترة
و فترة طويلة يلا يتصل و الحد هسه مشفته و لا
شي ، اما اني مرتاحة لان بارق ميجيب طاري الزواج

او فكرت او لا بس اروى لا كل شوية و مذكرتني لكن
تبقى اشوه اگدر افلت منها منتضرين أحمد هاليومين
ينزل عاد تحس العراق كله واگف عليه هواية يتأخر

و اليوم اجتمعنه مره لخ حتى اريج و تالين موجودات

ميس _ يي حجيلنه صار مصار بعزيمة اخوج
و العجوز الشمطاء لازم مخلية كيالو مكياج

هيلانه _ منو اجتي وياهه

اريج _ فريق السحارات أكيد

اروى _ يول انتي كل يوم مطلعة الهن لقب

اريج _ يي غير كون تالين تحجي

تالين _ اوگفن اكلتني

كلهن اجن عگولتج فريق السحارات بس ابد و لا مدن
ايدهن صحيح الاكل جاهز و هيج بس كلش ماصخه
تصرفاتهن خلصنها تبسبب كل ثنين وحدة تحجي
وي الثاني عبالك عدنه بالبيت شو شكو وكاعد يحجن

اروى _ امهات الگالات أكيد يحجن علينه لان ما اجينه عبالهن غيرانات ايععع

اريج _'قفلتي الغرف

تالين _ بدون متوصين غرفتنه و غرفة امير و أزاد

اريج _ عفية بالتفتهم

ميس _ هنه طابات ع طمع مدام ذكرن الفلوس و الاملاك
بالفاتحة

اروى _ اعرف هذا الكاتلني و مخلاني اروح

تالين _ معلينه شوفن حنان طالعة فلم هندي صحيح
حلوة و بيضة شوية احسن من قبل بس ولچن
سمنانه هواية

اريج _ صايرة فيل يعني

تالين _يي عوزها خرطوم بس للأسف خشمها
ما بي شي صغير

اروى _ كافي عوفن النميمه

اريج _ حلال بيهن

تالين _ شوفي مارين هو غير اخوية بس هم زين
متزوجتي احس قلل من قيمتج هواية و انتي
تستاهلين الاحسن

مارين هزت راسهه بدون لتجاوب و تالين رادت تغير الجو

تالين _ تعالن اشوفجن الصور

اخذنه تلفون صرنا نباوع و اني ما اعرفهم فصارت
مارين كل شوية و تگلي اسم وحدة و قرابتها منه

اريج _ يمعودة امسحي صورهن لا يعطل التلفون

هههههههههه

هيلانه _ كااارثة انتي

ميس _ قويةةةةةة

اريج _ ضحكت مارين اهم شي هذا

هيلانه _ بس صراحة احلى وحدة هاي الي بطرف

ميس _ ها هاية فدوى اخت رائد الي اجة قبل فترة

تالين _ صحيح حلوة و نازگ حتى مكياجها ممبين
بس بارز ملامحها عكس كارثة ايمن

اريج _ شااااااايفففف خيرررر و مستاهلهااااااا

ميس _ گلووووووشششش

هههههههههاااي

متنه ضحك و غيرنه اجواء لشوية و گامت اريج

اريج _ يلا انتن كملن نقاشچن راح انزل

ميس _ وين

اروى _ يم بارق باشا لعد وين

ميس _ ههههههههه روحي حياااااتي

ميدرن هو بارق سبب الحزن الي بعيونها ما اعرف ليش
محد يلاحظ حزنك غير الشخص الي مثلك يگدر ينتبه
هي نزلت و متاكدة راح تخابر اخوها بسيل يجي ياخذها

و اني اخذت تلفوني و گعدت اراسل و كل وحدة
انشغلت بشي لحد مراحن و قمر نامت بچربايتي
عافتها امها و طلعت ميس و مارين همين بقيت وحدي
رحت تمددت يم قمر خليتها بحضني و نمت

مرت فترة من الهدوء و الانشغال ، بيوم صادفت
عطلة رسمية فرحت كملت نومتي للظهر اني و قمر
وياي ع الواهس يلا گعدنه اني وياهه غسلنة و بدلت

و بعدين بدلت القمر لان اروى عايفتلها ملابس يمي
بعدها نزلنه اني وياهه شفتهم كلهم مجتمعين قمر
ركضت الامها و اني سلمت و گعدت يم مارين

_ مبارك قدودي ورثت من خالتها التمبلة
ههههههه
_ شنو تره لازمني نوم اريح عقلي
_ هجم بيت عقلج عساس ما كلة روحج لحم
_ ما كلتها لحم كص همين بس انتي ما تقتنعين
_ وچ هيله
_ ها اسفة سكتت

رحت تغديت و صعدت يم مارين خلصت شوية
من البحر المتراكم العندي و نزلنا العصر شفنه
ميس تتغدة توها جاية من الدوام

مارين _ خطية اكو ناس مشاملتهم العطلة
هيلانه _ مساكين مساع بيش الساعة گعدت ذكروني
ميس _ عسى ما العصر اكو ناس راح تنام من وكت عبالك
دجاج
هيلانه _ عابتتت
مارين _ فشلتنه

سكتنه و صرت اباوع ع مطبخنه ما بي طلعة
للكراج باب مقفول و شباك جبير ما خذ مساحة
جبيرة و حلوة گدامة ميز طعام طويل ع گدنا

الجهه الثانية مفتوحة ع المطبخ بس يفصل بينهن
حايط للنص و اكو بردة ستارة نغلقها حتى ناخذ
راحتنه

شوية و اجتي اروى گالت أحمد بطريق ساعدني
بالعشة

نشغلت اروى تسويله اكلات إيحبها
ميس تسوي بكيكه و مارين تساعد بيها و اني اباوع
لحد ما اروى گالتلي

_ اكلج حبي متهزين طولج و تشتغلين وياي
_ مابية حيل
_ أبقي گاعدة راح تردين عليه بأاول اسبوع
_ مو زين ارد الكم وجودي كنز لا يفنى
_ عمت عيني لا يفنه يلبنه
صار تقلد عليه و اني ساكته و باوع الها بغيض
_ شنو تريدين اسوي
_ صلاوات تعالي احمي الزيت بطاوة عما الفن
السمبوسة
_ انتي شعليها اخاف
_ هنيال رجلج ادني شوية
صارت كل شوية و عايطة عليه و ميس و مارين
بس يضحكن تورطت وگعت بيد اروى

تأخر يلا اجة تقريب ال ١٠ ندگت الباب
طلعت مارين و يحيى يفتحونه ما نحس الا شوية

و عله صوت السلام و ضحكات باوعنه من الشباك
نگدر نشوف الي برا بس ما يصير العكس شفت أحمد
و ديسلم ع جهال و مارين طلعنه احنه

هم و سلمنه عليه شكله متغير عن قبل لحيته كبرانه
وجهه صاير احممر اكثر من قبل و ضعفان دخل و سلم
ع بارق ، صعد لفوگ گال اغسل و أبدل اجيكم

نزل صار ياكل و يسولف النة عن ايامة
و اني گوة لازمة روحي حتى ما انطي
ردة فعل ما صدگت يخلص العشة

و اصعد تالي خلني بالمطبخ و فلتن و المواعين
وگعن براسي غسلتهم و ميس اجت ساعدتني
خلصنه لگيناه صاعد ينام عاد احنه همين صعدنه

ثاني يوم جمعة گعدت الصبح ع صوت ضحكات
صبحت و گعدت اتريگ

أحمد _ اروى صبيلي چاي من يمج و شكر قليل

هيلانه _ اني اصب اقربلي منها صبيتلة و مديت ايدي
أخذه و صرنه ناكل بهدوء

من خلصنه جتمعنه يمه كلنا .....
أحمد _ اكلكم شو تباوعون بية اكو شي

بارق _ فرحانين بيك

أحمد _ احدرو لگلبي تدحگو يرگص چفية بشوفتكم

اروى _ هههههههههه حبيت

هيلانه _ فهموني مفهمت

مارين _ اني افهمج

أحمد _ اريد اتغدة سمك خل اخابر ابن عمكم ابو العيادة
فلوسة زايدة

بارق _ أحمد اكبر عوف هالسوالف و روح جيب انت

أحمد _ يخوووي تعبان شايلي اسلاح اثگل مني و افتر بي

ميس _ اني ما احب السمك

أحمد _ عود اني احببج بي بس هسه خل يصح طلع يخابر
رجع يضحك و هو يگول غداكم علينه اليوم

اروى _ فدوة الهلخلقة اني

أحمد _ رجلج يمتة ينزل

اروى _ عساس باجر بس گلي صار انذار

أحمد _ فحطونه ينطونه خبر و نتحمس طب ورا
يومين و يبدلون

بارق _ غير الوضع مو أمان

أحمد _ يي اعرف

بارق _ شخبار الشباب هم تشوف واحد منهم

أحمد _ يا شباب بالضبط

بارق _ جماعة غسان لو سهيل و صهيب

بارق _ سهيل بقى بالموصل و هسه عنده مهمه هو
و الباقين ما اعرف تفاصيلها غسان بديالى تحول بس جماعتنه هنا و اكو دعم بس ما عندي عرفة بيهم

چان بالي مو يمهم و مارين داتحجيلي عن دروسنه
بس لفت انتباهي و فضولي جملة گالها بارق

بارق _ ابو الحرب هم شرف يمكم

أحمد _ قبل فترة حيل طويلة يعني حتى قبل لا انت تصوب

عزهه معقولة هو نفسه يربي احس سامعة
هالاسممتأكدة باليوم الرجعني واحد سلم
عليه وگال ابو الحرب زين قابل بس هو

بالعراق هيج اسمه اوووف مارين تحاجيني
و اني ساكتة بالي مو يمها عفتهم و گمت
ما اريد اسمع هيج نقاش يشتتني وارجع يرجعني

نقطة البداية ، لل ظهر اجوي تالين و أزاد هم
و الغدة سلمو ع أحمد و گال بشقة

أحمد _ گتلك جيبلي الغدة مو تعال تغدة

تالين _ ليش تريدنه نعوفك تاكل وحدك لا ابد ميصير

بارق _ هههههه أهلا بيكم

گعدو و صارو واحد يسأل عن الثاني و اروى و ميس
حضرن المقبلات

أحمد _ طبعا هذا الووليد جان يسأل عني بكل وكت بس
خطب و خرب والله دنيا

أزاد _ يالحاروگه حاط عينك عليه خووو

اروى _ لازم نخطبلة لا يصرلكم شي انت و رسيل

أحمد _ گلبتو عليه اني التعبان هنا

أزاد _ لا تبجي حيلك حيل الچلب كل شي ما بيك

أحمد _ لا يا سگط

بارق _ اروى الغدة همي روحج ، متگومون تصلون واحدكم
بگد البعير

أحمد _ اني صليت خلي ابن عمك يگوم يصلي

أزاد _ اني گايم بس بلا اريد اعرف شوكت صليت و هو
هسه اذن

أحمد _ اصلي قبل الاذان شعليك انت

بارق _ انه خوك سولفهن ع دبة هسوالف

أزاد _ لا بربك هيج متدين فول

اروى _ الغدة جاهزز تعالو

گامو يمشون و أحمد شال قدودي و يعض بخدودها
و هي تضحك من يمي گزگزت عليها

أحمد _ گميره تحبيبني انه لو خالج بارق

سوت حركتها المميزه و خلت اصبعها ع شفايها
تفكر و تگول اممممم

قمر _ خالو بالق

بارق _ ظهر الحق بس لو ما تبلعين الر يبعد خالج

أحمد _ روحي انتي ما اشتريلج تعال يحيى تعال انت
راح تفهم على خالك

اروى _ و لا يستقر عبالة الكون واگف عليه

أحمد _ انتي شايفة جمالي مطلوب دولياً بس شسوي
باقي هنا على مودكم

هههههههههههه

اروى _'تعالي بنيتي خالج بس يخوزر الله اليستر

گوه سكت تغدو عاد و اني وراهم تغدينه و گعدنه سوية
البنات عينهن ع التلفزيون يتابعن قمر و يحيى يمي
نلعب بالايباد و الباقيين ديسولفون ، رفعت راسي

شفت الفلم محور القصة مالتة عن الشطرنج
ندمجت بالفلم لحد مصارت منافسه بين ثنين
بنات انتبهت ع خطواتهن ..... گلت

هيلانه _ الي ع اليمين حتفوز
اندارو البنات عليه و گالن

ميس _ متابعته ؟

هيلانه _ لا

مارين _ لعد وين عرفتي

رفعت اكتافي و كلت
هيلانه _ تخمين

تالين _ ما اتوقع هاي متوترة و ذيچ مسيطرة

رجعت اللعب وي الجهال لشوي و سمعت اروى
.... تگول والله و طلع توقع هلهوله صحيح
ضحكن و اني ابتسمت

ميس _ يراد نجيب شطرنج نلعب بيها

أحمد _ نزليها من المتجر ارخص

باوعلة صفح و دارت وجهه
ميس _ لا آلة حقيقية و انت تجيبها

أحمد _ اني شكو ابن عمكم ابو العيادة يجب

أزاد _ اكلك انت شخبصتني هو يومية سادها بسببك
اريد تعويض

أحمد _ الله ينطيك حبيبي

ضحكنه ع سوالفهم تگول صغار كل شوية و مداهرين
رغم نسولف عادي و نضحك بس وجوهنه عكسنه
ملامح الحزن حتى بدون ما نحجي واضحه متاكدة

كلهم يتمنون امير موجود ويانه مثل مكاعد اتمنى
اني ، صعدت فوگ و للعصر اجتني اروى سدت الغرفة
وگعدت يمي

اروى _ اهجس بطني تگطعت كل ساع يما صاعدة
يما حادرة

هيلانه _ عجل أبقي جوه

_ فدوة للعجل جايتج بسالفة

_ گولي

_ أحمد درة ما اقتنع بس بنفس الوكت ما اعترض
و گال عوفوها هي تقرر هي من ذاتها مو انتو بيت جدي
هم محد بيهم تدخل بالموضوع

_ و عمو فؤاد

_ باجر يجي و نگله ، بقت السالفة يمج

_ احسج متحمسه الهزواج اكثر مني

_ شكثر ماهم اوادمم زينين نگدر نأمنج يمهم احسن
مما بعد چم سنه و يجي واحد ما نعرف گاعة وين
، و بليل بارق يسألج يريد يسمع منج و انتي جاوبي

_ ان شاء الله

_ و لتخافين وصيت بارق تايشرط عليه هسع بس
خطوبة من يجي من السفر يلا تزوجون مثل أزاد
و خطيبته رسيل ، بعد اذا عندج شي او شرط گوليهن النة

هزيت راسي و هي باستني و طلعت

ليل رحت لغرفة اروى وگعد يحجي وياي عمود
الدوام و هالامور حتى لا اخاف من ناحيتهن
بقيت ساكته و هو يحجي عاد بالاخير گال

بارق _ لا تستحين مني موافقة لو لا ؟

كتفيت بهز راسي بقبول

بارق _ متأكدة هذا مصير حياة مو لعبه

هيلانه _ موافقه من بعد موافقتكم ........

طلعو من الغرفة جريت حسرة طويلة و طلعت بسرعة
من الغرفة لاگتني مارين عيونها حمر دم و ميس يمها
مهتميت هواية و صعدت لغرفتي .....

.
مارين

واگفة بالمطبخ اغسل المواعين اني و ميس لا
ارادين صرت ابجي و اگوللها .....
مارين _ شنو هاي ميس گلبي يوجعني ما داتحمل هالوضع

ميس _ شنسوي قابل

_ اريد اگول الهيلانه امير جان يحبج

_ متستفاد شي من تعرف هسه خلي الوضع مثل
ما هو

_ الله يصيرني و ما اگول الها غير هيج فلا اتحمل ابد

_ اني هم مفرحانه هواية الشخص الوحيد المتحمس
الهزواجة اروى

_ يي أصلا أمس سمعتها تخابر اظاهر ذولي اقارب
زوجها

_ صدگ زين هيلانه تعرف

_ لا ما أعتقد

_ متحجين وياهه بهالموضوع

_ لا هالموضوع و لا غيره من تگعد يمي و كأنما غريبة
ما احس بيها مثل قبل هواية اتقيد و اني احجي وياهه

_ عندج اني اكفي و اوفي ست مارين

_ هههههه طبعا بس مو هذا قصدي تعاملها يخليني
حتى روحي مطايقتها

_ حاسة بشعورج الله يهديها شنريد نگول هي احسن
من قبل كم شهر بلكي تتحسن اكثر بالايام الجاية

_ الله يسمع منج

_ هسه اغسلي وجهجج شبيج راح تموتين

_ دا أذكر امير

_ اوووف مارين اوووف

.
هيلانه

كل ليله اتحلم احجي وي الاسر و كل مره يوگف
گدامي يمنعني ازوج اگعد ميته رعبه بسببه و كل
ثانية صرت ادعي عليه .... ورا يوم اجتي امة

و مرت اخوه الجبير اسمها بنين و اخته افنان وگعدن يسولفن عن الحاضر و الغايب و هاي الامور حددو يوم
نطلع بي الذهب و الحد هاي اللحضه

ممستوعبة وافقت ع هيج شخص ، مقبلت اروح اجيب
حلقة اخذت اروى حجم اصبعي وراحت وي امة و اخته
جابولي حلقة و طقم بس ما عجبني هواية الذهب ثگيل

شكله ابد مو نازك ما عدة الحلقة لان صراحة عجبتني
عفت الذهب يم البنات صورنه يدزنه التالين و اريج
و صعدت صرت اشغل بروحي بكل شي حتى ما افكر

قبل الخطوبة اجتي اروى وگالت بدلي قسور اجة يريد
يشوفج

هيلانه _ بعدنه حتى مخاطبيين

اروى _ يي عادي يصير يسمونه نقاش و اذا عدكم شي
تحجونه قبل الخطوبة مظل شي هو اقل الاسبوع

جيرتني اخذ العصير و ادخل اادمعه صارت بطرف
عيني و ميس ترفع بحاجبها تغيض بيه

ميس _ والله وكت الزعطوطه نخطبت قبلي

هيلانه _ ددخلي بدالي تسوين فضل

اروى _ ههههه لا شكرا ما اريد

دخلت حتى بدون سلام خليت العصير كدامه ع طبله
و گعدت بجهه الثانية اني و فستاني البنفسجي لان
من نزعت الاسود صرت البس كل شي غامق بس
مصيبة مطلعني چني بليلة العيد خرربب

دريد _ ابقي لا تسلمين السلام بفلوس

ابتسمت رافعة حاجبي ثواني و رجعت ملامحي طبيعي
هيلانه _ يي شنو ردت مني

دريد _ دزيت عليج خاف عندج شروط منا منا

هيلانه _ كل شي گالة بارق اريدة

دريد _ قصدج الدوام و العرس مو هسه و هالامور سهله

_ يي

_ هسه صار دورج تسمعيني

_ شسمع

_ ممنوع تتواصلين لو تحجين وي امج بأي شكل
من الأشكال و اذا صار و تواصلت لازم تنطيني خبر
و طبعا ما تدخلين بية أبداً

ضحكت بأاستهزاء وگتلة
هيلانه _ اوكي راح اسويهن اما ادخل بيك فأاكيد
ما ادخل واذا صار و لگيت ايفان او اني عرفت منو
الاسر حتلو فترة خطوبتنه راح ننفصل زين هيج

دريد _ سهله .....
و عنوان ابن سما

هيلانه _ بعدين انطي

دريد _ يلا سويلي طريق
گمت فتحت الباب و طلعت قبلة هو گال وين تعالي يلا

_ ها ليش

_ اندل الباب

_ لعد المن گتلي سويلي طريق

_ دنگ المستواي و ابتسم ابتسامة نرفزتني
بكيفي

نداريت دخلت للبيت و هو طلع شكد حقنة و تافههه
جان وجهي أحمر و احس دخنت من العصبية لاگني
البنات يضحكن و يتهامسن عبالهن شو شكوو

ورا كم يوم رحت للصالون بس سرحتلي شعري
و خليت مكياج يبرز ملامحي باوعت المراية
ابد ما اشبه نفسي و ما عجبني اجة أزاد اخذني

اني و اروى وصلت للبيت شفت الوجوه تتلاطم
سألت صاير گالن وصل فستانج اخذت الفستان
ابد مو مثل الي طلبته اروى شكله يخوف و ضخم

خسارة بي الاجار أصلا منا مكياجي مو طايقتة
گبل فتت للحمام و هن وراي ملحگن قفلت الباب
غسلت وجهي و طلعت گلت الميس تخليلي

فعلا سوته و طلع احلى من الاول اجتي مارين
گالت الفستان دبرته .... اني جنت عازمة صديقاتي
زينب لمى و مريم مدام عدهن عطل قررن يجن

غيد متعرف تباركلي لو تواسيني كل شوية و متصلة
حنان زوجة ايمن الحمدالله صادفت عند اهلها جان
نغصت على مارين فرحتها و محد من بيت جدي

أجه ع اساس حزينين و هم هه منتضرو و جيرو
ايمن يسوي العرس بحجة عيب من اهلهااجتي
تالين جايبتلي و ياهه فستان ابتسمت لان

صارت انقاذ مو ع مود شي بس محبيت افشل
اروى گدام اقارب زوجها لأن لو بيدي جان حضرت
الخطوبة بجامتي مال النوم هالگد مطايقة الموضوع

هذا كله و اني فوگ اجتي اريج راوتني صور ترتيبها
للكوشه طبعا بس هي اجت امها لا شكد صار عندي
فضول اشوفها ...... بارق من البارحة اخذه أزاد

ما اعرف وين و هسه يلا رجع لابس دشداشة اول مره
اشوفها عليه يخبل بيها دزلي أزاد صورة أحمد همين
موجود .....

قبل چنت اتمنى اتزوج مسيحي بس بعد كل الصار
وياي مسحت فكرة الزواج اساساً من عقلي ......
اريد تخلص هاي المشكلة و انفصل نهائياً عن معرفتي

بدريد و الاسر و أمي و اعدل حياتي الخربوها نزلت
شوية گعدت و اجوي امه هلهلت شوية و سكتت لان
گنالهم ما نريد هالاجواء عاد هي مگدرت تلزم نفسها

صفگن شوية و يباوعن فرحانات بس بالتأكيد اكو
الي نظراتهم بيها نوع من السخط و معاجبهم الوضع
رغم اني ما اريد اتوتر بس وترني بهالنضرات خاله

لجين طول الوقت وياي لبست مثل شال الابيض
و قربني يم الباب و صرت اسمع اصواتهم لهناك
صار العقد نشف گلبي عما خلص نطقت المواقفة
هو همين و صارت هلاهل و ضحكاتهم ، حزت بگلبي

فرحتهم و اجة عبالي ايامي بيت عمي فؤاد
لمتنه لطفة هو و خاله وياي ، لو حب و حنان
امير و تعاملة الدافي ويانه تحسه ابو و اكثر

لو مشاكلي وي ايمن و مقالبنه اني و أزاد
و الاخوة و صداقة العميقة بيني و بين
مارين و تالين بس هسه كل شي تغير

ما اعرف ليش بس الاعرفة وجعني گلبي ع أيامنه
الحلوة رجعوني المكاني و هو دخل تعصبت ليش
مرفض المن جاي .....

گعد يمي و عيونة تتحرك وي كل حركه اسويها
احسة خانگني و حجة بدون نفس

دريد _ مبروك

ما رديت عليه جابت اخته افنان الحلقات

همس .... مدي ايدج

همست .... انطيني اعرف البس ترا

دريد _ عاجبج العناد

هيلانه _ يي كولشش

دريد _ ابطن عيني اني اراويچ العناد ع اصوله
هسه انطيني ايها ما أكلها جاي يباوعون

مديت ايدي صارت ترجف كمشها و لبسني حلقتي

و افنان خلت گدامي حلقته بهاللحضة ردت من
صدگ ابچي

اخذتها و كمشت ايده حسيت جسمي كله نتفض
و مو راضي بهالاثار الي راح تصير بأصابعي

چنت مركزه بيدة و بالي مو يم احد ابد بعدني
ممدخله الحلقة بأصبعة همس لي

دريد _ وچ مو عساس مزوجة و خبره شنو تريدين
زواج گبل

بسرعة رفعت راسي اباوعله غمزلي و صارت اصوات
ضحكات بالمكان

هيلانه _ شمدريني اني
اشرلي وين اخلي الحلقة و لبستها آلة يمههه و أخيرا
ارتاحيت اشووو فگيت عيني بأاوسعها من انطتة
امه كوب العصير و گالت

ام عدي _ شرب مريتك

دريد _ تدللون

شربني و اني گوه متحمله ، رجع گال
_ ها خلصتو اطلع

ام عدي _ دصبر اخذي هيل شربي

اخذت الكوب و ايدي صارت ترجف اكثر من كل مره
و راد يكحلها خله ايده فوك ايدي ردت اوخر حسيت
الكلاص حيوكع بس بسرعة تصرف و كمشه شرب

خلصنه جابن الشوكات و السجينه كمشتها هو هم
، قبل لا نگصها بقينه ثابتين لان يريدن يصورن
ما صدگت خلصن كصيناها شال قطعة صغيرة

من الكيك بشوكه و كلني بعدين اني اخذت هم قطعة
صغيرة همس

دريد _ صغيرة هاي كبريها

ابتسمت بخبث و گلت تدلل و صدگ كبرتها
شلت الشوكه و صلتها يم حلگه دياكل سويت
حركه بيدي خلت الكيكه توگع ع بنطلوننه

همست له .... الف عافية

رفع راسه خزرني و مسحها و نوب اخذ الماعون
صار ياكل و يباوعلي بخزره .....

گام بوسط هوساتهن و طلع و اني تنفست براحه
كملنا كل شي و طگيت صور وي صديقاتي و اخواتي
و خاله لجين حضنتني و صارت تبجي عبالك شوو

شصار بية نزل عليه بچي ما صاير وياهه
هدوئني بلگوات ، ورا ساعة كلها راحت بقت
بس امه و خالته و افنان چانت لطيفة و تسولف
و تشاقة وي ميس اخذت ع جو

هيلانه _ اروى اريد ابدل

اروى _ يي روحي

ام عدي _ لا لحضه لازم يحجون ع انفراد شوية

اروى _ ليش

خالته _ مو صارت مرته خيگعدون يطگون صور ياخذون
ع بعض

صرت ابلعم و ادعي اختي الجبيرة تعقل و ترفض
اروى _ براحته خلي يجي ل هالغرفة

خابرته امه و طلعت كلها متفقة و اني المي يمشي
من جواية

دخلت ما انتظرت هواية شوية و نفتح الباب دخل
سداه جان لابس قاط رصاصي و بدون رباط
و القميص ابيض هو اسمر بس مو كولش بي نصعه
بياض و شكله نوعاً ما حلو رغم الآثار البوجهه

ابتسم ابتسامة جابنبية و تقدم عليه

حجيت و اني گوه مهدئة نفسي
هيلانه _ بلا شنو الزومها هالتصرفات

رد برود
دريد _ يا تصرفات

هيلانه _ مالتك انت و امك يعني شنو الزومها هالگعد هسه

دريد _ عوفج من امي شجاج ع اللون هذا اشو هاي عاشر
مره اشوفج بي

دنگت اباوع فستاني طويل و لونه بنفسجي فاتح
و بي اردانات منفوخه بس شفافه حيل و صدري
هماتين شفاف من فوگ تذكرت ذاك اليوم من شافني
جنت لابسه لون مشابه
.... مو نفسه تدرجات تختلف

دريد _ خوش بالعرس مو تلبسين هم تدرجاته

هيلانه _ ما ضحك تره

دريد _ ما مضحكج اكلج بعدين شدعوه هالكد
مطلعه من جسمج ؟

هيلانه _ و انت شكو تباوع

دريد _ لعد المن لابسه الامي

هيلانه _ يي الامك لو بيدي جان گعدت من النوم عقدنه
و ارجع أنام

دريد _ هنيال عقلج

هيلانه _ هسه انت شرايد

دريد _ العنوان

هيلانه _ قبل ما انطي اريد اعرف شنو علاقتك بسما بتفصيل لتباوع هيج مثل ما انت تعرف عن حياتي اني هماتين رايدة اعرف

دريد _ اگعدي اول شي شفنه طولج بما فيه الكفاية

شمرت شعري بغرور و رحت گعدت
.... مجرد جانت خطيبتي و نفصلنه

هيلانه _ مجرد ؟

دريد _ يي يي شبيج نفصلنه بسبب مشاكلي
ويه أهلها و هي تزوجت بس من تطلگت رجعت
اتواصل وياهه خاصة و هي تشتغل بمثل شغلي

هيلانه _ و شنو شغلكم

دريد _ مو شغلج حتى تسألين ست هلال

هيلانه _ يي و بعدين

دريد _ صرنه بمهمه وحدة احم اقصد الي چنتي
موجودة بيها

هيلانه _ مهمتكم خطفي

دريد _ مو يمج السالفة ، دخلتي ع الخط فجأة

رجعت قوت علاقتنه مثل منگول رغم مو مثل
قبل بس ما ردت اكسر بمشاعرها و هي أصلا
عزيزة عليه و هذا هو خلصت السالفة

هيلانه _ يعني قسيم مو ابنك و هي ضامته حتى لا تأذي

دريد _ وين عايشين بمسلسل تركي

هيلانه _ شدراني عبالي هيج ، بس لحضه شنو يخليني
اثق كلامك صحيح

دريد _ دشغلي لهذا المسدوح براسج اگدر اسكت مو شرط اشرحلج فهمتي

هيلانه _ خوش راح انطيك العنوان

دريد _ عفية بااشاطرة

هيلانه _ اخواني يعرفون بيك تشرب ؟ و بطالتك و انت

دريد _ لا ما يعرفون چان گتيلهم انتي و نورتيهم

هيلانه _ يلا استاذ دريد تگدر تروح ورا مخلص النقاش
احسهن ديراقبنه

دريد _ اسمي قسور ما دريتي

هيلانه _ لا أدري بس ما يعجبني هيج اسميك

دريد _ ليش

هيلانه _ اذا اگول دريد ابقى مذكرة الصار وياي
و اكرهك انت و ذاك كل دقيقة اكثر من القبلها

گام ع حيله و باوعلي بتمعن و كال
دريد _ جيد يلا في أمان الله هلال .....

.
اريج

تونست هواية بخطوبة هيلانه من خلصت الحفلة
بقيت بملابسي و صرنا نطگطگ صور لما ملينه
حاولت اتناسة كل شي يزعلني خاصه بارق

أتصل بية بسيل وگال لازم ارجعج عندي شغل
حتى ملحگت ابدل اخذت عباية من ميس
و طلعت اليس بيها لاگاني بارق و هو ع الكرسي

لابس دشداشة بيضة طالع يخبل و محدد لحيته
الي بيها شيبات وقار بطريقة عشوائية لايگله
حيل سويت روحي مو مهتمه و طلعت ....

بارق _ سدي العباية وين طالعة هيج

اريج _ لتدخل ، گلتها و طلعت قبل لا اسمع كلمه منه
تخلي گلبي يثور و يحتج عليه .....

وصلت للبيت سولفت الماما كل الأحداث و راويتها
الصور

اريج _ هو غير كون اعرف ليش مرحتي

ارتال _ خليني بعيدة عن بنات ديلارا احسن

اريج _ ماما حتى هن ميحبنها و مبتعدات عنها و معتبرات
خاله لجين امهن ، حتى هي سألتني عليج

ارتال _ ما اعرف شكلج

اريج _ اتمنى تنسون الاحقاد القديمة بسببها هواية تدمرت
هيلانه بشفاعات رجعت مثل قبل .....

ارتال _ ان شاء الله خير بنتي گومي امسحي المكياج

اريج _ اوكي

ارتال _ اريج فكرتي بموضوع الخطوبة

اريج _ يي ماما و اني رافضه

صعدت الغرفتي فتحت الضوة اباوع بكل
مكان اكو لوحة الي ارسم كل لوحة بحب
احياناً ابقى يومين بلوحة وحدة بس بنهاية

تطلع مثل ما اريد اكثر بس ابد ممشتركه
لا بمرسم و لا ناشره بس كم صديقة تعرف
بية ارسم و شايفات اعمالي مسحت المكياج

و سبحت نزلت تعشيت وي ماما وگعدت وياهه
لليل صعدت تعبانه نمت گبل الثاني يوم گعدت
متأخرة رحت يم ماما هم تريگت و ساعدتها

بالغدة عزلت البيت و صعدت لغرفتي گعدت
فتحت تلفوني رحت للواتساب شفت البنات
دازاتلي صور اني مماخذتهن هههه و دزيتلهن
من صوري مو خطوبة ضيم الحركات مال هيلانه

و قسور تموت ضحك و كيوووت تحسهم يعرفون
بعض صار سنوات دخلت الاعدادات و صرت اخفي
بالشباب و هيج و كم بنية ما احب يشوفن هيج

خصوصية و بديت انشر اول شي بديت بصورة
هيلانه و اني و بالبنات خليت ايموجيات ع اماكن
مكشوفة مو جسمنه و نشرت و كم صورة لهيلانه

وحدها تعبت كلت بعدين اكمل صارت تجيني ردود
و منو هاي و اكو غزل بس الفاجئني الرقم ما منتبهتله
دخلت عزهههه ادممم

الاسر _ فضحتي الوادم

اريج _ ياااا و لا منتبهه الرقمك الثاني و لتخاف
يرضون مو غربة هههههه

الاسر _ ليش لازم خافية الوادم كلها و حتلو صديقتج
ما يصير تنشرينها

اريج _ لا هاي خطوبة بنت عمو فراس

شافها و رد بسرعة
الاسر _ انتي هسه بيت جدج شو ما گال اخوج

اريج _ يا بيت جدي مو ميس قصدي هيلانه
اذا تذكر مره تخربطت و انت اخذتها
للمستشفى ....

تأخر يلا جاوب
الاسر _ لا ما أذكر
ردت ارد ، رسلي بعد رساله
.... منو خطبها
اريج _ واحد اسمه قسور من اصدقاء اخوها يمكن
شافها و مارد و اني رجعت ع الاعدادات عزهه
لا أدم و لا أزاد خافيته و ثنين من الي ما أحبهن
ديلااا هم زين شافها أدم و نبهني صار يومين
.....

.
تالين

فزيت مرعوبه على صوت عياط قوي غمضت عيوني
بتأني اريد إفهم شديصير عدلت نفسي وگعدت بنص
الجرباية لتفتت بكل الجهات عبالك ما اعرف وين اني

نزلت من الجرباية و فتحت الضوة وصلت يم الباب دافتحته و تراجعت بنفس اللحضه راجعة لفراشي

ههه على اساس اذا انزل راح أهدي الوضع لا ابد الشي
الوحيد الگاه هو حرگان گلبي
أمي دافع لحنان و تسكتني بجملة عيب و فّشل من اخوچ

رجعت لفراشي اخذت التلفون و خليت السماعات شغلت
أغنية

دخلت على الماسنجر شفت الجلمد نشط حسيت بضوجه
فكرت اضوجه ويايه

تالين _ ليش گاعد داسوي تعداد الصاحباتك

شاف الرسالة ورا شوية و جاوب هو فهمها و رد مثلي
صهيب _ صحيح اعد مرياتي

_ اووع مرياته

_ حبيبتي شرايدة روحي طالعة

سألته بغباء
_ وين طالعة

_ تتونس بالملا** وي الكـ*** و ترجع

_ داتستفزني هذا الي تگدر عليه

_ اخخ لو يمي

_ شيصير

_ ترتاح نفسيتي تلوة

_ اها

_ افتحي الكاميرا

_ لااهه

_ بداعتي

_ ما اگدر

_ مو مشتاقلج

_ ابقى مشتاقلي حتى تجي

_ مو بيدي بس ما بقى كلها كم شهر و نزرع يمچ

_ ان شاء الله

_ عزيزتي صحوتي

_ عيوني ها

_ اريد اشوفج

_ تمام بس لحضه

اخذ مشرط رجعت شعري ليورا باوعت الوجهي ينطلع
بي كمشت العطر حتى اتعطر بعدين باوعت روحي بالمراية العطر شنو فايته بلا شمرته ع الميز و رجعت على فراشي تغطيت و رديت على اتصالة اخذ نفس طويل زفره
و بتسم ، فابتسمت على ابتسامته

صهيب _ ولچ حليانه بغيابي

تالين _ دوم حلوة اني

_ مضوية روحي بحلاتچ

_ عيونك حمر تعبان

_ كلش

_ ارتاح لتأذي نفسك هالگد

_ كلنا نأذي رواحنه خاطر تطلع نساوينه مرفوعات الروس
محد كاسر عينهن

_ فدوووة اروح

_ المن ولج

_ اااا شسمه

_ شسمه ؟

_ الية

_ گلتي الج ها حلو

_ شنو دسوي

سويت تمارين شوفي گلب الكاميرا و صرت اشوف
الجهه الثانية من المكان الهو بي فارغ ماكو اثاث
و الارضية بيها اربع اثقال بحجام مختلفه و ضخام

_ تعبت بس مجرد شفتهن شلون تگدر تشيلهن
_ هاي بعد شنريد نسوي مثلا، اكلج
_ گول
_ نعسان
_ اغلقة روح نام
_ لا عوفيني اباوع الوجهج

اباوع لوجهه ضعفان هواية و بس سمارة خاف شوية
اول مره ما يسيطر على روحة و يغمض هيج وقت
و قبلي تلفونه بقى ثابت ما وگع مثبته هالمرة ع شي

ما كامشه مثل كل يوم صحيح ساعات النهار
و الليل تختلف بالدولة للهو بيها تنهدت و ايدي
تتجول على ملامح وجهه غلقت الاتصال و گمت

نزلت لجوه مرن يومين هادئات شوية بس باليوم
البعدهن گعدت متأخرة الصبح سويتلي ريوگ
و ماما تسوي بتمن أحمر لان الغدة سمك شوي

تالين _ ماما

لجين _ ها بنتي

تالين _ شصاير اليوم

لجين _ ماكو مرت اخوج و سوالفها

تالين _ صوجج متخليني اتعارك وياهه و لا ترضين اگول الايمن شجابرج

لجين _ صلفة اليوم وصلت بيها تتعارك وي أزاد

حنان _ مو صلفة عمة بس ابنچ عينه زايغة و انتي متعترفين

تخوصرت و باوعلتها بخزرة
تالين _ منو عينه زايغة ولج

حنان _ أزاد

_ هه تره عنده وحده تسوى راسج

_ شنو كل ما اطلع من الحمام الگاه بوجهي مو حالة هاي

_ اول شي اكو شي اسمه صدفة ثانياً ايمن مو حمامكم بالغرفة بعد شكو

_ عطلان المي بس حار

_ گولي الزوجج يصلحه و لا ذبين سمچ علينه ترا حتى
ايمن يتخبل عليج

_ شنو تهددين بية انتي

_ بس دانصحج

اكو طاسات يمها على الكاونتر شمرتهن بقوة ع الارضية
بحيث غمضت وصرخت من الفزه الكزاز يطافر عليه
فتحت عيوني ماكو راحت نداريت على ماما وجهه أصفر

من الهبطة اخذتها من ايدها طلعهتا للكراج و رجعت للمطبخ صورته و دزيتها الازاد ما تاخر و خابرني اتفقت
وياها نحجي وي ايمن اخذت گلاص مي الماما شفتها

تمسح بوجهه اني أمي تبچي بسبب هيج وحدة
لا ما اسكت و كعدت امسح المطبخ و انضف بي
صارت بل ١٢ ونص كلها اجت ايمن و أزاد و بابا

ملتحق حنان نزلت من فوگ و على وجهه ابتسامة
خبيثة صحيح هي نظيفة و متخلي شي زايد بالبيت
ترتب كل شي گدامها و مرات تسوي العشة و ممقصرة

وي ايمن من حيث ملابس و الاكل و بعد ما اعرف عن
حياتهم الخاصه بس عدها تصرفات تريد طلعنه من البيت
غصب عنه خلص الغدة و هي سوت الشاي گعدنه نشرب

، بقيت اباوع على ايمن الحد مخلص طخيت أزاد بيدة
و هو انتبه حمحم و بدة يحجي

أزاد _ ايمن

رفع راسه و باوع آلة و رد بهدوء
ايمن _ ها اخوية

أزاد _ ردت احجي وياك بموضوع

ايمن _ حتى انه

أزاد _ هههههه و شتكول منو الاهم

ايمن _ خلي ابدي و بعدين انت اكو اشكال ؟

أزاد _ لا ماكو

ايمن _ شوف بما انو انت ناوي تتزوج عن قريب فقررت
و اخذت رأي ابوية بالموضوع

أزاد _ شكو

ايمن _ راح اعدلك الطابق الثالث حتى تأخذ راحتك اكثر

أزاد _ نكعد اني و مرتي بطابق الثالث ؟

ايمن _ يي

أزاد _ خو انت انقل نفسك للطابق الثالث اني مرتاح بغرفتي من يوم ما اجيت على الدنيا و هم كل وقتي
بغرفة امير ما اگدر اعذرني

حنان _ مراح تبقى الغرف على وضعها

ندارت انظارنه المصدر الصوت اباوع الحنان و هي تحجي
بكل ثقة

أزاد _ ليش وين تروح

حنان _ مو اقترحت على ايموني من يعدل الطابق الثالث يلغي غرفة امير ( الله يرحمه ) و تالين حتى تصير صالة
و غرفتك تصير مخزن

گام أزاد منتفض و اني هم
أزاد _ اني ما اطلع من غرفتي

تالين _ حتى أني عبالج اعوفلج غرفتي و انزل أنام بالاستقبال بطفولتي مسويتها اسويها هسه

ايمن _ اگعدي تالين

ايمن _ رجاءاً ايمن حاچيها المرتك مكافي تصرفاتها وي أمي و كل شوية مكسرة اغراض المطبخ و بس تتهم بينه
ملينه تره

ايمن _ شگاعد تحجون

حنان _ عزه بعينج تتهمين بية لان ردت ارتب البيت و غير تصميمه القديم

صرخت بيها
تالين _ كل حايط لا يا حايط كل طابوگة بيها ذكرى النة عاجبج ما عاجبج أهلا و سهلا

اني حجيت هيج ما حسيت غير ايمن تقدم عليه ركضت صرت ورا أزاد

ايمن _ وخر عن وجهي أزاد اريد اكص اللسانها هاي كبرت
عبالها خلص كل شي بكيفها

أزاد _ ولك شجاك وخر عني و رجع المكانك

ايمن _ انت وخر و بطل دور المنقذ كل ما ردت احاسب وحدة صرت كدامي

أزاد _ لان تصرفاتك غلط

ايمن _ لا تنسى اني اخوك الجبير

أزاد _ ما ناسي بس الظاهر انت ناسي ، ندار باوع الامي
الي ما تدخلت بشي و كال الها يلا يوم تمشينه ليفوگ

لجين _ جاية يمة

گالها بضحكه
أزاد _ اشيلچ

لجين _ يا ولك كبرت بس بية حيل

تجاهلنا ايمن و مرته و صعدنه فوگ بغرفتي أزاد شال
روحها و رگعها

أزاد _ ولكم اخاف اخلي وياهه رسيل تموتها و ذيچ ساكته

تالين _ صحيح ماما رسيل عدها خوفة مو طبيعية من كل صوت عالي او اذا صارت يمها عركه تصير ترجف

أزاد _ منيلج هالحجي

عضيت على شفتي و باوعتله شهالجفصه شكله تعارك وي
اخوها و خافت
تالين _ ها مو غير اني صديقتها طبعا اعرف هالاشياء

أزاد _ ها يوم خو سمعتي

لجين _ شتريد اسوي ننقل غير بيت ؟

أزاد _ لا مستحيل گولي الابوية خلي يبطل يتأمر علينه
و ما يقرر عنه تره لا اني و لا تالين صغار

تالين _ غير اعجنها تريد تسوي غرفة امير و غرفتي صالة الح..

بعدني ممكملة أزاد سد حلگي
.... ولج لا تسبيها كدامي لان تنطيني واهس واگعد اغرد هسه و شتعجنين يمعودة غير لو مو انا جان خبزچ ايمن

.... دعووف العجن و الخبر اوووي

لجين _ كافي اني راح احجي وي ابوكم هسه اريد أنام تعبت

تالين _ نامي ماما

أزاد _ أصلا ابقو اليوم هنا حتى العشا اجيب جاهز
و باجر نروح يم بارق

لجين _ عيب من اخوك ما يصير تعالج الغلط بالغلط

ازاد _ هو اخوي هذا اليفيد وياه يلا مرخصتكم عندي شغل

راح أزاد و بقينه بالغرفة مثل مگال لليل جاب عشه
تعشينه و كل من التهه بنفسه رسلت رسالة لصهيب
ما اگدر احجي وياك اليوم شافها و مارد عشتو زعل

ثاني يوم رحنه يم بارق و البنات تونست
بيومها و هم هيلانه بدت ترجع مثل قبل
مو كل الوقت معتكفه بغرفتها هالشي ريحنه

هواية لليل يلا رجعنه نامت ماما و صعدنه اني و أزاد
لاكتنه مرت ايمن على الدرج

حنان _ فگه شحلاته اليوم البيت

تالين _ شبيج حبي منو دايس ذيلچ
دفعني أزاد من ظهري كملنه طريقنه و اني بودي انزل
أكلها بسنوني الصلفة

دخلت للغرفة و رگعت الباب وراي والله ياالله فوگ
الضيم اسمها حنان استغفرالله طلعت ملابس خفيفة
و رحت سبحت و رجعت للغرفة دخلت و اني انشف
بشعري استغربت من شفت حنان گاعدة على جربايتي

تالين _ ها خير

حنان _ اكعدي داحجي وياج

گلبت عيوني مراضية بس مجبورة الفضول لازم يسمع
_ و هاي گعدت احجيلي

_ شوفي بيوم الي عزمتو بي اهلي ابن عمي چان موجود
و شافچ بصدفة يعني مو متقصد

_ يي و بعدين

_ سألني عنج و عرفتة يحجي عليج من الوصف
فهو نعجب بيچ و ناوي يتقدملج

_ اسفة بس مناوية اتزوج حالياً

_ ليش

_ هيج مرتاحة بحياتي عليش اتزوج وورط نفسي

_ تره الزواج حلو ليش عبالج ورطة كله راحة

_ عاد كلمن و تفكيرة

_ هو خريج و يشتغل ارقى شغل عندة سيارة و بيت
مناقصة شي

_ مو على النقص بس اني الي ما اريد مو سالفة سيارات
و شغال

_ وين تلگين هيج فرصة تره حتى من گتلة على سالفتج
ما كال شي و لا غير رأية

صفنت بيها مستغربة اكثر و اكثر
_ يا سالفتي

_ عرفت ليش مجنتي موجودة بفاتحة اخوچ

رتعد گلبي من السمعته و هي گملت
_ الي تبقى وي داعش معروف شيصيرلها عاد هو راح
يستر عليج وين تلگين بعد هيج واحد يتقدملج

_ اطلعي بره

_ عفواً

_ ا ط ل ع ي برااااا

_ گبر مو مال وجه طالعة
گامت تطلع و اني متحملت مشيها البطيئ دفعتها لبرا
سديت الباب قفلتة لميت شعري بدون لا امشطة
و صرت الملم الغرفة بحرگة گلب

منو گال الها و كم شخص عرف أخ گلبي ليش هالكد
يوجعني اني اعرف مصارلي شي ليش تأثرت اوووف
اجة على بالي باليوم العزمنه بي بيت جدي كلهن يباوعن

و يتبسبن عبالك بية شي طلعن يعرفن كل شي بسسس
منو منوو گالهم قفلت الغرفة و تلفوني و صرت ابچي
بنهيار و يدي على حلگي ما اريد صوتي ينسمع

هدئت ورا وقت طويل ما يستاهلون ابچي بسببهم
ما يعرفون شنووو البداخلي و شنو شفتت بالايام
القليلة الصرت بيها بقبضة الحيوانات البشرية .....

نمت من التعب و ماگعدت الا ثاني يوم العصر و الباب
يندگ چان أزاد حاجيته من ورا الباب گتلة تعبانه
و هو مالح وياي وراح اول شي اجة بالي صهيب

اوووف شلون بيه اذا فتحت التلفون و حاجيته راح
ينگلبلي الجلمد تنهدت بضجر حسيت نفسي مصخنه
حيل بنفس الوقت احس ببرودة مو طبيعية بجسمي

گمت ودوخة لازمتني طفيت البنكة و فتحت الباب
يلا رجعت تمددت ما بية حيل اطلع ابد أكره حالتي
الي اني بيها كلش نحسه اصير لمن أمرض ندگ الباب

و فتح شفته أزاد باوعلي بنظرات بيها قلق و اجة يمي
خله ايده ع راسي و خدودي

أزاد _ وج لو صاير بيج شي لا تفتحين الباب و لا تردين
ع اتصال

تالين _ ما بية شي هسه اصير زينه
أزاد _ غثاچ احد ايمنن مرته ؟
_ جج
_ اخابر ميس تجي دير بالها عليج
_ لا فدوة عوفني هيج مالي خلگ
_ رسيل هواية سألتني عليج
بلعت ريگي و جاوبته
_ بعدين أتصل بيها
_ تمام راح اصعدلج اكل قبل لا أمي هي تجي
_ و علاج
_ أكيد هسه اخابرهم يدزولي
باوعتله و رفعت حاجبي
_ عشتو آلة صيدليتة
_ غير مخليها يم عيادتي لعد بس الناس تستفاد خلينه
احنه هم
_ عافني و اني رجعت نمت من الخمول
حتى الدوام نسيته ورا فترة رجع گعدني
گوة اكلت و اخذت العلاج و رجعت نمت

الثاني يوم اول مفتحت عيني چانت رسيل گدامي
رسيل _ ها شلون صرتي

صرت اطكطك برگبتي ، جسمي احسه متكسر فركت
عيوني و رجعت باوعتلها و گلت
تالين _ صار يومين اتحلم بجلمد يجي يموتني و يگول ليش متردين عليه تالي اگعد الگة اخته گدامي

_ ههههههه خررب ببليسج موتيني خوف عليج اني
و المسكين مشتول عليج هناك

_ اخاف أتصل بي شلون بية

_ اتصلي حبي و الهوى بظهرج

_ عابت

_ شلونج

_ الحمدالله احسن

لتفتت للميز شفت علاجي قل اكثر من قبل

_ هاي اني شربت بس مرة شلون هيج قلان

_ أزاد يكعدج ينطيج و ترجعين تنامين و حتى صار يوكلج

_ فديت اخوية جنتل مان

_ ثول ما خذة مكاني بدلال

وي حجايتها دخل أزاد
تالين _ تعال شوف مرتك تكلي ما خذه مكاني بدلال

أزاد _ ههههه صدگ

رسيل _ لاا معليك بيها رجعت صحتها و صارت تنافق

تالين _ اني منافق رسيلة

رسيل _ لا تگولين رسيلة تولية

تالين _ انننن

أزاد _ شنووو جهال شبيچن

گلنه بنفس الوقت بصدفة وضحكنه
_ حاجي مرتك
_ حاجي اختك

أزاد _ خبال روحي جهزي نفسچ حتى اطلعچن و أمي هم

تالين _ لا مو تعبانة

رسيل _ لا حياتي معليك بيها روح انت و هي هسه تجهز

أزاد _ تمام

راح و هي خزرتني
تالين _ يااا شبيج ولچ متعلمه خزرات اخوية

رسيل _ بدلي مسويلتج مفاجئة

تالين _ جايبتلي اخوج مثلا

رسيل _ اطربين عليه

تالين _ ههههه شعندي غيره اني

گالت و هي تقلد صوتي
رسيل _ رسيللل اذا متحاجين اخوج يبتعد عني حتى صداقتج ما اريدها

تالين _ هاي يمته

رسيل _ اكو غيرها تسمعين

تالين _ لا شكرا راح اسبح حضريلي ملابس

رسيل _ تشاقيين

تالين _ بسرعةةة أرضي حماتج

رسيل _ تره اني هم حماتج

تالين _ اششش ولج كافي لا تسمعنه الحية
اول متذكرتها رجع بالي الي گالتة الية و رجعت ضوجتي
دخلت سببحت و لبست فستان لونه أصفر و ابيض من
فوگ صيگ و بي حزام ع الخصر و جوه كلوشه واسع

، نزلت طمنت ماما عليه گالتلي اصعدلج و متگعدين
ستغربت من نفسي شجاني ع النوم بقينة يمها شوية
و تجهزت و طلعنه صعدنه ليورا بس ماما ما قبلت

نزلتها لرسيل حتى تكعد يم أزاد و اجتي يمي كل شوية يحجيلة شي يخجلها و ماما تبتسملهم فرحانه بي اخذنه
أزاد ع مطعم و رسيل تحاول تغيرلي جو بس ابد بقيت

ع صفنتي و هدوئي طلعنه من المطعم و گال راح اخذكم للمول ، بس بالطريق اجاه اتصال و گال أنه

أزاد _ راح ارجعكم للبيت صارتلي شغله

لجين _ صدگ

أزاد _ اعوضكم ع غير مره

لجين _ براحتك يمه

رسيل _ اگولك أزاد

أزاد _ گولي

رسيل _ عادي تأخذني لبيت صهيب عندي شغلات اريد اجيبهم مناك

أزاد _ عندج المفتاح

رسيل _ يي

أزاد _ تمام تالينة انزلي وياهه و اني اوصل أمي بليل ارجعلكم ولو اتأخر عليكم

تالين _ تمام براحتك

شوية ووگف يم مطعم جاب اكل النة وعلاگه و الامي عشاها هي و حنان لان ايمن مموجود رجع التحق

وصلنه گدام البيت انتظرنه ندخل و راح اول مدخلت
تنفست بعمق احس ريحتة بكل مكان

_ باب المطبخ مفتوح ليش
_ يمكن ناسيته عزههه
_ البيت نضيف
_ كل أسبوع انظفة
باوعت عليها و اردفت
_ لعد شنو ناسية من اغراض اذا انتي تنظفين و تجين هنا
_ مناسية شي اجيت اسولف وياج ع راحتنه صاير بيتكم
_ مصاير شي
_ تعلميني بيج
_ شنو راح نبقى بالمطبخ
_ گلت اسويلج شي تشربينة
_ ما اريد
_ تمام روحي و اني جاية وراچ

عفتها و دخلت للصالة و اني انزع بحجابي طلعت
تلفوني من جنطتي فتحته و أخيرا بدت الرسائل
و المكالمات تتراگع گدامي فعلت النت بسرعة

و دخلت الواتساب خابرت كم مره يرن بس ميجاوب
خابرته ع الرصيد نفس الشي

_ وين تلفونج رسيل
_ هذا يمي

رحت اخذت التلفون و هي تسوي بالعصير مصرة عليه
گعدت بالگاع تربعت و اتصلت دگ كم مره و فصل بنفس
الوقت دگ تلفوني برقمه فرحت و توترت بنفس اللحضه
و آخر شي جاوبت

صهيب _ متصلة هواية
تالين _ يي
رجع گال بروده الي ممتعودة عليه
_ رايدة شي
_ تره جنت مريض
_ اذا كل مريض يغلق تلفونه تخلص الدنيا
_ صحيح زودتها هالمره اسفة
_ يي
_ يي
_ يلا مع السلامة
_ شبيك وياي
ذب حسرة و غلق المكالمة بدون ميحجي شي
رسلتلة .... رسالة اريد احجي وياك
رد بنفس اللحضه
_ بعدين مشغول
_ بعدين يمته
_ من ارجع اگابلج و نحجي ما اريد أتصل بعد ...
دزها و بنهاية ٣ نقاط و راح صعدت بالمحادثة شفته
دازلي هواية رسائل اكو غضب و اكو قلق هواية مينعدن

صرت ابچي بدون سبب ما اعرف شنو اريد ضايجة هواية ما اريد تخرب علاقتي وي صهيب اجتي رسيل حضنتني حاولت تهدئني بدون فايدة

رسيل _ رد عليج لو بعدة

بجيت بنحيب و هزيت راسي بمعنى يي

_ ميخالف حتلو ضوجاج حقة لان قلقني هواية كل ثانية
متصل حتى بوقت راحته يگعد يلح عليه اروح اشوفج
بلكوة قنعت أمي و فلتت اليوم

_ بسس اني هم مقهورة هواية

_ احجيلي اصاير وياج

حجيلتها الحديث الي صار بينة اني و حنان و هي
عصبت واخذت تلفونها و راحت ما تاخرت عني وگعدنه لليل الكتئاب مسيطر علينه جابت العشه بعد ما حمته

بس ما اكلت غير كم لفة أتصل أزاد و گال راح اتأخر
ما گلنه شي و سدينه الاتصال فتحت رسيل التلفزيون
ع فلم گعدنه نباوع بس ابد و لا فهمت منه شي لان ابد

عقلي مو وياي شوية و ندگ الباب صرنه وحدة تباوع
بالثانية من الخوف

تالين _ مو أزاد كال اتأخر
رسيل _ يجوز اجة
تالين _ عزهه خاف حرامي
رسيل _ اكو حرامي يدگ الجرس غير حرامي محترم هذا
تالين _ لا تصنفين لا بالمزهرية ع راسچ

و احنه نتناگر ندگ الجرس مره لخ صار مطافرنه مالة
والي عاد طلعنه سوية للكراج دفعت رسيل ع الباب

فبهاللحضه ما حسينه غير ايد بينت من فوگ الباب
و صارت طفره شگدها من الهبطة درت وجهي وصرخت
و رسيل نفس الشي دااريد اكمش ايدها حتى نرگض

آلة و صارت ضحكه شكبرها مسامعتها غير مره او يمكن
هاي اول مره

نداريت شفت رسيل بحضن صهيب و هي ما مسوية
و لا ردة فعل حقها من الخوف و اني اباوع بي متفاجئة

صهيب _ و اني عبالي حرامية
رسيل _ اذا حرامية دگ الجرس عليهم
صهيب _ اسويلهم اجواء ... گالها وضحك
رسيل _ هههههه شتاقيتلك شلونك
صهيب _ بخير بشوفتج

ابتعد عنها و اجة باتجاهي بقيت واكفة ما نطيت ولا ردة
فعل و نصدمت من عبر من يمي و دخل للبيت رسيل
گدامي سوتلي حركه بيدها بمعنى اصبري

دخلت للبيت و هي وراية شفنا كاعد على قنفة و بيدة
تلفوني متت من الحرگة بس ما گدرت احجي شي فاتت
رسيل وگفت كدامة و گالت

_ اسويلك عشة تصعد تسبح لو شنو
_ متعشي راح اسبح و أنام
_ راح اخابر ماما اگلها ابقى يمك
_ منو جابكم
_ أزاد
_ روحي و رجعي الصبح

صعد ليفوگ و تلفوني بيدة احس من گد ما سريع
سوة الدرج شبشبختين ثلاثة شلت روحي و رگعتها
گدام رسيل

تالين _ جيبلي تلفوني من اخوج هسههه
رسيل _ ثول حركته معناها تعالي وراي
_ ما اريد احجي وياا
_ مساع وحدة گعدت دگ و تنوح لان ما ردت عليها
روحيله
_ لاااه
_ زعطوطة
_ ما غيرج

بعدنه نحجي و أحاول اقنع بيها تصعد شفته نزل
و هو يگول برود .... تالين تعالي

رسيل _ روحي شمنتضره
تالين _ اخاف
_ تدرين ميسويلج شي لتصعبينها

سكتت مرديت عليها وگلت بگلبي
رايحة اجيب تلفوني شنو خايفة منه قابل صعدت
و احس حتى الهوى الاشتمه نحس مو بس اني
وصلت النهاية الدرج شفته واگف متكي ع الحايط

واضح منتضرني بعلت ريگي و سألته بغضب
.... شنووو معنى تصرفاتك
تقدم عليه و اني هنا حسيت روحي راح اموت خلص
فجئة كمش ايدي ، سحبني غمضت عيوني بقوة ثواني

و فتحتهن اباوع لنفسي صرت بين ادية و بحضانه
رفعت راسي اباوعله شفته يباوعلي هماتين لتقتت
نضراتنه لوقت قليل .... همست بتعب

_ شلعت گلبي اليوم

_ بس مو مثلج صار ٣ ايام حارمتني صوتچ

_ چنت مقهورة مردت اضوجك

_ اذا بضوجتچ تبعديني و بس بضحگتج موجود ما تسوى

_ م معرف

_ شنو الموضوع شضوج صحوتي ؟

همست بتعب .... بيت جدي يعرفون بية چنت
مخطوفة من داعش

_ واذا

_ لالا مشفت شلون يباوعلي قبل فترة صحيح
ستغربت بس قبل كم يوم گالتلي مرت اخوية
حسيت نفسي مثل الي يضربو ع راسة بشي قوي

_ اكسر رأس اليگرب و احني ظهره شحدهم يأذون
تلوة خليهم يعرفون اهم شي انتي تعرفين نفسج انظف منهم كلهم

_ و نضراتهم

رد عليه و احس بدة يعصب ....
لتكفرينه ابد لا تخلين نظرات الناس تأثر بيج اهم
شي اني اشوفج غير عنهم

_ و اهلي هم يشوفوني غير

_ جج بس انه
بعد عني شوية و رفع كف ايده خلاه ع وجهي اصابعه
بعدت شعري و ابهامه صار جوه عيني همس
_ رجفت گلبي ذب حسره و اردف هاللعيون
الرجفن گلبي من اول شوفه ممنوع تخلين الهالات تحاوطهن داريهن لان احبهن تلوه

گلبي صار ينبض يجنوون كلام ما اعرف ارد عليه او
اجاريه و بنفس الوقت حسيت كلامه هدئني فحاولت اهدئة لا واضح الانزعاج بصوته
_ ليش حضنت رسيل قبلي وخر عني
دفعته من صدرة رجعني علية و حضني أقوى
و ضحك يتعب

_ هاي شيسموها غيره

_ اني ما اغار بس داسأل يعني

_ و الي حق السكوت وعدم الإجابة حضرة القاضي

_ مو هيج ينحكم عليك حكم مضاعف

وخرني عن حضنه بس بعدة محاوطني بدية حسيت
نضراته صارت ع عيوني و نزلت ع شفايفي و همس
.... احب الاشياء المضاعفة ..... گالها وعض ع شفته
ابتعدت عنه بسرعة و اني خجلانه

ابتعد عني وگعد ع القنفة ملامح البرود رجعت سيطرت
ع وجهه طلع جگارة شعلها و صار يدخن و يباوع عليه

سألتة ... شكد راح تبقى
تأخر يلا جاوبني .... يومين بالاقل
رديت بضوجة .... شوية
.... صحيح
.... لدخن

طفاها بدون ميحجي شي و گام گمت وراه
و هو التفتت عليه

_ راح انزل مو تجين وراية هسه أجي
_ منتضرتك

نزل و اني حسيت بالملل ليش تأخر هالكد باوعت
للساعة صار ربع ساعة من راح منزلت گلت خاف يزعل
بل عشر دقايق لمحته جاي

_ هاي وين رحت
_ هسه تعرفين
اجة گعد بصفي باوعلي و اني همين صرت استرق
نظرات و اشح نظري

_ جبتلچ فدد شغلة

_ صدگ شنووو هية

مد يدة بأاتجاهي و هو غالقها فتحتها جانت شي
ممتوقعته

اخذتها من ايده و ابتسمت ضاحكه
_ حمره !

_ ما عجبتج ؟

_ هههههه فدوووة تخبل والله دخل اجربها

_ داگوم خلة ذراعة گدامي مانعني و هو يگول
لا مو هسه

_ ماشي ..... گلتها و اني و ابتسامة شاگة حلگي
عبالك جابلي الدنيا كلها

_ ما توقعت راح تفرحين بيها هيج

_ هي حلوة تره

_ مو احلى منج تلوة

_ يلا هسه لازم أتصل باازاد اشوفة وين تأخر هواية

_ راح يا اخذ ابن عمج

_ منو بيهم

_ أحمد نزل و الظاهر ما لاگي سيارة توصلة فمتصل
بأازاد

_ منو گلك

_ هو

_ ها تمام

_ شگد أكره الجيش اتمنى كلكم تعوفون هالشغلة

_ هو منو يحب هاللتزام بس غير لعيون العراق

_ طلعت وطني اصيل

_ ليش شعبالچ

_ هواية بس يروحون للجيش بس تكون حماية الوطن
و هالامور آخر اهتماماتهم

_ صحيح

_ يعني انت مو هيج

_ لا أنه الشي الوحيد الينافس حبي للعراق
هو انتي و رسيل

رمشت بعيوني كم مره و حسيت بالخجل بقيت ساكته
ما اعرف شرد هو شحببني بي غير كلامه و تصرفاته

_ لتبقين تباوعلي هيج شلعتي گلب گلبي بهالعيون

_ ههههه

_ لا تضحكين تره ما اضمنلج شيصير

عبست و سويت روحي ضايجة و گلت
_ هيج احسن

رجع راسة ليورى و طلع تلفونه فاچني من طلع اغنية
حن الحمام و صار يدندن وياهه

_ ذوقك قديم

_ لهذا انتي ذوقي

_ شلون يعني

ابتسم بتعب و گال بعدين اگلج

_ ماشي باجر شراح تسوي

_ احتمال اطلع للنجف هواي من جماعتي خسرت
گالها وطفة الأغنية

_ خطية

_ هنيالهم أصلا ارتاحو

_ لا تحجي هيج فدوة

_ خوش ما احجي

رن تلفونه شوية و فصل باوعلي و گال
يلا ننزل گمت نزلت گدامه و هو و راية دخلنه للصالة
نداريت عليه و احس گلبي صار يوجعني

_ انتبهه النفسك
_ انتي نفس صهيب شوكت ما داريتي نفسچ اني بخير
_ ان شاء الله
_ نعمه رديتي شعجب
_ هههههه
_ يلا هسه صاعد أنام صدعت
_ ماشي تصبح ع خير
_ سويها و اغلقي تلفونچ تلكيني بغرفتج
رديت بندفاع ..... لااا ما اغلقة
_ زين تسوين
_ صدگ شلون انطوك اجازة
حكت شعرة و رد .... تعاركت
_ لتتاخر ماشي
_ ما أتأخر من تخلص هالمشاكل كلها آلة افرج
بغداد خانه خانه دربونه دربونه
_ ليش
_ حتى يعرفون الحلوة المرت بالحارة مالتي
_ اوووي شنوو متأثر بكاظم الساهر
_ غير القيصر

ابتسمت شوية و اجتي يمنه رسيل لمن ندگ الباب
طلع يسلم ع أزاد و احنه طلعنه وراه صعدنه السيارة
وصرت اباوع الصهيب ، بقو أزاد و رسيل يداهرون و اني
بالي مو يمهم تلفوني بيدي سمعت صوت اشعار فتحته

چان هو دخلت ع الرسائل شفتها دازلي رسالتين
ع الخط متحملت ابقيهن معلگات لازم اقرأ
چانت وحدة كاتب بيها

.... شتاقيت اشبگج خايبه !

ضحكت اول مره ميگول اسمي لو يدلع

الرسالة الثانية

.... عبرنه مرحله شبكاتي ولو ما تنحسب
شوية كلش بس بـ .....

عزززهه رفعت راسي شفتهم يباوعولي
حمحمت و رجعت دنگت و اني ميته خجل
الادبسزز

.... بقت بوساتي

دزيتله

.... احلف فلا شام ريحة التربية تدري بروحك

.... شتعلت روح خالي لا ما أدري الشي الوحيد الادري بي
شميتج ريحتج عن گرب و نهدت موزايني

ضحكت و سديت التلفون و اني مبتسمه

شكد من يبعد اشكك بحبي آلة و اگول مجرد
اوهام و لأن مهتم بية بس بنفس الوقت من
اشوفة ودي عيوني متفارگ شوفته گلبي صار
يحب كلامه و شوفته ما اعرف يمتة او ليش
بس حبيت هالرجال الجلمدِ ....

.
يتبع 👿♟️🎭......

ماكو الحمدالله ع السلامة !
صوتووو احب التصويت مو اني بعيدة متگدرون
تجوني و تجيبون وياكم بوكيه ورد عاد النجمة
توفي و تكفي گولو مفايدتنه
شكد ما اگول اني سعيدة بيكم ما اوفي سؤالكم
عني يريح الگلب بحيث حتلو صارلي شي دعواتكم
ترجعني و يلوموني لو گلت احبكم خيرات الله .......

بس صدگ بنات اكو صاحبات نفوس ضعيفة ديحاولن
يبعدن عنكم القصة هواي عانيت من تسجيل الدخول
و النشر عبالي بسسب تلفوني غيرته و نفس الشي
فااريد هكتكم بتعليقات و التصويت حتى ما يصير
مثل هالمرة و طبعااا البارتات موجودات حتلو النشر
يومي تريدون عادي بوساااااتي ههههههه ......

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد