هيلانه الاسر الفصل الأربعون 40 - بقلم زهور ال سلطان

#هيلانه الاسر
بين لفحات أُوَرا و الزَّمْهَريرُ

زهور الـ سلطان
مهم" لا تنسون التصويت و المتابعة فيروزاتي
ملاحظه" هالبارت هديه صغنونه نترضى بيها
يوزر الانستا zuhor _ _ 19
بناااات بس استقر وعد اعوضكم
تعبانه كولش و يجوز عدكم ابالغ لو
اتهرب من مسؤولياتي بس كلش ضغط عليه
بس اتخلص من هالكم سالفة و نزرع يمكم
بالواتباد ......
ريلاكس لا يصير بيكم شي بارتين بنفس اليوم
اريد نجوم ⭐⭐⭐⭐

.

ذبلنْ وعود العِشق بشفافك وماتِنْ
وطيور حبنا ارحلنْ ويا طيفك وتاهِنْ
.

هيلانه

بداية شتاء سنة 2015/2016

قربت نهاية السنة الجو بده يبرد مرن سنة ونص تقريباً
على رجوعي للحياة الطبيعية اني و اخواني و بيت دافي
بي اصوات ضحكات و عركات بي صرخات اطفال كل هذا
بنسبه الي كافي حتى اعيش حياة او مثل حالتي تكون

نصف طبيعية بعدني اعاني من المريت بي بكل حلم بكل لحضه اكون وحدي يمر عليه طيف الايام الراحت يبدي ينهش بگلبي و بكل كياني

بهالسنة هواية اشياء تغيرت ..... اولهن حياتنه
الخاصه دراستنه تفكيرنه و مخططاتنه

اخذت نفس طويل وزفرته دگيت الباب اكثر من مره الحد منفتح صار بوجهي اياد

اياد _ خاله هيلااا

شلته ابوس بي و اني اگوله روح خالتك
بعدين سألته .... وين جدة لعد

اياد _ بالمطبخ

هيلانه _ روح اللعب حبيبي

دخلت للمطبخ باوعتلي بفرح و گالت
ام سامي _ جيتي يمة

هيلانه _ يي جيت شلونج ان شاء الله بخير

ام سامي _ تعالي ابوسج

غسلت ايدها و اني قربت يمها بوستني و گالت
.... الحمدالله بنعمه ، لگيتي شغل

هيلانه _ بطلت تدوير بارق ما اقتنع بالفكرة

ام سامي _ يي يمة اهم شي اخوانج يرضون

هيلانه _ يي صحيح ، اباوع اكو هواية علاليگ عسنگ عگت حاجبي و اردفت
منين هالمسواك ليش طالعة وحدج مو كتلج خلي عليه

ام سامي _ لا يوم الله ينطي العافية قسور جابليا
من الصبح حتى بعدني و لا معزلتة

هيلانه _ ها اجة لهنا

ام سامي _ يي و اشتره مبايل شكدة لقسيم

هيلانه _ ههههه موبايل

ام سامي _ يي يوم شمدريني بسمه

هيلانه _ راح اجيبلة الالعاب و اسحبه منه

ام سامي _ ليش احسن من طلعته بالشارع

هيلانه _ خلي يطلع جدة على الأقل ما يتوحد هنا

_ گليلة يلاا تسحبي لا يزعل منج

_ قسيم

_ لا قسور ( دريد )

_ هفف و اذا زعل اموت مثلا

_ ما يصير هالحجي غير راح يصير رجلج

_ منو يكول يجوز يختفي من حياتي قبلها

_ اسم الله عليه بعده بعز شبابه

_ يا مو قصدي يموت

_ تعلميني بيچ

_ ليش احسج تحبي اكثر مني

_ احبنكم ثنينكم

_ لا بس اني

_ هههههه اروح اسوي الغدة أبقي يم الجهال

_ راح اجيب بيتزا واجي لان السايق جابني من البيت
لهنا گبل اوامر اروى

_ ليش تكلفين على نفسج يا ماما

_ و لا تكلفة و لا شي طلعت شافني قسيم و اجة
حضني همست

_ شلونه الحلو اليوم

_ زين

_ شباب منو يحب البيتزا

_ اني ، لا اني اريد همبركر مثل الجبتي ذاك اليوم

_ يا ولك

عوفي يدلل هالحلو ، و انتي جدة شنو رايدة

_ ما اريد شي ااكل بيدزه وياكم

_ بيدزه بيدزه ههههه تمام شوية و أجي ، قسيم عوف الايباد عيونك راحن

_ بس شوية

_ و لا ثانية ازعل اذا ارجع و الگاك تلعب

_ ورد الجميلة نجيبلها عصاير تعويضات مدام متگدر
تاكل ويانه

طلعت من بيتهم و ابتسامه مالية وجهي فرحانه و اني اشوف قسيم يكبر و شكد اتمنى امه تكون حاضرة
قبل أقل السنة كدرت أجي ادور عن العنوان الي عافتليا
و فعلا لتقيت بي قسيم طفل كولش هادئ و منعزل حتى

ميحاول يحجي هواية مثل الاطفال الي بعمرة سما تركته
عند عمة الها من اقربائها جدة حنه ام سامي حيل حنونه
و متفهمه عندها بنت وولد بنتها متزوجه بأاربيل و ابنها
همين متزوج بس استشهد و زوجته ولدت بنتها ورد و توفت ربتها جدتها هي و اخوها اياد و تصرف عليهم من فلوس الخياطة و تقاعد

اشتريت من مطعم ما يبعد هواية عنهم و رجعت اتمشى
فجأة نقطعت افكاري واني اسمع صوت حمحمته

هيلانه _ هذا انت !

دريد _ لا خيالي شوية وجاي انه

هيلانه _ ههههاي ضحكتني

دريد _ شسوين هنا

_ معليك أعتقد

_ شلون معليه

_ شنو شلون معليك وخلص و أصلا واضح المن جاية
وخر شوية

تجاوزته و دگيت الباب ثواني و فتحو الية الجهال

هيلانه _ اني رجعتتت

دريد _ السلام عليكم

ام سامي _ و عليكم السلام ادخلو يمة

نداريت عليه اباوع ممقتنعه و هو يبوس بجهال هاي شكد
حابي لعد صرت اباوعلهم و اني محاسه فجأة رفع راسه
انتبهلي اباوع عليه

رفع تك حاجب وهو ابتسم بستهزاء
دريد _ خير

درت وجهي بسرعة و مشيت
عزه شدا اسوي اني

رتبنه الاكل و هو گعد من جهه و اني من الثانية
جوعانه بس مأكلت شي استحيت ما اعرف ليش
خلصنه و گعدنه شوية و اني بقيت اداهر قسيم

لمن عاف الايباد و دريد يباوع احسهه ممقتنع بس
محجه شي طلعت حتى اروح وودعتهم دامشي
بشارع حتى ااجر سيارة

حسيت بخطوات و راية تبعها صوته

دريد _ انتظري اوصلج

هيلانه _ ميحتاج

دريد _ فد مره مشتهي اگول شي بدون ما اسمع
كلمة ميحتاج

هيلانه _ لتحجي ويايه و متسمعها

دريد _ تعالي اوصلج مو أمان ترجعين وحدج

هيلانه _ روحتي وياك المو أمان

دريد _ صايرة عرمه متخافين

هيلانه _ وليش اخاف يمه

دريد _ يمه اصعدي قبل لا ينگلب مزاجي

هيلانه _ واذا انگلب شعليه بيك هه

دريد _ هلاال

هيلانه _ هههففف جيت

فتحلي باب الصدر مگلت شي صعدت
لان أحب هالمكان بقينه شوية لحد مقطع هسكوت

دريد _ ما اكلتي شي بالعشة

هيلانه _ ما اشتهي

دريد _ زين يصير نعزمج

باوعتله صفح و درت وجهيي معاجبني

.... بارق شوكت يجي

هيلانه _ عگب باجر

دريد _ تلحگين تجهزين منا الاسبوعيين ؟

هيلانه _ ليش ! شجهز ؟

دريد _ لا واضحة الشغلة عاوية من هسه

هيلانه _:هي شنو

_ نكمل تجهيزات العرس ؟

_ ما اعرف گول الاروى

_ تره انتي مرتي مو اروى !

_ لتسألني لعد

_ هاليومين نطلع نجيب الذهب

_ مو جبت بعد شكو

_ لا هذا للعرس يختلف لازم اجيبه وياج

_ بكيفك

_ بعد اربع ايام التحق

هزيت راسي بدون ما احجي شي
شوية و گلت

هيلانه _ منو يطلع ويانه

دريد _ وحدنه لان مو جاهل انتي
، گالها ووگف السيارة اباوع هذا مطعم

نزل و اني بقيت بسيارة بل عشر دقايق ندگت الجامة
اليمي نزلتها

دريد _ اجيب الاكل هنا

هيلانه _ ععناد

دريد _ لعد بس انتي محضور عليه

فتحت الباب و نزلت دخلنا سوية
صار يمشي و اني وراه اريدة يوگف ماكو المكان
جبير و بنفس الوقت مزدحم عاف الطابق الاول

صعدنا للثاني گعدنه ع طاوله يم الشباك المنظر تحفه
طلعت تلفوني اطگطگ صور مچنت هيج بس ميس
عدتني من گد متصور صرنا مثلها انتبهت اجتني رسالة
من غيد ....

دريد _:شتاكلين

هيلانه _ بكيفك

فتحت الرسالة جانت .... وين انتي .... شداتسوين

كتبتلها .... طالعة اتعشه

غيد _ منو وياج

هيلانه _ دريد

غيد _ هههه هاي ما تريدي و هيج لو تريدي شلون

هيلانه _ لج يمي لا يشوف الرسائل مالي خلگ بعدين
هو اني يمته طلعت وياه ميجاوزن الخمس مرات

غيد _ باي

عافتني و طلعت من المحادثة و اني هم محجيت
شبيها تحجي وياي هيج استغفرالله

دريد _ واضح عجبج المنظر

هيلانه _ كلش ، اكولك

_ گولي

_ البارحة جدي گال اعزمو دريد حتى يجي للعمارة
مو بارق و رائد راح يجون فمسوي عزيمة فرحان
بسلامة بارق هو گال ل أحمد يعزمك بس اني گتلك
خاف متريد تجي اني اكوللهم بدال ميحرجك

دريد _ هاج مي اخذي نفس هواية شرحتي

شربت مي و شحيت نظري منحرجة منه
_ و انتي

هيلانه _ شنو اني

دريد _ تريديني اروح لو لا

هيلانه _ لا

ما حجة شي و لا اني شوية و اجة الاكل طالب
هواي شغلات ممخلي شي كلها اكلات سريعة
يحبها گلبي .... بسرعة گتلة و بندفاع

.... لتاكل انتظر

فتحت الكاميرا وگتله
.... خلي ايديك ع الطاولة

خلاها و اني باوعت مراضية دورت عيوني
وگلت
.... مو هايه الي بيها الساعة

سوه مثل ما ردت صورت و گلت
هيلانه _ باع شون صور تخبل

اخذ التلفون گلب شوية بصور
دريد _ مصورة فوتوغرافية بجدارة

هيلانه _ اعرف فديتني

انتبهت عليه وگف عن التگليب وصفن بالتلفون
ثواني و صارت ع وجهه ابتسامة استهزاء

مديت ايدي رجعليا رفعت الشاشة بسرعة
جانت رسالة من غيد

مو يصعد عندج الكره و تگلبين الطاولة عليه
ويمها ايموجيات تضحك

بلعت ريگي بصعوبه بسبب هالفشله طاح
حضج غيد

دريد _ هواي صورتي ليش

هيلانه _ انشرهن بالانستا

_ ما احب هالبرامج

_ اني اشوفها حلوة

_ هم تنشرين صورج

_ مرات

_ خير ان شاء الله اكلي

من القهر صرت اكل بشهيه و اني قبل شوية
ما اكلت من الخجل تالي اكلت وياه الوحدنه
انتبهت عليه بس يشرب مي و يدخن

هيلانه _ متاكل

دريد _ معدتي تأذيني من هالاكل

هيلانه _ اكل عنك و عني لتخاف

ابتسم وگال
دريد _ الف عافية

بعدها گام ثواني و رجع گال
.... دنگي راسج مو كل شوية و رافعته

هيلانه _ ليش ؟

رد وصوته كله غيض
دريد _ احسن حتى لا اطلع بروح ابن الچلاب

هيلانه _ منو هذا

سكت مجاوبني شبي هذا خلصنا اكل او لا
خلصت اكل هو دفع الحساب اني فتت غسلت
و طلعنا انتهت ع لبس البنات و تشيكهن و اني
بنطرون و قميص عادي حتى لفت الشال عادية
معبالي اطلع هيج مكان

هيلانه _ دريد ليش لابس قاط

دريد _ شلبس گلابيه يعني

_ يعني بربك ملابسي عن ملابسك شكد بيهن
فرق

_ ماكو فرق

_ تضحك عليه

_ لا لو لابسة غير شي چان اخذتج المكان هادئ و بعيد

_ ليش

_ احسن

سكتت وهو هم صعدنه بالسيارة و گال

دريد _ محتاجة شي اجيبلج شي قبل لا اوصلج

هيلانه _ يي اريد اشتري علاج من الصيدلية

دريد _ خيرج ؟

هيلانه _ ها لا تخلي بالك اني اجيب بعدين

سكت و صار يسوق و اني اگلب بتلفون ربع ساعة
و رن تلفونه هو بالمطعم هواية دگ بس عافه صامت
هسه رد و صار يستمع لطرف الثاني

_ ممم
_ لا موجود
_ صحيح
_ چنت طالع
_ يي وياهه
_ بعدها
_ ان شاء الله
_ لا جيج بعد ساعة
_ مع السلامة

رغم الي اتصلت واضح تعرفني بس مصار عندي
فضول اسئلة منو هاي .... صرنا قريبين ع البيت
ووگف السيارة گدام صيدلية

دريد _ شنو محتاجة

تردد يلا گتله
هيلانه _ شغله مو مهمه عادي غير وقت ارجع

عگد حاجبة و گال
دريد _ المن

هيلانه _ الاختي

دريد _ انزلي جيبيها
نزلت و اني ركض ع صيدلية من
شافني ابو صيدلية عرفني لان دائما اشتري منه

_ ها كالعادة تريدين الفاليوم و براسيتول

زميت شفتي بقهر و جاوبت
_ يي

_ موزين يا اختي
تفضلي

داانطي الفلوس دفعهن دريد قبلي و اخذ العلاگه
طلع قبلي وگف يم السيارة و اني اجتي بالي فكرة
ترددت بس سويتها ..... نداريت اروح مشي واصلا
البيت قريب بس ما احس غير زمخ عليه بنص الشارع

رجعت لان مو مال فضايح بهالليل .....

دريد _ يي ست هلال المن هذا

هيلانه _ كتلك للاختي

دريد _ وجهج أصفر و كل شوية و تثاوبني و جوه عيونج
خريطه كل هذا و بعدج مصرة

هيلانه _ تره حجيت الصدك

دريد _ لا جذبين الجذبة و تصدكيها ممنوع تشربينه

هيلانه _ و انت شحاركك معليك بيه

دريد _ ما بقى شي و نزوج فعودي روحج بدونه لان
اذا اشوفة عندج اشعل ساس اهلج

هيلانه _ شنووو عبالك تايهتلككك

_ ييييي تايهتلييي حجاها و ضرب الستيرن بعدين
اندارلي رفع ايده كل ضني يريد يضربني
صرت اتنفض و ارجف من الخوف ما اعرف من

البرد لو الرهبه المكان مضلم و موگف السيارة
بالفرع ضلمه هالوضع رجعني القبل اشهر
حسيت روحي گاعدة بمجمدة مووو بسيارة

هو باوعلي بخوف و كمش ايدي سحبتهن و كل
نظراتي خوف و قلق منه

بلع ريگه و گال

_ شبيج ما اسويلج شي

بچيت و اني اگول
_ وخر عني فدوة

عاف السيارة و نزل اباوعله يروح يمنه
و يرجع يسرى جكارته بيدة

لنص ساعة يلا هديت و حسيت بنعس نعاس
ما مرني الة مرة أو مرتين هالشهر و بكل مره
يكون لا ارادي مرات أنام و اني ما أدري بالمطبخ

او ع درج بس هالمره نمت رغم عني و الخوف
ينهش بيه غفيت بدون ما احس ع نفسي بعد
ساعات طويلة فتحت عيوني واحس نفسي

شبعانه نوم مددت جسمي و گمت وگفت بنص
الغرفة اباوع ملابسي متغيرة لبجامة النوم
و صرت استذكر شصار و اگول حلم لو لا نزلت
بسرعة حتى ما غسلت وجهي .....

هيلانه _ اروووووى ووووينججج

اروى _ شبيجج ولج صوتج

_ ليش كل ما انام تغيرن ملابسي

_ اعوفج مبنطرة قابل تريدين فوگ مساعدتج
عندي سالفة وياج اغسلي وجهج بالحمام
و تعالي عسريع ثواااني مو تتاخرين گالتها

ودخلت للغرفة

_ اغسلل بالمطبخ بيش مقصر

جفتت للمطبخ و جمدت بمكاني و اني اشوفه دريد

_ شسوي هنا

_ صباح النور

غض لبصر عنيي عما اغسل وجهي

_ اعوذ باالله

_ تستعوذ بوجهي شنو عفريت گدامك

_ اشوه

_ شنووووو

_ مو يمج

عفته گاعد و رحت للغرفة مال اروى بسرعة
اروى _ ها يالمعزاية دخلتلي للمطبخ

هيلانه _ بدال اللغاز دگولي غسلي بالحمام تره المطبخ
بي ضيوف مو مرحب بيهم

اروى _ انجبي ولج شنو مو مرحب زوجج هذا

هيلانه _ عگولت ميس چااا واذاااا

اورى _ خبال اي والله

هيلانه _ ووانتن شبيجن ضحكن

ميس _ ههههه ظشوفي المراية

اباوع الكحلة سايلة من عيني ووجهي خريطة
و كلي مبهذلة عزه هذا شيكول عليه هسه بس
بعد احسن الحقنة خوفني البارحة تنهدت

و طلعت غسلت وجهي و غيرت ملابسي
بتراك لونه وردي بي سحاب و نزلت
داخله للمطبخ اخذت القوري من يمة

ردت احمي و ذكرت اخاف اشعل النار
رجعت گعدت گدامه شفته يسوي بلفه
شوية و مد ايدة گدامي اخذتها اكلت

هيلانه _ اكولك البارحة شصار

دريد _ هواي شغلات صارت البارحة

رفعت عيني شفت شبح ابتسامه صار بوجهه
و اختفه

_ انت جبتني البارحة

_ لا الجيران

_ هههففف اكولك و من شوكت انت هنا

_ مد ايدة الجيب سترته اباوع طلع تلفوني

_ يمهه شيسوي عندك

_ نسيتي بالسيارة
من يمتة تنامين هيج نومات

رفعت ايدي و اني رفعه ثلث اصابع

_ ٣ ايام .... هزيت راسي برائة و هو باوعلي
بخزره

_ اشهرر

_ يي ، شوف انت معليك بحياتي اوكي
من تشوفني ممدخله بيك لا تتدخل بيه
أنام اموت انذبح شي ما يخصك

سحب نفس من جكارته و نفخه
شكد أكره الجكاير استغفرالله
و هسه مرختصك عندي شغل

گمت صعدت الغرفتي ما نزلت
الا بعد شكم ساعة لگيت البنات
بالمطبخ .....

اروى _ ها يالعروس

هيلانه _ هههف اروى لا تبدين

اورى _ لا تنفخين بوجهي ولج

ميس _'عزههه اختنه ثورة اقصد الجبيرة
عيب عليج تسويلها هيج

اورى _ ميسسس تره اللعب الماسحة ع ظهرج

ميس _ لا باالله الي بعمري صارن حتى بيبيات و اني
مگاببلتچن و هاي تگلي ماسحه

مارين _ اوكفي بيبي اسحبي نفس لا تختنگين

اروى _ و لا تستقر محاسن
، و انتي الخ شبيج ما جنچ مخطوبة
حجتها و اشرت عليه

بسبلت عيوني و رمقتها بنظرات برائة
هيلانه _ شبيه چني العافية

اروى _ ولج لا تخبليني ما عندج كل تعامل بي
خير وي الولد ما تريدي منفصلتي عنه صار سنه

هيلانه _ ادعيلي انفصل عنه الحقنه ابو البطالة

گلتها و عضيت شفتي عرفت جفصت

اروى _ يا بطالة

ميس _ عزههه يشرب

مارين _ احجي ولج

هيلانه _ ما أدري اسكتن عني

اروى _ راح تجلطني فورررتي دمي

ميس _ زين اكلج هم صاير بينكم شي

هيلانه _ شنو الشي بالله ؟

ميس _ بوسه عزه صخام كل شي چان

هزيت راسي بلا

اروى _ امداني

مارين _ صراحتج تفوز حبي

هيلانه _ اعرف حبي

ميس _ ولج ام كفشه ليش مشردة الزلمة

هيلانه _ خيولي اذا محسوب ع زلم أصلا

اروى _ لا مو طبيعية ابدددد

ميس _ هلهوله بس شوفته كافيه رجال وفوگاهه
شوية هم لو شفتي البارحة لو ما العيب جان صورت
شلون شايلج و مقبل تنامين بأي مكان صعدج الغرفتج
افففف الولد رومانسي

هيلانه _ چان اخذتي ليش بس اففف ما اففف

ميس _ دسكتي خلكمل هنوب من سأل اروى نگلب
عليها ثور جامح

گال
دريد _ ليش اختج تأخذ منومات

اروى _ عزهه ما عندي علم ابد

دريد _ امنعيها

اروى _ ان شاء الله ، بس قسور هيلانه وين غفت

باوعلها متفاچئ رفع حاجبة وگال
دريد _ بالسيارة ليش

اروى _ صار الها اسبوع ساعة تنام ع درج ساعة
بالحديقة و غيرها و غيرها و اول أمس نامت
بالكافيتريا بدوامها ابد نومها مو طبيعي

دريد _ لعددد شلووون تخليها تطلععع لو نايمةةة
بتكسي لو بشارع ربحيييي بيجج ؟؟؟

اروى _ لا تأخذني بصياحك هي عنيدة احبسها خوما
احبسها

دريد _ ييي احبسيها

گالها و نزل

هيلانه _ عزهههه بعينه و طاح حضه اسفة اروى عيط
عليج الحقنه الحقير بسببي

اروى _ حقة و لا تغلطين عليه عيب يقل احترامه

هيلانه _ هو يمچن قابل وين

اورى _ حتلو يمنه ميجوز
راح يجي أزاد يأخذنه باجر وي امه و تالين
انتي تروحين وي رجلج

هيلانه _ مووو هو ميروح

ميس _ لالااااا اقنعيه فدددددفدددد عگولت قمرر

هيلانه _ ليششش شكوو

ميس _ يمعودة جدي اذا شافة بلكي يستحي و ما يبدي
بمواضيعه التغث

مارين _ اكص ايدي اذا استحه

ميس _ اقنعي حبابه

اروى _ شتقنع هي مساعة عياطها واصل السابع جار عليه

هيلانه _ أحاول

ميس _ اختي جنه ....

عفتهن و صعدت اخذت كم لسبه عگولت ميس
مستورات من فوگ لي جوه داميصير حچي
اخذت جنطة صغيرة خليت بيها كل الي احتاجة

و اتصلت بدريد رفضها دگ براسي عناد بهساعة
اتصلت مره و مرتين و هو يرفض ، عفت تلفوني
و رحت سبحت سبحة طويلة و طبعا كل شوية

و ميس لو مرمر داگات الباب اخاف أنام و اروى
سوت عليه حضر حتى الباب متقبل اقفلها ، كملت
مشطت شعري و احس لازم اگصه ما اريد ارجعه

طويل ولو هو هسه ممتغير شي بس واصل النهاية
رگبتي ، كملت و لفيت نفسي حتى ما ابرد دگ تلفوني
اخذته دريد ضحكت و اني اشوف اتصالاته

رجعت اتصلت بي ثواني و رد

دريد _ وسم مو أتصل

هيلانه _ مشغوله چنت

_ مشغوله و الصخام وين عنج

_ بالغرفة صامت

_ فددد زعطوطه و دماغ سززز

_ انتتتت شلووون تغلطط عليه مو زعطوطه فاهم

_ كبري كافي

_ چبيرة شنو مو بعينك

_ فتهمنه يي شردتي اتصلتي

_ حضرت جنطتك مو

_ المن ؟ ناوية تسفريني

_ يي هيج الظاهر باجر نروح البيت جدي بالعمارة
و انت لازم تأخذني عود

" كون رصاصه بگلبج و تفكني من شرج ولي وحدج

_ لازم تولي وياي لو طلگني

_ خوش حضري روحج

_ المن

_ گبل سده بوجهي من اگول عليه حقنة محد يرضى

هههههفففففف

راسلت غيد شوية و بعدين تالين تگول لازم
أجي ما اخلي حنان تأخذ راحتها هههههه
آخر شي راسلت اريج كالعادة امها متجي
بس هي و اخوانها تثنينهم يريدون يجون
خاطر بارق ...... خلص اليوم بسلام ،

باليوم الثاني سحلني بالسته الليل كله منمته
كالعادة بس ساعتين اباوعلهن مبدلات
ركضت للحمام غسلت و رطبت وجهي و اديه
بعدين لبست تنورة كابوي سمائيه و قميص وردي

و شال ابيض و ترانشوز ابيض شمرت بوسه النفسي
اخذت الجنطة و طلعت اروى سددت البيبان گعدنه
بالحديقة الحد مدگ تلفونها گالت

_ يلا اطلعن وصل أزاد

طلعنه و اني ناسيه كل شي سيارة أزاد جبيرة
تكفي النة صعدن و اني آخر شي هستوه حرك
السيارة بعدنه مطالعين من الفرع دخلت سيارته

نزل أزاد تسالمو و اشرلي أجي عاد نزلت بسرعة
صعدت للسيارة حتى ما سلمت

شوية وصعد ساق و هو يگول

دريد _ متسلمين منو گلج السلام بفلوس يضحك عليج

همست .... انت گلت

_ ها

_ ماكو شي

_ شلون تروحين غير متفقة وياي ست هلال الموزنديق

_ عبالي ما تجي

_ مو رسلت الج رسالة لو رعيد مدري غيد
چان شفتيها

_ ممنتبهه عكيفك

ساق و اني عيني ع طريق غير كون أنام خررب

_ هم تشربين

_ ششرب

_ عر..... استغفرالله طلعين واحد من الاسلام منوم يمعوده

_ خطية الاسلام يتناگط منا و منا منك
يي شربت عندك مانع

_ تزوهري شعلية مدامج بيت اهلج

رفعت يدي ادعي
_ هيج و اتخلص منك قبل العرس

_ بربروگ مهيفه يگول جابرها ع هالزواجة الگشره

_ شصار ع ايڤان

_ لا تجيبين اسمه ع اللسانج هاللعار ابن الستين گو***

_ احترم روحك لا تفشر يمي سألتك جاوب عدل
لو لتجاوب أصلاً

زفر انفاسه بغضب و رد
_ ما صار شي خاتل بسوريا بس هي أصلا وضعها
مو أمان دزيت ناس يجيبو سحل ما اعوفه

_ و اخته

_ هاي گحـ*** مثل اخوها المـ***

_ نزللللنييييي اذااا تبقىىى هشكل لو تحجي مثل العالم

_ اوووي سندس استقري
صارت داعشيه الزمالة

_ عزههه بعينها عزهههه

_ دفشري عدل

_ دروح
و ابوهم و ديلارا
سألت بترردد وحاسه ما راح يجاوبني

_ مختفين مالهم أثر بس شاك بيهم بسليمانية
بس وين ما اعرف

_ تمام

_ تدرين بيهم تجار اسلحة

_ يي أدري

_ حتى البشر تاجرو بي هم عن داعش اختلافهم
يخطفون بس الاطفال و بسرية عكس داعش
علني

_ عساهم يحترگون وهم عايشين و ميموتون
كون يعيشون بألم ولوعه عمر طويل شكد اتمنى

تنهدت و سكتت ، خلص الطريق ساكتين دخلنا
للعمارة بعد شكم ساعة و خابر أزاد يديلي العنوان
بالضبط

_ انت وصلت
_ بعدك خوش
_ اصبر صار قرن مشايف العمارة
_ وين بالضبط
_ جاي فهمت
_ يمعود تذكرت

نهى المكالمة و باوعلي

_ وصيت اخوچ ياخذج الدكتور يشوف
حالتج

_ يمته گتله

_ البارحة

_ گتلك لا تدخل

_ اخوچ يا اخذج يعني ما مدخل

باوعتله بطرف عيني و نداريت

_ بس اريد إفهم اذا تجيج حالات نوم قهري
شكو بالمنوم شسوين بي

تنهدت بقهر و اني اجاوبه
_ احياناً يخلص الليل مثل النهار بدون نوم
ابقى گاعدة ساعات و ساعات تعبت من هاللشي

_ خير ان شاء الله

دخلنه بمنطقة بيها زرع و خضار فدد تجنن

هيلانه_ شكدد حلوة نزلني و روح وحدك

باوعلي صفح ما عاجبه
دريد _ خلي تخلص عزيمه جدج و نرجع لهنا
اخوالي بهالمنطقة

_ تمام لعد

يسوق و عينه ع تلفونه
دخلنا بمناطق هواية آخر شي وگف گدام محل
بقى واگف كنما منتظر احد و صدگ شوية و طلع
اخوية

نزلت من مكاني رحت ورا و هو گعد بمكاني

أحمد _ السلام عليكم

و عليكم السلام

ندار باوعلي
_ شلونج ولج

_ الحمدالله عيني تمام

_ يي ابو النسب روح گبل

سكتنه شوية و اني فرحانه بطريق محسيت
غير دغني أحمد بيدي

_ ها

_ شوفي
باوعت وين اشر مجموعة مال نعجات
_ شايفه هالصخله البنصهن

_ شبيها

_ مو تشبهج

هو گال هيج و اني گرصته كرصه حسيت
طلعت حرگتي كلها

_ اياااا عگرررربة

_ لا تغلط ع مرتي

_ لا تخليني اشمركم هنا انت و مرتك العگربة

_ محور الكون لا تغلط

_ مضغوطه

بقينه نداهر وياه لحد موصلنه بلعت ريگي
و اني اشوف جسر بس طويل بس مو عريض
نوب خشب ما اعرف شنوو بس حسيت بخوفه

اخذت طن هوى .....

عبر اخوي الزود و اني بقيت حايره

دريد _ فوتي

هيلانه _ اخاف

دريد _ ما اخليج توگعين بظهرج أنه

باوعتله اخزر بي
_ هو خايفه منك تدفعني بس اندار

ابتسم وبنبره بأستهزاء رد
_ عرمه مو بيدج دخل اعبر مو خايفة مني

_ لااا اشاقة شنو ميشاقى وياك

ابتسم وگال تحركي لا ادفعج من صدگ

مشيت و اني احس رجلييه تركص خررب
حسيته تململ و صار يدردم ما عاجبه

_ دصبر ما بقى شي

_ وچ الطلگت جابت بعدنه ما واصلين الربع الگنطره
لزم ايدي بقوى خفت مو مال انتر بي نوگع اثنينه

_ صرت اعبر خطوة و هو هم لحد موصلنه

_ الحمدالله بهاي المناسبة يراد اسويلي عزيمه
و نذر

ضحكت و مشيت لگيت أحمد واكف منتظرنه

_ چان عبرتني رحت تركض

_ هسه غير جيتي لا تلحين بسالفة تعالي

_ هههف

اشر الدريد يبقى هنا

_ اوصلها واجي

رحت وراه دخلني من يم باب جبير و عاط بعلو
صوته ميسسس اجتي هي خطية مرعوبه
تالي ابتسمت من شافتني و هو راح

غمزت و هي تگول شلونه الطريق

_ يسلم عليج

ههههههه

دخلتني و صارت تعرف بيه النساوين و هن هواية
نشف حلگي و اني بس ارد بكلمه هلو ردت ابجي
كد محصلت بوسات آخر شي استلمتني جدتهم

سلام و ساعة تبجي و ساعة ما اعرف شنو اني
بس اجمل لان و لا مصدكتها و لا شي اذا هيج
اعزاز جان شافتنه مره مرتين مو حقدهم وهم

حسيت روحي يتيمه لحد مشفت خاله لجين
ركضت سلمت عليها و هي اشتغلت تحقيق
تسأل عن دريد .....

اخذتني للمطبخ اعرف اغلب الوجوه من الصور
لگيت مارين و ميس و اريج ضاربات ركن يگرگرن
گعدت يمهن اخوزر

ميس _ فاتچ الضحك

هيلانه _ شصار

ميس _ هاي أدم و أزاد واحد منهم تگول ديچ شكد
تجادلو المشكلة كله بضحك متعرف الجد
من الجذب

باوعت بدون اهتمام وهن يشرحن الموقف
هيلانه _ اريد اسلم ع بارق

مارين _ خلي تفض الهوسه هالنساوين كلها تروح وي
زلمها

اريج _ تبقى بس العائلة السعيدة

هيلانه _ يعني دريد يروح ؟

اريج _ لا تخافين عليه حوبي مو هو زوجج يعني
من ضمن الفاملي

هيلانه _ لا هاي هيه نلاصت

بقينه گاعدات و هي تأشرلي عن الحاقدات و الكارهات
كل شوية و مطلعه اريج لقب

تالين _ دباعي هذيج حنان

هيلانه _ هاي حامل بتؤم ثنين لو اربعه

ههههههههه

ميس _ اششش عيب

هيلانه _ شلون عبرت من هالجسر بهذا بطنها

ميس _ اكو معبر سيارات بجهه الثانية بس بعيد

هيلانه _ لا والحظ و اني عبرت بشفاعات

ميس _ ما خليتي زوجج يشيلج

هيلانه _ دطيري هو يمي و ما متمحله نوب بين ايده

اريج _ خو گليلها موتي

هيلانه _ يي بالله هالبنيه تفتهم

ميس _ ضميتلج جگليت

هيلانه _ انطيني ، شوية اريدد بعد

ميس _ يمعودة يا هي التدخل تهلهل و طشش
جگليت عود ضميتلج مو مثل هذني الخاينات
مارين و تالين يفتحن ثنين ثنين ياكلن

اريج _ هم زين مخليتي عينج عليه

هيلانه _ صدگ لو گالو

ميس _ اختي جنه

هيلانه _ بالضبط

مر وقت صار الغدة فرشن للنسوان گرايبهم
بالصالة شكبرها عبالك مطعم اما احنه اخذولنه
صواني بغرفة الخطار هيج يمكن صرنا ناكل حتى

من الجوع لان طلعنه بلايه ريوگ لا اني اكلت
بطريق ولا هن رغم الاكل دسم هواية بس نسفناه
غسلنه و بقيت احسب الثواني الحد ما بدن النسوان

يروحن ردت اركص صارت هوسه گمنه للصالة شفته
بارق دخل لمعت عيوني بفرح و اني اشوفه يمشي بلايه كرسي اول مره اشوف طوله شكد هيبه و حلو صحيح

عكاز بيدة بس ابد مو مهم ردت النسوان تخلص
سلامهن ماكو كلش المحنه وصلت و عبرت حدها
اكو سلمن و طلعن و اكو كعدن الولد بدو يدخلون

جدي و عمو احسان و رائد و سامح و حتى دريد
و اخوية أحمد

عاد هنا شوية خف الزحام اروى صارت طش
فوگ راسه الجگليت و هلهلت مره وحدة عاد
هو گام يضحك

بارق _ شبعت ضربات ع راسي اليوم
فشايخ مالها والي
حظن اروى و هي تبجي و بوس جهالها و هيج خلصت
الحد مصار دوري

هيلانه _ يمهه هلكت و اني انتظر

الحمدالله ع سلامتك حبيبي

حضنته بادلني بنفس اللهف و الاشتياق
أو اكثر

بارق _ شلونج

_ بخير عيوني

ابتسم و خرت وصار يسلم ع البقيه

گعدنه سويه و جابو الچاي أزاد و زعه

من كملو گال جدي

الشيخ داود _ چا خطيب بنت عمكم وين

أزاد _ مابقى اجة و طلع ظل بالديوان

الشيخ داود _ هيل

هيلانه _ ها جدو

الشيخ داود _ روحي گلليله يجي مو غريب صار

هيلانه _ ان شاء الله

گمت اروح گال

_ محد بديوان وگلي لويلاد اعمامچ ايمن و أدم خليجون

هزيت راسي و توجهت للديوان بعدني توني واصله صار صوت وراية

_ لحضه انتظري يتبع ..... 🎭

( شراح يصير اني ما اعرف انتو تعرفون ؟ 🦦🦦🦦 )

.

مارين

گعدت بالمكتبة و اعرف الوقت تأخر بس الكتاب
جذبني حيل رن تلفوني بأاتصال فتحته جانت
صديقتي شمس استغربت هستوها راحت .....

شمس _ شكل خطج راح و عافج اليوم ارجعي ويايه
اخوية يوصلني

مارين _ لا فشله يمعودة

شمس _ منين مارين

مارين _ قصدي بنت عمي هي و اخوها يجون الية
ليضل بالج

_ تمام علمودج اني

_ شكرا حبيبتي اعرف علمودي

_ اشوفج باجر باي

_ باي

طلعت من المكتبة و دورت ع رقمها دگيت عليه و جاوبت
مارين _ الو هلا عمري شلونج

اريج _ الحمدالله و انت

_ بخير ، اكلج رجعتي للبيت

_ لا بعد ليش بعدج مراجعة

_ يي

_ تمام هسه اجيج

_ اوكي حبيبي باي

سديته ورحت گعدت على المصطبة تعبت و اني
انتظر بل ربع ساعة احس المكان بدة يفرغ نهائي
كمشت التلفون التهي بي شوية توني غالقتة

حسيت صوته هز مسامعي بنبرته و هو ينطق اسمي
_ مارين

رفعت راسي اتئمل الغابة الي بعيونه لثواني معدودة
و رديت ... بسيل

بسيل _ تأخرت عليج يلا تعالي

مارين _ لا عادي

ابتسمت و كال
بسيل _ شلونج

مارين _ تمام و انت

بسيل _ الحمدالله

يمشي و اني وراه صافنه بتجاهه اندار عليه
و اني بسرعة نزلت عيوني

_ اتصلت برقمج بس مرديتي

_ يمته

_ قبل شوية

_ ها مو مغيرته خاف على القديم

_ يمكن

_ غير اريج وياك

_ اليوم دگت عليه من وكت وصلتها من وكت و انتي دگيتي عليها و اتصلت بية

_ عزههه اسفة شغلتكم

_ لا يمعودة عليمن بس شعجب ما عندج خط

_ عندي و اليوم بس اني جاية و تاخرت بالمكتبة فراحو

_ عجيب شلون يسونها

_ ما اعرف

_ يلا صعدي

_ صعدت ورا و هو صعد همينه انتهت عليه عدل المراية
بأاتجاهي بس غلست سويت نفسي مشفت شي

_ مارين

_ نعم

_ اتركن الخط و اني أجي اوصلكم وي اريج

_ لا عليمن اتعب نفسك و انت مو بطريقنه

_ ميخالف اني شيتعبني قابل خايف ع السيارة

_ ها و الله ما اعرف اسأل أحمد

_ تمام نسألة ما بيها شي

سكتنه شوية ودگ تلفونه مرة مرتين وقبل لا تنتهي
الدگه جاوب

_ الوووو
_ منو انتي
_ ها زينب وليد يي تفضلي
_ لا اليوم ما اگدر أجي باجر شوكت عدكم فراغ
_ تمام اشوف جدولي و أتصل بيج

خلص و شمر التلفون بملل و لبس نضاراته أحاول
ما اركز وياه بس بكل مره ما اسيطر على عيوني

منو هاي الأتصلت بي معقولة وحدة يعرفها
لا مستحيل اذا يعرفها جان مذكر اسمها حتى
يتاكد يجوز وحدة من طالباته اوووف هسه اني شعليه

وصلنه گدام بيتنه شفت سيارة گدامنه نزل منها ايمن
و مرته هذولة بيا صلافة جاين

_ تنزلين

_ ها يي

_ انزل وياج

بلعت ريگي و شحيت نضري عنه
_ بكيفك

يلا نزلت و هو هم تقدمنه بهدوء وصرت تحت مرمى
انظار ايمن حتىما سلمت بس بسيل گال السلام عليكم
و هو رد و واضح على صوته الانزعاج نفتح الباب دخلو

، و احنه وراهم بقينه بالكراج و هم دخلو بقت عين ايمن
عليه بس مگدر يحجي شي رجعت باوعت البسيل

مارين _ ابقى

بسيل _ ها

ابتسمت و گتله بضحكه
مارين _ قصدي ابقى تغدة هنا بدال كروة التوصيلة

بسيل _ مال شهر كامل مقدما

مارين _ هههههه يي

_ احب البرياني اذا مسوينه حتى كروة هيلانه متنازل
عنها نفتح شباك المطبخ و هيلانه طلعت راسها و هي
تگول
هيلانه _ برياني دجاج اغاتي

_ هنا الحجي الزين
مد ايدة الي بيها الجنطة مالتة و گال
_ اخذيها ليجوى عما اغسل

_ تدلل اخذتها و دخلت گبل للمطبخ سلمت و گلت
الهيلانه و اني أضحك
_ جبتلج الجنطة الجانت بنفسج تكمشينها

ركضت هيلانه غسلت ايدها و باوعت تريد خاولي
تنشف ماكو ركزت نظرها على ميس الي داتسوي زلاطة
و راحت سحبت شالها نشفت بي

هيلانه _ صدگ لو گالو اختي جنة

ميس _ عابت تلفتي

هههههههه

غلست و اجت اخذتها و صارت تقلد مشية بسيل

دخلت تالين للمطبخ و ييدها طاسه مال رطب تاكل
و تمشي اول مباوعت لهيلانه ضحكت و گالت

تالين _ چنها مشيه بسيل ههههههه

ميس _ هو المطلوب

تالين _ بلاا قلدي مشيه قسور

هيلانه _ مشيته ثواني خلي افكرر

يي مره اني وياه واحد راد يسويلنه حادث
و فوگ دگته نزل و ظل ينحثل باليحجي
عاد هو نزله و هو مسوي هيج

اباوعلها قدمت اكتافها لگدام عساس عضلات
و سوت حركه عساس تنزع النظارات

باوعت الميس بستصغار وگالت

ها عيني ها اغاني رايد شي

اشو ذاك زوع العافية صوفر مديت راسي أحاول
اشوف شصار طلع منتبه للرتبه و شارة مالته

ذاك فلت و هذا اجه مبتسم هشكل

ابتسمت تك خد و شكلها يموتتت ضحكك

ميس _ قلدي أحمد

حركت راسها بهدوء و ردت
هيلانه _ لا لا اخوية أحمد يگول عن نفسه محور
الكون دااا محووور الكووون يوليه شلووون يتقلد

ضحكنه بصوت بحيث كلمه وسم صارت
بفلسس من اروى بهاللحظات شتاقيت
البارق ادعي يرجع النا بسلامه بقينه ميتين
من ضحكك فددد مرةة عگد ممحرومين
من هالجمعات و الونسه .....

اجة بسيل للمطبخ گال الجنطه بنات

اخذتها و نطيتها آلة دخلنه سوة للصالة صار
ايمن بوجهي مدلغم و يخوزر الصلف

مارين _ بسيل

بسيل _ ها

_ تعال انت اخذنا بعد ماشي

باوعلي متفاجئ مني بس جاراني
_ هذا هو يابه تدللين انتي

ايمن _ ليش مو عدكم خط

عفته بدون ما اجاوب و صعدت بدلت .....
طبعا اني رحت قسم أشعة و سونار معدلي جان
زين كولش 85 و هيلانه و اريج نفس المعدل

وراحن تخدير 90 الكل تفاجئ منه و من قررانه
لان معدلاتنه تأهل الاكثر من هيج بس اختارينه
الشي الحبينا ......

نزلت و بعدني ع درج شفت ايمن واگف بقيت بمكاني

ايمن _ يا طير تعال احجي وياك

مارين _ روح الست حنان ما عندي حچي وياك

_ مارين

_ نعم

_ نعم الله ضلوعج تعالي

_ ما أجي شنووو هاي

_ اني جيايج

_ و الله لو صعدت اشهرك شهيره

_ انتي مو چن اللسانج طولان

_ يي و شنو يعني

_ تعالي اگصه الج

_ شكد بطران الخاطر ربك

_ مأثرة عليج جسارة اروى

_ احسن ما باقية جوة ايدك

_ انتي مقتنعه بتصرفاتج الي مابيههه ذره انوثه

_ كولش مقتنعه هسه روح تره اصبح عليك بسيل

رفع حاجبة و حجة بستهزاء
_ اروح اذبحة هسه هاللملطلط الوگي

_ ما غيرك لوگي لا تحجي عليهههه

حسيته بدة يصعد گبل طفرت لفوگ حرمني النزله
شگد جنت ناوية احرگ گلبة هههفففف

يتبع في ما بعد .....
.

شلونه الدلال

مگلتولي عاجبكم وضع هلهوله و درييييدددد
لو شنو ؟ 🦦🦦🦦

تتوقعون يبقون سوة ؟

طبعا بنهاية الجزء الاول سويت فلاش
باك بين سما و هيلانه و سما ذكرت شي
عن شخص اسمه قسيم +++ عنوانه جان
بدفتر الي هيلانه دورت عليه فأني موضحه
وجود ابن السما اما منو ابو فهمو مو شخصيه
رائيسية بالاحداث و بس بوساااتي ......

اعرف فقرة مارين قصيرة لان مو مهمه حالياً

بالبارت السابق أغنية حن الحمام اني مصار
غير البارحه العصر ما اعرف يمته المهم يلا دريت مجددينها لان ما اسمع اغاني بس اليتعلقن برواياتي
عاد مو تگولن جديدة و هيج بنياتي الصغنونات
اكو اغنيتين عن الحمام حتشوفوهن يطرب ع الحمام
الأخ

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد