هيلانه الاسر الفصل الثامن وأربعون 48 - بقلم زهور ال سلطان

#هيلانه_الاسر
بين لفحات أُوَرا و الزَّمْهَريرُ

بنوتات شلونكم مشتاقتلكم

هذا البارت بي فلاش باك قوي يعني يرجعنا للبارت
الثاني والثالث بحياة الاسر
.

تـالـيـن

لازم اخلي حد العقاب واول مفتحته حجيت بجزع

_ عقاب انت شتريد بضبط
_ عقاب !

رديت بتوتر _ ه اااا صهيبببب
_ منو عقاب

_ بسسس لحضه افهمك
_ منو عقاب تلوه ؟

بلعت ريگي بغصه عزا كملت ويايه اني شلون
مفكرت انو صهيب كل شويه جاي برقم .....

_ دسمعين ؟
_ ها ، اي

_ اطلعي الي اني جايج جايج
نصدمت اريد حجه اگولها مجه بالي غير
_ بعد مخلص...

سد الاتصال بوجهي بدون ميهتم احس رجليه
گامن يرجفن

حتى رسيل اليوم ماكو بيمن احتمي لا قابل
شيسويلي راح اگله شخص يزعجني وهاي
هيه يي مراح اجذب ممسويه شي غلط

قنعت روحي بهالكلام صرت افتر بتوتر اريد
شي افكر بي ماكو گلت احسن شي ارجع الاهلي
وهو افهمه برسالة

طلعت فعلا وأجرت تكسي ورجعت للبيت
وأثناء رجوعي هو دگ عليه بس تجاهلته
لمن مرن ساعتين او ثلاث وهو قطع صار

ميتصل اجتني رسيل وعيونها شرار من
تعصب صير تشبه اخوها

شمسويه يالمعزاية
شمسويهه قابل گاعده ؤساكته
لعد صهيب ليش معصب ؟

يااا خوش سالفه يعني اذا عصب مني اني
يي احجيلي شسويتي

شوفي هو سوء تفاهم اني غلطت
عزاا غلطتي عليهه
شوف هابي خليني اكمل

كملي
اكوو شخص صار فترة خابرني برقمين او اكثر
يزعج بيه وحضي صهيب خابرني اليوم برقمه
الجديد اني قبل لا اسمع صوته صرت ....
اول مجبت طاري انو اكو شخص ديزعجني
رسيل باوعتلي بخوف عبالك مااعرف شنو
سويت وبعدني ممكمله كلامي سمعت صوت
أزاد يصيحني

طلعت بسرعه ليكته جوه بصالة

_ تعالي انطيني مي وسوي چاي
_ تمام بس منو عدنه ؟
رفع حاجبهه وباوعلي بااستغراب _ صعيب

حچه اسمه ورندار يروح لتفتت وراي لگيت رسيل
محجيتي الي شبيج

هو اني جيتج حتى اگلج خابرني يگول حوصل الكم
بس نسيت

حضريي الضيافهه علما اغسل وجهي

ومشطي الشمس المشرقهه

انچبي رسيل

روحي روحي شكلج اليوم راح تتونسين

دسكتي شيابلهه هم شكبرا

ضحكت وراحت للمطبخ واني صعدت غيرت
دخلت الغرفتي وتححي وي نفسي اني شلون
اروحلهه برجلي اخاف يبقونه وحدنا

اخذت تلفوني ورسلت الةة رسالة متجاهله كل
الرسائل التهديد

حبيبي اني مريضه مااكدر أجي اشوفك للأسف

رحت غيرت ملابسي رجعت لگيتهه راد

كلاواتج بطليهن وعلامه اوكي واربع نقاط
وتلقونچ جيبي وياج

هسه اني شبيه ليش مگلت من البداية
استغفر الله بس قابل شيريد يسوي

اجتني رسيل استعجلتني نزلت وياها اخذت
الصينيه بيها استكان چاي وهي وبايهه شايله
صحن كيك امي وازاد چانوا موجودين

سلمت وگعدت اني ورسيل بجهه الثانيه مقابيله
ويم أمي شويه واجه اتصال الازاد وطلع و أمي
هم طلعت هي ورسيل بقيت بس اني ويا

كمش ايدي قوي حسيتها حتنكسر بين لديه
_ اييدي صهيب

_ منو هذا گتلج

عبالج مااگدر اعرف بنفسي بس من باب انتي
الي لازم تحجين جيتج

_ دكتور جديد

وشيريد نعال منج

گاااا گال معجب بيچ وشسمه

شسمه ؟

اريد اخطبج واني صرت اتجاهله بدون مااجاوز عليه
حتى ما تصيرلي مشاكل

وانا وين رحت ؟

ها خفت عليك گلت ليش ازعجه وموضوع تافه
ارتعبت لمن عله نبره صوته .....
لا مو تافهه

انطيني تلفونچ

شلته دافتح الرمز بس قبلها سحبا وخلا بجيبه

شنوو هاي شدسوي !

تجاهل كلامي وگام جاب علاگه چانت بمكانه

تلفون جديد عزا هذا يمته لحگ

تلفوني وين مااخذه

تجاهل كلامي وگال _ انسي هذا تلفونج بعد وديري بالج
تنطين رقمج الياهو الچان

صهيبييب شقصدك اني نطيتهه رقمي

انجبي تعرفين مو هذا قصدي

وشلون هسهه تلفون بي كل صوري واشيائي شلون
تاخذه

تجاهلني مره لخ _ باجر اني اجيكم الصبح ومنها
اطلع لدوامي حجاها وطلع ........

.
هـيـلانـه

دريد _ أمي

وگفت بخوف وسألتهه بسرعه
هيلانه _ شبيهاا

بقى ساكت تقربت عليه

دريد داحجي وياك

رفع اصبع الشهادة وهمس اش

وبأيده الثانية خله التلفون على اذنه يخابر
ديگ ومحد يجاوب تقريب حاير ثلاث مرات
أتصل محد يجاوب شهگت متفاجئة لمن

شمر التلفون بقوة ع الحائط
رجعت خطوتين لورا

لتفت عليه يگول
خابري افنان بسرعه رگضت اخذت تلفوني أتصلت
عليها مرتين الاخر لحضات من دگه الثانيه ردت
وصوتها يرجف بسرعة انطيتهه التلفون كل الي
فهمتهه منها هم بالمستشفى وامهم متخربطه
اخذنا العنوان

هيلاته جيبلي دشداشه

وين الگاها هاي

ع القنفه خليتنا هي والسويچ

رحت بسرعه جبتهن وجيت لگيتهه نازع ملابسه
باقي بالشورت

صرخت وشمرت الملابس عليه ونداريت حسيت وجهي
طگ
ايععع شنووو هابي متستحي

ايع !

رحم الله والديچ طيح الله حضج

خلص وطلعنا هالمره هو الساق

لمن وصلنا حرفيا دخل يركض گوه لحگت بي
يدور عليهم لحد ما شاف هدي

عفتهم ورحت يم افنان حضنتني تشهگ

كافي عمري ان شاء الله مبيها الا العافية

هيله مشفتيها شلون وگعت علينا

سكتت وهي كملت

كله من ورا غسيل الكلى تعبها حيل هيله

حضنتها اواسيها ساعه ودخلوا عليهاحرفيا
حسيتهم جهال

حتى شخص حقير مثل دريد عنده مشاعر بنهايه
تحمدت الها بسلامه وگعدنا شويه نسولف اني
وافنان ودزيت رسالة لبارق حتى ياخذني

عدي جان گاعد بجهه المقابيلنه عفتهم وطلعت من
الغرفة شفت دريد گاعد بالكرسي المقابيل الباب
رفع راسهه لمن انتبهلي

وجهه جان احمر ويباوع عاگد حواجبه

يمكن جرحك نلچم

گلبي ملچوم بقى جرحي ملچوم عادي تصير

امشي خلي يشوفون جرحك يضمدو

ما يتضمد للاسف

يا داحجي صدگ

تشوفيني بجال شقه

شبيك ؟

أمي مريضه حيل ومابيدي عليها شي والعلاج
صار هو والماكو

سكتت وضجت امهم لطيفه بشكل مجرد ما
واحد يباوعلها يرتاح من كمية البشاشه و الحب
الي واضح باابتسامتها

دگ تلفوني جان بارق گتله وين احنا وغلقه
شويه واجه

سلم على دريد وگال ادخل اتحمد الولادة

جاوبته بأانو هي نايمه

لتفت لدريد وگال ان شاء الله غير وقت نحب
ومابيها غير العافية

يالله هيلانه امشينا

يي جايه فات گدامي وشفت دريد يريد يرجع
يگعد كمشت ايده وباوعلي بعدين باوع الايدي
بسرعه سحبتها وگلت

_ روح خلي يضمدونك لترجع تگعد

ورحت بسرعه

بارق واگف بالمخرج
وين تأخرتي

سلمت على افنان

سكتت كملنا طريقنا وبالسيارة چان الوضع هادئ
لحدما نبهني صوتها

هيلانه

ها

قسور مضايقج

زميت شفتي وحركت كافي مفهت قصدك بشنو يعني
مضايقني

أئ شي مأذيج مثلا ً

سكتت مجاوبته

سمعتي شگلت

يي

جاوبي

ليش سألتني هشكل فجأة

سكت شويه وبعد حمحم ونبس بهمس .... اطمئن

بقيت ساكته افكار صارت تروح وتجي
اذا اگله اريد اطلگ راح يسأل عن السبب
اشوفه الفيديوهات العندي وبهيج تخلص السالفة

بس شيصير بعدها احس اجاني صداع يعني ميجي
يوم انجبر ازوج بي شلون واني مو عذراء الكلام صار
يروح ويجي بعقلي

ورا كم يوم گعدنا العصريه سوه

أحمد _ صدگ ابو فليس أزاد مشافتوا هالايام

اروى _ لا بس گالي راح اسد عياتي بعد مااشتغل

هو هيج گال

يي گال وصليها الاحمد

هذا المسربت خايف احسده وگلج وصليها
هم مره شايفني حاسد عيشته ؟

احجو شمالكم نلصمتوا هو اني شگايل أزاد گاعد
يالتبريد وفلوس تجي ع الحاضر واني منعول
شيب الخلفوني من الحر والدبگه

كافي يمعود راديوا واشتغلت

خلوني احجي اعبر عن احاسيسي

ميس _ اوي فدوة

وجعوي ام حلگ اليلزگ لا تتنغوصين

هو هم صوجكم

لا صوجي اني مطيكم من وقتي وگاعد اسولف
هنا تروح أنام اشرفلي

گلعه عزيزي

تاج راسي

راح أحمد واخذ ويا جهال اروى

وميس التفتت البارق

بارق گول شكو ليش هيج صافن بالك مو مينا

سلامتكم هيج حسابات افكر اصفيهن

لتفكر هواية هيج تعب عقلك فكر بذكاء
وبوقت أقل هالايام مشغوله بالمستشفى
كلش هواية مداشوفك وبيوم الستراحه

اشوف كل واحد بيكم ضايع وضعنا محلو
كلش

شنسوي بعد تخلص تخلص

عفتتهم يتناقشون ويتسألون عن تأخر
موافقة اريج .......

.
اريـج

طوال سنوات ومن مراهقتي اني عيني ماوگعن
من بارق حبي الحلو الي بيني وبين نفسي وبيوم
اكتشفت هو يبادلني الشعور الانسان الي ماينطي
وجه الأحد

والكل يگول عنه مغرور وشايف نفسه چان يبادلني
النظرات وينسى وجود أي احد يمنى

مستوعبت بيوم يصير خطير عليه

_ اني احبك بارق مااريد اكرهك

_ مو مهم حبج فلسين مايسوا گدام العرفته

نصدمت كلش من كلامه وعصبت
_ ماادخل مستحيل ادخل بهالمشاكل

_ اذاً اختاريتي الخيار الصعب .....

_ فر السيارة وصار يسوق

حجيت واني صوتي مخنوگ
وين رايحين

الامچ

فكيت عيوني ع اوسعهن

لا بارق شدسوي حباب

بقيت طول طريق اسألة شيريد يسوي بس ميحجي
هدوئه ارعبني لمن وصلنا گدام بيتنا

تعلگت بي بارق عفيه انت تحبني وانت حباب مو مثلهم
حتى مو نفس اخوتي لتقهرني بيك بداعتي فدوة

لتفت عليه عت إيدي يعدها عن كتفه
وندار عليه رفع اكمام قميصه ع السريع
رفع ايده گدامي يباوعلي بغضب وبأيده
الثانيه يأشر ع الأورده البارزه بأيده

بارق _ الدم الي يمشي بيهه هو دم جدج لحد يوصل
يمي ويدور مثاليات فهنتي

فكيت عيني بأوسعها من زمخته الاخيره حسيت
راح ينغمي عليه نزل من السيارة شافا الحارس

اجهه عليه حسيتهم راح يضاربون فنزلت بسرعه
اشرتله يبتعد وهو ابتعد وفتحوا الباب دخلنا إيدي
تكسرن كثر ما طگطگتهن

أمي جانت گاعده بنفس وضعيتها العفتها بيها

الله يساعدهم حجيه

أمي فزت ولتفتت المصدر الصوت ابتسمت ابتسامتها
الناعمه و رحبت بي گعد يمها وسألها عن صحتها
وهي تحمدتله ع سلامه

يابه شالقصه هسهه تتحمدين ماعفتيها ع الوگعه
التجي

حركت شفايفها دجاوبه بس لتفتت انتبهتلي

ليش هنا ماما

بقيت ساكته ونظراتي تنتقل بينهم

بارق حمحم وگال اني شفتها ورجعتها

ليش ؟

اعرف متحبين شوفين احد من بيت جدي فأجيت
بطرگ روحي

هلا بيك

اريد ازوج بتج ؟

غير هيج تنگال

يي صح ع سنه الله ورسوله يابهه و المسيح هم

وين الگي احسن منك بس بكيف اخوانها وبكيفها
طبعا

لا هي يمي موافقة معليج مو اريج ؟

لتفت يباوعلي

لاا

رجع لتفت ال ماما
خجل النسوان معليج بيها يمي

يي لازم تجي ع الأقل اختك الجبيرة او بكيفك
المهم گدام اخوانها الباقي يمهم

لا يمج

خله رجل ع رجل ولتفت الي

اطلعي منا

ليش ؟

اطلعي موضوع خاص

اوكك

سويت نفسي اطلع الحديقة ذبيت كل شي بيدي
وركضت للجهه الكاعدين بيها من برا جام ميشوفوني
الباردة تغطي يمي

اقتربت حيل حتى اسمع

_ انت جاي تساوم حياة ولدي بنتي ؟

_ لا مو هيج بس عادي هم تگدرين تكولينها

_ برأيك صحيح الي تفكر بي

_ صراحة حبل الادراك وتفكير نگطع مني
هسه اني الي افكر بي انفذه گبل

_ ماانطيك إياها

_ تنطين

_ اكتلها وماانطيها

_ چا خوش ضميها يمج بالبيت لان تعلمت من ابن
عمي المـگ.... واخطف وانهب وكل شي اسوي

بس طبعا احسن منه اجي بالحلال لان اخاف
على عرضي

حسبه يوم يومين واجيج مرت عمي العزيزة

ابتعدت عن الشباك رجعت لگدام امشي بهدوء
لحدما طلع اشرلي بيده ليجوه وگال روحي الها
رحت بسرعه الها شفتها متخربط وضعها وحرارتها
ارتفعت ساعدتها تغسل واخذت علاجها وبقت

ساكته واني دمعتي متنشف مجاي تستوعب
رحت للمطبخ غسلت الاكواب الي شربت امي
بيهن لفتت انتباهي السجينه ذكرت من گالت
اكتلها وماانطيها زين

اذا انتحر تخلص السالفة !

ورا يوم اجتي اروى وبارق بسيل جان موجود
ومثاقل وياهم لان يذكر رفضهم آلة لمن تقدم
المارين بهذا الوضع حتلوا شرط يزوج مابين

تيقنت بارق ينطيها حتلوا غصب

بس جان نقاش هادئ وخلص ع خير وراحوا

اني سكتت بس اگول بكيفكم أمي اتگول بكيفكم

بسيل يگول بكيفج انتي الاعرف بحياتج شلون
اقنعه انو مااريد زين اذا اگله الحقيقة حصير
مجزره اسبوعين واجه ادم

حجتله الامي بس مو كل شي

ضحك ضحكه هستيريه روحي نسحبت مني هو
يضحك واني خايفه

هذا ابن امهات السحوره يجي هنا بيتي
ويتشرط ويريد اختي ههههههه

كافي هسه اني شفهمت فرحان ضايج

لا هو والبرجلي شالقصة ام ادم ما يصير
نسيبي لو يوذن

يجوز اختك راضيه تقطع بقسمتها

لا مو بكيفها غير شخص يي اسالها بس
هذا لتحسبونه بالحسبه

ترا لا تخليني احجي خايفه عليكم

ترا بوش كل شي ما يسوي هو حتى خلفه ميخالف
بعد
أمي خلت ايدها ع حلگها متفاجئه

ليش يمهه أذكر ربك

مو ماانريد نحجي بالقلم العريض بسبب اصابته
قبل كم سنه بالجيش

خطيه

فمثل ماكتلج فهمو فارغ ويطلع سباعيته ورجولته
ع نسوان

مالعب بيه وبحياتي الا انت عساس طلعت حيفك
بيمن غير بالمگروده

اني حساباتي تختلف بعدين نفس الشي لو باقية
وي العا.... امها طريقين كدامها لو بنت ليل لو نبيعها
تفصيخ

اخذتها تحميها تبقيها هناك ؟

تجيبها لهنا ؟ ارجعها الهم اني لو مااخاف عليج
تنجلطين جان گلتلهم يجيبوها الج ما يرجعوها
الاهلها

اسكت مينوخذ منك حگ ولا باطل
راح اهج واعوفك بكيفك بعد ........

.
هـيـلانـه

لتفتت المارين هاي جانت ابد مو يمنا دغيتها
بيدي مره مرتين لتفتت الي ...

ها هيله

معاجبني وضعج

وضعج ع اساس شلونه

بس انتي مريضه

وانتي صاحيه ؟

كافي ولج داسألج احجيلي شبيج مااحب اشوفج
هشكل

احجيلج بس امشينا فوگ تمام لان اريج اتصلت
بيه عرفت هواية أمور وهم اني صاير وياي شي

يي جايه وراج اصعدي

گولي الميس هم تجي

صعد مارين واني شفت رسالة وصلت اليه
من افنان كاتبة بيها اخويه الي حجيتلج عنه

مسافر بالخارج سوالنا مفاجئه واجهة
بس مقهور بسبب زوجته مزوجها من
نفس الدولة المسافر بيها واكتشف تخونه

انفصلوا ورجع يرتاح هنا وشيماء اختهم
الي بالعمارة اجتي هم وفرحانه

كاتبة بعدين اسولفلج التفاصيل

رديت عليها وحاجيت ميس وصعدنا

.

مـاريـن

وگعت بحيره قبل الشخص الوحيد الي شايفني
ومعبرني حسب مزاجه هو ايمن

هسه ايمن ورسائله الي نتخلص
وبسيل الي كل ما اشوفهه ارتبك
واحس بالذنب

هسه فجأة دخل حياتي ليث وكل مره يرسل
رسالة اغرب من الثانية انتبهوا لحياتكم

حذري اختج ، وهوايه رسائل غريبه

وباليوم الي شفته

طلعت من الدوام يوم الخميس تعودت اروح للمتنبي
لو الشارع الكفاح اشوف صديقتي او أي مكان

بس بهاليوم اول مطلعت وتمشيت مسافه ووگفت
حتى اعبر للجهه الثانية

بس سيارة صارت بطريقي سيارة سوداء وجانت
كلش عاليه نزل منها شخص أول شي لفت انتباهي
بي هي عيونه الخضر بقيت صافنه عليهن نسخه

من ايمن ....
لو ما هالشخص رفيع بشكل ملحوض وطريقه
تسريحه شعره جان كلت هذا ايمن گد ميشبهه

اجيت اتجاهل الوضع وامشي اعبر الطريق

بس وگفني صوته لمن گالت

انتي مارين فراس ؟

لتفتت آلة وباوعت حولي شارع عام يعني يخطفني
أكيد ميگدر

نعم تفضل ؟

اني ليث

اهاا مكفاك شكد حضرتك جايني لهنا هم

اني علمودج فقط

شنو تريد

اكو امانه اريد تحتفصين بيها بالوقت المناسب
ترجعيها

عفوا وضح اكثر ؟

تكدرين صعدين وياي ؟

لا طبعا

زين خلي نأجر سيارة تكسي

طلعت متفق ويا

بويهه اني ااجر وحد وانتي وحد والعنوان واحد

اوك

دزلي العنوان برساله

هيلانه _ صخام ورحتيله

يي

هيلانه _ وشصار

اكو أمور مااكدر احجيها هسه يعني مااعرف مفهمتها

ميس _ غيرها ؟

الثارات الي بين ابويه وادم

باوعت الهيله ملامح الانزعاج وضحن عليها

فسكتت لمن گالت احجي بس لا تگولين ابويه

تمام ابوي قبل جان يعنف بي مره حاول يحرگه
ومره غرگاه وعاش بااخر ثانيه

ولمن كبر ادم اكثر وصل تقريب 14 هيج أصلا
هيج شي
نسيت كلام ليث جان باله يروح يعيش وي امه.
يكمل دراسه ويصير ضابط بس

مو مهم العمر ذكري الباقي

شوفي عمي صگر ابو چان بيده كل املاكهم
كلها جان هو يديرها لان عمه يثق بي فسجل
كل شي بااسمه حتى البيوت تعتبر ضمن الارض
يعني اذا تذكرون المنطقة الريفية الي رحنالها

يي أذكر كملي

هاي كلها ضمن ملكية عمي صگر بس قبل لا يصير
السقوط سجلهن بااسم احزرن

عزااااا عزااا

يي بضبط بيد ادم

فهو أصلا يكره ادم منا صار الورث بيده حاول
يقتله وضربه رصاتين بس جانن بااماكن مو
خطيره

وعرفت هو حارگ بستان وكنيسه الي اخواله
ويعتبرون اخوالنا هم يقدسوهن ويحبوهن

أمي جانت تعرف شيسوي وتكرهه بس ما گالت
هو

وليش هسه دائما شارد

بالبداية سافر وبعدين رجع يتاجر بالممنوعات
وعنده فضايح ومستمسكات لهواي نواب و اشخاص
بدوله ويعرفون عنده شركاء فمو سهله يقتلوا
و ينفضحون

هيلانه غطيتي وجهج شنو مو داحجي

مو مهمه السالفه ما تفيدني تأذيني كملي الميس

أصلا خلصت الباقي ماادري شنوو

اوك لعد تفضلي نطمري

ياا ولج

شنو شنو

نامي تاني

تصبحن ع خير
تلاگين الخير

مرت فترة زاد تواصلي بيها وي ليث مرات
اكول مجرد شخص اتواصل ويا مرات اگول
معقوله لان يشبه ايمن هيج اسوي الحب مؤذي
نسخه الموت البطيئه تقتل ببطئ مؤذيه جدا

هيلانه تغيرت هواية نفسيتها صارت كلش محلوه
يعني عادي انام نگعد نلگه الغرفة متكسره وتگول
مو اني لتخبلوني صارت تنسى وتفقد تركيزها هوايه

مرتين اجاها قسور يقدم موعد الزواج يگلها لازم
تغييرين البيئة العايشه بيها قبل لا تعبين اكثر

بس بارق يرفض وخاصة تغيره وياي بعد رقص
اريج الا وكأنما اني السبب موهو الي عارض
اكثر حتى من هيلانه

صارت تبجي هوايه حتى الدوام تركته تدريجياً

وبيوم اجتي ميس

گومي هيله گومي اخذج للطبيب

بدلنا الها ونزلنا

شافنه بارق گال أمس اخذتها

مجاي طيب اعرف دكتور زين

لا عوفيها

انطيني العلاج اتاكد من فعاليته بصيدلية للمستشفى
صدك وينه علاجها اشو مينشاف

اروى اوصيها تخلي بالاكل

اها اروى گتلي بعدين خويه يااعلاج هذا الي يتخلى بس بالاكل يعني ولا كبسوله
ولا شراب لا ابره

تحقيق هو

اني دكتورة !

على روحج

عجيب ياخي الله يهديك

بس گالت هيج اجه جرها من شعرها من ورا

وصرخ ليش شبيهه خبل حتى يهديني

دفعته وگالت شهالتخلف الهدايه بس للمجنون يعني ؟

ضربها راشدي اني من يمي خليت إيدي ع خدي
گد قوة صوتها

ندارت عليه عيونها تجري اخذت هيله من إيدي
وصعدت بيها صعدت وراها مااسمع بس همسها
تگل الله يطيح حضك فراس كل شويه

حسيت راسي هاج وشقيقة مو وقتها

الثاني يوم نفس الوضع بس بارق گال عندي
شغل بابل وراح وميس عندها خفر واروى
يم بيت زوجها

الصبح سمعت دگه جان تيلفون هيلانه شلته جان
قسور اباوع هيله نايمه فتحت الخط

صباح الخير

صباح النور هله خيتي مارين

هههه شلون عرفت صوتي

مبين ..... هيله وين

نايمه

هممم

باوعت بااتجاها غمضت عيني بقوة وگلت
محد عدنا تعال شوفها يمكن صير زينه

جايكم
نص ساعة تقريب وندگ الباب فتحته اله

گال وينها اشرتله فوگ

سويلنا گهوه ولو اكلفج وتعالي

بعيني

.

هـيـلانـه

فزيت على لمسات على طول وجهي ورقبتي
ولمسات ثانيه على كف إيدي جانت تتحرك
بطئ وترجع لمقدمه وجهي دافيه عكس

البرود الي عايشه بي وبروده جسمي
فتحت عيوني بتثاقل شفت النظرات

الي دائماً تكون بيها شي من اللمعان

هيله

هممم

شنو رأيج نشتري بدله ونسوي عرس
ونخلي اخوج يضرب اخمس بالسادس

ها

تصدكين مشتاق ااصوتج حتى لصياحج
وسوالفج الزايده واسالتج البايخه

هزيت راسي بطئ مداستوعب كلامك
تعبانه كلش دايخه

عسا بيه

جبت الگهوه ادخل ؟

تعالي

راح أخذها للمستشفى جهزيها

خاف يدرون

طز ساكتله اني لان مافارغ اخوي مشاكله اكلت
راسي دزيته يدرس اجاني شراب و يكبسل
العفوو هاي اني شداجيلج

هههه عادي

بدلن اني برا

بدلتلها وكملت هي واعيه مبيها شي بس نظرانها
فارغه شكلها تعبان

صحته شالها ونزل

اني بدلت ولحگتهم

اخذناها للمستشفى وخابرت ميس علمود تگول
الدكتور الي تعرفه

وصدگ وصلنا سولها فحوصات وتحاليل للدم
تاخرنا هواي واكو تحليل كال مو اليوم يكمل

الدكتور حجه هوايه من هذا الكلام انو تقطع
أي علاج غير هذا ولازم نجيب الادويه

دكتور عصب گال مستحيل تنطي علاجات عكسيه
مضره مو مفيده للمريض مستحيل دكتور يسويها

گلنا راح نجيبلك العلاج وتشوفه فسكت احنا
أصلا منعرفه اليل هيلانه تحسنت تحسن
ملحوض راح شويه من النحول الزايد خابرت

بارق گال تعطلت باجر أجي لو عگب باجر
واروى زوجها موجود فمتجي

قسور خابرني كال لتكولون رحنا للطبيب وحاولوا
هيلانه متاكل شي يجيبه بارق لو اروى

حتى ليث من سولفت اله حجه نفس الشي واريج
هم

ثاني يوم العصر اجه قسور و افنان
الي سلمت ع هيلانه وطلعنا اني
وياها عفنا هيله

_ هيلانتي

_ همم

_ شلونج اليوم

_:احسن

_ انت هم

_ اني هم شنو

_ شكلك تعبان

_ دوام وهم مشاكل البيت

_ ابراهيم ما تغير

ل_ا وصار يومين دگيتهه دگ وطلع من البيت بعده
مجاي

خطيه

لا بالعكس أصلا اذا بقى هيج اطلع نعزل افصل بيتي
كلياً عنهم

ليش

شنو ليش ماأممن عليج يم هيح واحد بربع عقل
عشت شعورج صدگين

ههه يا شعور منهم

واحد كاض بطله ويفتر عليك خفت ع شيماء وافنان

ليش ساكتهه

شحجي

اوصيلج شي جوعانه

اريد صاج

صار وبعد

ببسي

لا مضر اشوفلج عصير

شويه وجاب الاكل اكلني واكل وبقى يححي وياي
واخذت علاج طول گعدت ويا اول مره احس بالخنگه

احس مفتقدته وهو يمي شعور غريب بداخل الفراغ
وعدم الادراك الي اني بي

لمن گال راح امشي وصاح افنان دمعت

رجع عليه بقلق
شبيج

ماادري ضايجه ممرتاحه وخليت إيدي ع گلبي
حسيت بوجع

اجتي افنان من شافتني صارت تخلي ايدها ع گلبي
وتهمس باايات

ابقى ممرتاحه

والله دنعل ابو اخوج لا منين مااجه لا تخليني اخذج
واطلع بيج گبل مااكدر ابات لتسوينها عرضه

روح اني يمها اني ومرو

تبقى يمج افنان ؟

هزيت راسي بقبول

خوش أبقي باس راسي بعدين باس راس اخته
وطلع عيني لحگته اول مره احس بشعور مضلم

مثل هذا يـتـبـع فـي مـا بـعـد .... 👿♟️🎭

الحب غريب جداً ببدء بدغدغه لطيفه
بالقلب وشعور لطيف دافئ

لكن بعدها يتحول الى الم رهيب وقلق
وخيم

ركزوا 👀💔

يقال انه شخص من دمهم ولحمهم

اذاً كيف امكنه فعلها

وهل نملك الجواب !

العالم اصبح مكان سيئ للعيشض

لقد ماتوا جميعا

اهكذا يقال ........

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد