#هيلانه_الاسر
بين لفحات أُوَرا و الزَّمْهَريرُ
ملاحظة (تفاعلكم ضعيف ليش هيج فيروزات .
.
تـالـيـن
تحدد موعد العقد وصهيب جان حيل مستعجل بسبب
دوامه والدورات والانذارات الي تجي بدون موعد.....
رغم كل شي اني جنت فرحانه وهيلانه مارين
اريج ميس رسيل حسيت بقيمه وجودهن بحياتي
أكثر من أي وقت ثاني
رسيل مشغولة هي وامي بالبيت وترتيبه مارين
كل شويه دازتلي خلطه و ماسك ميس مصره
تخليني ارگص وهيلانه تقنع بيه بالبدلات آخر
شي استقرينا ع بدله زرقه وبلغت صهيب
مر اسبوع من تعب وتجهيز بس جان كل شي
بعد هالتعب بكامل جماله
.
مارين
حياتي سابقاً جانت دور حول ايمن بس ولمن
ابتعد اكتشفت هواية أمور مهمه ومنها اني اني
جنت هامله نفسي بشكل جبير ربما هاي الحسنه
من تركي آلة بس مااكدر انكر اشتياقي الة بين فترة
والثانيه دخلت بفترة هدوء شديد تعودت على المشاكل
بيتنا وضنيت هاي اكبر مشاكلي لحد ما بيوم جنت
داگلب بالأنستا واجتني رسالة اسم الشخص الي
المرسل ليث ومخلي صورة نسر فتحت لمحادثه
جانت رسالة قصيرة
مرحبا مارين اكو شي مهم لازم تعرفي عن عائلة
عمج فراس وعن خطيب اختج
رديت
اهلا گول شنوو الشي المهم !
جاوب
مايفيد مراسلة بيها مجال اشوفج ؟
گبل حضرتهه مچان الي خلگ ادخل بنقاش ابداً
وضنيت بهالحركه خلصت منه
بعد فترة قصيرة صار موعد خطوبه تالين
چنت فرحانه الفرحها ورحت قبل يومين
من خطوبتها وماهتميت بكل احد خلصتها
فوك حتى ماانزل وخالتي ملحت وياي
أزاد وايمن مشفتهم حتى بالصدفه
و قبل الخطوبه بليل جنت داسوي ماسك
لوجه تالين وخليت للوجهي منه
رسيل _ كتلني العطش روحي جيبي مي مارين
مارين _ ماشوفين وجهي شلونه
رسيل _ لعد اني انزل رجلي يگطع الخلفه اذا شافني
طاح حضج رسيل رايحهه
لمن نزلت شفت خالتي وايمن و أزاد گاعدين
گلت مساء الخير ودخلت المطبخ اخذت مي
بسراحيه و رجعت واني اصعد سمعته يگول
لخالة من شوكت مارين هنا هه حقه ميدري
بيه هنا وحقهم من ما گايليله ......
لليل كله خلصته مستمعه الكلام والعزل
صهيب وتالين
ثاني يوم اجوي اقاربنه من الصبح وتالين
اخذتها اروى و عمتي أسماء الصالون خالة
لجين انشغلت بالغده وكلنا ساعدناها
وكل شويه وحده مهوسه هوسه نرگص شويه
وترجع تشتغل وبيبي تكول مو تفضحنا وترگصن
فشله من الوادم
ميس ترد
لااا بيبي كلها تركص اليوم من العرسان وشيلي إيدي
_ يا برد فلك طرچن
ميس _ شبيبي هوسيلي خلرگص
وخروها عني لا اكسر عوجيتي بهامتها
يي بيبي سويها تستاهل
فدوى بنت عمو أحسان گابلت ميس وتهز بمتونها
وتگول جبنالك ورده اشتم بيها بس كون الورده
دارها
بس گالتها طگتنا ميس بهلهوله لاگتها صرخه من
برا رائد _ وسم ومررض
هيلانه _ ولجج فضحتينا ههههههههه
ناس تغدت وناس تجهز بنفسها لحد ما اجتي
جميلتنا حرفيا اقرب وصف الها فرشهه جمالها
بالفستان وميكاجها شعرها وكل شي ورا ربع
ساعه من جيتها اجوي صهيب واهله خالاته
وعمه ام رسيل مجايه و رسيل
وياهم الصبح اخذها أزاد البيتهم وراها كل
النسوان تغطن
دخلو مارين للغرفة و صهيب وعمي والولد والسيد
وبعد مااعرف منو دخل وتم عقدهم وصارت هلاهل
لبسوا الحلقات واكلوا كيك وتصوير صار يلبس
بعدها ميس الكفو سوت الي براسها شغلت اغنيه
وبعتهم وجابت تالين لنص الصاله وصهيب باقي
واگف متفاجئ حس روحه نغدر بس استستلم
للوضع
.
تالين
اليوم حيل تعبت خاصه بالصالون اول مره هيج احس وجهي ثگيل وماصدگت خلصت ورجعت لمن وگفت
السيارة نزلني وجان اكو مي وهوسه گدام باب البيت
حارن شلون يرفن البدله اجه ايمن اجه باوع النا وفهم الوضع ماحسيت بالصار ثواني نرفعت اني وبدلتي
صرت بين ادين ايمن ونزلني بحديقتنا حرفياً ضحكت
من گلبي شفت مارين وميس يباوعن الموقف ببتسامه
عريضه لمن خلص العقد وماخلني ارد الموافقه الا لمن
عاد شيخ اكثر من ثلاث مرات
جنت سعيدة كلش بصهيب بشخصيته بجماله بالبدلة
الكحلية باابتسامته لمن لبسني الحلقة ورجعت لبسته
حسيت روحي رجفت
تفاجئت من ميس سحلتني للنص وتعالو ارگصوا
صهيب يموت ارتباكه لف ايده ع كتفي وكمش
إيدي الثانية
باوعلي بلهفه و هو سعادته واضحه على ملامح
وجهه شد عالايدي و حكمها بكف ايده و جهي صار
گ
دام وجهه ، عيونه تحچي يمكانه مدام الهدوء
و همس مقابيل وجهي بصوته ليداعب اوتار گلبي
صهيب _ و اخيرا عگدته
دنگت خجلانه من نضراته و رديت عليه بنفس الهدوء
تالين _ شنو
صهيب _ اليوم نعگد گلبي وي گلبج
تالين _ حبيبي
صهيب _ روح حبيبج طالعة تضوين وچ شمس الدنيا و گمره ثنينهن بيج
من قبلُ كنتُ أذمُّ أتباعَ الهوى
واليومَ قُدتُ مراكبَ الأتباعِ
آخر شي باسني براسي وطلع وجهه حرفيا صارن
احمر واني مو أقل احراج عنه
بعد مخلصت الحفله وراحوا رگصت وي البنات
وصورنا آخر شي بدلت ونمت من التعب لليل
گعدت حجيت وي صهيب شويه لان مراسلني
وهم جان نايم مر شهر على خطوبتنا وسعادتي
متنوصف لكن ؛
بيوم طلعنا اني ورسيل للدوام
بالطريق رحنا شربنا قهوه وسمعنا فيروز
رغم مانجذب الهلنوع من الاغاني لكن
مااحب احسس شخص قريب مني انو
ذوقه غريب ومعجبني خاصه رسيل
الشي الي مكرهني بالدوام وبالحياة هالفتره
عقاب الي كل شويه طالعلي جنت افكر اخلص
منه عما يرجع صهيب بس رجعه صهيب خوفتني
أكثر مما طمنتني عليه ،
خفت هم اگوله شي ويدخل بمشاكل وهو مناقص
يكفي انو دوامه وشغله خطير
رن تلفوني برسالة باوعت عليها جانت من رقم
غريب _ اليوم راح يشرفون اهلي الكم ...
باوعت بصدمه جبيره ع رساله
ورديت بدون تفكير _ اسفه بس اني مخطوبه.
_ الرد جان مجرد ضحكه قصيره.
بسرعه حضرته
ماكو شي اسوء من هيج يعني حبكت الة اليوم
اهلي شراح يگولون
تلفون جان بيدي واني گاعده بمسطبه برا الجو
حلو نوعا ما اجاني اشعار برسالة ثانيه بس
الصدفه الي دق رقم غريب ثاني من حرگه
گلبي كتبت _ مو كل شويه جاي برقم گلت
مخطوبه
بنفس اللحضه الي نقرت بيها الرساله اجاني
اتصال مرديت اول مره ترددت ولمن دگ مره
لخ وقبل لتخلص الدگه تشجعت انو افتح الخط
لازم اخلي حد العقاب واول مفتحته حجيت بجزع
_ عقاب انت شتريد بضبط
_ عقاب !
رديت بتوتر _ ه اااا صهيبببب
_ منو عقاب
_ بسسس لحضه افهمك
_ منو عقاب تلوه ؟
بلعت ريگي بغصه عزا كملت ويايه اني شلون
مفكرت انو صهيب كل شويه جاي برقم .....
_ دسمعين ؟
_ ها ، اي
_ اطلعي الي اني جايج جايج
نصدمت اريد حجه اگولها مجه بالي غير
_ بعد مخلص...
سد الاتصال بوجهي بدون ميهتم احس رجليه
گامن يرجفن
حتى رسيل اليوم ماكو بيمن احتمي لا قابل
شيسويلي راح اگله شخص يزعجني وهاي
هيه يي مراح اجذب ممسويه شي غلط
قنعت روحي بهالكلام صرت افتر بتوتر اريد
شي افكر بي ماكو گلت احسن شي ارجع الاهلي
وهو افهمه برسالة
طلعت فعلا وأجرت تكسي ورجعت للبيت
وأثناء رجوعي هو دگ عليه بس تجاهلته
لمن
كمش ايدي قوي حسيتها حتنكسر بين لديه
_ اييدي صهيب
_ منو هذا گتلج
عبالج مااگدر اعرف بنفسي بس من باب انتي
الي لازم تحجين جيتج .......
.
أريـج
مرت فتره صرت اداوم متقطع اضرب محاضرات
ومااهتم بشي حتى صحتي هملتها التفكير اكل
راسي ....
اعرف ادم عنده أفعال محلوه وعنده حقد على
هوايه ناس اكو اعرف ليش و اكو مااعرف
بس متوقعت الشخص الي جنت اتحسب عليه
ودعي عليه بكل مره تجي هيلانه بالي يطلع نفسه
اخويه ، الشخص لمن يحقد مراح يعرف لصح
من الغلط بس مو معناها يصرف مثل ادم
ليوم اني كارهه بارق مستحيل اطلع اعصابي
بأحمد هذا المنطق هذا الصحيح مستحيل
يكون غير شي ماما وبسيل انتبهوا لحزني
بسيل كل ميريد ياخذني حتى اشوف البنات
اتهرب وتحجج بشي حتى انوو گال لتتأثرين
بخطبتي لمارين مو عجيب انو الاگي رفض
گلته شغله بعيد عنك مقتنع هواي أو ممكن
بعد مشاف علاقتي النهزت بادم بده يقتنع
اليوم چان عطله بسيل معنده دروس فرجع
علبيت من وقت ، امي قررت نسوي تبسي
ع الغده صرت اساعدها بالمطبخ لحدما جهز
رحت صحت بسيل ورجعنا ، بدينا نأكل ما مرن
غير كم دقيقه ونزل ادم من غرفته هالفتره
صرت ع الاكل اتجنبه ومااكعد يمهم
الأسر _ يأبه سلام عليكم
وعليكم السلام ....
ارتال _ روحي صبي لخوج
اريج _ صار ماما
رحت للمطبخ صبيتله ورجعت
خليت الاكل گدامه ونداريت اروح
بسيل _ وين بعد ماكلتي شي
اريج _ الف عافيه حبيبي شبعت
الأسر _ ارجعي
لتفتت عليهم برود وگلت
_ ليش
_ كملي اكل بعدين ولي
_ ماريد
_ اريج
رديت بغضب_ ماجي شتريد تسوي سوي
ضرب اديه بالطاوله حسيتها نكسرت
بلعت ريگي بخوف وهو جاي عليه گام
بسيل وصار گدامي
_ شكو شتريد منها ؟
_ شعليك !
_ اريج اصعدي الغرفتج
ركضت ع سريع وصلت يم المحجر مال الدرج
ووگفت اباوع عليهم تلازمم امي وراهم تباوع
ع الموقف بحده بس محجت
صحت بصوت عالي
_ بسيل كافي اني مااريد تصير مشكله بينكم
كل الي أريده تگول الادم ليحجي وياي
رغم هو واكف هم گدامي بس موجهتله الكلام
حسيت هالتصرف حيل طفولي بس مجان عندي
شي اگدر اغثه بي غير هذا .....
نداريت صعدت لغرفتي نمت وگعدت بليل
شفت ميس مراسلتني وكاتبه لازم احجي
وياج بأجر ضروري فكرت اداوم بعدين بطلعه
اروحلها صارلي فضول اعرف شكو تفقنا وين
نلتقي وبقيت لثاني يوم منزلت
تجهزت لدوام لبست دشيرت ابو رگبه لونه
اصفر وستره جلد وبنطلون كابوي اسود
نزلت شفت ماما گاعده وحدها صبحت
عليها مردت
_ ماما داحجي وياج
بقت ساكته بالبدايه استغربت بعدين ذكرت
أسلوبها هذا اول مره يطبق عليه كل مره لمن
تصير مشكله بين بسيل وادم تبقى متحجي
وياهم اثنهم عدل
تنهدت ورحت يمها بست رأسها وطلعت
تعودت اروح وحدي بدون خط أو بسيل
اصعد مرات كيه أو تكسي صارت متفرق
بديت اتمشا بالشارع وادخل أفرع مختصره
حتى اروح ع شارع الي دائما اصعد منه
جنت امشي صح بس ابدا بالي مو يم الي
حوليه زين ومركزه على خطواتي فزيت لمن
سمعت صوت هورن سيارة رفعت راسي چان
اشوف سيارة رياضيه وكلش زين اعرفها المنو
بكل قوة وشجاعه سحبت خطواتي لورا وحاولت
امشي بغير طريق بس مطولت ثواني وشفته صار
گدامي بمنظره الحلو اناقته تفاصيل وجهه نظراته
وعيونه العسليه دائماً ما اعشقهم فرحت لمن شفته
بخير وواگف ع رجليه رغم السواد لي بكف أيده
باقيه وحروق واصابعه الي بعظعهم مو كاملات
مقطوعات إلا أن هالشي احسن من غير شي
عبست بوجهه بدون مااحجي شي
بارق _ صباح الخير
اريج _ صباح النور
بارق _ شلونج
اريج _ شسوي هنا
رفع حاجبه باوعلي بنظرات حاده و رد
_ جبت اشوف امچ
_ يي زين صار فتره تسأل عنك
_ اعرف
_ يلا مع السلامه تأخرت
_ اوگفي عندي حجي وياج
_ هستوك گلت امچ
_ يي وانتي هم
_ عفوا حجي ايش بضبط ؟
_ خو مو هنا بالشارع تعالي وياي
_ مااجي مااريد احجي وياك بأي موضوع لأن
ميجمعنا موضوع ابدا
_ بلي يجمعنا
باوعتله بصمت أريده يگول الشي الي بالي حتى
لرفضه وندار مثل مسوه بيه بس الي حجاه جان
اسوء مما اتوقع _ وهو ؟
رد والغضب واضح بصوته _ بخصوص اخوج
_ ترا سالفة مارين و بسيل صارت قديمه
_ منو گال عن نعيل
_ لتجااااوز
_ تجين لو شلون
اذا مو عن بسيل يعني ادم بلعت ريگي بخوف
معقوله عرف شي لازم اروح وافهم
_ جينا دنشوف تاليتها
تحرگ گدامي صعد للسيارة واني همين
ابتعد هواي دخلنا بشوارع وازقه كلش هوايه
وكل هذا هو بس ينافخ و كل شويه يستغفر
حسسني طالعه وي شيخ
صف السيارة بمنطقه شبه خاليه بيها بيوت لكن
تحس من منظرها مابيهن حياة گلت بندفاع
_ وين جايبني انت
_ مادري
_ قلت الاماكن يعني
_ مو مال احجي مطعم لو كافيه الكلام هذا
_ هو شنو السالفة خلستني ترا
_ هيلانا انخطفت من راحت لأمها
بقيت ساكتهه وهو يباوعلي
صرخ فجأة واني نزيت _وشصار وياهه ومنو
الخطفها اعرف ....
_ كل شي !
_ يي
غمضت عيوني وگلبي صار دمار ينبض بقوه
_ منو گلك
طلع تلفونه مااعرف شسوه شويه وشمره بحضني
كمشته جانت صفحه بالفيس و اسم المستخدم
اريچ
_ هذا حسابي ؟
_ شوفي المحادثه
دخلت المسنجر وشفت المحادثه جانت
عباره عن كلام على هيلانه وكشف كل
أسرارها صغيره وچبيره ناقص تنكتب
مواعيد نومها كل شي مكتوب
عن احداث الموصل وغيرها وعن
ادم وحتى قسور واكو كلام ثاني
و كأنما انو الي مراسله بارق دتحجي
عني !
طلب سماح وانو معليه بااخويه واني
احبك مااگدر اعيش بدونك
وغيرها من الرسائل التخزي !
ورا فترة
رفعت راسي وهو يباوعلي بغضب كأنما
شويه ويهجم عليه بلعت ريگي بلگوات
ونفسي حسيته صار كلش سريع لدرجه
چببره ......
_ والنبي مو اني
طلعت تلفوني بسرعه وأيدي ترجف
وشوفته صفحتي ومحادثتنا گتله
هي هاي محادثتنا شوف ؟
باوع بعدم اهتمام و رد
_ مو گرن اني ادري مو انتي
_ ها
_ ولهدا
_ شلون تعرف
_ مو اسلوبج
تنفست براحه جيت اگوم ابوس رأسه بظل
هالظروف هاي الطيحت حضي بس منو
الدماغ سزز تراسله
_ وهم متأكد الكلام الي نذكر صحيح
_ للا
_ شمدريج
باوعت عليه ودنگت
_ اعرف وبس
ضرب كلامي عرض الحايط وگال بغصب مكبوت
_ تدرين سهله هسه اروح اذبحهم
باوعتله بخوف
_ منو
_ الزبالة اخوچ و قسور الگو..... وحتى هيلانه
ومو علمود الي صار وياها اكيد مو بكيفها صار
بس لان مگالت و مو مهم انسجن انعدم طز
سكتت والخوف صار ياكل بيه حسيت جسمي
كله جمد من الخوف
ابتسم بشيطانيه و كمل
_ بس هيج راح تصير سهله مراح يتعذبون
اريد أعلمه لخوج درس يحتفظ بي ويكله
ألاحفاده و قسور خلي يكمل زواجه الاگشر
وابدي اشتغله
_ بس قسور يختلف عن ادم قسور ديحميها
_ ممحتاجين أحد يحمي عرضنا بدالنا
_ لو چنتو بحياتها من البدايه مصار بيها شي
رد بستهزاء _ يي صحيح
_بس ليش داتحجيلي اني
مد أيده كمشت راسي ، كف أيده حاوط رگبتي
من ورا
_ انتي بدايه انتقامي منه
_ هالدرجه اني رخيصه عندك
_ اختي هم مو رخيصه
تجمع الدمع بعيوني
_ راح اخطبج لو توافقين لو توافقين
رديت بنبره الخذلان ماليه صوتي
_ لتصير مثل ادم بارقققق !
_ سامعه القانون الي يگول لكل فعل رده فعل
_ اني احبك بارق مااريد اكرهك
_ مو مهم حبج فلسين مايسوا گدام العرفته
نصدمت كلش من كلامه وعصبت
_ ماادخل مستحيل ادخل بهالمشاكل
_ اذاً اختاريتي الخيار الصعب .......
.
لـيـث
_ انت مكبر الموضوع
_ شلون
_ نخطف الاسمه جان ونخلي يكت كل شي يعرفه
_ لا تصير غبي انت ماشفته شلون عنده استعداد
يتوذر ولا يحجي شي
_ اني حاير بأدم وقسور منين طلع هذا
_ اكيد لازم تنفتح جبهات يمته سوينا شغله
وحده
_ هم صح بس فكرت بشغله قسور مو اصله
من السماوة ؟
_ لا من العمارة ماادري ناصريه نسيت
_ يعني هو شيقرب للحربيه
_ أعمامه مشفت سعد فضلاه
_ عوف المطي لازگ بدماغك ما متحيزز
لأن هو سمه بنفسه ادم ابو حرب
_ مدري ترهم هسه شراح تسوي
_ ماادري انتضر فرصه احجي وياهه ونشوف
شيصير
_ لو دازني اني ع الأقل وجهي مقبول مو انت
وجهگ جنه جحف
_ انجب انت ما راح توكف لحضه تحجي وياك
_ ليش يمه
_ وجهك مال واحد مللعب
_ نعملله يلا وراي شغل رايح
_ روح اني هم عندي شغل
هـيـلانـه
بعد فترة من الروتين العادي بين دوام
والبيت اتصلت بيه ام سامي
وگالت قسيم اشتاقلج فقررت افرغ نفسي
واروح وفعلا رحت هناك وشفت اكبر غثه
بحياتي موجود ماانسى الصور والفيدوهات
الي وصلتني آلة وقرفهن مالة نهايه من وقتها
صرت اخطط لوقت مناسب حتى اخلي هالمقاطع
سبب لفصخ الخطوبة ومن يومها صرت ماارد على
مكالماته الي مسكتني هو وضع بارق الي عصبي طول
اليوم مااكدر احجي شي وهو بهاي حالته لازم انتظر .....
سولفنا اني وخالة ولعبت
وي قسيم وقاطعنا كالعادة دريد من اجه
جيت داتحرك اطلع كمش كف ايدي ودارني
عليه صار ميفصل بينا شي دابعد أيده عني لف
أيده ع خصري قربني اله أكثر انصدمت
ممتوقعه منه هيج حركه
بقى فتره ع هالحاله وبس يباوع لوجهي عيونه
صارت تتنقل بكل مكان حسيت وجهي احترگ
من انفاسه وصوتي أحسه اختفى وبشفاعات
گدرت اگول بتفاجئ _ هايي شبيك !
تجاهلني و رد بهدوء
_ وجهج
_ شـ..شـ..بـي
_ يعجبني
_ بيها الخير وخر عني
قربني منه أكثر
_ عزاا وخر عيب عليك
_ ليش شبيها
_ هسه تخبلت انتَ لتجي الحجيه شبيك
_ هلا بيها ، گالها وقرب وجهه مني كولش
بعدني ممستوعبه تصرفه سمعت صوت أم سامي
تصيحله
_ يلا اشوفك بغير وقت
گالها وفلتني صرت ارمش واباوع عليه بأاستغراب
_ شنوو التشوفه بغير وقت
_ وجهج
_ سخيف ، احول
_ مو بسخافتج حبيبتي
_ اني مو حبيبتك
اول مگلت هيج اقترب مني بسرعه خله اديه
ع اكتفافي ودنگ رأسه عله وجهي وقرب
ع اذني وهمس _ صح عليج مرتي مو بس حبيبتي
_ شكد قنقينه انت
_ عابت هالاوجه
_ مو هستوك تگول يعجبني
_ عادي
_ المهم وجهي يعجبك گلت هههاي
_ تستغزيني عود ! مشتبهه الموضوع عاجبني
_ واضح من انفعالك وصوتك
_ يي جدا واضح ، جوعانه ناخذ قسيم ونشطح
للمطعم
_ لا ليش منجيبه هنا ؟
_ ندزلهم برجعه شگلتي ؟
_ بكيف قسيم
لمن گلت هشكل عافني وراح القسيم
قسيم ركض بتجاهي بس دريد شاله خلاه ع متنه
_ مشينه بويه نأكل اني وياك معلينا بغير ناس
گالها وهو يباوعلي
_ لا مااكل اذا مو وي هيلاا
بسرعه دريد نزلاه ومشه وصار يحجي عود
بينه وبين روحه بس بصوت عالي _ كملت
جدر ولگه غطاه
ضحكت بصوت عالي حتى اغيضه
باوعلي رافع حاجبه ويخوزر سويت نفسي
مداشوفه كمشت ايد قسيم وطلعنا
المنطقه الي عايشه بيها ام سامي شعبيه كلش
وحلوه
قسيم _ بابه
ابتسم قسور بوجه قسيم وگال
قسور _ عيون ابوك ها
قسيم _ اكو محل اريد اشتري منه مسدس
هيلانه _ هه مسدس لا ربحنا حبيبي شسوي بي خيولي
قسور _ صار چنك ع مسدس وينه المحل
رگض گدامنه بفرح ورحنا وراه نتمشا جان اكو
چادر ماخذ نص الشارع وأجواء مبينه حزينه
عيني على قسيم ونمشي
بنفس الوقت اكو اثنين نسوان كبار بالعمر
طلعوا من البيت الي بي الفاتحه ومشو قريب
عليه يسولفون بيناتهم
_ البنيه چنها ورد كتلوها بكل برود دم
_ الله لينطيهم عبالهم انصدگ من يگولون
وگعت من الدرج
_ رجعتلهم حامل من داعشي قابل يتلگوها
بهلاهل
_ مو يكتلوها لاذنبها ولاذنب الطفل الي بطنها
لمن سمعت كلامهن بطئت مشيتي الظاهر دريد
منتبه للموقف جفلت من سحب ايدي حتى امشي
مجان الي طاقه حتى اسحب ايدي منه حسيت
بضياع تخيلت نفسي بدال هاي البنيه
باوعلي وگال وصوته بي شي من القلق
قسور _ شبي وجهج ختلف لونه
رديت بحزن
هيلانه _ خفت
ضغط ع كف ايدي وابتسم
قسور _ لتخافين اني وياج
صحيح اني موخوش ، متروس اخطأ
سكت واني
لتفتت عليه تفاجئت لأن حجه ع نفسه هشكل
هيلانه _ قسور
كمل وهو يضغط ع ايدي أكثر عيونه صارت
بيها لمعه غريبه_ انتي الصح الوحيد الي بحياتي مراح أفرط بيج لتخافين
بقيت ساكته مرديت هو رفع رأسه وصاحب
قسور _ قسيم ! وينه
گالها وصار يتلفت
تحول خوفي ع نفسي لقلق ع قسيم
هيلانه _ اكيد هنا قريب
ركض دريد گدامي المكان الي نمشي بي
نهايه فرع وبعدها شارع عام وسيارات
سريعه وماخذه راحتها .....
سمعت صوت ورانا لمن لتفت جان هو وعيونه
كلها دموع
ركضت عليه شلته وبسته
هيلانه _ حبيبي وين رحت
سكت واني صرت امشي سريع دالحگ دريد
شفته جاي بأاتجاهنا وجهه مخطوف لونه
كمش وجه قسيم باثنين اديه وباسه وهو
بعده بين أديه
قسور _ وين اختفيت ابن الكلب خوفتني
تجمعت الدموع بعيون قسيم وگال
قسيم _ لتفتت مشفتكم رجعت لورا عبالي عفتوتي
من گال هشكل سحبه قسور عليه
قسور _ لا حبيبي شلون نعوفك
هيلانه _ لتخلي هيج بالك قسيمي وهسه نروح
نتونس شنو رأيك
هز رأسه بقبول ومسح الدموع الي مجمعه بعيونه
لمن رجعنا اكلوا الجهال وام سامي عينها عليهم
شفت دريد گام ومطول وصاحبي غلست عنه
بس لح گمت بتململ
_ شكو خبصتنا
_ امشي نروح مااريد قسيم ينتبه
_ اوكي ندرايت دامشي گدامه بس سحبني من
خصري وقربني عليه
_ شكو اليوم
_ هم گايلج احب عيونج الحول
_ وسم انت الاحول
_ مشوفيني حبيتج
_ مصدگتك
دفعته عني وكرده فعل ضربته بطنه
هو بسرعه كمش بطنه و غمض عيونه
ملامح وجهه اعتكفت و واضح عليها الالم
_ هلگد متتحمل عضلاتك هلگد كلك
لمن شفته مجاوب ولا سوه رده فعل الكلامي
حجيت بقلق _ شكو شبي بطنك
_ مبي شي بس ميلي من گدامي اروح للحمام
_ لحضه شوفني وين الالم
_ تريدين أنزعلج عيب هنا
_ عزااا بعينك دريد
خليته يشيل أيده ورفع دشيرته شفت بطنه ملفوفه
بشاش واكو دائره صغيره مال دم
_ عزااا العزاني داتنزف
_ يأبه شنو يعني هو جرح صغير
_ ترا الجروح الصغيره تكبر اذا تغلس عنها
وبرأيج شنو الحل دكتورتي
نروح للمستشفى
عليمن ارجع للبيت واضمدها
لا
شنو لا
لا هسه نروح حتى تشوف الجرح حتى لا يلتهب
خايفه عليه !
رفعت راسي اباوعله بضجر
بيا حال انت
بحالچ
تنهدت ومشيت بخطوات سريعه
طلعت من البيت مطول عشر دقائق
واجه ورايه صعدت السيارة بقى واگف
مصدوم انو صعدت بمكانه
_ تريدين سوقين ؟
_ سلامه عيونك شدشوف
_ هيله ترا بعدني بعز شبابي كل شي مشايف من
عمري تريدين تكتليني
_ اذا خلصت بچي خلينا نروح
اني صار فتره اتعلم سياقة وتقريبا
ضبطتها
صعد دريد يمي بس ممقتنع
_ سوقي بس اقل مهلج
_ تمام
بديت اسوق قطعت مسافه زينه لاحضت قسور
ساكت ومو من عادته لتفتت عليه لگيته مرجع
نفسه ع الكشن ووجهه بي حمار طفيف ووجهه
مليان عرق
_ دريد ! ، داحجي جاوبني
همهم بدون ليحجي
_ عزا بعينك صار من الصبح نفتر وانت اكو جرح
بطنك شهالقابليه
وگفت گدام مستشفى
هسه شلون صرت
كلش زين
خابرت عدي حتى يرجعنا
لااااا ، ليش تصرفين من يمج
شبيك قابل انت تودينا بهاي حالتك
يي
عصبت كلش منه وجيت اتعارك ويا بس
اجاني اتصال شلته شفت المتصل بارق
الي تصرفاتهه هاي الايام متغيرة كولش
طلعت من يم دريد وجاوبته
_ هلاو بارق
_ ها ست يمته ناويه تجين
من گال هيج انتبهت للساعه عبرت الوحدة بليل
_ عزا والله ممنتبهه للوقت
_ ليش شعدكم ماخلص العشه الاگشر يعني
_ لا حبيبي مو هيج من ل 7 ونص تقريب
اجينا للمستشفى
_ شكو
_ عنده اصابه وانفتح الجرح وصارت هوسه
_ ما تصلتي ؟
_ والله نخبصت منا هو يگول لتخابرين اهلي
تقلقيهم منا أمه كل شويه داگه واني كل شويه
اتحجج بشي ....
قاطعني و رد
_ غير مسودن هذا ، وهسه شنو اجي اخذج
واهله يجون يحرون بي
_ لا اتصل بعدي هسه راح يجي دانننتظر بس
يوصله لبيتهم اگله يجيبني
_ لا
_ شنو لا
_ ماارتاحله هذا عدي لا ترجعين ويا وحدج
_ لعد شسوي
_ ابقي اليوم يم أخته أغصان مدري شسمها
_ افنان
_ يي هي بأجر من غبشه الله اني يمج
_ ماشي
_ راح اتصل بي هسه
_ تمام براحتك باي
_ نام انت اني هم حروح تصبح ع خير
_ وين ابقي
_ باقيه بلبيت يعني بس حنزل يم افنان
وافنان رجلج ؟
يا شبيك
تعالي
جيت شنو تريد
أفنان وامي مو هنا
وگفت مصدومه وين لعد
يم أقارب النا بغير محافظه
يااااا ،
شفته حرك نفسه متألم
طلعت واني اگول حشوفلك عدي واجي
فتريت بالبيت مموجود مرته هم ماكو رجعت
على عدي
اخوك ماكو
يي رجع لمرته
وين
شمدريني
يرجعون
مااتوقع عدها عرس اخوها
لعد عدي شنو معرس وياهم غير يبقى وياك
مو اول مره .
والله لو بارق و احمد مكانه ميعوفوك ثانيه
مدري
بس والله زين اذا عدي حيروح هسه الاهل مرته
شفصدج شهالنظره
اكول يعني اكو ناس اعرفهم اذا فرغوا يروحون
ملاهي
مارايح للنعل
رفعت إيدي وگلت براءة
مگلت اسمك بس تعرف نفسك شحال لو مشفت بعيوني
چذبي عيونج لان مارايح من زمان
بقى ساكت واني هم سكتت
محتاج شي لو اروح انام
لا بس طفي الضوه
طفيت الضوه وطلعت لغرفه ثانيه فوگ
چانت هوسه كلش لملمت بيها شويه
وتمددت ع سرير عطره قوي كلش
بقيت ساعه مجاني نوم رحت حتى اشوفه اول
مفتحت الباب سمعت صوت وانين شغلت الضوة
دريد دريد بيك شي
خليت إيدي على راسه حرارته جدا مرتفعه
كل الي صار بالي لازم الحرارة تنخفض جبت
مي بارد وخاولي وخليته ع وجهه مره مرتين ....
سته.... عشره .... وهيج لماا حسيتها شوي نخفضت
لاحضت بداء يفتح عيونه شويه شويه وهمس بصوت
كلش هادئ
شكد الساعه
تقريبا بالفجر
شسوين هنا
سلامه فكرك
راسي راح ينفجر كالها وهو يمد ايده على الكماده
يوخرها للمره الألف
لان مريض
انجبي مو مريض
هايي فوگاها دام مو مريض گوم وصلتي الاهلي ممكن
سكت وبقى يباوعلي ركز بيه لدرجه حسيت صرت
اشوف انعكاسي بعيونه بضوح _ مو مشكله راح
ارتاح شويه واگوم اوصلج
ابتسمت اكثر عضيت ع خدي من الداخل امنع ضحكتي
شكله وهو يقاوم نوم يضحك ولطيف لاحضت خله ايده
ع بطنه وجهه بداء ينعقف بألم
اخذت مسكن ومي اخذهم شرب
گعديني
يي تمام تمام
ورا ثلاث ساعات تقريبا ندگ الجرس رحت افتح
لگيته بارق
دخل وگال يالله جهزي نفسج
حجيتله انو هو وحده رد
مراح يموت
بارق خطيه
وهسه شلون ماادري والله شنو نسوي
ابقي
انت هم ابقى يمكن يجون هسه
شسوي كاعد بيت العالم شبيج بويه
يعني شنو
العصر اجي
تمام حبيبي بكيفك
راح واني بقيت افتر الظهر دخلت المطبخ اتصلت
بااروى ماردت اتصلت برسيل ردت سالتها شنو
اسهل شي ممكن اسوي
كالت شوفي اكو دجاج رحت فتحت المجمده لگيت
دجاجه طلعتها انتضرت تنفك وعلمتني شسوي
وگدرت اشويها وشكلها صار مقبول لگيت خبز انقذني
التمن خرب صار معجن
بنص هاي الهوسه حسيت بصوته ورايه
انتي هنا !
لا هناك
والله عبالي اتحلم ، شدسوين
طبخت
طبختيي هي وحده من اثنين لو اني متت واني
بالعالم موازي لو مخليتلي سم بي
واو لتفكر بعد نصيحه
انجبي
باوعتله بطرف عيني وخليت الاكل ع الميز
گعدنا ناكل اني مااكلت حسيت نفسي شبعانه
گد ما شميت ريحه الاكل
ثلاث مطاعم بغداد أحب اكل بيهن الدجاج المشوي
يي ؟
ابتسم وگال
بس هذا اطيب دجاج اكلته بحياتي
صدگ !
وعيونج الحول حبيبتي
باع هذا غيران من عيوني بعدين مو گتلك لا تحجي
وياي
ترا مريض
شنسويلك
قاسيه
دگت تلفونه گام غسل واخذ تلفون يجاوب
طول المكالمة وهو ساكت ابد ما رد لحد ما
وگع تلفون من ايده خرررب مابيه حتى روح
شكوو
أمي .....
يـتـبـع فـي مـا بـعـد .... 👿♟️🎭
الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد
اذا صار خلل مره ثانيه راسلوني بالبوت مال
قناة التلي
وشوف روايه الدخيل
راح يصير تنزيل يوم للدخيل يوم الهيلانا الاسر
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!