تحميل رواية حين تفرقت القلوب بقلم سلسبيل احمد pdf

رواية حين تفرقت القلوب من الفصل الاول للاخير

- خير يا جدو بقالنا كتير متجمعناش اكيد فيه حدث

= فيه موضوع مهم نتكلم فيه وانت و زين اكتر اتنين عاوزكم تركزوا معايا

زين بصله: قول يا جدو

أدهم قال بصوت واطي و سخرية: شكلها مصيبة

- انتوا طبعا عارفين ان عمكم احمد كان متجوز زمان.. ولما اتوفي.. مراته سافرت بره مع اهلها.. والموضوع انتهي لكن انا جالي اتصال وعرفت منه اخبار جديده فاجئتني

وليد: خير يا بابا؟

= ليلي مرات احمد اتوفت.. لكن مش ده الموضوع يا وليد.. ليلي كان عندها بنت من اخوك.. وبسبب المشاكل الى كانت في البيت هنا قررت انها تبعد البنت تماما بعد الطلاق وسافروا ومعرفناش عنهم حاجه ولا حتي فكرت تعرفنا انها كانت حامل

زين بعدم فهم: انا مش فاهم حاجه يا جدو مشاكل مع مين؟ وبنت اي الى خلفتها من غير ما حد يعرف!

عبد العزيز: مش وقته كل ده دلوقتي.. المهم ان الى اتواصل معايا وعرفني كل حاجه والده ليلي مرات احمد الله يرحمه ( جدة البنت )

أدهم برفعه حاجب: وهي جدتها جاية بعد كل السنين دي تقول الكلام ده دلوقتي؟ اشمعنا!؟ اكيد عايزه فلوس!

وليد: قولتلكم محدش يقاطع جدكم!!

عبدالعزيز: انا جمعتكم عشان البنت جاية.. و هتقعد هنا لحد ما نخلص الإجراءات سهير لما اتواصلت معايا طلبت مني نبقي جمب البنت عشان ملهاش حد مش هنقعد بقا نفكر خبوا علينا ليه وكل ده كفاية الوقت الى ضاع!

زين: إجراءات ايه؟ انا فعلا مش فاهم حاجه؟ احنا كده فجأة بقا عندنا بنت عم؟ وهتيجي تقعد معانا

أدهم بأستنكار: أكيد عايزه تربط اسمها بأسم عيلة الجيار!

زين: لو هي بنت عمنا فعلا.. يبقي بديهي يا ادهم..

وليد: متشغلوش بالكم الي جدو عايز يقوله انها كانت لوحدها بره متعرفش حد فا عاوزكم تستقبلوها كويس وتحس اننا عيلتها.. لحد ما نشوف هنعمل ايه

زين بسرعه: هي هتقعد معانا علي طول؟

عبدالعزيز: ربنا يسهل..

>>>>>>>>>>>>>>>>>>>>>>>>>>>>>>>>>>>

|| في مكان تاني | على طياره متجه لمصر ||

- انا مبسوطه اوي يا سهير هانم انك وافقتي اني ارجع مصر !

= وانا اهم حاجه عندي سلامتك يا فريده

- ماما لو معايا دلوقتي.. كان زمانها مبسوطه صح يا تيته؟ هي كانت بتحب مصر

= اكيد ياحببتي.. واكيد هي عارفه دلوقتي ومبسوطه عشانك.

- ربنا يرحمها..

سهير بصتلها بتوتر: كنت عايزه اقولك على حاجه يا فوفو

ضحكت: اممم فوفو؟ يبقي حاجه كبيرة قولي يا سوسو

"نهت كلامها بغمزه.. "

سهير خدت نفسها بهدوء: بصي.. لما نوصل احسن.

- اوكيه.

>>>>>>>>>>>>>>>>>>>>>>>>>>>>>

" فريده وصلت مع سهير و نزلوا في فندق.. وفريده كانت فرحانه اوي ومش مصدقه انها رجعت مصر وأول لما حطوا الشُنط وارتاحو من الطريق سهير قربت عشان تتكلم معاها "

- محتاجين نتكلم يا فريده..

قعدت بتعب: اممم.. قولي بقا

= فيه ناس.. مفروض هنقابلهم كمان كام ساعه

- ناس مين؟ اكيد مش حد معرفه احنا منعرفش حد هنا يعني صح

= تحبي اقولك دلوقتي.. ولا لما نروح

- انا مش فاهمه حاجه يا سوسو انتي موتره نفسك كده ليه؟

" سهير فعلا مكنتش عارفه تقولها ايه فا اختارت انها تسكت.. و ان فريده تعرف كل حاجه بليل "

>>>>>>>>>>>>>>>>>>>>>>>>>>>>

|| بعد ساعات | في فيلا عبدالعزيز الجيار ||

ادهم: هما اتأخروا ليه عايز انزل

وليده بحده: ادهم! بطل ندب

زين بصله: انا متحمس اشوفها

ادهم: تافهه

زين: رخم

" بتوصل سهير هي وفريده و بتكون العيله كلها مستنيا في الفيلا.. "

فريده بتعجب: الفيلا دي جميلة اوي!! مش هتقوليلي بقي هنقابل مين!

- هتعرفي اهو..

" الشغالين دخلوهم لحد جوه واول لما فريده دخلت بصت عليهم عينها وقعت علي زين وادهم ولاحظت شياكتهم و الكاريزما بتاعتهم! وكمان على عبد العزيز و حست قد اي هو حد تقيل و باين عليه القوة والتحكم وشافت وليد وجمبه مراته.. "

عبدالعزيز قرب منها: منوره يا فريده.. اتفضلوا

دخلوا و فريده ابتسمت بعدم فهم: حضرتك تعرفني؟

" عبدالعزيز بص لسهير بستغراب انها معرفتهاش.. وفهم انها مقدرتش فا فكر بحكمه.. "

بص بحنيه لـ فريده عكس طبيعته: مش عارف يابنتي نبدء منين.. قوليلي انتي معلوماتك اي عن والدك؟

فريده حست بوـجع وبصتله: ولا اي حاجه ماما قالت لي هو ماـت قبل ما حتي يشوفني.. بس ليه.؟

- مقالتش اي حاجه تانيه..

= لاء..

قالت بأرتباك: انا مش فاهمه هو فيه ايه؟

- احنا نبقي عيلتك.. احمد والدك كان ابني

فريده افتكرته بيهزر و ابتسمت و بعدين لاحظت الجدية حواليها من الكل فا بصتله بأستيعاب: يعني ايه مش فاهمه؟

عبدالعزيز: الزمن فرقنا زمان.. حصلت ظروف ومتولدتيش وسطنا لكن دلوقتي ادينا اتجمعنا تاني وهنبقي عيلة واحده

- عيلة اية لحظه واحده!!

بصت لسهير: دول عيلة بابا؟؟ انا عندي عيلة!!

"سهير سكتت فا فريده بصلتها"

دموعها نزلت: يعني اي يا تيته؟

عبدالعزيز: انا ابقي جدك.. و الى هناك عمك و دول ولاد عمك.. وباقي العيلة هتتعرفي عليها بعدين..

سهير بحزن: الظروف مسمحتش اني اقولك قبل كده بس دول اهلك انتي مش وحيده زي ما كنتي فاكره يا فريده

ردت بتدهشه: يعني ايه ها؟ يعني ايه!! فجأة كده دول عيلتي ؟ طول السنين دي كانو هنا؟؟ وماما؟ ليه ماما معرفتنيش !! ليه كنا بعيد؟؟ انا مش فاهمه حاجه هو ده بجد؟ جاية تقوليلي دلوقتي!! طب هي مش موجودة عشان اسألها عملت كده ليه؟؟ لكن حضرتك.. جاوبيني

سهير قربت منها بخوف عليها: فريده! فريده اهدي

الظروف خلتنا نعمل كده غصب عننا الدنيا فرقتنا

" فريده بصتلها لأول مره بنظره كأنها متعرفهاش و رافضه تصدق الى بيحصل "

" عيونها راحت ناحيه عبد العزيز وكلهم باصين على بشفقه وفي اللحظه دي فريده جريت ناحيه الباب فتحته وخرجت جري سهير كانت هتجري وراها لكن عبدالعزيز وقفها و زعق "

- حد يلحقها !! متعرفش حاجه هنا !

" زين جري بسرعه بدون تفكير و محدش عارف يستوعب الى بيحصل "

" فريده فضلت تجري وهي متعرفش رايحه فين لحد ما زين ظهر قدامها بعد لما لحقها "

- استني !! اقفي

وقف قصادها فا بعدت بغضب: ابعد عني مش عايزه حد معايا ابعد

= مينفعش تمشي لوحدك بليل وانتي متعرفيش حاجه هنا!! ارجعي معايا!

كان واقف قصادها فا وقفت وهي بتتنفس بسرعه وبتعيط وبدأت تتكلم بنرفزه: انا كل ده فاكره اني وحيده!! وقاعده هناك بالعافيه ومستحمله عشان معنديش هنا !!! وياما قولت لها رجعينا مصر أحسن قالتلي لاء !!! حتي لو زياره كانت دايما بترفض بطريقة غريبة وانا اقول عادي مع اني حاسه ان فيه حاجه غلط بس كنت واثقه فيها !! وفالاخر !!!! كل ده كدب !!!!

" زين اتفاجئ تماما من كل الى خرج منها ولاحظ ان عندها عصبيه مفرطه وشها كان احمر ومتنرفزه اوي "

بدء يتكلم بهدوء: اهدي تعالي نرجع و

قاطعته: مش هرجع !!!

= خلاص اهدي.. خليني انا معاكي

- انا مش محتاجه لحد معايا!!!

= صدقيني انا فاهمك! فاهم شعورك

- متقوليش الكلمه دي انا بكرها !!!

زين اتفاجئ من عصبيتها: طب خلاص اهدي اهدي! مش هقول حاجه خالص تعالي معايا وهفضل ساكت

= اجي فين!!

- مش هنروح الفيلا متقلقيش.. تعالي

"بصتله وسكتت فا كمل كلامه"

- مش هتندمي اوعدك.. تعالي معايا

"مسحت وشها ومشيت وراه بزهق فضلوا يتمشوا شوية"

>>>>>>>>>>>>>>>>>>>>>>>>>>>>>>>>

|| في الفيلا ||

- بقولك يا بابا انا نازل

وليد: مش وقته يا زين اقعد

" زين قلب عينه بملل واستغل انشغالهم وخد مفاتيح عربيته وخرج "

سهير: انا قلقانه اوي عليها!

عبدالعزيز: متخافيش اكيد زين بيهديها وهيرجعوا..

" بص بعينه ملقاش أدهم موجود فا اتنهد بصمت"

>>>>>>>>>>>>>>>>>>>>>>>>>>>>>>>>>>

- هاه الايس كريم عجبك؟

= اه thanks (شكرا)

- مش عايزه تدوقي بتاعي

= لا بقرف

- الله يكرم اصلك

فريده ضحكت على تعبيرات وشه: انا آسفه.. عشان زعقت في وشك انا مش كده.. انا بس متلخبطه ومتفاجئه وانا بكره المفاجات

بصلها واتنفس بعمق: انا عموما مبسوط ان طلع ليا بنت عم بعيدا عن انك نرفوزه شوية

بصت قدامها بحزن: لو تيته مكدبتش عليا كنا هنبقي عارفين بعض من واحنا صغيرين كانت كل حاجه هتبقي مختلفه

- اكيد مكنش قصدها

= هو ..

"فريده مكنتش قادره تنطقها"

= هو جدك يعني.. ممكن يبقي كان عارف؟ ومكنش عاوزني؟

- لا لا! أكيد مكنش يعرف.. انتي من حقك تفهمي كل حاجه اقعدي معاهم واتكلموا و جدو من اول لما عرف وعرفنا وانا حاسس بشعوره هو مبسوط خصوصا ان العيله كلها رجالة انتي البنت الوحيده دلوقتي

= بس انا مش قادره اتكلم مع تيته مش عايزه ارجع

- شكلك ناوية تبيتينا في الشارع

= انت اسمك ايه؟

- زين..

= اسمك حلو زي ابطال الروايات

ضحك: وانتي اسمك يشبه الأميرات

"ابتسمت وسكتنا.. اطمنت نوعا ما.. وبقيت احسن "

" بعد شوية قالي انهم بيكلموه عشان نرجع.. فا رجعنا قولت لهم اني مش قادره اتكلم في اي حاجه وجدو اصر نبات ومنرجعش الفندق فا فضلنا.."

" تيته حاولت تتكلم معايا.. لكن مقدرتش و مثلت اني نمت لحد ما هي نامت فضلت كتير بفكر وعقلي مش راضي يسكت فا سبت الأوضة و نزلت

كان تقريبا الكل نايم.. "

>>>>>>>>>>>>>>>>>>>>>>>>>>>>>>>>

|| في مكان تاني | وسط بار كبير ||

" صوت مزيكا عالي و دوشة و هيصه "

- انا مروح يا شباب فل اوي كده

= على فين يا ادهوم ما بدري

- يادوبك يا سيف عندى شغل بكره

= حلاوتك وانت مركز على كله

"نهي كلامه بغمزه"

ادهم ضحك: اهي عين امك دي الى بطير البنات مني

- يعني مش عشان البت قفشتك مع واحده غيرها

= حل عني بس وانا اصاحب عشرة مع بعض.. يلا سلام

" خد الجاكيت وحاجته فـ ايده وخرج.. كان حاسس انوه دايخ شوية من الشرب.. فا اشتري قهوه وكان بيشربها وهو سايق فا ادلقت عليه "

- اوبا.. عملت حمام يا ادهم..

" ضحك ببلاهه وكمل سواقه بالعافيه لحد ما وصل الفيلا وساب العربية للبواب يركنها كالعاده دخل براحه اتفاجئ بالنور شغال ولقي فريده خارجه من المطبخ وكانت لابسه بيجامه وماسكه ازازة مياه بتشرب اول لما شافته اتخضت "

- انت مين !!!

ادهم قرب ناحيتها: ششش اي صوتك ده ؟؟ وطي صوتك بعدين انتي الى بتعملي اي هنا ؟

فضلت بصاله بستغراب فا بصلها بغرور: ايه مش عرفاني!

- لا مش عرفاك!

بص لعينيها باستقامه وقال بهدوء: ادهم يحببتي.. ادهم الجيار.

"نهي كلامه بأبتسامه صفرا"

فريده كانت متنحه وفاقت: اه.. ابن عمي التاني...

ضحك بسخريه: ابن عمك؟ ومالو.. مع ان الموضوع فيه حاجه غلط.. بس افرحي شوية اني ابقي ابن عمك

بصتله بنرفزه: انت قصدك اي بكلامك ده!

- قصدي واضح! تفتكري لو انتي مكاني وفجأة ظهر شخص غريب بيقول انا ابن عمك و من عيلتك و كمان ترجعي تلاقيه واخد راحته في بيتك

بصلها من فوق لتحت: بالبيجامه!

فريده بصت على منظره بعصبيه: انت فاكر اننا هنألف !! انا مكنتش اعرف اي حاجه!! محدش فينا كان يعرف!!

رد بسخريه: اه تفتكري فيلم انك اتفاجئتي ده هيدخل علينا يعني!

بصتله بنفس نظره السخرية وضحكت: هو انت مش شايف شكلك عامل ازاي ولا اية !! انا ميشرفنيش اصلا ابقي قريبتك ولا في حاجه تربطني بيك فرق السما و الارض بيني.. وبينك.

" سابته ومشيت و ادهم اتعصب جدا ومش مصدق ان حصل و واحده كلمته بالطريقة دي لا وكمان لسه ميعرفش عنها حاجه..! "

بص على هدومه وضيق عينه بمنتهي الغضب: صح.. اه.. ماهي معاها حق.. اي القرف الي انا فيه ده..

"قلع الجاكيت و رماه بعصبيه"

" أدهم مكنش عارف يسيطر علي اعصابه فا طلع وراها و وقف قصادها قبل ما تدخل الاوضة ومسك ايدها "

فريده مدتوش فرصه يتكلم وصْربته بالقلم و..

↚

- انت مين !!!

ادهم قرب ناحيتها: ششش اي صوتك ده ؟؟ وطي صوتك بعدين انتي الى بتعملي اي هنا ؟

فضلت بصاله بستغراب فا بصلها بغرور: ايه مش عرفاني!

- لا مش عرفاك!

بص لعينيها باستقامه وقال بهدوء: ادهم يحببتي.. ادهم الجيار.

"نهي كلامه بأبتسامه صفرا"

فريده كانت متنحه وفاقت: اه.. ابن عمي التاني...

ضحك بسخريه: ابن عمك؟ ومالو.. مع ان الموضوع فيه حاجه غلط.. بس افرحي شوية اني ابقي ابن عمك

بصتله بنرفزه: انت قصدك اي بكلامك ده!

- قصدي واضح! تفتكري لو انتي مكاني وفجأة ظهر شخص غريب بيقول انا ابن عمك و من عيلتك و كمان ترجعي تلاقيه واخد راحته في بيتك

بصلها من فوق لتحت: بالبيجامه!

فريده بصت على منظره بعصبيه: انت فاكر اننا هنألف !! انا مكنتش اعرف اي حاجه!! محدش فينا كان يعرف!!

رد بسخريه: اه تفتكري فيلم انك اتفاجئتي ده هيدخل علينا يعني!

بصتله بنفس نظره السخرية وضحكت: هو انت مش شايف شكلك عامل ازاي ولا اية !! انا ميشرفنيش اصلا ابقي قريبتك ولا في حاجه تربطني بيك فرق السما و الارض بيني.. وبينك.

" سابته ومشيت و ادهم اتعصب جدا ومش مصدق ان حصل و واحده كلمته بالطريقة دي لا وكمان لسه ميعرفش عنها حاجه..! "

بص على هدومه وضيق عينه بمنتهي الغضب: صح.. اه.. ماهي معاها حق.. اي القرف الي انا فيه ده..

"قلع الجاكيت و رماه بعصبيه"

" أدهم مكنش عارف يسيطر علي اعصابه فا طلع وراها و وقف قصادها قبل ما تدخل الاوضة ومسك ايدها "

"فريده مدتوش فرصه يتكلم وصْربته بالقلم و.. شالت ايده من عليها بقوة اما أدهم فا كان وصل لقمة غضبه وقبل ما يقرب منها بيجي زين بسرعه يلحقه لأنه شاف الموقف من بعيد"

ادهم بزعيق: ده انتي نهارك اسود !!! انتي مجنونه !! انا هوريكي ازاي تعملي كده

- انت الى مجنون لو فاكر انك هتمد ايدك وهسكت

= والله ما هسيبها !!!

زين: بس !! بس يا ادهم اسكت !!

" الأنوار اتفتحت و الكل كان بيخرج من اوضته بخضه على صوتهم "

وليد: ايه الى بيحصل هنا؟؟

عبدالعزيز خرج بأنزعاج: فيه اييييه؟

لاحظ وجود ادهم فا بصله: وايه منظرك ده ؟؟

فاطمه: ما ترد يا ادهم ايه مبهدلك كده !!! وفيه ايه!! صوتكم عالي ليه

زين وهو بيحاول يلم الموضوع: مفيش حاجه يا ماما سوء تفافم مش اكتر

سهير: انتي كويسة يا فريده!!

زين: هي بس اتخضت منه.. وافتكرته حد غريب ملحقتش تتعرف عليه فا لما شافته زعقوا مع بعض مش كده يا فريده!

زين بصلها بمعني هدي الموضوع وهي اتنهدت بنفاذ صبر: اه.. مختش بالي انوه كان موجود و اتفاجئت بيه قدام اوضتي فا اتخضيت

" قالت جملتها بسخريه عشان تستفزه فا قبض ايده وهو بيبصلها بتوعد.. "

عبدالعزيز: طب يلا كل واحد على اوضته.. اتفضلوا

" كل واحد راح اوضته وزين شد ادهم معاه "

>>>>>>>>>>>>>>>>>>>>>>>>>>>>

|| في غرفة أدهم ||

- ما تقعد بقا وتلم الحوار فيه ايه !!!

= واد انت !!! انا عفاريت الدنيا بتتنطط قدامي !!

- انت الى غلطان مالك بيها !! وبعدين ايه الى عامله في نفسك ده ؟؟ ده منظر ؟

= هو كل الى هيشوفني هيقولي اي ده !!!

- ايوه كنت فين وبهدلت نفسك كده

= انت مالك يا زين ؟؟ مش واخد بالك يحبيبي اني انا ذات نفسي الكبير و مش بسألك الاسئلة دي ؟؟

- ياريت انت تاخد بالك يا أدهم!!! ان انت الكبير فا مفروض تاخد بالك من تصرفاتك اكيد روحت البار تاني .. تاني اي!! ده للمره المليون

= زين.. اطلع بره عايز انام

- انت هتفضل تتهرب ؟

= عندي زفت بكره الصبح عايز اتخمد اخرج !!

" زين خرج و سابه بعصبيه "

>>>>>>>>>>>>>>>>>>>>>>>>>>>>>>>>>

صلي على محمد

|| في غرفة فريده و سهير ||

- حببتي انتي مضايقه من حاجه

فريده بتجاهل: لا.. تصبحي على خير هنام

" سهير اتنهدت بقلة حيلة و ندم.. عارفه ان فريده مش هتقدر تعدي الموضوع بسهوله وهتفضل زعلانه لكن بالنسبالها حتي لو هتفضل زعلانه المهم تبقي في أمان "

|| تاني يوم الصبح | وقت الفطار ||

" معاد الفطار معروف فا كله كان نازل في المعاد عبدالعزيز بعت حد من الشغالين يعرف فريده و سهير عشان ينزلوا.. والكل اتجمع على السفرة "

وليد: كنت فين امبارح؟

أدهم: كنت بخلص حاجات تبع الشغل

وليد: اه.. شغل بس؟ يعني مخرجتش؟

ادهم: وخرجت شوفت صحابي معتقدش فيها حاجه..

عبدالعزيز: نتكلم بعد الأكل

↚

"كملوا اكل وسط نظرات أدهم النارية ناحيه فريده.."

زين: انا خلصت أكل هاروح الكلية عشان متأخرش

عبدالعزيز: استني يا زين.. عاوزك تاخد فريده معاك عشان تشوف الجامعة

بص لفريده: انا عارف ان فاضلك سنتين دراسة تقدري تروحي تشوفي الجامعه الى زين بيدرس فيها ولو ارتحتي هنقدم ورقك هناك عشان تلحقي الترم

" فريده كانت متوتره.. مستغربة انهم بيتعاملوا كأنهم عايشين مع بعض من سنين.. وهي لسه حتي محدش فهمها اي حاجه..!! وحاسه ان ملهاش رأي"

- تمام هطلع اغير..

أدهم قام: و انا هسبقكم على الشركه يا جدو بعد اذنك

عبدالعزيز: استنوا كلكوا.. انا عزمت باقي العيلة بليل هنتعشي سوا.. عشان يتعرفوا بـ فريده غياب اي حد مرفوض اظن واضح..

وليد: اكيد يا حبيبي كلنا هنبقي موجودين

" اتنفست بصعوبة بسبب الضغط الى جوايا كمان هتعرف على باقي عيلتي فجأة كده ومعرفش هيتقبلوني ولا هيبقوا زي ادهم ده !! بس هعمل ايه؟؟ طلعت غيرت عشان اروح مع زين ونزلنا.. "

>>>>>>>>>>>>>>>>>>>>>>>>>>>>>>>>

|| في مجموعه الجيار للمؤتمرات ||

" بيوصل أدهم الى بمثابة النجم الساطع في الشركة وبعدين بيدخل وليد مع عبد العزيز كل واحد بيروح مكتبة و يبدء يشتغل وبعد ساعه عبدالعزيز بيبعت حد بيطلب أدهم لمكتبة "

- ادهم باشا ياتري عملت ايه جديد

= مش فاهم

- البوص طلبك

= جدو؟

- اه عايزك حالا

= أخبارك زي وشك يا مصطفي طول عمرك

ضحك: مش كنت بتصيع امبارح اشرب

- انت الى فتنت عليا ولا ايه

= فتنت على مين بس.. الواد حازم منزل الصور فكل حتة يابني

- الله يخربيتك يا حازم..

" أدهم سابه وخرج يروح عند عبدالعزيز "

*طق طق طق*

" خبط ودخل "

- خير يا زيزو ؟

= ولد؟ قولتلك قبل كده بلاش الكلام ده

ابتسم وقعد: عبدالعزيز بيه الجيار.. حضرتك محتاج مني حاجه؟

- اه.. كل بعقلي حلاوة كل .. فيه مؤتمر في شرم الشيخ عاوزك تنظمه وتشرف عليه وتخلي بالك اوي لأن هيحضره رؤساء وناس مهمه هنتكلم في التفاصيل وقت الاجتماع.. بس ده الورق شوفه دلوقتي

= هو ده مؤتمر ايه؟

قلب في الورق فا بصله: يوووه مؤتمر طبي برضو..

- ايوه

= تؤ.. مش تشوفلنا حاجه كده فيها مزز ولا خلاص هبقي الاقي انا بمعرفتي هناك

بصله بحزم: ادهم! انا مش عايز مسخره ! عايزك تركز في شغلك مفهوم؟

بصله: بذمتك انا مش مركز؟ هو انا فيه زيي؟ دي الشركه من غيري تحْرب

- اهو ده الى انت فالح امشي على مكتبك يلا اخرج

" ضحك وخرج عبدالعزيز مكنش عارف يعمل اي معاه خصوصا ان محصلش قبل كده فعلا وأثر في شغله.. دايما موجود وشاطر.. "

>>>>>>>>>>>>>>>>>>>>>>>>>>>>>>

|| في الجامعه | كلية الطب ||

- ها ياستي اي رأيك بقا ؟

= تحفه بجد.. انت كده وصلت كليتك؟

- اه.. انا كلية طب فاضلي سنتين برضو زيك واتخرج.. انتي كنتي بتدرسي ايه بره؟

= بيزنس

- اممم حلو.. ادهم برضو متخرج من بيزنس و كان في الجامعه هنا

= متسدش نفسي من الكلية بقا!

بصلها بأدراك: انتوا اية الى حصل بينكم امبارح صح!! انا جيت وانتي بترزعيه قلم.!

- لأنه يستاهل

= أدهم ده عمر ما حد كح في وشه

- هو الى ضايقني قعد يقولي كلام اههـ.ـبل وفالاخر طالع يكمل خناق معايا عند الأوضة و.. و عصبني !

= متزعليش نفسك هو كده بينكش طول الوقت.. بعد الكلية نكمل كلام.. انا كلمت السواق مستنيكي بره

- اوكيه مع السلامه

" اتمشيت ولقيت بنتين ماشيين سوا واتفاجئت انهم بيتعرفوا عليا "

- هاي.. انتي معانا هنا؟

= لا..انا.. انا لسه هقدم

- شكلك مش سنه اولة اكيد بتحولي كنتي في جامعه؟

= انا أ..

البنت التانيه اتكلمت بعفوية: مش مهم مش مهم اسمك ايه؟

- فريده..

= انا ساره.. و هي جنى طالما انتي جديده بقا يبقي لو عوزتي اي حاجه كلمينا هاتي رقمك

" كتبت رقمي على موبايلها و رنت عليا فا سجلت ارقامهم "

- احنا كلية هندسة اخر سنه وانتي؟

= انا بيزنس رايحه سنه تالته

" وبعد ما اتكلمنا شوية مشيوا وانا خرجت ركبت العربية الى هتوصلني الفيلا ولما دخلت لقيت تيته قاعده شكلها كان مستنيني.. "

- حمدالله على السلامه يا حببتي.. الجامعه كويسة؟

قعدت قدامها وبصتلها: في يوم وليلة خلاص هستقر هنا وسط اهلي و في بلدي زي ما كنت بتمني طول الوقت وفكراه مستحيل؟ سبحان الله..

= فريده..

- متقوليش حاجه يا تيته مش مهم مفيش اي حاجه هتقدر تخليني اعدي الى حصل ده.. الاحسن اننا منتكلمش..

" اتفاجئت انها سكتت.. انا قولت مش عايزه اتكلم لكن انا محتاجه افهم.. هو طبيعيي اني اتصرف زيهم كأني مفيش حاجه حصلت؟ "

>>>>>>>>>>>>>>>>>>>>>>>>>>>>>>>>>>

استغفروا

" طلعت وكنت رايحه اوضتي اتفاجئت بـ اوضة بابها مفتوح ولفت نظري بوستر على الحيطه لفيلم بحبه بصيت يمين وشمال مكنش فيه حد فا دخلت الأوضة الوانها كانت ازرق غامق في اوف وايت وكانت حلوة اوي..! عيني راحت على كل التفاصيل لحد ما شوفت صور كتير على الحيطه واكشتفت انها اوضة أدهم.. صوره وهو بيغطس.. وهو راكب موتسكل.. و صور كتير عشوائية و مجـ.ـنونه.. ونص الصور مع بنات! أكيد يعني متوقع.. تعمقت اكتر ومسكت هدومه عجبني الجاكيت الى مسكته.. لاحظت انوه لابسه في كذا صورة من بتوعه اكيد بيحبه.. "

- حلو الجاكيت مش كده ؟ عجبك ؟

"بصيت ورايا بسرعه لمصدر الصوت"

↚

" بصيت يمين وشمال مكنش فيه حد فا دخلت الأوضة الوانها كانت ازرق غامق في اوف وايت وكانت حلوة اوي..! عيني راحت على كل التفاصيل لحد ما شوفت صور كتير على الحيطه واكشتفت انها اوضة أدهم.. صوره وهو بيغطس.. وهو راكب موتسكل.. و صور كتير عشوائية و مجـ.ـنونه.. ونص الصور مع بنات! أكيد يعني متوقع.. تعمقت اكتر ومسكت هدومه عجبني الجاكيت الى مسكته.. لاحظت انوه لابسه في كذا صورة من بتوعه اكيد بيحبه.. "

- حلو الجاكيت مش كده ؟ عجبك ؟

"بصيت ورايا بسرعه لمصدر الصوت لاقيته ادهم! "

" فضلت مبلمه ومتوتره فا قرب ناحيتي "

- مش معقول نصابة وحراميه كمان؟

بصتله بدهشه: ايه! بتقول ايه انت مجنون!

ابتسم: انا الى مجنون؟ بتعملي ايه في اوضتي؟

= ءء.. أنا

" أدهم كان عاجبه توترها فا قرب منها اكتر و بص لعينيها و فريده فضلت بصاله بصمت وللحظه ادركت مدي قربهم فا حطت الجاكيت في ايده وبعدته عنها "

- انا خارجه

" لكن قبل ما تخرج وقف قصادها ومسك ايدها"

= على فين! متخليكي

فريده بتحذير: سيب ايدي!! ولا عاوزاني اصْربك تاني!

ضحك بأستفزاز: عجبك اوي انك صْربتيني بالقلم؟ طب تعرفي بقا اني مش بسيب حقي خالص؟

" فضلت تشد ايدها فا راح مسك ايدها التانيه وبقي شبه مكتفها ومقربها منه "

- سيبني بقولك بطل تحْلف و متقربش!!

= مقربش؟! ههه غيرك بيتمني ابصله

اتكلمت وهي بتزقه: انا مش زي غيري

= البنات كلها زي بعض!

بغضب: طب سبني ! اوعي عشان مناديش جدو !

= جدو؟؟ انتي بجد مصدقه نفسك؟ ولا فاكره اننا مصدقينكم اصلا! فجأة كده هيطلع لنا واحده من عيلة الجيار وتخش وسطنا بسهوله؟ ولا انتي شكلك مش عارفه! احنا بنعمل تحليل DNA لسه عشان نتأكد! و موقفك هيبقي وحش اوي لما النتيجه تطلع

انصحك تجري من دلوقتي

"فريده بصتله بصدمه وعيونها دمعت"

- يعني ايه؟ تحليل ايه! و ازاي! انت كداب

"ساب ايدها وبصلها بشفقه"

= لا مش كداب تحليل بالعينه.. الكوباية الى كنتي بتشربي منها.. و زمان النتيجه هتطلع انهارده و شوية وتبقي بره الفيلا

" مكنتش مصدقه هو قد اي شخص مهزق!! خرجت من الأوضة في هدوء وانا بمسح وشي ودموعي نازله ورا بعض و مكنتش عارفه اروح فين دورت على تيته و لاقيتها تحت لسه قاعده "

- فريده؟ مالك يحببتي

= احنا لازم نتكلم دلوقتي!

" طلعنا الاوضة وانا حاولت اتمالك اعصابي "

- اظن ان من حقي افهم !

= اكيد.. عايزه تعرفي ايه يا فريده

- حضرتك فهميني! ازاي بعد 22 سنة تظهر عيلتي في حياتي واظهر انا في حياتهم ليه فضلتي كل ده مخبيا عليا؟؟ ليه اصلا ماما خبت عليا! وليه مشينا!

= الموضوع مش كبير زي مانتي متخيله يا فريده! الى كبير الكدبه واننا خبينا عليكي.. لكن الموضوع كله بسيط .. هو بس كبر مع الوقت

- تمام!! قوليلي!

= كانت فيه مشاكل زمان في البيت هنا امك مقدرتش تتحملها لانهم كانوا عايشين كلهم في البيت و خافت عليكي بعد موت والدك فا لما عرفت انها حامل اختفت وخلفت بعيد عنهم! وعشنا هنا في مصر ست سنين وبعدين سافرنا وكملنا باقي حياتنا بره عشان كان اوردي لينا مكان لأن جدك حسين كان بيشتغل بره ومكناش اول مره نسافر فا المره دي سافرنا بيكي واستقرينا هناك اريح

- لحظه بس انا مش فاهمه حاجه!! مشاكل مين! ومين خلاه ماما تفكر تمشي بيا وتبعد للدرجه دي

= جدتك الله يرحمها كانت دايما في مشاكل بينها وبينها ليلي.. و هي محبتش ده يستمر لما تتولدي كانت عاوزاكي تعيشي حياة هاديه.. وكانت فاكره انوه ده احسن ليكي

- وبعد كل السنين دي يا تيته جاية دلوقتي تعرفيهم؟ وتعرفيني؟؟ بعد كل ده !!! اشمعنا ؟

ردت بعياط: عشان احنا ملناش حد! وانا شوفت انتي قد اي كنتي وحيده بعد ليلي بنتي الله يرحمها فقدتي والدك قبل ما يشوفك! وكمان فقدتي امك كنت مقرره اربيكي لوحدي وفاكره ان ده احسن لكن اكتشفت ان الأحسن تبقي في مصر.. و وسط عيلتك انا لو جرالي حاجه هتعملي ايه لوحدك!!

بصتلها وانا كمان بعيط وحضنتها: تيته متقوليش كده!!

- عشان خاطري يا فريده اوعي تزعلي مني او من ليلي الله يرحمها و صدقيني انا مكنتش عارفه اتصرف وخايفة من كل حاجه.. خايفه جدك ميتقبلش الموضوع لما اكلمه وحاجات كتير!! بس ميبقاش عندك ذرة شك واحده اني عملت كده غير عشان مصلحتك

" بصتلها وانا بفتكر التحليل الى بيعملوه.. و اضايقت و لاقيت اني لازم اتكلم مع جدو.. لكن الأول طمنت تيته اني مش زعلانه واتفاهمنا.. هي ضحت كتير عشاني!! وخلت بالها عليا بدأت احاول اتقبل الموضوع لكني كنت محتاجه اتكلم مع جدو ضروري..!"

>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" خرجت بره و لقيت زين قدامي "

- ايه الاخبار رايحه فين؟

= عايزه أشوف... عايزه اشوف جدو..

- اوديكي؟

= اه ممكن!

- أكيد تعالي

" ركبنا العربية و كنا ساكتين اغلب السكه لحد ما قطع الصمت "

- ادهم عمل حاجه تاني؟

= عرفت منين.؟

- اخويا وعارفه

- انتوا ازاي اخوات مش قادره افهم

ضحك: انا سمعت الجملة دي كتير اوي

- انا بتكلم جد! ده لا يطاق وفظيع اسفه يعني

ابتسم وبصلي: ولا يهمك فاهمك بس الى محدش يعرفه انوه من جواه طيب و حد تاني غير الى ظاهر يعني

= طبعا ما هو اخوك بقا لازم تبطله

- ايه؟

= تبطله

- انتي قصدك اطبله ؟

= ايوه ايوه.. جايه من طبله

- فريده انتي اتعلمتي عربي ازاي اصلا!

= ماما الله يرحمها وتيته.. وكنا قاعدين هنا ست سنين قبل ما نسافر

- ايوه بس ازاي لسانك متعوجش

ابتسمت: مكنتش عاوزاه يتعوج كنت بكلم مصريين كتير اوي وكان فيه مصريين جيرانا بره.. كنا بنقول امثال وحاجات من دي عشان منحسش اننا متغربين.. بس برضو يعني العيشه في مصر غير

- مصر احلي؟

↚

= اكيد يا زين

- انا عن نفسي كنت عايز اسافر موت.. وادرس طب بره واكمل حياتي بره بس جدك رفض و بابا وماما طبعا فا قعدت بقا

= صدقني هنا أحسن..

- يلا الحمدلله.. احنا وصلنا أهو

>>>>>>>>>>>>>>>>>>>>>>>>>>>>>>>>

صلي على محمد

|| في قسم الرؤساء ||

" من اول لما دخلنا الشركه وانا مبهوره بتفاصيلها.."

وليد: زين؟

بصلي: ازيك يا فريده

= الحمد الله

بص لزين: بتعملوا اي هنا؟

زين برسميه: ممنوع الكلام في أمور عائلية دلوقتي

- هي فين الأمور العائلية دي

= مش بتقولي رايح فين بصفتك بابا.. وهنا في الشركه مفيش بابا والجو ده

- لا تمام بصفتي بقا رئيس مجلس إدارة الشركه فا اطلع بره بدل ما اناديلك الأمن

"ضحكت على طريقتهم سوا وحبيت علاقتهم اوي"

= خلاص خلاص جايين نمسي على جدو بس

- ماشي يخويا

" خبط ودخلنا مكتب جدو الى اتفاجئ بوجودنا كان معاه حد وطلب منه يخرج وقعدنا "

عبدالعزيز: استاذ زين بنفسه في الشركه؟ ايه رجعت في كلامك وجاي عايز وظيفه

زين ضحك: ياجدو بقا قولنا انا دكتور ابعدوني عن شغلكم ده

عبدالعزيز: انت تطول يا ولد؟

زين: ما علينا.. فريده طلبت تشوف حضرتك فا جبتها هخرج بقا امسي على الواد مصطفي

" اتفاجئت انوه زين متربي عشرين مره.. لأني كنت محتاجه جدو لوحدنا وهو عمل ده من غير ما اطلب حتي.. "

عبدالعزيز ابتسم لها بود: انا عارف اني مقصر معاكي يا فريده بس عشان كده عملت تجمع انهارده

- هو مش ده الموضوع.. حضرتك

" معرفش ليه مقلتش له جدو! "

بصلي بأستفهام فا اتشجعت: هو حضرتك فاكر اننا بنضحك عليكم؟

- مش فاهم يا حببتي ؟ تقصدي ايه

= انا عارفه ان حق حضرتك تتأكد بس.. يعني..

عبدالعزيز ساب المكتب وقام قعد قصادها: مبدئيا قوليلي يا جدو بلاش حضرتك دي انتي حفيدتي الوحيده حتي وكملي كلامك وفهميني متقلقيش من حاجه بس فهميني لأني مش فاهم فيه ايه مضايقك

- موضوع التحليل

= تحليل ايه يا حببتي؟

- التحليل الى حضرتك بتعمله عشان تتأكد اني بنت جلال.. بابا انا عارفه انوه ده من حقكم تتأكدوا لو انا فعلا بنته بس مش بالطريقه دي كان ممكن تعرفوني

عقد حواجبه واتمني لو الى بيفكر فيه غلط: انتي جبتي الكلام ده منين يا فريده؟

= أدهم قالي..

"بلع ريقة وهو بيحاول يهدي و ميتنرفزش"

- ادهم قالك اننا بنعمل تحليل عشان نتأكد؟

= اه

- الكلام ده أكيد محصلش يا حببتي ادهم بينكشك مش اكتر دي شخصيته وانا عارفه و أكيد موضوع الشد الى حصل بينكم امبارح عصبه فا دي طريقته في الرد مش أكتر! وانا ليا كلام معاه..

لكن تحليل ايه وكلام فاضي! انا عمري ما هشكك في جدتك بعدين جلال الله يرحمه هنعمل تحليل ازاي من غير عينته هو؟؟

= مش العينه بتتاخد من الجــ.ـثة..

- مش محتاج اعمل كل اللفه دي لأني متأكد انا مش عبيـ.ـط.. جدك عنده 68 يعني رايح للسبعينات بعدين بقا غير كل ده.. انتي فيكي شبه من جلال

بصتله وانا عيوني بتلمع وضحكت: بجد يا جدو!!

ابتسم بحنان: اه يا حبيبه جدك..

" الباب خبط وزين دخل "

- ايه اجيب لمون؟

عبدالعزيز: يلا برا يا ولد

= انت هتخليها معاك ولا ايه

- اه عاوزاها معايا روح انت

= اية ده بجد

- الله هنهزر؟ هجيبها معايا وانا جي بليل

" وفعلا زين روح وانا فضلت مع جدو فضل يحكيلي حاجات كتير كان عاوز نقرب من بعض طلع بيحبني اوي! وجالي فضول اسأل عن الشغل وفضل يفهمني بحماس.. لحد ما بقينا بليل وكنت تعبت شوية وهو خلص شغل فا خرجنا انا وجدو و عمي وليد "

>>>>>>>>>>>>>>>>>>>>>>>>>>>>>>>>>

" وصلنا ولما دخلت الفيلا شوفت كذا عربية في البارك عرفت ان اغلب العيلة وصلوا و لما دخلنا لقيت اتنين بس الى جداد عليا قعدنا وجدو بدء يعرفني بيهم وهو فخور بيا.. وكنت شايفه أدهم مش على بعضه..! "

- طبعا فريده اتعرفت علينا في البيت فاضل عمتك هبة و ابن عمتك يوسف

" سلمت عليهم ومحستش عمتي مبسوطه معرفش او يمكن شخصيتها كده "

عبد العزيز: و مفروض كانت تيجي عمه تانيه ليكي بس هي معرفتش هي قاعده في دبي مع جوزها وعيالها لكن ان شاءالله تنزل قريب وتتعرفي عليها وبس كده.. دي كل العيلة من الدرجه الاولى.

"ابتسمت ناحيه عمتو وابنها الى كنت حساه قدي"

= مبسوطه اني اتعرفت عليكوا..

"تيته سهير كانت جمبي وبطمني و كمان زين"

هبة: وانتوا كنتوا فين طول السنين دي؟

وليد: احممم المهم انهم رجعوا بالسلامه

يوسف: هتقعدوا هنا علطول!؟

عبدالعزيز: اه طبعا.. انتوا كلكوا عارفين الفيلا هنا مفتوحه لأي فرد من عيلة الجيار

" أدهم كان عمال يفرك لحد ما وصلته رسايل والباب خبط راح فتح و رجع لهم تاني "

وقف وسطهم: و هي بقا مش من عيلة الجيار زي ما كنت متخيل بالظبط

الكل بصله و عبدالعزيز رد بأنزعاج: ادهم !!

- امسك يا جدو شوف التحاليل!!!

زعق: تحاليل ايه و زفت ايه !!

أدهم بدهشه: مش عاوز تشوفهم!!! تمام..

راح ناحيه زين وحط الورق في ايده بأندفاع: اتفضل بص وقوله !!!! ما تبص !!

" الكل بدء يتبادل نظرات الاستفهام والذهول لبعضه و الجو بقي كله توتر و فريده بصت لسهير بعدم فهم ! "

زين مسك الورق قراه ورفع عينه بتعجب: يعني ايه ده.؟ التحليل مش مُطابق؟؟

فريده بصتله بصدمه..

↚

" الكل بدء يبص لبعضه و الجو بقي كله توتر و فريده بصت لسهير بعدم فهم ! "

زين مسك الورق قراه ورفع عينه بتعجب: التحليل مش مُطابق!؟

وليد: انت بتقول اي انت كمان يا زين ؟؟؟

زين بعدم فهم: مش عارف.. اكيد فيه حاجه غلط بعدين لحظه! انت جبت تحليل عمي جلال منين اصلا يا أدهم!!

أدهم بأندفاع: هو ده المهم؟؟ محدش فيكم مقتنع انها نصابه ! ومش مننا هو اي حد هيجي يقولنا انوه من العيلة هنصدقه

" النظرات كلها بقت حوالينا وعليا انا بالذات حسيت ان دماغي هتتفرتك من كميه الضغط مكنتش قادره استحمل فا خرجت وسيبتهم وانا سامعه صوت تيته بتنادي عليا "

سهير: فريده استني

وليد: فريده! عجبك كده؟؟

زين: انا هاروح لها يا بابا

عبدالعزيز: استني عندك

بص ناحيه أدهم و زعق: اخرج حالا وراها وتصلح الهباب الى انت هببته ده انت مسؤل قدامي ترجعها

- ايوه بس يا جدو أ..

قاطعه بغضب شديد: كلامي خلص !!!! اتفضل !!

" أدهم خرج بعصبيه جدا من طريقة عبدالعزيز معاه قدام الكل بسبب فريده وكان حاسس انوه عاوز يقـ.ـتلها فضل يبص عليها يشوفها راحت فين وخرج بره الفيلا وفضل يدور عليها مشي بعد الفيلا بـ شوية لحد ما شافها قاعده بهدوء عند الشجر "

اول لما قرب و فريده شافته وقفت: انت ليك عين تيجي ورايا! انت عايز مني ايه؟!!!

- انتي الى عايزه ايه!؟ خلاص كدبتك اتكشفت مصممه برضو تكملي؟

= انت حقيقي مريض!!! محدش عنده الفكر المريض ده غيرك

- لا ياحببتي انا ذكي مش بفكر بعواطفي زيهم!!

= برافو عليك فعلا برافو

" كانت هتمشي فا مسكها وهي بمنتهي الغضب اديته بالبوكس في وشه وهو اتوجع "

صرخت بنفاذ صبر: انت شكلك مش بتحرم قولتلك ابعد عني !!! فاهم ابعد !!

" أدهم كان ماسك خده وبعدين رفع وشه وبصلها

بـ غل وقرب مسكها بقوة من ايديها الاتنين "

- الجرئة الى انتي فيها عليا دي أقسم بالله لتدفعي تمنها غالي هعرفك ازاي ايدك دي تتمد عليا انا مرتين

زعقت: ابعد عني انا مش طيقاك !!!

= لا انا الى طايقك اوي لما تغوري وترجعي لهم زي ما جدو طلب مني هبقي ابعد عنك

" فضل ماشي و بيشدها وراه وهي عماله تفرك وتزق فيه لحد ما هما الاتنين وقعوا

لكن أدهم وقع على صخره صغيره وقام بص لقي كف ايده اتجر..ح وكان بينرْف و فريده قامت بعصبيه وقبل ما تتحرك بصت على ايده وشافت الد..م "

" أدهم لقاها بتدوخ و بتفقد الوعي وقبل ما تقع كان بيلحقها! "

بصلها بصدمه: ايه ده انتي موتي ولا ايه !!! ردي عليا؟؟ ينهار اسود اهو ده الى ناقص ارجعها ازاي كده

" شالها بين ايده ومشي بيها لحد الفيلا "

"زين كان واقف بره مستنيهم ولما شافه شايل فريده اتخض وراح ناحيتهم"

- الله يخربيتك هببت ايه !!

= مهببتش حاجه يخويا فوقها قبل ما جدك يفتكرني قتـ.ـلتها

"حطوها على كرسي في الجنينه و زين كان بيفوقها لقوا يوسف خارج ناحيتهم وبيبص فيه ايه"

- اي ده!!! مالها!!

أدهم: واد انت اخرس مسمعش صوتك

يوسف بتذمر: انت بتكلمني كده ليه!

- غور من وشي انا مش طايق حد !! روح لأمك

زين بدهشه: متخرسوا بقا !! اخرسوا

زين فضل يشوف النبض بتاعها وبعدين بص ليوسف: يوسف معلش روح هات اي برفان بسرعه من غير ما حد يلاحظ

"يوسف مشي و زين لاحظ ايد ادهم ولقاه بيلفها بالمنديل"

- انت ايه ايدك دي مالها؟

= وقعت عليها جر..ح عبيـ.ـط خليك بس في الممثلة الى معاك دي شوفها

- اسكت بقا

" يوسف جاب البرفان و زين فوقها واول ما فتحت عيونها ادهم بصلها "

زين: انتي كويسة؟ حصل ايه؟

أدهم: مشوفتش في حياتي بجاحه كده انتي الى وقعتيني و اتعورت بسببك وكمان بيغم عليكي ده انتي جبروت !!

فريده وهي ماسكه راسها: ابعد الكائن ده من قدامي!!

يوسف: جدتك قلقانه عليكي اوي

فريده قامت بسرعه وزين سندها بهدوء: براحه على مهلك

" دخلنا كلنا وتيته جريت عليا لكن انا مستحملتش اقعد وسطهم بعد الموقف الى اتحطيت فيه وطلعنا الأوضة "

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد Slsbell Ahmed

|| في مكتب عبدالعزيز ||

- انا مش عارف اعمل معاك اي وانت شحط كبير كده وتصرفاتك كلها غلط وقرف ازاي تعمل الزفت الى عملته ده ؟؟ وليه اصلا طريقتك كده

عبدالعزيز: سبهولي يا وليد

وليد: لا يا بابا واضح انوه سايق فيها ومحتاج يفوق!!!!

زين: جدو.. هما بينهم سوء تفاهم وانا من رأيي نحاول نصلح بينهم

عبدالعزيز: محدش سامع صوتك يعني

أدهم: مستنيكوا تخلصوا!! التحليل سليم 100% !! انا مش غبي عشان اللعب لعبه زي دي !! انا عملت التحليا فعلا و مش مطابق !! دي مش بنت عمي !!!

وليد: انت لسه هتكابر !! هو احنا يعني مش عارفين اللاعيبك ؟؟

أدهم: تمام خلاص انا كداب حلل تاني بنفسك !!

زين: انا برضو مش قادر افهم.. عمي جلال اتوفي انت حللت dna مع مين ؟

أدهم: واضح انكم نسيتوا الفترة الى عمي تعب فيها.. وقتها عمل تحاليل كتير جدا منهم تحليل DNA وكان موجود وانا جبته وخت عينه و روحت المستشفي و النتيجه طلعت وكل حاجه ماشية طبيعيي وانتوا رافضين تصدقوا

عبدالعزيز: اه رافضين نصدق و كل ده ولا يفرق طالما احنا عارفين الحقيقه و واثقين في الى قدامنا !! هي دي وصيتي ليكم؟؟ ده انا قايل لكم !!! تتعاملوا معاها كويس دي يتيمة ! فاهم يعني ايه؟؟

"ادهم فضل يفكر وعقلة هينـ.ـفجر جده ازاي مصمم كده"

- لما اعرف انها فعلا بنت عمي وقتها هقدر اتقبلها

زين بتفكير: لحظه يا أدهم.. انت بتقول تحاليل عمي لما كان تعبان؟ ولا بعدها؟

= التحاليل الى عملها وهو تعبان ايوا واكتشف الكانسر وقتها

- انت عارف ان الكانسر بيغير الجينات! حالات نادره بيحصل فيها كده! و الجينات بتتغير بيحصلها خلل و وقتها بيأثر على حاجات كتير منهم تحليل ال DNA! وأكيد ده السبب ! عشان كده طلع مش مطابق

وليد بص لأدهم بتوعد: اهو الدكتور قالها لك يا مغفل يالي بتمشي ورا دماغك الى هتوديك فداهيه دي

أدهم بعناد: يعني اي كلامك ده !! والى عايز يتأكد بيعمل ايه لما تحصل حالة زي دي؟؟

زين: بيعملوا تحليل مع الاخوات بيبقي فيه نسبة مشتركه

- امممم والهانم ملهاش اخوات يبقي مفيش حل؟؟

= فيه انها تعمل تحليل و جدو يعمل تحليل و بيتم وقتها ملاحظه دقيقة بين الجينات ولو طلع فيه نسبة مطابقة يبقي بيتثبت النسب

وليد: هو انت بتكمل كلام وماشي معاه؟ احنا متأكدين ومش عاوزين نعمل حاجه! ولا ايه يا بابا

عبدالعزيز: مش محتاجه سؤال ابنك هو الى اتجنن

أدهم: تمام! الفاصل بينا التحليل ولما يطلق مطابق وقتها هعترف اني غلط وهعمل الى عاوزينه هبقي اقعدها على دماغي عشان ترتاحو

عبدالعزيز: تعتذر لها الأول على الموقف الزفت الى حطتها فيه

- ايه !!! اعتذر !

عبدالعزيز: تعتذر لها هي وجدتها انت مش بس طلعتها كدابة انت كمان طلعت واحده في مقام جدتك كدابة ياريت تبقي تفكر في افعالك ومعندكش اختيار ترفض يا أدهم تحت اي ظرف

" و بعد اصرار عبدالعزيز أدهم طلع فعلا اوضتها خبط فريده فتحت وهو دخل بصمت "

بص ناحيه سهير: انا بعتذر لحضرتك مكنش قصدي حاجه.. و بعتذر لـ فريده كمان هو سوء تفاهم بينا من اول يوم مش اكتر وانا عصبي شوية لكن عموما مش هيتكرر تاني بعد اذنكم..

" قال كلامه وخرج وفريده مكنتش مصدقه "

- انا مش فاهمه حاجه! هو مجنـ.ـون ؟

= لو مكنش اعتذر مكنتش هعدي الموضوع لكن متقلقيش جدك عارف ازاي يحاسب كل واحد يعدي حدوده جدك مش ضعيف ولا هين في التعامل وعشان كده جه اعتذر انا متأكده انوه اتكلم معاه.. انا مش عاوزاكي تقلقي من اي حاجه يا فريده و دايما تبقي قوية

بصتلها وانا بطمنها: انا مش ضعيفه يا تيته! وانتي عارفه ده كويس!

حضنتني: عارفه يا حببتي والله

>>>>>>>>>>>>>>>>>>>>>>>>>>>>>>>>>>

صلي على محمد

- لما تيته نامت نزلت قعدت في الجنينه و دي تاني مره ميجليش نوم.. العيلة دايما فيها الحلو و فيها الوحش.. لكن فيه نوع تالت ظهر ليا اسمه أدهم مهما حاولت اتجنبه مصمم يقف في طريقي و يآذيني!

" زين شاف فريده من بلاكونته فا نزلها "

- زين!؟

= خير! قاعده في الوقت ده بره ليه؟

- مفيش انا.. مش جيلي نوم

= لسه مضايقه؟

- لا مش الفكره.. انا بس متلخبطه و.. وحاجات كتير يعني

= انا والله عارف ان أدهم مستفز وحركاته مش مقبولة بس هو كده مع اي حد حتي معايا

- هو ليه كده! انا لحد دلوقتي محدش عاملني وحش غيره هو الزرعه الفاقده من العيله

= الفاسده

- الزرعه الفاسده اه

ضحك: اه حاجه زي كده

= انا عايزه يبعد عني بس مش اكتر

- هو هبب ايه خلاكي تقعي ؟؟

بصتله بتوتر: لا مش هو.. ده انا..

اصلي عندي مشكلة مع منظر الد..م وهو ايده اتعورت

= اهه فهمت.. انتي عندك رهـ.ـاب د.ــم

- يعني اه

اتنهدت بقلة حيلة: تعرف جدو كان بيقولي اني شبه بابا.. بس انا حتي معنديش صور لي غير في فرحه هو وماما..

كان ساكت وبعدين بصلها: طب ثانيه

" زين دخل الفيلا وغاب شوية وبعدين خرج "

- ايه كل ده كنت فين

= لاقيته

↚

- لاقيت ايه

قعد وقال بصوت واطي: الدفتر الملكي لعيلة الجيار

" زين فتح الدفتر و اول صورة كانت لعبد العزيز و جلال و وليد و هبه واتنين كمان فريده معرفتهمش "

ضحكت ببلاهه: بتهزر !! ده الدفتر الملكي بجد

فضلوا يبصوا سوا و فريده شاورت: مين دول؟

زين: اممم دي عمتو التانيه الى في دبي عمتو ناديه و دي تيته نجلاء الله يرحمها

" بصتلها بتركيز.. دي السبب فكل الى انا فيه.. قاطعني صوت زين "

- فيه لسه حاجات احلي

" بدء يوريني صور لبابا كتير واغلبها كان مضحك صور ايام زمان بقا كمان فيه صور زين موجود فيها وفضل يحكي عنها وكل صورة كانت قصتها احلي من التانيه وهو بيحكيلي بحماس.. وللحظه فضلت بصاله بأعجاب "

- انتي سرحانه فـ ايه

ابتسمت: عايزه اشكرك حقيقي.. يمكن الموقف ده بالنسبالك عادي.. بس بالنسبالي انت بتشاركني ذكريات مهمه اوي كان نفسي جدا ابقي موجوده فيها..

بصلها بحنان: احنا موجودين ونقدر نعمل ذكريات جديده سوا لأننا مش هنتفرق تاني جدو مستحيل يسيبك وانا كمان بصراحه خلاص اتعودت على وجودك في البيت

ضحكت وبصتله: اشمعنا بقا انت لحقت

- ما بقولك انتي البنت الوحيده في العيله كلهم عينه يوسف ابن عمتك

= حرام عليك شكله غلبان

- هو غلبان اه شوية اصغر منك بـ سنتين يعني يعتبر اصغر حد في العيلة

" أدهم خرج البلاكونه يشرب سجارة و شافهم قاعدين تحت وبيضحكوا ضحك بسخريه"

- هه ماشي انا هعرف اجيب اخرك يا فريده..

>>>>>>>>>>>>>>>>>>>>>>>>>>>>>>>>>

استغفروا♡

|| تاني يوم ||

" جدو اتكلم معايا و صالحني قبل الفطار.. والموضوع عدي! لكن انا هفضل فكراها لأدهم طول عمري... "

عبدالعزيز: هتخلصي اكل بقا يا فريده وتروحي مع زين الكلية انا خلاص رتبت كل حاجه كمان هتستلمي الكارنيه يعني كل حاجه اترتبت تقريبا

بصتله بدهشه: بالسرعه دي! ازاي!!

زين: يابنتي هو عبدالعزيز الجيار اي حد ولا ايه

ابتسمت: شكرا يا جدو.. كده ان شاء الله هلحق السنه

عبدالعزيز: عاوزك لو احتجتي اي حاجه تعرفيني.. و زين برضو معاكي هناك

سهير: ملكيش حِجه اهو كل حاجه جاهزه

ابتسمت: انتي عارفه اني اصلا بحب الدراسة يا سوسو.

زين ضحك: اوبا اوعي تفكري تقولي اسامي دلع لجدو

فريده بتلقائية: يعني مينفعش اقول زيزو!

"عبدالعزيز ضحك على ردها السريع الى اتكسفت بعده"

" أدهم بصلها بشمئزاز ولما عبدالعزيز بصله ابتسم ابتسامه صفرا "

زين: احم.. طيب انا خلصت

فريده: وانا كمان هطلع اللبس بسرعه واجي

" زين خرج يستناها في العربية وهي طلعت الاوضة"

عبدالعزيز: أدهم خلص اكل وتعالي

" مكنش فيه غير أدهم و وليد و هدي على الأكل "

هدي: عملت اي تاني ؟

أدهم: هوا مفيش غيري بينيل يعني

وليد: اتكلم مع والدتك كويس !

"أدهم قام وسابهم و راح لعبدالعزيز"

- نعم ياجدو..

= اقعد

"أدهم قعد وكان مستغرب فيه ايه تاني"

عبدالعزيز بهدوء: اسمع بقا.. انا هوافق على موضوع التحليل ده عشان بس تعرف انك غلطان ومتكابرش قصادي مع انك حتي لو مش غلطان مش مقبول عنادك بالشكل ده ومفروض تسمع الكلام

- ياجدو انا مش قصدي اكابر بس

قاطعه: انا مخلصتش كلامي..

حذاري يا أدهم تفكر تضايق فريده تاني ولا تعرفها اننا بنعمل تحليل فاهم؟

أدهم بصله لثواني: تمام يا جدو.

>>>>>>>>>>>>>>>>>>>>>>>>>>>>>>>>

|| في الجامعة | قصاد كلية البيزنس ||

- اديني وصلتك اهو ولما تخلصي برضو رني عليا هاجي اخدك

= انت بتعاملني على اني طفله بقا ولا ايه ده انا كنت بسافر ولايات هناك لوحدي

ضحك: لا ياستي بس ده اول يوم عبال ما تتعودي

ابتسمت: أوكيه روح بقي على كليتك اتفضل

= ماشي يا فريده هانم

" دخلت احضر وكنت عامله زي سمكه بره المياه! معرفش حد ولا حد يعرفني وحاسه ان كل الناس بتبصلي.. لكن المحاضرة كانت لذيذة و الدكتورة اتعرفت عليا و خلتني اتفاعل وانا كنت واثقة من نفسي لأني مش بظهر الى جوايا..! و بعد لما خلصت كل محاضراتي خرجت اشتري حاجه اشربها و شوفت البنتين الى اتعرفوا عليا اول يوم

- ساره ، جني.. ازيكم!

ساره: فريده ايه الصدفه الحلوة دي

>>>>>>>>>>>>>>>>>>>>>>>>>>>>>>>>

||في المستشفي | قسم التحاليل||

" أدهم كان قاعد على اعصابة في المستشفي وخلاص مش قادر يصبر استخدم واسطه وقالهم انوه تحليل مستعجل..

عشان عاوز يثبتلهم بأي شكل ان فريده كدابة وفضل مستني متحركش لحد ما النتيجه طلعت والدكتور خرج له بيها "

- اتفضل يا أدهم بيه..

" أدهم مسكها وفتحها بعشوائية وبص فيها وهنا كانت الصدمه اتفاجئ انوه فيه تطابق "

الدكتور: انا قولت افهم حضرتك بنفسي دي تحاليل ادق شوية عشان كده خدت وقت و طبعا ده بين الابنه و الجد فا هتلاقي نسب تطابق مش زي العادي لكن التطابق موجود.. بعد اذنك

"الدكتور مشي وادهم كرمش الورقة بمنتهي العصبية وقبض ايده وخرج "

>>>>>>>>>>>>>>>>>>>>>>>>>>>>>>>>>

|| في الجامعه ||

- ياه! ده انتي حكايتك غريبة اوي وهتكملي بقا في مصر خلاص ؟

= ايوه خلاص كده هستقر هنا

جني: طب بقولك ايه بما انك جديده بقا.. احنا عندنا انهارده خروجه تحفه هنتقابل في فيلا واحده صحبتنا و بعدين هنخرج و بصي هنروق عليكي

- بس.. مش عارفه انا

ساره: مفيش بس احنا ممكن نعدي عليكي كمان لو مش هتعرفي تيجي عشان أكيد لسه متعرفيش حاجه هنا

" ملقتش طريقه ارفض خصوصا انهم كانوا لطاف جدا معايا! لقيت زين بيرن فا روحت له بعد لما سلمت عليهم وطبعا فضلت احكيله وانا مبسوطه "

- طب حلو بجد متخيلتش تتعرفي على حد بالسرعه دي

= هما بجد لطاف جدا.. قولت اسلم عليهم لما شوفتهم وبعدين قالولي تخرجي معانا بقا وكده

- ربنا محبب فيكي خلقه

ابتسمت: الحمدلله

" وبعد لما روحنا كنت متحمسه للخروجه وفضلت اجهز في حاجتي.. و على الغدا الداده طلعت ندهت عليا فا نزلت ملقتش غيري انا وتيته و طنط هدي و زين "

- امال فين الباقي

= لسه مكلم جدو قالي هو وبابا مشغولين انهارده و أدهم في مشوار شغل برضو بره الشركه

سهير: ربنا معاهم

- طب يا تيته انا شوية وهخرج زي ما قولتلك

زين: هو انتوا هتروحوا على فين كده؟

= لسه مش عارفه

- انا عرفت جدو عموما فا تابعي معايا بالموبايل عشان قالي مسبكيش بس قولتله هتبقي مع صحابك

= خلاص أوكيه

" خلصت وفعلا لقيتهم وصلوا قدام الفيلا فا خرجت بحماس "

ساره: اوبا اي الحلاوة دي!

جني: ايوه ياعم

ضحكت: تمام على الخروجه ولا ايه

ساره: طبعا يابنتي

>>>>>>>>>>>>>>>>>>>>>>>>>>>>>>>>>

|| في البار | الساعه 8 بليل ||

- حازم مكلمتش مصطفي؟

= عمال ارن عليه مش بيرد

- انا سايبه في الشركه قولتله تعالي معايا قالي لما اخلص هاجي

= سبحان الله شغال في شركه جدك بضمير اكتر منك

- ونبي ريح بقا انا مش فايق مخنوق

= ليه؟

- ملكش دعوة هات سجارة

= لا انا هاروح اجبلك ليلي احلي

- خد ياض .. ولا !

>>>>>>>>>>>>>>>>>>>>>>>>>>>>>>>>>>

" فريده وصلت فيلا ولاحظت الاحتفالات من بره "

- واو.. هي دي حفله بمناسبة ايه

= شهد صاحبتنا اتخرجت بعد ما سقطت سنتين

ساره بضحك: الموضوع يستاهل حفله فعلا

- طب هو انا هدخل عادي كده ومعرفهاش

= شهد على الله حكايتها

- يعني ايه على الله حكايتها؟

= اه.. بصي يعني ايزي و مش بتركز في الحاجات دي عادي كلنا فالحفله بنهيص سوا

- بنـ.. ايه؟

جني: يا سارة بطلي شغل العربجه ده كلميها انجلش

- بنـ have fan!

= اه اوكيه..

" نزلنا من العربية و دخلت الدنيا كانت زحمه وكله بيرقص كنت بحاول اتأقلم على الجو و كلمت زين عرفته انا فين بعتله لوكيشين وبعد ساعه وشوية تقريبا كنت زهقت بقا وهما كانوا لسه هيخرجوا تاني و ساره صممت اروح معاهم كل شوية ركبوا في عربية و اتحركنا بعدين وصلنا مكان كان شكله تحفه اوي من بره "

جني: تعالي يا فيرو احنا هندخل من الباب الخلفي عشان المكان ده مش اي حد بيدخله

" دخلنا و فضلت اتأمل المكان حواليا لحد ما ادركت اننا جوه بار كبير و كافيه و ناس بتغني و حرفيا دنيا تانيه! مكنتش عارفه اتصرف ازاي.. انا اوردي عارفه الاماكن دي وموجوده بره لكن مكنتش بروح..! "

- بقولك يا ساره.. انا مفروض امشي عشان اتأخرت.. هكلم حد يجي يخدني وخليكم انتوا

= ليه يابنتي كده احنا لحقنا!

- معلش بس تتعوض مره تانيه..

" خلعت منهم بالعافيه و كنت بخاول اخرج بس المكان كبير ومليان ناس وانا حاسه اني تايهه وخايفه لحد ما فجأة لقيت حد بيشدني جامد "

بصتله بصدمه: أدهم!؟

↚

" خلعت منهم بالعافيه و كنت بحاول اخرج بس المكان كبير ومليان ناس وانا حاسه اني تايهه وخايفه لحد ما فجأة لقيت حد بيشدني جامد "

بصتله بصدمه: أدهم!؟ انت.. بتعمل ايه هنا؟!

أدهم قرب ناحيتة فريده بغضب: انتي الى بتعملي ايه في المكان ده !!

كانت واقفة جمبه واحده: مين دي يا ادهم؟

فريده زقت ايده: مش بعمل حاجه انا ماشيه

"اتحركت بعيد عنه خطوتين فا ساب البنت وراح ورا فريده"

"خدها من ايدها وخرجوا لحد بره عند عربيته و فريده كانت مضايقه من طريقته"

- اوعي بقا بطل تمسكني كده وسع

= انتي مين سمحلك تيجي مكان زي ده!

- ملكش دعوة اصلا!!! انت مالك !! هو انا مش واحده نصابه وكدابة وكل ده خليك في خالك بقا

" أدهم افتكر نتيجه التحليل و انها خلاص بقت مربوطه بيهم رسمي! "

= كان نفسي والله صدقيني كان نفسي

- انت بجد مش طبيعي!

= طب اركبي العربية عشان اروحك ولما نوصل يبقي

لينا كلام تاني

- مفيش بينا كلام اصلا! هو انت صعب عليك تفضل بعيد عني !؟

بصلها واتكلم بغضب مكتوم: هو انتي فكراني ايه بالظبط عشان اللاقيكي في مكان بالمنظر ده واسكت ؟ هاه؟

فريده فضلت باصة لعيونه ومتنحه وادهم كمان سرح لثواني وبعدين اتكلم: كنتي بتعملي ايه جوه؟؟؟

- مش حاجه تخصك..

زعق بنرفزه: بطلي تستفزيني !!! تعرفي مين جوه عشاه تدخلي ولا مين الي جابك اصلا !!

ردت بعصبيه: متزعقليش !! ده على اساس انك كنت فين يعني!! ما انت كنت جوه برضو وقاعد مع واحده في المكان اهو على الأقل انا كنت ماشية ومكنتش مع حد ! يا تري بقا جدو يعرف الكلام ده ؟ ولا انت ضاحك عليهم و بتمثل انك في الشغل !

"اتعصب من فكره انها عماله ترد و تستفزه وكمان عرفت هو فين وبيعمل ايه مبقاش قادر يتحكم في اعصابة"

مسك دراعها وبص لعينها: بصي بقا عشان واضح اننا هنعيش مع بعض وهتفضلي لزقه في حياتنا كتير اوعي تفكري تحطي راسك براسي او تهدديني فاهمه؟؟

" فريده بعدت وبصتله بتحدي"

- انت تبقي غلطان لو فاكر انك هتمشي كلامك ده عليا وتخوفني تبقي بجد غبي ولو مبعدتش عني وبطلت تقربلي هقولهم كنت فين وبتعمل ايه

فريده موبايلها رن فا ردت: الو انت فين!

- انا بدور عليكي يابنتي انتي بتعملي اي عندك؟

= ايوه انا شوفت عربيتك خلاص اهو ، بشاور لك

- اه شوفتك

" ادهم كل ده واقف شايط ومش مستوعب برودها ومستني يشوف مين الى جي عشان شوية وكان هيفرتك دماغها "

" لحد ما زين وصل و الاتنين اتفاجئوا ببعض "

أدهم: اه ده انت كمان؟ والله دي حاجه جميلة اوي

زين بص لفريده: انتوا بتعملوا اي هنا

فريده: انا مكنتش معاه اصلا لاقيته جوه

زين: طب وانتي جيتي هنا ازاي؟؟

فريده بأستفزاز: لما نروح يا زين هبقي احكيلك يلا بقا عشان مش قادره بجد

ركبت العربية و زين بص لأدهم ومش فاهم حاجه: انت مش مفروض كنت في شغل تبع المؤتمر ؟

ادهم تجاهل سؤاله: روح روحها.. روح قبل ما امسك دماغها احْطبها في العربية..

" زين مردش عليه وسابه وركب هو كمان "

>>>>>>>>>>>>>>>>>>>>>>>>>>>>>>>>>

صلي على محمد

|| في الفيلا | الساعه 12 ||

" زين وفريده وصلوا الأول و كان مضايق بس بيحاول ميبينش "

- فريده استني.. ممكن تفهميني؟ انتي كنتي هناك ازاي وانتي باعته من بدري انك في لوكيشن تاني خالص؟

= عشان هما خرجوا من الفيلا وخدوني معاهم وانا اصلا مكنتش فاهمه اي حاجه بجد ولما لاقيت كده قولت لهم اني همشي من المكان وانا خارجه لاقيت اخوك في وشي وقعد يقولي بتعملي اي وبتاع

" زين اتنهد بهدوء و راحه لما حكت له "

- انا كده كده كنت مستغرب وجودك هناك وعارف ان فيه حاجه

= بس مستغربتش انك لاقيت ادهم هناك!؟

" زين مكنش عارف يقول ايه فا سكت.. على دخول أدهم الى اول حاجه عملها دور على عبد العزيز وبصلهم بعدم اهتمام و بعدين دخل مكتبة "

سهير: فريده انتي جيتي اي كل ده؟

- اي سهرك بس يا تيته

= كنت قلقانه عليكي

- انا كنت مع صحابي و زين جه خدني اهو متقلقيش من حاجه

= طب مش جعانه

زين: اه.. انا جعان موت بصراحه

ضحكت: وانا بجد اوي كنت هنام بس خلاص ناكل سوا

لو فيه اكل

سهير: ايوه فيه يحببتي هسخنلكم

فريده: لا روحي بقا انتي ريحي يا سوسو واحنا هنتعامل

" روحنا المطبخ ناكل زين حط الاكل في المايكرويف وانا كنت بعمل طبق سلطه وجهزنا وقعدنا ناكل "

- بس أعتقد بقا متخرجيش معاهم تاني افضل يعني

= ايوه.. معاك حق هنتكلم عادي بس هقولهم اني مش بحب الاماكن دي

- ايوه صح كده

قاطعهم دخول أدهم: جدو عاوزكم في المكتب

فريده سابت المعلقه وبصتله وهي بتضحك: فعلا؟

أدهم بعقدة حواجب: انا قولت حاجه بتضحك؟

- اه.. فاكر انك كده حطتني في موقف وحش قصاد جدو لما تقوله الى حصل صح

زين: هو عاوزنا في ايه يعني انت قولت ايه

أدهم: والله خلص و روح شوف بنفسك

فريده: انا خلصت

زين: وانا كمان

" التلاته دخلوا المكتب "

"فريده قعدت قصاد عبدالعزيز وهو كان هادي جدا"

- ايه اخبارك ايه يا فريده

= الحمدلله يا جدو

- الكلية كانت كويسة؟

" ادهم بصله بستغراب على طريقته معاها! "

= اه مرتاحه فيها

- طيب كويس..احكيلي بقا ايه موضوع المكان الى روحتيه ده

= مفيش انا اتعرفت على بنات في الكلية وخرجت معاهم ولما اكتشفت انوه المكان بار وكده قولت لهم همشي لأن حتي وانا لوحدي بره مكنتش بروح الأماكن دي بس يعني وكنت خارجه فا وانا خارجه لقيت ادهم قدامي و شدني من ايدي وكلمني بطريقه وحشه وانا كدا كدا كنت لما هاجي هقول كنت فين وهحكيلك عادي لو حضرتك سألتني مكنتش هكدب لأني معملتش حاجه غلط ولا حضرتك شايف ايه

أدهم: والله قصة جميلة اوي

عبدالعزيز: متقطعهاش يا ادهم

زين: هي مكدبتش في حاجه فعلا وانا اصلا كنت متابعها زي ما جدو قالي و روحت جبتها

عبدالعزيز: خلاص يا زين الموضوع مش مستاهل كل ده.. انتي بس يا حببتي لازم تخدي بالك بعد كده و متثقيش في اي حد وتعرفي رايحه فين

- حاضر

" بعد لما خلصنا كلام جدو شبه صالحنا على بعض وخرجنا انا و زين و كنت شايفه أدهم شايط وهو جوه لسه تقريبا عايز يكمل تسخين!"

- حضرتك كده حذرتها يعني ؟

= اديك سمعت بودنك كانت هناك ليه وازاي تقدر تقولي بقا انت كنت بتعمل اي هناك ؟

- عادي كنت مع صحابي!

= و من امتي مقبول عندنا تروح اماكن زي دي

- انا راجل وعارف اتحكم في تصرفاتي ياجدو مش عيل

= ده بأمارة اليوم الى كنت راجع فيه شكلك متبهدل و عملت برضو مشكلة معاها.. اوعي تكون فاهم ان دي الرجولة؟ والكدب برضو رجولة؟ لما تقولي انك شغال على المؤتمر ويطلع الموضوع غير كده؟

" أدهم اضايق ان الحوار اتقلب عليه هو"

- لأني بتعامل منكم كأني طفل مؤخرا مش عارف ليه وانا مش كده انا عارف اتحكم في تصرفاتي كويس وبعدين مش حضرتك كنت بتقولي اني الكبير! ومفروض اشيل المسؤلة و كل ده ؟

= الكبير كبير بأفعاله! وعلى العموم احنا سايبينك براحتك جدا اهو بس اعرف ان الوقت الى هتقع فيه محدش هيخسر غيرك يا أدهم

- لا انا مش هقع ولا هخسر انا عارف بعمل ايه!

= ما علينا انا دلوقتي عاوزك تبقي فاهم ان الى مش هتبقي براحتك فيه ابدا معاملتك مع فريده لو مش هتعرف تتعامل معاها بشكل كويس يبقي ملكش دعوة بيها من اساسه و اهو زين مخلي باله عليها وعارف يتعامل معاها ازاي

" أدهم جز على سنانه بنرفزه و الموضوع خلص لحد هنا وعبدالعزيز قاله يتفضل.."

" خرج من المكتب وطلع اوضته زين فتح الباب ودخل "

- خير عايز ايه

= انت تعرف اني بكرهك!

- عارف ايه الجديد؟

= بقيت اكرهك اضعاف انت وهي !

- كفاية عليك تحب نفسك يا أدهم.. كفاية بجد اوي فكك مني بقا و سيبك من فريده انت زودتها و انت عارف كويس ان من وقت لما جت وانها بنت عمك ايه لازمته الشغل الى عمال تعمله ده؟

أدهم بسخريه: من ساعه ما جت !! لا والله ده بأماره ايه ان شاءالله؟

- بأماره انها شبه عمي جدا بتنكر ده ليه؟ وكمان بأماره ان جدتها مش كدابة وكلمت جدو وأكيد هو مش صغير عشان يضحك عليه وبعدين انت مش بتعمل تحاليل تاني؟ هتشوف هيطلع ايه

" أدهم اوردي شاف النتيجه واتأكدت انها بنت عمه جلال و ده الى مخليه متعفرت زياده..! "

= تمام خليك في صفها ضدي يا زين

زين بصله بأستعجاب: انا مش مضطر اخد صف حد اصلا هي حر..ب ؟ انت بجد محتاج تراجع نفسك! مش شايف انك كبرت الموضوع لحد ما بقي بايخ !!

" ادهم مردش عليه و سابه وخرج و زين كان مخنوق جدا من الى بيحصل.. من زمان وعلاقته بـ أدهم مكنتش احسن حاجه ودلوقتي بتبوظ أكتر "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| تاني يوم الصبح ||

" الكل كان قاعد بيفطر كا المعتاد ولكن أدهم مش موجود "

هدي: امال أدهم فين يا وليد؟

وليد: عنده مؤتمر في شرم الشيخ صحي بدري وسافر

هدي: هيقعد قد ايه ؟

عبدالعزيز: تلت ايام بالكتير وهيرجع

زين: يا بخته عبالي كده لما اسافر

عبدالعزيز: خلص بس الاول وعدي الترم ده

سهير: وانتي معندكيش جامعه انهارده ولا ايه يا فريده

زين: اه ملبستيش ليه

- انا معنديش محاضرات انهارده

وليد بهزار: خلاص تيجي تاخد وظيفه في الشركه بقا

بصتله بسرعه: هو ينفع !

عبدالعزيز ضحك: انتي عاوزة تيجي!؟

فريده: احمم.. ممكن يعني اروح اشوف بتعملوا اي وكده.. زي المره الى فاتت

وليد: خلاص يبقي تيجي تحت إشراف الجيار بيه

عبدالعزيز: اوي اوي بس قدامك عشر دقايق

" سبت الأكل بسرعه و طلعت اوضتي اجهز و اللبس و نزلت لهم بسرعه جدا مكملتش حاجه! "

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| على طريق شرم الشيخ | استراحه ||

- انا طلبت قهوه يا باشا شكلك مش مفوق

= والله يا مصطفي قرفان ياحبيبي

- ليه مالك

= ملكش دعوة

- مش هتبطل الحركه دي؟

= ملكش دعوة

- اتفلق يا ادهم

"مصطفي قام وسابه و هو فتح موبايله يعمل مكالمه"

↚

- الو

= ايوة يا ادهوم اي اخبارك

- شوفتي المسدجات الى بعتهالك ولا لاء؟

= شوفتهم

- فهمتي انا عاوز ايه؟ مش طالبة غباء يا ليلي

= عيب عليك.. احنا كده كده كنا هنسجل لك حتي لو مطلبتش

- اشطا لما ارجع من السفر بقا نتقابل ونرتب الدنيا

= أوكيه

>>>>>>>>>>>>>>>>>>>>>>>>>>>>>>>>>

|| في الشركه | مكتب عبد العزيز ||

- واضح انك شاطره جدا فهمتي بسرعه

= ده عشان بس حضرتك بتشرح حلو

ابتسم: انتي حابة الشغل ده؟

- جدا! انا دخلت بيزنس عشان كنت حابة اشتغل في شركه وكده ويبقي حاجه ليها علاقة بالتنظيم حاجه مهمه يعني مش اي شغل وخلاص زي هنا بالظبط.

= يا سلام.. الشركه كلها تحت امرك انا ياما قولت لزين يجي لكن هو صمم على مجال الطب

- طب لما اتخرج ممكن اتعين؟

= ومن دلوقتي كمان لو تقدري

فتحت عيوني بتعجب: بجد! هشتغل بجد؟ ولا هتمرن بس

= هتتدربي في الأول وبعدين تمسكي شغل ويبقي ليكي مكتب

ابتسمت بسعاده: ايوه! انا عاوزة اتمرن

- بس هتعرفي تشتغلي و تدرسي سوا

بحماس: ايوه ايوه!!

" وفعلا!! الوقت الى كنت ببقي فاضيه فيه ومخلصه مذاكرة بنزل اتعلم فضلت كده لمده اربع ايام مذاكره وشغل وكان عندي حماس رهيب زين كمان كان بيشجعني هو وتيته وكنت مرتاحه من ادهم الحبه دول!! بس يلا الحلو ميكملش "

>>>>>>>>>>>>>>>>>>>>>>>>>>>>>>>>

استغفروا♡

|| في الفيلا ||

- يلا يابنتي عايز اوصلك قبل ما اروح الكلية

= مش عايزه آخرك كنت هاروح مع السواق

- لا حنينه اوي

سهير: فريده خدي العلبة دي

زين بضحك: لانش بوكس ده؟ فيه اكل وكده؟

فريده: شوفتي ؟ اهو هيتريق

سهير: يعبيـ.ـطه ده غيران..

فريده ضحكت: هههه خلي اكل الكافتيريا ينفعك

- طب يلا يا حلوة

" ركبنا العربية و لاقيته بيبصلي"

- يعني مش هتجيبي ساندوتش؟؟

ضحكت جامد وفتحت العلبة: هي حطه بانيه ولانشون عاوز انهي فيهم

= ده احنا طالعين رحله بقي مفيش خيار؟

- ههه خد بانيه واسكت يا زين

" خد مني السندوتش ياكله...

وبعد شوية وصلنا تحت الشركه سلمت عليه وطلعت وكالعاده روحت مكتب جدو ودخلت بعد ما خبطت علطول.. عشان اتفاجئ بأدهم بيه قاعد"

عبدالعزيز: تعالي يا فريده ادخلي

"قعدت قصاده وكنت بتجنب ابصله"

- أدهم كان بيحكيلي عمل اي في المؤتمر.. المره الجاية عاوزك تبقي تطلعي تشوفي الأوضاع

أدهم بستغراب: تطلع فين مش فاهم

- فريده في فتره تدريب في الشركه دلوقتي.. انت عارف انها كلية بيزنس زيك وحابة تشتغل في الشركه بعد ما تتخرج

= امممم تمام

- ايه رأيك تكملي تدريب مع ادهم

ردينا في نفس واحد: نعم؟

فريده: انا ممكن اكمل مع اي حد عادي

أدهم بصلها بخبث: اشمعنا؟

فريده بذكاء: عشان محسش اننا واخدينها هزار لما اتدرب مع حد غريب هيبقي افضل و هنكون طول الوقت جد في الشغل ومركزين

عبدالعزيز: انا من وجهه نظري تدربي مع أدهم هو شاطر و هيعرف يوصلك المعلومه بسرعه ومتقلقيش هو في الشغل حد تاني ولا ايه يا استاذ أدهم

ابتسم ابتسامه واسعه: طبعا!

فريده: انا عندي سكشن في الكلية الساعه 11

- طيب الساعه دلوقتي 8 اقعدي معاه ساعتين وبعدين عرفيني انك نازله اكلم السواق يوصلك

>>>>>>>>>>>>>>>>>>>>>>>>>>>>>>>>>>

" وفعلا روحت معاه المكتب و عارفه انوه مش هيعدي الحوار على خير فضلت قاعده ساكته على كرسي جمبه وهو شغال "

- ياريت تبعدي شوية حاسس انك قاعده فوق دماغي

" لاقيتها بعدت بصمت ومردتش بس لاحظت انها اضايقت وكانت متوتره ابتسمت بخبث وحبيت اوترها أكتر.. فا بصتلها "

- اقعدي مكاني

" قومت من الكرسي بتاعي وهي قعدت وطلبت منها تعمل ملف معين وكنت واقف جمبها براقبها وعارف هي هتعطل فين بالظبط كانت حاطه ايدها على الماوس و بتفكر فا حطيت ايدي عشان احركه وهي اتوترت زياده وشالت ايدها"

- بندوس هنا ياريت تركزي

= انا مش مركزه انت موترني!

- موترك اممم... ليه ياتري؟ يمكن عشان عارفك على حقيقتك مثلا ولا عشان عارف ان كل البنات زي بعض؟

"بصتلي وبرضو مردتش وبعدين قامت "

- انا مش هكمل شغل بالطريقة دي طريقتك دي بضايقني وانا مش هتقبلها انا فعلا معرفش بتعمل معايا كده ليه وانت عارف ومتأكد اني مش كده

" خرجت وسابتني وانا استغربت هدوئها انهارده وحسيت اني مكنتش حاسس زي كل مره بضايقها.. حاسس ان المره دي مكنتش مبسوط"

>>>>>>>>>>>>>>>>>>>>>>>>>>>>>>>>>>>

" وصلت الكلية بدري بعد ما قولت لجدو اني محتاجه اروح بدري اسأل عن كام حاجه لكن في الحقيقه.. مكنتش قادره حتي ادخل السكشن ولا اتعامل مع حد أدهم قفل يومي..! ليه يبقي فيه حد عاوز يآذي الى قدامه وبس! "

" قولت استني زين يخلص ونمشي سوا ولما لقيت قدامه شوية قومت عشان ادخل السكشن وخلاص لكني قبل ما ادخل لاقيت ولد جاي ناحيتي "

- ازيك ؟

= تمام.. انت مين؟

- انا كريم؟ مش فكراني انا كنت معاكم في البار.. كنت بدور عليكي عرفت انك مشيتي وبعدين جني قالت لي انك في كلية بيزنس

" اتفاجئت هو مين ده اصلا و بيدور عليا ليه "

= لا اسفة مش عرفاك

كنت همشي وقف قصادي: مش مشكلة نتعرف انا بصراحه معجب بيكي من اول لما شوفتك

قال جملته وكان بيقرب ناحيتي فا بعدت واتكلمت بنبره حاده: لا انا مش عايزه اتعرف! وعديني عندي سكشن

مسك ايدي: اصبري بس اديني فرصه نتكلم انتي حاميه كده ليه يابنتي

" بعدت ايده عني برده فعل سريعه وصْربته بالبونيه بقوة!! مهرفش عملت كده ازاي مشيت بعدها ودخلت على السكشن بسرعه.. فضلت قاعده مش على بعضي و بعت مسدج لـ زين يقابلني عند السكشن بتاعي بعد لما خلصت وفضلت جوه وكنت حاسه اني خايفه لحد ما لاقيته دخلي "

- فريده؟ انتي قاعده كده ليه السكشن فاضي!

" مردتش و خرجنا وانا فضلت ابص حواليا"

- مالك يابنتي ؟

رفعت ايدي امسك فيه من توتري فا بصلي بستغراب: فيه ايدك؟ وليه ايدك ساقعه و بتترعش مالك!!؟؟

= مفيش.. ينفع تروحني عايزه اروح دلوقتي..

" شوفت الولد تاني و وشي جاب اللوان وهو بص عليه ورجع بصلي "

= يلا نمشي يا زين

- انتي حد عملك حاجه؟ انا مش هتحرك غير لما افهم قوليلي متخافيش! حصل ايه

= فيه ولد.. ولد معرفوش مسك ايدي وكان..

- نعم !! فين ده

= كان.. انا مش عارفه كان عاوز اي معرفش بس هو حْضني فا.. صْربته.. انا صْربته و دخلت السكشن بسرعه

= هو فين ده شاوريلي عليه !! هو ده الى بيبصلك ؟؟

هزيت راسي بـ أيوه لاقيته بيحط حاجته في ايدي: استنيني هنا

مسكته: لا زين يا زين استني !!

" زين راح عنده ومتفاهمش معاه مسكه من التي شيرت بقوة و انفعال "

- انت مالك بيها بقا هاه ؟؟

" وقبل ما يكمل الواد زقه جامد فا زين كان هيقرب ناحيته راح الواد مقرب هو وصْربه في وشه بعدها جت ناس كتير وسلكت بينهم وكذا حد كان يعرف زين فا الواد لما لقاهم معاه خد بعضه وركب عربيته بسرعه ومشي "

- خلاص يا رجاله محصلش حاجه!!

= انت كويس يا زين

- اه مفيش حاجه

" راح عند فريده لقاها خايفه جدا من الموقف الى حصل"

- اهدي محصلش حاجه..! اهدي تعالي نروح يلا

>>>>>>>>>>>>>>>>>>>>>>>>>>>>>>>

|| في الفيلا ||

" متكلمتش طول الطريق ولما وصلنا طلعت اوضتي في صمت و هو مضغطش عليا لما لقاني ساكته.. تيته الى فضلت تسألني لو زعلانه من حاجه وانا حاولت اتهرب منها وكمان منزلتش على الغدا و قولت للدادة تقولهم اني نايمه مش هاكل "

" لكن حسيت اني مفروض اتكلم معاه.. خصوصا انوه اصْرب بسببي روحت اوضته لاقيته قاعد فا دخلت "

- زين..

= ايوه انتي كويسه؟

- انت كويس!

= ايوه يا فريده مفيش حاجه والله! الموضوع خلص

"عيوني دمعت لما لاحظت الكدمه في خده"

- انا اسفه بجد يا زين حقيقي اسفة

زين قعدها قدامه: اهدي بس هو انتي عبيـ.ـطه؟ دي مش غلطتك اصلا وتاني مره تكلميني في ساعتها اجيلك لو حصل اي حاجه هو انا لازمتي ايه؟

بعياط: انا كنت خايفه ومش عارفه افكر وفضلت قاعده في السكشن عشان لو حصل حاجه ابقي وسط الناس

قرب مني: طب بس بس اهدي متعيطيش!!

- انا مش بعيط

= ماهو واضح على وشك اه.. قوليلي بس صْربتيه ازاي هو الورم الى في عينه ده كان منك؟

بصتله وضحكت: هي ورمت؟.. احسن

- طب اهدي كده وبطلي عياط الموضوع ميستاهلش بجد وانا ملحقتش اعجنه طلع جبـ.ـان وجري

" في اللحظه دي أدهم كان رايح لزين ولما سمع جملته مدخلش وفضل واقف "

= تفتكر هيجي تاني ؟

- لا.. وبعد كده لو حصل اي حاجه تكلميني يا فريده فاهمه؟ متتصرفيش انتي وانا كده كده معرفتش حد عشان متحسيش بتوتر

= طب يعني و قولت ايه على الكدمه الى في وشك دي؟

- ماما سألتني قولتلها اتخبطت عادي

ادهم فتح الباب و دخل بصلهم و بص لزين: ضربة ايه؟؟ مين الى مد ايده عليك ؟؟

↚

- طب اهدي كده وبطلي عياط الموضوع ميستاهلش بجد وانا ملحقتش اعجنه طلع جبـ.ـان وجري

" في اللحظه دي أدهم كان رايح لزين ولما سمع جملته مدخلش وفضل واقف يسمعه هو و فريده "

= زين.. انت تفتكر هيجي تاني ؟

- لا.. وبعد كده لو حصل اي حاجه تكلميني يا فريده فاهمه؟ متتصرفيش انتي وانا كده كده معرفتش حد عشان متحسيش بتوتر

= طب يعني و قولت ايه على الكدمه الى في وشك دي؟

- ماما سألتني قولتلها اتخبطت عادي

ادهم فتح الباب و دخل بصلهم و بص لزين: ضربة ايه؟؟ مين الى مد ايده عليك ؟؟

ادهم قومه ومسك وشه بأيده فا زين شال ايده براحه: مفيش حاجه يا ادهم

- بقول مين الى مد ايده عليك !! وازاي متكلمنيش؟

= عشان الحوار مش مستاهل !

- لا ماهو باين على وشك انا عايز افهم فيه ايه قولت!!

" زين حس بأحراج فريده.. فا خد ادهم و راحوا اوضته "

- انت خرجتنا ليه متتكلم وتنجز !!! مين الى صْربك؟

= واد في سنه رابعه من الكليه كان بيضايق فريده ومسك ايدها فا روحت مسكت فيه زقني وقبل ما اقوم اصْربه انا صْربني و كان فيه كذا حد معرفتي جه يسلك ومسكونا و الواد خاف وجري بس عرفت منهم هو مين وهجيبه انا مرضتش اتكلم قدامها بس هجيبه وهعجنه عشان يعرف ان الحركه الى عملها مش هتعدي

أدهم بصله بعدم تصديق: انت كنت ناوي تقولي امتي ؟؟؟ ولا مكنتش ناوي تقولي من اساسه !! وتعجن مين!!! هو الى علم عليك ولا انت مش واخد بالك !!

هاتلي شكل امه الواد ده حالا فاهم ؟؟

زين: قولتلك انا هتصرف هو انت شايفني عيل !

أدهم قاطعه بغضب: بقولك هاته !!! و حالا يا زين

- انا الى هجيب حق فريده وحقي مش انت

= انا مش هقعد اجادل معاك ولينا كلان تاني اصلا عشان معرفتنيش من وقتها عرفني هو مين دلوقتي سامع؟؟؟

" و فعلا ادهم مهديش وكان متعصب بطريقه مش طبيعيه مسكتش غير لما زين كلم صحابة وعرف الواد وقال لـ أدهم فا أدهم خد صورته وخرج من الفيلا يتعامل هو! مرضيش حتي ياخد زين "

فريده: هو حصل ايه؟؟

- معرفش اول مره اللاقيه متنرفز كده مع انه في الطبيعي يعني عادي عارف اني ممكن اخبي عليه و انا عارف انوه مش بيفرق معاه اوي

= تفتكر هيعرف جدو

- مش عارف

= طب هو نزل راح فين دلوقتي

- شكله راح يدور عليه.. أدهم مجنـ.ـون ومحدش بيعرف يسيطر عليه وهو متعصب كده فا سبته

= ليه يا زين

- يابنتي ده كان عمال يندب ويقولي عرفني هو مين ومهديش غير لما خد صورته وعرف اسمه وبعدين قالي نازل قولتله فين قالي ملكش دعوة!

= وليه كل ده؟

- عشان معرفتوش المشكلة من الأول ده برضو معصبه

هو فاكرني مش هعرف اتصرف من غيره وانا ولله ملحقتش ادي رد فعل مش اكتر وده يقولي اتعلم عليك

الواد جري وجبان وانا الى يطلع شكلي فانله فالاخر

" نهي كلامه وهو بيضحك بسخريه "

= انت بتهزر

- لا بتكلم جد قالي انوه علم عليا

"بصتله بهدوء لما لاقيته مضايق وبيحاول يخبي"

= بس انا مش شايفه كده.. وادهم مشافش الى حصل لكن انا شوفت وانت متعلمش عليك

ابتسم: كدا كدا مكنش فارق معايا غير اني اللاقيه تاني واجيب حقك انتي لأني لسه مجبتوش

= متخفش عليا! انا صْربته انت نسيت؟ انا كنت بلعب كيك بوكس يابني

ضحك وبصلها بفخر وغمزلها: هي دي بنت عمي

- طب تفتكر هيعرف جدو؟ و تيته!

- معتقدش بس عموما متقلقيش يا فريده من حاجه.

"هزيت راسي بمعني تمام والحوار خلص على كده ..وبعدين روحت اوضتي انام "

>>>>>>>>>>>>>>>>>>>>>>>>>>>>>>>>>

صلي على محمد

|| تاني يوم الصبح | في مكتب عبدالعزيز ||

- ايه الاخبار يا سهير..؟

= الحمدلله على كل حال

- انا كلمت الدكاترة في المستشفي يعملوا اللازم كله متشليش هم حاجه

= ملوش داعي.. انت عارف الموضوع عامل ازاي.. انا بس جيت اكلمك في حاجه تانيه.. انت متأخرتش لما قولتلك على موضوع فريده ورحبت بيها رغم كل السنين دي.. بس عاملتها كأنها مغابتش عنكم بس انا لسه عايزه اطمن عليها أكتر و ده مش هيحصل طول مانا حاسه ان أدهم بيكرها ومش هقدر اكدب احساسي ده

- معقول يا سهير؟ هيكره بنت عمه.. ادهم انا مربيه وعارفه هو مش سهل يتقبل دخول اي شخص حياته وعنيد وكل ده...

لكن في الحقيقه مستحيل يكون فيه اي مشاعر كره او كلام من ده مش هسمح بحاجه زي دي بينهم اصلا

= انا مليش غيرها.. هي حتة من بنتي الله يرحمها وحتة مني انا كمان مكنتش عايزه حاجه من الدنيا غير اني اتأكد ان فريده في امان عشان في اي وقت لو..

قاطعها: متقوليش كده! صدقيني دايما فيه امل.. وانتي قوية! الى تربي بنت لوحدها وهي قاعده في الغربة اكيد قوية وتعدي من اي حاجه بأذن الله!

- ونعمة بالله المهم اني مش عاوزاها تعرف اي حاجه زي ما اتفقنا حتي لو حصل يعني... خليها بيني وبينك.

= حاضر يا سهير.. حاضر.

>>>>>>>>>>>>>>>>>>>>>>>>>>>>>>>>>

استغفروا

|| وقت الفطار | على السفره ||

وليد: زين؟ هو وشك فيه حاجه؟

"عبدالعزيز كمان بصله"

- اي ده صحيح انت اتخانقت ولا ايه؟

زين حط عينه في الطبق الى قدامه: لا مفيش دي مجرد خبطه

هدي: مش مرتاحه لك من امبارح بس عدتها بمزاجي

زين: الله؟ هو انا هكدب ليه يا ماما انا اتخبط في وشي وانا راجع

" وقبل ما وليد يسأل زين فين لقاه داخل من باب الفيلا "

- صباح الخير..

عبدالعزيز: صباح النور انت كنت فين مرجعتش البيت بليل؟

= لا رجعت ونزلت تاني

وليد: خير؟

أدهم بص ناحيه زين وفريده وبعدين قعد: مفيش كنت ناسي حاجات فا نزلت اخلصها وكده..

" أدهم مد ايده عشان ياخد معلقه و فريده لاحظت ان وش ايده لونه احمر "

فريده: تيته انتي لابسه ليه رايحه في حتة بدري كده؟

- اه عندي مشوار يحببتي

↚

= فين؟

عبدالعزيز رد بتغير للموضوع: انتوا مش عندكم كلية يلا قوموا كل واحد على كليتة

زين ضحك: فيه ايه الله بناكل لسه!

وليد: خف نفسك كده ولا عايز تربي كرش

- على ايه الطيب احسن يلا يا فريده؟

" خلصنا اكل وكنا اوردي لابسين فا خرجنا وقبل ما نركب العربية سمعنا أدهم بينادي "

- استنوا..

"وقفنا وهو قرب وفتح موبايله وبدء يورينا صور كريم! كان مصْروب و متبهدل جدا !! فتحت عيني بصدمه "

زين: ده انت عجنته فعلا !

أدهم: آه.. وخلصت الموضوع مش هيقدر يبصلكم تاني ده لو فيه عين يبص اصلا

زين ميل عليه: ومختنيش معاك ليه بقا؟؟

أدهم بصله وشاور على وشه: كفايه عليك دي ومشيت وسبتني

زين بصله بأنزعاج وحط ايده ف جيبه ملقتش المفاتيح: انا نسيت مفاتيح العربية هطلع اجيبها

" زين طلع و أدهم فضل يبص لفريده الى كانت قالبه وشها عليه وبتتجاهله أدهم قرب لها وبصلها "

- بعد كده لما تحصل حاجه زي دي تعرفيني.. فاهمه؟

فريده بصتله بأرتباك: اعرفك ايه!

= ان حد ضايقك

- مانا قولت لزين.

= مدخليش زين في خناقات حد يدخل دكتور في خناقات؟ ده مش بتاع خناقات ده

- امممم وانت بقا الى بتاع خناقات!؟

ادهم ابتسم برخامه: اه.. انا تخصص خناقات

= لعلمك زين اتصرف صح و دافع عني و ده كفاية عندي وكمان الواد جري منه عشان جبان لكن زين فضل واقفله وكان هيصْربة لولا الناس

- ايا كان ايه الفكره ان محدش فيكوا يكلمني؟ ولا مش واخده بالك اني قطمت على الحوار ومقلتش لجدو؟

فريده بصتله بجديه: انا عمري ما هقولك لأني مش طيقاك وانت مش طايقني !

ادهم بنفس الجديه: و ده موضوع ميتسكتش عليه ملوش علاقه بأننا مش طايقين بعض! كان مفروض تعرفيني انا

- يعني ايه !

= يعني هعرفيني يا فريده لو حصل حاجه بعد كده!!

" كانت اول مره يناديني بأسمي! كان شغور غريب! "

- انا اصلا عمري ما هحب حد يتأذي بالشكل ده مش فاهمه ايه الى عملته فيه ده كله ؟؟

ببرود: ده ولا حاجه.. انا عرفته غلطته مش اكتر عشان يعرف ميمدش ايده على حد تاني

- مش بالطريقه دي انت بتأذي نفسك وممكن يـ..

فريده لاحظت انها قلقانه فا كملت بهدوء: احمم.. ممكن يقدم فينا بلاغ او حاجه..

ادهم فضل باصص لها لثواني:

- لا.. متخافيش محدش يقدر

" ابتسم و مشي في صمت! "

" زين نزل و ركبنا و روحنا الكلية.. و من يومها و الأمور هاديه.. انا و زين بنقرب و هو بقا دايما معايا يعتبر ومخلي باله عليا.. وانا وادهم بنتقابل في الشغل بدء يعلمني بجد وبطلنا نتخانق.. او يعني بننكش على خفيف لكن مازال بينا حاجز.. محدش فينا هيتخطاه أعتقد! "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| بعد مرور اسبوعين | في جنينه الفيلا بليل ||

- فيرو

بصيت ورايا وابتسمت: زنزون

= مش هتبطلي تنزلي تقعدي لوحدك

- قولتلك.. مش بيجيلي نوم اعمل ايه؟

= كنت خبطتي عليا

- افتكرتك نمت

= عندي ارق انا مش عارف انام.. وكنت عايز اتكلم معاكي في موضوع

- انتي عارفه ان السنه خلصت وانا من بدري وانا بنكش في حوار ومقلتش لحد ومش عاوزك تعرفي حد دلوقتي

= مش فاهمه عملت حاجه يعني؟

- اه .. عملت

= طيب قول!

- انا قدمت ورقي كله في جامعه بره.. في ألمانيا و.. و.. لسه واصلي الموافقة النهارده

بصتله بصدمه: يعني ايه ؟

= هاخد السنه السادسه بره.. وبعدين ارجع

انا كنت عايز اروح وانتي عارفه والطب في ألمانيا متقدم و هلاقي فرصه احـسـ

قاطعته: سنه يا زين !!!! انت بتهزر صح ؟؟ ده هزار؟

فريده وقفت بعدم استيعاب: ومقلتش من بدري جاي تقولي دلوقتي !!

" أدهم وصل الفيلا وشافهم من بعيد واستغرب فيه ايه افتكرهم بيتخانقوا"

- يا فريده والله انا ماشي في الموضوع ده من قبل ما تيجي اصلا ومكنتش حاسس اني هتقبل عشان كده مقلتش لحد

أدهم قرب ناحيتهم: فيه ايه؟

زين سكت وفريده بصتله: زين هيسافر يدرس بره! لمده سنه

زين: يا فريده!

أدهم: نعم؟ هو بابا و جدو وافقوا !!

زين: ولا بابا ولا جدو يعرفوا لسه و بعدين ده قراري انا!

أدهم: قرار اي ؟ هو انت عايش لوحدك عشان تقرر حاجه زي دي ! احنا ملناش لازمه؟

زين: والله هو انت جاي دلوقتي تعمل مهتم بوجودي اوي وتفتكر اني اخوك

ادهم: انت شكلها هبت منك بقا !!

لقيتهم هيبدأو يتخانقوا فا بعدت زين عن ادهم واتكلمت بنرفزه: بس !! اسكتوا !!

أدهم بصله: انت مش هتسافر

زين ضحك بسخريه: متأخره! انا خلاص اتقبلت وهسافر كمان اسبوع وانا مش عيل عشان تفرض عليا حاجه

" بصتله بعتاب!! وهو ادرك كلامه الى دلقه مره واحده"

لقيت ادهم قرب منه و شاور بتحذير ليا مقربش:

- ملكيش دعوة!!!

- ابقي وريني هتسافر ازاي يا زين

زين بعدم فهم: يعني ايه؟

= يعني اي دي بقا تبقي هتعرفها في وقتها

بعصبيه: خلي بالك انت بقيت بايخ !! محدش بيكلمك ولا بيتحكم فيك بس انت عاوز تتحكم في كل حاجه على مزاجك!! وكله يمشي تحت امرك !

طبطب على كتفه بسخريه: برضو مش هتسافر يا زين

زين زق ايده بعصبيه وكانوا هيمسكوا في بعض زعقت بصوت عالي: زين بس !!! انتوا اجننتوا !!

أدهم: غور ياحبيبي في ستين داهيه !!

" فتحت عيني بدهشه من جملته!!! مشي وسابنا و زين اتفاجئ من ردة فعله!!! "

" كنت همشي فا وقفني "

- استني

= زين انا بجد مش عارفه اقولك ايه!!!

" وقبل ما يرد عليا سمعنا صوت صويت في الفيلا روحنا بسرعه لقينا ادهم بيزعق "

- جهزوا العربية بسرعه !!!!

↚

لقيت ادهم قرب منه و شاور بتحذير ليا مقربش:

- ملكيش دعوة!!!

بصله بتحدي: ابقي وريني هتسافر ازاي يا زين

زين بعدم فهم: يعني ايه؟

= يعني اي دي بقا تبقي هتعرفها في وقتها

بعصبيه: خلي بالك انت بقيت بايخ !! محدش بيكلمك ولا بيتحكم فيك بس انت عاوز تتحكم في كل حاجه على مزاجك!! وكله يمشي تحت امرك !

طبطب على كتفه بسخريه: برضو مش هتسافر يا زين

زين زق ايده بعصبيه وكانوا هيمسكوا في بعض زعقت بصوت عالي: زين بس !!! انتوا اتجننتوا !!

أدهم: غور ياحبيبي في ستين داهيه !!

" فتحت عيني بدهشه من جملته!!! مشي وسابنا و زين اتفاجئ من ردة فعله!!! "

" كنت همشي فا وقفني "

- استني

= زين انا بجد مش عارفه اقولك ايه!!!

" وقبل ما يرد عليا سمعنا صوت صويت في الفيلا روحنا بسرعه لقينا ادهم بيزعق "

- جهزوا العربية بسرعه !!!!

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في المستشفي | داخل الغرفة ||

وليد: كده برضو تخضنا عليك يا بابا

هدي: حمدلله على سلامتك

سهير: حمدلله على السلامه

عبدالعزيز: انا كويس مفيش حاجه

الدكتور دخل: حمدلله على السلامه يا عبدالعزيز بيه

أدهم: خير يا دكتور ؟؟

الدكتور: متقلقوش شوية ارهاق بس و ضغط محتاج تريح شوية و تشيلوا عنه بقا ؟

وليد: شوفت يا بابا قولتلك.. هو مريض ضغط و سكر اصلا يا دكتور و بنفضل نتحايل عليه ميعملش مجهود

الدكتور: يبقي تسمع كلام انت غالي علينا يا باشا

" وبعد كلام الدكتور خرج والكل اطمن عليه وعبد العزيز لاحظ ان فريده مش موجوده "

عبدالعزيز: هي فين فريده

زين: هي بره هناديها

" خرجت لاقيتها قاعده وبتهز رجلها بتوتر و الدموع محبوسه في عيونها قعدت جمبها وطبطبت عليها"

- فيه اي بس مالك جدو كويس قولتلك تعالي ادخلي

" مردتش عليا.. انا كنت فاهم شعورها كويس "

- انا فاهمك

"فريده بصتله لأنها في العادي بتكره الجمله دي"

- فاهم انك خايفه.. ومش عايزه تفقدي حد تاني بس هو كويس والله وطلب يشوفك اجمدي كده! وانا معاكي.. كلنا معاكي يا فيرو.!

" وبعد ما اتفاجئت قد اي زين كان فاهم شعوري.. قومت معاه دخلنا واطمنت علي جدو الحمدلله يمكن مكملناش تلت شهور سوا! بس انا بحبه وحبيتهم كلهم مش عايزه اخسر اي حد فيهم..! "

عبدالعزيز: انا خلاص بقيت كويس محدش يقلق

" الباب خبط و دخلت عمتو هبه و يوسف "

هبة: بابا انت كويس !

عبدالعزيز: انا كويس مين كلمكوا!

بص ناحيه وليد بعتاب: ماشي يا عميل لما اقوملك

وليد ضحك: قوم بس بالسلامه

أدهم: انت هتقوم من هنا على البيت يا زيزو بيه ولا ايه يا بابا

وليد: بدون نقاش

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الفيلا | غرفة عبدالعزيز ||

" وفعلا روحنا و كنا كلنا بنقول لجدو يريح و ميعملش مجهود..! كنا كلنا في اوضته فا قالنا انوه كويس وطلب مننا نخرج كلنا معادا ادهم؟"

- ايوه يا حبيبي عاوزني في ايه

= عاوزك تعقل يا ادهم وتسمعني

ابتسم: انا عاقل والله

- بس عندك نص لاسع المهم تسمعني للآخر.. انا يحبيبي زي ما انت شايف مبقاش عندي عمر تاني اعيشه و افضل انظر و احكم

= ربنا يديك الصحه يا جدو متقلش كده دول شوية تعب

- خليني اكمل يا ادهم

= اتفضل

- انت يا ادهم اكبر حفيد في العيله و يمكن عشان كده كنا بنقسي عليك ساعات! انت لازم تبقي القدوة و تاخد بالك من افعالك لازم تبقي شايل كل حاجه

= انا عارف ياجدو وفاهم انا ساعات بتعصب اه و بتروح مني بس بعدها بهدي وبعرف انكم خايفين عليا وعلى مصحلتي و انا مش زعلان ولا بشتكي من حاجه انا قد المسؤولية صدقني

- و فريده يا أدهم

= مالهاا!؟

- فريده عاشت نص عمرها لوحدها.. عارف يعني ايه؟ عمرك ما هتفهم احساسها لانك من صغرك واحنا حواليك انا عاوزها دلوقتي تحس انها مش لوحدها عاوزك تحسن علاقتك بيها وتفضل جمبها الفترة دي انا مش هقول الكلام ده لزين.. عشان انا شايف ان انتوا بس الى بينكم حاجز

ادهم اتنهد بتعب: حاضر يا جدو.. انا كده كده اخر فتره دي علاقتي بيها كويسة وبنشتغل وتمام يعني مش عاوزك تقلق

- انا عارف انك راجل! وجواك حاجه غير الى دايما بتظهرها

ابتسم: سوسه انت ياجدو

- ولد ؟؟

ضحك وبعدين مسك ايده: صدقني متقلقش من حاجه ولا على الشركه ولا على العيله الملكية ولا اي حاجه انا قدها مش شرفتك في المؤتمر ؟

ابتسم برضا: حصل يا أدهم..

- يبقي خلاص بقا.. ثق فيا..

>>>>>>>>>>>>>>>>>>>>>>>>>>>>>>>>>

صلي على محمد

" فات يومين والأوضاع كانت هاديه نوعا ما و أدهم و عمي وليد الى بينزلوا الشركه.. وانا كنت قالبه على زين و الموضوع مضايقني جدا انوه هيمشي! وكمان انوه فاجئني! "

" كنا راجعين في العربية و هو بيحاول يفتح موضوع وعمال يفرك ويبصلي "

- زين ركز في الطريق!

= انا بقالي يومين مش مركز في حاجه غير انك زعلانه مني

" عيوني دمعت كل ما افتكر ان الوقت عمال يخلص و يمشي ببقي مضايقه ! "

- فريده؟ بصيلي طيب؟

" ركنت العربية لما حسيتها مش كويسة "

- فريده انتي بتعيطي!

= لا مش بعيط ملكش دعوة

- ملكش دعوة؟ هو ادهم علمهالك

= متهزرش معايا يا زين

- طب يا فريده اعمل ايه انتي عارفه ان ده حلمي ! ده انا معرفتش احققه كله حتي و هسافر سنه واحده! صدقيني هبقي معاكي انا عارف انك فكراني هسيبك بس

قاطعته: لا زين انت هتسبني فعلا! انا محدش قريب مني غيرك! انا مش هقدر ابين اني مش زعلانه ومش مضايقه منك! كمان جدو تعبان! ده مش وقته!

انت عارف كويس انك تقدر تسافر بعدين

- بس مش هلاقي فرصه زي دي! انا عارف ان جدو يقدر يسفرني و يخليني اتعلم هناك على اعلي مستوي بس انتي مش فاهمه المانيا مفهاش واسطه انا اتقبلت عشان شافو اني استاهل! انا مش عايز اخد مكان مش مكاني! انا حلمي ابقي جراح كبير وشاطر واعالج الناس

" زي ما زين فاهمني.. انا كمان فهماه. مكنتش هقدر اللومه وخصوصا اني شيفاه مضايق بسبب كل الى بيحصل! شكلي هضطر دايما افارق الي بحبهم"

بصتله بهدوء: هتسبني مع اخوك المهزق ده

"ضحك جامد"

- هتكلمني كل شوية؟

بصلي وابتسم: مقدرش مكلمكيش كل شوية

ابتسمت انا كمان: هنعمل اي مع جدو وعمي

- ربنا يسهل.. ناوي اعرفهم انهارده

= طب وادهم؟

- هروحك و اروحله الشركه ماهو مسحول هناك

= اخر مره انت اتعصبت عليه خدني معاك

- هتحوشيه عني يعني ده لو نفخ فيكي يطيرك!

= لا هاجي معاك.. يلا

>>>>>>>>>>>>>>>>>>>>>>>>>>>>>>>>>

|| في الشركه | مكتب أدهم ||

- انتوا جايين تتأملوا جمالي متخلصوا ورايا شغل! ولا انتوا عشان ايدكم في المياه البارده!

فريده: انا قاعده مع جدو عشان عيان !

زين بتهتهه: وانا... انا.. احم.. انا

أدهم بتريقه: انا مش انا ؟

:فريده كتمت ضحكتها و زين بصله بقلبة وش"

زين: انا هسافر خلاص.. وهقولهم في البيت

- سافر ومالو بالسلامه

زين بصله بنص عين: يعني مش هتمنعني

↚

= احتمال وانت بتتفتش في المطار تتقفش بحشيش ابقي خلي بالك يخويا ونبي

"انا وزين بصينا لبعض بصدمه"

زين: أدهم انت مجـ..ـنون متهزرش

- انا قولت حاجه؟ يلا من غير مطرود بقا عشان عندي شغل كتير

فريده: خلاص نتكلم في البيت يا زين

>>>>>>>>>>>>>>>>>>>>>>>>>>>>>>>>>>

استغفروا

" وفعلا رجعنا و عمالين نفكر هنقولهم ازاي.. خصوصا اننا مش عاوزين جدو يتعب.. قررت اساعده اصلي هعمل ايه! "

" ناديتهم للمكتب جدو كان قاعد بيراجع حاجات و بعدين زين دخل ومعاه طنط هدي والكل بقي موجود وخليت عمي ينادي أدهم "

عبدالعزيز: متتكلموا يا ولاد فيه ايه

فريده: ممكن بس بلاش انفعال

سهير: فيه ايه ياولاد اتكلموا

هدي بأنفعال: أدهم عمل مصيبه تانيه ؟

ادهم بعقدة حواجب: والله !! هو اي نصيبة أدهم لا يا ماما المره دي جيالك من ناحيه الدكتور قولها يحبيبي يلا عملت ايه

"لطمت على وشي من كلام أدهم الى خلاه كل الانظار تتوجه ناحيه زين بستغراب"

وليد: زين! عملت ايه؟

" فضل يبصلهم وساكت وقبل ما اتكلم راح ادهم مكمل علينا "

أدهم: ابنك المجتهد الشاطر جاتله موافقة سفر يدرس في ألمانيا بعد لما قدم ورقه هناك وعمال يرتب كل حاجه من ورانا عشان احنا ملناش لازمه

فريده: ممكن نديه فرصه يتكلم هو فيه ايه !!

ادهم: ملكيش دعوة

عبدالعزيز: بس !! ايه؟؟ هو احنا ملناش احترام؟؟

سهير: اسكتي يا فريده

وليد: ما تتكلم يا زين

هدي: انت فعلا عملت كده؟ عايز تسافر!! وتسبنا دلوقتي ؟؟

زين اتنهد: هو كله خلص ولا لسه حد هيتكلم؟

"بصتله بأسف وشجعته يتكلم"

- انا محتاج اسافر السنه دي جدا وهتفرق معايا و ده حلمي و انتوا رفضتوا اني أسافر في الأول ادرس السبع سنين بره وانا مرضتش اعترض بس انا شغفي اسافر السنه دي واجرب ومش قادر اتخطي شعوري ده انا اسف يا جدو عشان الموقف ده بيحصل وحضرتك تعبان بس انا فعلا بقالي فتره برتب ومكنتش اعرف ان حضرتك هتتعب ومرضتش اقول عشان مكنتش عارف هتقبل ولا لاء ! و حاجه اخيرة اسف عليها وهي اني مش بخيركم أنا مش هقدر افضل ندمان طول عمري لو مروحتش بعد لما اتقبلت بمجهودي

" لحظه صمت حلت علينا كلنا.. محدش كان بيتكلم و طبعا الصوت الوحيد الى مش بيتهد هو اول واحد هيظهر "

- لا والله كتر خيرك انك بتقولنا قراراك الى اخدته لوحدك متشكرين اوي!

هدي بصت لـ وليد بحيره: انت ايه رأيك؟

سهير بهدوء: بعد أرأكم جمعيا حابه اقول ان بحسب خبرتي الدراسة في المانيا محتاجه متطلبات مهوله و إجراءات بتقعد شهور ومعني انهم قبلوه.. فا هو يستحق فعلا و يبقي فرصه كويسة جدا له لو سافر وأكيد الرأي الاخير ليكم

"فريده ابتسمت لجدتها بسعاده"

" لكن ادهم كان شايط "

هدي بتأثر: لمده سنه يا زين!

زين ضحك وسط الموقف: يا ماما ارجوكي انا لسه واقف قدامك بلاش دراما

وليد: مش عارف اقولك ايه يا زين..

زين بص لعبدالعزيز: جدو؟ انت الوحيد الى لو طلبت مني افضل هفضل

عبدالعزيز ابتسم بقمه الحزن الداخلي: انا عمري ما اجبرت حد على حاجه انا دايما بطلب زي ما قولت

زين: وانا عارف انك مش هتجبرني لكن مجرد طلبك اني هفضل يبقي خلاص هفضل

عبدالعزيز: انا أكيد عاوزكم كلكوا جمبي وعمري ما هطمن و حد بعيد.. ربنا يعلم حزين قد اي عشان فريده قعدت بعيد عننا كل ده.. لكن زي ما قولت شغفك في السفر يبقي جرب يا زين..

" زين حضنه جامد في لحظه مؤثرة جدا.. لكني لاحظت نظرات أدهم الى مكنتش مبشره بالخير خالص! سابنا وخرج من الأوضة بقمه العصبية..! بصيت لزين "

- انا هشوفه

سهير: سيبيه يهدي يا فريده طالما مش متقبل الموضوع

- متقلقيش يا تيته

" خرجت وراه كان بيجري تقريبا ناحية عربيته فا جريت بسرعه وقفت قدامه لاقيته بصلي بشر "

- مش انسب وقت تقفي فيه قدامي خالص !!!!!

بصتله بهدوء عكس خوفي: انت عارف اني مش بخاف

- لو موسعتيش من قدامي هعجنك

= لما تقولي ناوي على ايه هتحطله محْدرات بجد!

- ملكيش دعوة

"كان هيمشي فا ناديت بصوت عالي "

= أدهم!!!!

وقفت للمره التانيه قدامه: ممكن تفهمه مره واحده في حياتك!! وتقف جمبه !! ده مش وقت تتخانقوا فيه!! زين مسافر كمان تلت ايام او اربعه! مش انت الى قولتلي وقت الجد لو فيه مشكله اعرفك حتي لو احنا مش طايقين بعض؟؟ ده وقت جد برضو! مينفعش تبقي علاقتكم كده وهو مسافر بره لوحده يتغرب!

"سمع كلامي كله وبعدين بصلي بنظره مقدرتش افسرها.. لكني شوفت في عيونه حزن غريب!! ظهر مع الغضب! مشي وسابني يومها.. وفضل الحال بينا كلنا هادي و كنا بنتجمع كتير عشان نقعد مع زين.. لكن أدهم واخد جمب مبين انوه عادي ومتقبل الموضوع بس واخد جمب ودايما ساكت"

>>>>>>>>>>>>>>>>>>>>>>>>>>>>>>>>>>>

|| ليلة السفر | في المطار ||

" كلهم ودعوه في الفيلا بس انا وادهم روحنا معاه المطار بأمر من جدو.. "

- احممم هتفضلوا ساكتين؟ بقالنا ساعه ونص في صمت ايه !

زين: هتوحشوني اوي..

" ادهم مردش وعامل مش واخد باله قومت وسيبتهم يمكن يتكلموا وغمزت لزين.. "

زين بص ناحيته: انت تعرف اني بكرهك ولا لاء

أدهم بصله برفعه حاجب: دي جملتي

ضحك: عادي بقا ناخد حاجه منك واحنا مسافرين

ادهم: انا بكرهك

"ضحك جامد فا أدهم ضحك بنرفزه هو كمان"

- ينفع اطلب منك طلب يا أدهم؟ طلب واحد.

= لا مينفعش

- ده العشم برضو.. عاوزك تخلي بالك من فريده بلاش عجن في البت وهي لوحدها ارجوك

= هو ده الى همك؟

- فريده تبان قوية وعنيده وبتاع بس من جواه جست جيرل فا متزعلهاش عشان انا مش هبقي موجود اصالحها.. ولا هبقي موجود اصلح وراك كالعاده

" أدهم بصلة بنظره طويلة وفي خلال اللحظات دي يكاد يكون اتغير وادرك حاجات كتير ! "

- زين.. انا اسف!

زين بصله بتعجب: آسف؟

- كفاية حاليا تعرف اني اسف بس.. مفيش وقت نتكلم في الى فات بس هيجي يوم ونتكلم فيه المهم تعرف اني..

ابتسم بحزن: اني مش بكرهك اوي يعني

زين بصله وعيونه مدمعه: نص نص ؟

أدهم: تمشي اه.. نص نص

" ضحكوا وحضنوا بعض جامد.. لما شوفتهم كده روحتلهم وانا على وشي ابتسامه"

- أخيرا!! يلا بقا عشان كده هتتأخر على الطيارة

أدهم بعبث: لسه فاضل ساعتين مستعجلين ليه

ضحكت جامد: يلا يا زين ده عاوزها تطير وانت تحصلها باين

>>>>>>>>>>>>>>>>>>>>>>>>>>>>>>>>>

" ودعناه احنا الاتنين و بعدين ركبنا العربية أدهم كان ساكت ومضايق اوي وانا كمان دموعي نزلت بحزن على فراق زين.. وصلنا الفيلا ولاحظنا زي ما يكون في حاجه غريبة و أول لما دخلنا البواب نده على ادهم "

- أدهم بيه

= أيوه؟ هما كلهم خرجوا ولا ايه فين عربياتهم

- الإسعاف جت خدت الست سهير

بصتله بصدمه: تيته !!!! تيته مالها ؟؟

أدهم: اهدي اهدي راحوا مستشفي ايه ؟

- مستشفي أ******

" ركبنا العربية بسرعه واتحركنا "

بعياط: محدش بيرد عليا ليه ؟؟ محدش بيرد على الموبايل !!! سوق بسرعه ونبي !!

" أدهم زود السرعه و وصلوا المستشفي و فريده نزلت تجري لحد ما عرفوا سهير في انهي غرفة وطلعوا على السلم جري لقوا هدي و وليد و عبدالعزيز واقفين قصاد غرفه عمليات "

فريده: جدو !! جدو تيته كويسة ؟؟ هي جوه!! عايزه اشوفها !!

وليد: اهدي ياحببتي اهدي !! هتبقي بخير مفيش حاجه

فضلت اعيط ومكنتش هاديه لحد ما الدكتور خرج وجريت ناحيته: تيته فين هي كويسة ؟؟ فاقت؟ تيته كويسه؟؟

الدكتور بص ناحيه عبدالعزيز: آسف.. البقاء لله

↚

" وصلنا الفيلا ولاحظنا زي ما يكون في حاجه غريبة و أول لما دخلنا البواب نده على ادهم "

- أدهم بيه

= أيوه؟ هما كلهم خرجوا ولا ايه فين عربياتهم

- الإسعاف جت خدت الست سهير

بصتله بصدمه: تيته !!!! تيته مالها ؟؟

أدهم: اهدي اهدي راحوا مستشفي ايه ؟

- مستشفي أ******

" ركبنا العربية بسرعه واتحركنا "

بعياط: محدش بيرد عليا ليه ؟؟ محدش بيرد على الموبايل !!! سوق بسرعه ونبي !!

" أدهم زود السرعه و وصلوا المستشفي و فريده نزلت تجري لحد ما عرفوا سهير في انهي غرفة وطلعوا على السلم جري لقوا هدي و وليد و عبدالعزيز واقفين قصاد غرفه عمليات "

فريده: جدو !! جدو تيته كويسة ؟؟ هي جوه!! عايزه اشوفها !!

وليد: اهدي ياحببتي اهدي !! هتبقي بخير مفيش حاجه

فضلت اعيط ومكنتش هاديه لحد ما الدكتور خرج وجريت ناحيته: تيته فين هي كويسة ؟؟ فاقت؟ تيته كويسه؟؟

الدكتور بص ناحيه عبدالعزيز: آسف.. البقاء لله

" الصمت حل في المكان.. و السواد حل قدامي انا..! "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| بعد مرور ساعتين | بداخل غرفة في المستشفي ||

" أدهم كان واقف لوحده وهما بيخلصوا إجراءات المستشفى عشان الدفنه وكل التفاصيل.. "

" عبدالعزيز دخل يشوفها "

- جدو! انا عاوزك

" خرجنا بره فا بصتله بعدم فهم "

= ازاي ياجدو فجأة كده؟؟

- قضاء ربنا يا ادهم!

= انا سمعت الدكتور قال انها كانت في المرحله الأخيره يعني ايه؟ كانت تعبانه ؟

عبدالعزيز بصله: أدهم بلاش نتكلم في اي حاجه دلوقتي بعدين.. خليك جمبها عشان لما تفوق

" ادهم دخل و بعد فتره لاحظ ان فريده بدأت تفتح عيونها فا قرب "

- فريده انتي كويسه؟

" قومت وبصيت حواليا.."

- احنا فين حصل ايه؟

"بصلها بستغراب وسكت"

" نظراته كانت غريبة بالنسبالي.. هو ماله هادي كده ليه مش طبعه "

- أدهم هو اي الى في ايدي ده؟ انا مالي

قعد قدامي وقرب واتكلم بهدوء: انتي حصلك انهيار عصبي و وقعتي فا ختي حقـ.ـنه مهدئة للاعصاب وبقالك ساعتين هنا.. انا عاوزك تهدي يا فريده! احنا معاكي متخافيش

= هي تيته فين؟

" سكت وفي اللحظه بدأت افتكر كل حاجه لما وصلنا الفيلا ملقناش حد ولما ركبنا العربية وكنا طايرين بيها ولما وصلنا المستشفي والدكتور قالي...!!؟؟ تيته فارقتني!!! مش هشوفها تاني؟ "

" بصتله بعد صدمه الادارك ونطرت الكانولا من ايدي وقومت فا وقف بسرعه ومسك كتافي "

- فريده اهدي !! اهدي !!

= هي فين ؟؟ تيته فين ها ؟؟؟ مسابتنيش يا أدهم صح !!! هي بره ؟؟ انا عايزه اخرج عايزه اشوفها

فريده كانت عماله تصرخ و ادهم ماسكها عشان تهدي: يا فريده اهدي عشان خاطري أهدي !!! كده مينفعش هيجرالك حاجه !

" و للأسف مكانتش بتهدي! اليوم عدي بالعافيه و دفنا طنط سهير الله يرحمها.. رجعنا الفيلا وهي منطقتش حرف وحالتها كانت بتسوء كل لحظه طلعت اوضتها في صمت ومكنتش بترد على اي حد فينا ماما دخلت لها وحاولت تهديها وتفضل معاها لكن مفيش استجابة لأي حد فينا "

|| في المكتب ||

- طب وبعدين يا جدو ؟

= الموضوع صعب عليها يا أدهم..

- انا مش قادر استوعب لا حول ولا قوة الا بالله كانت معانا كويسة و زي الفل

= لا يا ادهم مكانتش كويسة سهير مريضه كانسر بقالها فتره من قبل ما يجوا هنا.. و ده السبب الرئيسي انها تتواصل معايا و تسلمني فريده كانت خايفه عليها وملقتش غيرنا

بصتله بدهشه: يعني حضرتك عارف من وقتها!! و فريده اكيد متعرفش!

- سهير مكانتش عايزه فريده تعيش خايفه طول الوقت عليها لأنها متعقده من فراق الى بتحبهم قالتلي بلاش اقولها وقالتلي حتي لو حصل وتعبت او ربنا افتكرني خليها متعرفش السبب عشان متلومش نفسها

" دلوقتي كل حاجه وضحت قدامي..! عشان كده قررت تتواصل مع جدو ويعيشوا معانا.! بعد كل السنين دي هي عملت كده اكيد لما اكتشفت مرضها! "

= فريده حالتها وحشه جدا يا جدو

" قاطعنا صوت موبايلي مسكته لاقيته زين"

- ده زين بيرن..! مش عارف اقوله ايه

= والله يابني ولا انا.. كلمه عادي دلوقتي لحد ما نشوف هنعمل ايه

فتحت عليه وسمعت صوته بيصوت بفرحه: انا لسه راجع من الكلية وتحفه !!!!!

" كنت مبسوط لما سمعت صوته فرحان "

- انت مكلمتنيش ليه لما وصلت

= اتلهيت في خمسين حاجه بس بعتلكم مسدجات هي فريده مش بترد ليه عملت اي في البت..

" بصيت لجدو ومكنتش عارف اتكلم حاولت اخلي صوتي طبيعي "

- هي.. كانت في الكلية و الشركه و رجعت مرهقه فا نايمه بقالها شوية

= لا ياحبيبي براحه عليها فاهم؟ انا عارفك واد بغل هسألها عملت معاها ايه لما تفوق

- متقلقش يا زين.. انا.. انا مش هضايقها

= مال صوتك؟

- لا مفيش.. انا كمان كنت طول اليوم بره فا تعبان

= طب محدش جمبك؟ انا برضو رنيت عليهم مردوش

" افتكرت بابا و ماما فا شاروت لجدو ياخد الموبايل يسلم عليه وخرجت اشوفهم "

- ماما!

= ايوه ياحبيبي

- كلموا زين و محدش يقوله الى حصل لحد ما نشوف طريقه نعرفه بيها او نشوف هنعمل اي

وليد: انا كنت هقول كده برضو

هدي: صعبانه عليا اوي حاولت اتكلم معاها بس هي ياحببتي مش هنا خالص

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| بعد يومين | اخر يوم عزاء ||

- البقاء لله

" سلمت على يوسف و بعدين وقف جمبي "

- هي فريده فين؟

= في اوضتها

- طب هي عامله ايه؟

= مش كويسه.. ومنزلتش من اوضتها خالص

- انتوا بتحاولوا تكلموها طيب اخلي ماما تطلع لها

= مفيش فايده مش بتكلم حد خالص و ماما طلعت لها كتير وكلنا حاولنا نتكلم معاها بس مش بترد على حد فا قولنا نديها وقتها

- ربنا يصبرها.. وايه موضوع ان زين معرفش ده ازاي محدش قاله

= الحاجات الي زي دي صعبه تتقال في الموبايل يا يوسف؟

- معاك حق.. طب هو مش مستغرب الوضع او شك في حاجه

= لا شاكك طبعا انا كل شوية اقوله حجه شكل

"قاطعهم صوت الموبايل"

ادهم اتنهد بتعب: اتفضل اهو بيرن..

يوسف: طب روح وانا واقف

" ادهم خرج بره في الجنينه ورد عليه "

- الو يا زين عامل ايه

↚

= الحمدلله.. يا ادهم انا عايز اكلم فريده

- يا زين قولتلك

قاطعه: جدو بيقولي اصل طنط سهير تعبانه وهي جمبها وحاجات كلها كده مش راكبه على بعض انتوا حد فيكوا ضايقها؟؟

= والله لاء! هو انت مش مصدقني

- اه يا ادهم مش مصدقك

= طب جدو كمان هيكدب هي حالتها وحشه ومش راضيه تتكلم

- مش معقول هتقعد كل ده متكلمنيش !! انا عارفها فريده مش هتعمل كده غير لو فيه حاجه

= خلاص يا زين.. انا هخليك تكلمها اديني وقت وهحاول

- لما نشوف !!

= صدقني متقلقش.. ركز انت في الى رايح عشانه!

" قفلت معاه و استنيت العزا يخلص وبعدين طلعت لها خبطت ودخلت الأوضة لقتها على نفس حالتها.. "

" دخلت وقعدت جمبها على السرير "

- فريده.. انا كنت عايز اتكلم معاكي

" مكنتش بصالي لكني كملت "

- اول لما جدو جمعنا وقالنا طلع بنت عم.. فجأة رفضت الموضوع ومكنتش مصدقه ومحطتش في بالي.. لحد ما جيتي و شوفتك ولاقيتك شبه عمي جلال بس برضو رفضت اصدق كان جوايا حاجه بترفض دايما وجود اشخاص غيري يخدوا اهتمام.. كنت بغير..

- لحد ما عملت التحاليل ومكنش مطابق قولت بس دي فرصتي عشان امشيكي وطبعا طلعت التحليل فيه مشكلة.. ومع الوقت خلاص استسلمت للأمر الواقع بس كنت بحب اضايقك زي ما كنت بعمل بالظبط مع زين انا كنت وحش معاه! وكان نفسي يبقي هو كمان وحش معايا لكن مكنش بيعاملني بنفس معاملتي لي كان احسن مني وده شيء كان بيخليني احس اني بكرهه اكتر وغيران منه وحاسس انوه جه بعدي بس بياخد حاجات مني او بياخد حاجات انا مختهاش! زي انوه انا اتفرض عليا ادخل بيزنس وامسك الشركه لاني الكبيرة وكل ده مع اني كنت عاوز ادخل هندسه ميكانيكا لكن زين وافقوا يدخل طب ويبعد عن شغل الشركه

- حاجات كتير زي دي كانت مخلياني وحش! ولما انتي جيتي قولت لا انتي هتبقي البنت الوحيده في العيله و كله هيركز معاكي ومحدش هيهتم بيا اكتر من الاول! فا كل ده كان بيخليني اتصرف كده

- بس يا فريده كل ده اتغير بسببك انتي! طريقتك وكلامك و هدوءك كل حاجه كانت بتغيرني واحده واحده لحد ما عقلت واكتشفت اني بحب زين اوي بسبب موقف الواد الى عاكسك ومسك ايدك لما حسيت انوه حد جه عليه وانا موجود واكتشفت اني برضو مهتم بيكي وخايف عليكي لما حسيت انك اتحطيتي في موقف زي ده ومكنتش معاكي

- واخر حاجه كانت كلامك معايا واني اسيب زين يسافر انا مكنتش عايزه يسافر عشان بحبه وخايف علي ومش هقدر اعيش من غيره! لكن انتي برضو الى خلتيني اقتنع واهدي واتقبل الموضوع انتي حقيقي يا فريده وجودك فارق وقوية! صدقيني تقدري تعدي اي حاجه انا واثق فيكي! وهفضل جمبك

" فريده كانت دموعها نازله بصمت فا ادهم قرب و طبطب عليها "

اتفاجئ انها بتبصله و هتتكلم: انا عاوزة زين!

" مكنتش عارف اقولها اننا لسه معرفنهوش حاجه ومازلت مش عايز اقوله خبر زي ده لكن من البداية كان مفروض يبقي موجود معانا ولما يعرف اننا كدبنا عليه مش هيعدي الموضوع اصلا! "

بصتلها وهزيت راسي بالايجاب: حاضر يا فريده حاضر

" وبعد تفكير كتير اوي عرفت هعمل ايه.. حجزت تذاكر طيران ورتبت كل حاجه عشان نروحله وهي رجعت لحاله الهدوء الى كانت فيها قبل ما نتكلم.. فا مرضتش اضغط عليها في اي كلام تاني لكن قولتلها تبعت مسدج لزين تطمنه لحد ما نروحله عشان يهدي شوية! "

>>>>>>>>>>>>>>>>>>>>>>>>>>>>>>>>>

صلي على محمد

عبدالعزيز: خلاص كده كل حاجه جاهزه

أدهم: اه هي في العربية بره هنتحرك دلوقتي

هدي: خلي بالك عليها يا أدهم

- متقلقوش المهم بس يا جدو متتعبش نفسك في الشغل لحد ما ارجع!

بصيت لبابا: بابا! الموضوع في ايدك

وليد: متخافش ياحبيبي ابقي طمنا انت لما توصلوا

>>>>>>>>>>>>>>>>>>>>>>>>>>>>>

استغفروا ♡

" بعد ما نزل زين فضل يفكر في كل الى حصل وبيحاول يلاقي كلام يقوله لفريده دخل وبص عليها وهي نايمه والتعب باين اوي على ملامحها "

" كانت بتحاول تفتح عيونها بتعب.. زين لاحظ انها وارمه فا راح جاب كيس تلج صغير وقعد جمبها "

- خليكي خليكي

" حطه على عينها بهدوء "

- عينيك تعبانه اوي و وارمه فا استحملي التلج شوية بس عشان تهدي

" فضلت حاطه على عينها فتره وهي ساكته وبعدين شلته "

- حاسه احسن؟

" مردتش فا زين وقتها عرف الموضوع هيبقي صعب ازاي وهو مكنش عارف يجمع كلامه "

- فريده.. انا فاهم الوضع الى انتي فيه عامل ازاي واكيد شايفه دلوقتي الدنيا سوده! وانك بقيتي لوحدك.. بس ده مش حقيقي

بصتله بدموع: انا عارفه..! انا عديت بده تلت مرات.. بس اول مره ماما كانت معايا و هونت عليا غياب بابا و تاني مره تيته هونت غياب ماما بس دلوقتي..

عيطت جامد فا زين طبطب على كتفها: طب اهدي بلاش عياط طيب!

- دلوقتي انت مكنتش موجود معايا!

زين اتفاجئ من جملتها..

↚

" كانت بتحاول تفتح عيونها بتعب.. زين لاحظ انها وارمه فا راح جاب كيس تلج صغير وقعد جمبها "

- خليكي خليكي

" حطه على عينها بهدوء "

- عينيك تعبانه اوي و وارمه فا استحملي التلج شوية بس عشان تهدي

" فضلت حاطه على عينها فتره وهي ساكته وبعدين شلته "

- حاسه احسن؟

" مردتش فا زين وقتها عرف الموضوع هيبقي صعب ازاي وهو مكنش عارف يجمع كلامه "

- فريده.. انا فاهم الوضع الى انتي فيه عامل ازاي واكيد شايفه دلوقتي الدنيا سوده! وانك بقيتي لوحدك.. بس ده مش حقيقي

بصتله بدموع: انا عارفه..! انا عديت بده تلت مرات.. بس اول مره ماما كانت معايا و هونت عليا غياب بابا و تاني مره تيته هونت غياب ماما بس دلوقتي..

عيطت جامد فا زين طبطب على كتفها: طب اهدي بلاش عياط طيب!

- دلوقتي انت مكنتش موجود معايا!

" زين اتفاجئ من جملتها.. كان عارف من اول يوم انهم هيبقوا قريبين بس افتكر ان ده هيبقي شعور من ناحيته هو بس "

قرب منها بسرعه: انا اسف والله! انا لو كنت اعرف عمري ما كنت هسيبك يا فريده

- انت سبتني من قبلها! انا مكنتش هقدر اقولك خليك عشاني! كنت هبقي بقف قدام حلمك فا قولت خلاص هتعدي لكن انا بقيت لوحدي فجأة! وانت يا زين اقرب حد ليا من اول لما جيت وانت جمبي و كنت حاسه

ان.. كنت حاسه اننا نعرف بعض من زمان مكنتش بالنسبالي زي الباقي كنت بتتعامل معايا كأني متربية معاك مش واحده جت بعد 22 سنه تقولكم انا قريبتكم! و كنت بتفهمني وانا عُمر ما كان عندي حد بيفهمني!

انا بحبهم برضو.. بس انت غيرهم انت كنت حنين عليا أدهم ضايقني اوي في الأول! بس دلوقتي كويس معايا لكن انا عاوزاك انت الي تفضل معايا تيته سابتني وبقيت حاسه بقلق وخوف من غيرها!! وقبلها ماما.. و ... و هما وحشوني اوي يا زين اوي!!!!

= طب اهدي مش هسيبك والله صدقيني اهدي وبطلي عياط عشان خاطري!

" كل كلامها خلاني اضايقت اوي اني سيبتها و زعلان عشان الى حصلها متستاهلش كل ده ابدا! فضلت اتكلم كتير معاها واطمنها "

- خلاص بقا عشان عيونك.. بعدين جدتك كانت بتحبك اوي يا فريده وهتكون زعلانه لو فضلتي كده كمان انتي اقوي من كده انا عارف ده!

"مسح دموعها وطبطب عليها وهي بطلت عياط"

" ادهم وصل وكان معاه اكل كتير "

- انا اتمرمط !

زين: حصل ايه

- انا توهت خمسين مره البيوت كلها شبه بعض ازاي كده

بصلي: شايفه الفلاح الى جي يفضحني في ألمانيا

فريده حاولت تبتسم وهي بتمسح وشها بتعب: انا تعبانه.. عايزه انام

أدهم: مش هتاكلي

"هزت راسها بالنفي وقامت"

أدهم بصوت واطي: جبتك يا عبد المعين تعني!

" دخلت الأوضة و اترميت على السرير مكنتش حاسه بأي حاجه غير ان شعور الخوف والقلق بيقل وانا جمب زين مكنتش فاهمه ليه لكني برضو حسيت ان حياتي وقفت.. ماما وحشتني اوي! و بابا الي حتي مشوفتوش.. كان جوايا صوت كله حزن و بيقولي ان حياتي مدمره.. ولكن فيه صوت تاني جوايا بيقول الحمدلله لقيت عيلة.. و بقوا يحبوني كلهم...! "

" وبعد فتره تفكير فريده نامت "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

= هنعمل اي طيب يا زين هو انا جايبها من مصر لحد هنا عشان تفضل بحالتها دي

- هو انت بتهرج يا ادهم لازم تاخد وقتها في الزعل.. الموقف مش سهل وهي متأثره اوي بـ الي عمال يحصلها بس عموما هما يومين ونرجع كلنا

= ايه؟؟ هترجع!

- ايوه! انا مستحيل اسيبها

= انا هبقي معاها!

- انت لازم تركز في الشركه عشان جدو

= وانت مفروض تركز في دراستك!

- هي مش راضيه تكمل كدا كدا ؛ الأول جدو تعب و بعد كده طنط سهير الله يرحمها فا واضح انها أشارات عشان ارجع من هنا

ادهم بصله وضحك غصب عنه: يعني مفيش كده

زين بصله بستغراب: انت بتضحك على اي يا ادهم مخك ساح ولا ايه

رد بضحك: اصل حظك يعني محصلش

زين: انت فرحان عشان هرجع

مسح على شعره وبصله وهو بياخد نفسه: لا.. انت عارف بكرهك قد ايه يعني وكنت مرتاح من غيرك

- وانا كمان بكرهك بس زي ما تكون وحشتني شوية

و وحشني وانت بتجعر في البيت كده ومحدش مالي عينك

= ازاي تكلم اخوك الكبير بالشكل ده؟

- هتقعد طول حياتك تتنطط عليا عشان اكبر مني بسنه واحده

= سنه و تلت شهور يحبيبي

- تصدق فرقت..

= زين هو انت مش شايفني اخوك الكبير فعلا

- اكيد لا يا أدهم انت اه راجل مؤذي وبتحب الخناق ونكاش و مغرور بس برضو عارف انك بتحبني يعني اصل هتنكشني ليه لو مش بتحبني

ادهم بجديه: يعني مكنتش فاشل بدور الاخ الكبير؟

- بالعكس الظاهر حاجه والحقيقه حاجه

= طيب وايه الحقيقه! انا كنت عمري قدوه ليك!؟ اشك!

- أيوه اكيد كنت ومازلت!.. انا عارف كويس انت كان عليك ضغط عامل ازاي ومع ذالك مستحمل و سمعت كلام جدك ودخلت بيزنس ومع انه مش المجال الى كان نفسك فيه لكن ابدعت! من اول السنه والكل كان بيتكلم عنك و الشركه عرفت انت شاطر قد اي! حتي جدو وبابا كانو فخورين بيك جدا كان نفسي ابقي زيك!

بصتله وابتسمت بسخريه: انا الى كنت نفسي ابقي زيك واختار مجال بحبه وكنت مضايق عشان محدش حاطط عليك مسؤلية زيي.. و الاغلب مش مهتم بيا.. انا قولتلك ان هيجي وقت ونتكلم وهو ده.. انا مكنتش بكرهك يا زين ولا كنت وحش بس كل الضغط ده كان بيطلع غضب ومشاكل ونكش وسهر بره بليل وتصرفات مش صح لكن..

كل ده اتغير دلوقتي انا فهمت ان كل واحد ربنا حطه في مكانه.. وان جدو بيحبني وبيحبك.. وحتي فريده بيحبها اوي جدو حالته كانت وحشه جدا بسبب الى حصل لفريده طب انت عارف ؟

زين بصله بأهتمام و أدهم قرب و اتكلم بصوت واطي: جده فريده.. كانت تعبانه بس مكنش حد يعرف غير جدو كانت خايفه على فريده تفضل قلقانه طول الوقت فا مقالتش و للأسف كانت في المراحل الأخيرة لما سمعت الدكتور بيتكلم معاه وعرفت قولتله قالي اياك تعرفها لأنها مش هتستحمل حاجه زي دي.. و هتلوم نفسها عشان محستش بتعب جدتها وحاجات كتير

زين بأستيعاب: انا برضو مكنتش فاهم ازاي ده حصل فجأة!! بس جدو معاه فعلا حق فريده حساسه جدا بزيادة! ومش هتستحمل مش لازم تعرف ابدا

- أيوه.. عارف انا بس بقولك

= المهم..

- ايه المهم؟

= انا مش بكرهك ولا زعلان ولا في حاجه من الى انت متخيلها دي.. انت حاجه كبيرة بالنسبالي

أدهم بص لنفسه: كبير لحد فين يعني يا زين تقصد ايه

زين صْربه في كتفه: بطل تقل دمك ده

ضحك: يلا حقودي..

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed.

|| في مصر | في شركة الجيار ||

- جرا ايه يا بابا ؟ بلغوني انك وصلت

= انت مشغل جواسـ ـيس عليا ولا ايه يا وليد بيه

- يا بابا حضرتك تعبان

= لا مش تعبان انا بس كنت قاعد يومين عشان عيالك ينزلوا من على وداني

- اه وانا مليش خاطر يعني تقعد عشاني

= انا مش هطول! متبقاش زنان زي عيالك

- يا الله عليك ياحج.. بتحب الشغل بطريقة!

= انا هخلص واطلع اخلص إجراءات تانيه وعايزك معايا عشان فيه حاجات تخص فريده

- حاضر..

= وكمان انا بلغت ناديه اختك و جوزها عشان ينزلوا وهي قالت لي جايين

- وافقت تنزل من دبي بسهوله كده

= انا الى اصريت يا وليد.. انت و ناديه و هبه لازم تتجمعوا انتوا اخوات يعني مفروض تتجمعوا كل فتره مش كل واحد قاعدلي في حتة و كمان انا عاوزكم كلكوا تبقوا موجودين حولين فريده الفترة الجاية عشان متحسش انها لوحدها

- والله معاك حق يا بابا

= ابنك كلمني الصبح وقالي انها نوعا ما احسن من الأول بس لسه مش كويسة فا عايز الكل يبقي موجود لما ترجع

>>>>>>>>>>>>>>>>>>>>>>>>>>>>>>>>>>

صلي علي محمد

||في المانيا | في البيت ||

" صحيت وانا مش مستوعبه انوه كل ده حقيقي.. حاسه اني كنت بحلم.. او نفسي كنت ابقي بحلم.. خرجت بره وشوفت أدهم و زين بيتكلموا.. جزء مني فرح جدا بعلاقتهم الى اتحسنت "

أدهم: صباح الخير

زين: عامله ايه يا فيرو!

قعدت جمبهم: الحمدلله

أدهم: دي طلعت بتتكلم

"ابتسمت بهدوء ولقيت زين بيبصلي"

- عينك بايظه خالص.. لازم قطره على فكره

= انا فعلا حاسه اني مش شايفه كويس و حاسه بوجع والتهاب

- طب قومي اللبسي لازم نروح نجبلك قطره

ادهم: طب ما انزل اجيب انا

- لا لازم هي تيجي عشان هنروح عند الدكتور الأول ناخد روشته لأن هنا مش زي عندنا هنا اي حاجه حرفيا ليها إجراءات فا القطره لازم تبقي مكتوبة فالروشتة

= بتهزر بجد!

زين بص لفريده بقله حيله: شوفتي؟ قولتلك فلاح!

" ضحكت بالعافيه عليهم.."

" وفعلا قومنا نلبس ونزلنا روحت المستشفي وبعد شوية دخلت الدكتور شاف عيني وكتبلي القطره بعدين نزلت اخدتها وكنا راجعين انا و زين "

- انت مقلتش ليا انك بتتكلم الماني حلو كدا

= كنت عايز اتعلم لغه جديده واخترته من بدري اوي بقالي حوالي اربع سنين بدرسه

- حلو

" سكتنا فا وقف وبصلي وهو بيتنهد بهدوء"

- انتي مش مضطره تعملي كده

= اعمل ايه؟

- تتصرفي كأن مفيش حاجه ومتديش لنفسك وقت تزعلي تلاقيكي بتقولي مش عايزه ابقي النكديه الوحيده ومش عايزه حد يشيل همي ولا ابان ضعيفه ومش قادره اتخطي انا عارف كل ده وبقولك لا متفكريش كده

بصتله بتأني..: هو انت ازاي فاهمني كده؟

- مش عارف يا فريده.. بس كل الى عارفه انك مهمه اوي عندي ومش عاوزك تضايقي ولا تشيلي هم حاجه احنا معاكي في اي حالة تكوني فيها! هنفضل حواليكي اعرفي ده

عيوني كانت هتدمع فا شاور بأيده بسرعه: لا لا لا عياط لاء ادي فرصه لعينك تخف !

" ضحكت غصب عني..

وصلنا لحد البيت و لقيت ادهم محضر اكل "

أدهم: يلا اهلا.. يا اهلا انتي هربتي امبارح مش هتعرفي تهربي دلوقتي طبخت بنفسي شمي حتي كده الريحه

زين: تشم ايه؟؟ ، ايه الريحه دي ده احنا هناكل وننزل نكشف تاني

أدهم: ليه ياعم ما تبطل حقد بقا

فريده: ريحتها غريبة فعلا!!

زين: أدهم انت مش شامم دي مستحيل تكون لحمه عاديه يحْربيتك جبتها منين؟؟

فريده قربت وشمتها: أدهم.. دي لحمة حْنرْ ير!!

↚

أدهم: ايه !!!! ده انا واكل حتتين قبل ما تيجوا

بطني اه .. اه اللحقوني إسعاف !!

وانا اقول طعم امها مش زي بتاعتنا ليه افتكرتها عشان غاليه اللحقوني مش قادر اه

>>>>>>>>>>>>>>>>>>>>>>>>>>>>>>>>

استغفروا..♡

|| في المستشفي | داخل غرفة ||

" ادهم كان قاعد بعد ما اتعمله غسيل معده وخد ادوية وحاجات "

زين: انتوا جايين تفضحوني في المانيا انا عارف

فريده ضحكت: عامل اي يا ادهم!؟

أدهم: الراجل ابن الجرْمه يا زين هو السبب

زين: يحبيبي هو ماله ! انت تقرا مكتوب عليه حلال ولا لاء ! انت ليه بتتعامل كأنك في مصر !

فريده: عنده حق

أدهم: اه اقعدوا اعملوا من حواري اوروبا طب انتي كنتي عايشه بره طول عمرك واكيد عارفه الفرق بين اللحوم وانت طول حياتك هتبيض وتيجي هنا فا طبيعي مجمع معلومات عن البلد الى هتقعد فيها انا اعرف منين ؟؟ اعرف منين انها لحمه زفت !!!

فريده: خلاص حصل خير.. المهم انت كويس دلوقتي

- كويس اي انا عايز ارجع مصر !! انا كرامتي اتقل منها هنا ! والدكاترة سيباني لحد ما كنت هفطس انا حاسس اني مش هلحق ارجع مصر يا زين

زين: يخربيتك بتموت فالدراما

- الى خرج من داره اتقل مقداره

زين: انت ملكش خروج من الحدود المصرية تاني فعلا

>>>>>>>>>>>>>>>>>>>>>>>>>>>>>>>>>

" وبعد ما روحنا.. رمينا الأكل الى أدهم جابة طبعا وطلبنا اكل تاني وفضلنا قاعدين سوا شوية.. كانو بيتكلموا معايا وبيحاولوا يهونوا عليا.. وانا كنت اوردي فكرت و اخدت وقتي..! وعرفت هعمل ايه."

- انا كنت عايزه اقولكم حاجه..

زين: قولي يا فيرو

- انا عايزة افضل هنا

أدهم: هنا ازاي !

= هنا مش عايزه ارجع معاك

ادهم: نعم؟؟ لا طبعا

زين: خليها تكمل

بصيت لأدهم: مش هقدر ارجع دلوقتي! انت لازم ترجع عشان جدو

- وانا مش هينفع اسيبك هنا! هقولهم ايه؟ هو انتي عاوزة تسبينا!

= انا مش هقدر ارجع دلوقتي يا أدهم هفضل مع زين

- زين اغلب الوقت هيبقي بيدرس و بره وانتي هتبقي لوحدك فا ليه؟ انتي خلاص عندك حياة هناك! مش هينفع ترميها وراكي

بصتله وعيونه مدمعه وبدأت اتكلم بحده خفيفه: انا مش قادره اكملها دلوقتي !! مش قادره ! انا مش عايزه ارجع ويفضل يتبصلي بنظرات شفقه وابقي البنت الى خسرت كل حاجه يا حرام !! وانا كده فعلا !! ومش هقدر ابقي كويسة و ابين اني كويسة وعادي وتمام هناك فا مش هرجع غير لما ابقي كويسة بجد !!

زين بهدوء: فريده خلاص اهدي! محدش هيجبرك على حاجه اهدي!!

ادهم: انا خايف عليكي مش أكتر!!

- وانا مش عايزه ده !

" ادهم بصله بعدم فهم! وفريده قامت وسابتهم "

- أدهم ده مش وقته خالص عناد سوا!

= انت يابني مش شايف هي بتفكر ازاي! هتعمل ايه في كليتها ؟ وانا هقول ايه لجدك !! وانت هتركز معاها ازاي فيه حاجات كتير اوي تخلي وجودها هنا مش نافع !

- وفيه حاجات كتير انت مش واخد بالك منها مع ان هي خرجتها في لحظه غضب.. فريده مش عايزه حد يشفق عليها و مش عايزه تواجهه حد دلوقتي فاهم ده؟ وبعدين متقلقش عليها هي طول عمرها عايشه برا زي ما بتقول صدقني هنعرف نتصرف متقلقش و انا هحاول معاها ترجع بس مش دلوقتي.. لكن خليك واثق فيا

" سكت لأني مكنتش راضي من جوايا معرفش ليه فكرة انها تبعد مش مقبولة هل عشان خايف عليها بس؟ ولا جوايا حاجه تانيه ! "

- ما ترد يا أدهم شكلك مش واثق فيا و لسه فاكرني اتعلم عليا في الخناقة زي ما قولت

= يعني انت متعلمش عليك؟

- عيب بقا ياعم بقا

= طب و البونيه الى كانت فنص وشك

- قولنا عيب بقا!

= بس انا كلت لك الواد علقه يا زين

- اه مانا خت بالي بتحبني اوي انت

= بكرهك يا زين

- بتحبني

= سلام يا زين

- خد رايح فين

= داخل انام

>>>>>>>>>>>>>>>>>>>>>>>>>>>>>>>>>>

|| تاني يوم ||

" صحيت و فضلت افتكر الى حصل امبارح بليل وازاي اتعصبت على ادهم خرجت لقيته نايم فا روحت اصحيه "

- قوم!

انت ليه نومك تقيل كده..

قوم! انت واكل فيل؟

فتح عينه وبصلي: لا واكل حْنرْ ير

قام وقعد وهو بيفرك في عينه: عامله ايه؟

- كويسة

= لسه زعلانه؟

- لا.. انت زعلان؟

= لا يا فريده مش زعلان انا خلاص هسيبك على راحتك وهنزل انا مصر انهارده

- بسرعه كده؟

= اصل بابا قالي ان جدو غفلنا ونزل الشركه

- اه.. طب هو انت هتقولهم ايه؟

= متخافيش هاخد صفك و اقنعهم ان وانتي هنا افضل

- على فكره يا أدهم انا مش صغيره ومش محتاجه حد يقعد معايا لما زين ينزل هقعد لوحدي عادي و

قاطعها: عارف يا فريده! عارف انك مش عيلة ولا صغيره بس مكنتش عاوزك تبقي لوحدك بعيد عننا لكن عموما براحتك احنا هنبقي مستنينك وقت لما ترجعي تاني

" و ده كان اخر حوار بينا عن الموضوع و في اخر اليوم نزلنا مع ادهم المطار عشان يسافر ورجعنا انا و زين البيت .. "

>>>>>>>>>>>>>>>>>>>>>>>>>>>>>>>>>

صلي على محمد♡

|| بعد 24 ساعه | في مصر ||

" لقيت عربيات كتير جدا قدام الفيلا لما وصلت ولما دخلت لقيت جدو مجمع العيلة كلها.. ينهار ابيض لقد وقعت في الفخ "

عبدالعزيز: أدهم وصل اهو حمدلله على السلامه يا حبيبي فين فريده؟

" بلعت ريقي وبصيت على العيله.. عمتي ناديه و احمد جوزها و يونس و يزن عيالهم.. وعمتي هبه و يوسف ابنها و بابا وماما.. "

- ءءء هو ... احم.. ممكن نتكلم في المكتب ؟؟؟

" دخلنا المكتب وجدو مضايق ومش فاهم حاجه طبعا لحد ما حكيت له كل حاجه حصلت "

= انت أكيد بتستعبط !!!!

- انا ؟؟ انا مالي !! كنت اجيبها غصب عنها! ما حضرتك كنت هتقلب عليا برضو !!

= انا مكلمك وانت قايلي جاي مقلتش ليه انها مش هتيجي عمتك نزلت من دبي و عرفت كله يقعد هنا في الفيلا كام يوم ويرتب اموره !

- محصلش حاجه خليهم قاعدين ينورو مع اني مش بطيق عيال ناديه

= انت هتهزر ؟؟

" وليد دخل "

- فين يابني فريده !!

أدهم بزهق: لا مانا مش هحكي ميت مره قولوا لبعض بقا وانا هخرج اسلم على عيال ناديه اصلهم وحشوني اوي.. اه بعد اذنكم

" طبعا هربت ! عارف انهم مش هيلاقوا حد غيري

انا ينفـ ـجروا فيه !

"خرجت وسلمت عليهم وقعدنا"

ناديه: امال فين ياحبيبي بنت عمك

هدي: فريده فين يا أدهم؟

بصيت ناحيه يوسف بعبث: وانت عامل اي يا معلم؟

يوسف بستغراب: انا كويس يا ادهم انت تمام؟

- لا انا حاسس اني محتاج اشم هوا تيجي نخرج؟ هخرج واستناك بره..

" يلا و فلت من دول كمان يتصرفوا هما مع بعض بقا انا ناقص انا فيا الى مكفيني وجوايا حْنرْ ير وساكت

بعت مسدج لزين و فريده اني وصلت عشان اطمنهم.. "

>>>>>>>>>>>>>>>>>>>>>>>>>>>>>>>>>>

|| في المانيا ||

- أدهم بيقولي انوه وصل اهو..

= كويس.. طب مقلش حصل ايه؟

- مش عارف بكلمه بيكنسل

= يمكن تعبان شوية لما يرتاح نبقي نكلمه تاني

- طيب.. دلوقتي مبقاش فيه غيرنا هنا..

مش حابة تتكلمي عن حاجه ؟

بصيت للسما وابتسمت وعيوني بتلمع: عايزه اقولك سر..

بصلها بأهتمام: قولي ياستي

- من وانا صغيره ببص للنجوم وبكلم بابا.. بتخيل انوه نجم في السما ولما خسرت ماما.. بعدها بقيت اتخيلها هي كمان نجمة جميلة.. و دلوقتي تيته.. انا عمري ما شاركت حد السر ده

"نهت كلامها وبصتلي"

= طب اشمعنا انا..

فريده:...

↚

- دلوقتي مبقاش فيه غيرنا هنا..

مش حابة تتكلمي عن حاجه ؟

= اه.. عايزه اقولك سر..

بصلها بأهتمام: قولي ياستي

- من وانا صغيره ببص للنجوم وبكلم بابا.. بتخيل انوه نجم في السما ولما خسرت ماما.. بعدها بقيت اتخيلها هي كمان نجمة جميلة.. و دلوقتي تيته.. انا عمري ما شاركت حد السر ده

"نهت كلامها وبصتلي"

= طب اشمعنا انا..

ابتسمت بهدوء وبصتله: عشان فاهمني مش هتقول عليا مجـ.ـنونه

زين بملامح جديه: اقصد.. اشمعنا انا في العموم أدهم قالي انك كنتي عاوزاني

- طب انت ازاي مش فاهم ليه كنت عاوزاك

" مكنتش عارف انا مش فاهم فعلا ولا خايف اصدق الى فاهمه؟ او خايف عليها هي يمكن! كنت ساكت فا كملت كلامها.. "

- لأن انا من وقت لما دخلت الفيلا ومكنش حد فينا يعرف التاني بس مكنتش بتهاجـ.ـمني انت كنت عارف اني خايفه ومتلخبطه فا كنت بتساعدني و بتدعمني وشجعتني أفضل!

زين.. لولا وجودك معتقدش اني كنت هكمل في الفيلا أعتقد كنت همشي يعني مهما كنت محتاجه عيلة.. بس مكنتش هقدر اتحمل حاجه من غيرك وانا حاسه اني مش مفهومه وسطكم بس انت عوضت ده

" في اللحظه دي وصلي احساسها.. واي حد مكاني يمكن يفرح بده.. لكن مش انا! "

- انا مبسوط يا فريده أكيد اني كنت سبب في انك تعدي الحاجات الى بتضايقك و إنك واثقة فيا بس انا عاوز اقولك على حاجه

= قول يا زين!

- انتي طول حياتك قاعده بره و طريقتك يعتبر شبه الناس بره بس طريقتك دي وحسن النيه و الطيبه.. وكل ده مينفعش تتعاملي بيه هنا.. لازم تبقي اقوي ومتستسلميش بسرعه.. كمان لازم تتعاملي مع بشر كتير ده هيعلمك و هيخلي عندك خبره هيخليكي قادره تواجهي المشاكل الى بتحصلك من غير ما تحتاجي حد

= انا فاهمه على فكره تيته كانت بتقولي الكلام ده انا عارف ان النظام في مصر غير بره بس مش فاهمه ليه بتقولي الكلام ده دلوقتي؟ وليه فاكر اني عبيـ.ـطه مثلا

زين بأرتباك: عشان.. ، عشان.. رغم اني مبسوط انك مرتاحه في وجودي ومطمنه لكن عاوزك برضو تبقي قوية من غيري فهماني؟

= هو انت عاوزني اسيبك.؟

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في مصر | في اوضة أدهم ||

" ما ترد بقا يا زين زفت انت "

" لقيت الباب بيتفتح و يونس بيدخل "

- ادهم ادهم ادهم يا ادهمممم

= ايه يا حبيبي!! ايه هو مولد !!

- انا مش جايلي نوم وعايز اقعد معاك ومش عارف اصلا انام معاهم مش مرتاح في الأوضة هنام هنا

= ايه يا يونس العشم ده؟ احنا بنتقابل كل عشر سنين مره جبت العشم ده منين

- ماما قالت لي روح عند خالك

= امممم هي عمتي ناديه متعتها انها تفسد متعة الآخرين

- ايه؟

= ولا حاجه اقعد ومالو الا انت في سنه كام دلوقتي

- هدخل اولة ثانوي

= ماشاءالله بقيت بغل

- ايه؟

= ولا حاجه تاكل بطيخ؟

- لا مش بحبه

" شوية ولقيت الباب اتفتح برضو و يزن اخوه داخل"

- يونس انت هنا

= اه يا يزن ادهم قالي اقعد معاه

"بصتله بتعجب"

يزن: وانا ماما قالتلي اقعد معاك

أدهم: امممم

يونس وسع لـ يزن: طيب تعالي جمبي

أدهم: باشا ؟؟ يا ريس !! سريري ده الى بيتقسم والله!

يزن: عاوز انام جمبكم

أدهم: نامو يحبيبي يلا ومالو جتك نيله انت وامك

يونس: ايه؟

- ولا حاجه تصبحوا على خير انا هنزل انام في البسين تحت انا بقا

" سبتلهم الأوضة ونزلت فعلا.. ماهو اصل انا الى جبته لنفسي ايه جبني هنا.. مش كنت فضلت هناك.. ولا بلاش لحسن يقع في بوقي حْنرْير تاني.. "

>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في ألمانيا ||

= أيوه يعني انت عاوزني امشي صح؟

- لا ، فريده افهمي.. انا عمري ما هبعد احنا هنفضل سوا.. الفكره اني عاوزك تبقي..

بصتله: ايه؟

= انتي محتاجه خبره في الحياة عموما و ده مش هتخديه من اي حتة غير من مصر كمان محتاجه تتحكمي في مشاعرك انا اوقات كتير بحسك متلخبطه اوي ومش فاهمه نفسك عشان كده بتتفاجئ لما بفهمك..

انا عشان في مجال الطب فا عارف وعدي عليا كتير و شوفت مثلا ناس طب نفس واتعاملت معاها دي حاجات ساعدتني افهم الى قدامي

- زين انا مش فهماك.. انت عايز تقولي ايه؟ عاوزني يعني ارجع مصر يعني مش عاوزني هنا معاك؟

= لا طبعا انا عمري ما هبقي مش عاوزك معايا لكن انا عاوزك سواء هنا او في مصر او في اي حتة تبقي واثقة دايما في نفسك و قوية ومش اي حاجه تهزك واعرفي اني دايما في ضهرك زي ما كنت وهفضل انا بقولك الكلام ده عشان عاوز اطمن ولو حصل اي ظرف و كنتي مثلا بتشتري حاجه في الكلية في اي حتة متبقيش خايفه ولا تبقي متلخبطه لا.. تبقي عارفه ان كلنا معاكي مش انا بس كلنا عيلتك وهنفضل حواليكي

بصتله وعيوني بتلمع: شكرا يا زين بجد..!

- مش بينا شكرا يا فيرو! انا دلوقتي عاوزك جمبي لحد ما تهدي و ترتبي افكارك بس عاوزك أقوي وتفكري في مستقبلك و تكملي الكلية مش عاوز حياتك تقف.. انتي لسه قدامك حياة كامله ماشي؟ فكري في كلامي..

هزيت راسي: حاضر

" كنت حاسس اني مرتاح لما وضحت لها الحاجات دي كنت عاوزها تثق في نفسها ومتبقاش خايفه سواء انا موجود او لاء عشان محدش يستغل خوفها و قلقها.. حتي لو الحد ده انا.. "

>>>>>>>>>>>>>>>>>>>>>>>>>>>>>>>>>>

" صلي على محمد "

|| تاني يوم | في مصر | شركة الجيار ||

"الباب اتفتح و عبدالعزيز دخل لمكتب ادهم"

ادهم بدهشه: حتي هنا كله بيفتح عليا الباب..

اي ده جدو احمم ياه وحشتني اوي!!

عبدالعزيز عقد حواجبه: انت هربان سيادتك من الفيلا وجاي تقعد هنا

- انا؟ محصلش! انا جاي اشوف شغلي وحشني اوي والله حقيقي يعني

= اخوك مش بيرد عليا ليه؟؟

- والله بكلمه من امبارح ثواني هحاول اكلمهم تاني

= عجبك الى حصل ده وانهم قاعدين مستنينها ومجتش

- والله ما عاجبني ياريت يروحوا مطرح ما جم بقا

= نعم ؟

- ها.. اقصد يعني اكيد لا مش عاجبني بس اهي ظروف وحصلت خليهم يقعدوا بقا شوية ويرجعوا يشوفوا حياتهم

"وليد دخل المكتب و أدهم بص بصه طويله"

- لا انا واضح ان محدش بقي يحترمني من ساعه ما كلت الحْنرْير .. اه

وليد: اخوك رد عليك؟

أدهم: لا حول ولا قوة الا بالله هو قاعد في المياه البارده وانا هنا بتعرض للمسألة القانونية لسه مردش يا بابا بكلم فريده اهو

وليد: انا معرفتش انام خالص امبارح

عبدالعزيز: ومين هيجيله نوم

لقيتهم بصولي وسكتوا: انا كمان منمتش والله!!

" لقيت فريده ردت فا اتكلمت بسرعه "

- الو! اي يابنتي انتوا فين؟

فريده بنوم: فيه ايه؟

= مفيش فوقي كده وخدي جدو هيكلمك

" اتعدلت من على سريري واتفاجئت بالمكالمه دى مكنتش لسه مستعده.."

- ايوة يا جدو.!

عبدالعزيز بهدوء ممزوج بحزن: كده يا فريده؟؟ تروحي انتى وادهم وبعدين مترضيش ترجعي ؟

" سكت ومكنتش عارفه اتكلم.. مكنتش عارفه اقوله ايه"

- انا آسفة يا جدو.. محتاجه افضل لوحدي

= ياحببتي ارجعي اقعدي وسطنا.. عمتو نزلت من دبي عشان خاطرك هي و ولادها وكمان هبه و يوسف هنا.. كلنا مستنينك

" حسيت ان هيجلي بانك اتاك!! هو جمع العيلة كلها وعاوزني ارجع فاكر ان دي حاجه هتفرحني "

" روحت بسرعه خرجت من اوضتي صحيت زين براحه وفتحت الاسبيكر "

- وانا شايف يا فريده انك ترجعي وتبقي وسطنا احسن ياحببتي مش تبقي لوحدك

"زين فرك عينه وبيحاول يستوعب فيه ايه فريده شاورت له يسمع"

= انا محتاجه شوية وقت يا جدو.. انا كده كده هرجع بس محتاجه شوية وقت

- طب هو زين عندك؟

= اه

- هاتيه

" اديت لزين الموبايل بسرعه وانا بتنفس براحه و هو حاول يركز"

" فضلوا يتكلموا ويقوله يخلي باله عليا وكل ده وانا كنت سامعه لحد ما ساب الفون لأدهم ومشي تقريبا "

أدهم: انتوا مش متخيلين انا قاعد فيه ايه هنا

زين: عمتك رجعت هي وعيالها فعلا

- ايوه! و جوزها كمان وكله قاعد في الفيلا دى الفيلا بقت مولد ياعم

"بصيت لزين وانا بتنهد بأرتياح اني مرجعتش مكنتش هستحمل"

زين: طيب انت اخبارك ايه الحْنرْير عامل ايه

ادهم بنرفزه: هههه دمك خفيف اوي غور ياض

"زين ضحك وقفل معاه وبعدين بص لفريده الى كانت سرحانه"

- تفتكر جدو هيزعل مني؟ او اوردي زعل اصلا!!

= لا.. طالما انتي مرتاحه يبقي خلاص هيفهم ده.. انتي الى كنتي محتاجه تواجهي لكن انا شايفك بمجرد ما عرفتي انهم هناك وانتي متوتره

بقلمي سلسبيل_أحمد

- عشان انت معاك حق.. انا مهزوزه ومش جاهزه اواجهه اي حاجه افرض محبونيش وهنرجع نعيد من الأول تاني مرحله تعارف و يمكن محدش يقبل شخصيتي ولا يقبلني ابقي من العيلة اصلا و

قاطعتها: ششششش اهدي براحه!! مبدئيا كده كده انتي من العيله ايه محدش يقبلك في العيله دي؟ تاني حاجه بقا متقلقيش ياستي! طالما انا وادهم معاكي لو حد ضايقك هنظبطهولك

ضحكت على طريقته: انت بقيت شبح ؟ بعدين صح قوم اصحي شوف وراك اي انت مفروض كنت تنزل الكلية اليومين الى فاتو

= انا لسه عندي محاضرات كمان ساعه

- طب قوم اجهز! يلا

↚

" وبعد ما قام قعدنا نفطر وبعدين نزل وسابني فضلت قاعده لوحدي افكر.. و افتكر كلامه معايا.. وافتكر ذكريات ليا مع ماما من سنين وازاي كانت فهماني وكانت بتقولي انها دايما عاوزاني قوية.. قررت طول الفترة الى قاعده فيها هنا اني اتغير.. ومبقاش متسرعه في قراراتي ولا ابقي جبانه وبهرب.. "

" فات شهور.. وانا مازلت قاعده مع زين وكل يوم بكلمهم في مصر وبيقولولي ارجع.. زين الوحيد الى كان بيدعمني ومستني ابقي كويسة لوحدي من غير زن قربنا اوي من بعض.. ومكنش حد فينا بيتحرك من غير التاني..! "

|| في الكلية ||

- انا مش مصدقه ان خلاص كده.. رتبت كل حاجه هنسافر؟

= عيب عليكي هو زين الجيار اي حد ولا ايه هنسافر خلاص

- هو ادهم عداك بالغرور؟

ضحك: جيناته طفحت عليا.. بقولك اي انا شكلي نسيت حاجه جوه.. الكتاب والملف خدي مفاتيح العربية روحي وانا هاجي ومتكلميش حد..

= أوكيه..

" فتحت العربية و دخلت وكنت فاتحه الشباك لاحظت حد بيقرب "

- hi ? American?( امريكية؟ هاي)

بصتله و رديت: no I'm Egyptian ) لا مصرية)

"لاقيته خبط على العربية بطريقه غريبة"

: nice car( عربية حلوة)

رديت بأرتباك وانا ببص حواليا: thanks! ( شكرا )

: do you wanna go with me? (حابه تيجي معايا)

" هنا بدأت احس إني هتحْطف تقريبا ولأني عارفه كويس ان بره محدش بيساعد حد كان لازم اتصرف انا و ابين اني مش خايفه فا نزلت من العربية بقمه الاندفاع و بدأت ازعق "

- hey !!! can you just go a f**kn way from me or I'm gonna call the cops !! go !!

- ( امشي بعيد عني و الا هتصل بالشرطه!!! امشي ! )

" لاقيته بدأ ياخد خطوة لورا ولكنه قرب مره واحده وشد مني الموبايل وضحك! "

- are you crazy!! give me my phone!!!

- ( انت مجنون !! هات موبايلي ! )

" في اللحظه دي قرب مني وانا كنت هصوت لكن زين ادخل !! مسكوا في بعض و زين صْربة جامد اوي لحد ما وقع و خد الموبايل وبعدين شدني وانا واقفة مصدومه وركبنا العربية ومشينا ..! "

- انا مش فاهم اي نزلك من العربية !!

= كان بيتكلم معايا و بعدين حسيت انوه حرامي فا نزلت زعقت فيه عشان يمشي

- وبتتكلمي معاه ليه من البداية يا فريده !!! انا قايلك متكلميش حد ولا كنتي نزلتي له

= طب انت كويس بس ؟

- اه كويس! انا كنت خايف عليكي انتي!

بصتله بندم: انا آسفه

" وصلنا البيت بعد صمت طول الطريق بصلي "

- انا اسف متزعليش انا خوفت عليكي لما لاقيته مقرب منك و كان شكله ناوي يآذيكي

= المهم انت كويس؟

- انا كويس يا فريده!

= اصل وشك.. يعني..

- ماله وشي

= وشك محمر شوية مكان الصْربة

- امممم.. زي البونيه الى فاتت صح..

كتمت ضحكتي على طريقته: تقريبا كده..

= منتي مبيجيش من وراكي غير المصايب يا فريده

"ضحكت غصب عني وهو ضحك بقلة حيله"

- قومي بقا نجيب الشنط اطلعي معايا يلا

>>>>>>>>>>>>>>>>>>>>>>>>>>>>>>>>>>

|| بعد 8 ساعات | مصر | مطار القاهرة ||

" نزلنا من الطيارة انا و زين لقيت جدو و عمي وليد و أدهم جريت عليهم بأشتياق رهيب وفضلنا كتير نسلم على بعض وكمان اتفاجئت بـ يزن و يونس معاهم.."

زين: كنت واحشني اوي ياجدو!! بس ايه نزلك لحد هنا وتعبت نفسك

عبدالعزيز: انا صحتي بومب يا ولد!

ادهم: جدو انت دوخت مننا مرتين

عبدالعزيز: اخرس يا احمق

" ضحكنا عليهم وبعدين اتحركنا عشان نركب العربيات انا و يونس وادهم وزين ركبنا عربية سوا "

"ادهم و زين كانوا راكبين قدام جمب بعض

فا ادهم بصله"

- انت ايه الى في وشك ده؟

زين بهدوء: لما اروح بقا اقولك

يونس: انتي طلعتي حلوة اوي يا فريده احلي من الصور!!

زين: الله جرا ايه ياواد انت

ضحكت: وانت كمان طلعت عسول ياعم

يونس: انا احلي ولا يزن؟

أدهم: ما تتلم ياض بعدين انتوا تؤام و كربونه من بعض

يونس: لا يا أدهم انا شكلي اوسم

أدهم: الواد ده مغرور اوي!!

فريده بصت ناحيته ادهم: يا تري طالع لمين؟؟

أدهم: احمم وانت عامل اي يا زين؟

زين: كويس يخويا شد شوية انت بتسوق بطئ كده ليه

أدهم بنكش ليونس: معانا اطفال في العربية

يونس بدهشه: أطفال! طب هات اسوق انا ! هوريك السواقة عامله ازاي

" ضحكنا على نكشهم لبعض.. و يونس الى يعتبر واخد من جينات أدهم كتير او نسخه مصغره منه.. فا كده عرفت يزن هيطلع شبه مين! "

>>>>>>>>>>>>>>>>>>>>>>>>>>>>>>>>>>

استغفروا ♡

" وصلنا الفيلا وطبعا العيلة كلها في انتظارنا.. اتعرفت على عمتو ناديه وحبيتها اوي! زين قالي هي اصغر واحده في اخواتها عمي وليد الكبير وبعده عمتي هبه وعمتو نادية الصغيرة.. قعدنا كلنا في تجمع اسري لطيف.. خلاني بتمني الزمن يقف واللحظه دي متنتهيش ابدا حقيقي شعور جميل وانا وسطهم.. "

ناديه: بابا حكالي عنك كتير يا فريده و حتي بيشكر في شغلك جدا في الشركه لدرجه ان يونس كان غيران اصلة من زمان قايلي انا لما اكبر هسيبكم واشتغل مع جدو

يونس: ماما!

يزن: اه كنت غيران

فريده: انا لسه تحت التمرين متقلقش معاك فرصه

يوسف بص لـ يزن و يونس: ريحوا نفسكوا انا اكبر منكم هشتغل الأول

يونس بأعتراض: جدو مش قولتلي انا هشتغل !

عبدالعزيز ضحك على مناكفتهم: مُرحب بيكوا في اي وقت تتعلموا كلكوا و تشتغلوا خلاص؟

هبه: خير يا يوسف انت كمان عاوز تلبد هنا

يوسف بص لأدهم بتلقيح: اه البيت بقا يفتح النفس بقا فيه خلقه جديده غير خلقة أدهم

عبدالعزيز: ولد كلم ابن خالك عدل

أدهم ببرود: سيبه ياجدو هو بيتكيف لما امسكه اعجنه

يوسف وهو بيستعرض عضلاته: ده كان زمان انت مش شايف الترابيس ولا اية

يونس: داري يابني خيبتك داري قبل ما حد يشوف

" كلنا ضحكنا جامد على حوراتهم.. انا كنت خايفه ازهق عشان كل العيلة ولاد ومفيش حتي بنت واحده نبقي انا وهي سوا.. لكن الحقيقه.. ان كلهم حببوني في التجمع ده.. الى كنت خايفه منه.. وخايفه محدش يتقبلني لكني لقيت ترحيب بيا.. أكن احنا كلنا كنا متربين سوا! "

>>>>>>>>>>>>>>>>>>>>>>>>>>>>>>>>>>>

|| في البلاكونه ||

" ادهم خد زين وخرجوا "

- فهمني بقا اي وشك ده؟

= دي بونيه تانيه كده

- نعم؟ مين ادهالك دي !!

= خناقه عبيـ.ـطه مفيش حاجه متخفش

- لا احكيلي مين؟

= واحد شكله كان شارب تقريبا ولا حاجه ضايق فريده وهي قاعده في العربية.. بس المره دي بقا يا ادهم انا فعلا مسكته عجنته ودافعت عنها عشان متقلش عليا عيل بس او حد علم عليا

أدهم ابتسم: انا كنت بنكشك.. بس برضو انت فافي

- انا بقولك عجنته مش بهزر.. انا لولا سافرت كان زماني محبـ.ـوس تقريبا انا حسيت احساس غريب اوي لما لقيتها خايفة وهو بيقرب منها انت فاهمني

ادهم ضيق عينه وبصله: احساس ايه؟

= اني ممكن اعمل اي حاجه عشانها!.. انا.. انا.. حاسس اني بحبها يا ادهم

ادهم بصلة بدهشه ومكنش مصدق: بتحبها!

- اه.. و كمان حاسس انها ممكن تبقي بتحبني لكن انا مش عاوزها تدخل علاقة وهي لسه مشتتة وشبه قولت لها يعني تعتمد على نفسها وتتصرف من غيري كنت عاوز اوصلها ان لو حاسه بحاجه ناحيتي تنساها بس مقدرتش وحتي مقدرتش اسيبها تعتمد على نفسها زي ما انا طلبت منها كنت طول الوقت معاها..!

" أدهم كان بيسمع كل ده وساكت وابتسم فالاخر بهدوء"

- انت بتحبها يا زين.. مش بس بتحبها انت واقع اوي

= بس مش هينفع يا ادهم! فريده دلوقتي قرارتها هتبقي مدْبدْبة وانا مش عاوزها تتجرح كمان عاوزها تفضل هنا لما اسافر الترم التاني انا اجازتي يا دوبك تلت اسابيع وهنزل المانيا تاني

- هي جابت سيرة انها هترجع معاك؟

= مش عارف! حاسسها عاوزة تبقي معايا

ادهم بصله برفعه حاجب: طب وانت؟

زين اتنهد بأستسلام: مش عايز ابعد عنها لحظه! مش عارف هسافر ازاي اصلا

أدهم ضحك جامد: زين.. اسمالله عليك!

زين صْربه: انا غلطان اني بحكيلك

" خرج وسابه عشان يقعد معاهم لقي يوسف و يزن و يونس حوالين فريده "

يونس: لا يا فيرو شكلك هتبقي بيزنس وومن شاطره

زين بأندفاع: فيرو مين ياض انت !!

يوسف بضحك: قلة ادب يا باشا ده لسه قايلها من شوية ايه شعرك الحلو ده

يزن: حصل وانا شاهد قمه قلة الأدب

زين مسكه من قفاه وشاله وقعد هو جمبها: اتلقح هنا

" كلهم ضحكوا وادهم متابع الحوار من بعيد.. و فريده لاحظت انوه واقف لوحده لكن بمجرد ما اتلهت مع خناقات يزن ويوسف كان ادهم خرج "

يونس: بقولك انا الى هبقي اجمد واحد في الشركه

فريده: عبال ما تخلصوا خناق كده هجيب حاجه وجايه

" خرجت ادور عليه لاقيته قاعد زي ما يكون بيفكر في حاجه و ماسك ورقة "

- أدهم..

لف وبصلي: أيوه

= ايه قاعد بره ليه

حاول يبتسم: بقالي كتير في الزن ده فا بريح منهم..

- مش بيبطلوا خناق

= دي حياة الولاد عموما

ضحكت: اه.. دي حقيقة بس حبيتهم مبسوطه اني اخيرا تخطيت كل الحواجز

- فريده انا كنت عايز اقولك على حاجه.. كمان فيه حاجه لازم تشوفيها..

= حاجه ايه؟ قول؟

"خد نفس وبصلها"

↚

" زين خرج وسابهم ولما دخل لقي يوسف و يزن و يونس حوالين فريده!! "

يونس: لا يا فيرو شكلك هتبقي بيزنس وومن شاطره

زين بأندفاع: فيرو مين ياض انت !!

يوسف بضحك: قلة ادب يا باشا ده لسه قايلها من شوية ايه شعرك الحلو ده

يزن: حصل وانا شاهد قمه قلة الأدب

زين مسكه من قفاه وشاله وقعد هو جمبها: اتلقح هنا

" كلهم ضحكوا وادهم متابع الحوار من بعيد.. و فريده لاحظت انوه واقف لوحده لكن بمجرد ما اتلهت مع خناقات يزن ويوسف كان ادهم خرج "

يونس: بقولك انا الى هبقي اجمد واحد في الشركه

فريده: عبال ما تخلصوا خناق كده هجيب حاجه وجايه

" خرجت ادور عليه لاقيته قاعد زي ما يكون بيفكر في حاجه و ماسك ورقة "

- أدهم..

لف وبصلي: أيوه

= ايه قاعد بره ليه

حاول يبتسم: بقالي كتير في الزن ده فا بريح منهم..

- مش بيبطلوا خناق

= دي حياة الولاد عموما

ضحكت: اه.. دي حقيقة بس حبيتهم مبسوطه اني اخيرا تخطيت كل الحواجز

- فريده انا كنت عايز اقولك على حاجه.. كمان فيه حاجه لازم تشوفيها..

= حاجه ايه؟ قول؟

"خد نفس وبصلها وبص للجواب الى في ايده "

- خدي

فريده بصتلها وخدتها: ايه دي؟

= عاوزك بس تبقي هاديه..

- فيه اي يا ادهم ما تقول

= بصي.. وقت لما كنا بنتخانق كتير.. في الفترة دي يعني جدتك جتلي في في مره..

فلاش باك #

- فاضي ياحبيبي شوية؟

= أكيد اتفضلي

"قعدت و كان معاها الورقه وحطتها قدامي"

- اي دي؟

= دي رسالة.. كتباها لفريده عشان لما يجي الوقت وامشي يمكن ملحقش اودعها

عقدت حواجبي وبصتلها بقلق: ربنا يديكي الصحه..!

ابتسمت برضا: متقلقش يحبيبي.. انا بس عارفه انها هتزعل اوي لكن لما تقرا الورقة دي هتهون عليها شوية بس خليها معاك لحد ما تحس انها بقت كويسة وبعدين اديهالها فاهمني؟

هزيت راسي بالموافقة وبصتلها: بس ليه انا؟.. واحنا اكتر اتنين بنتخانق وكمان عملت معاها حركه مش حلوة و كنـ

قاطعتني: انا مش بنت امبارح.. انا ربنا اداني الصحه لحد دلوقتي فا شوفت كتير.. وانت جواك كويس وانا عارفه انكوا هتخافوا عليها انا بفهم في الناس وبعرف الى قدامي.. وانت هتعرف تبقي جمبها وتوصلها الى انا عاوزاه..

باك #

" دموعي نزلت وكنت ببصله وانا مش مصدقه.."

- من وقتها.. وانا شايل الجواب معايا و بطلت خناق معاكي محبتش احْون ثقتها فيا وحبيتها تشوف اني قد ثقتها..! لحد ما اطمنت

" مسحت دموعي وخت المنديل من ادهم وحاولت اهدي!.. فتحته عشان اقراه "

- فريده حببتي.. وبنتي.. يمكن ربنا مطولش عمر ليلي بنتي لكن عوضني بيكي انا فخورة اني ربيت بنت زيك يافريده حتي لو أوقات كنتي ضعيفه كنتي بتبيني القوة وعمرك ما تعبتيني او كنتي طايشه ولا عمر الفقدان الى حصلك خلاكي وحشه بالعكس انا كنت كل يوم بشوفك صابره وعشان كده ربنا هيعوضك وهتفضلي وسط عيلتك و هيحبوكي.. الحياة لسه قدامك يا فريده واعرفي اني دايما هكون جمبك وحاسة بيكي حتي لو مشيت.. لكني هبقي حاسه بيكي و هفضل فخورة بيكي وفخورة اني كان عندي بنت وحفيده زيك..

" بعد ما فريده خلصت الجواب الدموع كانت مغرقه وشها والى شافها هي و أدهم من بعيد كان زين واستغرب مالها وخرج لهم من غير ما حد يلاحظ "

أدهم: اهدي يا فريده!

زين: فريده مالك! حصل ايه؟؟

" فريده حضنته وعيطت وهو طبطب عليها بـ حنيه "

" قعدوا بره و زين كان ماسك الجواب بيقراه وفهم مالها.. بص لأدهم بمعني معرفتنيش ليه وادهم قلب عينه بمعني مش عارف.. "

زين: ممكن تهدي طيب.. انتي مفروض تبقي مبسوطه بالجواب ده ، فريده دي كانت بتحبك اوي!! وعاوزاكي بخير دي كل طلباتها

" هديت شوية و بدأت اتكلم معاهم "

- انا ضيعت السنه! ضيعت كل حاجه!

زين: فداكي!

أدهم: لا لسه..

" بصاله بمعني ازاي فا كمل "

- انتي ممكن تدخلي الامتحانات تعرفي اني مفاتش غير مادتين؟ ولسه الامتحانات شغاله لسه فاضل اربع مواد!

= يعني هعمل اي في الى فات و اعمل اي في الاربع مواد!

- المادتين شلتيهم هتمتحنيهم تاني السنه الجاية الاربع مواد الفاضلين اقدرك اذاكرهم ليكي

زين: أيوه.. أدهم شاطر فعلا انتي هتقدري؟

بصتله وانا بتنفس بعمق: لازم اقدر..

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" و فعلا بدأت انا و أدهم مذاكره كنت حتي بروح معاه الشركه ونشتغل و نذاكر سوا.. "

" فات تلت ايام و كان انهارده معاد امتحان الماده.. و زين خدنى يوصلني "

زين: هدي نفسك ومتتوتريش

- حاضر

= وخليكي فاتحه موبايلك ومتتكلميش مع حد سامعه؟ متتكلميش مع حد يا فريده

- حاضر

= انا بقولك اهو انا خلاص مش هتفاهم بعد كده لو حد بصلك هعجنه

ضحكت: انت بقيت باد بوي

بصلي بأبتسامه جانبيه: بسببك

- على فكره والله بقا انا مببقاش قصدي وكل مره بـ

قاطعني: انتي هبـ.ـ ـله يا فريده اكيد عارف! وبعدين لو فاكره اني بضايق لما بتردي فا لا انا عاوزك تعملي الى انتي عاوزاه طول مانا قريب منك عشان هعرف انا اعجنهملك

- متنساش اني اديت واحد بوكس قبل كده انا مش جبانه..

= تربيتي..

بفرحه: ماشي يلا بقا وصلنا اهو سلام

- افتحي موبايلك اوعي تنسي

= اوكيه باي

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الشركه | مكتب ادهم ||

" كان قاعد سرحان و بيفتكر حواره مع زين لحد ما قاطعه دخول مصطفي "

- اي يا معلم انا عمال ارن عليك؟

= مختش بالي فيه ايه؟

- عرفت حوار المؤتمر الجديد بتاع المهندسين ده

= انت عبيـ.ـط يا درش ولا ايه هو فيه حاجه تخفي على ادهم الجيار ولا اية

- مانا لاقيتك فـ دنيا تانيه قولت متعرفش

= عيب عليك اعرف و بظبط الحوار بعت لهم من يومين تقريبا

- انت ازاي كده مفيش حاجه بتعدي من تحت ايدك

= لا يحبيبي انا أدهم مش مصطفي

- يعم اقعد انا لو مش متجوز ورايق زيك كده كان زماني حاطط عليك

ضحكت وبصتله: هو الجواز وحش؟

= الحقيقه.. لا مقدرش اقول كده انت عارف اني كنت بحب اميرة مش هقدر اقول برضو مفيش بينا مشاكل وكل ده لكن الحب يهون

ادهم ابتسم بحزن مكتوم: معاك حق.. الحب بيهون اي حاجه

مصطفي بصله وهو مضيق عينه: هو ادهم باشا الجيار وقع؟

أدهم بصله برفعه حاجب: ادهم باشا الجيار مبيقعش

مصطفي ابتسم وغمزله: هتقع..

" خرج وسابه و أدهم كان حاسس انوه تايهه.. لكن بيكتم مشاعره.. زي ما دايما اتعود..! "

" وبعد ساعات من الشغل وادهم كان زهقان لقي الباب بيتفتح و فريده داخله بأبتسامه واسعه وفرحانه"

- ادهم !!! انا مش مصدقه !

بصلها وابتسم: ايه عملتي ايه!

= تحفه !! حليت كويس جدا يا ادهم انا مش مصدقه

" كنت فرحان جدا لفرحتها وفخور بيها! "

- شاطرة يا فريده.. كنت واثق فيكي

ابتسمت له: بجد!

- ايوه.. زي ما واثق فيكي كده في شغل الشركة برضو

= يعني هحط على يوسف؟

أدهم: ده كدا كدا وتخدي الواد يونس في سكتك

- حرام عليك غلبان اوي

أدهم بقلبه وش: مين ده؟؟ ده عيل تنح وشايف نفسه

بصتله وانا بضحك: زي مين كده تفتكر؟

أدهم بأدراك: فريده انا مش تنح كده

ضحكت جامد: انا مقلتش حاجه!

>>>>>>>>>>>>>>>>>>>>>>>>>>>>>>>>>

↚

|| في الفيلا | على السفرة ||

" بعد يوم طويل اتجمعنا كلنا! ومن وقت لما جيت من السفر وكلنا في الفيلا حولين جدو.. و مع بعض وحقيقي دي من اجمل ايام حياتي..! "

هدي: ما تاكل يا أدهم و انتي يا فريده مش بتاكلوا ليه كلتوا بره؟

" ادهم برق لها متتكلمش "

فريده كتمت ضحكتها: احمم لا خالص هناكل اهو

يونس: الا قولي يا ادهم مين احسن بقا في الشغل انا ولا فريده

يوسف: هو نزل امتي ده؟

أدهم: ده مخه تعبان!! فاكر نفسه كده اشتغل عشان راح كتب ملف بالعافيه وبعد كده فضل قاعد يراقبني بعمل ايه فاكر انوه كده هيتعلم

ناديه: ده حبيب قلب ماما مخه جوهر وذكي

" كلهم ضحكوا عليه وهو اضايق "

يونس: ايه يا ماما هو انا عيل

يوسف: اصلا لسه بدري وكمان انت بتدرس

عبدالعزيز: خليه يدرب مع حد يا أدهم طالما احنا في الاجازه وانت كمان يا يوسف

يوسف بغرور: انا اوردي نزلت كذا مره وعارف شوية حاجات و رتبت مع خالو وليد يعملي جدول تدريب

يزن: شوفتوا؟ هيعلم عليكوا كلكوا ده

زين بص لفريده: محدش يقدر يعدي فريده

أدهم: الصراحه اه

يوسف: فريده مننا وعلينا المهم يزن و يونس هما الى هعلم عليهم

ناديه: مالك بعيالي بقا ؟ ما تشوفي ابنك يا هبه

هبه: انا معرفوش

يوسف: بتموت فيا امي دي سر نجاحي

هبه: معرفوش.

عبدالعزيز بص لزين: شايف؟ كله هيشتغل في الشركه مش انت رايح تدخلي طب وتسافر بره

وليد: جبتلنا الكلام

زين ابتسم وغمز لجده: مش لايق عليك الجو ده يا عبدالعزيز باشا انت قولتلي اعمل الى انا عايزه عشان انت راجل ديموقراطي وبتحبني

عبدالعزيز ضحك: الواد بياكل بعقلي حلاوة

هدي: طالع لابوه صايع

وليد: جرا ايه؟ قدام الأولاد كده؟

أدهم بنكش: ياه عليكي يا ماما كل ده عشان كان بيضحك مع موظفه في الشركه

هدي: ايه !!

وليد في سره: تفو على تربيتك

أدهم: ايه ده انتي متعرفيش؟

هدي بصت لوليد: مين دي؟؟

وليد: انتي بتصدقي ابنك؟ ده بيحب يولع الدنيا بعدين انا كل الى بتعامل معاهم في سن عيالك و بركز في شغلي مش بتمرقع الدور والباقي على الى بيطلع المؤتمرات يلاغي بنات

أدهم بأحراج: احم انا خلصت اكل يلا بعد اذنكم بقا

" وبعد حلقه النكش الأسرية دي طبعا الى قعدت ساعات كل الكبار نامو بدري واحنا نزلنا كلنا في الجنينه قعدنا سوا وشغلنا فيلم "

يزن: الواد ده شكله هيموت

يوسف: بطل نبر بقا اسكت

فريده: لو حصله حاجه هزعل اوي ده أطيب واحد فيهم

أدهم: ده البطل اكيد مش هيموت

يونس: لا بيموتوا عادي

ادهم: اخرس انت

" فضلنا متابعين و اتصدمنا في الآخر من نهاية الفيلم البطل مات لأنه كان بيفدي اخوه !! "

زين: مخلاص بقا يا فريده بطلي عياط

يونس: ماهو كله من اخوك قولتلك اختار انا الفيلم

يوسف: انت كنت مختار فيلم كرتون

يونس: لو سمحت الا الكرتون

يزن: خلاص يا فريده متزعليش قوموا ارموا يونس في البسين

"فريده ضحكت على جملته"

أدهم: ما تـ يلا يا رجالة؟

يونس زعق: واد انت وهو محدش يهزر معانا

يوسف فضل يضحك وهما بيقربوا عليه: ليه يا بيضه! بتخافي

يزن: بيخاف اه

أدهم و يوسف شالوه وهوا فضل يفرك ويشد فيهم ولما حدفوه كان ماسك فيهم فا وقعوا معاه فضلوا يضحكوا جامد و زين و يزن و فريده كانوا ميتين برضو فا راح يزن زق زين "

زين بعد ما وقع: اه يا بنالـ !!!

" زين غمز لفريده تزق يزن وتاخد حقه فا زقته فعلا لكن يزن مسك فيها برضو وهي بتقع و الاتنين وقعوا الكل فضل يضحك لكن فريده نزلت تحت ومكنتش بتعرف تعوم زين راح ناحيتها بسرعه و جابها وهي كلبشت فيه وهي بتنهج جامد و شرقانه"

ادهم: طلعها.. طلعها بسرعه

" يوسف طلع اول واحد و زين ناوله فريده و قعدت على حرف البسين وهي عماله تكح "

زين طلع جمبها كان قلقان اوي وفضل يخبط على ضهرها: اهدي اهدي انتي كويسة

خت نفسي بأعجوبة وبصيت ناحيه يزن: هقتـ.ـلك يا يزن

" فضلوا يضحكوا و أدهم جابلها فوطه وهي خدتها نشفت نفسها "

يونس: وانا مجبتليش فوطه وانت عارف اني مناعتي ضعيفه

كلهم ضحكوا وادهم بصله بزهق: انت يابني محسسني اني خلفتك ونسيتك

يونس: اها مانا مسميش فريده بقا

" ادهم وفريده بصوا لبعض و فريده ابتسمت"

زين: انت هتقارن نفسك بالبنت الوحيده في العيلة

فريده: زين انا عايزه حقي من يزن

يونس: ياريت بقا ترموه فالبسين لوحده

يوسف: اسكت بدل ما نقوملك تاني

زين: احنا لازم نصْرب يزن في الحتة الى بتوجعه

فريده بعدم فهم: يعني ايه؟ فين بيوجعه

ادهم: لا دي كناية عن الجيتار بتاعه ده اغلي حاجه في حياته اغلي من يونس اخوه

يزن: ده اغلي مني انا شخصيا ولو حد لمسه هعجنه

فريده: لا حرام بلاش صعب عليا

يزن بتمثيل الرسمية: انا هصلح غلطتي يا فريده هانم

" سابهم وقام وبعد شوية رجع وهوا مخبي حاجه ورا ضهره وقف قدام فريده ومد ايده بشوية ورد أحمر "

- بقدم اعتذاري يا فريده هانم

فريده ضحكت جامد وخدته: وانا قبلت!

يوسف صْرب كف بكف: ضحك عليها بشوية ورد من الجنينه

أدهم بصله بنص عين: انت ياض قطفت ورد من الجنينه بتاعتنا ؟؟؟

يزن بص ليوسف: يأخي منك لله

"ادهم قام ورا و يزن جري وفضلوا يجروا ورا بعض لحد ما أدهم مسكه ورفعه وراح رماه في البسين تاني "

يزن: والله يا ادهم ماشي

" طلع وكان مضايق وشكله يضحك اوي اليوم انتهي على كده وكل واحد طلع اوضته ينام.. لكن اليوم ده هيفضل مميز اوي بالنسبالي.. و الوقت عدي و خلصت امتحانات و بفضل أدهم بعد ربنا عديت من كله كويس.. كل حاجه كانت تمام.. لحد الوقت الى زين قرر يرجع فيه ألمانيا..! "

>>>>>>>>>>>>>>>>>>>>>>>>>>>>>>>>>>

استغفروا

|| في الشركه | مكتب ادهم ||

زين: هاه خلصتوا

أدهم: انت هتقعد تزن بنراجع شغل اتهد

فريده: مش مرتاحه لأخوك

أدهم: طب خديه و روحي زهقني اصلا

زين: ايوه يلا

أدهم: متعتبش مكتبي تاني

ضحكت: طب انت هتكمل مراجعه

أدهم: اه خلاص مش مشكلة اهم حاجه تخديه من هنا

" وفعلا نزلنا ومكنتش فاهمه زين ماله.. تعابير وشه مكنتش مريحه انهارده.. "

- انت مودينا فين بقا

= في كافيه هيعجبك جدا هنروح

- لا يا زين ممكن تقف ثانيه

= ليه

- معلش.. اركن ثانيه

" زين ركن العربية وبصلها وهي اتكلمت بهدوء"

- مالك؟

= مفيش حاجه انا كنت عاوز نخرج سوا و

قاطعته: لا انا كمان بفهمك على فكره زي ما بتفهمني بالظبط وانت بقالك شوية متغير يعني بنخرج وبنقعد وكل حاجه بس انت اغلب الوقت سرحان

- انا مكنتش عايز اقولك دلوقتي

= لا قول فيه ايه!

- انا هرجع ألمانيا بس مش هقعد النص ترم الى فاضل وارجع انا جالي تدريب في مستشفي كبيرة هناك طول فترة الاجازه بتاعت السنه يعني مش هعرف انزل غير بعد فترة كبيرة اوي

= يعني ايه مش فاهمه.. قد ايه؟

= حوالي عشر شهور..

بصتله بعدم استيعاب وبعدين فكرت: خلاص هرجع معاك

- لا يا فريده.. مش هينفع

= ليه! انا كده كده كنت بفكر في ده حتي لو كنت هتقعد الترم التاني بس كنت هاجي معاك هو مش احنا

قاطعني: مش هينفع تيجي المره دي

- يعني ايه يا زين؟ ليه؟ ايه الى فرق

" زين سكت وكأن الكلام صعب عليه ومش راضي يطلع.. قلبة كان واجعه حرفيا عشان مكنش عايز المواجهه دي تحصل "

بصلها وهو بيحاول يتماسك: عشان بحبك

فريده بصتله بعدم فهم: وانا كمان بحبك! انا بحبك من بدري اوي!! انت عارف انك اقرب حد ليا!

بصلها وعيونه بتلمع: وعشان انا عارف ده فا مش هينفع انت متعرفيش لو بتحبيني فعلا ولا ده شعور بس عشان انا اقرب حد ليكي انا مش هقدر استغل ده واستغل انك لسه مش متأكده من مشاعرك

فريده برفض: هو ايه الكلام ده؟؟ انا متأكده من شعوري! انا بحبك

- مش هينفع طول الوقت تبقي عايزه تفضلي جمبي والا مش هتعرفي تتصرفي! خلينا نبعد و وقتها هتكتشفي مشاعرك

بصتله بعياط: لا يا زين انا مش عايزة اسيبك!!!

زين مقدرش ودموعه نزلت وبعدين مسح دموعها بأيده: انتي لسه بتدرسي لسه صغيره على كل ده انا هفضل معاكي يا فريده كده كده مش هسيبك بس لازم تخدي وقت لازم تفكري بعيد عني وبعدين انتي قولتيلي انك عاوزة تفضلي معاهم علطول ومبسوطه عشان بقا ليكي عيلة فا الأحسن تفضلي في وسطهم

فريده بنرفزه: انا مش صغيره ومش عيلة! انا بحبك وعشان كده عاوزة افضل معاك لكن انت مش بتحبني!!!

" نزلت وسابت له العربية بقمة الغضب"

- يا فريده استني!

↚

- هو انت مودينا فين بقا؟

= في كافيه هيعجبك جدا

- لا يا زين ممكن تقف ثانيه

= ليه

- معلش.. اركن ثانيه

" زين ركن العربية وبصلها وهي اتكلمت بهدوء"

- مالك؟

= مفيش حاجه انا كنت عاوز نخرج سوا و

قاطعته: لا انا كمان بفهمك على فكره زي ما بتفهمني بالظبط وانت بقالك شوية متغير يعني بنخرج وبنقعد وكل حاجه بس انت اغلب الوقت سرحان

- انا مكنتش عايز اقولك دلوقتي

= لا قول فيه ايه!

- انا هرجع ألمانيا بس مش هقعد النص ترم الى فاضل وارجع انا جالي تدريب في مستشفي كبيرة هناك طول فترة الاجازه بتاعت السنه يعني مش هعرف انزل غير بعد فترة كبيرة اوي

= يعني ايه مش فاهمه.. قد ايه؟

= حوالي عشر شهور..

بصتله بعدم استيعاب وبعدين فكرت: خلاص هرجع معاك

- لا يا فريده.. مش هينفع

= ليه! انا كده كده كنت بفكر في ده حتي لو كنت هتقعد الترم التاني بس كنت هاجي معاك هو مش احنا

قاطعني: مش هينفع تيجي المره دي

- يعني ايه يا زين؟ ليه؟ ايه الى فرق

" زين سكت وكأن الكلام صعب عليه ومش راضي يطلع.. قلبة كان واجعه حرفيا عشان مكنش عايز المواجهه دي تحصل "

بصلها وهو بيحاول يتماسك: عشان بحبك

فريده بصتله بعدم فهم: وانا كمان بحبك! انا بحبك من بدري اوي!! انت عارف انك اقرب حد ليا!

بصلها وعيونه بتلمع: وعشان انا عارف ده فا مش هينفع انت متعرفيش لو بتحبيني فعلا ولا ده شعور بس عشان انا اقرب حد ليكي انا مش هقدر استغل ده واستغل انك لسه مش متأكده من مشاعرك

فريده برفض: هو ايه الكلام ده؟؟ انا متأكده من شعوري! انا بحبك

- مش هينفع طول الوقت تبقي عايزه تفضلي جمبي والا مش هتعرفي تتصرفي! خلينا نبعد و وقتها هتكتشفي مشاعرك

بصتله بعياط: لا يا زين انا مش عايزة اسيبك!!!

زين مقدرش ودموعه نزلت وبعدين مسح دموعها بأيده: انتي لسه بتدرسي لسه صغيره على كل ده انا هفضل معاكي يا فريده كده كده مش هسيبك بس لازم تخدي وقت لازم تفكري بعيد عني وبعدين انتي قولتيلي انك عاوزة تفضلي معاهم علطول ومبسوطه عشان بقا ليكي عيلة فا الأحسن تفضلي في وسطهم

فريده بنرفزه: انا مش صغيره ومش عيلة! انا بحبك وعشان كده عاوزة افضل معاك لكن انت مش بتحبني!!!

" نزلت وسابت له العربية بقمة الغضب"

- يا فريده استني! فريده!

مسك ايدها و وقفها: هو انتي رايحه فين!

= عايزه امشي لوحدي

- لوحدك فين بس ممكن تهدي ونتكلم

بعدت ايده عنا وبصتله و خرجت منها ضحكه سخريه: لحظه واحده.. انت متفاجئتش اني قولتلك اني بحبك

زين بصلها وسكت وهي كملت وهي بصاله في عينه: عشان انت كنت عارف صح؟ انت كنت عارف عشان كده واحنا في المانيا قولتلي مفروض اتعود ابقي بعيد عنك! لأنك مش بتحبني صح؟؟؟

قرب لها وقال بتعب: فريده

قاطعته وبعدت: متقربش يا زين! رد عليا!

انا كنت حاسه انك بتحبني!! ولما قولتلي بحبك رديت عليك بكل تلقائية عشان كنت حاسة!!!

مكانتش حاجه جديده! انت مقلتش بحبك بس عملتها! عملتها بتصرفاتك معايا! وبقربك ليا فا كنت عارفه انك بتحبني ليه كنت بتعمل كده لو مش بتحبني!؟

- لا مش صح انا بعمل كل ده عشان بحبك!

لو انتي فاكره اني عاوز ابعد تبقي غلطانه! انا بعمل كده عشانك انتي متعرفيش لو فعلا بتحبيني ولا لاء!!

رديت بعصبيه: بطل تكلمني كأني عبيـ.ـطه !!!

- انا مقلتش كده !!!

" بدأت اصواتهم تعلي وفريده ردت بقمة الغضب"

- انت فاكر انك فاهمني اكتر من نفسي !!!

= وليه لا؟؟؟ !!!!

زين خد انفاسه بسرعه وبصلها بعد ما هدي: انا مش عايز يجي يوم و اجرحك!!!! انتي ليه مش فاهمه؟

انا مش عايز ابدا ابقي سبب في زعلك مينفعش!! صدقيني كده احسن ساعات البعد بيريح! ولو فعلا المسافات مغيرتش حاجه.. وقتها هنرجع سوا ولو محصلش ومشاعرك اتغيرت انا برضو هفضل جمبك انا عمري ما هسيبك او هخسرك انتي مهمه عندي يا فريده..

"كانت بصاله بتعجب وساكته"

- بعدين انتي هنا وسطهم هبقي مطمن عليكي أكتر كلهم هنا بيحبوكي والى كنتي قلقانه منه محصلش محدش فيهم بيكرهك او مش حابب وجودك.. لأن انتي تتحبي يا فريده انا والله بحبك اوي و كل الى عايزة.. احافظ على مشاعرك عشان خاطري افهمي ده!

" دموعي كانت نازله زي المطر الى فاكر الحب سهل يبقي غلطان! انا دلوقتي مكنتش عارفه اعمل ايه وتايهه لأول مره احس اني تايهه بالشكل ده معرفش هل عشان زين هيسبني؟ ولا عشان ممكن يبقي معاه حق!

اسئلة كتير فضلت تدور في دماغي لدرجه اني حسيت نفسي بيروح في دنيا تانيه مسكت دماغي بألم وانا حاسه ان ضغطي علي جدا ودايخه لقيت زين قرب بسرعه سندني و ركبني العربية.. "

كان سايق بقلق: انا هاروح اول مستشفي تقابلني بسرعه..

= انا كويسه! مفيش حاجه

- لازم نطمن

= قولت اني كويسة! عايزه اروح!

" فضل طول الطريق يبصلي وهو سايق وانا كنت سانده راسي على الشباك و ساكته كنت عايزه اعرف هيسافر امتي.. بس مكنتش طايقه اكلمه"

" وصلنا الفيلا فا دخلت وطلعت اوضتي مكلمتش حد.."

>>>>>>>>>>>>>>>>>>>>>>>>>>>>>>>>>>>

صلي على محمد

|| في الفيلا | الجنينه ||

- بس.. ده كل الى حصل

= مش عارف يا زين.. حاسس انك غلطان مع انك مش غلطان

- يعني ايه بقا الكلام ده؟

= يعني انت مينفعش تسيبها مره واحده كده؟؟

- اعمل ايه مانا قايلك اني عاوزها تقعد معاكم

= وبعدين؟

- لما تبعد عني هتفهم مشاعرها لكن دلوقتي هي متعلقه بيا عشان من اول لما جت كنت اول واحد يقف جمبها

= لا يا زين متعلقه بيك عشان بتحبك

- ادهم هو انت ايه الحب بالنسبالك!

ادهم سرح و بصله: انك تقع من غير ما تحس.. ومتبقاش عايز تبعد ابدا

زين برفض: لا يا ادهم ساعات بنضطر نبعد عن الى بنحبهم عشان ده بيكون احسن ليهم! وهنبقي قمه في الانانيه لو اخترنا نفسنا وفضلنا مقربين

ادهم بصله بتفكير وابتسم بسخريه: معاك حق.. ساعات لازم نبعد فعلا

- انت مالك انهارده انت كمان؟

= انا حاسس اني عايز اسافر انا كمان متخدني معاك

- يارب صبرني

= الواحد مش عارف هيرازي في مين الخمس شهور الى انت هتغيبهم دول

زين بصله بأدراك: احمم.. ءء

" يزن شافهم فا خرج لهم "

- يا رجالة

زين: لا طب اسيبكوا انا بقا

يزن: لا اصبر يعم الواد يونس معاه حوار

أدهم برفعه حاجب: حد عمله حاجه؟

يزن: لا مش كده بس واحنا في دبي كان بيحب واحده وعرف من شوية انها اتخطبت وفاضله شوية و يروح يحجز تذكره برج القاهرة ويرمي نفسه

زين: اتحْزوق !

يزن: هو مكنش قايلها اصلا يونس بيكتم مشاعره بجد بيعرف يكتمها اوي لدرجه تفتكر انوه معندوش مشاعر ولا بيحس ومش بيبان عليه اي حاجه

زين: طب من غير تفاصيل نادوا الواد يوسف وتعالو ندخل اوضته نشوفه

يزن: قافل على نفسه الباب

زين: ومين جاب سيره الباب بس

يزن: يعني ايه

زين: شايف الشجره دي؟

أدهم ضحك: انا بالنسبالي هجيب السلم آمن..

انا مش هعمل زي فيلم الى بالي بالك معلش..

" وفعلا نادوا يوسف و حطوا السلم وطلعوا منه

على البلاكونه بتاعت اوضته يونس

ادهم و زين و يوسف دخلوا

و يزن راح ينادي فريده "

" يونس اتفاجئ بدخولهم "

- ايه ده !!! انتوا جاين لي منين!!

ادهم: ثبتوا الواد ده على الكرسي

يونس بعصبيه: بقولكم ايه محدش يهـ

" وقبل ما يكمل كلمته شالوه وحطوه على الكرسي "

يوسف عمل بأيده شكل مـ. ـسدس : اثبت بدل ما اعجنك وافر تك مخك

" يونس زعق بعصبيه "

يوسف: بطل جعير هتفضحنا

" زين فتح الباب و يزن وفريده دخلوا وقفلوه تاني"

يونس سكت وبصلهم بنفاذ صبر: طب وبعدين يعني ؟؟ انتوا اجننتوا !! ربطني على الكرسي كده ليه؟

فريده: انتوا عاملين فيه كده ليه!

يوسف: سمعنا انوه مضايق

يونس بص لـ يزن بعيون بطق شرار: هو ده الى مش هطلع سرك بره !!

يزن: مهو مطلعش بره الفيلا اهو.. ههه

يونس بزعيق: هههه ايه !!! ده انا لما اقوملك بس !

تفو على منظرك ومعرفتك

زين: حلو اوى يعني الإشاعات الى سمعناها صح انت مضايق

يونس: طب فكوني وبطلوا هزار !! أدهم خليهم يفكوني

ادهم: حاضر.. بس هتتكلم معانا

" يونس سكت وادهم فكه وهو قام من على الكرسي نط على يزن يعجنه وفضلنا نسلك بينهم "

أدهم: اترزع بقا فرهدتوني !!! ايه اليوم الى كله مشاكل وحْرا على دماغكم ده !

يوسف: قولنا مالك بقا؟

يونس: انا مش هتكلم !

يزن: البنت الى بيحبها اتخطبت

يونس: متخلنيش اقوملك تاني انا مكنتش بحب حد !

يزن: كداب

يونس كان هيقوم ادهم مسكه: معرفتهاش ليه ؟

"يونس مردش وقلب وشه فا ادهم كرر جملته"

- ما كنت تقولها مقلتش ليه؟

يونس بزهق: انا لسه صغير لسه يعتبر عيل مخلصتش حتي تالتة ثانوي

يزن: مش ده السبب الوحيد

يونس: هو انت مبتسكتش؟

"فريده فهمت الموضوع"

- خلاص يا يونس متزعلش هو فيه ناس كده مش بتحس

"زين ضحك بهدوء على تلقيحها"

يزن: هو الى معرفهاش اصلا عشان فيه واحد تاني كان معانا هناك بيحبها فا يونس قرر يسكت بدل ما يعرفها

يونس بعصبيه: انا قولت مش فارق معايا !! الموضوع انتهي خلاص وانا مش مضايق هي مش اخر واحده في الدنيا يعني كمان انا مش هرجع اصل دبي تاني

↚

يوسف: صح انا من رأيي تنسي كل ده يا يونس! وتستقروا في مصر! حتي لو خالتي عايزه تسافر اقعدوا انتوا و زي ما قولت انت لسه صغير يا يونس لسه قدامك الحياة الجامعية كلها بنات

زين: عنده حق وانا ادعم كلامه

" فضلنا نتكلم لحد ما يونس ضحك وفك.! "

يوسف: يعني خلاص كده على العهد يا رجالة؟ اتفقنا نفضل سوا وحولين بعض؟

يزن: اتفقنا ولو ماما رجعت دبي هنفضل هنا سوا مع جدو

زين: جدو هيفرح اوي بالخبر ده

يزن: مفيش احلي من لمة العيلة وكل ده بفضل فريده

" ابتسمت بهدوء وكنت ساكته "

يونس: انتي مالك يا فريده شكلك مضايق

فريده: لا مفيش عادي

يونس بمرح: متيجي نرتبط انا وانتي طيب؟ اكسبي فيا ثواب انا مجروح دلوقتي

فريده بغيظ لـ زين: اه موافقة طبعا يا يويو

زين: هو ايه الى موافقه يا يويو !!!! وانت ياض اتلم بدل ما احدفك من البلاكونه

"ضحكوا كلهم وادهم حب يرخم على زين"

أدهم: لايقين على بعض.. هو يادوبك فرق السن بس

زين: ادهم!

يوسف: وعشان كده انا انسب ليها من يونس..

زين بنرفزه: متتلموا بقا الله !

فريده بهدوء: طيب يا شباب

انا هقوم عشان عايزه انام

اه صح..

نسيت اقولكم ازاي..!!

مش زين مسافر

يعني الخطه بتاعت هنفضل سوا كلنا دي

هو مش هيعمل بيها.. وهيقعد عشر شهور تقريبا

صح يا زين؟ ابقي احكي لهم انت بقا.

" قومت وسيبتهم في صدمتهم و كنت شايفه تعابير وشه وانوه متغاظ.. "

أدهم: ايه الحوار ده بقا ! ما احنا كنا لسه بنتكلم ؟؟؟ مجبتش سيرة العشر شهور دول ليه ؟؟

زين: جالي تدريب في الاجازه هعمل ايه؟

أدهم: انت بتكرر نفس الحوار تاني؟

زين: يا ادهم كنت هقول

يوسف: يسطا انت ايه سفرك من الأول اصلا متتلقح هنا

"ادهم قام وسابهم وفريده نجحت تقلب عليه الترابيزة"

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| تاني يوم | على الفطار ||

" طبعا الكل بيفطر في صمت لحد ما واحد صاحبنا قرر يرمي البلوي "

يزن: احمم.. انا و يونس يا جدو قررنا نقعد هنا علطول

ناديه بلعت وبصتلهم بعقدة حاجب: نعم؟ انتوا بتقرروا من دماغكم؟

عبدالعزيز: لحظه يا بنتي.. وحياتكم الى كلها هناك الاجازه خلاص قربت تخلص

يونس: اكيد يا جدو هتقدر تحولنا ورقنا بسرعه ونرجع نعيش في مصر معاك مش حضرتك قولت الفيلا و الشركه تحت امرنا!

عبدالعزيز ضحك على تفكيرهم: أكيد ده مكانكم..

ناديه: انت بتوافقهم يا بابا!؟ انتوا ازاي تقرروا حاجه زي دي من نفسكم

يونس: احنا مش صغيرين

ناديه: لما نشوف رأي ابوكم ايه في الموضوع ده

يزن: يا جدو عاوزين نفضل هنا!

يوسف: وانا كمان يا ماما هفضل هنا

هبه: ده شكلها موضه و دايره بقا؟

ادهم كان متابع بصمت وبعدين بص لزين واتكلم: طيب بالمره و زين مسافر وهيقعد عشر شهور

وليد: عشره؟

هدي: عشره ازاي يعني؟؟ الترم التاني عشر شهور؟

" و حرفيا كله مسك في بعضه لحد ما عبدالعزيز علي صوته بحده "

- خلاص ايه احنا مش كنا قايلين بلاش كلام على الاكل

ناديه: يا بابا دول اجننوا خالص!! الاستاذة الاتنين عندهم ثانوية عامة!!! تنقلوا وتضيعوا عليكم السنه؟

هبه: وانت ؟؟ عاوز تسيب الجيزة وتقعد في القاهره!!

عبدالعزيز بغلب: ممكن تهدوا!! انا الى هقرر

" الكل بص ناحية عبدالعزيز "

- يزن انت واخوك لازم تكملوا السنه دي بره مينفعش تضيعوها.. وبعدها انزلوا مصر وهقدم ورقكم في الكلية هنا

ناديه بأعتراض: يا بابا ازاي بس نـ

عبدالعزيز قاطعها: خلاص بقا.. ده بيتهم برضو! وانا عايزاهم جمبي

كمل وبص ليوسف: انت نفس القصة لما تخلص السنه بتاعتك تعالي اقعد زي ما تحب

وليد لزين: وانت ايه حكاية العشر شهور دول؟

زين: جالي فترة تدريب هناك في الإجازة..

أدهم كان خلص أكله فا قام: الحمدلله..

فريده: انا كمان خلصت الحمدلله خدني معاك الشركه

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| على الطريق ||

- مالك ساكتة ليه؟

= مفيش عادي

- انتي مضايقه بسبب حوار زين ؟

= اخوك طلع مخه تعبان اكتر منك

"أدهم بصلها وهو مضيق عينه وهي ادركت الى قالته"

- انا مش قصدي

ضحك على شكلها: خلاص انتي هتعيطي فاهمك بس زين عموما مش قاصد يضايقك

= انت متعرفش حاجه..

" ادهم محبش يعرفها انوه زين حكاله غير لو هي حكت"

- ما علينا ريحي اعصابك كده عشان انهارده فيه اجتماع ويوم مهم اصلا شوية وهتلاقي بابا و عبدالعزيز باشا في الشركه..

= لسه قدامهم شوية خناق

ضحك: بصراحه.. الله يكون في عونهم بقا

>>>>>>>>>>>>>>>>>>>>>>>>>>>>>>>>>>>>

استغفروا

|| في الفيلا | غرفة المكتب ||

" بعد الخناقة ما اتفضت هبه كلمت جوزها تشتكي له و ناديه كذالك و هدي و وليد كانو بيتكلموا مع زين.. اما عبدالعزيز بقا فا كان قاعد مع محامي في مكتبة "

- كده كل حاجه مع حضرتك اهو و الورق كله مظبوط

= وعملت ايه في موضوع العربية

- جاهزه برضو سيادتك

= اهم حاجه في كل ده طقم الحرس.. انت متعرفش الفترة الجاية هتبقي عامله ازاي يا خالد

- ولا تشيل هم سيادتك! انا منسق كل حاجه مع الجهات مش عايزك تكون قلقان

= لا قلقان خصوصا بعد ما حصلت طفره واحفادي كلهم هيبقوا حواليا.. يبقي لازم اقلق واحط عيني في وسط راسي.. انت اكتر واحد عارف يعني ايه يبقي في شركة زي شركتنا وسط سوق عملاق وتبقي شركتنا اكبر شركه منافسة للكل!

- انا فاهم الى حضرتك خايف منه محدش بيحب يكون فيه كبير في للسوق وكل حاجه رايحه لحسابة بس احنا مفتحين عينا كويس اوي.

= ماشي المهم ان محدش يحس بحاجه انا مش هعيش عيالي و احفادي في قلق

- اكيد مفهوم.. بعد اذنك

" خالد خرج و وليد شافه سلم عليه وبعدين دخل لعبدالعزيز "

- خير يا بابا؟ حصل حاجه

= مفيش يحبيبي ده انا كنت بجهز حاجات تخص وصية سهير عشان فريده يلا نروح الشركه بقا هنتأخر

>>>>>>>>>>>>>>>>>>>>>>>>>>>>>>>>>>>

|| في اوضة يزن و يونس ||

يزن: خلاص بقا يعم انت قماص كده ليه؟

يونس: بتفضحني في قلب العيلة وتقولي قماص؟ انت بجح اوي يا يزن وربنا لاقولهم على البت الى كرفتلك وقالتلك احنا اخوات

يزن: ايه ! ايهههه طب و برستيجي ؟ انت اخ مش جدع

يونس: من بعض ما عندكم !!

" ناديه دخلت عليهم ومعاها الموبايل "

- اتفضلوا بابا على الخط كلموه

يونس خد الفون: احممم.. عبدالرحمن باشا وحشتني براحه بس ليه الزعيق؟..

كل حاجه بالتفاهم يا والدي..

اصلا يزن هو الى عمل كل حاجه..

اها عايزه؟

يزن خد يحبيبي بابا هيكلمك..

" يزن بصله بتوعد وخد الفون.. "

>>>>>>>>>>>>>>>>>>>>>>>>>>>>>>>>>>

|| في الشركه | غرفة الاجتماعات ||

عبدالعزيز: اظن كده كل حاجه واضحه

فريده: عندي سؤال حضرتك

عبدالعزيز: اتفضلي

فريده: شايفه اننا ممكن نحط برامج إضافية في وجود أجانب زي اننا نعملهم رحله لأماكن سياحية ومتبقاش الإقامه مقتصره على الشغل وبس ده غير انوه هيفيد السياحه هيعمل بينا وبينهم مرونه وثقة ان ميبقاش التعامل بينا محدود او روتيني

" ادهم بصلها بفخر والكل عجبته الفكرة"

وليد: هايل جدا.. خصوصا ان كل الشركات بتتعامل معاهم بفكره انهم يكسبوا من بعض بس.. واحنا لما نقدم حاجات زي دي بنعمل بينا وبينهم رابطة اهم من الشغل

عبدالعزيز: انا موافق تقدروا تبدأو

أدهم: بالفعل مرتبين كل حاجه يعني.. حسينا الفكره هتعجب سيادتك فا اوردي اشتغلنا عليها..

" انا وادهم كنا فرحانين وكنت شايفه في عيونه الفخر بيا.. خلصنا الاجتماع وجدو كمان عبر عن فرحته بالي بنعمله.. وقالي انوه مبهور اني اخدت على الشغل بسرعه وفهمت حاجات كتير وكمان بقدم افكار! "

- يعني خلاص ياجدو قربت اتعين رسمي؟

عبدالعزيز: أكيد يا فريده المهم دلوقتي اني عاوزك نخلص شوية إجراءات..

" استغربت فيه ايه ولكن نزلنا وروحنا البنك و أكتشفت ان جدو مكنش معرفني كل حاجه في وصية تيته .. الى مكنتش اعرفه انها سيبالي مبلغ كبير جدا في البنك.. ولما سألته بستغراب ليه معرفنيش وقت الوصية قالي انوه خاف اتسرع و اخد الفلوس دي ارجع اعيش بيها بعيد عنهم.. مكنتش عارفه اقول ايه غير اني حضنته! وفاجئني هو بحاجه تانيه كبيرة! "

- انا قولت اصالحك برضو وجبتلك حاجه

= ايه!

" خرجنا بره و لقيت عربية قدامي لونها ازرق غامق بتلمع حرفيا! "

- جدو لا متهزرش!

= لا مش بهزر

- بتاعتي !!!!

" هز راسه وانا جريت عليها اشوفها بأنبهار !! رجعت حضنته بقوة "

- انا بحبك اوي يا جدو اوي

= بتعرفي تسوقي؟

- مش اوي بس هتعلم !

ضحك: ماشي يا فريده اهم حاجه تخلي بالك على نفسك

" هزيت راسي بفرحه.. روحت وبعدها هو رجع الشركه وبعد ما اليوم الجميل ده خلص كنت قاعده لوحدي في الجنينة والعربية مركونه بعيد عني بشوية وانا عماله ابصلها بفرحه.. زي الأطفال لحد ما لقيت زين داخل من البوابة و جاي ناحيتي "

- يا اهلا بالي فضحتني بدل المره اتنين..

" زين كان يقصد ان اول مره قالها متقولش انه مسافر قالت لأدهم وتاني مره قالت للكل في الاوضة عند يونس انوه مسافر عشر شهور..! "

= افضحك ليه؟ هو انت عامل حاجه غلط

- فريده انا عارف انك زعلانه بس ممكن نتـ

فريده قاطعته: مش انا كان متقدملي عريس ونسيت اقولك؟ بس يلا ملحوقه اصلي بفكر أوافق عليه!

"زين بصلها وتعابير وشه مش مبشرة بالخير.."

↚

- يا اهلا بالي فضحتني بدل المره اتنين..

" زين كان يقصد ان اول مره قالها متقولش انه مسافر قالت لأدهم وتاني مره قالت للكل في الاوضة عند يونس انوه مسافر عشر شهور..! "

= افضحك ليه؟ هو انت عامل حاجه غلط

- فريده انا عارف انك زعلانه بس ممكن نتـ

فريده قاطعته: مش انا كان متقدملي عريس ونسيت اقولك؟ بس يلا ملحوقه اصلي بفكر أوافق عليه!

"زين بصلها وتعابير وشه مش مبشرة بالخير.."

- يعني ايه؟؟ هو مين ده الى اتقدملك ؟

فريده ببرود: واحد معايا في الجامعة طلب مني يجي

- لو بتهزري الأحسن تفكك من الشغل ده !!

= مش بهزر! تحب تيجي الكلية اوريهولك؟

زين قبض ايده وحاول يمسك نفسه: و الكلام ده من امتي و ليه انا معرفش؟ ازاي اصلا معرفش وانا كنت علطول معاكي و بوصلك؟؟

- لا عادي كان فيه ايام بروح لوحدي.. وبعدين انت شاغل بالك ليه! انت مسافر ركز في السفر أحسن وخليك في مستقبلك بقا

" قومت عشان اطلع واسيبه وقف قصادي"

- احنا لحد دلوقتي عمرنا ما اتخانقنا! فا متعمليش خناقة من الهوا يا فريده انا عايز اعرف كل حاجه حالا انتي فاهمه؟؟

" مش هنكر ان نبرته اتغيرت وكان مضايق وغيران! طب طالما كده؟ امال ازاي قادر يسبني عادي! "

= الموضوع ده من بدري وانا قولتله هبقي اخدلك معاد مع أهلي وبس

زعق: هو انتي مجنونه !! معاد ايه وزفت ايه

" اتفاجئت انوه بيزعق فيا لأول مره! "

- انتي عارفه لو عرفت انك كلمتي اي حد بعد كده؟ وانا بقا هعرف هو مين و هعجنهولك يا فريده

" و طبعا زين هيقدر يعرفه بسهوله زين اصلا يعرف الجامعه كلها تقريبا.. فا انا قررت اجيب ورا "

- هو مظهرش تاني اصلا ريح دماغك !! وانا اديتة رقم غلط عشان وقتها مكنتش بفكر في الموضوع ده ولا الكلام ده احنا كنا في اول الدراسة الترم الأول

= لا مش هريح دماغي انتي بتخبي عليا انا ؟؟ اوعي يكون ده الى مسك ايدك ؟؟

- لا مش هو بطل افوره يا زين!

= انا بأفور؟ اني اعرف انك اتكلمتي مع حد و طلب يتجوزك وعايز معاد اهلك ده عادي ؟؟

بصتله بعناد: اه عادي! هو انا هفضل قاعده جمبك؟

بصلي بقمه النرفزه وقالي بتهديد: اه هتفضلي قاعده !! لحد ما انا ارجع عشان لو حصل غير كده وفكرتي مجرد تفكير بس انك تبصلي لحد غيري

" لاقيته سكت فا بصتله بتحدي"

- ها قول هتعمل ايه لو بصيت لغيرك؟؟؟

= هفرتكلك دماغ يونس يا فريده

"ضحكت غصب عني على طريقته و هو مش قادر حتي يهددني انوه هيعملي حاجه.. فضل باصصلي وانا بضحك وساكت مش مدي اي تعبير"

- على فكره انا بكرهك اوي يا زين.. بجد بكرهك

= وانا بحبك..

" و هنا كنت خلاص نسيت كل حاجه.. و كل الزعل.. هو اه قالي بحبك قبل كده.. لكن المره حسيتها مختلفة! "

"كنت بصاله بكل الحب الى في الدنيا وهو كمل"

- ده الى عاوزك تعرفيه وانا بعيد اني بحبك ومش هحب غيرك ولا انتي تفكري تبصي لحد غيري فاهمه؟ انا مكنتش عايز اسافر واحنا مضايقين.. لأني هسافر كمان تلت ايام من دلوقتي..

بصتله: ايه!! بالسرعه دي!!

ابتسم: جدو قالي ان شغلك مع ادهم بيتطور وكان فرحان اوي بيكي.. انا كمان فخور بيكي وعاوزك تفضلي هنا يا فيرو.. عاوزك تكبري في الى بتحبيه و تخلصي دراستك ، تبقي مرتاحه وناجحه!

- وانا كمان عاوزاك احسن دكتور في الدنيا يا زين

= خلاص مش زعلانه يعني؟

- لا..

بصيت بعيد: على فكره الى هناك دي عربيتي

بصلي وضحك: على فكره انا الى منقيها مع جدو عشان عارف لونك المفضل

بتعجب: كداب!

- ابقي اسأليه

= انت مش بتديني فرصة ازعل ليه

- مقدرش..

ممكن انتي بقا متزعلينيش و تفهميني

بستغراب: افهمك ايه؟

زين بنرفزه: مين الواد ابن الـ**** الى اتقدم لك ده عشان انا مش هعدي الموضوع

ضحكت على طريقته الى اتحولت: خلاص بقا

= لا مش خلاص اصلي مش هسكت غير لما اعرفه

- اسمه اسر..

= وكمان عارفه اسمه!

- يا زين هو الى كلمني وقالي اسمي اسر وقعد يهري وبعدين قالي عايز رقم والدك اديته رقم غلط مش عارفه بقا من وقتها راح فين! ومكنش موضوع مهم عشان كده مقلتش

= لا يحببتي مُهم..! اي حاجه تخصك مهمه وعايز اعرفها فاهمه؟

- هفكر

لمس على راسها بخفه: بطلي لماضه

- طب هتعلمني اسوق؟

= لا العربية دي ديكور مش هتركبيها

- زين متهزرش!

= هعلمك حاضر.. و أدهم يبقي يكمل المسيرة بعد لما اسافر

- بطل كل شوية تقول هسافر عشان بتفصلني!

" ادهم دخل الفيلا على جملتي "

= ومين سمعك يبنتي..

زين: اخويا؟

اخويا الى بيقوم عليا بابا وماما على الفطار منور !

أدهم: ونبي يا فريده قولي للي معاكي يكتم عشان لو اتكلمت هزعله جامد اوي

- معاك حق والله يا أدهم.

زين: بقا كده؟ طيب ومالو تعالي لما نشوف الحوار ده

فريده: لا انا طالعه بقا مع بعض انتوا..

" طلعت وسيبتهم وانا عارفه ان كده كده زين هيضحك عليه ويصالحه زي ما عمل معايا.. "

>>>>>>>>>>>>>>>>>>>>>>>>>>>>>>>>>>>>

صلي على محمد

ادهم: ضحكت عليها ازاي وعرفت تصالحها؟

- زي ما هضحك عليك دلوقتي

= فكك مني يا زين لأني مش طايقك وهفضل مش طايقك يحبيبي

- ليه كده يا ادهومي

= واد؟ بطل محن

- يا ادهم وربنا كنت هقولك لولا الواد يزن قاطع كلامنا امبارح!

= ماشي..

- متبقاش تنح كده!

= كلمني عدل بدل ما اقوملك!

- طب خلاص؟ انت عارف ان السفر بعد تلت ايام؟ مفيش وقت نزعل وكمان عيال عمتك ماشين عاوزين نقضي كان يوم فالذيذ كده فا خلاص تقبل الموضوع انا بقالي سنه بقنع في امك

= امك يا بيئة؟

- الست هدي هانم والدتك !!

اتنهد بقلة حيله: انا بكرهك يا زين اوي

- منك لله علمتها للبت

ضحك: فريده!؟

- اه..

- طب انا قايم عشان جدو كان عاوزني

= هو وصل؟

- لا لسه مانا عايز استحمي الأول انت مش شامم ده ريحتي بقت حْنارْيري خالص

زين ضحك جامد وغمزله: حْنرْير ها؟؟ فاكر ؟

ادهم حدفه بالجاكيت وطلع.

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| ليلا | في مكتب عبدالعزيز ||

"ادهم دخل لقي عبدالعزيز و وليد "

- زيزو باشا و وليد باشا مع بعض؟ ده حدث بقا ها خير؟

طلع ليا بنت عم كمان ولا ايه؟

عبدالعزيز ضحك: ابنك داخل رايق اوي..

وليد: طول عمره..

- ايوه يا زيزو باشا مبدئيا كده ولعه معاك العربية الجديده بتاعت فريده

وليد: خلينا نتكلم في المهم الأول طيب ونهزر بعدين

= اه.. ده كده فيه حاجه فعلا اتفضلوا..معاكم

وليد: انت طبعا شايف شغل فريده هايل ازاي

= اه لسه كنت عاوز اقول لحضرتك يا جدو مش لازم نستني لما تخلص السنه الأخيرة عشان تتعين من رأيي تتعين دلوقتي

عبد العزيز: وانا مكنتش عاوزاها تتعين من اساسه..

بصله بستغراب: ايه! ازاي ده؟

عبدالعزيز: شوف يا أدهم.. انت الكبير فا انت الوحيد الى مفروض تعرف الموضوع ده واكيد هتفهمه عشان كده جبتك دلوقتي.. سوق العمل حاليا بقي كله شبه بعضه.. الا الشركة عندنا عشان احنا بنتميز عن اي حد ومش بنشغل عندنا اي حد..

= تمام و دي حاجه كويسة! احنا فعلا اكبر شركه منافسه لباقي الشركات و ده بمجهودنا!

وليد: وانت فاكر دي حاجه سهله؟ او ملهاش عيوب.. تعرف الموضوع ده بيعمل عداوة شكلها عامل ازاي؟

= لا معلش يا بابا ممكن توضح؟ احنا قدام اي حْطر حاليا ؟ من اي حد يعني؟؟

عبدالعزيز: زمان ايام جلال عمك الله يرحمه.. كان عندنا موظف شاطر كده زيك و فضل يكبر و يكَبر الشركه معاه

وقتها الموظفين مكنوش يكملوا عشرين على بعض كنا لسه بقا بنكبر الشركة..

وفي يوم الموظف ده وهو مروح عمل حد.ـثه و التحقيقات فضلت شغالة واكتشفوا ان العربية الى خبطته كانت تبع واحد اسمه انور المحمدي ده راجل طلب يشاركني وقتها وانا رفضت لأني كنت عاوز الشركة دي ملك للعيلتنا بس

ادهم خد نفس عميق: الله يطمنك يا جدو.. و طبعا حضرتك بتقولي الكلام ده دلوقتي عشان انا من الناس الشاطره في الشركه و الدور عليا بقا ولا اية؟

وليد: لا انور اختفي من وقتها بعد ما اتسـ.ـجن طبعا و شركته انتهت

عبدالعزيز: انا مش قصدي انت وبس ولا قصدي اقولك تخاف.. انا بتكلم عشانك انت و فريده و كمان اولاد عمتك ؛ لانها جت من عند ربنا والكل بقا حابب نبقي سوا ويشتغلوا في الشركه و ده احب ما عليا..

لكن من وقت الى حصل وانا شايل هم وخايف عليكوا ومرضتش اعرف حد المواضيع دي محدش يعرف غير وليد. و دلوقتي انت عارف..

وليد: الشركات حوالينا زادت و مع ذالك احنا الاسهم بتاعتنا عمرها ما اتأثرت و لا عمر شغلنا وقع و كل سنه بنكبر عن السنه الى قبلها فا كل ده طبعا هينتج عنه ان ممكن ناس تتفق علينا و هتدور بأي شكل ازاي توقعنا و تمحي الشركه من السوق وتسببلها خساير

" ادهم كان عمال يفكر في كلامهم.. بقي حاسس انوه تحت ضغط.. "

- الموضوع كبير للدرجه دي يا جدو؟ ممكن ناس تآذي حد فينا عشان الشغل؟

عبدالعزيز: انا مش عاوزك تشيل هم يا حبيبي.. انا بعرفك ده عشان تعمل حسابك تخلي بالك على فريده.. و يزن و يونس و يوسف كلكوا عاوزكم سوا وتخلوا بالكم على بعض انتوا الى هتفضلوا لبعض..

وليد: و متقلقش كده كده احنا عاملين احتياطاتنا و انتوا متأمن عليكم كويس

عبدالعزيز بص لأدهم: كل الى عايزه منك بس ان يبقي عندك فكرة بالبشر الى بره عاملين ازاى و وحشين قد ايه وطبعا تعيين فريده رسمي ده انا مقلق منه و

أدهم قاطعه: لا متقلقش يا جدو.. كلهم اخواتى

ومحدش هيقدر يقرب ليهم..

وانا من دلوقتي هركز في كلام حضرتك.. والمثل بيقول اعرف عدوك.. وانا هدرسهم كلهم كل الشركات المنافسة هدرسهم كأنهم شغلي الوحيد الفترة الجاية.

عبدالعزيز: وانا واثق فيك ياحبيبي.

>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في نايت كلوب ||

" بعد ما خلصت كلام مع جدو طلعت على البار عشان اقابل واحده كنت اعرفها تبقي شغاله تبع شركة من الشركات الى حوالينا. "

" جت بنت و ادهم شاور لها فا قعدت بأبتسامه واسعه"

- بقي طالبني بنفسك مش مصدقه..

= لما تعرفي الأول ليه

قعدت وبصتله بمياعه: خير قررت ترجع لأيام زمان؟

- لا انا جايبك عشان شغل يا سارة.

= ايه؟ شغل ايه؟

- انتي لسه شغاله في شركة W o g صح ؟

= اه لسه بس شكلي همشي قريب

- اشمعنا؟

اتكلمت وهي بتشرب كاس: فلوسهم وحشه وانت عارفني... مصاريفي كتير!

" نهت كلامها بضحكه "

↚

= لا انا عايزك تفضلي هناك.. و هتخدي الى انتي عاوزاه وعاوزك تعملي اي حاجه تخليكي تتنقلي مكتب زياد النصراوي

- لا افهم بقا .. هو ايه الموضوع؟

= ولا حاجه مشوفتيش قبل كده واحد عايز يعرف معلومات عن حد؟ انا كدا كدا اقدر اجيب اي حد وانتي عارفه.. بس قولت ساره اولي بالشغلانه دي

غمزتله: اشطا يا دوما اتفقنا هشوف دنيتي واكلمك مش هتيجي نرقص شوية؟

ادهم بجديه: الى بينا شغل ها؟ يلا سلام

" سبتها و قومت وكده كنت مطمن من ناحيه شركة من الى ممكن اشك فيهم.. وكنت محتاج اعرف معلومات عنهم.. كنت خلاص خارج لحد ما شوفت موقف قدامي بنت بتحاول تبعد عن واحد من المكان وهو ماسك ايدها بتحكم غريب "

- بقولك ابعد عني انت مجنـ.ـون ولا ايه يا شهاب

" روحت وقفت قصاده و هي كانت خايفه "

كان لسه ماسك ايدها وبصلي: خير يا نجم فيه حاجه ؟

- انت ماسكها كده ليه ؟؟

= واحد و خطيبته انت مالك !!

ردت بعصبية: اوعي سبني انا مش خطيبتك

ادهم طبطب على كتفه: طب سيبها ياحبيبي احسن لك

زقه بقوة: اوعي يعم كده

" الزقة بتاعته مأثرتش فيا وهو كان شكله شارب وصايع مش دريان بحاجه وهي شكلها مش لايق على المكان اصلا بصتلها "

" شلت ايده من عليها و صْربته بونيه جامده وقع وبعدين شاورت للجردات "

- خد يا زيكا امسك الزبون ده طلعه بره شكله غايب خالص وهيقرفكم

" وفعلا خدوه وانا رجعت ابص للبنت "

- انتي تمام؟

= اه.. اه كويسة

- طب اتفضلي اخرجي

" خرجنا انا وهي وكانت خايفه وعماله تتلفت حواليها وانا كنت مستغرب الموقف.."

- انتي بتعملي ايه في مكان زي ده؟؟

= يعني ايه؟

- يعني انتي ولا شكلك ولا لبسك ولا اي حاجه لايقه على المكان الى كنتي فيه ايه دخلك جوه؟

= وانت مالك بقا !

رفعت حاجبي بدهشه و اتنرفزت: انا مالي ايه؟ انتي مينفعش تدخلي اماكن زي دي لوحدك خصوصا وانتي هبله كده ومتعرفيش حاجه و الواد الى جوه ده كان شارب ومحدش كان هيدري بيكي لو عملك حاجه مستوعبه ده ولا لاء ؟ ما تردي يابنتي !

" لاقيت عيونها بتحمر ودموعها بتنزل خبت وشها بأيدها وفضلت تعيط ! هو ايه ده!؟ "

- لا حول ولا قوة الا بالله انتي حد كلمك دلوقتي

= انت عمال تزعق فيا كده ليه !! وتقولي حد كلمك

" ياربي.. ارحمني يارب "

- اممم طب تعالي اروحك ياحببتي شكلك تايهه من حد والله انتي جيتي هنا ازاي؟؟

= جيت بـ اوبر و هشوف اي حد اركب معاه الا انت

- لا والله!! بجد والله!!؟؟ اي حد الا انا

مسحت دموعها وبصتلي: اه.. انت شكلك يخوف وعمال تزعق فيا خلاص شكرا عرفت انك لحقتني منه خلاص بقا بعدين ما انت كمان كنت جوه معاهم يعني مفيش فرق

" ضحكت غصب عني وانا باصص لها.. وبفتكر موقف مشابه للموقف ده مع فريده.. ساعة ما شوفتها هنا برضو في نفس المكان.. "

- طب استهدي بالله و تعالي اوصلك قبل ما حد تاني يطلع من جوه يضايقك

= لا شكرا اتفضل انت

- يابنتي خلصي يابنتي و اركبي

= لو انت فاكرني بقا عيلة و هبله تبقي غلطان ماشي

- انتي قد الدنيا ياعم اركبي بقا عاوزين نمشي!

" وبعد هري كتير ركبت معايا العربية وكانت قلقانه وعماله تبصلي وانا والله هموت واضحك على العبط الى انا حطيت نفسي فيه "

- بيتك بعيد على فكره حد يجي كل ده؟

= كان لازم اجي..

- ليه بقا؟

= دي خصوصياتي ملكش دعوة!

" ابتسمت على كلمه ملكش دعوة الى عماله تقولها "

- ما علينا ياريت مشوفكيش هناك تاني انتي اخرك تروحي دريم بارك بعد كده فاهمه يا سكر؟

= ههههه دمك خفيف اوي!

- مانا عارف

بصتلها بتفكير: انتي متعرفيش الواد ده ؟

ارتبكت: هتفرق؟

" سكت وكملت سواقه بعدين وصلنا لحد بيتها فا وقفت وبصتلها "

- طب انتي اسمك ايه؟

= اشمعنا بقا؟

- مجرد سؤال ما تجاوبي وانتي ساكته!

بهدوء: حبيبة اسمي حبيبة.. سلام..

قبل ما تنزل رجعت بصتلي: شكرا

" نزلت من العربية وانا فضلت باصص عليها لحد ما دخلت بيتها ابتسمت وبعدين دورت العربية و اتحركت "

>>>>>>>>>>>>>>>>>>>>>>>>>>>>>>>>>

استغفروا♡

|| في الفيلا | علي السفره وقت العشاء ||

يزن: هتوحشني اللمه دي

ناديه: شوف الولد الى هيعملنا فيها دراما!! ده انا كنت بتحايل عليكم تنزلوا مصر يا جرْمه انت و هو

يونس باحراج: احمم جرا اي يا والدتي ؟ كنا غلطانين خلاص بقا

يوسف: اه مكناش مديين لبعض فرصة نقرب اصلا عكس دلوقتي.. وكمان احنا كبرنا الا يونس لسه عيل

"يزن قعد يضحك فا زين بصله"

- انتوا تؤام الكلام ينطبق عليك!

يزن بتكشيرة: شكرا يا يوسف

وليد: خلاص بقا قولنا بلاش كلام على الاكل

فريده: هو فين ادهم صحيح؟

أدهم دخل عليهم: هنا أهو

هدي: ايه كنت فين كل ده مرجعتش مع جدك يعني؟

ادهم قعد وأكل: لا رجعت بس كان عندي مشوار نزلت خلصته وجيت

>>>>>>>>>>>>>>>>>>>>>>>>>>>>>>>>>>

" خلصنا اكل و روحت ناديت زين يعلمني اسوق بقا وطلعنا في شارع الفيلا مرضيش يخليني اسوق بره "

- يابنتي لسه بدري! يخربيتك انتي مين قالك انك بتعرفي تسوقي

= انت الى مش بتعرف تعلم

- انتي الى منشفه دماغك

= انت الى عنصري ومش عايز تقولي اني شاطره

- يعني عماله تعانديني وخلاص تطلعي على الطريق بره ازاي بسواقتك دي ونبي؟

" وطبعا قعدنا نتخانق وفالاخر رجعنا الفيلا "

- انا هطلع اناديهم نقعد سوا شوية عشان انت قفلتني

= اطلعي يختي و ادهم عند البسين اهو.. تقريبا بيفكر ينتـ.ـحر هاروح انط معاه

ضحكت: خلي بالك بس لحسن يحدفك هو

- بعرف اعوم.. مش ناويه تخليني اعلمك العوم؟

= لا كله الا دي.

" زين راح لأدهم و فريده طلعت تناديهم"

- ايه يا ادهم باشا عايز تقع ولا ايه

= انا اوردي وقعت

- وقعت ازاي مش فاهم

= انا مش عارف ابطل تفكير فيها.. معرفش ازاي

- اوبا هي مين دي يا معلم؟

= مش عارف.. طلعت لي فجأة

- واحده واحده وفهمني

أدهم بأدراك: انت مالك اصلا ملكش دعوة

= شوف الواد القلاب !

" كانوا قاعدين بيتكلموا وخرجت فريده وهي بتصرحْ و ماسكه جيتار و يزن بيجري وراها "

- اللحقوني يا زين اعععااا

" الاتنين بصوا بخضه وفريده استخبت ورا زين وهي عماله تضحك وجه وراها يزن و يوسف و يونس "

زين: فيه ايه قطعتولي الخلف !!

فريده: مكنش راضي ينزل معانا فا خت الجيتار وجريت

يوسف بضحك: صْربته مكان ما بيوجعه الخبيثة

يزن بحده: يا فريده بقا هاتيه هيقع منك !!!

يونس: خلاص يا فريده اديهولوا

فريده بهزار: هتقعد معانا ولا هتخده وتطلع!

يزن بغضب شديد و جديه: بطلي هزار تنح و هاتيه بقولك !! الله !!!!

" الكل اتفاجئ من ردة فعله و أدهم خده منها وبصله"

- اتفضل اهو !

يزن خده وبصلهم بأسف: مكنش قصدي اسف

" راح قعد بعيد عنهم "

فريده: انا مكنش قصدي أضايقه عاوزاه يقعد معانا بس مش اكتر!!

يونس: انهارده سنوية جدو.. هو كان مضايق و احنا كنا قاعدين سوا وكان ماسك الجيتار وسرحان موده مكنش احسن حاجه يعني فا عشان كده اتعصب..

جدو هو الى كان جايب له الجيتار ده..

فريده بندم: حقيقي مكنش قصدي..!!! انا هتكلم معاه

زين: استني خليه يهدي الأول

فريده: متقلقش

" روحت لعنده وقعدت جمبه "

- آسفة مكنتش اعرف.. الله يرحمه

= وانا مكنش قصدي أ

قاطعته: محصلش حاجه! انا فاهمه شعورك.. على فكره انت كمان لما زقتني في البسين بالغلط و خوفت و اتعصبت.. مكنش لأني بس مش بعرف اعوم.. كان لأني كنت متعوده دايما انزل مع ماما و هي بتمسكني وبنعوم سوا... كلنا في حياتنا مواقف زي دي ممكن مبتبقاش مفهومه لحد تاني..

بس انا فهماك يا يزن ومش زعلانه حقيقي المهم انت.

بصلي وعيونه بتلمع بالدموع: هو وحشني اوي بجد! بتعملي ايه لما توحشك؟

ابتسمت بوـ.جع مكتوم: بفتكر انها كانت بتحبني ابقي سعيدة و اعيش حياة بحبها و مبسوطه فيها و بتخيل انها شيفاني! وجمبي.. طول الوقت ممكن اشاركك حاجه كده..

يزن بصلها: ايه؟

- ممكن تبص للنجوم واتخيل انوه نجم هناك..

بصلي وابتسم: انا مكنتش بحب العيلة دي قبل ما يبقي فيها بنات على فكره

ضحكت وبصتله: بنات ؟ انا مش قادره استوعب اني البنت الوحيده وسطكم!

يونس راح لهم: ايه؟ هتفضلوا قاعدين لوحدكم بغير!

زين من وراه: روح ياض اللعب بعيد يلا

أدهم: يا تري الأستاذ ممكن يجي يسمعنا حاجه بقا ولا الجيتار ده ديكور بس

فريده بحماس: ايوه يلا!!!

" قعدنا و يزن في وسطنا و بدء يلعب على الجيتار.. واحنا قعدنا نغني.. ونهزر وسهرنا سوا.. عشان عارفين ان زين خلاص هيسافر و كل واحد هيرجع مكانه بمعني اصح.. فا بنستغل الوقت ونفضل مع بعض."

>>>>>>>>>>>>>>>>>>>>>>>>>>>>>>>>>>

صلي على محمد

|| تاني يوم الصبح | قدام بيت في الزمالك ||

" كان قاعد ادهم جوه عربيته.. قدام بيت حبيبه معندوش ادني فكره ايه الى موقفه هنا.. "

" لحد ما شافها نازله من البيت فا خرج من العربية و راح لها بهدوء "

حبيبة بدهشه: هو انت!؟؟

- ايه الأخبار جيت اطمن عليكي..

= جيت كل ده تطمن عليا!

- اه.. عادي يعني انتي كويسة؟

= انا كويسة اه!

- رايحه فين كده؟

حبيبه رفعت حاحبها: لا بقا ملكش دعوة انت شكلك عايز تحْطفني

ادهم ضحك على ردودها: يعني مكنتش هعرف احْطفك امبارح وانتي جوه عربيتي؟

- مش مبرر خد بالك.. انا لازم امشي عشان رايحه الشغل

" قاطعهم دخول الولد بتاع امبارح "

- بقا انا ترمي الدبلة في وشي !!! و مين ده؟؟

بص لأدهم: هو انت !! والله العظيم لاعرفك ازاي تمد ايدك عليا

" ظهر اتنين كمان معاه فا حبيبه زعقت "

- شهاب بطل جنان كفاية !!!

" واحد منهم حاول يصْرب أدهم ولكن أدهم صْربه بمهاره و الواد ملمسهوش حتي و التاني قرب يصْربه وقتها شهاب طلع من جمبه مطـw ـه و اتحرك بيها بسرعه ناحيه ادهم وصْربة "

" أدهم مسك جمبة والـد م نزل منه فا حبيبة صرخت بفرْعه "

↚

- هو انت!؟؟

- ايه الأخبار جيت اطمن عليكي..

= جيت كل ده تطمن عليا!

- اه.. عادي يعني انتي كويسة؟

= انا كويسة اه!

- رايحه فين كده؟

حبيبه رفعت حاجبها: لا بقا ملكش دعوة انت شكلك عايز تحْطفني

ادهم ضحك على ردودها: يعني مكنتش هعرف احْطفك امبارح وانتي جوه عربيتي؟

- مش مبرر خد بالك.. انا لازم امشي عشان رايحه الشغل

" قاطعهم دخول الولد بتاع امبارح "

- بقا انا ترمي الدبلة في وشي !!! و مين ده؟؟

بص لأدهم: هو انت !! والله العظيم لاعرفك ازاي تمد ايدك عليا

" ظهر اتنين كمان معاه فا حبيبه زعقت "

- شهاب بطل جنان كفاية !!!

" واحد منهم حاول يصْرب أدهم ولكن أدهم صْربه بمهاره و الواد ملمسهوش حتي و التاني قرب يصْربه وقتها شهاب طلع من جمبه مطـw ـه و اتحرك بيها بسرعه ناحيه ادهم وصْربة "

" أدهم مسك جمبة والـد م نزل منه فا حبيبة صرخت بفرْعه "

>>>>>>>>>>>>>>>>>>>>>>>>>>>>>>>>>

|| في المستشفي | قسم الطواريء ||

" العيلة كلها كانت موجوده و الكل قلبه هيقف بسبب ان محدش خرج طمنهم و فريده مكانتش مبطله عياط من خوفها على أدهم هي و هدي "

" لحد ما الدكتور خرج و عبدالعزيز و وليد اول اتنين جريوا عليه "

وليد: ابني فين ؟؟ هو كويس ؟؟

الدكتور: الحمدلله سليمه و اتلحق في الوقت المناسب الجـ.ـرح مكنش عميق و مسببش اي ضرر داخلي هو خد عْرز فيه ومحتاج بس راحه و يتغير على الجـ.ـرح كل يوم

عبدالعزيز: يعني هو بخير؟؟ محصلش حاجه نقدر نطمن عليه ونشوفه؟؟؟

الدكتور: هو كويس الدكتوره الى جابته اتعاملت مع الموضوع بشكل سليم و الحمدلله خرج بأقل خساير وتقدروا تدخلوا لما يتنقل غرفة عاديه

" طبعا وقتها الكل ركز مع حبيبة الى مكانتش مبطله عياط و واقفة لوحدها على جمب "

زين راح ناحيتها: انتي الى كنتي معاه؟؟ مين عمل فيه كده؟؟

يوسف: اهدي يا زين الظباط بره اصلا وهيتفتح تحقيق ده شروع في قتـ. ـل

زين: ماشي انا عايز اعرف شوفتي ايه؟ مين عمله كده؟

عبدالعزيز: يوسف خد زين واقعدوا!

"الظباط دخلوا فعلا وبدأو يستجوبوا حبيبة اما الباقي فا كانو كلهم عند ادهم في اوضته"

>>>>>>>>>>>>>>>>>>>>>>>>>>>>>>>>>>>>

- بس حضرتك ده كل الى حصل.. و كل الى اعرفه عنه قولته

= و علاقتك بيه كانت مجرد خطوبه؟؟ ومتعرفيش اي حاجه تانيه؟

- والله لا حضرتك احنا قعدنا اربع شهور بس تقريبا وبعدين سيبته بسبب اني.. ان..

= متتكلمي !

- حاضر.. انه انا شوفته مع واحده تانيه فا رميت له الدبله بس وعشان كده كان جايلي وحصل الى حصل

= تمام هنحفظ اقوالك واحتمال نطلبك في القسم.

>>>>>>>>>>>>>>>>>>>>>>>>>>>>>>>>>>>

|| في غرفة ادهم ||

هدي بعياط: يعني انت كويس ياحبيبي! متأكد انك كويس

ادهم: الله جرا اي يا ماما اقوم اتنطط؟ والله كويس اهو بقالي ساعه بقولك كويس متتكلم يا زين هو انت دكتور على الفاضي

زين: الحمدلله انك بخير! ياريت تبطل مشاكل

وليد: الحمدلله ياحبيبي انك كويس

زين: مين بقا الى عمل كده ؟؟ ومين البنت الى بره دي؟؟

أدهم: هي بره؟

عبدالعزيز: فهمنا يا ادهم حصل ايه؟ ومين دي

- مفيش .. هو كل الموضوع اني كنت.. احمم كنت معدي يعني ولاقيت واحد بيضايقها فا كنت بتكلم وبقوله يمشي وبعدين لقيت اتنين جايين معاه وانا بتخانق معاهم جه هو صْربني ب مطـ..wه فجأة

ملحقتش يعني اعمل حاجه وبس

زين: احنا لازم نجيب ابن الـ&**** ده !!!

يزن: الحكومه هتجيبه امال بتستجوبها ليه

ادهم: بابا هي ملهاش دعوة بأي حاجه!

هدي: ازاي بس وهي السبب في الى انت فيه

أدهم: ايه يا ماما الكلام ده؟؟ رد عليها انت يا بابا كان مفروض اسيب بنت في موقف زي ده؟

وليد: اهدوا وبلاش كلام اهم حاجه انك كويس وهتخرج معانا بالسلامه

فريده: انت قادر تمشي؟ بجد مفيش حاجه وجعاك؟

أدهم: يووووه.. على فكره دول مجرد خمس عْرز

يوسف: حوش والواد كل يومين ياخد عْرزه ومتعود

عبدالعزيز: انا هشوف الدكتور عشان اعرف هتخرج امتي

أدهم ميل على زين: اخرج اطمن عليها

زين بغيظ: نعم يخويا؟ مش لما اطمن عليك الأول

فريده بصتلهم: انتوا هتتخانقوا هنا كمان؟

ادهم: فريده حببتي مليش غيرك اخرجي ونبي شوفيها عملت ايه

" قاطعهم دخول الظباط الى طلبوا وليد و راحت هدي خرجت معاه تفهم فيه ايه"

" و فريده راحت فعلا لحبيبة تشوفها لقتها لسه مضايقه"

- انتي كويسة؟

حبيبة بلهفه: هو كويس؟؟ فاق؟

فريده: ايوه متقلقيش تعالي شوفيه

ردت بقلق: للـ. لا بلاش

فريده: مفيش حاجه متقلقيش تعالي

" دخلت هي وحبيبة و أدهم كان متوقع انها تبقي لسه بتعيط عادي "

أدهم: طب معلش سبونا شوية

"الكل خرج و يونس غمزله وهو ماشي"

أدهم: يابنتي فيه ايه هو كل ما تشوفي وشي تبقي بتعيطي ؟

حبيبة وهي بتمسح دموعها: انا اسفة والله على كل ده كل ده بسببي انا مش عارفه اقولك ايه بس والله انا قولت للظابط على كل حاجه و هـ....

خدت نفسها قبل ما يتقطع وهي بتتكلم بسرعه و عياط فا ادهم اتعدل في قعدته: يا حبيبة اهدي ونبي براحه!! انا كويس اهو؟؟ وبعدين ده بيني وبينه انتي ملكيش دعوه فاهمه؟

- ازاي يعني.. انا السبب

= طب اهدي بس انا الدكتور قالي لولاكي كنت في حاله اسوء من كده انتي لحقتيني

- يعني انت كويس

ادهم بنفاذ صبر: يخربيت السؤال ده

" كان هيقوم من على السرير فا حبيبة قربت بسرعه و شاورت له يفضل مكانه.. وهو فضل مركز مع عيونها فا اتكسفت وبعدت تاني "

- بلاش حركه دلوقتي.. لحد ما الدكتور يكتبلك خروج

= هو انتي دكتوره صح ؟

- اه.. دكتورة أطفال انا لازم امشي بقا.. واسفه مره تانيه

= استني بس تمشي فين انا مش هبقي مطمن عليكي ممكن يرجع ويعملك حاجه.. انتي فين اهلك؟

"حبيبة معرفتش ترد تقوله ايه"

- متشغلش بالك بعد اذنك

= استني! يا حبيبة؟

لفت له: ايوه؟

- ممكن رقمك؟ ولا مش عاوزة تطمني عليا؟

بتوتر: أصل..

= طب ياستي انا عايز اطمن عليكي هاتي رقمك

" حبيبة ادته الرقم وبعدها مشيت علطول فا زين دخله"

- هي دي ياض الى كنت بتتكلم عنها؟

= انا عاوزك تجبلي جدك حالا

- ليه فيه ايه؟

= عاوزه يحط حد عند عنوانها الواد ده هيروح تاني

- هي ايه الحكاية بالظبط

= واد متحْلف انا ملحقتش اعرف منها حاجه بس غالبا كان خاطبها وسابته وهو عاوزها ترجع بالعافيه

- ايه المسلسلات المصري دي

= معرفش بص ما علينا خلي جدو يشوف الحوار ده يا زين لحد ما اقوم انا عشان انا مش هرحم ابن ال

- جزمه ده

ادهم ضحك وبصله: مالك كده زي ما تكون قلقان عليا؟

زين صْربه ف ايده: انت كمان بيتعلم عليك اهو

- لا حاسب مش ادهم الجيار الي

زين قاطعه: بطل غرور و فوق انت واخد خمس عْرز ياض ومش قادر تتحرك

= طب لما اقوملك يا عره انت كمان..

" الظابط دخل و طبعا استجوب أدهم "

>>>>>>>>>>>>>>>>>>>>>>>>>>>>>>>>>>>

صلي على محمد

|| في الفيلا | ليلا | في غرفة ادهم ||

" اتكتب له خروج ولكن مع راحه تامه لحد ما الجر..ح يلم و الكل كان عنده في الأوضة "

يزن: هموت وبعدين كمل

ادهم: ولا حاجه يعم هو خدني على خوانه والله مشوفته اصلا وطبعا بعد ما ختلك الصْر بة بقا مسكت جمبي حسيت بحاجه ساقعه بتنزل

" قعدوا يضحكوا جامد "

ادهم: بس لو ماما سمعت هتيجي تعجنا

يونس: خالتو مبطلتش عياط بجد هنا بيجبوا الطاقة دي منين الستات دول

"يونس سكت لما لاحظ وجود فريده"

زين: انت لسانك فالت

يونس: احمم الواحد مش متعود على البنات في العيله

زين: انتي ساكته ليه يافريده

فريده بنرفزه مكتومه: مش عارفه اهزر زيكوا وهو في الحالة دي ؟

ادهم ابتسم: فريده مفيش حاجه مانا كويس اهو

فريده: كويس ايه وانت قادر تتحرك ده احنا جايبينك متسند يا ادهم !!

يوسف: جت تكحلها عامتها

فريده: انا مش قصدي.. بس معرفش بتعرفوا تهزروا ازاي

يزن: حياة الولاد مختلفة يابنتي!

" الكبار دخلوا يشوفوا ادهم.. ناديه و هبه و عبدالرحمن ابوه يزن و يونس "

ادهم: مكنش له لزوم والله يا اونكل تنزل مخصوص

عبدالرحمن: لا طبعا ازاي انت عندي زي يزن و يونس

يزن: يعني مش نازل تعجنا يا بابا؟

عبدالرحمن: ونازل اعجنكم طبعا.. بس مش وقته نطمن على ادهم الاول

وليد: الحمد لله جت سليمة

عبدالرحمن: مسكتو الى عمل كده؟

عبدالعزيز: لسه التحقيق شغال عملت مكالمه من شوية وقالوا انهم ملقوش الواد في بيته شكله هرب

عبدالرحمن: هيروح مننا فين.. لو محتاج حاجه اقدر اعملها قولي يا عمي

عبدالعزيز: تسلم ياحبيبي

هدي: طب يلا بقا؟؟ الدكتور قال مفروض ترتاح

فريده: انا شايفه كده برضو

" أدهم ابتسم على جملتها بعدين كله راح على اوضته بس هو طلب منها تستني هي و زين "

زين: خير يخويا

↚

أدهم: انت هتسافر بكره خلاص وانا عايزك تفضل معايا

زين: بكره ايه بقا انت فكرتني هأجل السفر دلوقتي

ادهم: لا مش هتعمل كده روح اللحق الترم من اوله وبلاش دلع انت بتتحجج بيا؟

زين: انت عارف اني مش بتحجج

ادهم: وانت عارف اني مش هوافق تقعد عشاني

فريده: و انا شايفه انك تسيبه براحته

أدهم: اممم انتي قالبه علينا كلنا وعليا انا كمان

فريده: والله انتوا مستفزين كلكوا

ادهم ضحك: طب ايه رأيك في حبيبة؟

زين: انت يعم في ايه ولا ايه!!!

فريده: بصراحه يا ادهم.. شكلها عسول اوي وطيبه

ادهم: زين اوعي تكون مقلتش لجدك

زين: قولتله يخويا وقعد يضحك شكله فهم

ادهم مسح على وشه: منك لله ماهو اكيد من طريقتك يا تنح انت الى قصدت تفهمه

فريده: انت وقعت؟

أدهم: ادهم الجيار ميقعش

زين بضيق: يأخي اتنيل بقا غرورك ده الى جابك ورا

ادهم: شايفه قليل الأدب بيكلمني ازاي؟ نهايته انت هتسافر اديني بقولك اهو انا مش سوسن عشان تقعد جمبي وانا متعور

زين: انت ادهم الجيار اه..

أدهم: اه

زين: محسسني انك واخد اسم عيلة الجيار لحسابك

ادهم بغرور: انا الكبير يحبيبي انا الاول والكل بعدي

زين: تعرف.. انت حلال فيك اي حاجه

فريده: زين! بس متقلش كده

زين: ماشي.. بس برضو الموضوع مخلصش يا أدهم

أدهم: فريده ياريت تبقي محضر خير و تقنعيه يغور انا اصلا مش طايقه

" فريده خدت زين وخرجت بغلب.. "

- فعلا حياة الولاد دي غريبة

= انتي لسه مضايقه

- انا مش عارفه اتأقلم علي طريقتكم مش أكتر

= هتتعودي متقلقيش.. يلا تصبحي على خير

- زين استني..

" لف وبصلها وهي كانت ساكته فا ابتسم"

- انت بتضحك على ايه ؟

= عشان فهمت هتقولي ايه

- ليه انت قاعد في مخي؟

زين بصلها وابتسم بحب: في مخك و في قلبك..

فريده ضحكت بغيظ: انا بكرهك

- ونبي بلاش كلام أدهم بالذات يأثر عليكي اختاري اي حد تاني غيره

ضحكت اكتر وبصتله: طيب ها؟ طالما فهمت عاوزة ايه.. قولي بقا ردك

= انا كمان عايز اقعد والله بس فيه حاجه.. و.. محدش هيفهمها غيرك انا متأكد من ده

- حاجه ايه؟

= انا لو قعدت اكتر من كده مش هقدر امشي من اساسه

" فريده فضلت بصاله جملته معناها عميق اوي! وعشان هي اكتر حد تعرض لصدمات فاهمه كويس هو يقصد ايه.. عيونها لمعت بالدموع وهو ابتسم"

- انا مش بقولك كده عشان تزعلي متقلقيش انا تمام انا بس عاوزك تفهمي انوه غصب عني..

>>>>>>>>>>>>>>>>>>>>>>>>>>>>>>>>>>>

بقلمي/ سلسبيل_أحمد

|| تاني يوم | في الفيلا ||

" الكل متجمع وكلنا بنودع زين بدموعنا.. معرفش ليه الوقت جري بسرعه كده! فضلوا يسلموا عليه و وسط كل ده جدو جاله موبايل سابنا وبعد شوية دخل "

- الحمدلله الواد اتقبصْ عليه

" الكل هيص بطريقه غير عاديه كأننا كسبنا كاس العالم"

يزن: كان لازم يعرف بيلعب مع مين برضو

يونس بتريقه: مع ادهم الجيار بنفسه

أدهم ضحك: ماشي يا مضحك

زين: كده همشي وانا مرتاح..

قرب عنده وغمز: وهرتاح اكتر لما تقولي انك وقعت المزه

ادهم: واد احترم نفسك يالا!

يوسف: طب يلا عشان هنتأخر

ادهم: مش هتخدوني معاكم برضو؟

هدي: ادهم!!! كفايه عليك نزولك من اوضتك الدكتور قال بلاش حركه!

" وطبعا ادهم كان مُحاصر.. فا خرجت انا و زين و يوسف نوصله للمطار.. حاولت كتير معيطش ولكن مقدرتش.. انا مكنتش قادره اتقبل الفكره ولا مصدقه اني هقعد عشر شهور معرفش هيجي اجازه ولا لاء! "

زين: هكلمك اول لما اوصل يا فيرو.. متنسيش كلامنا انا عايز ارجع اللاقيكي حاطه على الواد ادهم في الشغل

ابتسمت: هعمل زي ما اتفقنا.

>>>>>>>>>>>>>>>>>>>>>>>>>>>>>>>>

بقلمي Slsbell Ahmed

" وخلاص.. مشي.. يوسف رجعني الفيلا وبعدين روح و البيت فضي تماما لأن كله رجع لحياته يزن و يوسف وعمتو ناديه هيرجعوا دبي عشان باقي السنه وكذلك يوسف وعمتو هبه و زين سافر ومبقاش فيه غيري انا و ادهم.. طلعت اوضته ابص عليه "

- ايه يا فريده ادخلي

= انا هقعد شوية معاك عشان معيطش

ضحك: متقلقيش انا مرضتش اقول قدامه بس اكيد لو معرفش ينزل لنا اجازات هنروحه احنا

- بجد؟؟ هنروح انا وانت

اتنهد: ايوه.. انا مش هقدر اقعد فتره كبيره مشوفوش احنا طول عمرنا سوا

= على فكره يا ادهم.. هو كمان مضايق و متزعلش عشان سابك ومشي هو قالي انوه لو قعد اكتر من كده هيبقي صعب عليه يسبنا.. انا كنت زعلانه منه اوي بس أكتشفت انوه فعلا غصب عنه ولو هنقارن بينا فا انا هنا معاكم لكن هو الى لوحده

- انا فاهم يا فريده ومش زعلان منه خالص هي بس فكره انوه هناك لوحده دي الى مخلياني مش بعرف اقعد على بعضي بس انا برضو عملت حاجه ومعرفتوش

= ايه؟ عملت ايه!

- متعرفيهوش برضو.. انا قولت لجدو على حوار الخناقة بتاعت المانيا دي وخليته يبعت وراه اتنين حراس هيفضلوا معاه طول الوقت من غير ما يحس

= بتهزر!!! انا بجد كنت قلقانه اوي من الموضوع ده

- متقلقيش.. انتوا هتفضلوا دايما تحت عيني

= وانا كمان؟

- وانتي بالذات.

ابتسمت: اشمعنا بقا

= عشان انتي بتاعه مشاكل

ضحكت: والله المشاكل الى بتيجي لحد عندي!

بصلها بحنان: انا عاوزك تبقي مطمنه طول ما احنا حواليكي ان شاء الله مش هيحصل اي حاجه ، بس متبعديش عننا ابدا اوكيه؟

- حاضر.

>>>>>>>>>>>>>>>>>>>>>>>>>>>>>>>>>>>

|| بعد مرور أسبوع ||

" فات اسبوع بحالة اتغير فيه حاجات كتير.. اول حاجه ان الحمدلله ادهم بقي يمشي عادي ويتحرك براحته بس بحذر عشان لسه الجر..ح ملمش.. انا و زين بنتكلم كل يوم! وكمان يزن و يونس و يوسف كلنا فضلنا قريبين.. وكأننا مبعدناش.. واخيرا جدو خلاني اتعين رسمي في الشركه..!! وادهم علمني اسوق شوية بس برضو ممنوع اسوق بره او اسوق لوحدي!! "

|| الصبح على الفطار ||

هدي: يابني اقعد كمل اكلك !

ادهم: يادوبك اوصل فريده عشان عندي مشوار مهم..

عبدالعزيز: مشاويرك كترت

ادهم: انا خفيت بقا فا براحتي يا زيزو

وليد: خلي بالكوا على نفسكوا

ادهم: حاضر يلا يا فريده

" ركبنا العربية وانا بصتله بنص عين "

- انت برضو هتروح عندها وترجع من غير استفاده زي امبارح و اول إمبارح!

= لا خلاص قررت هكلمها

- اخيرا! عبال ما تقرر تخليني اسوق لوحدي

= ممنوع

- ماشي يا ادهم خليك فاكرها.

" ادهم وصلها الشركه واتأكد انها طلعت وبعدين طلع على عنوان حبيبة "

>>>>>>>>>>>>>>>>>>>>>>>>>>>>>>>>>>>>

|| في الزمالك | امام عمارة ||

" ركن العربية و نزل.. وقف عند العمارة و سأل البواب "

- هي شقة الدكتورة حبيبة انهي دور ؟

= التالت الشقة الى عاليمين

" ادهم طلع و كان متوتر جدا و كان معاه بوكيه ورد و علبة حلويات.."

" خبط على الباب و لقي حبيبة الى فتحت بصتله بدهشه و صدمه وهو ابتسم "

- احمم.. ناديلي حد كبير بقا

= انت بتعمل ايه هنا !!

- انتي مش شايفه الورد ولا اية؟

= ينهار اسود..

لقي صوت من وراها: مين يا حبيبة

" بص وكانت ست كبيرة "

- مين حضرتك؟

= ممكن ادخل؟

" دخلته و قعدت و أدهم مكنش عارف يبدء منين "

- هو.. والد حبيبة موجود؟

بصتله من فوق لتحت: انت عاوز ايه بالظبط؟

= انا الحقيقة جاي اتقدم لحبيبة.

رفعت حاجبها بتعجب: تتقدم لمين ! وانت متعرفش انها مخطوبة و هتتجوز ولا ايه ؟؟

أدهم بقلبه وش: اكيد حضرتك متقصديش خاطبها المسجـ.ـون !!

قامت وبصتله بعصبيه: وانت ايش عرفك بقا ؟؟؟

"أدهم بص لحبيبة الى كانت تعابير وشها خوف"

↚

- ناديلي حد كبير بقا

= انت بتعمل ايه هنا !!

- انتي مش شايفه الورد ولا اية؟

= ينهار اسود..

لقي صوت من وراها: مين يا حبيبة

" بص وكانت ست كبيرة "

- مين حضرتك؟

= ممكن ادخل؟

" دخلته و قعدت و أدهم مكنش عارف يبدء منين "

- هو.. والد حبيبة موجود؟

بصتله من فوق لتحت: انت عاوز ايه بالظبط؟

= انا الحقيقة جاي اتقدم لحبيبة.

رفعت حاجبها بتعجب: تتقدم لمين ! وانت متعرفش انها مخطوبة و هتتجوز ولا ايه ؟؟

أدهم بقلبه وش: اكيد حضرتك متقصديش خاطبها المسجـ.ـون !!

قامت وبصتله بعصبيه: وانت ايش عرفك بقا ؟؟؟

"أدهم بص لحبيبة الى كانت تعابير وشها خوف"

- هي حبيبة محكتش لحضرتك عمل ايه؟

= انت تعرف حبيبة منين !!!

- فالمستشفي الى شغاله فيها..

" ادهم بص لحبيبة بمعني اطمني.. لما لقي الوضع صعب مع جدتها.. او ميعرفش مين دي! "

حبيبه: تيته هو فاهم غلط أكيد ده مجرد سوء تفاهم

ادهم بعدم فهم: يعني ايه؟

"حبيبه بصتله بمعني مش وقته وادهم بعدها نزل قبل ما جدتها تطرده..! فضل مستني تحت البيت كتير.. لحد ما لقي حبيبة نزلت "

- ايه الى انت عملته ده بس؟؟

= عملت ايه؟ انا مش فاهم حاجه!

- انت ليه جيت تطلب حاجه زي دي!! انت متعرفنيش حتي!

= مانا طلبت حاجه زي دي عشان نتعرف!

- بص.. انا لحد دلوقتي حتي معرفش اسمك ايه.. ومش عايزه اعرف.. انا مش هقدر انكر انقاذك ليا مرتين.. بس انت مينفعش تدخل حياتي ولا انا ينفع ادخل حياتك انت فعلا متعرفش حاجه عني!

= انا عايز اعرف! ايه مشكلتك؟؟ بعدين هو ايه موضوع خطيبك ده ؟ هي جدتك هتخليكي ترجعيله!

- لا احنا موضوعنا انتهي.. تيته بتتكلم عن حد تاني

= حد تاني ازاي؟ انا مش فاهم حاجه

- ومش هتفهم!! انا حياتي معقده اوي! وفعلا مش ناقصه تعقيد زياده انا معرفش انت ليه جيت و لا ازاي فكرت اننا هننفع سوا؟؟

= انتي بتحبي حد تاني يعني!

- انا عايشة مع جدتي من وانا صغيره.. بابا متجوز و سايبني معاها و مكنش حظي ان يطلع لي اب كويس عشان كده تيته خدتني و الزفت الى اسمه شهاب ده كان غلطتي انا.. هي مكانتش موافقة عليه و طلع معاها حق ومشيت ورا وعرفت انوه حْاين من وقت لما شكت فيه اصلا وهي مشدده عليا فكل حاجه و حكمت عليا اني هتخطب لإبن عمي.. ده الى كانت بتتكلم عنه

= وانتي موافقه على ده!!

- لا.. بس انا هعرف اتعامل تيته.. هي هتهدي وهنعرف نتكلم.. بس انت دلوقتي لخبط الدنيا

= انا اسف.. انا اكيد معرفش كل ده!

- وانا مش بلومك.. بس زي ما قولتلك! حياتي معقده وانا فعلا مش قادره اعمل اي حاجه دلوقتي ولا ادخل في اي علاقه.. و من رأيي تراجع نفسك انت اكيد ملحقتش تحبني!

" أدهم فضل ساكت شوية و بعدها هي مشيت.. ركب العربية وكان في طريقه للشركه.. فضل يفكر مع نفسه كتير.. كان متلخبط اوي ومبقاش فاهم مشاعره!! "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في الشركه | مكتب أدهم ||

" فريده دخلت لاقته سرحان "

- ايه.. عماله ارن عليك عملت ايه؟

= معملتش حاجه.. الموضوع ممشيش

- ليه كده!

= مش عارف.. مش مهم انتي شوفتي الملف الى كنت سايبه امبارح

- بتاع المؤتمر اه.. ماله؟

= المفروض السفر النهارده الفجر انا حاسس تفضلي هنا أحسن الموضوع متعب

- اشمعنا؟

" أدهم كان عايز يطلع لوحده.. لأنه لما بيوصل للمرحله دي من الزهق و اللخبطه بيحب يفضل لوحده احسن.. "

= اصلها مش هتفرق فاهمه لو مش عايزه تطلعي عادي

- لا هاجي معاك..

= ماشي

- انت كويس يعني متأكد؟

= ايوه يابنتي روحي كملي شغل انتي

" خرجت و سيبته.. ومعرفش ليه كنت حساه مضايق اوي اليوم خلص و روحت مكتبة اشوفه فين ملقتوش! استغربت جدا انوه مشي من غير ما يقولي و عرف جدو بس عشان يروحني معاه..! "

>>>>>>>>>>>>>>>>>>>>>>>>>>>>>>>>>

صلي على محمد

|| في كافية | الساعه 10 بليل ||

- خير يا سارة

= لا مش خير.. انا مش عارفه خالص اتعين في مكتب زياد نصراوي ده زي ما قولتلي هو حذر جدا في الناس الى بيختارهم يشتغلوا في شركته..

- يعني معرفتيش اي حاجه ولا اي معلومه؟

= لا فيه حاجه عرفتها.. بيحاول يقلد حاجات كتير عندكم في الشركة و اجتمع مع المسؤولين الماليين كمان عشان يعرف ميزانية الحاجات الى عايز يغيرها هتبقي في حدود كام..

- متعرفيش ايه الحاجات دي بالظبط؟

= حاليا لا لسه

- اهم حاجه بس سمعتي انوه هيضر حد مننا او كده؟ انا على حسب معلوماتي انوه دايما بيصْرب منافسينه بحاجات قدْرة اخر مره كان في شوشرة واسمه جاي في محصْر مع مدير تنفيذي لشركه منافسة انوه زرع لهم محْدرات جوه شركتهم وبلغ عنهم

= بص.. انا فعلا بسمع الموظفين بيتكلموا.. بس هو عمره ما اتمسك عليه حاجه.. زي ما يكون وراه ناس ساندينه..!

- ما علينا.. حاولي تخليهم يثقوا فيكي يا ساره

و انا اتفاقي زي ماهو معاكي

= تمام.. نحاول تاني عشان خاطرك.

>>>>>>>>>>>>>>>>>>>>>>>>>>>>>>>>>>

" و بعد ما خلصت معاها رجعت الفيلا لقيت فريده قاعده في الجنينه فا روحت لها "

- قاعده بره ليه؟

= مستنياك!

"اتنهدت وقعدت جمبها فا بصتلي"

- مالك؟

= مفيش ضغط بس

- حاسه ان فيه حاجه مضيقاك؟

= ساعات مش كل حاجه ينفع تتقال

- متفكرش قول الى مضايقك وخلاص! موضوع حبيبه؟ انت حبيتها؟

= محبتهاش.. ولا حتي كنت معجب بيها.. انا كنت بهرب وخلاص بأني ابقي في علاقة مش عاوزاها لأن الى العلاقة الى عاوزاها مش هتنفع برضو

- طب و ليه مش هتنفع؟

بصلي وضحك: تعرفي.. انا لسه مختش حقي

- مش فاهمه حق ايه

= انتي صْربتيني بدل المره اتنين..

ضحكت: عشان كنت تستاهل يا أدهم

ابتسم: معاكي حق بصراحه..

- طب مش هنطلع نجهز بقا

= يلا..

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

" جهزنا حاجتنا و اتحركنا سوا.. كنت حاسه بشعور غريب ناحية ادهم شعور مكنتش فهماه اصلا! ولما كنا في الطيارة كنت مطمنه لمجرد وجوده جمبي.. "

" وصلنا الغردقة و دخلنا الفندق و كنت مرهقه جدا معرفش ليه"

- انا بجد مش قادره

= عرفتي بقا انك فرهوده؟

- عرفت!

= اطلعي ريحي وانا هجيب الشنط..

- هو احنا مفروض ننزل على كام

= يادوبك ساعتين

- انا ايه الى جابني

ضحك بسخريه: نفسي مره تسمعي كلامي

= فكرني المره الجاية اسمع كلامك.

- عنيا حاضر

>>>>>>>>>>>>>>>>>>>>>>>>>>>>>>>>>>>

|| في القاهرة | شركة W O G | مكتب زياد نصرواي||

- حلو اوي يعني هو خدها دلوقتي و قاعدين لوحدهم في الغردقه؟

= هما معاهم طقم تبع الشركه بس عشان تنظيم المؤتمر طبعا لكن هو وهي المسؤليين بس

- طيب اسمع بقا انا عاوز حد تبعنا هناك يركز لي اوي على البت دي

= تمام.. بس اشمعنا يا رييس البنت؟

بصتله وابتسم بخبث: البنات سهل يضحك عليها.. بعدين دي هتبقي صْربة حلوة اوي ليهم.. دي البنت الوحيده في عيلة الجيار!

ضحك: وحضرتك عاوزنا نعمل معاها ايه بالظبط؟

- هقولك..

>>>>>>>>>>>>>>>>>>>>>>>>>>>>>>>>>

|| الغردقه | غرفة فريده ||

" فتحت موبايلي لما سمعت صوته بيرن و لاقيته زين فا رديت بسرعه "

- زنزون..

↚

= ايه يا فيرو.. ولعه معاكي في الغردقه

- انت لحقت تعرف؟

= اصل أدهم لسه مكلمني

- قالك حاجه؟

= حاجه ايه هو فيه حاجه

" صْربت على راسي من غبائي.. دلوقتي هيفتكر ان فيه حوار! "

- لا مفيش بسأل في العموم يعني

= فريده؟

- بجد مفيش حاجه لو فيه هقولك ما انت عارف قولي انت عامل اي عندك؟

= الحمدلله انا تمام.. انتي اخبارك ايه في الكلية و في الشركه

- في الكلية تمام.. لما بعطل ادهم بيذاكر لي.. و في الشركه برضو انا والله حاسه اني زهقته

ضحك: انا عايزك تقرفيه في عيشته

- والله بعمل كده.. وبخليه كمان يعلمني السواقة ده لو خلفني ونسيني مش هيعمل كده

= انتي براحتك ولو كلمك عرفيني

- لا هو بقا مسالم..

= والعيال عاملين ايه؟ محدش بيكلمني شوية عرر

- مش عارفه مش بنتكلم برضو أكيد مشغولين في الدراسه يوسف محشور قالي انه عنده مادتين كان شايلهم وطبعا يزن و يونس تالته ثانوي

= يلا ربنا معاهم هقفل بقا عشان نازل عندي محاضرات

- اوكيه باي باي

= خلي بالك من نفسك.. باي

>>>>>>>>>>>>>>>>>>>>>>>>>>>>>>>>>>

استغفروا ♡

" وبعد ما يادوبك ارتحنا شوية بدأنا تنظيم المؤتمر و قعدنا طول اليوم حرفيا في شغل وضغط.. و دي كانت اوي مره ليا اشتغل بشكل فعلي و رسمي مع أدهم و في اخر اليوم بعد ما خلصنا كل حاجه قعدنا كنا قاعدين على البحر و في الحقيقه ده كان طلبي.."

- البحر بليل شكله يخوف.. بس بحبه احنا هنرجع بكره؟

= بص بقا عدم التركيز نرجع بكره ازاي واحنا مفروض هنفذ فكرتك وهنعملهم بكره برنامج و رحلات

- طب أدهم.. انا عاوزة نبدء برحله للجبل و نركب بيتش باجي وكده وبعدين نقعد في خيم دي هتبقي اجمد حاجه

= ايه الحماس ده كله

- اصلي عمري ما عملتها بره.. عشان بره مفيش صحرا وكنت عاوزة اول لما انزل مصر اطلع الرحلة دي

= يبقي نطلعها.

- بجد ؟

= ايوه اديني دقيقة هعمل موبايل وارتب كل حاجه

" فضلت اتنطط بفرحه.. قام يتكلم في الموبايل وانا قعدت وفضلت باصه على البحر وانا سرحانه.. بعدين قربت.. كنت بسمع زمان ان البحر بيتكلم.. وبيقول ذكريات! مفهمتش معني ده غير لما شوفت قدامي كل ذكرياتي مع ماما فجأة افتكرت وانا صغيره وبمشي على الشط عشان خايفه و تيجي فجأة موجه توقعني.. فا تجري عليا بسرعه وهي على وشها ابتسامه دافيه.. وبعدها تفضل تلعب معايا وتخدني بالعوامه الصغيرة معاها..! دي من اجمل ذكرياتي معاها.. "

- فريده؟

" لفيت ومسحت دمعه نزلت مني وبصتله "

- مالك حصل ايه!

ابتسمت: مفيش حاجه بس افتكرت حاجه حلوة

قرب وبصلي: حاجه حلوة خلتك تعيطي؟

- عشان مبقتش موجوده

= مامتك؟

"هزيت راسي وانا بمسح عيوني فا طبطب على راسي بأيده زي ما يكون بيلمس طفله"

- انتي عيوطه اوي يا فريده.. انا متأكد أنها جمبك في كل وقت فا خليكي سعيدة.. وافرحي لما تفتكري ذكرياتك الحلوة معاها!

ابتسمت: معاك حق

= يلا بقا نروح ننام؟ عندنا بكره يوم اطول من انهارده.

>>>>>>>>>>>>>>>>>>>>>>>>>>>>>>>>>

|| تاني يوم الساعه 6 الصبح ||

" ادهم صحي على كذا مكالمه فتح موبايله لاقاها ساره فا رن عليها "

- الو ؟

= انا عماله اكلمك من بدري انت ايه ده ؟؟

- فيه ايه !! حد يرن على 6 الصبح

= انا عرفت ان زياد باعت حد وراكم في الغردقه او مخلي حد يراقبكم انت وبنت عمك حاجه شبه كده انا مش متأكده فا قولت اعرفك تخلي بالك !

" أدهم قام بدون تفكير و راح بسرعه عند اوضة فريده فضل يخبط مردتش لف من الناحيه التانيه للفندق عند البسين و بص عليها من الشباك ولكن مكنش مبين اي حاجه فكر يطلب الروم سيرفز عشان يفتح الأوضة لكن قبل ما يرجع لاقاها قاعده ناحيه البحر..! فا راح لعندها بسرعه "

- فريده ! انتي بتعملي ايه هنا ؟

بصتله بصدمه: ادهم انت خارج كده ليه؟

"أدهم مكنش مدرك انوه خارج بفانله كات و شورت"

بصلها وهو بيمسح علي شعره وبيتنهد: بتعملي ايه!

فريده ببراءة: فيه ايه! قاعده على البحر

- قاعده لوحدك على البحر الساعه 6 الصبح؟ ازاي صحيتي بدري كده اصلا يا فريده

= انا مش فاهمه فين المشكلة دلوقتي

- ولا حاجه.. تعالي

= تعالي انت اللبس حاجه ازاي تخرج كده

- طب ماشي يلا

" اطمن انها دخلت اوضتها و راح يغير.. وفريده مكانتش فاهمه اي حاجه رجع يرن على ساره "

- الو انت روحت فين

= معاكي اهو.. فيه حاجه تانيه عرفتيها؟

- لا بس خلي بالكم و تمم على الاوض و حاجتكم يمكن يحط حاجه مثلا او كده

" ادهم سمع خبط على الباب "

= ماشي يا ساره تمام لو فيه حاجه جديده رنيلي

" قام فتح و فريده دخلت وبصتله بشك "

- فهمني فيه ايه بقا؟ هو انا محطوطه تحت الملاحظه؟ مينفعش اخرج اقعد قدام البحر؟ الى هو قدام اوضتي علطول؟ امال لو خرجت من الفندق؟ هو انت يا أدهم بتعاملني على اني طفله بقا ولا ايه ولا أ

حط ايده على بوقها: اييييه ابلعي ريقك !!

شال ايده وهي بصتله بتكشيره فا اتكلم: انا جيت ابص عليكي ملقتكيش فا استغربت مش اكتر.. وبعدين.. اه! مينفعش تخرجي لوحدك احنا هنا سوا

- أدهم انت بتتكلم جد؟ الأمن فكل حته هيحصل ايه يعني!

= ولا حاجه يا فريده انا بس عاوزك قدام عيني فاهمه؟

- طب هنتحرك امتي

= تعالي ننزل نفطر الاول

- أوكيه يلا

" و نزلنا نفطر و الأكل كان جميل بس واحد صاحبنا كان عمال يتلفت يمين وشمال كأن عليه طار.. خلصنا و بدأنا بقا رحلتنا اتجمعنا و طلعنا في باص وصلنا للمكان الى هنركب منه بيتش باجي بعدين نتحرك بيه في الصحرا..! و طبعا ها قد أتت خناقة جديده.. "

- يابنتي هنركب سوا احسن !

= لا انا عايزه اركب لوحدي !

- يا فريده بطلي عناد ونبي انتي اصلا مش بتعرفي

= لا هعرف !

- طب خلينا نركب سوا دلوقتي وبعد شوية نشوف

= اه ده زي العربية كده الى مش بتخليني اسوقها لوحدي برضو!

- فريده احنا هنعجن بعض قدام الاجانب؟

" ضحكت على طريقته الجدية الى مش لايقه على الموقف الهايف ده "

- ماشي بس عارف بقا واحنا راجعين هرجع لوحدي.

= طيب يلا

" طلعنا و ركبت وراه عشان هو راجل مفتري.. وبدأت رحلتنا.. "

>>>>>>>>>>>>>>>>>>>>>>>>>>>>>>>>>>

|| في القاهره | فيلا زياد النصراوي ||

" كان واقف بعصبيه بيتكلم في الموبايل "

- انتوا حمـ.ـير !! انا باعت شوية عيال هفأ ولا ايه مش فاهم ؟؟؟

= يا باشا نعمل اي ؟ هو مش بيخليها تتحرك من غيره!

- تتصرفوا !!! ابعدوه عنها بأي شكل ! فاهمين؟ دي فرصتنا وهما هناك لو رجعوا القاهره مش هنعرف نعمل حاجه !

= اوامرك يا فندم

قفل الخط ورمي الموبايل: حبة اغبيه !

|| في فيلا عبدالعزيز ||

وليد: ايه ادهم طمنك يا بابا

عبدالعزيز: اه الحمدلله

هدي: هيرجعوا امتي

عبدالعزيز: المفروض بكره يوصلوا

هدي: طيب كويس

" شالت الأطباق وقامت مع الداده و وليد بص لعبدالعزيز "

- انت باعت وراهم حد يا بابا

عبدالعزيز: طبعا يا وليد زي العادي يعني

= اصل انا مش مطمن معرفش ليه

- لا متقلقش بعدين حبايبنا هناك كتير

>>>>>>>>>>>>>>>>>>>>>>>>>>>>>>>>>

|| في الغردقه | وقت الغروب ||

- ها يا ريس هنرجع ولا ايه

أدهم: اها هقولهم دلوقتي ونتحرك

فريده: هنمشي بسرعه كده

بصلها برفعه حاجب: فوقي يا ماما الساعه 5 المغرب واحنا خارجين 10 الصبح بسرعه ايه وبعدين لازم نتحرك قبل ما الشمس تغيب ولا عايزه الديابة تاكلنا

بصتله وضحكت: انت بتخاف؟

بجديه: لا انا خايف عليكي انتي لو عرسه عدت من جمبك احتمال يغم عليكي

صْربته في كتفه: رخم

- بعدين معانا أجانب لو واحد اتخدش خطتك هتبوظ

= لا كله الا خطتي معلش يلا بينا

" جهزنا عشان نركب وانا بصتله بنص عين وانا قاعده على البيتش باجي لوحدي "

- يا فريده بقا !

= لاااا نووو هرجع لوحدي

- طيب سوقي براحتك وهركب وراكي

= لا يا ادهم لا لا لا

- خليكي فكراها

ضحكت: حاضر يلا

" طلعنا بيهم و كنا ماشين ورا بعض وهو كل شوية يبص عليا محسسني اني طفلة.. و في نص الطريق تقريبا السرعه بتاعت البيتش باجي فضلت تقل لحد ما بقيت في الآخر ومكنتش شايفه ادهم..! وقفت خالص مني! وهما كانوا بيبعدوا واتفاجئت بحد واحد بيقرب وسايق ناحيتي.. "

" ادهم بص وراه مكنش شايفها فا بص للمشرف الى كان معاهم "

- فريده فين ؟؟

↚

- يا فريده بقا !

= لاااا نووو هرجع لوحدي

- طيب هسيبك سوقي براحتك وهركب وراكي

= لا يا ادهم لا لا لا

- خليكي فكراها

ضحكت: حاضر يلا

" طلعنا بيهم و كنا ماشين ورا بعض وهو كل شوية يبص عليا محسسني اني طفلة مع اني بسوق كويس.. و في نص الطريق تقريبا السرعه بتاعت البيتش باجي فضلت تقل لحد ما بقيت في الآخر الصف ومكنتش شايفه ادهم..! و الباجي وقفت خالص مني! وهما كانوا بيبعدوا واتفاجئت بحد.. واحد بيقرب وسايق ناحيتي.. "

" ادهم بص وراه مكنش شايفها فا بص للمشرف الى كان معاهم "

- فريده فين يا أمجد ؟؟

= مش عارف كانت ورانا

زعق جامد: يا ريس محمد وقف لحظه !! حد تاه مننا !!

" الكل وقف و أدهم مكنش عارف يتصرف ازاي خصوصا ان الأجانب تبع المؤتمر مينفعش يحسوا بأي حاجه.. "

أمجد: طب ارجعوا انتوا وانا هرجع بيهم متقلقش!

أدهم: ماشي يلا ياريس بسرعه

محمد: اكيد ملحقتش تبعد اطمن يا ولدي

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" لقيت اتنين نزلوا من على البيتش باجي و قربوا ناحيتي وكل واحد فيهم مطلع مسـ.ـد س "

- متخافيش

بصتلهم برعب: انتوا مين!

- احنا تبع عبدالعزيز بيه

"اتنهدت بعد ما كان قلبي هيقف"

- جدو! تبع جدو؟!

" وقف واحد منهم يحاول يلقط شبكه عشان يتكلم في الموبايل ولكن كل ده مكملش تلت دقايق و شوفت عربيتين راجعين وتقريبا كان أدهم ... اه هو "

" ادهم اول لما شافها واقفه وباين عليها الخوف و الرجالة حواليها نزل بسرعه و راح صْرب واحد منهم بدون اي تفاهم "

فريده بصوت عالي: اهدي اهدي !!! دول تبع جدو !!

"محمد سلك الدنيا و فريده مسكت في ادهم"

مسكته: محصلش حاجه اهدي يا ادهم !!

ادهم قربها ناحيته وبصلها بتفحُص: انتي كويسه!!

- والله كويسه!! الباجي بتاعتي عطلت وبعدين لقيتهم جايين وكانوا بيكلموا حد يجلنا

" وطبعا بعد ما الموقف اتلم و ادهم اتأكد انهم تبع عبدالعزيز روحو الفندق و فريده شايفه ان أدهم كان خايف بزياده!! فضلت قاعده تسمعه وهو بيكلم عبدالعزيز في الموبايل و متنرفز "

- ماشي يا جدو كنت على الأقل عرفتني ! انا مش فاهم ايه لازمتها ؟

= لما توصل يا ادهم نتكلم

- ماشي

" قفل الخط و اتنهد بتعب فا بصتله "

- انا محتاجه افهم فيه ايه!

= فيه اني قولتلك بلاش تبعدي يا فريده !!

- انا مبعدتش البتاع عطل! و انت مكملتش خمس دقايق وكنت عندي! وجيت لقتني كويسة وجنبي اتنين واقفين مش بيعملوا حاجه؟ روحت صْربت واحد بطريقه هـ..

سكت وبصتله بهدوء: عشان ايه كل ده!

"أدهم مسح على وشه وحاول يهدي"

بصلها وقال بنبره قلق: عشان كنت خايف عليكي

- ماشي بس انا مش صغيرة! وبعدين هما الاتنين دول طلعوا منين فجأة اصلا ؟ احنا متراقبين؟

= لا.. دول حراسه عشان الطقم الى معانا

- ولما انت عارف انهم حراسه للطقم ليه اتفاجئت و صْربت واحد منهم و قولت لجدو دلوقتي كنت على الأقل عرفتني؟ فا مش فاهمه!

ادهم بذكاء: عشان دول حراسه اضافيه جدو بعتهم بعدنا لأن العدد كبير المره دي وانا فعلا معرفهمش! شكلهم جديد عليا! عشان كده خوفت عليكي و صْربته

= و ايه بقا مخليك قلقان بالطريقه دي؟؟ كأني مثلا بيبي ميعرفش يتعامل لوحده! انا كبيرة يا ادهم!

= انا معرفش الكلام ده! الى اعرفه ان الدنيا مش امان وانتي متعرفيش حاجه عن بشاعه الناس! عشان انتي مش زيهم فا عمرك ما هتتخيلي عاملين ازاي في الحقيقة و بيعملوا ايه!!

- يمكن معاك حق.. بس انا مفروض اعتمد على نفسي و زين قالي قبل كده انه مبسوط عشان بجيب حقي وبعرف اتصرف و قالي اعملي الى انتي عاوزاه وانت كمان على فكره قولتلي كده!!

= قولتلك تعملي الى انتي عاوزاه طول مانا معاكي؟

وانا متأكد برضو ان زين كان يقصد وهو معاكي مش وانتي لوحدك ابدًا

فريده بنرفزه: انت بتكلم واحده طول عمرها كانت لوحدها اصلا !!!

- ممكن تهدي؟

= لا مش ههدا غير لما تفهم اني مش صغيره و اني قبل كده كنت بشتغل و بروح وباجي لوحدي!

- الكلام ده بره؟؟ مش هنا! انتي تعرفي ايه هنا؟

سكتت فا بصلها وكمل: بالظبط ولا حاجه يا فريده.. ويمكن كنتى لوحدك قبل كده بس ده اتغير دلوقتي واحنا باقينا موجودين معاكي

بصتله بسخرية: زين مش موجود دلوقتي! وانت ممكن متبقاش موجود برضو!

= لا انا هفضل موجود..

فريده عشان خاطري!!

المره دي انا مش بهرج.. لو سمحتي عشان افضل مطمن متبعديش ولا تتصرفي من غير ما ترجعيلي فاهمه ده؟

- اه ابقي طفله يعني

أدهم بمرونه: انتي احلي الأطفال ياستي و اشقي الأطفال كمان بس نستحمل هنعمل ايه؟

ضحكت وبصتله بجديه: خلاص ماشي.. المره دي هسمع كلامك.. عشان مش عاوزاك تبقي قلقان بس مش اكتر لكن انا كبيره واعرف كويس اتصرف لوحدي

رد بمُسايسه: انتي فريده الجيار.. مش اي حد

= بالظبط كده.

" وخلص النقاش و لو جينا للحقيقة.. انا كمان خوفت اوي لما فجأة حسيت اني لوحدي... وانه مكنش جمبي!"

" يومها روحنا تعبانين الفندق نرتاح.. و الحمدلله محصلش اي حاجه تبع المؤتمر مش متخطط لها وبعد ما الشغل كله كان تمام رجعنا القاهرة.. "

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في شركه WOG ||

- والله العظيم حبه متحْلفين !!!!

= يا ريس والله عملنا زي ما قولت و عطلنا عربيتها لكن فجأة ظهرت رجالة من العدم حواليها! دي كأنها متحصنه ! وعاملين حسابهم كويس اوي في تأمينها

= ايوه يا باشا عرفنا ان الرجالة دي كانت تبع الجيار

- يا فرحتي.. هو ده الى انتوا فالحين فيه !! رجالة الجيار !! وانتوا بقا ايه ؟؟ انتوا مش رجالة اصلا ؟؟

= قولنا نعمل ايه واحنا هنعمله سيادتك

ضحك بسخريه و زعق: تعمل ايه !!! اذا كانت متأمنه بره القاهره بالشكل ده تفتكر هتقدر تعملها حاجه وهي جوه ؟؟؟

= يافندم احنا ممكن نشوف حل و..

قاطعه: غوروا بره انا مش طايق اشوف حد

>>>>>>>>>>>>>>>>>>>>>>>>>>>>>>>>>>

صلي على محمد

|| فيلا الجيار ||

عبدالعزيز: انا اطمنت عليها.. والحمدلله محصلش حاجه ممكن افهم بقا انت ايه مضايقك

- انك معرفتنيش يا جدو!

= ما انا قولتلك يا أدهم.. محدش منكوا بيتحرك غير بحرس وراه مفروض تبقي عارف يعني

- انت بتلعب عليا يا زيزو باشا؟ مانا متكلم معاك قبل السفر وقايلك هخلي بالي عليها و روحت لها على فكره مكنش حد هيقدر يقربلها ولا انت مش واثق فيا ؟

= انا مقلتش كده يا أدهم انت عارف انا واثق فيك ازاي! ولكن الاحتياط واجب.. وانا كنت عايز اخف الضغط من عليك انا عارف شعورك هيبقي عامل ازاي وانت حاسس انكم في حْطر طول الوقت انا مجرب!

" ادهم اتنهد بصمت عشان كلامه كان صح! "

" سمعوا صوت فريده بتنادي "

- طيب روح شوفها و بكره الصبح فيه اجتماع طبعا متعرفهاش عشان هي عندها محاضرات ولو ضحكت عليك وقالت لك لا معنديش فا لا هي عندها قولها بقا انها اجازه من الشغل بكرة

ادهم غمزله وضحك: تؤ مش بيفوتك حاجه خالص انت يا عالمي

ضحك: ابعد بس عينك دي عني يا ولد

ضحك: الله واكبر عليك يا زيزو

" يا ادهم !! "

- طيب سلامو عليكو

خرج يبص عليها كانت واقفه قدام اوضتها: اخلص اطلع بسرعه

- فيه ايه

= اطلع بس مفاجأه

" ادهم طلع ودخل الاوضة كانت فاتحه اللاب توب و مجمعه العصا..بة كلها وفاتحين فيديو كول "

يوسف: ادهم باشا الجيار بنفسه ده الكول نور

يونس: قصدك ضلم

أدهم: جرا اي يا معفن منك ليي

زين: اه هيضيعوا الشوية الى اتجمعنا فيهم في الخناق

فريده: لا لا خناق ايه نهدا كده لازم احكي لكم يجماعه على موقف حصل في الغردقه واحنا مسافرين

ادهم قلب عينه: يوووه

يزن: متقوليش ادهم كل ايه المره دي ؟

أدهم بصلها بدهشه: تقصد ايه هو انتي قولتي لهم على موضوع المانيا!

زين: يابني دي اسمها فريده الفتانه!! ده انا مهري منها

يونس بشماته: كان حلو الحْنرْ ير يا ادهم؟

أدهم: حط صباعك في بوقك وانت تعرف يحبيبي

يوسف: بووووم ودي

"كلهم ضحكوا وبعدين

فريده بدأت تحكي لهم الى حصل"

- وبس يجماعه وفجأه لاقيته نزل من على البيتش باجي ونط حرفيا مسك واحد من الى كانو واقفين بونيه جاب اجله يا عيني!!

يزن: سوبر مان

أدهم: دى اقل حاجه عندى يابني!

زين: ضهرنا اتحمي يرجالة

يوسف: ادهم بأمانه عليه بونيه.. و يونس اكتر واحد مجرب ولا ايه

يونس: ما تبس بقا بدل ما انزلك مصر اعجنك

يوسف: حصتين الجيم موقين قلبك ولا ايه

زين: لا تلاقيه واكلين كيسين قلبظ

ادهم: منفوخ على الفاضي يعني

يزن: هو اصلا نازل الجيم يموف اون

يونس بصله: اسكت انت ها اسكت خالص الاستاذ بقي رايح يحب واحده و بعدين اكتشف انها كرستينا

" قعدوا يضحكوا جامد و يزن بصله بتكشيره "

يزن: مكنتش بحبها اوي خلي بالكم

يوسف وهو بيضحك: احجزله معاك فالجيم بقا يا يونس

" فضلنا نضحك حرفيا طول الكول

وقعدنا نحكي كتير سوا.. وعلى عكس ما توقعت.. المسافات مخلتناش نبعد! قفلنا الكول و بعدها لقيت أدهم زي ما يكون قالب وشه ؟ "

- ايه مالك؟

= الواد زين المهزق ده

- عمل ايه؟

= وحشني اوي.. فكره اننا بنتكلم كده وبينا شاشه.. بتجبلي حْنقه بجد

" مكنتش عارفه اقوله ايه لأن معاه حق "

- بس اهو بنطمن عليه! ونشوف بعض..!

= اه.. الحمدلله..

انا نسيت اقولك صح بكره انتي اجازه من الشركه

- يبقي اروح الكليه بقا

= اه و تخلي بالك من نفسك ولا تروحي كده ولا كده

- وانا من امتي بروح كده او كده

= انا بعرفك بس

- لا مانا عارفه

= بطلي لماضه!

- لاء!

↚

زقها براحه: طب نامي ها نامي

ضحكت: رخم

- لمضه

>>>>>>>>>>>>>>>>>>>>>>>>>>>>>>>>>>

استغفروا ♡

|| تاني يوم الصبح | على الفطار ||

هدي: صباح النور يا فوفا

فريده: صباح القمر يا هدهد هانم

ادهم: امممم اترحمنا من فقره التلزيق مع زين بقت فقرة تلزيق مع فريده

عبدالعزيز: الغيره هتموتك

هدي ضحكت: انا اتفقت مع هبه تيجي النهارده هي و يوسف

أدهم: اشمعنا

وليد: واحد صاحبنا هيكمل 25 سنه.

فريده بصدمه: ايه! هو انهارده عيد ميلادك!

ادهم: انا اصلا كنت ناسي

عبدالعزيز: لولا ناديه مسافره هي و الولاد كنا عملنا عيد ميلاد كبير.

فريده بتفكير: عادي احنا ممكن نعمله تاني لما ينزلوا!

هدي: طبعا احنا عندنا كام ادهم حبيب ماما

عبدالعزيز: ايوه دلعيه عشان بيغير

ادهم: تؤ ماما انا كبرت على الدلع ده

فريده ضحكت فا ادهم بصلها: اسكتي انتي!

" عملت حركة السوسته على بوقها وسكتت "

- يلا عشان اوصلك

بصت ناحيه عبدالعزيز برجاء: جدو ونبي قوله

أدهم برفعه حاجب: يقولي ايه؟

عبدالعزيز بقلة حيلة: خليها تسوق بعربيتها يا ادهم و انت تبقي معاها

أدهم بسخريه: هي عرفت تأثر عليك يا جيار بيه؟

وليد: ولد؟

عبدالعزيز: سيبه سيبه يا وليد ده غيران قولنا

أدهم: بجد والله؟

هدي: خليها تروح بالعربية بتاعتها ولا هي جاية عشان تتركن

ادهم بصلها: ده انتي أثرتي على البيت كله بقا! بابا مش عايز تقول حاجه ؟

وليد: انضج انت هتبقي 25 سنه

" ضحكنا كلنا على جملة عمي.. و أدهم وافق فعلا بعد الحاح شديد و ركبت عربيتي اخيرا و روحت لحد الكليه لوحدي وهو كان قاعد جمبي بيلطم معرفش ليه "

- ايه رأيك بقي في سواقتي

= زفت يا فريده زفت انتي كنت هتعملي حدثه يجي ست مرات!!!

- انت حقودي خلي بالك اعترف اني بعرف اسوق

= بتعرفي ايه؟؟ انا لازم ابيع العربية دي!!

- طب انا هنزل يا ادهم ومش هرد عليك يلا باي

" نزلنا و شد مفاتيح العربية مني وقفلها

لأني كنت همشي واسيبها مفتوحه!

رجع المفتاح ف ايدي وبصلي بنفاذ صبر "

- خلي بالك من نفسك و افتحي موبايلك لو معرفتش أعدي عليكي السواق هيجيلك متتحركيش لوحدك

= حاضر حاضر حاضر نفس كلامك كل يوم مش بتزهق

- يلا ياحببتي روحي ادخلي يلا عندك محاضرات

"مشيت وانا بدبدب بزهق"

" فضل باصص عليها لحد ما دخلت وبعدين مشي "

>>>>>>>>>>>>>>>>>>>>>>>>>>>>>>>>>>

|| في شركه الجيار | غرفة الاجتماعات ||

" كان عبدالعزيز قاعد و جمبه وليد و الناحيه التانيه ادهم و مصطفي "

وليد: طيب.. احنا طبعا الفترة الى فاتت عاملين شغل كويس جدا في الشركة ومحدش مأثر.. لكن انا عندي تعقيب بسيط.. بالنسبه لصيانة الباصات الى بتتحرك بالناس.. الشهر ده بس حصل عطل اكتر من اربع مرات وده أكيد مش مسموح ابدًا

مصطفي: احنا فعلا كنا هنتكلم في النقطه دي

رد موظف: حضرتك الأعطال دي كلها جديده على الشركه الباصات بيتعملها صيانها في مواعيدها وكل حاجه بتبقي تمام و بتكون خارجه بحالة كويسة يادوبك في اول استراحه بتقف فيها وبتتحرك تاني بيحصل العطل

مصطفي: كأنها مقصوده..!

" طبعا عبدالعزيز و وليد و ادهم فهموا في نفس الوقت.."

أدهم: و ده بقي بيحصل ازاي يا أستاذة؟ فين الرقابة على الباص ؟

- يا أدهم بيه السفريات كلها بليل و جايز يحصل اي حاجه من غير ما ناخد بالنا

مصطفي: ايه التهريج ده؟ السواق و الاتنين مشرفين الى بيطلعوا معاه مسؤلين مسؤولية كاملة عن الباص

وليد: خلاص.. احنا هنشوف الموضوع ده

"وبعد ما الاجتماع ما خلص قعدوا هما التلاته مع بعض"

أدهم: اكيد هو.. زياد نصرواي هو اكبر منافس لينا!

وليد: وايه مخليك متأكد

ادهم: عشان انا زارع حد في شركته يا بابا.. قوله يا جدو

وليد بص لعبدالعزيز فا اتكلم: عرفنا انوه برضو كان سبب عطل البيتش باجي بتاع فريده في الصحرا

وليد: ايه!!! احنا لازم نوقفه عند حده!!

عبدالعزيز: هيحصل.. انا عارف هو بيعمل كل ده ليه عاوز يدمر سمعة الشركه قبل المؤتمر الدولي! في شهر 12 عشان شركتنا تقع من الاختيار طبعا

أدهم: مستحيل! احنا الى بننظمه كل سنة اصلا!! هو بجد فاكر نفسه مين؟ ولا فاكر بالساهل كده يوقعنا

وليد: بابا.. انا بقول نبلعْ ونبقي مأمنين مع ناس تبعنا

عبدالعزيز: متقلقوش هنعرف نتصرف اهم حاجه دلوقتي انكم تخلوا بالكوا من نفسكوا.. و ادهم تاخد بالك من فريده.. بس من غير ما تحسسها بحاجه ماشي؟

- حاضر يا جدو

>>>>>>>>>>>>>>>>>>>>>>>>>>>>>>>

|| في الجامعه ||

" خلصت محاضراتي وخرجت لقيت زين بيرن عليا "

- الو

= ايوه يا زنزون

- انا في بريك قولت لازم اكلمك ضروري انهارده عيد ميلاد ادهم ومكنتش واخد بالي

=اه مامتك لسه قايله الصبح وانا مكنتش اعرف برضو

- طب تعرفي تظبطي مع العيال تاني نتجمع ونحتفل بيه فيديو كول بقا بليل

= يوسف و طنط هبه جايين هحاول اعمل كده

- انتي فين دلوقتي اصلا؟

= انا خلصت الجامعه وبفكر اروح في حتة اجيب هديه ومش عارفه اروح فين واخوك عامل عليا حراسه مشدده وقالي مخرجش لوحدي بس انا بقيت اعرف اسوق فا هشوف محل قريب

- بجد بتسوقي ولا نكش فراخ

= عيب عليك يا زنزون

‐ خلاص اخرجي بس خلي بالك من الطريق

- اوكيه

= خلي بالك من نفسك يا فيرو..

- حاضر الله هو ادهم عداك هخلص واكلمك يلا باي

" و فعلا خرجت من الكلية و قعدت اللف بالعربية والحمد لله الشوارع كانت رايقه.. وقف لما لفت نظري محل شيك جدا.. فا نزلت و بدأت اختار هدية أدهم.. "

" لكنى لاحظت وانا واقفه اتنين شكلهم غريب دخلوا المحل و كل شوية يبصولي فا كنت قلقانه يادي النيله انا هتحْطف ولا ايه ده ادهم كده يشمت فيا!"

"وكنت خلاص اختارت الى انا عاوزاه ورايحه احاسب قبل ما واحد فيهم يقرب مني و يقف قصادي"

- فريده هانم

بصتله بحده: افندم مين حضرتك!

- حرس حضرتك عبدالعزيز بيه باعتني

= جدو باعت حرس ورايا؟ ليه؟

- مش عارف يا هانم المهم ترجعي معانا دلوقتي هو طلب ترجعي الفيلا حالا

= وليه مكلمنيش؟

- هنخلي حضرتك تكلميه في الطريق

" حاسبت على الحاجه الى جبتها و خرجت لاحظت انوه واقف في طريقي وانا فاتحه باب العربية عشان اركب "

- فيه ايه؟ هركب عربيتي!

= الأحسن تتحركي معانا و تسيبي عربيتك

بصتله بشك وعدم فهم: هو فيه ايه بالظبط؟

- إجراءات أمنية حضرتك.

" بصتله بنفاذ صبر وقفلت الباب و اتحركت ولكن قبل ما اركب معاهم لقيت كذا بودي جارد بيتحركوا ناحيتي بسرعه جدا و واحد مسكني بقوة وبعدني عنهم "

" و الباقيين مسكوا الناس الى دخلت لي البوتيك و قامت خناقه و رفعوا مسـ.ـدسات !! "

>>>>>>>>>>>>>>>>>>>>>>>>>>>>>>>>>>

|| في شركة الجيار | مكتب عبدالعزيز ||

" أدهم كان قاعد معاه و بيشوفوا هيعملوا ايه في موضوع زياد نصراوي و بيحكي له عن مصدر معلوماته ساره و وسط كلامهم عبدالعزيز موبايله رن "

- دول حرس فريده.. الو ؟

" عبد العزيز فضل يسمع و تعابير وشه اتقلبت تماما و قال بصدمه "

- نعم ؟؟ طب انا جاي حالا

أدهم بقلق: فيه ايه يا جدو!!

- فريده... نادي وليد و يلا بسرعه

" ركبوا العربيات و راحوا على القسم الى الحرس قاله عليه في اقل من ربع ساعه حرفيا و اول لما وصلوا خدهم عسكري لمكتب الظابط "

" دخلوا و أدهم عينه كانت بتدور عليها لقاها قاعده خايفة وشكلها تايه راح ناحيتها بسرعه وهي قامت فا حضنها بقلق "

- حصل ايه؟؟ انتي كويسة!!

" هزت راسها بالايجاب و عبدالعزيز خدها في حضنه وطمنوها وبعدين قعدوا ؛ الحرس بتوعهم

دخلوا و الجارد بدأ يحكي الى حصل "

- حضرتك الهانم اتحركت من الكلية للمحل الى كانت فيه واحنا كنا وراها حسب اوامر سعادتك وبعدين لاحظنا ناس شكلها غريب دخلت المحل فا استنينا بره لقيناها خارجه و واحد منهم منعها تركب عربيتها و كانوا عاوزين يخدوها بالعافيه معاهم فا ادخلنا وقتها و مسكانهم و طبعا الشرطه استلمتهم كلهم حضرتك.

" فريده مكنتش قادره تتكلم حرفيا ولا فاهمه بيحصل ايه ولكن قالت ان الى اتحكي هو الى حصل. "

" الظابط كتب اقوال الحرس و عبدالعزيز كان مذهول من الموقف و عمل كام اتصال مع معارفه.. وفتح محاصْر قديمه.. ان دي مش اول مره يتعرضوا لحاجه شبه كده.. و وضح ان ده بسبب وضعهم في السوق.. و أدهم وجه تهمه رسمية لزياد نصراوي و طلب حضور سارة تشهد بالي تعرفه خصوصا انهم برضو كان مبلعْين ظابط تبعهم بـ واقعة الجبل..

" و كل ده تم حفظه و العيال اتحولت للنيابة عشان يتأكدوا هما تبع مين.. "

" و في اخر اليوم فريده رجعت معاهم الفيلا و اول ما دخلت هدي جريت عليها حضنتها هي وهبه "

- انتي كويسة يا حببتي حصل ايه!!

يوسف طبطب عليها وبص ناحيه وليد: ايه الى حصل يا خالو ؟

فريده بهدوء: انا هطلع اوضتي

" عبدالعزيز شاور لهم بمعني سبوها فا طلعت "

" ادهم كمان طلع اوضته و كان حرفيا متغاظ جدا من الى حصل مش فاهم ازاي حد يجيله الجرأة يعمل كده !! فضل يفكر كتير في مليون سيناريو لو مكنش عبدالعزيز حاطط حرس دايما!! و مش فاهم ليه فريده مسمعتش كلامه ! كان هيتجـ.ـنن من تصرفها الى حطها في موقف حْطر زي ده ولكن ادهم كان بيحاول يمنع نفسه انوه يتكلم معاها و يلومها عشان الى حصلها مكنش سهل.. ولكن هو مقدرش.. و طاقة الغضب سيطرت عليه..!!"

↚

- انتي كويسة يا حببتي حصل ايه!!

يوسف طبطب عليها وبص ناحيه وليد:

هو ايه الى حصل يا خالو ؟

فريده: انا هطلع اوضتي

" عبدالعزيز شاور لهم بمعني سبوها فا طلعت "

" وادهم كمان طلع اوضته و كان حرفيا متغاظ جدا من الى حصل مش فاهم ازاي حد يجيله الجرأءة يعمل كده !! وفضل يفكر كتير في مليون سيناريو لو مكنش عبدالعزيز حاطط حرس دايما!! و مش فاهم ليه فريده مسمعتش كلامه ! كان بيحاول يمنع نفسه انوه يتكلم معاها و يلومها عشان الى حصلها مكنش سهل.. ولكن هو مقدرش.. و طاقة الغضب سيطرت عليه "

" خبط على الباب الى كانت سيباه مردود و دخل لقاها قاعده في صمت على سريرها و أول لما شاف دموعها غضبه بدء يقل.. واتحول كل الغضب لندم قرب ناحيتها ومسح دموعها "

- متعيطيش!

" بصتلي وعيونها مليانه دموع.. وقتها ادركت اني معنديش نقط ضعف غير دموعها..! "

- خلاص يا فريده الحمد لله انك كويسة

اتكلمت بعياط: انا مش فاهمه حاجه انا كان مفروض اسمع كلامك!

= مش وقته الكلام ده

بصتله بلوم: وانت كان مفروض تعرفني!! مفروض تعرفوني ان في ناس عايزه تآذينا عشان اخلي بالي !

- جدو مكنش عايز يحطنا في ضغط !

= وانا كده مكنتش مضغوطه؟؟

- لا بدليل انك بالفعل خرجتي لوحدك مع اني قولتلك متعمليش ده !! كان هيحصل اي لو سمعتي كلامي وانا كنت مخلي بالي عليكي بعدين انا مش فاهم اصلا لحد دلوقتي كنتي بتعملي ايه هناك؟

زعقت: أدهم سبني لوحدي !

" ادهم بصلها بعدم فهم "

- مش عايزه اتكلم مع حد !! سبني لوحدي

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" خرج من الأوضة وكان متعصب ولما دخل اوضته لقي موبايله بيرن كان زين فا رد عليه "

- كل سنه وانت طيب يا ادهم بيه

اتنفس بهدوء عشان يبان طبيعيي: وانت طيب يا حبيبي

- اول لما انزل ليك عندي هدية بس هدية فريده تسد دلوقتي

= هدية ايه؟

- يادي النيله شكلي بوظت المفاجأة

أدهم بأستيعاب: هي فريده كانت بتجبلي هدية؟؟

- اه.. كانت بتكلمني الصبح وقالت لي انها رايحه تجبها

= وانت قولتلها تروح؟

- ايوه يابني فيه ايه

مسح على وشه بغضب: مفيش يا زين.. مفيش حاجه احنا بس كنا مضغوطين في الشغل فا هي رجعت همدانه

= عشان كده مش بترد انا قولتلها تجمع العصـ ـابة نتكلم فيديو كول تاني ونحتفل بالباشا

- تتعوض يا حبيبي.. انت اخبارك ايه؟ كويس!

= اه الحمدلله يا أدهم.. بس فريده وحشتني اوي بجد..

اتنهدت: و انت كمان وحشتها

- خلي بالك منها يا أدهم.. عشان هي ساعات بتهب منها و بتفضل تعاند على الفاضي و تتعصب كده زي العيال

ضحك وكمل: زي ما كانت قالبه على موضوع سفري وقعدت تعاملني المعامله القاسية بتاعتها.. بس بعد كده لانت..

ادهم بحزن مكتوم: متقلقش يا زين فريدة أختي و يمكن منعرفهاش من بدري بس حقيقي هي زي اختي بالظبط نفس الغلاوة وبخاف عليها ومخلي بالي منها..

زين: انا عارف انك بتكرهني بس انا بحبك

ضحك وخد نفس: انا كمان بحبك يا زين بحبك اوي كان نفسي تبقي معايا دلوقتي

زين بتعجب: ايه ده ايه ده ادهم باشا الجيار بقي حنين كده ليه

- تصدق انا غلطان.. بكرهك

زين ضحك جامد: ايوه كده ارجع يابا.. انت وحشتني اوي والله يا أدهم بس هيجي يوم وارجع واقرفك متقلقش يعني

- ماشي يخويا.. ربنا يوفقك يا زين وترجع بالسلامه

" قفلت الخط معاه و نزلت الجنينه روحت فتحت عربيتها ولقيت علبة هدية فعلا.. ابتسمت بسخرية على غبائي!! واني قد ايه متسرع ومش بفهمها.. خت البوكس و بعدين طلعت خبط على اوضتها كانت طافيه النور فا شغلت الاباجورة "

- فريده؟ اكيد ملحقتيش تنامي يعني

رمت الغطا وبصتلي بعصبيه: انا مش طايقه نـ..

سكتت وبصت للهديه وبعدين بصتلي: ايه ده؟

حطيت البوكس وقعدت: زين لسه قافل معايا.. انا اسف.. مكنش قصدي انتي عارفه اني كنت خايف عليكي

مردتش فا بصلها: كنتي بتجيبي ايه بقا؟

ردت بهدوء: افتحها

" فتحتها لقيت كور صغيره كتير فا ابتسمت "

- ده تشويق يعني؟ الهديه مستخبيا جوه؟

= اممم

" دور فيها لحد ما طلع شوكولاته و حاجات وبعدين طلع علبة صغيره كده شيك بصلها و قرأ الماركه و رجع بص ناحيه فريده بتعجب "

- انتي بتهزري؟

" فتح العلبة و كانت ساعة "

= عجبتك؟

- عرفتي منين اني بحب الساعات؟

= يوم لما دخلت اوضتك اول لما جيت هنا.. لاحظت ساعات كتير كده و محطوطين بطريقه معينه و عرفت يعني انك مهتم بيهم و بتحبهم.. طبعا هما و الجاكيت الى قولتلي اني عايزه اسرقه

ضحك وبصلي: انتي مش بتنسي ها؟.. بس بجد جميلة

- كل سنة وانت طيب

= مش عايزك تزعلي مني..

- مش زعلانه

= حتي لو مش زعلانه حقك عليا.. انتي بالنسبة لي يا فريده حاجه غالية اوي والله.. انا طول عمري كان نفسي في اخت بنت بس تقريبا العيلة دي مش بتجيب بنات.. لكن انتي جيتي ومش بس بعاملك على الاساس ده.. انوه انتي اختي الصغيرة انا بعاملك على انك بنتي عشان انتي طفلة اوي

كانت هتتكلم فا قاطعها: ايوه طفله مهما حاولتي تنكري ده

ابتسمت وبصتله: انا بكرهك

- متسرقيش كلامي طيب

= مش طيقاك اصلا عشان اسرق كلامك

- ماشي ياستي شكرا

= والله؟ مش هتصالحني يعني!

- امال انا كنت بعمل ايه يا لمضه.؟

= معرفش صالحني تاني مش انت اخويا الكبير استحملني

- طبعا يا كتكوتة هستحملك قوليلي ايه يرضيكي

= تعاملني على اني كبيرة يا أدهم وتفهمني صدقني وقتها هنفهم بعض ومش هيحصل حاجه زي دي و هسمع كلامك! انا عارفه انك بتخاف عليا! بس.. انت مش بتديني فرصه افهم!

- خلاص يا لمضه هانم.. المهم دلوقتي انك كويسه! ومش مضايقه

= انا كويسة.

الحمدلله انهم لحقوني انا عايزه اقولك على حاجه انا برضو غلطانه وانت معاك حق انا مش هكدب..

الناس الى كانت هتخدني دي ضحكوا عليا وانا زي العبيـ.ـطه صدقت وكنت هركب معاهم كان مفروض اكلم جدو اسأله الأول هو طلب من حد فعلا يوديني عنده ولا لاء لكن انا مفكرتش.. فا انت معاك حق يا أدهم انا بجد هبله .. هبله اوي !!

" بص لملامحها الى كانت حزينه و ندمانه من الى عملته.. ومكنش هاين عليه تأنب نفسها.. "

- فريده بصيلي.. اول حاجه متوطيش راسك..! خليها علطول مرفوعه! تاني حاجه بقا اديكي اتعلمتي.. خدي المفيد من الى حصل و اتعلمي منه! مش تخدي الوحش و تقعدي تأنبي نفسك عليه! الى حصل حصل خلاص انا مش عاوزك تشيلي هم حاجه طول مانا معاكي هنعدي اي حاجه سوا فاهمه؟

هزيت راسي وابتسمت: شكرا يا أدهم

زق راسها بالراحه: بس يا هبله

ضحكت: ماشي.. انت عملت اي مع زين بقا عشان كنا متفقين نتكلم كول وانا مرضتش ارد عليه عشان ميعرفش الى حصل و اخضه..

- هو زين ميعرفش اي حاجه اصلا.. ولا حد يعرف غيري انا و جدو و بابا عن موضوع المؤذي ده فا الاحسن انوه ميعرفش حاجه خصوصا وهو بعيد هيبقي صعب عليه

واحنا كدا كدا هنوقعه قريب وندخله الحبـ ـس

= معاك حق مش لازم زين يعرف.. طيب تيجي نكلمهم؟

- طيب ابعتي لهم عبال ما أجي هغير واجي

" خرج وانا فتحت اللاب توب و رنيت عليهم و اول واحد رد كان زين "

- ايه يا فيرو بقيتي كويسة؟

بصتله بستغراب: كويسه؟

= اه ادهم قالي كان يوم مليان شغل

- شغل اه.. ايوه

بصلي بنص عين وهو بيمثل الشك: ايه مالك مخبيا حاجه ولا ايه؟

= لا ابدا هخبي ايه يعني انت اخبارك ايه؟ مش مفروض تبقي نايم

- مانا صاحي اخلص كام حاجه

" رفع الكتاب فا فتحت عيني بدهشه "

= كل ده كتاب ؟؟

- شوفتي.. هي الجـ ــراحه بالساهل

"يزن و يونس دخلوا هما كمان"

يزن: فين برنس الـ عيد ميلاد؟

يونس: حتي في عيد ميلاده كاريزما؟

أدهم دخل الاوضة على جمله يونس وحرك اللاب توب ناحيته وبص: انا طول عمري كاريزما ياض

يوسف دخل مع أدهم و بص لفريده وقال بصوت واطي: انتي تمام؟

"فريده ابتسمت وهزت راسها بهدوء"

يونس: اي ده انا شايف يوسف زي ما يكون الاوضة ضلمت

يوسف بصله وضحك: بس يامهزق ادعي عليك بإيه وانت محشور في امتحانات ثانوية مفيش اسوء من كده

يزن ضحك: الحمدلله على نعمه الأدبي يونس قام مفزوع انه سقط في الفيزيا

يونس: اه وهو من كام يوم كان هيعيط بعد امتحان التاريخ محمد علي بعياله و احفاده حطوا عليه

فريده: متقلقوش ان شاءالله خير..

زين: انتي ملكيش دعوة انتي طبعا معاكي الأستاذ ادهم الجيار بنفسه بيذاكر لك

ادهم ضحك: حد قالك تدخل طب ؟؟ كنت ادخل بيزنس ياحبيبي واذاكر لك

يونس: انا هدخل بيزنس هتذاكر لي ؟

أدهم: لاء

" كلنا ضحكنا وكا العاده النكش المستمر.. و في اخر

الكول كله عيد على ادهم و قعدنا نغني له مع انه قال انه مش بتاع الكلام ده بس كنت شيفاه فرحان..! "

" وعدت الأيام.. وبعد ما اتكلمت مع جدو وفهمني الوضع ايه.. بعدها النيابة أكدت ان الناس دي كانت تبع الى اسمه زياد نصراوي و بعد ما كمان البنت الى ادهم طلب شهادتها جت وقالت الى شافته.. اتقبصْ عليه طبعا و شركتة اتقفلت و اكتشفوه انه كان بيهرـ ب حاجات في باصات السفر عنده بس الحمدلله اخد جزاءه "

" وفات شهور.. و في الفترة الاخيرة دي كانت الأجواء هاديه تماما و لكن بنجهز و بنشتغل بكل ما عندنا عشان المؤتمر الدولي لشهر 12 عشان كنا خلاص في شهر 10 و برضو كانت امتحاناتي قربت لكن ادهم مكنش سايبني.. "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في شركة الجيار | اوضة الاجتماعات ||

عبدالعزيز: كده ده اخر يوم ليكي يا فريده

فريده: ليه بس ياجدو

عبدالعزيز: امتحاناتك اولي دلوقتي تركزي فيها و كده كده احنا رتبنا الدنيا الحمدلله

وليد: و وقت لما هتخلصي ترجعي وكمان يوسف هينزل شغل معاكم

أدهم بقلة حيلة: امممم و يزن و يونس الى شبطانين دول كمان اصلنا هنفتح الشركه مولد

وليد: بس يا ولد خليهم يجوا طبعا ده مكانهم

↚

ادهم: انا عارف بس انا معنديش خلق اناهد معاهم كلهم بالذات يونس

فريده ضحكت: هموت واعرف بتكرهوا بعض ليه

عبدالعزيز بضحكه: عشان الاتنين نفس العينه نفس الشخصية و كل حاجه

ادهم برفعه حاجب: حضرتك بتشبهني بالمشمع ده؟

فريده: مشمع؟

ادهم: اسكتي انتي دلوقتي.. ده بيقلدني فكل حاجه انا النسخه الاوريجنال!

وليد ضحك: يلا يا بابا لحسن مش هنخلص معاه حصة غروره وجبت

" نزلنا من الشركه و ركبت انا وادهم عربيتي اتكرم عليا وسابني اسوق وهو جمبي "

- بقولك يا أدهم.. بعد الامتحانات هنروح لزين زي ما قولتلي صح.؟

= اه.. لما نشوف اخرتها معاه

الى شكله مش عايز يرجع ده

- متقلش كده! هيرجع اكيد

= ما علينا انزلي بقا ذاكري شوية حلوين كده وهاجي اكمل معاكي عشان عندي مشوار

غمزتله: اوكيه.

>>>>>>>>>>>>>>>>>>>>>>>>>>>>>>>>

صلي على محمد

|| في مستشفي تخصصي | قسم الأطفال ||

" دخل أدهم و اخد دور للكشف بكل رسميه و جديه وفضل مستني لحد ما دوره جه.. "

الدكتورة رفعت راسها وبصتله بصدمه: انت؟

- لا خيالي.. عامله ايه؟

بتعجب: انت بتعمل ايه هنا

= مفيش.. بقالي فتره مراقبك و بتابع اخبار الواد المهزق الى كان بيضايقك وبعدين بالصدفه الباحته عرفت انك فسختي خطوبتك يعني مع الى جدتك اجبرتك عليه ده فا قولت ايه بقا ؟

- ايه!

= ايه ياحبيبة خليكي لماحه فرصتنا نتعرف

- انت واخد دور في مكان شغلي وجاي تقولي كده

= امال هاجي فين؟ عند جدتك عشان اطرد

- كويس انك عارف! هو الموضوع مش خلص؟

= لا مخلصش انا بفكر فيكي كل فتره مش راضيه تروحي من بالي بصراحه انا عمر ما حد عمل فيا كده

ابتسمت بأحراج: طب وبعدين

- مش هتقوليلي اسمك ايه؟

ضحكت على طريقته: اسمك ايه؟

= أدهم الجيار.. أدهم.. وليد.. الجيار.

فتحت عيونها بدهشه: انت بتهزر صح

- لا فيه ايه؟

= انت جدك عبدالعزيز الجيار؟

صاحب شركه تنظيم المؤتمرات وكان عامل مؤتمر كبير جدا للدكاترة من ألمانيا و

قاطعها: ايوه ايوه انا عارف اني مشهور و

قاطعته بحماس: انا نفسي جدا اتعرف على جدك!

أدهم: جدي؟؟ طب وانا ايه الدنيا ؟

ضحكت: مش قصدي بس أصلي بشوفه علطول في الاخبار و كده

أدهم: طيب خدلنا معاد مع جدتك وقوللها تهدي شوية علينا بقا

- انت بتهزر ؟

= يوووه دي هتقعد تتصدم.. انا وقتي ضيق مانا كمان شغال في الشركه انا اهم درع هناك

- أيوه.. بس انت مش بتظهر كتير انا عارفه اسمك لكن مشوفتش شكلك كتير

= اصلي مش بحب اظهر كتير عشان مكلش الجو وكده.. و كمان المعجبين كتير مش ناقص يكتروا

بصتله بنص عين: انت مغرور؟؟

- يوه.. ده لقبي المفضل يابنتي شوفتي هنعرف بعض بسرعه ازاي؟

" خد ورقه وقلم من قدامها وكتب رقمه "

- ده رقمي عشان لو مسحتيه

هرن عليكي و نأكد المعاد ياريت متتأخريش يا حبوبه..

" سابها وخرج و هي في صدمه حرفيا.. "

>>>>>>>>>>>>>>>>>>>>>>>>>>>>>>>

استغفروا♡

|| في فيلا الجيار ||

" ادهم وصل و اتفاجئ بـ عمتة ناديه

و طبعا طبعا يزن و يونس! "

فريده: شوفت المفاجأه

يزن: الفرحه هتبظ من عينه

يونس: ده بيبصلي بقرف شاهد يا جدو

عبدالعزيز: لا انا مش هدخل في النزاعات دي

" سلم على الكل و بعدين قعد معاهم.. "

يونس: وحشناك مش كده

ادهم: اه طبعا كلهم وحشوني معادا انت

يزن: محدش بيطيقك غيري

يونس بص لفريده: فوفا

ادهم بصلها بتحذير: لو قولتي حرف انتي حره

ضحكت بحيره: انا بحبكوا كلكوا

يونس بغيظ: شايف؟ طالما فوفا حبتني خلاص مش مهم انت بقا

أدهم خد فريده: طب تعالي بقا لما اقولك حاجه بعيد عن المتسولين دول

"فريده ضحكت و خرجوا للجنينه"

- ايه؟ روحت لها؟

= اه.. و قولت كل حاجن معرفش ازاي بس كنت بتكلم عادي.. هي شخص مريح جدا

- انا لسه عند رأيي هي عسولة وحساكو لايقين على بعض بجد اوي..

= يارب جدتها توافق عشان اكلم جدو و بابا و نروح

- وتخدني معاك!

= ادعيلي بس

- عنيا.. بس اهدي على يونس و يزن شوية

= لا انا مش طايق نفسي اصلا و شوية و يوسف هيخلص و ينط لنا

- انت اصلا بتحبهم ومداري

= شوف البت!

- يلا ندخل طيب عيب

= يلا يختي.

>>>>>>>>>>>>>>>>>>>>>>>>>>>>>>>>>>>

|| بعد ايام | في الزمالك ||

" طبعا ادهم مبطلش زن على حبيبه و خد معاد قريب و روحنا و معانا جدو و عمي وليد.. "

" خبطنا و الى فتح الباب راجل شكله يدي انوه طيب يعني.. "

- اتفضلوا..

" دخلنا نقعد و كنت شايفه شوية توتر من أدهم فا بصتله وابتسمت بمعني اطمن.. وبعدها دخلت جدة حبيبة و بعد تعارف و حاجات تقلدية جدو بدء يتكلم في الجد.. "

- احنا جايين نطلب ايد الانسة حبيبة لحفيدي أدهم وانا عارف طبعا ان سبق و هو جه لوحده يتعرف وحصل سوء تفاهم بس ادينا جينا اهو مرة تانية

اتكلمت جدتها: ايه رأيك يا عاصم.. عاصم ابني في مقام ابوها بالظبط.

وليد: اكيد طبعا البركه فيه و فيكي

عاصم: والله هي لما حبيبة قالت لنا سألنا و عرفنا انتوا مين طبعا استاذ عبدالعزيز غني عن التعريف.. بس..

" كان محرج يتكلم فا اتكلمت جدتها "

- عاوزين نفهم اشمعنا حبيبه؟ ولحقت تعرفها امتي عشان تطلب ايدها مره واحده؟

أدهم: احمم.. حضرتك انا قولتلك الى حصل يوم لما جيت اول مره.. و موضوع الولد الى كان بيضايقها احنا منعرفش بعض ولكن من وقتها انا معجب بيها.. وحبيت ادخل البيت من بابه عشان نتعرف لكن انا فعلا معرفهاش قبل كده

عاصم: متأخذناش.. حبيبه زي ما قولت كانت مخطوبة لولد للأسف اخلاقه مش كويسة و ده عيبنا عشان مسألناش عليه كويس و بعدها اتخطبت لحازم ابني ومحصلش نصيب بينهم فا احنا شايفين انها مشتته ومش عارفه تختار ولا تاخد قرارتها

عبدالعزيز بمرونه: وهي من امتي الستات بترسي على بر؟ احنا نديهم فرصه يابني و انا اضمنلك أدهم ده برقبتي ده تربيتي انا

وليد ابتسم: هو ابني لكن هو تربية جده فعلا..

" و من هنا لهنا.. وافقوا!! وجدتها مكانتش معارضه حسينا برضا منها بعد كلام.. ماهو برضو الناس الكبيرة بتكبر الى معاها.. وليهم كلمه و وزن.. حبيبة خرجت و قعدت معانا وقرينا الفاتحه.. كانت حقيقي جميلة و فرحانه.. و شوفت في عيونها لمعه وهي بتبص لأدهم.. اتمنيت وقتها ربنا يتمم ليهم على خير! و اتفقنا على معاد الخطوبة.. "

>>>>>>>>>>>>>>>>>>>>>>>>>>>>>>>>>>>

|| في الفيلا ||

ناديه: مبروك يا حبيبي الف مبروك

هدي بدموع: يعني خلاص يا أدهم هتتجوز

ادهم ضحك: يا ماما لسه بقول يا هادي!

وليد: خليه يتجوز يا هدي ونخلص منه

يونس: انا بقول كده برضو

ادهم: جرا ايه يا حج هو انا باكل حتة من البيت

وليد: شوف الواد

عبدالعزيز: ابقوا كلموا زين فرحوه بالخبر ده

يزن: ده هيشمت فيه

أدهم: علي رأيك بجد اكتر واحد هيفرح فيا

فريده: حرام عليك.. ده هيفرح لك!

" او يمكن هيفرح فيه.!! خرجت الجنينه و عرفته اني هقوله وانا بكلمه.. "

- زنزون..

= قلب زنزون يا فيرو.

ضحكت: عايزه اقولك خبر حلو

- قولي

= ادهم هيخطب

- بتهزري؟ مين

= حبيبة فضل يحاول ومكنتش عايزه اقولك لحسن الموضوع يبوظ بس مشي

- يعني ادهم هيخطب!!

"فضل يضحك و انا فهمت بيضحك ليه"

= انت فرحان فيه زي ما قال

- هو قال كده؟ عشان عارف انوه كان بيتصرمح وانا كنت بقعد اقوله يرحم نفسه هيجي يوم ويلاقي واحده تلمه و يقولي لا مش هتجوز

= اهي جت.

- بس والله فرحان له

اتنهدت تنهيده طويله: زين؟

= امممم عرفت والله هتقولي ايه

- مش هينفع متنزلش

= معاكي حق.. تعرفي يا فريده.. بيني وبينك انا تعبت اوي و انتوا وحشتوني ومبقتش قادر الغربة دي ابشـ ـع حاجه ممكن حد يمر بيها انا حاسس اني لوحدي اوي ومفيش اي حد جمبي الناس هنا طبعها صعب اوي مش زي مصر.. يعني بجد حاسس بخنقه.. مش طبيعيه.. لكن الى مصبرني اني خلصت الترم الحمدلله وفاضلي بس شهور التدريب و بجد عمري ما هبعد تاني لو حصل ايه

" كنت ساكته و دموعي نازله.. في صمت مكنتش عايزه يعرف اني بعيط "

- فريده؟ انتي بتعيطي يا فيرو؟

بدموع: لا

ضحك: صوتك كله عياط.. مكنتش بحب اشتكي عشان كده والله.. امسكي نفسك انا خلاص قربت انزل و صدقيني هحاول اخد إجازه واجي الخطوبة بس متعرفيش أدهم عشان لو معرفتش ميزعلش

- زين انا عايزه اقولك على حاجه.. انا بجد بحبك اوي انا في حاجات كتير عايزه اقولها لك.. بس مش عايزه اقولها وانت بعيد

= وانا كمان يا فريده.. بس هانت.. انا عاوزك قوية لحد ما ارجع اتفقنا؟

- حاضر

= يلا باي و اوعي لسانك يفلت و تقولي لأدهم اني هنزل ولا تعرفيه اني مضايق او اي حاجه

- مش هقوله بجد متخفش

حسيت بحد ورايا: ايه ده الى مش هتقوليه بقا؟

↚

اتنهدت تنهيده طويله: زين؟

= امممم عرفت والله هتقولي ايه

- مش هينفع متنزلش

= معاكي حق.. تعرفي يا فريده.. بيني وبينك انا تعبت اوي و انتوا وحشتوني ومبقتش قادر الغربة دي ابشـ ـع حاجه ممكن حد يمر بيها انا حاسس اني لوحدي اوي ومفيش اي حد جمبي الناس هنا طبعها صعب اوي مش زي مصر.. يعني بجد حاسس بخنقه.. مش طبيعيه.. لكن الى مصبرني اني خلصت الترم الحمدلله وفاضلي بس شهور التدريب و بجد عمري ما هبعد تاني لو حصل ايه

" كنت ساكته و دموعي نازله.. في صمت مكنتش عايزاه يعرف اني بعيط "

- فريده؟ انتي بتعيطي يا فيرو؟

بدموع: لا

ضحك: صوتك كله عياط.. مكنتش بحب اشتكي عشان كده والله.. امسكي نفسك انا خلاص قربت انزل و صدقيني هحاول اخد اجازه واجي الخطوبة بس متعرفيش أدهم عشان لو معرفتش انزل ميزعلش

- زين انا عايزه اقولك على حاجه.. انا بجد بحبك اوي انا في حاجات كتير عايزه اقولها لك.. بس مش عايزه اقولها وانت بعيد عنى فاهمنى!

= وانا كمان يا فريده والله.. بس هانت.. انا عاوزك قوية لحد ما ارجع اتفقنا؟

- حاضر

= يلا باي و اوعي لسانك يفلت و تقولي لأدهم اني هنزل ولا تعرفيه اني مضايق او اي حاجه

- مش هقوله بجد متخفش

حسيت بحد ورايا: ايه ده الى مش هتقوليه بقا؟

- يزن! انت هنا من امتي؟

= متخافيش ملحقتش غير اخر جمله

بصتله بنص عين: احلف

- الاه بجد مسمعتش انا جاي اناديكي عشان عاملين مولد وبنهيص لأدهم وهو شوية و هيمسكنا كلنا يعجنا

ضحكت غصب عني: طيب يلا ندخل..

" وبعد ربع ساعه بس حرفيا من الطبل و الغنا ادهم جاب اخره مننا وجض "

- لا لا انا ماشي مش قادر بجد كملوا انتوا

فريده: رايح فين ؟

= كنت نازل مع صحابي اصلا وعمال أأخر في معادهم

يزن: خدنا معاك

ادهم: مانا سايبكم هنا عشان تيجوا ورايا اه

يونس: اخرج براحتك كدا كدا قاعدين لك

ادهم: ماشي.. يا منفلت

فريده اطلعي انتي ذاكري

فريده: يا ادهم اخر امتحان مش بيتذاكر له!

- بقولك ايه؟ اطلعي ذاكري بدل ما اللغي اتفاقنا

= حاضر!!

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" خرجت اخيرا وخلصت منهم.. و روحت الكافية الى بنتقابل فيه انا وصحابي لقيت مصطفى قاعد "

- ايه يا نجم

= ايه يادرش عامل ايه

- فل الفل.. محدش عارف يتلم عليك انت

= يعم ما احنا كل يوم في الشركه سوا.. الدور و الباقي على حازم هيجي دلوقتي يقول عليا ندل و مش بسأل و يقعد يهري

- انت شكلك رايق

= اه.. مش انا هخطب

مصطفى بتلقائية: فريده؟

بستغراب: فريده؟ اشمعنا؟

- عادي..

ضيق عينه وبصله: لا مش عادي

مصطفى وهو بيحك راسه بتفكير: شكلكوا كان.. مش عارف.. بس كنت فاكر انكوا سوا

أدهم بنفي: لا طبعا فريده بنت عمي و زي اختي؟

مصطفى بص لعيونه: مش حاسس.. انا عارفك و كنت بشوفكم سوا و بشوف نظراتك ليها؟ و كنت حاسس انك بجد بتحبها مش مجرد بنت عمك او زي اختك و

أدهم قاطعه بنرفزه: هوا فيه ايه ؟ انت هتعرف اكتر مني يا مصطفي!

- انا مقلتش كده!

= طب خلاص يعم فكك من الحوار ده ملكش دعوة

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الفيلا ||

" كنت قاعده زهقانه بعد ما خلصت مذاكرة و ادهم اتأخر.. خرجت من اوضتي و دخلت اوضة زين.. وفضلت اتفرج على صوره على الحيطه وبعدين فتحت الدفتر بتاعه و افتكرت.. "

فلاش باك #

- بصي.. الدفتر ده في اوله حاجات انا كاتبها لو عايزه تقريها عادي يعني

= لا دي خصوصيتك

- انا وانتي واحد

ابتسمت: أوكيه كمل

= لو في وقت حبيتي تكتبي فيه اي حاجه جواكي

او حاجه حاسه بيها يعني.. اي حاجه

تعالي اكتبيها هنا.. عشان اشوفها اول لما انزل

عشان انا عارف ان هيجي وقت مش هتبقي حابه تبعتيلي فيه مسدج

- امممم و عرفت منين بقا

غمز: عشان عارفك

= ممكن ميحصلش على فكره!

- ماشي يا عنيده.. عموما اوضتي كلها بتاعتك لحد ما ارجع أمانه معاكي

= اوكية يا زنزون.

باك #

" بصيت للاوضة و مسكت القلم عشان اكتب له في الدفتر زي ما قالي و بعد لما خرجت لاقيت أدهم خارج من اوضته "

- ايه ده انتي هنا؟

= احم.. اه انا كنت بـ..

قاطعها: فاهم فاهم..

بصيت للي ماسكه في ايده:

ايه الجاكيت الحلو ده اول مره اشوفه معاك

= ده بتاع زين