تحميل رواية حين تفرقت القلوب بقلم سلسبيل احمد pdf

" سابني ونزل و كان غريب معرفش ماله! بس قولت عادي يمكن مشغول في حاجه "

>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

|| في الجنينه ||

" ادهم كان قاعد و ماسك الجاكيت و سرحان بيفتكر ذكري بينه و بين زين "

- انت جايب جاكيت بـ 5000 جنيه ؟

= اه ملكش دعوة وهاته بقا

- انا الى دفعت للراجل فلوسه

= ماشي هديهملك

- لا انا بقي عجبني الجاكيت وهخده

= ما تنجز يا ادهم عندي خروجه وعايزه !!

- لاء.. لو مش عاجبك ابقي اشتكيني زي ما بتعمل علطول شبه العيال كده

= انا عمري ما اشتكيتك اصلا! انت الى سمعتك سبقاك وعارفين انك بتاع مشاكل

- تصدق انك تنح اوي و مش هتخده برضو

= ولما اخد حاجه من حاجتك بتزعل؟

- اياك تلمس حاجتي

= ماشي يا أدهم

" عيونه دمعت.. فتح موبايلي و رنيت عليه مردش فا رنيت مره تانيه.. "

- الو ادهم بنفسه بيكلمني؟

" ابتسم لما سمع صوته وكان ساكت "

- يابني؟ الو روحت فين

= ايوه معاك.. عامل ايه؟

- الحمدلله كويس

= ملحقتش احكيلك على موضوع الخطوبة..

هخطب حبيبه..

- فريده متتوصاش يحبيبي لسه كانت مكلماني من شوية وقالت لي.. مبروك يا معلم

= انت هتيجي صح؟

زين اتردد وخد نفس عميق: مش عارف

- انا عاوزك تبقي هنا

= حاضر يا ادهم هحاول بس النظام صعب هنا ومفيش اي إجازات دلوقتي

- الخطوبة اخر الأسبوع

= هحاول والله انا اكيد عايز ابقي معاك

- زين.. انت مش زعلان مني صح؟

= لا ليه بتقول كده؟

لمس الجاكيت بأيده وابتسم بحزن: فاكر الجاكيت؟

- جاكيت ايه؟

= من كام سنه كده جبت جاكيت بـ5000

خرجت منه ضحكه: اه ده الجاكيت الى انت ملبستوش ولا مره كنت بس واخده مني عشان ترخم عليا

" زين لقاه سكت فا كمل كلامه "

- مش زعلان يا ادهم صدقني انا قولتلك قبل ما أسافر انا كنت مقدر الضغط الى انت فيه ومش شايل منك في اي حاجه ايه خلاك ترجع تفتكر تاني!

= أصلي كنت بقلب في حاجتي ولاقيته

انزل بقا..! عشان ارجعهولك

ضحك: لا ياسيدي خليه اعتبره هدية العيد ميلاد

- اه انت بتوفر بقا عشان متجبليش هدية ماشي ياسيدي مقبولة

= لا لا هديتك محفوظه.

- هستناك ماشي؟

= ماشي.

" قفلت معاه واتنهدت بهدوء.. ازاي قادر يعديلي كل الى عملته معاه و قد اي كنت بضايقه ملقتش سبب غير ان زين بيحبني حب غير مشروط.. مهما حصل بينا بيقدر يبقي صافي و يحطلي اعذار.. وفضلت افكر لحد ما خدت قراري خلاص.. "

>>>>>>>>>>>>>>>>>>>>>>>>>>>>>>>>>>

صلي على محمد

|| بعد يومين | في الشركه | مكتب فريده ||

" كنت قاعده وملاحظه تجاهل ادهم ليا..

مش عارفه ليه بس بقول الخطوبة قربت فا هو مسحول في كذا حاجه و موضوع ان زين مأكدش انوه جي برضو يمكن مضايقه.. لقيت الباب بيخبط فا اتنهدت"

- اتفضل

= ايه يا فوفا

- يونس؟ بتعمل اي هنا!

= خلاص بقا انا قولت انزل كنت مستني تخلصي امتحانات عشان لو احتجت أسألك في حاجه مكنش بعطلك لأنك عارفه ابن عمك بيموت فيا ولو كنت نزلت وقولت له هبقي معاك في فترة التدريب كان هد الشركه فوق دماغي..

ضحكت: على فكره أدهم برضو لو سألته مش هيقولك حاجه هو بس بيحب يطلع يطلع وينزل على النيش

ضحك جامد: وينزل على مفيش يابنتي ده انتي مبوظه امثال مصر كلها

- ما علينا .. بيحبكوا برضو

يونس: ادهم مستحملني في الفيلا بالعافيه لكن مش هيستحملني هنا كمان الطيب احسن

- خلاص عموما ابدء و براحتك لو احتجت اي حاجه تعالي قولي ..

" و شوية ولاقيت يوسف دخل "

- انا جيت لكم ياصيع

يونس: اخيرا ؟؟ انت مخلص بقالك كتير مجتش من بدري ليه

يوسف: خالتك يعم كانت عماله تروق في الشقة و تقولي مش هنسيبها متوسخه وحوارات ولسه موصلها الفيلا وجيت على هنا ادهم فين؟

- لا ادهم سيبوه شكله مشغول

يوسف: يعني انتي مكانه بقا

فريده: اممم ده كله هيجي عليا انا.. فين يزن بالمره؟

يونس: يزن قاعد في البيت قلقان من النتيجه

و بيجلـ ـد ذاتة في الاخر بيتريق عليا انا

↚

يوسف: طب وبعدين هتسيبوا بيجـ ـلد ذاتة؟

يونس: هعمل ايه طيب لما نروح نبقي ننكشه

" أدهم كان معدي في الدور وشاف يوسف و يونس عند فريده فا فتح الباب و دخل "

- خير؟ ايه التجمع ده وانت كمان جيت

" يوسف سلم عليه وبعدها يونس بصله "

بهزار: اظن احنا في وش بعض 24 ساعه مش هنسلم

أدهم بجديه: انتوا جايين تشتغلوا طيب ولا تقعدوا؟

يوسف: لا يا باشا نشتغل بعد اذنكم بقا انا

يونس: انا لسه بتعلم مع فريده

أدهم: اممم عَلم في المتبلم

" قال جملته وخرج وفريده كانت ماسكه ضحكتها بالعافيه.. "

يونس: شوفتي؟ شوفتي !! بعدين بتضحكي على ايه مستحيل تكوني فهمتي جملته

- بصراحه لا بس بالاحساس حساها تريقه

= ماشي يا فريده ماشي

- يلا يلا نشتغل.

>>>>>>>>>>>>>>>>>>>>>>>>>>>>>>>>>>

استغفروا ♡

|| في مكتب ادهم ||

" كان قاعد ومشغول او قاصد يشغل نفسه عشان مكنش عاوز يفكر في اي حاجه! لقي موبايله بيرن وكانت حبيبه.. "

- الو؟

= ايوه عامل ايه؟

- الحمدلله يا بيبه انتي اخبارك ايه

= كويسه.. انا كنت بكلمك عشان تيته قالت لي أأكد عليك المعاد بعد بكره و قالت لي لو فيه اي بنات حابيين يجوا من بدري يتفضلوا

ابتسم بسخريه: عيلتنا مفهاش بنات غير فريده الى جت معايا

- بتتكلم جد!

= اه والله

- طيب ومامتك؟

= هقولها كده هي و فريده ولو هيجوا هعرفك.. بس يعني احنا ممكن نيجي كلنا سوا افضل

- طيب زي ما تحب باي

= استني.. هتقفلي علطول كده؟

ابتسمت بكسوف: مش عايزه اعطلك مش انت في الشركه برضة

- اه.. انا مشغول اوي فعلا.. بس لو عايزه تعطليني مفيش مشكله

ضحكت: ماهو انا كمان مفروض اكمل شغلي

= امممم ماشي ياستي خلي بالك من نفسك.

- وانت كمان.. باي.

>>>>>>>>>>>>>>>>>>>>>>>>>>>>>>>>>>

|| في الفيلا | ليلا ||

" اليوم انتهي اخيرا.. وكان يوم متعب شوية دلوقتي بس حسيت ادهم وهو بيعلمني كان بيتنرفز ليه ويطلع ظرابينه عليا يونس كمان على الأبيض خالص و التدريب صعب عليه لأنه لسه صغير كمان.. "

عبدالعزيز: ها يونس عامل ايه

فريده: لسه بدري جدا بس هو بيحاول يعني اهو

يوسف: اظن انا في حتة كويسة

وليد: انت لسه فاضلك سنتين كليه اتقل شوية

هبه: لسه كنت بقوله الكلام ده الشغل مش هيطير طول فتره الامتحانات الشغل في الشركه كان واخد عقله وشغال زن زن زن يلا نروح لجدو

ناديه: انتي هتقوليلي..

شاورت على يونس: البيه خلاص قرر يدخل بيزنس برضو عشان يشتغل في الشركه

وليد: انتوا عاوزين ايه من العيال؟ الستات دي مش بيعجبها حاجه صحيح!

هدي: قال يعني انتوا الى بتثبتوا على قرار؟ هما بيتكلموا عشان عارفين عيالهم كل شوية بقرار شكل

يونس: لا احنا مش عيال وعارفين عاوزين ايه

يوسف: بالظبط.. احنا هنكمل في الشركه سوا

يزن: احممم طلعوني من الحسبة دي

ناديه: اهو ادي اول واحد تراجع

يزن: مش تراجع.. بس انا حابب ادخل اقتصاد وعلوم سياسية

يوسف: الى هيحبـ ـسنا اهو

يونس ضحك: انت واعي يابني لكلامك ده من امتي و ده طلبك يعني؟

يزن: عادي! هو من امتي وانت عايز تشتغل في الشركة

عبدالعزيز: خلاص كملوا اكل وبطلوا تسبقوا الأحداث لسه النتيجه هتطلع ربنا يقدم الى فيه الخير

وليد: اي يا عريس ساكت ليه؟

أدهم: لا ابدًا .. نسيت اقولك يا ماما انتي و فريده صح حبيبه كلمتني وقالت لي لو حابين تروحوا البيت عندهم بدري يوم الخطوبة هيبقي معاها صحابها وكده

فريده: مش عارفه ايه رأيك يا طنط

هدي: الأحسن نروح كلنا احنا لسه منعرفهمش

أدهم: براحتكم عموما.

" ادهم قام بدري واحنا كملنا عشا في هدوء عكس العادي لأن كل واحد بيحضر للخطوبة وكذا حاجه شغلاه.. "

" بعد لما طلعت اوضتي لاقيت زين كان مكلمني من بدري ومختش بالي فا رنيت عليه.. "

- زين.. معلش مختش بالي غير دلوقتي و

قاطعني: فريده..

انا مش هعرف اجي

بصدمه: زين انت بتهرج!

- لا.. انا كنت عارف ان تعاملهم هنا صعب و مسمحوش بأجازة خالص مش عارف اعمل ايه

" لاحظت نبره الحزن الشديد في صوته "

= ادهم هيضايق..وانا كمان! كنت عاوزاك تيجي لسه هستني شهرين يا زين عشان تنزل؟

- مش بمزاجي والله يا فريده انتوا بجد وحشتوني اوي وانا زهقت بس مش عايز اضيع كل الى بعمله في لحظه غضب لو عليا اسيب كل ده وانزل

= طيب اهدي.. انت معرفتوش صح؟

- لا هو بعتلي مسدج و رن عليا وانا مش قادر اقوله.. فريده انا عايزك تتكلمي معاه أدهم هيضايق اوي و مش هيبين ده عشان عمره ما بيبن مشاعره اصلا ولا بيعرف يعبر عنها.. انا عارف اني بحطك انتي كمان في موقف مش حلو.. وحاسس ان موضوع التدريب ده هيفضل يجي عليا انا كان نفسي ابقي جمبه في يوم زي ده

عيوني دمعت: مش عارفه اقولك ايه يا زين.. انا عارفه ان انت كمان مضايق بس ده مستقبلك ومفيش حاجه بتيجي سهله.. وبعدين انت قوي يا زين و انا متأكده انك هتبقي من اكبر دكاترة الجراحه في العالم كله.. مش بس مصر.. حلمك لازم تتعب عشان وتضحي

- انا عمري ما كنت هقدر اكمل كل ده من غيرك يا فريده.. انتي فاكره ان انا بس الى ببقي جمبك وبساعدك لكن انتي مأثره في حياتي اوي صدقيني وعامله فرق انا معرفش من غيرك كنت هعمل ايه

= وانا دايما معاك.. خليك عارف ده

" و بعد ما خلصنا وطمنته قفلت معاه وانا عماله افكر هقول ايه لأدهم.. "

>>>>>>>>>>>>>>>>>>>>>>>>>>>>>>>>>>

" خبطت على باب اوضته فا فتح "

- فيه حاجه ولا ايه؟

= لا.. عايزه اتكلم معاك

- ماشي.. ادخلي

"دخل وقعد على السرير وانا كنت واقفة بفرك في ايدي بتوتر فا بصلي بنص عين"

- خير يا فريده؟ عملتي حاجه؟

= للل.. لا

- طب بطلي لعب في ايدك هتفرتكيهم

= طيب.. انا كنت عايزه اقولك يعني..

هو... زين.. يعنى مـ

وقف وبصلي بأستيعاب: زين مش هيجي ؟

بصتله واتنهدت وانا بحاول اواسيه: هو حاول والله يا أدهم و قالي انوه

قاطعني: ومكنش عارف يكلمني يقولي ؟؟ مانا بكلمه من بدري !

- انا عارفه انك مضايق بس فعلا هو غصب عنه

= لا مش مضايق خليه على راحته.. انا اصلا مش محتاجه ابقي قوليله كده

" سحب الجاكيت بتاعه ومفاتيح عربيته "

- طب رايح فين .. يا ادهم اصبر !

" سابني وخرج.. كلام زين علطول صح.. ادهم طلع غضبه و حزنه بالعكس وعمل نفسه مش فارق معاه لكني متأكده انوه مضايق..! "

>>>>>>>>>>>>>>>>>>>>>>>>>>>>>>>>>

|| في كافيه وسط الجبال | المقطم ||

- ايه يا معلم بقالك زمن مش بتيجي

ادهم بصله بتعجب: ايه ده انت بتعمل ايه هنا؟

= انا باجي من وقت للتاني انت الى بتعمل ايه هنا؟

- مفيش قاعد عادى

= طب مرنتش عليا ليه طالما هتنزل..

فيه حاجه مضيقاك؟

- عادي يا مصطفى نزلت لوحدي

قعد قصاده فا ادهم بصله: انت مضايق عشان اخر مرة؟

= لا يمعلم عادي ولا يهمك.. فهمني بس انت شكلك شايط ليه؟ قولي!

- زين معرفش ينزل يحضر الخطوبة

"سكت شوية وبعدين لاحظ ضيق أدهم الشديد

فا طبطب على كتفه"

- متزعلش نفسك اكيد غصب عنه بعدين احنا معاك اهو ينجم انت اه ندل مع الشلة كلها بس كلهم اول لما تكلمهم هيحضروا في ثانيه

" فضلوا ساكتين ثواني وبعدين ادهم بصله بهدوء "

- مصطفي..

= نعم

- هو انت ايه خلاك تقول اني بحب فريده

= معرفش يا ادهم مجرد احساس.. كنتوا علطول سوا

فا حسيت! لكن واضح انوه

أدهم قاطعه: انا بحبها.

مصطفي بصله بعدم فهم: بتحبها ! ورايح تخطب غيرها؟

- و زين بيحبها

فتح عيونه بدهشه: ايه؟

ادهم بص بعيد وسرح: من اول يوم جت فيه وانا شايفها بنظره مختلفه.. مع اني كنت بفضل اضايقها واقولها زيك زي كل البنات بس هي كانت مختلفة عن اي حد عرفته.. ومع الوقت اجـ ـبرتني اخاف عليها واخلي بالي منها و افضل قريب لحد ما حبيتها.. مكنتش عارف اعمل ايه وهل مفروض اصرح بمشاعري دي ولا لاء.. فضلت خايف و متردد بس كنا كل شوية بنقرب لحد اخر حاجه.. الى حصل في المحل الى كانت فيه لوحدها.. وقتها لما وصلت القسـ ـم وشوفتها روحي رجعتلي.. اكتشفت اني بحبها بس كانت متأخر اوي وقتها كانت قريبة من زين اكتر.. ومن ساعة ما جت وهما قريبين يعني واكتشفت انوه بيحبها

مصطفي بصله بعقدة حواجب: كل ده جواك ؟؟ كان مفروض تعرفها يا ادهم !!! كان مفروض تعرفها بـ حبك ده !!! لكن دلوقتي ؟

- عارف..! انا عارف دلوقتي مينفعش.. وانا قررت خلاص هي بالنسبالي اختي و زين مينفعش يعرف اي حاجه من دي فاهم؟؟ انا عمري ما هعمل حاجه تخسرني زين و الأهم من كل ده ان هي بتحبه هو و بيني وبينك.. هو احسن لها مني!! هو فاهمها

= اختك ازاي بس؟؟ انت مش بتشوف نفسك وانت معاها؟ انت حرفيا واقع في غرامها!

بصله بعيون بتلمع: انا طول عمري متمرد.. بتاع مشاكل باخد حاجات كتير لنفسي.. باخد حاجات من زين!!

طول عمري كنت الاخ الوحش يمكن ده عقابي! وانا موافق عليه.. غصب عني هشيل حبها من قلبي يا مصطفي عشان زين ميستاهلش مني كده كفايه الى كنت بعمله معاه زمان زين طول عمره مستحملني وبيضحي عشانى.. اقل حقوقه.. انى احترم حبه ليها

- طب وحبيبه ذنبها ايه في كل ده ؟ ليه هتخطبها!!

مسح على وشها بضيق وبصله: حبيبه؟

↚

- مصطفي..

= نعم

- هو انت ايه خلاك تقول اني بحب فريده

= معرفش يا ادهم مجرد احساس.. كنتوا علطول سوا

فا حسيت! لكن واضح انوه

أدهم قاطعه: انا بحبها.

مصطفي بصله بعدم فهم: بتحبها ! ورايح تخطب غيرها؟

- و زين بيحبها

فتح عيونه بدهشه: ايه؟

ادهم بص بعيد وسرح: من اول يوم جت فيه وانا شايفها بنظره مختلفه.. مع اني كنت بفضل اضايقها واقولها زيك زي كل البنات بس هي كانت مختلفة عن اي حد عرفته.. ومع الوقت اجـ ـبرتني اخاف عليها واخلي بالي منها و افضل قريب لحد ما حبيتها.. مكنتش عارف اعمل ايه وهل مفروض اصرح بمشاعري دي ولا لاء.. فضلت خايف و متردد بس كنا كل شوية بنقرب لحد اخر حاجه.. الى حصل في المحل الى كانت فيه لوحدها.. وقتها لما وصلت القسـ ـم وشوفتها روحي رجعتلي.. اكتشفت اني بحبها بس كانت متأخر اوي وقتها كانت قريبة من زين اكتر.. ومن ساعة ما جت وهما قريبين يعني واكتشفت انوه بيحبها

مصطفي بصله بعقدة حواجب: كل ده جواك ؟؟ كان مفروض تعرفها يا ادهم !!! كان مفروض تعرفها بـ حبك ده !!! لكن دلوقتي ؟

- عارف..! انا عارف دلوقتي مينفعش.. وانا قررت خلاص هي بالنسبالي اختي و زين مينفعش يعرف اي حاجه من دي فاهم؟؟ انا عمري ما هعمل حاجه تخسرني زين و الأهم من كل ده ان هي بتحبه هو و بيني وبينك.. هو احسن لها مني!! هو فاهمها

= اختك ازاي بس؟؟ انت مش بتشوف نفسك وانت معاها؟ انت حرفيا واقع في غرامها!

بصله بعيون بتلمع: انا طول عمري متمرد.. بتاع مشاكل باخد حاجات كتير لنفسي.. باخد حاجات من زين!!

طول عمري كنت الاخ الوحش يمكن ده عقابي! وانا موافق عليه.. غصب عني هشيل حبها من قلبي يا مصطفي عشان زين ميستاهلش مني كده كفايه الى كنت بعمله معاه زمان زين طول عمره مستحملني وبيضحي عشانى.. اقل حقوقه.. انى احترم حبه ليها

- طب وحبيبه ذنبها ايه في كل ده ؟ ليه هتخطبها!!

مسح على وشها بضيق وبصله: حبيبه؟

= اه ليه هتعمل فيها كده!

- انا مش هعمل فيها حاجه.. حبيبه بالنسبالي اكتر بنت عرفتها شدتني.. و عاقلة و متربية و متستاهلش مني اني ابقي واخدها وانا بحب غيرها.. في الوقت الى قررت فيها ارجع اكلم حبيبه كنت قررت برضو ان فريده مجرد اختي..فاهمني؟

= لا مش فاهمك يا أدهم! هو بالساهل تشيل الحب من قلبك؟

- مش سهل.. لكن غصب عني شلته.. فريده هتبقي مع زين ، زين اخويا مستوعب ده؟؟

مصطفي بصله بتفكير: ولو مبقتش معاه؟ وقتها هيبقي عندك فرصة معاها ؟

ابتسمت بسخريه: لا.. فريده بتحب زين بجد!

انت مش فاهم غيابه مأثر عليها ازاي.. وحتي لو يا مصطفي.. حتي لو سابو بعض..!! هي مش هتمشي كده الموضوع اتقفل خلاص و صدقني مينفعش هو باظ من اللحظه الى زين عرفني فيها انوه بيحبها. لكن انا كنت بقاوح وكنت غلط لما بقرب منها زياده.

و على فكره انا فعلا مرتاح جدا مع حبيبه دلوقتي ولما بكلمها بحس اني أحسن ومش بفكر في حاجه تاني وببقي حابب افضل معاها وبعدين انا مش هظلمها احنا هنعمل خطوبة.. وربنا يسهل ونشوف دنيتنا ايه سوا.. بس انا لو هختار شريكة لحياتي احب يبقي حد زي حبيبه.

- هقولك ايه ربنا يريح بالك يا صحبي.

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في فيلا الجيار | مكتب عبدالعزيز ||

- خير يا جدو الداده قالت ليه ان حضرتك عاوزني.. بعدين ايه مسهرك كل ده مفروض ترتاح!

= قولت محدش بيفهم غيرك اتكلم معاه بقا

ضحكت: من ناحيه ايه بالظبط؟

- من ناحيه ان أدهم و وليد مش هيفهموا كلامي و عيال اوفر.. لكن انتي مسؤولة و هتفهميني.

= امممم مش مطمنه بس قول يا زيزو

- بصي ياستي بقا انا كل حاجه تخصني في المكتب هنا.. الحاجات الى في مكتب الشركه تعتبر ملهاش لازمه اوي يعني.. دول المكانين الى بشيل فيهم حاجتي لكن فيه مكان تاني بقا.. شايل فيه حاجات مهمه جدا و هو يخصك برضو.. وده سبب تاني يعني اني بقولك انتي بالذات عليه...

- مكان ايه؟

= اوضة جلال الله يرحمه..

بصتله بستغراب: بابا؟؟ دي انهي اوضة؟

- دي الأوضة المقفولة فوق.. هي مقفولة من وقت لما سابني وانا محبتش حد يقعد فيها.. كنت بدخلها من وقت للتاني و الداده كل فتره بتنضفها..

"طلع مفتاح من الدرج بتاعه"

- ده المفتاح بتاعها

بصتله وعيوني بتلمع: ده ليا؟! يعني ممكن ادخلها؟

- اه يا فريده.. و خليكي فاكره اي حاجه مهمه هتبقي في الاوضة دي ، الاوضة دي غالية.. وانا عارف انك اكتر حد هيفهم ده.

هزيت راسي بهدوء: شكرا يا جدو.. هو .. انا ينفع ادخلها دلوقتي!!

= أكيد يا حببتي

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في المانيا | داخل الكلية ||

" حوار مترجم "

- مش فاهم حضرتك يعني ايه؟

دي مجرد اجازه مجرد تلت ايام بس يعني

= ده النظام.. مفيش اي اجازات

- ازاي؟ بعدين انا لقيت قرار جديد نزل اني هرجع في شهر 1 مش 12 ؟؟

= الرجوع في شهر واحد ده نظام السنه الى فاتت دلوقتي نظام جديد

- تمام بس حضرتك كده بتتكلم في تدريب وقت الدراسة ؟ وانا مش هكمل السنه الأخيرة هنا! انا هكملها في مصر؟؟ فا مش هقدر أكيد ابقي بدرس هناك واجي اتدرب هنا؟

= ده النظام.. وقت الدراسة بيكتمل التدريب.. بس بعدد ساعات أقل.

" زين مسح على شعره بعصبيه و خرج من المبني الإداري عشان يكمل الى بيعمله.. و وقتها كان وصل لدرجه عصبيه موصلهاش قبل كده..! لحد ما لقي أدهم بيكلمه "

" زين اتردد يفتح عليه ولكن فتح "

- الو..

" لقي ادهم ساكت فا اتنفس بهدوء واتكلم "

- انا عارف.. عارف عايز تقول ايه و انك شايفني ندل بس والله غصب عني انت مش فاهم انا بقيت محطوط في مواقف عامله ازاي.. انا مبقتش قادر استحمل..

"أدهم لمح في صوته نبره عمره ما سمعها قبل كده"

- مالك يا زين ؟ حصل ايه معاك؟

زين بتعب: عارف لما تحس ان كل الى بتعمله فجأة ملوش لازمه! لما تحس انك حملت نفسك فوق طاقتها مشيت في طريق.. وفجأة في نصه مبقتش قادر تعبت! ومش عارف ارجع ! ولا عارف اكمل.. واقف في النص عطلان! وتايهه!!

- زين اسمعني.. انت مش كده مش انت الى تستسلم وتشوف الدنيا سوده بالشكل ده.. انت طول عمري ايجابي اوعي تخلي السلبية تأثر عليك فاهمني؟ كمل الطريق الى اختارته! انت هتوصل وانا واثق فيك!

متخليش اي حاجه توقفك ولا تحس انك تايهه انت صح

" دموعه نزلت من كلام ادهم معاه ومسحها "

- انا آسف يا أدهم

= لا يا زين.. انا الى اسف.. على كل حاجه..

- انت مغلطتش!

= محدش مبيغلطش يا زين.. المهم نصلح من نفسنا..

كمل الى سافرت عشانه.. ومش مهم الخطوبة

انا مش هحدد معاد الفرح يعم غير تنزل واشوفك بعيني ويمكن نتجوز سوا

ضحك: سوا؟ ازاي

= انا و انت و فريده و حبيبه.. ولا انت ناوي تفضل سايب البنت كده؟

زين مسح دموعه وضحك: انا كنت عايز نتجوز واسافر انا وهي اصلا

أدهم ابتسم: شوف الواد!! ماشي يعم كلها شوية وترجع.. والى انت كنت خايف منه ملوش وجود فريده لسه بتحبك يا زين.

- وانت ايه عرفك بقا؟

= هو انت مستهون بيا؟ ده انا ادهم الجيار!

ضحك: صح معاك حق

- شد حيلك كده واجمد انا في ضهرك.. ومش زعلان فا مش عايزك تشيل هم حاجه فاهم؟ رد ياض فاهم

= فاهم يعم

" وبعد ما خلصوا كلام ادهم خرج من عربيته و دخل الفيلا.. ملقاش حد موجود فا طلع اوضته ينام.. ومدورش على فريده زي ما متعود.. "

>>>>>>>>>>>>>>>>>>>>>>>>>>>>>>>>>>>

صلي على محمد♡

" الايام فاتت و جه معاد الخطوبة.. البيت كله كان مقلوب يومها طبعا خصوصا ان الأغلبية ولاد! كنت حاسه بشرود ادهم يومها.. لأن نصه التاني يعتبر مش موجود خبط على اوضته و قالي ادخل فتحت الباب وكان بيعدل القميص بتاعه و ملامحه حزينه.. بس بيحاول يداري.. "

- ايه الأخبار

= انتوا لسه ملبستوش؟

- كله جاهز فاضل الفستان

بصلها بتركيز: مالك فيه حاجه؟

= انا تمام انت تمام؟

ادهم بتمثيل الامبالاه: ايوه عادي مفيش حاجه

"فريده قربت وحضنته وادهم فضل واقف متحركش"

- انا عارفه انك مضايق عشان زين مش معاك انهارده.. وانكم كنتوا دايما سوا بس احنا كلنا حواليك.. وهو شوية وراجع! هو بجد بيحبك يا أدهم و ده غصب عنه

ادهم بصلها بهدوء: عارف..

هزيت راسي: هاروح اكمل لبس..

>>>>>>>>>>>>>>>>>>>>>>>>>>>>>>>>>>>

يزن: يااااني انا لسه ماسح الجرْمه راحت فين !!!

يونس: تقصد دي؟

يزن بص على رجله: اقلع ياض!!

يونس: متبقاش قفوش امسح التانيه وخدها ما الاتنين شبه بعض

" سابه ومشي و يزن قعد يشتم فيه "

يوسف: الله! ايه الشياكه دي يا زيزو

عبدالعزيز: ولد ؟

يونس: بصراحه شياكه شياكه

وليد: دي اقل حاجه عنده

يوسف: اوبا وليد باشا كمان طالع لابوه!

" ضحكوا و بعدها ادهم نزلهم.. "

ادهم بستغراب: بتكركر على ايه يا هايف منك لي؟

يوسف: كنا بنقيم الاوتفيت وانت كسبت

ادهم بغرور: ده كدا كدا يابني انا

يونس قاطعه: ادهم الجيار عارفين.. ما احنا من نفس العيلة والله يونس الجيار و يوسف الجيار مع حضرتك

ضحك وبصله: بس مش ادهم الجيار.

وليد: طب ايه فاضل مين ؟

يوسف: فاضل يزن عشان يونس خد جزمته فا راح يجيب التانيه

أدهم: فين ماما و فريده

وليد: الستات يومهم بسنه انا بقول نمشي ويبقوا يجوا ورانا بقا

"يزن راح عندهم"

يونس بصله: تسعه مش عشره للاوتفيت

يزن بسخريه: وانت ماينص من عشره

أدهم: اتفق.

" كانوا واقفين و هدي و فريده و هبه و ناديه نازلين على السلم.. يونس تنح اول لما شافهم "

- يلهوي.. مليون من عشره !

" كلهم بصوا عليهم بالذات هدي و فريده عشان .. كانوا لابسين فستان من درجات البينك. هدي بينك فاتح و فريده اغمق شوية.. وكان شكلهم حلو جدا "

يزن: ايه الحلاوة دي!

فريده: حلوين؟

يونس: ده احنا مشوفناش اوتفيتات والله

ادهم: طب يلا؟

يوسف: يلا بينا

" خرجوا عشان يركبوا العربيات و أدهم لقي هدي بتركب هي وفريده و هبه و ناديه في عربيتها بص لعبدالعزيز فا ميل راسه بمعني اطمن.. "

>>>>>>>>>>>>>>>>>>>>>>>>>>>>>>>>>

استغفروا

|| في الزمالك | بيت حبيبه ||

" وصلنا و كنا شايفين تزيين البيت من بره.. و طلعنا وبعد ترحبيات كتير قعدنا و لاحظنا صوت اغاني بدون موسيقي مع طبل.. الجو كان لذيذ اوي وهادي و كل تفاصيل الديكور بجد لطيفه.. فكرة ان الواحد يلاقي بيت بسيط فيه كل التفاصيل والدفا ده حلوة!! و بعد دقايق خرجت حبيبه.. و كل الى فات كوم و حلاوتها بالفستان كانت كوم تاني.. الى اول لما ادهم شافها تنح.. "

يوسف: معلم روح خدها واقعدوا بقالك ساعه متنح

أدهم: احمم.. اخرس

" قعدوا جمب بعض على كرسين معمول وراهم ديكور لطيف و انوار و ورد

طنط هدي راحت تسلم عليهم ولاحظت معامله جدتها اللطيفه على عكس ما ادهم قالي.. مكنش فيه غيرنا و بنت كمان صاحبه حبيبه و عمها.. وقتها حسيت انها شبهي اوي في وحدتها! "

فريده: مبروك الف مبروك يا قمر

حبيبه بأبتسامه: الله يبارك فيكي عقبالك

" روحت قعدت جمب يزن الى عمال يناقر في يونس"

أدهم: شكلك عسول

- شكرا

= طب وانا ايه رأيك؟

↚

- حلو

= تؤ.. حلو بس؟ طب قدري اني مغرور طيب!

- شكلك بجد جميل.. انا عايزه اقولك على حاجه اصلا

ابتسم لها: قولي

= من وقت لما شوفتك وانا بفكر فيك برضو.. ومكنتش مصدقه ان لسه في حد زيك انوه انت دافعت عني و كنت خايف عليا و حتي لما جيت هنا تطمن عليا و لاقيت شهاب.. وصْربته.. بس لما اتـ ـعورت بسببي حسيت ان حياتي معقده اوي على انك تدخلها وتبقي جزء منها

بصلها بحنان: حبيبه متقوليش كده كلنا عندنا مشاكل! وانا حياتي معقدة يمكن اكتر منك عشر مرات..!

وبعدين انا حتي لو مكنتش معجب يعني.. كنت برضو هعمل كده مع اي بنت.. احنا اتربينا على ده

وبعدين مش عاوزك تخافي من اي حاجه بعد كده اولهم الواد العبيـ ـط ده انا لو مسكته هعجنهولك عشان كان سبب اني اشوف في عيونك خوف

ردت وعيونها بتلمع: انا مبسوطه اننا سوا يا أدهم... وفيه كلام كتير عايزه اقوله بس..

ادهم قاطعها وبصلها بحب: بس كفاية كده عشان ممكن اقوم اقولك بحبك قدامهم

برقت بتعجب: ايه!

- انا بقول ممكن مقلتش حاجه.

" قاطعهم عبدالعزيز و راح يسلم عليهم "

- مبروك يا حبيبي مبروك يا بنتي

حبيبه بفرحه: الله يبارك في حضرتك.. مبسوطه جدا اني اتعرفت على حضرتك حقيقي ليا الشرف

أدهم: حبيبه من اكبر المعجبين بيك يا جدو

عبدالعزيز بأبتسامه: يا سلام هو انا اطول

" وعلى الناحيه التانيه كانت صاحبتها جايبه الحاجه الساقعه و يزن و يونس بيزقوا بعض فا يزن خبطها و وقعت و الحاجه ادلقت عليها "

حبيبه: يا لهوي مريم

يزن: ينهار اسود انا آسف اوي

" شال الحاجه الي وقعت و يوسف راح قومها "

- احنا آسفين هاتي ايدك

مريم بغضب مكتوم بصت لحبيبه: الفستان باظ!

حبيبه حاولت تكتم ضحكتها: طب تعالي معايا قومي

يوسف بص لزين و يونس: بقي الفستان الأحمر الشيك ده يدلق عليه حاجه ساقعه اتفو عليكم عرر

ناديه بأبتسامه بتداري بيها الغضب:

ده انا هطلع عينكم لما نروح اصبروا

هبة: شوية اطفال واخدين شوية أطفال

يوسف: لو سمحتي يا امي انا واقف مؤدب

ادهم: منكوا لله..

" حبيبه رجعت بعد ما ساعدت مريم تنضف فستانها "

أدهم: ايه الاخبار؟

حبيبه: متقلقش حصل خير

أدهم بأحراج: و عشان تبقي عارفه يعني هي دي حياتنا بختصار العيله مفهاش حد هادي غير زين اخويا وفريده

حبيبه ضحكت: متقلقش انا برضو بتاعت مشاكل اوي

أدهم ابتسم: لا انتي براحتك

ضحكت: احمم احمم تيته

"أدهم قام وقف لما لقاها قربت ناحيتهم"

- عمها بيقولي انك عايز انزلوا تجيبوا الدبل!

= اه ياريت عشان نلحق نتصور سوا

- انا بحضر الأكل اصبر شوية ما تقوليلة يا حبيبه؟ انتي مش معرفاه؟

حبيبه: ءءء انا نسيت

بصت لادهم: طالما كلكوا هنا و جايين من طريق فا لازم ناكل سوا يعني..

- يا سلام.. خلاص نستني طبعا.

" وفعلا قعدوا شوية و بدأو يحطوا الأكل و فريده قامت تجيب ليهم و مريم راحت حطت اطباق قدام يزن و يونس وبصتلهم بنص عين.. "

يوسف: طب وانا!

- حاضر ثواني

"راحت جابت له طبق ورجعت"

يوسف بأبتسامه: شكرا.. و على فكره الفستان لسه شكله حلو

مريم ضحكت: بالبرتقال؟

- اه.. بالذات بقا بالبرتقال

ابتسمت: ماشي..

يونس: احممم خير؟؟ شايف تعطيف و تلطيف

يوسف: ايه؟ بصلح ما افسده اخوك

يونس: لا حنين.. حنين اوي ياض

يوسف: وانت بومة

فريده: ارحموا نفسكوا بقا شوية!

"حبيبه راحت جابت لأدهم طبق ورجعت"

- يا خبر.. بنفسك

= دوق وقولي رأيك

" كان الطبق فيه ورق عنب و محشي بتنجان وبانيه

و جلاش لحمه مفرومه أدهم داق منهم وعجبه جدا "

- ده تحفه.. حلو اوي!

ابتسمت بفرحه: بجد!

- أيوه بجد

= انا الى عمللاه..

بصلها: لا انا بقول ننزل نكتب الكتاب

" كنت شيفاهم سوا وهما جمب بعض.. وكانو لايقين على بعض اوي! ادهم حد عصبي شوية و مهيبر.. حبيبه هاديه و شكلها عاقل فا حقيقي حلوين اوي سوا"

" بعد ما خلصنا نزلنا عشان يختارو الدبل و روحنا نتصور كمان وكانت اجواء جميلة.."

" و بعد يوم طويل ومفرهد رجعنا الفيلا كلنا.. وكله كان عامل زي الفرخه الدايخه من كتر اللف و الفرك..! اتصورنا صور كتير اوي قررت اهدي كده واروق وابعتهم لزين.. و بعد ما ارتحنا تحت كان مفروض كل واحد هيطلع بقا يغير ويخدله دش.. بس ده كان قبل ما نسمع صوت الجرس.. الساعه 12 بليل! "

" الدادة فتحت الباب وانا كنت واقفة على اول سلمه فا بصيت اشوف مين.. ومكنتش مصدقه عنيا.. كنت حاسة اني بحلم.. لاقيته زين بشنطته واقف قدامي !"

" نزلت جري وانا بصوت من الفرحه و روحتله"

- زين !!!!!!!

حضني وهو بيضحك: وحشتيني يا فيرو !!

مسكت فحضنه جامد: وانت كمان يازين!!!! وحشتني اوي

" بعدها هدي جريت عليه و أدهم حضنه بقوة وفضل حاضنه كتير!! كنت هعيط من المنظر والله و الكل حرفيا بقي يحضنه بقوة ومحدش مصدق وجوده..! و بعد سلامات كتييير و احضان كتيير اوي قعدنا كلنا سوا "

زين: انا سمعت كلامك اهو يا زيزو

" كلنا بصينا لجدو بعدم فهم "

وليد: هو يقصد ايه؟

# فلاش باك

- ايوه يا زين ايه اخبارك يحبيبي

= كويس يا جدو حضرتك عامل ايه وصحتك ايه اخبارها

- انا كويس يا سيدي.. بس عايزك

= قولي يحبيبي محتاج ايه

- عاوزك هنا يا زين..

= تقصد في مصر ؟ عاوزني انزل؟

- ايوه

= ليه حصل حاجه!؟ انتوا كويسين

- اهدي احنا بخير.. انا بتكلم عن خطوبة اخوك.. مش هينفع متبقاش موجود وانا شايف ان كفايه لحد كده.. مش خلصت الترم التاني؟

= أيوه.. انا مش عارف اقولك ايه.. معنديش حجج

- زي ما انت خت برأيي قبل ما تسافر و قولت ان كلمتي هتمشي.. انا عاوزك دلوقتي تيجي على نفسك و تمشيها و كمان انت وحشتنا ازاي قادر تقعد كل ده من غير ما تشوفنا ؟ و لو على موضوع التدريب انا رتبته هتكمله هنا في الجامعة البريطانية

زين بهدوء: حاضر يا جدو..

باك #

زين: جدو طلب مني انزل.. وانا اصلا مكنتش قادر وما صدقت! انا مهما وصفت العيشة هناك صعبه ازاي محدش هيستوعب بجد فا خلاص خت قراري وجيت بس واضح اني ملحقتش الخطوبة برضو..

هدي بدموع: المهم انك رجعت يا حبيبي!

يونس: دي حقيقة.. انت وحشتنا اوي بجد.. اوعي تسافر تاني في عمرك يا زين

"كان ملاحظ سكوت ادهم فا قال ينكشه"

ضحك: مش عايز اقولكم بقا ادهم كان بيكلمني يقولي ايه ادهم باشا الجيار بنفسه

أدهم: احمم طب انا بقول تيجي معايا فوق

يزن: لا بقولك ايه خلي اليوم الحلو ده يكمل وخلينا قاعدين سوا

ناديه: احنا عاوزين نغير الأول

يوسف: محدش هيتحرك من هنا المكان كله مفحْم

عبدالعزيز: انا عايز العلاج بتاعي

يوسف: جدو بس الى يتحرك

هبه بتريقه: معاه حصانه ولا ايه

يوسف: متهزريش تاني يا امي ارجوكي.

" ضحكنا عليهم.. وكملنا فعلا السهره مع بعض كلنا

التعب فجأةه كله راح و النشاط دب فينا واحنا مع بعض عشان خاطر رجوع زين..! وانا كنت طايرة من الفرحه! فضلنا سهرانين لحد الفجر تقريبا!! وبعدها كله بدء يسقط وينام.. "

" وقبل ما اطلع اغير زين نده عليا وخرجنا الجنينه "

- قوليلي بس الاول ايه الحلاوة دي بجد؟؟

ضحكت: متهزرش بقا ده انا الصبح كنت احلي دلوقتي الميكب نصه راح و الفستان كرمش شوية و

قاطعني: انتي حلوة بجد في اي حالة يا فريده

ابتسمت بكسوف: وانت كمان.. ازاي احلويت كده؟ اوعي تكون كنت بتتعاكس يا أستاذ

بصلي بصه طويلة فا ضحكت: ايه بتبصلي كده ليه

- مفيش في قلبي غيرك بجد.. ولا عيوني بتشوف حد احلي منك

عيني دمعت وحضنته: انا مش مصدقه بجد انك معايا اخيرا.. مش متخيل وحشتني ازاي

بص لملامحي بتأمل وبعدين لمس على خدودي: متعيطيش طيب يا فيرو

- متسبنيش تاني!

= مش هيحصل والله

- طب بقولك ايه ادهم زمانه خرج من الحمام روح بقا شوفه واتكلم معاه.. وانا هطلع اغير

= متناميش!

- انا مش هنام لسنه قدام.. هفضل قاعده معاك!

ضحك: هعتبر ده وعد.

>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

" طلع و فتح اوضة ادهم ودخل وهو كان بيلبس "

- يخربيتك خضتني!

" كمل لبس التي شيرت وبعدين راح قعد وبصله "

ابتسم: انت مجنون على فكره.. ضيعت الشهرين ونزلت؟

- مش مهم.. انتوا اهم و على فكره الموضوع كان بوخ و اوفر.. وانت وحشتني مقدرتش..

"أدهم قام وحضنه بقوة"

" بعدين راح طلع الجاكيت من دولابة فا زين ضحك"

- مش مصدق والله الجاكيت بشوكته.. صح استني خليك هنا لحظه طيب..

" نزل وفتح الشنط بتاعته وطلع منها علبه وبعدين طلع له تاني "

- امسك يا معلم هديتك اهي.. وصارف ومكلف

"أدهم بصلها وفتح العلبة وتنح بعدين قعد يضحك"

زين بعدم فهم: هي الهدية بتزغزغك؟

" فتح دولابة وطلع علبة وراها لزين"

- دي هدية فريدة

زين وقتها ضحك: دي جيبالك نفس الساعه.. ايه ده!

أدهم ابتسم: انتوا زي بعض في كل حاجه كده..

زين بسرحان: لسه بحبها.. وهي تقريبا لسه بتحبني

- انت عبيـ ـط تقريبا ايه؟ انجز حدد معاد الخطوبة خلينا نخلص منك انت كمان

" الباب خبط فا زين فتح و لقاها فريده "

- هو هيخدك مني بقا ولا ايه؟

أدهم: ده هيبات معايا كمان عايزه ايه؟

= عموما انا هعديها ها. عشان كنت قالب وشك الصبح و شوية و هتعيط

زين فضل يضحك: هو انتوا بجد لسه بتناقروا قصاد بعض بجد؟؟

ادهم: هي الى قارشه ملحتي

فريده: فاقشه ايه؟

زين: لا متحاوليش ده بيقول كلام عتيق متعلمه من جدو

فريده: طب انا هتنازل و اسيبهولك بس عاوزاه دقيقة

ادهم: دقيقة واحده؟

فريده: اه

ادهم: لا

فريده بصت لزين بقمصه: يا زين!

زين: حاضر جي اهو..

ادهم: الاخوات في اجازه والله.. انا رايح اكلم حبيبه.

>>>>>>>>>>>>>>>>>>>>>>>>>>>>>>>>>>>>

" دخلنا اوضته و روحت طلعت الدفتر "

بصلي بفرحه: كتبتيلي فيه حاجه؟

= كتبت كتير اوي.. بس فيه حاجه لازم تشوفها الأول

" فتحت صفحه معينه و اديته الكتاب.. و ابتسامته بدأت تتلاشي وهو بيقرا.. بصلي بصدمه "

- ايه ده؟؟!!

↚

" دخلنا اوضته و روحت طلعت الدفتر "

بصلي بفرحه: كتبتيلي فيه حاجه؟

= كتبت كتير اوي.. بس فيه حاجه لازم تشوفها الأول

" فتحت صفحه معينه و اديته الكتاب.. و ابتسامته بدأت تتلاشي وهو بيقرا.. بصلي بصدمه "

- ايه ده؟؟!!!!

= هفهمك

" بدأت احكيله كل الى حصل يوم لما خرجت اشتري هدية لأدهم و كنت هتحْـ ـطف.. "

كان مصدوم تماما و باصص لي بدهشه و إنزعاج: انتي بتهزري؟؟. ازاي معرفش حاجه زي دي !!! ده انتوا كلمتوني وكلكوا قعدوا تتعاملوا عادي!!

- ممكن تهدى بس يا زين وتخليني اكمل؟

= تكملي ايه يا فريده بس؟؟ تكملي ايه؟ كان مفروض اعرف!! ده انا قايلك لو حصل اي حاجه تعرفيني بالذات لو تخصك انتي!

- زين انا مكنتش عايزه احْضك وانت بره لوحدك!

انت لو مكاني مكنتش هتعرفني!

بعدين جدو و ادهم قالولي لي بلاش نعرفك.. انا كنت محتاجه اقولك معرفش ليه.. بس.. بس انا وقتها مفكرتش غير اني كنت محتجاك.! صدقني مكنش قصدي اخبي او

قاطعني: انا اسف اني مكنتش موجود! مكنتش عاوز ابدا حاجه زي كده تحصلك في غيابي

مسك ايدي وبص لعيوني: انا اوعدك ان ده عمره ما هيتكرر وانا والله ما ههدا غير لما اشوف ابن ال**** ده

- اهدي اصبر ما انت مخلتنيش اكمل! هو محبو س دلوقتي! وانا كويسة اهو متقلقش ! هو البودي جارد بتوع جدو لحقوني ومحصلش حاجه انا بس كنت محْضوضه..

- كل ده بسبب المؤتمر بتاع شهر 12 انا متأكد

بصتله: اوعي تقولهم اني عرفتك!

= حاضر يا فريده

- طب خلاص بقا متقلبش وشك.. كمل باقي الحاجات الى كتباها

بصلي بنص عين: هلاقي مفاجآت تانيه؟؟؟

ضحكت: تؤ.. خلاص كده

" فتح اول صفحه وبدأ يقرا و كل شوية يبتسم ويبصلي.. وكان ماسك ايدي و ماسك الكتاب في الايد التانيه لحد ما وصل عند صفحه معينة وانا عامله عليها نجمه فا شديت الكتاب منه "

- لا اصبر!!

= فيه ايه!!

- لازم انا الى اقراها دي

ضحك: ماشي.. قولي

خت نفس وخرجته: فاكر يوم لما كلمتك و قولتلك اني عايزه اقولك كلام كتير.. بس عاوزك تبقي جمبي؟ وقتها يا زين كنت متأكده.. بنسبة 100% اني بحبك! انا استنيت مشاعري تتغير زي ما قولت.. وافتكرت ان كلامك صح واني بس متعلقه بيك عشان انت اول حد يكون جمبي.. لكن محصلش.. انا بحبك عشان انت زين! عشان فاهمني.. قادرين نتفاهم وعمرك ما سبتني زعلانه كمان بحب خوفك عليا.. وعصبيتك لما اعمل حاجه غلط بس بحب اكتر حنيتك بعدها وانت بتأكدلي انك بس مضايق عشاني ومش عاوزني ابقي في موقف وحش.. عموما انا لو كتبت قد الدفتر ده 10 مرات مش هوصف انا بحبك قد ايه..

" زين حرفيا عيونه عملت قلوب و فريده وشها كان احمر تماما.. مسك ايدها وباسها.. وبعدين راح جاب دفتر تاني هو كمان"

بصتله بدهشه: متهزرش.. انت كمان كتبتلي حاجه؟؟

- تقريبا كتبت نص الدفتر بس برضو فيه صفحه مميزة.. هقرأ لك دلوقتي..

"بصتله بأهتمام"

- فيرو.. بنت عمي الشقية..! اول لما جيتي هنا و شوفتك كنت حاسك تايهه فاكر اليوم ده كويس و فاكر حركاتك وقد اي كنتي متوتره.. لحد ما قررتي تخرجي و تجري و تسبينا! فا روحت وراكي بسرعه.. وقولتلك ترجعي معايا رفضتي وكنتي متعصبه جدا.. عرفت وقتها انك عنيده لكني حاولت و انتي وثقتي فيا و اتمشينا سوا..

من اليوم ده قررت افضل جمبك.. و ابقي اكتر حد بيدعمك كنت بقول احنا ولاد عم و ده واجب عليا لكن مع الوقت وقعتيني..

مبقتش عارف اتخيل شكل يومي من غيرك حبيتك بطريقه عمري ما كنت اتخيل اني هحبها لحد..

كنت بخاف عليكي اوي وبخاف على زعلك عشان كده كنت بفكر كتير قبل ما اقولك اي كلمه.. او اعمل اي فعل... خصوصا انك كنتي بتثقي فيا وكنت حاسس اني ملجأك.. فا محبتش ابوظ ده لكن وقتها خوفت اخذلك و خوفت يبقي الى بينا مجرد تعود وانا بس فاهمك غلط خوفت اخسرك او اخيب ظنك فا اخبي مشاعري و ابعد.. لحد ما تعدي كل الى انتي فيه وتبقي كويسه وقادره تكوني في علاقة و تقرري عاوزة ايه.. و كنت كل لحظه بعيد عنك.. حبي ليكي بيزيد.. كنت بفتكر جـ.ـنانك و عنادك وضحكتك..

" ساب الدفتر من ايده وقرب ناحيتها "

- وجيت انهارده اقولك.. اني بعد كل ده اخيرا.. بحبك.. بعدد نجوم السما.. وبعدد السمك في البحر.. و كمان بعدد المجرات في الكون..

"بصتله وانا عيوني مدمعه وبعيط فضلت احاول اهدي لكني مش قادره!! "

مسح دموعها وابتسم: فيه ايه طيب؟ طلعتي مش بتحبيني ولا ايه

ضحكت من بين دموعي: انا.. ممـ...

- طب اهدي طيب براحه قولتلك قبل كده بلاش عياط مش بحبك تعيطي!

بصتله: انا كنت خايفه اوي منبقاش سوا بعد كل ده يا زين كنت خايفه من اللحظه دي جدا خايفه تبوظ!! لكن دي احلي لحظه في حياتي انا بجد بحبك اوى

= فيه لحظه تانيه بكره هتبقي أحلي..

- ايه هي؟

= مفاجأة بقا.. دلوقتي نامي عشان عيونك شكلها تعبان ومرهق و فيه معاد فطار الصبح وانتي عارفه مواعيد جدو مقدسه..

مسح على عيوني بأيده: والعيون الحلوة دي متعيطش تاني حتي لو دموع فرح!

ابتسمت: حاضر

" روحت اوضتي.. ومحتاجه اعرف حالا ازاي الواحد يجيله نوم بعد ما حبه الوحيد يعترفله انوه كمان بيحبه! فتحت نور الاباجورة ومسكت الدفتر اشوف الى كاتبه فيه! اكيد مش هعرف انام! "

>>>>>>>>>>>>>>>>>>>>>>>>>>>>>>>>>>>

صلي على محمد

|| تاني يوم الصبح | قبل الفطار بدقايق ||

- انا ظبطلك كل الورق اهو هتبدء براحتك في الكلية بعد أسبوع وهو شهر واحد تدريب

= والله مش عارف اقولك اي يا زيزو

- متقوليش حاجه ياسيدي المهم انك رجعت وبقيت وسطينا

= دي اهم حاجه فعلا تعرف ياجدو.. انا كنت عايز ارجع بس مستني حد يقولي او يجبرني حتي لأني كنت تايهه ومش عارف اتحرك

- انا عارف شغفك في الطب يا زين بس بلاش تضغط على نفسك بالشكل ده تاني عشان متكرهش الى بتحبه

ابتسمت: حاضر يا جدو.. يلا بقا معاد الفطار

- يلا ياحبيبي لا اصبر صحيح

= ايوه؟

- انت ايه مش ناوي تخطب انت كمان.؟

= ختها من على لساني يا زيزو

- هوفر عليك اكتر .. انت وفريده

زين بصله بأرتباك: احم مالنا

= ايه ده هيصيع على جده شكله..

ضحك بإحراج: هو يعني..

- لو فاكرني عايش كده كيس جوافة تبقي غلطان!

= لا محدش يقدر يقول كده

- طيب.. ها هتتحرك امتي

= ده مفيش اي صدمه حتي؟؟

- انا عارف من بدري ياحبيبي من بدري اوي فا مش مصدوم خالص لا

= وايه رأيك طيب؟

ابتسم بسعادة: مش قادر اوصفلك فرحتي.. و فخري بيك قد ايه عشان عارف انك جمبها بالطريقه دي انت قد كده بتحبها يا زين؟

زين بفرحه: بحبها اوي يا جدو..

- طب امسك نفسك شوية

ضحك: طيب عموما بقا.. انا كنت ناوي اتحرك انهارده اصلا بس هحتاج اسرب فريده واتكلم معاكم اصل فيه خطه معينه

= ومالو ماشي.. تعالي بقا نفطر.

>>>>>>>>>>>>>>>>>>>>>>>>>>>>>>>>>>

" خرجنا نفطر و خلاص بما اني اتكشفت لاقيتها قاعده فا قعدت جمبها وانا ببتسم "

- صباح الخير

أدهم بغمزه: صباح النور ياحبيبي

"فريده ضحكت و زين بصله بنفاذ صبر"

يزن: منور

زين: بنورك

يوسف: منور

زين: الله؟ هو فيه ايه؟

يونس: ولا حاجه هو فيه حاجه يرجالة؟

زين ميل على ادهم: هو جدك فضحني؟

أدهم: حبيبي انت فضحت نفسك لما حضنتها امبارح ونظراتكم يعني.. مفيش كده

زين رجع مكانه وقال بقلة حيله: دي كملت حلو اوي..

فريده: ايه فيه ايه؟

- لا مفيش كلي لانشون.. وايه عينك دي مش قولتلك نامي؟

= مانا.. هقولك مانا نمت

- نمتي الساعه كام؟

= يعني.. هو هقولك.. احم.. مش فاكره

- ماشي اصبري عليا اخلص من الحفله الى معموله على حسي دي بس

= ايه؟ مش فاهمه

- كلي لانشون

هدي: يا سلام يا زين لو تفرحنا انت كمان زي ادهم

زين بصلها وعيونه مفتوحه: انتي كمان يا ماما امممم.. طب كلي جبنه يا ماما كلي..

" واخيرا خلصنا فطار و خت يزن على جمب "

زين: حبيب قلبي انت ابن عمتي المفضل

= انت اتفضحت خلاص عاوز ايه

↚

- تفو.. عاوزك في موضوع تاني

= ماشي على حسب قول

- عايزه تاخد فريده و تلهيها في اي حاجه بره

= سهله

- رجولة هشلهالك دي خد بالك.

= خلصانه.

" وفعلا يزن خد فريده بره و فضلوا بتاع نص ساعه لحد ما زين قالهم هو عاوز ايه.. وبعد كده ادهم خرج عشان يروحوا الشركه هو و وليد"

يزن: انا هاروح اشوف حالي بقا وزي ما اتفقنا..

فريده: ماشي

- ايه ده أدهم استني انا مش هاجى معاكم؟

= لا يا لمضة روحي بصي على عينك عامله ازاي ريحي انهارده..

" سابني وخرج.. مالها عيني؟"

" طلعت اوضتي وبصيت في المرايا ينهار ابيض"

"ازاي محستش بيها بتوجعني بكل الورم و الحمار ده"

" الباب خبط فا فتحت لاقيته زين ومعاه كيس تلج و قطره "

- تعالي تعالي هتروحي فين

= لا بجد بقا التلج ده بيوجعها اكتر

- مانا قولتلك نامي! و ريحي!

بصتله وانا ببتسم: كنت بقرأ في الدفتر

- اممممم و قريتي لحد فين

= كله

- ينهار ابيض كله! قريتي بتاع ست سبع شهور في كام ساعه

بصتله بدون مقدمات: بحبك

زين بصلها: بس بقا عشان انا مش همسك نفسي كتير ها ؟ ماشي؟ امسكي بقا كده حطي التلج ده

"ضحكت جامد على طريقته فا بصلها وهو متنح"

- فريده ولا حتي تضحكي الضحكه دي تاني اسكتي

= الله! اعمل ايه؟

- روحي اتنقبي يا فريده اوعي كده انا خارج

= خد بس الله!

"ضحكت و هو خرج.. و كان قلبي بيرقص من السعاده وحاسه اني عايزه افضل اتنطط..!! حطيت تلج وقطره و بعدها ادلقت طبعا لأني كنت مرهقه ومنمتش.. "

>>>>>>>>>>>>>>>>>>>>>>>>>>>>>>>>>>>>

صلي على محمد.

|| بعد ساعات | في جنينه الفيلا ||

يزن: اخوك اتأخر ليه فات 8 ساعات اهو و مفروض انوه خلص شغل انت مش مأكد عليه يجي بدري؟؟

زين: مش عارف هكلمه

" لسه هيقوم يشوف موبايله لاقاه داخل عليهم "

- انا طالع اغير عشان

زين قاطعه: لا طالع فين اهدا كده لما ننفذ الخطه الأول

= طب انا كنت عايز اقابل حبيبه

- يبني ماهي جايه هي وصاحبتها امك عزمتهم جماعه حد يفهمه ده هيتعبني انا طالع انادي بقيت العيلة

" زين طلع جمع العيله كلها تحت و فريده كانت في اوضتها نايمه لسه.. الكل قعد تحت برسمية و زين قال لـ يزن يطلع يصحيها و يقولها ان في ضيوف مهمين تحت.. وفعلا قامت وبدأت تلبس ولما نزلت لقت العيله كلها قاعده و لابسين لبس خروج رسمي.. "

بصتله بدهشه وانا بفرك عيني: انتوا خارجين ولا ايه؟ ومين الناس الى جايه.

عبدالعزيز: اقعدي ياحببتي الناس قدامك اهي

فريده بصت: مش فاهمه حاجه..انا لسه نايمه ولا ايه

عبدالعزيز بجديه: فيه ولد اسمه زين كده.. جي وجايب مامته و اخوه.. و وليد طبعا الوالد.. وجايين عاوزين يخطبوكي رأيك ايه؟

فريده ضحكت: انا مش فاهمه هو فيه ايه..

وليد: جايين نطلب الانسه فريده.. للدكتور زين ها يا انسه فريده قولتي ايه

يوسف بتمثيل الشك بص لفريده: احنا مبدئيا قولنا لهم اننا هنسأل عليهم الأول و علي ابنهم..

يونس بأستفزاز: والاهم نسأل على ادهم اخوه الكبير اصلي مش مرتاح له..

فريده فضلت تضحك: هو انتوا بتتكلموا جد؟

عبدالعزيز بجديه: انتي شايفه ايه؟ ها قوللنا رأيك

فريده بصت ناحيه هبه وناديه بكسوف: انتوا ايه رأيكم؟

ناديه بغيظ بصت ناحيه هدي: مش عارفه مش قد كده

هدي برفعه حاجب: مين ده الى مش قد كده يختي ما تشوفي جوز الارانب بتوعك

يونس: الله الله الله !! انا بتهزق

يزن: وانا كمان..

هبه بتكبر: فريده بنتنا كانت عايزع تتجوز مهندس مش دكتور

هدي: بقولك ايه يا هبه اسكتي انتي

يوسف: يعني اي اسكتي انتي؟؟

هبه: لا مش هسكت

يوسف: استني ياما!! يعني ايه اسكتي انتي؟

فريده دخلت في اللعبه: احمم بهدوء يجماعه احنا لسه بنتفاهم طيب

"زين كان باصص لهم كلهم بتوعد عشان بيبوظوا خطته وبعدين بص لفريده"

- انسه فريده سيبك منهم.. انا معجب جدا بيكي وحابب اتقدم ونعمل خطوبة و كتب كتاب بعدها علطول ايه رأيك؟؟

"فريده فضلت تفكر و مش عارفه تقول ايه بصت ناحيه ادهم وقالتله بجديه"

- ممكن تلعب دور ابن عمي مش اخوه؟

" حرفيا ادهم قام وسابهم وقعد ناحيه فريده و عبدالعزيز كأنه كده بقي تبع فريده بس "

ادهم بصله وبيحاول ميضحكش: احمم وانت شوفتها فين بقا عشان تعجب بيها؟

زين بصله بنص عين: شوفتها في الكلية ياسيدي

يوسف: ايوه احنا مش فاهمين ايه يخلينا نوافق عليك؟

بصله بنظرات توعد..: ما بلاش انت بقا

يوسف: احممم.. اه انا بقول نوافق

عبدالعزيز: ايه رأيك يا فريده

فريده ضحكت: الى تشوفه يا جدو.

" زين اتقدم ناحيتها وطلع علبة عريضة فيها الدبل بتاعتهم و بصلها بحب "

- انتي موافقة؟

فريده هزت راسها بتأكيد: موافقة

" وطبعا الزغاريط ملت البيت..!! و الكل كان فرحان فضلنا نهيص ونرقص بعد ما لبسنا الدبل.. و اكتشفت انهم عازمين كذا حد وخرجت بره لقيت الجنينه متزينه بشكل جميل جدا !! سلمت على حبيبه و جت شباب تبع زين و ادهم و كانوا قاعدين في ركن لوحدهم.. "

حبيبه: شكلك زي القمر

فريده: ده انا ملحقتش بجد اعمل حاجه و الفستان ده مش جديد حتي

مريم: والله شكله تحفه عليكي انتي الى محلياه.

"قاطعهم يوسف الى اخد مريم على جمب وقدم لها كوبايه عصير برتقال"

غمزلها: خدي بالك بقا المره دي ها

مريم ضحكت: اممم ماشي شكرا

- لا بس فساتينك تحفة.

= اه مانا عارفه

- حاولي بقا متلبسيهمش تاني .. اصلي بغير

مريم بصتله بتعجب: ايه؟

= قلبظ بجنيه ، احنا لسه هنستغرب ونقول ايه وبتاع

" ادهم هو كمان راح ناحيه حبيبه "

- ايه الميكب ده كله؟

= والله ؟ هو فين ده

- ماهو على وشك اهو؟ مش ده روج و ماسكارا.. و تنت و كمان بلاشر وكحل؟

بصتله: انت عرفت كل ده منين بقا

ادهم بص لعينيها: انا مهتم بكل حاجه تخص الى يخصني

حبيبه: بس ده ميكب خفيف

- اممم طب اقعدي بقا.. خليكي مستخبيا كده هنا

ضحكت: ماشي..

" كنت واقفة مع البنات وبعدين قفشت زين قبل ما يروح يقعد وسط الرجالة تاني "

- تعالي هنا يا زين

= خير يا قلب زين؟

↚

- انت الى كنت مخطط للموضوع ده صح ان باباك يجي و العيله تقعد كده ويتقدمو رسمي

= شوف فهماني ازاي حبيبة قلبي..

- طب وعملت كده ليه بقا؟

مسك ايدي وباسها وبصلي: عشان مش عاوزك تحسي انك لوحدك ابدا.. كلنا حواليكي وكلنا أهلك و اديكي شوفتي.. العيال قولت لهم محدش يسوق فيها وكله

قعد يهزر عليا و يصطاد في الميه العكره

بس عشان بيحبوكي

عيوني لمعت وحضنته: وانا بحبك

يوسف راح عندهم: واد ابعد ياض عن بنت خالي هنهزر ولا ايه اعرف حدودك يابا

زين بعد عنهاا ومثل الخوف: يا خبر انت قفشتنا..؟ يبقي لازم اكتب عليها حالا

"قعدت اضحك عليهم و لقيت يونس و يزن جايين"

يزن: مالك بيها يا نجم؟؟ شايفك مقرب كده

يونس: اه انت فاكرها سايبه؟ مش هتلمسها غير بعد كتب الكتاب و الفرح فاهم ولا لاء؟؟

"زين بص يدور على ادهم يلحقه وشاور له فا راح لهم"

زين: تعالي يخويا شوف العيال دي

يوسف: الاستاذ الى منعرفوش ده ولسه خاطب فريده حالا مقرب منها اوفر هياكلها تقريبا !

أدهم: الاه الاه انت مجنون ولا اية يابني انت

زين بدهشه: حتي انت؟

أدهم خبط على صدره وجاب فريده جمبه: خدلك مساحه كده بعيد عنها شوية دي تخصنا

زين: مهي دي غلطتي عشان بدخل عيال ندله في الخطه بتاعتي والله

يوسف: دي فريده الجيار يا حبيبي المدلله لعيلة الجيار عارف لو فكرت تقرب تاني؟

" كنت على اخري من الضحك بسببهم و فضلنا مقضيين الوقت هزار حرفيا لحد ما الحفله خلصت وكله بدء يروح وده كان من اسعد ايام حياتي.. الكل كان مبسوط عشاني و دي حاجه فرحتني انا.. اني شوفت الفرحه في عيون كل الى بحبهم! "

>>>>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

|| على الطريق | الساعه 11 بليل ||

- كان يوم جميل اوي وبجد اخوك زين و فريده شكلهم لايق على بعض بطريقة مش طبيعيه..

ابتسم: اه.. و شوفتي يوسف عمل ايه؟؟

ضحكت: شوفت.. مش قادره اصدق انها وافقت يوصلها مريم دايما تتكلم عن الرجالة وحش ومش بطيقهم وكده

- و يوسف علطول بيقول انه عمره ما هيفكر يرتبط بواحده.. بس انا قافشه شكله كده وقع.. زي وقعتي

" حبيبه ابتسمت و بعدها قاطعهم رنه موبايل ادهم شاف الرقم وساب الفون و لكنه رن مره تانيه"

حبيبه: رد براحتك عادي

" ادهم ركن على جمب و فتح الموبايل يرد "

- ايه يا زيكا فيه ايه؟

= أدهم لو سمحت ممكن تجيلي بسرعه على البار

أدهم استغرب لما سمع

صوتها على موبايل الجارد: ساره؟

- لو سمحت تعالي بسرعه

= فيه ايه؟ وايه الدوشة دي

- فيه مشكله هنا.. وانا محتجاك

= طيب جاي

"حبيبه بصتله بستغراب وهو مكنش عارف يقولها ايه"

= هي مين دي!

- بصي انا هعرف فيه ايه و هبقي افهمك

= ايه الى بتقوله ده مين دي الى هتروح لها دلوقتي؟

- حد متعرفيهوش.. صدقيني موضوع مهم خليكي واثقة فيا!

حبيبه اتنهدت بهدوء وبصتله: اوكيه خدني معاك!

= لا مش هينفع! انتي عارفه انا رايح فين!؟

بشك: رايح فين؟ ها؟

أدهم اتنفس بنرفزه بسيطه: مش هينفع تيجي يا حبيبه لازم اروحك انتي اتأخرتي اصلا

- يبقي مش هينفع تروح انت كمان!!

بصلها بتفكير.. مكنش عارف يعمل ايه ومش عاوزها تفهم غلط: تمام ماشي

" دور العربية و حبيبه لاحظت ان الطريق ده مش غريب عليها لحد ما وصلوا عند البار و أدهم لاحظ كذا عربية موجودين بره "

حبيبه: هو ده الى مكان الى انت جي فيه؟؟

ادهم بص حواليه: انا هنزل و متفكريش تنزلي من العربية يا حبيبه

- والله؟؟ يعني داخل تقابل واحده جوة و انا افضل هنا؟

= حبيبه! اسمعي الكلام!

" نزل من العربية و دخل البار و لاحظ ان فيه مشكلة فعلا في المكان لقي البودي جارد واقفين وكذا راجل وبعدها لمح حازم صاحبه بعدين مدير المكان راح له.. "

- ادهم بيه..

أدهم بتكشيره: ممكن افهم ايه الى بيحصل

" بص ناحيه زيكا الى ساره كلمته من عنده واستغرب هي راحت فين "

المدير: حازم بيه عامل مشكله مع خالد الهواري وهو قاعد هناك على البار مستني ياخدها

أدهم: هي مين دي الى ياخدها ؟؟

زيكا: سارة .. هي في المكتب جوه

المدير: لو سمحت خلي صحبك يطلع من الحوار احنا مش عاوزين مشاكل مع خالد بيه!

" ادهم راح لهم يفهم الى حصل ولقي حازم واقف لوحده و كان بيزعق فا دخل بينهم وجابه على جنب و بص لخالد الى قاعد يشرب كاس بمنتهي البرود "

- مين دي الى عايز تخدها معاك بالعافيه ؟؟؟

ساب الكاس و شال السجاره من بوقه وبصله: ادهم باشا؟

= رد عليا؟

- والله دي واحده انا بيني وبينها مشاكل وعلاقات .. شوف بقا صاحبك الى ادخل بينا

حازم بنرفزه: انت بتستعبط ولا ايه؟ عايز تاخدها معاك بالعافيه و اسيبك؟؟ وبتمد ايدك عليها ما تخليك راجل و

ادهم قاطعه: اصبر يا حازم انت

ادهم بصله بنظرات جريئة و تحذيرية: انت مديت ايدك على واحده عارف انها تبع ادهم الجيار؟ وانا هصفي دي بعدين.. و الشو الى عامله برجالتك وعربياتك ولا ياكل ولا يشرب معايا ايه بقا هي المشاكل الى بينكم عشان هي تخصني فا كلامك هيبقي معايا انا..

خالد: بقي كده؟

ادهم: اه

>>>>>>>>>>>>>>>>>>>>>>>>>>>>>>>>>>>

" حبيبه فضلت حوالي نص ساعه في العربية و زهقت فا خرجت من العربية بنرفزه و كانت عايزه تدخل لكن البودي جارد منعوها فا فضلت واقفة قدام المكان.. لحد ما شافت أدهم خارج مع حازم و ساره "

"ساره مكنتش في كامل وعيها وكانت معيطه"

ادهم: خدها روحها.. وكلامنا بعدين مش دلوقتي الحمد الله ان الحوار اتحل

ساره قربت لأدهم وحضنته: شكرا يا أدهم

" مشيت مع حازم و ادهم اتحرك خطوتين شاف حبيبه واقفة وعلامات الصدمه على ملامحها راح ناحيتها بسرعه لما لاقاها ماشية "

- حبيبه !!!

" مردتش عليه وخدت شنطتها من شباك العربية و ادهم اتنرفز جدا من تصرفها "

مسك دراعها: استني هنا انا بكلمك !!!

- ابعد عني انا بجد مش مصدقاك !!!

= الموضوع مش زي مانتي فاهمه !!

- انا مش محتاجه افهم !!!

= طب اركبي العربية !!!

- انا مش هروح معاك فاهم؟ ومش عايزه اعرفك تاني

مسكها قبل ما تتحرك: بطلي جنان واهدي!! خليني حتي افهمك!!! اركبي العربية

" حبيبه كانت رافضه لكن هو ركبها بالعافيه وهي كانت متنرفزه جدا منه.."

- بقولك نزلني !!! انا مش عايزه اتكلم ولا افهم حاجه !!

= مش بمزاجك !!

" ادهم اتحرك بالعربية وفضل سايق و هي طول الطريق مدياه ضهرها ومكانتش طيقاه تماما.. لحد ما وصل واول ما العربية وقفت فتحت الباب فا ادهم نزل وراها واول لما وقف قصادها شاف عيونها مدمعه فا مسك نفسه"

- انتي بتعملي كده ليه مش فاهم انتي حتي مش مدياني فرصه اشرح لك !!

ردت بعياط: انت عايز تشرح ايه بالظبط..!!!! انا شيفاك بعيني و فيه واحده بتحضنك !! انا لو روحت حضنت واحد انت هتديني فرصه اشرح ؟؟؟

ادهم اتنرفز من الجمله جدا وهي لاحظت ده زادت في العياط وبصتله: انت مش طايق الفكره حتي !!!

"سابته وطلعت و هو اضايق من الموقف على بعضه.. الى مكنش مترتب له وبوظ له الدنيا "

>>>>>>>>>>>>>>>>>>>>>>>>>>>>>>>>>>>

|| في الفيلا | وقت العشا ||

" يزن طلع ينادي عبد العزيز "

- يا جدو.. بتخالف مواعيدك المقدسه ليه دلوقتي؟

" مردش عليه فا استغرب انوه نايم وقرب ناحيته فضل يفوق فيه لكنه مفاقش.. صرخ بصوت عالي ونادي زين "

- فيه ايه يا يزن بتزعق كده ليه !!!

= جدو !!! جدو مش بيرد عليا !!

"زين جري عليه بسرعه ومسك ايده يشوف النبض ولكنه ملقاش اي نبض في ايده..

↚

- يوسف انا سمعت حد بيصرخ فيه ايه؟؟؟

= ده يزن المتحْلف متقلقيش

- طب متيجي نطلع نشوف ماله؟

= ماهو زين طلع يشوفه

" وقبل ما فريده تقعد لقت الداده نازله بتجري ناحيه وليد ؛ فريده وقتها بصت ليوسف "

- يوسف هو يزن كان في اوضة جدو !؟

" الاتنين طلعوا جري على فوق وشافو زين في الأوضة عمال يضغط على قلب عبدالعزيز وبيحاول يفوقه! فريده وقفت متجمده تماما و يوسف جري ناحيته "

- زين جدو ماله !!! ماله يا زين ؟؟ جدو كويس ؟

" وفي خلال لحظات كان البيت اتقلب و عربية الإسعاف جت بره و طلعوا يخدوه عشان يتنقل المستشفي وقتها ادهم وصل ولما لقي عربية الإسعاف مكنش فاهم حاجه ولكنه اتخصْ لحد ما لاقاهم نازلين بـ عبدالعزيز "

" وقتها الكل اتحرك على المستشفى "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في الزمالك | بيت حبيبه ||

- خلاص يا تيته بقا!! قولتلك كلميهم قوللهم مش عايزه اكمل!

= يابنتي اهدي وفهميني فيه ايه!! زعلك في ايه! منتي كنتي نازله كويسة!!

- مش عايزه اتكلم مع حد !! وبكره الصبح تخلصي معاهم الموضوع او تخلي عمي ياسر يكلمهم !

" سابتها ودخلت تنام و زينب صْربت كف على كف"

- مش مكتوب لنا نفرح يارب .. راضين بقضاءك يارب..

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في المستشفي ||

" الدكاترة مكملتش نص ساعه مع عبدالعزيز وخرجوا"

"الدكتور المسؤل عن حالته راح ناحيه وليد"

- البقيه في حياتك.

" الخبر نزل عليهم زي الصـ ـاعقة ومحدش كان مستوعب الى حصل فجأة ولا مصدق "

زين قرب من الدكتور: انت بتقول ايه ؟؟؟ جدو كويس مفهوش حاجه !!!

الدكتور: حضرتك هو كان تعبان ومريض قلب.. وللاسف مع الـ..

زين قاطعه بزعيق: بس اسكت خالص !!!! فاهم ؟؟ اسكت انا هدخل اشوفه وهوريك !! انا دكتور زي زيك !!!

وبقولك هو كويس هوريك دلوقتي

" كذا حد حاول يمنعه لكنه دخل بالعافيه واول لما شافه ساكن تماما ومش بيتحرك فضل يعيط بقوة "

- لا يا جدو !!! جدو متهزرش معايا انت بتهزر صح ؟؟؟

قرب ناحيته ومسك ايده: رد عليا يا زيزو!!!

جدو انت زعلان عشان كنت مسافر صح؟؟ مش هسيبك تاني والله .. والله هفضل معاك بس قوم رد عليا !!

بدأ يزعق: يا جدو !!!! متسبنيش بالشكل ده !!! انا ملحقتش اقعد معاك !!! مش انت قولتلي انزل محتاجك؟؟؟ سبتني ليه ؟؟؟ هاه؟ رد عليا ونبي يا جدو !

دموعه فضلت تنزل بشكل هستيري: طب قوم وهاجي اشتغل معاك في الشركه والله العظيم مش هكمل في الطب هفضل معاك في الشركه وجمبك

" ادهم دخل عليه وقتها و عبدالرحمن و وليد كله حاول يخرجه لكنه فضل يعافر وماسك في عبدالعزيز و بيصرخ ومكنش عايز يستسلم للأمر الواقع.. زي العيل الى حد بيحاول يشده من حضن امه وهو رافض يسيبها !! "

" حاله من الحزن الحاد سيطرت على الكل و دموع مش بتقف محدش فيهم كلهم قادر يفكر ولا عارف يتصرف كأن العالم وقف في اللحظه الى الدكتور بلغهم فيها انوه توفي..!!. "

" و في ركن على جمب كانت فريده واقفة في صمت تام الصدمه اثرت عليها بشكل محْتلف عنهم!! "

" يزن و يونس و يوسف مكنوش مبطلين عياط بقهره على جدهم "

" وناديه و هبه بيحاولوا يمسكوا نفسهم ولكن مش قادرين "

"هدي راحت ناحيه فريده وحضنتها ولكن فريده مازالت متجمده مش بتدي اي رد فعل !"

>>>>>>>>>>>>>>>>>>>>>>>>>>>>>>>>>>

|| بعد مرور يومين ||

" محدش عارف الوقت مشي ازاي.. ولا حد كان قادر يدرك اي حاجه حواليه.. يادوبك وليد و هدي و ادهم الى كانو ماسكين نفسهم شوية.. "

" كان اخر يوم في العزا.. وحتي في اخر يوم كان الحضور بعدد كبير جدا! عبدالعزيز كانت معارفه كتير والناس كلها بتحبه.. وعلاقاته دايما خير مع الى حواليه."

" بعد انتهاء العزا ادهم و وليد دخلوا الكل فضل على نفس حالته.. كلهم قاعدين تحت و الشباب حاسه بتوهان.. وكذلك الكبار.. والصمت كان بيعم المكان"

" ادهم قام فجأة وقف "

- هو فيه ايه ؟؟ انتوا هتفضلوا عاملين كده ؟؟

بدأ يتنرفز: جدو كان هيبقي عاوزكم بالمنظر ده ؟؟؟ انتوا كده بتزعلوه !!! بالحاله الى انتوا فيها دي !!

احنا مش هنقع فاهمين ؟؟؟

يونس كان اكتر واحد مش مبطل عياط فا ادهم راح ناحيته: هو انت مش سامعني اسكت !! بطل عياط !!! انت راجل !! جدك سايب راجل مش عيل !

هدي راحت ناحيته: ادهم اهدي مينفعش كده!!

- انا الى مينفعش ؟؟ ما تشوفي عاملين ازاي !!

شاور عليهم: هما فاكرين عشان مشي يبقي كده خلاص؟؟ فوقوا!! جدو هيفضل عايش وسطينا !!

= اهدي يا حبيبي !!

- مش ههدا !!! دول عاوزين يبوظوا كل حاجه ..!!

كل حاجه جدو كان مرتبها كويس

هيبوظوها بقا !! ويقعدوا يعيطوا !!! بس لاء !!

"دموعه بدأت تنزل وملامح وشه كانت حاده وكأن دموعه بتنزل بدون ارادته"

نبرته هديت وبصلهم: كل حاجه هتفضل ماشيه زي ما جدو كان عاوزها الشركه.. ونظام البيت و حتي مواعيد الأكل و الصلاة الى بنتجمع ونصليها

بص للشغالين: والجنينه والزرع و تنضيف البيت و ترتيبه

كل حاجه !!!! وكل تفصيلة صغيره هتفضل زي ما هي !!! انتوا سامعيني ولا لاء؟؟

" هدي فضلت تعيط من الحالة الى كان فيها! "

" وليد قام وحاول يتماسك وخده في حضنه وادهم كانت ملامحه ثابته وحاده.. "

"خرج من حضن وليد وبصله هو و يوسف"

- و احنا هننزل بكره الشركه و نكمل شغلنا

" سابهم و طلع اوضته.. "

" الكل بعدها طلع يقعد لوحده و هدي وناديه راحوا حاولوا يتكلموا مع فريده ولكن مفيش فايده.. و زين كان يعتبر شبها ولكنه مش مبطل عياط و مش قادر يتقبل

مو ت عبدالعزيز.. وبيلوم نفسه. "

>>>>>>>>>>>>>>>>>>>>>>>>>>>>>>>>>>

صلي على محمد

|| في الزمالك | الساعه 10 ||

- تنزلي في وقت زي ده؟ ما انتي كنتي لسه هناك

= حالة ادهم مش مريحاني! طول التلت ايام بيتصرف بطريقه غريبة وانا محتاجه اطمن عليه

- وبعدين معاكي يا بنتي؟ انتي مش كنتي بتقولي مش عايزه اكمل معاه

= معرفش يا تيته! مش عارفه الى اعرفه دلوقتي اني عايزه اروحله.. وصدقيني متخافيش مش هيحصل حاجه! هخلي بالي

- ماشي يا حبيبه.. وترجعي علطول! انا مش عايزه اسمع كلام من حد! بالذات عمك.

= حاضر..

>>>>>>>>>>>>>>>>>>>>>>>>>>>>>>>>

استغفروا ♡

" حبيبه نزلت وكانت طالبة اوبر.. وصلت الفيلا و الداده فتحت لها ودخلتها وبعدين طلعت تنادي لها ادهم.. "

" نزل بستغراب لما عرف انها رجعت تاني.. ومكنش عايز يبقي الى في باله صح و تبقي جايه تسيبه..! اول لما شافته وقفت "

- ايه رجعك انتي كويسة؟

= انا؟ انا كويسه! انا رجعت اطمن عليك انت

بصلها بستغراب: مالي؟ انا كويس

" قربت ناحيته وبصت لعيونه..وهو كان بيحاول يخبي مشاعره "

- بس انا مش حاسه انك كويس!

= لا انا تمام يا حبيبة.. ولو عايزه تتكلمي عن موضوع البار فا انـ..

قاطعته: ليه بتتصرف عادي؟ انت مش مضطر تعمل كويس يا أدهم.. عادي لو بينت مشاعرك!

"أدهم بصلها وهو حاسس انوه يبدء يضعف"

- انتي ايه نزلك في وقت متأخر؟ انا هجيب مفاتيح العربية واجي اوصلك

" سابها وطلع وحبيبه اتنهدت بتعب.. "

- كنت عارفه انك هتعاند يا ادهم..!

" شوية ولاقته نازل وخرجوا مكانتش عارفه تتصرف معاه ازاي قبل ما يركب العربية قفلت الباب وبصتله "

- انا عارفه علاقتكم كانت عامله ازاي.. مكنش جدك وبس.. كان صاحبك.. وعارفه انك الكبير.. وشايف انوه مينفعش تبقي ضعيف..! لكن اي انسان بيجي وقت ويضعف.. وبيرجع قوي تاني!! وانت هترجع قوي يا أدهم.. انا واثقة في ده!

" كان ساكت وعيونه مدمعه فا حبيبه حضنته وطبطبت عليه بحنيه وقتها ادهم اتعلق بيها اكتر.. اتمني لو متبعدش عنه تاني ابدا.. ولا يخسرها.. "

بصت لعيونه: صدقني كله هيعدي متقلقش! كل حاجه هتبقي كويسة!

>>>>>>>>>>>>>>>>>>>>>>>>>>>>>>>>>

سبحان الله العظيم

" وصلنا تحت البيت بعد لما وصلني.. بصتله قبل ما اطلع وهو ماسك ايدي.. الى مسبهاش طول الطريق رفع عيونه ناحيتي "

- انا بحبك يا حبيبه

"بصتله بتعجب فا كمل"

- و من الوقت الى قررت فيه ابقي معاكي مبصتش لأي واحده تانيه غيرك! انا بحبك انتي! فاهمه؟

عيوني دمعت: وانا كمان بحبك يا أدهم..

مسح خدي بهدوء: عاوزك تبقي واثقة اني عمري ما هحْونك! انا مش كده.. لو فيه حاجه مش عاوز اعملها هسيبها و هبعد مش هحْون ابدا!

عيطت وانا بصاله: انا فاهمه.. مش لازم نتكلم في حاجه دلوقتي صدقني.. انا هفضل معاك.!

"هز راسه بتفهم و بعدين ودعها واطمن انها طلعت كا العادة وبعدين مشي"

>>>>>>>>>>>>>>>>>>>>>>>>>>>>>>>>>

↚

|| تاني يوم الصبح | وقت الفطار ||

" ادهم صحي بدري او يعتبر منامش و أمر الدادات يعملوا الفطار زي ما متعودين.. و طلع للكل عشان ينزلوا.. ومحدش كان قادر ولكنهم نزلوا بقلة حيلة! "

" قعد وبصلهم وهما ساكنين تماما"

- فيه ايه؟ هو الأكل معمول لمين؟

عبدالرحمن بص لزين و يونس: كلوا يا حبايبي.. بقالكم كتير منزلش معدتكم حاجه

" وليد كمان بدء يحاول يخليهم ياكلوا.. "

ادهم بص لفريده الى مكنتش مدركه حاجه ولا بترد على حد وقال بحده "

- فريده؟

" رفعت عينيها بتوهان وبصتله.. وكأنها بتستوعب الى بيحصل حواليها..

" الكل في مكانه

الكل نزل في المعاد و الاكل محطوط..

الروتين اليومي رجع تاني

كل حاجه موجوده الا هو.. "

"عينها ثبتت على مكان الكرسي الفاضي بتاعه.. وفجأة قامت وسابتهم وجريت على اوضتها"

" ادهم اضايق و قام لكنه اتكلم بهدوء "

- طيب كملوا اكلكم انتوا..

" طلع وراها و لما دخل الاوضه لاقاها قاعده بتعيط "

- فريده!! هو احنا كنا بنقول ايه !!؟؟؟

" لاحظ ان عياطها بدء يزيد بشكل هستيري وبصمت زي عياط البيبيهات!!! و وشها بدء يحمر اتحْض ومبقاش عارف يتصرف فضل يحاول يهديها لحد ما زين دخلهم "

- حاسب حاسب بسرعه

ادهم وسع و زين مسكها بقوة: فريده !! فريده اهدي انا معاكي فريده !! ردي عليا

ادهم: هو فيه ايه!!

زين وهو عماله يحركها وماسك ايدها: دخلت في نوبه عياط لازم تاخد نفسها والا هيجلها بانك اتاك

فضل يزعق جامد: يا فريده اتنفسي !!!!! اهدي انا معاكي

انا معاكي سمعاني؟؟ كل حاجه كويسة متقلقش احنا هنا اتنفسي يا فريده عشان خاطري!!

" اخيرا خدت نفسها بقوة وصوت عالي وهي بتنهج جامد ومش قادره "

" زين فضل ماسكها وضاممها ناحيته وهي فضلت تردد جمل ورا بعض "

- جدو.. جدو فين... جدو..

" ادهم مكنش مستحمل الوضع.. "

زين: فريده اهدي

بصتله و فضلت تعيط و دموعها كانت مغرقه وشها: جدو يا زين!! جدو سابنا؟؟ صح سابنا؟ ؟؟ جدو مشي يا زين ؟ مشي زيهم؟ مش هشوفه تاني؟

" أدهم دموعه نزلت بسبب حالتها و حتي زين مبقاش عارف يقولها ايه "

" لكن ادهم قرر ميضعفش ومسك نفسه قعد قدامهم هما الاتنين وبصلهم "

- انا مش عايز حد يعيط فاهمين!!!؟؟ هو من امتي جدو ساب حد يعيط ؟؟ ردوا عليا؟؟ كان بيكره العياط ! فا بطلوا!! احنا مفروض ندعيله ونعمل الى يفرحه

بص لفريده: انتي لازم تكملي جامعتك وتكملي حياتك وترجعي الشركه ده الى هيخليه فرحان بينا زي ما كان طول عمره

- وانت !! هو مش رتب لك معاد تدريبك ؟؟ كان عارف ان ده الى بتحبه و عملهولك !! عايز تهمله؟؟ تفتكر هيفرح بيك؟

" الاتنين بدأو يهدوا.. وفريده رجعت طبيعيه.. "

" قاطعهم خبط على الباب و دخل وليد "

- المحامي تحت..

>>>>>>>>>>>>>>>>>>>>>>>>>>>>>>>>

" الكل اتجمع في مكان واحد و المحامي قالهم ان عبدالعزيز مسجل وصيته على فلاشة فا خدوها وحطوها في الشاشه وقعدوا كلهم "

" لحد ما ظهرت صورته.. عبدالعزيز.. وبدا الفيديو "

- اظن بقا انا سايبكم تلت ايام بحالهم تحزنوا.. مع اني موصيكم مش بحب العياط.. لكن هقول ايه عيلة نكدية..

" الاغلب ابتسم بدموع "

- بصوا بقا الفيديو ده سجلته في الوقت الى عرفت فيه اني تعبان... من حوالي خمس ست شهور

وانا هتكلم معاكم واحد واحد ، عشان الكل يبقي عارف مطلوب منه ايه حاكم انا عارفكم نصابين.

- هبه و ناديه و وليد انتوا كبار دلوقتي.. فا عارفين كويس انا هبقي عاوز ايه.. عشان كده مش هطلب منكم حاجه عايز بس اقول اني فخور بتربيتكم الى تعتبر نسخه طبق الاصل من تربيتي ليكم.. فخور انكم ولادي.. و جبتولي أحفاد افخر بيهم مره تانيه..

ابتسم وكمل: ادهم.. انا عارف بتفكر في ايه دلوقتي.. المسؤولية كلها بقت عليا الراجل خلع وسابني

اللحقوني يجماعه اعمل ايه..؟؟

" ادهم ابتسم غصب عنه وهو عيونه مدمعه"

- لكن لا يحبيبي.. انت قدها و المسؤولية مش عليك لوحدك.. لكني عارف انك تقدر على اي حاجه انا فخور بيك يا حبيبي رغم شقاوتك.. و مشاكلك الكتير لكنك قد المسؤولية وناضج.. وراجل يا ادهم انا عاوزك تحافظ على كل حاجه كنا بنعملها سوا.. و الصلاة.. اهم حاجه يا حبيبي زي ما كنا بنتجمع تتجمعوا..

عاوزك تخلي بالك على اخواتك.. كل احفادي اخواتك..

- و بالنسبة للدكتور بتاعنا.. دكتور زين يالي قاعد دلوقتي تقول يارتني سمعت كلام جدي و روحت اشتغل معاهم.. و بتندب حظك

ضحك وكمل: طبعا بهزر معاك.. مهنتك دي مهمه جدا يا حبيبي وانا فخور جدا ان في عيلتنا دكتور شاطر زيك.. و في المستقبل هتبقي حاجه كبيره.. عاوزك بس متبقاش بتضغط على نفسك.. ومتديش الزعل اكبر من حجمه ولا تندم على قرار خدته يا زين.. و اوعي تفتكر اني زعلت لما انت مشيت انا كنت فرحان اوي وانا شايفك شغوف بحاجه و بتسعي فيها.. وبتعمل الى حابه.

- نيجي بقي للثلاثي المرح؟ يزن و يوسف.. ويونس اسمعوني كويس بقا.. احنا صحيح مكناش عايشين سوا غير الفترة الاخيرة لكني بحبكم بنفس القدر كلكوا وكنت دايما بسأل عليكم حتي اتأكد من امك انت وهو.. لو مكدبين جدكم يا متملق منك لي..

"هبه وناديه ضحكوا وهزوا راسهم بمعني حصل كان بيسأل عليكم.."

- انت يا يزن كنت عارف عنك كل حاجه.. عارفك بتحب تعزف على الجيتار.. و دماغك مختلفه عن الى في سنك وهادي..عكس يونس اللمض.. بتاع المشاكل الفراك.. الى بيخاف من القطط..!!

"يونس ضحك واتفاجئ انوه يعرف حاجه زي دي"

- و يوسف بيه.. بتاع البنات ده

اوعي تفتكرني معرفش..! سيديهاتك كلها عندي يا ولد

" يوسف ضحك ودموعه على وشه"

خد نفس بهدوء وبعدين بص بسعاده وابتسم: و فريده..

" فريده بصت اول لما سمعته بينادي اسمها "

- البنت الوحيده لعيلة الجيار ؛ الى عرفنا بوجودها متأخر.. لكن رغم ده.. ليكي مكان كبير في قلبي مش قادر اوصف لك مدي فخري بيكي.. ان رغم كل الى حصل في حياتك بتحاولي.. و قوية.. عاوزك متزعليش عشان الوقت القصير الى قضيناه سوا.. دي كانت من افضل لحظات حياتي وجودك فعلا كملنا ياحبيبتي. وضاف كتير.. اوعي يا فريده تقولي ليه يارب حياتي كده؟ قولي الحمد لله عندك عيلة زي الفل! واحسن من غيرك كتير..

- وعلى فكره يا فريده

"مسحت عينيها من الدموع وركزت"

- الواد زين بيحبك.. معرفش زمانه قالك ولا لسه هو اصلا واد جبان طول عمره مش زي يوسف و ادهم البجحين يلا ربنا يسامحني لو فضحته بقا

" الكل فضل يضحك جامد علي كلامه.. و زين كان ماسك ايد فريده..وبيطبطب عليها "

- ها المهم يا ولاد.. عاوزكم تفضلوا سوا تفضلوا عيلة واحده مش عايز اي خلافات بينكم ولا حاجه تبعدكم عن بعض.. ومش هوصيكم على الشركه انا عارف اني سايب ورايا رجالة.. انا مش هوصي على اي حاجه سبتها لأني عارف انكم مش محتاجين وصايه..

" الفيديو انتهي على كده و دي كانت اللحظه الفارقة في حياتهم كلهم لما عبدالعزيز كالعادة قدر يخرجهم من حزنهم حتي وهو مش معاهم..! "

نيبل صقر المحامي:

- ده ورق فيه الحاجات الى تخص الشركة والبيوت و الحاجات المادية يعني عبدالعزيز باشا كتب انوه عايز حق الإدارة تبقي مع وليد بيه.. و الأرباح تتوزع على باقي أفراد العيلة.. وكتب كمان انوه عارف انكم هتتمسكوا بالبيت.. وهتتجمعوا فيه مش هتبيعوه.. باقي حسابات البنوك كتب توزيعها عليكم في الورق برضو و فيه كذا توكيل في الملف الى معاك يا وبيد بيه.

"حط الورق قدامهم"

وليد: تمام يا نبيل.. فيه اي حاجه تاني هنحتاج نعرفها؟

- لا انا كده بلغتكم كل حاجه..

" الدادة راحت عندهم و دخلت "

- آسفه يا استاذ وليد فيه واحد بره اسمه مصطفي بيقول انوه عايز ادهم بيه ضروري..

= طب خارج له

" ادهم خرج واستغرب زيارة مصطفي مع انه لسه سايبه امبارح بليل "

- ادخل تعالي

= مفيش وقت لازم تيجي الشركه..

- حصل ايه ؟؟

= حصل مصايب يا ادهم!!

- انا جايلك حالا

" ادهم راح خد حاجته و عرف يوسف و وليد بس"

>>>>>>>>>>>>>>>>>>>>>>>>>>>>>>>>>>>

|| في الشركه ||

" راحوا كلهم الشركه الى كانت مقلوبة حرفيا و دخلوا مكتب وليد و كان فيه اجتماع عاجل مصطفي رتبه له "

وليد: احنا عاوزين نفهم حالا فيه ايه ؟؟ وازاي الاسهم نزلت بالشكل ده في وقت قصير !!!

مصطفي: فيه حاجات كتير عماله تقع وتنهار حرفيا بشكل مش طبيعي الباصات الخاصة بالشركه حصلها خساير كبير جدا حتي الباصات الاحتياطيه مضررة بشكل كبير و فيه حمله كبير حصلت علي شركتنا على كل المواقع.. وانتشرت بسرعه الصاروحْ و طبعا نتايج ده اننا خسرنا كتير جدا و اكتر من 300 حجز اتكنسل للشركه!!

" وليد و ادهم مبقوش فاهمين وحاسين ان دماغهم هنجت من كم الحاجات الى حصلت..!!! "

ادهم بغضب مكتوم: انا عايز جرد شامل على كل الشركه و كل الى حصل فالتلت ايام الى فاتو يبقي قدام مكتبي في خلال ساعه واحده فاهمين !!!

وليد بزعيق: كله على مكانه اتفضلوا !!!!

>>>>>>>>>>>>>>>>>>>>>>>>>>>>>>>>>>>

|| في الفيلا ||

" كان فيه حالة سكون .. كل واحد بيفتكر ذكرياته مع عبدالعزيز وسرحان في عالم لوحده لحد ما سمعوا خبط غريب على الباب "

الداده فتحت: ايوا

- وليد عبدالعزيز الجيار هنا و أدهم ابنه

"الداده راحت تعرفهم لقت قدامها يزن وفريده"

يزن خرج لهم: ايوه مين حضراتكم؟

- احنا عاوزين وليد الجيار و أدهم الجيار مطلوب القبصْ عليهم..

فريده بصدمه: ايه!؟؟

↚

- ايوه مين حضراتكم؟

- احنا عاوزين وليد الجيار و أدهم الجيار مطلوب القبصْ عليهم..

فريده بصدمه: ايه!؟؟

يزن: ازاي حضرتك؟؟

- هما موجودين هنا؟

يزن: لا

" لاقيناه بيتكلم في الجهاز"

- حضرتك هما مش موجودين في البيت

" وقتها كان اوردي في قوة تانيه بتتحرك على الشركه عشان تاخدهم.. "

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في مكتب وليد ||

- دي كل المعلومات؟؟

= ايوه يا وليد بيه

ادهم: اتفضل على مكتبك لحد ما نبلغك بالباقي

يوسف: هنعمل ايه يا ادهم؟؟

" الباب خبط و السكرتيرة دخلت و وراها علطول البوليس"

وليد: احمد بيه؟ خير!

- معانا اذن بالقبض عليكم

ادهم: نعم ؟؟

وليد: مش فاهم حضرتك يعني ايه؟ بتهمه ايه

- هتعرفوا كل حاجه هناك

أدهم: انت عارف انت بتتعامل مع مين كويس؟ فا ملهوش لزوم ابدا الكلام ده

يوسف: اهدي يا أدهم..

احمد: دي اوامر واكيد انت فاهم حاجه زي كده اتفضلوا معايا

" وفعلا اتحركوا معاهم على القسم و هناك قابلوا ظابط يعرفوه... وكان موجود في العزا بتاع عبدالعزيز "

وليد: خير يا عاصم بيه؟

عاصم: هو مش خير ابدا في الحقيقه.. فيه باص تبع شركتكم اكتشفنا انوه متهرب فيه شحنة محْدرات

ادهم ضحك بسخرية: حضرتك اكيد بتهزر دي نكتة؟

وليد: ادهم؟!!

ادهم: مش شايف بيقول ايه؟؟ احنا نيجي هنا بتهمه زي دي؟؟

عاصم: العربية كانت مع سواق اسمه وحيد وعدت على تفتيش و من اول ما عدت لقوه المحْدرات فيها

ادهم: كمان عم وحيد! ؟؟؟ ده معانا بقاله اكتر من 8 سنين !! حضرتك فاهم بتقول ايه و لمين؟ احنا اكبر شركه في السوق!! وعارف كويس يعني ايه شركة عبدالعزيز الجيار احنا منعملش كده!! اكيد حد عاملها فينا و أكيد يا عاصم بيه حضرتك مش هتصدق

- بالفعل فيه بلاعْ متقدم المفروض انوه كان كيدي قبل ما نلاقي الحاجات دي

= من مين ؟

- للأسف مش هينفع ابلغك..

وليد: ممكن نفهم احنا دلوقتي ايه الإجراء الى هيحصل معانا ؟

- للأسف المسؤل عن الشركة هيتحول للتحقيق هو والمسؤول عن الباص يعني حضرتك و وحيد.

= تمام

ادهم: هو ايه الى تمام !!

" وطبعا بعد جدال بينه وبين أدهم فضل يهدي فيه بالعافيه.. وادهم وقتها كلم كذا حد وفهم انوه التحقيق هيبقي عادي ولسه مفيش تهمه مثبته.. "

>>>>>>>>>>>>>>>>>>>>>>>>>>>>>>>>>>>>

|| في الفيلا ||

" وصلوا و اول لما دخلوا الكل جري يطمن عليهم "

زين: عملتوا ايه! انا عمال اكلمك مردتش ليه؟؟ بقالكم كتير اوي بره !!

ادهم: انا في ايه ولا في ايه!

فريده: طب ايه الى حصل؟

ادهم: متشغلوش بالكم مشكلة بسيطه و هتتحل

يزن: بسيطه ازاي بس؟

أدهم بنرفزه: هو ايه الى ازاي ؟؟

وليد: ادهم اطلع اوضتك غير وارتاح شوية

أدهم: انا هطلع اوضتي واجي معاك الشركه لحد ما نفهم فيه ايه بالظبط ونراجع كل حاجه ونعرف ده حصل ازاي انا اقسم بالله ما هسيب الى عملها

يونس: بس ده شغل التحقيقات!

" ادهم تجاهله عشان ميعملش حاجات يندم عليها! وطلع اوضته وكان مضايق.. "

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الجنينة ||

- زين.. متزعلش من اخوك

= مش زعلان يا فريده..! فاهمه وحاسس بيه بس مش مش مقدر ان كلنا زعلانين و تعبانين! كلنا بجد مرهقين نفسيا والى حصل ده.. كارثة.

- انا بفكر اكلم حبيبه تيجي

= حبيبه!

- ايوه يا زين انت مش ملاحظ؟ هما زينا! بيقدروا يفهموا بعض.. وهي بتعرف تهديه

= افرض اضايق ولا اتعصب عليها؟

بصتله وابتسمت بهدوء: انت بتتعصب عليا؟

" ابتسم.. ومسك ايديها باسها "

" وفعلا فريده كلمت حبيبه وهي متأخرتش و راحت لها و فريده على قد ما قدرت فضلت تعطل في ادهم لحد ما شافت حبيبه داخله عليهم "

- احمم طيب استأذن انا

بصلها بأستيعاب: والله؟

" مشيت قبل ما ياكلني و حبيبه قعدت فا قعد جمبها"

- قالتلك ايه بقا بيعيط ومش قادر يمسك نفسه؟

= لا

بصلها: امال قالت لك ايه؟

- قالتلي هيكون كويس ويهدي شوية لو جيتي

اتنهد بتعب: كل حاجه بتبوظ يا حبيبه

= متشوفهاش كده! ده مجرد مطب هتفوق منه صدقني وهيعدي! مش قولنا انت قوي بقا

بيأس: مش باين انها هتعدي

" سكتوا شوية وبعدها ادهم بصلها "

- حبيبه

= ايوه؟

- انا كنت عايز اتكلم معاكي

= مش وقته يا أدهم

- من حقك تفهمي.. وانا هرتاح لما اوضحلك..

البنت دي اسمها ساره و ساعدتني قبل كده اوقع واحد برضو كان عايز يآذينا وحصلت مشكله في البار الى كنت بروحه زمان.. فا كلمتني و روحت لها لأن ليا علاقات و هعرف اخلص الموضوع.. بس ده كل الحوار

= انا مش عبيـ.ـطه انا فاهمه كويس ان الموضوع مفهوش حاجه لحد الى قولته ومفهوش حاجه لكن مش بعد ماهي حضنتك وانت مدتش رد فعل لدا

- كانت سكرانه.. والله في الطبيعي مش بنلمس بعض اصلا ولا علاقتنا قريبة وكمان حازم الى معرفني عليها بس انتي معاكي حق! وانا غلطت ده مش هيحصل تاني

= عموما زي ما قولتلك الاحسن منتكلمش في حاجه دلوقتي

قاطعها: حبيبه انا عايز اتجوزك

بصتله بتعجب: مش فاهمه؟

- انا مش عايز افضل لوحدي .. مش عايزك تبعدي

"بصتله وشوفت في عيونه انوه قاصد كل كلمه بيقولها! لكني استغربته"

= احنا لسه منعرفش بعض وانت قولت ده بنفسك

- انتي مش واثقة فيا كفاية؟

" سكت ومكنتش عارفه مفروض اعمل ايه "

- بس جدك

= انا عارف.. بس هو كده هيرتاح.. طول الوقت كان نفسه اوي يطمن عليا وبيقولي مستحيل تلاقي واحده ترضي بيك بالي بتعمله ده.. انا عارف اني عملت حاجات كتير غلط! بس صدقيني وقت لما عرفتك عمري ما عملت اي حاجه من دي واوعدك ان موقف البار ده مش هيتكرر وهحط حدود لأي حاجه بتضايقك.

بصتله وعيونه بتلمع: عايزه اسألك على حاجه..

- قولي

= ليه انا!

ابتسم: الحب ملوش اسباب.. فجأة قلبك بيقع ومش بيبقي ملكك.. بس انا حبيت فيكي حاجات كتير يا حبيبه.. انتي مميزة مش بنت عادية زي الى كنت بشوفهم و في حاجات كتير جوايا... بس الأحسن تعرفيها بعد لما نتجوز

- انت خلاص قررت؟

= مش بحب اضيع وقت.. عاوزك جمبي.. عشان انا مش هرحم اي حد كان طرف في الى حصل ده

بصتله وانا واخده قراري: وانا معاك يا أدهم..!

>>>>>>>>>>>>>>>>>>>>>>>>>>>>>>>>>

صلي على محمد

" وبعد ما حبيبه وافقت.. أدهم قرر انوه يعرف عيلته.

و جمع الكل تحت سوا.. وقال لهم "

زين: نعم !! انت مجنون ولا ايه ! مخك لسع بجد

فريده: اهدي يا زين !!

ادهم ببرود: احنا اتفقنا خلاص

هدي: ازاي يحبيبي بس؟ فرح دلوقتي!

وليد: فهمنا وجهه نظرك

ادهم: انا مش عايز ايا كان مين الى عمل فينا كده يوقعنا ويحقق هدفه.. احنا هنعمل فرح صغير كتب كتاب بس و هنعرف الناس و ننشر الموضوع وهنستمر على اللعب بالطريقة دي لحد ما نرجع كل حاجه زي ما كانت واحسن!

يوسف: انا شايف دي نقطه كويسة لينا

يزن: ايوه.. احنا مفروض نركز ومنتوهش ولا نسيب حاجه تأثر فينا.. جدو علمنا ده!

أدهم: بالظبط ، احنا هندخل معاهم رد عن طريق

الحر..ب البارده انا دلوقتي جالي كذا فايل للشركات المنافسه وهعرف بطريقتي مين الى عملها

وهيدفع التمن غالي اوي

يوسف بقلق: هنلحق نصلح كل حاجه قبل شهر 12؟؟

وهل هنقدر نجهز للمؤتمر!!

"ادهم حاول ميتوترش من الموضوع ده"

- ان شاءالله يا يوسف هنقدر

فريده: انا معاكم!

زين: وانا كمان..

أدهم: انت لازم تخلص فترة تدريبك!

زين: ومفروض اكمل تدريب واسيبكم في الظروف دي!!

ادهم: مش ده الى كنت عايزه طول حياتك !!

زين: مش دلوقتي !!

↚

- هو مش بمزاجك !! كل حاجه مترتبه

= وانا مش هنزل يا ادهم انا كمان قررت خلاص ولا انت بس الى بتاخد قرارت براحتك هنا !

هدي: اهدوا انتوا الاتنين ! مش طايقين كلمه لبعض ليه من الصبح؟؟!!!

" زين قام وسابهم وهو مضايق فا فريده بصت لأدهم بمعني روحله! "

" وفعلا ادهم خرج لزين بره "

- عمرك ما هتبطل قمص زي العيال!

= ادهم متهزرش معايا

- اهزر؟؟ لا مش بهزر !!ده مش وقت خناق ؟؟ ولا انت مسمعتش جدو قالنا ايه

قال وعينه بتدمع: انا مش هكمل تدريب فاهم؟؟ انا مش هبعد احنا كلنا هنقف سوا لحد ما نعدي المؤتمر جدو برضو قال نحافظ على الشركه!!! وثق فينا !!!

- تمام.. ممكن تهدي!!

كان هيمشي و يسيبه ادهم مسك فيه ومسكه من رقبته ورفعها ناحيته: بصلي!! انا كل الى عايزه انك تنفذ الى عايزه والى بتحبه مش تشيل هم وتضغط نفسك

= وانا مش هضغط نفسي.. خليني اساعدكم

حضنه: طب بطل عياط زي العيال

زين شال ايده وبصله: انا مش عيل يا ادهم

- انت عيل بالنسبالي

= هي سنه بس الفرق

- برضو عيل

" فريده خرجت لهم و وراها يونس و يزن و يوسف.."

يونس: السلام عليكم.. حضرتك الحجه بطه

"كلهم ضحكوا بتعب وحزن"

ادهم: انت فايق و رايق بقا

يونس: انا حلمت بجدو.. عاوز احكي لكم

" الكل اتجمع وبدء ينتبه لكلام يونس.. "

- كان مبسوط بينا.. و فريده في الحلم كانت عامله مشكله مع يوسف فا خد صفها.. وقالنا تعمل الى هي عايزاه

"فريده ضحكت وهي بتمسح عيونها من الدموع"

- قال كمان انوه واثق في ادهم يعدي اي حاجه.. عشان كان فيه مشكله معاك.. بس مش فاكر اغلب الحلم... لكنه كان مبسوط بينا

يزن: يلا نقرا له الفاتحه

" فضلوا يتكلموا سوا اليلة دي.. اتحدوا بمعني اصح!! يمكن الموضوع يبان انوه صعب لكنه سهل عليهم طول ما هما سوا..! من بعد الليلة دي كله بقي عارف دوره ايه وبيعمله.. أدهم حط كل واحد في مكان زي ان يوسف نزل شغل فعلي معاهم و بيدرب يونس... كان مرتب كل حاجه.. و كمان راح اتقدم رسمي لأهل حبيبه.. و كتبوا الكتاب و طبعا معملش فرح كبير عمل إشهار زواج في الجامع مع حضور الأهل.. "

" لحد ما بقت حبيبه رسميا... من عيله الجيار.. "

|| في غرفة الاجتماعات ||

أدهم: شركة جود ثينجس.. الى ماسكها توفيق ابو الفضل.. هما دول الي عملوها فينا.. وبعد مراجعه الكاميرات وكام اجراء تاني عرفنا مين ساعدهم يحطوا حاجات في الباص تبعنا.. استغلوا عم وحيد لما راح يصلي وقت استراحه الباص في الطريق.. وعملوا عملتهم.. طبعا كل ده اتبعت للنيابة و مسألة وقت وسمعتنا ترجع وكل حاجه ترجع.. وهنعمل كل جهدنا عشان ندخل المؤتمر.. لان توفيق للأسف كان هو المرشح قبل ما نكشفه.. عرفنا كمان انوه وقع كذا شركه تانيه كان بيفضي الملعب لنفسه.. بس ربنا اراد غير كده..

وليد: احنا جمعناكم انهارده عشان تعرفوا ان الى حصل ده مش هيعدي و هيحصل قرارت جديدة للكل عشان منتعرضش للحْيا نه دي تاني..وكل الناس الى فعلا خايفه على شغلها هنعرف نقدرها كويس.. بطريقتنا.. دلوقتي تركيزنا كله على المؤتمر الدولي.

يوسف: وطبعا محدش يعتقد انوه احنا هنيجي على شخص بيراعي ربنا شايف شغله.. ولكن الطريقة الجديدة دي مع الناس الى بتتدلع و فاكره نفسها تقدر توقعنا و تلعب علينا.

وليد: تقدروا تتفضلوا

" خلصوا وراحوا مكتب وليد "

- يوسف روح كفايه عليك كده

يوسف: انا لسه عايز اعمل حاجات

- شكلك مش عاجبني انت بقالك قد اي منمتش؟

ادهم بصله: انت تمام؟

يوسف: كويس والله

وليد: طب روح ارتاح مفيش جدال

ادهم: تعالي اوصلك انت مش مركز تسوق اصلا

يوسف: لا هروح عادي

- انا كده كده رايح اخد حبيبه من المستشفي زمانها

خلصت الشيفت بتاعها وبعدين هبقي ارجع تاني عشان انا لازم اتابع كل الى هيحصل مع الواد ده

وليد: انت كمان محتاج تريح وبعدين مينفعش كنت تنزل وتسيب حبيبه

- هشوف أموري بس الاكيد اني لازم ابقي موجود

>>>>>>>>>>>>>>>>>>>>>>>>>>>>>>>>>

استغفروا..

|| في الفيلا ||

- فاضيه يا فريده؟

= اه يا زين تعالي فيه ايه

- انا فيه مشكلة.. مش عارف اقولها لأدهم ازاي

بصتله بستغراب: فيه ايه!

- الدكاترة في ألمانيا من الى هيحضروا المؤتمر وكده في كلام بيتقال انهم مش حابين يتعاملوا مع شركتنا تاني و ان بالنسبالهم مفيش حاجه اسمها سمعة الشركة رجعت والجو ده هما ميفهموش الكلام ده زينا.. اكيد انتي عارفه بتكلم في ايه

= زين انت متأكد!

- مش عارف! انا خايف على أدهم.. خوفي عليه

مخوفني اكتر من اننا ممكن منبقاش ضمن المؤتمر..!

= طب وبعدين؟ مينفعش يعرف من بره يا زين

- مش هقدر اقوله!

= ولا انا..! ده بيرجع كل يوم مهدود و حبيبه حرفيا من وقت لما اتجوزوا مش بيلحقوا يقعدوا سوا وهي مستحمله وهو مضغوط وبعد كل ده نقوله كده!

- وايه الحل؟ فكري معايا

= ادعي يطلع الكلام الى سمعته غلط!

" كنت بحاول اصبر نفسي.. اصل يعني ايه بعد كل المجهود ده برضو ميحققش الى عايزه! "

>>>>>>>>>>>>>>>>>>>>>>>>>>>>>>>>>>

" ادهم وصل هو ويوسف و يوسف طلع اوضته و ادهم نفس الوضع طلع لقي حبيبه نايمه.. "

" قعد جمبها وخد نفسه وبصلها.. كان مطمن جدا لوجودها! و حاسس انوه عمره ما حب قدها قبل ما يرفع ايده ويلمس شعرها سمع خبط على الباب خفيف "

- فريده؟

" خرج وقفل الباب وبصلها بستغراب "

- فيه ايه مالك

= انا لقيت بلاوي!

- بتتكلمي عن ايه بالظبط؟؟

= جدو قالي انا بس.. ومعرفش ليه مكنش معرفكم مش فاهمه اي حاجه انا

- اهدي ممكن تهدي و تفهميني

= اوضة بابا يا ادهم.. تعالي معايا

↚

- فريده؟

" خرج وقفل الباب وبصلها بستغراب "

- فيه ايه مالك

= انا لقيت بلاوي!

- بتتكلمي عن ايه بالظبط؟؟

= جدو قالي انا بس.. ومعرفش ليه مكنش معرفكم مش فاهمه اي حاجه انا

- اهدي ممكن تهدي و تفهميني

= اوضة بابا يا ادهم.. تعالي معايا

- لحظه بس! اوضة عمي مش بتتفتح

= هفهمك!

" حكيت له كل حاجه.. و ان جدو ادالي المفتاح.."

" ودخلنا بعدها الاوضة حطيت قدامه الورق و الفلاشة الى لاقيتهم "

- اقرا! شوف كميه البلاوي الى مسجلها جدو.. ده حتي متكلم على شركة ابو الفضل! وكذا حد تاني

أدهم بص للورق ومكنش مصدق: وهو ليه جدو معرفناش حاجات زي دي؟ ولا حتي قدمها للشرطه دي فعلا بلاوي توديهم في ستين داهيه مستريح!!

- مش قادره افهم!!! ليه مخبيهم؟ لو مش مهمين يبقي اصلا اهتم وعرف عنهم كل ده وعرف انهم كمان بيهـ.ـربوا اثـ ـار وسكت!

= ولا انا عارف. انتي فتحتي الفلاشة دي

- لا

= تعالي نفتحها

- اللاب توب معاك

= في مكتب جدو

" روحنا الاوضة و فتحناها اكتشفنا انوه فيديو لجدو!!! اول لما صورته ظهرت ابتسمنا بحزن و اشتياق.. و كان باين في الفيديو انوه متصور قبل ما يتعب... "

- دوس بلاي!

" ادهم شغله وبدأنا نسمع"

- لو الفيديو ده مع حد دلوقتي.. فا ده معناه اني مش موجود.. ومعناه اني سيبت حمل كبير عليه.. و في الاغلب عليك يا أدهم.. اكيد بتسأل نفسك الورق ده مرحش للنيابة ليه او على الاقل انت ليه متعرفش عنه اي حاجه..؟

- الموضوع اكبر من اننا نطلعه كده فجأة.. وانا كنت خايف عليكم.. و خايف على ان المؤتمر يتضر لأن حاجه زي دي بتمس البلد.. ولو اي معلومه انتشرت قبل معادها.. ممكن تأثر علي المؤتمر عشان كده مرضتش اعلن عن اي حاجه..

الى عاوزكم تعملوه دلوقتي تخلوا كل حاجه معاكم لحد ما المؤتمر يخلص وينتهي بهدوء من غير شوشرة.. وقتها تقدروا تقدموا كل المعلومات دي اتواصلوا مع الظابط عاصم كلامي واضح.. مش عايز اي اجتهاد مينفتش الحاجات دي تظهر قبل المؤتمر انا تعبت جدا عبال ما عرفت المعلومات دي..

انا كنت زارع ناس تبعي في شركة ابو الفضل بالذات لأني كنت شاكك فيهم.. الأول كنت فاكره عْسيل اموال لكن طلع اكبر من كده و ظهور المعلومات دي كلها هتعمل تعطيل لحاجات كتير منهم المؤتمر..

ابو الفضل متفق مع ناس عشان يقدر يمكسه هو و يتسبب في فشلة.. فا كل الحاجات الى معاكم دي تطلع قبل المؤتمر بيومين فقط للظابط عاصم مش قبل كده فاهمين؟

- الفيديو خلص على كده !!

أدهم بعدم فهم: لا احنا لازم نتكلم!! ده هيوفر علينا كتير لو اتعرف دلوقتي

- بس جدو قال لاء !!

= ده قبل ما ابو الفضل يحاول يآذينا !! لو كان موجود دلوقتي

قاطعته بعصبيه: لو كان موجود دلوقتي كنت هتمشي كلامه !!

ادهم زعق: وهو مش موجود !!!! وكل حاجه عليا انا !!! انتي مش فاهمه ولا حاجه اصلا !!

بصتله وهي عينيها بدأت تدمع: انا غلطانه اني قولتلك يا أدهم!

"قبل ما افتح الباب و اخرج لقيت يوسف في وشي"

- فيه ايه !!.. استني

وقفت وانا بمسح عيني: مفيش حاجه

مسك ايدها: مخبين ايه؟

" بصت لأدهم بلوم عشان يوسف تقريبا عرف ان فيه حاجه.. و معرفوش يخبوا عليه.. قعدوا التلاته في الاوضة وحكوا كل حاجه و يوسف كان مصدوم "

فريده: انت شايف انه صح !!

يوسف بتردد: مش عارف!

" سمعوا خبط على باب الأوضة فا قامت تفتح لاقته زين.. بصلهم بشك "

- انتوا متجمعين كده ليه؟

بص لفريده: مصيبه؟

" فريده بصت لأدهم لاقت تعابير وشه بتقول متعرفهوش! "

لكنها اتكلمت بعناد: كده كده كنت هقوله عشان مش هيوافق على الي انت بتعمله

أدهم: انتي عايزه تتصرفي غلط وخلاص!! مش واخده بالك اني ادرى منك بمصلحة الشغل

زين: انا مش فاهم حاجه فهموني !!

" يوسف قعد يحكيله وحرفيا اتفقوا انها هتتقفل عليهم هما الاربعه ومش هيعرفوا حد تاني.. "

زين: اكيد لازم ننفذ كلام جدو !

ادهم: انتوا اغبيه ؟ مش شايفين الى حصل؟؟ فيه جديد حصل !! مش واخدين بالكم؟

زين: كلام جدو واضح ومفهوم وكمان منطقي جدا ليه عايز تخالفه

- عشان قاله قبل ما مشكلة الشركه دي تحصل

= اعمل الى انت عايزه ده الى طول عمرك بتعمله اصلا يلا يا فريده

" قامو خرجوا وسابوه هو ويوسف و ادهم اتعصب من كم الحاجات الى عماله بتحصل ورا بعض! "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" طلع اوضته لقي حبيبه قامت لما سمعته داخل "

- ايه كنت فين

= مفيش .. كملي نوم

- حصل حاجه؟

= لا متقلقيش

- طب انت مش هتنام؟

= لا.. عندي شوية حاجات هنزل اخلصها في المكتب انا جيت اخد حاجه و نازل

- طيب..

" نزل وحبيبه كانت مضايقه.. مبقتش عارفه تعمل اي عشان يهدي و يريح باله! فكرة انوه مضغوط ضاغطه عليها هي شخصيا..!"

>>>>>>>>>>>>>>>>>>>>>>>>>>>>>>>>>>

|| تاني يوم | في الشركه ||

" ادهم وصل من الفجر يعتبر وكان لوحده و فضل يراجع حاجات كتير لكنه ملقاش اي معلومات ولا في مكتب عزيز الى في الفيلا ولا في الشركة.. كل حاجه كانت في اوضة جلال! "

" ولما الموظفين بدأو يروحوا مصطفي وصل وشافه فا خبط على المكتب ودخل "

- عملت ايه ؟

= فيه ايه؟

- في موضوع الأسهم و المؤتمر وكل التفاصيل دي.. الوقت بيعدي وانا مش حاسس اننا جاهزين

= انا اوردي قدمت طلب للجنة

- ازاي عملت كده و الشركة لسه متصْرره

= لأن شركتنا ليها اسمها يا مصطفي!! مش محتاجه اصبر لما كل حاجه ترجع بيرفكت

- كلامك مش منطقي يا ادهم

= طب متيجي تشتغل مكاني

مصطفي بهدوء: انا مقدر الي انت فيه.. بس خليك عارف ان الشركة بالنسبالي مش مجرد شغل ولا انتوا بالنسبالي مجرد ناس شغال معاها.. انت صاحبي واخويا وانا شايف الى انت بتعمله مينفعش تمسك العصاية من النص و تحاول في وقت واحد ترجع كل حاجه زي ما كانت.. حاول تهدي وتفكر يا أدهم كله بالهداوة..

" خرج و سابه و أدهم مسك راسه بقلة حيلة وليد وصل بعدها بـ شوية و عمل اجتماع معاه هو و يوسف و فريده "

|| في غرفة الاجتماعات ||

وليد: انا كده فهمتكم كل حاجه مش هناخد اي خطوة جديده غير لما نصلح القديم

يوسف: بس احنا كده بنخسر شغل

فريده: ولو مخدناس استراحه وكل حاجه اترتبت صح هنخسر برضو !

أدهم: احنا مستحيل نوقف اي حاجه

وليد بصله بعقدة حواجب: مش فاهم يعني ايه؟

أدهم: يعني.. يعني انا مش هوقف حاجه انا استلمت ملفات و بعت اوردي للجنة عشان المؤتمر

وليد بدهشه: انت ازاي تتصرف من دماغك كده؟

أدهم: هو محدش فيكوا مهتم بالمؤتمر ليه؟

"الكل سكت في اللحظه دي لكن فريده مقدرتش.."

- عشان كلنا شايفين الى انت مش شايفه !!!

"يوسف بصلها بمعني اهدي"

أدهم بصلها: تقصدي ايه؟

- اقصد انوه خلاص! كل حاطه بتقول مش هينفع نبقي مسؤلين عن المؤتمر !! انت بس رافض تشوف الحقيقة واحنا كنا ساكتين عشان منضغطش عليك زياده لكن انت كده هتستمر في خسارة الشركه !! الباصات عندك محتاجه صيانه وكل حاجه بايظه محتاجين وقت و الوقت مش في صالحنا !! وانت مش شايف ده ؟؟ كل الى شايفه انك تمشي كلامك

أدهم خبط على المكتب بنرفزه: اسكتي !! سبق و قولتلك انتي متعرفيش حاجه اصلا وطبيعي متبقيش فاهمه ولا خايفه على الشغل زي انتي تعرفينا من امتي !! ولا شغاله في الشركه دي بقالك قد ايه ؟؟ ها ردي عليا ؟؟ انتي جاية و الشركة واقفة على رجلها عشان احنا موجودين فا متعمليش نفسك فاهمه اكتر مني !

" فريده اتصدمت تماما من كلامه معاها وطريقته وانوه اصلا قالها كلام زي ده الكل كان مندهش من طريقته وعصبيته قام وسابهم راح مكتبة و يوسف وليد حاولوا يهدوا فريده لكن هي مدتش رد فعل وفضلت ساكته وكل الي طلبته تروح.. "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في المستشفي | قسم الأطفال ||

- دكتورة حبيبه

= أيوه اتفضلي

- الريسبشن بلغني ان انهارده اخر يوم لحضرتك.. وانتي عارفه انس بيحبك قد ايه و مش هيرضي نكمل متابعه جلسات مع دكتور تاني! حضرتك هتروحي مستشفى تانيه؟

= لا يا مدام نهي للأسف انا مش هكمل شغل الفترة دي يعني عندي ظروف وكده

" مقدرتش استحمل نظرات اليأس في عيونها "

↚

- انا افضل لحد ما انس يخلص جلسات..

= بجد!

- ايوه.. انا كمان بحبه وهو عزيز عليا

= مش عارفه اقولك ايه بجد يا دكتورة شكرا جدا تسلمي ربنا يوفقك في حياتك و يريح بالك يارب

" خدت انس ومشيت وكان بيعملي باي.. أنس حاله خاصة جدا.. هو عنده توحد و عنده مشاكل في التنفس بياخد جلسات أكسجين حاليا.. عشان الالتهابات الى على الرئة عنده.. ولأني فعلا بحبه قررت أجل موضوع اني امشي.. و طلبت من رئيس القسم ارجع في قراري حاليا.. "

" وبعد لما خلصت كلمت أدهم عشان يجي يخدني مردش فا كنت قريبة لتيته روحت اقعد معاها"

>>>>>>>>>>>>>>>>>>>>>>>>>>>>>>>>>>

صلي على محمد

|| في الشركه ||

- يعني انت مش صمم انك مش غلطان !!

= لا يا بابا مغلطتش !

- تكلم بنت عمك بالشكل ده وتقولي مغلطش؟ وتاخد قرارت من غير مغ ترجع ليا وتقولي مغلطش !

= انتوا مش فاهمين حاجه

اتكلم بحده: ادهم !!! اظبط نفسك كده ! وبطل الى انت فيه ده مترجعش تاني للشخص الى كنت عليه.. ده مش وقته اعرف المسؤلية الى عليك ولا اكتر ولا اقل فاهم ؟؟

أدهم رد بغضب مكتوم: تمام

>>>>>>>>>>>>>>>>>>>>>>>>>>>>>>>>>>

|| في الفيلا ||

- يا فريده فهميني مالك بقا

= صدقني محصلش حاجه انا مرهقه شوية فا جيت

- انتي شكلك معيط!

= هعيط ليه يا زين؟ وبعدين لو فيه حاجه مش هخبي..

- طب انا هكلم أدهم اسأله

= قولتلك مفيش انت مش مصدقني ليه بجد ؟

- عشان عارفك عارف لما بتبقي مضايقه من حاجه بتبقي عامله ازاي

= لا ده مجرد ارهاق مش اكتر

يزن دخل علينا: ايه اخباركم.. الشغل اخباره ايه

فريده: كويس.. انت ليه مروحتش مع يونس

يزن: مش مريح مع يونس اليومين دول

فريده: ليه؟

يزن: يونس حرفيا عايز يتحكم في كل حاجه مع ان ادهم قايل كل واحد يعمل ايه بس هو عنيد

ضحكت بسخريه: مش هيجيبه من بره

يزن: ايه؟

فريده: ولا حاجه.. انا هطلع انام..

زين بصلها بعدم ارتياح: ماشي

>>>>>>>>>>>>>>>>>>>>>>>>>>>>>>>>>>

استغفروا

|| تحت الشركه ||

" كان ادهم بيكلم حد تبع التصليحات و بيرتب معاه كل حاجه.. "

- انت شايف اننا ممكن نعدي على خير؟

= قول يارب انا هحاول بأقصي جهدي وطبعا كل الصيانه و الشغل الى طلبته كل حاجه هحاول ابعتها في اسرع وقت ممكن متقلقش

- عاوز كل حاجه تخلص قبل شهر 12 ب 10 ايام على الاقل يا نادر

= ان شاءالله خير..

- ماشي يا معلم

" بعد ما خلصوا كلام اتنهد بتعب وفرك عينه و كان بيكلم حبيبه ولقاها اتأخرت فالرد فا فضل يرن لحد ما ردت "

- هو انتي فين ؟ مكلمتنيش ازاي كل ده

= انا خلصت من بدري يا ادهم

- و روحتي لوحدك؟

= لا انا عند تيته

- طب انا جايلك

= ماشي..

" قفلت معاه و بصيت لتيته "

- ايه هترجعي خلاص

= أيوه خلاص بقا

- خليه يطلع هنا لما اتكلم معاه واعرف مزعلك ليه

= تيته! والله مش مزعلني بعدين.. هو.. قالي مستعجل هنزل علطول

- يعني مش هيطلع يرمي السلام حتي!

= هجيبه ونيجي اول لما يفضي منتي عارفه مشاكل الشغل!

- ماشي يا حبيبه.. لما نشوف اخرتها

" الحمدلله خلعت منها ونزلت استناه تحت البيت.. ومعرفش ليه كل القر ف يأتي واحد تلو الاخر.. شوفت اخو شهاب جاي من بعيد ولاقيته بيقرب ناحيتي منكرش اني خوفت!! بس مرضتش ابين "

- حبيبه ازيك! انا كنت جايلك

بصتله بستغراب: فيه ايه بينا عشان تجيلي اصلا

- شهاب

= امير !!! اخوك كان خطيبي والموضوع انتهي!! وانا دلوقتي متجوزة

- انا عارف بس وانا بزوره اخر مره طلب مني اقولك تسامحيه وانوه فعلا كان بيحبك

بصتله بتعجب: ملوش لازمه خالص الكلام ده!!

- لازمتة انه فعلا بيحبك طلب مني اعرفك ده و انوه مكنش قصده يزعلك ولا كان بيحْونك لما شوفتيه فالبار و

قاطعته بحده: لو سمحت كفايه لحد كده قولتلك الموضوع انتهي كل الى بتعمله ده ملوش لازمه!!

" وطبعا احنا قولنا المصايب بتيجي ورا بعض في ثانيه لقيت عربية ادهم قدامنا ونزل منها وقتها مكنتش عارفه اعمل ايه.! "

" اول لما شافه راح وقف قصاده "

- انت مين ؟؟

امير بخوف: انا.. انا..

رديت بسرعه: جارنا هنا وكان بيقولي اسلم على تيته

ادهم بشك: و واقف مش على بعضك ليه؟ وبعدين متطلع تسلم عليها طالما انت حلو كده

كان عايز يمشي فا ادهم مسكه وبصلي: مين ده!

- طيب سيبه وهقولك والله

= حبيبه!!!

- واحد قريب شهاب

فتح عيونه بصدمه: وليك عين تيجي لحد هنا !!! انتوا ايه ؟؟ عيله بجحه كلكوا !!

حاولت امسكه: يا ادهم خلاص ! سيبه هو ملوش دعوة بيها

أدهم شده ناحيته: لو لمحت خيالك بس ناحيتها انت او اي حد من طرفكم هساويه بالاسفلت

"سابه فا مشي بسرعه و رجع بص لفريده"

- انتي بتنزلي ليه تقفي في الشارع انتي كمان ؟

= مستنياك !

- متستني فوق ! مش كفايه معبرتنيش ومشيتي لوحدك من المستشفي

= لا هو انا كلمتك كذا مره اصلا وانت مردتش !!

- والله؟ طب تمام اركبي

= انا بقا مش عايزه امشي معاك

"بصلها بقمة الغضب و عروقة بارزه"

>>>>>>>>>>>>>>>>>>>>>>>>>>>>>>>>>>

↚

- انتي بتنزلي ليه تقفي في الشارع انتي كمان ؟

= مستنياك !

- متستني فوق ! مش كفايه معبرتنيش ومشيتي لوحدك من المستشفي

= لا هو انا كلمتك كذا مره اصلا وانت مردتش !!

- والله؟ طب تمام اركبي

= انا بقا مش عايزه امشي معاك

"بصلها بقمة الغضب و عروقة بارزه وقبض ايده "

- انا مش فايق للدلع ده !!! اركبي !

= دلع ؟ انت شايف ده دلع! انا بجد مبقتش فهماك! انت حتي مش زي اي واحد طبيعي بيجي يحكي ويشارك و يتكلم انا مبقتش قادره استحمل ده ! انت مش مهتم بيا!! ولا بتحبني!

بصتله وعيوني مدمعه: لما تعرف انت عاوز ايه.. نبقي نتكلم ساعتها

" حبيبه سابته بحزن و طلعت عند جدتها وادهم كان هيروح وراها لكنه ضرب العربية بغضب وركب و مشي .. "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في الفيلا ||

" دخل على وقت العشا وقعد بقمه الهدوء "

هدي: فين حبيبه مرجعتش؟

- قاعده مع جدتها شوية هو بابا مجاش؟

= لا.. لسه

بص لزين: وفين فريده؟

- معرفش مش راضيه تنزل ومن ساعه ما رجعت وهي مش مظبوطه

" ادهم كان بيحاول يبقي عادي ويتصرف طبيعي بس حس بالندم بسبب كلامه "

يزن: اطلع اناديها تاني؟

يوسف بص لأدهم و ادهم قام: انا هطلع اشوفها

" طلع اوضتها فعلا و خبط على الباب وسمع صوتها من جوه "

- انا مش هاكل يا زين قولتلك

= وانا مش زين

" سكتت شوية وبعدين راحت وقف ورا الباب "

- عاوز ايه؟

= فيه حد يتكلم كده

- مش فاهمه؟

= متفتحي الباب يا فريده؟

سكتت شوية وبعدين فتحت له وحطت ايدها في وسطها: خير ؟ جي تكمل!!

" تجاهلها ودخل الاوضة وقعد فا دخلت وهي بصاله بتعجب "

- احنا قايلين قبل كده محدش يبوظ نظام البيت و الاكل اتحط تحت

= وانا مش عايزه اكل ولو سمحت ياريت ملكش دعوة بيا بعد كده

- ده ايه الطريقه دي؟؟

= انت الى بدأت! انا اخترت اعرفك انت بموضوع الأوضة و وثقت فيك وانت خذلتني بجد!! وبعدها قولتلي كلام لحد دلوقتي مش مصدقه انوه طلع منك انت! ليا!

بصتله وانا بضحك بسخريه وعيوني مدمعه: انت آذتني بكلامك!! وانت عارف اني معنديش حد غيركم!

دموعي نزلت غصب عني بس مسحتها بنرفزه وبصتله: بس عادي يا ادهم انت معاك حق انا مليش دعوة بيكم ولا بشغلكم تاني وهركز في الجامعه ولما احب اشتغل هبقي اشوفلي شغل بعيد عنكم

وقف وبصلها بعدم رضا: انت مجنونه؟ هو اي كلام وخلاص!! انتي عارفه مدي الضغط الى عليا وانا مكنتش اقصد اكيد! مش محتاجه اقولك ده

رديت بعياط: لا معلش!! انت قولت الى عايز تقوله!! ومعاك حق فيه انا مين ولا عايشه معاكم بقالي قد ايه فعلا عشان اتحشر فكل ده؟

- فريده بطلي هبل! انتي اختي فاهمه ده؟ ومفيش بينا اصلا الي بتقولي عليه

= انا محتاجه وقت اتأكد لو احنا فعلا اخوات لو حتي ولاد عم يا ادهم

مسح على وشه بتعب: تمام يا فريده بس انزلي كلي.. اغسلي وشك وانزلي

" هزيت راسي بهدوء وهو نزل.. جزء مني مصدقه و عارفه انوه مضغوط قد ايه.. بسبب كلام جدو الى كان معظمه موجه لي عشان يخلي باله علينا وعلى كل حاجه.. لكني في نفس الوقت مش قادره اتجاهل كلامه الى رماه عليا! وجرحني بيه! "

>>>>>>>>>>>>>>>>>>>>>>>>>>>>>>>>>>

|| في اوضة عبدالعزيز ||

" كان ادهم قاعد بليل بيبص لكل ركن في الاوضة و بيفتكره و بدأت عيونه تدمع.. "

- انت وحشتني اوي يا جدو وحشتني وانا مبقتش قادر خلاص انت كان معاك حق.. انا مقدرش اعمل حاجه لوحدي انت حطيت ثقتك كلها فيا وكل حاجه بتبوظ مني! انا مش قد المسؤليه انا آسف!!

" كانت دي لحظه إنهيار بالنسبة لأدهم و هو حاسس ان مفيش اي حد معاه.. حس بخسارة عبدالعزيز في اللحظه دي.. وحس ان كل حاجه باظت منه لحد ما لقي حد بيدخل الاوضه وكانت حبيبه "

- انا كنت بدور عليك..

" قربت واتفاجئت بحزنه.. وعيونه المدمعه وهو كان واقف بدون تعابير وساكت.. وقتها حبيبه معرفتش تعمل ايه فا حضنته "

- انا آسفة انا كنت مضايقه مكنش قصدي اسيبك

أدهم حضنها جامد وبدأ يتكلم بحزن و غضب: انا بوظت كل حاجه يا حبيبه!!!

حبيبه فضلت تطبطب عليه: أدهم اهدي مفيش حاجه باظت

- قالي اخلي بالي.. وانا معرفتش! كان بيكلمني انا الوحيد وقالي نفضل سوا و منزعلش بعض.. وحشني اوي يا حبيبه انا مش عارف اعمل حاجه من غيره ولا قادر اتقبل فكره انوه مشي ومش هشوفه تاني مش قادر

" كنت عايزه اعيط بسبب كلامه.. و وجعه الى حسيت بيه.. مانا كمان خسرت ماما و بابا وبعد سنين لسه تايهه من غيرهم! حاولت اخده و طلعنا الاوضة وفضلت قاعده معاه لكن هو كان في حاله وحشه و حاسس بالفشل! معرفتش اعمل حاجه غير اني نزلت لزين اخوه بعد لما راح في النوم.. "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الجنينه ||

- خلاص بقا يا فريده فكي بقالي ساعه بكلمك

= يا زين بجد مفيش حاجه هو مودي وحش لوحده

- دي حبيبه جايه

" فريده بصت وراها و حبيبه راحت قعدت جمبهم "

- عايزه اتكلم معاكم!

" بدأت تحكي لهم كل حاجه.. وان ادهم مش مظبوط خالص و ضاغط نفسه و عايش في تعب اعصاب من وقت موت جده.. "

"فريده اضايقت وحست بتأنيب ضمير!"

- يعني هو نام دلوقتي ؟

= أيوه.. ده نام بطريقه.. كأنه بقاله شهور بيجري حرفيا واخيرا لقي وقت استراحه انا مش قادره افهمك.. والمشكلة انوه مش بيطلع الى جواه وكاتم في نفسه! وكل ده سببله

زين كمل: انهيار! حصله انهيار!

- بالظبط.. وانا معرفتش اعمل ايه

زين: انا هتعامل متقلقيش يا حبيبه

= ماشي... تصبحوا على خير

" اول لما حبيبه مشيت حاولت امسك نفسي بس مقدرتش وبدأت اعيط غصب عني فا زين بصلي بعدم فهم وقلق "

- فيه ايه يابنتي!

= انا كدبت عليك انا وادهم متخانقين و شكلي انا الى كملت عليه انهارده

: واحده واحده بس اهدي وفهميني حصل ايه؟؟

- هو كان مصمم على قراراته وقدم ورق المؤتمر و زي ما انت عارف الشركه حالتها ايه! ا عاندنا قصاد بعض واتخانقنا

= معرفتنيش ليه يا فريده لا حول ولا قوة الا بالله ده انا سألتك خمسين مره !!

- عشان مش عايزه اعمل بينكم مشكلة بسببي !

= مكنتش هاروح اصْربة يعني !! كنت هصالحكم ونتكلم!!

- اهو الى حصل بقا

= طب بطلي عياط انتي بتقلبي الترابيزة وكمان تعيطي

مسحت عيني وبصتله: انا مكنش قصدي

- طب خلاص معلش اهدي تعالي

"قعدت جمبه وطبطب عليه ومسح على وشي زي ما يكون بيعامل طفلة"

- نفسي تكبري والله

= انا كبيرة يا زين !

- حاضر يافريده انا الي صغير اه

>>>>>>>>>>>>>>>>>>>>>>>>>>>>>>>>>>

|| تاني يوم الصبح ||

" زين صحي بدري قبل معاد الفطار و خبط على حبيبه براحه "

- صباح الخير صحيتك؟

= ولا يهمك كنت صاحيه

- ادهم نايم؟

= اه

- طب روحي عند فريده دقيقة

" حبيبه خرجت و دخلت اوضة فريده و زين دخل عند ادهم و حدف مياه علي وشه فا ادهم قام بأنزعاج و مسح وشه وبعدين بص "

- انت مجنون ولا ايه

= قوم اصحالي

" ادهم قام وقعد مكانه وفضل يفرك في عينه بعدين بص لزين "

- انت عايز ايه بقا انا فعلا مش قادر لحاجه دلوقتي

= عايز اقولك اني معاك

- معايا في ايه؟

= معاك في اي حاجه!

- وانا مش محتاج حد معايا

= انا عارف ان فكره ان الحمل عليك صعبة بس هو مش كده انت تقدر تعتمد علينا احنا معاك عشان نحاول نعدي المؤتمر بس بلاش تطلع اي حاجه واسمع كلام جدو وقبل ما تعارضني انا فاهمك والله انت مش بتتكلم ولا بتعبر بس انا فاهمك! صدقني لكن احنا لازم ننفذ كلام جدو هو اكيد كان في ايده يسلم كل حاجه بس مرضيش

" أدهم بصله وهو عيونه مدمعه وحط ايده على وشه بندم و قلة حيله "

- مالك يا ادهم! مش عاجبك كلامي برضو؟

بصله بهدوء: انا سلمت كل حاجه يا زين

زين بصله بدهشه: ايه !!! امتي !!

- امبارح

" زين قام من مكانه وفضل يلف في الأوضة و مكنش عارف يعمل ايه في ادهم حرفيا "

- انا معرفش حصل ايه صدقني !! انا فجأة لقيت كل حاجه بتبوظ !! عملت كده عشان الداخلية تبقي عارفه موقفنا و عارفه الشركات التانيه ايه ويبقي في افضلية للشركة بتاعتنا! كنت بحاول انقذ الوضع مش اكتر!! لكني خربتها

زين بصله بيأس: المؤتمر هيتأجل يا ادهم

- يعني ايه؟

= فيه احتمال كبير يتأجل بعد الى حصل لشركاتنا و بالي انت عملته خليتهم يخدوا حذرهم من باقي الشركات يعني مبقاش فيه اوبشن!

- واحنا لاء ليه !!

= بسبب الفضيحه الى حصلت!

- ماشي بس سمعتنا رجعتلنا

↚

= رجعتلنا ازاي؟ مين هيصدق ولا مين هيعرف اننا كنا مظلومين!!

- انت جبت كلامك بناء على اي مش فاهم

= عشان انا بتكلم مع ناس من المانيا بالذات و انت عارف .. الألمان معندهمش اعذار

- فا انت فرضت ان خلاص كده ضاعت؟

= مضاعتش.. واهدي.. هنحاول سوا مينفعش ننهار دلوقتي مبقاش قدامنا اي حلول ولا معانا وقت لازم نتجمع

- تمام ، هنتجمع بعد الفطار..

= تمام

>>>>>>>>>>>>>>>>>>>>>>>>>>>>>>>>>>

صلي على محمد

|| على الفطار ||

" اتجمعنا كلنا و الجو كان هادي والهدوء كان اشبه بالبرود حقيقي.. كل حاجه اتغيرت.. و الى حصل مكنش قليل من بداية اننا خسرنا زيزو.. لحد اننا بنخسر الشركة.. ومحدش كان قادر يعمل حاجه ولا بقي عنده طاقه! وكأن كلنا صابنا نفس السهم..! "

هدي: فريده مش بتاكلي ليه؟ و انت يا زين كلكوا مالكم انهارده؟

وليد: مفيش شوية مشاكل في الشغل لكن هتتحل ان شاءالله.. كلو وبأذن الله خير

" كنت مستغربة ازاي عمي ثابت.. و ازاي قادر يكمل هو العيب فينا؟ "

" حتي عمتو هبه و عمتو ناديه.. ازاي صابرين كده"

يونس: انا مليش نفس اكل

يوسف: طب اصبر

" يونس مشي وسابهم و يزن مشي وراه من حتي ما يتكلم وطبعا دي حركه مكانتش مقبولة بالنسبه لأدهم لكنه قرر يمسك نفسه.. "

" وبعد الفطار طلب منهم كلهم يتجمعوا في مكتب عبدالعزيز يوسف و يزن و فريده و زين و يونس .. "

" فريده كانت اخر واحده جت فا شافته واقف بره وقبل ما تدخل راحت له "

- أدهم

= ايوه يا فريده

- انا مش زعلانه منك.. ومقدره انك كنت مضايق وانا كمان زودتها في العناد

" هز راسه بهدوء وانا دخلت وبعدين دخل قعدنا كلنا وهو كان ساكت لثواني وكأنه مبقاش قادر يتكلم ومتردد وقلقان! "

"بصلنا بعد ما خد نفس عميق"

- انا مكنتش قد المسؤليه الفتره دي ، بعترف بده.. انا فشلت في كام حاجه ، و لحد الآن محققتش حاجه وانا زي زيكم جدو وحشني

" عيوني بدأت تدمع وكلنا بدأنا نحزن اكتر "

- وحشني هدوئة.. وازاي بيتحكم في الامور بحكمة.. وبيحل كل حاجه بطريقة دبلوماسية

ابتسم بحزن وعيونه مدمعه: وحشني عصبيته لما بقوله يا زيزو

- بس انا هحاول ومش هستسلم.. لكن الفرق اني هحاول وانتوا معايا انا مش هقدر لوحدي احنا مينفعش نبقي عاملين كده احنا رجعنا اغراب واسوء من الأول ودي مكانتش وصيته!

يونس وقف واتكلم بزعل وغضب: لسه فاكر دلوقتي تقول انها مكانتش وصيته؟؟

يزن: يونس براحه!!

يونس: احنا مش قد المسؤليه كلنا ومحدش فينا بقي طايق نفسه و المصايب بتتحدف علينا واحده ورا التانيه محدش عارف يتحكم في حاجه

يوسف قام وقف قصاده: اهدي يا يونس فيه ايه لكل ده!

يزن اتنهد: امبارح قام في نص اليل يعيط

" كلنا بصينا ناحيته وهو بدأ ياخد نفسه بهدوء و بعد نظراته عننا بشعور مخزي "

أدهم راح عنده: ايه خلاك تعيط؟

" يونس كان بيحاول يتهرب وعايز يخرج لكن أدهم وقف قصاده وفضل يرفع وشه ناحيته "

- حلمت بجدو؟

" يونس وقتها دموعه نزلت زي الشلال على وشه فا ادهم خده في حضنه جامد وفضل يطبطب عليه "

- اهدي.. ايا كان الى حلمت بيه.. خليك عارف ان جدو عمره ما كان هيلومنا على حاجه ولا يكرهنا فاهم يا يونس

يونس بصله واتكلم بعياط: بس احنا مش هنعرف نبقي زي الاول من غيره يا أدهم احنا كل حاجه عملناها غلط!

- مفيش حاجه مبتتصلحش يا يونس! دي جملة جدو الإنسان طول ما في نفس لازم يحاول فاهم؟ احنا هنكمل و هنعمل كل الى نقدر عليه و والله المره دي هثق فيكم وهنبقي سوا في كل حاجه

" رجع وبصلنا كلنا و اتكلم بجديه "

- احنا هنبدأ من دلوقتي هنشتغل على كل حاجه.. محدش هيخاف على الشركه قدنا

نهي جملته وبصلي: انا عاوزك مع يزن يا فريده انتي هتعرفي تفهميه كل حاجه في وقت قصير

- وانت يا يوسف مع يونس

يوسف: انا معاه و مكملين شغل على الصيانه

- وانت يا زين.. انا عايزك معايا

" زين كمان قام حضنه و أدهم حضنهم كلهم وصالحهم و رجع علاقتهم تاني كويسة وبعد ما خلصوا كل ده طلع اوضة وليد خبط عليه "

- أيوه..

= عايز اتكلم معاك

- انا رايح الشغل مش دلوقتي

= انا اسف يا بابا حقك عليا الوقت مش مساعدني اشرح حاجات كتير بس

وليد قاطعه: عارف يا ادهم.. عارفك يا حبيبي وطالما جيت اعتذرت يبقي فوقت بدري زي ما كنت بدعيلك عينك على اخواتك يا ادهم زي ما جدك وصاك فاهم؟ دي الطريقة الى عاوزك تصالحني بيها

ابتسم بهدوء: حاضر يا بابا هحصلك على الشركه و هجبهم معايا

" وليد مشي وادهم فتح اوضته و دخل لقي حبيبه قاعده في هدوء "

- قاعده لوحدك ليه

= عادي.. انت كويس

" راح قعد جمبها ومسك ايدها باسها"

- انا كويس عشان انتي معايا

"ابتسمت وهي بتحاول تداري الحزن لكن ادهم لاحظ"

- انا عارف اني مزعلك ومأثر معاكي انا آسف

= ولا يهمك يا ادهم

- اي حاجه ليها علاقة بيكي مهمه يا حبيبه انا فعلا اسف عشان مكنتش جمبك فكل الى فات ولا بشاركك بس انا مش هكرر ده تاني.. وجودك اصلا كفاية يخليني احسن و كلامي معاكي بيريحني

عيونها دمعت وبصتله: انا مش حاسه كده.. انا حاسه انك اتسرعت! حاسه اننا مش

ادهم قاطعها وحضنها جامد: متقوليش كده ابدا

" فضلت حضناه وكأنها فقدت كل حاجه وبعدين هو رجعلها! قرر يفضل معاها شوية ومسبهاش وكان ماسك ايدها.. و ايده التانيه بيلعب في شعرها بهدوء وحب.. كان فعلا مرتاح وهو جمبها ومش شايل هم حاجه "

رفعت عيونها وهي في حضنه وبصتله: مش اتأخرت على الشغل؟

- اه.. ممكن بس متبصليش بعيونك الحلوين دول عشان بضعف؟

ضحكت ورجعت لحضنه: انا بحبك

- وانا واقع جامد.. وبعد الضحكه دي شكلي هبيت هنا شهر مش هخرج

ضحكت وقامت عشان تبعد لكن هو رجعها: متسبيش حضني ابدا

- اممم ده انت ناوي تفضل بجد

= مش عارف.. شكلي لزقت

" فضلت تضحك جامد وادهم مبتسم ومبسوط وهي في حضنه و فجأة الباب خبط "

- ماهي لازم الدنيا تهببها فوق دماغي خليكي انا هنزلهم

" خد الجاكيت بتاعه و المفاتيح و باسها قبل ما يخرج وبعدين فتح الباب و لقاه زين "

- انت ايه ؟؟ كلنا قاعدين مستنين تحت!

= طب يلا

>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

||بعد مرور اسبوعين | في الشركة | غرفة الاجتماعات ||

- ممكن تركيز شوية ؟

يزن: والله يا ادهم متلاقيش يحبيبي

يوسف: احنا اخر فتره دي تعبنا وبقالنا بايتين في الشركه تلت ايام انا وحشني سريري يابا

يونس: انا اقصي طموحي انام ساعتين

يزن: وانا عايز اكل بط

فريده: انتوا اوفر اوي

زين: طبعا ما الهانم بتروح كل يوم عادي وترجع الصبح

أدهم: تحب ابيتها يحبيبي

زين: اسكت

فريده: طب هاه اليوم هيخلص امتي

يونس: تصدقي بالله

فريده: لا إله إلا الله

- انتي وليه بجحه

ضحكت: غيران مني

أدهم: طب خلاص تايم اوت؟ عاوزين نكمل احنا محققين حاجات كويسة لحد دلوقتي و بجد مجهود عالي مينفعش يروح فاضل اسبوع خلاص ونبعت الطلب الأخير نستحمل شوية!

يزن: ماشي.. بس عايز اكل بط

أدهم مسح على وشه فا يزن بصله بخوف: طب ورك فرخه؟

يونس: وانا عايز الصدر

ادهم بص ليوسف فا يوسف سكت شوية وبعدين لقاه لسه باصص: لا انا مش بحب الفراخ ممكن جطعه ستيك مشوي؟

زين: خلي بالك بقا لو ستيك مشوي لازم تطلب حتة طريقه معينه كده عشان متنشفش منك

فريده: اه فعلا انا مره عملته اتحرق

زين: لا ده انتي مش بتعرفي تطبخي اصلا اسكتي

أدهم قعد على الكرسي بنفاذ صبر وبصلهم: طب ايه نقلبها شركه اكل؟ ولا شركه نقل طعام؟

زعق بنرفزه: عاوزين نتزفت !!

" كملنا شغل يومها قبل ما ادهم يطفحنا المر اكتر من كده.. كان معاه حق مينفعش تعبنا يضيع.. لكن وسط ما احنا بنشتغل اتفاجئنا ان جت زيارة لمكتب عمي وليد و السكرتيرة جت تبلغ ادهم "

- ادهم بيه.. اللجنة التقييميه جت

ادهم بتعجب: يعني ايه؟ ازاي يجوا دلوقتي

زين: هو ده معناه ايه يا ادهم!!

فريده: اترفضنا!!؟؟؟؟

↚

- ادهم بيه.. اللجنة التقييميه جت

ادهم بتعجب: يعني ايه؟ ازاي يجوا دلوقتي

زين: هو ده معناه ايه يا ادهم!!

فريده: يلهوي ! اترفضنا!!؟؟؟؟

- خليكم هنا لحد ما أجي محدش يجي ورايا

" خرج من مكتبة ودخل على وليد بعد ما خبط.. "

- اهلا بحضرتك

" سلم على الموجودين كانوا اتنين تبع المؤتمر "

وليد: اقعد يا أدهم عصام بيه جاي يشرح لنا الوضع

أدهم بقلق: خير؟

عصام: الظروف حاليا زي ما انت عارف مش مساعده حد يعني.. وفيه مشاكل كتير بالنسبة لوصول الأعضاء مصر دلوقتي فا احنا بنحاول اننا نطلع بأقل خساير فا أجلنا المؤتمر

- مش فاهم اتأجل لحد امتي؟

= لحد اخر 12

- طب والموافقة على اننا نقوم بالتنظيم زي كل سنه؟

= ماهو ده برضو لم يتم تحديده.. و بصراحه في معلومات انهم عاوزين شركة تانيه

" أدهم كان هيتكلم وليد منعه "

وليد: تمام احنا متفهمين ده وعارفين ان اللجنه اهم حاجه عندها المصلحه العامة لكن زي ما انت شايف الشغل دلوقتي عامل ازاي عشان نقدر نلحق فا اتمني ده يوصل للإدارة

عصام: أكيد..

" و بعد ما خلصوا ومشيوا أدهم بص لـ وليد بيأس"

- مش هنمسكه صح؟

= اتفائل يا أدهم

" اتنهد وخرج وسابه و طبعا مرضيش يبين اي حاجه ليهم ودخل عادي "

فريده: ايه ؟ طلع في حاجه اترفضنا؟

- لا المؤتمر اتأجل لآخر الشهر

زين: دي عمرها ما حصلت

يزن: طبيعي على فكره يتأجل مش ده بسبب المشاكل برضو؟ فا طبيعي يتأجل شوية

أدهم: عموما احنا شغالين و زي ما احنا تمام؟

يوسف: تمام

>>>>>>>>>>>>>>>>>>>>>>>>>>>>>>>>>

" و لم يتغير شيء.. كملنا بنفس الرتم و نفس الحماس وكنت متفائلة معرفش ليه.. كنا خلاص في اخر يوم بليل و بكره الصبح هتبقي كل حاجه اتحسمت لقيت أدهم واقف لوحده عند السور بيبص للفراغ فا روحت وقفت جمبه "

- خير.. قلقان؟

= عارفه لما تبقي بوظتي كل حاجه بنفسك بس برضو مستنيا نتيجة كويسة؟ عشان النتيجة دي لو محصلتش وقتها اخر ذرة فيكي هتدمر..

"بصتله من عمق كلامه.. وتعابير وشة الى باين عليها التعب و الإرهاق سواء نفسي او جسدي.."

- بس انت مبوظتش كل حاجه يا أدهم ولو على موضوع المعلومات الى قدمتها فا انت كنت عايز مصلحة الشركة والى حصل حصل خلاص احنا في دلوقتي.. ودلوقتي بنعمل الى علينا مش مأثرين

= انا آسف بجد يا فريده متزعليش مني عشان كلامي معاكي قبل كده

ابتسمت: أدهم انت اخويا الكبير! عادي نتخانق!

- من امتي العقل ده؟

= لأني مقدره انك عصبي و مضغوط زي مانا عيوطه كده وقماصه و مثيرة للشفقه

بصلي بهدوء: ازاي شايفه كده؟ انتي من وقت ما ظهرتي وانتي عامله جو مختلف يا فريده.. وكفايه انك في حياتك بتحاولي كل ما تقعي و شاطره جدا في شغلك و دراستك

بصتله بفرحه وحب: انا بحبك اوي والله يا ادهم و ممتنه انك موجود.. كلكوا مبسوطه بوجودكم جمبي وبحبكوا اوي

- وكلنا دايما معاكي يا فيرو

ضحكت: طب خلاص فكيت يعني؟

= اه.. زي الفل

- ايا كانت النتيجه.. احنا عملنا الى علينا ماشي؟

= ربنا يسهل.

" خلصنا و دخل المكتب "

- احنا كده خلاص يرجالة هنروح

زين: امان يعني

أدهم: عملنا الى علينا..

يوسف: ربنا يستر انا متفائل..

يزن: وانا لا

يونس: طب اسكت

فريده: انا بقول يلا نطير.. عمتو بتقول انهم عاملين لينا اكل كتير حلو

يزن: عملوا لي بط؟

أدهم ضحك بسخريه: يلا يجماعه يلا

" ضحكنا عليهم و بعدين اتحركنا كل شوية ركبوا سوا ورجعنا البيت "

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في الفيلا | على السفرة ||

وليد: ايه كل الاكل ده

هبه: المحشي الي يوسف بيحبه

ناديه: و البط و الفراخ لـ يزن و يونس

يزن: ايوه بقا

هدي: و البشاميل لفوفو

فريده ابتسمت: تسلم ايدك

زين: واحنا ايه؟

حبيبه ضحكت: صنيه البطاطس و الرقاق

أدهم: معلش لازم تقولي انهم لينا بيدلع الاستاذ

زين غمزله: ومالو ! ما ادلع براحتي ولا عايز تدلع لوحدك

ادهم صْربه برجله: اسكت

حبيبه: انا الى عامله لك الرقاق محروق ومقرمش زي ما بتحبه

يونس غمزله و كذلك زين فا بصلهم بنص عين وبعدين بص لحبيبه: تسلم ايدك ياحببتي تحفه

زين ضحك وميل على يوسف: بيكدنا الكياد

يوسف ضحك: اسكت لحسن يعجنك..

فريده: مالكم بيهم الله

زين بصلها: عبالنا كده ما يبقي مالهم بينا..

ضحكت: كل يا زين.. كل

" خلصنا اكل و بعدين كل واحد راح اوضته بتعب كأن بقالهم سنه مباتوش فيها.. بس الصراحه اه تعبوا الأيام الى فاتت.. وانا دخلت اوضة جدو قبل ما انام.. متعوده كل يوم اقعد فيها شوية.. واتكلم معاه.. عشان لسه مش قادره اتأقلم على فكره انوه مش معايا.. ومشي فجأة.. "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| تاني يوم | الساعه 7 الصبح ||

" صوت صويت في البيت كله خلي كل الى في اوضته يخرج بصربعه و قلق "

ناديه: فيه اي ياولاد ؟

يوسف: مش عارف ده صوت فريده ؟؟

" نزلوا كلهم على تحت و هي واقفة تصوت و تتنطط"

أدهم: فيه ايه !!

بصتلهم بصريحْ: اتقبلنا !!!!!!!!!

جريت على زين حضنته: انا مش مصدقه اتقبلنا !!! اتقبلنا !!!

أدهم مسك منها الورق بعدم تصديق وبصله: اتقبلنا فعلا !!

حضن حبيبه بقوة وشالها بقمه الفرحه: خدنا المؤتمر يا بيبه !!!

حبيبه ضحكت: براحه بس أهدي أهدي

هدي بصتله: براحه يا حبيبي عشان حبوبه شايله بيبي

أدهم نزلها وبص بعدم استيعاب: ايه ؟؟

"الكل بقا مصدوم ولحظه صمت حلت"

زين قطع اللحظه بصويت: يعني انا هبقي عمو !!

أدهم: انتوا بتتكلموا جد !!

حبيبه بصتله بحب: كنت مستنيا اشوف لو هنتقبل عشان يبقوا فرحتين

" الكل فضل يحضنهم و يهيصوا.. واخيرا الفرحه دخلت عليهم من تاني.. لدرجه انهم مكنوش عارفين يحتفلوا بأيه بالظبط.. وكلهم مهيبرين من الخبرين دول وفرحانين جدا!! "

↚

يونس: اظن مش محتاجه بقا لو ولد يبقي يونس

يزن: انت اهبل ولا ايه ده اسم منتشر.. يزن هو الى نادر و جديد

يوسف: مفيش احلي من اسم يوسف اصلا!

زين: ريح يحبيبي هيتسمي علي اسم عمه زين

فريده بنكش: ولو بنت بقا يا استاذ ادهم؟

أدهم: انا سايبكم تتكلموا براحتكم وانا اصلا مقرر من بدري الأسم

حبيبه بصتلهم وابتسمت: لو ولد.. هيبقي اسمه عز.. حاجه كده صغيرة من اسم جده.

فريده ابتسمت: جميل اوي يا بيبه

يوسف: فعلا..

يزن: عز الجيار.. الحفيد الأول

وليد ابتسم: الحفيد الأول ليا.. ربنا يجيبه بالسلامه

هدي: بس ممكن تطلع بنت

ناديه: حبيب عمتك يا ادهم هتسميها ناديه؟

ادهم: ترضيها لبنتي؟

ناديه: اه يا جرْمه شايفه تربيتك يا هدي

هبه: تربيه يعني مفيش بعد كده

هدي: الأولى يسمي على اسم امه

أدهم: حتي انتي يا امي!

حبيبه: ايه رأيكم في اسم ليلي انا بحبه اوي

" الكل سكت فجأة.. و فريده بصتلها وعينيها بتدمع مكانتش قادره تمسك نفسها "

حبيبه بعدم فهم: فيه ايه؟

فريده ابتسمت بفرحه: مفيش.. ده كان اسم ماما الله يرحمها

أدهم طبطب على ايدها: انا كمان بحب الاسم ده.

زين: معلش بس اسم حماتي الله يرحمها انا اولي بيه

" الكل ضحك و فريده اتكسفت لكن زين قرر يكمل حلقة الافراح دي "

- انا عايز اتجوز انا وفريده.. بعد المؤتمر

وليد: معنديش مانع الكل كان موافق على الخطوبة صح؟

يوسف بنكش: والله انا شايف زين مش قد كده بس

زين قاطعه: اسكت انت الفستان الاحمر ها

يوسف: احممم زين مناسب جدا لفريده يجماعه

" ضحكنا كلنا عليه.. و اليوم ده محدش قدر ينام من الفرحه..! فضلنا سهرانين طول اليوم سوا بعد لما رجعوا من الشركه.. كملنا سهرتنا لحد الفجر.. و اتجمعنا عشان نصلي و عمي وليد كان الإمام.. صلينا وقرأنا قرآن ودعينا لجدو.. كل واحد دعي لشخص مفتقده.. انا دعيت لماما و بابا و تيته سهير وطبعا جدو زيزو "

" وخلصنا وطلعنا عشان ننام.. "

>>>>>>>>>>>>>>>>>>>>>>>>>>>>>>>>>>

صلي على محمد

|| في اوضة ادهم ||

- حبيبي.. مش هتنام؟

" أدهم راح قعد جمبها وخدها في حضنه وهي ابتسمت وحضنته بحب "

- كنت بحمد ربنا على كرمه لينا يا بيبه.. وبشكره اننا كنا نصيب بعض

= يعني بتحبني..

بصلها وضحك: يا الله على الستات دي.. بعد كل ده بتسألي؟ اه ياستي بحبك وبموت فيكي

- حتي بعد لما بقيت دكتوره عاطله

= قولتلك لو عايزه افتحلك مستشفي بحالها

- لا.. عايزه افضل معاكم أكتر معاك انت.. و البيبي الى جي

لمس على بطنها بحنان: تفتكري ولد ولا بنت

- انت عاوز ايه؟

= والله نفسي القانون يتغير وتيجي بنت انا قرفان من الرجالة يا حببتي

ضحكت جامد: بس يا ادهم لحسن يزعل لو ولد

ضحك على قمصها: الى يجيبه ربنا كويس يا بيبه انا هحبه عشان منك.. وعشان ابني واكيد عشان نعمه و فضل من عند ربنا وهديه.

- مبسوط عشان المؤتمر؟

= مبسوط اكتر عشان مخيبتش ظن عبدالعزيز بيه فيا.. وعشان تعبنا مرحش بعد كل ده

- انا متفائلة خير.. ان شاءالله كل حاجه تتحسن أكتر يا أدهم.. عشان انت وجودك فارق.. انت جمعتهم تاني.. كنت قد وصية جدك

حضنها وباس راسها: ربنا يخليكي ليا يا بيبه

>>>>>>>>>>>>>>>>>>>>>>>>>>>>>>>>>>>

" من بعد اليوم ده.. دخلنا في فترة التحضير للمؤتمر.. الى كانت اكتر فترة فيها توتر مرت علينا.. أدهم قالنا نسبة الغلط صفر.. مش مسموح بأي غلطه كنا شغالين عليه بكل ما عندنا.. لأنه نجاحه من نجاحنا.. ونجاح شكل البلد بعد كل المطبات الى حصلت! "

" العد التنازلي كان بدء.. و خلاص بكره الصبح المؤتمر هيبدء أعتقد يومها محدش عينيه غفلت لحظه.. وكأن كل ذرة فينا بتـ.ـقاتل "

" لحد ما طلع الصبح.. كلهم لبسوا بدل .. وانا لبست بدله فورمال برضو.. كلنا كنا متوترين.. وصلنا مكان المؤتمر في شرم الشيخ ، و بقا فاضل لحظات.. "

أدهم: احم.. خلوا بالكم فيه تغطيه اعلاميه كبيره مش عايز اي همسه بدون حساب.

يوسف هز راسه: تمام

زين: اعضاء اللجنة المنظمه بيراجعوا الأبحاث العلمية وخلاص هنبدء..

أدهم: كل واحد في مكانه

فريده: انا قلقانه

زين: انتي خليكي جمبي اقعدي

" المؤتمر بدء..! "

- و دلوقتي مع كلمة الافتتاح... وليد عبد العزيز الجيار رئيس اللجنة المنظمه..

" عمي طلع عشان يلقي خطاب الترحيب طبعا.. وكان كلمه رسمية ومفهوش غلطه.. و استغربت انوه متكلمش اوي عن جدو.. لكنه انهي الخطاب بجمله.. "

- هخلي أدهم يكمل..

" ومع اني عارفه انوه اتفاجئ ولكن مبينش قام وعدل البدله وطلع.. "

- احم.. اهلا بيكم في مؤتمر البحث العلمي ، طبعا وليد بيه شرح كل حاجه.. و قال كل حاجه.. حابب بس اضيف.. ان كيان شركتنا كان عبدالعزيز الجيار.. الله يرحمه.. واحنا بنكمل من بعده المسيرة الى سابها لينا.. عايز اقول ان مهما ناس حاولت تلوث اسمنا او الكيان بتاعنا.. مش هتقدر.. احنا شركتنا مش موجوده من اول إمبارح.. ده اسم بيتبني من سنين.. واحنا هنحافظ عليه.. وهنقدمه دايما بالشكل المناسب الى يليق بحضراتكم و يليق بالبلد و بينا..

" ادهم عاد كل كلامه تاني بالانجلش.. و بثقة و الكل كان فخور بيه وبيشجعه... "

" الجلسات البحثية بدأت و بدأنا نعرض الأبحاث ونتناقش فيها و باقي المؤتمر مشي روتيني ولكن كان على اعلي مستوي! لدرجه اننا بعد ما خلصنا الدكاترة الى كانوا موجودين من المانيا جم بنفسهم يتكلموا معانا و زين كان بيتكلم معاهم كويس طبعا بالالماني و ده كان باسطهم جدا لأنهم بيقدروا لغتهم.. واخيرا كان تم المؤتمر بأحسن ما كنا نتمني.. "

>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

" بعد لما خرجنا من المبني وكنا محافظين جدا على حركتنا.. فضلنا حرفيا نحضن بعض بعشوائية وفرح واحنا مش مصدقين اننا عدينا !! "

وليد: أحمدو ربنا كتير يا ولاد..

" كلنا قولنا الحمد لله "

أدهم: الفرحه الجاية بقا

" شاور عليا انا و زين فا ضحكنا "

- نشوف بس الشركه وكده! أكيد كل حاجه هترجع زي الاول و

وليد قاطعهم: انا حجزت القاعه الفرح الأسبوع الجي

فريده و زين: ايه !

يوسف راح يسلم عليه و يبوسه: الف الف مبروك يحبيب اخوك.. متنساش تعزم الفستان الاحمر احمم الف مبروك

" كلهم فضلوا يباركوا لنا واحنا حاسين اننا اتكروتنا!"

>>>>>>>>>>>>>>>>>>>>>>>>>>>>>>>>>>

|| بعد مرور اسبوع | يوم الفرح ||

- لا يا حبيبه احنا اتكروتنا فعلا انا حاسه اني عايزه اهرب

حبيبه: بقا في عروسة زي القمر تقول كده؟

- انا قمر يا مريم؟

= والله يا حببتي تحفه.

حبيبه: صدقينا الفستان يجنن عليكي

مريم: وانا ؟ فستاني حلو!

فريده: حلو جدا! ينفع نبدل!

حبيبه ضحكت: هو فيه بس عروسه فستانها لونه احمر!

مريم ضحكت: هي بتحاول تتنكر تقريبا

ضحكت: فهمتيني يا مريومه.

- ونبي يلا زين كل دماغي هيجي يخبط تاني

" وفعلا سمعنا صوته بره "

- يا فريده ! عايز اشوف بقا !

مريم: انا هدخله

حبيبه: مينفعش لا لا عمو وليد هيجي يخدها روحي اطردي الواد ده

" وفعلا مريم خرجت نادت وليد.. و الفرح كان في الفيلا تحت فا زين نزل يستني.. و فريده كانت متوتره جدا و وليد لاحظ ده "

- متقلقيش ياحببتي عرفيني بس انوه زعلك و هعلقه من رقبته

ضحكت وانا عيوني مدمعه: انا.. كان نفسي يبقوا كلهم معايا

" ادهم دخل على جمله فريده وبصلها بنص عين"

- وانا سايب مراتي الحامل وجايلك مش كفايه

ضحكت وانا باخد نفسي: خايفه اعيط الميكب يبوظ

أدهم حضنها بحنيه: متعيطيش كلنا معاكي.. وهما معانا وحاسين بينا.. و فرحانين اكيد..

" نزلت مع عمي و ادهم ورانا و فضلت ماشيه وانا كل خطوة بخدها قلبي بيدق اكتر لحد ما وصلت قدام زين.. وانا شايفه نظراته ليا الى كلها حب.. وكأننا اخيرا انتصرنا بعد كل ده! حضني بقوة كأنه خلاص مش عايز حاجه تانيه "

- شكلك زي القمر يا فيرو..

= ابوك كروتني يا زين والفستان مش عاجبني

ضحك: دلوقتي ابويا؟ مش ده عمك حبيبك

- عمي حبيبي كروتنا..

ابتسم وبصلي بحب: والله تحفه و لايق عليكي.. رقيق وهادي زيك

- زين انا خايفه تزهق مني

= مستحيل والله..

- حتي لو نكدت عليك عشر مرات فاليوم

= طالما مش حداشر انا زي الفل

ضحكت وحضنته: انا بحبك

حضني ومسك ايدي باسها: وانا بموت فيكي..

" بدأ الفرح وقتها.. الى قررنا يبقي فيه بس أناشيد ومن غير اي اغاني.. عشان جدو.. وعشان كنا بنحاول نبدء سوا بداية جديده.. فرحنا و هيصنا و قعدنا نرقص سوا...و لما تعبنا و روحنا نقعد شوفنا يوسف جمب مريم فا غمزت لزين.. "

- بس ايه الحلاوة دي كلها؟

= وبعدين معاك بقا ؟

- مش هتديني رقم بابا؟

= بطل هزار يا يوسف

- بتكلم جد

= طب احلف

- من غير حلفان.. حد يشوف الفستان ده بس و يقدر يقاومه..

= بطل مغازلة يا بتاع البنات

- توبت خلاص.. اديني رقم الحج الله يرضي عليكي يابنتي

= بقا كده؟ بالسرعه دي

- اه عايز اللحق اولع في باقي فستاينك انا مينفعنيش الشغل ده الناس هتاكل وشي

ضحكت: يبقي هديك الرقم.

-------------------------

- يا أدهم الله بقولك كويسة

= لا انا هفضل لازق فيكي خايف على الواد.. او البت الله واعلم بنت ان شاء الله

- اقعد قول كده لحد ما يجي ولد و محدش هيزعل غيرك

= متقوليش ولد في وشي بقا

ضحكت: طب ربنا يستر يا أدهم..

يونس: ايه يا معلم ؟ مش هنرقص

يزن: انت الى حامل ولا ايه

" مصطفي صاحبه راح شده و الكل اتجمع وفضلوا رقصوا وراحوا خدوا زين معاهم.. مبطلناش حرفيا رقص وتنطيط اليوم ده.. يوم فضل محفور في ذاكرتنا كلنا! "

أدهم: واد يا زين.. اوعي تفتكر عشان اتجوزت بقا بقيت كبير وكده

ضحك: طبعا طبعا انت الكبير ياباشا

حضنه و بعدين بصله بحب: هتفضل ابني مهما حصل.. ومهما كنت اعقل مني ساعات

زين بصله و عيونه بتلمع: وانت هتفضل اغلي حد عندي يا أدهم.. ومثلي الأعلي.

" حضنوا بعض بقوة.. ورجعوا يكملوا الفرح."

>>>>>>>>>>>>>>>>>>>>>>>>>>>>>>>>>>>

|| وبعد مرور خمس سنوات على عيلة الجيار ||

|| في فرع الشركة التاني لمجموعه الجيار للمؤتمرات||

* طق طق طق *

- ادخل

↚

= زيارة لحضرتك يا أدهم بيه

وليد دخل من وراها فا ادهم قام وضحك: وايه لازمتها الرسميات يا باشا

وليد حضنه وقعد: ايه اخبارك في الشركه الجديده

أدهم بغرور: انتوا الى عاملين ايه من غيري؟

- يوسف شغال حلو جدا و يونس و يزن زي مانت عارف لسه اول سنه خايفين شوية بس شغالين كويس مصطفي صاحبك باعتلك السلام و بيقولك هتحتاجني..

ضحك: ما انت عارف يا وليد بيه.. لما بقول اني داخل حاجه لوحدي.. يبقي لوحدي

- اشمعنا فريده؟

= لا فريده موهبه حرام اسيبها للعيال الى هناك دي يشلوها يا حبيبي

ضحك وقام: طيب.. انا جيت اطمن عليك واقولك متنساش التجمع بليل

- الدكتور بتاعنا هيشرف ولا هيقولنا معلش عندي عملية ضروري

= متتريقش عليه يا واد

" قام عشان يمشي و هو خارج قابل فريده "

- عمو ايه الأخبار منور

= بنورك يحببتي كنت قريب و جيت اسلم عليكم

محتاجه حاجه

- لا شكرا..

" دخلت لأدهم وحطيت قدامه الملفات "

- دي تفاصيل المهرجان اتفضل

= كلها خلصت؟

- عيب عليك.. انا هخرج اكمل عشان بشوف الناس الى لسه تحت التدريب.. و اه حبيبه بترن عليك يا ادهم رد عليها و بطل توهان هتطلق

ضحك: والله غصب عني مشغول تلفونات من الصبح هكلمها أهو

" روحت اكمل شغلي و لقيت موبايلي بيرن وكان زين "

- اوعي تقولي مش هتيجي بليل

= اوعي تقولي لحد

- يا زين بجد لا زهقوا من مواعيدك حرفيا هياكلوك لو مجتش!! احنا مبقناش عارفين نتجمع!

= هاجي والله بس هتأخر شوية

- طيب..

" قفلت معاه وانا بتنهد بتعب.. عيله متعبه! "

>>>>>>>>>>>>>>>>>>>>>>>>>>>>>>>>>>

|| اخر النهار | في فيلا الجيار ||

" طبعا كلنا وصلنا.. عمتو هبه و ناديه.. و يوسف و يونس و يزن و عمو وليد و أدهم كلنا اخيرا رجعنا من شغلنا سوا بعد فتره كبير كان كل واحد ملهي في حاجه ومواعيده ملخبطه فا مكناش بنتقابل في البيت غير بالصدفه خصوصا بسبب الشركة الجديدة.. "

يزن: انت ياعم ادهم لم ابنك ده

أدهم: تعالي يا عز يا حبيبي غيران منك معلش

يوسف: ده انتاج بالذمه؟ هتشوفوا انا هجيب ايه

وليد: يأخي اتنيل اتجوز الاول و ريحنا

يوسف: خلاص بقا يا خالو اخر الشهر الله

يونس: اهي لولي حببتي جت

"ضحكت وانا داخله عليهم وشايله ليلي"

يونس: هاتيها حببتي

أدهم: فين يابنتي جوزك

فريده: مش بيرد يا أدهم

هدي: بقاله ساعه!

وليد: يمكن طريق يا هدي

" و شوية ولاقيناه داخل علينا و أدهم مسكه بقا "

- الدكتور ابو مواعيد مصْروبة وصل

= فين لولي بنتي حببتي هات ياض

راح خدها من يونس وحضنها وبصلي: مش قولتلك متسبهاش مع العيال دي

أدهم: حقك يابن المحظوظه معاك البنت

حبيبه: جرا ايه يا ادهم!

أدهم: مفيش احلي من عز ابني..

" كلنا ضحكنا.. على ادهم وبعدين قعدنا عشان ناكل"

هبه: مفيش حاجه فالسكه يا حبيبه

أدهم: لا جوزي ابنك بس وسبينا دلوقتي لحسن يجي ولد تاني

" ضحكنا و زين طلع له لسانه و هو شايل ليلي "

- حبيبه أبوها ناوين نجبلها اخت

يوسف: كتر ونبي يا زين يخويا العيلة كلها رجالة مبقتش مستحمل

يونس: لما نشوف انتاجك ياض

يزن: ده هيخلف خبث وخبائث ده

ناديه: بس بقا عيب كلوا وانتوا ساكتين

وليد: نسيت اقولكم على حاجه اتفقت نعمل فيلا صغيره جمب دي عشان عيلة الجيار بتتوسع ماشاء الله

هدي ضحكت: انت حامل هم المكان وهما كل يوم يتحشروا كلهم بره عند الجنينه سوا

وليد: اهو نوسع برضو وبراحتهم

أدهم: تسلم يا حج.

" بعد لما كلنا قعدنا سوا أخيرًا.. و عشان للاسف لسه فيه شغل كتير بكره كل واحد بدأ يروح على اوضته.. "

>>>>>>>>>>>>>>>>>>>>>>>>>>>>>>>>>>>

|| في اوضة فريده و زين ||

- وحشتني بجد انتي و النونو العسل دي

= خلي بالك انت مأثر

- اعمل ايه طيب.. هسيب الحالات لمين؟

= اتصرف.. مانا قولت لأدهم يقلل وقت شغلي!

- عيوني لعيوني بس فكي التكشيرة

= افكها ليه

- مش عايزه تجيبي اخت لـ لولي ولا ايه

ضحكت: وافرض طلع ولد؟

- مش مهم أدهم الى هيموت ويجيب بنت

ضحكت تاني وبصتله: وانت؟

= انا كفايه عليا اننا مكملين سوا والله يا فيرو.. وانك جمبي وشايله معايا كل حاجه

- طب ولو جبنا بنت؟ مين هيشيل؟

= هنشيل سوا..

ابتسمت: اتفقنا

>>>>>>>>>>>>>>>>>>>>>>>>>>>>>>>>>

|| في اوضة ادهم و حبيبه ||

- يا حبيبه بقالي ساعه بصالحك..والله بهزر.. حد ميحبش القمر ده؟ بصي نايم شبه الملاك البرئ ازاي ولا كأنه لسه كاسر لي الفازة الى بحبها

بصتله وضحكت: بجد يعني؟ الفازة؟

- خلاص بقا.. سيبك منه انا بحبك انتي

= ده ابنك!

- يابنتي هو انا انكرته! والله بحبه بس بحبك اكتر يعني

بصتله وضحكت: بتحبني لسه ؟ متأكد

- اه والله

= طيب انا عايزه اقولك حاجه..

- قولي ياحببتي

= انا حاسه اني حامل

- اللعب بقا

= في ولد

- لا رجعيه.. رجعيه يا حبيبه.

اتقمصت فا ضحكت: بهزر انتي بجد حامل؟

- لا بشوف ردة فعلك

= لا انا راضي ان شاالله تخلفي فار

حضنها: المهم فار شبهك

ضحكت: ماشي يا أدهم.. الباب بيخبط على فكره..

" قام يفتح لقاه يزن و يونس و يوسف "

يونس: عندنا طلعه عند الجنينه

- طب والشغل الصبح؟

= لمتنا اهم يبني يلا تعالو وعيالكم نايمين كده انت واخوك

" وفعلا نزلوا و زين و فريده نيموا ليلي ونزلوا و كلهم بقوا قاعدين في الجنينه قدام البسين "

أدهم: ياه... فاكر يا يزن لما رميتك من هنا

يونس ضحك جامد فا زين بصله: ما انت اترميت بعده

يونس: مانا رميت مراتك و لو مسكتوش هطلع اجيب بنتك الى فرحان بيها احدفها

يوسف: اوووبا غلط في الحتة الحساسه

زين: لو قومت هعجنك

ادهم: شوية جد بقا؟

فريده: اتفضل

أدهم: فاكرين جدو؟ فاكرين كان بيقولنا ايه!

فريده: عاوزنا دايما سوا

زين: منتخانقش

يونس: محدش يفرق بينا

أدهم: احنا دلوقتي حققنا كل ده.. و كبرنا عيلتنا.

يزن ابتسم: اكيد فرحان بينا صح؟

زين: أكيد..

حبيبه: يلا نقرا له الفاتحه!

" قرينا لي الفاتحه فا يونس بصلنا "

- تعالو كل واحد يقوله جمله؟ ابدء يا زين

زين: انا بقيت دكتور معروف شوية زي ما قولتلي يا زيزو

فريده ابتسمت بدموع: وانا وادهم فتحنا فرع تاني للشركه يا زيزو

يوسف: وانا بقيت شاطر.. و مسكت قسم لوحدي

يونس: وانا دي اول سنه ليا في الشركة ومبسوط

يزن: وانا كمان.. وفخور اني في شركتك يا جدو

حبيبه: احم.. ملحقناش نقعد سوا.. بس كده كده كنت بحبك من بدري.

ادهم اتنهد: وحشتني ياجدو.. كل حاجه زي ما سبتها.. يادوبك زاد علينا عز الصغير.. و ليلي.. عيلة الجيار بتكبر يا زيزو.. بس متقلقش دايما هنفضل سوا.

" ♡ "

↚

- الواد العربجي ده صوته عالي ليه؟؟

= عايز ينزل معاك يا أدهم

- هو انا رايح اللعب ده انهارده بالذات يوم مرهق

= طب كلمه انت بقي ده عمال يستحمي بسرعه عشان يلحق يروح معاك

- انتي سيباه يستحمي لوحده؟

= قالي انا هعرف اخلص لوحدي

" روحت وقفت قدام باب الحمام وقبل ما اخبط لاقيته خارج يجري و لافف فوطه على وسطه بعشوائية وماسكها بأيده عشان متقعش "

- بابي

ضحكت على شكله ومسكته: خد هنا عامل في نفسك كده ليه هتبرد يا عز

رفع عيونه وبصله: عامل زيك

"حبيبه ضحكت وشالته و نشفت شعره وهو عينه على ادهم"

- يا بابي استناني

= براحة يا حبيبي احنا لسه هنفطر سوا

- طيب خدني معاك .. شلني!

" ادهم مكنش حابب يدلعه.. لأنه بيلاحظ ان عز بيعرف يضحك عليهم كلهم ويدلع عليهم براحته.."

- لا انت كبير هات ايدك ننزل سوا يلا..

"عز مد ايده و ادهم مسكه ونزلوا تحت"

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في اوضة زين و فريده ||

- زين شيل بنتك دي بعيد عني مش عارفه احط ميكب

= ميكب ايه ياحببتي مفيش ميكب

- ليه بقا ؟

= هو انا ملاحق على حلاوتك الطبيعه عشان تزوديها بالميكب

بصتله وضحكت: اه اضحك عليا أيوه

- خلاص بقا هنتأخر على الواد ما صدقنا هنجوزه ونخلص منه..

= مش لسه هنفطر سوا ولا نسيت القواعد.. وبعدين يوسف غلبان يا زين.

- والله ما غلبان غيرك ده صايع بتاع بنات

= اوعي تقول كده قدام مريم هي بتشك فيه خلقه

- ما عشان يستاهل.. صايع..

= طب اسكت

مسكت ليلي: يلا يا لولي..

- حيلك حيلك انا هشيلها دي حببتي

= شيل شيل مانا جبت صْره لنفسي..

" نزلوا بعد ما خلصوا و لقوا يونس و يزن قاعدين على السفره بالبدل"

فريده: ايه الشياكه دي .. شكلكوا قمر عقبالكم

زين: اه ونخلص منكم سوا

يونس: حاططني في دماغك ليه؟؟ هات ليلي اشيلها

زين بصله برفعه حاجب: انا مش حاطك في دماغي طلع انت بنتي من دماغك

يزن: بالظبط.. عشان ليلي محجوزة ليا انا

زين بدهشه: انتوا مجانين شكلكوا محدش له دعوة بالبنت هعجنكم والله

يونس: شايف يا ادهم بيه؟

أدهم بنكش: هيشوف نفسه علينا عشان مخلف بنت

زين: طب اسكت بس

عز: عايز اشيل ليلي

كلهم ضحكوا و زين بص ناحية أدهم: ابعد الواد عن بنتي انا قولتلك اهو

أدهم: انت تطول ولا ايه

"فريده خدت حبيبه من زين و خلت عز يشلها"

حبيبه: ايه ياعز.. حلوة؟

عز ببراءة: حلوة اوي.. احلي من ساندي يا مامي

فريده: مين ساندي يا شقي

حبيبه ضحكت: ساندي دي سنجابة في سبونج بوب

" يونس و يزن كان صوتهم عالي فا ادهم بصلهم "

أدهم: ايه فيه ايه خناقه على الصبح؟

يونس: لا ربنا ما يجيب خناق هو ايه القمر ده يا حبيبه هانم

أدهم بص لزين: مش قولنا هندي الواد ده علقه؟

فريده ضحكت: مالك بمراته دلوقتي يا يونس

يونس: مانا مش لاقي له بنت مزه زي بنتك اعاكسها

يزن: يونس بيتغذي على استفزاز أدهم

ادهم بغرور وثقة: وياريته بيعرف.. ده أهبل

"وليد نزل هو وهدي و كان شكلهم جميل و راقي هدي لابسه فستان هادي و وليد بدلة كلاسيك"

فريده: واو.. ايه الحلاوة دي !

أدهم: ايوه يا وليد بيه ما الخال والد برضو.. تخيل حضرتك خال يوسف الصايع

"ضحكوا كلهم و الى سمعت جملة ادهم كانت هبه نزلت لهم بفستان جميل لونه ازرق داكن"

- مالك بأبني يا واد يا أدهم ؟؟

ادهم لف بصلها: عندي ابني هيكمل ست سنين وتقوليلي واد يا عمتي؟

- اه واد.. اوعي كده

وقفت جمب فريده و حبيبه: الفستان حلو ؟

حبيبه: حلو اوي ولايق عليكي يا هوبا

فريده: اه جميل والله

" نادية كمان نزلت و كده كلهم اتجمعوا وبدأو يفطروا سوا و بعدين كانوا بيستعدوا عشان يروحو القاعه "

ناديه: لازم يختي ابنك يلففنا وراه في القاعات

هبه: لما نشوف عيالك هيعملوا فرحهم فين

زين: تحت بير السلم احم..

" كلنا ضحكنا وبعد شوية مناكفه خرجنا نركب العربيات عشان نروح على القاعة.. "

>>>>>>>>>>>>>>>>>>>>>>>>>>>>>>>>>>

- مالك يا ادهم

= مفيش حاجه يا حبيبتي

" مسك ايدها وباسها وكمل سواقة و حبيبه كانت عارفه كويس ايه الى شاغل تفكيره.. "

|| امام القاعة ||

" كان واقف يوسف ومعاه عبدالرحمن "

يزن: منور يا بابا ايه الى موقفك مع الواد ده

يوسف بزهق: بتستعبطوا صح كل ده تأخير؟

يونس: كنا بنفطر ما انت عارف دي تقاليد العيلة

يوسف: يعني مش عارفين اني لسه هاروح اخد مريم!

يونس: يزن هو الى كان مأخرنا

يزن: كداب دي امك الى اخرتنا

عبدالرحمن: ولد انت وهو بس !

يونس: حاضر يا حج

أدهم راح لهم: فيه ايه؟

يوسف: كل ده عبال ما تيجوا؟ بس ماشي نعجن بعض بعدين ماشي..

زين ضحك: روح اجري روح هات مريم

فريده: خلي بقا ليلي معاك يا زين لأننا رايحين معاه

حبيبه: اه و خلي عز معاكم يا أدهم يلا يا يوسف

و فعلا مشيوا و سابوهم ادهم بص لزين: تبدل؟

زين ضحك جامد: مقدرش اسيب بنتي حببتي

- ماشي يبنالـ..

هدي قربت وبصتله: ايه؟

= الحلوة..

>>>>>>>>>>>>>>>>>>>>>>>>>>>>>>>>>>

صلي على محمد

|| في مكان البيوتي سنتر ||

" وصل يوسف و معاه فريده و حبيبه..

طلعوا هما يشوفوا مريم و يوسف كان بيسلم على أهلها.. "

*طق طق طق*

- جاهزه يا عروسة؟

مريم بصتلهم: كل ده؟

حبيبه: والله حاولنا نيجي بدري

مريم: طب ها!!! ايه قوليلي شكلي حلو؟؟!

فريده: شكلك زي القمر بجد يا مريوم

حبيبه: شكلك تحفه اللهم بارك يا ميمو

" البنت عملت لها الطرحه اخر حاجه و بعدين حبيبه و فريده نزلوا يعرفوا يوسف انها خلصت و طلع ياخدها وكان متوتر.."

- احمم ادخل؟

= ادخل..

" يوسف فتح الباب ودخل بعد لما خبط وأول لما رفع عينه وشافها بصلها بدهشه"

- ايه الحلاوة دي!

مريم بكسوف وعيونها بتلمع: انت كمان شكلك جميل اوي

قرب لها و هو بيتأملها: انتي احلي بكتير!!

مسك ايدها وباسها: اخيرا يا مريم.. بعد خمس سنين!!

بصتله بنص عين: بعد صياعتك يا يوسف

ضحك وبصلها بحب: انسيها بقا.. قولتلك مفيش في قلبي غيرك يا مريم انتي و فساتينك..

ضحكت جامد وهو تنح لها: لا بقولك ايه يلا نروح

- يوسف!

= بلا يوسف بلا بتاع تعالي نهرب محدش هياخد باله

- يوسف انت شوية وهتزهق مني اصلا!

اتكلم بحنان: عمري ما ازهق منك يا مريم.. انا حقيقي مهما لفيت مش هلاقي زيك.. وانا اصلا مش عايز غيرك.. انا بحبك انتي..،

انتي بالنسبالي حياتي

= وانا مبسوطه اني معاك يا يويو!

يوسف بصلها وقال وهو بيقلدها: اممم.. انت لو اخر راجل في العالم انا مش هتجوزك يا يوسف

" مريم ضحكت وافتكرت حاجه "

# فلاش باك

- انتي بترمي الدبله في وشي !!!!!

= اوعي ابعد ايدك دي عني يا حيـ.ـوان

- انتي اتجنني يا مريم

= بقولك ابعد عني انت الى مجنون لو فاكرني نايمه على وداني معرفش الزفت الى بتعمله هنا

- وطي صوتك احنا تحت الشركه !!!

= هو ده الى همك ها؟؟ انت اقسم بالله لو قربت مني مره تانيه ولا فكرت تقولي نرجع

يوسف قاطعها ومسك ايدها شدها ناحيته: انتي بتقولي ايه؟؟ احنا مش هنبعد عن بعض فاهمه ؟؟؟

زقته بقوة وكره: انت لو اخر بني ادم في الكون ده كله مش هتجوزك يا يوسف !!!!

باك #

- كنت متعصبه يا يوسف.. وكنت لسه صغيره برضو والمواضيع بالنسبالي بتاخد اكبر من حجمها بس انت الى غلطان برضو مش انا

= و عشان ايه كل ده؟؟ دخلتي لاقتيني بهزر مع السكرتيرة! وبنضحك بس امال لو لقتيني ماسك ايدها هتعملي ايه

- طب اتلم بقا

= طب بقول يلا بينا قبل ما تقوليلي اللغي الفرح

ضحكت: ماشي يلا

" مسكت في ايده و نزلوا.. و لما حبيبه و فريده شافوهم عينيهم دمعت من كتر جمالهم سوا.. و فريده افتكرت قد اي حصل مشاكل وبعدوا ورجعوا تاني..! لكن اخيرا بقوا سوا.. وبعد شوية طبل و اغاني ركبنا العربيات و اتحركنا على القاعه "

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| داخل القاعه ||

يونس: بقولك يا زين متجيب ليلي شوية

زين: فكك من بنتي ياض!

يزن: شايفين البلوند الى هناك ده

يونس: اوبا.. يابن اللعيبه

يزن: تبع مين دي

زين: دي قريبة مريم اتهد شوية

يزن: متكلملي حبيبه ترتب ليا جوازه كده زي يوسف ومريم يا معلم

ادهم: لما تنضج بس الاول انت و اخوك

زين: بالظبط

يونس: النجم وصل

" يوسف وصل هو ومريم و الكل اتجمع وبدء يهيص

ورقصوا كتير لحد ما راحو قعدوا وكانوا فرحانين اوي كلهم عشان يوسف.. وبعد شوية البنات اتجمعوا وقعدوا يرقصوا سوا و الرجالة كانت في الناحيه التانيه"

زين: خلينا احنا في الهدوء هنا لحسن البنات مبتسكتش

أدهم: طبعا مخلف بنت بقا مش مقدر النعمه

"يوسف ابتسم بصمت فا يزن بصله"

- مالك؟

↚

يوسف: مفيش.. مش مصدق بس اني اخيرا اتجوزتها.. بعد كل ده يعني.. عموما الفترة الى فاتت كانت صعبه اوي علينا كلنا انا عارف

زين: دي حقيقة.. حتي انا شغلي كان كتير.. ومكنش فيه وقت لأي حاجه

أدهم: كبرنا يجماعه.. والمسؤليات زادت

يوسف: صح.. على رأيك..

بص ليزن و يونس: طبعا انتوا لسه بتقولوا يا هادي

يزن ضحك: بس انا عجبني واحده بلوند..

زين: طب يلا يا يونس اختار مع اخوك عشان تتجوزوا سوا و نوفر وقت و مجهود

أدهم: اه بالمناسبة اخر فالاجازة اسبوع يا يوسف

يوسف: بصوا بقا الافترا

أدهم: وقع لنا الشركة الام بقا! عاوز شركتي الجديدة تبقي اعلي من الشركه الى بقالها سنين؟

" وليد راح قعد معاهم هو و عبدالرحمن "

عبدالرحمن: بترغوا في ايه و سايبين الفرح

وليد: اراهن انكم بتتكلموا في الشغل

يوسف: عرفت منين يخالو

وليد: لا مانا عارف عيالي ادهم قالك ان الاجازه يومين و لا لسه

يوسف: ده قالي اسبوع

أدهم: دايما ظالمني يا حج انا شواف برضو اديته اسبوع بحاله

وليد ضحك: سيبك منه انا الى ماسك الشركه دلوقتي هنظبط اجازتك سوا

يوسف: فعلا الخال والد.

" حبيبه و فريده و مريم راحوا خادوهم عشان يرقصوا سوا و قضوا باقي اليلة في سعاده وفرح.. وتم الفرح على خير."

>>>>>>>>>>>>>>>>>>>>>>>>>>>>>>>>>

|| بعد مرور سنه ||

- انا خايفه اوي يا فريده..

= بطلي عبط يا حبيبه.. أدهم ايا كان نوع الجنين هيحبه! ولا انتي لسه متعرفيهوش

مريم: معاها حق.. متربطيش بأنه عايز بنت و انه لو جه ولد هيزعل لا!

- ربنا يستر حد يقوم يشوف كده ايه الأخبار

" فضلنا مستنين لحد ما حبيبه دخلت تعمل سونار و بعد شوية لاقيناها خارجه وشها كله غرقان دموع "

"اتصدمنا انا و مريم و زعلنا اوي"

مريم: معلش يا حبيبه والله الـ

حبيبه قاطعتنا: انا حامل في بنت

بصينا بصدمه: امال بتعيطي ليه !!

حبيبه بدموع: من الفرحه!!!

فريده: ياشيخه حرام عليكي وقعتي قلبنا

" حضنها واحنا بنضحك و فرحانين مكانتش قادره تصبر لحد ما ادهم يروح من الشركه وفي نفس الوقت مش عايزه تقوله هناك عايزه تقول للعيله كلها.. فا عملنا خطه "

>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

|| في الفيلا ||

- يا يوسف بقا ! سيبه وركز معايا شوية !

= مركز يا مريم الله ! حطه نقرك من نقر الواد ليه!

انت حبيب بابي ؟

مريم ندهت على الداده بنفاذ صبر: لو سمحتي يا داده خدي كريم

يوسف: بطفشيلي ابني

- اه كلمه بقا يلا يا يوسف دلوقتي

" خلينا يوسف يكلم أدهم يقوله انهم محتاجينه في البيت ضروري.. و كنا احنا جمعنا الكل وصل و لما دخل وشافنا متجمعين استغرب "

- فيه ايه ؟؟ حصل حاجه !!

حبيبه قامت وبصتله: اه.. و قولت لازم اجمعكم عشان تعرفوا

أدهم: طب قولي انتي كويسة

- انا حامل

أدهم بصلها بفرحه: بجد!!!! الحمدلله يارب بعد كل ده..

حبيبه بصتله بستغراب: مش هتسأل ولد ولا بنت!

- مش لسه بدري عبال ما نعرف؟

هزيت راسها بالنفي وضحكت: بنت..

ادهم بصلها بصدمه: متهزريش يا حبيبه !

فريده: مش بتهزر شوف بعينك

" أدهم مسك الصور وشافهم و بعدين حضن حبيبه بقوة و الفرحه مكانتش سيعاه!!! ولا كان مستوعب انوه حصل اخيرا حرفيا كان مبسوط جدا و الكل قام يبارك له ويحضنوا "

وليد: العيلة مكمله في التوسع..

هدي ضحكت: الدور عليكي يا فريده

زين: لا يا ماما كفايه علينا ليلي

فريده: اه احنا متفقين

هبه: خلاص يبقي يوسف يخلف تاني

يوسف: لا كفايه عليا كريم اصل مريم بتغير

"ضحكوا و بعدين ناديه بصت ليونس و يزن"

- محدش فيكوا ناوي يتجوز قرفتوني

يزن بضحك: ربنا يسهل شكلها صالونات والله

يونس: شوفولنا حد بقا مبدهاش

وليد: البنات كتير انتوا الى حابين الصياعه..

مريم بتلقيح: ياتري طالعين لمين

" عز نزلهم و أدهم خده يقعد جمبه "

- كنت بتعمل ايه كده؟

عز بهدوء: لقيت صوتكم عالي روحت اطمن ان ليلي مصحيتش لحسن تصحي تعيط..

فريده حضنته: ياروح قلبي انت

زين بصله: برضو مش هتتجوزها خد بالك

عز اتكلم بتلقائية: بابا قالي هتتجوز ليلي لما تكبر

ادهم قعد يضحك جامد من دهشه زين: اه.. قولت له مالك؟ انت تطول؟

يوسف: حيس كده وانا كمان بطلب ايد النونه الى جاية لكريم واهو يبقي زيتنا في دقيقنا..

" كلنا قعدنا نضحك و بعدين بصينا لادهم"

- هتسموها ايه صحيح

حبيبه: أكيد يا ادهم انت فكرت في اسم البنوتة..

- كارما.. عشان هتبقي كراميلتي

يوسف بأستفزاز: قصدك كراميلا كريم.. تصدق لايقين على بعض

أدهم بصله برفعه حاجب: متخلنيش اغير الأسم!

حبيبه: لا لا كارما جميل

وليد: مبروك يا حبايبي.. و كويس ان نسل البنات هيرجع ليلي وكارما..

ادهم ابتسم: جدو كان هيفرح بيهم اوي

فريده: تفتكر كان هيحبهم اكتر مني!!!

زين: لا هو انتي فيه زيك يا فيرو.

يونس: طب راعو ان فيه ناس سنجل..

يزن: اه والله يا يونس يخويا..

" بعد ما قعدوا شوية كل واحد رجع شغله.. لكن أدهم قبل ما يمشي خد حبيبه يتكلم معاها "

- قوليلي بقا مالك؟

= مفيش.. انا دلوقتي مرتاحه خلاص

- مش فاهم؟

اتنهدت بتعب: جبنا بنت زي ما كنت عايز

- وانتي كنتي شايله هم ده؟ ليه!

= عشان عارفه انك نفسك اوي تجيب بنت.. طول الوقت بتقول كده وفضلنا سنين نأجل الخلفه تاني مش بس عشان كنت تعبانه انا كنت حاسه انك خايف نخلف تاني يطلع ولد

- ايه يا حبيبه الكلام ده؟ ازاي شيفاني كده

= انا مش قصدي حاجه.. انا اقصد اني عارفه إنك هتبقي مبسوط اكتر لو جت بنت

- ماشي بس معني كلامك اني مش بحب عز مثلا

= لا يا ادهم.. انا كنت متلخبطه وخايفه وخلاص.. الحمدلله البنت جايه

- ليه مشاركتنيش كل ده ازاي اصلا تفضلي كل ده شايله حاجه؟

= انت ايه مزعلك دلوقتي!

- تفكيرك فيا يا حبيبه ازاي بتفكري فيا كده؟ ازاي مش فاهمه اني بهزر علطول وبنكش زين اخويا عشان جاب بنت الأول ازاي مش عارفه قد اي بحبك وبحب عز!

= متكبرش الموضوع يا أدهم!

- لا صدقيني هو كبير بقالك كتير اوي خايفه نخلف

عيونها دمعت: انا آسفه

مسح على وشه وحضنها: بس يا حبيبه بلاش عياط

- انا مش قصدي

= خلاص.. انا عارف.. حقك عليا.. يمكن انا طريقتي كانت غلط وفهمتي غلط

بصتله بدموع: هو انت دايما تلحق الخناقه قبل ما تحصل و تصالحني!

ابتسم ومسح عيونها: مينفعش تزعلي لو دقيقة حتي.. مش عايز اي زعل بينا وبعد كده طلعي كل الى جواكي.. وخلي بالك بقا بلاش زعل كتير لحسن كارما تطلع قماصه زي امها

ضحكت وحضنته جامد: بحبك اوي يا أدهم

- وانا يا روح أدهم.

>>>>>>>>>>>>>>>>>>>>>>>>>>>>>>>>>>>

" وفات الوقت.. عدي كتير على عيلة الجيار ! وفضلت تكبر في الشهور الى حبيبه كانت حامل فيها يزن و يونس اتجوزوا..! وبعدها كارما هانم شرفت.. الى كانت دلوعه البيت بسبب دلع أدهم ليها.. و عز بقي عنده 7 سنين و ليلي كانت بتمشي و بتقول شوية كلام على قدها.. و كريم كمل سنتين و طبعا كارما لسه كانت اصغر نونو في عيلة الجيار.. "

- مامي.. عايز 100 جنيه

بصتله بستغراب: بتوع ايه ياعز؟

= نشتري عروسة عشان عيد ميلاد ليلي

حبيبه ضحكت وبصت لأدهم: ابنك مش هيسكت غير لما يشل زين..

ادهم ضحك: هننزل انا وانت ياحبيبي نشتريها حاضر

بس بعد الغدا عشان كلنا هنتجمع.. انتوا خلصتوا؟

حبيبه: اه لبسنا اهو

- طيب يلا

= طبعا هتشيل كارما هانم

- أكيد يعني هاتي

" نزلوا على السفرة و الكل بدء يتجمع.. اتفقوا يتجمعوا كلهم في الفيلا كل جمعه وثبتوا المعاد بسبب ان كل واحد بيبقي مشغول طول الأسبوع.."

وليد: الحمد لله على نعمتك يارب.. لمتنا بالدنيا يا ولاد

" ابتسمنا كلنا وبعدين روحنا نقعد سوا.. عمي وليد و عمو عبدالرحمن و عمتو هبه وناديه و طنط هدي كلهم قعدوا سوا.. "

" وانا و زين و ادهم و حبيبه و يوسف و مريم و يزن و يونس قعدنا سوا.. و اه.. يزن كان معاه خديجة مراتة و يونس معاه جني.. "

" كنا قاعدين وادهم شايل كارما و يوسف بيلاعب كريم و عز و ليلي بيلعبوا سوا قدامنا "

أدهم: مش ناوين تخلونا نشوف نسلكم ولا ايه

يزن ضحك: لسه شوية خديجه عندها فوبيا بتقولي مش عايزه اولد ولا طبيعي ولا قيصري

خديجه: طبعا مانت مش تعبان في حاجه

جني: هما بس يشيلوا و يدلعوا

فريده: اه معاكي حق.. اهم قدامنا

" شاورت على يوسف و أدهم "

زين كان باصص على ليلي: لو بس حد يبعد الواد ده عن بنتي

يوسف: وحد يقرب كيمو من كارما..

ادهم بصله برفعه حاجب: انسي.. هو كارما ادهم الجيار تاخد اي حد

يوسف: حلو اوي يعني انا ابني اي حد؟ قصدك اننا جربانين !

فريده: شكله كده..

" وبعد ما شوية النكش خلصوا خرجنا انا و زين و ادهم الجنينه.. "

"كنت باصه للسما ورجعت بصتلهم"

- زيزو زمانه فرحان بينا اوي..

زين ابتسم: اه.. كبرنا عيلة الجيار ودخلنا فيها بنات هو فيه احلي من كده؟

أدهم: هو احلي من كراميلا

زين: شوفي المغرور..

"ضحكت و عيني راحت على عز و ليلي"

- يا ليلي هاتي ايدك هتقعي

"مدت ايدها ببلاهه اطفال! و عز مسكها كويس"

- هخليكي تلمسي المياة براحه

" روحت لعندهم بسرعه "

- عز بتعملوا ايه عند البسين

= عايزه تنزل المياه كنت هخليها تحط ايدها بس متخافيش انا ماسكها حلو

ابتسمت على طريقته: لا ياحبيبي الاحسن تبعدوا خالص

- حاضر يا مامي تعالي يا ليلي نلعب عند الشجر

" رجعت لأدهم و زين وانا بضحك"

زين: ايه؟

- احممم.. هو توقعاً كده.. عز مش هيسيب ليلي

أدهم ضحك وبص لزين: يبختكم ياحبيبي بأبني

زين: بطل غرور و روح شيل ابنك ده من قدام بنتي

فريده: لا.. انا موافقة.. عز مخلي باله عليها.. زي بالظبط لما كنتوا بتخلوا بالكم عليا زمان فاكرين؟

زين ابتسم: انا فاكر اه.. لما حضرتك خرجتي تجري إلي اللا شيء

ادهم: ولما كنتي في البار عايزه تخرجي ومش عارفه.

ابتسمت وانا بصالهم..: انا محظوظه اوي بيكم

"زين ابتسم و حضني و ادهم حضنا احنا الاتنين"

- ..♡احنا محظوظين اننا عيلة الجيار

>>>>>>>>>>>>>>>>>>>>>>>>>>>>>>>>>>>>