رواية حين يزهر الحجر الفصل الخامس والأربعون بقلم Shaqraa

مساء الورد

حين يزهر الحجر
الجزء٣٩

ضحكت واني ذايبة من لمساته...
كتله هي منقطعة وحللت بس ماكو يمكن بسبب الرضاعة..
دارني كعدني بحضنه عدل صار وجهي بوجهي...
وايديه ورا ركبته...
كال مايهم نزرع وشوكت مابلغ نحصده...

اني انتهيت واستسلمت لان مشتاقتله...
اخذ شفتي ببوسة مابيها رحمة...
واني ماريده يرحمني اريد ارتوي من شفته...
ايديه تسلل لجسمي وشفافه تناغي شفافي...

بعدها بقى يمشي اصابعه ويعزف لحني المفضل...
ذبت اكثر حضنته وراسي برقبته...
كل الاحس بي هيام متعة اشتياق...
كلشي نسيت واريده بس هو...
راسي برقبته وابوسها بشغف عاشق محروم ...

بعدها عصرني بحضنه حيل وبقينا متحاضنين...
سكون وبس انفاسنا تتهامس وي بعضها....
ورا شوية ضحك..كال فلفل عجم شلون صابر لعد هالشهرين وتكابر؟
ضحكت بثمالة..كوة كوة ..ههه كوة كوة جبرونا نتفارك كوة كوة...
غنيتها بصوت منتهي وذايب...

ضحك بوكاحة وضربني خفيف ع ظهري..
سكرتي وبعدنا الليل باوله..
بس صوتج حلو اشو غني بعد...
ههه شنو اغني بلة...
غنيلي طرب لو اكلج ركصيلي...
لفيت ايديه ع رقبته وحجيت بدلع..
اممم مابيه...

لا اشو بيج يلا كومي..لبسي دشداشتج الشعلتي اهلي بيها من جنتي عد اهلج...
منو منهم اشو ماتذكرها..باوعت بوجهه ىحجيت بهمس...
هو عض شفته ونظراته تجرأت...
المخططة باصفر مثل النحلة يلاا ياعسل انت ...
اممم ههه يدلل حبيبي...

كمت ولفيت الروب بدون مالبسه..
طلعتها اريد البس كال بس هي لبسيها..
ضحكت واشرتله من عيوني...
لبستها وهو كاعد ع كرسي كدامي وايده جوا حنكه ونظراته تتنقل ...
كتله ها شون اركص سكتاوي بلة...
هههه قابل اطبلج لج...
لا حياتي افتح غنية عنونه...
ههه يلا ميخالف...

جبتله فوني وفتح موسيقى مثل مالت ياحمد ..
بالاول هدوء وبده الدك العدل ..بقيت اركص ع الالحان ..
اباوعله مندمج وحركاته مفضوحة...
وصلت مقطع هزيت خصري ..ماحس الا حضني واخذني للسرير...
همساته بادني زيدت شوقي اله...
همست باذنه ماتحمل اني...
حجيتها بصوت ناعسس...
اخذني بحضنه وهو يعبر عن حبه واشتياقه بكلامه وافعاله...

لحد اذان الفجر واحنا نتسامر...
من سمعتا صوت المؤذن بقينا نضحك شيكومنا نسبح لان ثنينا كلش واصلين مرحلة يعني شبه فاقدين...
بس منكدر نفوت الصلاة...
هو يكلي كوومي اني اكله ههسه كوة نطلع الكلام...
تالي كمنا وكال اليوم واحد يسبح الثاني...
كتله اليوم منتهز الفرصة وتسوي كلشي ممنوع...

اخذني بحضنه ورحنا سبحنا شوية تنشطنا..
يباوع ويكول لو ما الصلاة اخ ..
شردت قبله طلعت وصليت...
اجه صلى ورحنا نمنا بسرعة لان نعسنا..

كعدت الصبح ع لمساته ..
فتحت عيني دارني جرني بحضنه اكثر..
ريوكي اليوم بهذا..يحجي وهو يتلمس...
ما تركني الا تريك صدك ههه...

بعدها كمت قبله اسبح واسويله ريوك..
طلعت جاي امشط اجه يكوم ولزمه دمار...
رحتله ومددت رجله واعصرها بس ماكو ماكدر يرفعها من الوجع...
كتله روح اغسلها بماي حار بلكي ترتخي...
راح غسلها واحه نفس الشي...
بقت للعصر يلا تحسنت...

بيومها ماراح للدوام..
كال اريد اخذكم انت وزيوني اونسكم وين عابج تروحين...
صدك حبيبي اي مكان ..
ههه لا مو بالعراق ..يلا ولا يهمجالسوم اعشيج برا...
يااي صدك ..اي هسه امشي للدكتورة شوفي وضعج ومناك نروح...
لعد ورجلك حبيبي...
لا زينة عادي دائما اصير عندي..

زين شنو تطلعنا بس مو بالغراق قصدك نسافر؟
اي وين عاجبج..
ماغرف حبيبي اني ممسافرة لاي بلد يعنيوين متاخذني اكيد اتونس مدامني وياك...
زين نروح لايران لو تركيا لو لبنان؟اذربيجان ماليزيا لو الامارات لو السعودية...
اممم كيفك ..
نفكر بيها عود وانت شوقي وي تردين..
بس هذا الاسبوع اخذكم انت وزيوني ازوركم كربلا ونجف وبغداد وسامرا..
اوكي ياريت...

رحنا للدكتورة ..سويت تحليل وسوتلي سونار كالت ماكو حمل...
بس تنقطع الشهرية خلال الرضاعه شي طبيعي..
زين دكتورة يصير حمل يعني هسه؟
هو المفروض ميصير لان هرمون الحليب يكون مرتقع..
بس مرات تحدث يعني مو مية بالمية ..
بعدها كالت وضعج سليم والحمدلله ماحتاج لا علاج ولا شي...
حجيت لشجاع كال الحمدلله شوكت ماتحبلين نعمة وبركة...

نهاية الاسبوع قررنا نروح نزور...
رحت لبيتنا حتى سلم ع امي وزهرة وورد اجو..
بالطريق كتله شجاغ امي كلش تحبك...
ضحك كال اي الله يطول عمرها..بس خوش غسلتني غسلة بيوم المشكلة...
شلون؟
ماكلتلج؟
لا واستحيت اسال،..
لا غير خابرتني سلمت عليها كالت مالي سلام وياك...
هذا عود انت ابن الحمولة الي يلوذ بسدك اسد هيج تتكاوى على فرخة يتيمة تحبك وكايمتلك بالصلاوات...

سالتها عبالي مخابرتها انت بس كالت جابها اخوها ووجهها مورم...
ليش يما زايدة عندي وذبيتها عندك لو خذيتها عار وسترت عليها.؟؟
لا حشا يما لا تكولين هيج...
جا شكول ابو زين يما...
انا شفتي بتي اجتني مدممه ومكسورة خاطر ..

حقج يما بس ساعة عصبية وصارت...
بقت ترزل بيه بس بنزاكة ع كولة عتبي عليك لان مثل وليدي بس الصراحة هي سوتني وصلة مسح باسلوب حلو...
كتلها حقج بكلشي بس اذا احجيلج وضعي مو تنطيني العذر بس كلبج يرف عليه وانت ام...
واحنا نحجي سمعت صرختج ع زيوني ...
اجيت الطريق كله ادعي واني اتذكر حجاية امج انت عندك ضنا وتعرف من يتاذى شلون كلبك يحترك....

من اجيت وتطمن ع زبوني حجيتلها المختصر عن وضعي ..
كابلتني وكعدت تبجي..
سلتني وحجت وياي حجايات محتاجها من امي...
بس كالت لا تضغط عليها خليها براحتها مكسورة ومهضومة منك...
كتلها وزيوني شلون اشوفه...

كالت خابرني واشوفكيا بس لا تضغط على مهرة رويحتها ممرودة وتعبانة...
الله يخليها خيمة وسند النا ماكو بحنانها...
الله يحفظها احبها لان خلفتلي كائن من الجلي...
ياا هههههه....

بقاني شجاع عدهم وكال بالليل ارجعلج...
تجمعنا سوالف ووناسة ..اولاد ورد وابن زهرة واولاد عاطف يلعبون..
ثريا اخذت زيوني يمهم وتلعبه وياهم ..
كعدنا نسولف وصبا تحجي عن تماضر وسمها...

تكول عاطف بقى يروح يمها بس مو يوميه..يعني ميبات فوك ..
بس من يصعد وينزل يمي روحه بخشمه ويعارك...
بس اخر مرة كتله رح اروح لاهلي واحجيلهم كلشي اسوف يقبلون بلة..
عصب وطلع بس من رحع اعتذر وكال متطلعين وراضاني..
كلتلها امي انت عاقلة ويحبج وتماضر مكرها يرد عليها...

بعدين كتلها عرفت من شجاع مخابرته لعد ليش كتيلي صبري ورجعي ومانطيتي بي...
كالت يما مانطي بي لان اعرف معدنه ذهب ورجال كفو...
يما باجر احط راسي واتوكل منو الج واخوج براسه ثنين نسولن ودايخ بحياته...
واعرفه اخوج بسرعة يقتنع وادري ببراق رجع يحوم عليج...
واخوك نطا كلمة وكلة اطلكها غيابي من ذول الهمج ..
وهو كله طلكها وعيد عيناك اخذها بت عمي واسترلها من الغريب...

يما لو مخليتج ع مايج وانت منا مقهورة يمكن تغلطين وتخسرين بساعة الاعصاب...
بس الحمدلله هالرجعتي واريدج حوك وتدارين رجلج...
ترى ابن اوادم واحه وداس بيتنا رغم اخوج وجهه ثكيل...
ماكو حياة صافية ولا اكو رجال تمشينه بريموت...

بس صيري سبعة وعرفي تحافظين عليه...
ارجع واكلج الحماج من ابن عمج وانت غريبة عليه...
والخطبج مرات مو مرة وسوا المحد مسوي واخذج هذا لا تفرطي بي...
مدامه هايم بيج وماعنده مكسرات شغلي بيج وصيري سبب سعادته بالدنيا بحسن تبعلج...
وسبب سعادته بالاخرة لان حصنتي من الذنوب...
انشالله يما ادعيلي انت وانشالله اسعده شكد ماكدر....

بالليل اجه عليه شجاع ورجعنا...
يوم ثاني طلعنا وصلنا بيبي فليحة وانوب رحنا زرنا...
شجاع اخذ زيوني ويا هو يزوره...
واني زرت واندعيت ويا الله شنو من شعور حلووو...
بقيت كاعدة اباوع الناس شلون تمشي وتناجي وكانها بعالم مفصول ...
مايهتم لليمه من يدخل ويحجي...
درجه حبهم الي خلتهم يحسون بس هم وحبيبهم بهالعالم خلتني ادمع من الفرح..لان اني تولد عندي هالشعور...

اخذنا شجاع لكل المراقد...
زرنا ورجعنا....
وقرر بالكرسمس نسافر نشوف على يا دولة نستقر بالاختيار...
مرت الاشهر...الحمدلله يوم حلو وصافي ..
يوم زعل وبعده رضا...
بس التعلمته ابد ماناقش شجاع من يتعصب...
ابقى ساكته بس بداخلي اقرا ايات بوجهه وشوي ويسكت...
بس احسه هواي تغير مو نفس اعصابه قبل...
سماح تكلي ادعيلج بكل صلاة لان رجع اخوي لحياته الطبيعية...

مرت مؤيد عمي كال مدامني عايش ماتطب بيتي...
وصدك من وقت المشكلة لهسه ابد مااجت...
ميسون تجي باستمرار وحبابة ماعدها مشاكل...
حياتنا نوعا ما هادئة..
بس اني ورحاب بالبيت...
نخلصها الصبح سوالف ووناسة ووحدة تستفيد من خبرات الثانية...
وصلت شهر السابع وجابت...
صار عدها فطومة...اجت بشهر السابع وبقت فترة بالمستشفى...
بس الحمدلله وضعها طبيعي ومابيها شي....

اني صار عمر زيوني سنة والشهرية ماكو...
بس لاحظت تغييرات بجسمي وكذلك اشتهي اكلات وبالذات الموطا...
شجاع لاحظني كل يوم اخابره من تجي وياك موطا...
كال ولج بس لا حبلتي...
كتله هيج احس ...
راح جابلي كم اختبار واجه...

دخلت اسوي الاختبار وهو شايل زيوني وواكف يمي وينتظر...
يشيل ايد زيوني ويكله ادعي كون دادا...
وهو يضحك ويكول دادا بابا داد ..
شال شجاع الاختبار وصلى على محمد وال محمد...
حضني وباس راسي...
لك الحمد يااارب....
مبروك رويحتي..
اخذني وكال امشي نصلي شكر....

وكف كدامي واني ورا...
نو مسبل ايديه والتربة ع السجادة وبصفها السبحة...
واني السجادة بيها السبحة...
واكفة ومكتفة ايديه ولابسة احرام الصلاة...
متوجهين للقبلة بقلب صادق ونية خالصة ونقية مثل حبنا....
زيوني يفتر من يم ابو يرجعلي...
واحنا نركع ونسجد يصعد فوك ظهرنا...
اخر ركعة باك تربة ابو حطها كدامي...
ووكفت كدامي وسجد عليها....
دنكت وركعت...
وسجدت عليها....

ركعت لربي وسجدتله...
سجدت ع شي طاهر بقلب طاهر...
حبيبي يسبح ويباوعلي بنظرات حلوة..
ابني بحضنه ويسبح ويمسح وجهه بالدعاء...
خلصت صلاة واجه يمي..
واحنا ع السجادة حضني وباس راسي...
وزيوني يباوعلي ويباوعله ويبوسنا....

فرقتنا الظروف ..العقول المنغلقة...النفسيات المريضة...
لكن ارادة الله اقوى من كلشي...
وجمعتنا تحت سقف واحد..بموقع صلاة واحد..
وعلى سجادة وحدة...
طلبنا من ربنا يرضى عنا وينطينا اليرضينا...
ودمتم في رضا الله دوما....

تمت ..الساعة 1:10
الثلاثاء..2018/12/4
اختكم شقراء(قمر كانون)