رواية حين يزهر الحجر الفصل الرابع والأربعون 44 - بقلم Shaqraa

مساء الخير

حين يزهر الحجر
الجزء ٣٨

من جاب موضوع امه بقى بس جسمه يهتز ومانطق اي حرف...
عرفته بجه بس ميريد اشوفه...
ماحسسته عرفت بس حضنته حيل وبست صدره...
كافي يروحي انسى كلشي وراك كافي ماريد اعرف...
بغدني من حضنه وراخ للحمام...
تركته براحته يفرغ حزنه لان يستحي كدامي تطلع دموعهططط

وراشوية طلع اجاني واني كاعدة...
مدلي ايده وكومني...
اخذني للسرير تمدد ع النص وخلاني ع صدره،..
كال..عرفتي ليش ماريد افتح هالسيرة؟
اسفة حبيبي حقك بس اني مرتك حبيبتك واريد اخفف همك....

مهرة الشفته تعبني ودمرني...
اجتازيته بصعوبه واعتبرته كابوس...
هاجس صعب احجي بي...
والدمرني اكثر امي راحت وبقيت بحسرتها وهي بحسرتي...
الله يرحمها اكيد راضية عنك ومن دعائها ربي فرج عنك...
اييي رايحة حافية لعبدالله ابن علي..
من قبل تكول من اطلبه مايردني...
وناذر من اطلع تحني بيبانه..تنهد وصوته يكسر الخاطر...
بس ماردته يسكت ردته يفرغ الحزن الشايله...

تدرين امي عيونها عمت من عرفت انسجنت...
لاطمة على عيونها وطاكة راسها بالحايط...
وفكدت نظرها...بسببي بفراكي فكدت ضوا عيونها...
اااه شحجي عنها...

تدرين اني هواي تشبهيها..تشبه طباعج وهالشي حببني بيج ازيد...
بس هي جانت قوية وقاسية بتربيتنا...
من احنا اطفال تونا نخطي..اليطيح اليتعور ماتخلي يبجي...
تكله اتت زلمة والزلمه مايبجي شي غير ذنبه..
جنا صغار مانعرف..بس من كبرنا عرفنا قصدها...
وصدك صارت كلوبنا قوية وفنه اليگحمنا...

المهم اكملج السالفة..من عرفت امي ماتت انهاريت...
كتلت الضابط كطعته لان كلي الخبر...
صرتعدواني بشكل...
الليل مانامه تدمرت واني صدى صوتهت باذني...
من اتذكر حنانها رعم قساوتها بس حنانها مستحيل يشبه حنان اي ام...
بقيت كئيب وحتى حجي ماحجي والكل يتجنبني...

ورا فترة صعدت محكمة وبدا اللعب بقضيتي لان نيموها ...
بس خالي عود راد يكفر عن ذنبه...
مشت الايام وصار كلشي لصالحيوحاكوموني وطلعت..
اول ايام طلعتي نمت بغرفتها وحتى ابوي ماخليته بالغرفة..
بقيت بحدي اتخيلها موجودة واحاجيها...

لا اكل لا شرب والجكاير صرت ماتطفى وحده الا اورث غيرها...
تمرضت صار بيه التهاب بالامعاء والرئة...
اخوتي ساعدوني ووكفولي لحد مارجعت لحيلي...
خالي الصغير تعرفي بعد...
اخذني يمه لان جنت كلش علاقتي بي قوية...

جانت فترة السقوط...
بقيت عدهم فترة واشتغلت وياه...
مرت سنة وعرفت للشغل وصرت شاطر وبسرعة الكفها...
حط الشغل بيدب واعتمد عليه لان ابنه جان بالاعدادية...
وهو ماعنده غير معتز ورهام..
وكلني مهمة السفر باعتباري نفسيتي تعبانة هم تتغير وهم اخلص شغل...

بديت اسافر وكل سفرة يطلعلي منها رزق يستاهل الشكر والحمد عليه...
جمعت فلوسي وع فلوس العندي اشتريت شقة...
ذيج السنين العقار رخص...
اخذتها وببالي اسويها شركة وشجعني خالي وحط ايده بيدي...
بس كال الشقة ماتنفع شركة بيعها واشاركك واشتريلك مكان عدل وابني مثل ماتريد...

اشتريت بيت قديم باقي هيكل وهديته وبنيته شركتنا هسه...
وخالي ايده بايدي....
كملت الحمدلله وبقت البضاعة...
الولد كالو نبيع نص من كاعنا ونعاونك...
كتلهم لا اخذ حصتي واتصرف بيها...
صدك اخدت حصتي وبديت اجهز الشركة وبدا الشغل...
الحمدلله مشت بيدي ودرت علي ذهب...
مرور السنوات رجعت لخالي الفلوس وماقبل ياخذ وحلف كال انت ابني ..
وابد ماقبل ياخذ بس اشتريت بيهن سيارة اله وماقبل بعد مناقشات واقناع انطيتها لمعتز....

هنا قررت اتزوج لان باعتبار المرة تغير النفسية...
سماح ونهاد عادلني معادل...
وبالذات سماح صارتلي ام واخت...
زواجي من اوله لتاليه عليها...
وصارت القسمة وتزوجت...
اني من وصل للزواج ضجت...

كتله جانت تعرف عن حياتك؟
اي بعد هي كرابتنا كلها تعرف بسجني...
بس التفاصيل الحجيتها الج محد يعرف بيها بس اخوتي وخالي...
وجانو اليجيب موضوع السجن يخرسو خوفاً ع نفسيتي...

المهم تزوجت بس مارتاحيت...
صارت عرض غيري وحرام احجي بيها...
بس ما عذبتني والكل يشهد...
بليلة عرسنا بعد البيت متروس شفتي بالعرس...
اي صح..
اي هاي عاداتنا وناس جاية اصلا من العمارك وطريق طويل...
طبعا تبات وهم حايين من فرحهم النا...

هي دكت رجل الا يفرغون البيت...
يابة شيفرغون شبيج منو يمج ..
لا صديقاتي يفرغولهم البيت حتى ياخذن راحتهم شمعنى اني...
جبتها بالمسايس ماكو...
لو تفرغ البيت لو ماتطخني...

عاد كلت ماقسى عليها لان خطية...
حاولت اقنعها ..كالت اني معلية لو طلع صوتي عالي مو تكعدون تحجون...
كتلها بوية شنو هالصلافة عروس لو شقاوة انت..
تحملتها وعبرت السالفة..
اشو بعدني ما طاخها وهي هرجت الدنيا...
دكو البابو وطلعت لكيتها سماح وحاجتني عبالها ماذيها...
رجعت ونفس السالفة..
سوتها عناد لان مافرغنا البيت...

وثلث مرات يدكون الباب ورا سماح خالي جاجاني ومؤيد...
فشلتني وطكت روحي منها...
اخر شي ماتحملت لزمت كطعتها تكطع...
هم عبالهم اخذتها غصب بس اني ماطاخها...
تالي صعدتلها امها ضبتها وكلتلها يذبحوج اذا صيحتي كملو حتى لا عبالهم بيج شي..
وخلصت من السالفة...

بعدها ردنا اطفال وماكو..
اني حنت متزوج ع مود الاطفال اكثر من زواجي ع مود شريكة حياة...
ردت ابن اصاحبه وعوض احلامي بي...
بس ماكو..
راجعنا اني وياها...
طلع السبب بيها...
بقت تطلع حجي يوم السبب مني يوم مو رجال ..
كل يوم سالفة..
جنت اكتلها بلا رحمة بس عبالج تتوب..
لاابد...
بعد انت حجتلج رحاب ع انفصالنا...
اي اعرف...

انسى الماصي حبيبي اني هسه وياك واعتبر الصار كابوس وخلص...
بعد عمري نسيت كلشي بيوم ملكتج...
ردتلي روحي وياج ودنياي زهت...
بس اخاف هم ترجع تضربني؟
عصرني ع صدره حيل..اني استنشق بالعطر وهو يحجي...
ودعة زيوني ايدي اكسرها ومامدها عليج...
بس لو شفتي خبالي طلع لا تحاجيني...
ها واذا حاجيتك...
ههه هم مااذيج بعد صارتلي عبرة...

بقينا نسولف الى ان نمنا...
يوم ثاني جنا نشرب جاي ورا العشا و بيبي فليحة كالت اي جدة...
هيج اريدج تريحين شجاع وتخلينه يضحك للهوا...
اني ضحكت هو كلها لا توصين حريص جدة...
ام زيوني كفو ونعومها...

طبعا احنا تصالحتا وماكدرت اقسي عليه بعد السمعته...
بس ماخليته يقرب مني...
وهو هم ماضايقني لو لح عليه...

ورا العشا طلع وي جماعته...
واني نيمت زيوني ودخلت سبحت..
لبست ثوب نوم ابيض قصير وفوكه الروب...
نثرت شعري ع كتفي ورتبته...
فتحت الفون وكعدت اسولف وي زهرة ..
بعدها رحت ع القصص اقرا..

ساعة عشرة ونص اجه..
فتح الباب بهدوء ..طبعا من صار زيوني لهسه يفتح الباب ع كيف كل ميدخل...
دخل علاكات ثنين..ورجع جاب وحدة...
اني كمت وهو دخل...
حجه بصوت ناصي ونبرة ولع..
جوعااان ...
اي تدلل اصبلك شنو تحب..
تقرب وايده تسلل منا ومنا ..
اريد وجبة دسمة..يباوع لجسمي من فوك ويعض شفة...

اممم ميصير بالليل دسم تتعب...
وخرت منه ...جر ايدي كال تعاي...
حط العلاليك ع الطبلة اليم الكرسي...
طلع كارتون بي كيكة وبها تاريخ زواجنا واسمائنا...
وانطاني العلاكة الثلنية كال فرغي ذني الكرزات وجيبي العصير...
رتبي الطبلة حتى نحتفل بغيد زواجنا...
ابتسمت وعجبتني مبادرته...

لبست ورحت جبت مواعين ورتبت الطبلة ..
شعلت شمعات واجيت...
هو ذب الفون من ايده واجه يمي...
حضني حيل وكعد ع الكرسي وكعدني بحضنه...
كال يلا نكص الكيكة شنو تتمنين ؟
غمضت عيونب كتله...
اتمنى اعيش كل عمري بحضنك ومانفترق بيوم...
باسني برقبتي كال..حرامية تبوكين امنيتي ههه...

زين حبيبي انت جبتلي هدية المحبس ..
عجبج عمري..يحجي ويباوع بوكاحة..
اي كلش يجنن ...
تستاهلين اغاته...
فديتك اني...
زين شنو تريد هدية اجيبلك...
حجيتها واني عيوني فترت من حركاته...
حط حلكه باذني وايده تسلل...
همس بصوت رجولي ..هديتي تجيبلي اخو لزيوني...

للحكاية بقية
بقلم شقراء(قمر كانون)