رواية حين يزهر الحجر الفصل الخامس والثلاثون 35 - بقلم Shaqraa

مساء الخير

حين يزهر الحجر
الجزء الثلاثون

التفتلي باستغراب..ليش اشوفج متضايقة؟!
لا حبيبي شلون اتضايق شفايتلي اشيل ابنك ببطني..خفت يتذكر مرته الاولى وتروح فرحته...
اروحلج فدوة ..ياريت صدك حامل الج هدية شما تطلبين...
اممم شنو مااطلب؟
اي ...
اويد ارجع اداوم...
يابة دروحي يادوام هذا...

انت اذا حامل الدرج بعد ماتنزلي ..شايفة شكد منتظره هالطفل..
اوف اوف ماتصدكين من اكلج هسه فرحتي بي تعادل فرحتي بزواجنا..
امممم بهالدرجة تريد !
تنهد وكال..مهرتي اني احب الاطفال واتمنى اكون عائلة جبيرة...
واحبج انت اكثر..واريد طفل يمزج دمي ودمج..
طفل يكون ناتج لهفتي وعشگي الج...

انشالله حبيبي احلل واتاكد وافرحك...
هسه رايح اجيبلج اختبارحمل...كام يلبس بملابسه...
وين تروح هسه الدنيا ليل خليها باجر..
لا مااصبر اليوم افر البصرة كلها لحد مااجيب...
هههه لعد جيبلي وياك موطا...
ااااخ شكد تاكلين موطا..هسه درينا شايلين بلاعيمج ...
حتى لومشايليها احبها ههه...

ضحك عليه وطلع...
بقيت احجي وي زهرة لحد مارجع ..
يلا كومي جبتلج خمس اختبارات..
ههههه شدعوة!
حتى اخاف تخربين الاول تجربين الثاني..وهم يبقى اذا مابين هسه..
تجربي الايام الجاية...
شلون تفكيرعليك ههه..بيبي فليحة وكاعدة يمي...
اي فدوة لعمرها جدة شكد دعتلنا ومتمنية تشوف ابني...
حاجيت واني افوت للحمام..مو تضوج اذا سلبي؟
هو وراي كال..
كلشي ربج قاسمه حلو...

اشوفك داخل وياي!
اي شنو غير اشوف...
اوووي عيني يشوف ابقى برة خليها مفاجأة...
اشو ميلي خليني ادخل..گلبي مفرفح وهي تتجعبن...
يمته تبطلين الاوي مادري..
هسه كايلتها بم غريب...
اي حتى اخيط حلكج لو كلتيها...

وكفت كدامه وتخصرت...
اذا متطلع ماسوي...
استغفر الله وريتني ور فضيها عاد...
اطلع...
طالع منگلع بس سوي عاد ماطلع اخبار طلع مفراس علينا...
هههه ..سديت الباب واتبع التعليمات الموجودة...
جريت كلينكس وحطيت الاختبار عليه فوك المغسلة...

دك الباب كال فتحي خل نباوع النتيجة سواا...
فتحتله وفات..
ها وينه؟
ع المغسلة هذا هو ..اشرتله بيدي..
اي زين لتباوعين خلي ننتظر..
حبيبي اذا سلبي تنقهر؟
لا بس اذا ايجابي فرحتي ماتنحجيي..
خليت ايدي ورا ظهره من جهة اليسار وحظنته...

شوي وجرني واني بحظنه ويدعي...
اخذ الاختبار بيده واني اباوع وياه..
شفت خطين واضحات...
هو بس عصرني بحضنه حييييل وباس راسي..
ماحجه وياي شي :.
بس يحمد ويشكر...
كلي طلعي اني هسه اجي...

طلعت واني ماعرف افسر ردة فعله..
يمكن راد يبجي بس مو كدامي!
تمددت ع السرير وطلع ثبت ونزل ردانه ..
فرش السجادة ووكف صلى..
اني صافنة عليه شلون يصلي..
خاشع وكأنه محد يمه بالعالم كله مو بس بالغرفة...

يصلي اربع ركعات سوا..
ماتوقف ولا خلص..
كل مااكول هذا اخر شي ..يصلي اكثر...
بقيت ابجي بس ع فرحته وردة فعله...
بقيت بس اباوع عليه واتأمل...
تيهت حسابي بالركعات وشكد صلى...
لحد ماخلص صلاة ونهاها بتسبيح...
كام وباس التربة وجابها بيده..
مررها ع جسمي وع بطني وكعد يدعي...
جسمي ارتجف وخشع ونزلت دموعي واني مبتسمة..

رفع ايده مسح دمعتي ..وكام رجع التربة للسجادة ولمها...
اجه يمي ووكف يم السرير...
وفتحلي ايديه..
كمت وذبيت نفسي بحضنه..
حضني وباس رقبتي...وكال بهدوء...
مبرووووووك يرويحة شجاع...
كل مرة احس نفسي وياج رجال صدك..وهالمرة خليتيني اتباها برجولتي...
كتله واني حاضنته...
رجال وغصباً ع الكل...انت رجل عمري وماشفت بالدنيا رجال غيرك...

رحنا للسرير ونيمني ع صدره وبقى يسولف...
حبيبي هواي صليت..
اي وفيت نذري..ناذر من تحبلين اصلي مية ركعة ..
ربي يتقبل حبيبي..انشالله تتم فرحتنا بالخير...
انشالله حبيبتي وتكوميلي بسلامة وتجيبين عشرة...
يبووو درزن ونص...
ههههه شكد حلوة سوالفج...

اخذني بسوالفه عن ايام طفولته..
كلامه عن امه قليل ..
من اسئله يكلي مااكدر احجي..لا تهيجين مواجعي..
واني اكتفي بهالشي...
حسب ماعرفت متعلق بامه هواي...
وامه كانت كلش تحبه بس قاسية وياهم...
وهو تعلم هالشي منها..
بس كلامه عنها محدود ...
نمنا واحنا فرحانين ومرتاحين...

ورا كم يوم كاعدين اني ويا بالليل نسولف...
اشوفه اخذ الفون وخابر ...
مركزة ويا طبعا مو بيدي فضولية..
ورا شوية سمعته كال..
يا اهلا ..شلونك شخبارك...
ها بعدك طافر من العراق !التفتت عليه مستغربة!!
فتح سبيكر وحجه ومبتسم...

سمعت صوت براق كله..
ها جبانية عبالكم خفت من التهديد..
اصلا ناوي اسافر من البداية...
هههههههههه صدك يابه جا ليش تخطب اذا ناوي تسافر...
اصلا ماردت اخطب هيج بس لان بت عمي وردت استر عليها!
بداخلي اكول صدك ذيل الكلب مينعدل...
من حجه هيج كله شجاع انلطم لا تجيب طاريها..
لا اشك حلك تخسي الخنيثة...

طاريمن شبيك انت شارب..يحجيها واحسه مهزوز....
اكول حبيب ارجع للعراق بعد زال الخطر...
مرتي وخذيتها شبيك شارد يالمخنث...
مرتك شنو شتحجي انت..يمتمت بكلامه طبعا وهو يحجي...
مرتي تاج راسك انت والخلفوك ابن السگط ..
خاف ناسيني اذكرك..
تتذكر من اندكيت بيه وغسلتك غسلة بالمطر ...

انت ورا السالفة!!اي صدك انتو عصااباات...
تحولت نبرة براق لنبرة خوف عجيبة...
بقى يمتمت وكوة ينطق وخنس !!شنو هالرعبة مسويها بي شجاع...
كله .. دكل ...ابو حلك الفاهي هو انت مسدس ابو الماي ما شايل ...
يحجي بالعصابات ابو السلاچ ..طبعا اني اسمع وميته ضحك..
براق سكت مجاوبه شي...
كله شجاع يلا تكسح الفاهي عود اذا ردت ترجع ارجع محد لازملك الدرب ..
ترى جنا مسوينك مضحكة..
اي يصير خير هين..حجاها براق وشجاع سد الخط...

كلي لخاطر الله اريد اعرف...
عمج مخلف زلمة لو فاخته..
هههههه غير انت سويت عنده فوبيا يوم تكتله كتلة موت يوم تهدده...
يستاهل يتربى من جديد شفتي شلون بايك طن هوا...
هههه اصلا شكد حجيت عليك من سولفتلي بس هسه لازمتني ضحكة...
.........،

مرت فترة ع حملي الحمدلله...
وضعي تمام ووضع الطفل ممتاز...
شجاع مراعيني بصورة عجيبة...
بحيث مرات اتملل من كد مايحذر بيه...
وشكد اطلب منه اطلع اتونس ويا لو شوية نغير جو ميقبل...
هو من الاول رافض الطلعة..
بس بالحمل زاد وقفل كلش...

عاطف بعد ماودا صبا لاهلها...
طلبت منه ميحجي وي تماضر شي الا يتاكد...
بس طلبت منه ياخذلها حب لعبان النفس والفولك اسد..
الي جانت تاخذه...
مبقيته يمها لحد ميصيرلها موعد مراجعة للطبيبة...
من راحت اخذته وشوفته للدكتورة...
اكتشفت بدل الفولك اسد ..اكو حب منوم...
لان التشربه جان علبة مو شيت وبي حب..
مبدلته تماضر بس شلون وشوكت ماعرفت...
بس خمنت من طالعة هي وعاطف مستغلة الفرصة ماكو غير هالتفسير...

لان عاطف من عرف رجع وتعارك وي تماضر..
وماكدر يضربها لان حامل...
وشكد حاول يعرف منها بس نكرت وتعاركت وجنها هي صاحبة حق...
كلها بعد ماريدج روحي لاهلج..
رفضت تطلع وكلتله بيتي وماطلع منه..
كلها بعد ماتصيريلي مرة...
تبقين هنا حالج حال المطلقة ماريدج..
مصرفج ومصرف الجهال يوصلج بس مااوصلج وانسي عندج رجال..
ويمتى ماتردين طلاك اطلكج...

صبا بقت يم اهلها لان ممنوعة من الحركة...
بس تعدت مرحلة الخطر ووضع الطفل تحسن..
بس ممكن يكون ياثر  الدوا ع دماغ الاطفال ..
بعد يبقون لحد ميجون ويعرفون وضعهم...

ورا فترة اكتشف عاطف تماضر مو حامل كذابة..
لان محتاجة حاجة نسائية وماعدها ..
ومحد يجيبلها وبتها طفله متعرف..
دازه بت جيرانه وناطيته لعاطف الطفلة من داكة الباب وطالعلها..
وقتها كلها تحرمين عليه مرة...

       ...........،،.،،،،،،،،،............

مرت شهور الحمل واليوم فتت بالتاسع...
سمنت هواي وثكلت..
لان شهيتي انفتحت فد مرة...
كاعدة اقيس بالملابس مالت النوم وكلشي ميرهملي..
ضيقات ومارتاح بيهم ...
طلع شجاع من الحمام واني واكفه بالكنتور محتارة...

دبدوبي ليش واكف محتار..وكف وراي ويبوس برقبتي...
اووي لتكول دبدوبي ترى ابجي...
لزمني من بطني ورجعني عليه..
اموووت ع الدبدوب اذووب اخدر..حجاها وهمس باذني...
درت وجهي عليه وكتله..
صدك حياتي مو ضايج ..
امووت ع الجلي..شما كثر يحلى اكثر...

استسلمت بيده..
تمدد بالارض وصرت فوكه..
دربالج لا تأذين بطنج..
لتخااف مااذي حياتي..حجيتها واني اخلي راسي برقبته واستنشق عطره..
شكد مااحب عطره ادمنته بالحمل اكثر...
شفايفه تمشي ع رقبتي وذوبتني اكثر واكثر واكثر...

ذبت وتفاعلت بيده وهو كالعاده..
يعزف ع اوتار قلبي..
بس بهدوء وبحذر وكل شوي يسالني اذا متوجعة او لا...

بعدها نمت بصفه هو نايم صفح..
لج اريد احضنج عدل شوكت تجيبين ...
ههه اي هذا متشخص بنصنا ...
قربت راسي وبست صدره بوسة قوية..
يلا لعد مدام تريدني اجيب بسرعة...
هههههههه لج اتمنى طول عمرج حامل وبالتاسع ..
حتى اشبع واتونس عدل..

اهههه الا تحرجني يعني...
اني سامعه الحوامل يضوجن من زوجهن..
بس اني حبيتك اكثر..
بس حبيتيني لو دللتيني ..حجاها وغمز...
رجع حضني واني مستمتعة ومااشبع منه....

مر اقل من اسبوع يعني خمس ايام...
بيوم كعدت ب٣ الفجر ع الم عجيب..
احس بطني تتملخ...
شجاع نايم ماكعدته..لان عرفت هذا طلوك..
واخاف بعدني بالبداية واقلق نومته...

مشيت ع كيف ورحت للحمام ..
فتحت الباب وفتت...شغلت الضوا..
فتحت الدوش خليته دافي زيادة..
ووكفت جوا ..الالم مكطعني وسادة حلكي بيدي...
شوي وحسيت الباب انفتح بس اني قافلته..
كال شجاع ..شمكعدج هسه خو ماعندج الم؟
ليش كعدت ماردت اقلق نومتك وراي شغل...
شنو عندج الم هسه ليش قافلة الباب صدك جذب...

طالعه حبيبي اصبرلي..
سديت الماي واني كوة امشي...
وجريت الخاولي نشفت شعري ولبست البرنص...
فتحت الباب ولزمتني الطلگة القوية...
انعصرت من الالم وهو سندني..ولج غير تكعديني ..
الله اكبر ليش ساكتة...
انخبص وميعرف شيسوي..
بقى يفتر..فتح الكنتور طلعلي عباية وشال..
اني كعدت ع الكرسي واتوجع..

اجه يمي ..
كومي لبسي كومي نروح للمستشفى..
حبيبي اصبر بس اسبح عاد ونطلع..
خررب ولج شلون اعوفج؟؟
كعدلي رحاب تجي يمي..
بس خل ابدل...
اي يلا يلا...
جابلي دشداشة لبسني وكل ميشوفني اتوجع يفز واحسه مرعوب
من وضعي...

اني انتهيت من الالم..
بس استحي اصرخ ..ماتعودت اطلع صوتي كلش...
وهو يضوج احد يسمع عياطي من اول زواجنا هيجي...
لبست العباية وكال امشي بالصالة وخليني ادك الباب...
حتى اكعد بيت ارفد...
كعدت ع القنفة بس ماكدرت ابقى ثواني كمت...
لازمة ظهري احسه نار نار وتسعر بظهري ملخني...

دك الباب وطلعله ارفد ورا شوية اجتلي رحاب..
هو كال بسرعة اجي مااطول...
رحاب خطية لزمتني من ايدي كالت امشي نزلي..
عاد اقل شي يصي نصعدج للسيارة بسرعة...
لان شكلج ولادة اليوم طلكتج حامية...

نزلنا جوا فتحت الضوا وكالت لزمي بية وخل نفتر..
تتسهلج الولادة اكثر ..ترى هناك يمشوج..
لازمة بيدها ونمشي..
واحي الم قوي مثل الضربة...
انحنيت وعطت بصوت مكتوم...
اااااه بعد مااتحمللل...
عزا ولج مهرة لا تجيبين هنااا..
اوف رحاب ماكدر بعدد...
فدوة خابريلي امي خاابري..

واني احاجيها نزل شجاع يركض ويسد بالدكم..
ها حبيبتي ها يلا امشي..
ارفد وراه واني الالم طيحني كلش...
كلتله رحاب اخذها بسرعة للسيارة...
اني هسه اجيب جنطتها بيد ارفد..
بس انتظروني اجي وياكم ثواني...

اخذني شجاع للسيارة...
ويقرا ع بطني وينفخ عليه ويصلي على النبي وآله..
اجت رحاب تركض..
كالت خليت جعفر يم الحجية ورادت تجي بدالي بس ماخليتها..
لان تحتاجين وحدة تساعدج وهي تعبانة...
كلها شجاع عشتي خوية يلا نتوكل بس اقريلها زيارة وارث على بطنها..
تقدمت ومدت ايدها من ورا الكرسي ع بطني وتقرا...
اني شوي واحس خلاص الطفل رح يطلع...
اول عيطة قوية عطتها بحياتي...
شجاع يمشي حيل ويدعي...

وصلنا للمستشفى واخذوني ركض...
شافتني الدكتورة كالت ثواني متطولين...
صدك يمكن عشر دقايق ...
الالم تضاعف اضعاااف...
عطت حيل ....
يااااااااااارب....
سمعتهم صلو ع النبي ...
وسمعت الصوت الازهر حياتي ...

للحكاية بقية
بقلم شقراء(قمر كانون)