رواية حين يزهر الحجر الفصل الثامن والثلاثون 38 - بقلم Shaqraa

مساء الخير
طبعا البارت من ساعة ١١ناشرته بس ماكو نت رح اخاي وشوكت مااجه النت ينشر ...

حين يزهر الحجر
الجزء ٣٣

انسطرت من سمعت غفران تكول سجن ؟!
معقولة شجاع مسجون جان وضام عني هالشي...
ماحسستها باستغرابي ..حتى لا اخليها تنول غايتها...
بيبي فليحة كلتلها خفه هالحلك ودرس ..
انطمري لا اكوم اشك حلكج ..
الحجية والحجية بقو يحجون عليها...
اني كمت وكفت كتلها ..
الظاهر ابو فاطمة مايعرف بسوالفج..
يصير خير اني اعرف شلون احجي وياه...

طفرت من مكانها...
دخيلج مهرة...قبل لا تكمل صعدت وزين بقى يبجي...
رضعته وخفت عليه لان مقهورة اخاف يذب الحليب...
لشوية غفى وخليته بسريره...
كعدت واني افكر ودايخة...
راسلت رحاب وصعدتلي...

ها خية ...ذبت سمها العكربة غفيرة..
انت ليش ماحجيتي لشجاع عن سالفة تويتة العوجة...
ماردت تنجاب سيرتها وهي بت بيت حرام عليه..
واخاف تصير مشكلة وتطلع من وجهي وهن اصلا يكرهني...
الله يريد كيدهن عليهن العكارب...

شجاع بعده يم ارفد؟
اي راحو يمكن للديوان ...
هسه يحجيله ارفد كلشي...
لان اني من حجيتيلي كتله ...
خرب يومج متضمين حرف...
احسن لصالحج اجت...

اوووف هسه اريده يجي ويفهمني السالفة احس نار بية...
ياسالفة شكو؟
ورا ماكمتي غفيرة ذبتلها حجاية صدمتني...
شنو؟
تكول عبالك بس هو انسجن وهيج متعقد...
اريد اساله ياسجن يعني متوقف لو شنو..
شلج بحجيها تولي حاقدة...حجتها رحاب بارتباك....

شبيج رحاب اعرف هيج معلومة عن زوجي من الغريب...
ليش من اسئله عن شي من الماضي يقفل ويسكتني؟
اني مايهمني شنو كان قبل ولا يهمني عسى مامسجون سنين...
بس ليش اعرف من غيره مو منه...
استغفر الله..خل يجي وتفاهمو...
راحت تريد تطلع...
صحتلها لتشردين جنتي تدرين؟؟؟
ماجاوبتني وطلعت بسرعة...

معناها حتى رحاب تعرف...
اليوم اني الك شجاع...
يعني كل مااساله عن شي بحياته السابق يكلي سدي الموضوع....
وكل يوم اعرف عنه شي شكل....
راسلت رحاب واسالها ماتجاوب....

ورا ساعة او اقل...
اني غفيت لان بالليل كلساع افز...
بس غفوتي قلقة بحيث فزيت من صوت الباب...
كعدت لحيلي وباوعتله...
هو وجهه محتقن وات للحمام بلا مينطق....
ورا شوية طلع وينشف بوجهه بالخاولي...

اني كمت من السرير وهو اجه كعد ع الكرسي الكدام السرير...
شبيج تخوزرين؟؟
تمشيت للميز واخذت الگيتر لفيت شعري:..
ماعاش اليخزرك ...
ليش ماكتيلي فايت ىاهر اخو غفران بيوم الطهور؟؟؟
ماردت اجيب سيرة تقى واخاف تصير مشكلة...
زين ليش مارديتي غفران من كالت جنتي تاخذين المواعين من الزلم....
عمي وخالتي وبيبي كاعدين ..
زحمة اتلاغى كدامهم وتنجاب سيرة اختها وكلكم تعرفون سبب دخلته....

يصير خير اعرف شلون اتدبها ...
لو رجال جان ادبتها بس حرامات مرة...
الا اخلي مويد يفين حظها...
لان اعرف ماهر شريف وماعنده هالسوالف...
هي واختها :...: خفيفات وماتكضهن كاع...

هالحجي اني مرتجية ع الميز وهو قريب علي كاعد ع الكرسي....
هو يحجي واني ساكته واسمع..
من شافني مااجاوب كال ...
هالمرة عديتها الج المرة الجاية لو تعطسين تحجيلي...
لا تخليني اخر من يعلم ..
لو عندي علم بالموضوع جان رديتها ....
سمعتي؟؟

اي سمعت...بس اني لازم كلشي احجي....
وانت!!!
انت الشي اليخصك اعرفه من غفران....
مثل شنو؟
شجاع ليش محجيتلي جنت مسجون؟؟؟
كام واجه يمي بسرعة...
حط وجهه بوجهي ويسال باعصاب...
منيلج هالحجي؟؟؟
منو كال ميسون؟؟؟؟
انت مقهور لان ميسون حجت؟؟؟
لعد اني ماانقهر من اسمع شي يخصك منها؟
بسيطة يعني هي!!

ركض جر سويتر مالته ع سرير محطوط...
اخذه وفتح الباب وطلع...
دومه عصبي ومايتحمل شي....
دقيقة واسمع صوت سيارته طلعها من الكراج...
عزا وين راح هذا...
بس لا راح لبيت مؤيد....
خرب انوب اجهزته ثنينهم هنا...
بقيت الوب بالغرفة شسوي...

للمغرب يلا رجع...بس حقدت عليه...
يعني مابررلي ولا حجالي ليش ضم عني،..
كل همه شلون حجت غفران...
ولو تستاهل حقيرة حجت عليه....
اني كاعدة وزيوني بحضني...
فات هو وساكت...
اني محضرتله حجي وعتاب....
راح للحمام توضى واجه وكف يصلي...

خلص صلاة واجه كعد ع السرير وفونه بيده...
بلا ميندار كال..جيبي زيوني وصلي...
صليت من مساع ...حجيتها بنترة...
ذب فونه وكعد عدل...
اشو تزمخين لج؟
سكتت مجاوبته...
لزمني من زندي...
مو احاجيج ؟؟
عوفني ولتصيح لا يكعد الطفل...

كومي حطي بفراشه وتعاي نحجي...
كمت وديت زيوني واجيت كعدت بطرف السرير...
كتله وين رحت مساع؟
مو مهم معليج...
ابتسمت صفح..كلشي معليه وكلشي مو مهم...
هو اني شوكت اخذ منك حجاية..

جرني حيل من زندي وصرت قريبة منه...
شنو هالحجي ولج ؟؟شو مستهزأة وتعيرين؟
بشنو معيرتك؟؟
ترك ايدي وكال..حتى اكص لسانج ...
اي انت اقل كلمة احجيها وكلت اكص لسانج...

عفته وكمت للحمام ...
لان صارت عندي حالة ورا كل رضعه احتاج حمام....
غسلت ورجعت...
هو متمدد وايديه ورا راسه وصافن...
اجيت كعدت يمه...
هو ولا باوعلي...
شجاع ليش جنت مسجون؟؟
حجه وبلا ميباوع..
سدي الموضوع ومايخصج...

اني هنا صعدت خبالاتي...
يعني بعد كل الهوسة ميخصني...
ضربت صدره بيدي وكتله...
كافي عاد لهنااا وبسسس....
هو تخبل من حركتي لزم ايدي وعصرها حيل...
شنو تخبلتي؟؟؟؟؟؟؟

اني حسيت ع حركتي شلون جفصت صدك خفت...
لج شنو كدامج رجال لو كيكي تمدين ايدج علي؟؟؟
ما ما مديتها ما مديتها بس ردتك تنتبه...
لوا يدي حسيت روحي طلعت ...
حجه بعصبية...ولج اكسرها واعلكها بركبتج كلبة...
نزلت دموعي وكتله بقهر...
كافي اتركني كسرتها حرام عليك...
هد ايدي وكام ...
اخذ باكيت الجكاير دخل للحمام...
شوية وطلع...

باوعتله وكتله...اني صوجي سالتك بحسابي مرتك واقرب
وحدة الك...
بس الظاهر انت حاطني دمية جنسية وبس...
بلحظة صار فوك راسي...
لزم اذني حيل ..،
منيلج هالحجي وليش تدورين عركة...
اتركني وخررر..ججيتها ودفعته حيل ...
هو من دفعته تخبل...
رجع ولزمني من شعري...

ولج شبيج اليوم؟؟؟؟احجي شبيج؟؟؟؟
مابية شي بس اكتشفت زوجي جان مسجون ومتعقد ويط...
قبل لا اكمل كلمتي كفني ع حلكي...
سدي حلكج ادبسيز...
وكعت ع السرير وهو واكف فوكي ...
اذا جبتي هالسيرة انهيج...
كافي لا تضرب..
اصلا ماجيبلك اي سيرة ولحظة مابقى يمك...

رجع ضربني راجدي...
وراجدي ثاني...صار فوكي واني ع السرير..
اطلع روحج وماتطلعين فاااهمة؟؟؟
جاوبته واني ابجي..
لاااا ماابقالك دقيقة وخرر..
حاولت ادفعه ماكدر...
صار فوكي ولازم فكي وعاصره حيل...
منيلج هالصلافة؟؟؟
ماجنتي هيج ولج اني مرتي ترفع صوتها بوجهي...
امداني بيوم القبلت بيك وصرت مرتك...
ماريدك بعد ماريدك..

باوعلي بخزرة ترعب...
ماترديني؟؟
ايييي وخر عني رح اموووت...
حط راسه بركبتي وايديه تسللت لجسمي...
ماترديني مووو؟؟؟
بقى يبوس ويتلمس بقوة...
عطت بي وخرر لعبت نفسي...
هالكلمة شعلت نار الحرب الفعلية بينا...
وهو فوكي شبعني راجديات ..
ويجر باذني ويكلي تلعب نفسج حقيرة؟؟؟
تلعب نفسج موووو؟؟؟
اذا مالعب نفسج من صدك بسيييييطة....

بقيت من اشوف دربي من ضرباته ملخني تملخ...
الملابس العليه صارت وصل ...
شجاع مو نفسه تحول شخص ثاني...
ابد مشايفة منه هالوجه....
كل ضربه منه تفقدني توازني...
تقربلي بس اقتراب لا ...اغتصاب...
صح مو عنف قوي ..
بس حركاته وحتى بوسته غصب وياها ضرب...
ولان لاول مرة بعد الولادة...

حسيت بوجع قوي..
روحي شاغت وتدمرت...
بقيت اقاومه من وجعي اريد اخلص نفسي...
انبت اظفري بايديه وهو ولا يهتم....

بقى يتصرف بلا وعي...
كلشي شفت منه بهاليوم...
علط وفشار وسب اشكال...
اواني ازيد ناره من يكلي تلعب نفسج مو؟؟؟؟
اكله ايي...كرهتك وماريدك لو تموتني....
اخر شي بقى متمدد فوكي..
واني اون من الالم النفسي والجسدي..
هو ساكت...
لحظات بعدها كام...
راح للحمام واني ع نفس نومتي...
جريت الفرشة لفيتها عليه...

طلع واني نفس نومتي...
صافنة كبل وابجي...
لبس ملابسه وطلع من الغرفة...
كمت كوة اسند نفسي...
جسمي مكسر تكسر ومشخط ومزلغ...
كوة وصلت للحمام ردت اخلص بسرعة لا يكعد زيوني...

سبحت باسرع ماكدر وطلعت...
طلعتلي ملابس خليتها ع جهة ورحت اخذت المشط امشط...
باوعت للمراية اخترعت...
وجهي مينشاف من الكدمات...
رقبتي مثل المذبوحة...
صدري خريطة...
بقيت اتفحص بجسمي لان بالحمامماباوعت كل همي بسرعة اطلع...
اباوع لرجلية كلها اثار وشخوط...
معقولة هذا شجاع الحبيته هيجي !!
مستحيل يكون يحبني وياذيني بهالطريقة...
اصلا هو صدك عنده عقده...
وبعد هاللحظةمابقى ويا لو شيصير....

حذرته قبل مرة مايضربني...
يجي هالمرة يضربني ويذلني ويهين انوثتي...
مامجبورة ابقى وياك لو تصير هواي الاتنفسه اسد خشمي واموت ولا اذل نفسي الك....
حضرت اغراضي واغراض زين...
خابرت عاطف كتله تكدر تجيلي؟
هو استغرب ..كتله تعاركنا اني وشجاع وماريد ابقى بعد ...
تجيلي لو اهج...
حجيتها وبجيت...
هو عباله موضوع عادي يعني شفته متفاهم شوية...
كال تحضري جايلج...
ورا ثلث ساعة خابرني...

بالاول نزلت الجنط للحديقة...
بعدها نزلت زين ولاكتني الحجية طالعة من الاستقبال...
شافت شكلي صرخت...
دخييلك ربي شبيج يوومه...
وين رايحة شصاير ..
كتلها حجية اخوي برا ينتظرني...
بعد كعدة هنا مالي شجاع ميتعاشر...
بقت لازمة بيدي متقبل اطلع وتكلي صبري وحلوها وتفهمو...
اخر شي شافتني مصرة تركتني...
طلعت وراي للباب واني طلعت...

عاطف واكف ينتظر انطيته الجنط واني مدنكة وليل مانتبه...
اخذت زيوني من ايد الحجية وصعدت...
وجهي الجامة وابجي...
كال عاطف ..اني اجيتج حتى لا يكولون مابظهرها احد...
بس مايستوجب تطلعين من بيتج بوية شبيكم ؟؟
درت وجهي عليه وفتحت ضوا السيارة..،

هو شافني وذبله غلطه ع شجاع...
ولج بوية هذا شمسوي بيج!!!
نزلت دموعي ماكدرت اجاوب...
سكتي لا تبجين،..
احنا صوجنا ننطي لهمج هم العمارة يتعاشرون...
بقى يسب ويغلط..
كال تبقين بالبيت واخابره اخلي يطلك واطلع ك..اذا خليتج ترجعين....

للحكاية بقية
بقلم شقراء(قمر كانون)

كتبت البارت بربع عين 😖مدري شبيه ماشوف وعيوني تحركني ادعولي يمكن رح اعمى😰