رواية حين يزهر الحجر الفصل الثاني والثلاثون 32 - بقلم Shaqraa

مساء الخير

حين يزهر الحجر
الجزء ٢٨

تحجي صدك شجاع؟انت ورا سفر براق!
اي وبعدين كم مرة اكلج لا تكولين اسمه ..
اي نسيت وكلته..بس احجيلي شلون هيج سويت؟
تدري كل يوم انصدم منك واخاف اكثر...
من كتله هيج صفن عليه بعدين كال..
اني صرت اخوف؟
لا بس تصدمني..يعني سالفة براق مو عادية ..
يعني الا عندك عرف بالحكومة او ماعرف شكول ..
بس مو اي واحد يكدر يزيح شخص هيج فجأة ..

يباوعلي بمكر ويبتسم...
ليش شجاع شوية؟
لا شجاع دولة وعلم ونشيد وطني هم ...
اخ من لسانج شكد احبه..
كلي الك بس فهمني السالفة فدوة..
ها كلج الي يعني اليوم شنو اريد اطلب؟
اممم صار ابتزاز..
كيفج لعد...
لا لا هذا هو اعتبره اتفاق..
زين الموطا سحنت گلبي انطيني بطل ماي وتعاي ...

كمت اجيبله البطل وادردم..
طبعا غير قصفتها كلها واني ماحصلت بس شوية...
انطيته البطل وكعدت..
ضاملج هواي ..حجاها وهو يغمز ويشرب الماي...
ضحكت ودرت..مشكور عيني بس احجيلي السالفة...

اي وين وصلنا..؟
احنا مابدينا حياتي...
نبدي ليش لا...
شوفي عزيزتي ..اني مانيتي اضره..
بس هو تدخل بحياتنا ووصلها للخراب...
وهذا كله تحملته..
بس من عرفت هو محاول يقربلج ولو يخسي..
وسالفة مطلعج شاردة ومافكر شصار بيج لو ابن حرام يسوي بيج مكسورة...
هنا ماكدر اسكت بعد..

حجيت لخالي كتله اريد اخلص منه بس ماريد ااذي..
مهما يكون نذل بس ماريد ابتلي بذنبه...
زين خالك شنو يكدر يسوي!
خالي نسيبه بالمحافظة..
كتله ع الخطة الاريدها ..
بس نخوفة بطلق صوتي وكتله خفيفة..
بس شرد ولحكو واندعم..
بعد من اندعم كنالهم عوفو كافي ...

مجرم مجرم انت خطييير..حجيتها واني امط الحجاية..
صبريلي واني اشوفج الخطير يا خطيرة..
كمزت من مكاني..لاا عفية كمل كمل...
فرك راسه وكال..
اي نكمل ليش لا ..
طبعا يستفزني ويضحك عليه واني الفضول ذابحني...

وراها دزيناله تهديد للمحل وتهديد للبيت...
ودزينا رسايل للتلفون مالته...
اذا رايد روحك لا تبقى بالعراق بعد...
انت اندكيت بالاكبر منك وتحمل النتيجة...
السويته مو شوية عبالك تفلت لا نجيبك ونسحلك...
ها صدك..
سمعنا بيك تريد تتزوج ..اذا تزوجت نغتصبها كدامك...
واختك خوش حاتة هم تفيد...
هو بس يجاوب انتو منو واني شمسوي..
يعني شكد شايف جبانية بس مثله ماشفت...
تخيلي حتى الرقم غيره..

هو يحجي واني صافنة..
انت تحجي صدك!!!
لا اتشاقة..
لا صدك شجاع هذا شغل عصابات...
يعنيي يمكن يشرد من العراق ويخاف يرجع...
لا مايخاف بس ناويلة نية...
انت صدك تحجي؟؟؟حجيتها بعصبية...
رفع حاجبه وكال كلش صدك...
شتريد بعد مو شردته!
خل يسافر واخابره...
اكله ارجع بعد مرتي واخذتها انت المن شارد مااذيك...

عزا!يعني تفضح نفسك...
اريده يعرف اني الشردته وحتى يتوب يندك بابن عمارة..
كتلته كتلة موت ..خنس فترة بس ماتاب...
هالمرة لو راد يخطبله وحدة...
الا اخلي يسأل العراق كله اخطبها لو تردوها..
يلا وقتها يخطب ويعرس..

خلص كلامه وكمت شلت الموطا بالعلاكة وطلعت ذبيتها...
رجعت هو متمدد..
اخذتلي برمودا بيضة وبدي اسود...
فتت للحمام وطلعت امشط...
هو مخلي ايديه ورا راسه ويصفر...
اشتعلووووو ...

افتريت ع النص وكتله..
ماحاجيك اني...
ليش حبابة؟؟حجاها باستهزاء...
انداريت عليه واني احجي...
شجاع انت كل يوم تخوفني...
ليش غامض انت وتصرفاتك كلها عدوانية..
اشوف انقهرتي ع المخنث!
مانقهرت بس خفت منك شجاع انت هواي صعب...
اني ابن عمارة وطبعي حگي اطلعه من حلگ السبع...
واكون صعب ع الحق ووي الكل صعب بس وياج لاا...

لا تفكرين وتدوخين روحج بشي تافه...
تعاي بحظني مشتاقلج..
مو عبالك نسيت الاتفاق..
ههه ليش انت تنسى شي..
اي حاليا ناسي كلشي مابالي غير هالجلي اريد اشبع بي...
رحت لحضنه واني افكر بتصرفاته..
يخوف واذا عادى واحد يكرهه بعيشته...
هم يجي يوم يا شجاع وتضرني!
ماعرف شنو ضامتلي الايام...

مر هذا الاسبوع ..وباجر سبت ...
كال ..باجر حضريلي ملابس اداوم...
زين حبيبي نروح سوا..
وين نروح متداومين بعد...

اوو ليش بلة ليش؟؟؟
لتعيدين كلمة اوو بوجهي..حجاها بنتر...
وداوم ماكو بعد ..اني جنت مخليج تداومين ع اعصابي...
بس لان ماكو غير حل اشوفج بي...
اي ليش شبي الدوام قابل مداوم عد غريب...
مهرة اني ماعندي مرة تشتغل وتشوف طولها الزلم ...
انت ماتعرفين الرجال شلون ينظر للمرة...
حبيبي منو ينظرلي واني مرتك....

مهرة ..اليريد يباوع ميلزمة غير ضميرة ...
والضمير بهذا وكتنا...
صار محذوف وتقديره موجود....

شجاع ليش تنتقص من المرة مو حالنا حالكم احنا...
ماانتقص واخسي اذا انتقصتها...
الكائن الي ربي خلا راحتي جوا رجليه احطه فوك راسي...
اني مو احسن من ربي من كرمجن وخلا شأنجن عالي...
لان هو يعرف قيمتجن...
والرسول(اللهم صل على محمد وال محمد)... يكول ..
المرأة ريحانة وليست بقهرمانة..
يعني راعوها لرقتها...
ولان انت ريحانة ماريد الشغل يتعبج وتذبلين...
خليج هنا مرتاحة وخاتون ومدللة...

اني انقهرت منه هو كلامه صح بس مو كله...
ضجت وخليت ايدي ع وجهي...
اجه يمي وجرني لصدره...
لا تضوجين كبري عقلج...
اني اعرفج عاقلة ورزنة ماريدج ع كلشي تضوجين...
مجاوبته ولا بينت رد فعل...
نزل الخيط مالت الثوب ع كتفي وباسه...

مسودنة شبيج بسرعة تطنكرين...
ممطنكرة ورجاءاً عوفني نعسانة...حجيتها بنبرة جافة...
هو بسرعة اندار وانطاني ظهر...
لا ويسوي نفسه زعلان ..
مو زعلتي هاي يعني ليش تخمطها...
بسيطة الا ازعل اكثر...

نص الليل وحسيت عليه يتلمس باطراف اصابعه برجليه...
يعرفني احب هالحركة وبسرعة استسلم...
تحركت واريد اخلي نفسي ممتأثرة...
هو صاير بظهري ..
جرني وصرت بحضنه اكثر...
قيدني برجليه وايديه ...
بقى يعزف باصابعة وي حركاته ذوبني وخلاني اندمج...
شفايفه ترسم ع رقبتي لوحة اشتياقه..
وايديه التعزف بعشوائية ..
لا لا بلشت تعزف ع الوتر ..
واني اجاوبه بانغامي واشجعه اكثر واكثر....

بعدها عصرني بحظنه حييل...
وبقى يبوس باذني بوسات خفيفة وهمسات...
رجعت كملت نومتي...
فززني صوت المنبه وكعدت...
شجاع بالحمام اسمع صوت الماي...

كمت حضرتله ملابسه وحضرتلي ملابس...
طلع وكال ..صباح الخير يحلو...
صباح العافية حياتي نعيماً..
الله ينعم عليج ..
يلا سبحي بسرعة حتى الحك اتريك واروح...
تدلل حبيبي...

فتت سبحت وبسرعة لفيت نفسي وطلعت...
هو مكمل لبس واكف يمشط...
باوعلي بالبرنص وضحك...
غير بيج لزمة بس حرامات مستعجل...
اممم عوضها من ترجع..
حجيتها واني البس احرام الصلاة فوك ملابسي...
اعوضها اضعاف اني رجال حقاني...
دخييلو...حجيتها وشردت ...

نزلت للمطبخ لكيت رحاب تسوي ريوك..
ها خية صباحو ...
هلا بعروستنا ليش كعدتي...
هو متعود يتريك وي ارفد ...
لا بعد صار مسؤوليتي انت كافي عليج ابنج مسهرج...
هو بس ابني بس ابوه..
ناس ماترحم يا خية..حجتها من فات ارفد وصبح علينا...
لج تشتكين منه ها...
باوعتله وغمزت...
ايي متعبني انت وابنك...
هو صار احمر ودنك..ميكدر يجاوبها...

اني حضرت لشجاع كوب وماعون..
اكو جبن ظفاير قطعته اله وحلاوة نهر خوز...
اخذت الخبز احمي..ودخل هو للمطبخ...
اوف عطره سبقه يجننن...
صبيتله الجاي وكعدت اتريك ويا وورحاب وارفد كاعدين...
ياكل وصافنة بي...
حركاته ونظافته وطريقة اكله مرتبه مو خمط ...
اخر شي كام...
يلا اني سابقك ارفد ..في امان الله..كالها وطلع....

اني رحت وراه للطارمة قبل ليصعد بالسيارة...
دربالج ع نفسج وشنو تحتاجين رحاب يمج...
اي حبيبي ليضل بالك توكل...
ماشي ..فوتي جوا خلي اطلع السيارة...
فتت وشفته واح...

رجعت لغرفتي بس لعد بيه نعسة...
نمت شوية وفزيت ع صوت الفون...
اخذته واباوع امي تخابر...
هلا بالغالية شلونج ...
هلا يما حبيبة..دكتورتج الرحتبلها شيسمها؟
اسم الله المن من الصبح ياساتر...
صبا يمي حالها مايفيد ،..
هي والميت سوا...

للحكاية بقية
بفان