رواية حين يزهر الحجر الفصل الثلاثون 30 - بقلم Shaqraa

مساء الخير

حين يزهر الحجر
الجزء ٢٦

واني ابجي بالغرفة فات ارفد بس بسرعة طلع...
اني مسحت دموعي ..
وجاي اعدل نفسي ع المراية حتى اطلع...
فاتت رحاب بقلق..
شبيج مهرة ارفد كال جاي تبجي؟؟
رجعت نزلت دموعي..لج رحاب مشتاقة لامي اريدها...
شبكتني وكالت..
لج كلنا بالاول هيج صعب علينا بس شنسوي نتعود...

مسحي دموعج يلا وعدلي وجهج..
ترى فد شوية وتجي وجبة مال حياية وجان مفلفلات ع رجلج...
اني من حجت هيج مسحت دمعتي وكتلها...
عزا منو ذني الله ياخذهن !!
اخوات مرت مؤيد ثنين ولج وحدة بالثالث متوسط..
ووحدة يمكن ثلاثين عمرها..
بس رادت اختهن تلزك وحده منهن بيه وكم مرة يكلوله عليهم..
عزا اشو مادري اني!
مو هو ميهتم يعني معتبرها خطبة عادية ولان هم من نفس العمام ...
بس انت هسه عدلي نفسج وطلعي حتى ينضغطن...
منو ميعدل نفسه اويييلي الا اجلطهن...

طلعت ولكيت شجاع بالصالة متربع يم خالة امه الله يرجمها..
كلش تحب شجاع لان امه جانت علاقتها قوية بيها...
هم بالارض كاعدين...
والبقية شي كاعدين ع القنفات وشي وبالارض..
صاحت عليه تعاي جدة يمي وطبطبت بيدها بالارض...
رحت كعدت يمها ..
شجاع يباوع ومبتسم ...
هي باوعتلي وكالت...شلونج جدة خو ما مالومة !
شوي ركزت عرفت قصدها موجوعة يعني...
كتلها لا الحمدلله ..
عساج انشالله..ربي يرزقكم بوليد يترس حضنكم...

كلها شجاع ..انشالله بيبي وتشيلي بيدج وانت التسمي...
هي نصت صوتها وحجت..
بيبي ماعلمج اني بس اريدج تستفادين..
واريد افرح بفريخ لشجاع لني اعرفه يحب الجهال..
تدني مني بعد ..
وانت شجاع تدنى ..
مدينا راسنا ثنينا والبقية يكولون ها بيبي فليحة دخلت العرسان باجتماع مغلق...
هي كالت انجبو خفى هالحلك..

ورجعت حجت ويانا...
شوفو يمه تردون خلفة من اول نوبة لازم تسوون فوكة فوكة..
اني نطيت بوجه شجاع مصدومة وحصرتني الضحكة...
هو اشرلي بعيونه بمعنى انتبهي الها ...
وهي كالت شوف يمه انت ماحاجة اعلمك بعد زلمة حوك وسيف مجرب..
وتعرف سالفة المخدة ورا الظهر بعد ..

بس انت مهرة بنيتي من يفكج ضلي على حطتج لا تنهضين ...
عزا اني بقيت اسحب الوان..
كتلها ها بيبي انشالله انشالله ..
انت بس ادعيلنا...
وهذا شجاع بس مبتسم وشامت بية لان منحرجة...

بقت تسولف وياي كالت انت ماتعرفيني..
كتلها لا بيبي اعرفج يحجي بيج شجاع دائما...
بس يكول متقبلين تجين هنا هواي..
اي يمه بعد المرض والسوفان والحيل رايح...
وهالفرخة رحاب ملتهية بابنها وشوفيها تلهط بالمطبخ وي ذيج مرت حماها..
لا بيبي بعد تعاي واني موجودة واحطج بعيوني...
الله يسلم عويناتج حبيبة مرت الغالي ...

واني احجي اندك الجرس ورا شوية صاحو عليه اجو اهلي...
طفرت بسرعة للاستقبال...
امي وورد وزهرة وصبا  ...
حضنت امي وماريد اتركها ..
كوة شلعتني ورد وشبكتني وياها زهرة وصبا...
احس مفاركتهم صارلي عمر مو يوم....
بعدها كعدت وامي تتطمن والبنات يسالن...
فاتت رحاب جابت ضيافة ..
وجت مرت ابو شجاع و..
بيبي فليحة جايبها شجاع...
بقو شوية يسولفون وشجاع طلع...

ورا شوية اهلي ترخصو جانت ساعة عشرة ونص...
ولزموهم يتغدون وماقبلو...
ورد كلتلهم اطفالي عد ابوهم وزهرة هم ...
طلعت وراهم للطارمة وابجي..
امي رجعت عليه وحضنتني ومسحت دموعي...
وطلعت من جزدانها علبة وبيها محبس ابو الليرة...
كالت يما هذا نكوطج بعد عمري وعذريني لا صغير...
رجعت حضنتها وبستها براسها...
شعندج يما وتجيبن ذهب..
انت شوفتج وريحتج تعادل ذهب الدنيا واغلى منه...
زهرة كالت كافي سويتن عبالك برنامج افتح قلبك ...

وخلت بيدي ظرف وورد هم ظرف بس كوة اخذتها..
اعرفها ع كد حالها سودة عليه وعدها مسؤولية واطفال..
صبا انطتني قلادة وبيها حرف اس بالانكلش..
كالت مني ومن عاطف ..
تشكرتهم وزهرة كالت نيتنا ننطيج جوا...
بس الحجية اندمجت بسوالف ونست..
واستحينا ننطيج قبلها...
كتلها ماكو فرق وخجلتوني..
ضحكو عليه وسلمو وطلعو...

رحت دخلت واشوف شجاع اشرلي اصعد...
كتلهم عن اذنكم وصعدت...
هو اجه وراي واني افتح باب الغرفة...
صار بظهري ويتحرش ودخلني وقفل الباب...
اني شردت للفراش وغطيت راسي...
شوية مااحس الا جر الغطا وانصدمت ممخلي عليه شي ...
غطيت عيوني بيديه...
صار يمي وجر ايدي خلاها ع جسمه واني اجر واضحك خجلانة....
ليش تجرين ايدج خايفة؟يحجيها همس ويباوع بعيوني ...
ماكو خوف بعد مو شفتي مااذيتج؟

ولج كوة صابر بس كله لخاطرج يهون...
يحجي وايده تسلل لشفافي لركبتي وتنزل...
قرب واخذ شفافي بقبلة وله متنوصف...
واني احس اريده اكثر وتناسيت الخوف وكلشي...
بهاللحظات ماريد غير اني بحضن شجاع وميتركني ...
راحتي بين ايديه ومستحيل الكاها وي غيره لو كنا مفترقين...
احسه يعزف ع اوتار احساسي بدقة وينتج انغام تعجبه...
وكلت ماعلت انغامي يزيد بالعزف ...
الى ان ينتشي وانتشي...

صح حسيت الم بس مخلوط باحساس فريد وحلووو....
خلاني انسى الالم...
من هالمرة هو نام ع صدري ويسولف وياي بثمالة...
ويتغزل بيه بقصيده لنزار قباني ...
وحدة من القصايد المتوحشة...
بنهايتها يكول..
اشكري المولى كثيرا...
اني عشقتك ذات يوم..
اشكري المولى كثيرا...

اني ضحكت وكتله هسه هاي قصيدة لو عيارة ...
بلشت من اني نحتت ذاك واني دورت هذا واني القيت بذور...
وبعدين احمد المولى...
عصرني حيل وعطت ..
اني لازم اشكر المولى لان حصلت هيج جلي يشفي الغليل...

يااا عوف عاد كاافي...
ياكافي ولج يا كافي...
بهذلتي احوالي بت اليهوووود...
هسه وين انطي وجهي واني محدديلي الاوقات جني شايف ياخذ علاج..
ههههه ..ضحكت وهو زاد انوب...
بقى يتحايل لحد ماهدأ واستقر ...
لازم اعوضه لان مراعي وضعي ويخاف عليه...
وكلشي منه صرت احبه وقبل كنت مترددة هسه بالعكس....

وراها كام سبح واذن المؤذن...
طلع واني رحت سبحت طلعت لكيته يصلي...
وكفت صليت ورا وخلصت رتبت نفسي...
هو خلص صلاة وكعد شوية يقرا ادعية واني خلصت ..
تمددنا نسولف ودكو علينا الباب...
كالو منو كلتله سماح اني كلها فوتي...
دخلت كالت اجو بيت عمي عدنان ..
تقصد اهل مرت مؤيد يصير ابن عم ابوهم ...
تنزلون لو اجيبلكم الغدا وتالي تنزلون؟
كلها شجاع هسه نتزل ام حميد ليش صعدتي وتعبتي...
كم شجاع عدنا ونفرح بي بعد عمري...
الله يديمج خوية...
جايين وراج احنا...

كمنا ورتبت نفسي ولبست فستان ابيض وباطرافة زركشة ذهبية ...
طلعت من الحمام وباوعلي كال ها وين؟
شنو وين حبيبي غير ننزل!
وين تنزلين مهرتي..شفتي من ورا؟؟طابع عليج وامبينة حتى معدتج..

يااا شجاع شبيك شدعوة...
كرصني وعطت..ااوي يومه..
كال اشتعلوووو وين رايحين جوا...
خلينا ويباوع ويغمز...
لا حبيبي يلا خليني متونسة بلبسي عجبني
عفية ...
ابد ابد ابد لبسي غيره..
اني هسه ع عيوني تطلعين كدام الگرايب..
بس عيب لان عرسان مو اصول متطلعين...

لبست ثاني وردي بس اعرض من ذاك ولبست ذهبي...
نزلنا وجانو يحضرون ويمدون السفرة بالصالة...
صالتهم حيل واسعة ...
النسوان بالصالة والزلم كالو بالديوان...
طبعا اني مااندل...
بس عرفت عدهم ديوان واسع حيل...
حيرحون يتغدون هناك الرياجيل....
شفت مرة ومرت مؤيد وياها وثنين بنات...
سلمو علينا شجاع حجه وياهم بثكل وترخص...

شجاع كدام الناس شخصية ثانية ومختلفة جذرياً...
اليشوفه غريب يكول ممل ومزعج من كد رسميته...
بس وي الاشخاص المقربين غير شكل....

هو راح واني كعدت يمهم وعرفني بنفسهن...
مرت مؤيد كالت هاي نونة وهاي توتة اخواتي..
طبعا مرت مؤيد تحجي دمج ولبك حيل حيل يعني كوة تنفهم...
كتلهم اهلا بيكم ورحاب كالت مهرة كعدي تعبانة انت...
احنا نكمل صب...
كعدت وهن ع جهة وي بقية البنات اقاربهم...
ونونة وتوته عبالك افلام كارتون يكمزن ويتبسبسن...

ومرت عمه تسولف وياي وتضحك...
يمه بس بنات ذبي حجابج خلنا نشوف شعرج..
خالة اخاف يدخل احد من الولد..
منين يدخل بنيتي دشوفي شلون مكشفات كلهن...
بعد الزلم راحت للديوان ماتجي الا تكمل غداها وتشرب جايها...
رحاب تنقل بالاكل كالت ..
كومي لغرفتي مهرة ذبي حجابج وتعدلي ..
لتصعدين الدرج انت تعبانة ...
صدك اباوع لذني وجوهن تنكط سم...

رحت للغرفة ودزيت لشجاع مسج ..
خو مااحد يجي للصالة اريد اذب حجابي...
جاوبني محد يجي بس خلي ع كتفج خاف تسمعين صوت تغطي...
وحسابج عسير من اجي...
ياا ليش!!
ولج زحمة اكتب جاي اسولف وي الزلم...
شمسوية بركبتي ولج  طابعتني طبعتين..
ارفع بالياخة مال الدشداشة واغطي وماكو فايدة...
ههههه شكد عيييييب...
روحي وبعدين اني الج...
فديتك ههه...

ذبيت حجابي وعدلت شعري وخليت القراصة راخية...
نزل ع النص وشكله حلو..
اباوع لرقبتي مشتغلها نقش ويعتب عليه...
طلعت وهلهلو اخواته ومرت ابوه وكم وحدة وياهم...
بقو يصفكن ويسون هوسات...
انوب شافن الاثار ويسون هوسات تموت ضحك عيب احسها...
كالت بيبي فليحة تعاي حذاي بيبي...

كعدت يمها واكل وهي تنطيني لحم وتكلي رمي عظمج..
تحتاجين تغذية يمه مااريدج تتعبين حتى لا يتعب شجاع...
كالت مرت عمه حجية امبين خوش امتعبها ...
ردتها..لبالج شجاع شوية ..
غير هذا جرع والكوم تتناه..
كالت ام مرت مؤيد ..
اي حجية والنعم عاد ...
مرت مؤيد كالت ..
ولج مهرة رقبتج بعد شهر ماتطيب...
كتلها لا متلحك تطيب اصلا..لان يجدد هههه...
هي انصدمت من جوابي والنسوان كلها ضحكت...

خلصنا غدا وردت اساعدهم مخلوني..
كعدتني بيبي يمها ودك سوالف...
اني لبست حجابي وعدلته خفت احد يجي....
وراها بساعة اجه شجاع...
كال دايخ واخذله بندول...
وبيبي تحاجي اجه كعد يمها...
ها جديدة سلامتك شبيك...
جدة راسي شوية دايخ مانايم عدل...

يا دهر دهرج يمهرة..
شمسوية بالفرخ ولج...
هي انتبهت لركبته واني طفرت من الخوف والضحك..
انوب كلهن كاعدات يبوووو....
هو كلها جدة شهرتيني شسالفة...
كومي مهرة يلا...
كالت ..كومي ويا رجلج جدة ودربالج عليه...
صعدت وهو وراي...
كال ..بصوت ناصي وامبين خطية تعبان...
لا تفرين ولج ترى اخلي الدرج يشهد بسوايتي...

اني طفرت فوك بسرعة خفت هههه....
وهو دخل وتمدد...
عصرتله راسه كال ...
ظلمي الغرفة عيوني كلش يحرگني..
اسبوع صار انام باليوم ساعتين ثلاثة...
وكلش راسي وعيوني تعبن....
سديت الاضوية والبردات عدلتها ونزلت الطبقة الثخينة فوك التور...
ورحت غسلت ولبست سيت احمر ..
لبست فوكه الروب واجيت يمه...
هو مغطي عيونه بيدها ومتمدد...
طبعا بي طبع اول ميفوت يذب التشيرت والفانيلة...

اجيت تمددت يمه وبقيت ادلك براسه ...
فتح عيونه وصوفر...
اخ بوية ولج هذا من اشتريته تخيلتج بي...
ههههه هسه نام وارتاح ومن تكعد حقق خيالك...
لا احقق وانام..
انت مو كلت ميصير؟
يلا عاد تصبيرة ...
يدلل حبيبي...
بقينا سوا الى ان...اكتفى ونام...

اني هم نمت ...
كعدنا المغرب...كمنا سبحنا وصلينا...
نزلنا ولكينا اهلهم رايحين...
بس بت خاله موجودة...
سلمت عليه وامبينة كلش مابالعتني...
بيبي فليحة موجودة ورحت يمها...
بت خاله اذنها يمنا شنو نحجي شنو نكول...

اني شفت البنات بالمطبخ رحت يمهم...
وكفت اريد اساعد ماقبلو...
اجت رهام بت خاله للمطبخ...
تحاجي مرت مؤيد بصوت ناصي بس متقصدة تسمعني...
اكلج فاتتني ليلة العرس وتضحك بصوت ناصي...
شنو هالمرة شجاع هم كلها التمت يم الباب
ع صياحه !
ولج لا امبين هالمرة يدك ناعم...
وبعدين يبدي الصياح والدك....

للحكاية بقية
بقلم شقراء(قمر كانون)