رواية قاع الشياطين الفصل الخامس والأربعون 45 - بقلم اسماء ديمير

.....................☆البارت الاربعون ☆..................

#قاع_الشياطين(البصر والبصيره)

#بقلم_أسماء_ديمير

ااااش ميرررال اااش اسكتي لاضليت ادكين برااااسي ااش كوه متحمل .. تقدم عليه يحجي ، رجعت ليوره مفزوعه وخر والله بس توصلني اعيط …

 لزمني عطت حيل الحكوووني صم حلكي حيل يخررسني عطت دفعته  ماكدرت جتفني حيل ، 

-كااافي تعبتيني والله شبيج ..

-درت وجهي وخرر ، تشتغل بالحرام ليش ..

-همس مو حرام ..

-شلون مو حرام وانته تشتغل بالممنوعات ..

-شغلي معيش عوائل هواي ناس عايشه على هاي الشغله ، مو اول واحد اني ولا اخره ..

-ممنوعات شنوو شرب لو حبوب رفعت راسي حاجيني هااا ..

-سكت ..

-مره سمعتك تكول لعواد انته دتسحب من البضاعه و تشربها مافكرت تكون هيج ..

دفعته حيل ، رجعت ليوره لميت نفسي ، بعد بعد شنو ضام ..

-ميرال مناقصج شي اطلبي وكلشي يجي يمج شغلي مماثر عليج ولا راح اخلي ياثر عليج ..

-شغلك حرام .. عاط بوجهي خرعني احنه مو انبيااااء مووو انبياااء ، اذا مااني اشتغلت يشتغلها غيري ، اذا بطلت عبالج يعوفوني بحالي ..

شغله طمست بيها من الصغر خلص صعب اطلع منها حتى لو اريد ..

-بجيت دنجت راسي ، تعرف شكد احبك موو اخاف عليك ، تعال نسافر ونعوف العراق ..

-من كل عقلج شنو عبالج السالفه بهل سهوله ..

-بيبر بداعت حبنا انته مو تحبي هااا تعال نروح لاي مكان اني عندي ورثي من اهلي نشغل و نشتري بيت ونعوف هالمكان ..

-دنج عليه بهل سهوله عبالج ، لزم ايدي جهربتها مره وحده بس رفضت الشغله جانو طالبيها مني ،  لان جانت بيها نسوان وجهال ماكدرت ،  تدرين شصار دخلولنه للبيت بنص اليل ، تهجمو علينه بدون خوف ، ضربو مرتي بوقتها هديل لحد مافقدت سمعها ، شنو انتي بس لابالج ترك الشغل وياهم ماله ثمن لا ثمن حياتنه ميرال ..

ضليت جامده بمكاني ، دموعي نزلت بسكوت ، ابتعد عني ، باعي انسي كل الي حجيته حبيبي و عيشي عادي انا الشغل وعد مني مااخلي ياثر علينه وابعد عايلتي عن اي اذيه ..

سكتتت فاكه عيوني مدهوشه ، حجه ميرال لاتفكرين تحجين لاحد من مصلحتج احجي ، لا تنطقين لا اي احد اذا فكيتي حلكج حياتج وحياة الي تحجيلهم تصير بخطر بذاك الوكت اني ماكدر احمي الكل افتهمتي .. دك جهازه مارد ..

همس اخذي بكلامي وانسي كل الي كلته الج وعيشي بالظلمه احسن  ..

درت وجهي ، عافني وطلع لزمت راسي الم فضيييع ، والله حسيت يافوخي راح ينفجر مددت خليت كصتي على الكرانيت ابرد راسي ..

يمااا حموووت من الام ، كمت لحيلي دايخه اريد الزم شي اسند نفسي ..

الكاع تفتر بيه ، وصلت للباب وكعت بالارض ماكدرت اوكف بعد حتى نفسي كامت تلعب اريد اتقيئ ، تهيت عصاتي اريد اكوم مابيه ..

زحفت للباب ولزمتها كمت صدري يدك حيل كلبي عبالك يريد يطلع من مكانه ، فتحت الباب وطلعت ارجف ، صوت ديما حجت ميررال شبيج ..

انداريت على صوتها و طكيت بجي مديت ايدي الها تعااي وديني لنانه تعااي ..

اجت تركض عليه شبيج .. ياا شبيج ترجفين ..

لزمتها من جتافها حيل ، هزيتها مرعوبه ، ديما لازم نطلع مناا لازم بسرعه ..

شبيج ميرال شكوو شنو كالج رجلج ..

تقربت من اذنها اهمس مرعوبه :- ولج يشتغلون بالحبوب ديما ، ولج يشتغلون بشغلات حرام ، دناكل من حرام ، نوب على ساعه نموت يكتلونه اي والله نموت انتي عندج جاهل يكتلو هم .

-لزمتني من ايدي تعاي ميرال تعااي تريد دخلني ..

-عطت لااا وديني لنانه  لازم اكللها لازم نطلع مناا ..

-ميرال شنو عبالج رجلج يخليج طلعين مناا هاا وخاصه بعد ماعرفتي ، شنو عبالج ماوصه خالته قبل لايطلع لو ما حذر الحراس ممنوع عليج طلعه ..

ليش دورتي وراه ليش حشرتي نفسج خيه ليش هيج ، جنت اكول راح تعيشين براحه بس مادريت ذكائج ممكن يعم عليج ..

-فكيت عيوني ديمااا ليش هيج تعرفين مووو ماكتليني بجيت دفعتها ضحكتو عليه كلكم ..

-شكلج يعني شسوين اذا عرفتي،  خلص صرتي مرته منه وبينه ، جزء من العايله صرتي،  قبل مايحجون كبالج لان يكولون عميه ماتفتهم ماواعيه على ديصير وهالشي امن الج جان ..

ادخلي لغرفتج وكملي تميثل انتي متعرفين ،  عبالج عواد اذا عرف انتي عندج علم بالي يصير يعوفج لو ام زياد يعيشوج بحجيم ، وخوف يلزموج من ايدج توجعج مثلي استري على نفسج وعلى اهلج ميرال ، اذا رجلج بي مجال ام زياد وعواد مايعوفوج اسكتي لا تفتحين ابواب النار عليج  ..عندج اخت انتي خافي عليها ..

دفعتها مااسكت اني مراح اسكت ديما ، جلبت بيه حيل ونترت :- ميرررال العناد مايفيد بمنو تتكوين هاا ماعندج ظهر ..

هزيت راسي غلطاانه ، عندي ولج اني بت عايله الها صيت حتى بالخارج هذول منوو اخبر عليهم اذا ماعافوني وعافو اهلي والله ..

ضحكت بستهزاء ، فززتني ، جرتني ودخلتني للغرفه ، :- شغل ابويا واخويه ذياب شنو لعد ، عبالج من تخبرين توصل شكوتج للمركز يعني ، لو تلكين الي يسمعج مثلا ،  لا يااماما قبل ماتوصلين للمحكمه يشيلوج انتي والي وياج ..

جرتني وكعدتني على الفراش ، ميرال وكفاتج مانسها ابد طول عمري ، لذلك اخاف اخسرج والله مو كدهم انتي ، رجلج يحبج استغلي هالشي لا تتحدينهم احتمي بي وعيشي ..

اشرت ميته قهر :- دناكل حرام ..

- عود اكلي من فلوسج اذا هامج الحلال والحرام  ..

-جذب عليه استصغرني خلاني ابين اني غبيه ..

-كلنه نعرف انتي ذكيه ، ودليل بيبر جان مانع اي شخص يحجي كبالج باي شغله تخليج تنتبهين ، قبل يحجون بالشغل على الاكل بالمناسبات بكل مكان ، بعد زواجه منج هالشي انمنع منع بات ، وسن تراقبج طول يوم تخاف منج وام زياد مسلطتها عليج ، حتى روحتج للطبيب مراقبيها جانو خايفن من نباهتج ، ليش ماكملتي استغفالج يااميرال ..

عيوني نار كثر مابجيت ، مسحت وجهي باديها ، احمدي ربج ماخلفتي الله يحبج تدرين والا جان اخذته ام زياد وحركت كلبج وضلت تهدد بيج بابنج ..

غمضت عيوني تعبانه ، حجت سمعتي ميرال ..

اريد اطلع نانه و جهالها وتالا مناا ..

بكيفج بس لا تتحديهم ميرال سايسيهم شفتي،شسوو بيه والله يعملون بيج الاسوء ..

خليت راسي بحظنها وبجيت ، حبيته للنذل و مشيت وياه عميه كلب لان احبه ..

-هو هم يحبج بس هذا شغله ترى بيبر ارحم من عواد الف مره ، بيبر مايأذي الفقير ولا الناس البريئه بس هذا شغله بعد صارلهم سنين مانكدر نفرض عليهم احنه ..

نمت بحظنها وهيه تحجي ، مادري شلون غفيت ، بس حسيت على واحد حاظني وجسمي دافي ..

درت وجهي من عطره عرفته ، دفعت ايده ، همس رجعت لخاطرج ، كلبي ماينطيني اعوفج ..

-ماعندي ثقه بيك بعد …

-حقج …

-شوداك لهل درب بيبر انته مو مثل عواد ولا عدي شجابك لهل شغل ..

-نوميني بحظنج و احجيلج ، دمعت عيوني ساكته ، حجه .. والله ..

-ماتعرف الله انته لاتحلف بي …

- وداعتج …

سكتت تقدم خله راسه على صدري وحظني ..  اخذ ثواني سكوت بعدين نطق :- انحكمت ١٥ سنه من جان عمري ١٩ سنه .. قضيت منهم ٣ سنوات ، وراها بايام  واجاني عواد للقاوش الي جنت بي ، و حجه الي عن موضوع ، هو واكو شخص وياه بنفس القاووش عرض عليه شغل ، واذا وافقنه عليه يساعدونه بسالفه قضيتنه ، نسوي طعن بقضيتنه وفوكاها مجرد مانطلع يشغلونه وينطونه راتب …

 ، عرف احنه عدنا خبره بالشاحنات لان جنه نشتغل بالبضاىطئع نحمل ونزل بضائع ..

طرح علينه ينطينه شاحنه و متروسه سلع نوصلها من مكان لمكان وبس لا نفتح ااشاحنه ولا نسال شبيها …

ماكلنه لا شغله وراها فلوس ورزق ، و فوكاها نطلع من السجن منو عنده عقل يكول لاا ، عدي جان وياي بنفس القاوش مسجون بقضيه دين و قروض صار صديقي بذيج الفتره اكلنه و نومتنه سوه ردت افيده  …

هم حجيت اله ، وافق لان سددو الدين عنه ، طلع هو قبلنه  و مشه بسالفه قضيتنه و طلعنه بعد الطعن وبدفع كفاله ، اشتغلنه سويه ، طلعنه كبل لبيت خالتي عمامي بعد سوايتنه بعمي تبرو منه ، رغم مايستاهل هو و دم اختي حوري بركبته ..

وامي عافتنه و تبرت هم ، ماضل النه غير بس خالتي ام زياد فتحت بابها النه ،  اول ايام مشت الامور احسن مايكون ..

شغل زين وراتب خير من الله ، و بلشت دنيا تضحك بوجهنه ..

لحد مافديوم صعد ويانه الوسيط بنفس الشاحنه و صار علينه رمي شرطه ماعرف سلابه ..

المهم نزلنه من شاحنه وطفرنه برواحنه العزيزه ، ركضنه مسافه وكفنه نراقبهم من بعيد ، شفناهم طلعو من بين الكراتين جياس اصغار مغلفه ببلاستك ..

وكفو يتفحصوها عرفها عدي حبوب ممنوعه…

الله يشهد على كلامي ماجنت اعرف لا اني ولاهو ، بس عواد طلع اله علم بس لمن كالي على الشغل  ماكالي شنو البضائع لاا ، كل الي كاله هو ناس خيره واحد حجي يريد يسوي خير ..

يطلع الشباب من السجن ويشغلهم بالحلال غير هيج عبالي ..

رجعت للبيت ارجف و اكل بروحي ، عبالي عواد مايدري  ، كلت ماحجيله خاف يخرط السالفه و يفضحنه ،  لحد ما بنص اليل وبنفس اليوم انكسرت الباب علينه دخلو سحلونه اني وعواد ..

خالتي ورانه تعيط جانت بوقتها حامل نطها واحد دفره خلاها تنزف ، وضرب زياد بالاخمس على راسه ..

وجتفو ابو زياد بصاله ، سحلونه اني وعواد لمكان صحراء بهل برد جان شهر الواحد  ، بطرد فالينه والبجامه ساعتين نتراجف بهل برد ..

شوي وجابو عدي مدمه هم كاتلي وجايبي ..

الي استغربته عواد ماطخوو بس اسمعه يكول لواحد مو هيج اتفقنه اني والحجي ، وذاك يرد هذا الحجي تكوله لابو عزت مو الي …

طبكت السياره نزل منها شاب ، طلع ابنه لهل شخص الي نشتغل عنده ،  تخلي مااجه بنفسه دز ابنه الي عمره اصغر من عدنا كانو مستهزء بينه  …

حجه بهتنتره ، انتو مطلوبين النه ب ٦٠٠ الف دولار … بالله كريم من سمعت الرقم ضحكت ..

عدي كله بايكين كليات ابوك ماندري .. 

كله لا الشاحنه الي ضيعتوها من اديكم جانت بيها بضاعه تسوه ٦٠٠ الف دولار يله نريدهم ، لو هسه هنا نفصخكك ونبيعكم اعضا، ء …

من شفنه اثنين نزلو بصداري من السياره الورانه عرفنه حجيهم مو جذب ، والله جسمي جمد بذاك اليوم ..

رد اختارو شلون التسديد يصير ، رد عواد كول لابوك نشتغل وياهم احنه نبقه زلمه للابوك ماطلعنه عن طووعه و الشاحنه تسلبت منه لاسلاح ولا علم شلون تردون نحافظ عليها والا تعرف احنه من ايدكن هاا لايدكم هااي ..

رد وشباب نفس الطااعه لو شنوو ..

رد عدي شلون يعني طااعه الله انتو مثلا ..

رد اشلعولنه كليه من هالحلو بالله جلبو بعدي ومددو بالارض ، رفع راسه عليه اني فاكه عيوني وجامده حتى ماكدرت ارمش ..

والله ياميرال فتحو بطنه بدون بنج جدامنه ، ضحك بهدوء ، ترى اني مو جبان بس ماشايف هيج بحياتي جنت ابن بيت بعدها تحولت لابن شارع وخريج سجون ..

اغمى عليه من شفت عدي يصيح وهمه فوكه يفتحون بطنه .. ماصحيت الا اني بالبيت وام زياد فوكي تبجي …

كعد على حيله سحب باكيت جكاير يدخن ، وياشر بيده ترى رجلج مو جبان بس جان كلبه رجيج …

سكت ثواني ودار وجه عليها ، وجها انكلب احمر من البجي ، جر نفس ، رجع رجيج من شفتج ميرال ، شفت نفسي قبل ١٥ سنه ، بعيونج …

سكت شوي و كمل كلامه ، محد يحب يعيش هيج عيشه ميرال ، بس الله يشهد علي اني مجبور ، تورطت بصغري و صعب اخلص ،

من تزوجتج ردت اعيش بنظافه حتى لو بس يمج راضي ، مارديت عليه حتى النطق ضاع مني ..

عيوني تحجرت ، دك جهازه و رفعه يرد عافني وكام ..

خلاني بدوامتي الي وكعت بيها ، صدمتي منعتني من الكلام مادري خوفي على نفسي …

غمضت عيوني اردد كابوس ميرال كابووس حشاه لله يرضى تتعذبين مايرضه هذا كابوس ..

كام على صفحه يحجي فتح الباب وطلع ، كله شوكت وصلت ..

وين العنوان ..مممم دزه لعدي .. لا مااجي اني عندي ظرف ..

لا فلوس لا دزوها لعواد دزوها بيد بشار اني استلمها ..

اي …

سدره ورجع ، لكاها على كاعدها ويدها ترجف ، ابتسم عرف ماراح تكدر تعدي سالفه بسلامات ، راح تنفعل يمكن تنجلط ..

تقدم  على تعلاكه طلع حبايه من جيب سترته و، جر بطل ماي و همس ميرال اشربي هاي ..

ماحجت بس مغمضه وترجف ساكته ..

اشربي هاي حتى تنامين مرتاحه ما توكعين مثل ذاك اليوم .. كومها كوه و فتح حلكها باصبعه و غرز الحبايه بحلكها شربت الماي ساكته ..

خلت راسها على مخده صافنه .. 

مجرد ماحسيت بي دار ظهره يذب البطل ماي على ميز ،  طلعت الحبايه من حلكها خليتها جوه المخده ، سمعت صوته حجه ماراح تنامين اذا ماشربتيها ..

غمضت عيوني اجاهله ..

مهدء هاي ميرال شربيها …

شنو يضمن الي مو وحده من شغلات الي تبيعها ..

مابيع لنسوان اني ..

لا انسان صالح ماشالله ..

اختفت ابتسامته بالم ، رد بيوم العقدنه رددتي جمله سراء والضراء ميرال …

دار وجه فتح الباب ونزل تعبان منهك فكريا وجسديا ..

ضلت هيه بداخلها حروب ، حرب مابين تاخذ اهلها و تعوفه غركان ، لو تضل ويه الشخص الي حبته و تحاول تساعده ، 

طلعت حبايه من جوه المخده وشربتها بدون ماي جرعتها جرع ..

غمضت عيونها تستسلم للنوم ، ماكعدت غير على ديما تهز بيها تكللها ميرال شبيج ناايمه لو غشياان عليج خييره دنيا ظهر مو عوايدج ..

فتحت عيوني ، ابنها يناغي مد ايده على وجهي ، ديما هاي انتي ..

اي ضل بالي عليج مو عوايدج تتاخرين هالكد شبيج مريضه لزمت كصتي تتفحصني ..

كمت لحيلي ، مشيت للحمام دايخه هيه وراي تحجي عن غزل و ام زياد…

حجت ايلاف صاير عدها نزف خطيه ..

ليش ..

مو وكعت ذاك اليوم ماشافت العافيه بعد ، خطيتها بركبه امها ،..

مخابرتها انتي ..

باليل حجيت وياها مو زينه تبجي … غسلت وطلعت انشف بوجهي ، بيبر وين ..

طلع ليش خما تعاركتو …

عواد وين ..

طالع شكوو ..

سمعت شباب مسافرين …

اي .. ليش …

ماكو داسأل ، 

ميرال بطلي فضول واسأله…

ماحجيت اشرت الها طلعيلي ملابس ،  وكفت اطلع الي وحجت تضحك ماطلعين انتي مو تكولين اشوف ..

كعدت على فراش يمكن عندي عمى مؤقت مادري رؤيه موقته ، بكل الاحول شوفي مايجي نسبه ١٠ بالميه ..

ضحكت شلون ماشوف انتي لابسج جني ميرال احسج موعاقله ..

خلت ملابس بصفي وكعدت ..

اطلعي بره داغير ..

دلبسي لج اني مثل اختج ..

اطلعي ولج استحي ..

والله ماطلع دشوف على شنو بيبر كاتل روحه عليج ..

ابتسمت رغم ماجنت ضايجه ، غيرت واني مبتسمه اذا مدبتي ايدج عليه ديما والله اضىب ..

ضحكت  والله اني من يمي خجلت اباوع عليج صلاوات فدوه لجمالج ..

دنجت البس البجامه وهيه تحجي وياي انفتحت الباب فزينه اثنينه غزل حجت شيووون هااا ..

شهكت يااا شسوون ولجن اثنينجن يالماتستحن ..

حجت دينا هااك استلم شترد على هاي ام عقل خربان ..

اني ام عقل خربان لو انتن الادب سززيات شسون ولجن والله الا اكول لبيبر وعواد ايا اخلاق سزز ..

اكلته اكل مافتهمنه شبيها ، الا حجت وكالتها يالشاذات ..

والله جنت مكتئبه لدرجه بس اريد ابجي من حجت هيج ضحكت …

وينج بالله غزل كبالي موو رفعت اديه غميتهاا طاح حظج بس نسيت اني انتي منين جايه غير من بؤره فساد شلونه عقاج يكون يعني كبر شهل تفكير ..

لا والله فرناها علي فررنها ..

نترت ديما دطلعي لا اكوملج بالنعال العبه عليج .

دلزميني اذا ماكلبت البيت عياط وافضحجن ..

خاب انجبي عاب حلكج يالرقااصه ، ام عواميد ..

عقدت حواجبي اني .. عواميد شنو ..

ماشايفه ذني الكحا* يركصن على عواميد هاي غزل يمكن جانت وحده منهن ..

شلون يعني يركصن على عواميد .

اووو ميرال شلون اشرحها الج هاي ، عوفي سالفه خيه وانتي يله بره يله ..

طردتها واخذتني ونزلنه جوه ، لكينه ابو زياد يحجي ويه مرته ..

يكللها مري على ايلاف مو زينه شوفيها ..

ردت مو كتلك نجيبها هنا ترتاح .

خلي عد رجلها ، طارق خوش رجال بس بنتج نافرته حتى ماتنطي مجال …

طلعنه للحديقه ، توه كعدت اجت نانه حجت ها يمه شلونج اجيت عليج صبح كالو بعدها نايمه خما بيج شي ..

لا يضل بالج مابيه شي ..

لمست راسي تااكد ، شوي وراحت ، من سمعت ساري يصيح الها .. ثواني واجاني يكلي اريدج بموضوع ..

تعبانه ساري اجل السالفه ..

تقرب من اذني وهمس سالفه تخص اختج تالا مو وصيتيني اراقبها .

رفعت راسي بلعت ريك  من رجفه صوته عرفت اختي مسويه مكسوره ..

كمت وياه على صفحه اسمع شيكول ، هد حيلي فوك قهر بيبر ، كعدت على نافوره عاجزه ويه هالبنت هاي

تالااا .. 

توجهت لسياره ابو حمد لمحت سيارته واكفه على صفحه ، وكفت متوتره عيوني تفتر خاف يجي ساري درت وجهي على سيارته وجهه مبين بالمرايه الجانبيه اشر براسه تعاي ..

هزيت راسي لاا ، توجهت كبل لابوحمد توه اصعد صاح وراي تالااا جفلني وكفت لزمت باب سياره ابو حمد .

انداريت عليه بلعت ريك همست هااا ..

تقدم عليه بسرعه وجهه ميبشر بالخير ، ابو حمد كال خير بنتي ..

ماحجيت من وصل يمنه ابتسم سلم على ابو حمد حجه مو اختج كالت لج صبح مري للمجمع جيبي الي وصيتج عليهم ..

فهيت بوجهه ، حجه امشي يله قبل لايعزلون يله ابو حمد ماريد اعطلك ..

حجه ابو  حمد اني اخذها ابني ماعندي شي ..

-رد لا اختها دزتني على شنو دزتني لعد وعايف شغلي جرني من ايدي جر ، ماحجيت ولا فكيت حلكي ، 

انداريت على ابو حمد واكف ماعاجبه عاقد حواجبه بضوجه ..

بلعت ريك ، جريت ايدي منه ، جتفت اديه لصدري ، وكف يفتح الباب همست ماصعد ..

اندار عليه شنو ، رفع حواجبه وكف مخصر شكلتي ..

انداريت على سياره ابو حمد بعدها حجيت ماصعد ماريد.

ليش هو بكيفج اصعدي ماريد اسحلج بنص الشارع ..

-ماتفرض عليه دانيال …

-نسيتي الصوره الي دزيتهم موو ترى عندي الج الاضرب منهم ، لا تخليني احقر وياج كتلج احبج مو معناها تتعنطزين براسي ..

-حجيت اكول لميرال والله ..

-ضحك هيه اختج خلي دبر نفسها بالاول وبعدين تحير بيج اصعدي حبي اصعدي يله ..

-وين نولي ..

-دنتفاهم غير يله جرني صعدني و سد الباب ..

-كعدت ساكته ، صعد و فتح جهازه و شمره بحظني و هو التفت يسوق سياره ..

-استغربت تصرفه شلت الجهازه حجه ادخلي للاستديو ..

فتحت الاستديو اكو ملف مسمي باسمي تالا ..

ترددت بالاول افتحه ، عبالك اعرف الي بي ، درت وجهي عليه باوعلي مبتسم حجه افتحي ..

دمعت عيوني لزمت جهاز ارجف فتحته ، ماكدرت ادخل على فديوات بس كلهن الي وربي الي بالغرفه مالتي دابدل لو داقره لو توه كاعده من النوم ..

كانو اكو واحد بالغرفه وياي مصورهم الي ، اديه رجفت .. حجيت شلون صورتهم منو صورهم الك…

ماحجه ، لزمت جهاز اريد امسحهم .

جلب بيدي حيل و فتحت جامه بسرعه داشمر جهاز ضربني على وجهي لزك راسي بالكشن جر الجهاز حيل من ايدي ..

وحجه لا عبالج عود من تحذفيهم ماكدر اجيب غيرهم للحمام اكدر ادخل ورب الي خلقج لا توكفين بوجهي شكد غبيه انتي ..

لزمت راسي امسح بوجهي ، شرايد دانيال من الاخر  .

ماحجه دار وجهه ليكدام ساكت ، ابتسم اخذج تشوفين بيتنه ..

اندار عليه ..

بجيت شتريد دانيال .. 

ضحك ،، اعرفج على امي شتكولين ..

درت وجهي مامصدكه بي ..

حجه والعذره احجي صدك ، اعرفج عليهم اني احبج تالا ورب بس انتي غبيه دومج ماتثقين بيه ..

رجعني للبيت ، 

رد واني شلون جاي احجي وياج بهدوءليش تخليني اتعامل وياج باسلوب ثاني  .

تهديد قصدك هااا ..

انتي مجال تلينين شسويلج ، شايفه نفسج عليه على شنوو منو بالج انتي ..

محد بالي ، بس حل عني دتخوفني انته ..

هههههه انتي تردين واحد تمشي بكيفج مثل ساري موو شفتيها صعبه ماتعجبج مال يجي واحد يمشيج عدل ..

سكتت مدمعه اباوع عليه خازرته ..

وكف السياره على صفحه ، جر نفس مد ايده على خدي ، درت وجهي عنه ، ابتسم ولج ام خدود اكبر دليل احبج ماشربت اليوم اجيتج صاحي حتى الكلام الي يطلع مني يطلع بوعي وصادق ..

شتردين اني جاهز ، شنو تطلبي ، 

تمسح صوري ، 

تم …

ماتكعد تهدد بيه عيب عليك الي يحب مايهدد رجل ميرال عمره ماصاح بيها مو عاد يهددها ويسحلها مثلك .

كلمن واسلوبه بعد بس المهم نتيجه ..

سكتت ..

تتزوجيني لو لاا ..

ابتسمت بعدني صغره ..

مو صغيره مو عندج صد** اشر عليهم دفعت ايده تادب دانيال شهل حجي ..

ضحك ، مره انتي وعقلج هم عقل مره بعد على شنو ننتظر ..

شكد عمرك ..

سكت ..

هااا ..

٢٩ ..

اكبر مني ب١٤ ..

عوج حلكه مو هواي ، 

وين نكعد اذا تزوجتني ..

بيت اهلي صح هو صغير بس حلو مرتب وامي مره فقيره هيه واختي ..

سكتت ابتسمت عدنا بيت اهلي جبير ، و فخم بمنطقه راقيه نكعد بي ..
ابتسم نشوف عود . اخليج تكملين دراسه بعد ..

ابتسمت ميرال ..

اختفت ابتسامته يااهل المصيبه سوده اكلج كل حجايه وثانيه وجبتي اسمها شنو قصه .

ليش احسك تضوج منها ..

ماضوج بس اختج انانيه تريد السعاده والراحه البال بس،الها لو تحبج تشجعج تكونين اسره ، و تسوين بيت مثلها ، 

درت وجهي ساكته ، لزم جف ايدي وحجه اختي لو اكو واحد يحبها مثل مااني احبج انطيها ابه بدون تردد ، درت عيوني عليه  ..

حجه لشوكت اضليت بيت ام ساري مكابله هذا السافل ساري و يكفخ بيج ، ويذلج هم يجي يوم ويزوج مرته تلزمج الباب بحجه اغار لو هاي غريبه ..

جوز اصلا مستثقلين كعدتج بس مايحجون لان ميرال تدفع الهم فلوس ، هاي فلوس يمكن ثمن كعدتج يمهم ..

-رديت لا هم يحبوني قاطعني الي يحب ماياذي وشفتي ساري كم مره ضربج ، شفتي فد يوم ضرب ميرال لو عاط بوجها ..

سكتت مدمعه دنجت راسي ، رد لاا محد يطخ بيها بس انتي زايد خير عدهم وراج راتب لذلك متحمليج ، تكعدين يم ناس متخمليج علمود راتب لو يم شخص يحبج وعمره ماناوي ياذيج ..

تفتحين بيت واسره وامي فقيره واختي هم تحسبيهم  اهلج ، درت عليه .

ابتسم نزوج لو لاا اعيشج اميره والله …

فركت اصابعي ، اذا نارشت مي..  بعدني داحجي وكفر فززني فتخت عيوني دانيال ..

هيج من دنياال وانعل ابوو *****

خنست ساكته و جسمي جمد صاح بوجعي دكااافي شكيتي بطني ، بس انتي عندج ااخت خما بس انتي ، هاي من نزوج واريد اني** هم تكلي ميرال …

فكيت عيوني مفزوعه يماااا دخيلك ياارب ..

شخط سياره حيل اجه يردم راسي بجكمجه ..

لميت نفسي وسكتت ، جر بطل صغيره بصفه و فتحه يشرب ويردد نسوان مال كتل و ن*** عضيت شفتي يمااا تخبل هذا عليه …

اندار عليه رافع اصابعه ورب اكفر بيج انعل اهلج حيووانه ، 

خنست درت وجهي خفت لا نظرتي تستفزه نوب ،  همست موافقه ..

اندار عليه وجهه احمر .  رفعت حواجبي بس اخلص ثالث ويله ..

سكت وجهه رخه ، ابتسم خووش ..

جريت نفس يماا خرعني هم طلعو اعصاب مسيح ..

درت وجهي على جامه مدري وين وجهه سياره حجيت وين .

ماحجه طبكها بفرع فارغ ، اندارين عليه توني لزمني من ذراعي و جرني يبوسني ، فتحت عيوني نوب ريحته تكتل ، درت وجهي قرفانه .

وكف عقد حواجبه يباوع بوجهي حجه شبيج .

سكتت ، ارمش .

لعبانه نفسج شنوو .

ريحه شرب ممتعوده عليها ..

تعودي عليها بعد جرني جوه دفعته من صدره مامدرت ، نوب هو ثكيل و شرب صار طينه صحت بي وووخر شبيج دفعته ماندفع مد ايدي برفع صدريتي عطت دانيااال شبيك ..

عن قصد ضربني على ايدي حيل و نتر بيها وجرني مرضيت اجي بيدي دفعته وخرر يمعود شجاك جلب بوجهي و ركبتي .

دفعني على كشن هو تقرب يصعد فوكي عطت ووووخر ضربته حيل شبييييك تخبلت ووخر جاي اسووي .. 

انطي مجال تخبلتي ..

وخر انته تخبلت بنص الشارع جاي اسوي ..

محد يشوف مالهم علاقه ..

وخر داكول كوم عني مردتني لعبت نفسي حزوع ..

ابتعد مد ايده على صدريه من جوه دفعت ايده حيل ، افتح الباب حتقيى افتح الباب دفعته كوه ..

وخر يتنفس فتحت الباب ونزلت لان رجال شايب واكف على صفحه يياوعلي بسمئزاز ..

دمعت عيوني فركت وجهي مقهوره ، انداريت على دانيال بسياره ديشرب ، كبل بجيت دنجت راسي وين وصلت لاي مرحله اني .

وين حضيع نفسي ، رجال اشرلي،شبيج ..

هزيت راسي ماكوو ..

تقرب مني يمشي بحذر يباوع على السياره .

حجه عمو خاطفج هذا ..

بجيت كبل لااا ..

رجلج هذا ..

هزيت راسي اي ..

شجابكم هناا بيتكم هنا ..

هزيت راسي لاا فزيت من صاح دنيال تالاااا انداريت عليه خايفه حجه شكوو يباوع للرجال خازره انداريت اكوله عمو روح ماكو شي لكيته مشه وراجع واكف باب بيتهم …

رجعت صعدت امسح بدموعي ، ماحاجاني ولا اعتذر ، ساق السياره وطلع كبل  هو سياقه وشرب  ..

خليت راسي على كشن صافنه ، احس نفسي ضايعه ماعرف المن الجى ، المن احجي .

تعستْ هذه الحياةُ فما يسعد فيها إِلا الجهولُ ويرتعُ 
هي الدنيا في كلِّ يوم ترينا من جديدِ الآلامِ ما هو الوجع ..

دانيال ؟!!

دانيال كان بؤره و ذروه ضياعي وجعي ، 

لكل شي بدايه و ذروه و نهايه ، مشكلتي جنت صغيره اي اعترف مشاعر المراهقه و الحب مغامره و قصص حب من مسلسلات والافلام و صديقات اثرت بيه بصوره سلبيه ..

مشيت وياه على اساس الحب وكفاح عن الي يحبني !!
يحبني اي بس اني ماعرف شنو اريد ..

ساري عالمي خاص دافي سرري …

بس دانيال جريئ خطفني من الخيال وعالم وهمي وعيشي خقيقه ..
عرف شلون يلعب على اوتار كلبي ، جنيت بمغامراتنه سوه و جلبت بي  .

رجعت للبيت بين ندمانه وبين  اكو شعله بكلبي انارت الظلمه ، 

ابو حمد لكيته واكف بصف حارس وخال اديه وره ظهره ويحجي  ..

من شافني سكت وندار عليه واكف يباوعلي بضوجه و بحسافه .. نزلت من سياره دنجت راسي اعبره .

مشه دانيال .. و صاح وراي ابو حمد عمو تالا ..

التفتت عليه خجلانه ..

حجه جبتي الغراض وصتج عليهم اختج لو نسيتيهم ..

صفنت بوجهه ياغراض رفعت حواجبي هااا اي لا مالكيتهم  مخلصين على غير مره اروح من وكت ..

وكف هز راسه ، عفته ومشين صاح وراي عموو ؟؟

انداريت عليه هاا .

همس الله يستر عليج ..

دمعت عيوني شلون واحد هفني راشدي صحاني  ، وكفت مصدومه نطيته ظهري وكملت دربي ارجف الله يستر عليه ؟؟

ليش،شنو مبين عليه اني ..

دخلت للملحق ركض ماخليت احد يشوفني دخلت للغرفه و قفلت الباب اشوف نفسي شبيه ..

مابيه وجهي صافي بس ركبتي شوي و جوه عظمه الكتف هم بلعت ريك امسح بيهم مايروح الاثر ..

جريت ملابس اغير بسرعه البس شي ركبته طوله ..

لبست وطلعت اغسل صاحت نانه وراي تالا رجعتي شو تاخرتي ..
حجيت مريت للمكتبه ..

دخلت للحمام اغسل …

مرت ايام مثل بايكه بوكه اتختل و اضم بركبتي خايفه الي،يسال وينج ارد داقره و جنت اقره ماجذب بس استغليتها فرصه انهزم من سؤالهم ..

ميرال اجت يمنه تحجي ويه نانه على صفحه من وجها امبين عدها مشاكل ويه رجلها وعيالها ، شتردين من الله بعد عزه بعينج …

رجلها يجي نانه بنفسه يتوسل بيها تكعد يمها و تشوفها يخاف لاتوكع لو تتمرض ، و يردد جمله عليها ام ساري مارضه ميرال تتطلع بره الفله بدون اذني ، ماقبل بهل حجي اني ..

خاف فد يوم وراي تكلج تعاي نطلع ماقبل ناطي خبر للحارس اني ماكو طلعه بدون اذني ،  اي،شي تطلبه منج خابريني وراها انطيني خبر ..

دانيال وراها سافر لاربيل فتره ، بس جنت متواصله وياه عن طريق الموبايل ، افتح نوبات كامره وياه ..

كاعد على صفحه اضحك من يراسلني ، لزمت خصله من شعري افر بيها دازلي خواطر قليله ادب ،

هل لي أن اصنع لكِ عقداً بقبلاتي ؟

رديت لاا  . شوكت ترجعي يالعاشق .

رد عليه ، 

راح اجيك بس بشرط  ...اشفافك الرطبات انشفهن ..

ضحكت لا تخبل هذا عزه .. رديت شارب شنوو مو عندك شغل زعمن ..

رد ، سكرني بطرف شفتك
تراني من الشرب صاحي ..

خليت جهاز على راسي واضحك ، يماا فلك طرك يالملعب ..

مارديت عليه خفت لا يجفص بحجايه يخرعني ،  رفعت راسي اضحك 

اختفت ابتسامتي من  شفت ساري عينه عليه وذاب الكتاب على صفحه مو ماجاي يقره  .. 

مو عوايده يكعد هنا لان البيت صغير ما يكدر يركز لان هالسنه بكلوريا عنده سادس ، بس صار فتره يكعد بصاله ..

دنجت راسي ساكته ، رفعت راسي عليه بعده مصغر عيونه مركز وياي ، بلعت ريك ..

كمت بسرعه ادخل للغرفه ، مسحت الرسائل و  خليت جهاز على الشحن و كعدت اقره شوي ..

للمغرب دخلت للحمام  …

ماطولت ربع ساعه بس طلعت انشف بشعري توه ادخل للغرفه وافز من شفت ساري واكف لازم جهاز وكاعد على جرباتي ..

رفع راسه من سمع شهكتي ..

عيونه حمر دم ، ماينوصف وجهه ، رفع اصعبه ياشر انتي امنيييه ..

انتييي كل هذا وكت وانتي امنيه؟؟؟!

#يتبع ....

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق