رواية قاع الشياطين الفصل السادس والأربعون 46 - بقلم اسماء ديمير

.............☆البارت الواحد والاربعون  ☆.............

#قاع_الشياطين(البصر والبصيره)

#بقلم_أسماء_ديمير

رفع راسه من سمع شهكتي ..

عيونه حمر دم ، ماينوصف وجهه ، رفع اصعبه ياشر انتي امنيييه ..

انتييي ؟!!  كل هذا وكت وانتي امنيه ؟؟!…

وكعت المنشفه من ايدي ، الحروره صعدت لوجهي ماعرفت ارد .

كام لحيله فاك عيونه اشر احجي انتي امنيه ، هااا ..

-عاط حيل ولج احجيييي ..

بلعت ريك احس ريكي يبس ، التفتت وراي ادور احد ، نانه بالحديقه يم ميرال ..

خترعت من جر ايدي عليه حيل ، لزمته مدمعه وخايفه ارجف ، ووو  ووخر عني .

-عاط ولج شوووخر انتي امنيه مووو انتي جنتي مستغفلتني ولج شيطاان انتي شيطااان رفع ايده و ضربني خليت اديه على وجهي عطت يمااا .

دنج شالني من شعري وكفت اكامشه وخرر عني حقير وخر ..

-ولج ساافله شكد رخيصه انتي ، اسامه عاط يماا ساري ديضرب تالاا ..

 عطت بي حيل وخرر وخرر وحد عنك مثلا لاتسوي نفسك شريف براسي اثنينه بالهوى سوه ، صارلي فوك سنه اعرفك واعرف اخلاقك زين .. 

ابتعد متفاجئ لزم راسه من اي طينه مخلووقه انتي ولج انتي شيطان الله يلعنج ، ملشفت بشر مثل حقارتج ابد .. .

وكفت ابجي امسح بوجهي ، مو غريبه عنك حالي حالك ، ضحكت لا والحلو تعلمت منك اني على الاقل ماخليتك تختلي ب.. ركعني دفره رجعني ليوره سكتني لزمت بطني ابجي واعيط ..

طفر عليه يخنكني :- انتي مو مال اضلين عايشه ، انتي  حلال عليج الموت ،  امووتج والله ، رفعت اديه خرمشته واعيط اجت نانه تصيح خاايفه هااا هااا ولكم ..

اسامه بجه من شافنه  متكامشين ، ميرال وكفت جرتني وتكله وخر شبيك شبيك .

عاط بينه اموووتها والله لاموتها ، و لج رخيييصه .. جرني من شعري من بينهن ، صرخت متوجعه ، وعاطن هنه ، 

امه دفعته حيل و لك نذل شبيك هي حيوووان ..

ضرب على وجهه ولج هااي هااي اشر عليه و سكت مايعرف يحجي ، وكفت ابجي واشهك اباوع عليه اريد يحجي ..

ميرال حجت شبيك شلون تضربها بهل شكل هااا تجاوزت حدك سااري حيل نسيت هيه منوو لهنا وكاافي شلون تتجرأء اصلا تضربها هيج . .

رد عاط بوجهه :- اختج نكسه ، امه ضربته كبل على وجه ، سكت فاك عيونه ..

حجه بحركه يعدد باصابعه :- سكتت على سالفه طلعاتج ويه المسيحي و فرفرتج وياه بسياره وكلت ميخالف ، سكتت على طلعاتج بالبستان ،

قاطعته ابجي :- سااري يتحرش بيه ميررال والله ..

امه اندارت عليه وجها احمر حجت لا يمه على بختج تالا عيب يمه عيب اني مربيتكم لا تحجين هيج ..

ضحك هو اي فريها فريها يالنكسه دفع امه و جيت عليه يخنكني عطت يتحررش بيه تحررش بيه و شوفو موبايلي شلون يراسلني شوفو المقاطع الي يدزهم الي ..

دفعته ميرال عني تبجي حظنتني حيل تحميني منه :- حجت شبيك سااري شبيك ليش،هيج مو احنه اخواتك شجاك علينه .

امه دكت على وجها مفزوعه لاا لااا مايسويها يمه ...

رديت ابجي :- تحرش بيه من مانطيته مجال ضل يهدد بيه ، شوفو الموبايل شوفو شنو يدزلي امه ركضت على الجهاز تشوفه ، ماعرفت تفتحه ، جره من ايده هو حيل مايرضه ينطي دفعته وكع جهاز بالارض تقدمت بسرعه سحبته خليته بحظني ..

 فتحته  ارجف  فتحت البصمه وحده بس ، بصمه من بصماته ، سمعته يحجي و يتوسل احجي وياه باليل امه لطمت على وجهاا ، ميرال و كفت مصدومه حجت سااري ؟؟!

-هو رد جذااب والله جذااب مو هيج هو ديحجي يدافع عن نفسه امه لزمته راشديات .

ميرال ضلت تبجي تكول لا نانه لاا ، جرتني نطلع من البيت هو لحكنه يريد يضربني عطت وختلت وره ميرال  ، نانه جرته من ياخته من وره تضرب بي بالنعال ..

هو نام عليه يخنكني ، ابو حمد و بشار اجو يركضون يخلصوني منه ..

كلبت البيت عليهم عياط و بجي واصيح يتحرش بيه، ام زياد من بعيد تصيح شكووو شنو هالهرجه ..

وخرو عني كوه ، وكفت الهث مختنكه ، بشار جتف اديه وهو يصيح عصبي نار وجهه انكلب ازرك من العصبيه و يدفع بيهم يريد يلزمني ..

جرتني ميرال و مشينه بسرعه ، وكف هو يعيط ولكم سااقطه والله وحده نكسسسه ولج شيطااان انتي الله ياخذج نكسسه ..

كعدت بالارض مارضه اكوم مخترعه لازمه ركبتي ميرال حاظنه راسي تكلي ليش ماحجيتي ليش ماكلتي الي ..

خليت راسي بحظنها اشهك ماكدر احجي اختفه صوتي من خوف ورعبه ، نوب ماعرف اتصرف الموضوع كله طلع من ايدي ،  طلعت ام زياد تغلط على نانه وتصيح امشي منااا اطلعو بره شنوو انتو من عايله همج شنو هالاصوات ..

نانه واكفه وتبجي و ادك على وجها وساري مجتفه بشار يحجي وياه .

-عاط مااضل هناا يمااا مااضل كاافي لهنا وبس ، ام زياد صاحت بيهم و تاشر لمي ولدج ام ساري البيت يتعذركم بعد مابيكم فايده ابد بس اذيه وجع راس واصوات مزعجه .

يله تحملتكم هوواي بس باين اكو بشر ماينطي وجه ماكافي نصرف الكم رواتب بلا شغله وعمله يله تفضلو اليوم ملحق يفرغ ..

وكفت ميرال نترت :- لااا شنو يفرغ بيبر هو جاي يدفع هو مسؤل عن الي يترك الشغل منو لاا ، مشت لنانه تتعثر تتوسل :- نانه ماكو طلعه لا ..

نانه دخلت للملحق تبجي وساري يصيح احنه هم عيشه بهل مذله منريدها هو هذا الي يسوي زين بهل وكت تاكلو ، لحك امه و طلع صوت نانه وخرر عني غضباانه عليك ليوم دددين ولك اماانه جاانت امااانه يابن بطني ماخليتني احافظ على الاماانه ..

هو يبجي يكللها جذاااب والله جذااابه بس افهمج ..

عاطت بي تبجي :- اطلع بررره مااشوفك بعددد مو ابني انته ولاعرفك فشلتني فضحتني يااافضيحتي بينهم ماعرفت اربي ..

خليت راسي بين رجليه ابجي ندماانه شسويت يااربي اني شحجيت ، ام زياد صاحت ابو حمد الملحق يفرغ اليوم افتهمت  ، اليوم اريدهم بره فله بشاار انته تاكد من انو طلعو ماريد حثاله بيتي هناا ..

عافتنه ودخلت ، بشار دخل لام ساري كللها حجيه سمعتي موو اعذريني اني رجال اشتغل هنا ..

حجت ميرال دك على بيبر ، ماقبل بهل حجي اني ..

نانه صاحت مالي ضله هناا يمه خلص كاافي ، تعبت يمه حملجن ثكيل ومابيه بعد ، اني هم وراي وليدات اربيهم راح يضيعون مني ، عدجن خوال وعندج رجال هم يحيرون بمسؤليتجن كاافي يمه اعتقوني لخاطر الله ..

ضلت ادك و تبجي وتحجي احسها مفجوعه ، لمو غراضهم ، يردون يطلعون و ميرال جلبت بيهم تبجي حاظنه نانه ماتقبل تتركها تكللها لاتعوفيني عليج الله ..

صاحت بشار خابر بيبر خاابره ، بشار ، دك على رجلها ،  و كله بسالفه ، رد عليه ، مارضه كله لاتخليهم يطلعون لحد مااجي ..

ماخلوهم يطلعون ميرال مجلبه تشهك وحاظنه نانه ، ساري داير وجه عني ساكت ، اني احس راسي راح ينفجر ، حتى دموعي جفت ، لامه نفسي بزاويه عاضه اصابعي ندم ااااخ شيرجع الحجايه ..

والله نطقتها بعثره الشيطان وزني ، والله ماقصدت شدراني سالفه راح تكبر والكل يسمع ونانه هيج يصير حالها ، شدراني راح يقررون يتركون البيت يااارب دخيلك لاااا ..

نانه تكللها ارجع يم ابو عبد شبيها الغرفه بالسطح مو لمت كرامتنه و كلتنه حلال ، هسه داسو كرامتي من عدا ابني الي طين وجهي وفشلني ، لزمت راسها تون يااا فشلتي من ابوج وامج ماحافظت على امانتهم صاحت رفعت راسها على ساري ..

فرحت يااايمه رتاحييت يابن بطني من خليتني مو كد الاماانه ليش هيج وكلتك حررام لو دزيتك على درب حررام ، ضربت وجها ليييش ليييش مو هنه عود اخووواتك ، خاصه هيه تالااا رويسي انته وياها شوزك شيطان .

دار وجه يبجي ويمسح بدموعه ، حجه ابو حمد جاهل ام ساري وغلط ؛ سبحان الميغلط وجوز فاهمه الموضوع غلط يااخوويه افتهمي منه ، هم اله حق يحجي ويدافع عن نفسه ولدج خووش وليدات ..

هزيت راسي ابجي مستهزءه حقك انته ماتعرف هو مسوي بنتك ، بشر خداع شكد مابين اخلاق و صاحب مبادئ ..

يمكن الله سلطني على ساري بينت افعاله بنت ابو حمد ..

والله سلط عليه شيطاان من نوع اخر …

دخل بيبر ونزل من السياره ، كامت ميرال تحجي راح ترووح لاتخليهم ام زياد طردتهم ماايرحون بيبر مااقبل والله جلب بيدها .

يهديها حجه خير ام ساري شنو القصه وين رايحه ..
ردت هيه مدنجه لازمه راسها خلصت خبزتنه هنا يايمه لهنا وبس خلينه نتوكل يرحم اهلك وخلي الولد يفكون الباب ..

-كولي يالله ام ساري الي زعلج اخلي يبوس ايدج ويرضيها ..

-محد زعلني ياايمه بس كاافي ماريد اضل هنا .

-حجت ميرال ماترحين نانه والله لاتخليها تروح بيبر اروح وياها ترى ..

-رد سمعتي ام ساري تعرفين ميرال ماتكدر بلاج ..

-كامت لحيلها وصاحت بولدها يله امشو ، بجت ميرال صاحت بيبررر احجي شي ..

-رد اجلب بيها قاابل لو احبسها شهل حجي ..

ميراا ضلت تتكرضم وتبجي :- ماتروح نانه وينج تعااي مدت ايدها ، وووينج نانه ، نانه نطت ظهرها ومشت وراها ولدها يجرون بالجنط عاطت ميرال نااانه ، لاترحين الله عليج ..

خليت راسي بحظني ابجي ، جلب بيبرس بيها وهيه تعيط على نانه ، لا ترحيين بابا يزعل والله امي اصلا زعلانه عليج لاترحين بروحه لابو سااري ..

صعدو هم و يه بشار  وطلعوو وو ضلت ميرال كاعده بالارض تبجي ، ماترضه تكوم ..

بيبر خليهم يرجعوون مااكدر بدونهم اني والله ، وين يعيشون شلون راح ياكلون ماعدهم شغل هم ، طول عمرهم عدنا و قايمين بينه .

رجعهم بيبر لخاطري ، هو يرد كم يوم تهدء وارجعها كاافي كومي وياي ، كومها من الارض حاظنها حيل خايف عليها مشه دخلها للفله ..

ابو حمد مشه للبستان وفرغت الحديقه محد انتبه عليه ، محد انتبه اكو بشر ضل لوحده كاعد بزاويه يبجي ..

رفعت راسي على المحلق شنو يعني راحوو ماكو نانه بعد وساري واساامه ..

بجيت مهضومه عزااا اني شسويييت ، شعملت بحالي ، يااويلي ، ضربت على حلكي شيرجع الكلمه شيرجعها عزاا العزززاني ..

درت وجهي ادور على واحد يفكدني ماكو ولا واحد انتبه عليه لهل درجه اني نكرره ، حتى محد حس بغيابي او اهتم ..

كمت لحيلي وين اروح هسه ، درت وجهي على الفله حتى اختي مافكدتني ، اني منو الي بهل دنيا بعد ..

الفتت على الملحق ، هادئ سكووت فضيع ، لاماطور ماي مشتغل لا صوت اسامه لا صوت سااري ، لا نانه تكول وين تالااا ..

تمشيت اله بهدوء اشوف عملتي سوده شنو خلفت وراها ، الباب مردوده مامقفوله بس دفعت الباب انفتحت ، نزلت دموعي ، ميته قهر لزمت صدري افرك بي غصه  تسعر سعرر نار ..

البيت هدووء هدوء مرعب ، دخلت للغرفه فوضى اثر عركتنه ، المطبخ فارغ ، صاله كلشي فاارغ ..

كعدت بارضيه المطبخ  ، ماتركو فراغ بالبيت بس تركو فراغ بروحي هم ، لميت ركبي لصدري وحيده ..

لزمت راسي ابديه ، صوت طبات رجل رفعت راسي دانيال واكف بوجهي ..

حجه شوو هنا حبيبي ..

بجيت اني جذبت دانياال …

ابتسم كلنه انجذب ميخالف ..

اتهمت ساري ظلم خربت صورته كبال امه وميرال .. 

تقدم عليه لزم رجليه لا ماظلمتي هو ظلم نفسه ، لو خوش ادمي ماتلزمين عليه محادثات انتي ، هو الوكع نفسه بالغلط انتي كشفتي اصلا ماسويتي شي غلط حق تفتخرين كشفتي كبال امه ..

-بجيت كتلهم تحرش بيه  ..

-فعلا هو سووه هيج ..

-رفعت راسي هااا ..

هز راسه اي ، هو لو خوش ادمي ما يدزلج هيج فديوات الله اعلم كم بنت مضيعها بسوالفه ، بس انتي سباعيه انتي وكشفتي حقيقته الهم..  حظني خفت عليج لان مالكيتج يم اختج ..

-بجيت محد اهتم بيه ولا واحد كال هاي خطيه وين ..

-اني لعد شنو شغلي كل الناس مايحبوج بكدي مو اكلج ، محد يهتم بيج ويريد مصلحتج بكدي كلها حايره بروحه اني ملجأج الوحيد ، ماخليج تحتاجيهم ابد وعد ..

-نانه راح تنقهر بسبب ساري ويمكن تتمرض ..

-ابنها هذا يومين وتسامحه و تلكيها تدع عليجن ، انسيهم خلي يولون اصلا جانو متحمليكم بسبب راتب و الفلوس …

ضليت حاظنته حيل ، رفع راسي لزم وجهي،بيده وباسني ، شلون عرفت محتاجتك اني ..

ابتسم كلبي علمني ،  مادامج وحيده اخاف عليج اني تضلين هنا مالج احد ، خلي نزوج شتكولين ..

-حجيت بكيفك ..

-ضحك خوش لعد نستعجل مادام هيج ، محد ضل الج بس اني وعد مني ماعوفج .

-ابتسمت ، صوت ميرال صاحت تالاا وينج ، كام هو بسرعه توجه للغرفه دخل بيها ..

-اني ضليت على كعدتي ، دخلت ميرال تتعثر صاحت ووين رحتي تاللاا ..

-همست هاا ..

-وكفت دارت وجها عليه ويننج تعاي هنا مدت ايدها ..

-همست كاعده بالارض شتردين ..

-جرت نفس تعاي هنا كومي انطيني ايدج ، كمت لحيلي نفضت ملابسي و كعدتها بالمطبخ كبالي وجها احمر من البجي ..

-حجت شنو صار سولفيلي ..

-شنو ..

-شنو تكولين ساري تحرش بيه شوكت هالحجي ..

بلعت ريك من زماان ، 

-شلون من زمان ليش ماحجيتي ليش ماكلتي الي حتى ابعدج عنه واسكنج يمي بالفله شوكت صارت سالفه ..

-درت وجهي ماعرف ارد ..

-حجت كوولي دافتهم ..

-همست خفت ماتصدكوني و سكتت كاافي ميرال عوفيني بحالي الي بيه مكفيني ..

-رجعت ظهرها ليوره مهدود حيلها البيج مكفييج ؟؟!
هااا ولج نانه راااحت صفكت باديها رررراحت خلللص بجت مقهوره ،،  ولج الي ربتنه ررراحت خاف من ماتو اهلي ضلت نانه هيه ملت فراغهم هسه مالنه احد بعد الله ، 

لو نموت محد يسال عنه ، احنه والجلاب نفس شي ، دمعت عيوني درت وجهي على دانيال اشرلي لااا اني هناا ..

- حجيت ..  عندج رجلج انتي ..

- رفعت حواجبها دموعها نزلت مو مثل الاهل ياتالا نانه جانت اهل ، خسرناها لو حاجيه انتي جانت تصرفت و كفته عند حده ، اني هم خفت من يوم عرفت عنده علاقه بنت ابو حمد غدير ، هم اجه بالي هيج شي وخفت عليج بس كلت لااا صار سنين وياه احنه عمره ماتحرش بينه او سمعنه حجايه ، مايسويها يشوفها مثل اخته مادريت الشيطان شاطر ويوزه عليج ..

-ماحجيت اني بس عيوني على دانيال ..

-سكتت ثواني و حجت اكو احد هناا ..

-فزيت شنوو .

-ريحه عطر غريبه ، 

-جوز ريحه بشار من دخل هنا لو ابو حمد …

-رمشت بهدوء وكامت لحيلها ، تمشت تريد اشرلي دانيال ميخالف ، اسكتي ، توه تطلع وكفت ، بهدوء اندارت وراها باتجاه الغرفه ..

وكفت ثواني ساكته ، عيونها تفتر بريبه ، حجت كومي وياي لاضلين هنا ..

-لا ماريد..

- نترت .. كومي تالا ..

-عوفيني بس ارتاح اجي ، ماريد اشوف احد الله يخليج ..

-راح اخليهم يجهزون الج غرفه الي كبالي غرفتي ماضلين وحدج هنا اليوم ..

-سكتت ..

عافتني وطلعت ، جريت نفس مرتااحه ، طلع هو وحجه لاترحين وياها للفله ابد افتهمتي ..

-ليش ، حظني من وره هناك عوواد ، هذا مثل الذيب مايتامن بي كل نسوان بعينه بنات اليل دبربالج ترحين خليج هنا وقفلي الباب عليج هنا امن واريح الج ..

-اخاف شنوو اضل هنا بالمحلق وحدي ..

-دارني عليه حظني اني عود اجيج باليل اذا تخافين بس ضلي هنا ديربالج ترحين للفله حتى ناخذ راحتنه هنا ..

-ماشي اقنع ميرال  .

-ماكو اقنع ميرال انتي حره وين ماتردين ضلين ضلي ، ماتقرر عنج هيه ..

هزيت راسي حظني حيل يبوس بيه ، حجيت الباب لايجي احد .

-تعاي بالغرفه ..

-لا لاتجي ميرال ..

-ماتجي جرني وياه للغرفه و سد الباب ورانه ، لميت نفسي خايفه متوتره عكسه هو جان متحمس و مستعجل ..

-دفعته دانيال عفيه لااا .

-لاتخافين ولج ، ماسوي شي ..

-لا تنزع لايجي احد .

-مايجي ورب شبيج محد يحس بس طاوعيني ، اصلا راح نزوج محد اله شي عدنا ..

-ذب هو ملابسه درت وجهي حظني همست لااا لا تذبه .. 

يمكن غباء يمكن جهل.

يمكن استخفاف يمكن قله اصل .

ماعرف مادري شنو بالي بذاك الوكت غير اطاوعه ، خايفه وحسيت بالامان يمكن تورطت ماعرفت اكله لااا ..

جان محسب هو لكلشي احسه متمرس و شاطر حتى يعرف اكثر مماشفت بالفلام خبره ، سكنت بمكاني بفعلتي لميت نفسي مصدومه .

عكسه هو مبتسم حظني من وره سااكت همس احبج ام خدود .

مارديت كاره روحي حتى جسمي ، لاحت بالي كلمه سااري نكسه ، يكرم الله حسيت نفسي نكسه كرره للذات فضيع ..

اجيت اتقيئ من كثر ماستحقرت نفسي كام هو باسني حجه اجيج باجر هم ماشي ..

سكتت ، حجه تالا بيبي ..

رفعت راسي عليه مدمعه .

ضحك شبيج ماسوينه شي عادي ترى ..

كام بسرعه يلبس ملابسه ، حجه طالع اني اذا ردتي شي خابريني اجيج لو بنص اليل ..

رمشت بعيوني طلع وراح واني ضليت مدده على فراشي بؤره قرفي وكرهي لذاتي ..

لفيت الغطا وتوجه للحمام بس دخلت تقيئت  .

وكعت بارضيه حمام ابجي اريد اكوم ماكدر رجليه يوجعني ، رفعت راسي شفت وجهي بالمرايه ركبتي وجعا صاير احمر اديه ..

فتحت دوش اريد بس اتقئ ضربت وجهي حيل حيل ، ماعرف بس بداخلي نااار كانو تلبسني شيطااان ودبعذبني ..

لزمت خلصه من شعري عتيتها حيل كطعتها اريد ابرد الي بدااخلي شكوووو شببييبه ..

شغلت دوش وكعدت لامه لنفسي احس ريحته ريحه خيسه ، شعري مقرف نفسي كلشي بيه نكس ..

كلمه نكسه ددك براسي اددددك ادددك …
شيطااان انتي لعنت الله عليج ..

بجيت هم الشيااطين هم السبب مو اني ، هم ما حبووني ماخاافو عليه مادارووني زززين محد اهتم بيه هم الشيياطين الله راح يحااسبكم فرقتو بيني وبين ميررال ..

ضليت هيج بساعات ابرر نفسي فعلتي و نوب اكره روحي وجسمي ..

طلعت و لبست ملابسي و كعدت بالبيت ، التمت عليه الافكار والجمل الي نخرت راسي نخرر..

اجت ميرال مره ثانيه تاخذني للفله توسلت بيها ماروح اريد اضل هنا .مشتاقه لريحه نانه خليني هنا على ريحتها.. تالي سكتت ..

راحت نانه ، عبالي ترجع ماارجعت ، انتظرتها ثاني يوم حتى مارحت للمدرسه كلت ماينطيها كلبها علينه هسه تحن ، بس جن زعل جاايد والكلب قسى و ساري قفل ..

مارجعوو ، تالي بعدها رحت للمدرسه ، بالحله شفت دانيال واكف ..

هالمره بكوات عين ركبت وياه لاخفت ولا استحيت ، اخذني اكلنه موطا و حجه وين بيت اهلج مو كلتي بمنطقه راقيه دليني ..

دليته المنطقه من دخلنه شارع هو جان دياكل موطا ، وجهه بهت حجه بهل الشارع ..

رفعت الخاشوكه اكل همست امممم تقدم بعد بالركن ..

بطئ المشي اندار عليه بريبه ابتسم ووين هناا ..

لاا بعد ذااك البيت ابتسمت من شفت بيتنه ..

جر نفس وووين ووين بالضبط .

ذاك ابو الباب البيضه اسلايد .. رفع حواجبه فتح عيوونه ، اندار عليه هذاا هذا بيتكم ..

ابتسمت اي حلوو موو يجنن ، 

فرك وجه متوتره ، هذا بيتكم يعني جنتو ساكني قبل لا تجون للفله قصدج .

اي من توفو اهلي تركناا ..

شوكت توفو اهلج .

قبل سنتين ونص تقريبا … جمد وجهه ساكت ، حرك بسرعه ومشه ، همست شبيك .

رد ماكوو ..

تريد نعيش بي بعد منزوج احسن مايضل فارغ ..

هز راسه ساكت ..

وين رايحين . 

ردهو شارد ، ارجعع للفله ..

مو كلت اخذج مشوار ..

عندي شغل و نسيت اكلج خليها على غير مره .. عاقدحواجبه ويسوق ضايج ..

وصلني ونزلت ، و شخط سياره بسرعه .

رفعت حواجبي شبي هذا ، دخلت هيه وكلاص الموطا بيدها توجهت للملحق بسرعه ..

هو مجرد مابتعد عن فله رفع جهازه يدك على عدي .

رفعه عدي حجه هلاا ..

ابو بحرر ..

خيرك .

-ياخير يمعود تعرف تالا ومرت بيبرس منوو ..

-سكت ثواني ورد اي شبيهم ..

-شنو اااي تعرف هذني بنات منو ..

-اعرف اي من الاخر شكوو شصاير ..

-يمعود جبنه النار بصف البانزين جاي تحجي عدي تعرف وسااكت ..

-مايصير شي ..

-واذا عرفن ..

-حتى لو عرفن مايكدرن يسون شي ..

-سكت متوتر بلع ريكه  ..

-حجه دانيال كمل الي بديت بي وانسه هنه منو وبنات منو ..

-شقصدج ..

-ولك بس لاعبالك ماعرف مخيل على الصغيره ..

-رد  والعذره احبها ترى  ..

-وليكن كمل الي بديته و اسكت ، لا اول ولا اخر ناس هنه .. سد جهاز و راح .. 

(وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ) …

ميرال .. 

يومين وثلاثه ونانه ماترضه ترجع ، اخذت بيبر ومشيت الها وهم مارضت ، يمكن زعلها جايد لو على كولت بيبر تعبت المره وتريد ترتاح ماكو شي بعد يجبرها تضل تعتني بيجن ..

الكلمات صعبه حيل وخاصه مثل حالتي ، نجي للصدك اني مادبر هواي شغلات لوحدي منهم ملابسي و تسفيطهم لو حجاتي شخصيه دوره لو تنظيف لو لو كله هيه ..

حتى استحي اكولهن اني محتاجها لهل الامور استحي احجي بيهن وبعدين اتعير ..

حاولت وياها بتواسيل مارضت حاولت اقنعها بالماده هم مارضت بجيت مارضت 

صوتها مطبك جن باجيه بس هم مالان كلبها عليه ، طلعت من يمها خايبه اشهك و بيبر يكلي اجيبلج غيرها والله لاسوين هيج هيه هم مره جبيره ماتتحمل بعد خدمه ..

تلكانه ساري بالباب جاي من المدرسه ، سلم علينه .

صحت ساري ..

رد بضوجه نعم ..

ارجعو ساري اقنع نانه ، احنه عايله وحده شلون اصلا انتو عدكم كلب تعوفونه مو ربينه سوه ..

-رد عليه بغل :- اختج .. اختج راضعه ويه الشيطان ميرال ، ماجذب واكلج اني بريى بس الله يشهد ما تدنيت لاختج ؛ اساليها واذا عدها وجه و جرئه تحجي بس ماراح تحجي لان غلط راكبها من ساسها لراسها ، 

تقدمت عليه مديت ايدي لزمها وكفني ، بلعت ريك همست شسوت .

-ماصدكين اعرف .

-جرب ساري  .. صاح بيبر يله ميرال تاخرت وراي شغل ..

-وكفت انتظر يحجي ماحجه ، عفته ومشيت تعبانه وجسمي نحلان ، صعدت وخليت راسي بحظن بيبر ..

-حجه راح اجيب وحده من مكتب تقوم بيج هااا موافقه ..

-ماحجيت دموعي نزلت ، اريد نانه ..

-مره مارضت قافله كاافي لحينه هواي ..

خليت راسي على صدره وخنست ، مد جف ايده يتلمس وجهي بهدوء ، همس  راح اجيبها حتى لايضل بالي عليج ، راح يكون شغلها انتي بس ، ماحجيت برطمت ساكته ..

-حجه هم عندي سفر بعد يومين ..

-رفعت راسي وين ..

-داخل العراق بس محافظات ماتأخر .. 

-خلي يرحون هم خليك انته ..

-ماكدر صار كم مره ماروح لازم احظر شحنه باسمي لازم استلمها ..

سكتت درت وجهي مقهوره ، وصلنه نزلت هو راح ، توجهت كبل للملحق اشوف تالا ، صوت ابو حمد يحجي ويه الحارس ، سلمت عليه و كملت دربي ..

دخلت البيت هدوء توجهت للغرفه ، وكفت من سمعت صوتها تضحك عقدت حواجبي ويه منو تضحك هاي ..

#يتبع ....

الروايه اريد بس اختمها والله بس مشكله بيها كون احداث ومجاي تخلص واذا اختصر الاحداث معناها هواي اساله وهواي امور ماراح تلكون جوابها وقصه مراح تترابط ...

نصيحتكم ....

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق