رواية قاع الشياطين الفصل السادس عشر 16 - بقلم اسماء ديمير

...................☆البارت الرابع عشر ☆...............

#قاع_الشياطين(البصر والبصيره)

#بقلم_أسماء_ديمير

ضليت على كعدتي ، طلع عدي بهدوء يتعذر ، حسيت بي جاي يشمر هالحجايتين و يمشي ، حجه بيبر اسمعي ..

جريت نفس قاطعته اكره الكذب بيبر ليش تكول ..

-ماكذبت بس جان زواج فاشل وراح ويه الماضي ..

-شكد صار من انفصلت ..

-اخر وحده خمس سنوات ..

-حجيت خير انشالله وهم عندك اطفال ..

-لا والله اصلا زواجي مايطول سنه ..

-ليش ..

-ملصحه ويخلص و كتها ..

ابتسمت ، اني هم مصلحه ..

-عيب تحجين هيج ، ليش جايج من طرف الشغل لو ابوج مثلا فرض عليج لا طبعا اني اختاريتج ..

-ليش لا،  تكلي حبيتج ، مالحكت تحبني هالحجي مو مقنع ..

-تقرب عليه و لزك بيه ..

-الكلام يطول اذا حجيت ..

-احجي ماعندي شي ..

-اذا حجيت تصدكين ..

-انجرب ..

-حلمت بيج والله ..

التفتت باتجاه صوته شلون ، رد اي والله يمكن عبالج اتوهم بس لا ، حلمت اني اعمى و اكو بنت جرتني ، بنت دلتني على طريق الصح ، جنت مختنك مجرد ما لزمتني  كدرت اجر النفس و الهوى يدخل ريتي ، 

من رجعت من السفر ، بنفس اليوم فتحت البلوكنه بغرفتي اجر نفس ككوه مختنك حيل ..

حيل مختنك ، لمحت بنت كاعده بالحديقه ، غريبه ماعرفها ، اني اعرف حتى حشره الي ادب على الارض ، وخاصه هنا بالمزرعه ..

توقعت بالاول انتي بنت ام ساري ، بس الي صدمني من راقبتج لاحظت ما اتندلين دربج ، وكانو ماتشوفين ، وكفت بالنص ساعه صافن ، تاكدت انته ماعندج نظر ، لحد ما تصرفتي تصرف ضحكني خطفني الرومي الخاص بيه احد ممتلكاتي ياحراميه وطفرتي بي ..

ابتسمت .اتذكر الموقف .

لزم ايدي ..

ميرال اني ومزرعتي كلها ملكج ، واني الاعمى مو انتي والله ، انتي الله دزج الي ، جنت اتمنى اتقرب منج ، ابتسمت بهدوء ..

-خلي اكلج سر ..

-همست كول ..

-جنت اراقبج بالساعات بالبلكونه ترى ..

-هاا ..

-اي والله ، مره من مرات صعدت داشوفج وين مالكيتج بعدين انتبهت عليج كاعده بصف الحايط ، شمرت بوقتها عليج ورد ، انتي كعدتي تفرين براسج  ..

-ضحكت هاي انته واني عبالي اكو شجره ورد يمي ..

-هههه هو هاي اني شجره الورد .شعبالج لعد ..

-ضحكت .. 

-حجه هسه نزوج مو  .

-لاا ..

-صااح ليييش بعد كل الي كلته الج ، اسمعي اكو دراسه تكول الاعجاب يدوم اربعه اشهر و بعد الاربعه اشهر معناها حب واني تعديت الاربعه اشهر ، ها شكلتي …

اخذت ثواني سكوت ، همست .. اي ، بس تخطبني من اهلي ..

-اهلج منو الي عرفته من سالت اهلج متوفين ..

-عندي عم بهولندا ، و عندي خاله ابويا بغداد بالدوره ، و عندي خوال و خالات بشمال صح ماندلهم بس عدنا ارقامهم ..

-رد ليش ماكعدتو عدهم لعد ..

-علاقتي بيهم مو قويه مثل ام ساري ، ماجنت ضامنه يحسنون النه مثل ام ساري ويعاملونه بالحسنى ..

-تحبين ام ساري حيل ..

اكبد هيه الي ربتني جانت امي و اختي وكلشي ، اذا صارت القسمه ام ساري ماريدها تشتغل هنا مثل ام حمد ، اريدها ترتاح جزاتها على خدمتها وتربيتها الي ..

سكت شوي ، رد بعدين :- يجرالج بس انطيني مجال اطلع خوالج لو اروحلهم لو اجيبهم هنا هاهيه ..

ابتسمت اكون ممنونه منك ، تخطبني مثل اي وحده عدها اهل ..

-يصير ، تتريكين وياي …

-مجوعانه بس اي مخالف ، على شرط تسولفي شنو قصه زواجاتك ..

-شغل الاثنين بالنسبه الي شغل وداعتج ، 

طلعت وياه نتريك .. و ختم السالفه و حجه الماضي كلشي ماضي يندفن ماحب احفره اني ، ولا احجي بي بعد لان مابي فايده حتى ينذكر ..

احب ازرع وانتي زرعه واريد ازرعها اما قصص الماضي ما عندي استعداد ارجعها ولا اطلعها …

همس الها بحه انسي ماضي اني بيبرس وبس ..

ابتسمت مستغربه ، وشنو معناه اسمك بيبرس ...

جر نفس عميق و تنهد مبتسم ، معناه القوي المقاتل ،

ضحكت بهدوء اي وبعد ..

اسم مملوكي قديم ، طلقو عليه و مشه عليه الاسم ، عدي الي لزكه بيه ..

اثناء الكلام  وقطع عليهم اجوائهم الهادئه ، صوت جاي من المحلق وام ساري تصيح و صوت البنت الي اسمها غدير تصيح يماااا موتتني هالخبله غياره ..

التفتت ميرال و بيبرس متفاجأين ، طلعت بنت تركض شارده و ساري يصيح كاافي ..

و طلع وراها و حالته صعبه و قميصه مبهذل ، وامه ختمتها بشمره نعال باتجاهه الي هو تلافاه ..

و تالا وكفت مخصره ومبتسمه متشفيه بي ، حجت ابو البنات وشالت اديها ونطته غمه ، جوه رجليها واكف اسامه الي يحجي اي والله ابو البنات …

كامت ميرال مستغربه حجت بتسال وهيه قلقه شكو شنو هالصوت جاي من الملحق …

رد بيبير هو يراقب ولايحه بسمه على شفته كانو تذكر شي من الماضي …

رد عليها هو عيونه عليهم شارد بفكره ، ام جاي تادب ابنها بس بطريقتها الخاصه ..

ردت ياطريقه لاتكول نانه رجعت تضربت ساري هم ..

-هيج باين والولد جن مسوي مكسوره ويه بنت الحدقجي ..

فكيت عيونها عزااا العزااك ساري كررتها نوب ..

اندار عليها وحجه كررها شنو لاتكولين مزرعتي صايره ملتقى للمراهقين ..

سكتت متوتره ، حجه بعد ثواني صمت شلون كدرتي تتجاوزين وفاه اهلج ..

رخت ملامحها بهدوء ، دارت وجها عنه ، ابتسمت بدفو ، نائمون في قبورهم و مستيقضين في قلوبنا ، اهلي عايشين بكلبي دائما ، ماتجاوزت رحيلهم ولا راح اجاوزه لان اني قطعه منهم ..

بس كدرت اتعايش ويه فقدانهم ، ممطلوب من عدنا ننسى الميت حتى نعيش مطلوب بس نقبل بالقضاء والقدر واني رضيت ، اهلي عند الرب الرحيم ، عايشين بسلام ..

جرت نفس دنجت راسها كملت كلامها بس باين انته عندك فقيد ماتجاوزت محنته و فقدانه ..

- الي فقدتهم مستحيل اكدر اتجاوزهم او انساهم ، اذا انتي عايشين بكلبج اني عايشين وياي بكل مكان ، سكت يذكر ذيج الايام ، الي رغم فات عليها دهر بس ذكرياتها بعدها تجرح ...

سكت وطال سكوته ،  حجت هي اكوم اروح اني ..

كامت لحيلها مد جف ايده ولزم ايدها ميرال ..

ها ..

نفس ماتفقنه موو ، انتظريني اسبوع بين ما ادور خوالج و اجيبهم شكلتي …

ابتسمت تمام ، باس جف ايدها بحنيه ، وتركه ، همست مبتسمه عن اذنك ..

كام لحيله يوجهه على طريق صحيح ، وصلها كبال ملحق ، دخلت للملحق نانه معصبه بشكل و تحجي يااحوينه تربيه اني الك سااري اني الك ..

تالا الي مرتاجه على الحايط و تكول براءه نانه لاتعصبين ، على شنو ضايجه اكل كتله بعد اتوقع بعد مايعيدها واذا تردين اراقبه الج اني عادي كله لخاطر عيونج ..

اندارت ميرال على مصدر صوت تالا مو عاجبها  الي تكوله اختها ، تعرف بيها و بطبعها ..

حجت ميرال بهدوء ، نانه شاب مراهق اكيد يغلط بدل ماتوعي توليتي ضرب ، ترى هذا ولد بمرحله المراهقه ، يعني ضربج اله غلط ويزيده تمرد و غضب وزعل عوفي ، من يهدء ويرجع حاجي …

نانه تتنفس كوه من زعلها ردت هاي تالي تربيتي مدد البنت بنص الصاله ونايم عليها ، شكد فشله من امها وابوها ..

ردت تالا صوجها هيه شنو صغيره الادب سزز ..

صاحت ميرال تالااااا ، حجه اسامه اي ميرال ترى تالا تحجي صدك حتى ضربناهم بالقندره ..

ضحكت ميرال بهدوء مدت ايدها تتلمس راس اسامه الواكف كبالها يسولف الها ، تلمسته وحجت بهدوء لا تلاحك تالا بسوالفها راح تخرب عقلك الحلو حبيبي …

فضت السالفه و نانه زعلانه ، حجت الها ميرال على الصار بينها وبين بيبر هدأت شوي و طمنت ، من جهته بس ميرال ماذكرت انو بيبر مزوج قبل ، شافت مو من حقها انو تذكر زواجه …

وخاصه على كولته ماضي ، وجان مصلحه شغل ، بعد ليش تفتح دفاتر مالها داعي ، ليش هو منو ماعنده ماضي ..

مالي حق حتى اضوج واعاتبه ، للمغرب وساري ماكو مختفي ، ضل بالنه عليه ، اتصلت بي نانه مايرد ، لخد ما اختنكت وكعدت باب الملحق تنتظره بالكت يجي ..

ياكلبج يانانه كلب ام بعد ، خفنه لاتجي وسن وتهد علينه بس باين بتها ماحاجيه لامها ، الي صار و خنست ، لحد التسعه باليل و ساري ماكو …

نانه ضلت تبجي خايفه عليه وتفتر بالملحق نوب تطلع للحديقه تراقب بلكت يلوح طول ابنها ، توجهت للفله تسال عنه اذا احد شافه ..

صادفها بشار ، سالها شلونج ام ساري على ماشي ..

حجت اله الي بخاطرها وهيه تتكرضم عليه ..

رد روحي ردي لبيتج واني هسه اشوفه وين راح ..

ردت بخوف ممنونه :- فدوه لعينك يما تسوى فضل والله ، رجعت للبيت تفرك بيدها خايفه و متوتره ، توجه بشار للفله ..

تلاكه ويه ام زياد سالته خما بيها شي  ام ساري جنها قلقه ، 

-رد عليها ابنها طافر من البيت ..

-ابتسمت الولد مايجي منكم بس وجع الراس ، هاي مثل حظي هم طفر ابني هيه طفره مارجع الي بعد …

-مرده الج حجيه وين يولي ، بيبرس خاله على راحته بس يريد يرجعه غصب عنه ..

-جرت نفس وحجت لا عوفو خلو على راحته ….

- هو هم هيج ، بس كل ما زاد البعد كل ماتغير اكثر علينه ..

جرت نفس بحسره ، كون بيت و تزوج وخلف بعد ، حقه يتغير ، الطير يهاجر البيئه الماتعجبه يما وزياد طير ماينلزم ابد ...

- مرده يرجع حجيه ، دزي ابو زياد يشوفه و يطمن بالكت يحن عليكم ..

- حتى ابو هذا كلامه يكول عوفي بعيد ، هاهيه كلشي مقدر علينه ..

بينما لليل و ساري ماكو ، انتظرته امه هو ماكو ، كاعده بصاله و راسها يودي و يجيب و تالا اجاها تانيب الظمير فجاءه وكعدت تحاسب روحها هيه بوسه شصار يعني ، مايستاهل هل كتله خطيه ..

غمت روحها ، صوجي اني فتانه ،

شوي و غلبها شيطانها ، حجت لاا وين الادب  وين الاخلاق لا والف لاااا ممنوع يبوس غيري ، اقصد ممنوع حرام وين الاخلاق ،

لزمت شفتها يااا شلون طعم البوس عود يصير ، سكتت ثواني معقوله مثل طعم الاكل الي ناكله و يطبع بالسان لو رهوال ، ييييع اذا هيج ماريد غدددي  …

بس هم مايبوس احد ، والله يالله شنو هيه تايهه هذا البيت طاهر ويضل طاهر مايتلوث بفسق وفجور ساري وهاي فاسده غديره ..

لحد مااجه ساري مدنج ، دخل البيت ضايج ويفر براسه ، عباله يلكاهن نايمات..

بس اخترع من  شافهن متسطرات ، امه خاله ايدها على خدها و توهس ، لو تالا الي سانده نفسها على الحايط و تحجي ويه نفسها وتغم بروحها مثل الخبله ..

لو ميرال كاعده على قنفه و اسامه خال راسه بحظنها نايم وفاك حلكه  ، حجت تالا بملل شرف الاستاذ ..

رد بسرعه عليها ، اكلي خر*  ..

-صوجي  والله ، عافته و مشت تدخل الغرفه ، امي كامت لحيلها بلهفه فازه ليش هيج يما ناوي تجلطني ليش هيج عود جاي تعاقبني .

-لا هيج ولا هيج ، جنت ملتهي ..

-وين ملتهي وعايف امك مافكرت بيه تقدمت تحظنه وجرت للصاله تحجي وتعاتب بي ..

-سكت هو مدنج خجلان منها ومن ميرال ..

-ميرال بعدت راس اسامه عن حظنها وخلت جوه المخده ،  ومشت تدخل للغرفه ، والعافت الحنونه تعاتب و تنصح بابنها ..

مره تصيح وترزل مره تشكي وتعاتب وتنصح ..

ياوليد يالي يدك باب الناس يجي يوم يندك بابه ، الي ياخذ الي مو اله يجي يوم وبنوخذ ماله ..

لاتكول ماعندي اخوات محد يكدر يلوي ذراعي ، يجي يوم و يصير عندك مره لو بنت ، ترضاها على عرضك شلون رضيتها على عرض ابو حمد ، هالرجال المسكين الي مامن بيك ..

و معتبرك ابنه ، دخلك لبيته ووكلك من زاده و حس بيك ابنه و ايده اليمنه وكل شغله يدز عليك بيها من ثقته بيك ..

بيش جازيته يابن بطني جازيت هالرجال الكريم الي لكالنه الشغل و لكمه الحلال ، بابشع مجازاه حاط بنته و نايم فوكاها ليش يماا ربيتك على حرام لو وكلتك حرام ..

سكت هو مدنج وجه ينافر حروره من الخجل ، حجت ماترد شبيك وين السانك …

حجت وحجت ، هو مدنج مايرد يمكن تانيب ظمير او ماعنده جواب ، مدنج و شابك اصابع جفوف اديه ومثل الطالب المؤدب،  هي لثواني ضنت سكوته مثل الي يسمع منا و يطلع منا ..

صفنت بوجه متنرفزه ، بس من سوء حظه مايرد تالي بزعت منه ومن سكوته ، رفعت اديها وجابته بجف على ركبته ونترت ماترد يابن الجلبه هااا كول التوبه يله كوول ..

رفع راسه مخترع صاح : -يماا شبيج توليتيني من الصبح هيه بوسه وطلعتيها من طيز* لو بايس زمال اشرفلي والله …

-كل هذا الحجي راح هيج ياساري ليش هيج يما ليش شسويت اني وهيج تتصرف وياي ماتسمع كلامي ..

قاطعها بزعان .. يمااا يمااا يرحم والديج كرهت حتى نسوان بسببج خلاااص توبه توووبه اصلا راح احرم افكر بمره طولي عمري جوززي مني عمي غلطت و توووبه توووبه يربي ، رفع اديه للسكف عيونه فوك توووووووبه  .. ضل يفتر يصيح توووبه شكله مثل شكل دراوويش ،

سمع كل الي بالملحق كلمه التوبه ، ميرال مدده بفراشها تضحك بهدوء ، و تالا كامت من فراشها فزت حجت هااا اعلن التوبه الفاسق هذا ..

صاح يكمل كلامه ، تدرين شلون اني راح اروح اتوضى واصلي واطلب توبه من ربي واباجر اصوم خلص خلصت السالفه صرت شريف و طاهر بنضرج لو بعد  .

ابتعدت عنه و بانت ابتسامتها هالكبر ، حجت برضى ، ياااا عود صدك تتوضى وتوصلي و تصوم باجر ..

- اي يماا اي وداعتج ..

-ياا فدوه لعينك يابعد حيلي دورح يما صلي روح و عود كعدني قبل صلاه الفجر  ..

-فهه بوجه ليش يماا ..

-طبت على جتفه بهدوء اسويلك سحور يما غير تصوم ..

-هااا اي اي انشالله يله رايح اني اطلب المغفره ..

تالا خاله اذنها تتصنت لحد ما تاكدت رجع ابو البا* داخلي يله ارتاحت ، مشت تنام ..

عم الهدوء بالملحق ، بس بالفله ماعم هالهدوء كالعاده ..

ضوضى و صوت بس مسكره عليها البوب لذلك ماتظهر للعيون ،

دموع و حسره ،

و جنون و طيش ،

مطشرات هالصفات بكل غرفه من غرف الفله ..

و ساترتهم البوب الخشب ، بس جوه رب العباد ماكو شي ينستر ، وكلشي باين لعينه المتغفى ولا تنام ..

كاعده ديما مثل عادتها تنتظر الزوج المهمل ودمعتها على خدها ، خاله ابنها بحظنها ..

دنجت تشوفه فاك عيونه عليها ، خلت لهايه بحلكه تريده ينام لان تاخر الوقت ، كانو حاس بوجعها ويريد يضل سهران وياها يواسيها بهل اليل الكئيب …

كامت لحيلها تخلي بفراشه ، خلته وغطته ، لفت الروب زين على جسمها ..

اندارت اتجهت فتحت الشباك تشوف بالكت يلوح اثر سيارته ، ماكو شي …

الحديقه فارغه و شارع الي كبال الفله فاضي ..

بس الحارس بالبوابه كاعد يدخن و خال استكان جاي على البلوكه ، و دانيال و البشار وستار كاعدين مسوين سهره ..

دانيال شايل قوطيته بيده و يهز ركبه ، و كباله بشار يمص باليمون ويطك اصبع اله ، مشغلين ساجده مرينه بيكم حمد ..

رفع ستار نظره باتجاها ، لمحت نظراته ، بلعت ريك ، لمت نفسها بالروب زين ، طولت نظرته عليها ..

هيه تراجعت ليوره حتى تقطع عليه الشوفه ، دنج راسه خايب ، هيه هم ملت ورجعت خايبه ، 

طفت اضويه جميع الغرف ، بس بيهم النام رغد و بيهم الي الي طفى الضوه بس لان يحب الظلمه ، ..

صبح  الصبح كعدت على صوت نانه تحجي ولك سااري ..

-رد ها يمه ..

-جاي اسوي ..

-وكف جافل شكوو ..

-مو على اساس تصوم شو فاتح الثلاجه ولك ..

-حجه لاااا صدر صوت ضرب كصته ، هاي شنو نسيت تصدكين ..

-لا خوش صيام هذا افطر باجر تصوم ..

-اي اي هو هم هيج ..

-يله اني رايح ..

نترت  بي : وووين ساري ..

-شبيج يما ابو حمد رادني اروح وياه للسوك قابل ارفض خطيه حمل ثكل هو وين رحمه وين الانسانيه ..

-مو تبطي فدوه لعينك يمي ..

-دخلت للحمام اغسل ، غسلت وفرشت اسناني وطلعت ، كعدت بصاله ..

وراي كعدو اسامه و تالا ، تريكنه سوه ، بعدنه كاعدين و نسولف على ريوك و حجيت لنانه على الي كاله الي،بيبرر، و سمعت صوت و صاويص قريب الباب ..

عقدت حواجبي شنو هلي نانه ..

كام بسرعه اسامه يركض يشوف ، فتح الباب لان صوت كتاكيت ..

كمت لحيلي اعرف شنو هاي ، شجابهم لباب ..

اجاني صوت بشار بيبرس يكول دزهم  لميرال ، قبل كم يوم فرخن هذني ..

امهم وين ..

- هههه نطتج عمرها ..

- لا جد والله خطيه بلا امهم ..

- شدراني اشتغل وكيل كتاكيت قابل ، اني يكلولي ودي اودي يكلولي اضرب افلان اضرب افلان ..

- هههههه شتضرب ياعيني ..

- اي شي حتى الحايط ..

ردت تالا ، ماتضرب ساري النه فدوه ..

- يجرالج بس خاف عيب من امه ..

حجت ترد عليه بضحكه :- هم صدك طاح حظه الحيوان ..

اني ابتسمت وينهم هم كتاكيت ، صاح اسامه ميراااال شوفيهم شكددددد بكد دنيااا ..

ضحكت تمشيت بحذر جرتني تالا حجت ياا فدووه ..

اصواتهن علت ضحكت مديت ايدي ، خاليهم بكارتونه …
لزمتهن يتراكضن ويرجفن خطيه .

-حجه محتاجه شي بعد ..

-رديت سلامتك ..

-ارفع زحمه اني عافنيه وطلع اني كعدت بالارض و شلت كتاكيت خليتهم بحظني ..

يجننون يجننون والله ملمسهم يخبل ويرجف خايف …

رجعتهم للكارتونه و و بديت اغمس الهن صموت بالماي ، و انطيهم ..

حجت تالا جاييلج خمسه بس امهم وين خاف عايشه  .

-  عود اسأل ابو حمد عنها ..

التهيت بيهم  كلش يونسن خاصه اني حسيت بالمسؤليه اتجاهم ..

اوكلهم باليوم ثلاث مرات لو اربعه واطلعم من كارتونه اخليهم يفترن بالصاله ، صح يوصخون بس نانه ماتحجي شافتني متونسه عليهن وفرحانه بيهن اني واسامه ..

و باليل اسامه و تالا يركضون وراهن يجمعوهم الي نوبات يدخلن جوه الميز بس بالماسحه يطلعوهم ..

التهيت ايام بيهم ، جنت اطلع بالحديقه على الشمس وهنه وياي ، اسمع صوت ديما مرت عواد وابنها  .

لو عمته لبيبرس و ابو زيار  ، بس ماختلط بيهم ..

لاحظت عيوني يحركني من اطلع بالشمس لو اشوف ضوه قوي ، اضل افرك بيهم..

كامن يوجعني و راسي بلش يصل عليه ، شلت كارتونه مال كتاكيت وتوجهت ادخل للبيت ..

صار شكد مماخذه دواه ، تركته من وفاه اهلي ، صح نوبات يوجعني بس من اطلع بالشمس يزيد الالم ..

فجاءه دخلت ، واختل توازني ،  كعدت بالارض بسرعه لزمت الارض احس دنيا تفتر جواي و تهتز ..

لزمت راسي باديه اثنين صحت نااانه .. تالاااا ..

اجاني اسامه يركض يصيح هاا تردين شي ..

همست راسي الحك راسي صيح نانه ، ركضت يعيط يماااا ميرال واكعه بالكاع وتبجي من راسها ..

شوي واجت نانه بسرعه مخترعه ها هاا شبيج ، تالا صاحت شكوو ..

اشرت على راسي احسه عبالك واحد واكف ويضرب بيه بجاكوج ..

عيوني نار نااار جمر ، رفعت راسي و شهكت نانه عزاا العزااج ياهو ضربج على عينج ..

همست شكوو راسي راح ينفجر ..

رفعتني من ايدي تشيلني بس وكفت دخت وكعت بالارض ..

نانه تعيط ولج نزف بعينها نزف ، ارفعيها وياي ولك اسامه جيب ثلج من ثلاجه بسرعه ..

اريد اكوم ماكدر الله يشهد لشتي صارت شلون الحجاره وراسي احسه بثكل الكون اريد ارفع راسي ماكدر ..

احس برطوبه نزلت على خدي و نانه تعيط ولج نزفت نزفت …

تالا تعيط وصوت ديما تصيح شبيهاا شنو هاي عيونها ليش تنزف ..

لحد ما اختفت الاصوات بلشت مااسمع ، بس احس باديهم و احد شالني و يركض ، جسمي يختض ، مادري دموع ماعرف دم بس عيوني تجري ..

شميت ريحه زفر ، واحد خله راسي بحظنه غمضت عيوني استسلمت للاوعي ..

ناس مزعوره و ناس مصدومه من الحاله الي شافوها ، ام شعر بني بين ادينهم شبه فاقده ، وجها الجميل لاحه دموع بس دموعها من دم ..

منظر غريب ، صح نازفه قبل بس مو فاجأءه ، شنو سبب ، ركض بيها بشار للسياره تاركيت كتاكيتها الي يصيحون وراها ووكعت الكارتونه بالارض ، تبعثرو منها مثل شتات  ..

اسامه يبجي بخوف على صديقته الجبيره ، و تالا مخترعه على اختها وضعه الي ممستقر ، ونانه الي تحس روحها هيه الام والمسؤله عنها ..

نقلوها لمستشفى خاص لان اقرب شي هذا ، دخلوها كبل للطوارئ من شرحت للهم نانه الوضع ..

خمنو انو ارتفع ضغط سبب الها نزف ..

و اكو من يكول فاركه عيونها بطريقه قاسيه و سببت قطع في احد الاوعيه دموعيه دقيقه ..

وصل الخبر لبيبرس ، ورجع بنفس اليوم للمحافظه ، لكه خطيبته مستقبليه في غرفه الطوارئ و عيونها مضمده بشاش ابيض ..

لحد هاي الحظه محد متاكد من سبب نزف ؛ بس النزف سببلها اغماء وهذا شي خطر ، دخل للاستعلامات بسرعه وراه ابو زياد يحجيله صار و بشار ..

يحجيله عن صار ويكله مااقصرت اني ، نقلناها بسرعه و دكتور خاص اشرف عليها ،

تلاكه ويه نانه وحجه وهو مرتبك شبيهاا شنو بيها ..

ردت مادري يما حجي الاطباء مايشفي الكلب ، هسه هيه نايمه تكعد والله كريم ..

دنجت راسها بتعب اتجه هو لغرفه الاطباء بسرعه ودخل بدون اذن ، صاح الممرض يحجي عفوا استاذ ميصير هيج ،

-دفعه حيل و دخل حجه بسرعه المريضه ميرال صباح شنو وضعها ..

-رد الطيب حظرتك مرافق ..

-اي نعم شبيها ..

-مو كنالكم وضعها تحت سيطره و احنه حاليا دنراقب وضعها ..

-من الاخر دكتور ادبروها هنا لو انقلها لغير مستشفى..

-ليش مندبرها جهال كبالك احنه ، السالفه بسيطع كلها نزف ..

-شنو كلها نزف نزف صاير بعيونها يعني شغله مو هينه ..

-اخي من شنو خايف ، هيه عيونها متشوف بيهم من الاساس ، يعني ماكو خوف على شي  ،  و نزف شي بسيط و قفناه عدها ، باجر بالاكثر تطلع ..

سكت متحير يباوعله بريبه حجه : هيه عدها امل انو تشوف مره ثانيه ، واكو امل نسوي الها عمليه وترجع تشوف شنو انته تكلي هيه عميه ؟

-سكت دكتور متحير ، شنو اكو امل ، هيه تشوف لو عميه نهائي ؟

- حاليا لا ماتشوف   ..

-اي خلص معناها عميه اخي ، ونزف بسيط ..

-سكت خايف من برود الرد ، حجه شوكت اطلعها ..

-باجر ..

-ليش مو هسه ..

-بكيفك بس انته تتحمل مسؤليه اذا طلعت …

سكت وطلع ، كعد على صفحه صافن ، اشر لبشار اجاه يركض ..

ها ، همس خلي دنيال يكمل الي اجرات السفر لاربيل ، 

-سفرك ..

-اي اني و ام ساري و ميرال ويانه ..رد بكلمه  صار و ركض يسوي الي يكول عليه ..

اتصل  ابو زياد يطمن و يسال من شنو تشكي البنت رد ماكو شي سهله ..

دنج راسه دايخ من الشغل ومن سالفه محبوبته ..

.. الم براسي مضاعف لالم عيوني ، ونيت وحاولت اتحرك شوي ، اكدر احرك اديه بس جسمي احسه مبند او خدران …

عيوني و البؤبؤ ماكدر احركه احسهم مغطايين بشاش ، ثواني و سمعت الباب انفتحت بهدوء ..

همست نانه ؟؟

ماكو رد ، حجيت بتعب نانه عيوني شبيهم ..

جرت نفس قويه ، بلعت ريك بيبر هاي انته ..

انمدت اصابع تتلمس خدي … ابتسمت ، همست مابيه شي ترى عادي ..

اصابعه بارد ثلج و بيها رجفه غريبه كانو خايف حيل او متوتر  ، سكتت ماحجيت ، تحركت اصابعه ترجع خصلات شعري .

ريحه العطر مو عطر بيبر ، ميلت خدي حجيت بخوف سمعني صوتك ؟؟!.

#، يتبع ...

صفحه الفيس ( كتابات اسماء ديمير )

الانستا .. asmaa_demer

صوره تشبه نزاكه بطلتنه للي ماعدهم لافيس ولا انستا حطمتوو قلبي ،

الي يسال تالا اسلوبها مو مثل ميرال ليش ؟؟
ميحتاج الها سؤال .. بس يحتاج شوي تركيز حتى تعرفون جواب ..

الي مركزين بالقصه زين ، راح يعرفون سبب الي كان وره كل شخصيه او اسلوب بالقصه ..

مثل تالا بسبب اطلاعها على مواقع تواصل و الكروبات و دخولها بيها لاساعات طوله وتعرف مصطلحات و غلط شلون ترد وووو ..