رواية قاع الشياطين الفصل التاسع والسبعون 79 - بقلم اسماء ديمير

الجزء الثاني ( البارت الرابع )

#قاع_الشياطين

#بقلم_اسماء _ديمير

اسم الله اسم الله تقرب يضربني على ظهري ، ضربت على صدري واختنكت ، حتى الهوى انكطع وجهي يريد يطك من ضغط.. وكف وراي يضربني على ظهري ، وكفت لحيلي اريد اتنفس واساعد نفسي ماكو ، وكفت بين بلعومي وبين صدري ، لحد مادخت .. حظني من وره وضغط على بطني حيل مردها الي ، ..

مرتين وثلاثه ، لزمت الميز اريد اتقيئ الكمه ، ضغط بجفوف ادية حيل على مكان بين المعده والرئه ، والله الا شوي تطلع عيوني ، و طلعت لكمه وكفت يم بلاعيمي ،  مديت اصابعي طلعتها ،، يااايمه ساحت روحي .. دموعي تجري من الخنكه ..

نطاني مي ، حجه ماشايفه اكل مفجوعه ، مارديت علية ..

دخت قله الاوكسجين ، وعيوني تجري دموع ، لزمت الكرسي اسند روحي عليه مدنجه راسي ، جان متت بسبب لكه اكل ياربي ، نوب هيف تضحك عبالها دالعب وياها ..

لزم جتافي يفركهن الي برقة ، يكلي سلامات سلامات ام الغالية ..

عفست وجهي ودفعت اديه بقرف .. دوخرر

وسم لو ما توه خلصتج من الموت ..

درت وجهي ارجف وافرك بصدري ، حجه صدك انتي مايسوى وياج الزين جربتج قبل ، ناكره للمعروف ..

رجع خله جف ايده ويمشي على عامودي الفقري بهدوء يستتفزني ، هزيت راسي والله هبطه بعدها بكلبي  ، التفتت علية ..  شكد ناوي تبقينا يمك ، هااا ، شنو الغاية فهمني ، اني صبري قليل وقوه تحملي ضعيفه ، وصحتي انته اعرف بيها ،

تقدم خطوه وكف مقابيلي مباشرة بينه بس شبر جوز اقل .. رجعت على ميز طخيت بي ..

تعرفين شنو الغاية بس مغشمه نفسه ..

سكتت ثواني ، بلعت ريك ، هزيت راسي مافهمت ، مو كلت اريد فلوس ليش ماتخليني احولهن الك وارجع لبيتي ، اختي هسه منهارة وراي ، كرايبي يدوروني عبالك خوالي يسكتون ..

ضحك يااخوال ولج ، حدهم يقدمون شكوه وبس ، واختج ماطول وراج وتتزوج ، اذا اكو احد يدور عليج حاليا بيبر ، وهذا اني اريده يدور ،

اريده لا ينام اليل حتى يحس بالم الفقد ، الم فقدان الضناا ، وكف بوجهي ، شايفه الحركه توكف هناا اشر على صدرة تلسع ميراال ، مثل الجمر ماتخليك تعيش نهارك وليلك دومك متألم ،

سكت شوي وحجه ، لو ضاربيني بحالي وبمالي اسكت ، او ممكن اعوضه ، بس ضربتوني بابني ، دمه بيدي وصدري ، حروره دمه لحد هسه احس بيها ، وجه انكلب احمر واديه رجفت هو ياشر معصب .. دمه حارر عيونه جانت مفتحه بعدها على دنيا ..

ابتعد عني وخر بخطواته ليوره ، جنت ناوي احرك كلبكم بيها ، باوعلها ، برطمت اني اريد ابجي ، ضل يباوع الها ، حجه بس ماكدرت ، اني مو قاتل ، حتى لو اريد اقتل مااقتل طفل ماله ذنب ..

همست  استعطفة ..واني شعلي ، 

رفع نظره عليه ، انتي وحده منهم لاتنكرين ، تدرين وسكتي ، جنتي تسمعين وتغلسين ..

ماغلست …

عاط .. جذااابه …

والله خفت شبيدي ..

نطيتج ايدي اكثر من مره وكتلج اطلعج ، اساااعدج ، بس عماج الحب ، عماج بيبر عن الحق تحجين بي ..

ماكو حق ويه احد كلكم ظلام ، اني جنت مجبورة ، وخفت اي خفت وين اروح ، شلون اثق بيك ..

وثقتي بيبر ؟؟

زوجي ، غير زوجي ..

زوجج قاتل ولج ، وتعرفين بي تاجر ممنوعات ..

سكتت ،

حرامي ، تدرين كم بيت باك ، كم سيارة سلب ،،كم طفل ومره خلاهم مدمنين ..

بجيت كبل درت على هيف اشيلها واطلع من المطبخ ، ماريد اسمع ..

لزمني شفتي  . شفتي ،  من اكلج تغلسين وتصمين اذنج عن الحق .. نترت ايده حيل وشبيددددي ، اكدرلك لو اكدرله اني ..

لعد لاتلوميني ، اني اعرف شلون اطلع حقي ، والله لو اني لو هوو ، مايضل واحد بينا يشم الهوى ،

همست .. واحنه ..

مكانكم وياي ، اموت وياي ، اعيش وياي ..

باي حق بأي صفه ..

امشي نومي طفلة لو اخذها اني ، شلتها بسرعه ومشيت اصعد ، التفتت عليه واكف بمكانه يباوعلنا ، صعدت بغرفتها كبل انومها ، ماناوي خير ابد ، ولا ناوي يلين ،

نويت اغيرلها ، بس ماكو ملابس ، لكيت اكو بالكومديات ملابس ولادية ، طلعت الها واكو لاستيكات هم ، غيرت ملابسها ومسحت وجها بكلينس مرطب ، مشطت شعرها ، اشدلها منا ستوته تنتف الثانية ، اشد الاولى تنتف الثانية وهكذا لحد ما نترت ولج ..

رفعت راسها عليه تريد تبجي ، خليت المشط بحظنها هااج شوفي ، الله شكد حلووو ، التهت بي واني بسرعه شديتهم الها ، صارن  نخلتين وحده يسرى وثانيه يمنى ،  بغدهن فسايل مو نخلن حتى اكون صادقه ، .. بس حلوات يجنن عليها ، فدوه لعينج ..

نومتها بكاروها ونطيتها ايدي حتى تغفى ، كعدت افكر شلون اقنعه ينطيني جهاز اخابر تالا اطمنها ، شلون اوصل لبيبر ..

اسمع صوته جوه يطكطك ، ويسوي شغلات ، مانزلت ، ضليت على كعدتي ، هيف نامت واني كاعده ..  اليوم كضه هيج ، مانزلت غير بس حتى اشرب شي واسوي اكل لهيف واصعد .. نمت يمها بالغرفه جريت دوشك وفرشتته بالارض بصف كاروكها وسديت الغرفه ونمت ..

ممرتاحه بنومتي ، لافراشي لامكاني ، بالي يم تالا ، خايفه من هذا والله كلبي ابد مامرتاح اله ، تالا شحالها هسه ميته خوف سوده عليه ، منو يبات يمها ، وين راحت ، كرم شلونه منو يداري ، بيبر هم اجي بالي ويدور علية ، ..

نومتي خفيفة ، كل شوي افتح عيوني مفزوعه ، مادري نص اليل مدري بدايتة  مااعرف الفجر ، الباب انفتحت ، جمدت بمكاني ، صوت مشي .. ماتحركت .. مغمضه ..

جرت كرسي ، ومشي تقرب من كاروك هيف ، بلعت ريك ، خفت لاياخذها ، ضليت بمكاني ماتحركت ، شوي وابتعد عنها ، وراح كعد على كرسي ..

جريت نفس ، ضل على كعدته ماكام ولاتحرك .. واني نفس وضعيتي ما حصت ..

لحد مانمت بمكاني مادري ، فزيت صبح  على صوت ،..  كمت بسرعه اتلفت ..

لكيت الباب مفتوح ، درت وجهي كرسي قريب مني ومن كاروك هيف عليه مخده صغيره ماجانت موجوده البارحه 

، رفعت شعري عن وجهي مستغربة ، بعدها نايمه هي ، بين ماغسلت وصحصحت ، هي كعدت ، ابتسمت الها ، سويت الها ممه تشربها ..
.
عفتها بعد ما تطمنت عليها وغطيتها نزلت اشوف ،، كاعد بصاله  لابس نظارات طبية ..

ويشتغل بالابتوب ، درت وجهي عنه اشوف باب البيت ، اغلب البوب بيها محجر ومسدودة .. فركت اصابعي اتحرمص ، تمشيت لباب المطبخ .. لزمتها مسدوده مبين مقفولة ..

اكو مواعين على سنك باين عليه متريك .. درت وجهي على كاونتر اكو علاكه بيضه ، فتحتها بيها كيمر والبان ، وبصفها علاكه صمون .. باين بعدها حار .. العلاكه مندية ..

رجعت للصاله وكفت كباله ، مارفع راسه ولا عبرني ..

حمم ..

مارفع راسه ..

اريد اخابر تالا ..

ماحجه ..

اطمنها على الاقل ..

بعدين ..

لحد شوكت ..

من اقرر اني ..

درت وجهي بجزع مليت وطكت روحي ، درت ظهري دامشي وقفتني حجايته ..

حجه شريك ابووج بمعرض الصياغه ..

انداريت ..شبي ؟؟!

يريد حصه ..

ليش مو عنده حصه واخذها ..

ابتسم .. منو كال ..

بيبر صفه شراكتهم ونطاهم حصصهم ، ومحل صياغه النا ،

منو لازمه ..

شعليك ..

ضحك غير لازمه هو الي يريد حصه ، شنو عامل يشتغل عدكم  قابل ، صارله سنين لازمه تردي ياخذ راتب شهري حاله حال العمال ، يريد حصه هسه ..

شنو يعني مافهمت ..

يكول لو اترك الشغل بيد ياهو جان ودبرو نفسكم ، لو تزيدوني وتنطوني نسبه ٤٠ بالمية ..

نعمممم شنووو ؟؟؟ ٤٠ بالميه شنووو ..

والله هذا الي كاله الي ، ماتردين بكيفج ، خلي يترك شغل وشوفي المحل يوكف ، لابضاعه تنباع ولا استيراد للذهب يوصل للمحل ، انتي تعرفين بهذا شغل شي حرام ثوله كلشي ماكو ، هذا ابن السوك وكف شغلكم سنين تستخصرين عليه هيج نسبه ..

شستخصر عليه رايد نسبه تكسر الظهر شنو ٤٠ بالميه ، لو هو يعرف مالنا احد ويريد يستغلنا ..

انتن مستغليجن من زمان وكفت عليه ..

الا بمال بابا محد استغلنا الحمدلله ..

خوش وهبرات بيبر من فلوسج وين صارن ..

مامد ايده على فلس ، هو الي نطاني مااخذ مني ، لزم محلات بدون مايحجي ولايتعبني بيهن ، وارباحن جانت تتحول ..عينه مليانه من يومه عايز لفلوسي اني واختي ..

ليش يبوك لعد ..

والله هالسؤال اساله لنفسك ، مو هو جفت على بيت بي يتامه وبس نسوان ديبوك خزنه ،

شقصدج لج .. كام وكفلي ..

لاقصدي ولاهم يحزنون .. رجعت ليورة ، نسبه ماكو يريد يعوف شغل خلي يعوفة بعدين مو بكيفي اني ، مو حره بهل مال ، اختي هم وريثه ،

ادبر هاي سالفه بس وافقي انتي ..

همست لااا .. طلعت من يمه اسوي ريوك ، دخلت للمطبخ راسي نار من القهر .. عينك عينك يريد يبوكني ابو ايد الطويلة كلشي عنده عادي وعايش بالحرام بدون خوف ..

ويحجي على بيبر من تروحله فدوه ..

كملت ريوك وصعدت فوك اكل ماريد اشوف جهرته ، سمعته هو جوه يحجي ويصيح. .

وجع عساك كون ، صوت تكسير ، كانو كزاز ، خليت صينية بالارض صفنت شجاه  ، اكلت شوي بطني توجنني ، كثر مافارغة .. شربت شوي حليب ، كمت غيرت لهيف ، اريد اشيل ملابسها ودست على الحفاظه ويييع خرب بليسج هيييف ..

رفعت رجلي يمااا ، زحت صينية لا تتنكس ، ورجعت هيف لكاروها ، عفتها وركضت ابتك رجل داغسل رجلي بالحمام بالغرفه الثانية ..

مديت رجلي اغسها ، نزعت التراك ، ورحت اخذت تراك ثاني ،  مشطت شعري توه اريده اشده سمعت صوت ركضه على الدرج  وصياح وينج ..

ميراااال وينج ولج ..

ذبيت المشط وطلعت ركض عليه شكووو شبيك ..

بسرعه البسي شمر عليه شي اسود .. رفعته جبه ،  شال هيف ونزل .. عطت ووووين ..

ركضت وراه بالنعال بس لبست جبه ، وييين شكووو ..

فتح باب المطبخ .. صاح اصعدي ببالسياره ابسرعه ..

شكوو ..

عاط بيه اصعددي داكول .. خله هيف بمقعد مال الاطقال وره .. ورجع للبيت يركض .. صعدت اني يمها لازمه كلبي شبي وجع شجاه هالخبل .. التفتت على باب طرمه مسدوده ..

طلع يركض مخبوص حتى القميص ممدكم كله ، وشعر مخربط ، شايل جنطه سوده خلاها على كشن وركض لباب البيت فتحها على كبرها وصعد بسرعه ، دخل السويج ويغلط عصبي متوتر ، ينفض بيده حيل ..

شغل السيارة ورجعها حيل ليورة بحيث اني انربدت بالكشن الكدامي  ، عدلت كعدتي حظنت هيف ..

عيوني خايفه شبي هذاا شكوو معقوله بيبر اندلنه ..

طار بالسيارة ، كلت هسه يدعمنه ، سياره تمشي حيل هو يدردم .. حتى باب البيت ماسده عافة مدروع ، حجيت شكوو شبيك ..

سمعيناا سكووتج بالله ..

سكتت ثواني ، دك هورن حيل للجهال الي ديلعبون بشارع ، عاطو مخترعين ، وخرو يتراكضون ..

انعل ابوكم لابو الي تيهكم ، بعدين من تندعمون تطلعون عزاز ،حايرات بدياحه والقال وقلت وعايفات خلفتهن بشوارع ..

طكن عنده كلش والله ،  منطقه سكنية بس ماعرف وين ، حجيت وين رايحين ..

مارد .  استدار بالسياره حيل ، وطلعنه بشارع فرعي ، وكف بي ، التفتت ماكو احد فارغ يصفر ، هيف تمص بيدها ، وخرت ايدها من حلكها ،

دنج هو ماعرف شيسوي جوه الاستيرن نوب باوع للمرايه جانبيه .. رد التاف يباوع للمرايه الاماميه .. باوع علينه ..

ساكتين اني وهيف ، ضل ساكت يباوع مانزل نظره ..

حجيت بهدوء خايفة .. شكوو ؟!

عوج حلكه ساكت .. رجع ظهره على كشن وستند علية ..
ماجبنا احتياجات هيف ، اذا رادت تغير حفاظه شلون  ..

مارد دار وجهه على شباك وسند ايده على باب  ..

سكتت ثواني حجيت .. شبيك ؟؟!

اندار عليه ، مد جسمه باتجاهنا ، باوع على هيف شافها ملتهية ، هسه نشوف اسواق وناخذ منه الي تريده ..

شصاير عدي .. رفع نظره بسرعه عليه ..

حجيت بيبر جاي يدور علينا موو ..

اتغيرت ملامحه ، ابتسم مستهزء يطكطك كلبج على بيبر؟؟!

بلعت ريك ، درت وجهي عنه ، حجه ،  بحالج هو ، هسه طامس بنص العسل ضحك … من كل عقلج واحد مثله يوفي لحبة ويصبر ، عنده اثنين نسوان بالبيت متنعم وياهن ..

مارديت ضليت اباوع للشباك دمعت عيوني ، حجه ماتردين تعرفين بعد شكد اعمارهن ..

ماحجيت بس ضغطت على سنوني اصبر بقهري ،

عمرهن اقل من ٢٥ سنه والله ، وحده منهن مايطلع اذا ماكاعده بصدر سيارة ، من عدا فراتهم للمطاعم والسهرات ، مامستحي ولا يخجل يطلعهن وياه ويشوفهن للناس ..

التفتت عليه ، اخر شي وصلت اله من حقدك كمت تطعن بي ،

واذا جبتلج دليل ..

غرغرت عيوني ، والله شوي وانفجر من البجي ، ماحجيت …

سحب جهازه من البنطرون ، وفتحه ثواني و خلاه بوجهي .. استلمي ست .. اشوفين ..

ماشوف صوره ولا ملامح بس اكو شاب وياه بنات ..

كبر الصوره و قرب جهاز من وجهي ، هااا تشوفيهن لو لااا .. كاعد بالنص ، الهيئه هيئه بيبر ، بس بنات مااعرفهم ، وحده كاعده على يمنى خال ايده على جتفها وثانيه قريبه منه ..

كباله نركيلة عبالك كاعدين بحديقة .. حجه الي متعود على دلال الملاهي وسهر اليالي مايتحمل بدون مره .. حبيبج جاب بدل وحده اثنين ..

دنجت ابجي ، الله لايوفقك لا انت ولا هوو..

هاااا اني شكووو ، هاي جزاتي ، شكد ناكره انتي وبذاته ..

دنجت امسح بدموعي وتنزل غيرهن ..حجه بهدوء ميرال …

مارديت …

محد حبج بكدي والله ..

رفعت وجهي بسرعه حبتك حيه ، يالمنافق ..

بالقران انتي مو وجهه حب ، مال دك واهانه ..

شفت شلون مو ادمي انته ،راجع نفسك بدل ما تنتقدني ، وتذمني ، شوف حالك شنو بيك زين ، لا السان ولا قول ولا فعل ..

عاط ضايج .. انتي تجبريني شسويلج .. غصب عنج انسان محترم الي شهادتي وسمعتي ، ولج كلها تعرف عدي شكد انسان عاقل وعقله يوزن بلد ، ودليل طليقج الي ماطلة اثنين نسوان شكد جان يحترمني وياخ بكلامي ، انتي تحجين الاخرس .. السانج يمي اطول منج ويم غيري مكفخه  ..

لان اعرفك شنوو والله محد يعرفك بكدي ..

والله محد يحبج ويخاف عليج بكدي ،

مرت صاحبك خاف الله شنو انت من بشر ..

طليقتة .. وبعدين حبيتج وشفتج قبلة وردتج قبلة ، بس هو سبقني الج ..

وين شفتني وعرفتني لو ماشفتك وحجيت وياك  بيت بيبر ..

سكت شوي وحجه اقصد بيتكم ، بعدها بالمعهد اجيتج ، خايف عليج وعلى زعلج لدرجه خاطرت وجبت الج الامانة  مالتج ،

اني جنت اراقب واشوف ، والله لو مو اني جان حالج حال الظيم .. خلصتج من عواد من دخلنه لبيتكم اول مره ، وعنياتي وحمايتي ضلت وياج لحد ماطلعتي للشمال ..لاضنين مااكدر اوصلج ، لو ناوي الاذيه اذييج .. بس خفت عليج والله يااميرال لو تعرفين الي بصدري ماتحقدين علية بس ظالمتني ..

درجعني للشمال عليك الله ..

ضرب ايد بيد لاحول ولاقوه الا بالله ، يااارب الصبر منك والعوض منك .. 

حرك السيارة ومشه يحجي ، منين مااجيها تطلع صفح ، ولا عبالك اني الي شلت هم ، ولا عبالك اني راقبت سنين ،

حجه بنتر خلي بالج راح ننزل يم مجمع ، بي كل الي تردي ، شوفي شنو تحتاجين حتى ناخذه ورانه درب طويل ، مو بعدين تكولين نسيت لو محتاجه شي ، ترى بعد ماكو اسواق لو محل نمر بي لو اوكف يمه ..

هزيت راسي اي ،

ربع ساعه وطلعنه على الشارع عام ، عبرنا ودخلنا شارع اعرض  وكف مقابل مجمع جبير ..

نزل واندار نزل هيف وشالها ، نزلت اني وراه ، الله يشهد جني خبله ، نعال و جبه ، وشعر ممشدود بس دوب مضفور .. وبجامه طالعه من جوه جبة .. والاردان كصار  ، هي اصلا صغيرة علية  .. وكف يباوعلي من فوك ليجوه ..

ضحك ، عود اخذي شي بدل هاي الي لابستها جنج نشالة هههههه ..

محد نشال غيرك ..

كص السانج عرمه … عافني وطلع يمشي كبالي ، بطول تيل .. تكول ططوه بمشيته ..

فريت ايدي دخل ودخلت وراه ، المجمع عباره عن طوابق .. اول طابق مواد غذاىية .. هو اخذ عربانه خله بيها هيف ونطاها جيس جبس ، تاكل وساكته ، واني وراه ، يشيل ويعبي ..

معلبات على فواكه مجففه ، فول سواني اربع علب ، حمس معلب ،  زيتون ، شال جيس مال صمون حجري خلاه ، رفع راسه عليه لكاني اراقب بي .. حجه ماتاخذين ..

شعرفني غير انته تاخذ واعرف بوضعك ..

هم صدك ماكو بجيبي بس  ٢٥٠ الف عراقي ممصرف بعدني ..

مد ايده على جيبوبه يشوف ، طلع عراقيات ، باقي دولار ..
رجعهن حجه كافيات مسواك امشي ..

ترس سله غذاىيات جربت سله اني وحجيت اشتري احتياجات هيف .. استعجلي ربع ساعه كون انتي هنا .. دنجت اشيل هيف حجه ووين ..

اخذها قابل ابقيها يمك ..

اي طبعا ، روحي جيبي تردي بسرعه دنطلع البنت تضل هنا يله ..

صفنت بوجه صدك تحجي ..

لا اشاقيج امشي ترى اني اخذ ولاتلوميني بعدين على اختياري ..

نكتت ايدي منه ، اذا بجت ..

ماتبجي بلا حجج امشي عاد ..

عفته ومشيت معصبه ، اندار عليه يباوعلي ماتحرك .. صعدت فوك لقسم الملابس والاطفال ..

وكفت قريب درج عيني عليه وكف يم كاشير ينتظرني ، الله يااخذك .. اكو بنيه واكفه يم قسم الملابس ، تقربت عليها .. عفوا عندج جهاز اريد اخابر منه محتاجه فدوه ..

هي شلون فزت باوعتلي بريبه .. نوب شافت شكل ملابسي عفست وجها ،  حجت ماعندي جهاز اعذريني ..

بلعت ريك حايرة اديه عركت هي وكصتي ، خايفه لايصعد  فجاءه ويشوفني ، ابتعدت عنها ، صوت خطوات وراي قشعرت جسمي هووو يمااا هو ..

التفتت خايفه ، بنت العامله تباوعلي وتراقب بيه ، هاي شبيها ، شنو بالها عني ، خفت لا تسويلي مشكله هنا  ،،

بعدين حجيت ويه بنت تشتغل هناك اريد ملابس لطفله بعمر السنتين تقريبا ،

اخذتني للقسم اخذت الاكدر عليه وتذكرته ، حاولت اضيع العامله الي تراقب بيه ، اتجهت لقسم نسائي صح مو كلشي متوفر الي بالي ولا بالاشكال بس،يمشن حال .. اخذت كم قطعه .. نوب سحبت احتياجات نسائيه كتلها خليهن بعلاكه ملونه عفيه ..

نزلت عليه لكيته ماخذ الها بايسكل بلاستك لونه وردي مكعدها عليه وهي تضحك ..

خليت علاليك يمه ..

حجه ابقي هنا يم كاشير بين مااحاول اصرف لان العراقي،خلصن .. هناةمايشتغلون بالدولار ..

عافني وشال هيف اخذها وياه ، ضليت واكفه .. بلعت ريك درت وجهي يمنى يسرى .. تقربت من العامل الي يشتغل بقسم الحساب ..

العفو ..

تفضلي اختي ..

عندك موبايل اريد اخابر اختي،عفيه ..

عقد حواحبه يباوعلي من فوك جوه يتفحصني .. بسرعه حجيت ارجعه الك والله ودقيقه ماخذ هواي من وقتك ، بس جهازي مو عندي مااكدر اتصل بيها فدوه الله يخليك ، واكفه اتوسل بي واحاول وياه ..

هو يباوعلي بريبه .. نوب دار وجهه خايف مني ..

حجيت بروح عزازك ساعدني ..

حجه اعذريني ماعندي رصيد اختي ..

دمعت اريد ابجي تقربت عليه لزمت ميز هو ابتعد . باوع والله احجيلك الحقيقه اني مخطوفة خاطفني واحد اني وبنتي ، صار فترة ، ساعدني الله يخليك حتى لو تتصل بشرطه راضيه المهم ساعدني ..

وينه هذا الخاطفج ..

ماعرف وين راح اخذ بنتي وياه هم ..

وبنتج هم مخطوفة بعد ابتسم ، يااخوي شكلج نصابه مو مال مخطوفه ..

سكتت ثواني ، حجيت الله يشهد عليه ،

شنو العلاليك البصفج بالله ..

دنجت اشوفهم حجيت شغلات ..

ادري جيبي داحسبهم الج لايصير ازدحام .. عرفت دغير الموضوع مامقتنع ، مخطوفه وتتسوك ؟؟؟!!

ويضيعه عليه جنه ممصدك .. زين صي… قاطعني صوت هيف .. خنست ..

وكف وراي يخلي هيف بالبايسكل .. حجه ماكو صرف ندبر نفسنه بالي عندي حاليا .. باوعت للولد بسرعه ، اشر بعيوني على عدي و اهز براسي خايفه ..

عقد حواجبه مستغرب …

همست بدون صوت هذا خاطفني اشرت باصبعي جوه الجبه ..

باوع لعيدي ماسوه شي ، خزرته للولد اهمس بشفايفي هذا هذااا ..

ابتسم هز راسه .. عدي شال العلاليك وتقرب من الميز ضحك شلونك ابو عليوي ..

هلا حبيبي شخبارك عساك طيب ..

الحمدلله الاهل شلونهم ..

يبوسون ايدك يالورد .. دنج يمرر الغراض على جهاز .. رفع راسه ثواني لكاني على وكفتي باوعله بترجي ..

ضحك الولد حجه الطيرة وياك اشر عليه ..

اندار عليه عدي ، التفتت على عدي فاكه عيوني مخترعه خايفة ، حجه اي ..

ديربالك جنها بغبغاء ترى تمشي وتفلت بالسانها ..

هههههه ماشوفني جبتها هنا هاي عقلها مو شي خطية ،

صدك عود خطيه ..

اي بالله خله ايده على جتفي يحظني جرني حيل مرد زندي باوعلي مبتسم كووه ..

جمدت بمكاني مثل الثوله من صدك ، عيني على عدي وعين على هيف ، رفعت نظري على العامل غلس عليه ماعبرني يالنذل ..

.  خلص الحساب كله ٢٨٥ ..

باوعله عدي شايل ٢٥٠ عراقي عندي ١٠٠ دولار ماتصرفهن ..

مو بكيفي والله تعرف سوك حاليا ، اغلبه مزور ونخاف منه ..

هاك ال٢٥٠ و سجل الباقي علي عود . . ردت انهزم منه ، لاينفرد بيه حجيت نسيت شغله اجيبها ..

عفته وركضت مثل خبله ، صعدت فوك .. كلت احاجي بنيه ثانية بالكت الله يهديها .. ماكو ولا وحده ..شفت عدي صعد وراي .. صعدت طابق الاخير هو ثالث ..
اكو بنات ثلاثه ..

اتجهت عليهم بسرعه . كلت هالمره احجي وياهم بهدوء لايخترعون .. جان اثنين بنات كبار بالثلاثينات يطلع عمرهم ، وبنت صغيره  .. واكفات قريب من الاكسسوارات .. السلام عليكم ..

التفتن علية ..

ابتسمت .. ردن سلام ..

حجيت العفو خاف اسوي زحمه بس ضيعت جنطتي مااكدر اطلع ولا ارجع للبيت بلاحاجاتي وبلا فلوس ، بس ردت موبايل اخابر امي تجي تاخذني ممكن تساعدوني ..

حجت البنت .. وين ضيعتيها ..

عدي حجه ميرال .. جمدت اباوعليهن وجهي خرط .. باوع اله وباوعلي بشمئزاز …

ابتسمت بوجهه من خرعه والفشله .. انداريت عليه ..

شبيج شو هنا .

داشوف هذني ..التفتت على يمنا طلعن اسوارات … اشوفهن حبيت شكلهم دنجت عليهن ارجف مهبوطه ..

وكف بصفي لزمهم ياهو منهن ..

هااا ..

ياهو منهم عجبج..

لاعوفهن باين عليهن غاليات اصلا ، وانت فلست ابتسمت اضيع الموضوع ..

شالهن يشوفهن ..

حجت وحده من البنات تردين موبايل هسه لااا ..

ضليت مدنجه ماتحركت بس رجليه يطكطكن من خرعه .. حجه عدي العفو ..

البنت مضيعه جنطتها وتريد تتصل على امها خطيه ..

ضحك تتصل على امها كتيلي لزم جتفي يديرني عليه ، ضايعه جنطه بعد ..

باوع عليهم رحم الله والديجن شغلتها يمي هاي .. مشن وراحن واني درت ظهري دانهزم جرني من شعري تعاي ولج .. قسم بالله اجيبج براشدي الا اطفي عيونج ، ليش تخبليني عليج داتعامل وياج عدل ليش ماجرين عدل ..

نترت .. شسوييت ؟؟؟!

ول يالجذابه عينك عينك ..

ضليت ساكته ضايجه .. امشي جدامي يله لا اهفج بجلاق والله .. مشيت بسرعه كباله ونزلت لطابق الاول .. نزل وراي هو .. حاسب وشال الغراض وطلع …

شايله هيف هو شايل الغراض صعدت وره هو بقى ينزل من العربانه و يعبي بالسياره ..

خليت راسي على هيف ، اشوفها تتثاوب ، مسدت على راسها ، خلت اديها على صدري مماا ..

فدوه ياامي هسه شوي …

صعد هو وهي بعدها مما تتنعوص ..

حجه شبيها …

حجيت بضيجه خلك نعسانه ..

نوميها ..

بسيارة تنام ؟؟ شلون ترتاح  ، جوعانه تريد ممه ..

ساق سيارة ، ساعه ونوصل ..

وين رايحين ..

الج صافي لاتعبين مخج انتي ..

حطت ايدها على صدري تبجي ، مما ما مما ،، حظنتها اسكت بيها .. تردين ماي ، جبس تردين .. تهز براسها مما ..

مو ترضعيها على صدرج رضعيها ..

ماحجيت ، ضليت احاول وياها وهيه تبجي ..

وجع ولج مو شفيها طكت بجي ماترضعيهاا شبيج ..

درت وجهي عنه و ختلت وره كشن دنجت اطلع صدري خليتها بحظني ونطيته الها وغطيت صدري بيدي عود يعني استر نفسي ..

رفعت راسي اشوف خما يباوع علينه ، لكيته صافن بشارع ديسوق ..

دنجت عليها لهاي تمرط مرط ، خليت راسي على راسها ابوس بيها ..

عيونها بلشت اطفي ، طفل من يرضع رضاعه طبيعيه سبحان الله يدوخ ، كل ام ترضع تشوف هالشي وتلاحظه ، مسدت على شعرها يانظر عيني يافرحه كلبي ..

ابتسمت من شفتها غفت ، وفكت حلكها ، ضميت صدري مبتسمه .. رفعت نظري صدفه . شفته يباوع النه ..

اختفت ابتسامتي ، دار عينه بسرعة على السياقه والتهه بيها ..

شوي وطلع شي من جيبه .. حجه هااج ..

شنوو …

مد ايده ليورة ونطاني بيدي .. فتحت ايدي الاسواره .. الي شفناها بالمجمع .. عقدت حواجبي ..

مو عجبتج ؟؟

مو كلشي يعجبنا لازم ناخذه .. دفعت فلوسها مو تكول ماعندي ..

عندج هالمبدء ، اني مبدئي العكس كلشي يعجبني اشتري واذا ماكدرت اخذه عنوة ..

منو نشال هسه اني لو انته .. حرامي ..

خلف الله عليج وهاي اني اخذته حتى لايضل بنفسج .

مالبس اني شي مبيوك .. هاك ذبيته على كشن . رجعه لو تدفع فلوسه  ..

اخذي من اروح اسدد الي يطلبهن الي ادفع سعره هم ..

ماخذته ، عفته ضليت ساكته لحد ما طبكنه بمجمع سكني بس عمارات ..

وكف كبال كراج .. كال انزلي ..

شلت هيف ونزلت .. قفل سيارة ومشينا .. عباره عن بنايات دخلنه بالبنايه الخامسه .. صعدنا للطابق رابع والجو حار .. جان بدايه صيف ، صعدت الهث وجهي نار  .. بنايات كبار حتى من داخل حلوه ونفهه ..

نظيفه عبالك مجمع جديد .. فتح الباب الخشب ودخلنا … حجه خليها هناا على التخم خلي ترتاح شوي ..

خليتها حطيت بصفها كوشات لاتوكع ..

هو راح يشغل التبريد ، حجه حصعد الغراض شوفي هناك ،انداريت ، ذاك المطبخ شوفي بالزاويه  اكو ادوات تنظيف حتى نمسح الشقه بدل هالتراب ..

دنجت راسي .. وين تراب ؟؟

ماشوفي انتي ، صار فتره متروكه .  روحي يله التهي بشي بدل الوكفه وصفنه ،صيري نادره ونظيفة يله بابا . .

عوجت حلكي ، اشر بيده يله يله ..  يريد يلهيني عبالك جاهل اني ويريد يخلص من شري ، رحت امشي بضيجه خلك ادردم  .. هو نزل وقفل الباب وراه ..

شقه مو جبيرة ، تطلع اقل من ١٥٠ متر ..  مطبخ غربي مفتوح على صاله ،وصاله مفتوحه على بلكونه .. ممر بالنص تمشيت بي غرفتين وحده مقابل الثانية .. وحده مأثثه وثانيه بيها بس دواشك وكراسي .. ونهايه ممر خدمات .. حمام وبانيو و واكو حاجز بينهم .. وتكرمون تواليت غربي  وبالزاويه المغسلة .

انداريت اشوف نفسي بالمراية .. والله اخرع .. مبهذله تبهذل .. ذبيت جبه .. وغسلت وجهي عدلت شعري لفيته كبه مثل خلق الله حتى قراصه ماكوو …

دخل هو واني بعدني افتر .. حجه هااي بعدج ..

هسه حبلش ..

دورت على سطله مسح ، لكيت ماسحه هم بيها وصلتها  ، خبطت تايت ومنظف بطاسه .. كبيت منه بالارض وامسح بالماسحه.. مسحت الي اعرف امسحه .. ونظفت الي اكدر عليه .. بس الكاع وغفت ، وبلشت تلزك بالرجل .. هاي شبيها والله دانظف حيل .. ماعرف انظف الحق ينكال .

هو لو واكف مخصر يحجي شخليتي بالطاسه هاي ياحظي تايت لو زاهي ..

شايفني مااعرف اخلي زاهي ، هذا تايت يالفهيم ..

ياطايح حظ كلج تايت للارضيات ..

مالكيت غيره ..

حتمولك الكاع شوفي منظرها ..

شسويلك ..

هجمتي شقه بعدها جديده ..

ماحاجيته انكطع نفسي والله ، اشتغل وكصتي عركانه ، وشعري وترني كل شوي يفلت وارجع اشد بي ، عركت و طكت روحي هو يحرك الي التخم والميز ويكلي وهذا ماشوفي .. هذا شنوو …

طكيت بوجهه ازمخ بي ، اكلك شنو اشتغل خدامه عندك ، ماتنظف انته نظري ميساعدني اني وبعدين بحياتي ممنظفه ..

لان عوبة وخرري ، جر الماسحه مني وكعد هو يجر حيل وينظف هيييج هيييج ماتعرفين ..

لا مااعرف .. تخصرت اهز بجسمي ضايجه وظهري يوجعني ..

تعلمي وصيري ام بيت المره الفاهيه ماتعجبني .

ماتعلم ممجبرة انظف اكو من ينظف ..

وكف شغل وشمر الماسحه شقصدج ولج اني انظف ..

جبت طاريك اني من يمك اخذت على روحك ..

ليش ماتلزمين السانج ميرال لا بالماسحه والله ..

شبيك …

خنزر عليه ودنج يكمل مسح ، حجه فرطي الغراض من العلاكه بدل ماواكفه جنج خراعه خظره ، مامنج فايده ..

شلت علاليك كوه اكو ثكال سحلتهن سحل اخذتهن للمطبخ .. ترست ثلاجه ، حظرت ممه هيف وترست غلايه ماي وحميته الها ، سويت الها قطع فواكه خاف تكعد جوعانه ..

دخل هو للمطبخ كاف ردنه حجه سوي شي ناكله ..

صفنت بوجهه شسوي يعني ..

اشر بيده ينتر .. اي شي مو الثلاجه متروسه ..

شعرفني ..

ماتعرفين تكلين .. كلي اي شي …

عافني و طلع و ذب سطله بالمطبخ ، شقلي بالله ، رحت فتحت ثلاجه بيها معلبات ، صفنت بيها ، والله غريبه علية الشغلة ، صح قبل اسوي بس ما اشتغل كلشي بيدي ، هيج احظر اي ، بس مو اشتغل واوكف على طباخ و اكشر واقطع واقلي ،

اخذت صفنه افرك براسي ، طلعت علبة تونا ، جان اكو  جبنه مبروشه هم .. كلت اسوي لفات ..

هيف عصرت الها عصير ، حظرتهم وكتله تعال اكل ..

اجه شايل هيف .. دنج راسه شاف بس عصير ولفات اربعه ..

رفع نظره علية .. الثلاجه بيها اشكال وصار الج ساعه تهبدين بالمطبخ ، كلت ناويه اسوي تمن ومرك هاي .. طلع منج بس هذني .. اشر عافس وجهه ..

جريت كرسي ومديت اديه انطينيها .. مارديت على كلامه ، ادري السانه وصخ ، راح يجاوز اذا حجيت ..

خلاها عندي وكعد ، جر الماعون الي بي لفات ، وشال وحده فتحها ، نوب قرب خشمه يشمها وجهه مخرب ملامحها مدري شلونها عبالك لعبانه روحه ..

فوكاها هاي ، حجيت ترى نعمه الله حرام تستنكف وتعيب ..

هز اديه وكعد ياكل مجبرور ، شلون مااشوف منا وجاي اني الانظف واطبخ ..

ابتسمت خليت راسي وره راس هيف حتى لايشوفني ، كعدت اكل ..

والله طيبات شبيهن الفات. ، بس هذا متكبر متعلم على اكل المطاعم واكل الدسم ،

كمل ومسح حلكه وكام ، اني هم لملمت المطبخ ،  اخذت هيف ناويه اسبحها واسبح هم ريحتي كلها طبخ ومنظفات ..

مشيت باتجاه الغرفه اطلع الها الملابس ..  طلعت الي والها ، طلعت الشامبوات هم ، واتجهت للحمام ، شايلتها بيد و شايله حاجاتنا بيد ..

صاح وراي ..وين ..

اسبحها …

من كل عقلج ناويه تفتحين راسها خاف ذاك اليوم الله ستر ..

قابل تضل بوصخها لازم تسبح …

ام ادين الراخيه طفله ماتسبحيها لوحدج تقدم اخذها مني .. صفنت بوجهه ، شنو يعني تضل بهل ملابس ما تسبح وتتنظف ، طفله تتمرض ..

اني اسبحها …

عطت نعمممم ..

نعم الله عليج عيني ، البنت ماتلزميها زين انتي اني الزمها وانتي اغسلي الها ..

ليش يماااا ، شدخلك بيني وبينها اني امها بعدين ذيج المره صارت لان هي كعدت ترفس وتعيط ،وكلها شامبو فطبيعي ، ما كدرت اسيطر عليها وكعت ..

تقدمت اخذها جيبها هالمره ماتصير ..

والله ماتاخذيها ولاادخليها حمام اذا اني مموجود ، لايصير بيها عاهه بسبب فهاوتج والقران اسكطج ، البنت هالكدودها مسويتها لعبه بيدج هاي طفل مخلوق ، لحم ودم اذا وكعت تتسكط لو يصير تدها نزيف .. شنو انتي ماتخافين عليها …

قابل تخاف عليها انت اكثر مني ، غير اني امها ..

دفعني بيده وراح للحمام ، هذا الي عندي ماعاجبج مشكلتج ..

ضليت واكفه بمكاني ، عاصره نفسي ماابجي ، بس طكن دموعي وبجيت ، الله لايوفقك ويحرك كلبك مثل ماتحرك بكلبي ..

قهرني قهرني والله ،بكلشي ماراضي بكلشي ماعاجبه ، بنتي يدخل ،احسها ديسحبها من بين اديه وراح يحرمني منها وكبال عيني ، كلشي مابيدي علية ..

مسحت وجهي ولحكته ، وكفت باب الحمام ، ينزعها ملابسها ، تقدمت اني للبانيو ، ترسته ماي و غسول ..

وحجيت لاتنزعها كلشي .. جيبها ..مديت اديه اخذها منه بالقوة ..

دفعني بيده .. تسبح بالحفاظه شبيج خبله انتي ..

وكفت انتر .. قابل تعريها هيج حرام ترى ..

عقلج شبي ماتكليلي خر،،،،

بجيت كبل .. غصه بكلبي من وراه .. والله انته ذره ادب ماعندك ،شنو تنزع البنيه طفله هاي واني امها شكو تدخل بينه،  نوب تريد تسبحها بنفسك عايزه الك هيه ..

ميرال وحق هو الله واصله عندي لهناااا ، لا طلعيني عن دين الاسلامي بهل لحظه ، صار ايام عندي قايم بيها اجيتي بهل يومين عفستيلي كلشي ، اني كلب ابن كلب جبتج لو خالج هناك تتكرضمين مثل جلب وتموتين مجلوطه جان اشرفلي ،

يااا قايم بيها ، لو مادزيتلي صورها تبجي وكلها وصخ ، منا لهنا جذبت ..

ناويه على موتج انتي ..

راح تجلطني انت ، عدي صدري يوجعني والله ، عندي جلطه قبل لاتموتني ، طفله عيب وحرام تتعرى كبالك ، لا انت ابوها .. قاطعني ولج ثوله طفله هاي ..

ماكو شي اسمه طفله ماتتعرى طفله كبالك والله مااتصير طبيت رجلي بالارض وهاي اني واكفه دشوف ..

تتحديني لو شنوو ..

شفته انكلب وجهه ، والوضع بلش يتوتر ، جريت نفس ، كوه ضاغطه على نفسي والله ، ياصبر ايووب ، حجيت بهدوء مصطنع .. هي مو مال تحدي لو عناد ، انت مو مسلم لو بنتك ترضى تنزع مثل ماخلقني ربي كبال احد حتى لو اخوها لو عمرها سنه ترضى ، ماترضى .. حرام هالشي مايصير..

سكت شوي وحجه ، نزعيها انتي ولبسيها شورت واني حندار ..

خلاها عدي واندار يكف بردانه ..

كلبي يرجف ، هبطت والله ، من قهري ارجف ، نزعتها ملابسها ولبستها شورت وخليتها بالبانيو ، اجه لزمها من اديها ، خاف تطمس بالماي  .. كعدت اخلي ماي على راسها وافرك بي ،

لاتخلين شامبو هواي على راسها لاتعمى ..

مارديت ، غسلت وجها هو كل شوي يمسح وجها مايريد الماي والشامبو يوصل عيونها ، لو يلهيها ويضحك وياها حتى لاتبجي من اغسل الها واليف .  ماطولت اقل ربع ساعه وكتله طلعها .. نطاها الي و لفيتها بالمنشفه اخذتها للغرفه ابدل الها ..

غيرت الها ومشطت شعرها شفتها تتثاوب ،، خليتها على جربايه ، اني هم تعبانه اريد بس انام ..

، سمعت صوت الحمام ، عرفت ديسبح هو هم ..

عيني على هيف ، لحد مابلشت تغفي ، خليت مخاد بصفها لاتوكع .. تاكدت نامت ، غطيتها ، انتظرت لحد ماسمعته طلع من الحمام ..

كعدت ربع ساعه وطلعت من الغرفة ، درت وجهي اشوفه وين ، جان كاعد بالصاله فاتح لابتوب ، يشتغل عليه .. شعره ممشط جنه خبل ..

دخلت للحمام ، ملابسة بسله الملابس ، غير يخليهم بالغساله الوصخ ، سديت الباب ، ودخلت اسبح ، شعري يوكع .. والله هيج يسلت سلت من الجذور ..

بس خليت اله شامبو فركه شوي باصابعي ، نزلت اديه كلهن شعر .. من انقهر اول شي يتخربط شعري و بشرتي ، على هذا القهر راح اصلع ، ناوي يكتلني من القهر هالنذل ..

لااحترام لا تقدير ، لاخوف الله كلهن ماعنده ..

غسلت شعري وخليت مكيف بلش يوكع بكثره .. غسلته بسرعه بالماي وعافته راح يوكع كله اذا اضل اغسل بي ، ليفت وطلعت دالبس ..

درت وجهي وين ملابسي ..

فتحت عيوني مو خليتهم هناا ..

ضليت اتلفت ماكوو بالتعلاكه ولا بسله الهدوم ..

بس منشفه معلكه جريتها خاف جواها ، ماكو والله ، مو جبتهن هنه وملابس هيف سوه ..

نوب مااكدر اطلع ، ملابسي نزعتهن وصخات وكلهن ماي تنكعن من الحمام .. اخذت المنشفه ولفيتها على جسمي ، خاف متوهمه ماجبتهن والله كمت اشك بعقلي بذاكرتي ، .. فتحت باب الحمام على كيف ، مديت راسي اشوفه وين ،

يارب شهل بلوه شل موقف .. شوي وابجي ، رجعت راسي وسديت الباب .. حايره شسوي هاا شنو اضل هنا قابل لاتكعد هيف من نوم نوب ماتلكاني ..

ضليت بالحمام افتر حايرة ..

شوي واندكت باب الحمام .. جفلت .. لفيت منشفة زين ..

حجه ميرال وينج ..

همست هاا ..

ميرال مو احاجيج ..

صحت.. هااا شبيك ..

طالع اصرف فلوس ، مو تسوين مكسورة ، البنت نايمه لاتكعد وتوكع من جربايه خفي ايدج يله ..

سكتت شوي وحجيت اي ..

سمعت خطواته ابتعدت خليت راسي على الباب ، ثواني وسمعت صوت الباب انفتح وانسد ..

فتحت الباب بسرعه وطلعت ركض للغرفه ، توه فتحت الباب ودخلت مخترعه الهث ، لكيته بالغرفه يم هيف مدنج عليها رفع راسه شافني واكفه ابتسم ...

فكيت عيني مخترعة درت ظهري دانهزم من الغرفه انربدت بالحايط ورجعت خطوتين ليورة .. تعدلت وكفتي.. رجعت ركض للحمام ..

لحكني هو حجه هاا شبيج ميرال شفتي ويضحك ..

ملابسي ووووين انت اخذتهم مووو ..

مانطق بس اسمعه يضحك ، حجه والله مثلج ماشفت ، شلون عايشه بهل دنيا مادري ، غير تااكدين عندج ملابس بالحمام يله تسبحين ،

عطت بي .. ملابسي وووين ..

ههههههههههه

طفرني ، طلعني من طوري ، مو احاجيك والله عيب عليك شهل حركات الي ماينسكت عنها ، عدي خلي عندك غيرة ، ابن الاصول مايسوي هيج ، كلش مصختها انته ..

دفتحي دانطيهن الج ..

عديييي ..

عيونه ..

استغفرالله يارب ، ياارب رحمتك وسترك من هالبشر ..

والله راح اخليهن هناا باب الحمام بس تمدين ايدج ..  واروح وداعت هيف يله اشاقه وياج ام عقل صغير …

دقايق ويله فتحت لكيتهن صدك بالكاع سحبتهن بسرعه وسديت الباب ، لبستهم كبل هم نفسهم طلعت شايلهن كلهن الحقبر ابو دروب عوجه ..

يومين على هالوضع ، مرمرني والله ضوكني الويل ، يطلع من البيت كم ساعه ارتاح بيهم منه ، اخذ راحتي اكدر اتنفس ، اسوي الي اريده العب ويه بنتي ، اكل اسبح اي شي ..

من هو موجود مربوطه ، ماكدر اتحرك مراقبني ، يدخل بكلشي صغيرة وجبيرة .. حتى بملابس هي لاتبسيها كصير من تحبي بالكاع تتاذى ..

لبسها طويل خاف توكع ركبها ماتتعور ، شعرها على عينها شيلي ،لا ضلين تشربين بيها بهل عصاير رضعيها طبيعي ، مميه ماكو  ماتخليها تاكل ..

وووووو ، موتني فركس كلبي والله نوبات انفجر واضل ابجي واتعارك وياه نوبات اسكت اعرفه لئيم ، جهاز شايله بجيبه مايوكع منه مستحيل واذا ذبه يخلي بمكان ماتشوفه عيني ماندله .. باب شقه ماينفتخ عنده مفتاح ..

البلكونه عادي افتحها نوبات يكلي خليتها مفتوحه حتى خاف  الج نيه وتردين تشمرين نفسج منها ، ماخليها بنفسج ..

ينام بالغرفه ثانيه لو بصاله حسب الوضع ، اذا يسهر على فلم معناها نومه بصاله ، واذا بالغرفه معناها عنده مكسورة مايريد اشوفها لو اعرفها ..

اراقبه شعندي قابل هو حاس علية بس مغلس ، ب٩ مددت. بالغرفة  انوم هيف ، هو فتح الباب دخل ..

وكف شوي ..

رفعت راسي هاا ..

شكوو ..

انت شكوو ..

حك راسه وصفن بالكاع .. حتنامين بعد وكت ..

صفنت بوجه مصغرة عيوني باوع عليه شبي هذا ..

شكوو ..

يعني ماتسهرين مكضياها لو شغل لو نوم مامليتي ..

شتريد عدي من الاخر ..

رفع تك حاجب .. هاي فوك ماكول خطيه خلي تشغل نفسها خاف تمل من روتين ..

انطيني الموبايل اخابر تالا لعد ..

انجببببي .. صوجي والله انقهر عليج .. عافني وطلع يدردم .. لا يالجلب ، ماتنعدل لا والله ابد ..

رجعت راسي على مخده ، شلون وياه هذااا شنو حله ، الله يعين المرحومه عليه شلون جانت متحملته ومتحمله اخلاقه .. ماتلام من عافته وضلت سنين عايفته من هاي اخلاقه ..

زين تالا شلونها شسوت هسه ، وين راحت ، وبيبر ، يااربي والله تفكير اكل راسي وهذا كلبه ولا يلين ،

شلون وياه ، كلت اطلع اتوسل بي ، واذا مارضى ؟؟؟

شوي وطلعت امشي على كيف ، وكفت بنص ممر ، ضوه تلفزيون باين والصاله ظلمه ، وينه هوو ..

تقدمت شوي مديت راسي اتفحص الصاله ، كاعد بالزاويه فاتح التخم التركي ، مسوي مثل جربايه ومدد عليه ..

وكفت بمكاني اشوفه ، صافن على تلفزيون وراجي ايده على تخم ، مبلش فلم اجنبي ، ماعرف شنو اسمه اصلا مشايفه افلام ومسلسلات من سنوات ، حتى تلفزيون ماعرف شكله شلون صار وتغير ،

حياتي ركضت ركض كلشي ماشفت منها حتى تفاصيل الي حواليه هسه يله شفتها وصار عندي وقت اتفحصها ، شكد فاتتني شغلات ،

التفتت عليه لكيته يباوعلي ، ابتسم درت علية .

ضل وجهي جامد حجه تعاي ..

تقدمت كعدت على تخم مقابيله ، الفلم صوت وصوره بس ترجمه مامبينه عندي واضحه ..

حجه اغيرة تردين غيرة ..

لاا ..

خليت اديه بحظني افرك بيهم ، عركانات ..

تأقلمي على الوضع ميرال لاتقاومين تتاذين .. التفتت عليه ، يباوعلي رفع حواجبه ..

شكد اضل يعني ..

لحد ما يصير الاريده ..

حجيت اتوسل ،، شنو هوو ؟؟

سكت ، اتعوض على الراح ..

عقدت حواجبي .. شلون يعني ..

دار وجهه على تلفزيون مارد ..

دحاجيك عدي شلون يعني .. بيبر مايرجع للسجن وانت تعرف مايسلم نفسه ، وحتى لو سلم نفسه راح يطلع مايضل ،

مارد ..

نزلت دموعي ، وتالا ضل بالي عليها ، خلي بس اخابرها ..

لااا ..

الله عليك ..

كلت لاااا ..

والله بعد ماتعارك وياك ، بس اطمنها عليه واعرف وين راحت وحدها بالبيت ترى ..

ابتسم اختج بربوك ماينخاف عليها ادبر نفسها ..

بروح بحر وغلاته عندك .. التفت بسرعه وجهه تغيرت ملامحه ..

باوعت عليه اتوسل ..

غمض بقله صبر ، دقيقه وحده ميرال وحجايه زايده اسحب جهاز منج وبعد تحلمين تحاجيها لو تسمعين صوتها ..

ابتسمت ماشي ..

نفس ماكلتي معارك وطوله السان تبطليها ..

تمام .. بسرعه مديت ايدي .. يله  جهاز ..

دار وجه بعدم مبالاه .. مو هسه ..

شنوو ..

دنيا ليل باجر صبح عود ..

عددددي ..

وجع شكلناا توه ..

خزرته ..

اشر باصبعه يهدد ..لاتباوعين هيج لا اطفي عيونج  .

زحت نظري عنه ،اعض بشفايفي ، كعدت وجتفت اديه بعصبية ، رجليه تهتز ، من توتر والقهر ، حجه كاافي ..

وكفت هز ، جيت اكوم ..

ويين ..

انام ..

كملي فلم وروحي ..

ماشوف شي ولاحتى ترجمه ..

اني اسولف الج ..

كعدت لعبانه نفسي وضايجه ، كل مشهد يكعد هو يشرحها و يفصله ، اسلوبه بالشرح مشرشح مثله بالضبط ..

حتى من ياشر ويشرح الفلم وياشر عليه  باصبعه الوسط ، ويكلي شوفي هاي وحده طالعه من الطريق ، وكعت بين اصدقاء اثنين ، واحد امريكي والثاني بريطاني ، هالبربوك نامت ويه الامريكي ليييش ياحزرج تكول ايده جبيرة ..

فهمتي علي موو شنو اقصد ..

اني فكيت عيوني هاااا ..

اي والبريطاني تكول ايده صغيرة ، برغم اني اشوف العكس بس بعد هي بربوك بيها دوده ، كعدت اطلع اعذار ، من الاخر خربت بين الاثنين ..

بلعت ريك اني مخترعه… كمل شرح واصبعه الوسط كل شوي خاله بنص وجهي ، متعمد مدري هو الله خلقه اعوج وارعن بكلشي ..

كام لحيله وراح للمطبخ هو يكمل كلامه ،وينطي رايه بالفلم وبالممثلة ، واني اهز براسي .. شوي وجاب عصير و كرزات ..دنج علية نطاني كرزات بيدي وكلاص عصير . كعد وخله كباله قوطيه من ركزت بيها عرفتها شرب .. كرت عينك  ..

اخذت كرزات اكل واشرب بالعصير وصافنه بوجهه  ، الحق يقال الله خلقه بشكل احسن مايكون ، صح ماشوف تفاصيل وجهه  او رموشه واني اصلا ماركز بوجهه .. بس حلو وسيم ، من ناحيه الشكل هو  وجهه و طول وجسم .. مرتب ونظيف . بس اسلوبه حضيض الفاضه بالارض ..

شنو فايده شكله هو لااسلوب ولا اخلاق ..

عكس بيبر تماما ، بيبر ماعنده وسامه طاغية بس التمست الاخلاق عنده ، راقي مايسب مايفشر كبالي ، تحسه فاهم واعي هادي ، الا هذا تكول خبل .. تحملته على اعصابي على امل ينطيني جهاز باجر ، لحد مانعست او مثلت نعاس خفت لايسكر ، تثاوبت .. حجه نعستي ..

ممم .. كمت لحيلي .. عفته ومشيت ..

هيف مدده على جربايه ، وخرت الغطى مددت بصفها شكول لتالا باجر اذا سالت انتي وين ..

شجاوبها وهذا يهددني ، شلون اساعد نفسي واخلص منه .. عدي مال اقاوم واعاركه ماافلح ابد ، لا اني من البنات وكحات ولا ام صوت عالي ، حدي ابجي لو اعاند ..

هذا كل الي عندي ، وهذني ماينفعن وياه ، امشي وياه بالسياسه بالكت يحن كلبه ويرجعني ، هو ناوي على اذيتي جان اذاني اني وهيف من اول يوم .

خليت ايدي فوك جسم هيف اتامل شكلها ، جنها ابوها من نايمه ، رسمه العين والحاجب ، مديت اصابعي استرجع ذكرياتي وياه من جنت استغل نومته واتلمس وجهه وخشمه ،وجناته بارزه وشفته المحدده بلحيه وشارب ،

بيبر ..

عيوني ..

شيل ايدك ..

ممشتاقتلي ،،

بلا هواي ، ..

لعد احظنيني  ..

لفيت اديه على جسمه ، جسمك حار ..

لااطلعين صوت شبيج ..

وهم ثكيل خنكتني ..

هاا هسه ..

ايدك وخرها منا دغدغدتني .. دفعت ايده شثكلها ،عطره غريب ، مديت ايدي على وجهه مبتسمه ، متغيرة ملامحه ، مديت ايدي لشعره ،اتلمس  شعره كصير وخر اديه عن راسه ورفعهن فوك راسي ..

نعسانه والله وخرر..

حظني حيل ، لم رجليه بين رجلية ، غركت بحلمي وياه …..

مختنكه ، احس نفسي محصورة اريد اروح للحمام ، حصت شوي ، فتحت عيوني نعسانه ، درت على اليمنى فتحت عيوني شي اصفر كبال عيوني ..

رمشت بهدوء ، وضحكت صوره ، ايدي هاي بيها سوارة ..

عقدت حواجبي شنو هاي الاسواره .. بين. ماركزت وصحيت وين يله .. تذكرت الاسواره باكلها عدي من المجمع ..

فزيت لحيلي شجابها هناا شوكت لبستها ، كعدت عدل زاح الغطا عن جسمي ولان كما خلقني ربي والله ..

فكيت عيوني وعطت مخترعه ، لفيت الغطى اتلفت متفاجىه ومصدومه ..

كمت لحيلي من جربايه ارجف ، لفيت الغطا زين ، كعدت اتلفت وادنج ملابسي ملابسي ووووين ..

جريت الغطا عن جربايه ملابسي شنزعهن ..

نوب هيف ماكوو ، لكيتهم يم كنتور مشمورات ، وخرت الغطا والله مانزعت اني شنزعني بجيت كبل ركضت اخذ ملابسي ، شلتهم البس بيهم وابجي ..

دنجت البس بجاما رجليه بيها اثرات مال لزمه قوية ، رفعت راسي اشوف اديه جسمي ، بجيت حيل منهارة شبيه يااربي شبيه …

ركضت مثل الخبلة للمرايه اشوف ركبتي صدري ، حمر ، عبالك واحد ملخني ، لزمت جسمي ابجي يما اسم للله .  لبست وطلعت اكثر بره الغرفه ابجي ..

وكفت بالممر منهاره ، كلبي يدك حيل ، ودايخه ، صوت هيف بالصاله .. مشيت بسرعه عليها ، وكفت .. هيف واكفه لازمه تخم  هو واكف قريب منها التفت عليه من سمع صوت البجي ، بصفي سراحيه ماي كزاز .. رفعتها من الميز وشمرتها عليه .. ياابن الكلب ياانكس ..

شال هيف وطفر من مكانه .عاط . ياطايحه الحظ ..

، يااحيوان لحد وين وصلت بيك تعتدي علية .. عاطت هيف بحظنه مخترعه ..

يمي الكلاصات شلت اثنين شمرتهن علية لابالي هيف تتاذى ولا بالي هالشي خطر ، دار ظهره يحمي هيف واجن بظهره .. صاح اااخ يابنت النعال دنعل والديج اوكفيلي ..

ذبها على تخم وتقرب عليه بسرعه رفعت اديه اكامشه ، مالحكت اجتني سطره والله انشمرت متر بالارض اريد اوكف لحيلي مااكدر من البجي والقهر والخوف ، الهبطه الي اكلتها دنج شالني من ايدي ، ملخته من ركبته اهامش باديه .. لزمني حيل يريد يجتفني ضليت اعيط ..

حط ايده على حلكي يصم صوتي ، عضيتة ، دفعني بالارض كلبني على وجهي .. ودنج يفك الحزام ..

رفعت راسي ارفع بشعري عن وجهي ابجي واغلط علية ، يالحقير بلا غيرة بلا شرف ، شفته جر حزامه ركضت  على هيف اخذها وانهزم .. بعدني ماواصله انجريت من شعري ورجعني عليه .. تعاي تعاااي …

يتبع ……

بارت مليان احداث مليان ..

اذا اكو تفاعل ينزل برتوت عنون يوم الثلاثاء ..