رواية قاع الشياطين الفصل الثالث والأربعون 43 - بقلم اسماء ديمير

...............☆البارت الثامن والثلاثون ☆.............

#قاع_الشياطين(البصر والبصيره)

#بقلم_أسماء_ديمير

-ساعه بابا شجابها عند الحجي عدي ..

مشه خال اديه بجيوبه وكف كبالي مباشرتاً ، رد برأءه :- اسالي رجلج ..

-ابتسمت :- رجلي لو يعرف هاي الساعه لبابا ماجان خلاني اوصل يم الحجي والزم الساعته واقيمها ، اما انته اي تعرف ، اشرت عليه ..

تعرف انته اني راح اعرفها واميزها ، لذلك طلبت الزمها واقيمها ، شجاب الساعه عند بيبر انته نطيتها اله مو ..

منين اخذتها ...

رفعت نظري عليه ركزت بوجه ، والاصح شلون بكتها ،

سكت ثواني ، شوي وابتسم ، ركز بوجهي على عيوني ،  حجه تشوفين انتي موو ..

تجاهلت سؤاله :- ساعه بابا شلون وصلت لعندك  ، اذا هي بيوم وفاه بابا جانت بيده .. 

- مو كتلج اسالي رجلج ، اسالي منيلك هاي الساعه هو يكلج .. ضحك لو ماعتقد راح يكلج وراح يجذب اكيد ..

-حسبي الله عليك اي والله ، انته مثل شيطان و اسوء هم ..

-رفع اديه رجلج مو احسن مني ترى ..

-كمت لحيلي ، ذنبه عظيم عند الله الي يطفى و هج الحياه في عيون انسان ..

فكيف بيك انته طفيت الحياه كلها بروحي و بكلبي حسبي الله عليك ليوم الدين  ..

-اني نورتج شوفتج حقيقه ..

- لا انته واحد منافق ، اعرف البشر اني كلش زين عمره ماخاب ظني ، يجي يوم و يكشفك بيبر على حقيقتك ..

- ابتسم رد ماسويت شي ترى ..

هزيت راسي فايره ، باوع عدي والله لو تخدع الدنيا كلها ، بس من توصل ليمي ماراح تكدر ، اني ماشوف وجهك صح بس اشوف داخلك شنو ، انته انسان مو صادق لو صادق وبكلبك خير جان اجيت وحجيت الي بكلبك او الي تريد تكوله كله مو اضل تشمر الحجايه و تسكت ..

وتخلي المقابل ياكل بروحه لحد مايوصل للانهيار اني مو عواد شديت وياه وضليت تحفر وراه لو تشمر المصايب و تفلت و خليت الاخوه يتمالخون بينهم ..

اني كاشفتك على حقيقتك ، ابد لاضن ممكن تضحك عليه لو تخلي علاقتي برجلي تخرب  ، لو تجي وتحجي الي عندك كله بلا الغاز و افعال خبيثه مثلك لو تسكت وتجفيني شرك ...

عفته و نطيته ظهري توجهت للفله ، رد صاح وراي : حق تشكريني ..

مارديت عليه ، لو صدك انسان صادق و خير جان اجه وحجالي سالفه ساعه كلها مو يضل يلف ويدور ، هذا هو عدي ..

بي طبع يحب يشمر الطعم و ينتظر شوكت تاكله الفريسه حتى ينقض عليها ، مثل ماسوه بعواد ..

ضل يوز بيببر على عواد و ضل يحفر جوه عواد لحد ماوكع الاخوه وخلاهم ناس تاكل ناس  .. سبحان الله يمهل ولا يهمل ، هم ادور الدنيا وفيما بعد دارت على عدي ..

دخلت الفله ام زياد كاعده ، حجت هاا رديتي ما رديت عليها تجاوزتها وصعدت ، غزل تلكتني وحجت هااي شلوونج ..

- نتر بيها بعصبيه :- ولي عن وجهي دفعتها ومشيت لغرفتي ..

كعدت افرك باديه وبراسي ، صدري وجعني فركته حيل متاذيه ، اندفعت الباب ودخلت عليه ديما حجت هاا رجعتي ..

مطيتها ظهري وحجيت اي  .

دنجت كعدت على كرسي لزمت راسي ..

حجت شبيج ..

ديما بداعت الخوه الي بينه تحجين صدك اذا سالت ..

حجت ياستار كولي ..

بيبر شنو شغله ..

ردت طاعم وعقارات ..

ابتسمت تضحكين علي ، شنو يستوردون ليش يستوردو ممنوع يدخل الحدود ، 

ماعرف شي زايد غير التعرفي ..

اسالي اخوج ..

تردين ركبتي تطير من كل عقلج اذا سمع واحد بيهم ساله وراه والله يدفنوني ..

صفنت درت وجهي ..

حجت ليش هامج موضوع شعلينه احنه بشغلهم ..

سكتت ، ضليت بالغرفه لحد ماجه بيبر ودخل تفاجئ بوجودي ، حظني حيل رفع راسه يشم شعري رد شتاقيتلج ليش،عفتي البيت ورحتي يم ام ساري لهل درجه مو مهم عندج …

بلعت ريك جنت تعبانه بيبر ..

ميخالف ماتبتعدين عني ..

رمشت بهدوء ، تمام .. حجه وهسه شلونج ..

رديت الحمدلله ، ابتسمت ..

همس شتاقيت الج لزم وجهي باديه دافيه كعادتها …

كلبي يحبه المشكله احبه عميه عيون ووخفت كلبي هم يعمى ، اعرف حقاره عدي كلش زين شفته شلون يلعب البشر على اصابعه ، من يضوج من احد مايعوفه الا يدمره ..

اتوقع كلش زين هم ديلعب علينه وناوي على هجمان بس ليش شنو مصلحته ، ضل بالي الساعه مال بابا وشلون وصلت لبيبر ..

جابو العشه للغرفه تعشينه صاحو عليه ينزل بالحديقه يم شباب رفض ضل كاعد يمي وحاظني ، مددت انام ..
همست بيبر ..

عيونه ..

كتلي صدكي كلامي وكلبي قبل فتره ..

رفع جسمه فوكي اي .. ابتسمت عندك ذوق حلو بالساعات ..

رد عجبتج ساعتج اجيبلج اختها بس لونها فضي يكولون ذهب ابيض ...

توترت شوي ورديت:-  لا اقصد ساعه الحجي منين اخذت ساعه الحجي  صدك ..

صفن بوجهي :-  عيونج ميرال ..

همست شبيها ..

.مركزه بوجهي مباشرتا ..

- جاوب من وين الك الساعه ..

-عواد هداها الي بس اني ماحب البس ذهب ونطيتها ..

-عواد منين جابها ..

-اكيد اشتراها شنو ماصدكين بيه ..

-ساعه بابا هاي ..

ضحك ، شنو ..

- رديت زعلانه ، هاي ساعه بابا والله ،

ضحك بصوت اعلى :- شنو الرولاكس صنعت بس ساعه ابوج ميرال ، اكيد صنعت كميه جبيره صدك تحجين ..

سكتت مدمعه ، هزيت راسي متاكده ..

-تقرب عليه غلطانه حبيبي شهل حجي بس اذا تردين اسالج عليها ومنين اشتراها عواد ..

- سكتت ثواني .. حجه ميرا مو وياج شبيج عود من كل عقلج تحجين ، كل طلبيه لشركه رولاكس تنتج بالمئات الساعات ، قابل بس والدج الله يرحمه عنده منها ..

بلعت ريك نفس رقم ساعه بابا بيبر ،

شلون عرفتي ..

- بابا كالي من اشتراها ونفس الرقم عند الحجي ..

- شنو قصدج ميرال احنه حراميه مثلا ..

سكتت وجهي خرط من خوف ، نشف ريكي ماكدرت ارد ..

شفته ضاج دفعني و خر .. لزمته مو قصدي الساعه ذكرتني بابا شوفلي شنو قصتها الله عليك بيبر اريد كلبي يرتاح ، منين جابها اخوك ...

لزم جف ايدي اذا يسعدج هالشي تدللي والله من عين باجر اشوفها الج ،

جريت نفس وابتسمت راضيه .. 

نمت بحظنه متامله يجيب الي خبر شجاب ساعه بيد عواد .

حسيت عليه تحرك وكام من يمي بنص اليل فتح الباب وطلع ، ماعرف حلم مدري بالواقع ، بس اكو ضوه داخل للغرفه من الباب، جفني كلش ثكيل ماكدرت اكعد ..

حصت كوه وكمت على حيلي ، ماعرف ليش،كمت بسرعه تحركت وكمت من فراشي ، الباب مردوده بس ممسدوده ..

مديت ايدي بس جريتها انفتحت ، صوت عواد وام زياد جوه ..

وكفت من سمعت بيبر يكله ساعه منين جبتها غير تنبهني انته شنوو غبي شوكت عقلك يشتغل ..

ام زياد ترد شنو صنعها ماصنع غيرها ، رد عواد كللها مو هيه وخلص على شنو خايف منها انته هم عميه وهم خايف منها …

نتر بي ذكيييه ذكييه ، انته ساعه منين جبتها ..

-رد والله مو بالي شمدريني صار كم سنه مرت من اخذتها شدراني من منو …

ضرب على ايده بيبر و همس بعصبيه عووواد اخر مره والله اطمطم عليك خلص فاااض صبرري منك فااض …

رجعت ليوره اني وعفتهم يكملون كلام وام زياد تحرضه عليه تكله ضبها ليش هيج منطيها مجال وتخاف منها…

رجعت لفراشي لميت جسمي لصدري وحظنت روحي جسمي كزبر جن بردت ..

غمضت عيوني حيل لاتفكررين لاتفكيرررين نامي هسه نامي …

ماكدرت انام جذب اذا اكول نمت ، ضل هو جوه ماعرف شبي و شنو ديحجي ، 

ماعرف شلون غفيت وصبح الصبح هو مو يمي ..

ثاني يوم كعدت مالكينه لا عواد ولا غزل طالعين سفره وين محد يعرف ..

سالت ديما وينهم ، عوجت حلكها شدراني شو كعد صبح مخبوص جر الرقاصه مالته وطلعوو ..

رفعت حواجبي ، ام زياد وين ..

يم ايلاف يكولون مريضه ..

بعدها عروس  ماتهنت ..

باين العريس متحمس زياده ههههه ..

 شهل تفكير …

درت وجهي ، جان كلاص ماي كبالي مديت ايدي اشيله اشرب ، بس رفعته لحلكي عاطت ديما عزاااا ولج ، من فزتي شمرت الكلاص اشتعل ابيج ياديما شبيج ..

ياا صلاوات شلون شلتي الكلاص ..

نترت بعصبيه :- حسيت بي كبالي حسيت ….

لزمت صدرها يمه عبالي جني دلاج عليه ..

داشوف غواش ترى الحمدلله ..

تقربت علي شتشوفين خيه ..

غواش ضلال مال الاشكال شي يعني المهم داشوف شغلات ..

يااجن جنيتي ميرال كثر ماتوهسين بالشوف ..

درت وجهي مابيه اشرح وهذول ما يصدكون لا والله …

انتظرت يرجع بيبر ، واساله ، بس رجع شافني واكفه يمه واحوص ، حجه شبيج …

الساعه ؟؟؟!

ضحك مشتريها من صايغ بسليمانيه ومن سالت اليوم طلع اكو ست قطع منها بالعراق يعني مو بس هيه حبيبي …

ابتسمت من جذب هزيت راسي ، حجه عندي موعد ويه عدي تردين شي ..

هزيت راسي سلامتك ، توجهه للخزنه يفتحها ..

درت عيوني عليه ركزت وياه .. ٢٠٠١ بعدها ٢ شنو رقم وره الاثنين ما انتبهت ٣ لو ٤ . .

درت وجهي طلع الفلوس و سدها حجه طالع حبيبي باسني وطلع …

رمشت بهدوء ، كمت للشباك شفته طلت بالسيارته ..

رجعت للكنتور فتحت الخانه و مديت ايدي على الخزنه كتبت رقم جن مواليد .. ٢٠٠١ و٢ وراها صفنت كتب ٣ .. ما فتحت رجعت كررت كتبت ٤ مافتح .. كررت مره ثالثه كتبت رقم ٢٠٠١ ٢٢   فتحت ابتسمت ..

جريتها انفتحت ، جريت نفس ، مديت اديه اتلمس بيها بس فلوس ، واوراق ، جريتهم ماكدرت اقراهم كتابه مواضحه ..

اكو سلاح و بس …

مديت راسي اتاكد.،ماكو غيرهم ، سديته وخرت ، فتره ورجع عواد من السفر ، غزل احتلت البيت وكسبت ود ام زياد ..

اسمع كلامها ، ملتويه بشكل ، تخوف تاخذ الشغله بكلبي وروحي وشعدنه غيرج انتي بركه البيت ، لو من وصلت تصيح لام زياد ماما ؟؟؟!!

حجت ديما هاك استلم الواكه تسبح بيها سباحه الرقاصه ..

سكتت اني ضايجه ، حجت شبيج ..

مابيه ..

مملاحظه نفسج صايره نكديه زياده ..

جوزي مني ..

والله اذا ماعاجبتج ولي يم غزل ..

شهكت هاااا ..

لزمت ايدها كبري عقلج لاصيرين مثلهم كلكم عليه ،

-ردت متغيره ميرال ، ترى اني ماعندي احد بهل الدنيا صديق الي بس انتي والله .  حتى ذاك الرجال طفش مني ..

-انسي واضربي ذكراه بسبعين نعال ، استغلالي استغلج حيل ..

جرت نفس بحسره ، اجه بيبر باليل سويت نفسي نايمه ، حجه ميرال كاعده ..

تقرب عليه غمضت عيوني ، تقرب من وجهي حبيبي كاعده ..

لزم كصتي يمسد عليها ، جر نفس ضايج حس عليه كاعده بس ماحجه ، كام ، فتح الباب وطلع فتحت عيوني ؛ جريت نفس ، كعدت على حيلي ، لزمت راسي ، من يومها هو بالي مكالماته كلامه ، خاله اذني يمه ..

باليل ينام بحظني يفز كل شوي يفز ، ويرجع يخلي راسه على صدري ، اسم حوري دومه بالسانه ..

حرت بي وبتفاصيله وصلت مرحله كمت احس ماعرفه ، كلامه وياي ارق من الورد ، بس ويه عواد لو الشباب مو بيبر ، ابد مو هو اخاف منه لابس ماعرفه ابد ..

سالفه الساعه خلت مسافه بينه ، بس هم دفنها و نهاها هو بجمله غلطانه وعواد مشتريها ، ماكدرت افك حلكي بعد ..

شنو اكله اكيد راح يكلي تبوكين اخويه شنو ..

احب احجي وياه بهدوء من اجي بهدوء اخذ نتيجه منه ، بس خلي اضوج لو اعصب ينكلب عليه ، ماعرف حتى اتفاهم وياه هو هم يتبع اسلوب هذا جواب الي عندي كاافي اسكتي ...

جنت اعصب وانتر بعدين افش اخاف لا افقد السيطره عليه ، يطلع هو عصبي و ضايج ...

قبل جنت ماحاسه او مجاهله بس ماعرف شنو تغير وخلاني اوكف على كل كلمه يكولها او تصرف يسوي ..

يمكن لان عرفته ديجذب عليه ، او مستغفلني والله مو غبيه بس جنت مامنه حيل وامشي وياه على عماي لان احبه ولان ابد ماجرحني بكلمه ، بس كذب عليه اكثر من مره ..

والي يكذب معناها عنده شي جبير ضامه ويخاف منه …

بعدها بفتره صعدت الي ام زياد ، وكفت تهدد و تتوعد ، مافتهمت شنو علتها بس عرفته ملاحظه انو بيبر ممرتاح مو سعيد وياي مثل قبل ..

وكفت لطولي الها شنو خصج بالموضوع ام زياد اني وزوجي ..

مادامج ابيتي خصني ونصص ..

بيبر شكالج شي مني مثلا ..

-ماشكه بس اني مو عميه شنو يمه حظرتج برنسيسه حالج حال الموجودات شنو انتي متكبره عليه وعااثته هاا عبالج صعبه ازوجه وحده مثل غزل واخلها فوك راسج وانتي تنشمرين بركن ..

ابتسمت الها :- اني مو ديما ام زياد تدخلين بحياتي اني ورجلي و تهجميها ، بعده ماصار الي يهدم الي بيني وبين بيبر ..

ديربالج تستضعفيني بس لان عميه ابد ، بنت خير اني ،  يوم الي اشوف مالي قيمه هنا واحترام اخذ عايلتي وارجع لبيت ابويا ..

-مادام هيج استعجلي لان اني بلش صبري ينفذ ويااج والولد خلص طفح كيله ..

-رديت يجي بيبر ويصير خير ..

-تهدديني .. ضحكت .. لا ياامي غلط ماتعرفيني بعدج  .

-ابتسمت :- الا اعرفج ام زياد اكثر انسانه تعرفج اني ؛  وجربتج هم ، 

ماحجت مدري شكالت بس سمعت اخر شي ترد اتحملي الي يجرالج لعد …

طلعت وركعت باب غرفتي حيل ، غمضت عيني اديه ترجف الله لايرضه عليج ياظالمه ..

لزمت راسي يوجعني  . 

تالا  …

دالف بشعري واسمع نانه صاحت رايحه تردين شي اجيبه الج صحت لاا ، طلعت الها شوكت تجين ..

بس نخلص فحص اجيبها واجي ما نروح لغير مكان ..

وكفت يعني ماتكلولها طرحت لشوكت اضلون ضامين عنها ..

رجلها مارضه بعدين اختج صحتها مو هالكد بيش طالبيها ، خليها هيج احسن ..

اكيد الدكتوره راح تحجي كبالها و تكللها عن سبب الالم الي بطنها . دوم تشكي من بطنها هي ..

-لا رجلها متفق ويه الدكتوره قبل حاجيلها الحاله ، بس تفحصها ماتحجي شي الها ،  دنتاكد مابيها شي ونرجع ..

هزيت راسي اخذت  جنطتها وراحت وياها وصلهن بشار ..

رجعت اني للغرفه طلعت نتيجه مالتي ناجحه الحمدلله ..

مديت راسي ادور على ساري بس اسامه كاعد يلعب بصاله ..

شوي ودخل ساري ، حجه ها راحت امي ..

هزيت راسي اي ..

دخلت للغرفه املص جهازي من شحن لكيت دانيال داك وداز رسائل ..

ابتسمت ، دخل اسامه كعد يمي ، رفعت حاجبي يااهلا شو هنا ..

رفع جتفه ضايج ..

كعدت على كرسي لزمت جهازي دافتحه بي رمز هو واكف فوكي ، درت وجهي عليه عيونه هو مركزه بجهاز ..

رفعت حواجبي شكوو ..

ماكو ضايج دشوف وياج ..

هزيت راسي دنجت فتحت جهاز وداكلب شفته راح ، مراسلني دانيال اشوفج ..

رديت وين..

بكيفج حددي ..

عوجت حلكي تعال بالبستان نحجي شوي ..

باليل ..

شمعنه ليش مو هسه نانه وميرال مو هنا .

لا ليل ستار ..

ضحكت ، رفعت راسي دشوف خاف اكو احد ، لمحت اسامه واكف يم ساري و ياشر اله ، هز راسه ساري و نطى من جيبه نستله ، ابتسمت فدوه شكد حنين على اخوو ..

دنجت اكمل مراسله ويه دانيال ، اجه بالي ساري ..

فتحت فيس اشوفه وينه ، شكد مراسل مارداه عليه ..

سال شلونها امج ولج وينج وين غطيتي ..

ليش خليتيني اتعلق بيج ورحتي هاي يسموها حقاره .. ابتسمت تعلقت بيه ابن نانه ولك ..

لزمت خصله من شعري افر بيها واني اشوف كلامه توسله ارد ، ما راسلته عفته ..

كلت باليل استغله فرصه موجود حتى ارقبه واشوف رده فعله من اراسله ..

اجت نانه بعد ساعتين تلهث تعبانه ، حجيت هاا نانه شلونها ..

هزت راسها الحمدلله زينه بس اختج نفسيتها مو زينه كل شوي تصفن ياايمه مدري شجاها ..

كتلها اروح اشوفها ، مشيت وياي،اسامه ، دخلت لبيتهم ، بيتهم هادى مابي صوت ، اغلب الوقت هم مموجودين وكلمن بغرفته ..

صعدت ليمها لكيتها كاعده على كرسي لامه رجليها لصدرها …

ميرال ..

رفعت راسها وندارت عليه تالا هلا بيج ..

شلونج تقربت عليها ..

زينه دراستج شلونها .. لاحظت وجها مصفر ..

الحمدلله داقره ..

عفيه عليج ..  حجيت شبيج ميرال ..

همست عيونها تلمع ، تعبانه ..

شنو جاي تتوجعين كعدت كبالها ..

مشتاقه لاهلي ..

رفعت حواجبي ، شكد مر على وفاتهم ميرال ما تجاوزتي وفاتهم ..

هزت راسها تعلمت شغله تالا محد يخاف عليك و يحبك بكد اهلك ..

ضحكت وبيبرس ميموت عليج شكد ناكره انتي ..

ابتسمت مقهوره دارت وجها ماحجت ، همست :- حبهم جذب حبيبتي ، 

شنو ..

همست ادرسي تالا ادرسي وافتحلج مشروع انتي فرصتج بالحياه احسن مني استغليها  ..

مديت ايدي على ايدها شبيج ميرال ..

بجت مختنكه ..

مكتئبه شنوو شبيج اروح اصيح نانه ..

هزت راسها لااا روحي تالا عوفيني ..

استغربت شبيها هاي …

اسامه ضل ياكل بالجكليت وككو بالغرفه خالي على ميز بكاسه ..

جريته دمشي مال الوجع مشاايف ، طلعت بوجهي ديما هيه وابنها ..

خالته بعرربانه تدفع بي ، نزلت عفتها وراي ، ماخليت بالي شبيها ، كلت مريضه وهيه من نوع التحسس زياده …

باليل استغليتها فرصه وطلعت اشوف دانيال ، انتظرته شوي تاخر ، كعدت شوي ، سمعت صوت وراي كمت بسرعه فازه ..

درت وجهي ماكو احد ، نوب انشمرت حجاره عليه اجت براسي عطت يماا ، كمت لحيلي منوو هنا ، صوت شي وكع ، عطت رجعت ركضت للبيت .. انجريت حيل ليوره وصوت ضحك ..

رفعت وجهي اعيط ، لان دانيال مجلب بيه ويضحك ، رديت الله لايوفقك يالنذل دفعته حيل خرعتني ..

لزمت كلبي اجيت انجلط الا شوي والله ..

هو مستمر يضحك شفتي وجهج وانتي تعيطين لو لااا …

وكفت معصبه ، شكد لئيم ، رفع راسه يضحك شلونج ..

شلوني هذ لوني يعني شلوني ..

ضربني اشاقه ولج شبيج فرك وجهه مشتاقلج ، تعاي هنا جرني كعدني وكعد بصفي ..اي سولفيلي شلونها دراستج ، رديت زينه ..

وصاحبتج الكحب** رفعت حواجبي ، منوو ..

رنا موو اي اسمها رنا .. 

رديت ماجايه ماداوم صار فتره ماعرف ليش ، هز راسه وباوع كباله صافن ..  احسن ، هاي مو مال دراسه ؛ هاي شغلها ثكيل فرفوره …

شنو ..

جر نفس ندار عليه يباوعلي من فوك ليجوه وانتي ..

شبيه …

شخبارج ..

ماشي الحال كم مره سالت شلونج ، ابتسمت ..

مد ايده وطلع شي من جيبه بطل صغير .

مدلي ايده تشربين ..

عرك ؟؟! مسلمه ترى حرام ..

ضحك .. مسلمين يشربون اكثر من المسيح اساليني اني ..

اي عاد انته خبره بهل شغله ما شاء الله  ..

دار وجه عني اني شراب اي بس ماخون ..

رفع البطل يشرب ، سكتت .. حجيت ولا اني ..

دار عليه مبتسم شلون لعد حبيتيني وانتي تحبين ساري ..

عقدت حواجبي منو كال احبك ..

ضحك شجابج يمي لعد بهل اليل وره اهلج ..

بهت وجهي ، سكتت زحت نظري عنه مد ايده على وجهي جره ، عليه ، حجه اذا متحبيني ليش بعدج تراسيلني  .

بلعت ريك ساكته ..

ابتسم اذا خطبتج توافقين ..

ابتسمت ..

رفع حواجبه ، توافقين ..

ماعرف بعدني صغيره ..

يعني ماعندج اعتراض افتهم منج ..

بعدني صغيره ميرال ماتقبل ..

هم رجعنه على ميرال  ، هيه ميرال من تزوجت اخذت رايج لو سالتج مثلا ..

رفعت جتفي لا ..

ليش لعد تحطم شخصيتج بينما هيه اخذت قراراتها بكيفها بدون متاخذ اذن احد ..

لزم ايدي و جرني عليه اني احبج ترى تالا والرب بس ماعرفت اكلج او كلت خاف نزوه ، بس لمن صفنت لكيت نفسي حتى اخاف الوثج دوم الشغلات غلط ابعدها عنج .. 

شغلت غلط شلون ..

مثل رنا يعني ..

شبيها ..

اوو تالا طلعتي انتي فهمج بطيئ لذلك طلعتي اكمال بدراستج ، هسه اني شارب و صاحي احسن منج شهل عقل عندج ..

-خلفه عليه شو دوخر دفعته ..

-تعاي ولج دحاجيج جرني عليه حيل وكعت بحظنه .. همست وخرر ..

دار يباوعلي كمت لحيلي وخرت منه جريت نفس اروح الدنيا اليل خاف احد ينتبهه ..

هز راسه روحي ، مشيت التفتت عليه بعده عيونه عليه ..

رجعت للملحق مبتسمه يحبني ؟؟ عود صدك حبني شبسرعه وشلون ..

انردمت بجسم رجعت ليوره شهكت لان سااري يباوعلي بريبه شسوين هنا ..

تلعثمت دافتر جنت يم هذا يم ميرال و فتريت شوي شكوو شبيك .

باوع وراي دخلي امشي جوه شكو طالعه بهل ليل ..

دخلت بسرعه وجهي احسه نار نار ، دخلت اتلفت وراي عليه هو يباوعلي مصغر عيونه دخلت كبل يم نانه اشتغل اضيع السالفه عليه ..

تحججت جنت يم ميرال خفت لايروح ويسالها .. 

بس لاحظناه كلنه ميرال تغيرت ، تغيرت حيل ، هادئه حيل ، ماعرف شنو سبب ، يمكن من الاجهاض او جسمها تعب بعد الجلطه بس نفسيتها نفس شي كلام قليل دوم صافنه بس اسالها شبيج تبجي  ..

لاحظته ذيج الايام حتى رجلها نفرته ، بيبر اجه لنانه يحاجيها يكللها شبيها اساليها شنو بيها ..

نانه ترد لان طارحه هرمونات متخربطه ، رد مو هيج يعني حتى كلامها قطعته مجاي تتجاوب وياي ..

سكتت نانه صافنه وخجلانه حجت اليوم اشوفها ..

بس طلع اجت خالته ام زياد على الواكف سلمت ..

بسرعه كامت نانه مسحت اديها بملابسها و كعدت تهلي بيها و تستضيفها فرحانه بيها ..

حجت هيه رافعه خشمها ماجايه اكعد ، جايه اكولج كم كلمه ورايحه ..

بهت وجه نانه وابتسمت فشلانه كولي عيوني ام زياد …

ميرال شنو قصتها كاعده وياها مفاهمه شنو علتها لو هاي حالات تجيها من هيه صغيره ..

ابتسمت نانه تاشر :-حالات شنو عيوني بت كلشي مابيها عين الله تحرسها بس طارحه هو شنو الاجهاض قابل سهل يام زياد ..

دارت وجها مو عاجبها :- نترت ، ابن اختي شايلها بعيونه بس اضن ميرال دافره نعمه و عذبت الولد صار فتره هالحجي مايعجبني اني ، هنه كلمتين ام ساري تفهميهن الها وتخلي عقلها براسها لو اتصرف اني ..

حجت بخوف :-  شلون يعني تتصرفين ام زياد .

باوعت على نانه ورفعت حواجبها ارجعها منين ماجابها ابن اختي ، حتى كلمن يعرف مقامه ..

وجهي نانه صوفر ردت  ترى ميرال بنت خير ام زياد بنت صايغ ابناً عند جد مقامها عالي من دومه بس …. قاطعتها بلا بس بلا حجي زايد اني خلكي ضيك وهاي البنت من يومها مادخلت راسي ، عاطت بينه حيل اثنينه فززتنه …تحشر نفسها بكلشي و حجايتها مسموعه عد رجلها وهاليحجي ماصرفلي ..

رجعت ليوره نانه مخترعه ، نترت حيل لهنااا وبس كاافي ، عقليها لا وحق هو الله اشوفها الي ماشافته ديمااا افتهمتي ..

هزينه راسنه اثنينه صافنات بوجهه خرعنته طلعت بسرعه عصبيه وتهف بمشيتها ..

انداريت علي نانه ترجف همست الها ،  والله هاي من يمها مسمومه شبيها كبر هالعجوز ..

كعدت نانه لزمت رجليها تفرك بيهم :-  هبطتني ولج مووت رجليه من الخوف ، شجاها علينه ..

بنفس اليوم مشيت اني و نانه الها نشوف شبيها ..

نانه كعدت  وصلت الحجي لميرال كالت الها اذا ماذيج احجي تعاي يمي اذا خايفه يطردوني اني اعوف الفله واهج ..

سكتت ميرال بس مدمعه ، همست لنانه شكد جان عمره  …

وجهنه بهت شنو ..

الطفل المات  شكد عمره جان ..

بلعت ريك نانه وردت مقهوره :-  ثلاث اسابيع يايمه نطفه هو لا تعتبري صار ، دارت وجها ميرال ماحجت بعد ..

يماا ميرال لازعلين ..

ابتسمت مازعلانه هو راح يم اهلي ، يمكن احسن اله .. 

سكتت نانه تباوعلي ، تهز براسها باسف ، ردت كملت ميرال بابا اخذه هو كلي حاخذه ...

وجهي اني خرط ، حسيتها جنت على الاخر والله ، اني ونانه ساكتات نجاريها شنسوي ..

رجعنه للبيت و بالنه يمها ..

الصبح رحت للدوام ويه ابو حمد لنص الدرب كتله نزلني ، اريد اروح اخذ دفاتر منا عود اكمل مشي ..

نزلت ودرت وجهي اشوف غدير عينها عليه رافعه حواجبه بضوجه ، جريت عيوني منها جر اغثها وكملت مشي للمكتبه ، دخلت اشتري منها ..

اخذت الشغله الي اريدها وطلعت وكفت انتظر ابو عيون خظر ... شوي وصفت سياره دانيال دنجت مبتسمه اشوفه ..

فتح الجامه دار وجه عليه ، طك اصبعه هلااا هلااا ..طلع صوت عالي من سيارته مشغل اغنيه ساجده عبيد انكسرت شيشه .. هز راسه يغني شكل لامي من اروح انكسرت شيشه .  

ضحكت .. جريت الباب و صعدت بصفه ..

حجيت وين نروح ..

دار يباوعلي مبتسم  ، للجنه نكسر الشيشه ..

همست شنو اضحك  …

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

هاي شبيها 😅 انزوووول

تعالو نرجووع هاي زعلانه خرووب ...

سبب التاخير وضحته ام عبدالله ترى قبل يومين ان جنتو ماحاظرين او ممتابعين اني شعلي 🙁🥺