رواية قاع الشياطين الفصل الثالث والثلاثون 33 - بقلم اسماء ديمير

.....................☆البارت الثامن والعشرون  ☆..................

#قاع_الشياطين(البصر والبصيره)

#بقلم_أسماء_ديمير

اجاني صوت ميرال شنو هالدم ..

صوت سياره بره وفتحت الباب الخارجيه السلايد .. هزيت راسه خايفه ، رفعت راسي ، ستار شوفه شبي مديتحرك ..بجيت خليت راسي عليه ماعرف ، 

تقدم عليه ، اخذه مني يشوفه وحجه هذا ميت يمعوده منو سوه بي هيج راسه متفلش ..

كعدت بالارض ابجي حيل ، وامير طك من بجي جوه ..

- حجه هذا امه وين  ..

- ديما ماعرف شوفه بغرفتي ديبجي ، عافني وركض عليه ، صوت عدي و بيبر ، شلت الجلب وطلعت عليه دم ينكط على رجليه ، توجهت على صوتهم ابجي اصيح بيبر جلب مالتي مات ..

عطت بيبر ،،،

رد مخترع هاا هااشبيج شهل دم ..

وكفت بمكاني ابجي تقرب عليه يركض .. يجرني شبيج شهل  دم ، اشهك واحجي مات جلب شوفه ..

وخره من ايدي شبي ولج انتي شبيج .. هذا الدم منج لو من جلب وكف يتلمسني ، حجه من جلب هذا . .

اي شوفه اخذه لدكتور عفيه توه مابي شي ، اخذه يشوفه اني وكفت على صفحه ابجي ، صوت ام زيادحجت هاا شبيها هاي ..

ماحجيت بس اشهك حجه هذا ميت ميرال شبي واكع من ااسطح شنو راسه مف..   سكت شوي وحجه بعد ثواني ..  وين لكيتي هيج ..

هزيت راسي والله ما بي شي توه جان ينبح من سكت طلعت اشوفه شبي لكيته بالارض خانس ودمه ينزل مابي شي سكتت شوي وكلت عواد جان بالبيت ..

جان يصيح سكتي جلبج يالعميه  خفت اطلع لان باين سكران .

قاطعتني ام زياد عواد من الصبح يمنا شجابه عليج ..

هزيت راسي والله عواد جان هنا حتى اسال الحراس ، حجت ام زياد تعال ولك ..

حجت ويه واحد :-  عواد من الصبح جان يمي شنو اجه هنا مثلا متوهمه اني لو اجذب ..

ردالحارس لا ست حشاج ماجه ستاذ عواد ماشفته اليوم كله ..

فتحت عيوني لاتكذب عفيه بيبر مايسولك شي اذا حجيت مو اجه عواد .

رد لا ست متوهمه حظرتج .

درت وجهي ابجي بيبر مداجذب والله ، حجت ام زياد هو انتي يوم تكولين داشوف ويوم تتوهمين بالاصوات متكليلي شنو انتي جنيتي كلش ..

دفعت بيبر وخرته ودرت ظهري امشي ، حجت هذا امير وين امه من يصارخ ..

رد ستار :- مموجوده بالبيت ام زياد كانو طالعه ..

وين داحت هاي بت زن*

غمضت عيوني ارجف اديه مدبكه كلها دم ، حسبت بيد لزمت جتفي حجه منا البيت تعاي دفعته وخرر مدصدكني مو ..

- مصدكج بس تعاي ..

بجيت مدصدك والله عبالكم جنيت ، اي ماشوف بس مو معناها غبيه و غشيمه قاطعني وين ديما راحت وطفل ليش يمج .

-هذا الهامك جلب انكتل اليوم واحد ضاربه وموته واخوك الي كتله ..

-نتر كاافي ، ديما وين راحت و ليش تخلين امير يمج ..

مارديت عليه دفعت ايده و مشيت لغرفتي ، دخلت للحمام نزعت ملابسي ..

كعدت بالبانيو ابجي لميت جسمي ارجف ، فتحت باب الحمام حيل وكف ميرال احجي وين ولت ..

-همست مادري شنو اشتغل مسجله ملاحظات عند حظرتك خلي خالتك تشتغل هشغله مو طلع عدها تاثر على حراس خلي هم ينقلولها منو دخل منو طلع ..

-تادبي ميرال ..

نزلت دموعي ساكته ، درت وجهي بعيد عنه ، عافني وطلع ثواني واسمع صوته طلع يصيح ..

-وخالته ترد اني اربيها شنوو هيه تايه سالفه ..

بجيت لمن صدع راسي حسيت روحي بحرب خسرانه بس لان ماشوف  ، ادري شنو مجنونه لو جاهل محد ياخذ بكلامي لو هم يعرفون شلون يكلبون طاوله عليه ..

لو اني دخلت لملعب ماعرف قواعده ونظامه ، من يومها بلشت حربي ويه خالته اول مره من دفعني عواد و هددتني سكتت ..

هسه اطلعني مجنونه و بعد كم يوم تذب عليه تهمه وتجيب منو يشهد ضدي ، حسيتها تكرهني لو مستنقصه مني هيه حتى ديما تضوج منا ماعرف تحب منو هالمريضه هاي ..

تذكرت جلبي رجعت انهضمت وكملت العزا مالتي يكرم الله نمرد كلبي مرد حتى كمت كوه انتفس من القهر ..

لفيت برنص و طلعت انشف بشعري ، والشهكه بعدها بصدري صوت طكه جداحه اكو بالغرفه ..

معناها موجود  ، درت وجهي ضايجه توجهت للميز ..

حجه هو :- هاي شلون تطلع ديما من البيت بدون ميشوفوها حراس منين دتطلع من اي باب  ..

-ماحجيت سكتت ..

-مو وياااج ميرال ..

-من نفس الباب الي دخل منها اخوك ماشافو الحراس ، 

سكت ، ترادديني ميرال ..

-تريدني اصير منافقه الك مامكفيك الجذابين منافقين الي بحياتك ..

-دتجازين هذا مو اسلوبج ، رجعي لعقلج مناقص وجع راس وحق الله ..

درت عليه مهضومه ، خالتك طلعتني مجنونه و الحارس جذب قسم بالله جذب لان يخاف منها انته تعرف كلش زين بس سكتت ليش لان ماتحب تفشل خالتك بس من يجذبون مرته كبالك عادي سالفه مو قصه حيواني مات لاا منا وهيج شنو يحجون عني تصدك .

اي شي يحجو تصدكه واني متصدكني مو معناها ماشوف معناها مافتهم لو غبيه ؛ بيبر اني من الصوت اعرف مقابيلي شنوو..

ولا تسال على ديما ابد ، انته تعرف وينها ، لو ماشاك ماتلح بالسؤال ، واكولها الك عدها رجال يحاسبها انته حير بروحك و بمرتك الي كلها مستنقصه منها  ..

ذبيت مشط حيل على ميز هو ساكت مارد ..

توجهت للكنتور اطلع ملابس ، مديت ايدي هلى قسم بناطير ، جريت واحد ، ونزلت ايدي على قسم القمصان ..

حجه مو عوايدج تلبسين بنطرون .. نترت بي بكيييفي والله …

اخذتهم ودخلت للحمام ، ثواني و لحكني بالملابس داخليه حجه نسيتي هذول اختاريتهم على ذوقي جريتهم من ايده حيل ..

همس ماتلوكلج القسوه ولج ، شحلاتها الحنيه عليج بصوتج ..

ماحجيت انداريت ونطيته ظهري دنجت البس ، مد اصابعه تلمس ظهري بلطف ، حجيت وخر عني ..

مشتاقلج ليش تلكيتيني هيج ..

تقرب حظني ، برطمت اريد ابجي جلبي مات ومات مقتول ..

-يا هل نهار الاسود لو ماميت جان اني اخذته و شمرته لان لاحظت تهتمين بي اكثر مني ..

-اخوك كتله والله ، 

-سكت جر نفس بزعان اشتريلج غيره واحسن منه  ..

-ياهدوءك بيبر ياهدوءك ، اكلك الحيوان انكتل تكلي اجيبلج غيره ..

-انتي كلتيها حيوان ، البشر جاي تموت مكتوله وتنسي ..

-فتحت عيوني بهل بساطه ..

-هذا يومه حبيبي هههه ..

غمضت عيوني ضايجه ، حظني تعاي ماحنيتي الي ، دفعته تعبانه ، رد عود نامي ارتاحي ،

ما قاومته جنت تعبانه مابيه حيل احجي ولا اقاوم سكتت ، وراها نمت ، من كعدت اسمع صوت خالته بعدها يمنه ..

ماعرف شصار على ديما لو على ابنها ، حرت بحزني و قهري ، 

اسمع صوت عواد ..

طلعت وكفت بصف الباب اسمع ..

يكله اني ماجيت هنا اصلا جنت يم خالتي رحت اتغده ، هاي مرتك خبط عدها الدهن والماي ، ويضحك 

يكول والله يالله شايفني اخلي عقلي ويه عقل حيوان ، جريت نفس خالته تكله بيبر مملاحظ نفسك امي تنطيها اذنك هواي و ماثره عليك ..

من شوكت نسوان تدخل بينكم ، ديما صارت وراحت ماتجرأت تفك حلكها ويه عواد وتخاف من اسمه ..

الا هاي واكفه و تنتر بيك ودفعك كبالنه ، وتراددني ، من شوكت نسوانكم تراددني ، تزوجت اثنين قبلها ، مافكن حلكهن وياي  .

الا هاي فوك ما عدها عاهه هم ماتنجرع ، نتر خاااله لا تقارنيها بذيجنه ..

هاي وحد هاي مرتي و اني مختارها ، لحد يندك بيها .

- ردت بغل :- معناها هاي يوميه مطوله السانها علينه و تتهمنه ..

-شتحجي خلي تحجي مابيها اذيه ، ميرال مسالمه ، بس انتو خالين عقلكم وياها ..

-لا هاهيه ربحنه استلم عواد اخوك صار رجيج اكوم اروح لبيتي احسن الي ، حجه عواد اخذيني وياج خاله خلي البيت اله ولمرته ..

رجعت لغرفتي ياالحقراء يالمنافقين …

عرفت بيومها جلب دفنو بالحديقه ، يكرم اسم الله متت بيومها ، شلون ام و مات ابنها ..

شطت شوطه نسيت بيها حتى ديما و سالفتها ، كضيتها بجي لو اصفن ، غراض الجلب شالعن بيبر و ضمهن ..

يعني ماطول نص يوم خفو الجلب و اثره ، عبالك كاتلين جلب قبل ويعرفون شلون يخفون اثره وذكراه ..

ويكلي تنسي يمعوده هو حيوان ، اجيبلج هالمره بزون لاتنقهرين ..واذا كلش اشتريلج فيل لو زرافه .. احسه يضحك علي لو ماخذني على كد عقلي ..

ثاني يوم بيبر طلع للشغل اني ضليت بغرفتي ، سمعت صوت عواد بره مثل صوت الططوه طاح حظك ..

شكد مزعج ، صوت ستار يرد عليه اعقل عواد شبيك متخبل متكلي ذب الحديده لا تاذي احد متدري بنفسك ..

رد يفشر عليه ، ويكله تشوفها شطولها اخليها كلها ب**** ..

صفنت هو عود ليش ماعنده شغل يولي اله ، مكضيها شرب و مشاكل ، سمعت صوت ستار صاح ااخ ..

كمت بسرعه توجهت فتحت شباك اسمع ، رد الحارس استاذ عواد دميته صدك تحجي و ستار يرد ياساقط ولك شنو انته شايف نفسك متكلي ..

رد عواد حتى تتادب من تحجي وياي مو كل كلمه و كلتي مو شغلك استاذ شغل استاذ بيبرس هذا لا شغلي ونص وادخل واذا مكويك عدي عليه كله وصله الحجي ، والله الحكه بالي قبله .

- اجاه صوت تعال جاي عواد تعال جاي شو مستفحل ، حير ابطلك الي بيدك  ابني ، ولاتدخل صار كم كارثه تسويها النه ونرجع الملمها الك شو تعال وصلت للضالين منك واني متحمل ..

عفست وجهي استلم راح يمالخون ، نوب بيبر مو هنا ..

معناها راح تعلك ، انتظرت احد يدخل و يفكهم ماكو جن ديتفرجون و كلها تريد.حجه على عواد .

بس اسمع صوت ربد هو يصيح ويغلط و يهدد يكتله خلاص لعدي ، و عدي يكله دكوم وصير مثل زلم وبعدين احجي جنك مره ، سمعت صوت سحبه القسام رجعت ليوره بسرعه خليت اديه على حلكي يمه اسم الله ..

من طلعت طلقه عطت خليت اديه على اذني ، رجعت بسرعه للغرفه خفت تجي ببه وحده ..

بعدت اديه اسمع بعدهم متعاركين و صوت صياح عواد يغلط ، صياحه عالي جن صارت عليه وليه ..

كل ربده ينربد و صيحه يصيح ، طلعت من الغرفه توجهت كبل للصاله ، ستار يصيح عوفه عدي لايجي بيبرس و تصير موخوش ..

رد عليهم :- دخل اكرض اذنه لهذا العار و اسويله درس خلي شيصير يصير  .

-استهدي بالرحمن عدي عوفه مايدري بنفسه ..

-دتووبه حتى مايجيب اسمي بطاري كل مره ، تعال بعدين انته فوك ما جبان طايح تكتل بجلاب عليش ياول ..

-ذاك يرد دهدننني دهدننني الا ماخليت رجلي ب*** 

صاح عدي ولك ستار ، جيبلي الكونيه الي يمك جيبها اذا ما عبيتك بيها وذبيتك بالشط ولا اطلع عدي ، الا اغدي السمج بيك ..

وعواد يصيح هدددني ، كووو* متعلم مووو شغلك كله كووواني ، بس هدني دشوفك عواد منو …

جسمي كزبر لفيت اديه على جسمي ارجف عزاا راح يكتلو خلاص يماا ، صاح بيهم جيبيل الحبل خلي احطه بالكونيه واربطه بالحبل اذا ماشوفتك النبي عربي ..

اسمع بس شباب يكلوله خلي يولي يمعود ، 

وبشار يضحك ، يكللهم عوفو مادامه سكران خلي ناخذ حيفنه منه من يصحى منكدرله ، اصلا ماراح يذكر شي ..

وصدك اسمعهم يكولون دشد الحبل زين لا يفلت ، و خلي راسه بنص كونيه ، عبو بالكونيه هو يعيط ، وربوها بالشجره .

صوته نكتم بس اسمع صوت ونه وضحك يشار يكله هسه احسن الك ، جنك نعجه مصلوبه تنتظر الصلخ شبيك تخبلت متكلي ..

ستار يكله اضن الكبسله هاي ، 

رد بشار :- هذا يخرط شريط بحاله بكعده وحده ، كون يعرف بيبر الا يزوعهن اله .

ستار حجه :- وربك كلشي يعرف ، هذا نمله اذا دبت يعرف ، بس مغلس على اخو هاي لو احنه جان خله القندره بحلكنه بدل الحبايه ..

-هو بيبرس هم كوا* مثل اخو .. 

-راعي خبزتك واني اخوك نتحمله شنسوي .. 

ضليت واكفه اتسمع الهم هبطوني عبالي صدك راح يموتو كلشي اتوقع منهم هذاول ، اجاني صوت من وره ظهري فززني ، عيب تتصنتين ..

التفتت اني حاظنه نفسي بلعت ريك ، بيتي امشي وين ماريد ..

-من يكون هنا عواد اكعدي بغرفتج واسكتي ، 

-جريت نفس شسويتو اله بيبر اذا عرف حيعصب ..

-ماسويتله شي خليته بكونيه وربطنا بالشجره هذا مكانه الطبيعي اصلا ، بس رجلج مكبر راسه ..

-صار رجلي هسه مو صاحبك هو ..

-ماكو شك ابد صاحبي ورفيق عمري ، بس عنده اخطاء بالفتره الاخيره ماينسكت عليها ، 

ماحاجيته عفته دارجع لغرفتي ، حجه ترى اني مصدكج ..

-التفتت عليه بسرعه شنو ..

اعرف عواد الي كتل الجلب ، مو هو سبحان الله حيوان يغار من حيوان فتلكي كتله عادي ..

صفنت ، حجه البارحه اذه جلب ونكر ، بعد كم يوم ياذيج انتي هم ، صدكي بوقتها محد يسعى ويدور على حقيقه الي صارلج ، 

خرط وجهي رمشت بهدوء ساكته وخايفه ..

-خلي بيبرس يسكنج انتي  وام ساري واختج بعد عنهم ، اذا بشمال يكون افضل قريب من خوالج .

-شدراك خوالي بالشمال ..

-كلشي اعرف اني كلشي ، نصحتج مره قبل ماخذتي بيها ؛ هالمره ثانيه داكلك روحي للشمال كون قريبه من كرايبى الج حتى اذا صار شي تلجأين الهم ..

عقدت حواجبي شيصير مثلا ، 

-جر نفس بزعان ، اللهم اني بلغت اللهم ااشهد ، عافني وطلع ، ضليت على وكفتي جامده ، رجعت كبل لغرفتي افكر بكلامه ، كبل السانه مثل سم هسه صح صاير اهدء بس اعرفه مسموم كلامه كله ملغم ..

عواد للمغرب ويله هدو ، قبل لايجي بيبر بشوي ، واكع بالاارض ويصيح اني الكم .

اجه بيبر لكاه ممطول بالارض وكله تراب و عشب تراس راسه ساله شبيك يحجي مخربط مايجمع جمله براسها خير ..

سال الحراس حجو ماندري و مايقبل نتقدم عليه نساعده ، و كعدهنا لوحده يتعارك ويه رايح وجاي ..

اخذه بيبر ودخله يغسل اله و يصحي ، شوي ودخل يمي بس اجه ، وكفت رافعه تك حاجب :- حجيت ترى عدي خلاه بكونيه و ربطه بالشجره من الصبح لحد قبل نص ساعه يله فلته ،  عود هاا هم لاتصدكني و صدك بجماعتك ..

درت ظهري وكعدت على كرسي استمع لكتاب صوتي ..

هو مانطق بشي ...

ابتسمت واني منطيته ظهري ، اختفت ابتسامتي عزاا هذا مو يسمو نفاق ...

هو طلع كبل بره بس اسمعه يحجي و يصيح بره ، يكللهم منو جان هنااا ،

جريت نفس لا مو نفاق ، حجيت الحقيقه اني ، مو مثلهم ، كلهم دجل وجذب ، اجت بالي ديما الي صار كم يوم غاطه عني ، اني هم ماوصلتها جنت زعلانه منها بعد صار وبسبب استغلالها الي ..

دخل التفتت عليه مبتسمه حجيت :- دشوف كميه نفاق العايش بيها انته لو لاا اغلبهم الحواليك منافقين ..

دخل الحمام وركع الباب حيل ومارد عليه ..

عفته شسويله يعني بعد ، مرت فتره عرفت ديما مالها حس لان رايحه لاهلها ، ليش ماعرف البيت فارغ بس حسي بي ، اجت نانه يمي بوقتها ، كالت تالا عدها امتحانات وماكدرت تجي ،
دعيت الله يوفقها مدري شعجب جاي تقره وملتهيه بالدراسه وطول اليوم ساده الباب على نفسها ..

فتره ورجعت ديما من اهلها ، توقعت تجي ليمي بس مااجت ..

رحت الها اني ، دكيت الباب ماترد .

صحت ديما وينج ..

حجت وجع شتردين منافقه ..

فكيت عيوني ياا فوكاها ، دكيت الباب افتحي الباب ولج ..

فتحتها حيل نترت شكوو .

هااا ..

شتردين ..

دمعت عيوني بهت وجهي ، درات وجهي ارجع فشلتني ، حجت وراي مكفاج فتنتي عليه يم رجلج ..

شسويت ..

منو كايله اني اطلع واطب محد يدري حتى الحرس ماشافوني بس انتي تعرفين ..

سكتت بلعت ريك ، ماحجيت رجعت لغرفتي اسحل بنفسي بس،دخلت بجيت ، حشه مو عايله جلاب مجلوبه ..

كعدت على كرسي امسح بدموعي ، احس راسي نار ، مشيت جريت جهاز دكيت على نانه ..
تعاي اخذيني ..

حجت شبيج يمه ، كبل بجيت تعاي اني مو زينه ..

يااسم الله شيوجعج هسه جايتج جايتج ..

سديته منها وكعدت انتظرها ، حظرت غراضي حتى اروح وياها ، ربع ساعه واجت ..

دخلت لغرفتي مخترعه ياا شبيج يماا ..

مسحت دموعي مابيه بس تعبانه ، اخذيني يمج ..

رجلج يدري لا ..

هو وينه حاير بالشغل وعايفني ..

غير شغله يايمه قابل يكعد و يكابلج ، دمشي وياي هسه اخلي ابو حمد ينطي خبر انتي يمي ..

اخذتني وطلعت ، جايبها ابو حمد ، حجت خابر استاذ ادبيبرس ابو حمد عود ميرال منه ..

ضحك ياا هلا بيها تنور ..

ابتسمت ، صعدت بسياره وياهم ، خابر بيبر كله ميخالف اخذوها شوي ودك عليه حجت نانه رجلج يمه يدك ، مارديت عليه عفته …

سكتت درت وجهي ؛ حركت سياره و مشت حجت نانه هاي مرت عواد تباوع علينه من شباك .

هزيت راسي اي ، حجه ابو حمد شبيج عمي شو مو على بعضج .
مريضه عمو ..

.سلامتج وانا عمج ..

اشكرك ، ردت اسالك قبل فتره عن شغله عمو بس استحيت ..

كولي عمي كولي ..

سمعت عندك ولد موو..

اي عمي حمودي شبي …

الله يحفظه مريض مو ..

اي عنده فشل كلوي بعيد عنكم يارب ..

الله يشفى سمعت قبل فتره وحبيت اتاكد اذا تحتاج شي امانه اني مثل بتك كولي ..

سالمه عمي رايدج سالمه بنت اصول والله القرايب ماحجوها هل حجايه .. 

دمعت عيوني هم دومهم الكرايب مالهم بس الاذيه ياعمي اسالني جربتهم . .

اي عمي الوكت تغير و البشر هم ..

درت وجهي مدمعه ، مبرطمه كوه لازمه نفسي مابجي ، مقهوره حيل ماكو بشر معاملني هيج قبل ، احسهم يكرهوني بدون سبب ..
وصلنه ودخلت كبل يم تالا ، لكيتها تقره ، اسالها جاي اسوين ترد اقره الامتحانات صعبه ..

ابتسمت كوني الج مستقبل تالا امن الج ..

سكتت ماردت ، جريت مخده و تمددت انام ، حست احد لزم رجلي ، صوت اسامه شوكت اجيتي ..

مديت ايدي توه تعال …

وكف يم راسي ريحته كلها جبس ، حجه تاكلين وياي هاج شوفي شجبت الج ..

شنو…
مديت ايدي لان طاسه جبيره تارسها جبس و بيها جكليت هم ، حجه شبيج زعلانه ..

بجيت كبل ، تالا فزت حجت شبيج هااا ..

وكفت يم راسي شبيج احد مضوجج ..

هزيت راسي لاا مختنكه بس ..

منو وياج بيبرس هاا كولي حتى ادز نانه عليه شبي وياج راحت تركض تصيح نانه تعاي ميرال تبجي ..

اسامه حظن راسي يكلي شببببيج منو زعلج هو يكول هيج واني انهضم بالزايد ..وابجي ..

اجت نانه مفزوعه حجت : هااا ضاربج رجلج يمه و ماخذه على خاطرج غير نعرف عليش تبجين  .. دخل ساري حجه ياهو وياج دحجي دنفتهم ..

..كعدت لحيلي اشهك واحجي ، عواد كتل جلب مالتي وام زياد تحجي عليه و تجذبني وتكول تخبلت و ديما طردتني من غرفتها تكلي فتانه ..

سكتو محد حجه ، بلعت ريك والله مااجذب ..
ردت نانه منو كلج جذابه حشاج يمه ليش هو انتي تعرفين جذبين بس ميخالف ياايمه ماتسوه ..

مسحت دموعي وجلبي مات و محد اخذ حقه ..

- ياعيني هو حيوان ميخالف الله ياخذ حقه عود ..

-اني ماروح هناك بعد حبقه هنا ، واذا يريدني بيبر يجي لهنا ماعيش يمهم بعد ..

-وين ترحين يايمه ..

-اخلي يودينه للشمال وانتو وياي ..

-ياااا من كل عقلط و مدارس هذول شنو العيشه بشمال وره الشارع يايمه  ..

-هذا الي عندي والله ماضل يم احد مايحترمني وياذيني ..

-يااا ، تالا حجت مدارسنه هنا شنو يوميه احنه بمدرسه ،، ساري رد اني بس هالسنه و اتخرج والله يعلم كليتي وين تصير ..

ردت نانه شهل حجي سدو الموضوع وانتي يمه استهدي بالرحمن و كولي يالله ، نامي ارتاحي هسه ..

مددت خليت ايدي جوه راسي ، غطتني وطلعو ، اسمع كلامهم بره مهامس ، ميخالف جاروها خطيه لان ابتعدت عنه مختنكه وهناك محد يكابلها مثل من جانت هنا كلنه نركض وراها ، تحس نفسها لوحدها ، وين قبل اذا تطلع للحديقه لازم اسامه لازمها ويمها .

اذا تدخل الحمام لازم احنه وياها ، ملابسها احنه نختارهم ، بعد الزواج هيه حارت بنفسها ورجلها مايعرف لطبعها ميخالف شتكول كولولها اي لاضوجوها وجاروها ، تغير الوضع عليها وهيج تعبانه نفسيتها  ..

غطيت راسي مختنكه احس نفسي جاهل وديضحكون عليه ..

لليل صبو العشه ، كعدت وياهم مالي نفس ، مسوين كبه ، خلولي بصحن كبالي وكعدت اكل وياهم ، احنه دنتعشه و اجه  بيبر اجتني نانه تكلي رجلج بره ..

رديت كليله دتعشه و تبات اليوم هنا ..

هاا يزعل الرجال عيب يمه ..

مايزعل ، دنجت اكل ، حجه ساري اذا مو زين وياج اطلكي ، خلي يولي ميستاهلج ..  منه رفعت راسي باتجاه  مصدومه .

-نترت تالا فال الله ولافالك بيش طالبها خييير شكوو خيير ..

-وجع وسم شبيج انهديتي شعليج تلزمين الساني انشالله .

-عليش تحرضها على رجلها شبيك رجال ومرته هو يحبها يموت عليها وهيه هم شكو توزها جنك شيطان ..

-مو اكوملج بالنعال والله ، احتراما للنعمه اعوفج ، .

- شو دكوم ، داكسرها لايدك ، اذا ماكلت لنانه ، شكد صلف انته كاعد بيته و فاتح بيتك هو ومنطيك راتب وتزوها عليه ،  شكد نذل ياربي.. تحجي و تعاركو و هفها براشدي وعاطت كامت اله بسراحيه الماي هفته على راسه..
خليت اديه على راسي من غضب الله انتوو يبووو راح تعموني نعل لشتكم .

ولك اسامه جرني كومني لا يشكون راسي ، بس صوت الصحون تنكسر و تالا تعيط هو يصيح خرا وخررري عني جلبه عضتتتني وخرري ..

دخلت نانه تصيح هاا هاا توه عفتكم هاا ، ولك هد شعرها ياا تالا فكي يمه راحت اذراع الولد ..

وخرت عنهم ، جرتني نانه تكلي رجلج بره يريدج ..

ماطلعت ضليت على وكفتي ، و هذول تمالخو نانه تصيح بينهم ..

ابتعدت شوي عن صاله لا انضرب ، سمعت صوت بيبر ميرال ؟

التفتت على مصدر صوت ضايجه ..

مد.ايده وجرني من جف ايدي تعال هنا ..

مشيت وياه طلعت بره المشتمل .

حجه تردين تباين هنا موو ،

ماحجيت ..

ممنوع تباتين بره حظني ..

رفعت حاجبي بس حظرتك تبات بره البيت عادي ..

شغل اني ..

شغل شغل كله شغل …

جرني دمشي ترى تعبان حيل وماهان عليه ادزلج ستار يجيبج كلت اروح بنفسي ..

جرني ومشه عفت وراي نانه تفك بساري و تالا الي هجمو العشه ، توجه بيه للبستان ، حجيت بالقارب ..

رد اي اقرب و تعبان هم مابيه اسوق ..

ساعدني وصعدني بالقارب ، كعد بصفي شبيج ميرال احجيلي …

سكتت ..

سولفيلي …

مختنكه وبس ، 

تمام من تردين تحجين تلكيني يمج ..

خليت راسي على جتفه ، شغل ماطور و، صوت الماي لو الهوى يرد الروح ، ريحه الاشجار باليل فايحه ، 

وصلنه و شالني من خصري نزلني ، 

من يومها ابتعدت عن ديما ، حزت بخاطري طردتها الي ، جوز اني حساسه ، او يمكن كلت كل صحبتي وياها و ساكته ومطمطه عليها تلكي منافقه استصعبتها حيل ..

عفتها حتى من اسمع امير يبجي مادخل ، ولا اروح الها اسالها شبي ، مرت فتره لحد ما هيه اجت ودكت باب الغرفه عليه ..

عرفتها هيه محد يوصل غرفتي ويدكها غيرها ، حجت ميرال هاي اني ديما ..

مارديت عليها ..

حجت افتحي عليج الله بس لا زعلانه مني ..

عوجت حلكي ، حجت امير مشتاقلج ..

مارديت جتفت اديه و سكتت ، حجت دفتحي لا تصيرين قاسيه ولج مشتاقه لسوالفنه ..

هم ماجاوبت دكت الباب حيل ترى اعرفج مانايمه كاعده ، كومي افتحي الباب بذاته ازعل والله و تعاي اكلج هاا عندي سر ..

سكتت اسمع ..

حجت هو مو سر بس دفتحي داكلج والله ماعندي احد غيرج اشكيله ..

بلعت ريك بفضول ، عوجت حلكي ضليت احوم ، وكفت اتحرمص ..

حجت :- ولج سر هالكبرررره ، اذا تسمعي تنصدمين ..

رفعت حواجبي احس حتى رهولت ، خرب شنو هالسر ..

- حجت قابل اكوله من وره الباب ترى خطير ..

رديت بصوت عالي ، من بعيد :- ديماا اذا مصيبه جديده ابعديها عني الله يخليج  ..

صاحت من وره الباب :- هاي انتي كاعده وتسمعيني يالحقيره كومي افتحي الي الباب لج …

كمت افتحها و صلت يم الباب فتحتها نترت من الاخر ديما ، ترى داحجي ودفعتني دووخري شكد نحسه ..

-تعاي اطلعي بره ديما يله مو اني منافقه ..

ا-نجبي تعاي دنحجي اخيتج حامل ..

-شهكت هااااا …

حجت اي بالله شفتي شلون .. حجيت اني بدون تردد من منو حامل ؟؟!

سكتت  ماردت ...

#يتبع ...

صفحه الفيس ( كتابات اسماء ديمير )

الانستا .. asmaa_ demer

كروب الفيس ( كاتبات وقارئات العراق )