رواية قاع الشياطين الفصل الثامن والثلاثون 38 - بقلم اسماء ديمير

...............☆البارت الثالث والثلاثون ☆...............

#قاع_الشياطين(البصر والبصيره)

#بقلم_أسماء_ديمير

ردت ترى رجلي صغيره …

ممم ، اخذت واحد وحجت شكرا حبيبتي  …

طلعت كبل ، مشيت وراها ، تلكاني بيبر وكف ، حجيت هاا شلوني  …

رد جوهره .. ابتسمت تقرب لزم حنجي يرفع وجهي عليه همس جوووهره ثمينه بالله . .

دك هورن و احد صاح يله يمعودددين ..

-بيش ساعه .

-رد بالسته يله تاخرنه من وره الكوافيره مالتج ..

-اخرت العرس صدك ..

-شلون لعد ، اذا لحريم بيبرس مايتاخر العرس ، علمود منوو يتاخر …

طلعت ديما شايله ابنها ؛ حاجاها بيبر و يانه اصعدي ام امير ، دنطلع و عواد يصيح ولج غزززل يله بت نعل …

-طلعت تركض عليه هاا بيبي هااا …

-ديما عوجت حلكها هاا بيبي هااا انعل ابوكم اثنينكم ..

-طلعت بينه السيارات ، 

ودخلن للمطعم جانو مجهزين طاوله النه على صفحه ، 

اسمع اصوات مرت عدي وضحكت عدي ، سمعت صوت طفل يحجي ، همست صوت طفل اكو اطفال مسموح يدخلون ..

-ردت ديما هذا ابن عدي اجه هو مرته ..

-شكد عمره ابنه ..

-باين سنتين لان يمشي صلاوات ..

-ام زياد وين ..

-واكفه مثل خراعه خضره توزع ابتسامات ..

-هههه ، درت وجهي ريحه اكل ، وخاصه مشاوي ،

حجيت ، ديما اكلج شو جعت ..

-عزا ميرال اعرفج مو ام نفس شجاج لا تفضحينه خيه ..

-مو شميت ريحه مشاوري و بطنيي بلشت تقرقر ..

-انجبي ميرال راح يسمعونه والله فشله اسكتي لو يخلون الاكل كبالج ممنوع تمدين ايدج و بيعي ثكل وكولي شبعاانه ماريد …

-جريت نفس ، نوب بلعت ريك ، همست اكلج هذا كباب لو معاليك ديشوو ؟؟!

-انعل ابو لشتج اذا صدك ولج انجبي شجاج انفجعتي عبالك مماكله ..

سكتت ، شوي وكتلها :- زين اريد ماي اضحك على مصاريني بي ..

-جرت بطل وفتحته صبته بالكلاص:-   هااج اشربي ..

كعدت اشرب بالماي الهي نفسي ، اجت مرت عدي دخلت تسلم بوستنه ، جرت كرسي كعدت بصفي ، 

-ابنها بصفها يفتر ، وينطق توه صوته شكد حلو عود ..

-مديت ايدي على راسه الله يحفظه ..

-يسلمج يارب اشكرج .. درت وجهي عليه بدي اشوفه وجه بس خفت ادخل بموقف يفشل نوب انفضح كبال الكل و تثبت عليه كلمه مجنونه ..

خاف غزل حجتها بعثره السان ، هذول لايحجوها كبالي وراي رسمي ،  شعره ناعم حيل وجهه دافي يااربي شهل لطافه وجمال ..

لزمته قربته ابوسه ريحته طيبه ، درت وجهي على ديما همست بيبر وين ..

-ردت مادري ..

-العرسان وين ..

-كاعدين على كوشه ..

-زين بيبر وين ..

- مو كتلج مادري ، ناويه تسالين عليه طول الحفله شنو ..

-غير عرس وين راح مو هو مسويها على حسابه عود ..

ضحكت حتى تنسيني السالفه  ، حجت :- صفكي ميرال صفكي حالج حال الناس وعيشي الفرح عادي .. كعدت تصفك مغلسه عليه ..

اني اكره الصوت العالي منا نوب محد يسولف الي مليت وكمت لحيلي حجت مرت عدي  هاا وين .. رديت بخجل للحمام ..

-ردت اوديج ..

-رديت خاف زحمه ، 

-لا عيوني عادي بحر هم يريد يروح ..

مشيت وياها جرتني من ايدي ، عبالها طفل لازمتني من جتفي ..

ابتسمت بس وجهيني ام بحر ترى متعوده اعرف امشي ، ضحكت اعذريني يعمري ، بس كبالج كبل المكان فاضي ..

مشيت وياها لزك ما تركتني ، لحد ما دخلنه للحمامات ، ابنها ودته جوه واني وكفت اغسل ، ثواني وطلعت حجت بس خلي عينج عليه اجيب الجنطه مالته بيها حفاظ فدوه ..

-تمام ..

راحت هو طلع وراها يحجي وين ماما ، رديت بابتسامه عليه ، هسه تجي تعال يمي  ، رد الوح عليها ..

ابتسمت انتظر شوي ..

-بجه الوح عليها ..

- والله هسه تجي انطيني ايدك  ..

-لا .. لزمت ودنجت بمستواه شو لابس بنطرونك انته لاا مديت ايدي لابس .. تعال نروح الها ..

جرني هو ، اني مشيت وراها طلعنه من حمامات ، هو يجر بيه يكلي ذج ماما …

مشيت وياه مدنجه لازمه ايده صاح ببااا .

-همست شنو  ..

-ركض جلبت بيده تعاال وين وين .  رد يصيح بببااا ..

دخلت وراه ماعرف وين بس صوت اختفه مال الموسيقى العالي  .. و اصوات الناس خفت حيل .. 

كانو ممر فارغ صوت كعبي مالتي طالع صوته  ..

رمشت حبيبي بحر وين احنه تعال هو يجر باصبعي ويصيح ذاك ببا ، لزمت الحايط اتلمس خايفه ومتوتره ، و منا بحر يجر بيه خفت لا يفلت ايدي واضيعه ..

عفيه تعال نرجع هسه تجي امك ماتلكانه .. مارد عليه ركض وجلبت بيده خايفه : انتظر شبيك بحر …

سمعت اصوات بس مو غريبه ..

صوت عدي ، صوت بيبر شجابهم هذول هنا .. 

مشيت بهدوء . وكفت متصنمه من سمعت صوت بجي ، جمدت بمكاني …

حجه بحر ببا .. دنجت عليه سويتله اشششش فتحت جزداني طلعت اله جكليته خليتها بيده اااش الزم  لاسوي صوت بابا يعصب ترى ..

ماشي .. همس اوكيييي ..

وكفت استمع للصوت ضعيف ممبين تقربت بهدوء خاف الكعب يطلع صوت ، صوت بجي مال زلمه مو بنت ..

يكله والله استاذ هددوني باهلي ماجنت ناوي انطيهم عنوان ومكان التسليم تدري بيه ماحجي ..

رد عليه بيبر:- و ليش مانطيت النه خبر .. 

-رد وداعت جهالي خطفو ابني الجبير و هددوني اذا فكيت حلكي يدزولي راسه ، 

-رد عليه عدي ياهو ، اهم ابنك  لو احنه …

رد يبجي خايف :- انتو اخوتي واصدقائي قبل لاتكونون راعين خبزتي ورزقي ، بس ابني طغل شذنبه فدوه ابوس اديكم السماح يابشوات   ..

رد عليه بيبر :- ذنبه انته ابوو ، تعرف ياعاصم الخاين ماله مكان عدنا ، واذا عفناك تطلع سلامات معناها الي بعدك راح يكرروها بدون خوف من العقاب ، ومن امن العقاب ساء الادب ،  لازم تصير عبره اصلا ..

استاذ بيبرس بداعت اهلك بس ..  بعده ممكمل وعاط دخيلك استاذ بيبرس دخيلك السماح   كانو دينضرب جسمي كزبر ..

رجعت ليوره مرعوبه ، ، حجه بيبرس على كل ميه مليون خساره اريد اصبع واحد ،

صاح  يله تولو شباب ، وعاط استاذ بيبرس دخيييلك انطي فرصه فددوه استاذ وراي جهال اربيهم دخيلك استاذي …

 جفلت اني ورجعت ليوره خايفه ارجف ، اريد اركض التفتت بسرعه ، وعثرت وكعت اني والفستان يماا دخيلك ياربي ..

جريت بحر وركضت اطلع من نفس الاتجاه ، الي اجيت منه ..

بعدني ممكمله ونجريت حيل عطت يماااااا .. 

ايد خطفت و لزمتني من ركبتي ، دفعتني ليوره على حايط وضغطت على ركبتي حيل خنكتني ، راسي لزك بالحايط بقوه .

بجيت كبل وخر وخرر عني الطفل حجه ببا ببا ..

-همس شجااابج هنا ولج طايحه الحظ ..

-لزمت اديه ادفعهم عني ، اختنكت كوه كمت اتنفس  ووخر عني وخررر ..

-موو جاي احجي شجااي تسووين هناا ، قرب وجه عليه .. احجي .. اختنكت كلش الهوى انكطع ..

اريد احجي ماكدر ، حتى النفس انكتم ، ضليت بس مغمضه واهامش باديه مختنكه ..

شوي ويغمى عليه بسبب قله الاوكسجين ، احس شرايين وجهي راح تنط ..

 هدني ودفعني حيل بالكاع ، دنجت بالارض اكح ازمت ركبتي مدمعه الله لايوفقك ، دنج عليه ماعيد سؤالي بعد  ..

رديت بهمس ارجف واكح .. ابنك يبجي و اخذته اودي لامه وتيهت ..

-شوكت اجيتي هاا شكد صار هنا ..

-دفعته ، سندت نفسي على الحايط ، اقوى نفسي والملم الحجي كوه :- وابتعدت وووخر عني تخبلت انته شلون تتجراء تخنكني هااا ، هاي فوك ماابنك خلاني اتيه و اهبد …

-ودرت وجهي وين وين الطريق اريد اطلع ..

دنج على ابنه يحاجي شجنت تسوي هنا بابا   .

-ردت حممام حفااظه ماما …

-جنت بالحمام ..

-اي عاعا .. 

كام لحيله.  كبل بوجهج تطلعين بعدها على ايدج اليمنه الصاله …

جريت الطفل ومشيت بسرعه اركض شارده  ،  صاح وراي ميرال …

وكفت انداريت عليه اسمعه  ..

ماحجه ، انتظرت يحجي بس مانطق ،  كملت دربي بسرعه ، وعفته وراي ..

لاح ضوه القاعه مال الحفله والاضويه قويه و صوت العالي ، تلكتني مرت عدي تلهث مفزوعه وين جنتي خترعت عبالي تيهتي ..

وراها ديما حجت من خرب بليسج ميرال هبطتينه خترعنه بسببج حتى حمامات الرجاليه دورناها ودخلنه على الزلم بسببج شسويتي بينه انتي متكليلي ..

جرتني دمشي عمي ، انتي جنج الجاهل من تصير مناسبه لو يركبون اهله سياره ؟ ينحصر ويريد حمام امشي منا وجاي تسويها بالبيت و يله تطلعين ..

اني خانسه ، جسمي ثلج ، اديه ترجف ، كعدت على الكرسي وراسي شلون الطبل يدك ، لزمته باثنين اديه اريد اهود الالم ..

شربت ماي اريد اصحى شوي جرت ديما البطل مني ونترت كاافي تصكين بالماي ، عود كولي اريد حمام شوفي شسوي بيج ..

دمعت عيوني وربي انمرد كلبي مررد ، عيوني احسهم راح يطلعون من مكانهم …

حجت شبيها ركبتج حمره ..

مارديت كلبي يرجف ، حتى بلعومي جف ، همست بيبر وين ..

ردت ماعرف شدراني ..

-اريد ارجع عفيه راسي دأذيني ..

-اصبري شوي راح يخلون العشه وبعد عشه يزفوهم ونرجع ..

ضليت على كعدتي اسمع صوت ستار يصيح دبكه شغل دبكه ابو الديجي يله ..

و دانيال يصبح يله شبباب يله على شنو جااين …

نوب اشتغلت دبكه راسي ويه صوت الموسيقى ضل يدك براسي الالم فضيع ..

حسيت راح يغمى عليه .. 

فتره من الركص ، و الهوسه دخل صوت بيبر وصاح يله عشى العالم فضوها ..

جر الكرسي وكعد بصفي يضحك ، حجه شخبارج ام بحر خويه  ..

-بخير الحمدلله وحظرتك ..

-بخير بخير الحمدلله ، اندار عليه لزم جف ايدي .. هاا حبببي شلون الحفله عجبتج.. 

هزيت راسي ساكته ، كعدو ويانه ربعه ، رفعت نظري عليهم ، ستار ابو ضحكه عاليه ..

لو دانيال لازم قوطبه مالته وكل شوي يشرب و يكوم وره دقايق يدور على ثانيه لان الاولى خلصت , لو عدي خال ابنه بحظنه وكانو الاب المثالي ، عواد حاظن جتف غزل و يغني ممسيطر على توازنه .. 

جان الوضع مو تمام ، تصرفاتهم طبيعيه وحتى من ياكلون بهدوء بس نظراتهم لااا ..

نظراتهم مطمن ، خاصه عواد كل شوي يرفع راسه و يتلفت متوتر ،  درت وجهي على بيبر الي رافع كلاص الماي يشرب بهدوء وعيونه على عدي الي مبتسم ويهز براسه على كيف ..

اديه رجفت من الخوف ، احس كلبي زادت دكاته دنجت راسي ، حتى شهيتي انكطعت ، ياريت لو حتى هل لمحه ماعندي ..

لو جنت عميه ١٠٠بال% يمكن اهون ، مشكلتي احس ، واحساسي مايبشر ابد نوب لاحت عندي وجوهم و نظراتهم وحتى نفسهم مضطرب حسيت بي ..

عيوني ترمش بخوف ،  ديما لو ام زياد لو ايلاف كاعدات ياكلون عادي ، ومرت عدي منطلقه تسولف كلش اجتماعيه ..

اجاني صوت بيبر حبيبي ماعجبج الاكل ، رفعت نظري عليه مدمعه ..

رخت ملامح وجهه ، صفن عليه مد ايده يلزم جف ايدي ، اني اديه ترجف خليتهم بحظني جوه الميز  ..

بارده حيل ، ضغط بيده على جف ايدي حيل من جوه الطاوله ، عقد حواجبه ضايج ، درت وجهي عنه ، عت ايدي بهدوء التفتت عليه بزعل ..

رمش بعيونه يهديني ، دنجت شلت الشوكه احاول اكل ، كوه حابسه اادمعه ماابجي ، احس بي يباوعلي ، وجهه عليه ، 

شوي وكمت كلت اغسل عن اذنكم ..

دفعت الكرسي وكمت ، مشيت بهدوء احس عندي نحول من الخوف ، مشيت بسرعه متوتره ، دخلت كبل للحمام بس دخلت بجيت من خوفي ..

الحمامات بيها صوت ضحك وسوالف نسوان ، مشيت للغسله كبل اغسل واعدل بوجهي ، عدلت شعري و اجر نفس كوه اصبر روحي مانفجر بالبجي ..

دقايق وطلعت مدنجه اعدل بملابسي انجريت من خصري حيل ولزكت بدنكه .

شهكت لان بيبر ، عطره لزمني من فكي بجف ايدي ودفع راسي على حايط .. همس ميراااال ميرررال لاسوين هيج ، 

ماقبل ابد ماقبل مرتي بهذا شكل وبهذا الضعف ..

همست دم بيدك دم بيبر ، ريحه زفره دم ، شنو هاي كاتل احد انته ..

قرب وجه مني و حجه ميرال حالج حال الكاعدات هناك على ميز ميدخلن بشغل ازواجهن ليش تدخلين انني و توجعين راسج هااا ..

-غمضت عيوني ابجي ، رديت عليه ماسويت شي اني ..

- حجالي عدي وين شافج ..

سكتت خايفه ، رديت بيبر شكو ..

- مالج شغل ، شغل زلم مالج شغل بي ..

- بس .. قاطعني ...: - اااش ماريد بجي ممنوع ، ضغط على فكي و هزني ممنوووع ، ماريد مره ضعيفه ، ضعفي بيج اني نقطه ضعفي انتي ، ممنوووع تضعفين لان معناها ضعفي اني ..

ضليت كارصه و ساكته ، خله كصته عليه و همس ، احبج و حبي ضعف ادري ، عيشي وياي مو بس عميه عيون عميه ظمير هم ميرال ..

ماحجيت جرني عليه يحظني ، حاظني ويرجع بشعري وره ، سكتت مانطقت ، همس بطلي رجف بلشت اضوج ..

غمضت عيوني ، بعدني عنه ، فتحت عيوني اباوعله بعتب ، ضحك بهدوء بس يخلص الشغل اخذج و نسافر لقطر سياحه شكلتي ..

ماحجيت دفعته عني ، هو هدني ماجلب بيه عافني على راحتي ، عفته و مشيت .. مشه وراي حظن خصري ..

انسطرت سطر حلف خلص اخر مره اطلع عرس لو مناسبه ، اني مادبرها لو مانانه و تالا وياي ماكدر ..

رجعنه بيومها ستار ساق و بيبر كاعد وره بصفي حاظن جتفي ويغني .. هذا الحلوو كاتلني ياعمه .. فدوه شكد احبه وارد اكلمه …

هذا الحلو كاتلني يااعمه ولك ستار غني ويااي يله ديما والله الي مايغني انزله هنا بنص شارع .. 

فدوه شكد احبه وارد اكلمه حظني حيل يغني ويضحك .. ابتسمت من جذب لان اعرف بس اغندب راح يعصب واني ماكدر عليه ، هو مزاجه عالي يغني  ..

انتي شلون عمتي  بيه مافتهمتي  .

انتي شلون عمتي بيه مافتهمتي . 

روحي كلها يمه عمه ياعمه ..

هو بالحسن باليني بلاوه ..

احلى من الكمر وشوي اضوى ..

هو بالحسن باليني بلوه ..

احلى من كمر وشوي اضوى ..

توه بالعشك ياعمه توه .. 

استمر بالغنى وضحك ، و انتهت حفله العروس والعريس فرحانيين بهل الحفله الفخمه ..

مشت السياره ترجعهم للبيت بوسط شارع مظلم بس اضويه الاناره ، هدوء الشارع ، هدوء الناس  . وصدى الكلمات الي تحوم براس ميرال ..

فعلا كانت توه بالعشك وبكلشي ، توه بلش يتنور عقلها و تلاحظ اكو شي غريب ، 

احلى من كمر وشوي اضوى ، كانت نفسها وروحها نقيه صدك احلى ، وتضوي درب على اصحاب نفوس الدنيئه عليها …

رجعت بيومها غسلت وبدلت بهدوء بحجه عندي الم براسي ومددت تتهرب ، تتهرب من نظراته او من سؤاله حست نفسها ماجاهه تتعارك او تسأل و تلوم وتعاتب ..

لان تعرف راح تطلع خسرانه وماراح تحصل شي يرضيها ، اذا ماجهز كافه اسلحتي وحججي ما احجي ..

هو هم غلس وكانو يكلي خليج هيج واني اصلا اريدج هيج ...

غمضت ونمت بسرعه ، بسبب التعب النفسي والجسدي ، احلام غريبه مزعجه ، 

ابوها الي ما ايده و يكللها تعاي ، لو تركض وره تالا شارده ماعرف وين راحت ، لو امها زعلانه من نانه وتلوم بيها  .

لو بيبر الي ادور عليه بينهم ماكوو ..

من بين كل هالاحداث دفعها واحد من وره وكعها على وجها ، وكعت بركه طين ، وماي ، كامت لحيلها مطينه ..

نفس الحدث تكرر  باكثر من حلم ..

الناس الي تحبهم مادري شبيهم ، و احد يجي يكملها بدفعه من وره يوكعها بنص الطين ...

فتحت عيوني مفزوعه ، صوت اذان ..

كامت لحيلي ، صدر صوت تغلغل بروحي وشراييني …

كلمات وصوت  تردد ، الصلاه خيرا من النوووم الصلاه خيرا من النوووم ..

غمضت عيوني لزمت كصتي افرك بيها سامحني ياارب ساامحني غفلت عنك و التهيت ساامحني يااربي ..

كمت لحيلي اتجهت للحمام غسلت وجهي وتوضيت ، ماعدي مشمر صلاه جريت جرجف و لفيته على نفسي فرشت ثوب و كعدت اصلي عليه …

ربي استغفرك واتوب اليك ، 

استغفرك ربي حتى ترضى ..

 استغفرك ربي عند الرضى ..

استغفرك  ربي بعد الرضى ..

ربي اعوذ بك من صاحب ياذينى .. 

ربي اعوذ بك من غنى يطغينى ..

ربي اعوذ بك من دنيا تشغلنا وتلهينا ..  

رافعه اديها وتبجي ، مختنكه حيل ، بس شكوه لله لابشر يفهم ولا يسمع الها ، استودعتك نفسي ياارب استودعتك اهلي و احبابي من كل شر .. 

يارب ابعد الشر عن حبيب كلبي ، يارب انته زرعت حبه بكلبي ، لا لا ، هذا مو حب ..

الي احس بي اتجاه هالانسان مو حب ، الحب مو هيج ، الكلمات تعجز عن وصفه لشعوري ، بيبر بيتي و جنتي و ملاذي و كلشي اني لاشي لو ماهو ..

محد يفكر بيه اصلا بكده محد يحبني بكده ، اصلا اني محظوظه حظيت بي ، بس ليش هو هيج عصبي و متشدد وياي بسالفه شغله ..

زين الي صار اليوم شنوو ، اني مو غبيه ، بس بنفس الوقت مااجرء اضلمه مااكدر  اظن بي سوء ..

هذا حبيب الروح هذا ابو كتف الدافي ، هذا الي خله اهله بكفه واني بكفه مستحيل حتى لو عقلي مامقتنع بس كلبي راضي وبارد من ناحيته ..

يارب يمك عفتها انته اعرف ارشدني للصواب .. صليت الفجر و رجعت تمددت انام ، نمت وبالي مرتاح لان سلمت امريا للقوي الرحمن الرحيم ، الي ماتغفل عينه ابد عن عباده ..

 الصبح بيبر كعدت على صوت رشه العطر مالته بس ماتحركت ، طلع للشغل بدون ميكعدني ،  فتحت عيوني وره ماطلع ، تعبانه رغم ماتوه كاعده اني ..

بالي كوم افكار بس ولا وحده عني الجراءه احجيها ، سالفه البارحه خليتها بكلبي وسكتت ، و حجيت ؟؟!  وكلت؟  لو سالت ؟؟! وبعدين شراح احصل ...

توجهت لديما اعرض عليها تتحجب اني وياها اندهشت اني ، بضحكه ديماا القويه الي وكعت على صفحتها تضحك ..

وكفت متفاجئه وافرك بيدي ، شبيج كلت شي يضحك ..

-ههههاااي لا  هههههه لاجد جد تحجين ..

-شكو بيها ..

-كامت على حيلها تضحك لا صدك ليش شجاب السالفه براسج ..

-شنو المانع مو مسلمات احنه ودين اوجب ارتداء الحجاب لو لاا ..

-اي صح بس الحجاب مو مهم بكد مامهم نكون ناس عدنا ذمه وظمير . 

-اي احنه عدنا الحمدلله بقه بس الحجاب ونلتزم بصلاه ..

-ضحكت لا وصلاه بعد ههههههه . جايج الشعراوي بالحلم شي انتي ..

دنجت راسي وجريت نفس صليت الفجر وارتاحيت ديما راحه والله ممرتاحتها بحظن امي .. خلي نتحجب سوه عفيه ..

-جايه انتي تعضيني يعني ههههه ..

-ليش اضحكين بديت انزعج ترى ..

-وياج اني تمام بس وربي مو راهمه ، رجالنه شرابين عرك واني وياج محجبات و نصلي وصايرات من عابدات الصالحات ، هههههه واكفه كلش  ..

-ضحكت احنه خلي نحير بنفسنه و نهدي رواحنه وبعدين ننصحهم يتركون الشرب ..

-عود سولفيلي عواد يعوف خص** ومايعوف الشرب ههههع ..

-عضيت شفتي كوه كاتمه ضحكه مو كلنه نهتدى ونتحجب ، شجاج السانج خيه ..

-اي شوكت نلبس الحجاب اليوم ..

-ابتسمت والله داحسج تضحكين عليه ، اذا مالج نيه كولي البس وحدي اجيت عليج داشاركج الخير لان احبج واحب تكونين رفيقتي بالجنه ..

-ههههههههااي كافي بداعت اهلج داحسج داعيه اسلاميه يماا حمووت ههههه .. 

-خلتني اضحك غصب الحقيره :-  خلص باين حجي جد وياج مو نافع اروح اكول لغزل ، شتكولين ..

-خيه هاي تلبس الحجاب براسها و تنزع الجوه تفتر بالبيت كلش طبيعي ، 

- هاااا يعني مابيها امل ..

- كلش اغسلي ايدج ..

-نوصي على شالات ..

-وصي عيوني وصي ..

قررت من يومها التزم بحجابي وصلاتي ؛ اما بيبر و شغله اغض السمع عنه ، حتى لو حاجيته ما ينطيني حق ولا باطل ، احيانا غض بصرك  وسمعك عن مساؤء راحه واني ختاريت راحتي ..

كل بشر يتحمل نتأئج افعاله ، احبه وروحي من دنيا هو ، نظر عيني الي اشوف بي ، بس لاحظت من اوصل لشغله ينهيني انو ادخل ، ويعصب هو نادرا مايعصب عليه بس من ادخل واسال ينكلب وحش ، اعرف نفسي مو كده ولا كد عصبيته ليش اخسر دلاله و خوفه عليه وادخل نفسي بنقاش اني خسرانه بي ، صح ظميري و عقلي مو راضي ، بس كلبي خايف من الخساره ..

او يمكن متاكده مابيدي شي ، بس الحجي والحجي ويه بيبر و عصبيته مايجيب نتيجه ، للحق خفت لااصير ديما الثانيه هو ينكلب عليه عواد  ..

التزمت سكوت واخذت دور المتفرج ..

وصيت تالا على شالات ، ومن رجعت جابتهم الي سالت شسوين بيهن كتلها ، البسهم يعني شسوي هم اخذها الضحك ماعرف ليش ابد ميسوون واهس ..

كلت لبيبر حتحجب سكت ..

-البس،حجاب يعني ..

-بكيفج شعرج وانتي حره بي ..

-ماتفرح ..

-اذا انته حابه افرح ليش لاا ..

حسيته ممتحمس ، لبسته اول يوم خجلانه خجل يبوو بكد دنيا احس عبالك فد شي غريب بس راحه راحه تجنن صح مالابسته مضبوط لافته لف ..

بس شامرته على راسي بس اكو احساس بالامان ، شلون راحه نازله من السماء على راسي ياارب رحمتك وهدايتك …

طلعت للمطبخ ، حجت وسن وياي :- اسويل… وسكتت ..

ابتسمت اني :- سوي ريوك وجيبي للصاله  دزي على ديما هم ..

عفتها و مشيت للصاله اسمعها تكول لابو حمد ابو حمد يارجال تعال هاي مرت استاذ بيبرس جن تخبلت شو لابسه بجامه وياها حجاب ..

دنجت صدك  اني لابسه بجامه ، شكو بيها مو عريضه عادي ، ماهتميت كعدت انتظر ديما تجي دنتريك ..

ابو حمد يرد خلصي شغلج عاد دنرجع ، شعليج بالعالم ياامره ..

اجت ديما حجت صباحو هااي الحجاب وحركات ..

ابتسمت حلوو ..

كلشي عليج حلوو بس ههههه اكو وحده تلبس بجامه ربع ردن وياها حجاب مو اكو شي غلط لو اني غلطانه ..

- ماعندي ملابس محجبات ترى ..

-جيبي ملابس محجبات عود البسي الحجاب جرته من شعري شكلج اووفر هيج جنج يهوديه هههههه ..

-هزيت راسي والله شلون ماشوف ماراح اتحجب بسببج شكد متنمره انتي ..

استمر الوضع يوم اتحجب ويوم انزعه ، حسيت نفسي مو جاهزه او ماكو مشجع الي ، بس الي نيه البسه ، 

اجه بشار للبيت ، طلعت بره باركت اله ، بصوته ممزوج فرح وراحه ..

-همست تحبها جتفت اديه  وكفت مقابيله ..

-شلون لعد كوه يله نطوها الي لو ما بيبرس يدخل ما يقبلون بيه ..

-شبيك مايقبلون بيك ..

-ضحك .. يعني .. سكت .. 

-همست ماعندك شهاده مثلا ..

-اي  ..

-مو بالشهاده هيه المهم الانسان يكون من ادخله نظيف ..

-مثل استاذ بيبرس بالضبط ..

-رخه وجهي . شبي بيبر ..

-داخله انسان نظيف ..

-ابتسمت بالضبط بس انتو مو خوش ضحكت خاصه عدي ..

-سكت ..

-حجيت شجابك هنا وانته عريس ..

-اي والله مو كتلهم بس هم عديمي احساس وماعدهم ذره مستحه دازين عليه بسبب الشغل ..

-شغل شنو ..

-عدنه طلعه لاربيل  ..

-ماكالي بيبر ..

-جوز ميروح هو بس احنه ..

-هاا تمام ، دفعتني غزل وحجت هلاا شلونك يالعريس ..

-رد من وره خشمه هلا ، عواد وين ..

-ماعرف هو اني جاي اسالك عنه ..

-مادري عنه ،  ضحكت هيه وحجت حلوو العرس لاا ..

-لا صراحه مو حلو مادامج ماتهزين بنصه وضحك ..

-ردت عاد اهز وافرح بيك بس عواد مارضه يكلي عرس هذا مو من مقامج ..

اني ابتسمت اسمع الهم ، رد هو صادك مو مقامج الحفلات المحترمه ،  مقامج بارات و ناس تكت عليج ..

-ضحكت ، وردت عليه :- عاد اني وحده حقاانيه ، اطلع حق تعبي ، خما اهزلك بلاش خلي مرتك تهز بلاش اذا عاجبك ..

-شجابج على مرتي فرق السما والكاع ..

-رديت كاافي غزل ، لو انتي تمشين وتعاركين شبيج ..

-مو سمعتي شلون يجاوز ..

-رد هو بضوجه ، اني ماشي تردين شي ..رديت عليه ، سلامتك ..

عافنه و مشه شغل السياره ، من رجع بيبر جنت منتظره يكلي حسافر ..

بس ماكال ، جان كاعد يشتغل بالغرفه على الحاسبه بس اسمع صوت كيبورد يجقجق براسي ..

عواد سافر ويه الشباب ، سمعت عدي هم مسافر ، مشيت لنانه صار فتره مارايحه ..

بيبر كلي عود المغرب وره مارجع من شغل امر اجيبج ..

دخلت لبيت صوت اسامه طالع يغني ويه كراميش ، ابتسمت اسااامه ..

طلع هاا …

فتحت اديه شلونك حبيبي ، تقرب يحظني ..

همست تالا وين ..

رد بالغرفه ..

وساري ونانه  ..

ساري بالبستان ونانه بالمطبخ هناك يم وسن ..

هاا عفته توجهت لتالا ، رفعت اديه ادفع الباب سمعت صوتها تحجي ، عقدت حواجبي تكله ماكدر اطلع باليل ..

لا والله ماكدر ، لا تهدد روح كله .. سكتت ، قربت راسي من الباب حيل ..

ردت شنو عبالك طلعه وطبه بنص اليل سهله ، نترت اااي شتررريد مني مو عدك رناا روح وياها مترفض …

مااكدر مااكدر    ..

لزمت صدري افرك بي خايفه ، كامت تبجي نوب تكله اي روح كله عادي ، مااا اجي كلت …

دفعت الباب ودخلت هيه فزت كامت لحيلها ..

حجيت منو هذا شنو يهددج شنو يكلج اطلعي باليل ..

عطت موو وياج ..

سكتت ..

تقدمت مديت اديه اريد الزمها طفرت من مكانها حجت شعليييج ..

-يالنذله شنوو شعليه وينج تعاااي تاللااا تعاي داكول...

مديت ادي ماكو رفعت العصا اندلها طلعت تركض من الغرفه شارده مني ..

ركضت وراها اعيط تاااالاا وينج مو ويااج ، ركضت بدون مااخلي العصا كبالي انربدت على وجهي بالميز وكعت بالارض لزمت بطني ..

عطت ولج تالا كعدت ابجي الله ياخذج تالااا جاي اسوين ورااي ، اجه اسامه عليه يكلي شبيج تعوورتي ..

تالا وين شوف وينها ..

رد.طلعت بره تركض ..

لزمت راسي اااخ ياايمه  تعال الزمني تعال ساعدني دكوم ..

لزمت بطني تاذت حيل ، زاويه ميز اجت بصفحتي ترس ، كعدت على التخم لازمه بطني حجيت صيحلي نانه امشي ..

#يتبع ....

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق