رواية قاع الشياطين الفصل التاسع والثلاثون 39 - بقلم اسماء ديمير

..............☆البارت الرابع والثلاثون ☆............

#قاع_الشياطين(البصر والبصيره)

#بقلم_أسماء_ديمير

لزمت بطني تاذت حيل ، زاويه الميز اجت بصفحتي ترس ، كعدت على التخم لازمه بطني حجيت صيحلي نانه امشي ..

راح يركض وضليت اني بمكاني الوب ، احس نار بمعدتي من القهر يااربي شنو هااي ، نوب تعيط بيه و تكلي شعليج ..

دخل ساري حجه هاا يمنه .. سكتت مدنجه .

حجه شبيج تقدم عليه لزم جتفي شبيج ميرال دمعت ، يااربي شسووي ..

حجه شبيج مريضه دنج يشوفني ، درت وجهي اخفي دموعي ، حجيت تالا ملاحظ عليها شي غريب اي شي ..

-رد لا شبيها شسوت ..

-غمضت عيوني كوه حابسه دمعي ، همست يعني ما تطلع بره باليل ..

-رد شلون يعني مافتهمت ..

-دتتصرف تصرفات غريبه مملاحظ انته صار فتره ..

-صايره اعقل بالعكس حتى بطلت تتعارك وياي ،

اجت نانه تركض حجت شبيج اسامه يكول وكعتي وتعورتي ، اجت تتفحصني صاخت تالااا بطل ماي وينج ..

رديت وينها ماشفتيها بره ..

ردت منو تالا لااا موجوه بالغرفه ..

-عافتني وطلعت توه اكمل سكتت ، استحيت احجي كبال ساري ، حجيت شوفيها وين دزيلي عليها ..

لزمت راسي حب وجع راس نانه راسي كام يوجعني ..

مددت على تخم راسي بلش يصل عليه عيوني نار ؛ هاي كل ماابجي لو اضوج عبالك ضغطي يعلك ، لميت نفسي و كرصت ، ساري مشه وره امه يهمس شو شكالت الها وغثتها وهال تشوفيها شردت ..

مو اكول اني ذيل جلب عمره ماينعدل شعجب صار فتره هادئه هسه جفصت بيها وغثتها ؛ غمضت عيوني اتجنب همسهم ..

اذا حجيت و شكيت منها الهم اكيد مراح يسكتون الها ، يلوموها و يعاتبوها لحد ما تطفش منا ماريد افقد السيطره عليها وهي بهذ العمر ، عمرها كلش خطر ومايجي بالعصبيه و الضرب ،

كلت احجي وياها بهدوء احاول اسايرها واسحب الحجي منها بالكت افتهم شنو القصه مااحجي لاحد ، مهما يكن ناانه مو امها وساري مو اخوها مراح يتعبون عقلهم وياها ..

طلعو يدورون عليها ماكوو اختفت فص ملح وذاب ..

من رجعو كالو ماكو كعدت بالارص ابجي هاي بس لا انهزمت لو راحت ويه الي هددها خاصه اخذت جهاز وياها نانه تسال شكوو ولج غير اعرف شبيجن ..

دورولي عليها وووين ولت شنوو ماكوو اسالي الحرس اكيد ماطلعت من الفله لازم شافوها ..

-ماكو ماشافوها طلعت سالت هم توه ساري جان يمهم ..

كما لحيلي اني ادورها ، وصل للحديقه و انهضمت كعدت ابجي يااربي ناويه تجلطني هااي ناويه تموتيني تااالا شلون يعني ..

ساري كال ادورها بالبستان واجي شكو تعاركتن انتن ..

حجيت اي ..

رداشوفها واجي نانه راحت للفله تكول خاف يمهم راحت ، ضليت مفرشه وكاعده بالحديقه راسي يريد يوكع بالارض لازمته واون لا دوه فاد ولا شي ..

اسامه لازم راسي ويكلي اااش لازعلين لاتبجين ..

دقايق مرت عبالك ساعات ، ياارب دشوووف دشووف عجزي لو لااا اختي ماعرف ادور عليها رفعت عيوني للسما دشووف عدم حيلتي ياارب راضي بهل شي ؛

راضي تشوف عبدك ديتعذب ، ننزلت دموعي على اذني نزلت راسي ، لاح صوتها من بعيد تنتر وخررى وخرر عني كلب..

عبالي اتخيل .. من عله صوتها وووخر وجع وخرر عني .. تاكدت لا هي والله ..

كمت لحيلي بسرعه ، اتجهت على صوت اتعثر تااالااا تالاا ليش هيج ..

احجي مهضومه ابجي ولج هيج ماخفتي عليه جيت اموت وراج ليش اسوي بيه هيج ..

دفعتني عاطت بوجهي :- وخرني عني ، عاط ساري حيووانه ومحمد اكطعه لشعرج .. جرها وعاطت وخررر كلبت الحديقه علينه بصوتها ساري ضربها على وجها وهاجت علينه تصيح ، طلعت لنفسها حق نوب ماكدرت اسالها اريدها تسكت .

لزمتها كاافي ولج كاافي فضحتينه كاافي ام زياد طلعت تصيح شهل هرجه هااي دخلو جوه كملو عركم ماريد وجع راس بحديقتي ..

جرها ساري كوه وهيه تتكامش وياه اسامه مشاني وراهم ..

دخلت جوه حجيت الهث تالااا ..

-ردت والله فكي حلكج ويااي ، الا اعوفج واروح يم خالتي ضلي هنا لوحدج .. .

-رد ساري مو هيه بكيفج تشتغل ، بطول القندره اطولين السانج شنوو هااا ... خنكها و هيه رفعت اديها تتكامش وياه وتغلط ..

كمت لحيلي وكفت بينهم افاككهم ، تكامش ولا تخاف ابد ، بعدته عنها كوه ، اديه ترجف ولج تالا دشوفين وضعي شوفيني اني بحال يسمح الي الهبطات ليش من احجي وياج تعوفيني وتهزمين راح اذبحج لو اذيج مو اختج اني ..

ماكو احن مني عليج اني احبج واخاف عليك اكثر من نفسج حتى من نفسج اخاف عليج ، ليش هيج جازيني ، بس ردت احجي وياج واعرف الي بيج تعيطين بيه وتشردين وتخليني بساعات اكل بروحي ليش يااعيني لييش هيج ..

ردت بصلافه ، ردي لرجلج وحيري بيتج ميرال ، اني مو صغيره واحدد مصيري واخذ قراراتي ، بكيفي حالي حالج ..

فكيت حلكي ، مو صغيره شنو ولج توه عمرج دخل ال١٥ سنه منين هالحجي منو ديعلمج ..

-اوووو نفس ماعشتي حياتج اني هم اريد اعيش حياتي .بعدها دتحجي جلبت بيها حيل من ملابسها عتيتها :- منو ديعلمج تالااا هاا منو كولي ، بس لا هذا ..

عاطت بوجهي:- اهوووو دوخري دفعتني على ساري وهو سندني من وره لا اوكع بابارض ،

ردت بوجهي جفلتني :- مااالج حق تدخلين بيه ..راحت تمشي وتصيح حايط انصيص الكم مووو ..

والله بعد مااسكت مالكم شغل بيه كلمن حر بروحه ، كدرتكم عليه والله بعد الي يفك حلكه وياي لاسويلكم فضيحه هااي العايزه عايشين حياتكم براحتكم واني هناا مثل جلب مكفخه الكم ..

شلون دنيا وافترت بيه ، مال جسمي ليوره جيت اوكع ، لزمني ساري من وره لا اوكع كعدت بالارض ، مهدود حيلي ساري فدوه راقبها لهاي لان خلص فقدت سيطره عليها مجاي اكدر عليها ابد ...

دخلت نانه تحجي عزاا العززاكم ام زياد تخبلت علينه والله هددت تطردنه مناا تكول شنو انتو همج ماعدكم اي احترام ماتكولون عايشين ويه ناس تريد هدوء ..

ضليت ساكته و ساري رد صار كم مره تسمعني حجي هيه ، وساكت مو لازم نسكن هنا ، اذا بمنيه عايشين هنا بتعبنه و شغلنه ..

ردت هذا عقلها يايمه هم المره جبيرها ..

-رد طبها مرض ، من شكلها ماحابه وجودنه عبالك عايشين على كلبها تريد بس حجه علينه حتى تكعد تصيح وتنتر بينه ...

شبيها تالا صوتها طالع وين جانت هااا ..

-رد دايحه بالبستان بس حاجيناها انفجرت علينه تتجاوز وتهدد تعوف البيت وتولي لخالتها ...
شسويت الها انته ياساري و خليت بنت تنفجر ..

-عاط بجزع ، هم شمرتها عليه همممم شمرتها علييييه ، شكو كارثه تصير تردين عليه ضل بس الاحتلال الامريكي ماشمرتي عليه اللللله اااكبر ...

- وجع شجااك ولك ، اجيك بالنعال شو دترفع صوتك علينه بس لاعبالك صرت اطول مني ترفع صوتك عليه اكطع شحاطه عليك يكرم الله ..

ماكدرت اتحمل اصواتهم بعد كمت للمطبخ اغسل ، راسي يفتر يفتر دوخه كتلتني كتل ، ضليت كاعده اهدي بروحي حتى صدري بلش ياذيني شلون نغزه تجي وتروح ..

اذني يم باب غرفه تالابالكت تطلع تعتذر مني لو تحس على نفسها بس ماكو خيبت ظني ..

انتظرت للمغرب يجي بيبر دياخذني مااجه ، ماردت اروح للفله واغث نفسي اصلا اني منهاره وكلمات تالا شلون ضربه على راسي ..

تاخر مااجه ، منا تالا هم ماطلعت ، كلت اروح بنفسي واحازل وياها ، رحت دكيت الباب ودخلت ، حجيت تالا حبببيتي ..

وكفت لزمت صدري يوجعني حيل حتى نفسي ضاك ، ثواني وكفت فركته ، تمشيت على كيف كعدت على طرف الجربايه مالتي قديمه ..

-تالاا انتي عندج احد غيري هااا لااا .. واني هم ماعندي احد غيرج ..

حتى لو مزوجه حتى لو عدنا اصدقاء وكرايب واحباب بس مايجون ذره من معزه الاخوه ..

محد يجي لمعزتج عندي ، اختي الوحيده الباقي الي بالدنيا بس انتي ، اخاف عليج تعاي سولفيلي شنو السالفه منو ديهددج و ياذيج ، ماراح اعصب وعد .. اصلا اساعدج ..كولي ياله حبيبتي انتي ..

ماكو ردت ولا اي فعل ..

-تالاا مو وياج ..

هم ماكو رد .. تغلس ولا يمها .. غمضت عيوني بتعب ، تالا مو زينه اني ترى ، من دانقهر جاي ادوخ و راسي يبلش يوجعني ، صدري ينغزني ، لا تعبني الله يخليج ..

هم سكووت ..

سكووووت ...

وطال السكوووت بس ماكو سكوت براسي ابد احس عبالك عمال مناجم يدكون براسي من الالم ..

توجهت عليها تالااا لزمتها رفعت اديه اتلمس وجها جان اكو واير جريته . لان سماعات ...

لابسه سماعات ومغلسه عليه خلفه عليج ..

دارت وجها عني وصوت الموسيقى طالع من السماعات بشكل خافت ...

لزمت عصاتي و طلعت بره غرفتها ، ماكو اي نتيجه ، لا اكدر اعصب لان ماراح تخاف مني ..

والضرب اذا فكرت بي ممكن هي تضربني مو اني ، قسم بالله جاهل عنده قوه بذيج الايام اكثر مني ، بيه طبع من انقهر عقلي يوكف عن تفكير و جسمي يتمرض ويصير عليل ..

نوب زرعت بيه القلق والرعب ، تلكاني ساري يحجي عوفيها خلي تولي اني اتولاها منا وجاي ، يرادلها تربيه هاي ..

هزيت راسي ساكته كعدت يمه يحجيلي عن المدرسه وشنو ناوي يسوي هالسنه لان سنه تجي بكلوريا ويريد معدل بالكت يدخل صيدله لو طب اسنان ..

جنت كاعده يمه واهز براسي بس بالي مو يمه ابد ، بالي يم وحيدتي الي بقت الي بالدنياا ..

تردين خلفه ياميرال مووو انتي اختج الصغيره ماتكدرين عليها ، تردين خلفه وانتي رجلج ماتكدرين تحجين وياه بشغله الي مو عاجبج وكلبج ممرتاح من ناحيته ...

تردين مسؤليه تكسر الظهر وانتي الي عندج من مسؤليه ممدبرتها ، خلف الله على الناس هيه شايله الحمل عنج ، حسيت بضعف فضيع ..

لهل درجه اني ضعيفه ، لهل درجه مابيدي اي شي مالي اي قيمه واي فايده ، اختي لو مانانه تربيها اني ماكدر اسوي شي ...

لو ما بيبر و ديما يساعدوني اني فاشله بالحياه الزوجيه ..

حجيت ساري بيش ساعه ..

رد ب١٠ .

عقدت حواجبي بيبر كال المغرب امر عليج دك عليه بالله ، دك وانتظر مارد ، دكيت اني مره ثانيه يله رد ..

حجيت تاخرت عليه ..

طالع اني حبيبي ضلي يم ام زياد بين مارجع ..

وين رايح ..

سافرت كم يوم واجي مااتاخر ..

مو سافر عواد و عدي ..

صارت مشاكل ورايح اشوف ، باعي ضلي يم ام زياد يومين وراجع ...

سديته منه وسكتت ، ثاني يوم حاولت ويه تالا هم مانطتني مجال ، اخذت نانه على صفحه و سالتها شفتي عليها شي غريب تطلع مثلا بره البيت ..

-ردت لا وين جوه عيوني ابد ، رديت زين هذا دانيال شايفته يجي هنا ..

لا وين صار فتره طويله مالافي هنا حتى اني ارتاحيت منه جنت مارتاحله ، اخر مره شكيت الج منه بعد ما شفته وصل ليمها ..

-ماتقرب وحجه وياها يعني ..

-ماشايفته والله يايمه احجي بختي غير ..

هزيت راسي لعد منوو هذا .. لا نوب يعلمها تطلع باليل ، ويهددها شنو هالشي العدها تخاف منه هيه ..

قلقني تفكير وهالموضوع حيل ، بتت يم نانه وثاني يوم اجت ديما تكول اشتاقيت الج ماكدرت اكابل البومه غزل ..

شافتني مكتئبه ماحجي ..

-حجت كم يوم ويجي لايضل بالج سمعت متعارك عواد وعدي هناك و متضاربين ..

-ليش على شنوو ..

-ماعرف بس سمعت ستار يخابر يسولف لواحد يكله عواد ماخذ نص فلوس البضاعه و ماعرف وين موديهم وعدي متخبل يكله حقنه هذا شنو تاخر نصه انته ..

وخاربين الامه ورايح رجلج يلم عمله اخوو ويسد حلك عدي ..

جريت نفس ، كالي يومين وارجع ، طال اليومين وصارن اربعه ، تالا اتبعت درب جديد ، ماتحجي ويانه كلنه ، تاخذ اكلها وتدخل عرفتها تتهرب مني ماعرف اتبعت هيج اسلوب تهدد بيه وتخوفني عود حتى مافك حلكي وياها ..

تعرف اني شكد احبها ومتعلقه بيها عود دتعاقبني بالله هذا حجي نوب هي ام الحق ، خفت لا اضغط عليها ولان صدك تسويها تعوفني و تروح للشمال يمااا اموت والله ...

اجت نوب غزل للفله ، تكول مليت لوحدي جنت اتونس بيجن ، ردت ديما ، مو قرقوز احنه مال الخلفج تتونسين بينه ..

- طكتها ضحكه وانتي صادكه ..

- ردت ديما من عابت لهل خلقه جنج هادي ، العامر، ي

والتمن الضراير كل شوي متعاركات وام زياد عايطه بيهن تريد هدوء ..

ايلاف مانشوفها دومها بغرفتها ماتختلط بينه تكول انتن كلوووش بيئه ماعرف اتعامل وياجن ..

وديما تهمس الي تكلي :- تحجي هيج لان مقهوره لان حتتزوج واحد اكبر منها بعشرين سنه ..

-و غزل تهمس :- تكول احنه بيئه وانتي زباله ، نوب خاطبها واحد مطيها مهر يغركها من فوك ليجوه البومه دافره نعمه ..

ديما ردت مو كلها عيونها فارغه مثلج ، ايلاف تريد واحد يحبها كون و يقدرها مال دنيا كله ميشتري الاحترام ..

- لاحبي غلطاانه الفلوس تشتري كلشي بس انتي ماتعرفين شلون تشترين الشغله ..

همست الها :- غزل ..

ردت هاا بيبي ..

ابتسمت ، شكد جان مهرج ..

ضحكت ديما ، حجيت اني مو داقلل منج لا والله بس احب اعرف ..

-حجت خمسه ..

اجه بالي الشقه الي رادتها من عواد هو معاند يسجلها باسمها ، و توزه ياخذ من بيبر ، كلبي لعب منها ، اعرف كلش،زين تفكيرها ، وخاصه بعد جفصتها هاي مال الفلوس تشتري كلشي ..

جريت نفس ياا سواد ليلج ياغزل اذا جنتي وره سالفه وازه عواد ياخذ نص افلوس الشغل وعركتهم الاخيره الج ايد بيها ،

حاولت اتذاكه عليها حجيت ببتسامه :- بس ؟؟! مانطاج عواد هديه مثلا ذهب او سياره اوو شقه يعني ؟؟!!

سكتت ، حجت ديما عواد جلف يطلع منه هدايه اني مزوجته صار سنين وخلفت اله و مانطاني محبس لو ترجيه هديه، عاد يطي لهاي ..

-حجت غزل بضوجه تتحرمص :- ليش بيبر قابل نطاج شقه لو ذهب .

هزيت راسي مبتسمه :- بشهر عسلنه هداني شقه باسليمانيه ، وبعيد ميلادي عقد من لؤلؤ الطبيعي ، قدري مو بالهدايه قدري وقيمتي بشغلات الي اطلبها وينفذها الي ..

سكتت ، ثواني وحجت طلبت منه شقه وكال الله كريم عواد هم مايوم طلبت وردلي طلب ..

ابتسمت اني ، ديما ردت هيه بس هاي شقه باسمه ماينطيها لابو مو عاد الج ..

- ردت نشووف هو وعدني يعوضني ...

درت وجهي وبقن هنه متعاركات ، تيقنت غزل الها تأثير على عواد فضيع ، جوز سالفه اخذه للفلوس هيه وراهن والا ليش اجت لهنا غير حتى تعرف شنو الصار و شنو الاخبار ...

ام زياد خاف قبل جانت انسانه حقيره هسه زادت بسبب توترها و عصبيتها ، غزل شايله جهاز و تحجي وتبجي ..

-ديما جرتني تضحك تكول يمكن عواد مات ..

-فزيت اسم الله شبيج ..

-والله شوفي غزل ميته بجي وتصيح حبيبي شبي ، توه عرفت غزل تحبه ..

رفعت حواجبي:- الا تحب افلوسه ماتحبه اذا صارله شي تنشمر للشارع وترجع للمكان الاجت منه ..

صفنت ديما عليه :- هم صدك والله ، بنفس اليوم عرفنه عواد مرجعي لان عدي ضاربه بطلقه ، و الفلوس الشغل شافطهن كلهن محد يعرف وين وداهن ..

رجع بيبر كبره مال نار يصيح و خالته ترد اطرد عددي كاافي عاد شنو هذا ويتحكم بيك وباخوك ..

وبيبر يصيح لو ماهو جان عواد ضيع شغلنه كله جااان فلست من وراه ولك نص فلوس البضاااعه وووين وديتهم هااا ..

ذاك يرد جنت سكران و اخذتهم اوديهم للبنك و ياي ستار اسأل ستار ..

ستار يرد والله ماعرف ماجنت وياك ليش تذب السالفه براسي ..

اني واكفه بالحديقه مال الملحق واصواتهم واصله ليمي ..

ابو زياد حجه ابني بيبر انطي عدي حصته وكلمن يمشي بدرب اغلب مشاكلنه بسبب عدي هاي اخر شي خربك انته واخووك ، واحد منافق يمشي ويخرب بين الاحباب ، فوك ماضارب اخوك طلقه نوب يحركك عليه ..

-اخوووي باااكني ضيييع تعب سنه كامله ذبه تعبي بمااي شط ، .

رد عواد مرتهي :- ارجع للشراكه ويه ثروت وفك شغلك ويه عدي هذا شنو وتضل وياه واحد هتلي ..

صاح بي بيبر ، هناا الحجي دكولها ياخوي من زماان ، وفضني ، معناها ثروت وره السالفه مووو ادري اني اهم اخووك لو ثروت اهم مني ..

سكت عواد ودار وجهه دنج يفرك برجله الي مضمده ، طلع بييبر عصبي ويردد خوووش خووش انا اعرف امن بمنو بعد ..

كاعده قريب نافوره اسمع صوته الي يجفل ، من اجه لحد هسه ما سال عليه ، كظاها يتعارك وعصبي ، اني هم ماتقربت منه خفت لا ينتر بيه اني مابيه حيل ولا اتحمل مغثه زياده ..

مشتاقه اله اريد اشكيله احاول تحجي وياها اعبر عن الي بداخلي ويسمعني ، بس،ماكدرت اسويهم كلهم هو بهذا الوضع ،، فضلت اوكف بزاويه الامان وهي الابتعاد ..

هو اخذ السياره وساقها بعصبيه ، لمن توجهه للبنك ديسحب فلوس الربح البقيه لكاهم مسحوبات اصلا ، وكف مصدوم منو سحبهم ..

خابر عدي يفتهم كله اني سحبتهم هذا حقي اما حصتك اخوك الي ضيعها عود اخذها من اخوك ..و سد الجهاز ..

لزم راسه حاير عنده التزامات ورواتب و كل اعتماده على الارباح هاي دفعه معناها راح يدخل بديوون ..

رد للبيت عصبي يتعارك ويه عواد يحاول وياه يطلع حقه ..

و خالته طبكت ويه بيبر هم من شافت الوضع المادي ممستقر ..

تالا ...

طولت ميرال يمنه ايام ، جنت اشوفها شلون منهاره ومقهوره ، ماكدر افك حلكي واحجي الها غير تموت بمكانها هاي شافتني داخابره و هيه انصدمت وكل شوي ادوخ ..

لو احجيلها سالفه ساري شلون لو دانيال عزااا ، والله تنجلط سكتت كل ماتسال ارد مابيه شي مو صغيره اني ، ساري اشوفه وراي وراي ملاحكني ..

حبيت هاي سالفه مال يمشي وراي ويسال وين رايحه وين جايه حسبته مهتم بيه ..

حتى دانيال خليته على صفحه ، وحرت بساري ، اشتاقيت اراسله و احجي وياه باسم امنيه ..

بس خفت لايكول دانيال فاتح حسابي عنده ، لزمت جهاز و سويت خروج و رديت سجلت دخول بكلمه سر جديده ، اخذت زاويه وكعدت راسلته ..

يمكن مر شهر من تركت رسايل وياه ...

رد متلهف يعاتب ، تحججت بكومه اكاذيب تاملت يصدك وحده منهم ، حجه عندج احد وهيج هملتيني ..

لا وين من كل عقلك ..

ليش سويتي هيج اجيت انجن بلياج والله ..

ابتسمت ، امي مريضه و التهيت وياها وغلقت كلشي حتى ماتركها ..

شبيها ..

سكتت ، رديت كانسر ...ضحكت عزاا يماا شهل جذبه ..

رد لا اله الا الله اسف حبيبي ااسف ..

لا عادي ماجنت اريد اكولك وتحس بيه نكديه ..

لا بالله انقهرت حيل ، الله يساعدكم ويصبركم ويشفيها الكم يارب ..

اشكرك ..

حجه بيج تحجين بصمه ..

ماكدر لاا ..دز انته بصمات ..

خوش ..

لبست سماعت اسمع صوته هادئه الناعم كله عطف واسلوب الجميل ، غمضت عيوني نمت على كلماته ، يرجف كلبي من اسمع كلمه حبيبي منه ،

صبح الصبح ميرال مو زينه وجها اصفر، ماتحجي وياي مثل قبل ، منا بيبر ملتهي عنها بشغل ماعرف وضعها مكركب ..

مشيت كعدت بصفها همست ميرال ..

اندارت عليه وجها باهت عيونها حمره ..

شبيج ..

دارت وجها بزعل ..

ضايجه مني ..

تعبتني الدنيا تالا وانتي هم ماقصرتي وياي ، لزمت ايدها ماريد اغثج والله بس خفت عليج ،

همست احجيلي ..

رديت احجيلي انتي شبيج واحجي اني ..

رمشت بتعب الي بيه ماينحجي تالا مايتسولف . كولي منو هذا اليهددج .

تصدكيني ..

يايوم ماصدكتج اني اختج ..

هذا واحد صاحب صديقتي رنا ..

رفعت حواجبها اي ..

متمت بالاول ماكدرت الزم نفسي .. حجيت هددها بصورها ، و و هذا الي اااا لكه حسابي ، اي لكه حسابي و هددني اوصل الها الحجي من رفضت شد وياي ..

و ضل يكلي اوصل الحجي لاهلج مصاحبه هيج وحده نوب يطلب مني اطلع وياه ، وكفت ابالع بريكي ..

دنجت راسي اشوفها تفرك باصبعها وهادئه عكسي اني ارجف واحجي واحاول ماجفص بكلمه ، رمشت بهدوء حجت كملي ..

هاهيه ...

هزت راسها مبتسمه خوش ، اي شي يصير وياج احجيلي حتى لو ازعل ميخالف المهم ممتحملين مشاكلج لوحدج ، حتى لاحد يستفرد بيج ويتقوى عليج . ..

تمام كمت بسرعه من يمها ، ضلت على كعدتها وجها باهت ، التفتت عليها ميرال ..

حجت هاا ..

شبيج احسج مو على بعضج ..

ردت ممرتاحه ، خايفه من الجاي ..

ليش شكو بيبرس مضووجج ..

هزت راسها لاا احس نفس واكفه على ارض رمليه على ساعه تنهار جوايه وتغركني بيها ...

ابتسمت ماكو شي ميرال لاضليت توهسين ، انتي تفكرين هواي هذا السبب ..

هزت راسها ساكته ،

مجرد ما عفتها ومشيت ، هي شوي وكامت لحيلها شفتها توجهت تحجي ويه ساري ، وكفت حجت وياه و تاشر باديها هو هز راسه ضايج ..

عافته ومشت ،

ايام راقبتها تعبانه ، تروح للفله شوي وترجع مااطول ماطيق ام زياد ولا ام زياد تحبها ،

فتره بقائها عدنا دانيال اختفه وبطل يتصل ، سمعت اكو مشاكل بين بيبرس واخوو ..

و الشباب كلهم رايحين هناك بالبيت الثاني ، محد يحجي بس انته تسمع وتشوف بعيونك اكو شي مو تمام ...

اتصل دانيال مارديت مر وكت طويل ممتصل من اخر مره .

دز رساله ردي ..

رسالته شكو ..

احجي عدل لا تخليني انجن عليج لو ساري جان تلوكتي اله ..

شكو دانيال ..

شبيج ماشتاقيتي الي ..

شكو شصاير وياكم بيت مضطرب صار ايام ..

شنو سمعتي ..

عواد و بيبرس متعاركين ..

هذا هو متعاركين وخلص ريحي بالج ، بيبرس رجع للفله لو بعد ..

لا رجع ، صار كم يوم ...

سكت شوي بعدين دز اسف لان ضوجتك ذاك اليوم بس جننت مضغوط واريد احجي وياج وانتي ما تنطين مجال ..

سكتت تذكرت الهبطه الوكلها الي ..

رد اسف حبيت بس احجي ورب بس انتي رعنه ،

على فكره ميرال سمعتني احجي وياك ..

رد بسرعه هااا وشكالت كتلها هذا دانيال ..

ابتسمت اي و كالت يصير خير صبره عليه ..

اوووو شبيج بابا انتي اني ردت بس احجي وياج شجاج وكتيلها صدك تحجين ..

هيه سمعت وسالت وجاوبتها قابل اجذب ..

لا جذبين عيوني بس خلي اني ينعل والديه وبيبر يشكني نصين بسببج انتي واختج ..

هيج تخاف من بيبرس هااا ...

ماخاف من احد اني ، بس داشتغل وياه ماريد تصير مشاكل بينه وشعلي يضيع من اديه هذا هم رزقي وشغلي ..

ابتسمت هو ضل يحجي وضايج .. رديت اشاقه وياك ماجبت سيرتك بس والله اذا هددتني مره ثانيه اكللها واخلي سالفه تصير عند بيببر..

انتي شيطاااان شيطااان ورب سده وبعد ماراسلني ...

ميرال ...

‏"لديها من الثبات ما يكفي لتتجاوز أي يوم عاصف بكامل رقتها."

اسابيع عركهم مستمر عدي سحب حقه وحصته و كعد يتفرج عليهم ، فلوسه بجيبه وعاف بيبر واكع بالدين ..

يمكن ماعندي نظر بس مو معناها ماعندي عقل ، عصبيتهم و عركهم ايام مو على مليون لو اثنين ..

غزل اجت ليمي عود تتفاخر وتحجي بثقه عن تسجيل املاك باسمها ، زين من وين عواد مفلس ، هو مايخلي جوه ايده فلس كله على شرب و على امثالها ..

ديما تسمع وتنقلي منا متشمته بيهم ، ام زياد تحجي وتصيح ابد مو مثل بيبر اطمطم لا تحجي وتكول اخوك يكتلك خلاص تعرفه انته رجع الفلوس ذياب يريد حصته ..

واخوك وعده بالمبلغ شوكت يامن اله المبلغ واحنه حاليا دنواجه ازمه بسببك ، محد يرضه يداينه مايامن بينه ، محد يرضه يسكت وكلها تريد حصتها منين اندبرهاا هااا منين ..

عرفت اكو بضائع دتعبر من الحدود و ديصرفها هم وهذا كله مو قانوني ، نص الضائعه وكفت محد قبل يعبرها لان الفلوس ماوصلتهم ماستلمو حقهم ...

والفلوس راحت عواد يصيح و يكرر جنت سكران ماعرف منو اخذها مادري اسالو ستار و ستار ينكر ...

و تاهه الحق و احنه من الناس الي غضينه السمع والبصر عن الحق حتى ظميرنه لايتحرك ..

البصيره مثل البصر هم تجي مرات لازم نغضها عن مساوى الناس ، يعني الاشياء الي نحس بيها ونعرف دواخل البشر احيانا لازم نغلس عليها ؛ بس حتى تمشي دنيا بلا تعب و جع كلب ...

بس بالواقع اني اجذب على نفسي احجي هالحجي بداخلي بس صعب انفذه ..

شكد صعب الانسان يكون صاحب مبدء و ظمير بهل الدنيا ، بالواقع ..اديه بيها رجفه صار فتره ، البقيات ممتاثرات ولا همهن اصلا ، بس اني ماكدرت ، اجذب اذا اكول اسمع واغلس حتى اعيش لا اني اسمع واحترك من جوه ...

بس ماعندي ذره جرأه اتواجه ويه بيبر ، خفت اي خفت ...

اخاف منه برغم ماضاربني ولا ماذيني بيوم ، بيبر بحياته وياي ما زعلني بحجايه لا والله الحق ينكال وهذا اتحاسب عليه يوم القيامه ، هو هذا سبب سكوتي عليه وعدم كرهي او زعلي منه ، انو ماذاني بحجايه ويحبني حيل ..

اما بقيه الامور خارج اطار حياتنه زوجه من شغل من علاقاته ويه عواد او عدي مالي شغل ، تعلمت مادخل ، لان يتغير حيل حتى نبره صوته تنكلب لدرجه كلبي يرجف ..

تمشيت ادور عليه كلبي يمه اعرف بي ضايج مغثوث ، لكيته كاعد قريب الاسطبل ، حجه اسامه هذا بيبر كاعد هنا ...

رحت عليه و همست لاسامه ارجع يله اني اكمل ..

حجيت بيبر ..

حجه هناا كاعد بصف الحايط تعاي ..

تقربت مديت العصا ، لزمني من جف ايدي وكفت مقابيله ..

شلونك .

انتي شتكولين ..؟؟!

جريت نفس :- خسارتك جبيره ..

-ابتسم خسارتي مو فلوس ميرال ، خسارتي اكبر ، خساره الثقه ،تكسر الظهر ..

درت وجهي صدكت خساره الثقه افضع توجع اكثر من خسارتنه للماده .. درت عليه بيبر عندي رصيد بالبنك اسحبه الك وسدد اني عنك ..

ضحك ضحكه قويه و لزم جف ايدي ودنج باسها .

كتلج يا رحمه و بياض كلبي مو فلوس وربج ، خسرت نص البضاعه على الحدود وهاي ماترجع بفلوس ، و لاعبالج عشره لو عشرين مبلغ جبير حتى البنك رفض اسحب هيج مبلغ ...

ورطني عواد هاي نهايه ثقتي بي ، يامها حذروني وجنت اكول اخويه بس اخويه غبي ..

لزمت راسه اتلمسه بهدوء ، تثق بيه بيبر ..

حجه شتكولين انتي ..

مادري احيانا الواحد من ينصدم بالواقع ، يبطل يثق حتى بيده ..

-مثل ماثق بكلبي اثق بيج ، انتي بياض الكلب ميرال وذره نقاء ضلت بي وجودج هناا يمي معناها اني انسان بيه خير بعد ...

دمعت عيوني ، همست اعرف ترى شغلك مو قانوني بس انته اعرف ، ادري انته كلبك ابيض والله بس ماعرف شنو الظروف الدفعتك تتورط ...

حجه قاطعني مثل عادته :- اااششش كاافي لا تفكرين ميرال لاتفكرين بشغلي ابد ، خليج وياي بس اني ترى بيبر الي بالغرفه وياج اما بالشغل هذا مو اني هذا فرات ...

رجفت ايدي ، همس يحجي :- فرات القديم هذا مو بيبر ، نزل باس جف ايدي ، حسيت حبيبي ضايع ..

ضايع بالماضي ،

ابتسمت ، سوي مثل مااسوي بيبر ..

رفع راسه .. شلون يعني ..

-لا تخلي رجلك بمكان اذا ما تكون عصاتك لامسته قبلك تامنه الك حتى لا تعثر وتوكع ..

سكت ..

لزمت راسه امسد علي ، خلي عندك عصاا اتوجهك و تحذر من الي كبالك ..

-عندي هالعصا عدي ..

-بهت وجهي و سكتت ضايجه ..شوي ونطقت هذا ماله امان بيبر ، هذا واحد مثل الشيطان والله ، ليش تأمن بي وراك يحجي عليك .

-حجه ماتعرفي انتي بكدي ماعرف ليش تكرهي بس هذا رفيق دربي اثق بي ثقه عمياء ..

كعدت بصفه ، سكت واني هم التزمت الصمت ، عرفت اكو شي بماضي لبيبر اثر عليه .. بس المن اسال شو حتى ديما ماتعرف ..

سالفه سجن مالته مو خاليه اكيد وراها شي .. وليش مايحب اسم فرات ، ليش كل كارثه يكول مو اني هذا فرات ، ...

بذاك الصوب ورأس الانه ، جان يتفرج على انهيار الثقه بين الاخوه ، وعلى فقدان اعصاب صديقه جان يصيحه عزوتي ...

، شافه بقه اله تكه و يغرك بمشاكل لان عجز عن دفع حصه الشرطه الي تأمن سلامه الشحنات ..

وعجز عن دفع رشاوي للمعابر ، ومطاعم و البارات الي تصرف بضائع ، من شافه خلص ماعنده اي حل ..

تقدم اله و مد ايده ، حس بيد ضربت جتفه وكعد بصفه ..

اندار عليه جر نفس حجه :- عدي ؟؟...

ابتسم عدي ، هز راسه مو كتلك يافرات ..

رفع راسه بيبرس متفاجى مايستخدم هالاسم هو ابد ..

حجه هاا صار هواي ماصايحلك باسمك الحقيقي مو اول مره صحت الك باسم بيبرس جانت بالسجن ، هم جنت واكع و جهك بي هالنظره اشر على وجه بيبرس ..

، تقرب عليه وهمس وهم جانت وكعتك سببها اخوك ..

نزل راسه بيبرس ، اخوي مريض عدي وانته تعرف مرضه الداخلي لو اكدر اعالجه بس ماله علاج ماعندي حل غير بس اتحمله ..

-وتعبك بيبرس تعبك انته مشي الشغل و حياتهم كلهم ، الشغل كم بيت فاتح كم عايله موكل ، سبب اخوك راح تنهجم هالبيوت ، اخوك خله فلوسك و حقك بطن ثروت ..

رفع نظره بيبرس متفاجئ :- ثروت شجابه بالنص ..

ابتسم عدي هز راسه بس لاعبالك اخوك تصرف من كيفه بلا ماواحد يوزه ،لو يلقنه ..

-رد ماكو هيج حجي ، اني متاكد مراقبه لثروت كلش زين و عواد ماواصل ثروت ولا اي شخص يشتغل ويه ثروت ..

رفع حواجبه هذا احساسي صاحبي ما صدكت بي بكيفك ، بس اني مثل ماتعرفني مايوم هديت ايدك ، الي عندي هو الك وياك بكلشي و الضرر اني راح اشيله بس الي طلب عندك ..

صفن بوجه بيبرس و ابتسم كول عزوتي ..

ضحك مادامني عزوتك نفذلي هالطلب ..

#يتبع ..

كروب الفيس .. ( كتابات اسماء ديمير )

الانستا .. asmaa_demer

كروب الفيس ... كاتبات وقارئات العراق