رواية قاع الشياطين الفصل الثاني والسبعون 72 - بقلم اسماء ديمير

...............☆البارت الخامس والستون ☆............

#قاع_الشياطين(البصر والبصيره)

ديمير

ميرال …

حس طفل يبجي بالبيت ، صوته عالي مفزوع ، عرفت هالمهمله غزل عايفه ابنها كالعاده ، طلعت اتمشي بهدوء عندي الم بطني صار فتره بسبب قله الاكل ..

كطعت الاكل من يومين عسى اكدر اضغط على بيبر بس هو ولايمه كانو ممهتم بيه وبصحتي مثل قبل ..

لكيت غزل تسب وتغلط وانعل ابووك لابو امك ابن كحب، دتسكككككت ووووجع ..

ردت ام زياد وجع غزل شبيج ذبي على عامله تسكته لاصيحين رووسنه توجعنه ..

ممرمطني ادري شنووو من طفل هذا ..

دنطي للعامله فضيها ..

وكفت اني على صفحه .. حجت غزل طلعت من كهفها الست ..

ردت ام زياد اي ززين شفنه وجهاا شلونج ميرال ..

ماحجيت نبره صوتها ماعجبتني ..

حجت صار كم يوم ماكو امي ليش ضل بالي عليج ليش هيج وجهج شاحب ماماكله موو كالت العامله كاطعه الاكل ليش،حبيببتي ليش زعلانه شبيج ..

ابتسمت مستهزئه جن تخبلت ام زياد شهل حنيه نزلت عليها .. درت ظهري ارجع .. لحكتني غزل لزمتني اساعدج باين تعباانه شبيج ميرال حبيبتي ..

ماحجيت .. دفعتها بهدوء .. حجت جاي اساعدج شبيج …

شبيج غزل شرايده ..

رايده مصلحتج يااكلبي ..

رفعت حواجبي مصلحتي ؟؟؟!

اي والله ..

شلون هاي …

تقربت تهمس يم اذني اكو كامره بغرفتج تدرين رجلج خال كامره بغرفتج هااي و بغرفتج الي بالفله هم ..

همست ادري وبعد .. بلعت ريك ..

حجت اذا متصدكين دوريها وهسه تلكيها ..

شرايده غزل من الاخر ..

اريدج بموضوع انتي تستفادين واني هم شكلتي ..

حجيت بخوف ، شنو هو…

تردين اطلعج مناا ..

ضحكت قبلج جان اشطر تعاي ساوميني على شي جديد سالفه الطلعه غسلت ايدي منهاا ..

حجت واذا طلعتج هاااا وصلتج لاختج ..

وجهي بهت اختي ؟؟؟ تالاااا شبيها ..

اختج بشمال يم خوالج سمعت ..

خرط وجهي شوداهاا شلون وصلت ..

هسه موافقه لو لااا ..

احجيلي شبيها تالااا شلون راحت ..

ماسمعت كلمه مووافقه ميرال وافقي حتى نكعد نسوالف بشي يرضيني ويرضيج شكلتي ..

تعرفين ماعندي شي اقدمه الج ليش جايه عليه غزل ،

لا عندج هوواي بس انته غبيه لازعلين واني اريد اساعدج والله جربيني يمكن افيدج اكثرهم اني ..

كولي غزل شرايده ..

يعني موافقه وتسوين الي اريده ..

كولي خلصيني ..

جرتني دتعاي هنااا البيت ماله امان رجلج مثل ابليس تارس البيت كامرات بس على منوو على غزززل افره فر هو وعشره مثله .. اخذتني جوه بالمنور قريب المخزن و كفت تحجي وياي ..

باعي ميرال اختج سمعت من بشار يكول رايحه للشمال صار فتره بس لوحدها و شامره ابنها على دانيال كايله ماريده ابن حرام هذا ،

قاطعتها فضيها لاضلين تلوفين عليه غزل ، حجت اااي دنطي مجال اوصلج الها اني بيدي ومحمد وداعت ابني بس بشرط ..

سكتت شوي ..

حجت هاااا شكلتي ..

احجي ..

مو عندج شقه انتي بسليمانيه ..

شبيها ..

تتسجل باسمي ميرال و تكتبين الي شيك ب١٠ الاف دولار ترى مو هوواي ..

ولي لج شنوو تستغليني انتي شايفتني غبيه ..

والله عاد هذا ثمن قليل مقارنه بالي راح تحصلي من بيبر اذا وصلتي لخوالج و طلبتي طلاك نص ثروته الج العشره الاف دولار لا شي هذني عندج هنه وتراب يصيرن ..

شنو الي يضمن الي توصليني لاربيل ..

هاي عوفيها عليه ايام ارتب بيها بقه بس تنفيذ ..

سكتت ..

حجت هااا ..

رمشت بعيوني حايره ، ماعرف ..

نترت لاااا ياماماااا باعي ميرال لو ترضين و اخلصج مناا وتعيشين براحه بشمال انتي واختج مره ثاانيه لو تضلين هناا بالمدكه ومذله يم بيبر على ساعه يهجمون عليكم و يصفوكم جاي امدلج خدمه محد سواها قبل وياج ولا احد حيسويهاا ..

وانتي عود خوش ادميه يعني اعرفج كلش زين لو ماشقه والشيك ماجلن عرضتي عليه هيج عرض ..

والله عاد الدنيا هيج اني شعليه ..

ابتعدت عنها ومشيت خايفه ..

صاحت وراي الج كم يوم وتردين الي لخبر ميرال ،، مارديت عفتها ومشيت ارجف ..

ماكدرت ادخل غرفتي ، ضليت واكفه معقوله خال كامره اي ليش لاا كلشي جايز ..

هو هيج هذا طبعه ميامن باحد و سره بير ..

اي دومه هيج هواي اشياء اني ماكايلتله عليها عرفها شلون ؟؟!

هواي امور يعرفها شلون ماخليت بالي يكون خال كامره بالغرفه اني شكيت بالعامله ..

كعدت بالارض مهدود حيلي اصدك بيها واثق بغزل لو لاا ، شنو الي يضمنها الي هاي ..

اذا ماوثقت بيها منو يساعدني ، محد اكيد محد ، اجرب حظي لو اكعد واسكت جوه رحمه بيبر ..

ماريد اعيش وياه بعد تعبني هوو .. بس منو يضمن الي هاي غزل وحده رقاصه بلا اخلاق الها ميت وجهه منو يكول مجرد ماسجل الشقه و الشيك باسمها تغدر بيه ..

هي اصلا على سفر هي وعواد يعني تطفر و تعوفني بمصيبتي لوحدي ..

كلبي لاكفني منها ماعندي ثقه بيها بس يحتاجلي مساعده اني لازم اوصل للشمال لخوالي لازم .. ماضل هنااا خلص قررت بس منو يساعدني ..

بعدها بفتره لاحظت تعامل ام زياد وياي اختلف ، عبالك مو هي اسلوبها انعدل فجاءه ، وصوت الطفل دوم يبجي ويصرخ ..

بشار ودانيال سكنو هنا اكو غرفه قريب الباب ينامون بيها ، استغربت شلون تاركين عواىلهم وجايين هنا ..

لهل درجه روح عزيزه وبوكت الضيك يعوفون اهلهم ينفذون بريشهم .. اسمعهم يردون من عامله اكل لو ماي ..

حتى العامله التهت عني شوي فكت ياخه ، قبل وراي تركض هسه حايره بطفل الي عيط طول اليوم لو بطلباتهم ..

دخلت للمطبخ دايخه اريد شي اكله بسبب قله الاكل لازمتني دوخه طول اليوم ، سمعت صوتها وراي شلونج حبيبتي ميرال ..

مارديت جريت صمونه العامله حجت اني احظره .. ماحاجيتها جريت صمونه واني كعدت اخلي بيها مربا شوي ..

ام زياد حجت للعامله كراسي بره كلهم تراب اطلعي نظفيهم ..ثواني ونترت بيها موووويااج اطلعي عاد …

طلعت العامله واني توجهت اطلع من المطبخ .. لزمتني من جتفي ؛ حجت مارديتي خبر لغزل ميرال ..

وكفت وانداريت عليها عفواا ..

غزل مارديتي الها خبر ..

صفنت بوجها ثواني ورديت مبتسمه اهاااا معناها الج ايد بالم. قاطعتني اني تعبت ميرال ..

بجت فجأءه ، رديت ليوره مدهوشه ، كملت كلامها تبجي :- تعبت ياامي خسرت ولدي و بنتي الوحيده اريد ارتاح ماريد ايضل احد حاقد او زعلان عليه اريد ابري ذمتي واسوي شي زين حتى ظميري يرتاح قبل لا اسافر واعوف العراق ..

سكتت استمع الها كملت كلامها وبجيها مستمر ، ضحيت بكلشي اني لخاطر رجلج باهلي بااختي امه لاعواد بكلهم بس لخاطر رجلج وعواد …

لميتهم من شارع لان كلبي مانطاني اخليهم يتمرمطون وينظلمون اكثر ، بس بيش جازاني هااا خاصه بيبرس بيش جازاني …
ضيع ابني و خلاه يكرهني مايطيق يسمع صوتي ، لو بتي راحت مثل الورد هيج ..

سويت كلشي حتى يرضى وماارضه رجلج يخلي الواحد يدفع حياته وعمره وطاقته لخاطره وبالاخر من يتعب و ينكض يشمره للجلاب ..

مثلي ومثل عواد كلشي سوينه لخاطره و دفعنه غالي ورخيص لخاطر عينه وحتى مايصيبه اذه بيش جازانه طردنه من البلد كله …

خلانه نجدي الفلس منه هسه وكل شوي معيرنه ، جرت نفس مختنكه بجيهاا انتي هم تاليتج مثلنه ، انتي هم من تزوجتي مثل ورده مفتحه عين الله عليج..

مثقفة بنت عايله وبنت خير وعندج اخت واهل واحباب ..

شنو صفالج هسه هااا ، لا صحه ولاعافيه ولاخت ولا احباب قريبين منج ضيعهم هو الج ، ليش عبالج راضي لو مقتنع بعد بعد ماراح يخلي عليج شي و تاليتج هم مثله لو يطلكج لو يجيب وحده فوكج بيبر مصلحجي تهمه بس روحه وبس …

دموعي نزلت بهدوء حجت اريد اساعدج هذا اخر شي اسوي اني وبعدها اسافر حتى ظميري يرتاح ، اطلعج منا سليمه بس اربد منج تعرفين بيبر وين خزن البضاعه ..

همست بستغراب يابضاعه …

ابو زياد سامعهم يكولون بيبر ناوي يلم البضاعه من السوك كلها لام البضاعه من البارات والمطاعم مالته وناوي يخليها بمكان لان جاي كتاب من وزاره داخليه باسمه ، تفتيش بكل الاماكن الي مسجله باسمه هو ماخذ احتاطاته ، بس وين ناوي يخزن بضاعه منعرف تعرفين انتي موو ؟؟!

رفعت حواجبي متفاجئه وخايفه ام زياد شتردين مني ..

غزل مو حجتلج موضوع مووو ..

سكتت ثواني حجيهن ممترابط لا هي ولا غزل ، باين غزل رادت تضمن مصلحتها على حسابهم ، كلبي قبضني حيل ، جاي يسون هذني ديلعبن علي لو شنو ..

حاجاتني :- باعي ميرال يعمري انتي بس اسمعيني زين قبل ماتجي العامله ، بيبرس ماراح يخليج تطلعين منا مستحيل من سابع المستحيلات الا بحاله وحده ..

همست وهي ..

-نعرف البضاعه وين راح يخزنها و نخبر عليه الداخليه احنه وهو اكيد حيلتهي بيها و بمصيبته ، بذاك اليوم الي هو يلتهي بسالفه البضاعه و دخله الشرطه عليه احنه ناخذج ويانه نذبج بشمال و احنه نطلع لتركيااا افتهمتي …

بهت وجهي متفاجأه ، كلامج ممترابط ويه غزل ام زياد ..

غزل ليش شبيها ..

جريت نفس كلبي انقبض ، دزيتي غزل تحجيلي الموضوع نفسه موو ..

ردت اي كلت انتن جنتن صحبه جوز تكدر تقنعج و تعرفج مصلحتج الله يشهد علي رايده مصلحتج تعبت اني وظميري اذاني ياايمه كل ماذكر ايلاف وحبها الج ، واني راح اعوفج هنا لوحدج ويه بيبر المجرد ، كلبي ينمرد بس ماكدر اساعدج ، الا اذا انتي ردتي تطلعين مناا .. بس اذا عاجبتج العيشه ويه هالمجرم هذا شي ثاني …

صفنت اني و جسمي خدر خلت ايدها على جتفي حجت ترى مجرم يايمه قاتل ناس هوواي خاف فديوم يقتلج ..تدرين هو قتل واحد اسمه يوسف جان يشتغل عدهم كتله لان عرف عنده علاقه بديماا بس محد لكه جثته للمسكين ..

دموعي نزلت . جرت كرسي و حجت اكعدي ارتاحي اعرفج بريئه وكلبج رجيج بس الله ذبج بطريق هالمجرم نذل ، بس اني حخلصج والله وعد مني بس اريد منج مساعده صغيره .. اعرفي وين راح يخزن هالبلوي عندي حتى نخبر عليه ضابط بداخليه صديق ابو زياد هوو بين مايلتهي هو بهل سالفه ناخذج احنه ونطلع للشمال كبل لخوالج ..

شكلتي ..

ضليت مدنجه راسي ابجي ، جرت نفس ميرال قوي كلبي عاااد ، حتى تكدرين تطلعين منااا قوي كلبج راح نخلص منه كلنه قريب انشالله بس نريد منج مساعده تساعدينه لوو لااا ..

مانطقت الساني انربط ربط …

حتى صمونه شمرتها على صفحه ماكدرت ابلعها ، باليل هو اجه يمشي بهدوءوساكت سكوت مرعب ..

ايام مرت ما نطقنه حرف لا اني ولا هوو حتى الكلام الي بينه اختلف ، لف راسه ونام بدون مايجبرني على نوم يمه ولا حتى يحظني احسه ضايع بعالمه او ضايع بتفكيره ..

واني مو احسن منه ..

بالي اختي شوصلها للشمال وصدك هي بشمال لو جذب ..

شلون عافت ابنهاا ، لو عدي اذا عرف بعواد و مكسورته لسواها ودم ستار ومرت عدي وابنه لبركبته ..

لو غزل الي ماعرف اثق بيها لو لااا ..

لو ام زياد الي فجأءه صحه ضميرها هل هي ام للثقه لو لااا ..

كلهم مو ثقه زين منو ثقه ،

كلهم جذابين بس لازم اكو بيهم واحد ارحم ..

هااا يميرااال وين عقلج وين بصيرتج ، اليل كله مانمت و جفني ماغمض ، اربع سنوات ونص الي عشتها عدهم مرت عليه كلهاا ، كل ماذكر شغله جنت غافله عنها اشبع بجي ..

دفنت راسي بالكوشه اشهك خاف يسمعني ويحس عليه ، كتله يوسف الي اني حاظره بيها بس من طيب كلبي ماحسيت بيهم وماعرفت ديسوو ..

لو استغلالهم الي ، لو سكتت من تذكرت البصمه الي بصمتها ليبير …على عمه عيوني ..

كلبي رجف تعب بابا و شكه عمره و حسابه بالبنك الراح ، اكيد اخذه اكيد استوله عليه هوو اكيد فلس الحساب ، لذلك كل ذيج سنوات مانعني اتواصل ويه اي محامي او اتواصل ويه عمامي ..
اخسرتني كلشي يابيبر كلشي ، دموعي تنزل جمر على خدي حتى خدودي احسها تحركني ، من حراره دموعي…

غفيت بمكاني ، احس بي يحجي نوبات ، بهدوء بس ماتحرك ظليت على نومتي مغمضه ..

حسيت دنيا فجر كمت اصلي ، حكمت عقلي و كلت خلص ، الي يصير خلي يصير بس لازم ادفع ثمن الي سويته ..

اني هم مو ضحيه لاااا اني هم جلاد ..

سكتت عن الحق و فضلت كلبي على عقلي وهاي نتيجه ..

لازم السع بالنار الي فضلت اوكف وياها ، طول الوكت عقلي مو راضي بس ااااخ من كلبي اااخ ضربه على صدري بحركه اااخ كله منك ..

ما بالي بس اسماء .. ام زياد .. غزل .. بيبر … عدي .. ياهو اثق بي بعد …

نمت على الكرسي بعيد عن بيبر ، صبح كعدت مالكيته ، جريت جهازي وفتحته ، نويت افتح تسجيل واخلي بصاله او اي مكان بي ام زياد …

طلعت بره الغرفه لكيتهن بره بصاله يسولفن من اوصلهن يسكتن ، .. جريت نفس،سلمت وكعدت مرتبكه اديه ترجف ..

حجت ام زياد هاا بشري …

رديت ماحجه البارحه بشي كبل نام .. جرت نفس جزعانه هي ..العامله دردم وعصبيه ..

وطفل يصرخ .. عاطت غزل وووجع سكتي عاااد شنو هل لازعاج الي الله بلانه بي ..

ردت العامله الله ياست هاانم مش عايز يسكت خالص اعملو اي طييب ..

صوت طفل صغير مو صوت رامي ابن غزل ، رامي اعرف صوته جبير عمره فوك الست اشهر .. هذا كانو حديث ولاده ..

درت وجهي ماحبيت ادخل ، ام زياد حجت طلعي لابو بره خلصينه منه ..

طلعت هي واني درت وجهي وراها ، ابن منو هذا ؟؟

خليت جهازي على الطبله و همست لغزل اريد جهازز اريد اخابر خالتي موبايلي مايتصل على رقم بس رقم واحد هو بيبر ..

ردت اي حياتي من عيوني بس اجيبه الج دقيقه ..

ردت ام زياد شفتي مانعج حتى من سماع صوت اهلج وناسج لان يعرف نفسه مو خوش ادمي ..

همست الها مو تكولن اكو كامرات بالبيت ..

ردت كامرات اي بس مو تسجيل صوت شبيج ميرال توقعتج اذكه من هيج ..

مارديت خلت غزل جهاز بيدي وحجت ادكلج اني ..

همست لا اعرف ..

اخذت الجهاز وطلعت بره بالحديقه عفت جهازي يمهن ..

بس فتحته كتبت رقم عدي حافظته ، دك دك مارد ..

رجعت كتبت رقم هبه بنت خالتي دك شوي وردت ..

حجت الها اني ميرال تالا صدك عدكم ..

ولج وينج اختج كلبها ميت عليج هذا رجلها نذل اخذ ابنهاا وخطفه منهاا اختج منهاره قتطعتها تلااا يعني يمكم ..

لاا يم خالتي وداد …

غمضت عيوني خلوها يمكم هبه لتتخلوها تجي لهناا ابد ديربالج افتهمتي اماانه الله ورسوله هااي هبه سمعتي ..

شكوو ميرال شصاير انتي وين ..

مادري هبه مادري بجيت اني ضاايعه هبه ماعرف شسوي ..

انهزمي ميرال مثل ماسوت تالااا ..

ياريت بهل سهوله يااهبه يااريت ، هبه بداعت امج تالاا امانه ممنوع تخلوها ترجع لهنااا اني الله كريم احاول اجيكم بس تالا لاتخلوها ترجع ..

شكو ميرال احجي بالكت نكدر نساعدج ..

ماتكدرون وحتى لو كدرتو وين تلكوني اني نفسي ماعرف اني وين .. ماكدرت اكمل غصيت بالبجي سديته منها اشهك وابجي ، دك جهاز بيدي فززني ..

توه اودي لغزل اكللها دكو عليج تذكرت عدي ..

فتحته و سكتت .. صوت شهكه بصدري صوت نفسه هو بس ماحجه ..

بعدين حجه الووو .

همست عدي ..

سكت مارد ..

رديت البقيه بحياتك عدي بجيت مقهوره ، سد الجهاز بوجهي كبل ماحجه .. استغربت فعله .. نزلت جهاز من وجهي ، دنجت ابجي ، مسحت كلشي و كمت لحيلي ، رجعت الجهاز لغزل ..

حجت ويامن حجيتي ..

همست ويه تالاا .

ضحكت شلونها ..

شلونها وابنها بعيد عنها ..

حجت ام زياد سهله انجيبه الها ..

رفعت حواجبي شلون هاي ..

ردت ابنها البارحه جان هنااا جابه دانيال لان ماعنده مكان يودي اله ، بس احنه ماتحملناه بس يصرخ ، رفعت حواجبي خايفه طفل وووين ..

ردت غزل ماكلتي موافقه لو لاا ميرال ترى بزعنه ..

بجيت طفل ووين ..

ماحجن اثنينهن .

جريت جهازي و عفتهن وطلعت من الصاله ، دايخه مسطوره احس دنيا افترت بيه اريد بس الزم شي داسند نفسي ..

مشيت اطوطح عبالك واحد ضاربني على راسي بس وصلت لغرفتي وكعت بالارض ، درت ظهري على الارض ، ادنيا تفتر بيه احس مو بوعي غمضت عيوني حتى ارتاح ..

صور مو واضحه ، تالااا .. مشتاقتلج تالاا ..

كلشي تغير بحياتي حتى انتي .. ليش مشيتي للشمال وعفتيني ..

مالومج حبيبتي بس استغرب شلون رحتي بلا ماتودعيني .

ماحسيت الا على صوت العامله تهز بيه حيل .. ياااست هاانم ياااست هاانم ..

فتحت عيوني ضوه احمر ..

هزه قويه .. مااالك يااست هااانم هو انتي كويسه .

رفعتني من جتفي و جيت وياها جسمي ماثابت دايخة .. رفعتني من الارض مددتني على الفراش . همست بيبر وين ..

ردت مكااش لسه يااست دانه سمعت اخبار منيله بستين نيله ..

فتحت عيوني بهدوءمسطوره.. شبي بيبر ..

هو مفهوش اي حاكه بس سمعت ان الفله محروىه في حد حارء الفله و أتل الحصان بتاع السيد بيبرس ..

فتحت عيوني حيل وكعدت لحيلي شنووو ..

هو ده الي اسمعتو ياست ..

اريد اكعد لحيلي ماكدرت جسمي يرجف رجعت لمكاني ابجي ، دكيلي عليه دشوفه وووين دكي ..

حجت مش حيرد عليكي اتثلو بي مش بيرد..

رجعت راسي على الفراش خليت معصمي على عيوني ابجي ، الحصاان ؟؟؟
عود صدك وصلت سالفه حتى حيوان مخلص …

الحصان الي بيبر يموت عليه .. ماكدرت اتحمل الصدمه اكثر ..

بمكاني نمت من البجي ، ماعرف شكد مر بس اسمع صوت بره وكلام قوي و اصوات عاليه ..

سندت نفسي وكمت كوه دايخه من قله الاكل دايخه احس نفسي على شفره الموت من قلة الاكل ..

طلعت بره صوت عواد يحجي ، ام زياد ترد مو بكيفه غصب عنه ، وكفت كبالهم ..سكتو ..

حجه عواد بنترر فضيتوها وياهاا لو كل عاده محد يكدرلها لهاي ..

ام زياد حجت لااا بنت فاهمه وعاقله ماترضه بالغلط مو حبيبتي ..

سكتت اني ماجاوبت لزمت حايط اسند نفسي ..

حجت ام زياد ميرررال ويااي موو جبتي الخبر لوو …

هزيت راسي لااا ..

عواد صااح اووووو فاض صبر ترى حليها خاله لخاطر ربج مليت ترى اني ..

حجت مو كلشي بالقوه ابني ترى هي هم ضحيه مثلنه المسكينه ، شدراها برجلها شنوو .. قابل تعرف بي ناوي يصفي كلشي و يطفر للخارج و يعوفنه احنه هنااا ضحيه لاعدائه …

اني بس اسمع و شفتي ترجف .. حجت بحسافه اااخ ياميرال ياامي اااخ .. انتي اكثر وحده اذاج هذا بيبر مااكفاه ان قتل اهلج نوب يريد يسلب حياتج هم ..

ماحجيت لان الجمله ماستوعبتها زين او سمعتها بس عقلي ماقبل يصدكها ..

صاحتت غزل عزااااااا صدك تحجين ام زياد صدك كاتل اهل ميرال يمااا سمعتي ميرررال سمعتتتي ولج كاتل اهلج …

اديه ساندتها على حايط اهتزت و رجليه جمدت وكفت جامده بلا ملامح .. حجت ام زياد سمعتي ميرررال سمعتي …

دموعي من دون جسمي كله تحركت ونزلت ، تقرب علي عواد عاط بيه جفلني اسمعي بت نعااال لزمني من جتفي حيل هززني ..

الخبررر تردي النه اليوووم اليووم اريد اعرف بيبر ووين صفه بضاعه وووين خزنهم وووين ..

بجيت بضعف ماجاي استوعب الكلام ضربني على وجهي ضليت ساكته ماتحركت ولا نطقت بس ابجي بسكوت ..

دفعته خالته ونترت عووواد .. لزمتني حظنتنتي ياامي ياعيوني انتي ليش تعاملها هيج طايح الحظ ..

كعدتني بالارض لزمت ركبي حجت بهدوء ماما شبيج .. مصدومه موو الله يعينج احنه هم انصدمنه تصدكيين خدعنه كلنه هالحقير ..

اني من سمعت بفعله باهلج انصدمت كلش بس كلبي مانطاني احجي الج بوقتهاا اني تدمرت فكيف ماانتي ، كلت اسكت لخاطر مااقهرها بس وصلت حدها وياه ماغزر بي اي شي هذاا دمرنه كلنه ..

حتى اسالي ابو زياد .. ابو زياد يعرف تفاصيل لان سامع عدي و بيبر يحجون عن اهلج ..

عدي مدلي بيبر على ابوج وكاله هذا صايغ و كاعد على كنز ذهب .. نوب رايح يجيب بضاعه بالملايين بدون حمايه نسلبه بالدرب اسهل منها ماكوو ..

بيبر ماكال لااا بس خطط الهم و رسم الهم خطه والوقت وتاريخ وكلمن دوره ، ابوج المسكين رايح يجيب بضاعته من المطار وياه امج ، بطريق محاولين يسلبوو بس ابوج ماموكف السياره دايس بانزين و على صدفه انكلبت بي ..

حتى هو على حافه الموت مارحموو ولادكو على الاسعاف ، رغم مابوج من انكلبت بي سياره بي روح ، بس شنو سوو بشار لو عدي لو بيبر اخذو ذهب و حتى بوقتها سلبو ساعه ابوج من ايده .. وعافو يموت لوحده ..

هذا بيبر شفتي شلون سيئ ، ضليت اشهك صوت نفس،يعلى وينزل .. احس الهوه اختفى ..

حجت :- ازم لازم تساعدينه نخلص منه كلنه نستحق حياه افضل من هاي ..

لزمت وجهي حيل هزتني ميراااال ماما مو وكت انهياااج اجمدي شبببيج ، اهلج الله يرحمهم بس انتي شلوون لو اختج وابنهاا حق امج وابووج فكي عقلج .. خلي نخلص منه بسرعه ..

همست اضحك نخلص من منوو ..

ردت عواد بصياخ من خر* من بيبر من منوو يعني ..

همست ام زياد .. عووواد ..

حاجتني وهي لازمه جتفي بلطف حجت من بيبر …

رفعت حواجبي ساكته دموعي نار على خدي ، حجت لاتخافين خططنه لكشي بيبر نهايته قربت ، احنه راح ننهي بدينه ، اظمن الج هذا شي وعد ..

اخذي حق اهلج منه واحنه ناخذ حقنه هم ، حق سنين عمرج على الاقل ، انطينه مكان الي خزن بي بضائع وين وبنفس اليوم احنه ننهي ..

ردت غزل و اذا حس علينه شلون ..

مايحس .. حاجت ابو زياد وكالت اله حظرتها للعلبه ..

رد اي واحد يفتهم بالتفجيرات سواها الي كال مجرد مادك الرقم تنفجر بثواني ..

ردت غزل شلون نعرف سياره راح يركب بيها ياهو ..

رد عواد بالتاهوو يركب تاهوو هو اما بقيه السيارات بنفسي راح افرغهم من بانزين حتى اذا باله مايصعد تاهو من يلكه بقيه بلا بانزين يضطر يركبهاا ..

رد ابو زياد امن شي واضمن شي جوه كشن سايق نخليهاا اني بنفسي حشدها اله بس بشار اشلون ..

ردت ام زياد طلعو غزل تلهي بين ماتخليها انته و تضبط مكانهاا ..

كمت من مكاني ماكدر اسمع بعد اختنكت ، والله حسيت نار بمعتي ناار ، موت قريب وبي ريحه .. يا مرحله وصلت اني وووين خليت رجلي .. عفنهم يحجون ويتفقون شلون ينهون حياته و طلعت استند على الحايط مثل سكرانه احس نفسي مو انسان والله ..

كانو كائن غريب بلا روووح بس جسد ..

اسمع عواد يحجي لخالته شلون تامنين بيها شنو الي يظمن ما تكول لبيبر ..

ردت بعد الي سمعته وبعد ماعرفت هو بسبب موت اهلها مستحيل تساامحه ، ماكفاه قتل اهلها نوب ضحك عليها وستغلها و ضيع اختها ..

كعدت بعتبه الباب ضايعه وجهي احسه صخن ودموعي جفت ، اديه بيها رجفه غريبه والم حاد بصدري ، هاا يااصحتي هم راح تخونيني موو وكت الجلطه يااربي موو وكتهاا اكتبلي شويه عمر بعد .. لاتموتني قبل مااخذ حق اهلي ..

لا تموتني يااربي قبل مايضهر الحق ،

اسمع صوت العامله دخلت من بره ، عوزه حاكه ياست هاانم اسفه سبتك بس ست ام زياد بعتتني اكيب شويه حكات ..

مارديت عليها ماجنت اسمعها اصلا ، احس الالم ملخني من جوه ..

اعرف هو عنده سلاح بكل مكان ، بالغرفه اكو اكثر من قطعه بس ماندل بالضبط وين خالهم ..

دخلت وسديت الباب ، بس دخلت شميت ريحته بجيت بضعف ، شلون هنت عليك .. من جنت تشوفني شلون كلبك ماذااك ..

فتحت جرارات ادور على السلاح مالكيته توجهت للمخاد ..هم مالكيت جواهن شي كانو شايلهم ..

دنجت جوه جربايه مديت ايدي لكيت شي جواها . دنجت جسمي مديت نفسي اجر اشوف هو ..

لزمته اي والله سلاح جريتها .. كمت لحيلي .. اني انفذ القصاص بيدي ، ليش انتظر احد ياخذ حقي شبيه اني . .

جسمي ااااخ من جسمي بلش ينهار ، عقلي اعرف بي وكف عن تفكير بس جسمي لاسويهاا بس اصبر شووي عيني .

دخلت للحمام فتحت دوش فوكي نكعت روحي بالماي اريد اوعي نفسي ، اعرف نفسي على تكه وافقد ، طلعت من الحمام مثل الخبله ملابسي راسي شعري يخر ماي ..

صوتاكو صوت .. صوت بابا .. لا هذا منو .. بحر .

التفتت بحر ليش هناا .. لمسهايد تلمستني فزيت رجعت ليوره ابجي ..

يالهي دخيلك ، بابا يهمس بنتي تعاي هنا ..

وينك بابا شوفني مووو ..

همس اي تعاي ..

ايدك بايا ايدك ووين ،

بحر يحجي تردين كشمش ، هااا ويضحك .. وجهي نااار احسه جمر والله ..

ملابسي تنكط ماي شعري رغم هذا جسمي جمر .. يلسع حروره ، حافيه والارض تنكعت من جسمي ، كعدت على طرف جربايه ، انتظر جيته ، بنص كلبه ميرال ..

خليها بنص كلبه مثل مااذه كلبج .. خشمي قفل من البجي ،نقاط سود الغرفه عبارهعن نقاط سود وحمر ..

رفعت اديه اتلمس عيون دشوف دانزف مو.. رطوبه …وابالم بصدري مااخف بالعكس ديزيد ..

عرفت بدايه جلطه بالزايد عندي منا لساعه واوكع ، مشيت بسرعه ادك عليه جهاز وهيىته كبالي مديت ايدي عليه دكيت مره واثنين ورابعه وسته .. عفته .. عرفت حيجي مخبوص بعدها او يدزلي عامله تشوف شبيه .

كمت قفلت الباب حتى محد يدخل غيره ، محد عنده مفاتيح غيره .. بس يدخل وجهي عليه بدون كلام اضربي موتي ..

امج ابوج ..

نانه لو ساري ..

لو تالاا ..

لو ايلاف ..

لو عمرج وحبج وثقتج ..

ياهو منهم تاخذين حقه اول ..

عطفي عليه و احتواىي اله عذابي نفسي بسببه ، خوفي وارتباكي..

وصولي للموت اكثر من مره بسببه ، اووو شكد اطلبك ياابيبر شكد مديون الي انته .. كلهم بكون وخداع سنين وسلبت اهلي الحياه كووم ..

وربي مااعبد ماراح اعوفك الا وانته ماخذ جزاتك .. دنجت راسي على السلاح خليت راسي على السلاح ابجي منهاره ماتحمل فكره والله ..

فكره الموت صعبه وخاصه انته سبب وجعي .. وكفت لحيلي ميت اديه على سراحيه ماي ، ملابسي بعدها مبلله تنكط براسي ليش جسمي مصخن واحسه نار . صليتها عليه داصحى ..

والله حسيت نفسي جنيت ، جنيت و استمر وياي جنون لهذا اليوم .. جنون نكتسب وليس ولادي ،

صوت قفل الباب انفتح فجاءه و همست واحد مخترع ميرااال ..

رفعت راسي كوه مسطوره ، عيوني نار من البجي .. ماتحركت ضليت جامده بمكاني شعري ينكط ماي على صدري و كتفي ،

جسمي يااابس عكسه هو تقدم عليه يهمس بخوف شبيج حبيبي شببببيج …

ماتحركت وسلاح بيدي اريد ارفعه مابيه جمدت اديه و ثكل جسمي ..

من تقرب عليه فزيت لحيلي وجهته عله كبل بنص جسمه خليته ا….

....

ناخذ استراحه شتكولون تعبانه والله😪💔

كروب الفيس .. ( كتابات اسماء ديمير )

الانستا .. asmaa_demer

كروب الفيس ... كاتبات وقارئات العراق