رواية كبريائي هز عرش رجولتك .. الفصل الخامس عشر 15 - بقلم Shaimaa Gonna

*كبريائى هز عرش رجولتك*

الحلقة الخامسة عشر:

وصلا"ناير وسيف"الى المنزل بعد ان انهوا بعض الامور الهامة بالخارج ..بينما كان"سيف"عابس الوجه طوال الطريق.
فقال"ناير"يمازحه:
-ايه ياجنرال ..مالك قلقان كده ليه هى اول مرة ولا ايه!!ههههههههه.
فقال"سيف"فى حنق وهو يضربه على رأسه:
-بطل يا زفت انت مالكش دعوة بيا.
-انا قلقان عليك بس.
-ده انا اللى قلقان ومتوتر كمان.
-ال ال ال هههه ليه كل ده؟! ..ده انا اعرف انك خبرة يعنى وكان قدامى حوار تارا كمان.
-ياحمار انت فهمت ايه؟! مش كده خالص.
-اومال ايه؟!
-قصدى قلقان من اللى هيحصل بليل ..مش عارف هتعامل ازاى مع ليلى والموقف هيبقى شكله عامل ازاى ..مش عارف انا هتصرف ازاى ومش عارف هى ناويه تتصرف ازاى ..قلقان ياناير.
فقال"ناير"وهو يربت على كتفه:
-متخافش ياسيف ..ان شاء الله كله هيبقى تمام وهى مش هتعمل حاجة ومافيش حاجة هتحصل.
-يارب.
ثم قال فى مرح محاولا اخراجه من هذه الحالة:
-طيب يلا بقى عشان احضرك كده واظبتك ده انت عريس الليلة دى بتاعتك ياجنرال.
فقال"سيف"باسما:
-مش متفائل ياناير.
فقال"ناير"ممازحا:
-لالا متقلقش يا ابنى متقلقش ..هتنجح.
-هههههههههه طب يلا يا استاذ ..صحيح البدل جت.
-اه جت من الصبح وابوك مش عايز يلبس سموكن عايز يلبس بدلة تانية.
-ايه ده ازاى يعنى ماينفعش.
-انا قولتله كده بس هو اصر عشان عمك مش عايز يلبس سموكن هو كمان.
فزفر"سيف"فى ضجر وقال:
-وبعدين بقى ..ينفع كده يعنى؟!
-خلاص بقى انت مالك سيبهم هما يصتفلوا سوا المهم انت يلا يلا عشان نلحق نجهز.
وهنا ظهر"ياسين"فجأة وقال:
-هتجهزوا منغيرى.
فانتفض"سيف"وقال:
-بسم الله الرحمن الرحيم ..ايه يا اخى سرعتنى انت جيت امتى اساسا؟؟
-رد ياخويا على اد السؤال هتجهزوا منغيرى؟؟
فقال"ناير"ساخرا:
-يعنى هو انت حد بيشوفك اساسا ..ده انت مش عايش معانا.
فقال"ياسين":
-ليه يعنى ما انا اهو موجود ..انتوا اللى بتحبوا تتلموا من ورايا.
فقال"سيف"ضاجكا:
-ههههههههههههههه اه اه صح اصلنا بنتفق عليك ..بطل يا اهبل انت الكلام الفاضى ده وخلونا نتكلم بجد شوية ويلا بقى عشان نجهز مش معانا وقت.

***********************************************************************
-انا وصيتلك على الـ3 بدل اوى وكمان الفستان اشتريته من بيت ازياء فى لندن عجبتك الحاجة؟؟
قالت"هالة" هذه الجملة وهى تترقب اجابة"فؤاد" فقال:
-تسلمى ياحبيبتى الحاجة كلها تجنن.
-المهم بردو الفستان عجب ليلى؟؟
-والله معرفش انا ماشوفتهاش بس اكيد عجبها لانه فعلا حلو اوى.
-كان نفسى اكون معاك اووى كان نفسى احضر الفرح.
-معلش ياحبيبتى ..عموما انا ممكن ابقى ابعتلك الصور.
-ايوه ياريت اول ماتخلصوا كل حاجة وتطلع اوضتك تكلمنى علطول وتبعتلى الصور.
-حاضر ياهالة ..المهم انتى عاملة ايه؟؟
-انا كويسة الحمدلله ومتقلقش شركتك تمام وانا واخده بالى من كل حاجة متقلقش.
-انا مش قلقان من كده.
-اومال قلقان من ايه؟؟
-انا قلقان لحد من الولاد يسأل مين اللى ماسك الشركة واحنا كلنا هنا.
-ممممم قولهم انا.
-ايه؟؟
-قصدى يعنى قولهم انى شريكتك ودى حاجة بجد فعشان كده انا اللى ماسكاها لحد ما ترجع.
-فكرة.
-ده لو حد سأل.
-ايوه طبعا.

***********************************************************************
-وحشتينى والله وكل ما اقولك اجيلك تصرخى فى وشى.
قال"ناير"هذه الجملة وهو يحدث"جميلة"
فقالت ضاحكة:
-هههههههههههههه ما انت مجنون عايز تجيلى بصفتك ايه؟؟
-ايه اللى بصفتى ايه!! بصفتى خطيبك طبعا.
-ههههههه لالا احنا معندناش الكلام ده ..فى عندنا جواز علطول واهو كلها يومين وهنتجوز وهتشوفنى طول الوقت.
-جميلة.
-نعم.
-انتى بتحبينى زى ما بحبك؟؟
صمتت من خجلها ولانها لم تجد ما تقوله ..فقال:
-ردى ياجميلة ..انا يهمنى اعرف بجد.
-بوص انا مكسوفة اوى و ..و...
-مكسوفة منى هههههههههههه ..طيب بلاش بس اكيد مش بتكرهينى يعنى صح؟؟
-لا طبعا انت بتقول ايه ..انا هكرهك انت مستحيل.
-يعنى بتحبينى؟؟
-ايوه ايوه يناير.
-طيب ليه مش بتقوليلى؟؟
-عشان ..عع عشان.
-عشان ايه اتكلمى.
-قولتلك مكسوفة.
-ماشى ياستى ..هتيجى انهاردة اكيد صح؟؟
-ايوه طبعا ان شاء الله.
-حد من عندك جاى معاكى؟؟
-اخويا الصغير بس.
-اممم وهتلبسى ايه؟؟
-ههههه اكيد مش سواريه يعنى.
-ههههههههه اكيد ..بس اكيد هنا وبس ..انما لما نتجوز وتيجى تعيشى معايا هاخدك منغير شنطة هدومك دى اصلا ..هاخدك تعيشى معايا حياة تانية خالص ..واوعدك هتبقى احلى من حياتك هنا.
-انا متاكدة من ده ياناير ..وبعدين كفاية ان الحياة دى انت هتبقى فيها وانا مايهمنيش ومش عايزة اكتر من كده.
-ربنا يخليكى ليا ياجميلة ..وتبقى جمبى علطول.
-يارب.
-ماشى ياحبيبتى انا هقفل دلوقتى معاكى بقى عشان اروح اجهز واروح اشوف سيف وابقى اشوفك بليل ..ماشى.
-ماشى.
-سلام يابنت قلبى.
-استنى استنى ياناير.
-ايه فى ايه؟؟
-يعنى بنت قلبى دى؟!!
-هههههههههه مش هقولك.
-لالا قول ياناير بجد هزعل منك.
-مش عارفاها دى كلمة سهلة اوى.
-طيب قولهالى.
-مش هقولك ههههههههههه.
-والله هزعل منك.
-ههههه طيب خلاص اوعدك اول ما نتجوز هقولك يعنى ايه.
-انت بتهزر ياناير يلا قول بقى.
-تؤ بنت ..اسمعى الكلام قولتلك مش دلوقتى ..لما نتجوز يلا سلام.
-يانااااير.
نظرت الى الهاتف فوجدت انه قد انهى المكالمة فشعرت بالضجر منه ولكنها اصرت ان تعرف ماذا يعنى بتلك الكلمة ..وستعرف منه ..

***********************************************************************

"مسكينة حواء ..تلك التى تٌجرح وتُهان وتُجبر ..تفعل كل شئ رغما عنها واذ لم تفعل حتما ستتلقى اعنف التصرفات ..فالبعض منهن لا يجدن الملاذ الا فى البكاء والبعض فى الصراخ ولكن ..بصمت ..اجل يجب ان تكون صرخات حواء صامتة كى يتركوها فى بعض الاوقات ..باسمة"

كانت تجلس بغرفتها على مقعدها امام المرأة وكان حولها والدتها وشقيقتها ورفيقتها الوحيدة ..كانت كل واحدة منهن تفعل لها شيئا مختلفا ..
فكانت"روح"تضع لها مساحيق التجميل ..وكانت"هبة"تهندم لها ثوبها الابيض وكانت"جميلة"تضع لها طرحتها.
اما هى ..فكانت صامته ولكن بداخلها صراخ لا يحتمل لايمكن ان يتحمله بشر اذا سمعه ..فهذا مايسمى بالقهر وهذا ما فعلوه الجميع بها والذى ازاد من حزنها اكثر ..ان هذا اليوم الذى من المفترض ان يكون اسعد ايامها سيكون الاتعس ..ولكنها مضطربة للغاية لا تعرف الى اين ستأخذها الايام والمواقف والى متى ستظل تهرب منه ..فهى تحبه قلبها متيم فى عشقه .. ولكن عقلها يرفضه بقوة ..ولكن من الذى سينتصربالنهاية ..الرفض ..ام الحب؟؟
-شوفتك عروسة على الاقل ..زى القمر ياحبيبتى.
قالت"روح"هذه الجملة وهى تمسح دمعة قد فرت من عينها ثم اقتربت من"ليلى"وطبعت قبلة على جبينها.
فابتسمت"ليلى"فى سخرية وقالت:
-عروسة!! ههههههههههههههههههه دى جنازتى مش جوازتى.
فشهقت"هبة"وقالت تئنبها على كلامها:
-بعد الشر عليكى ..ليه كده يا ليلى بتقولي كده ليه متقوليش كده تانى انتى فاهمة؟
فاكتفت"ليلى"بالصمت وتابعت"روح"ماكانت تفعله لها وهى تبكى ..فنظرت "ليلى"اليها وشعرت بالاسى اتجاهها
فوضعت يدها على يد والدتها بحنان ونظرت اليها باسمة فابتسمت"روح"بدورها ..وبعد ان انتهوا من كل شئ.
قالت"روح":
-اطلعى ياهبة شوية انتى وجميلة ..عايزة اتكلم مع ليلى.
فلبت الفتاتان امر"روح" وخرجوا من الغرفة ..فاقتربت"روح"من"ليلى"التىمازالت تجلس مكانها ونظرت اليها فى المرأة وقالت باسمة:
-عارفة انك زعلانة ..عارفة اننا غلطانين اننا غصبنا عليكى ..عارفة ان معاكى حق حتى تكرهينى انا وابوكى ..بس عارفة اكتر ومتاكدة جدا انك هتبقى مبسوطة مع سيف ..لانه بيحبك.
فنظرت اليها"ليلى"فى المرأة واطلقت ضحكة ساخرة وقالت:
-ههههههههه بيحبنى؟!!
-ايوه بيحبك ..بيحبك اوى كمان وعمرك ماهتلاقى حد بيحبك اكتر منه وخليكى فاكرة يا ليلى ..اوهبى حياتك للى مستعد يفديكى بروحه ..وتاكدى ان لو كان عندى شك فى حب سيف ليكى عمرى ماكنت هسلمك ليه.
فتجمعت الدموع فى عينى"ليلى"ولكنها صمدت وقالت وقد اصبحت نبرتها اكثر حدة:
-ليه يا ماما؟؟ليييييييه؟؟
-الاجابة مش هتلاقيها دلوقتى ..ومش انا اللى هجاوبك عليها ..بس والله يابنتى كل اللى احنا عملناه ده فى مصلحتك ومش هقولك اكتر من كده.

******************************************************************************

اما بغرفة"سيف"كان يلتف حوله كلا من والده والشقيقان"ناير وياسين" ..وكان"فؤاد"يهندم له بذلته السوداء ويضع عليه اخر اللمسات ..فقد بدا"سيف"انيقا وسيما جدا فى ذى الزواج ساحر بمعنى الكلمة ..يشبه الهة الاغريق كما هو فى الاساس من نسلهما وارث الجمال من والدته اليونانية الاصل..شديد الجمال مثلها ..تلك المرأة التى يملك عينيها الزرقاء وبعض ملامحها ولون شعرها.
فقال"فؤاد"باسما:
-ماشاء الله ..طالع زى القمر ياسيف ولا ملوك اليونان لاتقولى الاسكندر ولاانطونيوس ولا اتروبوس.
فقال"سيف"ضاحكا:
-هههههههههههههههههه مش اوى كده يابابا انا عارف انى حلو بس مش لدرجة الاسكندر وانطونيوس.
-لالا بجد انت احلى ياسيف انت طول عمرك اساسا احلى اخواتك ..انت شبه امك ..الله يرحمها.
فتبدلت ملامح"سيف"وتجمعت فى عينيه الدموع وكاد يبكى ..لولا"ياسين"الذى انقذ الموقف بمرحه المعتاد فقال:
-لالالالا وحيات ابوك بلاش نكد ..كفاية ليلتك باينة زى وشك المطر عمال شغال بره سيووول وشكل الناس هتروح متزحلقه من هنا ههههههههههه.
فضحك الجميع ..وقال"سيف":
-انت بتقول كده عشان انت غيران منى.
-وانا هغير منك ليه بقى ان شاء الله؟؟
-عشان انا عريس وهتجوز وانت مافيش واحده هتبصلك اصلا ههههههههههه.
فقال"ياسين مسنتكرا:
-انا!! ده انا بيجروا ورايا.
فقال"ناير"ممازحا بدوره:
-تلاقيك سارق منهم حاجة ههههههه.
فزاد الضحك اكثر ..فاستشاط"ياسين"غيظا وقال:
-شايف ياعمى فؤاد؟؟
فقال"فؤاد"مهدئا اياه:
-ههههههههههه معلش ياسين خلاص بيهزروا معاك استحملهم شوية.
-ماشى ..عشان خاطرك انت بس يا ابو فؤاد.
-متحترم نفسك ياض انت ..ميت مرة اقولك اسمى عمى فؤاد هو انا بلعب معاك؟!!
-لاحول ولا قوة الا بالله وانا ميت مرة قولتلك انا بضحك معاك.
-تصدق ياياسين انت تستاهل التريقة ..اقولك ..تستاهل.

***************************************************************************

كان يقف امام المنزل برفقة صديقه وكان المطر يهطل عليهما واعمدة الانارة المهزوزة الانوار تصوب ضوئها عليه مع ضؤ البرق كان مظهره مخيفا ..وكانت تعلو وجهه كل ملامح الغضب ومعالمه.
فقال صديقه وهو يرتجف من البرد:
-انت ياعم ..ابوس ايدك يلا بينا من هنا انا مش حاسس بجسمى من البرد ..حرام عليك ياهشام هتموتنا انت جايبنا هنا ليه اصلا.
فقال"هشام"دون ان يلتفت اليه:
-لو عايز تمشى امشى انت ..لكن انا مش همشى.
-ليه؟؟ مش هتمشى ليه ..ياهشام غلط اللى انت بتعمله ده مش كويس خلاص المواضيع انتهت سيب الناس فى حالها.
-المرة اللى فاتت سمعت كلام ابويا وسبتهم ..لكن المرة دى الموضوع مكانش ليه اى علاقة بيهم وبردو هما اللى جم ورايا ..بس انا بقى المرة دى مش هسيبهم.
-انت بتتكلم فى ايه يابنى انت ..انت عارف انت بتتكلم عن مين اساسا؟!..شريف الاسيوطى راجل مش قليل واوعاك تكون فاكرنى مش عارف انت كنت عايز تتجوز ليلى ليه ..انت كنت عايز تتجوزها عشان المشروع اللى عامله ابوها واللى البلد كلها بتتمنى تشتغل فيه ..ارض رسلان ..وعايزك تعرف ان البلد كلها رهن اشارة شريف يعنى عم حسين قناوى او غيره محدش يقدر يرفضله طلب عشان كده رفض جوازك من جميلة.
فالتفت اليه"هشام"وقال فى غضب:
-فى ستين الف داهية المشروع والارض والجواز ..انا اللى هيمنى العيلين دول اللى عملوا كماشة عليا.
-هشام ..مش محتاج احذرك انت لو فكرت فى اذيتهم البلد كلها بامر واحد من شريف الاسيوطى ..مقدرش اقولك هيعملوا فيك ايه ..وليه اهل البلد شريف الاسيوطى نفسه ممكن يدفنك مكانك وانت حى ..دول ولاد اخواته.
-هههههههههههههههههههه.
-ايه بتضحك على ايه؟!!
-وهو انت مين قالك انى هعملهم حاجة هنا.
-مش فاهم!!
-قصدى ..انهم مش هيعيشوا هنا طول عمرهم يعنى ..كلها كام يوم وهيرجعوا من مكان ماجم.
-انت ناوى على ايه ياهشام؟؟
فنظر اليه باسما فى شر وعلت ضحكاته فاندمج صوته مع صوت الرعد ليصبح مرعبا ومخيفا.

*************************************************************************

بعد عقد القران ..وبعد انتهاء كل شئ صعد"سيف"الى غرفته اخذا معه"ليلى".
كان قلبها ينبض بشدة حتى كاد ان يختلع من صدرها وكانت تعتريها رجفة تنفضها نفضا ولكنها اصرت على الصمود امامه ..فعليها انت تنفذ اول خطة رسمتها لذاك الاشقر ..الوسيم لوقح.
اغلق"سيف"الباب والتفت اليها واقترب منها كثيرا ثم همس بأذنها باسما:
-مبروك.
فانتفضت اثر حرارة انفاسه وابتعدت عنه بسرعة وقالت فى حدة وباسلوب حانق:
-مبروك ليك انت ..ولوسمحت متبقاش تقرب منى كده تانى.
-ههه مقربش منك ازاى ياليلى!! ..ده انهاردة فرحنا.
-فرحك انت بقى مش فرحى انا.
-انت شايفة ان كده هينفع يعنى ..ياليلى انتى مراتى والليلة فرحنا يعنى لازم نـ...
فقاطعته"ليلى"قائلة:
-تؤتؤتؤ انت تنسى كل اللى فى دماغك ده ..واذا كنت فاكر انى عشان اتجوزنك غصب عنى يبقى هتقدر بعد كده تخلينى اعمل اى حاجة تانى غصب عنى يبقى بتحلم ياسيف.
-يعنى ايه؟؟
-يعنى مش هتلمسنى ياسيف ..انت فاهم؟!
فنظر اليها فى غضب ..واقترب منها وامسك يدها بقوة و.....

يــــــــــــتبع .....