رواية قضبان الجنوب ( فصلية ) الفصل العشرون 20 - بقلم Hend_AlBoor

و لـمَ كـتـمـان حـبـكِ ..
فـقـد فـاح لـي عـطـر قـلـبـكِ ..!

سجاد : شيييييخ .. دخييييل

تين : جاي اطلع اسئل ابو نمر ع المفاتيح جهاد رسلني .. من دخل الزلمة و صاح دخيل رجعت ركض

يمةةةةة ...

حياة : اني بالمطبخ دا اساعد تين و زينة فجاءة صار رمي .. زينة و تين نبطحن بالگاع .. التفتت اباوع ع الحوش ..

شكوو ..؟

زينة : يااا ستاااار ... هاااي شكووووو ...؟؟

تين : دخيييل ورا الشيخ

زينة : يبوووووو

حياة : مافهمت شنو يقصدن و ليش هيج عاطن ..

صفوان : صار رمي بالباب .. اشرتله ع الديوان .. سحبت الباب الخارجي و كله فتحته ..

مو باب الشيخ الـ تنسد بوجه ارجال حامية دمها و لا ينضم صدر شيخ احتمى ورا دخيل .. طلعت بالباب و انا اشوفهم يرمون

اربع سيارات مليانه زلم يرمون فوگ .. وكفت  .. وكفو الرمي ..

زينة : كمت الطم ع وجهي من طلع و الرمي مشتغل ..

سترررك رررربي لاااا الـ لااااخ

جهاد : طلعت من الغرفة جاي انزل لابو نمر .. سمعت الرمي رجعت الرجع لسلاحي .. خذيته و نزلت كمت اطفر ثلاث درجات

غياث : عطونا الطررررريد

صفوان : دخييييييلي ..

يترجلون من سياراتهم غياث:
دخيل من ..

صفوان : ابوو نمرر ولد الشيخ مجيد ( مجيد جده لان ابوه ما استلم المشيخه مات)

غياث : والله و النعم ..

جهاد : وصلت ليمه وكف الرمي .. سحبت اقسام .. رفع ايده ابو نمر

صفوان : سمعت صوت سلاح جهاد .. رفعت ايدي يهدا .. التموا كل زلم عشيرتنا مسلحين .. لان كلهم اهل السلف

الررررمي كباااال داااار  ماااا مقبول منكم و اااانتم ووولد عشااااير

غياث : لنا ثاار .. مهدور دم الزلمة الـ دخل دارك

صفوان : يووم دخل داري و طلب الامان نحفظ دمه بحضرتي الا ما شاء ربي

غياث : يعني ما تنطووو

صفوان : رد و شر القتل تجفااه ..  ما انا نااااطي دخيلي

غياث : لو ما انه بيت شيخ لا حركناه فوك راسه هاذ النگس اخو النگس بس كسر ظهورنا و دخل دار شيخ ارجعووووا

دخلوا كل زلمنا للديوان و بقى البعض بالباب يحمي ..

جهاد : ابوو نمر .. ما تعرف اصله و فصله

صفوان : دخيل جهاد لو انه ذابح ابوي

طبيت جدي جان واكف بنص الحوش .. لان حريم جوا و الدخيل داخل ..

الجد : شمالهم ..؟

صفوان : بوية لهم ثار .. و دمهم حامي ع الزلمة ..

طبيت للديوان ويايا زلم العشيرة .. كام سلم علي .. الولد ماهو جبير ..

شسالفتك ..؟

سجاد ( 21 سنة طالب كلية اداب جامعة البصرة ، ابوي متوفي و انا صغير .. متزوج اثنين و امي الثانية .. عندي بس اخ من ابوي عمره 33 سنة مو هواي علاقتي بي .. و اخر سنين اصلا ما عدت اشوفه ..

بيتهم بصف بيتنا .. ابوي بسبب المشاكل بنى بيتين متجاورين و خلة كل وحده ابيت ..

عشت حياتي بين الدراسة و بين البر بامي .. العداوات البين مرة ابوي و امي صدتني عن اخوي .. بعيد عن العشاير و هالشغلات حتى ما اعرف ياهو شيخ عشيرتي ..

ـــــ قـبـل اسـبـوع ـــــ

سجاد : كعدت الجمعه من الصبح .. عندي اسواق انا و صاحبي شراكه يوم دوامي هو الصبح و انا العصر ..  نزلت اتريك

ام سجاد : يمة وين طالع من الصبح اليوم عطله

سجاد : يمة الاسواق محد يفتحها .. صاحبي اليوم مايطلع

ام سجاد : الله يحفظك يمة ..

سجاد : و يحفظج الي

ام سجاد : اكول سجاد .. اخوك مجاي تشوفه

سجاد : لا والله .. ليش اجانا للبيت اليوم  ..؟

ام سجاد : لا بس جانت يمي جيرانه ام عابد ..

سجاد : اي ...؟

ام سجاد : مادري حجت حجي اظنه اشاعات و جذب ..

سجاد : شنو الحجي ..؟

ام سجاد : اخوك ماشي بطريق مو زين .. و انا خفت عليك يمة ..

سجاد : يا يمة شعلي باخوي .. هو جبير اذا جاب الشينه ترجع له .. انا شكو

ام سجاد : يمة اخاف انه يوكع بدم ادامي و انت يلوحك الشر

سجاد : العالم وين وصلت يمه و انتم بعدكم بسوالف العشاير .. ان وكع بدم بشر هو يتحمل الشر .. انا رجال مالي بهاي سوالف

ام سجاد : يمة گلبي واكلني

سجاد : اطمني لا تخافين كل العرب يعرفوني ماعندي شينه و لا اجي بيها

مشت ايامي مثل العاده الا اليوم .. جامعتي بالمدينة و انا عايش بقرية .. صارتلي شغله بالجامعه تاخرت بلغت صاحبي يقفل الاسواق ما ينتظرتي ..

رجعت المغرب للبيت .. و انا بسيارتي ع بعد مسافه و لان الدنيا مگلوبه يم بيتنه .. دك جهازي .. امي

📲 : الو حجية .. شصاير شني هالهوسة

ام سجاد 📲: يمةةةة ارررجع لاااا توووصل .. ووووينك ارررجع

سجاد 📲: من سمعت امي تبجي و تعيط تخبلت .. 

شلصااااير .. يمةةة

ام سجاد : اخووك ذابح و هاج من السلف .. و اهل المغدور من غير سلف طلبوا دمك و دمه ..

اررجععع الله يرررضى عنك اذا خصل لك مكروه انا ما اتم وراك بخير

سجاد 📲: شمرت الجهاز و لفت بالسيارة .. لكن بعد ما وصلت حدهم بحيث انتبهو و فيهم ناس يعرفوني سمعتهم نشدوه هااذ اخو ..

سقت سرعه و ما اعرف وين رايح و السيارات كلها وراية .. بيمن احتمي اذا حتى الدولة ما تحميني من عادات العشاير كونها مستقله .. ما اجا ابالي غير ادخل بحمى شيخ ..

طبيت بقرية وكفت يم محل ..

خووووية شيييخكم ياهووو بيته

ابو رياض : وصلت يالخير .. هااذ هوو جدامك ..

سجاد : شخطت السيارة ع السرعه لان وصلتني سياراتهم .. ع اخر دقايق كمت اتشاهد .. نزلت بدون وعي سحبت الباب و دخلت البيت ..

- شيخ انا ماعرف شسالفتي .. عايف امي لحالها

صفوان : الحريم ماعليهم شي بثارات الزلم .. لا تخاف ع امك

سجاد : و انا قسم بالله مالي ذنب بروح

صفوان : حياك .. انا ما اسلمك لعداك الا ما يتم صلح .. او شيخك يستلمك بعد ما ينطيني عهد الامان لك .. من هو شيخك

سجاد : ما اعرفه شيخ .. انا مالي بسوالف العشاير ..

صفوان : التفتت ع الزلم كلها تباوع علية ..

ارتاح .. الله موجود

سجاد : الله محيي اصلك شيخ ..

يجهزوله الغرفة صغيرة بجانب الديوان مخصصيها للضيوف

صفوان : سالته عن اسمه و عشيرته .. الولد واضح انه فعلا ماله علاقة بالعشاير و انه تورط بشينة اخو .. طلب منه يرتاح بغرفة الضيوف ..

الجد : بو نمر الشورة انك تبدي اول بعمامه و تناشدهم ع ابنهم

جهاد : و ان رفضوا بوية و ان عمامه تبروا من شينة اخو

صفوان : ان رفضوا انا اتفاوض وية عشيرة غريمه ..

رزاق : شييخ تعررف عواقب الكلام هاذ .. ان تخلت عشيرته و ابى الصلح غريمه يوكع دم حنا في غنى عنه

صفوان : هاذ دخيلي و انا ضميته بحماي و ان وصلت للدم انا ما اتراجع و اسلمه

لا يكولون تخاااذلت عشيرة .... ( ماذكرت العشيرة للخصوصية ) و سلمت دخيلهم

و مو ديوان الشيخ مجيد يسلم دخيله و لا الساده تهدر دم انسان طلب امانهم ..

ابو ايوب : لااا والله مااا تطلع الشينة من قبيلتنا

الكل : حنا ويااااك شيخ .. هاااذ نعم الراااي و خير الكلااام

حياة : من صار الرمي و التفتت .. من الشباك .. شفت صفوان من فتح الباب كلها و وكف .. اني ما اعرف بشغلات العشاير و الدخيل ..

كل الـ صار كدامي رمي قوي و طلع .. الماعون الـ بيدي وكع و انكسر وية كلام زينة .. مافكرت بخوفي ع روحي بكد ما خفت عليه ..

مادري احساس اول مرة بية يظهر هيج لو اكو مقدمات له ما حسيت بيها من الاذية .. بقيت جامده بمكاني و عيوني مستقره عليه ..

تين : عززززاااا العزاااااج تيييين عزززاا ااااالعزززاااني .. زززززلمتييييي

حياة : زينة لازكه بالشباك و ترجف و تين تلطم لزمتها ..

كاافي .. كولي يالله مو زين هيج ..

تين : رااااح .. طلللللع بسلااااحه ووووج رااااح .. راااااحووو

حياة : كعدت بالكاع و اني الزم بايدينها .. اريد اهدئها .. انوب ارتبكت حيل معقوولة هيج يعيشوون ع شعراية امان .. معقولة هيج السلاح يحكم و يحل لمشاكلهم و هو اساس المشاكل ..

كمت ابجي ع ابوية .. و مادري ليش

اباوع زينة جسمها سعفه من الرجفة و لازكه بالشباك و تنوح
- اويلي عليك خالد .. اويلي علينا .. سترك ربي .. سترك باحفاد حبيبك

طبووووا .. طبوا .. كووومن كوووومن

تين : طفرت من صاحت طبوا .. شفتهم طبوا سالمين نزلت سجدت بالكاع .. رفعت راسي شفت حياة كاعده .. حضنتها حيل مردتها

ااااافييييييش ياااا گلبيييييي

حياة : بقيت كاعده ابجي بهدوء .. احس جسمي مابية ينهض بعد .. فجاءة مردتني تين .. و تضحك و تدردم .. ضحكت عليها

تين : ايييييي خايبة اضحكي خل هالطسات تطلع

حياة : زرفت خدودي حيل باصابيعها اذتني

ياااا .. شبيكم وياهن ..

تين : هااع شبيكم .. شبيكم .. جا لازم الـ ابالي طاحنهن طحن بالـ ...

حياة : عافتهن لزمت خدودي من الالم .. كامت تحجي و تحرك حواجبها بحركه سريعه و هي حواجبها ثخان استحيت .. كمت بسرعه ..

لاا .. شنوو ..

تين : خخخخ من هاذ طلع فارع صدره للرصاص و ما تردد .. متدوده ع عمره ما يعرف شيسوي

حياة : لاااا .. محددد لازمهن

زينة : هااذ ابوو نمرر هيبة ما يضم روحه من رمي شمالج

تين : بووية يبس دمي هو و اخو ..

حياة : عفتها و كنست الكزاز و لميته ..
زينة تروح ليم باب الديوان و تجي بقت ع هالحال لحد ما جهزنا العشا و ضيفوا العالم و راحوا .. كمت اغسل المواعين

صار فترة استقر وضعي .. كلهم مبتعدين عني عدا تين و صفوان اني صادته .. مرات اسمع كلام ع ابوية ياذيني ..

تين : بقيت احوص ماكدر اصعد ارد اشوف جهاد ..

جا الزلم ما راحوا شماله كاعد بالديوان صار نص الليل

زينة : اكيد التهوا السالفه ماهي هينة تين  .. انا راح اصعد انام ..

تين : الله يستر بس .. خوش اصعدي

يطب جهاد تروح عليه

بعددد طواايفي ..

جهاد : گليبي .. بوووية .. ماكو شي شمالج ..

تين : الله لا يحرمني منك ..

حياة : خطية بقت قلقه رغم مصار شي الا اجه زوجها بالصاله و شافته .. صعدوا

اني كملت المواعين ورا عشر دقايق .. رتبتهن و داغسل ايدي .. حسيت بشخص وراية .. صارت عندي صدمه من هالاحساس .. التفتت

صفوان : بقينا انا و جدي و جهاد لنص الليل نتناقش .. راح جهاد  ..

الجد : شمالك بو نمر .. والله انك كاتم وجع مالك حمل بيه

صفوان : و انت الصادك بوية .. لكن هاذ هو التمن علي

الجد : اعرف انك جبل ع ابوك الله يرحمه .. لكن صحتك اهم و انا جدك

صفوان : جدي عندي موضوع وياك ..

الجد : اسمع

صفوان : دقايق اصعد اجيب شغله ..

رحت ع السريع جبت طبلة خالد ( الطبلة اوراق طبية من المستشفى بيها كولشي عن وفاة الشخص من اسباب و علاجات الـ اخذها و العمليات الـ سواها ) و نزلت .. كعدت كبال جدي

دانطي الطبلة ..

الجد : شني هاذ ..

صفوان : اوراق طبية مالت خالد

داحجي و بيدي الطبلة .. جان يلزم ايدي و يرجعها علية ..!!

بوية ..

الجد : هاذ ولدي .. لا تظن ان انا ماعرف عنه شي و غافل ..
اعرف البيه و الـ ما بيه .. و اعرف انه ميت بشهره ..

صفوان : جدي يحجي و عيونه غرگت ..

الجد : صفوان هاذ علة ابوك بخالد .. ياما ركضت بيه و لجت .. لكن كالوا لي هاذ هو .. الموت بوجهه كمت اشوفه لين مات ..

انا شفت نفس الوجه بخالد .. كأنو ملك الموت خازره باخر شهر ..

اهو كالي بمرضه لكن جذب علي بكول الاطباء .. خفى عني

صفوان : بجيت ع كلامه و بجيه .. و هو يفرك بعيونه يحاول يخفيهن ..

الجد : الحادث اجا صفح و بيوم مات حجيت وية طبيبه الـ عمل عمليته و كال ان وفاته بسبب گلبه .. و ان جروحه بس براسه مالها تاثير ..

صفوان : بوووية بسس

الجد : اااعرف .. اعرف الـ دار بفكرك .. بو نمر انا و انت و الطبيب نفهم ان الوفاة گلبه ضعيف .. لكن العالم ما تفهم و هو طالع من حادث

راح دم الشيخ برخص .. و انا كلت لهم ماريدن دم اريدن مرة مسبية

صفوان : بووية ظلم

الجد : انا الظاهر سبيتها لكن الباطن لا .. خذيتها معززه من اهلها و لفيتها بعبي شيوخ ..

تركتها لكم و ما تدخلت .. كونن اعرف ترباتي الزلم ما تضرب مرة و حتى لو انها جتالة ابوهم .. و ما خيبتو الظن

صفوان : و هيي خذيناها من اهلها .. بوية انسبت

الجد : اول و تالي البنت تترك اهلها .. و اهي حرمتك .. انت حر بكلشي لكن ردها لا .. لا تكسر كلام شيوخ

صفوان : بداخلي ماريد الظلم الها و بنفس الوقت ما اريد اردها .. بقيت يم جدي و هو يسولف بابوية لحد ما غفى .. غطيته و كمت .. داصعد لغرفتي سمعت طكطكه بالمطبخ .. عرفت حياة

طبيت شفتها واكفه تغسل ..

حياة : من شفته مادري بروحي الـ بگلبي نطقه لساني

ليش هيج ..؟

صفوان : شنو ..؟

حياة : ليش تطلع للنار ..

صفوان : انا ما اخاف النار

حياة : بس هذا مو تصرف بطولي ..

صفوان : و انا من طلعت ماردت اصير بطل .. حميتي و داخلي دفعني

حياة : و لو ميت .. حميتك تفيد اهلك

صفوان : خفتي علي  ..

حياة : لا شعلية ..

راسا التفتت للسنك و سويت روحي داغسل ايديني .. شحجاني اني .. و ليش داتدخل .. طلع ما طلع اني شكو

صفوان : ابتسمت .. خافت علي .. و رحت لغرفتي .. صعدت ورا دقايق طبت للحمام بدلت و طلعت نامت لفلفت روحها ..

يكفيني انا وياها ع سرير .. حتى اذا بعيده .. احسد روحي لان داتنفس الهوا الـ دتتنفسه هي بنفس الغرفه .. احسد روحي عليها ..

كعدت الصبح عندي روحة علمود عقار .. اكمله و ارجع اشوف سالفة سجاد

الجدة : هلا .. هلا يمة

صفوان : هلا حبوبه .. شلونج ..

الجدة : الحمدلله .. جدك علمك ..؟

صفوان : ع شنو حبوبه

الجدة : تاخذ حرمة اخوك الله يرحمه

صفوان : اتوقعت هيج قرار من يوم مات خالد .. و خذيت المشيخه .. و لان عنده بنت و هي بنت عمتي

حبوبة بنت عمتي كاعده معززة ابيت اهلها ..

الجدة : لكن يا بو نمر العالم رايدتها و لها كطعه من عدنا ما يجوز

صفوان : يمةة .. ان ركدت و كعدت لها بنتها و ان رغبت و تزوجت لنا بنتنا

الجدة : خير الكلام ولدي .. لكن امها رغبت و هاذ لحمنا ما يروح للغريب

صفوان : و انا ما امشي بكلام الحريم يمة .. هاذ كلامي و ما ينعاد مرتين

ان كعدت لها البنية و ان رغبت لنا بنتنا و هلا بيها بكل وقت تجي تشوفها

تين : طلع الشيخ من الهول ما يشوف كدامه كانه متنرفز ..

شبيه الكاع تنهد جواه من يمشي

زينة : وين جان ..؟

تين : حياة فدوة خذي هاذ اغسلي ..

جان يم حبوبة

حياة : يتريكون من الفجر .. كملوا ريوك نظفت المطبخ و كمت اغسل بالمواعين

زينة : هاا .. جنها كالتله ع سوسن

تين : شمالها سوسن ..؟

زينة : عمتي النسرة وهبتها للشيخ مرة ..

تين : بووويةةة .. هاذ بعد راح تنعرض عليه هبات ما دامه شيخ .. احمد الله جهاد ماخذاها المشيخه

حياة : ماغرت بس خفت .. لان سوسن اخت معاذ .. و لان اني واثقة من مشاعر صفوان ..

بهاي اللحظة عرفت مدى قوة معاذ من جان واثق من حبي له .. قستها هاي ع القوة الـ مدني بيها صفوان .. و بدون ميدري .. بحيث ما اخاف من اي بنية تدور حوله

زينة : بس اهي بومة ما قصرت بخالد .. اذا خذت ابو نمر تاكل گلبه و ما يكدر يتزوج من نگها .. جاا شني مضيع شبابه عليها و هي عوده

تين : جا عنده هاي .. جنها الورد هي و طساتها .. خل ياخذ سوسن بس گشر .. علمود الطفله

زينة : مو اكلج ع نياتج انتي .. نيال جهاد عليج .. خايبة سوسن تخليها تهد السلف مو بس تهد صفوان .. و لا تنسين اخوها معاذ ..

تين : عزا بعين جدي .. يعني اكو حياكة خبيثة

زينة : عفيييييةةة

تين : جاااا ماااا تحجييين

حياة : جنت سارحه افكر بحظي و بالدنيا بعد شدتشمر مصايب علية .. و ما انصدمت و لا استغربت لان تعودت

شنوو ..

تين : زززلمتج خذوو

حياة : شبيدي .. ليش لزمت الراح قبله حتى الزم هذا ..

تين : و صمخ عليجن بنات المدن خايبة شكد فاهيات .. كوووون انااا بووووية اكطعها بسنوني

زينة : واضح انه رافض .. يعني جهاد ياخذها

تين : عززززززززا بعيييييين جددددددي .. بعلي ادفنهاااا جاااااا زلمتي شساااااالفه

حياة : درت ع السنك بالموت لازمة ضحكتي و هي تخبلت ..

تين : ااااانتي هديها تاخذ صفوووان اهووو الشييييخ و غصب ياخذهااا جااا شيييخ و تنشمررر البلاووي العشيرررة ع زلمتييي

و الاااا اكووولج لا تهديهااا .. مالهاااا زلمةةةة يمنةةةة

زينة تضحك : هششش شهرتينا ..

تين : اااانتي هششش .. شساااااالفة ذبحت اااالشيخ لان سلم ع مرووووة كللللت مخه و هسةةة ساااحلةةة سحل ع زلمةةةة غيرهااا

زينة : ههههه والله انتن حريم و كل وحده تلزم زلمتهااا

فجاة طب رجل عمتي و خوانه و معاذ للحوش ..

تين : اجوو .. اجوو شساالفة خلصوو الزلم .. هاااي دزت العشيرة

زينة : احمدي الله لازمه عده و الا جان كبعوها و جابوها لجهاد جاهزه

تين : اناا من باجر الفجر اخذ زلمتي و اهد السلف ..

الجد : هلا .. هلا ..

معاذ بست ايده و راسه .. شاحوالك جدي

الجد : انت ما تبين و لا كانك من السلف

معاذ : والله جدي جاي ادور ع شغل .. ماكو وكت اكعد بي تعبت

الجد : الله يسهل لك .. ما تشتغل وية بو نمر بمشروعه يكص ذهب

ابو معاذ : لاا حنا واخذين ع خاطرنا من الشيخ

الجد : هااع و السبب

ابو معاذ : و منك يا شيخنا

الجد : لا لا ما نقبل و لا نرضاها لكم .. مايكون الخاطر الا طيب

ابو معاذ : و اصلك الطيب ..

لكن يوم تاخذون حرمة ابني فصلية هاذي واكفه يا شيخنا العود

الجد : كمت وكفت لان كلامه جبير ..

شهالكلام يا ابو معاذ .. تعررررف ااانه كلااام جبيرررر

معاذ : اي جدي ..

البنية ع ذمتي بشرع الله ..