رواية قضبان الجنوب ( فصلية ) الفصل التاسع عشر 19 - بقلم Hend_AlBoor

لـا تـسـقـي الـقـلـب بـ حــب الـبـشـر
قـــد احـتــاج لـ حـبـا مـلائـكـيـا
فـقـد تـم اقـتـلاعـي مـن الـجـذور

حياة : اجه وراية بس لزمني اعصابي منهارة دفعته حيل ..

شترررريد ..

معاذ : اااحبج .. حياة افهمي بعدج كلشي راح لونه .. مجاي اكدر اكمل هيج .. ارحميني

زينة : انا بغرفتي و من الشباك شفت معاذ طب للبيت .. نزلت ركض وصلت لنهاية الدرج سمعت حياة صاحت

رحت للهول وكفت يم الشباك الزجاج عاكس ما يشوفوني لكن اشوفهم

حياة : وكفت و التفتت عليه .. يمكن ضعف گلبي بلحظه .. يمكن كلمة احبج رجعت حنين مات .. بس هو مات كولشي ..

معاذ كولشي انتهى

معاذ : لاا .. لا ما منتهي انا بعدني هاويج

حياة : انتهى معاذ انتهى بيوم الـ خليت حلقتي بيدك ..

معاذ : موو اجيتج .. اجيتج بيومها ليش صديتي جان ما صار الـ صار

حياة : لان هدمت كولشي بعذر تافه

معاذ : انااا شاب .. حياة انتي ما تخليني حتى الزمج و انا خطيبج .. مااا خنتج ابدا .. اناا غلطت اي غلطت بس ما خنتج

حياة : هذا انت اقتنع بي .. اما اني ما اريد اعيد موضوع هدمني لما عبرت شدته ..

عفته و مشيت .. ما اريد اكثر بالكلام .. لان شي و انتهى .. لزمني من ايدي

معاااذ عوووف ..

معاذ : اووكفي .. حياة ماكو شدة .. اعوضج عن كل الراح .. و اذا ع صفوان انتي فصل مو مرة له .. مو ع ذمته حياة

حياة : معاااذ حللل ايدي .. اني قبل الفصل عفتك .. صفوان معليه مو هو المانع

معاذ : اعررررف .. اعرف بس افهمي انا اسحبج لي ..

حياة : ااااانت تخبلت .. مااا اريدك .. حلللللل

يتركها - انتي تردين تقنعين روحج نسيتي حبي .. لهسه بعدج عاشگتني لكن هاذ كبريائج رح يهدم حياتج

حياة : هيج كل الم گلبي بكلامه .. شكد واثق من نفسه و هذا كله مني .. اني صنعت هاي قوته و هذا ضعفي اني صنعته كله ..

متوهم ، ما أحبك

معاذ : جااا شمالج كلتيها و دموعج نزلت .. لااا تدوسييين ع گلبج

حياة : مسحت دموعي ..

اطلع برا معاذ ..

معاذ : حياة انتي مالج صلة بهاذ البيت .. و لا هم طايقينج .. امشينا نهد الدنيا

حياة : ااانت اكييد تخبلت ..

معاذ : هوووويتي لاااازم

حياة : هااااي سمعتيييي .. شعليهاا بصفوووان ..

معاذ : لج يا سمعه يا شرف ااااانتي مسبيةةةة اااافتهمييي

حياة : اانت تعرف اذا شردت شراح يسوون باهلي .. انت تفكر بس بروحك معاذ .. بعدددك ااااناني

معاذ : ماا يسون ما يسون .. العار يرجع لزلمتج .. لج الفصلية يعني اهلها ماتو .. ضحيةةة اااافهمي محد يرجع ع اهلج

حياة : كل كلمة منه .. احس مجنت اعرفه قبل .. مو هذا الـ طالب ويانه .. مو معاذ ..

رجلي ابن خالك ..!!!!

معاذ : ااانتي اقدمج ع اهلي و عشيرتي ياا ابن خالي حياااة

حياة : لو باقي ع خيانتك اهون علية  غدرت بية و هسه دتغدر بي .. انت واحد نذل ..

اتقرب مني

معاذ : انا اعرف تموتين بية ..

حياة : ضربته راشدي .. وصلت لمرحلة ما عدت اطيق اسمع صوته ..
لزمني من ايدي و جرني يحجي باعصاب

معاذ : اذاا ما ندمتي انااا فلا معااذ

حياة : دفعني و راح طلع .. كعدت بالكاع كمت ابجي .. مو لهاي الدرجة ما عندي حظ

هم فصلية و اذية و ناس متطيق وجهي .. و الغربة افقد امي و ابوية و فوك كل هذا معاذ .. ماكو هيج والله .. ماكوو فدواتك ربي ..

حسيت ع زينة واكفه و بيدها النعال .. متفاجئت و لا انصدمت .. الدنيا ما بقت مفاجئات .. بقيت كاعده بمكاني
مسحت دموعي .. اذا ع ضرب الايدين و النعالات .. صارت عادي

زينة : تحبي ..؟

حياة : رفعت راسي عليها ..

منو ..؟

زينة : ابو نمر ..

حياة : لا ..

زينة : ذبيت النعال من ايدي ..

صفيتي وياه ضد معاذ ..؟

حياة : من كلامها عرفت هي سمعت كولشي ..

ما اذاني .. و عهد الله بيني و بينه

زينة : لوما انه ذبح اخوي جان كتلج بنت اجاويد .. كونن صنتي زلمتج بغفلته و انتي ما راغبته

حياة : اذا تكدرين .. ماريد اخوانج يعرفون

زينة : ليش ..؟

حياة : راح دم واحد بالغلط و ما نرحمت .. اذا راح دم الثاني شلون ..؟

عفتها و رجعت للغرفة خليت راسي ع المخده  روحي ماتت

صفوان : رجعت للبيت بوجهي عليها رحت .. طبيت لكيتها كاعده تبجي ..

شبيج ..؟

حياة : مسحت دموعي
مابية ..

صفوان : ايدج توجعج ..

حياة : لا ..

صفوان : كعدت كبالها ( گنبصت) ..

شوفيني ..

حياة : كلت لا ..

صفوان : اباوع عليها وجهه صاير مي عرگانه من الحر ..

حياة : مسح وجهه باعصاب و رجع ايدينه ع راسه و رگبته ..

اريد ارتاح ..

صفوان : سابحه انتي بالعرگ هنااا .. يا راحه

حياة : كمت وكفت ..

مشتكيت حالي

صفوان : الظاهر متجين بالهدوء ..

جريتها من ايدها حيل ..

حياة : دفعته حيل

عوووووووف ..

صفوان : و تااااااااالي .. مااااا ااااجي بمزاااااجج

حياة : ياااااهو كسر خاااااطرك .. ياااهووو الحرررر لووو من سبيييتني من اااااهلي بظلم ..؟
شتريدوووون مني بعد .. هاااايهية فصلتوني و كسرتووووا گلب امي و ابوووووية .. موووو كاااافي

صفوان : مااا ردته .. مااااا ردت .. انا ضد الفصل حتى قبل لا اعرف انتي فصليتي

حياة : و هسةةةة .. عرررررفت .. شسويت .. هاا شسووويت

صفوان : صمت ..

حياة :  صفنت عليه و هو حجاها بهدوء

صفوان : صايم لان كسرت حلفان .. قسمت ما ابقيها يوم مسبية

حياة : كسرته لان اني .. كسرته لان الـ رفضتك بيوم اجتك برجليها رخيصه ابلاااش .. انتووو شنووو .. شتريدوووون مني

صفوان : كامت تبجي و تحجي ..

شوكت تفهمين .. شوكت تحسين ليش تفسرررررين كلشييييي غلط

حياة : شااافهم .. شااافهم تسبينيييي و تجي تعططططف شاااافهم

صفوان : ااااحبببببج .. مااا جااااي اااااعطف بااااراااادتي ..

حياة : لتحبنييييي .. لتحبنيييي .. مااااريد لتحبوووووني .. عووووفوووني

صفوان : كامت تضرب بية و تصيح .. فقدت اعصابي .. لزمتها من ايدها حيل ..

فصليةةةةةة .. تكوووولين انااااا فصليةةةةةة موووووو

حياة : اااااااي

صفوان : جريتها حيل و شلتها و طلعت بيها .. الطريق كله ترفس بية

حياة : عووووف ..

الجدة تفرك راس الجد :
بووو نمرر .. ااااكعد نهب الحررررمة

الجد : هااااع .. بوووو نمررر .. جااا حرمته شمااالج

صفوان : ماااكو شييي حبووبةةة

صعدت للغرفه نزلتها و قفلت الباب

حياة : هذا تخبل من طببني للغرفة و قفل الباب .. دمي نشف

طلعني .. صفوووان طلعنييي

صفوان : رحت عليها و هي تمشي ليورا تتراجع و الخوف كله بعيونها حتى دموعها وكفن من الخوف

حياة : لزكت بالكنتور .. ما وكف اتقرب و خلة ايده ع الكنتور .. وجهه ما سكن بي الغضب ..

صفوووان .. اگلب الدنيااااا وااالله

صفوان : اناا شيخ و فاصلج .. اذا اريد اخذ حگي منج و غصب و ما ع عيني حاجب

حياة : متكدررر هيييي تايهةةةة و اذااا شيييخ

صفوان : اااااااااااي .. تااااايهتلييييي

حياة : كل جسمي فز من صاح بوجهي ..

صفوان : كامت توخر بشعرها الطالع من جوا الشيله .. من يم كصتها و خدها .. ايدها ترجف

ماريد اسمع كلمة فصلية .. لا تحجين حجي انتي ما تفهمي ..

حياة : المفتاح بيدة و يضرب بي خفيف ع گصتي و يحجي بهدوء .. فجاءة يتحول من هادئ لنار انوب لهادئ ..

ردته يوخر حتى ابلع ريگي من الخوف

نزع تشيرته رجليني بعد مابيها حيل تشيلني .. دمي نشف بجسمي من الخوف ..

والله امووت روحي

صفوان : اباوع عليها صارت صفرة كركم فتحت باب الكنتور .. لزمتني الضحكه راح بالها بعيد .. سديتها حيل جان تفز ..

اسم الله .. تايهلج انا و تموتيني ..

حياة : اخذ هدوم و راح للحمام بداخل الغرفه
ركضت ع الباب اريد افتحه مقفول .. كعدت بالكاع حيلي كله راح.. و الافكار السودة تدور براسي

ميسويها اكيد .. اي هو عقله مثقف .. ديخوفني بس .. مو .. اي .. اي

صفوان : كملت و طلعت شفتها كاعده يم الباب ..

تبقين كاعده ..

اتمددت ..

ارتاحي ما اسوي شي .. تعالي تمددي

حياة : مرتاحه هنا ..

صفوان : كمت ..

الظاهر ما تمشين بالهداوة الا قوة

حياة : من اجة علية كمت وكفت

صفوووان

صفوان : عاطت و كامت تبجي .. ليش دموعها ياخذن روحي ..

حياة : عووفني اذا لززززمتني اعييـ....

صفوان : و هي منفعله و منهارة .. طلعت غمازتها .. شدتني لدرجه محسيت الا و اني گارص خدها من غمازتها .. باوعت بعيونها

هاي .. هاي قبل سنين خذت عگل ابن الشيوخ .. جنت اترقب وجهج شوكت يضحك .. علمودها

وجهها جمد .. دموعها وكفن .. هديت خدها

و هسه ان ما تحركتي و نمتي .. رح تنامين غصب
ع هاي 💪 مخده و هاي 💪 غطاج ..

حياة : اني بمكان بعد ميسمح اعاند لان غرفته .. سحلت روحي من يمه بهدوء و رحت نمت ..

صفوان : بدت تصير حرمة سلف و تسمع كلام .. انا بالموت واكف ع طولي لان ميت نعاس .. تمددت بعيد عنها و غفيت ..

زينة : فد يوم ارد انزل و مالكيج بالمطبخ

تين : هههه جنت انتظرج حتى نبلش فكلت الهي روحي اغسل الخضروات

زينة : خلي من ايدج انتي تعبتي اليوم

تين : عادي و لا ايهمج .. صدك شخبار حياة ..

زينة : طافتج هواي اخبار

تين : خايبة اسمع ..

زينة : طگت معاذ اليوم الصبح

تين : صدددددك ليييش

زينة : ما احجي .. هاذ لسانج فالت اعرفه منا تسمعين منا ينزل جهاد يهد و يصد

تين : قسم بالله سر .. احجي

زينة : طلع معاذ خطيبها

تين : صددددك .. اكولن كال هيج و هاذ ردله هيج .. جا ما يردها له

زينة : من كلامهم عرفت انه خاينها و هادته عگبها صار الفصل

تين : و شمالها طگته ..؟

زينة : نشدها ينهبون و يهدون السلف

تين : اسسسسم الله .. هااااذ تخبل .. خايبة العار ع ابو نمر يصير

زينة : انا غير نزعت النعال و طلعت الا اشوي عگب نشدها .. بس بردت جبدي بالراشدي ..

تين : والله يا معيذ صدك انه دون ما راضع حليب امه .. ما وجعج گلبج لان هي الـ خذت حبج

زينة : حشا الدون منه .. يوم انا حبيته جنت طفلة و طايشة و ما اشوف زلم غير معاذ .. و تملخت من خطب و بجيت لكن كبرت و فوك هاذ طلع نذل ..

انا واكفه حمدت الله الف مرة كونن جفاني شره .. لو انا بمكانها و خايني اكتله و اكتل روحي ..
ما تمنيت اكون بمكانها .. اذا انا ما نطاني وعد حب و من خطب تملخت ..
هي وعدها بحب و زواج و خانها .. و فوك هاذ نوخذت فصل ما كافها الشر كله رجع يخليها بحال لو تنهبين لو تندمين ..

بقيتي اليوم هنا .. قدر له اسباب .. و اولهن اوكف ظلمي لها .. لان انا زمان كلت اموتن و لا انوخد فصل .. نسيت و ظلمت بنية نسبت جسد و روح بذنب مالها بي

تين : شفتي يوم اكلج انج ظالمة هالبنية .. الدنيا كاضية بيها التوبة ..

زينة : مو هاذ المهم .. انا رح اكول للشيخ لان مهما يكون معاذ استهان و داس حرمة البيت و هو فاضي من الزلم

تين : جا ليش انا ما احجي لجهاد

زينة : و صمخ .. جهاد خبل ما تسكتين يروح يسويله سالفة و انا اوكع بيها
صح موقف حياة يثبت انها بنت اصول و ما نهبت سمعة بيت الشيخ لكن يبقى معاذ غلطان و استهان بالشيخ و هاذ انا ما ارضاه لاخوي

صفوان : نزلت المغرب ميت جوع .. و حياة ما ماكلة شي و انا حسبالي تغدت من جنا بالمزارع ..

هاا شبيجن سكتن من اجيت

اباوع عليهن وحده تباوع للثانية كأنو ضامات شي ..

ما تحجن ..

زينة : معاذ جان هنا ..

صفوان : جده و جاي يشوفه .. انا حساباتي وياه خاصة ..

زينة : ما جاي ع جدي .. ع حياة

صفوان : زززينةةةةةةة

زينة : من صاح يبس دمي كمزت من مكاني ..

و العباس ما افتري ..

صفوان : ااحجي

زينة : الصبح اجة رادها تنهب و يهدون السلف

تين : وجهه صار دم من الاعصاب طلع مثل المخبل ..

خايبة هاااذ اهووون من جهااااد شمااالج ما سكتييييي

زينة : خل يحطله حدود جا يهدد حرمة ابيت الشيخ

تين : شلووون بيةةة اذا جهاد رجع و عرف عزززة بعين جددددي ..

زينة : ندمت لان حجيت حسبالي ابو نمر عاگل .. بقيت قلقه افتر ..

الجدة : هاا شمالج زينة .. شالمه الشيخ صاح ..

زينة : ضوجته حبوبة رزلني و سكتت ماكو شي

صفوان : طلعت مثل المخبل .. شغلت السيارة و طلعت الف طريقه و طريقه اجت براسي و انا ادفنه لما وصلت لبيتهم

ادك بالباب ماكو ..

معاااااااااذ

ام معاذ : بوو نمرر

صفوان : هديت عمتي و طبيت ركض .. تلاگاني اباب الهول لزمته دك بوكسيات سحبوني رجل عمتي و ولد عمتي

ابو معاذ : بووو نمرررر .. استهددددي بالله ..

صفوان : هدددد ..

وكفت النفس بصدري سريع مو لان تعبت من الضرب لان اعصابي منهارة و فاقد لدرجة اريد ادفنه .. بس هدوني حسبالهم هدئت و تعبت

شلته من الگاع الدم تارس وجهه .. من قميصه و سندته ع الحايط

انااااااا ماااااااا حذرررررتك ..

ام معاذ : يبوووووووووووو ... ذذذذذذذبح ااااااابنيييي .. يبوووو يبوووو

معاذ :
ههه .. اذا گلبها اختار اضرب منا لباجر

صفوان : للللللللك ...

ضربته بوكس شمرته بالگاع

هدددو .. اذا اريد ااااادفنه مااااا يلزمني اكبرررر واااحد .. هدددد

سراج : كووووول يااااالله صفووووان شصااااير .. مااا تنحل بالاعصاب هاااذ انت العااااقل

صفوان : من يتعدووووون ع حرمة بيييييتك تعاااال احجي باااااااالعقل

عفتهم و طلعت .. انا الـ عقلي يحكمني بكل مشكله .. الا بحياة اعصابي تحكم .. من فقدت و فلشت وجهه انسحبت لان اعرفه نذل و كلمة منه اسكنه الكبور و انا شيخ ما تطلع الشينه من شيخ

رجعت للبيت صعدت بوجهي عليها .. دفعت الباب حيل و رگعتها ..

حياة : جنت كاعده ميته جوع .. فجاءة طب عصبي رگع الباب اني طفرت من الفراش .. وجهه ميتفسر من الاعصاب .. لزكت بالمراية بالكنتور ..

صفوان : رحت عليها اريد الزم اعصابي .. من هذا تبجي لان شافته .. من هذا رفضتني مرة لخ لان عرض عليها حبه .. من هذا هو واثق لان تحبه بعدها

الف فكرة و فكرة براسي تخليني اذا اضربها اسكنها الكبر بساعتها .. ضربت الكنتور حيل فلشت الزجاج و باب الخشب ..

تحبييييييييييي ..

حياة : من ضرب المراية و عاط .. عطت صرت بين صدره و الكنتور الـ تفلش ..

اني تالفه روحي من الخوف .. عرفت زينة كالتله و هذا الـ جنت خايفه منه ..
اعصاب ولد العرب اذا رجال داس حرمة بيتهم بغدر ..

نخرست و بس ابجي .. و ارجف ..

صفوان بصوت عالي
لاااااا تبجييييين .. اذااا تحبيييي ادزج له ما اذبحججج .. اااااحجيييي

حياة : اريد احجي من خوفي ماكدر .. بس البجي طالع مني .. رغم هو مطخني

صفوان : اقسملج بالله اوديج له .. بدووون نهب و عاااار .. ماا ااذيج .. احجيي ..

حياة : ششنوو ..

صفوان : تحبييييي .. معاااااذ

حياة : اكرررررررررررهه .. اكرررررهه وووو اكرررررررهك ..

صفوان : درت عنها و رحت كعدت ع الجرباية .. خليت ايدي ع راسي ..

ميهم المهم ما تحبه .. خلي تكرهني الـ راده گلبي حصل عليه ..

حياة : ابتعدت عن الكزاز ببطئ و اني ابجي .. اشوكت الله يخلصني .. ليش ما اخذني جدهم فصلية جان بس اخدمه عادي اتحمل الرزايل و الاهانات و لا كل هذااا ..

صفوان : رفعت راسي شفتها دتشرد

تعاااااااالي

حياة : اريد اشرد للغرفة .. جمدت بمكاني من عاط .. اجا علية

عووووفني .. الله يخليييييك

عبالي راح يكتلني .. سحبني من ايدي و كعدني كباله ع الجرباية ..

صفوان : ااايدج .. موعد الدهن ..

حياة : ايدي ترجف مثل السعفه بيده .. و جسمي كله يرجف احاول اوكفه ما اكدر .. و خصوصا منظر ايده متملخه بالكزاز و الدم يطفر منها

كام يدهن بيدي و الدم مالته كله وية الدهن .. كمت اشهك بالبجي

عووف .. عوف .. عووف

ركضت للحمام غسلت ايدي .. حيل يرعبني منظر الدم و جروح ايده .. لحم طالع

صفوان : ايدي ماحس بالالم خدرانه من الجروح .. الدم ع الفراش و بالكاع .. كمت وراها .. فتحت البوري و خليت ايدي جوا المي ..

جريت لفاف من الصيدلية و كمت الف بيها

حياة : جلدي قشعر من شفته يلف بيها بدون تعقيم و لحم الجروح طالع .. عبالك ايدي ..

عقمها ..

صفوان : تحجي و تبجي ..

ليش .. خايفة علي ..

حياة : الله ياااخذك .. عسااك بالمووت .. عقمهااا .. عقمها

صفوان : كامت تضرب بيا ع ظهري و تدعي .. لزمتني الضحكه .. لو انا خبلتها لو هي من البذرة طكه و نص

جا شمالي معقمها اذا جاي تدعين اموت ..

فليت الشاش و مديتلها ايدي

هاج عقميها ..

حياة : طلعت بطل المعقم من الخانة اريد اخلي ع ايده .. البطل ميثبت ايدي ترجف .. لزم ايدي بيده الخ و ثبتها .. دار المعقم ع الجروح ..

صفوان : ايدها سعفه .. انقهرت لان خوفتها بس مادري فقدت اعصابي .. لزمت ايدها و درت معقم .. حركتني الجروح .. خليت كطن و لفيتها ..
اخذتها دهنت ايدها .. و لفيتها

كافي .. شبيج سعفه .. وكفيها

حياة : موو بيدددي ..

صفوان : اهددي و توكف مو زين هيج ..

شراد منج معاذ ..

حياة : و لا شي ..

صفوان : ليش تضمين تخافين عليه .. ترررا ررررحت فلشت وووجهه

حياة : مااا اااضم .. صااار بالنسبةةة ااالي و لااا شييي ..

صفوان : بردت اعصابي من كلامها ..

ارتاحي ..انزل اجيب اكل تاكلين ..

حياة : جنت ميته جوع بس من الصار مالي نفس اخلي شي بحلگي

ما اريد .. اريد ارتاح .. بسس انام

صفوان : نزلت جوا اكل شي ..

زينة : هااا خووية قلقت علييك

صفوان : افااا .. ريحي بالج خيتي .. ماكو شي

زينة : شصار ..؟

صفوان : ما صار خليت له حد و اجيت ..

تين

تين : هلةة

صفوان : لا تحجين لاحد .. هاذ شي خاص بية

تين : امرك ..

حياة : بقى ايام حابسني بحجه تطيب ايدي .. يطلع و يطب المفتاح بيده .. هذا الـ جنت خايفه منه بسالفه الفصلية .. حقوق الزواج ..

اذا هسه ميطالب بيها بعدين ياخذها غصب من خلگه ينفذ .. و اني اخر شي افكر بي اشارك جسمي انسان ماحبه

ام معاذ : هااذ هوو خلج منها ضاگ خلگي

سوسن : يمةة انا ترملت و السبب اهلها .. تررررملت و بجبدي بنية

ام معاذ : يا يمةةة كتلناها و الحاصل .. طلع وراها الشيخ .. الصوووج بهاااذ يووم جده كاله خذ الفصلية طلع و هد جده يصارخ

معاذ : لخاطر الله يمة يكفيني الـ انا بي
الله يكسر ايده النذل ماكدر اطلع بهيج وكه

ام معاذ : خايب جان كسرت خشمها لانها هدتك و شمرت النيشان .. جان خذيتها ابلاش .. و مذلوله

معاذ : يمة جاي تخلين بانزين على ناري انا الندم ماكلني لكن هين
ما صار شي .. ترجع وين تروح ..

تدخل ام معاذ زيارة لوالدها

تين : زينووو .. خايبة هاي يمكن جاية تاخذج من جدي لمعاذ

زينة : اهد الدنيا ع راسها .. هدته بنت المدن و بنت الشيوخ تقبل ابلاه .. يخسي

الجد : هي بنيتنا و انتي حجيتي الـ داير براسي

ام معاذ : الله يخليك لنا خيمة بوية .. انا حبيت اكلك كونن يجوها ناس و عدتها اذا خلصت ماعندي عذر اطرد اليجون لها

الجدة : لاا .. لاا اهي بنتنا و لها بنت ولدنا ما تربى بحضن غريب .. ناخذها للشيخ معززة مكرمه

زينة : ساعتين و طلعت عمتي .. زحفت لحبوبة اريد افتهم منه

شسالفة عمتي .. قبل اول امس جانت ويانا لحكت تشتاق لكم

الجدة : بنيتي .. رح ناخذ سوسن لابو نمر

زينة : هااا .. جا ما تجي عمتي الا بمصلحة ..

الجدة : شمالها .. هي بنتنا و نعرفها و مرة الشيخ الله يرحمة

زينة : حبوبة تگرطه هاي بومة نسيتوا عمايلها بخالد

الجدة : عندنا بنية منها و غصب عنها تاخذ بو نمر ..

صفوان : مرت ايام ما شفت وجه معاذ .. التهيت بامور العشيرة وية جدي .. و فتحت مشروع عقاري كمت امارس مهنتي بي .. بين العشيرة و الشغل مكمت اتواجد بالبيت ..

مرت اشهر اما حياة فجان يكفيني منها وجودها بالبيت و بغرفتي .. ما ضغطت عليه بمشاعري تجاهه ..

جهااد .. يلله تاخرناا

نزلت انتظره بالحوش .. فجاءة نفتحت باب البيت كلها .. و دخل زلمة ..

سجاد : شيييييخ ..