رواية قضبان الجنوب ( فصلية ) الفصل الحادي والثلاثون 31 - بقلم Hend_AlBoor

الـعـشق فـي قـامـوسـي
أن احــارب بــكَ
حـتـى الـفـظ آخـر انـفـاسً لـي

معاذ : فورت دمي الخاينة .. فركت حلكها حيل .. 

من هاااذ رفضتيني .. لكنن رجعتييي برجليج لييي يفصليتييي ..

حياة : دفعته حيل

حللللللل .. ايييييي و ااااااااااحبه اااااموووووت عليه

معاذ : فقدت اعصابي و ضربته راشدي لزكتها بالحايط .. لزمت ايدها حيل و سحبتها

عيددددي

حياة : ما انوجعت من الضربه بكد ما انوجعت من كلمة عيدي .. صفوان جان يحجيها بحنية .. كمت ابجي عليه

معاذ : ماااااااات ...

حياة : ماا ماات .. مووووجود ..

معاذ : وووين .. ووينه انكبررر

حياة : لازمه بيدك .. لااازمه و متحسسس .. صفواااان عااايش بيةةة

معاذ :  لزمتها من بطنها عصرتها حيل

عنددده بذرره هناااا .. هاااا

تين : جني اسمع صوت معاذ يصارخ ..

زينة : الوو .. خالي ..

حياة : لااا .. اااايدك عني نذل

وگع الشيلة و جرني من شعري خلة راسي براسه منفعل

قسم بالله ان شلتي بذره منه .. اخذ روحه من رحمج .. اانتي مالتي اذبح الامه مو بس ابنه .. افتهمتي

حياة : جسمي تعبان و الحيل منهد بي .. شلون ميجيبني بيده اروح .. ملخ شعري ايده قوية ..

لو تموت معاذ .. لووو تموت متوصل للوصله هو بگلبيي

معاذ : الظااهر عجبج بالفراااش .. و لا يهمج انسيج صفوان و عشيرته ع فراشي

حياة : دفعته حيل شي من شعري راح بيده

ااانت واااحد فاااسد ..

عفته و ركضت فوك ..

معاذ : بسيطة حياة .. خل يخلصن الشهرين .. و انا اعلمج

حياة : ع الدرج اركض و الف الشيله ع راسي ..

تين : حياة شمالج

حياة : مسحت دموعي

مابية كملت شغل اريد انام

تين : خوش حبيبتي نامي و ارتاحي

تطلع زينة من الغرفة
: هسة ارتاحيتي

ردت تين

استقريت يوم خالي بدر كال ان جهاد عايش لكن عليه حكم ..

الله الـ نجاه من الموت و رده لي .. ينجيه من ايد كل ظالم ..

نور : يبووو من علمته ع الفون .. ايده شكد دافيه .. هيج اتقصد الزمه يمةةة

عزا .. عزا لو ريحته تدرين تجيني لحظات تدفعني ابوسه بس اضبط روحي بالحيل

سها ببرود : مراهقه ...!!

نور : ع اساس انتي بنت الـ 30

تگوم من مكانها و تروح عليها تدفع راسها باصبعها

هذااا وزني .. و طلعي الرجال من بالج .. ترا اكو فرق بينه و بين النماذج الـ تحاجيهم ع النت

نور : اهووو حجت استاذه غرابة الاطوار .. ممكن تسكتين

سها : اني حذرتج ليش بعدين تجين تبجين يمي ترا اطردج

نور : بابة فهميني شنو الـ بي مينحب .. اي اي يفرق عنهم .. جمال و شخصية و رزن .. عزا ولج شگت جدي رزانته

سها : نور الرجال فاقد ذاكرته .. انتي زمالة ...؟؟

نور : هذا اجمل شي .. يعني ديبدي من جديد .. دتفهمين قصدي .. سمعتي بابا شكال ع حالته .. طفل هستوه ديوعى ع الدنيا

سها : و انتي تريدين يبدي بقصه حب وياج ..؟

نور تبتسم : اي شناقصني

سها : و اذا رجعت ذاكرته و طلع متزوج لو مرتبط ..؟؟؟  شتسوين بلله

نور : يعنيي .. اكيد يختار حياته الجديده

تتجاهلها و تتصفح المجلة

عقلج محجر

نور : انتي الـ عقلج محجر .. اكو واحد 24 ساعه يباوع مجلات و عايف النت

سها : والله كيف كيفي ..

نور : غريبة اطوار ..

صفوان : رح اكمل ثلاث اشهر و اني ضاايع  كامت تمر براسي لحظات بس ماكو شي واضح
برا البيت ماگدر اطلع وحدي لان اضيع .. الا وية الدكتور .. فرني باغلب اماكن بغداد و ماكو شي يتغير
بسبب ضربة راسي حتى هسه انسى الاماكن و تركيزي ضعيف .. لعبت نفسي من كولشي بالدنيا .. من نفسي لعبت نفسي

و شلون ابقى ضايع .. ابقى هيج تايه .. اريد اجلب بطرف خيط

ااخذ .. الله يخليك اااخذ .. اااخذ ..

رند : شبيك ..؟

صفوان : حسيت ع رند واكفه يمي اعرف داسبب ازعاج و هن وراهن دراسه

مابية

گعدت يمي

رند : ماكو شي يجي بالقوة .. حتى العقل يجي بالعقل

صفوان : تعبت من هالحال

رند : يحجي وياية و مدنگ راسه .. حتى ميرفع عينه .. من اتقرب منه احساس بداخلي يكبر ..
يوم عن يوم ياخذ شي من روحي .. تلقائيا ابتسم من اشوف وجهه .. و انغث من اسمع بي طالع

شتحب اسميك ..

صفوان : لااا

رند : ليش يمكن هالشي يساعدك

صفوان : هذا يصعب علية اذكر اسمي

رند : انت دكتور حتى تفهم ..؟

صفوان : يكفي اني اعلم بحالي رند

رند : دتعال انزل بالحديقه اشرب جاي حتى يعدل مزاجك

صفوان : نزلت گعدت بالحديقه جابت كوبين جاي

تسلم ايدج

رند : هني  ،  بابا كال متحسن حالك

صفوان : يمكن

رند : شنو تذكرت ..؟

صفوان : شي من طفولتي شغلات مو واضحه

رند : اي زين المهم اكو تقدم

صفوان : تقدم بطيء .. حيل بطيء و اني قليل خلگ ..

نور : نزلت من يم الحقنة سها .. شفت سيد فاقد و رند بالحديقه .. احساس بداخلي يكول رند تحبه و هذا الشي يكتلني ..

ممم جان عزمتوني ..

تسحب الكوب من ايد رند و تشرب

رند : اايدج لتصيرين قليله ادب ..

سها : رندد 

رند : تعالي هنا

سها : شووفي هاي جنطه الـ ردتيها .. ناشريها ع موقع تسوق

رند : صدوووك .. جلد النمر ..

سها : اي باعي تجنن اني هم اخذ منها

ــــ عـصـف عـقلـي ــــ

الاجواء .. شارع تقاطع ع شارع عام

سيارة مگلوبة و دخان مرتفع ..

خالد : بو نمر البنية .. الطفلة بو نمر .. امانتك

ابو حياة : ساعدووني .. ااحد يسحبه ويايا ..

يالله .. يالله ..

لزمت راسي من الالم

نور : شبييك ..؟

صفوان : منوووو .. منوو اااني لوو هووو .. منووو ابووو نمرررر ..؟

سها بخوف : شبيي رند

رند :  انهيار عصبي  كل مرة ابوية ينطي مسكن

صفوان : كمت ركضت راسي من الضغط دينفجر

ارجع انطيني ازيد

نور : عزا  شبي

رند : عوفنه شوي و يهدا

دكتور هاشم يدخل و يصير بوجهه صفوان :
اتذكرت شي

صفوان : ابوو نمررر .. منووو هذااا مداذكررر .. واااحد اسمه ابووو نمررر

طفلة .. اكو طفلة بحياتي الـي نسيتها دكتور راح اتملخ اكو طفلة

دكتور هاشم : لا تضغط هيج اهدا 

يجره من ايده و يصعد بالسياره

هذا تقدم ممتاز .. وضحت عندك الصورة

صفوان : اي .. دكتور اي .. رجال متملخ جسمه .. حاادث .. حااادث .. يحجي بطفلةة .. عقلييي تعببب ارررريد استررررجع و لو شي و اربطه بي

دكتور هاشم : ايوا هذا الحادث القديم اثر خياطه براسك
لتضغط ع عقلك .. تتذكر كولشي بس وقت .. ووووقت يااا وووولد ينرررادلك وووقت

صفوان : بقيت استرجع هالشي القليل براسي كل يوم بلكي عقلي ياخذ و يكمل حتى افتهم و لو شي بسيط .
بس كلما تمر الايام كلما يتعقد الوضع اكثر .. وصلت لمرحلة كئابة .. تعبت منها

جهاد داخل السجن

ماااا يموووت موووو اااااثنينهم اااااااااالله

سوسن : بالمبارك عليج تين .. گرة عيونج بي يوم انه طلع عايش

تين : تسلمين الله يرجعه سالم لي و يفرح گلبي

سوسن : وينها البومة .. ماربينت جتالة الزلم ..

تين : سوسن اتركيها بحالها كافي الصار بيها

ام معاذ : عشتووو .. لا يكون صدكت عمرها انها حرمته .. خلها تصحى ااااهي فصليةةةةةة .. مبيووووعة

تين : شسالفتكم تتوسلون تاخذوها و انتو حاقدين عليها سوسن ترة البنت لها حوووبة و هاذ عينج شااافت شصار فينا

سوسن : حووبة لو فگررر .. گصة هالبنت فگررر يااا تييين

تين : خايبة اسكتي و من ما جبتي الولد .. هم اهي جانت موجودة و فگرتج .. اسكتي اسكتي

سوسن : هذااك رزق من الله

تين : و الموت هم رزق شمالج الي الج تفسري رزق و الماهو الج تفسري شين

سوسن : بسسج بسس .. انا ويامن جاي احجي .. فااارگي ..

تين : الصوج مني شمالي كابلتجن و كعدت

تتركهن و تروح

حياة كملتي شغل ..

حياة : لا بعد

تين : هدي انا اكمل عنج ترا سوسن و امها ما ناويات على خير

حياة : لا عوفيني تين لاهيني الشغل

تين : جا كملي بساع و روحي لغرفتج

حياة : ماشي بقيت اغسل المواعين ..

ــــ ذاكــرة ــــ

حياة : بس يبقن نسوان

صفوان : كلهن زلم بس انتي مرة

حياة : ابتسمت و نزلت راسي ..

صفوان : فدوة انا و عشيرتي ..

حياة : ( بهمس ) احبك

صفوان : ( بصوت هادئ .. دافي)  عيدي

ـــــ واقـــع ــــ

ااحبك .. احبك .. والله احبك صفوان

اذا روحك دتطوف و تسمعني .. والقران احبك .. الله يخليك اخذني .. معرفت هيج بيك قسوة و تعوفني .. اخذني

معاذ : دخلت للمطبخ اعرفها بهيج وكت وحدها تشتغل .. البنات ينامن ..

حضنتها من ورا ..

اخذج .. مبقى شي حبي

حياة : جسمي كله انتفض

شدتسوي انت تخبلت

عصرني حيل بحضنه

معاذ :
احبج مو بيدي .. احبج كافي

حياة : حلني ..  معاذ حل ترا اعييط و الم عليك المنطقة

معاذ : محد يسمع كلها نايمة و البيت واسع .. خايبة حني علي .. وين راح كل حبج الي ..

حياة : احاول بكل قوتي احل ايدينه من خصري بس عاصرني حيل .. كرهت روحي و اني بحضنه .. صك سنونه و يحجي باذني

معاذ :
لتحاولين ترا ازيدن .. من تعاندين اريدج بالزايد و اتخبل و اخذج هسه

حياة : اااانت مجرررم .. كاااافي متخاااف من الله ..

معاذ : وج الـ يشوفج يعرف ربه ..

فقدت و هي بحضني .. كمت اعض برگبتها و ابوس ..

حياة : انهاريت بالبجي اريد احل ايده عني  ادفعه و يزيد اتوحش علية كام يلزم مناطق بجسمي من فوگ ليجوة نفسي لعبت منه صرخت

صفووووان ...

انفعل عصر حلگي بيدها حيل اذاني و گال

ماريد اسمع اسمه ع لسانج .. فهمتي

حياة : گمت ابجي على نفسي و اشوف فساده و هو يعتدي علية و جنت بيوم واثقة منه و حاسبته سندي

معاذ : لاا تبجين و لا يهمج .. ماتعتبرين خاينته لانه جوا التراب ما يدري ..

حياة : ضربته حيل بعكس ايدي ع صفحته ..

و الله .. همم ميشوف

معاذ : فرفحت روحي من الوجع .. احس بكليتي انشلت .. لزمت صفحتي من دارت و صاحت ضربتها راشدي بكل قوتي خيلت كل المي بيها

حياة : رجعت ع السنك استندت عليه و گعدت توازتي اختل گعد گبالي مرد فكي بيده

معاذ : وج ماستغرب و ما توقعت تنطيني نفسج  تدررين ليييش

يحجي و اني احاول اوخر ايده

معاذ : لان من يوم اختارج صفوان من بين كل بنات الجامعه .. عرفت انج درة

بالعرب يكولون الشيوخ ما يهوون الا بنت الاصل .. غريزة دمهم هاي

حياة بصعوبة ترد : شدتحجي

معاذ : اي صفوان ما غلط من اختار

للللللكن .. غلط يوم نشدني و سولف بيج عندي

حياة : من قهري لزمت ايده حيل و نزلتها

و رررردتله قسمته

معاذ : و ماات  ...! و رديتيلي .. عدااالة البقاء للاسبق

والله .. والله لاشوفج الويل خل يخلص الشهر

حياة :
فاااااسد لو فاتح القرآن جان عرررفت عدتي اربع اشهر و عشرة

معاذ : اربعه .. خمسة .. انتظر ما يهم .. مصيرج جواي مذلوله ..

حياة : اريد اتقيء من وجهه دفعته گعد ع حيله و گمت ركضت  تلگتني امه بالباب ..

ام معاذ : شلون عروسة ابني ..

حياة : لو يموت ابنج .. عود استلموني جثة

ام معاذ : عجيب سبحانك زمان جنتي طايرة بي من الفرحه شماله هسة صار كخ
كليتي براسه حلاوة و صديتيه عن بنات السلف كلهن

حياة : جنت مخدوعة ابنج نذل

سوسن :
ياهووو النذذذل .. للللج عييين تحجييين

لزمتها ملخت شعرها .. انا و امي ما خلينا مكان صاحي بجسمها

حياة : دفعتها عني هجمت امها تكاونن علية نزلت تين تعيط هي و زينة

هدددددن عنهاااا .. هدددن شمااالجن ضيوووف و تملخهن ااااهل اااالدااار

ام معاذ : وج ياهي اهل الدار بنت سميران

زينة : الزم بيهن ميفيد انوب وحدة استلمت حياة و الثانية كامت تضرب بتين ..

كافي هدي  شوو هدي

دفعتهن حيل .. ما خلن ستر علي شيلتي طاحت زنجيل دشداشتي من يم الصدر فتحنه كله ..

صرخت انتن شنو حنا بياا حال وكت ثارات

سوسن : زينوووو اسكتي اانتي هذاك اليوم صرررتي .. شددددخلج

زينة :
سوسن قسما بالله ان ما كفيتي لا اكون ساحلتج سحل من عطوبج و هادتج بنص ااالشااااارع ..

تين : كومي .. الله لا ينطيجن العافيه .. فوك ضيمها تعذيب .. والله انجن عار ع العلويات .. صدك بلا ضمير

زينة : و اااانت شمااااالك .. حاااامي لووو حراااامي

معاذ : لااا تررررفعييين حسسسج ع زلمةةةة

زينة : جهاااد بددددمه الحااار و غصته ع اخوووه مااا رفع ايده عليهااا و طگهااا .. لانها حرررمة

و ااانت .. اااانت زززلمةةة .. تخسيييي

شال ايده ديضربها دفعته

ايدك ما تنرفع ع بنت الشيوووخ ززززين

معاذ يصيح : زينة

سوسن : اترركهاا .. سوتلهن سحر ام السحورة صافات وياها ..

تصعد تين و حياة و وراهن زينة

تين : حسبي الله عليهم ،  زينة لا ترديهم ما تشوفيهن وحوش

زينة : ما تشوفين هديتهم وراجن

لان كلمه لخ و اخليهم واحد فوك الثاني و اطگهم طگة العمر ..

العتب مو عليه العتب ع جدي .. نعرف المشاكل خذتك من البيت .. لكن لو هاده فاضي من الزلم و لا هاذ معاذ

تطلع الجده من الغرفة

هاا يمةة اااذن ..

زينة : حبوبة رجعي نامي اذن و صلوا و حجوا و ناموا .. جا انتي صليتي الفرض ست مرات .. نامي و ارتاحي

الجدة : هاا .. خووش .. اروحن انامن

حياة : قفلت الباب من جوا اخاف لا يدخل بالليل لان فاسد مو نظيف گمت ابجي صفوان

صفوان اكيد موجوده روحك ليش متزورني بالحلم حرام عليك الي دتسوي بية

صفوان الله يخليك تعال اخذني .. اذا ما اجيت اني اجيك ..

مهند العزاوي : للـحيـن و انـي استاهلـك
و عيـونـي بغيـابـك تـبـي و مـا تلـگـى شـي يرضيهـا

للحيـن و انـي اشتاكلك شـوك اليتيـم الـ فگد امه و يمر طاريها

صـوتـك يـرن بمـسمعـي
رحـت و بگـيت بـلا وعـي

و اتمـنى تمـهلنـي و لـو لحـظات اشـمك فيـها

و لـو جـيت ساعـتهـا اسـئلك ..؟

هـم تـدري من اعـتـازلـك شـتسوي بيـة الـعازه ..؟
هـم تـدري شيحـس الگـلب لـمن يـريـد اعـزازه ..

ينـجـاب طـاريـك و افـز ..
و اضـحـك بـوجـه الـيسـتفـز و اتحمـل استـفزازه ..

مـا اگـدر ازعـل و اخـتلـف
يـا دوب عـنـدي شـكـم جـتـف بيـهن انـشال جنـازه

عـمـي انـي گـبـلك فـارگـت
شـو بـس علـيـك اتـوازه ..؟

فتحت بفونه اسمع و ابجي اتذكر من جان يشغلهن بالسيارة كل يوم حتى يفضي همه  صارت كل كلمة تدگ بروحي

نفسي كامت تلعب ركضت للحمام رديت كل العشا .. معدتي كامت توجعني .. غسلت و رجعت تمددت .. طفيت القصيده .. راسي كام يوجعني من البجي ..

شنوو ..؟؟

طفرت من مكاني ..

لااا اتذكري .. اتذكررري اشووكت ..

لاا صفووان عيوووني يموتوووا .. يموتوووا .. ااااااني اررررريد امووووت شديصيييير بيةةةة ...؟

رند : اقتنعت بكل ذرة بية تريده و تهواه .. رغم ماعرف عنه شي بس يكفي عرفت روحه .. تلث اشهر كفيلات يخلن اي بنية بالدنيا تموت بي ..

قريب مني بس بعيد .. كولش بعيد .. شغل بالي لدرجة كام يبين حبه بوجهي و بتصرفاتي ..

تكتب مذكراتها ترفع راسها
سها

سها : ها

رند : شنو رائيج بسوبر مان ..؟

سها ببرود : فاقد ذاكرته ..

رند : صدك انتي ثولة اعرف فاقد ذاكرته كلت شنو رائيج بي كـ رجل

سها : متملخ نفسيا ..

رند : افهميني

سها : افهم و اعرف شنو تقصدين .. رنو الرجال غير صالح للحب .. اااانتن بيجن شي

رند : انتن ...؟ ليش منو الباقيات

سها : ست نوره ..

رند : تحبه ..؟

سها : غرگانه بي

رند : بس نور بعدها صغيرة شنو هي و الحب ..

سها : و اني عبالي احجي وياج حتى تعقليها .. طلعتي اضرب منها ..

رند : سها الحب مو بيدي

سها : خيرج رند مو تشوفين انسان نكره بأي لحظه يرجع لكلشي و تعرفين بهذا الشي

رند : شسوي ..؟

سها : شيلي من راسج

رند : اخاف تطلعين مثل نور هاويته

سها : عفت الفون .. و باوعت عليها

والله اني الـ خايفه عليجن .. يطلع متزوج و تاكلن بوري ..

رند : الله دزه الي ..

سها : اكوللها الرجال طالع من حادث موت .. الله جعل ابوية سبب لا اكثر و لا اقل .. لا دزه الجن و لا ابد .. اكعدن و اسوكتن

رند : يووو

تتركها و تنزل

ها ماما اجيتي ..

ام رند : اي و هلكانه والله ندمانه لان وديتجن طبية .. يبووو

رند : ليش ماما

ام رند : من الدوام للعياده للدوام ماكو وقت تعيشين

رند : الله يساعدكم انتي و بابا

ام رند : صدك وين مريض ابوج

رند : اخذه و طلع جلسة علاجية

ام رند : و هذا ابوج حاله حالي الله ينطينا الحيل ع هالتعب

حياة : ما هدت روحي الا وقت الفجر من حضنت مخدته و نمت بمكانه غفيت ع ريحته ..

كعدتني الصبح تين .. احس بتعب و جسمي متكسر نزلت جوا اساعدهن بس مابية اشيل حيلي

من طبيت للمطبخ شفت معاذ جمدت

ــــــ ذاكــــرة ــــــ

معاذ : قسم بالله ان شلتي بذره منه .. اخذ روحه من رحمج .. اانتي مالتي اذبح الامه مو بس ابنه .. افتهمتي

ـــــ واقــع ـــــ

طلعت من المطبخ

تين : شمالج رديتي

حياة : معاذ بالمطبخ

تين : انتي بـ عدة و زينة ما تريد تشوف وجهه المصخم عاد انا وكعدت بيها .. رح اضلني مگابله وجهه

حياة : اني اصعد بغرفتي من يطلع صيحي علية ..

تين : اصعدي گلبي

دكتور هاشم : يعني ما رجع الحادث بشي جديد

صفوان : لا

دكتور هاشم : شلون دخلت حالة العصف

صفوان : كلمة دخلتني بالماضي مر بقعلي عبالك عشته واقع حاولت استمر لكن گطع 

دكتور هاشم : افتهمت

صفوان : بقينا لليل نسولف اخذنا الوقت  الجلسات عالجت ذاكرتي الحالية بس الماضي ماكو اي تحسن بي

رجعت بالليل هلكان اذا العقل تعب الجسم كله ينهد حيله بدلت و نمت

صحيت ماعرف بيش الساعه ع بشر يمي ع الجرباية .. رفعت راسي اريد افتح عيوني اشوف منو .. ما جاي اشوف من النعاس
.. عصرت عيوني ..

نور ...!!!!؟