رواية قضبان الجنوب ( فصلية ) الفصل الثاني والثلاثون 32 - بقلم Hend_AlBoor

ايـتهـا الـدنـيـا الـبـائـسـة
اعـلـمُ انـكِ لـسـت بـ جــنــة
فــ اعـلـمـي إنـنـي مـن الـبـشـر
و لــســتُ بـ حــجــر

ص

فوان : صحيت ماعرف بيش الساعه ع بشر يمي ع الجرباية .. رفعت راسي اريد افتح عيوني اشوف منو .. ما جاي اشوف من النعاس
.. عصرت عيوني ..

نور ...!!!!؟

نور :
گعدت يمه ع الجرباية .. گلبي گام يرجف و اني اباوع عليه .. ظهره شكد عريض عزا بعيني .. بس وحده جرباية يصير ..

اباوع ع وجهه و هو نايم يسحر بعد اكثر .. احس بي رجولة ما شفتها بولد .. شبيهم الـ وياي كلهم بس كفشه و ضعاف حتى صدر ماعدهم و الوجه حافي .. ليش هيج حظي ..

گعد ابتسمت و همست اي

صفوان : من وعيت فد نوب طفرت من مكاني .. الدنيا ليل

شتسووين هنااا ..؟

نور : اوشش .. عفية لتصيح

صفوان : فهميني بيش سااعه شتسوين بغرفتي نور ..؟

نور :
اني .. بس .. احبك مادري مداكدر انام و اجيت اشوفك ..

صفوان : البنية بعدها صغيرة مدتعرف شنو تسوي .. لزمتها من ايدها و طلعتها .. هي تتوسل حتى تبقى ..

سديت الباب گعدت على الجرباية النوم طار من عيني
مثل مكال دكتور هاشم يمكن من اريح عقلي من الماضي المجهول .. استرجع ذاكرتي شوي شوي

سها تطلع من غرفتها و تشوفهم تركض تسحبها من ايدها و تطببها بانفعال :
شجنتي تسوين هناك ..؟

نور ببكاء : لا تصيحين فدوة والله مصار شي

سها : اي شكو رايحة فهميني شعندج يمه

نور : احبه .. سها والله احبه رحت بس اشوفه ..

سها : متحملت من اعصابي الـ انهارت ضربتها راشدي ..

هااااي مو امريكااا ..

سها : ( بصوت هادئ و اعصاب) ابوية من انطانا الحرية من ثقته بينا لاا تجفصين و تهدمينا  ،  السنين العشناها بامريكا لا تعيشيها هنا

نور : والله مسوينااا شييي ليش متفتهمين

سها : بنيةةة بغرفة شاب بنص الليل شنووووو

نور : ماا صار سها ما صار شي

سها : لان هو عاااقل .. جبير .. و الا غيره جان بدع بيج بدايع و انتي بغرفته

تلزمها من زندها حيل

نووور قسما بالله اشوفج حوليه انوب ابلغ ابوية و تصير مو زينة

نور : لا والله توبة

تنومها يمها تحس عليها تبجي -

نور بعدنا صغار .. و الدنيا كدامنا .. صدكي راح نحب و نفترق و نحب و ننوجع .. ليش استعجلتي ع القهر انتي ..؟

صفوان : گعدت من الفجر قبل لا يگعدن و يروحن لدواماتهن ..

دكتور هاشم : ها من غبشة گاعد اي هذا النشاط

صفوان : صباح الخير

دكتور هاشم : صباح النور ، فكرت بكلامي 

صفوان : متفيد دكتور اني مو ضايع و لا طفل

دكتور هاشم : انت مرريض مو عيب اذا بلغنا على حالتك المراكز هذاا الشي ميخجل ابني

صفوان : دترجعلي شوي شوي .. اذا بقيت سنة اخذ هيج اجراء ..

دكتور هاشم : على راحتك ما اضغط عليك

صفوان : اعرف سببت عبئ عليكم .. اذا اكو بالمستشفى قسم خاص بمثل حالاتي ابقى هناك

يطبطب على جتفه -

انت اابني قبل لتكوون مريضي .. الدكتوور اااب يتحمل مسؤوليةة مريضه كانه ابنه .. كلاامك هذاا ممقبوول

و ماعدنا مراكز خاصه بمثل حالتك لان قليل يفقدون الذاكرة نهائيا ..

صفوان : يعني بمختصر مفيد اني ضايع بهاي الدنيا

دكتور هاشم : لتهتم لهذا الشي .. و انت مو اول مريض ادخله بيتي .. وين تريد اوصلك ..؟

صفوان : تسلم اني اطلع افتر .. اهدي عقلي .. لان اذا بقيت منعزل اتخبل دكتور ..

دكتور هاشم : هذ الي اريده انطلق

و اذا ضعت دكلي ..

صفوان : طلعت امشي بالشوارع گعدت بكافيه بقيت سارح افكر بوضعي انعرضت ع اكثر من طبيب و ماكو حل ..

عجز الطب عن اي علاج لحالتي لان المرض بعقلي اي تصرف خطا يسبب لي فقدان العقل

زين اذا بديت من جديد من وين ابدي ..؟ منو اني ..؟

اخذني الوقت طلعت الظهر دا ارجع للبيت  فجاءة صوت عالي طلع من بيت فززني

مؤذن : الله اكبر .. الله اكبر
الله اكبر الــــلــه اكــبـــر

خليت ايدي ع اذاني و تقلص جسمي صار فترة اسمع نفس الصوت بس بعيد

باوعت الباب مفتوحه و ناس تطب .. رحت اشوف شنو .. و شكو .. الناس نزعوا نعالاتهم و احذيتهم و كعدوا

اني هم نزعت و طبيت كعدت .. ورا دقايق كاموا و بدوا يسوون حركات .. بقيت كاعد ..

حسيت هاي اللحضات مار بيها .. كملوا و طلعوا .. بقيت بس اني ع كعدتي ..

شفت رجال جبير لابس دشداشه و راسه ملفلف .. رحت عليه

السلام عليكم

شيخ محمد (امام المسجد) : و عليكم السلام و رحمة الله و بركاته ..

صفوان : بقيت متردد اسئل لو لا ..

هذا المكان .. شنو ..؟

شيخ محمد :
مسجد ..

صفوان : شنو يعني ..

طبطب بجفه ع الگاع و گال

اكعد ..

گعدت گباله

شيخ محمد : شنو مشكلتك ..؟

صفوان : بديت احجيله عن حالتي .. و هو مبتسم و يستمع ..

شيخ محمد : ليش تنعزل و تتعب .. هذاا .. اشر ع راسه .. يفقد فترة بس مو للابد .. لان هاي حياة انت عشتها لحظه لحظه .. مستحيل كلها تنمحي بحادث لابد ترجع من يستعيد العقل عافيته

صفوان : بدا يحجيلي عن الديانات حديثه عن الخلق و الديانات حيل شغل عقلي بحيث نسيت مرضي

حياة : مرت ايام و ابتعدت گمت اذا اشتغل اخلي تين وياية تتواجد بالمكان الي اني بي ..

اذا اطلع اشتغل اتلثم .. اذا هو ميعرف الحرام اني لازم افرضه عليه .. من يتواجدن عماتهم ما اطلع .. تين تاخذ عني الشغل و اعوضها بعدين ..

انعزلت عن العالم .. لان عالمي مات .. اعتبر صفوان جان خاتمة حياتي .. و مو بيدي .. هيج يلله كدرت اكمل و اعيش ..

حملي ضميته عن الكل خوفا ع الـ ابطني .. اموت اذا صار بي شي .. هذا اخر شي بقالي من صفوان .. جبرت نفسي اكمل و اعيش حتى يعيش ..

سراج : جدي المحامي قدم لهم اوراق بلاغات اختفاءه و شهاده نوار و بدر

الجد : الا قدم و كال و دافع .. لكن الحاكم بيده اعترافات انه كاتل و مغتصب و بايك ..

ابو كرار : شيخ احسن شي سويته انك رفعت دعوة نقله لقضاء البصرة

الجد : تبهذلت يابو كرار تدودهت مابين امور القبيلة و سجن جهاد انا بالحيل واگف ع طولي لو ان لي ولد يعاون

بدر : تهون يعمي تهون و البركه بيك و بالزلم ما گصروا وياك

الجد : والله ان انگل هان ليم حاكم البصرة لاني ساكن المحكمة و اتوسط امة محمد لين يطلع و يرجع لي

بدر : ان شاء الله يطلع و يشيل عنك همك و حملك الله يصبرك الذي مريت فيه ماهو هين

بالحديقة يقف معاذ مع امه

معاذ : ان طلع جهاد .. اهو ياخذ مرة اخو .. اعرفه ما يطلعها مادام دمها اختلط بدم اخو ..

ام معاذ : انت الي بيدك عملته شمالك مصر عليها خلها تولي ان ما صارت

معاذ : لا يمة لا انا احجي وية جدي

بعد مغادرتهم الديوان يختلي بجده

جدي ..

الجد : هلة ..

معاذ : بخصوص كلامك لي .. جدي هاذي عدة البنية گربت تنتهي ..

الجد : كلامي ماتراجع عنه معاذ و هاذ انت اثبتت انك جدير بالامانة قايم بواجب البيت و كفيت يولدي ما گصرت

معاذ : انتم هلي .. هاذ واجب ..

تين : انااا الذابحني شماله جدي ما ياخذني اگابل زلمتي راح اموت

زينة : حرمة تروح لبغداد خايبة اسكتي .. عماتي ما رضوا يروحن يگابلنه .. هنوب انتي ..

تين : جا اول ما يجيبوا هان ليم حاكمنا انا اروحن عسما وحدي

زينة : آمين و يجيبوا هنا انا هم روحي مفرفحه ع شوفته تينه

تين : حياة اگعدي دوختيني شمالج

حياة : يصير عندي مغص خفيف گمت افتر

مابية

تين : خايبة فلي لثامج شمالج محد داخل علينا

حياة : مادري اتعودت عليه

تين : خايبة عود لابسه الف ثوب و متلثمة و فرحانه انج ساتره فتنتج ..

حياة : شنو ..

تين : بوية عيونج طالعات هن لحالن يذبحن معاذو .. الزلمة ماعاد يصبر اضنه راكد هان لعيونج .. و ان خذاج مانشوف رگعة وجهه

زينة :
صدك العدة مابقالها يومين و تنتهي ..

حياة : نسيت امر العدة لان حامل عدتي تنتهي من اخلف اصلا محسبت الها

زينة

زينة : ها

حياة : تكدرين تحجين وية الشيخ .. ماريد معاذ والله ابقى هنا الشغل كله عوفوا علية بس ليفصلني لمعاذ

زينة : الحريم ما تتدخل بامور الزلم كيف و انا اصغر وحده هنا ما اظنه يسمع لي

حياة : خلي يرجعني لاهلي .. فصلتوني و خلاص الله قدر هالشي ليش تظلموني مرة لخ .. اني همين بشر

زينة : انا شبيدي لا انا فاصلتج و لا انا اكدر انطي كلمه تخص امرج

تين : حياة شمالج يوم جيتي هنا هم ما تقبلتي بو نمر .. لكن تعودتي و حبيتي

حياة : صفوان غير

تين : اكلج زينة جا خلهم يفصلوها لجدي

زينة : هاا ما تسكتين

تين : شمالج ماهوو زلمة شني

زينة : بووووية و انا اجي اكله جدي خذها لك .. بالعباس حبوبة تقيم قيامتي

تين : خايبة هو كله حبر ع ورق

حياة : ماعقد اني بعد احل عليه تين

تين : اشدراني انا بس اي شي يجي براسي احجي من يئسي جا غير مغموته عليج

حياة : الله يسلمج ..
عفتهن و صعدت للغرفه ..من القلق الـ دمرني لمن عرفت العده انتهت ..

احس جسمي كله يرجف من افكر معاذ ياخذني لبيتهم اشمدريني شيسوون بية و اذا عرف بية حامل

فدوة ربي .. الطف بية و بهذا الـ ابطني .. لو ترحم بحالنا .. لو تاخذنا سوا

رند : خلال هذا الشهر ابتعد كليا عن البيت كام يطلع من الصبح وية بابا لليل يلله يجي

سها : اكيد جلسات علاجية

رند :
صدري حيل ضاق علية حتى بدراستي تراجعت .. كل فكري يمه ..

سها : اني نصحتج بعد بكيفج

صفوان : كدرت استرجع مرحلة من طفولتي بشكل غامض الي عرفته اني ابن قرية كل الاشوفه ابوية مثل الحلم امي اخواني  بساتين خضارة دواجن كل شي يمر مثل الحلم

صرت اكثر هدوء تركت القلق من الماضي عشت ايامي كانما اني اعرف نفسي اندمجت بالمجتمع هذا يساعدني اكثر استرجع
اربع و عشرين ساعه اني بالمساجد هالشي ساعدني اهدأ
گعدت الفجر نزلت رند مو من عوايدها تگعد غبشة صبحت علية

صباح النور

رند : ماكو هالايام ان شاء الله رجعت ذاكرتك

صفوان : شي قليل

دكتور هاشم : صباحكم خير و نشاط

صفوان .. رند : صباح النور

صفوان : اني استاذن

دكتور هاشم : باذن الله و لتنسى جلسة العلاج مثل البارحه نسيت

صفوان : ان شاء الله ما انسى

اليوم اروح لامام ابو حنيفه دلاني بي شيخ محمد
قبل لا يعلمني الصلاة علمني اكو مذهبين للدين و ميعرف اني ع ياهو بيهن
طلبت منه يعلمني ع المذهب الـ هو عليه لان رجلي جابتني ليمه و قررت ازور المراقد كلها

نزلت بالاعظمية .. اول مرة اجي هنا .. توجهت عليه كلت اذا تهت اتصل بالدكتور ..

امشي و عقلي يدخل بموقف نفس هذا الموقف و يرجع گمت احس عندي عقلين

وصلت ليمه وگفت فقدت توازني عقلي يرجع للماضي و يرد للحاضر اني جاي هنا قبل
حاولت اهدء نفسي و ما اتوتر من اتوتر عقلي يفقد كل شي يحاول يسترجعه

طبيت للحضرة صليت و گعدت

حسيت بوجع بگلبي مثل الفاقد شي .. حراره ع خدودي لزمتهن ماكو دموع ..؟؟

ــــ عصف عقلي ــــ

ردتها سيدي .. و اني جدي رسول الله
ردت بنتكم .. وما رادتني .. ما نطيتوها الي ...!

ــــ حــاضــر ـــــ

لا  ،  اهدء ، اهدء اختفى كلشي لزمت راسي و دنگت حاولت اهدء توتري حتى استرجع من ذاكره اكثر

ــــ عــصـف عـقـلـي ــــ

ابو فاروق : تبجيها و اني اشوف اسمها ع گصتك

هنا ....

ـــــ حــاضــر ـــــ

صفوان : بقيت مدنگ و ضاغط ع راسي .. دقايق و قطع عني الذاكرة

بعد بعد ، هذا قليل

طلعت ع السريع من ابو حنيفه و الم بگلبي ماعرف سببه فجاءة حسرة بداخلي بقت بية من الماضي اتصلت على الدكتور

منوو هاااي .. وووينها .. وووووينج ..!

📲بانفعال : دكتور تعبت

دكتور هاشم 📲: اهدا  اهدا انت وين

صفوان 📲: ابو حنيفة ..

دكتور هاشم 📲: جايك 

اجاني بالسيارة اعصابي منهارة

شبيك ابني شنو الجديد

صفوان : ماكدر هيج ماااكدر .. لا اني بين الحاااضر و لا بين الماااضي ..

دكتور هاشم : اهداا .. هيج راح تتلف ذاكرتك ..

معاذ : طبيت للمطبخ حياة و تين بي .. جان تطلع من شافتني .. خطفت من يمي .. لزمتها من ايدها

اووكفي ..

حياة : عوووف لخاااطر الله

تين : معاذ مايصــ...

معاذ : تيييين .. لا تتدخلين

و انتي يحرمتي خلصت العدة و بعدج ملثمة

حياة : ديوخر الشيلة دفعت ايده

ايدك عني انتهت بس بعدني حرام عليك

معاذ : ياهي حرام اكلج حرمتي حرمتييي

حياة : انت على يا ملة فهمنيي بعدني محاالتلك شلون تتجرا تلزمني

عصر ايدي و سحبني عليه

لججج انتي فصليه .. لا عبالج هذيج حياة الـ تكول لا و استمع الها

الجد : معاذ يا معاذ ووينك

معاذ : جاي جدي

انتي حسابج بعدين

حياة : كمت ابجي كلما يلزمني اخاف ع الي ابطني منه لا اكدر اكتل روحي و اخلص و لا اتحمل اصير له ..
تين تحضن بية نزلت زينة

زينة : شبيها

تين : معاذ سمعها كلام يسم البدن

زينة : شنو هاذ ما بعينه احد .. افتهمنا رح تصير له لكن اكو اصول شماله ناسي اصله هاذ

تين : بس يروح جدي انا احجي وية عمتي حليمة اهي طيبة و تفهم

زينة : وصل جهاد للبصرة ..؟

تين : يكول جدي ان المحامي اتصل فيه امس و بشره بنقل جهاد لسجن البصرة ..

الجد : و انا اكلك ماهو وكته يا معااذ

ام معاذ : بوية العدة و خلصت صار ايام شني اليمنع .. انت عطيت له كلمة

الجد : و انا ماني متراجع عنها لكن ماهوو وكته يلميعةةة ..

ام معاذ : ليش ماهو وكته

حليمة : ام معاذ خل ابوي يفضى و نفكر بسالفتكم

ربيعه : شمالج فيها يخيتي انا ارد اعرف شمالكم كلكم رايدها هيج

معاذ : خالة جهاد و جابوا للبصرة يعني هوسة الروحه لبغداد و الجية انتهت لكن جدي ﭼـنه يتراجع

الجد يصرخ : معاذ اوزن كلامك

اعطيها لك بشرع ماني عاطيها لك و اهي حرام عليك و يوجب الزلم تحضر و السيد حتى تعگد عليها ماهو لعب جهال

ام معاذ : بوية اذا ع هاذ معاذ و ابو معاذ يتكفلون بكل هاذ انت تروح لجهاد و ترجع لليل كلشي جاهز ..

معاذ : انا مثل راي امي و انت عطيت كلمة

الجد : خوش ..

معاذ : يعني لليل اعقد عليها

الجد : كلنا خلااص شماالك تلح

تطب زينة  : بوية لا تنطي اهي مرة الشيخ

الجد : بنيتي امور الكبار لا تدوخين راسج بيها

زينة : و انا كبرت بوية .. و ماهو فرض عليك الحشمه لك لكن لو ننطر جهاد يطلع و افصلها له .. دمها اختلط بدم الشيخ بوية اخو اولى فيها

ام معاذ : مااا تسكتيييين جاااهل و تحجين باموور مااا تخصج .. معااذ و الا جهااد و شني الفرق

الجد : بسسس عاد ، انا وين و انتم وين  فارگي زينة

حياة : واكفه ورا الباب و انهاريت بالبجي .. طبيت عليهم

شييخ لاا تظلموني بي  اني مراغبته و ما اروح لبيته

ربيعه : وو يهددددد عساج لا رغبتي و لا ردتي .. نسيتي اااانج فصلللل

حياة : نزلت ع رجله سحبها مني ..

الله يخليك

الجد : فزي بطولج .. فزي

سحبني زينة و عمتهم حليمة و اني ابجي

الجد : انااا مضطررر لو ااان جهاد هان ماني عاطيج لاحد من العشيررة ..

حياة : انتظر .. انتظر لحد ميطلع

ام معاذ : و الناس شتحجييي .. تاااكل وجوهنااا ع حرمة حرام داخل البيت

معاذ : حياااااااة .. فاااااارگي

حليمة : لا تصااارخ و جدك واكف .. ان ابت البنت ننتظر جهاد اهي فصلية دمهم

الجد : انا عطيت كلمة بحضور زلم .. ماني متراجع عنها ..

حياة :

اني حامل من صفوان ..

معاذ :

جذاااااابةةةة جدددي

حياة : جدهم جمد بمكانه حتى منطق بس عيونه كامت تدمع.هجم علية معاذ ديضربني اول ملزمت بطني خفت من ردة فعل معاذ اذا عرف و اتوقعت راح يضرب

الجد يصرخ : معاذ

ام معاذ : بوية جذابه شسالفه لا يكون صدكت ..

الجد : البنت تبقى لين اخلص من شغل اليوم و افضى لسالفتها و اتاكد من كلامها ..

معاذ : جددددي شسااالفة .. لو صادكه شمالها ساكته كل هالمدددة

الجد : خلااص اناا وراي شغل ما فاضي و ان طلعت جذابه اهي الك

حياة : طلعت ركض قبل ليروح جدهم اجوي الزلم عليه .. اخذت تين و صعدت بغرفتها اخاف يصعد يضربني ،  باب غرفتي ماگدر اقفلها ساحب مفاتيحها مني

تين : بوية فرحت ولج ليش ما تحجين

حياة : ما گدرت تين

تين : شمالج ترجفين جدي و كال بامرج بعد خايبة اهدي

حياة : حيل توترت من حجيت مجان كدامي غير هالشي رغم اعرف معاذ ميعوف و عرفت يضربني ..

بس اذا هايهية ينطوني له كلت احجي لان اول و تالي يعرف و ياذيني .. ع الاقل هسه اكو فرق ..

رغم هذا خايفة حيل و جسمي ماسيطر عليه بعد ما دام بعده بالبيت اني مو بامان ابد

صفوان : مرت ايام رجعت للصفر نفسيتي اتاذت و اعصابي تالفه و متوتر اربع و عشرين ساعه اخر شي تذكرته دمرني

طلعت من البيت امشي مثل المخبل  وصلت لمرحلة كمت احس الدنيا وكفت بية

راضي بالماضي حتى اذا هي جارحتني جرح جبير .. حتى اذا خانت و غدرت راضي بس اريد ترجع ذاكرتي

محمود : لك ابن النعال اني مو كلتلك لا تتقرررب منها شعندك ابااب مدرستها

تمام : و انت شنو بية

صفوان : دامشي بالشارع شفت اثنين نازلين دك بوكسيات واحد بالثاني رحت اريد افازعهم

يمعوودين متسوا صلو على النبي

ـــــ عصــف عقـلـي ــــ

ياهو الي يندم لك

معاذ : ههه .. والله و طلعلك ريش .. و لا جنك هذاك الـ جيت تتوسل اتوسطلك

زينة : خوية

ام معاذ : معاذ

صفوان : قسما بالله تجيب طاريها ع لسانك اكصه و احش رجل كلمن يطلع وراااك

معاذ : دور بيها تلگي روحي لو روحك

صفوان : معاذ بالمووت لازم روحي ادفنك بارضك

معاذ : خسران انت انهدمت من شافت وجهي عاد انهدمت من شافتك ..؟

صفوان : قسمتي و رجعت لي

ام معاذ : بووو نمرررر دخييييلك .. مااات الولد .. دخييييلك .. دخيييل جددددك .. مااااات

ــــ حــاضـــر ــــ

ي

رجع ليورا  يصرخ معاذ ، معاااااااذ

حياااااااة

معاذ گرعد بالديوان منفعل و يحجي وية نفسه
ادفنهاا .. ادفنهاااااا

يطلع للمطبخ و يصيح

حياة

حياة : طب للمطبخ وجهه احمر دم من صاح كل جسمي رجف صيحت

تين ، زينة

زينة تصيح : معاذ فارگ

معاذ بانفعال : بعدي انتي

يدفعها و يجر حياة  - حامل ، حامل لج

حياة :  گمت ابجي لزمت بطني و قلصت ظهري  و هو يهز بية

معاذ : هسةةة انااا اتااااكد ابووووكس واااحد

حياة تصرخ : لاا معاذ عفية

معاذ : تجييين وياااااي و تجذبييين كلاااامج لجددددي لوو اخذج روووحه من رحممممج

امشي

تين : يبو يبووو نهب الحرمة اتصلي بخوالج خل جدي يحضر

حياة : گام يصيح جرني امشي وابجي طلعنا بالشارع كمت احاول اسحب ايدي منه اريد اشرد ، اشرد و خلي شيصير يصير

عوفني معااذ اني امشي عيب الناس شتكول

معاذ : ان انهزمتي اذبحج ويااه

حياة : ماشرد وين اروح ماندل شي

بس حلني رجعت ركضت ركض وراية

الـ علية سويته كدام الله اذا متت بعد اكتفيت من ظلم الدنيا

صفوان : معااااااااااااااذ ..

حياة : اجه ركض اسرع من الصوت و خطف من يمي .. كولشي بية نشف ..

وحده من الاثنين

لو متت و شفته لو اني بحلم ..