رواية قضبان الجنوب ( فصلية ) الفصل الرابع عشر 14 - بقلم Hend_AlBoor

الـبـعـد عـنـكِ هـدمـان ..
و الـقـرب مـنـكِ مـوت ..
بــاللهِ عــلــيـكِ ..
مـاذا صـنـعـتـي بـذلك الابـهـر ..؟

صفوان : وصلت ليمهن دافتهم شصاير و هيج يتراكضن ..

انتبهت ع المطبخ من شباكه

شفت ....... حياة ؟؟؟؟؟؟

شنو السالفة ..؟؟ دا اتخيلها لو شنو رب السموات ...؟؟؟

التفتت .. جان ادير ظهري ع المطبخ ..

حياة : عدهم ذوق .. بس هذا اشلون انوشه .. عالي ؟؟ التفتت ع الباب شفت من بعيد هذا الجمرة .. جان ناقصه و كملت ..

راح يجي يمارس رجولته بمسابقة اعلى صوت ...!!!؟

رحت اگلب بطقم البهارات ..

زينة : شفت ابو نمر ..

خووية ركضت عليه بوسته و حضنته .. شو هاذ يابس بمكانه

شمالك ..؟؟

صفوان : اكيد دا اتخيل .. شيجيبها لهنا .. نضربت براسي لو شنوو ..

تين : فجاءة انطانا ظهره .. جمد مثل الحجر حتى ميرفع نظره و حواجبه عاكدهن ..

شلون طلعت .. جهاد كال الظهر يجوك

صفوان : هل اجيت هسة ..

و منو هاي ..؟

تين : منو ..؟ البنية

صفوان : اي ..

تين : من وراهم راح الزك لافته ع گصتي مكتوب .. نعم هذه فصلية الشيخ

هاي فصليتك شيخ ..

صفوان : فصليتيش ..!!

رجلي اخذتني للشارع بدون مادري .. لكيت روحي بنص الشارع ..

هاا .. شسالفه .. شسوي هنا .. !

رجعت ع السريع لسيارتي ..

حياة .. معاذ ..

تين : يااا شماله طلع ركض هيج .. تخبلوا ولد الشيخ ..

التهيت بالشيخ .. سمعت صياح زينة

زينة : اطلعي من المطبخ .. برااا

حياة : التفتت عليها .. جان تجي خلت قهرها بية .. تضرب بكل حيلها ع ايديني و ضهري ..

ما بينت ردة فعل مو خوف لو ضعف .. بس شاردها ..!؟ اضربها ..؟ متسوا ..

تين : هااي شنووو انااا ناقصةةة كااافي

زينة : هددديني .. هدددي

تين : خايبة كااافي من الصباحيات ارد ارتاااح

زينة : منين جابوهااا من يااا شااارع منييييين .. يالمبيوووعةةة .. يالمبيووعةة

حياة : محكرصه سنونها و تغلط .. اني وكفت ع حيلي ..

اروح انظف الغرفة ..

تين : خوش ..

زينة : لا تطبين للمطبخ الااا من نحتاااج خدااامة زززززين ..

تين : كافي انتي .. بسج .. شني فرعون و انا مادري خايبة هديها مكافي حالها هاذ

زينة : لو انهاااا غالية مااا ينطوها اهلها لاكنها رخيصه

تين : واااي خايبه اسمعج هياتني صوبج شمالج تصيحين ..

زينة : وخررري عني ..

تين : اليوم مكلوبه جهاد .. هدتني و راحت تعارك روحها ..
او لا يمة صدقه جهادي محد مثله ..

حياة : رجعت للغرفة نزعت الدشداشه و لبست التراك .. زين مستور تيشيرته طويل .. حتى ميحجون و هم اخذ راحتي بالشغل ..

كمت انظف بيها محسيت بالوقت بس ردت اشغل روحي .. كلما اتذكر امي گلبي ينغزني عليها .. من ابجي عيوني يحرگني ..

يمة عبالي سهل فراگج .. بيني و بينج مدن يوم .. كل هذا الـ اني بي هيج و فراگج شي لاخ .. يوجع

صفوان : تمشي بية السيارة و اني ما اشوف للطريق ..

هي ،  اي ، معاذ هي ، شسووووويت كلب ..

طلعت للمزارع ع طريق خالي .. فقدت السيطرة خفت لا اسوي حادث .. نزلت بنص المزارع ..

اختنكت .. شديصير اختنكت .. شديصييييبير عمرررررررر شديصييير .. شديصير شيييييخ فهمني ... ااااارد ااااافهم

شجابها ربي .. شجابهاااااا .. هاي عرضي .. عرضي عرضي شلون تنفصل الي ..

اباوع ع الخضارة .. احس عيوني دتحترك من الحرارة الـ بيها .. اريد استوعب .. المزارع تفتر تفتر حولي .. الكاع دتفتر .. حنجرتي .. نجرحت حنجرتي ..

كعدت بنص الزرع .. ضغطي كله تخلخل عقلي مديستوعب لزمت راسي ..

حياة : هلكت لما كملت .. اوف يمة اريد ارتاح .. ااخ ظهري مابية اكعد من التعب ..

اني دا اكعد طبن علية نسوان وحده منهن هجمت علية بحيث من ضربني عطت من الالم .. وكعت بالكاع و نامت علية كتل .. ملخت شعري و جسمي و تصيح ..

سوسن : نطوووووج بننننننت اااااالسگط .. بننننت التايهةةةةة .. نطوووووج .. ووووولج اااانتي عووووض دم اااالغاااالي .. ااانتي .. اااانتي ..

تين : طلعت افرغ سلة الزباله بالحاوية الـ بالحوش .. و انا اباب المطبخ شفت سوسن و بنت عمها سماهر طبن و ركض

يبووو ... يبووو .. عزاااا لجججج سووووسن

انا علما ركضت البنية كضت كتل .. زينة ركضت وراي .. اجر بسوسن ما تجي سمينة مابيه حيل الها

هديهاا سووسن هدددي ..

سماهر : اكوول انتي الـ هددددي .. هددديها بنت سميرة وولج خلها تبرد گلبهاا فگدت غاليها ..

تين : 
خاااايبة فككككييي جااا هي وليةةة فكككيني عاااد

زينة بالمطبخ تسمع صوت سوسن تطلع منفعله : ياهووو غاليهاا .. ياااهي هاااي ..

نمت فوك سوسن و خليت كل قهري بيها انا جنت ناويتلها كونن شلعت گلب اخوي و رفعت دعوة عليه ..

تين : يبووووو .. زينةةةة شمااااالجن هدددي المررررة ..

صارت لحم احير افك منو من منو .. و هذيج المرة نمردت جواهن ..

زينة : ااانتي برااا برااا .. مووو راااايدة طلاااك ..
هدددي تين هددددي لاااا احرررك الاااامة

سوسن : خلصني سماهر و تين من ايد هالخبيثة زينو ..

ررررجلي غصصصصب ع اااالكل

زينة : بسسسس .. بسسسج جذذذذب هديتي لحاااااله شهر مانشددددتي عنه .. بسسسج لا بعلي اجفص بيييج

تيييين هددددي ياااااالله

تين : شهرتنا .. انشهرناا كاافي حمدن الله البيت واسع و ماتطلع فضايحجن للسلف كله .. جااا نسوان تصيح ووووصمخ

اطلعي انتي وياها سوسن جا هي ولية جاية هاده بيت مابيه والي شني

جهاد رجعت قريب الظهر للبيت ارتاح شوي و نروح للمشفى لخاطر ابو نمر ..

طبيت سمعت هوسة النسوان  .. ما تدخلت كونن نسوان

سوسن : انتي لا تتدخلين .. تنطمين و تسكتين .. ياهووو الحجاج حاسبةةة روحج علينةةةة

جهاد : سوووووووسن ..

سوسن ترجع الخمار على وجهها لانها بعدة تطلع تركض

هلةةة خوووية ..

حياة : من الكتل جسمي خدر .. كمت حتى ماحس بوجهي من الالم .. شعري مهلس نصه بالكاع ..
اتاذيت حيل .. بقيت ابجي و هن يتعاركن .. اني شجايبني بنصهن .. ليش هالاختبار ربي اجتي علية البنية

تين : يبنية

حياة : روحي .. روحي منا

تين : شي مني بيها .. اثنينا غريبات لهاذ السبب حسيتها تمسني ولو بشي قليل .. الفرق انا جيت معززة و هي مذلولة .. و هاذ الكاسر گلبي عليها اكثر

انا خيمتي جهاد .. يحبني و عازني .. لان هنا كرامة المرة و عزها من عزة زلمتها .. هي الله الها بس هاذ اكوله ..

جهاد : زينةةة ..

زينة : هلة ..

جهاد : شمالجن ..؟

زينة : انا ما اريد اشوفن هاي هان خووية .. ما اطيقهاااا و لا اواطنهااا

جهاد : فارگي يلله .. فااارگي

و انتي حسج عينج اسمع الكلام الـ كلتي عن تين مرة لخ .. زوجتي و من اهل البيت .. مفهوووووم

سوسن : زوووجتك تحيل بيني و بين بنت جتال زلمتي

جهاد : سوااالف الحريم هاي مااالي شغل بيهااا .. و كلاااامي ماعيده مرتين

سوسن : ع امرك خوية ..

تين : طلعت رحت ع جهاد ..

جيت عمري ..

جهاد : اي ارتاح شوي و اروح لابو نمر

تين : الشيخ طلع .. مر للبيت الصبح

جهاد : هااا ياهوو كاله يطلع .. شماله هااذ .. جدي له خبر

تين : لا ..

جهاد يدخل للغرفة : جددي ..

الجد : هلة ..

جهاد : طالع ابو نمر شني ..؟

الجد : هاا .. جا وينه .. يطلع و انا ماعندي خبر ..

جهاد : تين علمتني .. حسبالي عندك علم

الجد : خويك وين ... دك ع خالك دك ..

صفوان : هي .. مو هي .. هيييي ..! موو هيي .. حياااة .. موو هييي ..

و انا غرگان بوجعي و افكاري الـ بس طاريها من يمر يخربط احوالي .. افكاري عقلي وصل لمرحله ما يصدك عيوني ..

ماحس بدموعي من تنزل و كلما ايقن هي توگف الدنيا بية و ايدي ترجف

خبلتيني شنو انا ما اخلص من اذيتج

اي هي ، هيي .. هي حيااااة

خليت ايديني ع وجهي و انفجرت بالبجي  جنت من زمان احتاج ابجي ..

ابجي خالد .. ابجي حياة .. ابجي حالي

الجد : طالع .. جااا وينه ..؟؟ حتى جهاز ما شايل .. ما تطلع تدور علي .. شمالك مكابلني

جهاد : شمالك بوية زلمة شكبره شكده .. طالع انا ادور ع شيخ ..؟؟؟! لا تخاف تلكي مختنك من المشفيات و دياخذ نفس

حياة : زحفت كعدت مسنوده ع الحايط .. امسح بالدم من وجهي و ابجي من وروم جسمي ..

من الحزن الـ بية مابقى مكان لشعور ثاني .. مبقالي حتى مجال احقد ع هاي الناس .. ماكو مجال للخوف ..

تين : رحت لغرفتي .. سمعت سوسن تنوح بغرفتها .. انقهرت عليها .. ردت اروح بس بالباب و تراجعت .. ماريد اتدخل و اكسر عليها خلوتها .. خلها تبجي و ترتاح ..

غيرت هدومي و نزلت .. صبينا الغدا اني و زينة .. اكل و بالي يم البنية .. ماصدكت كملوا و كلمن راح لحاله .. بقيت الم المواعين

زينة : انتي شجاي تسوين ..؟

تين : الم المواعين .. شجاي اسوي قابل ..؟

زينة : و العروس الـ جبناها .. ليكون عبالها ابيت ابوها

تين : زينو البنية شبعت كتل ابدال متكولين اكلت لا من جابوها لهسه ..؟

زينة : عساها بالموت و انا ياهو مالي بيها .. ذبي من ايدج و عوفي الشغل عليها

تين : خطية والله گلبي مكسور عليها .. خلج بمكانها ترة مو شي سهل فوك الغربة ذل و كتل

زينة : ما انا بمكانها اعوذ بالله شمالج تفاولين علي .. انتي كله عندج خطية شمالج ضدي .. واكفه وية سوسن و هالحقيرة بنت الرخاص الخ

تين : و هسه انتي شحصلتي من كتلتي سوسن ..؟ تغير شي ..؟

زينة : اكتلها و اضل اكتلها اخلي سوالفها بيدها حسبالها نسينا لو انها صدكت حالها دارت زلمتها و راعته .. ولج اهي ذلته جان يتوسل و يدز اوادم حتى ترجع لا بارك الله بيها

تين : صح ادري بس مو تكتليها عوفيها لله شمالج بيها .. و لو انها تستاهل كونن اذت هالمسكينة ..

زينة : اكول بس بس .. عساهن بجهنم .. محد كاسر الخاطر غيرج شايفة كل الناس ع نياتها مثلج

تين : استغفر الله .. روحي انتي فارگي خل اصيح البنية تشتغل يله فارگي ماريد تصير مشكله

رحت عليها  .. شفتها كاعده وية الحايط خالة راسه بين رجليها .. لزمتها جان تفز ..

شبيج .. هاي اني ..

حياة : شتريدين ..؟

تين : وجهها مصبوغ الله لا ينطيج العافية سوسن ..
كومي اكلي شي اكيد ما ماكله ..

حياة : ما اريد مو جوعانه ..

اني معدتي توجعني لان فارغة .. اذتني حيل .. البارحة ما اكلت شي ابيتنا ..

تين : خايبة كومي وجهج اصفر مبين ما ماكلة .. و هم خل اساعدج بالشغل

حياة : كمت وكفت لان ميته جوع ..

شكرا اني اكمل شغلي و ارجع .. بس اريد اغير هدومي

تين : ماشي انطرج بالمطبخ

حياة : لبست الثوب و رحت للمطبخ .. طبيت الم بالمواعين .. هي جامعه نصهن ..

تين : هدي من ايدج .. اكلي شوي ترة توكعين من حيلج هاذ ..

صبيتلها اشوي تمن و مرك خبطتهن و كعدتها ع الكرسي ..

حياة : كعدت اكل .. حلگي مجروح من جوا حيل كام يحركني

تين : ترة انا مرة جهاد ابنهم .. يعني مو بنتهم لتخافين مني

حياة : اكل و هي تحجي .. لا يكون جهاد هذا الـ مو طايق نفسه و لا خياله
هذا هواي عليه تين .. شكول بصل .. ثوم
خليت الخاشوگه بالماعون .. و باوعت عليها ..

منو كالج اني خايفة من احد هنا ..

تين : اقصد من الـ شفتي من زينة و سوسن اليوم ..

حياة : اني من اجيت هنا برضاي .. و اعرف شنو ممكن اواجه .. و مترددت فما اعتقد اكو مكان لشعور الخوف بداخلي ..

كمت الم بالمواعين .. كل مكان بجسمي يوجعني .. الم داخلي و الم جسمي كفيلات يلهن روحي و احير بيهن ..

تين : زين شسمج ..؟ يعني اذا ممكن

حياة : حياة ..

تين بابتسامة : عاشت الاسامي ..

زينة :  هاا شرفتي ..

حياة : نزلت العرمة مرديت لهيت روحي بالزاهي و المي .. و هي واكفه يم الثلاجه تطلع مي

زينة : الشغل كله عليج .. عدا الطبخ ما نريد ناكل من ايد بنت كتال الشيخ ..

شنييي خرررسة احاجييييج ..

حياة : التفتت عليها ..

افتهمت ..

تين : سحبت زينة ..

امشي .. مانريد مشاكل هسه جهاد يسمع و يگلب الامة ..

صفوان : رجعت الظهر للبيت راسي يوجعني و حارة .. طبيت داروح من المطبخ .. شفتها من بعيد واكفه تغسل مواعين ظهرها ع الشباك ..

مشيت بخطوات بطيئة .. مرة بين اصدك مرة بين احسها وهم .. وكفت ع مسافه

ماعندي حيل اواجه و لا طاقة ..

جا ابـ بعدج دمار و گربج دمار .. شخليتي بهاذ الگلب ..؟

رجعت من الديوان طبيت .. لكيت جدي و جهاد كاعدين .. كاموا بوسوني

الجد : هلا هلا .. هلا بالذيب ..

جهاد : شمالك طالع بدون خبر احد ..

صفوان : اختنكت و شفت حالي تعافيت ..

الجد : انا اليوم اذبح ضحية و اوزع لعافيتك ..

صفوان : الله يخليك بوية ..

صفوان : بقيت كاعد اسولف وياهم .. احس البيت فارغ بعده .. الديوان هيبته راحت .. كل زاوية بي اشوفه ..

للعصر نام جدي كمت صعدت لغرفتي ارتاح .. حيرتي بيها و حزني ع خالد ما بقى مجال افكر بشي ..

بقيت متمدد حاير بوجودها .. حاير بشلون وصلت لهنا .. حاير بالقسمة هاي الـ لا ع البال و لا ع الخاطر ..

غفيت ماصحيت الا ع صوت جهاد ..

جهاد : اكعد شمالك .. اكلك لگمة العشا جهز ..

صفوان : يلله جاي ..

نزلت و انا اتگبگب .. اخاف تطلع من اي باب و تشوفني .. كعدت اكل و ما احس باي طعم ..

طلعت ورا العشا برا .. اختنكت ..

شصار بينها و بين معاذ ليش نفصلوا ..؟
هذا الفصل فارگهم ..؟ لا .. لا

جان معاذ گلب الدنيا هنا ..! جان عرف شو ما له حس و لا تدخل ..!

هي من عرفت اني الـ عقدت عليها ..؟ يمكن لهذا السبب اجت فصلية و مأمنه ..!

بقيت كاعد بالسيارة برا .. فكرة تروح بية و فكرة تجي .. الف سؤال و سؤال .. شغلت المسجل ..

مـهـنـد الـعـزاوي : ضـاق الفـضـاء

اصـبحـت اسـتـجدي الـهـواء
لا ابـتــغـي فــقــرا
و لا احـتـاج عـيـش الاغـنـيـاء

لا شـــدنـي صـيـفـا
ولا احـبـبـت شـيـىء فـي الـشـتـاء
لا تـحـتـويـنـي غـرفـتـي
لا انـتـمـي
يــا ربــي مــا هــاذا الــعــنــاء

صـفـوان : ضـلـيـت حـايـر يـابـشر
مــا اعــرف الــي يـلــوگــلـي

مـهـند الـعـزاوي :جــابــوا الــحنــضل والــعــسل
بـيـنـاتـهـن مـا فـرزنـت
مـحـتـاج غـيـري يـضـوگـلـي

عـفـت الـضـحـك لاهـل الـضـحـك
و عـفـت الـفـرح لاهـل الـفـرح
واركــض بــروحــي و مــا گـلـت
هــذا الـــوكــت شـيــعـوفـلـي

اعـمـى وردت چــف يـنـلـزم
مــاردت عـيـن تـشـوفـلـي

حياة : كملت غسل مواعين العشا اكلت اشوي .. مقارنة بغير فصليات يمكن حياتي اهدا .. المهم الشايب ما اخذني زوجه له ..

ممكن اتحمل كل انواع العذاب .. بس انام بحضن رجال ماريده هذا الـ ماعندي طاقه له و لا اتحمله ..

طلعت دا اروح للغرفة .. ماحس بشي بجسمي من طلعت الظهر لحد هسه اني اشتغل .. دامشي بالحديقه سمعت صوت جاي من برا .. اتقربت ع الحايط .. وكفت بين الشجر اسمع

صـفـوان : هــذا انــا
احـتـاجُ نـفـيـاً مـن هـنـا
امـضـي غـريـبـاً عــنــدمــا
ابــصــر زوايــا بــيــتــنـا

مهـنـد العـزاوي : مـا كـان حـلمـي ثـروةً
و الـعـيـش سـنـاً طــانـعـا
مـا كــان حـلـمـي نــزوةً
والغوص في بحر المنى
بل كان حلمي عزتي
لكن رأسي انحنى

مــن شــاف جـنــح الــيـنـكـسـر
مــايـلــگــة شـغـلـة تـعــينـه
و مـن شــاف طـيـنـة هـالبـشـر
مـاچــنـها نـفـس الـطـيـنـة

مـن اجـو گـالـولـي انـعـمـت
مــاگـالـو ايـزيـد الـوجـع
مــن تـنـعـمـي الـسـچـيـنـة

حياة : و اني اسمع للقصيدة كعدت بالكاع و ابجي .. هيجت كل مواجعي

كل كلمه بيها وصلت لاحساسي من الداخل .. حجى كل همومي ..

الـنـاس صـاروا خـنـجـراً
فـي كـل بـحـثـي لـم اجـد
واحــد مـصـفـي الـنــيـة

حـيـاة : ايـقـنـت فـعـلا
انـهـم سـمـوا انـاسـا
بـيـنمـا مـا عـدهم انســانـيـة

احتاج سارق محترف
يـمـي ويـروح الـ اي طـفـل
و مـن عـنـده ضـحـكـة يـبـوگـلـي

صفوان : اسمع و دموعي تنزل .. الالم كمت احسه يجري بدمي .. كل كلمة حجت احساسي ..

حياة : كمت اشهك بالبجي .. اشتاقيت لكولشي قديم بية .. اشتاقيت لحياة القديمة .. حياتي صارت كلها الم و اوجاع ..

انفتحت الباب .. لزكت بالحايط و ضميت وجهي بين ايديني و الحايط .. وكفت دموعي .. و اشكد ينوجع الگلب من نغصب عيونا تسكت ..

مانتبهت منو بس اكيد جهاد .. من راح ركضت للغرفة ..

راسي و جسمي من الالم بس تمددت نمت .. كل هذا اهون من حرب الليل الداخليه بروحي .. يلله انام .. ما كعدت الا ع صوت تين ..

تين : كعدنا من الفجر بكل سنة بهيج وقت نروح للمزارع تغيير جو .. و منها نحصد الي نريده ، نزلت كعدتها ..

حياة .. اليوم نروح للمزارع

حياة : تمام

تين : جبتلج عباية و شيلة .. اتجهزي بسرعه

حياة : كمت لفيت الشيلة ع راسي و رجعتها ليورا عقدتها و نزلت الباقي منا و منا .. لان الشال عذبني البارحه و اني لافته ع راسي و رگبي كل شوي واكع ..

مادري وين راح اروح .. و شراح اسوي بس شيكولون انفذ .. لبست العباية و طلعت

جهاد : جدي ابو نمر وين

الجد : طلع من الفجر كال اشوفن الحصن صارله شهر ما مر لهن ..

جهاد : جا خل نتوكل كلشي جهز .. عماتي كالن بالمزارع ننجمع ..

الجد : يلله بوية .. عجل

حياة : صعدنا بكية  وصلنا مساحات مفتوحة واسعه و خضارة تشرح النفس نزلوا غراضهم و رتبو گعده الاطفال بكل مكان يركضون، اخذن صناديك گامن يحصدن حاجتهن
طماطة خيار باذنجان اشكال
من امد ايدي بين الشتلات اتگبگب .. اتخيل يطلعلي شي ..

تين : كومي اشدلج العباية ع خصرج .. بهذلتج هيج ..

حياة :  ربطتها ع خصري و نزلت مثل التنورة الباف .. بس احسن من هوسة قبل اشوي .. اسحل بيها و تسحبها شتلة الطماطه .. و اني اسحب

لمن و گعدو سوالف و ضحك

تين : تعالي اتريكي

حياة : ما الي نفس

تين : هدي من ايدج اخذنا حاجتنا گومي اكلي

حياة : عادي افتر؟

تين : اي عادي بس لا تروحين بعيد نوب تضيعين

جهاد : هاي ويم مولية

تين : كالت افتر اشوي و ارجع .. خلها يمكن ما شايفه هيج مكانات

جهاد : اكعدي اكعدي ..

تين : نارك و لا جنه هلي ..

جهاد : خايبة اكعدي .. ناري .. جا شمسويلج ..

تين : ماخذ عقليييي

حياة : امشي و بس الخضار كدامي .. روحي نشرحت .. احس براحه مو طبيعية .. وكفت كمت اباوع حولي ماكو احد .. ابتعدت هواي ..

لحظة مردت افكر باي الم .. كمت ابجي بس مو دموع الم .. يدور براسي

انو الله يخلق هذا الجمال كله .. ليش البشر بشعين .. مو همين خلق ايده ..!

صفوان : مريت من الصبح ع مكان الحصونه .. هوايتي ركوبهن .. الي واحد و لخالد واحد ..

جنا اني وياه كلما نختنك و الدينا تضيگ بينا نمر هنا و ناخذهن و نهد الدنيا .. اختنگت بدونه .. ما جنت اتخبل راح اجي يوم و اني مخنوگ بسببه و افضي همي بركوبهن ..
اخذت حصاني و رحت .. وين مادري المهم اهد الدنيا
مرت ساعات .. مريت لمزارعنا ..

جهاد : هاا وينك شيخ .. انزل تريك

صفوان : بالعافية عليكم ..

انتبهت ماكو حياة .. ماتوقع يطلعوها من اول يوم .. شمعرفها بهاي الامور .. رحت امر ع المزارع ..

حياة : بقيت امشي ع كيف .. مادري شنو هذا يشبه الحشيش بس محمل يمكن حنطة .. عالي ..
سمعت صوت التفتت حصان جاي من بعيد ..
يمةةة .. هذا منوو .. كمت امشي ع السريع و گلبي يدك سريع .. اتوب دا اروح لاتجاه ماعرفه المفروض ارجع بس هو وراية صار ..

صفوان : شفتها من بعيد .. شجابها هنا .. هاي تخبلت شنو ..؟ شكد ماشية ..
شردت .. وصلت ليمها نزلت و هي تمشي سريع

حياة : من الخوف كل دم مابية .. شكد سامعه بقصص اغتصاب بالمزارع .. كل هاي القصص اجتي براسي .. هنا اذا اعيط محد يسمع بس الله ..
عزااا بعيني عزاا بعيني شجابني .. بس الافكار السوده ابالي ..

صفوان : ساحب الحصان وراية .. وصلت ليمها مشي .. سحبتها من ايدها

حياة : سحبني .. هايهية لازم اواجه ..انتهيت ..؟ التفتت عليه ..
صفوان .. استغربت بقيت صافنه

صفوان : من شافتني حواجبها التمن سوا

حياة .. انتي شتسوين هنا .؟

حياة : هوو شيسوي هنااا .. ليش هناا و ليش صار گبالي .. انخرست لان شاكول اني حتى نسيت ليش اني هنا .. صح صح هو بصراوي ..

سحبت ايدي منه حيل ..

اتعلم لتلزم اعراض الناس ..

صفوان : فجاءة تعصبت .. مبين متعرف اني رجلها .. شلون مو اسمي بالعقد .. مقرته مسمعت السيد من سالها ..؟؟

اها اتزوجتي معاذ ..؟

حياة : من كال هيج هيج كل الم بية .. كل وجع بية صاح .. اريد ارده مادري عيوني غركن .. لزمت حالي ..

لاا .. و ميخصك .. و انت ابن عرب لتلزم شي مو الك

صفوان : بسلا .. فصلية ابو نمر

حياة : تخبلت شلون عرف .. ماكو شي ينضم بالعرب ...؟

شنو انت ملاحگني ...؟

صفوان : اي ..

حياة : حل عني و خاف ع عرضك ..

عفتها و رجعت ع السريع .. هسه اذا شافنا احد يدفنوني .. اني مو بالمدينة و لا مجتمع منفتح و يفهم .. اني مو ناقصه مشاكل ..

اركض و اخاف يجي وراي .. اركض و گلبي احسه وكف مو سرعه النبض ..

رجعت الهم شفتهم بادين يحصدون راسا رحت ع صندوكي و كمت احصد ..

من حسيت ع روحي و الصار بية .. كمت ابجي .. امسح بدموعي و اشلع طماطه حتى كمت اشلع الخضر مو الحمر ..

عزاا بعيني ..

شمرتهن بنص الزرع .. گلبي ديوجعني .. حيل يوجعني ربي .. ليش هيج .. اريد اعيش العذاب هذا بعيد عن كل انسان صادفته .. ماريد اتعذب ضعف ..

بقينا للظهر و رجعنا .. كل ساعه مرت بية اليوم اني ما عشتها .. لان فاقده الاحساس كليا .. حتى رزايلهم ماسمعها بس ارد اي .. اي

كملت تنظيف بقى البرا .. كمت اكنس و بالي مو براسي طلعت تين علية

تين : الله يهديج مو بهاي تنكنس .. شجاي تسوين

حياة : وكفت .. انتبهت عليها مكناسه و دتكنس شنو الغلط ..؟ راحت من يمي جابت سعفه ..

تين : جيبي هاي .. هااج ..

حياة : ماكو فرق اثنينهن سعف

تين : الاا اكوو ... هاي صغيرة تكسر ضهرج و تعب اكثر .. السعفه احسن ..

حياة : ما اجه ابالي هيج .. اخذتها و كملت كنس هي راحت .. صدوك هاي احسن .. بديت اكنس بالشارع مالت البيت للنص و انتبهت ع دشداشه سوده

اني مدنكه و اكنس بقيت مدنكه مرفعت راسي .. جهاد .. بدت رحمه الله

استعدلت لان لا وخر و لا هجم ..

شهگت من الصدمة .. كمت اتلفت وراية هيج و هيج .. اخاف احد شافه

ااانت شتسووي هنااا ..